versione pdf - Sardegna DigitalLibrary

ILIADE
Bortadu in limba sarda dae
Antoninu Rubattu

© Domus de Janas
Iliade
Bortadu in limba sarda dae
Antoninu Rubattu
ISBN 88 88569 19 9
Prima edizione Novembre 2005
Realizzazione editoriale
Domus de Janas
Via Monte Bianco 54
09047 – Su Planu – Selargius
Tel. 070 5435098 Fax. 070 5434105
www.domusdejanaseditore.com
Disegni di Daniele Conti
Realizzazione grafica
Supporti Visivi
Senza il permesso scritto dell’editore,
è vietata la riproduzione, anche parziale,
con qualsiasi mezzo effettuata, compresa la fotocopia,
anche ad uso interno e didattico.
Stampa e allestimento:
Grafiche Ghiani – Monastir (CA)

A mama
E t’ ‘ido... da-e sempre pilicana,
ma frisca ‘e pizu che rosa d’abrile
sétzida a manu in barra in su giannile
poi caladu sole, a gana a gana
sa Mama ringrassiende soberana
pro su pane, sa paghe ‘e su foghile
a movitia ‘e laras, che bisende,
istragos e dolores olvidende.
T’ ‘ido... e che Andròmaca troiana
ti dia cherrer tando immortalare
cun versos de ammiru, pro ti dare
che a issa mentovu in sa mattana
chi tue puru as dévidu affrontare
da’ s’ìsula Ichnusa a sa Grecana,
a sa terra de Scilla... ma sa mia
no est che sa d’Omero lughe ‘ia!
Ma si t’est su matessi aggradessidu
su fruttu ‘e su suore de degh’annos,
acco’ chi ti l’apporro, presumidu,
déndeti a chizu infustu basos mannos!
Galu una ‘olta mi so attrividu
a bestire a Omero in sardos pannos,
tucchende a Ilione a manu tenta
infatt’a Isse... si nde ses cuntenta!
Antoninu Rubattu-Piga

SA CHISTIONE OMÉRICA
S’Ìliade e s’Odissea sunu sas òperas poéticas pius antigas de
sa litteratura grega. Issas nos condùini a sa gherra de Tròia,
cumbàttida, segundu sa tradissione, da-e s’annu 1193 a s’annu
1184 prima de Cristos, in s’època de mazore isplendore de
sa Grècia, època chi ‘enit giamada “micenea”.
“Cun custos duos divinos poemas – narat s’istudiosu Emile
Mireaux in s’òpera Les poèmes homériques et l’histoire grecque”
– cominzat s’istòria vera de sa Grècia, de cudda
Nassione, ossiat, destinada a mudare s’arte e sa tzivilidade de
su Mundu intreu”.
Chie apat iscrittu custos duos immortales poemas est matèria
chi est bistada sempre cajone ‘e chistiones mannas, mancari,
fintzas da-e sos tempos pius antigos, esseren issos attribuidos
a Omero, poeta tzegu de sa Iònia, campadu tra sos
séculos X e VIII prima de Cristos.
Tale credèntzia istesit cunfirmada puru in su segundu séculu
prima de Cristos da-e Aristarco de Samotràcia, su pius
valente e tzèlebre de tottu sos grammàtigos e filòlogos de
s’antighidade.
Versu su 1600 però, séndesi isviluppada sa filologia cun
mètodos iscientificos, si chirchesit de sustènnere e de dimustrare
chi Omero non fit mai esistidu e chi sos poemas àteru
non fini che òperas de maicantos poetas.
Tale cunvintzione ‘enzesit innanti susténnida da-e su crìticu
de Frantza Hedelin D’Aubignac e da-e su filósofu italianu
Giovanni Battista Vico, e, in s’annu 1795, cun mazore autoridade,
da-e F. A. Wolf, su cale, cun s’òpera sua Prolegomena
ad Homerum, attiresit s’attentzione de tottu sos istudiosos de
fainas antigas documentende sas teorias suas cun sèrios argumentos
istóricos e filológicos, a tales chi “sa chistione omerica”
est bistadu su chertu litteràriu pius importante e appassionante
de su Séculu passadu!
5

ANTONINU RUBATTU
Susteniat Wolf chi s’Ìliade non podiat esser bistada cumposta
da’ unu solu poeta; e unu discìpulu sou, isviluppende e
applichende sas teorias de su mastru, pottesit finas affirmare
chi sa bellesa de 16 de sos 24 càntigos chi cumpònene su
Poema istesin iscrittos da-e poetas diversos e in tempos differentes
unu da-e s’àteru.
Puru s’Odissea, pro cantu in veridade si prestet pius pagu a
èssere divisa in argumentos, est bistada motivu de istùdios
appassionados e meda profundos.
Su tedescu Kirchhoff e sos frantzesos Croiset e Berard
avantzesin issos puru teorias vàlidas in matèria, incontrende
su favore de sa crìtica ‘e su tempus.
Da-e chimbant’annos a cust’ala però, própriu pro su progressu
chi an fattu sos istùdios istóricos e estéticos, s’est sempre pius
gittos a crêre chi “s’Ìliade e s’Odissea, pro s’insoro eternu valore
poéticu, pro sa miràbile coerèntzia artìstiga e ispirituale chi los
sustenet, non poden esser fruttu de accostamentos, bene o male
resessidos, de òperas diversas, ma fruttu, chena pare pretziosu,
de una sola fantasia” (Rostagni). E gai, mancari oe non manchet
(e finas in Itàlia) chie ancora creet a sas teorias de Wolf e de
Kirchhoff, s’est torradu a sustènnere chi Omero est esistidu de
abberu e chi est bistadu isse s’ùnicu e veru Poeta chi at bogadu
a lughe sos duos immortales Poemas.
Subr’a un’argumentu sos tantos Crìticos e Istudiosos oméricos
sun de accordu: siat o no bistadu Omero s’autore de sos
duos Poemas, paret tzertu chi chie l’at fattu no apat inventadu
dae perisse e tott’in una sa cumplicada matèria de s’Ìliade
e de s’Odissea.
In su mundu gregu de tando, mascamente poi in sas colònias
gregas de sas costeras de s’Àsia, sas paristòrias fin de
moda e benian cantadas e sonadas da-e poetas e sonadores
meda aggradessidos in sas règgias de res e prìntzipes o da-e
poetas “improvvisadores” (própriu che-i sos poetas de oe in
Sardigna!) in occasione de sas festas de ‘iddas, in sas piattas.
6

SA CHISTIONE OMÉRICA
Sas impresas de sos Eroes de s’antigòria, sas avventuras fantàstigas,
a boltas ispropositadas, de Deos e de mortales aìan
alimentadu sa fantasia e sa passione de su pópulu, a tales chi
“sa poesia épica” fit diventada sa fromma non solu preferida
da-e sa zente, ma pius nóbile de “poesia nassionale”.
Si podet galu affirmare, chena perìgulu de si faddire, chi su
de iscultare tales istòrias (paris cun s’assìstere a sos giogos
atléticos) fit su recreu preferidu siat da-e sas persones riccas e
istruidas, siat da-e chie fit póveru e chena cultura.
In una situassione de su gènere un’ómine geniale, meda
sensìbile, connoschidore profundu de s’ànimu umanu, de
seguru isse puru poeta, seberesit maicantas de cuddas cantones
e paristòrias, las reunesit in un’ùnicu “corpus” poéticu (sa
gherra de Tròia), las cumponzesit cun pius briu drammàticu,
las articulesit in chentu, milli fattos appassionantes, resessinde
a nde fàghere un’òpera monumentale e immortale,
s’Ilìade.
Pustis pagu tempus, unu segundu poeta, o forsis su matessi
de s’Ilìade, leende argumentu da-e sos contados eróicos e
fantasiosos chi aian pro tema printzipale “sa recuida a domo”
(nostòs, in limbazu gregu) de sos tantos eroes chi aian leadu
parte a sa gherra de Tròia (o Ilione), cumponzesit s’àteru
maravizosu e paris immortale poema, s’Odissea.
7
Antoninu Rubattu-Piga

ILIADE
CÀNTIGU PRIMU
SA BRIGA DE ACHILLE CUN AGAMÈNNONE
Sa briga de Achille cun Agamènnone

Càntigu I
Prémiu “Pedru Casu”
XVII Cuncursu de Poesia Sarda
“Tzittade de Othieri” Annu 1978
SUMMÀRIU
S’invocascione Ottavas 1
“D’Achille, o Musa, s’ira furiosa” 2-3
Crise, satzerdote d’Apollo 4-11
Sa vinditta de Apollo 12-14
Achille reunit sos Gregos 15-16
S’indovinu Calcante 17-25
Sa briga d’Achille cun Agamènnone 26-37
S’ira de Achille 38-47
Nèstore tentat de ponner sas paghes 48-57
Agamènnone si leat a Briséide 58-65
Achille s’invocat a sa mama 66-78
Criséide benit da-e Ulisse cunsignada a su babbu 79-81
Sa festa in onore de Apollo 82-89
Teti pedit e ottenit da-e Giove
sa gràscia invocada da-e Achille 90-97
Giunone brigat cun Giove 98-104
Vulcanu, deus toppu, resessit
a pònnere in paghe a sos Deos 105-113
10

Sa briga de Achille cun Agamènnone
1 Musa 1 de Logudoro, Lughe ‘ia,
su fiancu susténemi benigna
e si ti paret cust’impresa digna
d’Ilione 2 ammùstrami sa via,
pro ch’intendat d’Omero 3 sa Sardigna
s’épica immortale Poesia.
Aggiúami ti prego, o Dea santa,
s’istòria a la contare tottacanta.
2 D’Achille 4 , o Musa, s’ira furiosa
faghe chi nerza a sos Sardos Lettores,
ira pro sos Acheos 5 ruinosa
chi lis costesit luttos e dolores.
Ira tremenda, sa pius felosa,
ch’a sos bàscios de s’Orcu 6 iscurigores,
prim’ ‘e s’ora, che malos muliones
trazadu at maicantos Campiones.
3 E cantos sa troiana disaura
nde lassesit chen’esser interrados,
de samben e piuer saccarrados
a canes e benturzos in pastura,
da-e su die chi si sun brigados
de Atreu sa primagenitura 7
de sos Gregos supremu cumandante,
cun Achille a sos Deos simizante!
4 (Sa chi Zeus 8 a Teti 9 d’accansare
promittesit durissima sentèntzia
degai si deviat avverare!)
Ma istesit d’Apollo 10 sa potèntzia
a los ponner in chertu ambos umpare,
offesu pro sa mala accuglièntzia
chi fattesit a Crise 11 prim’Atreu
addagh’andesit a su campu acheu.
11
S’invocascione
“D’Achille,
o Musa, s’ira
furiosa...”
Crise,
satzerdote
de Apollo

Càntigu I
5 A iscarmentu tando s’Immortale
una peste mandesit, mai ‘ista,
e sa zente moriat, colpu e ista!
chena poder resister a su male.
Neghe sa de su Re sa pius trista
ch’in paragone non b’est s’uguale!
Lettore, non ti ponzas contr’a Deos
ca prestu o tardu rues in anneos!
6 Si fit Crise, adducas, presentadu
a sas naves acheas in peleu,
cun in sas manos s’iscettru doradu
e-i sas bendas sacras de su Deu,
pedinde chi l’aeret re Atreu
Criséide 12 , sa fiza, liberadu.
De su riscattu su preju ammustresit
e implorende pustis isclamesit
7 –O Atrides 13 , o Gregos valorosos,
sa gràscia chi bos pedo m’accansade
e bos fattat s’Olimpu 14 , ‘ittoriosos,
de Priamu 15 leare sa tzittade.
Sa fiza mi rendide e, generosos,
su chi dare bos potto m’atzettade.
Apollo saettante preferide
e s’ira sua, o frades, la timide!–
8 In su l’intender sa pregadoria
sos d’Argo si mustresin accunsentes.
Agamènnone invece in marrania
cun modos rispondesit differentes:
–Cheret, o betzu, chi non ti presentes
a ojos mios un’àtera ia,
ca si la faghes símile attrivida
Deus non b’at chi ti salvet sa vida!
12

Sa briga de Achille cun Agamènnone
9 Bae, ca de la ‘ider liberada
a fiza tua non t’at a resèssere!
In domo la dêt fagher s’imbetzada
a filare cun àteras e tèssere
e cumpagna ‘e lettu m’at a èssere!
Ma tue mezus bae a s’impressada!–
In tempus, su mischinu, arrennegadu
si che fuesit che cane mazadu.
10 In una cala lestru s’appartesit
(sas undas s’intendian sona-sona!)
e a su deus sou s’invochesit:
–O fizu soberanu de Latona 16 ,
mal’offesa s’Atride mi fattesit!
Custa, ti prego, non bi la perdona!
Sminteu 17 sacru, Mere de Tenedo 18 ,
faghemila sa gràscia chi ti pedo.
11 O de Crisa e de Cilla 19 amparadore,
si sos altares de fiores bellos
sempr’adornados t’apo cun amore,
si de crabittos rassos e bitellos
ti dedichei su mezus fiore,
custos disizos m’atzetta noellos:
contr’a s’Atreu, a sas zentes suas,
màndalis prestu sas saettas tuas!–
12 L’iscultesit Apollo su lamentu:
si ponzesit a coddu su turcassu,
lêsit s’arcu de prata e, che bentu
in notte fusca, (faghian fragassu
sas fritzas suas!) in unu momentu
in campu acheu frimmesit su passu.
Daenant’a sas naves si paresit
e-i sos malos trastos imbolesit.
13
Sa vinditta
de Apollo

Achille
reunit sos
Gregos
Càntigu I
13 Da-e sas manos, che malos urùlos,
bessian muidende sas saettas!
Prima ‘occhesit sos caddos, sas acchettas,
annijos, canes, minudàntzia e mulos;
a sos gherreris sas fritzas derettas
boltesit posca e chena piùlos
ruian issos a dogni momentu
che pira fatta cando andat bentu!
14 Noe dies duresit cuss’affogu,
e sa zente curriat in affannos
alimentende fogarones mannos
comente s’usaiat in su logu,
dissipende sos corpos in su fogu
pro bi vittire pius graves dannos.
A sa ‘e deghe, ‘e Peleu su fizu
reunesit sos Cabos a cunsizu.
15 Su de los cunvocare tott’umpare
Giunone 20 bratzinîda l’ispiresit,
piedosa ‘e sos Gregos, cand’ ‘idesit
su bisestru ‘e su deus chena pare.
Comintzesit Achille a boghiare
contra de Agamènnone e li nêsit:
–Cust’est sa ‘olta ‘e che torrare a domo
si pro fortuna l’iscampamos como!
16 A unu satzerdote o indovinu
o de sonnos a calchi intendidore
si preguntet si Apollo divinu
est cun nois in tantu disamore
ca pretziadu non l’amos a puntinu,
e nos nerzat si faghìndeli onore
cun crabas rassas e fiadu ‘onu
podimos isperare in su perdonu!–
14

Sa briga de Achille cun Agamènnone
17 Nêsidi; e de Tèstore 21 su fizu
si peseit, Calcante 22 nomenadu,
de sos profetas su pius famadu
ca connoschiat umore e disizu
de ogni deus, ca l’aiat dadu
Apollo in cuss’arte contivizu.
Cun sos Gregos fit dadu a Ilione
e lis nêsit cun sinnu e cun rejone:
18 –O Achille, de Giove lizu caru,
cheres chi nerza ‘e Febo su disdignu?
E siat. Però tue francu e giaru
de mi difender léati s’impignu
e giura in cara a tottu, chen’imbaru,
chi mai bratzu si m’ ‘oltet malignu!
Ca su chi devo narrer e contare
podet chie cumandat infadare.
19 Addaghi s’inchietat su potente
cun chie tenet débile s’ischina,
a boltas frenat s’ira, ma ‘uddente
la mantenet che braja in sa chijina
fintz’a si vindicare, ohi comente!
Adducas, sa promissa determina!–
«Nara su ch’ischis, nàralu, o Calcante!
–Achille rispondesit a s’istante–.
20 Non timas e ilgiàrilu s’arcanu,
de Apollo ispiega su ‘elenu
e fintzas chi mi restat un’alenu
giuro chi si tenterat su fulanu,
si trattet de amigu o de anzenu,
subr’ ‘e a tie d’altzare sa manu
diat connoscher mala lescione,
si puru esserat isse Agamennòne!»
15
S’indovinu
Calcante

Càntigu I
21 S’animesit Calcante e nêsit gai:
–No est Apollo cun nois offesu
pro calchi trascuràntzia, simmai
pro aer prim’Atreu 23 disattesu
de Crise satzerdote s’arguai!
Chena sa fiza, dispididu attesu
ch’istesit su preìderu, a minettas!
Ajalla sa cajone ‘e sas saettas!
22 Cheret chi prima ‘e tottu liberedas
sa giovanedda e chena su riscattu,
depustis chi su Deus onoredas
cun sacrifìtzios de bell’apparattu.
In mezus fintz’a tando non pensedas!–
Ira mala, Agamènnone d’iscattu
si peseit cun ojos che tittones
e cun su coro in milli buliones:
23 –Profeta ‘e disauras, chi ‘essidas
ti sian mai da-e cussa ‘ucca
paràulas a mie aggradessidas!
Che mandrone ti nd’istas a s’accucca
badaciende fàulas bordidas!
Ma bales cantu ‘alet una tzucca!
Duncas Apollo si ch’est annuzadu
c’a Crise no ap’ ‘eo pretziadu!
24 Ma deo ‘e la trattare che segnora
cantu e pius de Crise pensaia,
ca in bellesa, inzegnu e maestria
e in sas artes d’intro ‘e domo ancora
podet cumpeter cun muzere mia 24 !
Ma s’est cussa sa neghe, a sa bon’ora!
Sa paghe ‘eo disizo cun su Deu
e non sa morte ‘e su pópulu meu!
16

Sa briga de Achille cun Agamènnone
25 Torret a babbu sou in podestade
Criséide, s’est cussa sa cundanna!
Bois però, in s’ora, ammanizade
pro su chi perdo ricumpensa manna,
ca no est giustu ch’una sola gianna
si tzocchet cando b’at netzessidade!
Si su dannu, o Gregos, bos pretendo
est ca est prenda rara sa chi rendo!–
26 Rispondesit Achille furiosu:
–Cale sienda ti nde dên battire
sos Acheos o prémiu dignitosu?
Ricchesas non nde restan de partire,
ne crêo siat tantu giudisciosu
sas ch’amos a las dever reunire!
Una cosa est ladina solamente:
arrancanadu ses cantu potente!
27 Prîte sa giovanedda non l’imbias
pro chi tzesset Apollo sas mattanas?
E si leamos sas terras troianas
da-e nois as aer regalias
maicantas, a tres e battor bias!
Asi cherfan sas Ghias soberanas!–
Nêsit su Re: –Achille, a mi trampare
non ti cumbenit, mancu a bi proare!
28 Tue, adducas, sa tua ti la tenes,
sa mia invece la cheres libèra!
S’arrejonu est cussu e lu sustenes!
Ma si partit sa bella presonera
e non mi dades cumpensu de benes
faghimos in cust’àtera manera:
una ‘e sas bostras féminas mi leo
pro chi sentza non reste solu deo!
17
Sa briga
d’Achille cun
Agamènnone

Càntigu I
29 Si cunsentes non sezis a la rèndere,
deo matessi b’ando a la leare
e si diat debadas rebellare
chie toccherat a bi la pretèndere!
Lassamos como de chistionare,
ca prus su Deus si podet offèndere.
Una nave in mare che ponide
e a Crise sa fiza li rendide.
30 Puru imbarcadebe-i unu masone
e l’iscannades pro Apollo, intreu.
Siat Ulisse 25 o Idomeneu 26
a lu leare in manos su timone,
o Aiace 27 o tue in persone,
o fizu tremendissimu ‘e Peleu!
Ca s’eroe l’invocat pius mannu
crêo chi Febo lu tzesset su dannu!–
31 Lu miresit Achille a oju tortu
nêndeli: –Isbirgonzadu, coro ingratu,
ello pro custu t’amos postu fattu,
pro nos brivare de ogni cunfortu?
Sos de Prìamu fattu non m’an tortu,
ne mandras m’an furadu e ne recattu,
ne caddos si ch’an giuttu, ne brujadu
sos laores ch’aia semenadu!
32 Lontana da-e Tròia ch’est Fitìa 28
e mare e montes b’at postos in mesu!
Si so inoghe est pro sa bramosia
ch’as tue ‘e t’arricchire e ca offesu 29
t’ana su frade in sa carre ‘ia!
E oe, cara ‘e cane, m’as pretesu
ch’in manos tuas renda su fiore
chi m’est costadu sàmbene e suore?!
18

Sa briga de Achille cun Agamènnone
33 It’àteru m’as dadu pro cuss’arte?
O si ruerat sa ‘idda ‘e Priàmu
m’illudo chi mi fattas bona parte?
Su caddu a tie, a mie su camu
e chi mi nd’iste cuntentu a disparte!
Bae chi non b’abbucco a-i cuss’amu!
A mie toccan sos pesos mazores,
a tie sas ricchesas, sos onores!
34 Mezus a domo in presse a recuire
ch’istare inoghe in mes’a ispeazos
unu Re miseràbile a servire
chi ricumpensat cun malos limbazos,
ne cunsiderat fadigas e mazos!
Tando est pro te chi devimos patire?–
«Fue, –isclamesit tando Agamennòne–
si l’aggradessis fue da’ Ilione!
35 A ti lingher non bi penso nemmancu,
ca che a tie eroes coraggiosos
àteros mi sustenen su fiancu
de m’onorare in tottu disizosos
e Zeus prim’ancora! Ma so francu:
de cantos nde connosco ‘e valorosos
ses da-e me su pius abburridu,
ca ses afferradore inferotzidu!
36 Forte ses tue che chentu leones,
ma bantu non nde fattas, ne mentou,
ca no est tzertu pro merìtu tou,
ma pro divinas cunsiderassiones!
Fue a Fitìa, bae...a bonu prou
sighi a esser su Re ‘e sos Mirmidones 30 !
De te m’importat nudda e de sa fua!
Iscas chi la disdigno s’ira tua!
19

S’ira de
Achille
Càntigu I
37 Si bi la rendo sa fiza a Criseu
inte’ sa ricumpensa chi mi leo:
da-e sas tendas tuas, propriu deo,
t’apo a leare su lizu ‘e Briseu 31 ,
pro chi t’abbizes cantu prim’Atreu
podet pius d’Achille, e gai, crêo,
àtere non bi proat che a tie
a ponner cuntierra contr’a mie!»
38 Felosu fit s’affrontu e provocante!
Da-e s’ira a Pelide coro e mente
s’infiamesin che paza a s’istante!
Duas bideas l’ ‘enzesin repente
ambas tremendas, in chertu costante:
giomper deviat a su prepotente
cun s’ispada e su pettus trapassare
o su coro in tempesta asseliare?
39 In cancalleu tra ira e rejone
istesit cun sa mente sol’appena,
ca oramai, che riu in piena,
fit pius forte sa tentassione
d’aer cun isse suddisfassione!
Lêsit s’ispada... ma Minerva Atena 32
che lampu da-e Chelu nde falesit
e s’arma in sa baìna li frimmesit!
40 Da-e Giunone istesit imbiada,
c’a tottos duos teniat amore.
Invisìbile a tottu in s’isplendore
da-e segus a palas s’est bettada.
Nde tremesit Achille a sa girada,
ca da-e ojos framas de lugore
bios che sole e puros che sa luna
l’ ‘essian a sa dea tott’in una!
20

Sa briga de Achille cun Agamènnone
41 E nêsit ispantadu: –Dea Santa,
poi ch’as sa limba malaitta intesa
de sa d’Atreu superba pianta,
s’ispada mi trattenes? Ma s’offesa
pagare mi la devet tottacanta!
Isculta, o Mama: s’in cussa pretesa
sigherat isse, giuro chi sa sorte
non li reservat àteru che morte!–
42 «Frènala s’ira ch’est mezus, o fizu,
–s’ojuasulina nêsit in risposta–
Giunone m’at mandada, a bell’apposta,
ca de ambos at issa contivizu.
Ruer la lassa s’insana proposta
e l’accuntenta su divinu Lizu.
Pro su chi ti an fattu tristu abusu
as aer prètzios tres boltas de prusu!»
43 E Achille: –Ite cheres chi ti conte?
Mancari mannu su dispiaghere
a ponner mente est mezus chi m’appronte!
Ubbidire a sos Deos est dovere
e caru a Issos est chie sa fronte
abbàsciat a s’insoro piaghere.–
Nênde gai s’ispada remunesit
e Minerva a s’Olimpu che pighesit.
44 Ma tzessada non fit sa cuntierra,
antzis Achille, partende a s’attaccu:
–Ojos de cane, isbirgonzadu, maccu,
mai corággiu as mustradu in gherra
e faeddas d’eroes? Ma s’afferra
sempre as vittidu che chervu vigliaccu 33 !
Cosa est pro te prus fatzile e segura
su d’istare cun nois fura-fura!
21

Nèstore
tentat de
ponner sas
paghes
Càntigu I
45 Débiles sunu e viles sos Acheos
chi ‘alian su perfidu tirannu!
Si no pagadu l’aias su dannu,
ùltimu tragu de sos tantos feos!
Su chi ti dao avvertimentu mannu
com’isculta, testimonzos sos Deos:
in custa gherra at a benner sa die
ch’imbenujadu t’invocas a mie!
46 T’imbenujas sì, beru comente
rebuddos non dat prus custu bastone,
ne fozas, flore e fruttu in s’istajone
ca l’at mutzadu ‘istrale tagliente
e ch’est signale de devossione
a sa legge ‘e s’Olimpu onnipotente,
cando s’Acheu l’istringhet in manu
rispettosu de Zeus soberanu!
47 Non crêo contr’a Èttore 34 assassinu
chi limba e furas ti dian cunfortos
o sas fortzas, si puru nd’as in sinu!
Cand’as a bider sos cumpagnos mortos
ti l’as a forfigare s’istentinu
pensende a mie, ch’in àteros portos
invece mi l’ispasso in mezus sorte,
ca tue l’offendesti su prus forte.
48 Nêsit; e su bastone, a chìscios d’oro,
furriesit in terra e a si sêre
torresit in disdignu e malu coro.
Atride fit già prontu a rispondère,
biaittu, chena pius decoro,
ma si pesesit de Pilo su mere,
Nèstore 35 , in faeddare sapiente,
de sos Gentiles su pius prudente.
22

Sa briga de Achille cun Agamènnone
49 Sende antzianu ‘e tres generassiones
l’aian tottu in bonu cunsideru.
E nêsit: –Deos, custas chistiones
cantos dannos pro Argo e disisperu
an a costare! E si nde lean seru
sas de Priàmu populassiones,
cale cuntentu dên issas proare
in s’ischìrebos como contr’a pare!
50 Si si brigan sos mezus gherradores
comente l’ottenimos sa vittòria?
Sas beffes nd’amos aer, no sa glòria!
Non los fattedas sìmiles errores,
bene bos l’imprimide in sa memòria!
Giagh’in annos de me sezis minores
bos servat custa ‘oghe d’iscièntzia,
ca prus de s’oro ‘alet s’isperièntzia!
51 Cantos eroes mannos connoschei
pius fortes de su prus forte acheu!
Cantas cosas da’ issos imparei,
da-e Driante, Piritò, Ceneu,
da’ Polifemo, Essàdeu, Teseu 36 !
Gherrende cussa ratza la ‘idei
cun sos mostres Centàuros 37 felosos
e bessìrende sempre ‘ittoriosos!
52 Ite cunfortu su los emulare
cando cun issos bi capitaia!
Deo sa parte mia la faghia
pro poder su rispettu meritare
e cuddos lêsin puru a m’istimare
s’a boltas calchi parrer lis daia!
E bois puru in s’ora m’iscultade,
ca nd’amos aer manna utilidade!
23

Càntigu I
53 Apas tue, o Atride, prus prudèntzia;
sa giovanedda non bi la pretendas,
déchidu fruttu de gherras tremendas!
E tue, Achille, cheret ch’in potèntzia
cun re Agamennòne non cuntendas,
ca bi la desit s’Alta Onnipotèntzia,
beru comente Teti soberana
at dadu a tie forza subrumana.
54 Adducas frena s’ira, Agamennòne,
e galu Achille la tzesset luego,
isse ch’in custa gherra, non lu nego,
est de tottu su mezus campione.
O fizos, m’obbedide, bos nde prego,
ca solu goi ruet Ilione!–
«Boghe santa est sa tua, o sapiente!
–Atride rispondesit prontamente–
55 Ma custu at in presumu sutt’a pêse
de nos ponner, che viles presoneris!
Suttamìttere prìntzipes e rese,
fagher isciaos sos mezus gherreris!
Chi deva cumpatire tue crêse?
S’ ‘uccone non che falat volenteris!
Si forte l’ana fattu chena pare,
non pro cussu nos devet molestare!»
56 «Si a tie ancora m’abbasciera,
–Achille abboghinesit in disdignu–
vile e mettanzu ‘e sa peus manera
dia esser, ca tue non ses dignu
de m’esser re! Adducas cudd’impignu
isoltu, o superbu, cunsidera!
Oe mi leas su ch’eris m’as dadu?
Ma lu pianghes che malefadadu!
24

Sa briga de Achille cun Agamènnone
57 Lèala a Ilione, proa, tenta!
Su re ses tue e tenes balentia!
Ma non b’intras però in partimenta
de sas ricchesas de sa nave mia.
Manc’una parte leas, una ebbia!
Si la cherferas pustis, t’ausenta
mezus inoghe, si no s’attrivida
la pagas tott’in una cun sa vida!»
58 Tzessada tanta briga, recuesit
a sas tendas cun Pàtroclo 38 Peleu
e cun sos suos, mentres prim’Atreu
fintz’a sa nave che l’accumpagnesit
a Criséide, lizu chena neu.
Ulisse a su timone si ponzesit
e, boes e anzones garrigados,
da-e Crise tucchesin impressados.
59 Chi s’esseren in s’unda de su mare
innettiados da’ ogni bruttura
cumandesit su Re e chi cun cura
seddalittos e crabittas umpare
aeren arrustidu, pr’onorare
a deus Febo tottu in conzuntura,
e chi pigadu a chelu cun su fumu
esserat de s’arrustu su profumu.
60 Frimmu in sa pretesa, intantu Atride
duos imbasciadores, chen’isviu,
mandesit a sas tendas de Pelide
a Eurìbate e a Taltibiu 39 ,
nêndelis: –Bazi como e mi nd’ ‘attide
su de Briseu prus déchidu chiu!
S’a bois la negheret e b’and’ ‘eo
a paràulas solu non m’arreo!–
25
Agamènnone
si leat a
Briséide

Càntigu I
61 Nênde gai, los fattesit partire
e-i cuddos, mancari a discuntentu,
tucchesini, pensende a su momentu
chi li devian s’isclava pedire.
Lêsini costa-costa e a b’arrivire
non bistentesin a s’accampamentu.
Sétzidu fit Achille, in chizos grave,
fora ‘e sa tenda e accurtz’a sa nave.
62 In su los bider si pesesit reu,
mantenzéndesi calmu in apparèntzia,
e issos, cumprendìndeli s’anneu,
cagliésini appenas in presèntzia,
timizosos in prus de s’imponèntzia
de su fizu de Teti e de Peleu!
Ma lis nêsit s’eroe forte-bratzu,
boghendendelos da-e s’imbaratzu:
63 –Saludu! Avantzade, imbasciadores
a Zeus sacros e a sos mortales!
Neghe non nde tenides si dolores
m’annuntziades sos pius fatales.
D’unu solu est sa culpa ‘e tantos males,
de sos d’Atride pérfidos umores!
Tue puru, o Patròclo, los cumpati!
Bae, e sa giovanedda nde lis batti!
64 Ma bois testimonzos mi siedas
daenant’a sos Deos soberanos:
si puru, imbenujados, m’invochedas
in s’ora de s’attaccu ‘e sos Troianos,
mai e poi mai da-e custas manos
aggiudu, o Acheos, isperedas!–
Briséide intantu, cara ‘e rosa,
fit già partinde trista e dolorosa.
26

Sa briga de Achille cun Agamènnone
65 E si girait versu su padronu
cun ojos d’anzonedda su fiore,
cherinde narrer: –Mere meu ‘onu,
si mi che mandas non mi as amore!–
Ma de Briseu s’ìnnidu lugore
non lu podiat cumprender a tonu!
E làgrimas, che abba da’ sa ‘ena,
l’ ‘essesin a Pelide pro sa pena.
66 A una cala pustis, solu-solu,
s’incaminesit a Teti invochende.
«O mama cara, –l’istaiat nênde–
chi partoridu m’as cun pena e dolu
pro paga vida 40 , nessi su consolu
d’un’esistèntzia eróica mi rende!
Si fit cussa ‘e sos Deos sa sentèntzia,
prîte mi faghen como prepotèntzia?
67 S’istesit in s’Olimpu decretadu
chi deo vida curtza aère tentu,
pro cunsensu divinu ogni momentu
devia esser in vida onoradu!
Como, invece, unu Re conchiluadu
contr’a mie leadu s’at appentu
e proibidu m’an de mi difèndere,
ca calchi Dea si podet offèndere!»
68 Sétzida cun Nereu 41 fiancu a pare
fit Teti in sas intragnas prus profundas
de s’Oceànu e da-e sas undas
a fora nde saltiesit de su mare,
nênde a su fizu, in lu carignare:
–Fiore istimadu, ello prîte aundas
custas abbas cun làgrimas de fogu?
Sa cajone mi conta ‘e tant’affogu.–
27
Achille
s’invocat
a sa mama

Càntigu I
69 «S’istòria la connosches, mama e Dea!
–li rispondesit Pê-velotze 42 in s’ora–
Cando a Ezione 43 in sa Tebea 44
destruemis sa ‘idda intro e fora,
sa ricchesa li lêmis tott’intrea
e sas piseddas prus bellas ancora.
Ogni cosa ponzemis a cumone
e la partemis cun pretzisione.
70 A Criséide apesit prim’Atreu,
sienda chena pare pretziosa.
Ma, pedinde sa fiza virtuosa,
si presentesit da’ isse Criseu.
Ricumpensa daiat valorosa
e invochesit su pópulu acheu,
ma prus de tottu a re Agamennòne
ch’aeret d’unu babbu affriscione.
71 Ma sos regalos e-i sos pibios
su coro de s’Atride non tocchésini!
Sos Acheos cunsentes si mustrésini
approvende sos argumentos mios,
ma de su Re sos insensados brios
de Apollo sas iras provochésini,
tales chi pro sa mala accuglièntzia
nos mandesit tremenda pestilèntzia.
72 E sa zente moriat notte e die
da-e fruscas saettas trapassada!
Infinis sa faina ispiegada
da-e Calcante ch’istesit gasie:
sa giòvana cheriat liberada
Arcu ‘e Prata e tocchesit a mie
a bi lu narrer! Ma su Re, crebadu,
che cane contr’a mie s’est boltadu!
28

Sa briga de Achille cun Agamènnone
73 Sa chi mi fit toccada prella rara,
sa de Briseu prus càndida luna,
como mi leat! Oh, triste fortuna!
Ma tue chi lu podes, mama cara,
da-e Zeus che piga tottu in una
e comente cumbenit bi lu nara
chi vìndichet s’onore a fizu tou,
ca già b’istesis a fiancu sou!
74 E cando cun propósitos insanos
tentesin Giuno, Minerva e Plutone
de lu ligare a Giove, sos marranos!
sola tue giamesti a Egeone 45 ,
zigante Briareu ‘e chentu manos!
E gai li salvesti sa presone!
Su fattu a s’Eternu li ammenta
ch’in dogni gana ti faghet cuntenta.
75 Pédili chi connoscan oras graves
sos d’Argo da’ Ettòrre furiosu,
chi che los catzet finas a sas naves,
chi bisestru nde fattat orrorosu,
chi non gosen pius dies suaves,
pro ch’iscan ch’unu Re malu e felosu
est su chi los cumandat e chi cara
paghen s’offesa chi m’an fattu insara!»
76 «Fizu carrale, prîte t’allevei,
–Teti li rispondesit lagrimende–
si sa vida infelitze chi ti dei
e ch’oramai a finis est benzende,
pibiosa la passas e suffrende?
Mal’istella cando ti cuntzepei
s’istaiat subr’a su lettu meu
si tristu aesti su destinu e reu!
29

Criséide benit
da-e Ulisse
cunsignada a
su babbu
Càntigu I
77 De s’Olimpu a sas chimas beneittas
però bi ando, o fizu disdicciadu,
e sas ch’invocas penas malaittas
las pedo a Giove, resta consoladu!
Ma Isse, cun sos Deos ch’est tuccadu
da-e sos Etiòpes in visìtas
e torrat a s’olìmpica dimora
solu a sa doighésima aurora.
78 In disparte ti nd’ista fintz’a tando
cun sos soldados in sas tendas tuas.
Passièntzia est sa chi ti cumando
e as a bider chi sas gràscias suas
las ottenimos appenas bi ando.
Zeus t’aggiuat si tue t’aggiuas!»
Tucchesit tando, ma sa limba ‘e mele
non l’addulchesit in bucca su fele.
79 In su portu ‘e Crisa 46 d’approdare
Ulisse in cuss’ora fit chirchende:
accurtziesin sa nave, remende,
finas a su molu a s’accostare,
bettésini sas àncoras in mare,
pigiésini sas velas e, sighende,
poi d’aer sos trastos assentados
nd’isbarchesin sos chìbberos fiados.
80 In s’ispiàggia, in turmentosu isettu,
si nd’istaiat Crise solu-solu.
Lu ‘idesit Ulisse e, cumpletu
cumprendinde ‘e su babbu s’oriolu,
de li dare pensesit su consolu.
Falesit da’ sa nave e cun affettu
sa bella giovanedda li porresit
e-i custas paràulas li nêsit:
30

Sa briga de Achille cun Agamènnone
81 –Prim’Atreu mi mandat a ti rèndere,
o betzu sapiente, a fiza tua.
Cumandat puru sa potèntzia sua
a Febo d’onorare, pro ch’offèndere
pius non cherfat cun mortale lua
cantos an bistentadu a lu cumprèndere.–
Lêsit sa fiza Crise cun amore
a pettus istringhinde su fiore.
82 Preparesin s’altare, sos fiados,
su farre sacru a sos Soberanos,
pustis si samunésini sas manos.
Cando tottu si fin purificados
nêsit Crise: –O Apollo, giaghi vanos
sos pregos mios non sun resultados,
m’accuntenta in sa gràscia chi ti pedo,
Segnore e Deus de Cilla e Tenedo.
83 Su chi lis imbiesti triste affannu
lis agabba a sos Gregos, sias bonu!
Cunzedibilis lestru su perdonu
pro chi non nd’apan àteru de dannu!–
L’iscultesit Apollo e a tonu
rispondesit, tzessende su malannu.
Cuntentos tando a l’ammanizare
lêsin sa tzerimònia tott’umpare.
84 Prima sos animales iscannésini:
anzones, crabas, tràilas, noeddos.
Lis boghesin su corzu e a bicculeddos
cantu petta b’aiat appetzésini.
Cun arrodados ferros e burteddos
s’ozu de sos trippales nde seghésini,
galu pensende de l’imboligare
a sas còscias pro mezus coghinare.
31
Sa festa
in onore de
Apollo

Càntigu I
85 Cantos de petta, ispidos, ispidones
ponzesin in sas brajas a puntinu.
Ma cumandesit Crise a sos garzones
de bi cóghere innanti su ziminu
e de lu presentare a sas persones
appena cottu. Isse cun su ‘inu
s’arrustu de continu insaboriat
a manu a manu chi lu giraiat.
86 Manighende e buffende in cumpagnia
bistesin totta die, suddisfattos
d’esser torrados in bon’armonia
cun Apollo e cun Crise. Infinis, fattos
pienare pro un’àtera ia
sos tatzones e cantende cumpattos,
onoresin su Deus cun decoro,
chi nde restesit toccadu in su coro.
87 Appenas da-e Crise dispididos,
tucchesin a sa nave a reposare,
ca s’intendian in tottu sonnidos
e ca ischian de dever pesare
chitto s’incras. E cando, cun sos didos
suos de rosa, Eos lumenare
cherfesit su manzanu, s’ischidésini
e a remare, lestros, si ponzésini.
88 No istésini meda a recuire,
ne lis costesit fadiga e suore,
ca lis mandesit Apollo a favore
unu ‘entu, chi faghiat currire
sa nave bola-’ola che astore.
Sas undas s’intendìana tinnire
contr’a sa prua a su sona e tzocca
che cando s’iscuderan a sa rocca!
32

Sa briga de Achille cun Agamènnone
89 In crebu e in disdignu peristantu
in s’ispiàggia Achille s’istaiat.
A parlamentu prus no andaiat,
ne a gherrare, ca s’ódiu fit tantu
contr’a s’Atride! Gai passaiat
tristas sas oras, sovente in piantu,
solitàriu, a manos in manu,
da’ su chi bramaiat a lontanu!
90 Cando sa doighesima aurora
s’acceresit in chelu, indeorende
sa terra e-i su mare, tottu in s’ora
acco’ da’ s’Etiòpia recuende
sos Deos a s’olìmpica dimora.
Si nd’abbizesit Teti, ch’isettende
fit pro pòdere a Zeus faeddare
e in presse nd’ ‘essesit da-e mare.
91 A bolu in un’iscutta che pighesit
da-e s’eternu Mere soberanu.
Sétzidu in unu monte l’abbojesit,
a su solu che un’eremitanu.
Sos benujos innanti l’abbratzesit,
li carignesit s’arva cun sa manu,
poi implorende nêsit: –Babbu mannu,
m’isculta e mi sulena cust’affannu!
92 Si mustradu ti apo affriscione
cantu e pius de tantos, como pensa
de mi torrare bona ricumpensa.
Cheret chi dias suddisfassione
a fizu meu, ca offesa immensa
retzidu at da-e re Agamennòne!
Pro sa chi l’est fuinde curtza vida
cuntzédili sa gràscia ch’at pedida!
33
Teti pedit
e ottenit
da-e Giove sa
gràscia
invocada
da-e Achille

Càntigu I
93 Sa fémina prus cara l’at furadu
s’Atride, coro ‘e cane, a fizu meu!
E si la tenet! Ch’ ‘enzat vindicadu
como ti pedo s’onore ‘e Peleu!
Faghe chi siat s’esércitu acheu
da-e sos Dardaneos maselladu,
pro chi torren sos Gregos tott’unidos
a li pedire aggiudu, penentidos!–
94 Gai nêsit sa Dea; e sicomente
chie guvernat su lampu e su tronu
non rispondiat pro male o pro bonu,
ma s’istaiat mudu, indifferente,
che cando esseret isse in attontonu,
aggiunghesit: –O Babbu onnipotente,
non timas a rispòndere! O mi cuas
chi non so paris a sas fizas tuas?–
95 E suspirende Giove, a boghe bàscia:
–Cosa est sa chi mi pedis odiosa,
chi a muzere mia permalosa
su cherveddu li ‘ogat da-e càscia!
No est pro ti negare cussa gràscia,
ma Giunone, a brigas, tirriosa
istat cun megus da’ manzanu a sero,
ca nâchi a sos Troianos los prefero!
96 Bae però in presse da’ inoghe,
ca si s’abbizat de calchi faina
galu tue l’intendes cussa ‘oghe!
Bae cuntenta e cunfida, o divina.
Cómpitu meu est chi mi los gioghe
sos Gregos, pro los ponner in ruina;
e chi custu si devat avverare
ti cherzo cun sa conca 47 cunfirmare!–
34

Sa briga de Achille cun Agamènnone
97 Chinnit sa conca in promitter intentu
sa tremenda giustìscia su Deu
e traballat su monte tott’intreu
da-e sas chimas a su fundamentu.
Tétide tando cun coro cuntentu
si che tuffesit in su Mare Egeu,
e s’Eternu, cumprida sa faina,
a sa dimora torresit divina.
98 A su cumparrer, da-e sas cadreas
doradas si pesesin tott’umpare
sos Deos soberanos e sas Deas
e l’andesin incontra a l’onorare.
Ma Giunone sas matessi ideas
non teniat, ca ‘idu arrejonare
l’aiat cun sa ninfa pêibianca 48
e detzisa li nêsit giara e franca:
99 –Cun cale deus, o mastru de trassas,
issara fis bordinde ingannu nou?
Sempre mi cuas su disignu tou
e chena cunfidèntzias mi lassas!
Faghes, disfaghes, andas, ti l’ispassas,
non t’importat de me, mancu a mentou!–
E Zeus: –Non m’est gosu su t’offèndere,
ma dogni cosa non podes cumprèndere!
100 Si deo in giudicare so su mere
tottu sas cosas non podes ischire!
S’iscontzare fainas o cosire
toccat a mie, anzis m’est dovere,
giaghi finas sos Deos in bordire
tramas ingiustas lean piaghere!
Su ch’est lìtzitu ischire l’ischis prima,
ca no est beru chi non t’apo istima!
35
Giunone
brigat cun
Giove

Càntigu I
101 Ma chistiones b’at chi valutare
dev’ ‘eo in segretesa, deo ebbia,
chi non potto a niune cunfidare
mancari siat sa pobidda mia!
Adducas, pensa de nde la tzessare
ch’est a ponner debadas marrania!–
Ma Giunone prus de prima acuta:
–Assiat chi ti das mai de sutta!
102 Agra pius de sempre sa preletta
dimustras oe déndeti rejone!
Da-e tempus mi nd’isto ‘ona e chieta
chena fagher peruna chistione;
non do infadu, cada detzisione
rispetto siat cónchina o deretta!
Ma como in coro, che puntura d’arza,
mi brujat s’imbisita ‘e sa majarza!
103 It’as promissu a Teti? Mi lu nara,
ca promissa bi l’asa calchi cosa!
Inghènias non tentes, ca issara
bidu ti apo umpare a sa dengosa!
Totta carignos, a manos in cara,
pedidu ti at sorte ruinosa
pro sos Acheos (no est forsi isattu?),
pro chi siat Achille suddisfattu!–
104 E Zeus de pius irrechietu:
–Mai las tzessas sas malignidades!
Como bastat però cun su suspettu.
Mezus rispetta custas volontades,
giagh’in cara mi leggis su segretu,
ca sun pro te e tottu veridades!
Duncas càglia e setzi, isculta a mie,
ca si ti leo a tzuffos, coltz’a tie!–
36

Sa briga de Achille cun Agamènnone
105 Timìndelu che frea, sa dechida
sos ojos mannos suos abbasciesit
e a si sêre in presse si tucchesit
in s’onore e in s’ànima ferida.
Male dogn’Immortale bi restesit
in su la ‘ider trista e avvilida;
ma Vulcanu, frailarzu ‘e ispantos,
nêsit pro sulenare a tottucantos.
106 –S’istare gai a s’afferra-afferra
indecorosu est pro a nois tottu!
S’istamos die e notte in cuntierra,
pro sos mortales sempre in abbolottu,
finimos nois a nos fagher gherra
e de sas festas perdimos s’annotu!
O giambamos, crêide, sa manera
o adiu a sa paghe pius vera!
107 Léalu a Giove, o mama, cun amore,
sias cun isse sempre cara e bona,
ca si cheret s’olìmpicu Segnore
nos nd’ ‘ettat tottucantos da’ sa trona,
ca nemos che a Zeus nd’at de pôre!
E tue, o babbu santu, la perdona
si a boltas avantzat in faeddos,
ca non punghen memmancu che burteddos!–
108 Poi, torrende ancora a mama sua,
porréndeli una coppa, a boghe lena:
–Si sighis gai a ti dare pena
pius crebu nd’as aer e antua!
Rejone nd’asa, ca non ses anzena;
però comente fatto a s’ala tua,
si ti mazerat, –nâmi– a mi parare,
s’est chi nemos lu podet cuntrastare?
37
Vulcanu, deus
toppu, resessit
a pònnere
in paghe a sos
Deos.

Càntigu I
109 Una ‘olta, già l’ischis, bi proei
a lu contrariare... e fit pro te!
Da-e s’Olimpu, lêndemi a unu pe’,
mi ch’imbolesit lestru e rodulei
totta sa die e solu mi frimmei
a s’ ‘occhida ‘e su sole, ohi de me!
Sos Sìntzios 49 , pius mortu che biu,
piedosos mi nd’ana regogliu!–
110 Nêsit; e toppi-toppi coitende
pienesit de nèttare 50 Vulcanu
sas coppas, da-e destra comintzende.
Una matta de risu beffulanu
si fattesin sos Deos, rimirende
s’arte ‘e su tzilleraju ‘e prima manu!
E, torradas sa paghe e s’allegria,
festesin fintz’a notte in cumpagnia.
111 Su de Febo armónicu istrumentu,
de sas Musas sas raras melodias,
pius dulche sa festa chentu ‘ias
rendesin e dognunu prus cuntentu.
Pustis cando su Sole in ausentu
ponzesit sas fiamas suas bias,
recuesin sos Deos tott’umpare,
ca si dên finas Issos reposare!
112 In palattos de oro e de attarzu
chi lùghene che sole in die bella
viven sos Deos, sempre in gautella!
Òperas de Vulcanu frailarzu
chi sos metallos, che unu majarzu,
modellat in s’intragna ‘e Mongibella 51 .
Palattos che-i cussos pretziosos
solu nd’ana sos Deos gloriosos.
38

113 Bisonzu intantu s’olìmpicu Mere
s’intendiat de si ch’intrare in lettu.
Fit sonnidu e nd’aiat piaghere,
prîte s’istracchidùdine in apprettu
l’aiat postu. Umpare a sa muzere,
torrada che a prima in dulche affettu,
si retiresin tando a domo insoro,
ambos corchéndesi in su lettu ‘e oro.
[Trìulas 1977]
Sa briga de Achille cun Agamènnone
39

NOTAS DE SU CÀNTIGU PRIMU
Càntigu I
1 Musa [...]: Su de invocare sa Musa de sa Poesia fit in s’antighidade
un’usàntzia doverosa pro sos poetas.
2 Ilione [...]: Àteru nòmene de Tròia.
3 Omero[...]: S’immortale poeta gregu autore de s’ILÌADE e de
s’ODISSEA. Fit tzegu.
4 Achille [...]: Eroe printzipale de s’Ilìade. Fizu de Peleu e de sa dea
marina Teti.
5 Acheos [...]: S’Acàcia fit sa Grècia ‘e tando. Da-e tale nòmene
derívana “Acheos, Acheas”, est a narrer sos Gregos de sos tempos de
Omero.
6 Orcu [...]: Su logu de sos Mortos. Si naraiat puru Avernu, Ade,
Érebu, Tàrtaru.
7 de Atreu sa primagenitura [...]: Si trattat de Agamènnone, primu
fizu de su re Atreu. Fit su cumandante supremu de tottu sos esércitos
gregos. S’àteru fizu de Atreu fit Menelau, re d’Isparta e maridu
de Elèna.
8 Zeus [...]: Nòmene gregu de Giove, su babbu de tottu sos Deos.
9 Teti [...]: Mama de Achille. Fiza de su deus marinu Nereu. Galu
issa dea marina, fit sa muzere de Peleu.
10 Apollo [...]: O Febo. Fizu de Giove e de Latona. Deus de sa mùsica,
de sa poesia e de sas artes majarzas. Fit saettadore infaddìbile.
11 Crise [...]: Satzerdote de su deus Apollo. Fit su babbu de Criséide.
12 Criséide [...]: Fiza de Crise. Fit s’isclava preferida de Agamènnone.
13 Atrides [...]: Fizos de su re Atreu. Fini duos: Agamènnone e
Menelau.
14 Olimpu [...]: Monte de sa Tessàglia cunsideradu sa dimora de
sos Deos soberanos.
15 Príamu [...]: Re de Tròia. Fit su babbu de Èttore e de Pàride.
16 Latona [...]: Isposa de Giove, prima de Giunone, e mama de
Apollo e de Diana.
17 Sminteu [...]: Appellativu de su deus Apollo. Cheret nárrere
“destruidore de sórighes de campagna”.
18 Tènedo [...]: Isula de su Mare Egeu, posta de fronte a Tròia.
19 Crisa e Cilla [...]: Tzittades de sa Tròade, postas a pês de su
monte Ida.
20 Giunone [...]: Sorre e muzere de Giove.
40

Sa briga de Achille cun Agamènnone
21 Tèstore [...]: Babbu de su profeta Calcante.
22 Calcante [...]: Mentovadu profeta e indovinu gregu, fizu de
Tèstore.
23 prim’Atreu [...]: Agamènnone, primu fizu de Atreu.
24 muzere mia [...]: Si trattat de Clitennestra, s’infidele muzere de
Agamènnone e amante de Egistu, cun su cale progettesit de ‘occhire
s’infelitze Re a sa recuida da-e sa gherra de Tròia.
25 Ulisse [...]: Eroe gregu abbistu e valorosu. Chie no at mai intesu
su nòmene de Ulisse e sa fama sua? Omero iscriesit un’àteru immortale
Poema dedicadu a Ulisse, s’ODISSEA.
26 Idomeneu [...]: Valorosu eroe gregu.
27 Aiace [...]: Eroe gregu. Sos Aiaces fin duos: Aiace Oileu e Aiace
Telamone. (Cfr. su “DITZIONÀRIU OMÉRICU”)
28 Fitia [...]: O Ftia. Tzittade de sa Tessàglia. Fit su regnu de Achille.
29 offesu t’ana su frade [...]: Si trattat de s’offesa chi Pàride, fizu de
Príamu, fattesit a Menelau addaghi li furesit da’ intro ‘e domo sa
muzere Elèna. Istesit cussa sa cajone de sa gherra de Tròia.
30 Mirmídones [...]: S’ironia de Agamènnone est tremenda!
Mirmidones est paráula chi derivat da-e “myrmex”, chi cheret narrer
“frommigas” (= formiconi). Agamènnone isfruttat s’etimologia
de sa paràula pro offèndere a Pelide e sos valorosos soldados suos.
31 Briseu [...]: Babbu de Briséide, s’isclava de Achille.
32 Minerva Atena [...]: Fiza de Giove, dea de sa sapièntzia e de sa
gherra. Amparadora de sos Gregos e de Ulisse in manera particulare.
Fit onorada in tottue e mascamente in Atene.
33 chervu [...]: Su chervu fit pro sos Gregos su símbulu de sa vilesa.
34 Èttore [...]: Fizu de Príamu. Fit s’eroe pius valorosu de sos
Troianos. Lu ‘occhesit Achille.
35 Nèstore [...]: O Gereneu. Re de Pilo. Su pius betzu e sapiente de
sos eroes gregos.
36 Driante, Piritò, Ceneu, Polifemo, Essàdeu, Teseu [...]: Fin tottu
famosos cumandantes de su pópulu de sos Làpites, sos chi si distinghesin
in sa gherra contr’a sos Centàuros.
37 Centàuros [...]: Mostros da-e sa forma umana da-e su pettus in
subra e de caddu pro sa restante parte. Istesin settesciados tottu dae
Èrcole.
38 Pàtroclo [...]: Fit s’amigu pius caru de Achille.
39 Eurìbate, Taltibiu [...]: Imbasciadores de Agamènnone, chi retze-
41

Càntigu I
sin s’ingratu ingàrrigu de si fagher cunsignare da-e Achille s’isclava
Briséide.
40 paga vida [...]: Su destinu aiat cuntzessu a Achille de seberare tra
una vida longa, ma chena onores, e una vida curtza ma piena de glòria
e de fama. Achille aiat seberadu sa segunda.
41 Nereu [...]: Deus marinu, babbu de chimbanta fizas, giamadas
pro custu “Neréides”.
42 Pê’-velotze [...]: Appellativu de Achille.
43 Ezione [...]: O Eezione, re de Tebe. Fit su babbu de Andròmaca
sa muzere de Èttore troianu.
44 Tebea [...]: O Tebe. Una de sas pius antigas tzittades de s’Egittu.
45 Egeone, zigante Briareu [...]: Zigante orrorosu cun chimbanta
concas e chentu manos. Sos mortales lu giamaian Egeone, sos Deos
invece Briareu.
46 Crisa [...]: Tzittade de sa Tròade. Crisa, Crise, Criséide sunu
lùmenes chi derivan unu da-e s’àteru.
47 cun sa conca [...]: Su giuramentu chi Giove faghiat cun una
chinnida de sa conca fit pro ómines e Deos sentèntzia irrevocàbile.
48 pêibianca [...]: Appellativu de Teti, dea marina, derivadu forsi
da-e sa biancura de sas undas ispumosas de su mare.
49 Sínzios [...]: O Sinti. Abitantes de Lemno.
50 nèttare [...]: Sa bevanda de sos Deos soberanos.
51 Mongibella [...]: O Mongibello. Si trattat de unu vulcanu, s’Etna,
ue, segundu sa mitologia antiga, su deus Vulcanu aiat sos frailes suos.
42

ILIADE
CÀNTIGU SEGUNDU
SU SONNU DE AGAMÈNNONE
E SOS CATÀLOGOS
Su sonnu ingannadore

Càntigu II
SUMMÀRIU
Su Sonnu ingannadore Ottavas 1-17
Su Parlamentu 18-28
Sa fua de sos Acheos 29-31
Minerva falat a sas naves gregas 32-36
Ulisse impidit sa fua 37-42
Tersite 43-49
S’atzottu de Ulisse 50-71
Su discursu de Nèstore 72-79
Sa risposta de Agamènnone 80-84
Trastos de gherra 85-105
Sos Catàlogos (res, prìntzipes,
cumandantes e naves de s’esércitu gregu) 106-134
Iris falat da-e sos Troianos 135-141
Sos Catàlogos troianos 142-150
44

Su sonnu de Agamènnone e sos Catàlogos
1 Chie sa die passat ischidadu
ficchidu in su trabàgliu o istudiende,
mancari puru la passet gioghende
a cand’a notte ch’est già istraccadu
e in su lettu ‘e s’ ‘ider reposende
melmos e mente leat coidadu.
Leze est custa pro dogn’èssere umanu
e finas pro s’Olimpu soberanu.
2 De sa notte profunda fit ancora
gosende ogni mortale e dogni deu,
ma ‘essidu da’ chizos da-e ora
su dulche sonnu che li fit a Zeu.
Comente fagher fit pensende ottora
a cumpiagher su fizu ‘e Peleu 1
e de comente a sos fortes Acheos
dárelis morte, tragos e anneos.
3 Infinis a s’Atride ‘e l’imbiare
detzidesit su Sonnu 2 ingannadore.
Lu giamesit, e: –Deves falare,
–li nêsit– o divinu trampadore,
da’ su Re de sos Gregos e contare
cantu cumandat s’eternu Segnore.
Nàrali, ch’in s’Olimpu, d’Ilione
an decretadu sa distrussione.
4 D’armare sos esercitos s’avvisu
li dês dare a re Agamennòne
e chi manzanu attacchet detzisu
sos inimigos suos d’Ilione.
Bae, adducas, e sias pretzisu!
Pro vittire chistiones cun Giunone,
deos e deas cun Zeus umpare
custa gherra nde cheren agabbare!–
45
Su Sonnu
ingannadore

Càntigu II
5 Che unu lampu su deus ch’ ‘essesit
a inue dromminde fit s’Atride.
In visione si li presentesit
che cand’esserat Nèstore Nelide 3 ,
pro su cale su Re sempre mustresit
rispettu mannu, cunsideru e fide,
e li nêsit: –O Re, a-i cust’ora
ello comente ses corcadu ancora?
6 Pro chie at importanzia che a tie
in sos destinos de tantas persones,
no est prudente, e pro milli rejones,
s’istare in lettu poi fattu die!
Mezus pesa... e, intantu, isculta a mie:
cheret ch’a sos soldados los isprones,
ca pro Tròia manna e disdicciada
giómpida est s’ora d’esser conchistada!
7 Cumanda a sos esércitos acheos
chi tott’unidos attácchene gherra!
Detzisu in s’Olimpu ana sos Deos
de nd’ ‘oltulare sos muros a terra,
chi non bi resten palattos intreos
e nemmancu de giannas una perra!
A Giunone fatta l’an cuntenta
Deos e Deas. Pesa... e ti nd’ammenta!
8 A inoghe de Zeus sa potèntzia
mi at mandadu, ca t’at sempre caru.
Giagh’est irrevocàbile sentèntzia,
appena in chelu s’altzat sole giaru,
sas ch’as autoridade e iscièntzia
mùstralas ambas pare, chen’imbaru!
Sa ‘e oe est die ch’in s’istòria
at a restare a mentovu e glòria!–
46

Su sonnu de Agamènnone e sos Catàlogos
9 Nesit; e che fumatza in su momentu
si dissipesit cussa visione,
lasséndeli in su coro s’illusione
chi oramai esserat un’appentu
s’impresa ‘e nd’irroccare a Ilione!
No ischiat, mischinu, s’iscarmentu
ch’invece fit sestende a sos Acheos
s’olìmpicu Segnore de sos Deos.
10 Mancu in duda l’ ‘enzesit, iscabadu!
chi su sonnu esserat un’ingannu
bordidu a misura pro su dannu
ch’aiat a Pelide ammanizadu,
cando ‘e Briseu su lizu sobradu
cun perricca li lesit de tirannu!
Ma chie podet cumprender s’arcanu
chi ordivinzat chie est Soberanu?
11 Sa nóbile d’Atreu raighina
s’ischidat tando, brincat da-e lettu
(in sas orijas sa ‘oghe divina
li mùidat, creschéndeli s’apprettu!),
si samunat, si ‘estit, chen’isettu
leat s’ispada ‘e prata, sa baìna
de sos Gentiles s’iscettru doradu
e ch’ ‘essit a sas naves, resinnadu!
12 Eos 4 in s’ora de milli lugores
chelu, terra e mare fit bestende
e già cun sas trumbittas cunvochende
a sos Acheos fin sos bandidores...
e cuddos accudian coittende.
Su Cunsizu però de sos Mazores
pensesit prima ‘e reunire Atride
in sas tendas de Nèstore Nelide.
47

Càntigu II
13 E cando be-i fin tottu presentes:
–Amigos caros, –lis nesit detzisu–
nottesta in sonnu sos Onnipotentes
m’an mandadu unu tale, chi pretzisu
fit in tottu a Nestòre, e cust’avvisu
m’at porridu cun boghes insistentes:
–O Atride, in su lettu ses ancora?
E prîte non ti pesas a bon’ora?
14 Oh, it’ ‘irgonza! Coitta a pesare!
Prim’intenda però sa volontade
chi mi nât Zeus de ti relatare:
in prétziu t’at s’Olimpu e piedade
ana de te e, pro t’accuntentare,
chi ruat de Priamu sa tzittade
an detzisu in cuncórdia e unione
tzedinde a sos disizos de Giunone!
15 Duncas chena tardare unu momentu
los arma sos esércitos acheos
e los ghia contr’a sos Dardaneos!–
E si ch’ ‘olesit, lébiu che bentu.
Ite nâdes de cust’avvertimentu?
Verdaderos sos sonnos sun o reos,
custu l’ischides. Dunca, ite pensamos?
Tuccamos contr’a Tròia o rinuntziamos?
16 S’est emmo, pro chi mezus resessire
pottat s’impresa, cunsizo a s’accua
de fagher dogni cosa. A riferire
chi dêt torrare ognunu a domo sua
cumbenit prima, pr’ ‘ider si cumprire
cheret sa gherra o preferit sa fua
sa zente d’Argo! A nois su dovere
de l’arrimare! – E tucchesit a sêre.
48

Su sonnu de Agamènnone e sos Catàlogos
17 Tando ‘e Pilo Nestòrre pilicanu
si pesesit naréndelis detzisu:
–Si sonnu che-i custu unu fulanu
nos aiat contadu, a beffe e risu
fit de cunsiderare! Ma s’avvisu
mandadu est da-e Giove soberanu
a su Re in persone! A parrer meu
sa volontade approvo de s’Atreu!–
18 Bessesit tando a fora e, fattu sou,
galu tucchesin res e cumandantes,
detzisos tottu a ponner in prou
pianos chi parian importantes.
Avvisados da’ unu bandu nou
da-e sas naves fintzas prus distantes,
a s’appretta, de novas curiosos,
accudian sos Gregos valorosos.
19 Che puzones de abes in beranu
ch’ana su bugnu in calchi calanca,
ch’a s’ ‘essida ‘e su sole su manzanu
currin a sos fiores de sa tanca,
bolende chie a destra e chie a manca
su nèttare a sutzare dulche e sanu,
tale de sos Acheos fit sa brama
chi lis poniat in coro sa Fama 5 !
20 Sétzidos, reos, ciarraian tottu
prus fragassu faghinde de su mare,
a preguntas chirchende pare-pare
de su motivu ‘e nde leare annotu.
Pustis cando lis nêsin d’agabbare
noe imbasciadores s’avvolottu,
cagliesit sa zente e de Vulcanu 6
lêsit s’iscettru Agamennòne in manu.
49
Su Parlamentu

Càntigu II
21 (Pro Zeus soberanu lu fattesit
Vulcanu cussu traste de valore;
Zeus posca a Ermète 7 lu tzedesit
d’Argo ‘e chent’ojos su vindicadore 8 .
A Pèlope 9 , de caddos curridore,
Ermes l’at dadu, e Pèlope lu desit
a re Atreu, ch’in s’ora ‘e sa morte
l’at réndidu a Tieste 10 bonu e forte.
22 Tieste a su nebode Agamennòne
in eredu infinis l’at lassadu,
ch’aeret in s’Argólide 11 imperadu
cun sas ìsulas de s’aidattone!).
Nêsit tando su Re: –Attentzione,
eroes mios, chi abbandonadu
azis pàtria e famìlia pro s’arte
ch’in coro, ardente, bos at postu Marte 12 !
23 Che tilingione tzegu in tottu fia
cando Zeus eternu m’at promissu
chi fit rutta Ilione in manu mia!
Cun tale tzou intro ‘e conca fissu
ap’arriscadu! Como própriu Issu
m’at dadu proa ‘e sa traittoria!
Poi de tantos mortos in sa gherra,
chi lasse mi cumandat custa terra!
24 Cale pro nois peus disonore
appoi de noe annos istragosos!
Pro recuire a domo ingloriosos
mezus mortos gherrende cun onore,
ca fizos e nebodes cun rigore
nos an a giudicare, impiedosos!
Una tzàntara est custa, mi nd’abbizo,
e però a partire bos cunsizo!
50

Su sonnu de Agamènnone e sos Catàlogos
25 Degai at in s’Olimpu decretadu
s’onnipotente tzeleste padronu,
isse ch’a gustu sou at atterradu
biddas e zentes cun lampu e cun tronu
e galu nde destruet! Airadu
est contr’a nois... e pariat bonu!
Chi semus sos prus fortes non si negat,
ma Giove nos coglionat e atzegat!
26 Esseran sos Troianos, naro deo,
bistados prus de nois numerosos
o cuntrastende pius valorosos!
A deghe ‘oltas 13 semus, già lu crêo,
ma non nd’ ‘essimos mai ‘ittoriosos!
Oh, it’ ‘irgonza! E pena chi mi leo!
Si non l’aeret s’Eternu aggiuada
a-i como l’aimis settesciada!
27 Noe annos sun colados in debadas
chena poder a Prìamu domare:
velas e funes si sun mugoradas
arressas in su portu e de torrare
cun sas noas da’ sempre disizadas
perdidu amos s’afficcu! Ohi penare
de fizos e muzeres! Oh turmentu,
s’est ch’amos triuladu solu ‘entu!
28 Duncas, Eroes mios, m’obbedide:
a sas naves torrade che a bolu,
sas funes bene presas isolvide,
in domos bostras chircade consolu
e a sos Deos sa fronte chinnide!
Bazi... chi non nde restet unu solu!–
Nêsit; e cun su coro prontu a render
fin cantos non podìana cumprender.
51

Sa fua
de sos Acheos
Minerva
falat a sas
naves gregas
Càntigu II
29 Si pesesit sa ciarra lestra in s’ora
prus alta de sas undas d’Icareu 14 ,
cand’Éuro 15 felosu e Noto 15 ancora
las pisulat che fozas tott’arreu,
su mare trobojende de s’Egeu.
E pare-pare, a ojos a fora,
si preguntain si fit brulla o beru
d’Atride s’improvvisu disisperu.
30 Pustis torrende a sas ganas antigas,
mai mortas in annos d’arrebentu,
movesin tott’umpare cun chimentu
dies de paghe disizende amigas!
E parian, fuinde, sas ispigas
chi finz’a terra grunat malu ‘entu
cun tìrria mattanèndelas costante
a destra, a manca, insegus, daenante!
31 E, currinde a sas naves, de sas bramas
si cunfidain issos de partire
cantu prima, chena si penentire
de lassare ‘e sos Gregos malas famas!
E già s’ ‘idian cun fizos, cun mamas,
cun sas isposas... chena prus patire,
sa famìlia pensende a crescher sana
attesu da’ sa gherra disumana!
32 Resessida lis fit s’intentzione
de recuire a domo tzertamente
si a Minerva, in ojos lutzighente,
non naraiat detzisa Giunone:
–Lizu de Zeus raru, ello comente
tucchende sun sos Gregos da’ Ilione?
Duncas Elèna 16 , poi ‘e tant’affogu,
restat che prima in su troianu logu?
52

Su sonnu de Agamènnone e sos Catàlogos
33 Mezus coitta a falare e los frena
a unu a unu sos fortes Acheos
pro chi lassen sas naves in sa rena 17 ,
c’a partire nd’an aer sol’anneos!–
Nêsit; e da’ su monte de sos Deos
bola-’olende tucchesit Atena.
Lestra arrivesit a sa grega zona
chi fit tott’in bulluzu, introna-introna!
34 A Ulisse, ch’a Zeus poderosu
fit pro sinnu e virtudes simizante,
agattesit luego: dubidosu
in su ‘e fagher in su prim’istante
si nd’staiat e pensamentosu
su d’Ìtaca supremu cumandante,
de s’onore ‘e sos Gregos ascamadu,
ma finas isse cherveddi-luadu!
35 «O de Laerte sèmene nobíle,
–li nêsit tando s’immortale dea–
it’est chi pensas de sa zente achea
appoi ‘e custa fua? Fama ‘e vile
lassades in s’istòria e... in sa sea
troiana a Paris 18 ascamile
a Elèna reina! De Priàmu
duncas, istrintu, píttigat su camu!
36 Mancu sos mortos cumpagnos sentides?
Cosa ‘e nudda poi ‘e tantos annos!
Ne su malu passare, sos ingannos
bos fórfigan su coro e... partides!
Coltzos e cinos! Tragos pius mannos
azis aer però, si lu faghides!
Tue los frimma custos canes, fizu,
e d’un’amiga atzetta su cunsizu!»
53

Ulisse
impidit
sa fua
Càntigu II
37 Sa ‘oghe connoschesit Odisseu 19
de Minerva immortale e, furriadu
da’ palas su gabbanu, chi leadu
nd’at da-e terra Euribàte acheu 20 ,
a passos longos da-e prim’Atreu
che tucchesit e, appen’agattadu,
s’iscettru da’ sas manos nde li lêsit
e a s’ala ‘e su portu s’avviesit.
38 A cantos in caminu abbojaiat,
gherreri esserat isse o Majorale,
cun paràulas calmas naraiat:
–Amigu ‘onu, non discurras male!
(e a tottu sas palas tzoccaiat)
De fuire est chi bramas? Ohi sale
su chi gighes in conca! Pensabe-i...
e si tenes amigos los trobei!
39 Niunu, a su chi paret, at cumpresu
issara de su Re s’intentzione!
Tentados bos at tottu Agamennòne
e b’azis abbuccadu... como offesu
s’est pro sa fua ‘ostra e d’ira atzesu!
Mi’ ch’a penas mazores, cun rejone,
non bos cundennet isse o calchi deus,
ca già l’ischides ch’est parente ‘e Zeus!–
40 Si calicunu invece ‘e sos soldados
li ‘essiat contràriu o rie-rie,
a boghes e a colpos bene dados:
–Ti càglia, –naraiat– coltz’a tie
s’in cunsideros de iscontriados
avantzas galu! E como isculta a mie:
che àinu ses tontu, eppuru crêse
de contare che prìntzipes e rese!
54

Su sonnu de Agamènnone e sos Catàlogos
41 A cumandare, oddeu, bi nd’at tantos
che a tie ‘e puppones... non l’ischia!
Unu dêt guvernare, unu ebbia,
ch’apat de Zeus sos àrchidos santos
e nois l’amos sa suprema ghia!
Ponner mente devimos, tottucantos!–
In su l’intender ladinu s’atzottu
velas e remos lassésini tottu.
42 A ue si fin prima reunidos
recuésini tando abboghinende,
pius solovru ‘e su mare pesende
ch’a sos iscòglios, reos che ispidos 21 ,
s’iscudit furiosu. E fini gridos,
sos insoro, de chie est dubitende
de su ch’aiat crêttidu a innante
da’ ‘ucca de su gregu cumandante!
43 Si cagliesin pustis tott’umpare
pro retzire giara una risposta.
Non finiat però de craccagliare
tales Tersite 22 , chi, a bell’apposta,
sighiat custu o cuddu a inzulzare,
da-e s’isgarzu e cun fàccia tosta
belenu a tragonàia bombitende,
bastat de ‘ider sa zente riende!
44 Fit Tersite ‘e sos gregos cumbattentes
su pius feu de cara e de pizu:
anchifàlchinu e toppu, pariat fizu
burtidu da’ monincas e serpentes!
Zumbosu addaenanti, cun sas dentes
grogas a su molente in assimizu,
pigottosu, ispilidu, ojitortu,
lanzu che’ s’iscarenu d’unu mortu!
55
Tersite

Càntigu II
45 In minisprétziu mannu e in disdignu
l’aian sos eroes d’Ilione
e Achille e Ulisse cun rejone,
ca non fit ómine ‘e rispettu dignu!
Che cane arrajolidu cun impignu
fit appeddende contr’a Agamennòne
e chena timer nudda, irrispettosu,
li naraiat cun tonu felosu:
46 –O Atride, e de ite ti lamentas?
Forsi su brunzu ti mancat o s’oro?
Féminas nd’asa, ma non t’accuntentas...
gai nos surzis meuddos e coro!
Non che los mandas a domos insoro
duncas sos Gregos? Inoghe ausentas?
E ponetilos sutt’a sas munneddas
custos eroes... già sun femineddas 23 !
47 Viles, barrosos e inneuddados
semus tottu, s’a domo non torramos!
Cun pagos maccos cherveddioltados
prît’est ch’inoghe non l’abbandonamos?
Sos aggiudos intantu chi li damos
benin in malu modu cumpensados!
Tue ‘e sa pedde nostra non ti curas
e solu sas ricchesas t’asseguras!
48 A un’eroe d’isse pius forte
l’azis bidu e intesu su ch’at fattu!
Su prémiu ‘e tantas gherras, malasorte,
leadu bi nde l’at a disbarattu!
Pro li torrare caldu su piattu
li fit déghida in s’ora mala morte
e, invece, che legu e imbecille
finas mustradu s’est cun isse Achille!
56

Su sonnu de Agamènnone e sos Catàlogos
49 Si aeret Pelide valutadu
s’affrontu istogamosu ch’at retzidu,
cun s’ispada l’aiat infeltzidu
e-i s’ùltimu abusu fit bistadu!
Ma finas cun s’eroe prus famadu
boltadu s’est che lupu inferotzidu!
Duncas umìles sa fronte, o soldados,
oe e sempre grunade e... cagliados!–
50 Ojincrispidu Ulisse a tanta barra
sa risposta torresit prus detzente:
–Òrrias bene, maccone insolente,
limba de fogu, ma est solu ciarra!
Dogni die nos das pronta cabarra
de su ch’in coro bramas che petzente!
Sos prìntzipes abbuccas e sos rese
e non t’abbizas chi a beffa sese!
51 Terpe ischifosa, intzitas a chie
a recuire a domo che vigliaccos?
Ses maccu tue e nos giamas maccos
e ponner mente devimos a tie?
Sunu sos Gregos de gherras istraccos
naras a tottu, ma isculta a mie:
deo a fuire non bi so pensende!
Ses tue, invece, su chi ses timende!
52 Cando e comente a Tròia la leamos
non presumo, alga de muntonarzu,
e nemmancu isco si nde l’irroccamos!
Ma siat su destinu ‘onu o dannarzu,
bae chi da’ inoghe non tuccamos
che crabolos, cara de carriarzu!
E finas a sa rutta d’Ilione
semus fideles ad Agamennòne!
57
S’atzottu
de Ulisse

Càntigu II
53 Ma como intende su cunsizu meu,
s’ùltimu, ti l’ammenta, abberumia:
si bi tenteras un’àtera ia
a intzitare s’esércitu acheu,
pius non mi giamedas Odisseu,
ne babbu ‘e Telemàcu 24 in finitia,
si non t’ispozo e trazo a su naviu
e pius mortu ti lasso che biu!–
54 Nêsit; e cun s’iscettru a s’arrogante
in palas e in coddos lu mazesit
e marcos biaittos li lassesit!
Pianghinde Tersite, a s’istante,
cagliadu e coibásciu ch’istrisciesit
da-e s’eroe d’Itaca a distante
e in unu chizone, assucconadu,
si ch’est che battu allorumeddadu!
55 Mancari disillusu de partire
riesit dogn’Acheu suddisfattu
e nêsit calicunu: –A l’ammuttire
de sas impresas chi Ulisse at fattu
cust’est sa mezus! E li dêt servire
su ‘anzu ch’at retzidu a su barattu
pro lescione ‘e vida, giaghi sèrios
non sun sos chi nde buttat impropèrios!–
56 Minerva imperistantu ojilughente,
chi a un’ala si fit abbandada,
pensesit tando in mesu a sa zente
de si misciare chen’esser notada,
pro l’imponner d’istàresi cagliada
e d’iscultare prus attentamente
cantu narrer deviat a primore
su de ‘iddas Ulisse atterradore.
58

Su sonnu de Agamènnone e sos Catàlogos
57 E cando ciarra non b’aiat prusu
nêsit s’eroe cun detzisione:
–Duncas a tie, o re Agamennòne,
ghia suprema, fagher mal’abusu
cheren sos Gregos e da’ Ilione
partìresi che bentu, a puntu in susu,
pro chi eterna restet in s’istòria
de sa vilesa tua sa memòria!
58 Promissu ti an tando ‘e non torrare
finas a bider a Tròia in chijina;
ma como a una ‘oghe tott’umpare,
coment’e corimodde piseddina
o giòvanas battias, cancellare
cheren noe annos de vana ruina!
Ma s’est manna sa ‘oza ‘e recuire,
prima devimos s’òpera cumprire!
59 Deo bos los cumprendo sos disizos,
amigos caros, poi ‘e tantos annos,
ca oriolos de muzere e fizos
sun cajone de tragos e affannos!
E l’ischimos ch’in pensamentos mannos
restat chie, pro sorte, sos fastizos
devat suffrire pr’unu mese ebbia
lontanu da-e domo in tribulia!
60 Però s’onore cun su piaghere
non sempre de accordu andan umpare,
mentres poninde mente a su dovere
si podet sempre onore meritare.
Si a sos Dardaneos in podere
dimis in prémiu a Elena lassare,
b’at de timire lis benzat s’idea
de nos fagher offesa pius fea!
59

Càntigu II
61 Da’ noe annos inoghe, m’intendide,
semos a die e notte mattanende
e cando su ‘e deghe est printzipiende
perdimos tott’in una atza e fide!
Forsis ismentigados, so pensende,
bos sezis de sa terpe d’Aulide 25 ?
E de su chi nos nêsit, so seguru,
Calcante s’indovinu finas puru!
62 Si cun sas naves bóidas torramos
pro a nois est tzàntara e disdoro
e pro sa Grècia intrea! Bos imploro,
a gherrare sighide! E, si restamos,
finas sa profetzia controllamos,
mancari siat ladina che oro!
Otto de puzoneddos nd’azis bidu
e noe cun sa mama in unu nidu.
63 Fin noe... che sos annos de sa gherra
chi contr’a Tròia devimis sustènnere!
Simbolizadu da’ su mostre in terra
fit s’annu ‘onu, cuddu chi dêt bènnere...
antzis ch’est comintzadu! A bos rentènnere
siat duncas, giagh’est sa cuntierra
lompende a finitia a bonu proe,
ca su destinu est custu ‘e sos de Troe!
64 Sa de Zeus profética ‘ijone
galu mi leat artùrios e brios!
E mi paret de l’ ‘ider s’iscurtone
a limba a fora e, ancora ‘ios,
sos parabattuleddos, a pibios
intr’ ‘e su nidu a unu muntone!
E-i sa fera avantzende atzuda
in su truncu de s’àrvure fozuda...
60

Su sonnu de Agamènnone e sos Catàlogos
65 E sa mama, mischina, ijantinada
in s’intender sos fizos piu-piu:
issa lis rispondiat ciu-ciu,
ma fit s’attittu ‘e sa disisperada!
E cando, reduinde donzi briu,
contr’a su mostre s’est pustis bettada
s’ùltim’ora ‘e su fadu issa e tottu
paris cun sos minores at connottu!
66 Pariat l’esser donu naturale
catziare puzones in su nidu
e mai fintz’a tando si fit bidu
simizante a-i cussu un’animale!
Ch’esserat de s’Olimpu unu signale
l’amos tottu cumpresu e attuidu:
in màrmaru, infattis, su serpente
s’est, poi attattu, ‘oltadu de repente!
67 Ojimbidrados restemis che chie
ruet ammoddigadu, a bucca abberta!
Ma no istemis a s’intzerta-intzerta,
s’a sos chi fimis presentes su die
sa risposta Calcante pius tzerta
desit in s’ora e finas rie-rie:
sas mattanas fin longas, ohi cantu,
ma eternos pro Argo onore e bantu!
68 Ch’esseret beru, aja’ chi l’ischimos...
e àteru b’at galu ‘e peleare!
Ma est seguru ch’amos a torrare
a domo ‘ittoriosos, ca podimos!
Cantu prus in istragos ispendimos
amos tantu in mentovu ‘e meritare!
E si sa glòria si mesurat gai,
sa fama nostra non barigat mai!
61

Su discursu
de Nèstore
Càntigu II
69 Lompende si nd’est s’ora chi dêt rúere
sa de Prìamu ‘idda valorosa!
Narat, infattis, sa brama orrorosa
de cuddu mostre ch’amos a conclùere
in sos degh’annos sa gherra odiosa
e chi sos muros l’amos a destrùere,
palattos e zenia a Ilione
pro sa d’Atride suddisfassione.
70 Noe annos sun colados... e puzones
noe si nd’at tragadu cudda fera!
E deo bos dimando si manera
de nos mustrare sas intentziones
teniat Giove pius verdadera!
Pro milli e milli generassiones,
si tenen fortza e gana ‘e prosighire
poden sos Gregos glòria meressire!
71 Eventos da-e tando annunziados
avverende si sunu, bi pensade,
Acheos fortes e burtzighinados 26 !
Duncas sa fua mezus la lassade,
ca est approbe a rùere, o soldados,
de Prìamu s’ilìaca tzittade!–
Sas manos tott’umpare li zocchésini
e a chelu sos bantos che pighésini!
72 Si nde pesesit tando Gereneu 27
e lis nêsit: –Adducas che’ su ‘entu
giambades tott’in una pensamentu!
Ti nde ‘irgonza, o pópulu acheu,
si che piseddu de malu cuntentu,
ch’invece ‘e sale in conca at ozu-seu,
in custa gherra ti cumportas tue!
E it’est cust’istare fue-fue?
62

Su sonnu de Agamènnone e sos Catàlogos
73 Forsis ismentigadu bos l’aizis
su giuramentu sacru ‘e s’Aulìde?
Sas istrintas de manu in bona fide
–mi nâde– chi fin faltzas pensaizis?
E nemmancu d’offender a s’Atride
fuinde che vigliaccos timiaizis?
Mancu male ch’a boltas su dovere
punghet in coro cant’e su piaghere!
74 Lassamos como brigas e faeddos
c’àteru b’at de fagher, m’iscultade!
Sas ispadas, sas lantzas nde ‘ogade,
ómines semus ch’an coro e cherveddos!
E tue, o Re, sa ch’as autoridade
mustrabilis a tzertos pintuleddos 28
ch’an presse ‘e recuire e che los manda!
Su de fagher a nois lu cumanda!
75 De su Cronide 29 fit signale ‘onu
su chi retzemis prim’ ‘e sa partèntzia.
Lampizesit, m’ammento, e-i su tronu
tzocchesit da-e destra 30 ! Un’avvertèntzia
fit cussa ‘e gráscias e non d’abbandonu
pro chie de s’allega at iscièntzia!
Nos siat su ch’ ‘idemis de isprone
pro vindicare a Lene 31 in Ilione!
76 Ma s’in tranebbos 32 calicunu esserat,
de recuire a domo in oriolu
chi leet sa nave e, si lu bramerat,
in mare si che ponzat che a bolu.
Però si faddit, si solu penserat
de lòmpere a dies de consolu!
Si at Zeus dispostu ‘e fagher gai,
non bi chertedas contr’a Isse, mai!
63

Sa risposta de
Agamènnone
Càntigu II
77 Duncas, o Re, detzisu e seguru
a sestare t’appronta sos pianos,
ma d’àtere su parrer prètzia puru,
mascamente de chie at pilos canos!
Si valorosos semus o metzanos
cheres ischire? O s’in tempus benturu
non ruat Tròia pro ‘more ‘e sos Deos
o ca sun menguantes sos Acheos?
78 Fàghelos sos gherreris attruppare
a iscuadras, parente cun parente,
s’amigu cun s’amigu ambos umpare,
pro chi tra issos s’aggiuet sa zente.
Gai aunidos los manda a gherrare
e as a bider tando su ‘alente
galu pius balente e finas proes
cantu nd’as de mettanzos e d’eroes!
79 S’a Príamu cunvintos l’attaccamos
de su valore nostru e avantzende
de comente pens’ ‘eo, l’ ‘oltulamos
sa ‘idda custa ‘olta, mi l’est nênde
su coro, abberumia! Ma, gherrende,
finas aggiungo, si nos sintzeramos
chi est Zeus contráriu, d’isettare
bos naro a mezus die e d’isperare!–
80 Li rispondesit lestru Agamennòne:
–De tottu nois ses tue, o Nestòre,
de sinnu e fide mastru e campione!
S’àteros deghe omìnes de valore
m’aeret che a tie in paragone
dadu s’Olimpu, dies de dolore
connottu aiat Tròia, crê’ a mie!
Ma Zeus no at chérfidu ‘asie!
64

Su sonnu de Agamènnone e sos Catàlogos
81 In brigas e chistiones pro ruina
semos invece che zente iscabada!
Mai l’aère fatta s’acconcada
de mi brigare pro una femìna!
Fit approbe a finire sa faina...
ajalla como sa gherra illongada!
Si cun nois Achille fit restadu
pius fàtzile a bincher fit bistadu!
82 Una cosa però la dev’ammìttere:
aunzadu pro primu apo a Pelide!
Ma, cando m’at rispostu, suttamìttere,
mancari esserat isse in bona fide,
pius non mi podia e ne permìttere
beffe prus manna ancora, cumprendide!
S’ira nos at atzesu a s’improvvisu
e nos at sa Discòrdia 33 divisu!
83 S’ammanizet donzunu intr’ ‘e sa tenda
s’ ‘ustare imperistantu, coittade;
sos carros a puntinu controllade
e a sos caddos dade sa proenda;
sas lantzas che istillos acutade,
ca nos isettat battàglia tremenda!
Sos iscudos a postu bos ponide
e de partire s’órdine attendide!
84 Finas ch’in chelu b’est su sole alluttu
pasu non nd’amos aer, o soldados!
Mi paret de bos bider suerados
e cun su corpus de sàmbene bruttu!
Sos caddos cun s’ispuma, accalamados,
e pius d’unu de carros derruttu!
A canes e benturzos dên finire
sos chi tenteran de s’incheremire!–
65

Trastos
de gherra
Càntigu II
85 Cale maretta in die tempestosa
ch’a sas roccas s’attappat cun fragassu
e chi che trazat a unu cummassu
abba cun rena e dogn’àtera cosa,
rendende in prus s’aera ‘e cussu giassu
cun sa moddina sua neulosa,
tale de sos soldados fit sa fua
pro s’approntare ognunu in s’arte sua!
86 A innante su fogu s’an atzesu
pro s’ ‘ustu e, poi cottu, mandighesin;
ne d’invocare a Giove s’olvidesin
pro che los tenner de sa morte attesu
e majias e berbos retzitesin
pensende onzunu ‘e non restare offesu.
De si ‘estire infinis s’armadura
si lêsin issos coidadu e cura.
87 Intantu a su Cronide prim’Atreu
unu ‘oe ‘e chimb’annos destinesit;
a Nèstore pro primu si giamesit
e pustis galu a Idomeneu 34 ,
ambos Aiaces, su fizu ‘e Tideu 35
e nemmancu a Ulisse si lassesit.
Menelau arrivesit solu-solu
ce de su frade ischiat s’oriolu.
88 Purificadu cun s’orzu turradu
e calchi ranza ‘e sale a mísciu appare
da-e s’Atride istesit su fiadu;
posca, che cand’esserat in s’altare,
lêsit su mere d’Argo a invocare
a Zeus mannu, nêndeli: –O biadu,
segnore de su lampu e de su tronu,
cun sos Acheos mústrati prus bonu!
66

Su sonnu de Agamènnone e sos Catàlogos
89 Prima chi calet sole, o babbu santu,
cuntzedi chi mi pottat resessire
cun cust’ispada a Èttore d’ ‘occhire!
Fàghenos bider a Prìamu in piantu,
mortos sos Troianos e fuire
sas féminas insoro e tottucantu!
E ch’unu muru non bi restet reu
pro su tortu ch’an fattu a frade meu!–
90 De s’Atride s’ardente invocascione
no iscultesit Cronide immortale,
ma l’atzettesit solu s’animale
chi l’offeriat cun devossione.
De l’ispojolare Agamennòne
e de che l’iscorzare su signale
desit tando e posca ‘e l’appetzare
e su Deus pro primmu d’onorare.
91 Fattesin gai; e appenas brujadas
sas còscias pro a Zeus, infelchesin
sa petta in sos ispidos, sas coradas,
e in sas brajas rujas las coghesin.
Lêsin tando a bustare e s’attatesin.
Ma sas mentes insoro sempre ‘oltadas
fin a s’impignu grae ‘e su merie,
si nêsit re Nestòrre deasie:
92 –Re de sos res, amigos e cumpanzos,
giaghi Zeus promittit sa vittòria
devimos meritare onore e glòria
pro lograre ‘e sa gherra sos balanzos!
Si a Priàmu dolorosos banzos
chi a mentovu resten in s’istòria
cherimos dare, acco’ su momentu
de gigher sa faina a cumprimentu!
67

Càntigu II
93 Dalis s’órdine a sos bandidores
in presse a sos d’Argo ‘e cunvocare
a boghe giara, nênde a coittare,
ca pro chie bistentat sun dolores!
Pustis tuccamos nois, fiancu a pare,
mustrèndenos fieros de umores
e gai in coro pur’a issos s’arte
pius s’atzendet de su deus Marte!–
94 Nêsit; e prim’Atreu su cunsizu
de Nèstore atzettesit sapiente.
Sos bandidores prestu in contivizu
a boghes mannas giamesin sa zente
e accudesin tottu, prontamente,
che s’anderan a festa pro disizu
sos d’Argo valorosos cumbattentes
cun elmu, iscudu e lantzas lutzighentes.
95 Sas iscuadras formesin innante
de comente d’accordu fin restados;
posca sas armas donzi cumandante
controllesit a tottu sos soldados,
sos caddos e sos carros affilados,
nêndelis su ‘e fagher a s’istante.
E pressosa, cun amorosa pena,
si presentesit in su campu Atena.
96 S’égida 36 chi portait in sa manu
d’iscudu e de coratza li faghiat;
in sos frailes fatta bi l’aiat
de Mongibella su deus Vulcanu
cun s’arte ch’Isse solu connoschiat!
E fit cussu trabàgliu soberanu
da’ chentu fioccos d’oro inghiriadu,
dognunu chentu traos istimadu!
68

Su sonnu de Agamènnone e sos Catàlogos
97 In su mesu ‘e s’iscudu sa Gorgòne 37
be-i fit immortale istoriada:
ojos de fogu, a limba falada
e cun iscàglias betzas de sirvone;
de pìberas sa conca coronada,
si l’aeret in cara una persone
fissada sol’appena, si fit bida
‘oltada in pedra, chena pius vida!
98 Gai, a sos Gregos tucchéndesi in mesu,
cun sa divina sua magestade
Minerva ‘isos de glòria ch’at atzesu
in donzi coro e pro s’eternidade!
A sos parentes chi che fin attesu,
muzere esserat, mama, fizu o frade
nisciunu in cuss’ora fit pensende
a tales fin sa gherra disizende!
99 Che cando a s’improvvisu ‘essit su fogu
in unu monte, poi iscurigadu,
e sas fiamas ilgiarin su logu
a manera chi l’ ‘ides coloradu
a boltas ruju e a boltas grogu,
degai in su chelu illuinadu
a lampizos da’ chentu e prus colores
brillain de sas armas sos lugores.
100 E currinde sos caddos, sos soldados
faghìana sa terra rimbombare
de comente fragassu tott’umpare
cocas, ruas e cignos attrumados
bi faghen in sos padros fentomados
d’Asìu 38 , chi los solet traessare
de su Caistru 38 sa giara currente,
ue accudin sas aes frecuente!
69

Càntigu II
101 De su riu Scamandru 39 in su pianu
si reunesin caddos, gherradores,
carros, a mizas, comente in beranu
tuddin a nou fozas e fiores.
Bramende de nd’ ‘essire ‘inchidores
de sa fiera ratza de Dardànu 40 ,
si nd’istaian tottu a s’anda e torra
su signale isettende de sa corra!
102 Che muscas chi a nues bola-’ola
s’ ‘iden inghiriende sa labia
de s’ ‘ervegarzu, chi cun maestria
sos animales mulghet a sa sola
intro s’istalla, cando noittola
s’accerat s’istajone ‘e s’allegria 41 ,
gai e tottu, ‘e cuntrastos disizosos,
si movian sos d’Argo che nervosos!
103 Pensesit tando donzi cabu acheu
su manìpulu sou ‘e controllare
galu una ‘olta e de l’ammentare
a donzunu s’ingàrrigu e s’impreu;
e fit tale in su los sebestare
sa seguresa in mesu a su curreu
chi pariat pastore in paragone
chi non faddit fiadu in su masone!
104 Innanti be-i fit Agamennòne
(ojos e conca che Zeus tronante,
a Marte pro vigore simizante,
pettus e palas che Poseidone 42
cun sa cara ‘oltada a Ilione
detzisu a la destruer in s’istante!
A unu trau mannu pr’imponèntzia
fit che pare s’Atride e pro potèntzia!
70

Su sonnu de Agamènnone e sos Catàlogos
105 E cantos lu ‘idian che fremende,
cun ojos che tittones allumados,
esseran issos cabos o soldados
su samben s’intendìana ‘uddende;
e-i sos caddos puru apparinende
si nd’istaian tottu, accalamados!
Ma fit s’insoro un’illusione ebbia!
De Zeus santu un’àter’ingannia!
106 Como, o Musas, ch’in s’olìmpicu monte
lumenosa tenides sa dimora,
mustràdebos cun cara amparadora
a chie grunat umìle sa fronte
e cuntzedide chi su nomen conte
de cuddos res e prìntzipes ancora
ch’a Tròia recuesin numerosos
da-e tottue, fortes, valorosos!
107 Prît’a los mentovare a unu a unu
cantos fini sos gregos gherradores
est impresa chi non podet niunu
a sa sola affrontare cun onores.
Pro sas difficultades chi bi sunu
nos limitamos dunca a sos Mazores,
ca deghe ‘uccas non dian bastare
e deghe limbas a los fentomare.
108 Sas de Beòtzia biddas mentovadas
chimbanta nde mandesin de navizos
e in dognuna apesin contivizos
chentuvinti persones, resinnadas
a dare a Ilion morte e marturizos!
Chimbe nd’aian de ghias sobradas:
Peneleu e Léito a primore,
Arcesilau, Clóniu e Protenòre 43 .
71
Sos Catàlogos
(res, prìntzipes
e naves de
s’esércitu
gregu)

Càntigu II
109 Sos ch’istain in Mìniu Orcumenu
e in Asplèdon trinta nd’imbiesin
de naves poderosas e Ialmenu
e su frade Ascalàfu las ghiesin,
fizos de Marte, deus eterrenu.
Baranta sos Focesos nde mandesin
lèbias che bentu invece, in podestade
de Schedìu e d’Epistrófu frade.
110 De sos de Locri Aiace Oileu
fit su cabu, de lanzas campione,
prus istrìzile e bàsciu ‘e Telamone,
s’àteru Aiace de su campu acheu.
Baranta bastimentos tott’arreu
nde ‘attesit Aiace a Ilione
e fini sos Locresos pretziados
che valorosos e fortes soldados.
111 Da-e s’Eubea ‘alu baranta
fini partidas naes de valore
a su cumandu de Elefenore,
d’Ares 44 gherreri nóbile pianta,
prìntzipe ‘e sa zenia tottacanta
de sos Abantes, cuddos chi pr’onore
sos pilos gighen longos fintz’a palas
e chi lantzas e fritzas bettan malas!
112 Da-e sa ch’Eretteu fraigada
aiat bidda manna pro Atena
(e chi pro custu “Atene” fit giamada)
chimbanta naves de bona carena
pro Tròia aian fattu sa tuccada.
Los ghiait a cussa terra anzena
Menesteu, de caddos domadore,
sapiente cantu a re Nestòre!
72

Su sonnu de Agamènnone e sos Catàlogos
113 Dóighi naves da-e Salamina
tucchesin a s’ilìaca tzittade
sutt’a sa d’Aiace podestade,
de Telamone forte raighina.
Da’ Argo e Tirinto ottanta in unidade
nd’imbiesin cun sas biddas d’Egina,
d’Epidàuro, d’Asine, d’Ermione,
de Masete, ‘e Trezene e d’Eione.
114 Aian custas pro suprema ghia
a Diomede, fizu de Tideu,
a Stènelo, miràbile zenia
de s’eroe gloriosu Capaneu
e, tertzu, Euriàlu ‘e Mecisteu,
ma chi tertzu non fit pro balentia!
Siat comente fin suggettos tottu
a Diomede in cuss’abbolottu.
115 Sos de Micene, Corinto e Clerone
cun sas biddas d’affacca ‘e nde mandare
chentu pensesin de naves umpare
ghiadas da’ s’Atride Agamennòne,
su chi deviat contr’a Ilione
s’esércitu ‘e sos d’Argo cumandare,
ca su re prus potente de abberu
fit de sa Grécia e tentu in cunsideru.
116 Sparta gherrera sessanta ‘e navios
nde mandesit e cun zente atzurida,
da-e sos giassos d’accurtzu accudida
cun cantas armas teniat e brios,
d’Elèna a vindicare chen’isvios
e de re Menelau sa ferida,
chi fit pro primu a s’ilìaca terra
partidu cun su coro in cuntierra!
73

Càntigu II
117 Noranta naves bene carenadas
da-e sas biddas de sa Trifilìa
e da-e Pilo istesin mandadas
cun re Nestòre soberana ghia.
Galu sessanta da-e s’Arcadìa,
da-e Agapenòre cumandadas,
nd’aian imbiadu a Ilione,
sas chi lis desit re Agamennòne.
118 Sos Epeos, gherreris d’atza e briu,
benzesin in baranta da’ s’Elide
cun battor cabos de talentu e fide:
Polissenu, Anfìmacu, Talpìu
e su forte Diore Amarincide.
Su própriu Mege da-e Dulichìu
e da-e sas Echìnades nd’ ‘attesit,
ma isse e tottu si las cumandesit.
119 Dóighi Ulisse, abbistu cumandante,
nde ghiesit de naves da’ Itáca
e da’ sas isuleddas de affacca.
Da-e s’Etòlia baranta Toante
cun zente de battàglias mai istracca;
ottanta Idomeneu saettante
da-e Creta umpare a Merione,
tremendu in gherra a Marte in paragone.
120 Da’ Ialisu, Camiro e Lindo ancora,
sas tres biddas de Rodi fentomadas
pro aer gioventude gherradora,
noe naes velotzes fin tuccadas
a dare manu forte, ‘ennida s’ora,
de s’Atride a sas àteras armadas.
Telepolemu fit su cumandante,
re valorosu e de fide costante.
74

Su sonnu de Agamènnone e sos Catàlogos
121 Cun tres naves, dognuna bene fatta,
da-e Sime bi fit solu Nireu,
bellu che s’Aurora e guasi patta
in galania a su fizu ‘e Peleu.
Ma sa sua non fit zenia adatta
a fagher de sas armas bon’impreu,
si li piaghiat de pius su gosu,
su viver chen’affannu e su reposu!
122 Da-e Scàrpanto e Caso tott’umpare
cun Coo, Nisiro e Calino puru,
pro Ilione cun coro seguru
vinti navios ponzesin in mare
carenados pro poder affrontare
in s’ora ‘e su bisonzu arriscu duru.
A los ghiare in tottu fini trese:
Fidippu, Antifu, Euripìlo rese.
123 Chimbanta naves da-e sa Tessàglia
e da’ Fitìa su fizu ‘e Peleu
galu nd’ ‘attesit e de bon’iscàglia!
Ma da-e cando sa fiza ‘e Briseu
nde l’aiat leadu prim’Atreu
a boleu non fit pro sa battàglia,
si, abbandadu cun sos Mirmidones,
s’istaiat da’ gherras e chistiones.
124 Da-e Filàcia, Pirasu e Itona
de naves nde fin bennidas baranta
cun sas de Piteleu e de Antrona.
Da-e Podarce, d’Ificlo pianta,
fit cumandada cussa ratza ‘ona
(d’Ares 44 divinu raighina santa)
da-e cando bi lassesit sa vida
Protesilau frade, a s’arrivida.
75

Càntigu II
125 Protesilau fit su cumandante
cant’est duradu in navigassione;
ma, giómpidu a su portu d’Ilione,
aende fortzas e coro bastante
non supportesit sa tentassione
de saltiare a terra a prim’istante!
Ma fit destinu chi esseret mortu
su primu a ponner pe’ in cussu portu!
126 Da’ Iaolco e Fere Tessalea
ùndighi Eumelu nde ghiesit,
fizu de Admeto, su ch’apesit
pro mama Alceste, déchida che dea.
Galu sette Filòttete nd’ ‘attesit
da’ Olizos, Metone e Melibea
cun treghentoschimbanta remadores,
bonos tottu cun s’arcu gherradores.
127 Ma in Lemno divina turmentadu
si nd’istaiat Filòttete mannu,
a ispàsimos malos, in affannu,
ca pìbera l’aiat mossigadu!
E sicomente durait su dannu,
su cumandu in sa gherra istesit dadu
a Medonte, eroe tessaleu,
fizu burdu de Rena e d’Oileu.
128 Sos de Tricca, de Itome irroccada
e d’Ecàlia, sa ‘idda d’Euritu,
a Ilione che nd’aian gittu
trinta de naves de bona portada.
Duos sa ghia l’aian leada:
Podalìriu, su fruttu beneittu
d’Esculàpiu, e Macaone frade,
méigos che’ su babbu ‘e calidade.
76

Su sonnu de Agamènnone e sos Catàlogos
129 Eurìpilu, fizu d’Evemone,
galu baranta nd’aiat battidu
da’ Orméniu, Titanu canidu 45
e da-e Iperea a Ilione.
E Polipète, rebuddu atzuridu
de Piritò, da’ Elon e Girtone
cun Leonteu e da’ Olessene
àteras tantas e frunidas bene!
130 Vintiduas sos de Cifo e Dodona
umpare a sos Perebos, forte ratza,
nde ghiesit Guneu e tottu d’atza!
Proto, de Tentredone frua ‘ona,
da-e sa de Pelìu àspida zona
ricca de abbas e logu de catza,
baranta, infinis, naves carenadas
aiat missu in mare, ben’armadas.
131 Como, o Musa, o soberanos Deos,
nâdemi: e de totta custa zente,
de tantos res e prìntzipes acheos
su mezus chie fit, su prus potente?
Sutt’a sos muros de sos Dardaneos
chie sos caddos d’ ‘entinnu lughente,
sas mezus ebbas teniat in caru,
seguresa in battàglia ‘e bon’amparu?
132 Sas puddedras d’Eùmelu de Fera
fin de sos Gregos sas prus ammiradas:
altas che pare, bellas, candeladas,
lèbias che puzones in s’aera!
Apollo las aiat allevadas
chi non si podet de mezus manera!
Istinchiddas de fogu catzaian
cando che lampos iscurrizaian!
77

Iris falat
da-e sos
Troianos.
Càntigu II
133 De sos Acheos su prus valorosu
fit Aiace, fizu ‘e Telamone,
foras Achille, eroe poderosu
su pius forte ‘e tottu in Ilione,
chi, da-e cando re Agamennòne
li lêsit a Briséide, a reposu
si nd’istaiat cun sos Mirmidones
in prus amenas occupasciones!
134 Pisti-pisti, cun su coro in affogu,
soldados, carros e caddos umpare
a s’anda e torra sa terra tremare
faghìana, che unu mare ‘e fogu,
gai comente faghet rembombare
Zeus mannu de Arime su logu,
u’est Tifeu malu sepultadu,
poi ‘e l’aer de undas flagelladu.
135 Da-e sas chimas de s’Olimpu in s’ora,
velotze cantu non podet su ‘entu,
d’unu cumandu ‘e Zeus portadora
Iris 46 falesit a s’accampamentu
de s’ilìaca ratza gherradora.
Reunidos fin tottu a parlamentu
sos de Prìamu res e cumandantes
pro detzider fainas importantes.
136 Si che misciesit Iris coittende
in mes’a tanta zente de valore
e, leada ‘e Polite 47 isploradore
sa fromma, a re Priàmu supplichende
nêsit: –O babbu, arrejonadore
ses tue ‘onu! Ma non ses pensende
a comente difender custa terra,
che cand’esserat tzessada sa gherra!
78

Su sonnu de Agamènnone e sos Catàlogos
137 A sas turres t’accera sol’appena:
sos Acheos, lutzighentes de brunzu,
be-i sunu che fozas in s’atunzu
o che in mare raneddos de rena,
detzisos a nos ponner in cadena,
a fagher d’Ilione un’abbaunzu
de samben, de piùere e de morte!
Tue m’isculta, o Ettòre forte!
138 Sos chi sunu cun nois alleados,
ma faeddan limbazu differente,
da-e su cabu insoro solamente
mezus chi sian issos cumandados
e dogni cumandante unicamente
chi penset a sos pròprios soldados!
Tue ebbia sos cabos, cantos sunu,
los cumanda e àtere niunu!
139 S’est chi faghimos goi, crê’ a mie,
non penso chi li pottat resessire
a sos d’Agamennòne in custa die
sa gherra ‘ittoriosos de cumprire!
O frade bonu e forte, prim’a tie
toccat s’impignu ‘e bi lis impidire!
Tue ses chi nos das coràggiu e fide
pro sustenner s’isfida cun s’Atride!–
140 Sa ‘oghe connoschesit de sa Dea
su de Priàmu valorosu fizu
e chene perder tempus su Cunsizu
rinviesit. Sa zente dardanea
tucchesit tando in presse e in pelea
aende de s’armare contivizu.
E da’ sas giannas d’Ilione a fora
ch’ ‘essesin sos Troianos in pag’ora
79

Sos Catálogos
Troianosa
Càntigu II
141 Subr’a unu montiju s’attruppesin,
chi Batiea giaman sos mortales,
ue –si contat– chi sos Immortales
Mirina pê’-lezera sepultesin.
Sos alleados puru s’ischieresin
cun sos de Tròia eroes geniales,
bramosos tottu in bonu d’impittare
caddos e fritzas e lantzas umpare.
142 Èttore mannu fit su cumandante
de cantos difendian a Ilione,
fizu ‘e Priàmu, forte che leone,
terrìbile cun s’elmu illuinante.
De tottu fit su mezus campione
e coltz’a chie paradu a innante
si l’esserat armadu in cussa gherra,
ca chena vida fit restadu in terra.
143 De sos Dardanos Enea divinu
fit su cabu gloriosu e rispettadu,
de Venus fruttu de d’ermosu sinu
e d’Anchise, mortale ‘en’assortadu.
Da-e duos eroes aggiuadu
fit in cuss’abbolottu isse a puntinu:
da’ Acamante, omìne de valore,
e Archelócu, fizos d’Antenòre.
144 Pàndaru, ‘e Licaone forte fruttu,
cumandait sa zente ‘e sa Zelea.
Adrasto e Anfìu ch’aian giuttu
sa mezus gioventura d’Adrastea,
d’Apeso, de Terea e Pitiea,
fizos chi an su babbu postu in luttu,
a Mèrope divinu, chi pregare
los soliat a Tròia ‘e non b’andare!
80

Su sonnu de Agamènnone e sos Catàlogos
145 Sos de Pèrcote, Pràziu, Sestu, Abidu,
sos d’Arisbe gherreris valorosos
Asìu, da-e Ìrtacu naschidu,
los ghiait, cun sos maravizosos
caddos mùrtinos ch’aian battidu.
Sos de Larissa Pelàsgios felosos
los cumandain Ippoto e Pileu,
fizos de Leto Teutamideu.
146 Sos de Tràcia gherreris campiones
recuesin cun Piro e Acamante;
Eufemu fit cabu ‘e sos Cicònes,
fizu ‘e Trezenu, de gherras amante.
Pirème da’ Amìdone distante
fit bénnidu ghiende sos Peones
e Pilèmene aiat s’egemònia
de sos soldados de sa Paflagònia.
147 Da-e sa ‘idda d’Alibe accudidos
sos Alizones fin, in podestade
d’Odìu e d’Epìstrofu atzuridos.
Sutta de sa de Cromi magestade
sos de sa Mìsia nde fin recuidos
e d’Ennomo, profeta ‘e calidade,
ma chi non resessesit a ischire
chi lu deviat su Pelide ‘occhire!
148 Forci e Ascàniu, bellu che deu,
fin de sos Frìgios sas supremas ghias.
Mestle e Antifu, lúghidas zenias
de Talamene, de su Meoneu
fin sos cabos de raras valentias.
Da-e sa Cària s’esércitu intreu
ch’aian giuttu finz’a Ilione
sos fizos coraggiosos de Nomione.
81

Càntigu II
149 Su primu d’issos Naste fit giamadu,
s’àteru Anfimàcu; riccu d’oro
tucchesit custu a Tròia (oh, iscabadu!).
Non ischiat chi Achille su coro
li deviat ferire, disdicciadu,
brivéndelu de vida e de tesoro.
Infinis sos de Lìcia a los ghiare
fin Sarpedòne e Glàuco umpare.
150 Cantos a Tròia Eroes lumenosos
tucchesin cun su coro in cuntierra!
Cantos giòvanos fortes, disizosos
de sàmbene, de luttos e de gherra!
In sas concas, o Paris, mal’atterra
lis as postu a-i cussos valorosos
cand’a Elèna ermosa ti ch’as giuttu!
Cantas pettorras as de ira alluttu!
82

Su sonnu de Agamènnone e sos Catàlogos
NOTAS DE SU CÀNTIGU SEGUNDU
1 Su fizu ‘e Peleu [...]: Achille, fizu de Peleu.
2 Su Sonnu [...]: Su Sonnu fit su fizu de sa Notte e frade de sa Morte.
Segundu sos antigos sos sonnos fin de duas calidades: verdaderos e
tramposos.
3 Nèstore Nelide [...]: Nèstore (giamadu puru Gereneu), fizu de
Neleu. Re de Pilo, fit su pius antzianu e accabadu de sos eroes
gregos.
4 Eos [...]: O Aurora. Fiza de Iperione e de Eurifessa. Fit s’isposa de
Titone.
5 Sa Fama [...]: Non fit propriu una divinidade, ma sa personificassione
litterale de sas limbas, bonas e malas, chi circulaian in mesu a sa
zente.
6 Vulcanu [...]: O Efesto. Fizu de Giove e de Giunone. Fit su deus
de su fogu e teniat sos frailes suos sutt’a su vulcanu Mongibello
(=Etna). Fit toppu e maridu de sa dea Vènere.
7 Ermète [...] Ermes [...]: Nòmenes gregos de Mercùriu, imbasciadore
de sos Deos. Fit fizu de Giove e de Màia. Fit puru giamadu
Cilleneu, sende nàschidu in su monte ‘e Cillene. Aiat galu s’ingàrrigu
d’accumpanzare sas ànimas de sos Mortos a s’Ade.
8 D’Argo ‘e chent’ojos [...]: Mostre orrorosu cun chent’ojos mortu
da-e Mercùriu pro liberare a Io (o Ino).
9 Pèlope [...]: Fizu de Tàntalo e maridu de Ippodàmia. Fit su
babbu de Atreu e de Tieste.
10 Tieste [...]: Fizu de Pèlope e frade de Atreu. Fit su babbu de
Egisto, su miseràbile assassinu de su re Agamènnone.
11 Argólide [...]: Regione orientale de su Peloponnesu.
12 Marte [...]: O Ares. Fizu de Giove e de Giunone. Fit su deus de
sa gherra.
13 A deghe ‘oltas [...]: Omero, nênde gai, cheret significare chi sos
Acheos fin meda pius numerosos de sos Troianos, ma non deghe
‘oltas de pius in manera pretzisa.
14 Icareu [...]: Parte de su Mare Egeu accurtz’a sas costas de s’Asia
Minore. Teniat tale nòmene da-e s’ìsula Icària (sa Nicària de oe).
15 Éuro [...] Noto [...]: Bentos ambos duos: su primu, Éuro, sulat
da-e sud-est; s’àteru, Noto, da-e sud ebbia.
16 Elèna [...]: Fiza de Tìndaru (o de Giove) e de Leda. Muzere de
83

Càntigu II
Menelau, re d’Isparta. Pàride troianu la furesit a su maridu, cajonende
degai sa gherra de Tròia.
17 In sa rena [...]: In s’ispiàggia.
18 Paris [...]: O Pàride o Alessandru. Fizu de Prìamu e de Écuba.
Furéndesi a Elèna, muzere de Menelau, provochesit sa gherra de
Tròia. Cun s’aggiudu de su deus Apollo bocchesit a Achille.
19 Odisseu [...]: Nòmene gregu de Ulisse, re de Ìtaca.
20 Eurìbate [...]: Non si trattat de sa matessi persone chi aiat mandadu
Agamènnone da-e Achille pro ritirare a Briséide (Càntigu 1^ -
Ott. 60-), ma de un’itacesu, cumpagnu d’Ulisse.
21 reos che ispidos [...]: Derettos e a punta che-i sos ispidos.
22 Tersite [...]: Su pius ascamile, feu e provocadore de cantos tucchesin
a sa gherra de Tròia. Fit gregu.
23 femineddas [...]: Ossiat bonos a nudda, timizosos e birgonzosos.
24 Telémacu [...]: S’unicu fizu chi aiat Ulisse e chi lassesit ancora in
fascas cando partesit pro sa gherra deTròia.
25 Aulide [...]: Portu de sa Beòtzia, da’ ue fin partidas tott’umpare
sas naves gregas pro sa gherra de Tròia.
26 burtzighinados [...]: Sos Gregos de tando solian gigher in pês
un’ispèssia de gambalettos altos fintz’a benuju, de corzu, simizantes
meda a sos burtzighinos sardos.
27 Gereneu [...]: Àteru nòmene de Nèstore, re de Pilo.
28 pintuleddos [...]: Iscadentes, bonos a nudda, male créschidos
che-i su pintuleddu, pane pùrile, ossiat chene madrighe chi lu fattat
pesare, crèschere! Ulisse cheret nàrrere chi chie disizat de recuire a
domo chena prima cumprire s’òpera est zente miseràbile, iscadente,
chi non méritat cunsideru perunu.
29 Cronide [...]: Si trattat de Giove, fizu de Crono.
30 da-e destra [...]: Su lampu, sighidu da-e su tronu, ch’isfuettat
da-e destra fit pro sos Gregos signale de bonas uras.
31 Lene [...]: Elena, sa muzere de Menelau.
32 in tranebbos [...]: Èssere in tranebbos, ossiat esser dubbiosu o
indetzisu in su ‘e fàghere.
33 Discòrdia [...]: O Eris, pro sos Gregos. Fiza de sa Notte, fit ligada
a su cultu de su deus Marte, de su cale fit cunsiderada cumpagna
inseparàbile. In occasione de su coju de Teti cun Peleu, pro si vindicare
de no esser bistada cumbidada, ch’imbolesit in sa sala una mela
d’oro cun s’iscritta “Pro sa pius bella”. Nde naschesit una disputa tra
84

Su sonnu de Agamènnone e sos Catàlogos
sas deas cun sas cumplicassiones chi cajonesin finas sa longa e orrorosa
gherra de Tròia.
34 Idomeneu [...]: Fizu de Deucalione e nebode de Minosse. Fit su
re de sos Cretesos.
35 Fizu de Tideu [...]: Diomede. Unu de sos pius atzuridos e valorosos
eroes gregos.
36 égida [...]: S’égida fit s’iscudu de Giove chi aiat, própriu in su
mesu, istoriada sa conca de sa terrìbile Gorgòne (o Medusa). Chie
l’aeret mirada sol’appena beniat boltadu in pedra.
37 Gorgòne [...]: O Medusa. Fit una de sas fizas de Forco e de Ceto.
Mostre orrorosu aiat su podere de giambare in pedra chie l’ aeret
mirada in cara! Pro pilos giughiat pìberas.
38 Asìu [...] Caistru [...]: Sos padros de Asìu fin mentovados pro sa
bonidade de su terrinu attraessadu da-e su riu Caistru, chi falaiat
da-e su monte Timolo, de sa Lìdia.
39 Scamandru [...]: Riu chi naschiat da-e su monte Ida, accurtz’a
Tròia, giamadu puru Xantu pro su colore grogu de sas abbas, addaghi
s’aundaiat. Fit puru su deus de cussas abbas.
40 razza ‘e Dardànu [...]: Sos Troianos fin puru giamados
Dardanos o Dardaneos da-e su nòmene de su primu re de Tròia,
Dàrdanu, fizu de Giove e de Elettra.
41 s’istajone ‘e s’allegria [...]: Su ‘eranu.
42 Poseidone [...]: O Posidone. Àteru nòmene de su deus Nettunu.
(Cunfronta su “DITZIONÀRIU OMÉRICU”)
43 Peneleu, Léito, Arcesilau, Clóniu, Protenòre [...]: Cun custos
nòmenes comintzat sa longa fila de res, prìntzipes, cumandantes,
biddas e logos de sos “CATÀLOGOS GREGOS E TROIANOS”. Chie
nde cherferat ischire de piusu abbàidet, boghe pro ‘oghe, su
“DITZIONÀRIU OMÉRICU”.
44 Ares [...]: Nòmene gregu de Marte, deus de sa gherra.
45 Titanu canidu [...]: Monte de sa Tessàglia, guasi sempre niadu.
46 Iris [...]: O Ìride o Iri. Dea de s’arcu ‘e sole, imbasciadora de sos
Deos de s’Olimpu.
47 Polite [...]: Frade de Prìamu, duncas tiu de Èttore e de Pàride.
85

ILIADE
CÀNTIGU TERTZU
SU DUELLU TRA PÀRIDE E MENELAU
Su duellu tra Pàride e Menelau

Càntigu III
SUMMÀRIU
Gregos e Troianos a cara a cara Ottavas 1-4
Paris fuit bidinde a Menelau 5-8
Èttore e Pàride 9-17
Sa proposta de s’isfida 18-27
Iris tuccat da-e Elèna 28-33
Elèna cun sos Majorales de Tròia 34-53
Su pattu giuradu 54-66
Su duellu 67-78
S’aggiudu de Vènere 79-87
Elèna e Pàride 88-92
Su ‘inchidore 93-95
88

Su duellu tra Pàride e Menelau
1 In s’ ‘ider a sos d’Argo a fianc’a pare
detzisos e cumpattos avantzende
lêsin sos Troianos coittende
issos puru a sa gherra a s’approntare,
affannados però, abboghinende,
chena niunu a los contivizare,
currinde chie a destra e chie a manca
che puddedros muscados in sa tanca.
2 E fit cussu chimentu, cuss’affogu
che-i su de sas gruas abbolottu
cand’in s’atunzu, giambende logu,
contr’a sos Pigmeos 1 a fiottu
cun sos biccos si ‘èttana de fogu
e che lambridas bocchèndelos tottu
in giassos de s’Océanu 2 lontanos,
ue viven a mizas cussos nanos.
3 Lómpidos passu-passu fin intantu
sos Danaos de fronte a s’inimigu,
resinnados a chertos de ispantu
pro vindicare s’arrennegu antigu,
e cun s’afficcu ch’una ‘olta tantu
lis si mustrerat Zeus Crono amigu.
Lughian issos che su sole ‘iu
de dies giaras d’ ‘eranu o d’istiu!
4 Che sa néula ispissa e fastizosa
chi carrat Noto subr’a sas alturas,
chi est pro sos pastores istragosa,
ma pro chie est trassende malas furas
paris che-i sa notte bisonzosa,
a tales altu in cussas campuras
su piuer fintz’a chelu pesaian
sos esércitos, mentre avantzaian.
89
Gregos e
Troianos
a cara a cara

Paris fuit
bidinde a
Menelau
Càntigu III
5 Approbe fin a dare su signale
de fagher de sas armas bon’impittu,
cando innante a sos suos, foramale,
acco’ a Paris, cun unu risittu
de beffe in laras, bellu parinale
a unu deu ‘e s’olìmpicu abitu,
cun unu corzu de pantera ‘estidu,
a lantza in manu e d’iscudu frunidu!
6 Giuilesit che mai Menelau
sebesténdelu (tales che leone
chi, famidu, abbojat unu trau,
calchi fiadu àbrinu o murone)
e, intendéndesi alluttu su crau
de sa vinditta pungher che tittone,
gal’isse furriesit a innante
leende a s’ala ‘e s’odiadu amante.
7 Ma cand’ ‘idesit Paris avantzare
a s’Ispartanu cun ojos de fogu,
a s’appreta che chie est in affogu
pensesit a s’insegus de torrare,
a sos cumpagnos misciéndesi umpare,
prît’amorosu non fit disaogu
su dever cun sa lantza e cun s’ispada
fagher contr’a s’Atride un’acconcada!
8 Che cando ti capítat, caminende
peri calchi ‘utturinu, padru o tanca,
de ‘ider una terpe, ch’istrisciende
paret ti cherfat lomper a un’anca,
e tue brinca-brinca ijantinende
fùrrias chena contu a destra e a manca
pro poder su perìgulu vittire,
gai Paris pro si ch’incheremire!
90

Su duellu tra Pàride e Menelau
9 De s’umore ‘e su frade s’abbizesit
però Ettòrre e: –Pàride dannarzu,
nàschidu no esseres! –l’urulesit–
Solu bellu t’at fattu e feminarzu
Zeus eternu, ma coro ‘e attarzu
intro ‘e pettus non ti nde ponzesit!
Como l’ischin sos Gregos chie sese:
unu crabolu, e non rebuddu ‘e rese!
10 Vigliaccu! canta lua as semenadu
cant’ódiu e morte mala in Argo intrea!
T’aère mezus bidu sutterradu
prima de ponner pês in terr’achea 3 !
E appoi ‘e su dannu cajonadu
finas t’intrat in gherra mala frea!
Sa ‘irgonza de s’ilìaca ratza
ses de abberu! A foras sa caratza!
11 Póttidu at comente un’ascamile
resessire in su ch’as fattu tue?
Sende istranzende in domo nobìle
a si furare e gigher aterue
sena riguardu unu flore gentile
e pobidda de re! Ma custa nue
cheret chi l’ispallates traittora,
ca de concluos est lómpida s’ora!
12 Deo crêo chi sàmbene in sas venas
nd’apas invece e finas de meuddos!
S’est chi preferis muzeres anzenas
faghe comente fàghene sos puddos:
pro una puddighina nd’ ‘essin cuddos
cun sas concas de sàmbene pienas!
E giaghi ruttu ses in cuss’isbàgliu
pone sa cogorosta a repentàgliu!
91
Éttore
e Pàride

Càntigu III
13 Si ses ómine, inoghe l’aisetta
a Menelau... cùmprila s’impresa!
E de comente li brujat s’offesa
as a cumprender! Como t’arresetta!
Sa chi Vènere dadu t’at bellesa,
sos pilos longos, sa bona prelletta,
timo ti pottan dare pagu aggiudu
in su duellu cun cuddu fortzudu!
14 Bae... e chi ti fattat bonu proe!
Ma non bi crêo! Antzis ch’as a rùere
presumo isterrijadu in su piùere
de comente in masellu trau o boe!
Nois –nar’ ‘eo–, ma prima de oe,
lu deviamis cun tegus conclùere
s’istragu ch’as a tottu ammanizadu,
si t’aimis a pedra settesciadu!–
15 E Paris in risposta: –Duncas male
pensas de me, o istimadu frade?
Su tortu non ti dao in veridade
s’est chi d’atza non mustro unu signale!
Ma sos donos de Vènere immortale
non mi rinfàccies, no, pro caridade:
pedidos non los apo, ne pensare
podia ‘e bi los poder refudare!
16 Ma si tue ch’atzette as bramosia
de Menelau sa tremenda isfida,
faghe goi: pro chi siat finida
s’insoro e-i sa nostra tribulia,
lassa gherrare a nois ebbia!
Unu solu at a pèrdere sa vida:
su chi ‘alanzat cussa prenda ‘e oro
si che leet pro sempre e su tesoro!
92

Su duellu tra Pàride e Menelau
17 Attesu da-e me e da’ s’Atride
cheret chi resten Gregos e Troianos.
Pare-pare istringhìdebos sas manos
giurende eternas amigàntzia e fide!
Zeus detzidat e sos Soberanos:
bois solu ‘e torrare promittide
a domos bostras, frades Dardaneos,
e a sas terras d’Argo sos Acheos!–
18 S’allegresit Ettòrre in su l’intèndere Sa proposta
e, lassadu su frade, abboghinende
e a manos altzadas, a suspèndere
tucchesit s’avantzada, che bolende.
de s’isfida
Ma sos Gregos, non podinde cumprèndere,
fritzas e pedras in l’ ‘ider benzende
l’imbolesin cun atza a Priamide,
finz’a cando non nêsit prim’Atride:
19 –O Acheos, cuss’ira furiosa
contr’a Ettòrre forte e atzuridu
un’iscutta tzessade! S’azis bidu,
narrer nos cheret isse calchi cosa!–
A sa ‘oghe ‘e su Re imperiosa
s’asseliesin tottu e unu gridu
bettesit, pustis pagu, da’ lontanu
a manu in barra s’Eroe dardanu:
20 –Troianos, e bois zente Achea,
muttide s’abbolottu e, s’iscultades,
de Alessandru 4 bos naro s’idea;
de frade meu, chi cunsiderades
cajone prima de custa pelea!
Tzessen tra nois sas disamistades
e dies giaras de paghe e d’amore
nos logren in su tempus benidore!
93

Càntigu III
21 Lassàmula concluer sa faina
a s’Atride e a Paris troianu!
Faghìmulis corona 5 e manu-manu
chi si gioghen a Elena divina!
Unu d’issos connoscat sa ruina,
s’àteru si la goset biu e sanu!
Nois s’impignu devimos leare
s’accordu noittolu ‘e rispettare!–
22 Li rispondesit Menelau mannu
a boghe alta che mùilu ‘e tronu:
–Como a mie iscultade, ch’in affannu
so prus de tottu. Pensamentu ‘onu
est su de Paris e rispondo a tonu:
Gregos e Troianos chena dannu
chi lu passen su restu de sa vida
appoi chi cumprimos cust’isfida!
23 Torret sa paghe poi ‘e tantas gherras
lìmpia e sintzera che abba de ‘ena!
Pius in vida connoschedas pena,
òdios, attraghentos, cuntierras!
Recuide cun s’anima sulena
a domos bostras, a sas bostras terras!
Unu de nois duos, unu ebbia,
paghet sa neghe ‘e tanta tribulia!
24 A Prìamu firmare los faghide
sos istrummentos de vera amigàntzia,
giaghi sos fizos non meritan fide!
In un’accordu de tant’importàntzia
sos pilos canos suos preferide
a ciarameddos de paga sustàntzia!
Cand’est tant’importante sa chistione
mezus chi cantet sa carta in cannone!
94

Su duellu tra Pàride e Menelau
25 Pustis leade da’ mesu sa chedda
pro su Sole e pro Zeus un’anzone
rassu e biancu e cun devoscione
bi lis sacrificade. Un’anzonedda
galu nd’ ‘attide, ma attentzione:
l’iseberade de lana niedda 6
e pro sa Terra cun amore e fide
invochende sa paghe la ‘occhide!–
26 Crêinde agabbados sos peleos
a boghes, giuilende, si pesesin
tott’umpare Troianos e Acheos!
Falesin da-e caddu, si nd’ ‘oghesin
s’armadura de brunzu e si ponzesin,
che chie bramat bonos ingranzeos,
tott’a corona, aisettende umpare
su chertu detzisivu a comintzare.
27 A giamare a Priámu chen’isviu
e a nd’ ‘attire Ettòrre sos fiados
duos cumpagnos mandesit fidados.
Agamènnone puru a Taltibiu 7
lestru li nêsit da-e su naviu
de sos chi bi teniat immandrados
de nde ‘attire su mezus gerrile,
onore a Zeus pro fagher deghile.
28 Da-e sas chimas de s’Olimpu in s’ora,
a bolu, da’ Elèna bratzinida
Iris falesit, bona imbasciadora,
de Laodice 8 ‘e su corpus bestida.
Fit sa giovana sa pius dechida
de cantas in s’ilìaca dimora
fizas teniat Prìamu potente,
d’Elicaone 9 s’isposa lughente.
95
Iris tuccat
da-e Èlena

Càntigu III
29 In domo l’agattesit recramende
cun filos d’oro unu mantu riccu,
de Gregos e Troianos ordinzende
chertos e gherras. S’amorosu afficcu
de s’ ‘ider in Isparta fit ninnende
e, mancari aeret pistu e siccu
su coro e in sos ojos sa tristura,
fit che dea galana, dulche e pura!
30 L’andesit a fiancu e: –Sorre cara,
–Iris li nêsit– curre a sa ventana:
as a bider sa ratza troiana
non pius cun s’Acheu a cara a cara
cun tìrria gherrende disumana,
ca pro accordos leados issara
duos ebbia affrontan sa morte
isperende donzunu bona sorte!
31 Lómpida est s’ora d’ ‘enner a concluos,
de render memoràbile sa die!
Detzider sa faina la dên duos:
cuddos chi tant’amore an postu a tie!
S’affettu tou, sos possessos tuos
dên esser d’unu, no importat chie!
Paris o Menelau conchistare
t’an a dever chertende a cara a pare!–
32 Nênde gai in su coro che ispidu
ardente li ponzesit passione
de s’abbratzare su primu maridu,
sos parentes, sa déchida Ermione 10 ,
fiza cara chi prus aiat bidu
da’ cando fit fuida a Ilione!
E s’ammentu de sa terra nadia
li creschesit su dolu e s’angustia.
96

Su duellu tra Pàride e Menelau
33 Si cuguddesit tando e, impressada,
cun Climene e cun Etra Pittiea 11
si l’avviesit a sa gianna ‘e Scea 12
Elèna lagrimende isconsolada,
eppuru carignéndesi s’idea
chi l’aeret s’Atride liberada,
gitta a Isparta, digna che a prima
de s’amore ‘e su Re e de s’istima.
34 Sétzidu cun Priàmu in cussu trettu
de Tròia be-i fit su mezus chiu:
Icetaone 13 cun Lampu e Clizìu,
Panto e Timete, omìnes de rispettu,
ma chi, send’antzianos, atza e briu
non tenian pius intro su pettu,
ma cun Ucalegonte e Antenore
parrer daian de raru valore.
35 Che’ sas chígulas ch’in s’istadiale
aundan sa campagna ‘e melodia,
gai de ‘oghes sa troiana via
pienaiat donzi Majorale!
E cando ‘idesin de Lene fatale
s’ispantosa ermosura e galania
abbauccados nêsin: –Maraviza!
De calchi deus custa rosa est fiza!
36 Sa neghe non lis damos de sa gherra
a sos d’Agamennòne, manc’appena!
Che una dea est déchida Elèna,
parinale non b’at fémina in terra!
Nostra est sa culpa de sa cuntierra;
ma pro chi torret sa paghe serena,
partat si de partire est in disizos,
pro bonu nostru, de fizas e fizos!–
97
Elèna cun
sos Majorales
de Tròia

Càntigu III
37 Cun boghe la giamesit carignosa
in su la ‘ider Prìamu sa nura,
de si la sêre affacca aende cura
e de li narrer: –O fiza diosa,
culpa non ti nde do, ista segura,
de custa gherra longa e odiosa!
Ne a Paris nde dao, crê’ a mie,
s’est Zeus chi detzisu at deasie!
38 Da’ inoghe as a bider tzertamente
a Menelau, su maridu antigu,
e àteros amigos o parente.
Ma intantu mi nara chen’ambigu:
e chie est cudd’eroe imponente,
monumentale che unu Lestrigu 14 ?
Si calicunu l’ ‘inchet de misura
no at che isse armónica figura.
39 Si l’assimizas, o sienda cara,
de cuddu maestosu eroe acheu
su gloriosu lùmene mi nara.
Da-e su portamentu est prim’Atreu,
ghia ‘e sos Gregos soberana e clara!–
Rispondesit Elèna chena neu:
–Sogru istimadu e bonu, oh ite sorte!
Pro viver goi prefero sa morte!
40 E morta essera cando detzidei,
mancari a mala ‘oza, ‘e ponner fattu
a fizu tou e solos bi lassei
sa fiza e su maridu in su palattu!
Sos frades, sas cumpagnas traighei!
Prîte sa die non si m’est isfattu
su coro e-i sas ancas marmuradas?
Oe piango, ma est in debadas!
98

Su duellu tra Pàride e Menelau
41 Como rispondo a su ch’as dimandadu.
In su suspettu tenias rejone:
s’eroe mannu chi m’as ammustradu
est propr’isse, s’Atride Agamennòne,
ghia ‘e sos Gregos contr’a Ilione,
frade ‘e maridu meu disdicciadu!–
Nêsit Elèna tottora in peleu,
pustis su sogru mirende a s’Atreu:
42 –Biadu a tie, o grega Majestade,
preferidu da’ ómines e Deos!
Cantos e cantos gherreris acheos
as tue, o Atride, in podestade!
Cand’a sa Frìgia 15 cun sos Dardaneos
(binzas bellas b’at cue in cantidade!)
pro la difender in gherra tucchei,
a mizas de soldados nde ‘idei!
43 Sos d’Otreu e Migdone 16 assaltiados
los aian sas vìrzines famadas
de s’Amatzònia 17 , sas chi fentomadas
sun pro cumbatter che bonos soldados
e ca da’ giovaneddas mutiladas
benin de una titta! Ischierados
fimis a trumas, m’ammento, in cuss’ora,
ma de pius sos d’Argo sun ancora!–
44 E pustis: –Chie est cuddu campione
tra sos Danaos sempre a s’anda e torra?
Pius bàsciu est de Agamennòne,
ma lu ‘inchet in palas e pettorra!
Che unu màsciu in mesu a su masone
cun sos fiados a s’incorra-incorra
tottu pomposu, cun ojos de braja,
paret chirchende sa mezus saccaja!
99

Càntigu III
45 Sas armas fuliadu ch’at in terra
comente chi l’essèrana de pesu
e controllende paret si attesu
fuidu est calicunu da’ sa gherra
o si cuadu s’esserat in mesu
timizosu de tanta cuntierra!
Chie siat mi paret de l’ischire,
ma proa tue a mi lu riferire!–
46 Li rispondesit Elèna: –Su fizu
est su chi naras de Laerte mannu,
re itacesu, su mastru ‘e s’ingannu,
insuperàbile in dare cunsizu!–
Tand’Antenòre: –Emmo, o dulche lizu,
già est Ulisse! A Tròia in affannu
cun Menelau ‘enzesit una die
e a los retzire tocchesit a mie.
47 Altos fin ambos duos, maestosos,
e, mancari inchizados, già s’ ‘idiat
chi nóbiles fin issos, valorosos!
De li torrare a Lene pretendiat
su re d’Isparta e nos lu naraiat
cun discursos detzisos, dignitosos,
ca ómine non fit de fagher barra,
curtzu invece, pretzisu, ‘e paga ciarra!
48 Cand’Odisseu poi a faeddare
cun in manos s’iscettru comintzesit,
s’impressione innante nos desit
d’esser iscassu in s’arrejonare,
ca non faghiat su bastone andare
che-i sa limba! Ma nos ispantesit
s’abbistu, pustis pagu, che matzone
cun limbazos de rara pretzisione!
100

Su duellu tra Pàride e Menelau
49 Ite discursu bellu ch’intendemis
e giaru che simmai in cussa die!
L’ ‘essian sas pàraulas, notemis,
canta in s’ijerru falat abba e nie!
Abbauccados, m’ammento, restemis
e ispantadu no at solu a mie!–
Non lu fattesit Príamu cumprire
c’àteras cosas deviat pedire:
50 –Cuddu ch’a tottu est superiore
pro palas mannas, petza e pro figura,
m’ischis narrer chie est, caru fiore?–
E in risposta luego sa nura:
–Aiace, de ‘iddas destruidore,
de Salamina difesa segura!
Affacc’a isse b’est Idomeneu,
de sos Cretesos re, bellu che deu!
51 In domo nostra pius d’una ia
retzidu l’at che frade Menelao.
S’onore chi merìtat bi lu dao,
ca est campione ‘e rara valentia!
Ma si cheres, o babbu, ti los nâo
a unu a unu ‘e sa grega zenia
sos lùmenes famosos pianu-pianu,
mentres ti los ammustro cun sa manu.
52 Sos de Giove e de Leda coppiolos
Polluce forte e Càstore agasone 18 ,
frades mios carrales, oriolos
no an duncas de me s’in Ilione
presentes non los bido? O solos-solos,
de sa sorre pianghinde s’atzione,
in Isparta si nd’istan abbandados
timinde forsis d’esser inzulzados?–
101

Su pattu
giuradu
Càntigu III
53 No ischiat Elèna chi sos frades
fin mortos da-e ora e sepultados!
Su ‘inu intantu e sos rassos fiados
pro onorare sas Divinidades
aian sos d’Ettòrre già approntados
e pro sizìgliu ‘e sas disamistades
sos càlighes Ideu 19 imbasciadore
finas leadu de raru valore.
54 E nêsit a Priámu própriu Ideu:
–Fizu ‘e Laomedonte, pone fattu!
Èttore troianu e prim’Atreu
ti sun aisettende: unu pattu
b’at de giurare a innanti a Zeu
ch’ambos bos lighet che unu cuntrattu
e ch’in s’istòria restet a fundaghe
d’amigàntzia onorada e santa paghe!
55 Paris e Menelau ‘e nd’agabbare
detzisu an sa gherra in die d’oe
tra issos cuntrastende pare-pare!
Pretendet unu e s’àteru eroe
gai su nomen sou d’onorare
e cun s’ùltimu chertu ‘e fagher proe!
Su ch’ ‘inchet si che leat tottucantu:
su tesoro, sa fémina, su ‘antu!–
56 Si nd’allegresit s’ilìacu Mere
chi sa gherra tzesserat tott’in una;
ma, che babbu, timinde mala luna,
proesit pro su fizu dispiaghere.
«Cumpanza chi li siat sa fortuna!»
–nêsit in suddu mannu e chena crêre
in sa gràscia ‘e s’Olimpu manc’appena–.
E un’ojada ‘ettesit a Elèna.
102

Su duellu tra Pàride e Menelau
57 Su calesse però de nde l’ ‘attire
cumandesit su Re e da-e Scea
cun Antenore, che chie at sa frea,
pensesit coittende de partire.
E cando lu ‘idesin arrivire,
siat Troianos che sa ratza achea,
nde giuilesin tottu a coro unfiadu,
crêinde ogni attraghentu barigadu!
58 Tand’Atride e Ulisse, chi lontanos
non fin da-e cuss’oru, s’accurtziesin
e-i sos animales nde fattesin
lestros truvare pro sos Soberanos.
Sos àteros sos càlighes pienesin
e pro s’innettiare ambas manos
lis battésini s’abba in sos cadinos,
comente cheren sos ritos divinos.
59 A sos fiados pustis de segare
tres tzuffos da-e conca, coittende,
cun s’ ‘urteddu chi soliat portare
presu in sa chintorza e pende-pende,
pensesit Agamènnone, ordinende
a prìntzipes e res de s’accurtziare.
Posc’a manos a chelu, a boghe ‘ia,
proferesit custa pregadoria:
60 –O babbu soberanu, ch’onoradu
ses de s’Ida 20 in sas chimas lumenosas,
e tue, o Sole, chi mai reposas
mancu cando a nois ses cuadu,
Rios perennes, Terra ‘e sacras cosas,
o Deos de s’Avernu 21 anneuladu,
zuighes implacàbiles de chie
giurat in faltzu, iscultade a mie!
103

Càntigu III
61 D’èssere testimonzos bos imploro
in custu giuramentu d’amistade
chi ognunu in piena libertade
a rispettare s’impignat de coro:
si morit s’ispartana Majestade
resten a Tròia fémina e tesoro;
nois sa gherra mala nde muttimos
oe e tottu e a domo recuimos!
62 Ma si nd’ ‘esserat isse ‘inchidore
e Paris mortu, non tzessat sa gherra
sena cumpensu a su manciadu onore!
Torret Elèna a s’ispartana terra
cun cant’issa possedit de valore;
in prus pro sa fatale cuntierra
pagare dên Priàmu e sa tzittade
sa lezìttima ‘iusta indennidade!
63 Custa pretesa, lu nâmos ladinos,
est pro noe annos de morte e turmentos
e restare at a dever in ammentos
de tottu sos istóricos destinos!
Ma si su Re e-i sos tzittadinos
non tenen fide a sos giuramentos,
sa gherra at a durare, naro puru,
finas chi reu in Tròia rezet muru!–
64 Nêsit; e sos anzones cun s’ ‘urteddu
iscannesit s’Atride chen’ ‘istentu
e-i sos res per terra in su momentu
bettesin binu e sámbene nieddu
faghinde umpare custu giuramentu:
–Gai peri su logu su cherveddu
ispramminade, o Deos, de chie
traighet sa promissa in custa die!–
104

Su duellu tra Pàride e Menelau
65 Issos giuresin, ma diversamente
lis fit Zeus sestende su filonzu!
Nêsit pustis Priàmu: –Bona zente,
frades e inimigos, su bisonzu
d’unu babbu iscultade sufferente:
permittide ‘e no esser testimonzu
a s’isfida de Paris cun s’Atreu,
ca triste e betzu est su coro meu!
66 Deo recuo a Ilione ‘entosa,
tantu Zeus eternu at già detzisu
chie connoscher dêt morte orrorosa
o coronare s’amorosu ‘isu!–
Poi ‘e lis aer dadu cust’avvisu
a su calesse, cun cara penosa,
cun su connadu Antènore ch’altzesit
e a sos caddos sas brìglias tiresit.
67 Èttore tando e Ulisse umpare
de s’arena sas làccanas signesin
e in un’elmu de brunzu ch’ ‘ettesin
duos nigheles 22 pro bi decretare
chie pro primu (e los buluzesin)
deveret contr’a s’àteru imbolare
sa lantza acuta chirchende ‘e ‘occhire
s’inimigu mortale o lu ferire.
68 Gregos e Troianos peristantu
faghian votos de pregadoria:
–O Mere de s’Olimpu giustu e santu,
agabbandela custa tribulia!
Chi lu ‘idemos faghe in agonia
a chie at sa neghe e in piantu,
e, si lu cheres da-e penas frànghere,
mancu tempus li dias de piànghere!–
105
Su duellu

Càntigu III
69 Èttore, infinis, da-e s’elmu a fora,
poi missa sa manu, nde ‘oghesit
unu nighele e-i sa sorte in s’ora
a s’eroe dardanu favoresit.
A sa muda dognunu si nd’istesit
e Paris, bellu che-i s’Aurora,
sa chi teniat lughente armadura
de si ‘estire apesit presse e cura.
70 Sos burtzighinos cun tìbbias de prata
in pês caltzesit, poi in sa persone
sa coratza ‘e su frade Licaone 23 ,
a tracolla s’ispada (ch’aiat s’atta
che leppa tagliente a perfessione),
s’iscudu tundu 24 e una lantza addatta
in sas manos, in conca un’elmu finu
cun pubusones de pilu caddinu.
71 Galu d’Isparta su re valorosu
in s’ora si ‘estesit a puntinu,
sempre ‘e piusu remurzende in sinu
pro Alessandru s’ódiu felosu.
Lómpidu esseret s’ùltimu destinu
pr’unu ‘e sos duos! A tales bramosu
fit donzunu ‘e torrare a domo sua,
poi ‘e noe annos d’orrorosa lua!
72 A distàntzia medida sas persones
de s’esércitu gregu e troianu,
ne tropp’affacca, ne troppu lontanu,
s’arrodiesin a sos campiones.
E cando in s’arena che leones
intresin cuddos cun sa lantza in manu,
ambos non tzessaian pare-pare
cun ojadas de fogu ‘e si mirare!
106

Su duellu tra Pàride e Menelau
73 Paris sa lantza imbolesit innante
lênde sa mìria e gridende cun atza!
Pius potente d’unu colpu ‘e matza
in s’iscudu ‘e su gregu cumandante
s’ispuntesit s’arminzu saettante
chena mancu isfiorare sa coratza!
Sa sua altzesit tando s’Ispartanu
nênde a Zeus: –M’aggiua, o Soberanu!
74 Su chi Paris bordidu at malu tortu
faghe chi lu piangat isse solu!
Accansa a mie de lu ‘ider mortu,
a Gregos e Troianos su consolu
d’una paghe ‘iusta e su cunfortu
de recuire a domo, che a bolu!
Su bratzu, o Babbu santu, mi sustene
pro ch’in tottue triunfet su Bene!–
75 Pustis sa lantza cun bultzu fortzudu
detzisu contr’a Pàride imbolesit.
Ira mala, su ferru trapassesit
da’ parte in parte su reale iscudu
e galu sa coratza l’isprendesit
pagu accurtzu a su fiancu nudu!
Ma vittesit sa morte Priameu
a insegus brinchende a unu ‘oleu!
76 Lêsit s’ispada in s’ora Menelau
e subr’a s’elmu cun fogosu apprettu
lu colpesit, a mùilos che trau!
E l’aiat su tuju nettu-nettu
ismutzurradu e sa vida leâu 25
si unu deus, pro calchi dispettu,
non bi l’aeret lestru fragassada!
Tand’iscramesit cun boghe accorada:
107

S’aggiudu
de Vènere
Càntigu III
77 –De cantu sias ingiustu e crudele,
o Zeus eterrenu, non l’ischia!
Ello segare cust’ispada mia
devias tue mentre a s’infidele
sa paga ‘e su dannarzu li rendia?
Fàtzile non che falat tantu fele!–
A pubusones 26 tando ‘e lu leare
pensesit isse pro l’istrasinare!
78 Che lu giuttesit, che cane urulende,
finas a pês de s’esércitu sou
e-i cuddu a morrer fit a prou
istrangugliadu: lu fit attoghende
su suttabula corriattu e nou
de s’elmu, sende gai istrasinende!
E trasinadu l’aiat ancora
fintz’a lu ‘ider mortu, a limba fora!
79 Ma Venus, lizu ‘e Zeus soberanu,
pro Paris preferidu in oriolu,
su arvale ‘e sa pedde a chirriolu
li fattesit, lassende s’Ispartanu
a bucca abberta e cun s’elmu in manu!
A ue fin sos Gregos tando, a bolu,
che lu ‘ettesit cun mala frastima
torrende a s’inimigu che a prima.
80 Isterrijadu fit Paris ancora,
attambainadu che ambidda in lua,
chena pius difesa, ne sa fua
salvare lu podiat in cuss’ora!
Ma da’ s’Olimpu lestra a s’ala sua
falesit Afrodite 27 amparadora:
cun una nue manna lu faschesit
e, a pesu, a Tròia lu portesit!
108

Su duellu tra Pàride e Menelau
81 Posc’a Elèna andesit a chircare
a sa turre 28 sa dea beneitta:
mirende cuss’isfida malaitta
cun sas antzillas che fit issa umpare.
Lêsit su corpus de una ‘etzitta
chi li soliat sa lana filare
cand’in Isparta ancora fit reina
e li naresit cun boghe ladina:
82 –Cheret ch’a domo, ojos de pinnadellu,
ti detzidas in presse a recuire.
Aisettende t’est Pàride bellu
e mandada m’at isse a t’avvertire.
Si lu ‘ideras! Pro nudda suffrire
paret chi l’apat fattu su duellu,
si appenas est solu sueradu
che ballarinu poi ch’at dansadu!–
83 Ogni faeddu fit una ferida!
Ma cand’Elèna a Vènere trassosa
connoschesit da-e s’ojada ermosa,
da-e su tuju bellu ‘e sa dechida
e da-e sa pettorra geniosa,
urulesit cun limba impiberida:
–Prît’est, o Dea, chi ti leas giogu
de una che a mie in mal’affogu?
84 Forsi ‘e sa Frìgia a calchi palattu,
a sa Meònia 29 terra o aterue
de mi che gigher su disignu as fattu,
ca b’at persone chi preferis tue?
Bìnchidu at Menelau su riscattu
e prus motivu non b’at chi mi cue!
A Isparta cun isse mi che torro,
ne a trassas pius su fiancu apporro!
109

Elèna
e Pàride
Càntigu III
85 Tue bi anda! Si nd’as piaghere
lassa ‘e s’Olimpu chimas e chimeras,
suffri cun isse e gosa che muzere
o che isclava, si lu disizeras!
Si da-e me invece pretenderas
galu una ‘olta ‘e cambiare mere,
iscas chi mezus prefero sa morte
a dever baliare tale sorte!–
86 «Lestra ti càglia, o Elena iscabada!
–Venus li rispondesit a minettas–
E non provoches... ca, si m’inchietas,
s’istima manna chi t’apo mustrada
in ódiu la giambo e non crêttas
tando ‘e torrare a domo consolada,
ca si ch’atzendo noa disania
perdes finas sa vida, abberumia!»
87 Timinde Elèna che chie at sa frea
a li torrare muttu non pensesit!
Si cuguddesit sa cara e tucchesit
cun sas antzillas infatt’a sa Dea.
Pustis cando, cun s’ànima in pelea,
a su palattu ‘e Prìamu arrivesit
a malu coro fattesit s’iscala,
disaura isetténdesi prus mala!
88 De fronte a Paris tando unu banchittu
l’ammanizesit Venus ed Elèna,
in su lu ‘ider, de ira piena:
–Bene torradu, eroe, a custu situ!
T’aeret Menelau beneittu
su coro bisestradu e sa carena!
Ma no est gai, ca Giove crudele
tragu non tzessat de mi dare e fele!
110

Su duellu tra Pàride e Menelau
89 Nâchi ‘e s’Atride fisti pius forte?
Ma fit ciarra sa tua, ciarra ebbia!
E tuccabe-i un’àtera ia...
proabe-i, barrosu, chi sa sorte
non ti reservat àteru che morte!–
E, siddéndesi, posca: –Ànima mia,
no, non b’andes... t’assèlia a fiancu meu,
ca si bi torras ti ‘occhit s’Atreu!–
90 E, isfaltadu, Paris: –Che pugnale
sas beffes tuas mi ferin s’onore!
Si custa ‘olta Minerva immortale
at dadu a Menelau su favore,
a s’àtera nd’ ‘ess’ ‘eo ‘inchidore
s’est chi restat s’Olimpu impartziale!
In s’eterrena Sea nois puru
calchi deus bi l’amos de seguru!
91 Ma intantu pensamos a godire
sos fruttos de s’amore ch’apo a tie,
e ch’in custu momentu, dês ischire,
est pius forte de sa prima die,
cando su primu abbratzu as dadu a mie
in s’ìsula ‘e Cranae 30 in su fuire.
Ne pro custu pott’ ‘eo dubitare
chi póttidu ti l’apas olvidare!–
92 Si l’istringhesit, nênde gai, a pettu
cun galania e lusingas bastante,
portendesila in su matessi istante
ben’abbratzada a intro su lettu!
Suspiros e carignos de amante
ch’ispallattesin iras e suspettu
e, imbreagos de intimu gosu,
su Sonnu los faschesit amorosu.
111

Su ‘inchidore
Càntigu III
93 Che cane chi de fera leat tratta
in s’ora s’Ispartanu fit chirchende
s’inimigu mortale, abboghinende,
in mesu a sos Troianos, in suffratta!
Nemos però indicascione isatta
li daiat, mancari disizende
esseren issos de lu ‘ider mortu,
ca che fit Paris in àteru portu!
94 Nêsit tando detzisu prim’Atreu,
versus s’Olimpu altzende sas manos:
–Su ‘inchidore, o nóbiles Troianos,
est unu, unu ebbia: frade meu!
Adducas onorade tott’arreu
sos giuramentos bostros soberanos,
pro chi tzesset pro sempre custa lua
e recuat donzunu a domo sua!
95 A Elèna a insegus nos torrade
e d’issa, o Dardaneos, su tesoro!
Pro su ch’amos suffridu, ‘e bonu coro
sa giusta ricumpensa preparade:
dàdenos brunzu meda, prata e oro,
gai finimos sa disamistade!–
A su cumbidu, cun coro cuntentu,
desit donzunu s’accussentimentu.
112

NOTAS DE SU CÀNTIGU TERTZU
Su duellu tra Pàride e Menelau
1 Pigmeos [...]: Sos Pigmeos, segundu sas paristòrias, fin ómines
meda bàscios (35 centìmetros ebbia!) ch’istaian in una terra impretzisada
tra s’Àfrica e s’Àsia occidentale.
2 in giassos de s’Océanu [...]: Zona impretzisada tra s’Àfrica e s’Àsia
occidentale. Fit logu de passazu (a s’andada e a sa torrada) de sas
gruas durante s’emigrassione. Fit in tale occasione chi sas gruas
faghian bisestru mannu de sos Pigmeos!
3 in terra Achea [...]: In sa ‘idda de Sparta, da’ ue si furesit a Elèna,
muzere de Menelau, cajonende deasi sa gherra de Tròia.
4 Alessandru [...]: Àteru nòmene de Pàride o Paris.
5 Faghìmulis corona [...]: Fagher corona, est a narrer “pónnersi
tottu in tundu, a s’inghíriu, finas a formare unu tzìrculu”.
6 de lana niedda [...]: Su colore de su fiadu de sacrificare in onore
de sa dea Terra deviat esser sempre nieddu, própriu pro significare
s’iscurigore de sa Terra in paragone a sa luminosidade de su Sole,
pro su cale sos fiados devian èssere invece biancos.
7 Taltibiu [...]: Unu de sos capitanos de re Agamènnone. L’amos
già incontradu in su Càntigu Primu - Ottava n. 60.
8 Laodice [...]: Una de sas fizas de Prìamu, re deTròia. Fit cojuada
cun Elicaone.
9 Elicaone [...]: Fizu d’Antènore e bénneru de Prìamu, aende
cojuadu sa fiza Laodice.
10 Ermione [...]: Fiza de Menelau e de Elèna.
11 Climene [...] Etra Pittiea [...]: Duas antzillas de Elèna. Etra fit
fiza de Pitteu, re de Trezene, e mama de Teseu.
12 Scea [...]: Una de sas giannas de Tròia. Sa de Scea fit posta a
manu manca de chie abbaidaiat versu sa palinza ue fin gherrende
Paris e Menelau.
13 Icetaone, Lampu, Cliziu [...]: Majorales de Tròia, frades de
Prìamu. Panto e Timete [...]: Majorales de Tròia, amigos de Prìamu.
Ucalegonte [...]: Majorale de Tròia, antzianu meda. Antènore [...]:
Prìntzipe troianu, connadu de Prìamu. Si mustresit sempre detzisu
in su sustènnere su dovere de sos Troianos de imbiare a Elèna a su
lezìttimu maridu.
14 Lestrigu [...]: Sos Lestrìgones fin unu pópulu leggendàriu, ferotze,
cumandadu da-e Lamo. Ulisse contr’a issos, recuende da-e Tròia,
113

Càntigu III
bi perdesit ùndighi de sas dóighi naves chi haiat. (Cfr. s’ODISSEA
mia a su Càntigu X - Ottavas 10-17).
15 Frìgia [...]: Regione de s’Àsia Minore, a oriente de Tròia.
16 Otreu e Migdone [...]: Fin duos res de sa Frìgia ch’istesin aggiuados
da-e Prìamu in sa gherra chi sustenzesin contr’a sas Amasonas.
17 Amatzònia [...]: Regione nord orientale de s’Àsia Minore, abitada
da’ unu pópulu de féminas gherreras, mutiladas de una titta pro
poder mezus impittare s’arcu.
18 Polluce e Càstore [...]: Frades de Elèna, fizos de Giove e de Leda.
Fin giamados Dióscuros (Dios = Giove; kuroi = rebuddu).
19 Ideu [...]: Imbasciadore de su re Prìamu.
20 Ida [...]: Montagnas de sa Tròade, cunsacradas a Zeus.
21 Avernu [...]: Su logu de sos Mortos. (Cfr. su “DITZIONÀRIU
OMÉRICU”, a sa ‘oghe “Ade”).
22 duos nigheles [...]: Omero non narat cun pretzisione ite ch’apat
bettadu Éttore intr’ ‘e s’elmu pro detzìdere chie deverat imbolare pro
primu sa lantza contr’a s’inimigu. Forsi fin duas taulittas de linna o,
forsi, duas pedrigheddas de diversu colore o cun calchi signale particulare.
23 Licaone [...]: Unu de sos fizos màscios de Prìamu. Lu ‘occhesit
Achille.
24 iscudu tundu [...]: Duos fini sos iscudos ch’impittaìana sos gherreris
de tando: unu mannu, a forma de “ellisse”, giamadu “miceneu”,
chi covaccaiat totta sa persone; s’àteru, invece, fit tundu e pius
minore de su primu.
25 leâu [...]: Sìncope de “leadu”.
26 pubusones [...]: S’elmu de Pàride fit imbellittadu cun diversos
pinnatzos o pubusones de pilu caddinu.
27 Afrodite [...]: Àteru nòmene de Vènere o Venus.
28 a sa turre [...]: Elèna fit andada cun duas antzillas a sa gianna de
Scea e da-e sa turre fit abbaidende in su campu troianu. (Cfr.
s’Ottava n. 33).
29 Meònia [...]: Regione de s’Àsia Minore, giamada pius tardu Lìdia.
30 Cranae [...]: Ìsula non mezus pretzisada ue approdésini Paris e
Elèna durante s’amorosa fua da’ Isparta.
114

ILIADE
CÀNTIGU CUARTU
SU TRAIGHIMENTU DE SOS TROIANOS
Su traighimentu de sos Troianos

Càntigu IV
SUMMÀRIU
Briga e pattu tra Giove e Giunone Ottavas 1-11
Atena e Pàndaru 12-20
Menelau benit feridu da-e Pàndaru 21-23
Su lamentu de Agamènnone 24-31
Su méigu Macaone 32-36
Agamènnone ispronat sos gherreris suos 37-40
Idomeneu 41-42
Sos duos Aiaces 43-45
Nèstore 46-50
Ulisse 51-55
Diomede e Stènelo 56-65
Sos esércitos a cara a pare 66-68
Fora da-e làccanas 69-84
Sos primos cumbattimentos 85-89
Sas impresas de Aiace Telamone e de Ulisse 90-95
Apollo e Minerva isprònana sos cumbattentes 96-98
Epeos contr’a Tracianos 99-102
116

Su traighimentu de sos Troianos
1 In su doradu lùghidu pamentu
fin de s’Olimpu sétzidos sos Deos
buffende in allegria s’alimentu
chi lis serviat Ebe 1 . ‘E sos Acheos
non si leain troppu pensamentu,
ne suddu aian de sos Dardaneos.
Tando lis nêsit su divinu Mere
cherfende provocare sa muzere:
2 –Non sun duas sas deas soberanas
(o mi faddo?) chi favorin sa sorte
de Menelau: Giunone sa forte
e Minerva gherrera? Ma lontanas
si nd’istan da’ s’eroe, che fulanas!
Venus 2 ermosa, invece, da’ sa morte
l’at salvadu su preferidu sou
própriu cando a morrer fit a prou!
3 Però ‘ittoriosa nd’est bessida
sa d’Atreu pianta coraggiosa!
Torret duncas sa paghe lumenosa
decomente est a tottu aggradessida
e torret puru Elèna dechida
a domo sua e Tròia valorosa
a esser che a prima fortilesa
de trabàgliu, onestade e fieresa!–
4 A s’affeu, mancari a malu coro,
si cagliesit Atena beneitta.
Era 3 , invece, baosa e biaitta,
perdinde de reina ogni decoro:
–O Zeus, –urulesit– malaitta
est sa preletta tua e mi nd’accoro,
c’a sas fadigas mias e suore
prétziu non das tue e ne valore!
117
Briga e pattu
tra Giove e
Giunone

Càntigu IV
5 Tue insegus però in custa die
li dias cherrer torrare a Elèna,
pro chi sigat Priàmu chena pena
sempre a regnare, no est deasie?
Faghe... faghe! Mi trattas che anzena,
ma tottu non la pensan che a tie!–
Ojincrispidu Giove in su l’intender
li rispondesit detzisu a l’offender:
6 –Limba de terpe, mala e fogaresa,
ite t’an fattu, nàrami ladina,
sos de Priàmu, si, che sempre atzesa,
bramas pro Tròia sa peus ruina?
Che tittone cuadu in sa chijina
mantenes s’ódiu pro s’antiga offesa,
ne a perdonu paras coro e mente!
Bae, manigatila cussa zente!
7 Tragatichelos chena piedade
cantos sunu, pro chi restes attatta!
Ma t’intret in sa mente che un’atta
su chi ti naro como, in veridade!
Si, primma o poi, deo una tzittade
detzidera de ponner in suffratta
e b’abiterat zente cara a tie,
in debadas t’invocas tando a mie!
8 Prîte si tzedo a su chi bramas tue
lu fatto pro chi tzesset s’abbolottu,
ca da-e re Priàmu apo connottu
fide e onores prus che in aterue!
Ma cust’istare tou punghe e mue
infadu dat a mie che a tottu.
De comente disizas duncas faghe,
ca brigas non disizo, cherzo paghe!–
118

Su traighimentu de sos Troianos
9 De ‘iddas caras, l’ischis, nd’apo trese,
–nêsit Era– Sparta, Argo e Micene.
De las destruer, pro chi mi nd’appene,
non mires cando, faghe su chi crêse!
Ses tue, o Zeus, su Re de sos Rese
e su chi faghes tue est fattu ‘ene!
Ma chena fruttu non siat lassadu
su ch’apo da-e ora ordivinzadu!
10 Un’immortale, tando, non so deo?
Antzis de Crono 4 , deves ammentare,
sa fiza pius manna d’esser crêo
e reina ‘e s’Olimpu! Cuntentare
nos devimos, o Zeus, pare-pare:
una ti dao, una mi nde leo!
S’est goi, pro chi m’ ‘idas prus sulena,
unu cumandu dês dare a Atena.
11 Da-e sos Troianos, che a bentu,
chi falet Issa e lis ponzat s’isprone
de traigher su primmu giuramentu
movinde gherra a sos d’Agamennòne!–
Zeus tando, giamada in su momentu
s’Ojiasulina: –Bae a Ilione,
fiza ‘e su coro, e a sos Dardaneos
ch’attacchen lis cunsiza a sos Acheos!–
12 Cuntenta ‘e s’imbasciada, ‘ola-’olende
tucchesit cudda da’ s’eternu logu
che istella chi, cando s’est giambende,
lassat insegus una coa ‘e fogu.
In su la ‘ider sa zente arrivende
proesit chie gosu e chie affogu
e si dimandaian pare-pare:
–Gherra o paghe nos at a annuntziare!–
119
Atena e
Pàndaru

Càntigu IV
13 Leadu ‘e Laodòco 5 s’assimizu
in mesu a sos esércitos giresit
de sos Troianos, finas ch’agattesit
a Pàndaru 6 , su valorosu fizu
de Licaone, su ch’in contivizu
aiat sos gherreris chi mandesit
sa Lìcia a Ilione, e, che trassera,
li faeddesit de custa manera:
14 –Nóbile cumandante, a su chi nâo
comente mi rispondes? Che atzudu
o che chie est in gherra ‘e pagu giudu?
Una fritza l’imbola a Menelao
chena timire, cun bratzu fortzudu!
Onores su cunsizu chi ti dao
ti at a procurare e in s’istòria
as a restare a mentovu e glòria!
15 Sos Troianos e Paris innante
ricchesas t’an a dare valorosas,
s’a sas terras de s’Ade iscurigosas
che l’imbias su gregu cumandante!
Prim’a Febo t’invoca saettante
e li promitti cheddas geniosas
d’anzoneddas de li sacrificare,
cand’a Zelía 7 sacra as a torrare!–
16 Non resistesit Pàndaru e, cun atza,
s’arcu sou appunzesit fentomadu,
su chi da-e sos corros fit bistadu
fattu de unu beccu ‘e bona ratza,
ch’isse cun una fritza trapassadu
aiat unu die, sende a catza,
mentres da’ una pèlcia, che bolende,
su fiadu areste fit bessende.
120

Su traighimentu de sos Troianos
17 Séighi palmos 8 (paret un’ispantu!)
nde gighiat de corros s’animale!
Da-e sa conca, maestosa tantu,
nde los seghesit cun una ‘istrale
incrédulu s’eroe e, a incantu,
da’ unu torinaju geniale
los fattesit a arcu modellare
e cun s’unchinu d’oro abbellittare.
18 Pro mezus poder cuss’arcu mujare
a terra lu puntesit, ca fit mannu!
Timinde in s’ora ‘e li sutzeder dannu,
pensesin sos cumpagnos tott’umpare
cun sos iscudos de che lu cuare,
ca si tramende sos Gregos s’ingannu
l’aeren bidu cun s’arminzu in manu
l’aiat s’arcu istiradu invanu!
19 Da-e su turcassu in su momentu
sa mezus fritza nd’ ‘oghesit Pandàru;
s’invochesit a Febo e giuramentu
fattesit de l’ ‘occhire tazu raru
d’anzoneddas de latte a bon’ammentu,
appenas giómpidu a su logu caru
de sa Zelìa, si contr’a s’Atreu
favoridu l’aeret cussu deu!
20 Sa saetta depustis collochesit
de su nérviu in su puntu medianu
e, ben’istrinta, forte la tiresit
finas a benner a pettus sa manu.
A mesu chìsciu s’arcu si mujesit
e, muidende, su traste a lontanu
si fuesit de sàmbene bramidu
su bersàgliu chirchende favoridu.
121

Menelau
benit feridu
da-e Pàndaru
Su lamentu de
Agamènnone
Càntigu IV
21 Ma in s’Olimpu ‘e te, fizu d’Atreu,
non si nd’ismentighesin manc’appena
si l’isviesit cuss’arminzu reu
pronta e detzisa sa matessi Atena,
decomente che catzat tott’arreu
musca o babbois da-e sa carena
de su fizu drommidu in su brassolu
sa mama, ch’est bizende in oriolu.
22 Che li ghiesit su colpu dannarzu
a mesu chintu, inue, trabagliada
cun arte, una chintorza russa e lada
bi fit de pedde cun giaos d’attarzu,
chi sa coratza teniat saldada
a sa munnedda ‘e ferru, che ligarzu.
La trapassesit cantu dêt bastare
sa carre cun sa punta a ispizolare.
23 Su samben su matessi a brotadura
da’ sa ferida nd’ ‘essesit bundante,
irrujende ‘e su gregu cumandante
sas còscias biancas e-i s’armadura,
decomente una bona trabagliante
de Lìcia 9 o de Meònia sa purpùra
isparghinde subr’a s’abóliu nîdu
lu giambat de ruju coloridu!
24 In su ‘ider su frade sambenende
proesit mal’assustu Agamennòne:
si l’abbratzesit cun affriscione
e, che chie a su peus est pensende,
miresit sa ferida. E, puru ‘idende
chi sa punta ‘e sa fritza in sa persone
fit appenas aizu penetrada,
iscramesit cun boghe ispasimada:
122

Su traighimentu de sos Troianos
25 –Pro retzire adducas custu tortu,
o frade caru, s’accordu fattemis
cun sos Troianos? Nois l’onoremis
sa paràula nostra e issos mortu
ti cherian invece... e lu ‘idemis!
Però non nde dên aer de cunfortu
sos chi su faltzu giuran in sa vida
finas a esser sa neghe punida!
26 Pro s’ingannu ch’an cherfidu ‘ordire
non merítan peruna cumpassione
cussas limbas de fogu d’Ilione!
Unu ch’est unu no at a fuire
a s’ira nostra: chen’affriscione
amos babbos e fizos a bocchire
e sas féminas, postas in cadenas,
an a connoscher padronas anzenas!
27 Su coro mi lu narat in cust’ora
ch’at a ruer s’ilíaca tzittade
e chi Zeus eternu áter’ancora
no at aer de issa piedade!
Ma si morzeras tue, caru frade,
pro culpa ‘e cussa fritza traittora
mi diat parrer mísera cundanna
finas sa punissione pius manna.
28 Coltz’a mie! Cun cantu disonore
a sas terras torrare mi che dia
de Argo siccaditta! Ite dolore,
ite tzàntara da-e parte mia!
Poi mortu d’Isparta su segnore,
chena gigher sa gherra a finitia
dimis a Lene lassare in sas manos,
pro beffe eterna nostra, ‘e sos Troianos!
123

Su méigu
Macaone
Càntigu IV
29 E calchi dardaneu, che barrosu,
sa losa appeighende ‘e frade meu
at a narrer: –Deasi prim’Atreu
pottat resesser in cantu est bramosu!
Cun sas istivas boidas s’acheu
est recuidu, pistu e lamentosu,
lassèndenos inoghe sutterradu
chie sa gherra at chérfidu e chircadu!–
30 In sa péntuma tando prus fungutta
mi diat parrer de ch’isteremare!
Mezus mortu che a dever baliare
s’ispera nostra de ‘ider derrutta!–
Li nêsit Menelau: –Assucconare,
si sighis gai lamenta e succutta,
si dian poder sos àteros puru
e fuìresi a logu prus seguru!
31 Non disperes, ca sa fritza felchida
si m’est in puntu pagu delicadu
e, pro sorte, su colpu l’at frenadu
sa chintorza de pedde ‘e chimbe dida 10
e sa coratza ‘e ferru trabagliadu!
Perìgulu non timas pro sa vida
de frade tou e chi non tzessat cue
sa gherra troiana pensa tue!–
32 “Asi cherfan sos Deos!” –rispondesit
cuntentu e animadu Agamennòne–
Pustis, giamadu a Taltibiu, nêsit:
–Bae, curre e nde ‘atti a Macaone 11 ,
fizu d’Asclépiu 12 , pro ch’a perfessione
su dannu chi s’arminzu procuresit
curet isse a s’Atride lestru in s’ora
e li sulenet su dolore ancora!–
124

Su traighimentu de sos Troianos
33 Tucchesit Taltibiu che’ su lampu
a chircare su meigu valente
peri sas tendas de su gregu campu.
Umpare l’agattesit a sa zente
ch’isse e tottu a s’ilìacu giampu
da-e sa ‘idda de Tricca potente
nde ‘attesit, detzisa a re Priàmu
a l’istringher in bucca malu camu!
34 E li nêsit: –O pranta beneitta
d’Esculàpiu 12 divinu, a su chi nâo
pone attentzione: a Menelao
an feridu cun fritza malaitta
Lìcios o Troianos! S’imbisita
chi lis dês fagher s’órdine ti dao
de re Agamennòne e coittende,
ca su frade est per terra ispasimende!–
35 A sa notìscia, mancari atturdidu,
pro sa vida ‘e s’Atride in oriolu,
tucchesit Macaone, che a bolu,
che chie est da-e canes persighidu!
Cand’arrivesit da-e su feridu,
inghiriadu, déndeli consolu,
da-e sos cumandantes l’agattesit
e s’arte sua in pràtiga ponzesit.
36 Sa fritza innanti cun inzegnu mannu
nde l’istratzesit da’ sa carre offesa
pensende ‘e non li fagher peus dannu.
Depustis, pro mazore seguresa,
sutzesit sa ferida e cun lestresa,
pro l’alleviare dolore e affannu,
segreta de Chirone 13 una mistura
li passesit in corpu a frigadura.
125

Agamènnone
ispronat sos
gherreris suos
Càntigu IV
37 Imperistantu, armados a dovere,
profettende ‘e s’assustu ‘e sos Acheos,
pensesin sos gherreris dardaneos
d’avantzare cumpattos! Ma su mere
supremu de sos Gregos in impreos
non restesit diversos: cun piaghere
pensende a sa vinditta solamente
a boghes si pesesit prontamente:
38 –Contr’a Priàmu, o Gregos, su valore
pius de prima cheret chi mustredas!
Su giuramentu non bos olvidedas
faltzu de cuss’erèntzia ‘e pagu onore!
Tròia dêt rùere! Adducas siedas
detzisos e crudeles che astore,
ca non merìtat, no!, cumpassione
sa zente malaitta d’Ilione!–
39 E a cantos nd’ ‘idiat incherados,
timinde de sa gherra su fragassu:
–D’aer battidu a-i custu giassu
crabolos non crêia! Isbirgonzados!
S’istades cue, a unu cummassu,
fintzamente a sas naves arrivados
amos a bider sos ‘nimigos nostros!
Chi sian cussos sos disizos bostros?
40 Bazi ch’est mezus, bazi e bos armade!
S’onore e-i sa vida difendide,
si non cherides pro s’eternidade
fama ‘e vigliaccos, bos nde cumbinchide!
Bazi ch’est s’ora e los massacrade!
E tue, Eurimedonte 14 ‘e bona fide,
fattu mi pone cun sos caddos mios,
a boltas non mi fàddana sos brios!–
126

Su traighimentu de sos Troianos
41 Intantu, abboghinende, prim’Atreu
in mesu a sos de Creta s’agattesit
e armados e prontos los bidesit
tottu a fiancu de Idomeneu,
chi s’istaiat, che sirvone, reu
sa gherra disizende, e s’allegresit.
A Merione 15 ‘idesit puru in coa
inganidu de dare bona proa.
42 Nêsit tando sa grega majestade:
–Bae, Idomeneu, a s’abbolottu!
Andabe-i e sa rara abilidade
ammustra a su Re tou che a tottu!–
E-i cuddu in risposta: –Si connottu
e istimadu, o Re, mi as che frade,
iscas chi prus de prima apo in disizos
de dare a Tròia mortales fastizos!–
43 S’avviesit cuntentu Agamennòne
de su coràggiu ‘e sos gherreris suos,
seguru ‘e dever giomper a concluos
cun sos faltzos ‘nimigos d’Ilione.
Tott’in una accollos ambos duos
sos Aiaces: sos de Telamone
e d’Oileu fizos affortidos,
da’ una truma ‘e soldados sighidos!
44 Che cando da’ un’altura su crabarzu
pighende minettosas da’ su mare
bidet nues nieddas avantzare
gàrrigas d’abba e de tempus dannarzu
e, cun su coro in bula, a guvernare
pensat s’ ‘ama intr’ ‘e calchi roccarzu,
a tales sos de Prìamu timende
miresin sos Aiaces avantzende.
127
Idomeneu
Sos duos
Aiaces

Nèstore
Càntigu IV
45 Agamènnone invece suddisfattu
lis nêsit: –A vindicare s’onore
bazi ‘ois puru, o frades, e su piattu
li torrade a Paris traittore,
pro chi piangat su male ch’at fattu!
A zente che a bois de valore
órdines de lis dare non bi nd’ada!
Bazi, ca s’ora nostra est arrivada!–
46 Da-e Nèstore pustis che tucchesit,
de Pilo soberanu cumandante.
Cun Crómio 16 e cun Emone l’agattesit,
cun Pelagonte, Alàstore e Biante
ischierende s’esércitu: a innante
cavaglieris e carros sistemesit,
sos primos a sustenner s’abbolottu,
e sos chi fin a pê’ in coa a tottu.
47 Cuddos ch’invece si fini mustrados
menguantes in sos cumbattimentos
los aiat in mesu collocados
pro ch’aeren, mancari discuntentos,
gherradu issos puru, che obbligados!
E pr’isprone: –Soldados, como attentos
istade a sos cunsizos chi bos dao,
ca prus de s’oro ‘alet su chi nâo:
48 Nemos penset contr’a sos de Priàmu
de fagher e disfagher a sa sola,
ca est che a puzone ‘ettare s’amu!
Non b’istedas, adducas, bola-’ola
fatt’a unu o a s’àteru in s’arzola
de sa gherra! Si cherides s’accamu
ponner in bula a’ cuddos atzuridos,
avantzade gherrende tott’unidos!–
128

Su traighimentu de sos Troianos
49 E galu rie-rie prim’Atreu:
–S’aeres sos benujos, beneittu,
fortes che-i su coro e a boleu!
No, non l’atzettas su d’esser betzittu!–
E torréndeli ‘oghe Gereneu:
–Su tempus, cussu sì chi m’at traittu!
Su briu non b’est prus, Agamennòne,
de cando ‘occhei a Euritalione 17 !
50 Ohi de me, s’edade ‘e s’ ‘ajania
si mi ch’est da-e tempus barigada
e sa ‘etzesa si nd’est accerada!
Ma finas goi, o soberana Ghia,
crêo chi servat sa presèntzia mia
in custa gherra, s’ ‘enit pretziada
sa paràula ancora ‘e s’antzianu,
mascamente da’ chie est prus giovanu!–
51 Pustis d’isse, sighinde, Agamennòne
a Menesteu 18 ‘idesit ateniesu
e a Ulisse, aizu prus attesu:
ambos frimmos, che cando in chistione
no esseren cun cuddos d’Ilione,
a sos gherreris s’istain in mesu,
ne signale d’apprettu mustraian,
ca su chi fit sutzessu no ischian!
52 Abboghinest tando furiosu:
–Miseràbile fizu de Piteu,
cantu fit babbu tou valorosu
ses tue inneuddadu, a parrer meu!
E finas tue, abbramidu Odisseu,
mastru de malas trassas, inzomosu,
prît’est chi accuccadu t’istas cue?
Ello sa gherra timinde ses tue?
129
Ulisse

Diomede
e Stènelo
Càntigu IV
53 Però cando si trattat de pappare
in domo anzena, male si currides!
Emmo ch’a petta e binu lis giompides,
ca s’arte ‘ostra est sa de bos nd’istare
cun sa banca a pettora e de festare!
A bos lu narrer, s’àscamu faghides!
Antzis d’esser d’isprone a sos gherreris,
arresettades cue, che oreris!–
54 Ma Ulisse in risposta ojincrispidu:
–Limba de fogu, non la lassas s’arte
malaitta ‘e nos pungher che ispidu!
Sa gherra appenas che l’atzendet Marte,
l’as a bider si frimmat istasidu
su babbu de Telémacu in disparte!
Ma pro cantu nde fattas de chimentu
ciarra est sa tua, frundida a su ‘entu!–
55 «Fizu ‘e Laerte divinu e prudente,
su Re li rispondesit retrattende–
no, non t’offendas! Su chi fia nênde
non fit da-e su coro, tzertamente!
Amigu mi ses tue e, s’imprudente
custa limba est bistada faeddende,
iscuja ti dimando cun piaghere,
ca già l’isco chi faghes su dovere!»
56 Da-e su forte fizu de Tideu 19
pustis pressosu su Re arrivesit
e umpare a s’amigu l’agattesit,
a Stènelo 20 su fruttu ‘e Capaneu!
Finas a isse, appenas l’abbojesit,
che un’ira urulesit prim’Atreu:
–O Diomede, t’istas cua-cua
che chie solu pensat a sa fua!
130

Su traighimentu de sos Troianos
57 A su chi contan sos betzos antigos
babbu tou deasi non faghiat,
si sempre che leone avantzaiat
a innante contr’a sos inimigos
e maicantos nd’isterrijaiat!
Cando soldados pedinde e abbigos
cun Polinice 21 ‘enzesit a Micene
sos Mannos mios lu trattesin bene.
58 Si est chena gherreris recuidu
est ca Zeus contràriu s’est mustradu!
Pustis cando a Tebe l’an mandadu
da’ Eteòcle 22 sos Gregos e bidu
b’at su pópulu in banca ausentadu
cun su tirannu, non si nd’est siddidu
Tideu imbasciadore, manc’appenas!,
ca non teniat abba intr’ ‘e sas venas!
59 Antzis sende festende in conzuntura
e gioghende, lestru de chertare
cun sa de Tebe mezus gioventura
pensesit isse e de la superare!
E bi ponzesit tale impignu e cura
chi los binchesit cantos fin umpare!
Offesos, cuddos, a sa dispidida
de li leare tentesin sa vida!
60 In chimbanta a s’abboju ben’armados
accudesin sos giovanos in s’ora!
Ma no ischian sos malintragnados
chi a Minerva Atena amparadora
teniat isse e gai a limba fora
ruesin tott’umpare istoccatzados
unu subra de s’àteru, a cumone,
foras tales Emónide Meone 23 .
131

Càntigu IV
61 Si de tales intragnas fit Tideu
paret su fruttu de pagu assimizu,
s’est beru chi at custu in contivizu
pius sa ciarra de su bon’impreu!–
Risposta non torresit a s’affeu
Diomede famadu, mancu aizu,
ca teniat su Re in prétziu mannu
e ca cumpresu l’aiat s’affannu.
62 Ma Stènelo superbu: –Irroccada
chie nde l’at a Tebe, Agamennòne?
Sos Mannos forsi? No! Nois leada
l’amos ebbia! Duncas a rejone
mi cunsidèro mezus campione
de babbu e de s’erèntzia passada!
In pius fimis nois rispettosos
de sos Deos, cant’issos orgogliosos!–
63 Ma Diomede con boghe imperiosa:
–Mezus ti càglia e a su dovere
innanti pensa, ca est mezus cosa!
Deo non m’inchieto si su Mere
nos ispronat a gherra valorosa,
ca nd’apo che a isse piaghere
d’ ‘ider a Ilione in su piùere
e in glòria s’isfida ‘e la conclùere!–
64 Nênde gai a terra saltiesit
da-e su carru s’eroe famadu
e s’armadura ‘e brunzu rembombesit
che tronu fatt’a lampu ch’est faladu!
Cuntentu Agamennòne nde restesit
e Stènelo finas abbauccadu!
Ma intantu, avantzende contr’a pare,
fin sos soldados prontos a gherrare.
132

Su traighimentu de sos Troianos
65 Che cando da-e Zéffiru appretadas
s’attàppana sas undas de su mare,
una fattu a s’àtera, airadas,
contr’a sas roccas, fintz’a che pigare
altas in chelu e, isfarfaruzadas,
cantu b’agattan solen isprutzare,
degai fin beninde sos Acheos
attrumados contr’a sos Dardaneos!
66 Sos ùrulos d’intzitu s’intendian
de res e cumandantes resinnados,
mentres in fila e mudos protzedian
sos gregos cavaglieris e soldados.
Sos Troianos galu ben’armados
invece ciarra-ciarra avantzaian
de comente in sa mandra belidende
milli ‘arveghes, cando las sun mulghende!
67 Pro lis crescher in pettus atza e lua
finas s’Olimpu bi ponzesit parte:
a sos de Tròia bi pensesit Marte,
a sos Gregos Minerva a moda sua!
Benzesin su Terrore e-i sa Fua,
ne si nd’istesit cagliada in disparte
sa Discòrdia 24 , ch’est lestra a ponner fogu
e mala a istudare in dogni logu!
68 Abboghinesit sa Discòrdia, e forte!
creschinde in cada coro a dismisura
bisos de glòria e d’eterna lugura
cun disizos de sámbene e de morte!
Est sa gherra un’antiga disaura,
pro s’ómine sa peus malasorte!
Ma che tzegos, a dispettu ‘e s’Istòria,
la professamos da-e s’Antigòria!
133
Sos esércitos
a cara a pare

Fora da-e
Làccanas
Càntigu IV
69 (Lettores mios bonos, m’iscujade
si ch’ ‘esso da-e làccanas a fora
e mi perdonet puru Omero in s’ora
si m’attrivo, chen’autoridade,
a bi aggiungher calchi versu ancora
a su Poema ‘e sa disamistade
tra Gregos e Troianos! Si lu fatto
est ca in tempos diversos m’agatto!
70 Diversos, cust’est beru, ma non tantu
s’est che a tando su Mundu ‘oltuladu
da-e gherras tremendas, ohi cantu!
chi lassan donzi coro isperasciadu!
E ch’at maridos e fizos in prantu
non pro Elènas chi si ch’an furadu,
ma pro s’istintu ch’amos malaittu
d’istare a chistiones sempr’appittu!
71 S’aimis, frades caros, sol’appenas
isfruttadu s’umana intelligèntzia
no aimis connottu tantas penas,
tanta crudelidade e prepotèntzia!
S’in domos nostras che in sas anzenas
fit regnada ‘e s’Amore sa potèntzia,
sa Paghe e sa Giustìscia fioridas
fin che rosas a tottu aggradessidas!
72 E fit bistada che unu ‘Eranu
sa Terra nostra, lùghida ‘e colores,
de càntigos, de nidos, de fiores!
Fimis campados tottu a coro in manu
cumpartìndeche in gosos e dolores
de gràscias e d’aorros donzi ranu!
Nos fin párfidos tando supportàbiles
sos luttos, sas disgràscias immancàbiles!
134

Su traighimentu de sos Troianos
73 Ma no est gai, no, frades carrales!
No avreschet beranu... ch’est s’ijerru
e cust’arzola nostra est un’inferru
prenu ‘e Cainos cun coros pedrales
e d’Abeles, gittos che animales,
malàidos, famidos, in disterru,
frisciados in galeras orrorosas,
ispojolados in gherras felosas!
74 Malaitta pro sempre e da-e tottu
sias, o gherra, inoghe e in tottue!
Chie sa cara t’at bidu e connottu
su peus mostre narat chi ses tue!
Maganzosa e pìghida che nue
solu bómbitas morte e abbolottu!
Ses istintu ferinu, negascione
de sa paghe ‘e su coro, ‘e sa rejone!
75 De bos intender mi paret, amigos,
nêndemi: –E tue prîte ch’as ficchidu
s’oju in su Poema ch’est tessidu
che niune de gherras e intrigos?
E prît’est chi nos faghes su cumbidu
de legger como sos chertos antigos
ch’an Gregos e Troianos pro degh’annos
susténnidu cun luttos e affannos?
76 S’est ch’abburris sas gherras de abberu
la devias s’ILÌADE lassare
a chelos de ranzolu e affrontare
òperas de contràriu cunsideru!
Omero a su nessi fit sintzeru:
isse sos Mannos suos onorare
cheriat d’Argo e armas e trassas
impittesit pro càbidu ‘e medassas!–
135

Càntigu IV
77 Lettores pascientiles, perdonade
si lìmpia non brotat da’ sa ‘ena
sa Musa mia e finas piena
bos podet parrer d’insintzeridade.
Da-e sende in sa minore edade
m’infiamesi ‘e sa fatale Elèna:
d’amore, che fiore ‘e custa Terra,
d’ódiu, che cajone ‘e cuntierra!
78 Pustis amore e ódiu ilgiaridos
mi los at custa vida differentes:
fruttu su primu de bonos sentidos,
s’àteru invece de luadas mentes!
Brillat s’amore in coros innotzentes,
brujat s’ódiu in sos malattrividos!
In una tanca paschen sos anzones,
in s’àtera sos pérfidos leones!
79 Ma su ch’est orrorosu est ch’in sa Terra
imperen sos leones prus mettanzos,
bramende e semenende cuntierra
pro crèschere in potèntzia e in balanzos
e sos anzones, coltzos, chen’affianzos,
mancari abburran s’insensada gherra,
cun un’iscuja o s’àtera, trazados
benin che a masellu e bisestrados!
80 Chi siat goi, non lu naro deo!
Deris che oe est su Mundu in manu
a su forte, a su riccu, a su metzanu,
mancari (e de lu narrer non m’arreo)
àpana “sos pius” su coro sanu!
E si adducas sas pretesas leo
de chie patit s’arrogante abusu
est prîte mi collòco cun “sos prusu”!
136

Su traighimentu de sos Troianos
81 –E sende poeteddu, bos l’ammitto,
de versos agros e istratzulados
(e finas da-e àteros leados!)
su tempus ch’apo cunvintu l’impitto
a pinna in manu, chirchende siddados
de paghe verdadera e mi permitto
d’istrobbare sos Mortos d’Ilione
no isco si a tortu o cun rejone!
82 S’in donzi versu, in donzi ottava mia
s’intendet de sas armas su chimentu,
s’ùrulu ‘e su feridu in agonia,
d’òrfanos e viudas su lamentu,
ischedas chi su peus iscarmentu
est sa gherra pro s’umana zenia,
ne rejones de una o milli Elènas
pàgana tantos luttos, tantas penas!
83 Chie che Paris troianu ‘etterat
in su sulcu ‘e sa vida malu chiu
e ingranidas ispigas penserat
de bi messare giómpidu s’istiu,
s’abbizet ch’est chimera su ch’isperat,
ca crescher b’at a bider primadiu
su pedrufeghe in mesu a su laore
bratzispartu che rughes de dolore!
84 Como l’ischides prîte a Ilione
ch’est bessida sa Musa ‘e Logudoro:
non pro frunzittas de laru o d’oro,
ma pro glorificare sa Rejone,
sa Paghe, sa Giustìscia e s’Unione!
S’aère cun s’ILÌADE unu coro
d’Amore infiamadu, unu ebbia,
no est debadas sa fadiga mia!
137

Càntigu IV
Sos primos 85 Adducas avantzende contr’a pare,
cumbattimentos
e oramai non pius lontanos,
fin sos soldados gregos e dardanos
detzisos cara a cara a s’affrontare,
chena poder niunu suspettare
sos de Zeus malésigos arcanos!
E appenas accurtzu s’agattésini
che canes ambos duos si giompésini!
86 Fritzas e lantzas cun alas de morte
s’intendian tottue muidende;
s’attappa-attappa ‘e sas ispadas forte
fit che undas de mare baccagliende
in die tempestosa, e, urulende
a frastimas contr’a s’avversa sorte,
isterrijados trumas de feridos
e, altos, de sos àteros sos gridos!
87 Fit su fragassu in s’ilìacu campu
a su de duos rios simizante,
chi da-e venas nàschidos distante
s’aunin in basciura in unu rampu
e sas abbas insoro in un’istrampu
ch’ ‘ettan fungudu in su matessi istante
e sa fùrria ‘e s’abba e-i s’altura
crèschene s’abbolottu a dismisura!
88 Sa lantza sua pro primu imbolesit
Antìlocu 25 , su fizu ‘e Gereneu,
e-i s’elmu e sa fronte trapassesit
a tales Echepòlo Taliseu 26 .
Che unu turre s’iscuru ruesit
ojisbambarriadu, reu-reu!
A trazadura Elefenore Abante 27
pensesit tando ‘e lu gigher distante.
138

Su traighimentu de sos Troianos
89 S’armadura de brunzu valorosa
li cheriat leare Elefenore,
ma li felchesit su forte Agenore 28
una lantza in costazos orrorosa,
paris dannarza, e-i s’iscurigore
connoschesit de s’Ade neulosa!
E pro su corpus sou caldu ancora
che lupos si giompesin tottu in s’ora!
90 Una saetta ‘e ferru malaitta
imbolesit detzisu Telamone
a Simoésiu 29 , frua beneitta
e delicada de Antemione:
a s’ala destra, da’ sutta sa titta
che l’intresit s’arminzu e su pumone
li trapassesit che un’ira mala,
ammustrende sa punta a s’ater’ala!
91 A Ilione fit su giovaneddu
da-e sos montes de s’Ida faladu,
ue aiat che bonu pastoreddu
sas bamas de su babbu pasculadu.
Simoésiu l’aiat giamadu
sa mama da-e sende minoreddu,
ca si fit issa accurtzu a sa currente
illierada de su Simoente 30 .
92 Chena pius alenu, in su piuer,
falesit Simoésiu, che comente
su fustealvu a boltas s’ ‘idet ruer
fozidu in chima, cun truncu imponente,
ismutzurradu a bistrale tagliente
da’ unu mastru ‘e àscia, ch’a produer
rodas de carru lu dêt impittare
appoi ‘e l’aer fattu istajonare.
139
Sas impresas
de Aiace e de
Ulisse

Apollo e
Minerva
isprònana sos
cumbattentes
Càntigu IV
93 Mancu fit ruttu chi de l’isfrunire
pensesit Telamone ‘e s’armamentu;
ma tentesit Antifu 31 in su momentu
cun una lantza de bi l’impidire!
Muidende cuss’ira che a bentu
rea tucchesit a si che felchire
in sas imbenas de Léuco acheu 32 ,
valorosu cumpanzu ‘e s’Odisseu!
94 In su ‘ider s’amigu agonizende,
contr’a sos Troianos si ‘ettesit
de Ìtaca su re, abboghinende,
e bisestru orrorosu bi fattesit!
E cando, a passos mannos avanzende
a s’ala sua su fizu notesit
burdu de re Priàmu, a lu zembrare
istesit lestru e a l’isterrijare!
95 Cun sa conca ispaccada perra-perra
Democoonte 33 ruesit mischinu,
abbaunzende ‘e sàmbene sa terra
chi da’ ucca l’ ‘essiat a trainu!
Da-e sa ‘idda d’Abidu 34 a sa gherra
fit bénnidu, che tantos in pidinu
de glòria e de ‘alanzos, e lassende
sos caddos chi fit cue pasculende.
96 Èttore intantu e-i sos Dardaneos
fin tzedinde, mancari valorosos,
a s’atza ‘ittoriosa ‘e sos Acheos
e, torrende a insegus, coidadosos,
sos chi fin mortos, mancari in anneos,
si che gighian che affriscionosos.
Lis nêsit tando Apollo beneittu
da-e sa rocca ‘e Pérgamu 35 a intzitu:
140

Su traighimentu de sos Troianos
97 –O fortes Troianos, agguantade
de sos d’Argo s’apprettu! O los timides
e pro cussu a boinu los fuides?
Oh, ‘irgonza! Mezus bos sutterrade!
Sa pedde insoro forsi la crêides
de pedra o ferru o d’ite calidade?
Che sa ‘ostra est lestra a si ferire
si cun s’ispada la dizis colpire!
98 Finas de Teti lis mancat su fizu
a sos Gregos de re Agamennòne,
ca, offesu in s’onore, in su navizu
si nd’istat a s’arressa e cun rejone!–
Tucchesit Febo; ma paris cunsizu
a s’àter’ala Minerva Tritone 36
fit dende a sos Acheos, cand’ ‘idiat
chi calicunu in duda abbarraiat!
99 In s’ora crastu mannu suppesesit
Piroe 37 tracianu, chi ‘ennìdu
fit da’ Enos 38 superba, e l’imbolesit
contr’a Diore Epeu 39 chi, colpidu
a su rajolu, per terra ruesit
ossipistu e bettende malu gridu!
S’avventesit Piroe e cun s’ispada
abbertu l’at sa matta e isboidada!
100 Ma che pare una lantza malaitta
retzesit s’Imbraside 37 in cuss’istante
da’ su re ‘e sos Etólicos, Toante 40 !
Che un’àscia ‘e raju fuiditta
rea l’intresit da’ sutta sa titta
bettèndeche su trace cumandante
a palas a s’insegus e restende
felchida in sa pettorra, bantzighende!
141
Epeos
contr’a
Tracianos

Càntigu IV
101 Lestru Toante a istratzadura
nde li lêsit s’arminzu insambenadu
e chena si siddire, isfidiadu,
li desit cun s’ispada morte dura!
De si gigher tentesit s’armadura,
ma sa brama de l’ ‘ider ispozadu
li muttesin, faghinde bonu proe,
sos cumpanzos atzudos de Piroe!
102 Duos cabos degai isterrijados
restesin, ambos duos de valore:
de sos Epeos su forte Diore,
Piroe ‘e sos de Tràcia fentomados!
E cantos... cantos àteros soldados
ruesin fatt’a issos a primore,
ca Gregos e Troianos cussa die
onoresin, o Marte, solu a tie!
142

NOTAS DE SU CÀNTIGU CUARTU
Su traighimentu de sos Troianos
1 Ebe [...]: Fiza de Giove e de Giunone. Dea de s’eterna gioventude,
serviat su “nèttare” a sos Deos de s’Olimpu. Si cojuesit cun Èrcole.
2 Venus [...]: Unu de sos nòmenes de sa dea Vènere.
3 Era [...]: Nòmene gregu de sa dea Giunone
4 Crono [...]: Cronos o Saturnu. Fizu de Uranu e de Gea. Maridu
de Rea e babbu de maicantos deos. Giove fit unu de sos fizos suos.
5 Laodoco [...]: Fizu de Antènore. Gherreri troianu.
6 Pándaru [...]: Fizu de Licaone, re de sa Lìcia. Fit saettadore infaddíbile.
Lu ‘occhesit Diomede.
7 Zelia [...]: Tzittade de sa Tròade posta a pês de su monte Ida.
8 seighi palmos [...]: Unu palmu currrispundiat pro sos antigos a
sa distàntzia de sos ùltimos battor didos de una manu (chena su
póddighe mannu), ossiat a otto centìmetros.
9 Lícia [...]: Regione de sa costa meridionale de s’Asia Minore.
10 de chimbe dida [...]: Unu “didu” fit sa cuarta parte de unu
palmu, ossiat duos centìmetros.
11 Macaone [...]: Famosu méigu de sos Gregos, fizu de Esculàpiu,
bénnidu a Tròia comente gherreri.
12 Asclépiu, Esculàpiu [...]: Si trattat de su matessi deus de sa meighina,
fizu de Apollo e de Corónide. Bistesit allevadu da-e Chirone,
da-e su cale imparesit s’arte meiga.
13 Chirone [...]: Fizu de Crono e de Filira; unu de sos Centàuros.
Fit méigu famosu.
14 Eurimedonte [...]: Fizu de Tolomeu; ghiaiat su carru de su re
Agamènnone. Unu servidore de su re Nèstore aiat su matessi nòmene.
15 Merione [...]: Fizu de Molo; ghiaiat su carru de Idomeneu.
16 Cròmio, Emone, Pelagonte, Alàstore, Biante [...]: Cabos de s’esércitu
de Pilo e amigos de Nèstore, fentomados inoghe ebbia.
17 Euritalione [...]: Campione de sos Arcades, mortu da-e Nèstore
durante sa gherra contr’a Pilo.
18 Menesteu [...]: Fizu de Peteu, ghiesit sos Ateniesos a Tròia.
19 Tideu [...]: Diomede, fizu deTideu, re de Argo. Eroe valorosu de
s’esércitu gregu in sa gherra de Tròia.
20 Stènelo [...]: Prìntzipe d’Argo, fizu de Capaneu; amigu fidele de
Diomede.
21 Polinice [...]: Fizu de Edipo, re de Tebe.
143

Càntigu IV
22 Etèocle [...]: Fizu de Edipo, re de Tebe.
23 Meone [...]: Fit de Tebe. Fizu de Emone, istesit mandadu da’
Etèocle pro ‘occhire a Tideu.
24 Discòrdia [...]: Una de sas tantas personificassiones de sas passiones
e de sos sentimentos de sos ómines in gherra, comente
Terrore - Fua - Briga - Abbolottu e àteros ancora
25 Antìlocu [...]: Fizu de Nèstore, re de Pilo. Fit unu de sos eroes
pius bellos e valorosos accudidos a Tròia. Morzesit gherrende contr’a
Memnone, pro difender su babbu. Sos restos suos bistesin
postos in su matessi sepulcru de Achille.
26 Echèpolo Taliseu [...]: Eroe troianu, fizu de Talìsiu, mortu da-e
Antìlocu.
27 Elefenore Abante [...]: Fizu de Calcodente; cumandante de sos
Abantes de s’Eubea. Lu ‘occhesit Agènore.
28 Agènore [...]: Unu de sos mezus eroes troianos, fizu de Antènore
e de Teano, satzerdotessa de Minerva.
29 Simoésiu [...]: Troianu, fizu de Antemione. Giovaneddu bellu e
delicadu ruesit in Tròia pro manos de Aiace Telamone.
30 Simoente [...]: Riu chi naschiat in su monte Ida e chi s’auniat a
su riu Scamandru, accurtzu a Tròia
31 Antifu [...]: Fizu de Prìamu, mortu da-e Agamènnone.
32 Léuco [...]: Cumpagnu de Ulisse, mortu da-e Antifu.
33 Democoonte [...]: Fizu burdu de su re Prìamu, mortu da-e Ulisse.
34 Abidu [...]: Tzittade de s’Ellesponto.
35 rocca ‘e Pérgamu [...]: Si trattat de Tròia, situada subr’a una
rocca, sa de Pérgamu.
36 Minerva Tritone [...]: OTritonea. Appellativu de Minerva, derivadu
da-e su riu Tritone, a Issa cunsacradu.
37 Piroe [...]: Fizu de Imbrasu, cumandante de sos Tracianos,
mortu da-e Toante.
38 Enos [...]: Tzittade de sa Tràcia, posta accurtzu a sa foghe de su
riu Ebro, alleada de sos Troianos.
39 Diore Epeu [...]: Fizu de Amarince, cumandante de sos Epeos,
mortu da-e Piroe.
40 Toante [...]: Fizu de Andrèmone e de Gorge, re e cumandante de
sos Etólicos.
144

ILIADE
CÀNTIGU CUINTU
SAS IMPRESAS DE DIOMEDE
Sas impresas de Diomede

Càntigu V
SUMMÀRIU
Su primu colpu de Diomede Ottavas 1-8
Sa ritirada de sos Troianos 9-15
Diomede benit feridu da-e Pàndaru 16-28
Enea e Pàndaru 29-40
Diomede ‘occhit a Pàndaru 41-52
Venus salvat a Enea 53-56
Venus benit ferida da-e Diomede 57-75
Diomede contr’a Apollo 76-81
Sarpèdone atzottat a Èttore 82-91
Colpos de campiones 92-106
Telepolemu e Sarpèdone 107-114
Ulisse e Èttore 115-120
Giunone e Minerva s’àrmana issas puru 121-133
Minerva e Diomede 134-141
Marte benit feridu da-e Diomede 142-147
Marte si lamentat cun Giove 148-157
146

Sas impresas de Diomede
1 Gherrende che leones da-e ora
fin Gregos e Troianos ambos duos
chena resesser a niune ancora
vittoriosu d’ ‘enner a concluos.
Tand’Atena cun sos poderes suos
d’una fiara manna, abbivadora,
s’elmu ilgiaresit e s’iscudu
de su Tidide, Diomede atzudu.
2 Brillesit de s’acheu sa persone
che in chelu de Sìrio s’istella 1
cando torrat, d’atunzu in s’istajone,
appoi ‘e s’oceànica girella 2 ,
mudada che a nou e pius bella
a lumenare, arcana visione!
de su pastore sa sólita andera,
de mezus sorte déndeli s’ispera!
3 Ma fit su de su gregu cumandante
lugore ‘e morte a si l’accurtziare...
e Fegeu ‘e Darete in cuss’istante
connoscher lu deviat e proare,
s’est chi pensesit de l’andare innante
cun su frade Ideu a l’affrontare,
che mariposa restende in s’impresa
chi rodiat in su fogu ali-atzesa!
4 Ne s’esser de Vulcanu li servesit
satzerdote su babbu e finas riccu!
Cun atza, appen’accurtzu, l’imbolesit
sa lantza da’ su carru, cun s’afficcu
cravada de la ‘idere a isticcu
in coro a s’inimigu... ma faddesit!
In risposta Tidide chen’isgarru
nde lu ‘ettesit mortu da’ su carru!
147
Su primu
colpu de
Diomede

Càntigu V
5 L’intresit sa saetta in mesu pettu
sos padros insinzéndeli de s’Ade!
Ma cun s’ispada in manos cun apprettu
nde saltiesit a terra su frade...
non pro lomper a obras de profettu,
ma pro fuire, s’est ch’in podestade
de su mortore acheu bi lassesit
frade, caddos e carru... e si tucchesit!
6 Su Mere istesit de s’eternu fogu
a li ponner in pês alas de ‘entu,
pro vittire a Darete àter’affogu
poi ‘e su primu crudele turmentu!
Cun una nue niedda in su momentu
lu faschesit e da-e cussu logu
che lu lêsit pressosu e fintz’in suddu
chi non fatterat a innante cuddu!
7 Caddos e carru su fizu ‘e Tideu
li lêsit tando, nênde a sos cumpanzos
de che los gigher a su campu acheu
che trofeos de gherra e che balanzos.
Pro sos de Diomede malos banzos
si nd’assustesit donzi dardaneu,
bidinde in prus sos fizos de Darete
unu mortu e s’àteru a caghette!
8 «Diamos poder –nêsit tando a Marte
Minerva Atena lêndeli sas manos–
da-e sa gherra nois soberanos
nessi un’iscutta restare in disparte?
Sos Danaos sun mezus in cuss’arte,
pensas tue, oppuru sos Troianos?»
A su Scamandru, depustis, cuntenta
s’avviesit cun Are a manu tenta.
148

Sas impresas de Diomede
9 S’atzendesit degai, e pius biu,
su fogu de sa gherra in Ilione:
cominzesit s’Atride Agamennòne
cun unu colpu bocchende a Odìu,
segnore de su populu Alizone.
Cun sa lanza in s’ischina, chena briu,
nd’istrombulesit da’ su carru a terra
paris cumprinde sa vida e sa gherra!
10 Idomeneu pustis a Faistu
una ‘ertiga ‘e ferru intro su coro
li cravesit pesuda e su de Boro
fizu malassortadu siccu e pistu
si che partesit versus s’Ade, tristu
lassende cue sos bisos de oro
chi aiat de glòria carignadu
da’ cando da-e Tarne fit tuccadu.
11 A su fizu ‘e Strofìu, chi fuende
fit da-e s’abbolottu, s’ammiriesit
in s’ora Menelau e lu colpesit
in s’ischina... e Scamàndriu, ruende,
de Diana immortale s’ammentesit,
cando peri sos buscos catziende
li mustrait sa Dea de comente
sas armas impittare che balente!
12 Cun una lanza Merione sicca
at depustis a Fèreclo sa vida:
l’intresit in sa nàdiga e felchida
li s’est s’aina intro sa buscica,
lassendela in s’innestu che isticca
chi non giompet a s’ ‘ider fozida!
D’Armónide fit fizu, su mischinu,
un’artesanu ‘e talentu divinu.
149
Sa ritirada de
sos Troianos

Diomede
benit feridu
da-e Pàndaru
Càntigu V
13 Che a pagos l’aiat istruidu
in cuss’arte sa Tritonea Atena
e fit isse ch’aiat costruidu
sas naves bellas, de bona carena,
a Paris troianu, sas ch’a Elèna
ch’an giuttu da’ su logu ‘e su maridu,
a Menelau poninde in affannos
e Gregos e Troianos pro degh’annos!
14 Megete a s’eternu iscurigore
pensesit a Pedeu ‘e ch’imbiare:
fruttu burdu fit custu d’Antenore
chi l’aiat da’ primm’ ‘e si cojare
a Teano, chi a bi l’immannare
che a fizu accudesit cun amore
umpare cun sos àteros naschìdos
da-e pustis chi si fin aunidos.
15 Eurìpilo, eroe tessaleu,
su fizu ‘idinde de Dolopione,
Issènore giamadu, ch’a boleu
a s’ala fit fuinde d’Ilione,
si l’avventesit paris a leone
e cun s’ispada acuta intreu-intreu
su bratzu li mutzesit da’ sa pala
faghìndeli connoscher morte mala!
16 Che-i s’unda ‘e su riu, trazadora
de cantu agattat peri su caminu,
poi ch’unfiada l’at Zeus divinu
e da’ su ‘adu ch’est bessida fora
che tragonàia gitténdesi in sinu
binzas, laores e àteru ancora
bóltula-‘óltula e finas a mare,
tales fit Diomede in su gherrare!
150

Sas impresas de Diomede
17 Mancari valorosos sos Troianos
non podian tant’ira ammasettare,
chi sighiat a los iscarmentare
chena pasu cun ambas duas manos!
E-i cuddos ruian, malesanos,
che fozas in s’atunzu fatt’a pare!
Pustis cando Pandaru lu ‘idesit
una saetta in s’arcu collochesit.
18 Istiresit su nérviu de s’arminzu
e-i sa fritza ‘e ferru che a bentu
fuesit muidende, in pistighinzu
de non faddire a s’appuntamentu!
E, che a sempre fidele a s’insinzu
de s’eroe dardanu, in su momentu
a Diomede che un’ura mala
li trapassesit armadura e pala!
19 Abboghinesit da’ sa cuntentesa
su fizu ‘e Licaone e nêsit gai:
–O fortes Troianos, oramai
non nde timedas àtera d’offesa!
Avantzade! Tentádela s’impresa
cun atza noa! Ne oe e ne mai
bos podet prus offender s’atzuridu,
ca l’ap’ ‘eo de brios istasidu!
20 S’est ch’a inoghe Febo saettante
da-e sa Lìcia mi nd’at imbiadu
no est chentza unu significadu!
Custu signale bos siat bastante!–
Gai pomposu; ma in cuss’istante
Diomede, mancari insambenadu
e cun su traste felchidu, a Stenelu
abboghinesit cun tonu ‘e rezelu:
151

Càntigu V
21 –Móveti, frade caru, e mi nd’istratza
da’ sa pala sa rànziga saetta
chi m’at cravadu sa troiana ratza!–
A su cumandu Stènelo a s’appretta,
che cand’esserat méigu, cun atza
bi nde l’ ‘oghesit cun arte perfetta!
Su samben prus de prima a brotadura
l’irrujesit persone e armadura.
22 A cara a chelu su fizu ‘e Tideu
nêsit tando a Minerva: –O immortale,
s’est chi cun megus e cun babbu meu
sempre mustrada ti ses coriale,
m’aggiua ancora; e a su dardaneu
ch’imboladu m’at sa fritza fatale
e chi si ‘antat de mi ch’aer mortu,
cuntzedi chi li torre s’accunortu!–
23 L’iscultesit Atena e lestra in s’ora,
poi de l’aer torradu sos brios:
–Bae –li nêsit– e cumbatti ancora,
già ti los dao sos favores mios!
Chie ch’aeres dadu sos adios
crêìada a sa vida ‘enidora
cun una fritza mala est galu cue!
Ma forte che Tideu sias tue!
24 Però si calchi deus nde falerat
da-e s’Olimpu a ti provocare
e daenanti ti si presenterat,
non t’attrivas cun Isse a bi gherrare!
Si Afrodite invece t’aunzerat
chirca, si podes, de la ferizare!–
Si che partesit, nênde gai, a bolu
lassende a Diomede in oriolu.
152

Sas impresas de Diomede
25 Che leone deunu e atzuridu
ch’a su masone si ‘ettat in mesu
e chi, mancari l’ ‘idat costoidu
da’ su pastore e benzat offesu,
da’ nudda e da’ niune intimoridu
sighit a catziare, che s’intesu
no aeret sos colpos, gai e tottu
torresit Diomede a s’abbolottu!
26 A Astinu pro primu fulminesit
felchìndeli una lantza intro sa titta;
a Iperione infattu ‘occhesit
bisestréndelu, tra pala e cabitta,
cun s’ispada che ira malaitta!
Pustis d’issos ancora isterrijesit
a Polide e a su frade Abante,
fizos de s’indovinu Euridamante.
27 Tocchesit posc’a Xantu e a Toone
a connoscher sa pius mala offesa,
fizos ch’apesit Fènope a betzesa
e chi pro isse s’ùnica rejone
fin de sa vida, s’ùnica ricchesa!
Ma Diomede, chen’affriscione,
brivesit su ‘etzittu ‘e sos disizos
de si poder gosare cussos fizos!
28 A Echemmone poi e a Cromìu,
sas fruas de Priàmu dardaneu,
da-e su carru nd’ ‘ettesit Tideu
ambos pare, trunchéndelis su briu!
Sos caddos e sas armas chen’isviu
nde lis lêsit e a su campu acheu
de che los gigher nêsit apprettadu
a sos cumpagnos, tott’insambenadu!
153

Enea e
Pàndaru
Càntigu V
29 In s’abbizare Enea ‘e su masellu
chi de sos de Priàmu fit fattende
s’eroe ‘e sos Danaos, chentz’ammellu
a chircare tucchesit che bolende
a Pàndaru. A fora ‘e su duellu
l’ ‘idesit, a sa sola arrejonende
che ómine ispantadu o fora ‘e tinu,
e li nêsit: –Iscùltami, o divinu!
30 Prîte sas fritzas tuas boladoras
chi fama eterna t’an dadu in tottue,
de feridas mortales carradoras,
contr’a Tidide no impittas tue?
Mattanende nos est e da-e oras!
Mortos nd’at meda; atèros, fue-fue
che baddinosos, chircan d’ ‘ardiare
sa vida insoro! Ohi, ite penare!
31 A su chelu a innante altza sas manos
e t’invoca, o Pandàru beneittu,
a su Mere de s’olìmpicu situ
pro glòria tua e de sos Troianos.
Pustis faghe de s’arcu bon’impittu
e gai ischimos si sos Soberanos
nos dan calch’affianzu o, s’airados,
a s’ala ‘e sos ‘nimigos si sun dados!–
32 E Pàndaru in risposta: –O sapiente
fruttu d’Anchise, Enea valorosu,
nemos –crêo– su bisestru orrorosu
podet frimmare de cussu balente!
Própriu gai! Cun isse amorosu
b’at oe calchi deu onnipotente,
s’est chi mancu sas fritzas de attarzu
muttin s’ardore ‘e simile dannarzu!
154

Sas impresas de Diomede
33 Una saetta issara, dês ischire,
tra coddu e pala destra li cravei!
De l’aer mortu mi nde cumbinchei
o in manera grae ‘e lu ferire!
Si cun sos ojos mios lu ‘idei
pienu ‘e samben, m’ischis ilgiarire
prîte cussu sirvone est galu reu?
Non fit de canna, crê’, su traste meu!
34 S’est unu deus, comente pens’ ‘eo,
chie resessit a l’ammasettare?
Mezus est pro a mie si m’arreo,
ca est debadas donzi cuntrastare!
Ma ponimos chi lu cherza affrontare:
su carru, nâmi tue, ue lu leo?
A pensare ch’in domo, bene fattos,
ùndighi nd’apo pro sa gherra adattos!
35 E mi lu naraiat babbu meu
de m’ ‘attire su carru a Ilione
cun sos caddos chi tenzo ‘e bon’impreu!
Mente non li ponzei a Licaone
e como mi nd’impudo si a Tideu
noa non potto dare lescione!
Pasculende in sas tancas los lassei
e deo, invece, a pe’ mi l’avviei!
36 In custas manos, in cust’arcu ebbia
dogn’afficcu ponzesi e dogni fide!
Oh, iscabadu! Illusu mi che fia!
Ma torro a narrer: si ap’a s’Atride
lantadu issara e posc’a Tidide,
prîte sun cue ancora in marrania
che si patidu no aeren male?
Contr’a nois est Zeus immortale!
155

Càntigu V
37 Die signada a malu de seguru
fit sa chi detzidei a coro in manu
de nd’ispiccare s’arcu da’ su muru
pro difender su pópulu troianu!
Ma si a domo Febo soberanu
cheret chi torre ‘iu e sanu puru,
ischitzare mi pottan sos cherveddos
si non fatto cust’arcu a bicculeddos!–
38 «Chi ti fattat s’arminzu bonu proe
non disperes, –li nêsit tando Enea–
e m’assegunda in custa idea:
si domare cherimos cudd’eroe,
piga a su carru meu e sos de Troe 3
caddos de ratza a una tenea
umpare deo e tue los ghiamos
contr’a isse, a bider s’ ‘alanzamos!
39 E si Zeus eternu dare ancora
cherferat a Tidide sos favores,
caddos sun custos mios curridores
chi nos che gighen a bidda in pag’ora
sanos e salvos, da’ sa gherra a fora!
Ma pro chi nde torremus binchidores
detzidimos però chie pensare
dêt a sa ghia e chie a l’affrontare!»
40 E Pàndaru detzisu: –Tue innante
la ghia sa parìglia a s’ala sua,
ca si b’aperet bisonzu de fua
sos caddos ti risponden a s’istante,
ca la connoschen sa manuza tua!
Deo invece a su gregu cumandante
appen’accurtzu, e chena lu timire,
chirco cun custa lantza ‘e lu muttire!–
156

Sas impresas de Diomede
41 A su carru depustis ambos pare
che pighesin, tucchende che a bentu
versus s’eroe, frimmos in s’intentu
de lu poder in s’ora isterrijare!
Ma los bidesit Stènelo avantzare
e nêsit a Tidide in attraghentu:
–Frade ‘e su coro, mira chi ‘enzende
sun duos contr’a tie, che bolende!
42 Unu est Pàndaru, mastru de saettas,
s’àteru Enea, fizu valorosu
de Venus e d’Anchise gloriosu!
Fue ch’est mezus! Bae, it’aisettas?
O pensas de nd’ ‘essire ‘ittoriosu
si puru cuss’isfida lis atzettas?
Su carru pro tuccare est prontu cue;
mi’ chi sa vida non bi lasses tue!–
43 Ma sa frua ‘e Tideu a boghe ‘ia:
–In debadas m’intzitas a fuire,
ca no est dignu de s’erèntzia mia!
Una cosa però la dês ischire:
dimustrare non podet valentia
chie penserat in gherra a timire!
Mancari solu e-i cuddos in duos
non los isculto sos cunsizos tuos!
44 Ne a su carru pigo, manc’appena!
ma inoghe a pê’ frimmu los isetto!
Unu assumancus giuro chi nde l’ ‘etto
cun sa lantza in su corpus e, si Atena
amparadora, chi onoro e rispetto,
mi cunzederat vittòria piena,
tue, o Stènelo, in s’ora dês pensare
a Enea sos caddos de leare!
157
Diomede
‘occhit a
Pándaru

Càntigu V
45 Animales sun cussos pretziosos
tales che sos chi Zeus regalesit
pro Ganimede 4 cando lu furesit
a Troe, pro servire sos gloriosos
deos de s’Olimpu. E bi los desit
pro sos modos ch’aiat geniosos
de l’approntare s’augusta mesa
e ca fit giovànu ‘e rara bellesa!
46 Ma resessesit Anchise, a s’accua
de re Laomedonte 5 , in Ilione,
a sas ebbas de propriedade sua
a lis bettare ‘e cuddos s’istallone!
Ses puddedros, giompìda s’istajone,
naschesin bellos da-e cudda frua:
battor Anchise si nde mantenzesit,
a Enea sos àteros los desit.
47 Contr’a nois beninde ‘ola-’olende
milla cussa parìglia de valore!
Si resessimos in su chi so nênde
tando sì meritamos mannu onore!–
Nêsit Tidide; e cuddos, suppesende
piuer altu e faghinde rumore,
lis accurtziesin, ghiados da’ chie
gloriosa isperait cussa die!
48 Abboghinesit pro primu Pandàru
nêndeli a Diomede: –O coro forte,
si ses fuidu issara a sa morte
est ca dadu unu deus t’at s’amparu!
Como ch’innanti ti m’ ‘attit sa sorte
torra ‘e nou, si t’at Zeus caru
bidimos galu o s’est a murrunzu!–
E l’imbolesit sa lantza de brunzu.
158

Sas impresas de Diomede
49 Sa punta de s’arminzu mue-mue
li trapassesit s’iscudu a ses pizos 6
e sa coratza, abbarrende igue
chena prodùere àteros fastizos.
Ma riende Pandàru: –E nâmi tue
si piagheres t’est dende o impizos
cussu traste in costazos imprimidu!
Oh, glòria sa ch’ap’oe meressidu!–
50 Ma Diomede chena si chinnire:
–Non giùiles, barrosu, primm’ ‘e s’ora,
ca ne mortu, ne pótidu ferire
m’at sa saetta tua ‘oladora!
E s’a gherrare sighides ancora
assumanc’unu giuro ‘e nde ‘occhire
de ‘ois duos in onore a Marte,
su Mere soberanu de cust’arte!–
51 Sa lantza, nênde gai, persuasu
l’avviesit Tidide e rea-rea,
da’ Minerva ghiada Tritonea,
l’intresit che un’atta da’ su nasu,
sa ‘ucca traessende e, chena pasu 7 ,
seghéndeli sa limba intrea-intrea,
finas a si frimmare lestra in s’ora
tra tuju e barra, cun sa punta a fora!
52 Da’ su carru s’iscuru nde falesit
che pira fatta chen’unu lamentu
catzende samben, faghinde chimentu
cun s’armadura sua, e si partesit
versus s’Ade oji-bàsciu a passu lentu!
A su tzócchidu si suberiesit
sa parìglia, che cando un’upa mala
aeret bidu, iscartende a un’ala.
159

Venus
salvat a Enea
Càntigu V
53 Pensesit tando Enea a lantza in manu
da-e su carru de si nde brincare
pro impidire de si che leare
su corpus de s’amigu troianu.
E mulinende iscudu e arma umpare
tenzesit sos Acheos a lontanu,
abboghinende in prus che tentassione
seguru e resinnadu che leone.
54 Ma de Tideu s’atzurida vena
marrarzu mannu lêsit e pesante
chi mancari sian fortes bastante
non moven duos ómines appena,
e bi che l’imbolesit a innante:
ispasimende che ànima in pena
che falesit Enea dismajadu
cun s’ossu ‘e su codone 8 iscannitzadu!
55 Cue lassadu sa vida b’aiat
si a l’imboligare Venus bella,
che mama affriscionosa, in sa mantella
sua pretziosa non coittaiat
e da-e s’abbolottu non fuiat
paris velotze che lughente istella
ch’a de notte in su chelu giambat logu
lassende insegus una coa ‘e fogu.
56 Stènelo in s’ora sos bonos cunsizos
non s’olvidesit de s’amigu caru
e sos caddos de raros assimizos
li lêsit a Enea chen’imbaru,
nêndeli a Deipìlo 9 in sos navizos
de lis chircare seguru reparu;
pustis, torradu a su carru sou,
a Diomede chirchesit de nou.
160

Sas impresas de Diomede
57 Ma cuddu persighinde che a bolu
fit sa Dea chi l’aiat brivadu
in s’ùltimu duellu ‘e su consolu
de ‘ider s’inimigu isterrijadu!
E si fit puru Tidide abbizadu
chi non teniat Issa s’oriolu
che Eniò 10 de gherras o Atena,
ma chi fit de timòrias piena!
58 Appena accurtzu, de l’ispuntzonare
tentesit cun sa lantza a sa dechida,
resessinde fintz’a li procurare
in sa palma ‘e sa manu una ferida,
tales chi da’ sas venas a brotare
lêsit una sustàntzia isvanessida 11 ,
ca sàmbene non gighet chie est divinu,
ca non si nutrit cun pane e cun binu.
59 Ma lu dêt aer su dolore intesu
s’est chi Venus un’ùrulu ‘ettesit
e da-e manos su fizu perdesit
in s’abbolottu lasséndelu in mesu!
Mancu male ch’in s’ora lu faschesit
Febo cun una nue, prît’offesu
l’aian custa ‘olta mortalmente
sos de Agamennòne, tzertamente!
60 Tand’a sa dea su fizu ‘e Tideu
abboghinesit: –Da’ sa cuntierra
mezus ti ch’anda, o fiza de Zeu!
Non ti bastat sas féminas in Terra
de che las isvoltare a mal’impreu?
Ma l’as a odiare custa gherra
s’ ‘alu sigheras a bi minter biccu,
ca ti nde lu catz’ ‘eo cuss’alliccu!
161
Venus benit
ferida da-e
Diomede

Càntigu V
61 S’abbizesit degai ch’in cuss’arte
non fit Venus abberu valorosa!
Iris tando, che sorre affriscionosa,
a bolu che la lêsit a disparte
a dólimas, biaitta e pibiosa!
E, sicomente abbojesit a Marte
accurtza’a su Scamandru reposende,
che madrigosa li nêsit pianghende:
62 –Dami sos caddos, o frade potente,
pro chi torre a s’olìmpica dimora,
ca in sa manu mi brujat ancora
sa ferida ‘e Tidide prepotente!
Coràggiu diat aer cussu in s’ora
cun Giove de gherrare onnipotente!–
Caddos e carru li desit su frade
in l’intender pro ‘more e piedade.
63 Lêsit Iris sas brìglias e s’ischina
tocchesit a sos caddos sol’appena
e-i cuddos, prus lèbios d’una frina,
a sa domo arrivésini eterrena.
Si nde falesit Afrodite in pena
e a Dione 12 chirchesit divina;
sa parìglia invece a pasturare
pensesit Iris bella ‘e ch’iscappare.
64 Che pisedda in su l’ ‘ider succuttende
si l’istringhesit a pettus Dione
naréndeli cun dulche affriscione:
–Coro meu, e prîte ses pianghende?
Sa cara tua ‘e rosa in paragone
est che-i cuddas chi s’ ‘iden suffrende!
Postu t’at cale deus in affannu
che cand’aeres cumbinadu dannu?–
162

Sas impresas de Diomede
65 «Diomede –rispondesit sa Dea–
m’at cun sa lantza sa manu lantadu,
ca da’ innanti nde li lêsi a Enea
pustis chi mi l’aiat ferizadu!
Ohi mama, s’ ‘ideras sa pelea:
contr’a Priàmu no est airadu
pius Tidide, ma cun fele e atza
gherrende est contr’a sa divina ratza!»
66 E Dione a sa fiza: –O dulche lizu,
a baliare ti cunsizat mama,
ca su d’atzender s’ilìaca frama
finas a nois est dende fastizu!
Su chi Marte patesit marturizu
m’ammentas como, pro sa mala brama
ch’apesin Oto e Efialte 13 umpare
d’arriscare a s’Olimpu ‘e che pigare!
67 Ares proesit de lis impidire
a sos fizos d’Aloeu zigantes
chi potterat s’impresa resessire,
ma cun cadenas russas e pesantes
lu lighésini cuddos intrigantes,
prus d’un’annu faghìndelu patire
abbarradu, mischinu, e a deunzu
intro de una giorra manna ‘e brunzu!
68 E fit approbe a render s’alenu
si sa ‘ìdriga ‘e sos malattrividos,
dulch’Eribea 14 de bonos sentidos,
non l’aeret a Ermes 15 eterrenu
iscobiadu su trassonzu anzenu!
Da’ sos presorzos de sos atzuridos
nde l’isfranchesit su deu a s’accua
torrendechelu sanu a domo sua!
163

Càntigu V
69 E finas Giunone beneitta
suffridu at sas penas de s’inferru
su die chi l’at Èrcole in sa titta
a tres puntas felchidu fritza ‘e ferru!
E cando a Pilo Ade 16 un’imbisita
fattesit da’ su logu de s’interru 17
no istesit da-e cuss’ira mala
ferizadu isse puru a una pala?!
70 Ticchirriende da-e su dolore
che unu mortu ruesit su deu
e li duresin su dolu e s’anneu
finas a cando Peone 18 a primore
non li frighesit in su corpu intreu
una pumada de raru valore!
A morrer, lizu ‘e mama, non morimos,
ma su dolore, cussu l’intendimos!
71 Ma s’ascamile cane tirriosu
ch’at chérfidu una dea ferizare
non l’ischit chi li restat de campare
paga vida e de su ch’est bramosu
non s’at a bider sa gràscia accansare!
D’asséliu in domo no at aer gosu,
ne avrescher li dêt s’ispera noa
de gioghittare sos fizos in coa.
72 Ch’istet Tidide adducas attentu
chi de te unu deus pius forte
non falet a s’ilìacu chimentu
e li sestet contrària sa sorte,
a tales chi si peset su lamentu
d’Egialea 19 , pranghende sa morte
de su maridu, altu in su palattu
malaighende su destinu ingratu.
164

Sas impresas de Diomede
73 Nêsit Dione; e lestra a frigadura
a sa fiza passesit in sa manu
arcana de Paone una mistura
e donzi briu li torresit sanu!
Cun Cronide in s’ora soberanu
fit Atena e cun Giuno in conzuntura
e, cherfende su babbu divertire,
pensesit punghe e mue ‘e l’avvertire:
74 –Pro su chi naro como, o Zeus santu,
non mi brighes e ne t’altzes in ira!
Sa manaredda ‘e Venus bella, mira:
bi l’an punta e li dolet... ohi cantu!
A tales madrigosa non fit tantu
cando peri sa Grècia gira-gira
las boltait a malu sas femínas
cun carignos, promissas e istrinas!–
75 Riesit s’Eterrenu divertidu
cumprendinde ‘e sa fiza s’ironia.
Pustis, giamada a Venus: –Prenda mia,
a lu ‘ides ch’in gherra t’an feridu!
Chi fémina non restet bagadia
s’impreu est pro a tie preferidu!
De chertos e cuntrastos lassa s’arte
a deos che Minerva e che a Marte!–
76 Intantu Diomede, tronu ‘e gherra,
de la cumprire tentesit s’impresa
contr’a Enea, chi, chena difesa,
cun sos ossos pistados fit per terra.
Su coro li cheriat perra-perra
cun s’ispada ispaccare e-i s’offesa
de li fagher, a mortu, ‘e l’ispozare
e s’armadura ‘e brunzu ‘e li leare!
165
Diomede
contr’a
Apollo

Càntigu V
77 Pro tres bias a pês de l’arrivire
fattesit prou, ma chena l’offender:
istesit Febo a bi l’impidire,
a Enea detzisu a lu difender!
Ma Diomede, chena lu timire,
non pro cussu pensesit de s’arrender:
atzudu che a prima e affeladu
finas s’ ‘oltesit contr’a su Biadu!
78 Tando cun boghe potente che tronu
li nêsit Arcu ‘e Prata: –T’arresetta,
o Diomede, s’intender su tronu
oe non cheres de calchi saetta!
S’istare contr’a Deos a s’appretta
est pro a bois a gherrare in donu!–
Cumprendinde Tidide s’avvertèntzia
de su consizu fattesit iscièntzia.
79 Degai a sa rocca d’Ilione
a Enea feridu che portesit
su deus poderosu e lu sanesit
cun Diana e Latona a perfessione.
Pustis pretzisa un’umbra modellesit
a su fizu d’Anchise e in bijone
la mandesit a Gregos e Troianos
chi si lompesin che lupos montanos!
80 A Marte nêsit posca abboghinende:
–O de ‘iddas e zente atterradore,
adducas t’istas cue reposende
e non l’affrontas cuddu gherradore
chi fin’a Zeus paret isfidende?
Chena rispettu Tidide o timore
prim’a Ciprigna 20 bella at ferizadu,
depustis contr’a mie s’est boltadu!–
166

Sas impresas de Diomede
81 A sa rocca de Pèrgamo a s’istante
tucchesit Febo a si che sêre, e Marte,
cuadu in sa persone d’Acamante 21 ,
nêsit: –O Troianos, a cuss’arte
duncas non bi leades pius parte,
s’est ch’avantzende sempre est a innante
s’esércitu de re Agamennòne
e già sas giannas tzoccat d’Ilione!
82 Fintzamente a Enea malu ‘anzu
an dadu sos terrìbiles Acheos!
Miràdelu feridu e chen’affianzu!
Non lu lassedas suffrinde in peleos,
coittade a nd’ ‘ardiare su cumpanzu,
bantu e glòria de sos Dardaneos!–
Coràggiu noittolu lis ponzesit
si Sarpèdone 22 a Ettore urulesit:
83 –O de Priàmu ispantosu fizu,
unu die m’as nâdu in cunfidèntzia
chi pro parare su gregu fastizu
fis abbastante tue e-i s’erèntzia
chi ch’as in Tròia. Assiat potèntzia!
Àteru dezis aer contivizu,
s’est chi gherrende non si nd’ ‘idet unu!
Impelciados inue si che sunu?
84 Che catteddos si dên esser cuados
ch’abbojan su leone in sa foresta,
lassende a nois, zente prus modesta,
de lis catzare istragos e infados!
Unu so deo de sos alleados
a custa gherra ‘ennidos funesta:
pro a bois in Lìcia, ue so nâdu,
pobidda, fizu e bene apo lassadu!
167
Sarpèdone
atzottat a
Èttore

Càntigu V
85 Deo a sos mios los isto ispronende
e finas apo in mente ‘e cuntrastare
s’ira mala chi nos est bisestrende,
e tue arressu t’istas, chena dare
a sos tuos s’esémpiu! Isettende
ses chi sas retzas bos pottan bettare
pro bos leare, chena mover chizos,
sa vida, sas muzeres e sos fizos?
86 Tue bi dês pensare primm’ ‘e tottu,
o troiana atzuda fortilesa!
Tue, o Ettòrre, ch’in cust’abbolottu
ses pro a nois fide e seguresa!
Coitta e ammaniza sa difesa,
pro ch’onoradu sias e connottu
che’ s’eroe prus mannu d’Ilione
e non leadu pro vile o mandrone!–
87 Nêsit su fizu de Laodamìa,
e in pettus a Èttore che fogu
si l’atzendesit noa bramosia
de nd’ ‘ogare sa pàtria da’ s’affogu!
Gai tucchesit peri donzi logu
sos suos intzitende a boghe ‘ia;
e cuddos, animados, a gherrare
torresin cun prus atza tott’umpare.
88 Che cando sos massajos in s’arzola,
appena s’altzat unu ‘entu amigu,
a paliadas béntulan su trigu
e-i sa paza s’ ‘idet bola-’ola
che una nue in su chelu aprigu
attesu ammuntonàresi a sa sola,
a tales sos Troianos avantzende
altu fin su piuer suppesende!
168

Sas impresas de Diomede
89 Ammenténdesi Marte su chi nâdu
l’aiat Febo cun ira e disdignu,
da’ sos d’Ettòrre tucchesit unfiadu
pro lis crèschere s’atza in cuss’impignu,
abboghinende a dogni soldadu
d’esser contr’a sos d’Argo prus malignu!
Febo intantu in mes’a sa pelea
indatta che torresit a Enea!
90 In su lu ‘ider torra a lantza in manu
a fiancu insoro si nde cuntentesin,
ma pregunta peruna li fattesin,
ca presu aian Marte soberanu
e Febo donzi coro troianu.
Degai tott’unidos avantzesin;
ma prontu a s’àter’ala a los retzire
bi fit s’Acheu, chena si chinnire!
91 Gai comente in dies chena ‘entu
a sa punta ‘e su monte inghiriadas
s’istan sas nues arremiarzadas
istròscias minettende ogni momentu,
e puru frimmas las bides, pasadas,
tales pare, isettende su chimentu,
fin frimmos e cumpattos sos Acheos
de fronte a sos ‘nimigos dardaneos!
92 Animèndelos be-i fin in s’ora
ambos Aiaces, Ulisse e Tidide
e contr’a tottu, abboghinende, Atride:
–Amigos caros, siedas ancora
fortes che sempre e finas cumprendide
chi s’atza non mustramos gherradora
forsi sa vida podimos salvare,
ma ne glòria e ne fama meritare!–
169
Colpos de
campiones

Càntigu V
93 Sa lantza, nênde gai, persuasu,
ch’imbolesit in mesu a sa pelea.
A Deiconte, su fizu ‘e Pergàsu,
su pius caru cumpanzu d’Enea,
zembresit cuss’aìna a bolu rasu
trapassende s’iscudu e rea-rea
in s’imbena resténdeli felchida,
brivéndelu in s’istante de sa vida!
94 Orsilócu tando e a Cretone
Enea desit mannu dispiaghere:
fizos fin issos de Diocle ‘e Fere 23 ,
de sa d’Alfeu generassione 24 ,
chi ‘énnidos pro fagher piaghere
a sos d’Atride fini a Ilione.
Fin coppiolos e, pro dura sorte,
galu fedales in connoscher morte!
95 Finas a tando in Tròia mustrados
ambos si fin che bonos gherradores,
simìles a leones catziadores
ch’in sos cuiles ch’intran e sos fiados
divoran sian mannos che minores,
ma chi finin depustis settesciados
cun una lantza in corpu, iscalcanzende,
da’ sos pastores chi los fin tentende.
96 Timinde Menelau chi furare
si che potteran sos mortos giovànos,
pensesit a innante d’avantzare
pro bi lis impidire a sos troianos!
Istesit deus Marte a l’intzitare,
bramosu de sestare sos pianos
decomente in s’ora resessire
potterat a Enea ‘e lu ‘occhire.
170

Sas impresas de Diomede
97 De Nèstore su fizu pius mannu,
Antìlocu, l’ ‘idesit avantzende
e, timinde potterat calchi dannu
sutzèdere a s’amigu, che bolende
si li ponzesit a fiancu gherrende
pro nde lu ‘ardiare da’ s’affannu.
In s’abbizare Enea d’ambos duos
si nd’istesit masedu in pannos suos!
98 Lestros sos d’Argo tando a s’ala insoro
sos mortos che trazesin a s’istante
e Menelau sa pala e’ su coro
cun una lantza, da’ meda distante,
franghesit a s’atzudu cumandante
Pilemene 25 , chi paris pro decoro
fit a Marte in sa lua d’Ilione,
ghia de su popùlu Paflagone!
99 A Midone, su fizu d’Atimnìu,
colpesit tando Antìlocu famadu:
mentres fuinde da’ su disaffiu
fit cun su carru ‘e s’amigu, imboladu
nde l’at cun d’una pedra, ancora ‘iu,
cun su cuidu in parte fragassadu.
Si l’avventesit posca e cun s’ispada
l’at perra-perra sa conca immesada!
100 Cun unu brincu deviat conclùere
sa vida sua su malancinidu!
A conca in giosso restesit felchidu
bratzispartu, in mesu a su piùere,
reu-reu Midone che ispidu!
Nde lu fattesin pustis pagu rùere
a cumaradas sos caddos ch’aiat,
mentr’Antilócu si che los gighiat!
171

Càntigu V
101 Èttore in s’ora, ‘e brunzu lutzighente,
intresit isse puru in s’abbolottu
cun Ares a fiancu, non connottu,
e cun Eniò terríbile e potente.
In su lu ‘ider su cabu presente
sos de Priàmu s’animesin tottu;
sos Acheos, invece, in lu mirare
s’intendesin sas ancas cadreddare!
102 E finas Diomede, coro ‘e ferru,
bidéndelu avantzare s’assustesit
e a s’insegus su passu torresit
che cando ‘idu aeret s’inferru,
s’est che-i su ‘iazante chi fattesit
chi aundadu agattat in s’ijerru
su trainu chi deviat giampare
e detzidit persegus de furriare.
103 Nêsit tando a sos suos su Tidide:
–Amigos mios caros, valorosu
est de abberu Ettòrre e maestosu!
E finas unu deus, m’intendide,
tenet isse a costazu e poderosu!
A passu insegus mezus protzedide,
chena mai però boltare palas,
si no dare nos poden munzas malas!–
104 Mancu aiat cumpridu ‘e faeddare
chi li ‘occhesit Èttore troianu
duos cumpagnos: Meneste galanu
e Anchìalu atzudu; ambos pare
faghindendelos, da’ meda lontanu,
da-e su carru a terra istrombulare!
Da-e su dolu e da-e s’affriscione
si nde chittesit lestru Telamone.
172

Sas impresas de Diomede
105 Sa lantza sua fúrria che saetta
contr’a Anfíu imbolesit, che offesu,
in sa ‘entre felchindebila ‘eretta
e lasséndelu mortu cue in mesu!
De Sélagu fit fizu e da-e Pesu
lómpidu fit a Tròia cun s’appretta
glòria sonniende a coro alluttu,
chen’ischire ch’invece bi fit ruttu!
106 De li leare armas e coratza
tentesit Telamone a s’inimigu,
ma difendende su corpu ‘e s’amigu
s’ ‘oltesin sos Troianos cun prus atza,
a tales chi s’istare a tir’istratza
duresit solamente azigu-azigu,
ca timinde Aiace d’arriscare
preferesit su mortu ‘e lis lassare!
107 Cara a cara ponzesit su destinu
tand’a Telepolemu e a Sarpedòne 26 :
fizu su primu d’Èrcole divinu,
atzuridu e forte che leone,
s’àteru de su pópulu Licinu 27
su prìntzipe e su mezus campione.
Unu fit su nebode ‘e Zeus santu,
fizu s’àteru, déchidu a ispantu.
108 Telepolemu, ‘idendesilu innante,
nêsit pro primu: –Sorte, chi timias
non pensao, o troianu cumandante!
Faularzu est chie nât chi sias
fizu de Zeus, ca su prus menguante
ses de cantos da-e cuddas zenias
sun nàschidos e viven in sa Terra!
Chiza non tenes tue ‘e fagher gherra!
173
Telepolemu
e Sarpèdone

Càntigu V
109 Èrcole, babbu meu, inneuddadu
che a tie non fit e ne petzente
e l’ischit bene sa troiana zente
s’est chi sa ‘idda lis at irroccadu!
Neghe ‘e Laomedonte prepotente
chi sos caddos de Troe l’at negadu,
poi promissos, si a Esione 28
l’aeret isfrancadu in Ilione!
110 Posidone, cherféndelu punire
pro aer coglionadu primm’a issu,
unu mostre marinu da’ s’abissu
li mandesit detzisu a ch’ingullire
sa giovana Esione! ‘E lu ‘occhire
dimandesit a Èrcole e promissu,
si resessidu esserat in s’impresa,
l’at sa parìglia de rara bellesa!
111 Ma fit Laomedonte ‘e pagu giudu
s’est chi poi negadu l’at su pannu;
preju però paghesit pius mannu
a babbu meu cussu Re limbudu!
Ne as a poder tue calchi aggiudu
dare a sos Troianos, s’in affannu
ses che crabolu primm’ ‘e comintzare!
A s’Avernu coitta a che colare!–
112 Li rispondesit curtzu Sarpedone:
–Non cun sa limba ch’as a fagher prou,
s’est chi ‘ales comente a babbu tou!
Isse derrutta nde l’at cun rejone
pro culpa d’unu Re de malu tzou
sa ‘idda valorosa d’Ilione;
tue invece a mòrrere t’appronta
e cun Èrcole pustis ti cunfronta!–
174

Sas impresas de Diomede
113 Appenas ambos duos s’abbucchesin
sas lantzas fatt’a pare abboghinende
cun cant’aian fele s’imbolesin
in sa sorte a favore cunfidende!
Sas mèrias fin pretzisas, si ruesin
lantadu Sarpedone ispasimende,
Telepolemu invece chena vida
cun s’aìna in su tuju ‘en’imprimida!
114 Da’ mesu a s’abbolottu sos Troianos
lestros nde lêsin s’amigu feridu,
in sa còscia lasséndeli felchidu
s’arminzu, chi dolores disumanos
li procurait a dogni appalpìdu!
A s’àter’ala cun piedosas manos
su corpus de s’eroe appena ruttu
nde regogliesit Argo a coro alluttu.
115 Dispiàghidu Ulisse in su momentu
su de fagher pretzisu no ischiat:
bocchire a Sarpedone cumbeniat
o fagher de sos Lìcios iscarmentu?
S’abbizesit chi su primu cuntentu
da-e Zeus debadas pretendiat,
degai a sos soldados si ‘oltesit,
ca fintz’Atena a tales l’isvoltesit.
116 Prima a Ciranu trunchesit su briu,
a Cròmio e Alastòre fattu-fattu,
pustis ancora a Noemone, Alìu,
a Pràtanu e Alcandro a disbarattu!
E non fit galu de samben attattu,
cando ‘idesit, che su tilibriu
bola-‘olende, a Èttore avantzare
e detzidesit de nde l’agabbare.
175
Ulisse
e Èttore

Càntigu V
117 In su lu ‘ider, da’ sa cuntentesa,
li nêsit Sarpedòne: –Èttore forte,
in podere ‘e s’achea malasorte
non m’abbandones chena una difesa!
In vida no ap’àtera pretesa!
E, si dêt benner, chi ‘enzat sa morte
pustis a mi leare e s’est destinu
attesu ‘e morrer da’ su pàtriu sinu!–
118 Risposta a sa pregunta non torresit
su de Priàmu fizu valorosu
e a innante lestru si tucchesit
de cumbatter ebbia disizosu!
Sutt’a un’ozastru imperistantu umbrosu
sa lantza manna ‘e frassu nde l’ ‘oghesit
da-e s’anca a su forte Sarpedòne
s’amigu pius caru, Pelagone.
119 Da-e sa sufferèntzia dismajadu
si ch’est, mancari atzudu, su troianu,
ma l’at Borea 29 in sensos torradu
pustis pagu cun carignosa manu.
D’Agamènnone in s’ora ogni soldadu
a Marte resistende soberanu
fit cun affannu e a Ettòrre forte,
cun s’upa fissa in ojos de sa morte!
120 A chie est chi ‘occhesin a innante
Èttore e Marte? A chie in finitia?
Primu a rùere istesit Teutrante,
a unu deus patta in galania,
poi Oreste, basone ‘e valentia,
Trecu d’Eòlia, ómine importante,
Enomau, Elenu e Oresbìu,
ch’in Beòtzia istaiat sende ‘iu!
176

Sas impresas de Diomede
121 Bidinde s’iscarmentu ‘e sos Acheos
nêsit tando Giunone bratzinîda
a Minerva: –O fiza preferida
de Zeus nostru, adducas sos Deos
debadas sa vittória impromittida
l’an a s’Atride 30 ! S’a sos Dardaneos
sigherat Marte a preferire gai
cussa promissa non s’avverat mai!
122 Cheret chi bi falemos ambas duas
pro bi pattare fortzas e affianzos.
O tzessat Ares sas malesas suas,
ch’a Prìamu sun dende sos balanzos,
o li torramos nois malos banzos ,
o deo sola, s’est chi non m’aggiuas!–
Si li mustresit luego accunsente
sa dea ‘e sa mirada lutzighente.
123 Tucchesit tando Era 31 a s’attaccare
sos caddos a su carru pretziosu;
carru che niune àteru ispantosu
ch’ischian solu sos deos ghiare:
sas rodas fin de brunzu valorosu,
fusos, iscala e brìglias umpare
tottu de prata cun su frunimentu,
d’oro costanas e isterrimentu!
124 Da-e palas in s’ora sa mantella
che fuliesit Atena de bottu,
(pignu raru, lughente che istella,
chi tessidu s’aiat issa e tottu
in momentos de pasu e gautella)
e, pensende a s’ilìacu abbolottu,
una tùniga ‘e pannu si ponzesit
e de su babbu sas armas si lêsit.
177
Giunone e
Minerva
s’àrmana
issas puru

Càntigu V
125 A su bratzu s’egida portentosa
s’istringhesit sa dea beneitta
cun sa Gorgone in mesu malaitta
ch’in pedra ‘oltat calesiat cosa!
Un’elmu d’oro pustis in cabitta
si ponzesit, inue s’ispantosa
e miràbile vida fit contada
de chentu eroes, ben’istoriada.
126 Pighesit posc’a su carru ‘e Giunone
cun sa longa e pesuda lantza in manu
e ambas duas deas, che bulione,
a su campu tucchesin troianu.
Sas giannas de s’Olimpu soberanu
(ch’ana sas Oras 32 in possessione)
in las bider currinde bola-’ola
si ch’isbambarriesin a sa sola!
127 De passare innanti detzidesin
da-e Zeus però, pro li pedire
s’accunsentimentu, e l’agattesin
sétzidu in unu monte, chen’ischire
su ch’issas de accordu meledesin
contr’a Marte gherreri de ‘ordire.
E li nêsit Giunone sempr’acuta:
–Mira, o Mere santu, cue sutta!
128 Chen’affriscione Marte bisestrende
est a sos d’Argo, e non cumprendo prîte!
A calicunu servit o a ite
s’iscarmentu orrorosu ch’est fattende?
Giuilat Febo, cuntenta Afrodite,
e deo inoghe invece arrebentende!
Como non ti la lês s’a l’ischeddare
fal’ ‘eo a giosso pro che l’istorrare!–
178

Sas impresas de Diomede
129 E Zeus: –Non bi proes manc’appena
a sa sola a chertare contr’a Marte,
ca de te pius forte est in cuss’arte!
Mezus bi manda a s’immortale Atena,
si bramas tue de t’ ‘ider sulena
e masedu su deus in disparte!–
E Giunone, cun coro cuntentu,
tzocchesit su fuette in su momentu.
130 Tra chelu e terra, lèbia che frina,
tucchesit sa parìglia in conzuntura,
fùrria cant’imbattit da’ un’altura
in un’iscutta s’oju a sa marina!
Pustis cando a s’ilìaca basciura
arrivesit sa coppia divina,
distacchesin su carru e a pasturare
sos caddos ch’avviesin ambos pare.
131 Da’ ue curren a mare aunidas
sas abbas de Scamandru e Simoente 33
(iscappa in cussas tancas ervoridas
l’aian sa parìglia valente)
lezeras che columbas prontamente
tucchésini sas deas atzuridas
a s’ala ‘e sos Acheos, in disizu
de lis alleviare ogni fastizu.
132 Accurtz’a Diomede gherradore
pensesin de s’arrere, ue attrumados,
gherrende che leones de valore
o che porcrabos, sos mezus soldados
bi fin fianc’a pare, resinnados;
e Giunone, leadas de Stentòre 34
sa fromma e-i sa ‘oghe portentosa
abboghinesit lestra, tirriosa:
179

Minerva
e Diomede
Càntigu V
133 –Ti nde ‘irgonza, o pópulu acheu!
Ello comente sas abilidades
non mustras d’una ia? Oddeu, oddeu!
Su biccu da-e Tròia, s’ammentades,
cando che fit su fizu de Peleu
non bogait Priàmu! Oe gherrades
chen’atza invece, a tales chi lontanos
non sun da-e sas naves sos Dardanos.–
134 A s’atzottu in su coro lis torresit,
che frama abbivadora, bia-‘ia
sa brama de s’antiga valentia!
A costazu a Tidide che ‘olesit
tand’Atena oriolada e l’agattesit
réndidu e sueradu, in tribulia
da’ sa pala frobbéndesi istasida
su sàmbene nieddu ‘e sa ferida!
135 E li nêsit pressosa: – Ahi, ahi!
Nâchi che-i su babbu fit su fizu!
Ma in chertos chinnidu manc’aizu,
mancari bàsciu, s’est Tideu, mai!
Ma Diomede no, chi no est gai!
Cand’a Tebe tucchesit 35 , in disizu
de ponner paghes che imbasciadore,
nde mustresit Tideu de valore!
136 Mancari solu, su coro a toccheddu
non si l’est fattu cando a l’isfidare
pensesin in sas garas tott’umpare
sos giòvanos, che canes a s’appeddu!
Bene impittende brios e cherveddu
non bistentesit isse a los domare!
Fortza nd’aiat, emmo, e assistidu
fit finas da-e me cuss’atzuridu!
180

Sas impresas de Diomede
137 Com’a tie, tales ch’a babbu tou,
amparu cherzo dare e seguresa,
pro chi tzessen sos d’Argo sa difesa
e a s’attaccu si ‘etten de nou.
Tue los dês ghiare in cust’impresa,
o istimadu, si glòria e mentou
bramas de meressire che Tideu
e s’istasidu non t’at cust’impreu!–
138 E Diomede: –O amorosa Dea,
cun boghe ti rispondo verdadera,
giaghi istada, in gosu o in pelea,
sempre ses tue cun nois sintzera.
Siccada non si m’est s’atza gherrera,
ne timende so deo, ma s’idea
de non gherrare contr’a unu deu
ses tue chi l’as posta in coro meu!
139 Cun Venus solu nâchi a m’attrivire
si contra si m’esseret presentada;
antzis m’as nâdu, cun boghe accorada,
finas de bi tentare a la ferire!
Si torro insegus como a s’impressada,
est prîte a Marte non potto impidire
de fagher su bisestru ch’est fattende!
E tue l’ischis chi non so faddende!–
140 «Non lu timas –li nêsit tand’Atena–
a Ares iscabadu e girellone,
o Diomede, ca protessione
as aer da-e me cumpleta e piena!
Invece ‘e sale bi dêt aer rena
Marte in cabitta, s’insara a Giunone
e a mie promissu at d’aggiuare
a sos d’Atride cun nois umpare!
181

Marte benit
feridu da-e
Diomede
Càntigu V
141 Como invece giradu s’est che bentu
contr’a chie bramait de difender!
Ma su d’aer giambadu pensamentu,
bae chi pagu o nudda l’at a render!
Tue piga a su carru in su momentu
e pensa cun sa lantza de l’offender!
Deo sas brìglias las leo detzisa,
apas tue sa mèria pretzisa!»
142 Cun d’un’iscuidada s’Asulina
da-e su carru tando che catzesit
a Stènelo e, bramende ruina,
in sas manos sas brìglias istringhesit.
A susu su Tidide che pighesit
e a sos caddos Minerva s’ischina
cun su fuette tocchesit, partende
contr’a Marte a un’ira, ‘ola-’olende!
143 A su fizu d’Ochésiu, Perifante 36 ,
de sos d’Etòlia su prus forte ‘e tottu,
fit ispozende, in mesu a s’abbolottu,
su deus, bruttu ‘e samben, in s’istante.
Ma cando a Diomede b’at connottu
e si l’ ‘idesit benìndeli innante,
lu lassesit su mortu isterrijadu,
contr’a cuddu bolténdesi airadu!
144 Appen’accurtzu, cun sa lantza in punzu,
pro primu s’avventesit Tronu ‘e Gherra 37 ,
tales che cane mantesu a deunzu
cando calch’ossu che l’ ‘ettan per terra!
Degai, in mes’a tanta cuntierra,
su traste l’imbolésidi de brunzu
bramende ‘e li mustrare ch’in cuss’arte
niune pius forte fit de Marte!
182

Sas impresas de Diomede
145 Ma Minerva, chi si che fit cuada
assegus de s’iscudu ‘e deus Ade
pro no esser per tempus iscobiada,
s’arminzu l’isviesit a su frade!
A Diomede pustis un’ojada
desit sa dea de cumplitzidade,
che a li narrer: –Acco’ su momentu
de ch’istorrare a Marte discuntentu!–
146 Chena bistentu contr’a s’Immortale
tand’imbolesit su fruttu ‘e Tideu
s’arminzu sou mannu, fùrriu e reu,
e Atena, che sempre puntuale,
bi lu ghiesit, che ira ‘e deu,
sutt’a sa ‘entre su colpu fatale!
Sa carre l’abberzesit bia-’ia,
che frùttura calpida da’ ‘iddia!
147 Un’ùrulu ‘ettesit de dolore
tando su deus pro sa sufferèntzia,
paris patta assumancus in potèntzia
a deghemiza eroes de valore
e, a bolu, a s’eterna residèntzia
tucchesit, suppesende iscurigore
che nues in s’istiu barriadas
da’ unu bulione trobojadas!
148 A bucca abberta che pisches luados
e chen’alenu Gregos e Troianos
restesin cantos fini, assucconados,
crêìndelos signales soberanos!
Marte intantu, cun ojos inchizados,
a Zeus sa ferida cun sas manos
ammustresit e cun tonu felosu
pustis li nêsit, finas lamentosu:
183
Marte si
lamentat
cun Giove

Càntigu V
149 –Duncas, o babbu, tzàntaras degai
baliare in s’Olimpu las devimos?
Pro culpa de s’ilìaca arguai
(e sa neghe l’as tue, già l’ischimos!)
unu contràriu a s’àteru parimos
canes d’isterzu, chi non tzessan mai
de lingher custu o cuddu ‘e sos mortales,
pro nd’aer pr’ingranzeu solu males!
150 Aeres assumancus, naro deo,
lassadu ‘e generare a Tritonea!
De mi faddire affirmende non crêo
ch’est sa peus de totta sa cungrea,
brigajola e mala che sa frea!
Cun tegus, non cun issa, mi la leo,
ca mentre inoghe tottu t’obbedimos,
cudda est a conca sua... e già l’ ‘idimos!
151 Mira custa ferida! A l’ischis chie
in sa ‘entre felchidu m’at s’arminzu?
Diomede! E boltadu contr’a mie
l’at Minerva felosa, in pistighinzu
pro sos d’Argo! Ma ch’istat notte e die,
ratta-ratta che chie at s’isgraffinzu,
brigas chirchende noas e ‘bolottu,
t’est ladinu... ma li perdonas tottu!
152 E su Tidide ite no est fattende!
Che cand’aeret sa sorte in cunsigna
de cussa gherra, cun atza maligna,
cantos Dardanos no est bisestrende!
Fin’a sos Deos como est mattanende,
s’est chi feridu insara at a Ciprigna
chena rispettu o timer fastizu,
ca difendinde fit Issa su fizu!
184

Sas impresas de Diomede
153 Depustis contr’a mie, no attattu,
che porcrabu ‘oltadu s’est feridu
e già lu ‘ides it’est chi m’at fattu!
E mancu male chi lestru fuidu
mi che so a s’olìmpicu palattu,
si no cuddu m’aiat istasidu
àter’ancora e cun pius ardore
in cara a tottu! Assiat orrore!–
154 Li rispondesit Zeus a un’ira:
–Limba de fogu, bae e pibiosu
non ti mustres e mezus ti retira!
De sos Deos su pius odiosu
ses pro a mie, malu, maganzosu,
tottora che oreri gira-gira!
De gherras e cuntrastos sempre as brama
e s’ ‘idet cue chi ses fizu ‘e mama 38 !
155 Chie la domat –nara– a Giunone
si mala e fastizosa est che’ s’atterra?
Da’ issa dogni mala intentzione
as suttu e-i s’amore pro sa gherra!
Ma mi ses fizu, in mente ti l’inserra,
e curare ti fatto da’ Paone;
prîte si fizu non mi fis bistadu
ti ch’aia in s’Avernu ispentumadu!–
156 Nênde gai, Cronide li giamesit
su méigu ‘e sos deos immortales
e Peone luego lu sanesit
da’ sos ch’aiat fastizosos males!
In un’iscutta finas li torresit
sos brios che a prima naturales,
de comente su latte ‘enit rappresu
cando su giagu che l’ ‘ettan in mesu!
185

Càntigu V
157 Sa persone cun manos premurosas
li rinfrischesit Ebe santa in s’ora,
mudéndelu cun bestes decorosas.
Accurtz’a Zeus a si sêre ancora
torresit in s’olìmpica dimora
Marte gloriosu; e sas donosas
Giunone e Minerva, a cosas fattas,
da’Ìlion recuesin suddisfattas!
186

NOTAS DE SU CÀNTIGU CUINTU
Sas impresas de Diomede
1 Sìrio [...]: S’isteddu pius lumenosu de sa Costellasione de su
Cane.
2 oceànica girella [...]: S’Océanu fit pro sos Gregos unu riu mannu
ch’inghiriaiat sa Terra: in custu riu s’immerghian, da-e occidente,
sas istellas pro nd’ ‘essire pius lúghidas da-e s’oriente.
3 Troe [...]: Fizu de Erittóniu, nebode de Dárdanu, babbu de Ilo,
de Assàracu e de Ganimede. Pro lu ricumpensare de su fattu chi
Giove nde l’aiat furadu su pius bellu de sos fizos, Ganimede, apesit
da-e su matessi deus in regalu una còppia de caddos divinos!
4 Ganimede [...]: Fizu ispantosu pro bellesa e galania de su re Troe.
Zeus lu furesit a su babbu pro ch’ aeret servidu a bustu e a chena sos
Deos de s’Olimpu.
5 Laomedonte [...]: Fizu de Ilo e babbu de Príamu.
6 iscudu a ses pizos [...]: Sos iscudos de sos gherreris de tando fin
fattos cun corzos de animales, a pizos, unu cosidu a s’àteru.
7 chena pasu [...]: Ossiat chena si frimmare durante sa cursa.
8 ossu de codone [...]: Est boghe sennaresa. In Logudoresu si narat
“ossu de su codigone o cudone” (osso coccige, in limba terramannesa).
9 Deìpilo [...]: Amigu de Stènelo, non mentovadu in aterue.
10 Eniò [...]: Dea de sa gherra, tirriosa e isfidiada.
11 sustàntzia isvanessida [...]: In sas venas de sos Soberanos non
b’aiat sàmbene, ma una sustàntzia fàtzile a s’isvanessire giamada
“icòre”.
12 Dione [...]: Fiza de Océanu e de Tétide o, segundu àteros, de
Uranu e de Gea. Fit sa mama de Vènere (o Afrodite), chi apesit dae
Giove.
13 Oto e Efialte [...]: Fizos zigantes de Ifimedea e de Aloeu.
14 Eribea [...]: O Eeribea. Segunda muzere de Aloeu e bìdriga de
sos zigantes Oto e Efialte.
15 Ermes [...]: O Mercùriu, o Ermete o Cilleneu. Si trattat sempre
de su matessi deus.(Cfr. su “DITZIONÀRIU OMÉRICU”)
16 Ade [...]: O Plutone, deus de sos Mortos.
17 logu de s’interru [...]: Da-e su mundu de sos Mortos, giamadu
puru Ade, Avernu, Érebu, Tàrtaru, Orcu.
18 Peone [...]: Su méigu de sos Deos soberanos.
187

Càntigu V
19 Egialea [...]: Muzere de Diomede. Fit sa fiza de Adrasto, re de
Argo.
20 Ciprigna [...]:Àteru nòmene de Vènere, derivadu da-e Cipro,
ìsula ue sa dea fit venerada in manera particulare.
21 Acamante [...]: Cumandante de su pópulu de sa Tràcia. Fit fizu
de Eussoro. Istesit mortu da-e Aiace Telamone.
22 Sarpèdone [...]: Fizu de Giove e de Laodàmia. Prìntzipe de sos
Lícios.
23 Fere [...]: Tzittade de sa Messènia, regione de su Peloponnesu,
posta accurtzu a su riu Nedone.
24 Alfeu [...]: Su riu pius mannu de su Peloponnesu e deus de cussas
abbas.
25 Pilemene [...]:Cumandante de s’esércitu de sa Paflagònia, regione
de su Nord de s’Àsia Minore, accurtz’a su Mare Nieddu. A
Pilemene l’ amos a bider biu (!) in su Càntigu XIII.
26 Telepolemu [...]: Fizu de Èrcole e de Astíocle. Lu ‘occhesit
Sarpèdone.
27 populu Licinu [...]: Ossiat de s’esércitu de sa Lìcia.
28 Esione [...]: Fiza de Laomedonte chi Èrcole liberesit da’ unu
mostre marinu.
29 Borea [...]: Bentu chi sulat da-e Nord.
30 a s’Atride [...]: A Menelau.
31 Era [...]: Nòmene gregu de sa dea Giunone.
32 Oras [...]: Fin sas deas de s’ órdine, de sa natura e de sas istajones.
Segundu Omero fin sas antzillas de Zeus, sas chi abberian e tancaian
sas giannas de su Chelu.
33 Scamandru e Simoente [...]: Su Scamandru fit unu riu chi
naschiat in su monte de s’Ida e fit giamadu puru Xantu pro su colore
grogu de sas abbas suas. Accurtz’a Tròia s’auniat a s’àteru riu de
s’Ida, su Simoente.
34 Stèntore [...]: Bandidore gregu da-e sa ‘oghe potente e russa.
35 Cand’a Tebe tucchesit[...]: Cunfronta cun sas ottavas 56-60 de su
‘e battor Càntigos
36 Perifante [...]: Fizu de Ochésiu, gherreri meda valorosu de
s’Etòlia. Mortu da-e Marte.
37 Tronu ‘e gherra [...]: Appellativu de su deus Marte.
38 fizu ‘e mama [...]: Marte fit fizu de Giunone, sa muzere de Giove.
188

ILIADE
CÀNTIGU SESTU
DIOMEDE E GLÀUCO
ÈTTORE E ANDRÒMACA
Èttore e Andròmaca

Càntigu VI
SUMMÀRIU
Sos Acheos a s’attaccu Ottavas 1-13
Elénu 14-19
Èttore ánimat sos Troianos 20-22
Glàuco e Diomede 23-45
Èttore e-i sa mama 46-59
Èttore e Pàride 60-64
Elèna 65-69
Èttore e Andròmaca 70-90
Èttore e-i su fizu 91-98
Èttore e Pàride recuin a gherrare 99-102
190

Diomede e Glàuco - Èttore e Andròmaca
1 Appenas chi sos Deos soberanos
sa cuntierra lassesin felosa,
prus de prima torresit furiosa
a s’atzender tra Gregos e Dardanos
de s’abbolottu sa fiara orrorosa!
E sas boghes, sos gridos disumanos,
tra su Scamandru e-i su Simoentu
fin cun sas armas tottu unu chimentu.
2 Comintzesit Aiace Telamone,
de sos Danaos rocca e cumandante,
a fàghere, tucchendesi a innante,
bisestru mannu de sos d’Ilione,
finas bocchinde a su forte Acamante,
de sos Traces su mezus campione!
Atza noa sos d’Argo intr’ ‘e su coro
s’intendesin cun cuddu a fiancu insoro.
3 Ad Axilu, su fizu ‘e Teutranu,
ch’in sa ‘idda d’Arisba ch’istaiat
e chi sa fama d’èssere teniat
cun sos istranzos sempre a coro in manu,
e a Calésiu, chi li ghiaiat
su carru in su solovru troianu,
tand’allizesit Tidide sa frua
cun mèria atterradora, a moda sua!
4 E, fattu-fattu, a s’Ade ch’imbiesit
Eurìalu 1 a Dresu e a Ofeltìu
e, cun sa tìrria d’unu tilibriu,
posc’a Esepu e a Pédasu s’ ‘oltesit
lêndelis paris armadura e briu!
Fizos fin custos duos chi apesit
da-e Abarbarea 2 Bucolione 3 ,
frua ‘e Laomedonte d’Ilione.
191
Sos Acheos
a s’attaccu

Càntigu VI
5 Pro manos de Polìpete atzuridu
frantu ruesit pustis Astiálu
e da’ sa lantza ‘e s’Odisseu galu
tales Pidite, in Pèrcote 4 naschìdu.
Connoschésini puru fadu malu
Aretaone, che deus dechidu,
da’ su bratzu ‘e Teucro 5 gherradore,
e Ablero da’ Antìlocu ‘e Nestòre!
6 In s’ora Agamènnone a Elàtu,
chi recuidu fit da-e Pedasu 6 ,
una lantza felchesit in su nasu;
e Léito 7 a Filàcu a disbarattu,
in su l’ ‘ider fuende chena pasu,
coro e ancas muttesit. E isfattu
a Melàntziu, sighinde, isterrijesit
Eurìpilo forte e l’ispozesit.
7 Che cane fatt’a fera fit appittu
da’ ora Menelau oji-acutadu
a tales Adrasto e, giagh’ ‘oltuladu
a s’inimigu in unu tamarittu
su carru si li fit e istrombuladu
nde fit a cara a terra, poverittu,
che astore pettaju, a unu ‘oleu,
si l’avventesit su fizu ‘e s’Atreu!
8 Li nêsit tando Adrasto pibiosu,
lêndeli sos benujos: –Menelao,
biu mi lassa... sias generosu
e preju raru giuro chi ti dao!
No est fàula, no, sa chi ti nâo:
appenas babbu meu affriscionosu
ischit su fattu, de comente est riccu,
ti tattat de ricchesas dogn’afficcu!–
192

Diomede e Glàuco - Èttore e Andròmaca
9 A sas naves l’aiat de seguru
che presoneri fattu accumpanzare
si pensadu su frade a l’atzottare
no aeret e cun limbazu duru:
–Coro ‘e pudda e maccu, abbindulare
fàgheti ancora! E portatila puru
a intro ‘e domo sa zente ‘e Priàmu,
tantu a tie non pìttigat su camu!
10 Buccallottu! Cun tegus cumportados
che pare sos Troianos non si sunu,
si lassadu de Lene t’an deunu!
Bider los cherzo tottu massacrados!
Finas minores non nde campet unu,
ne sos illieronzos disizados
battan a cumprimentu sas femìnas,
pro chi mancu che resten raighinas!–
11 A s’ammentu de s’arrennegu antigu
si l’est su coro che sa paza atzesu
e, remurzende fele, lestru attesu
da-e pês ch’iscatzesit s’inimigu!
Ma chena si chinnire manc’azigu,
e primma d’isse, a sa ‘entre in mesu
una lantza de frassu li cravesit
su frade ojos de lupu e lu franghesit!
12 A palas a insegus , reu-reu,
che ruesit Adrasto, a ojos fora,
e s’arma chen’ ‘istentu atterradora
a pê’ in matta li lêsit s’Atreu!
Detzisu a sos Danaos própriu in s’ora
abboghinesit tando Gereneu 8 :
–O eroes, a pustis lu lassade
sos mortos d’ispozare e avantzade!
193

Elènu
Càntigu VI
13 Pro cantu ancora podides, o frades,
a s’Ade nd’imbiade iscurigosa
de Dardaneos! D’àteru bramosa
non siat sa manu ‘ostra! Bos portades
sol’appoi a sas naves dogni cosa,
cantende sa ‘ittòria chi bramades!–
Nêsit de Pilo su Mere ‘arvicanu
e protzedesit Argo, a lantza in manu.
14 E fit rutta sa ‘idda de Priàmu
pro s’atza ‘e sos de re Agamennone
(che s’intenderan s’apprettu ‘e s’isprone
a s’inserrare in sa rocca ‘e Pergàmu
chirchende amparu fin sos d’Ilione!)
cand’Elénu 9 , indovinu ‘e bonu cramu,
da’ Èttore, su frade, che tucchesit
e da’ Enea, a bémidas, e nêsit:
15 –Frade caru, chi pro a nois tottu
ses lumera ‘e virtude e nobilesa,
e tue, Enea, amadu e connottu
che campione ‘e rara fieresa,
toccat a bois in cust’abbolottu
d’ammanizare a Tròia una difesa!
Grae est s’ora... che mai! E sos soldados
prus non rezen s’attaccu, isperesciados!
16 Miràdelos tzedinde passu-passu
cantos sunu, a innante che in coa!
Ura mala! In s’ilìacu giassu
a ponner pês sos Gregos sun a proa!
Bois in coro... bois... atza noa
nos torrade, pro ch’a unu cummassu
non ruemus de piuer e de morte!
Bardiàdenos! Siedas bona norte!
194

Diomede e Glàuco - Èttore e Andròmaca
17 S’ispera intr’ ‘e su coro ‘e sa vittòria
nos abbivade, o frades, ambos pare!
E, si detzisu de nos settesciare
aeret Zeus, siat nessi in glòria!
Tue intantu, o Ettòrre, in sa memòria
su chi ti naro pensa a t’inserrare:
cheret ch’a Tròia tucches che a bolu
pro faeddare a mama 10 e solu-solu!
18 Chi andet cun sas féminas li nara,
gràscias dimandende a coro in manu
pro su bonu ‘e s’esércitu dardanu,
a su témpiu ‘e Minerva s’ojigiara.
Sa tùniga –cunsìzali– pius rara
chi l’offerzat; su pignu prus galanu
chi tenet arribbadu chi li portet,
pro chi ‘e s’amparu sou nos cunfortet!
19 Chi li promittat puru de un’annu
dóighi tràilas de primu impittu,
si nos sulenat Issa da’ s’affannu
chi su bratzu atzuridu e malaittu
nos est dende de Diomede mannu!
Cando che fit su fizu beneittu
de Peleu gherrende, crê’ a mie,
no amos peleadu deasie!–
20 Nêsit Elénu; e da’ su carru a terra
Èttore che un’ira nde saltiesit
e, cun sa lantza in manu, che tucchesit
própriu in su mesu de sa cuntierra!
Coràggiu e fide noa s’agattesit
donzi troianu e-i sa gherra
s’infiamesit in s’istante, e mala
prus de prima, da’ una a s’àter’ala!
195
Èttore
ánimat sos
Troianos

Glàuco
e Diomede
Càntigu VI
21 In su los bider de nou accanidos,
a s’insegus torresin sos Acheos
crêinde chi esseran assistidos
sos de Priámu da’ deas e deos!
Èttore tando, resinnadu, a gridos:
–M’iscultade, o fortes Dardaneos,
e puru ‘ois m’intendide, o frades,
ch’in sa pelea nos accostazades!
22 A bidda cheret ch’ande solu appena
pro dare a mama su bonu consizu
ch’apat cun sas femìnas contivizu
de pretziare a Minerva Atena.
De trattenner non penso manc’aizu;
bois mustrade intantu in dogni vena
de gigher sàmbene ‘e sa mezus ratza,
su passu cuntrasténdelis cun atza!–
23 Tucchesit nênde gai a s’impressada
Èttore, coro forte, a Ilione
affianzéndesi in parte sa persone
cun s’iscudu ‘e pedde ‘ene contzada.
Fit Glàuco in su mentre, che leone,
teninde in manu sa lantza appunzada,
in mesu a sos Troianos avantzende
a s’ala ‘e Diomede, che bolende!
24 Bidendesilu innante tott’in una
li nêsit su Tidide curiosu:
–Nàrami chie ses, o coraggiosu!
S’isfidas gai e tottu sa fortuna
o est ca ti crês tue valorosu
o ca nàschidu ses in bona luna!
Cantadu –ti nar’ ‘eo– l’at s’istria
a chie abbojat a’ cust’ala mia!
196

Diomede e Glàuco - Èttore e Andròmaca
25 S’esseras tue invece calchi deus,
da-e chelu faladu in marrania,
tando mi nd’isto in làccana mia
pro non nd’ ‘essire a su male e peus!
Sa ch’a Licurgo 11 mala tribulia
desit in Tràcia s’immortale Zeus
no est debadas a si l’ammentare!
Mezus s’Olimpu a lu rispettare!
26 In sas montagnas de Nisa 12 buscosas
aiat s’imprudente ispuntorzadu
de Diónisu 13 sas Ninfas donosas
chi l’aian che mamas allevadu!
E sicomente, fuinde, ‘oltuladu
sas tedas sacras e àteras cosas
aian cuddas, su deus a mare
fit fuidu, timinde, a si ch’ ‘ettare!
27 Cumprendéndeli Teti 14 s’arrennegu
si l’istringhesit treme-treme a sinu
s’ómine mannu, su Mere ‘e su ‘inu,
torréndeli ‘e su coro s’assussegu!
Pro tant’offesa lu fattesit tzegu
a Licurgo però Zeus divinu,
ne campare sos deos lu lassesin
tempus meda, a tales l’odiesin!
28 S’adducas de s’Olimpu esseras tue
sas armas ti las rendo, o Immortale!
S’invece che a mie ses mortale,
forte, onoradu, non importat d’ue,
t’annùntzio chi non b’isto fue-fue
e ch’est custa pro te s’ora fatale!
Ma innanti de lomper a concluos
narami: e chie fin sos Mannos tuos?–
197

Càntigu VI
29 E Glàuco in risposta: –Ite t’importat
d’ischire ‘e cales so? It’est sa vida?
E sas erèntzias? Che foza ingroghida
sun issas, chi su ‘entu si che portat
pustis rutta, ma ch’in terra ficchida
d’umore noittolu lu cunfortat
su terriminzu... e no est un’arcanu
si àteras nde brotan a beranu!
30 Ma s’est ch’abberu bramas de l’intèndere,
o frua valorosa de Tideu,
una cosa luego dês cumprèndere:
antigu meda e nóbile est s’ereu
de chie avantzat detzisu a t’offèndere!
Da-e Sisìfu 15 su bisaju meu
in sa tzittade d’Éfira 16 fit nâdu
e a lumen fit Glàuco 17 giamadu!
31 Bellerofonte, bellu e atzuridu,
depustis da-e Glàuco naschesit,
su ch’in Lìcia (poi d’aer bocchidu
a Bèllero 18 ) re Pretu 19 ch’imbiesit
pr’attuare su ch’aiat bordidu
contr’a Giòbate 20 . E custu lu retzesit
cun onores a giaju, chen’ischire
chi fit lómpidu cue a lu ‘occhire!
32 Ma cando de su ‘énnaru mettanzu
iscobiesit, iscritta in sa chera
de duas taulittas, sa filera,
non settesciesit Giòbate s’istranzu,
ne trassesit pro Pretu paris banzu:
ischinde de sa fortza, a sa Chimera 21
l’imponzesit d’ ‘occhire... cosa ‘e pagu,
si fit cudda leone, craba e dragu!
198

Diomede e Glàuco - Èttore e Andròmaca
33 Proa tremenda! Mostre disumanu!
Eppuru giaju meu ‘ittoriosu
nd’ ‘essesit e mancari che vulcanu
framas butterat de fogu orrorosu
cudda da’ ‘ucca! Zeus soberanu
mustradu s’est sa die affriscionosu
cun isse... e decomente! Si ‘oltesit
contr’a Solima 22 poi e la domesit!
34 Lìcios e Solimeos 22 a s’afferra
fin da-e medas annos e atzesa
a tales mai si fit bida in terra
una pelea de tanta mannesa!
Muttire nde deviat cussa gherra...
e lu fattesit! Posca sa fieresa
franghesit (e fit su tertz’oriolu!)
de sas Amasonas... 23 e a su solu!
35 Ma sa proa prus manna de abberu
la deviat prus tardu superare,
cando isterrijesit tott’umpare
sos Lìcios de pagu cunsideru
chi tentesin sa vida ‘e li leare
da’ sas impresas recuinde alteru!
Solu tando Giobate in su palattu
l’atzettesit, in coro suddisfattu!
36 Antzis fruttu crêìndelu ‘e s’amore
de calicunu de sos Immortales,
pustis de tantas proas de valore,
li cojuesit sa fiza e fruttales
li desit bellos, binzas, animales,
ortos e tancas de bonu laore!
E finas mesu Rennu l’intreghesit
e re, a paris sou, lu fattesit!
199

Càntigu VI
37 Da-e Bellerofonte est sa zenia
de tres fizos ancora aumentada:
d’una fémina, e fit Laodamia,
chi da-e Zeus istesit amada
e s’est de Sarpedone illierada;
màscios invece ‘e rara valentia
fin sos àteros duos mentovados,
Isandru e Ippolócu lumenados!
38 Ma cando palas l’ ‘oltesit sa sorte
derruttos si li sunu domo e coro:
Marte a innante a Isandru forte
li ‘occhesit e Diana brìglias d’oro 24
desit posca a sa fiza mala morte!
Gai sa vida de raru decoro
finas isse agabbesit che mischinu
tzegu, a sa sola, arrennegadu e cinu!
39 Deo so de sa generassione
de Ippolócu, o fizu de Tideu,
Glàuco ‘e nomen, che bisaju meu!
Babbu mi at mandadu a Ilione
e d’ammustrare ap’ ‘eo intentzione
de esser dignu de s’antigu ereu!
Ma chi perda o chi nd’ ‘essa ‘inchidore,
gherrare contr’a tie est già onore!–
40 Nêsit; e Diomede in su momentu,
pustis d’aer felchidu in su terrinu
sa lantza sua, cun coro cuntentu
abboghinesit: –Duncas su destinu
contr’a pare in s’ilìacu chimentu
nos fit ponzende! D’Eneu 25 divinu
Bellerofonte istranzu est bistadu
in Calidone, cando b’est tuccadu!
200

Diomede e Glàuco - Èttore e Andròmaca
41 Vinti dies b’istesit e che frade
Eneu a giaju tou lu trattesit:
una chintorza ‘e pùrpura li desit
primm’ ‘e partire in pignu d’amistade!
Cun una coppa ‘e rara calidade
Bellerofonte lu ricambiesit
e cussu pensu ancora l’apo in domo
e acco’ prîte est chi ti lu fentomo!
42 A babbu invece non l’apo connottu,
ca Tideu, bon’ànima, lassadu
m’at orfaneddu, poi ch’est tuccadu
contr’a Tebe a minter abbolottu!
Eneu, donnumannu, prus de tottu
créschidu m’at che fizu e allevadu.
Ma si sos Mannos nostros fin amigos,
podimos nois esser inimigos?
43 Accabadu mi paret chi lassemus
de nos dever sas fortzas mesurare
e chi s’arma contr’àtere ‘oltemus
giaghi nos toccat de las impittare!
Mezus cosa est –nar’ ‘eo– ch’onoremus
s’abboju ‘e oe, ambos pare-pare
giambèndenos sos trastes de su chertu,
abbratzèndenos posca a coro abbertu!
44 E finas, istringhèndenos sa manu,
unu in domo de s’àteru devimos
promitter d’istranzare, si nd’ ‘essimos
bios da’ s’abbolottu troianu!
Asi cuntzedat Zeus soberanu,
mirende a comente nois faghimos,
sa paghe a cantos sunu in cuntierra,
ca dannu non b’at peus de sa gherra!–
201

Èttore
e-i sa mama
Càntigu VI
45 Narende gai, Glàuco e Tidide
da-e su carru insoro nde brinchesin:
a innante sa manu s’istringhesin,
pustis sas armas, in pignu de fide,
cun ojos de ispantu si giambesin!
Ma li dêt aer su sinnu Cronide
a Glàuco leadu, s’at rendìdu
armas d’oro pro brunzu ch’at retzidu!
46 A sa gianna de Scea imperistantu
arrivesit Ettòrre che a bolu
e a pês de su fau ‘e Zeus 26 santu
agattesit sas féminas in dolu
chie preghende e chie in piantu!
L’inghiriesin tottu in oriolu
d’ischire novas de custu e de cuddu,
che chie est mattanadu da’ su suddu!
47 Non rispondesit a perunu apprettu,
ma lis nêsit ch’aian sos Troianos
bisonzu de sos Deos soberanos,
de los pregare adducas chen’isettu!
A sos palattos pustis non lontanos
tucchesit de su babbu ‘erettu-‘erettu
pro b’agattare a Écuba reina
e dàreli in cunsigna sa faina.
48 (Fit sa règgia ‘e Priàmu tottacanta
cun màrmaros lughentes costruida,
de lollas e de arcos abbellida,
de giardinos cun milli e una pianta!
Sicomente sos fizos fin chimbanta,
bi lis aiat tales cumpartida
ch’a dogni fizu e fiza fit toccada
un’istàntzia frunida e abbandada!)
202

Diomede e Glàuco - Èttore e Andròmaca
49 Cun Laodice 27 ‘idesit sa mama
in su giardinu Ettòrre passizende.
Si l’accurtziesit, e cudda, tremende
e lêndeli sas manos: –Cale brama
ti nde ‘attit, o fizu? Apprettende
sos Acheos nos sunu? O già sa frama
si pesat subra nostru de s’Atreu?
Cheres pro cussu chi m’invoche a Zeu?
50 S’est su bisonzu chi nos lu pretendet
cun sas féminas b’ando in cumpagnia
a pregare ‘e s’Olimpu s’alta Ghia,
ca mama su ch’est giustu lu cumprendet!
Ma tue frìmmati un’iscutta ebbia
pro chi ti ‘atta su ‘inu, chi rendet
forte su coro e su bratzu atzuridu,
dulche de coment’est e saboridu!
51 Tratténeti... e cun nois los onora
sos immortales olìmpicos Deos
pro chi nos tuden luttos e anneos!
Beni, o sienda nostra amparadora,
pustis recuis da’ sos Dardaneos!–
E su fizu in risposta: –A mezus ora
dia narrer su ‘inu de lassare,
ca mi podet sa mente anneulare!
52 De onorare a Giove onnipotente,
bruttu comente so in sa persone,
créemi, o mama, chi non m’est detzente!
Tue lu faghe. A Minerva Tritone
galu prètzia e onora dignamente
cun sas féminas tottu d’Ilione!
Sa tùniga prus bella e valorosa
ch’as in domo li gighe a sa Diosa!
203

Càntigu VI
53 In sos benujos, cando la visìtas,
bi la collòca cun manu bonigna
dimandéndeli gràscias beneittas
e chi nd’agabbet sa gherra maligna.
Pustis dóighi rassas seddalittas
de li sacrificare ti nd’impigna,
si da-e Tròia sa Dea a lontanu
tenzerat a Tidide disumanu!
54 Deo invece a Paris facci-tortu
cheret ch’ande a chircare a domo sua
o aterue, giagh’est sempre in fua
bramende da’ sas féminas cunfortu!
Sa neghe l’at sol’isse ‘e tanta lua
e, si l’ ‘idera, o mama, finas mortu
su coro sulenare si mi diat,
mancari frade ‘e sàmbene mi siat!–
55 Manc’aiat cumpridu ‘e faeddare
ch’a sas isclavas Écuba giamesit,
fizas e nuras e las reunesit
intro sa lolla, prontas a tuccare.
A s’istàntzia sua posc’andesit
sa tùniga prus bella a seberare
de sas ch’aiat riccas, recramadas
da-e sas Sidoneas 28 fentomadas.
56 (Nde las aiat Paris da’ Sidone
sas tessidoras battidas a bantu,
da-e Sparta torrende a Ilione
cun Elèna reina, àter’ispantu!)
Lêsit su pignu e in pultescione
tucchesin lestras a su témpiu santu
de Minerva, in su puntu collocadu
de sa ‘idda prus altu e bentuladu.
204

Diomede e Glàuco - Èttore e Andròmaca
57 Lómpidos cue, sas giannas Teanu 29
innante isbambarriesit e, cantende
laudes d’alabàntzia, pianu-pianu
ch’intresin tottu a intro. Suspirende
Écuba tando su pignu galanu
a sa pobidda desit coittende
de Antenore, ch’a lu collocare
lestra tucchesit a pês de s’altare.
58 «O mama, –nêsit posca– nos l’atzetta
da-e su coro custu ‘estire raru
cun sa devossione prus cumpleta
e cun s’affettu meu pius caru!
A pês tuos, cun s’ànima inchieta,
benimos gramessende bon’amparu
pro custa ‘idda nostra valorosa,
pro donzi fizu sou e donz’isposa!
59 Si de nos sulenare detzideras,
su fizu mutti innanti de Tideu,
chi da-e ora, che un’ira ‘e deu,
nos est faghinde, o Reina, a biseras!
Dóighi seddalittas chena neu
ti promittimos e intzensu e cheras;
ma tue isparghi subr’a Ilione
sas alas tuas in s’occasione!»
60 Non l’iscultesit sa Divinidade
de sa satzerdotessa su lamentu.
Èttore intantu a s’appartamentu
fit dadu a passos mannos de su frade.
Palattu bellu, de raru ornamentu,
chi Pàride, in tempos d’amistade,
s’aiat isse e tottu fraigadu
da-e sos mezus mastros aggiuadu.
205
Èttore
e Pàride

Càntigu VI
61 Ch’intresit, cun su coro in pistighinzu,
poi arrumbada sa lantza a su muru
(nâchi fit de ses passos cuss’arminzu!),
e in su pê-pianu azig’iscuru
l’agattesit e ...armizende puru!
«Oddeu, calchi tacca de ruinzu
–li nêsit beffulanu– b’est pontzende
in cussos trastes! E los ses lustrende!
62 De torrare as forsi intentzione
a nos accostazare in su dovere?
Mezus s’istat inoghe, nd’as rejone,
finas cun s’affianzu ‘e sa muzere!
O t’amos dadu calchi istranguglione
in s’isfida cun s’ispartanu mere?
S’as cabu, crê’ a mie, pones fattu,
a boltas non ti brujen su palattu!»
63 «Cun rejone m’abbeffas e m’atzottas!
–li rispondesit Paris oji-bellu–
Però non crêo chi pensare pottas
chi sia offesu pro cuddu duellu!
Sas neghes, frade caru... emmo... tottas
las ap’ ‘eo ‘e s’ilìacu masellu!
E finas pianghende so sa sorte
chi ‘alu non m’at gittu a dura morte!
64 Ma non lu so vigliaccu, manc’appena!
Ne inoghe apo in mente ‘e mi ficchire!
Ne at tentadu de mi l’impidire
cun carignos o àteru Elèna,
ch’antzis cun boghe detzisa e serena
m’ispronat a sa gherra a recuire!
De mi ‘estire su tempus mi dae
ca tuccamos umpare; si no, bae!»
206

Diomede e Glàuco - Èttore e Andròmaca
65 Risposta non retzesit da’ su frade.
Tand’Elèna fatale: –O connadu,
m’aeret unu lampu settesciadu
o unu ‘entu chena piedade
da-e mare a monte pisuladu
fintz’a sos padros a lomper de s’Ade,
sa die chi m’at mama partorida!
Cane mala sa ‘olta ch’est naschìda!
66 M’esserat assumancus, si fit sorte
ch’aère semenadu tant’orrore,
un’ómine toccadu pius forte
chi s’ ‘irgonzerat de su disonore!
Ma Paris non nde mustrat de valore,
ne at aer frimmesa fintz’a morte,
a tales chi non crêo chi campare
pottat a longu pro si nde lograre!
67 Ma tue avantza, setzi e ti reposa
solu un’iscutta, tue ch’in sas palas
sas obbligasciones pius malas
de custa gherra rezes odiosa!
Cun Paris, s’aisettas, ti che falas;
bùffati imperistantu calchi cosa!
A tottu nos at Zeus cundennados
a esser pro s’eternu mentovados!–
68 E in risposta Ettòrre cun rispettu:
–Trattenner non mi potto manc’aizu,
Elèna cara e dulche, ca s’apprettu
est pius forte de ogni disizu!
Cumpréndami, ti prego, ma s’affettu
sa muzere mi narat e su fizu
de lomper un’iscutta a saludare,
prima de recuire a battagliare!
207
Elèna

Èttore
e Andròmaca
Càntigu VI
69 E chie l’ischit si Zeus ancora
m’accansat de los bídere sa gana?
E si esserat custa s’ùltim’ora
chi mi restat de vida, sorte arcana?
Siat comente, tue a sa mattana
nâli chi tucchet e ch’appena fora
de sa ‘idda, si est coidadosu,
nos bidimos. Salude e adiosu!–
70 A domo sua pustis s’avviesit
Èttore coro forte a s’impressada;
ma sa muzere, addaghi b’arrivesit,
non be-i fidi, ca che fit tuccada
cun fizu e un’isclava, assucconada,
a sa turre prus alta. S’aumbresit
Tronu de gherra in non los bider cue
che sole ch’est cuadu da-e nue!
71 Nêsit tando cun su coro a toccheddu
a sas féminas suas: –Ch’est bessida
a inue Andròmaca 30 dechida?
E gittu prîte s’at su fizareddu?
Coittade, torràdemi faeddu,
ca b’at netzessidade chi los bida!
A pregare a su témpiu sun andados?
O a domo ‘e connadas o connados?–
72 E in risposta sa pius antziana:
–Frade istimadu, accolla e ladina
sa veridade: Andròmaca galana
a pregare a Minerva ojiasulina
no est tuccada, pro tenner lontana
da-e sa ‘idda nostra ogni ruina,
e ne de visitare su disizu
l’ ‘enzesit sos parentes cun su fizu.
208

Diomede e Glàuco - Èttore e Andròmaca
73 A sa turre prus alta d’Ilione
est pigada cun su coro a boleu,
ca intesu at chi sos d’Agamennone
bos fini bisestrende tott’arreu!
Finas su fizu si ch’at gittu, oddeu,
e non cumprendo pro cale rejone,
si mezus –naro deo– fit bistadu
ch’intro de domo l’aeret lassadu!–
74 Manc’aiat cumpridu sa rellatta
ch’a foras ch’istuppesit chen’ ‘istentu
s’Eroe ‘e chentu chertos, in suffratta,
sa ‘idda attraessende che a bentu,
o a bértiga ‘e lampu paris patta
cand’isfuettat in notte ‘e tramentu!
L’ ‘idesit da-e Scea sa donosa
e a s’incontra l’andesit pressosa!
75 (A Etìone Èttore l’aiat
dimandada sa fémina a isposa
e portada cun doda valorosa
da-e Tebe Ipoplàcia 31 , ue istaiat,
a Ilione che prenda dicciosa!
In cunsideru mannu la teniat,
ca fit pobidda ‘e valentia rara,
sàbia, onesta, affriscionosa e cara!
76 Unu fizu aian minoreddu,
Scamàndriu che’ su riu nomenadu,
pil’arritzadu, bellu, oji-nieddu,
ma chi fit da’ sa zente lumenadu
Astianatte, ch’in cussu faeddu
cheret narrer “segnore appoderadu”,
e un’ura fit cussa ‘e bonasorte
d’esser a mannu che su babbu forte!)
209

Càntigu VI
77 Finas s’antzilla, chi s’aiat gittu
Andròmaca dechida a cussu trettu
pro li leare in bratzos su puppittu,
de sa padrona bidinde s’apprettu,
fatt’a issa tucchesit cun affettu
s’amore cumprendende beneittu!
Si nd’allegresit s’Eroe e de gosu
si l’aundesit su coro astraosu!
78 S’abbratzesin; ma, lêndeli sa manu,
li nêsit sa pobidda: –Prenda ‘e oro,
non t’istes da-e nois a lontanu!
Pro su ddaddeddu nostru est chi t’imploro,
su sole bellu nostru ‘e su manzanu
e pustis pro a mie! Custu coro
toccheddende mi nât chi s’andas cue
a domo ‘iu non nde torras tue!
79 Adducas ti trattene, coro meu,
ca contr’a tie, chi ses su prus forte,
s’at a allurpire s’esércitu acheu
bramosu de ti dare mala morte!
E cale pro a nois peus sorte:
órfanu fizu tou, oddeu-oddeu,
deo viuda, istrinta in cadena,
obbligada a servire in domo anzena!
80 Mezus morta ch’a bider cussa die!
Babbu non nd’apo a ue recuire,
ne mama affriscionosa a mi retzire
e ne frades restados sun a mie!
E chie nos nde ‘àrdiat? Chie, chie?
Tottu pensesit a mi los bocchire
Achille, coro ‘e ferru, in bidda mia,
foras de mama, morta in angustia!
210

Diomede e Glàuco - Èttore e Andròmaca
81 –A Etìone, chi si fit mustradu
difendinde sa ‘idda valorosu,
non li lêsit Pelide oji-acutadu
s’armadura sa die, e, timizosu
de sa repicca ‘e s’Olimpu sobradu,
finas sa tumba ‘e s’ùltimu reposu
li fattesit deghile fraigare
e de piantas altas inghiriare.
82 In sa matessi antua, ohi dolore!
galu m’ ‘occhesit chena piedade
sos sette frades mios de valore,
che gerriles a s’intrada ‘e s’istade!
E mama, da’ reale autoridade,
puru connottu at su disonore
che teracca ‘e servire in su palattu
finas a si pagare su riscattu!
83 E cand’a Tebe líera torresit
su patire ‘e sa sorte isfidiada
a tales che l’aiat imbetzada,
chi pustis pagu sa vida li lêsit
Diana, pro la ‘ider sulenada!
Ahi destinu su chi nos tocchesit!
E tue, Èttore caru, Èttore mannu,
sola mi lassas como in tant’affannu?
84 Tue ses pro a mie babbu e mama,
frade ‘onu ses tue, isposu, amigu!
Tue ‘e sa vida mia ses fiama,
su sole ‘e fizu tou, ùnicu abbigu!
Faghe goi: s’esércitu lu giama
e lu reuni u’est su crabufigu,
ca da-e ora est Argo in cussu giassu
chirchende de s’abberrer unu passu!
211

Càntigu VI
85 Pro tres bias tentadu at s’impresa
in cussu trettu e cun atza s’Acheu:
cun sos Aiaces e Idomeneu,
cun sos Atrides e, cun prus pretesa,
issara cun su fizu de Tideu!
Cheret ch’approntes cue sa difesa,
ca dên ischire sos ‘nimigos puru
ch’est cue pius débile su muru!–
86 E in risposta Ettòrre suspirende:
–Lughe ‘e sos ojos mios, prenda rara,
cantu m’affritzat su chi mi ses nênde!
Ma pro cantu mi sias tue cara
e su coro m’intenda sambenende
pro sa d’Astianatte dulche cara,
non potto, crê’ a mie, recusare
pro Tròia su dovere de gherrare!
87 Su disonore timo prus de tottu
de chie che vigliaccu si cumportat
e in s’istòria su nomen chi portat
lassat pro malu iscrittu e connottu!
Vittire non lu cherzo s’abbolottu:
solu a bi pensare si mi ‘ortat
che cane a ladru su coro, de glòria
che sos Mannos bramosu e de vittòria!
88 Eppuru ch’at a ruer Ilione
su coro m’est narende, ohi comente!
e cun Priàmu e sa troiana zente
sa mama e-i sos frades, a muntone!
Ma sa peus pro me afflissione
est su pensare appenas solamente
chi che pottedas tue e fizu meu
in manos capitare ‘e calchi acheu!
212

Diomede e Glàuco - Èttore e Andròmaca
89 A boltas ti m’immàgino vivinde
in una ‘idda d’Argo a malagana,
che teracca trattada o che fulana
sutt’a padrona laênde o tessinde
o carrende abba, andende e beninde,
a brocca in conca da-e sa funtana!
E sa zente, bidéndeti in piantu,
nàrrerti, ammustréndeti a ispantu:
90 –D’Èttore troianu fit muzere,
de s’eroe prus forte e atzuridu
chi mai in Tròia siat esistidu!–
Tando prus fùrriu su dispiaghere,
cun su disizu de su primu mere,
su coro t’at a render istasidu!
Mezus mortu ch’a bider cussa die!
Mezus mortu che a perder a tie!–
91 Nêsit; e-i sos bratzos illonghesit
mannos e fortes versus su bambinu
cun ojos de accisu! Ticchirriesit
sa criaduredda e in su sinu
de sa teracca si ch’affianzesit!
S’elmu ‘e su babbu de pilu caddinu
e sas armas de brunzu temperadu
l’aian, coro ‘e mama, assucconadu!
92 Riesin babbu e mama fatt’a pare
de su fizu intendinde su lamentu
e s’elmu da-e conca in su momentu
pensesit Èttore a si nde ‘ogare.
Pustis in bratzos lu lêsit cuntentu
a s’altza e fala faghìndelu andare,
si lu ‘asesit maicantas bias,
pustis preghende sas tzelestes Ghias:
213
Èttore
e-i su fizu

Càntigu VI
93 –O Zeus santu, o Deos soberanos,
crèschere sanu e forte la faghide
custa fruedda mia e cuntzedide
chi siat che a mie ‘e sos Troianos
onore e bantu, fortilesa e fide!
S’ojada ‘ostra li tenzat lontanos
de sa vida, pro cantu campat annos,
sas penas, sos istragos, sos ingannos!
94 E chi nerzan cun boghes ispantadas,
bidìndelu torrare ‘ittoriosu
da-e sa gherra, bellu e maestosu,
cun sas armas ancora insambenadas:
–Non fit su babbu a tales valorosu!–
E chi sas penas s’ ‘idat sulenadas
sa mama in su l’intèndere su ‘antu
pro ch’in risu si l’ ‘oltet su piantu!–
95 Nênde gai, a sos bratzos de s’isposa
che torresit sa dulche criadura
e-i sa mama a pettus cun ternura
s’affianzesit cussa cara ‘e rosa.
Cun un’ojada, infinis, de dultzura
e carignendesila, a sa diosa
naresit, a sulenu ‘e tant’apprettu,
cun boghe frimma e prena de affettu:
96 –Non istes, o Andròmaca, in pidinu
pius de cantu bastat pro a mie!
A fizu nostru pensa e galu a tie!
Como a domo recui e a puntinu
de sas antzillas sighi, notte e die,
sos trabàglios e a Zeus divinu
t’invoca, dimandende protessione
pro a nois e pro sos d’Ilione!
214

Diomede e Glàuco - Èttore e Andròmaca
97 Bae, donosa, bae e sias forte!
Su filonzu ‘e sa vida l’an in manos
sos de s’Olimpu deos soberanos.
De nois tottu sun issos sa sorte
ch’ordinzan e istraman e sun vanos
sos arrabattos nostros! E sa morte...
sa morte ‘enit pro tottu primm’o poi!
Ma semus galu ‘ios... no est goi?–
98 Nde regogliesit s’elmu nênde gai
Èttore da-e terra e’ sa pobidda
si ch’avviesit coittende a bidda,
bolténdesi onzi tantu, in arguai,
da-e coro catzende che ‘stinchidda
amore e affriscione che simmai!
Lómpida a domo, da-e s’iscunfortu,
su maridu pranghesit che a mortu!
99 Paris intantu da-e domo sua
a s’abboju ‘e su frade fit currinde,
lébiu che caddu chi ch’ ‘essit fuinde
da’ s’inserru ‘e s’istalla a totta fua,
da’ pês catzende fogu e cun sa giua
a su ‘entu isparta, preferinde
a s’orzu o a s’avena ‘e sa proenda
de currer a s’iscappu sa sienda!
100 Cand’a su giassu depustis che desit
chi Elèna l’aiat ammentadu,
bidendebe-i a Èttore arrivadu
prima d’isse, abbémidu, li nêsit:
–Su mi ‘estire su tempus mi lêsit,
pro cussu ebbia est ch’apo bistentadu!
A su malu non penses, frade caru!
Bae como, chi sigo chen’imbaru!–
215
Èttore e Paris
recuin a
gherrare

Càntigu VI
101 Li rispondesit Èttore atzuridu:
–Chie est giustu, o Paris, manc’appenas
podet negare ch’apas in sas venas
sàmbene ‘onu o nàrrerti istasidu!
Ma cand’a boltas che un’isganidu
t’ ‘ido gherrende, su coro mi prenas
de fele e de tristesa in su pensare
chi ses tue a nos fagher peleare!
102 Ma sa neghe de tanta cuntierra
l’as tue, o frade, ‘e tanta tribulia!
Custu assumancus in mente t’inserra,
ca no est cosa chi nar’ ‘eo ebbia!
Si però l’ ‘alanzamos custa gherra,
in domos nostras sa tzeleste Ghia
sighinde s’arrejonu l’onoramos
a tatza in manu; ma como tuccamos!–
216

Diomede e Glàuco - Èttore e Andròmaca
NOTAS DE SU CÀNTIGU SESTU
1 Eurìalu [...]: Fizu de Mecisteu, lêsit parte cun Adrasto a sa segunda
ispidissione contr’a Tebe. Fit bon’amigu de Diomede.
2 Abarbarea [...]: Fit una de sas Nàiades (sas deas de sas abbas) e
mama de Esepu e de Pédasu.
3 Bucolione [...]: Fizu de Laomedonte, re de Tròia. Su nòmene cheret
nárrere “pastore”.
4 Pèrcote [...]: Tzittade situada in sa costa meridionale de
s’Ellesponto.
5 Téucro [...]: Fizu de Telamone e frade de Aiace.
6 Pedàsu [...]: Tzittade de sa Mìsia. Pédasu si naraiat puru su fizu
de Bucolione e de sa ninfa Abarbarea.
7 Léito [...]: Fizu de Alettrione, cumandante de s’esércitu de sa
Beòtzia.
8 Gereneu[...]: Appellativu de Nèstore, re de Pilo, derivadu da-e
esser bistadu allevadu a Gerenia, tzittade de sa Messènia.
9 Elenu [...]: Unu de sos tantos fizos de Príamu. Fit un’indovinu.
10 mama [...]: Écuba, muzere de Prìamu
11 Licurgo [...]: Fizu de Driante.
12 Nisa [...]: Localidade fantasiosa de sa Tràcia.
13 Diónisu [...]: Fizu de Zeus e de Semele, giamadu puru “Bacco”.
Fit su deus de sa ‘ide e de su ‘inu. Si cojuesit cun Arianna, sa fiza de
Minosse, cando Teseu l’abbandonesit in s’ìsula de Nesso.
14 Teti [...]: O Tétide. Fiza de Nereu, deus marinu. Ninfa marina,
muzere de Peleu e mama de Achille.
15 Sìsifu [...]: Fizu de Eolo. Re abbistu e perversu, istesit da-e Giove
cundennadu a che pigare unu crastu mannu subr’a unu montiju;
ma, pro beffe e turmentu, appenas arrivait a sa punta, su marrarzu
nde li rodulaiat a bàsciu! E gai a donzi ‘olta, pro s’eternu, chena mai
bi poder resessire!
16 Efira [...]: Segundu sos antigos istudiosos de s’Ilìade, diat esser
sa tzittade, de Corinto.
17 Glàuco [...]: Si trattat de su bisaju de su Glàuco chi est faeddende.
18 Bèllero [...]: Nòmene mentovadu inoghe ebbia; istaiat in sa tzittade
de Corinto.
19 Pretu [...]: Fizu de Abante e re de Argo, maridu de Antea.
20 Giòbate [...]: Re de sa Lìcia, babbu d’Antea e sogru de Pretu.
217

Càntigu VI
21 Chimera [...]: Mostre fantasiosu chi buttaiat fogu. Aiat sa conca
de leone, su corpus de craba e-i sa coa de dragu.
22 Solima [...] Solimeos [...]: Antigos abitadores de sas montagnas
de su Tàuro, in Lìcia, in continua gherra cun sos Lìcios, chi che los
cherian iscatzare da-e cussas terras.
23 Amasonas [...]: Gherreras de s’Amatzónia, regione nord-orientale
de s’Asia Minore; fini mutiladas de una titta, pro mezus poder
impittare arcu e fritzas.
24 brìglias d’oro [...]: Appellativu de Diana o Artémide, in veridade
pagu impittadu in aterue da-e Omero.
25 Eneu [...]: Babbu de Tideu e donnumannu de Diomede. Fit su
re de Calidone.
26 su fau de Zeus [...]: Pianta maestosa, posta in s’altura de Scea,
cunsacrada a Zeus soberanu.
27 Laódice [...]: Fiza de Prìamu e muzere de Elicaone, fizu de
Antènore.
28 Sidoneas [...]: Sas féminas de Sidone, sa ‘idda pius famosa de sa
Fenìcia, fin mentovadas pro èssere bonas tessidoras.
29 Teanu [...]: Satzerdotessa de sa dea Atena. Fit fiza de Cisseu e
muzere de Antènore.
30 Andròmaca [...]: Fiza de Etíone e muzere de Èttore.
31 Tebe Ipoplàcia [...]: Tzittade de sa Mìsia, regnu de Etíone, su
babbu de Andròmaca. Ipoplàcia cheret nàrrere “posta a pês de su
monte Placo”.
218

ILIADE
CÀNTIGU SÉTTIMU
SU DUELLU TRA ÈTTORE E AIACE TELAMONE
Su duellu tra Èttore e Aiace Telamone

Càntigu VII
SUMMÀRIU
Èttore e Paris Ottavas 1-2
Minerva e Apollo 3-7
S’isfida de Èttore 8-19
Menelau atzettat s’isfida 20-25
S’atzottu de Nèstore 26-31
Sos noe campiones acheos 32-39
Aiace Telamone contr’a Èttore 40-46
Su duellu 47-64
Su cunsizu de Nèstore 65-69
Antènore e Paris 70-76
Sa proposta troiana 77-82
Sas onoràntzias 83-87
Su monumentu de sos Acheos
e s’annuzu de Posidone 88-93
Festas e minettas divinas 94-97
220

Su duellu tra Èttore e Aiace Telamone
1 Da-e sa gianna ‘e Scea in su momentu
ch’ ‘essesin ambos frades 1 , disizende
de sa gherra felosa su chimentu.
S’animesin, bidèndelos benzende,
sos d’Ilione, comente cuntentu
restat su marineri chi gherrende
est contr’a s’unda avversa da-e ora
cando si pesat frina aggiuadora!
2 A s’imbuccada, Paris briu e vida
lêsit cun una fritza a Menesteu 2 ;
ruesit posca su forte Ioneu
cun sa frua ‘e su samben istasida
pro méritu d’Ettòrre; e Ifineu
da-e Glàuco in palas felchida
sa lantza s’agattesit chen’isgarru,
si mortu nde falesit da’ su carru!
3 Ma ch’esserat sighidu su masellu
non baliesit Minerva Asulina
e da’ sa chima ‘e s’Olimpu divina
ch’ ‘olesit a s’ilìacu duellu.
Si nd’abbizesit Febo 3 ‘e sa faina
e, pro a Tròia timinde tranellu,
fattu sou tucchesit bola-‘ola
resolutu a nde ‘ogare atzola.
4 Sutt’a su fau ‘e Zeus l’abbojesit
e: –Si non as intentziones malas,
mi deves ilgiarire –li naresit–
prît’est, o Dea, ch’a inoghe falas
che una tentassione! Ello sas alas
t’at postu in pêse su chi lis tocchesit
a sos Gregos issara malu dannu
e bogare los cheres da’ s’affannu?
221
Èttore e Paris
Minerva e
Apollo

S’isfida de
Èttore
Càntigu VII
5 Adducas non nde sentis d’affriscione
pro su bisestru ‘e sa troiana zente!
Mancari apedas tue e Giunone
da’ tempus meda e cuncordemente
detzisu ‘e nd’irroccare a Ilione,
inte’ su chi pens’ ‘eo e pone mente:
assumancus pro oe ‘e nd’agabbare
procuramos sa gherra ambos umpare!–
6 «Cun su matessi pensu, o frade santu,
–rispondesit Minerva Tritonea–
so lómpida a inoghe e soletantu
pro ponner a su chertu una trobea.
Ite meledas tue peristantu
pro chi ‘enzat a bonu tal’idea?»
E su de Zeus fizu saettante
su faeddu torréndeli a s’istante:
7 –Diamos dever s’ànimu intzitare
d’Èttore, gagliardu gherradore,
pro chi lompat sol’isse a isfidare
de sos Acheos s’eroe mazore
e a-i custos, pustis, ammentare
lis devimos sa régula ‘e s’onore,
pro chi unu o s’àteru campione
non nde fattan diversa chistione.–
8 Nêsit su Mere ‘e s’arcu; e su cunsizu
fattesit a Minerva piaghere.
E gai Elénu, ‘e Prìamu su fizu,
s’intendesit comente e in dovere
(segundu su divinu contivizu)
d’andare da’ Ettòrre e in podere
de li narrer: –O frade valorosu,
che a Zeus sàbiu e virtudosu!
222

Su duellu tra Èttore e Aiace Telamone
9 Su cumandu, ch’in bucca un’Immortale
de tzertu m’est poninde, riferire
ti dev’ ‘eo e che frade carrale
tue m’isculta, prontu a m’obbeire!
Giómpida no est s’ora fatale
pro a tie e ne pro reduire
in piuer sas roccas d’Ilione:
de s’Olimpu cust’est s’intentzione!
10 Pro nde muttire però s’abbolottu
e pro chi nos pasemus nessi oe,
de sos Danaos 4 su mezus eroe
isfidare dês tue in cara a tottu!
Adducas bi lis betta, che atzottu,
sa marrania, ca sulenu e proe
nd’an aer sos gherreris dardaneos 5
pius de cantu nd’apan sos Acheos!–
11 De cumprire su tempus non li desit
chi, giuilende, Ettòrre a lantza in manu
a innante a s’esércitu troianu
a lu frimmare detzisu tucchesit.
E prim’Atride, appenas da’ lontanu
sa brama ‘e s’inimigu cumprendesit,
isse puru a sos d’Argo de tzessare
cumandesit s’attaccu e d’isettare.
12 Tando Apollo e Minerva, suddisfattos
de lis esser sos pianos resessende,
che s’esseran benturzos, in sos rattos
de s’àrvure ‘e Cronide ‘ola-‘olende
si che calésini, ambos ammirende
unu de fronte a s’àteru, cumpattos,
de Gregos e Dardanos sos potentes
esércitos, de brunzos lutzighentes.
223

Càntigu VII
13 Gai comente una frina d’ ‘entu
sa leada incrispat de su mare
pàsidu e-i su sole ischindittare
faghet su pizu ‘e s’abba in movimentu,
mentres diventat in su fundamentu
pius iscurigosa tott’umpare,
a tale, in s’attruppare, sos soldados
sos brùnzeos lampizos ch’an tudados!
14 Abboghinesit tando Ettòre mannu:
–Frades de Troe, Gregos, m’intendide!
Si agabbadu non nd’amos su dannu
cun s’isfida de Paris cun s’Atride
cheret narrer chi a Zeus Cronide
galu non bastat de nos dare affannu
e chi detzisu at de nos mattanare
fin’a perder sa gherra o a l’ ‘alanzare!
15 Cale siat però s’intentzione
nemos de nois lu podet ischire!
At a toccare a bois a godire
bidèndela derrutta a Ilione
o nostra invece sa suddisfassione
coibàscios mirèndebos partire?
Una cosa l’ischimos... e ladina:
sa gherra est pro a tottu una ruina!
16 Adducas assunessi in custa die
d’abbilandrare bos pedo sa morte!
Unu de ‘ois... unu, su prus forte,
si fattat a innante contr’a mie!
e siat unu a morrer deasie
e non chentu o pius! Sa malasorte
chi si nde traghet unu, unu ebbia!
Acco’ sa chi bos betto marrania!
224

Su duellu tra Èttore e Aiace Telamone
17 Finas bos naro (e Zeus chi m’intendet
distimonzu mi siat in cust’ora!):
si sa lantza ‘e s’Acheu atterradora
su filu mi truncherat chi mi prendet
a custu mundu e si cuddu pretendet
de m’ispozare ‘e sas armas ancora,
fattat comente cheret, ma torrare
dêt su corpus a Tròia a l’onorare!
18 Si Apollo, invece, sa vittòria
cuntzederat a custu bratzu meu,
giuro chi de su mortu glòria-glòria
sas armas gitto a su témpiu ‘e su deu,
ma chi finas lu lasso a sos d’Atreu
pro ch’una losa fettan a memòria
de tant’eroe, mortu cun s’idea
de ponner a sa morte una trobea!
19 E cantos in su tempus benidore
a s’Ellesponto 6 , a pês de cussa losa,
an a lomper, chi cun boghe ispantosa
nerzan a cara a chelu: –It’onore
ch’at meressidu e fama dignitosa
cuss’Eroe antigu e de valore
si mortu l’at Ettòrre!– E nênde gai
sa fama d’Ìlion non bárigat mai!–
20 Nêsit; e sicomente a sa proposta
niune de sos Gregos li torresit
pronta che pare e giara una risposta,
a boghes airadas si pesesit
Menelau e a tottu abboghinesit
pro los offender própriu a bell’apposta:
–Coltz’a mie, ch’illusu a s’ala mia
d’aer màscios, non féminas, mi fia!
225
Menelau
atzettat
s’isfida

Càntigu VII
21 Barra già nd’azis sende fianc’a pare!
Ma si sa soga bos bettat calcunu
bos remunides e non nd’ ‘essit unu
ch’apat fortzas e coro a cuntrastare!
Sos Acheos famados ue sunu?
Chi bos pottedas in lotzu ‘oltare
cantos sezis inoghe inneuddados!
Mezus sa morte che atzantarados!
22 Ma non bi restat Èttore atzuridu
chena agattare aggantzu parinale,
ca bi l’atzetto deo su cumbidu,
deo... deo!... e s’Olimpu immortale
detzidat pro su bene o pro su male!–
S’armadura, depustis, avvilidu
e puru resolutu, nde ‘oghesit
e a si la ‘estire comintzesit.
23 Connottu aias tue in cussa die
da’ s’ispada d’Ettòrre dura sorte,
o Menelau, ca meda pius forte
fit su fizu ‘e Priàmu de a tie!
Non ti fis bardiadu da’ sa morte
si cantos fini prìntzipes inie
non t’aeren trattesu e frade tou
abboghinadu cun su pôre sou:
24 –O Menelau, nadia de Zeus,
atza nde mustras, ma un’acconcada
mi paret custa de zente iscabada!
Si non nos cheres bider male e peus
cun sa mente ti nd’ista assussegada!
Pro cantu siat forte che unu deus,
finas Achille a ponner marranias
bi pensat contr’a cussu medas bias!
226

Su duellu tra Èttore e Aiace Telamone
25 In ragas tuas resta e t’ausenta
mezus cun sos soldados in disparte,
ca già non b’istat Èttore a s’appenta
cun chie l’agattamos pro cuss’arte!
Ma féminas non semus, ti nd’ammenta!
Antzis ch’onore at a fagher a Marte
s’eroe nostru a tales so seguru
chi fintz’a tie at a piagher puru!–
26 A sos bonos cunsizos s’Ispartanu
coittesit cunvintu a ponner mente,
ca già l’ischiat chi non fit prudente
cun Èttore a gherrare manu-manu.
Ma nêsit Gereneu prontamente
cun sa sabidoria ‘e s’antzianu:
–Ohi, Pàtria amada, cale sorte!
Una nue t’inghìriat de morte!
27 Si l’ischerat Peleu 7 , ite tristesa!
chi sos eroes chi li fentomei
cand’a Fitia cun Ulisse andei
pro cuncordare cust’épica impresa
e de nos dare su fizu li nêi...
si l’ischerat ch’appenas l’an intesa
s’isfida d’Ilione l’an timida,
tétteru diat ruer, chena vida!
28 Cherferan Zeus, Apollo e Atena 8
torràreli a-i custu pilibiancu
sas fortzas d’unu tempus assumancu!...
de cando cun sa lantza apo sa vena
d’Euritalione 9 ‘attidu a mancu!
Che a como, m’ammento, a boghe piena
nos isfidesit su Re atzuridu
e cantos l’intendesin l’an timidu!
227

Sos noe
campiones
acheos
Càntigu VII
29 S’arminzu, che un’upa de s’inferru,
d’Euritalione fin timende
prus che a isse: una matza ‘e ferru
chi li lassesit Licurgo 10 morzende
(traste chi nd’ ‘ettaiat donz’abberru!)
e chi custu s’aiat battagliende
contr’a Aritò 11 divinu procuradu
cando in un’istrintorzu l’at tentadu!
30 Su prus gióvanu fia in cussa gherra,
ma de coràggiu nd’aia bastante
si non timesi a ponner cuntierra
e contr’a isse a benner a innante!
E lu ‘idesin tottu su zigante,
su timìdu!, bratzispartu per terra
chena pius alenu, a limba fora,
gràscias fintz’a Minerva amparadora!
31 Broterat assunessi noittolu
da’ custu bratzu su vigore antigu
pro bos mustrare si cun oriolu
affrontadu l’aia s’inimigu!
Ma càglian tottu inoghe! Ite consolu!
Unu non ch’est adducas... un’amigu
de sa Pàtria nostra, unu valente
ch’a Èttore rispondat dignamente?–
32 Noe si nde pesesin a s’affeu
de campiones: pro primu s’Atride,
re de sos res; infattu su Tidide,
ambos Aiaces e Idomeneu;
pustis Merione cun s’Evemonide 12 ,
Toante e-i s’ìtacu Odisseu!
Tottu cherian cun s’ispada in manu
s’eroe cuntrastare troianu!
228

Su duellu tra Èttore e Aiace Telamone
33 Tand’isclamesit Nèstore cuntentu:
–Sa sorte, issa ebbia lu detzidat
a chie accansàreli s’intentu!
E chi torrare donzunu lu ‘idat
vittoriosu a s’accampamentu!
Argo in sa fortza sua est chi cunfidat!–
Nêsidi; e in s’elmu de Nestòre
ch’ ‘ettesin cuddos sa busca ‘e s’onore 13 .
34 Ojos altzesin a chelu in s’istante
sos d’Argo gherradores tott’umpare
sa gràscia ‘e sa vittòria pr’invocare;
e nêsit pius d’unu a su Tronante:
–O Mere santu, póneli a innante
chie paris la pottat cuntrastare
sa rocca ‘e Troe! Siat Telamome
cuss’eroe, Tidide o Agamennòne!–
35 Intantu Gereneu buluzende
s’elmu cun sos nigheles s’istaiat:
lu ‘oltulait, l’isbattulaiat,
tenìndelu continu altza e falende;
e sa zente, sempre ‘e pius ciarrende,
de connoscher sa sorte isettaiat.
D’iscattu, infinis, mintesit sa manu
cunfidende in Cronide soberanu!
36 E Zeus, regoglinde s’intentzione,
su signale in sas manos li ponzesit
d’Aiace, su fizu ‘e Telamone!
In su lu ‘ider si nde cuntentesit
su re de Pilo e cun suddisfassione
a cantos fin affacca l’ammustresit,
isettende chi l’aeret connottu
s’eroe ‘e Salamina 14 primm’ ‘e tottu.
229

Aiace
Telamone
e Èttore
Càntigu VII
37 E Aiace, appoi de aer bidu
in manos de Nestòrre su signale,
nêsit che giuilende: –O Immortale,
ti ringràtzio pro m’aer preferidu!
Como m’accansa d’ ‘ider istasidu
su de Tròia eroe geniale!
Deo cunfido in sas gràscias tuas!
Die nódida est custa si m’aggiuas!
38 E galu ‘ois, Gregos, supplicade
a Zeus mannu, ma cun boghe bàscia,
pro chi non pedan sa matessi gràscia
sos d’Ilione a sa divinidade.
Antzis, comente cherides pregade!
A niune tim’ ‘eo e in disgràscia
non crêo chi mi ponzat su dannarzu,
ca sun sos bratzos mios de attarzu!–
39 Si ‘estesit depustis s’armadura,
mentr’a Zeus sos d’Argo nêsin gai:
–O Segnore de s’Ida, che simmai
aggiùanos in custa conzuntura!
Si non cherferas, ca nd’as dolu e cura,
ponner posc’a Ettòrre in arguai,
dalis paris s’amparu e-i sos brios
pro ch’ ‘essire nde pottan ambos bios!–
40 Appenas agabbesit de s’ ‘estire
cun unu risu ‘e suddisfassione
avantzesit contr’a su d’Ilione
Aiace, seguru ‘e non faddire,
a passos longos, chena si chinnire,
a lampizos de brunzu, in paragone
in majestade a Marte soberanu
cando si mustrat cun sa lantza in manu!
230

Su duellu tra Èttore e Aiace Telamone
41 Bidìndelu avantzare s’animesit
donzi gherreri, donzi re acheu;
mentr’a sos de Priàmu, frittu, arreu
su suore in s’ischina lis curresit
e finas a s’eroe dardaneu
su coro a toccheddare si ponzesit!
Ma ‘ettada oramai fit s’isfida
de ‘alanzare o de perder sa vida!
42 E cando cun Ettòrre troianu
s’agattesit Aiace a cara a pare
(s’iscudu mannu gighiat in manu
chi fattu in Ila 15 s’aiat contzare
da-e Tichiu 16 , valente artesanu,
cun sette corzos ‘ulos e forrare
cun unu pizu ‘e brunzu lumenosu!)
li nêsit resolutu e rispettosu:
43 –O de Priàmu nóbile nadia,
accomi prontu, inoghe, in cara a tie
detzisu a t’ammustrare in custa die
ch’anzena non timimos marrania!
Iscas galu chi eroes che a mie
medas bi nd’amos in sa pàtria mia!
Sol’Achille si nd’istat abbandadu
contr’a s’Atride offesu e airadu!
44 Ma pro cantu pesosa e importante
siat sa mancàntzia ‘e cussu forte,
non t’illudas de poder in s’istante
mezorare de Ìlion sa sorte!
Adducas incomintza tue innante!
Proabe-i a mi dare sa morte!–
Nêsit; e sa troiana fortilesa
rispondesit cun paris nobilesa:
231

Su duellu
Càntigu VII
45 –O Telamone, zenia de Zeus,
non crêttas, si mi pones a su prou,
ch’at a retzire su cumbidu tou
risposta ‘e piseddina o male e peus!
Forte ses tue cant’a unu deus,
ma su bratzu d’Ettòrre no est nou
a marranias cun eroes mannos,
ne timet de sa gherra sos affannos!
46 A caddu, a pê’, cun lantza o cun ispada,
sa dansa ‘e deus Marte isco ballare;
in s’abbolottu prefero a istare
in primma fila e a cara parada!
Ma non penses chi a s’iscunfidada
o cun s’ingannu ti cherfa affrontare!
Adducas comintzamos cust’impreu:
ti nde ‘àrdia, acco’ su traste meu!–
47 Cun un’ùrulu ‘e morte muidende
da-e manos s’arminzu li fuesit
de sàmbene lambridu e, che tronende,
a s’iscudu inimigu s’attappesit:
ses pizos fatt’a pare trapassesit
in su ‘e sette sa fùrria agabbende,
chena dare a s’Eroe d’Ilione
sa chi bramait suddisfassione!
48 S’animesit pro su colpu faddidu
su gregu cumandante e a s’appretta,
paris bettende un’orrorosu gridu,
su traste li torresit che saetta!
Ma pro cantu sa mìria fit perfetta,
in s’iscudu de Èttore intzecchidu
s’est finas cussu raju portentosu
chena dare a su Mere mezus gosu!
232

Su duellu tra Èttore e Aiace Telamone
49 Sas lantzas ambos duos campiones
da’ sos iscudos tando nd’istratzésini
e unu contr’a s’àteru s’ ‘ettésini
che porcrabos feridos o leones!
Colpos malos, tremendos s’addobbésini
chena però s’offender sas persones!
Gai istesin med’ora afferra-afferra
suppesende piuer da-e terra!
50 E solu cando a Èttore segadu
si l’est s’arminzu in duos, e s’Acheu
l’at cun sa lantza de nou apprettadu,
àpidu s’est s’eroe dardaneu
che in attogu in cussu peleu
e finas cun su tuju ispizoladu
da-e sa punta ‘e su brunzu inimigu
pro bona sorte sua sol’azigu!
51 S’irrujesit de samben s’armadura!
Ma su Troianu chena si chinnire
cun unu crastu, a imboladura,
tentesit su matessi ‘e lu colpire!
Cun s’iscudu ‘ettadu a covaccura
bi lu paresit Aiace e faddire
li fattesit a Èttore s’afficcu
de lomper a lu ‘ider pistu e siccu!
52 Unu marrarzu prus pesudu ancora
da’ terra lêsit tando Telamone
e, cun fortza ‘e zigante, a Ilione
torresit sa risposta lestru in s’ora!
A s’insegus Ettòrre, a ojos fora,
che rodulesit, a unu muntone
cun s’iscudu ispantosu fragassadu,
mùcculu in sos benujos, ispossadu!
233

Càntigu VII
53 Ma Febo, piedosu, atza e briu
luego ‘e li torrare meledesit;
e gai appenas si nde suppesesit
che a prima su fogu biu-’iu
de s’eróicu chertu s’allumesit!
Acco’ tando a Ideu e Taltibiu
ambos pare avantzare, a iscettru in manu,
pro nde muttire gregu e troianu.
54 E lis nêsit Ideu d’Ilione:
–Sas armas, frades caros, deponide!
Unu e s’àteru de Zeus Cronide
s’amorosa tenides protessione!
Su chi bos nâmos adducas faghide,
ca est sa pius sàbia detzisione:
giaghi approbe su sole est a s’occasu
chircade in su retiru gosu e pasu!–
55 Li rispondesit Aiace: –O Ideu,
a chie at s’isfida meledada
andat custa proposta, a parrer meu,
innante de a mie presentada!
S’est Èttore a la fagher a s’Acheu
non crêo chi li ‘enzat refudada.
Duncas l’avantzet isse sa proposta
si bramat de retzire una risposta!–
56 «O re de Salamina valorosu,
–nêsit tando s’ilìaca fortesa–
non solu ses pro Argo una difesa,
ma finas in faeddos virtudosu!
Lezìttima mi paret sa pretesa
e deo ti dimando, rispettosu,
a un’àtera ‘olta ‘e rimandare
sa marrania e de nos reposare.
234

Su duellu tra Èttore e Aiace Telamone
57 Giagh’est leende a interighinare
d’Ideu rispettamos sos cunsizos
e gai a sos gherreris sos disizos
podimos fintzamente accunortare
de s’ ‘ider, poi de tantos fastizos,
chen’arminzos in manu a peleare.
Duncas tzessamundela, o Telamone,
pro bonu de sos d’Argo e d’Ilione!
58 Però innante faghìmunos galu
pare-pare in signale d’amistade
cun un’istrinta ‘e manu unu regalu,
pro chi nerzan in sa posteridade:
Issos cun atza e cun ìmpitu malu
si sun gherrados, posca in bonidade
nde l’an muttida e si sun dispididos
che amigos, simmai si nd’at bidos!»
59 Nênde gai, s’ispada poderosa
cun sas asas de prata li porresit
paris cun sa baina lumenosa
e Aiace puru si nd’ ‘oghesit
da’ chintu sa chintorza valorosa
de pùrpura e bi la cunsignesit.
S’istringhesin sa manu ‘e bonu coro
ambos torrendesiche a logu insoro.
60 Si nd’allegresit donzi troianu
in s’ ‘ider a Ettòrre recuire
in mes’a issos galu biu e sanu!
Non crêian, infattis, chi fuire
potterat a su bratzu subrumanu
d’Aiace Telamone e de patire
fin timinde sa rutta d’Ilione,
poi mortu s’insoro campione!
235

Càntigu VII
61 Sos d’Argo, invece, cabos de valore
a l’abbojare cuntentos tucchesin
a s’eroe danau e li tzocchesin
sas manos che a unu ‘inchidore!
Da-e s’Atride pustis lu gittesin
chi, pro li render pius mannu onore,
unu trau nde fattesit battire,
a Zeus intregadu, a l’arrustire.
62 A su cumandu, lestros, s’animale
nde li trazesin paritzos soldados
chi, poi ‘e s’esser bene innettiados,
l’ispojolesin cun unu pugnale.
Cun sos burteddos pustis arrodados
l’iscorzesin e a colpos d’ ‘istrale
l’appetzesin, mentr’àteros, bundante,
su fogu ammanizesin a s’istante!
63 A sa falada ‘e sa brajas cun cura
ponzesin sas cadrijas a irrujare,
lênde pustis sa petta a b’assentare
a cantos mannos subr’a sa calura.
E appenas giompesit a cottura
allegros comintzesin tott’umpare
a Zeus a ondrare s’immortale
e a s’Eroe insoro geniale.
64 Altzende ojos a sa Ghia divina
si nde pesesit tando Agamennòne:
lêsit su mezus bìcculu ‘e s’ischina
e in signale ‘e cunsiderassione
lu desit a su Re de Salamina.
Si nd’allegresit meda Telamone
de su prétziu mannu e de sighire
nêsit a tottu in su divertire.
236

Su duellu tra Èttore e Aiace Telamone
65 Istesin oras medas rebottende
olvidende ‘e sa gherra onz’impeleu;
pustis cando, attattu donz’acheu
e sonnidu, ‘e pius fit disizende
d’agattare in su lettu su recreu,
acco’ su mere ‘e Pilo avantzende
in mes’a rese, prìntzipes, soldados
e nàrrerlis cun tonos accorados:
66 –Fizu d’Atreu, amigos, m’iscultade!
Maicantos cumpanzos valorosos
oe ch’at Marte imbiadu a s’Ade,
eroes mannos, caros, generosos!
Chi rètzana onores dignitosos
cunsizan affriscione e piedade.
Duncas, o Re, cumbenit cras manzanu
su bisestru ‘e suspender disumanu!
67 A sos chentales cussos disdicciados
de los regòglier naro tott’umpare
e linna meda d’arremiarzare
pro chi bi ‘enzan susu collocados
e pustis in su fogu dissipados
cun sas armas e tottu, a cara a mare!
A fizos e parentes pr’accunortu
s’arribbet sa relìchia ‘e donzi mortu.
68 Dia narrer ancora, pro ammentu
de chie cun su tempus custu logu
at a cherrer cun bonu sentimentu
visitare o cun coro in affogu,
de che lassare sinzu ‘e monumentu,
chi a mentovu restet e attrogu
de s’acheu valore e siat frama
chi brujet de sa gherra dogni brama!–
237
Su cunsizu de
Nèstore

Antènore
e Paris
Càntigu VII
69 Accunsentes, tzocchéndeli sas manos,
prìntzipes e gherreris si mustresin
e àteros de conca li fattesin
pretziéndeli sos cunsizos sanos.
Mancu tranchillos fin sos Troianos,
s’est ch’a s’ispèria-ispèria si nd’istesin
finas a notte manna, ‘e malumore.
Ma galu incue nêsit Antenòre:
70 –M’intendide, o frades d’Ilione,
e bois puru, amigos, chi sa pena
baliades de tantu bulione
pro a nois gherrende in terra anzena!
Pro nd’agabbare custa chistione
b’at solu una manera: a Elèna
cheret chi li torremos a s’isposu
paris cun su tresoro valorosu!
71 Chi nde pottemos bessire in balanzu
deo non crêo, s’est ch’amos traittu 17
su giuramentu ‘e paghe beneittu,
ne chi nos diat Zeus s’affianzu!
S’istare a cust’afficu ancora appittu
est chimera, est sónniu mettanzu!
Torret Elèna da’ su mere sou
e su sole ‘e sa paghe ‘essat de nou!–
72 «Mezus cunsizos dês dare, Antenòre,
–li rispondesit Paris a s’istante–
si d’ ‘ardiare sa vida e s’onore
bramas a tottu e si ses amante
de sa cuncòrdia e de su veru amore!
Isperièntzia e limba nd’as bastante,
ma si penseras comente faeddas
tando in debadas ti naro ch’appeddas!
238

Su duellu tra Èttore e Aiace Telamone
73 De rèndere a Elèna non bi penso!
Prima sa vida cheret chi mi lêdas!
S’invece b’at de dare oros, sedas,
pratas e chentu benes, non mi chenso 18 ;
antzis ricchesas nde l’aggiungo medas...
cun cant’apo e possedo lu cumpenso!
Ma chi restet Elèna cun a mie
ch’est s’ària chi respiro notte e die!»
74 Nêsit; e re Priàmu fattu sou:
–Troianos, Dardaneos, m’intendide:
lassàdebi in sa rocca su custou,
posc’a bos reposare recuide.
Cando su sole s’accherat de nou
de ch’imbiare penso da’ s’Atride
a Ideu, pr’ischire ite nde pensat
si Paris cun ricchesas lu cumpensat.
75 A re Agamennòne preguntare
dêt puru s’est d’accordu cras manzanu
su fragassu ‘e sa gherra a nde sessare
pro permitter a gregu e troianu
sos tantos mortos cun piedosa manu
de poder dignamente sepultare.
Pustis torramos a su mal’impreu
finas a cando non detzidit Zeu!–
76 Istraccu, nênde gai, a si drommire
tucchesit re Priàmu e-i sos fizos,
appenas attuados sos cunsizos,
cumandesin a tottu ‘e recuire.
E Ideu, s’incrasa, a riferire
decomente retzidu in contivizos
ch’andesit da-e re Agamennòne
chena si fagher manna illusione.
239

Sa proposta
troiana
Càntigu VII
77 Affacc’a su naviu ‘e prim’Atreu
fin sos Gregos in s’ora reunidos.
«Majestade, –naresit tando Ideu–
prìntzipes e gherreris atzuridos,
Priàmu e su popùlu dardaneu
chi bos rifera cheren sos sentidos
ch’at Paris deris notte nâdu a nois
pro ‘ider s’aggradessin galu a bois!
78 S’intentzione sua est custa ebbia:
su chi si ch’at leadu in terra anzena
(esserat mezus mortu cussa ia!)
a bos render est prontu e, pro sa pena
ch’at dadu e manna a s’ispartana Ghia,
ricchesas pro cumpensu a manu prena
cheret aggiungher, cantas nde possedit!
A Elèna però non bos la tzedit!
79 De bos narrer m’an puru ingarrigadu
s’atzettades, assunessi pro oe,
chi tzesset s’abbolottu e ch’onoradu
siat e sepultadu donz’eroe.
Ch’ ‘entzat posca in s’Olimpu decretadu
chie dêt bider bonu o malu proe!»
Nêsit s’imbasciadore; ma, detzisu,
lis desit Diomede cust’avvisu:
80 –Nemos chi tzedat! Nemos! ca sa sorte
signada est oramai d’Ilione!
Siat donzunu resinnadu e forte!
Chie de custa gherra est sa cajone,
si puru los ponzerat a cumone
sos siddados chi tenet, da’ sa morte
diat debadas fuire a boleu,
mancu si Lene torrat a s’Atreu!–
240

Su duellu tra Èttore e Aiace Telamone
81 Si nd’allegresin prìntzipes e rese
de sa risposta de s’eroe insoro
e prim’Atreu, ritzéndesi in pêse:
–O Ideu, –li nêsit– no est s’oro
su chi bramamos, A intr’ ‘e su coro
(como chi l’as intesu già lu crêse!)
b’amos s’ispera ‘e meressire glòria
chi mentovada restet in s’istòria!
82 Sa segunda proposta ti l’atzetto,
ca su render onore a chie est mortu
dovere est pro donzunu e dat cunfortu.
Sa peràula ‘ettada la rispetto!
Adducas bae e non timedas tortu!
Innante a Zeus santu ti ripeto
chi oe non nd’appretto de soldados,
pro chi sian sos mortos sepultados!
83 A s’ala d’Ilione furriesit
poi ‘e l’aer intesu, cun apprettu,
s’imbasciadore e, cando b’arrivesit,
a sos cumpanzos suos in isettu
ladina donzi cosa lis contesit.
A sos mortos eroes cun affettu
lêsin posca detzisos a pensare
gregos e dardaneos ambos pare.
84 A los regòglier, a los seberare,
pro comente fin issos bisetrados,
de sàmbene e de piuer imbruttados,
tètteros, a muntone subr’a pare,
bistadu est pro tottu sos soldados
s’ingàrrigu prus feu ‘e supportare,
a tales chi gherreri non s’ ‘idiat
chi làgrimas in ojos non gighiat!
241
Sas
onoràntzias

Su
monumentu
de sos Acheos
e ‘annuzu de
Posidone
Càntigu VII
85 Truncos mannos de linna peristantu
fin àteros tottue ammuntonende
e sidas e chimuzas dogni tantu
sutta sos remiarzos collochende,
issos puru a succuttos de piantu,
sa sorte ‘e sos cumpagnos lastimende.
Àteros susu los collocain
a manu-manu chi bi lis battian.
86 Cando posca ambas partes acchippesin
a cumprire su piedosu impreu
e a sos pròprios mortos s’inghiriesin
pro lis isterrer déghile su teu,
lestros su fogu, invochende a Zeu,
de s’ùltimu dissipu b’atzendesin.
Ma ne Priàmu, ne Agamennone
cherfesin boghes de disperascione.
87 Approbe fit su sole a su ponente,
addaghi, reduidas sas chijinas
e sas relìchias, lêsit cussa zente
a si che ritirare, a sas ruinas
pensende de sa gherra e cun sa mente
galu ‘oltada a tantas caras cinas
frittas e biaittas, bisestradas
e da-e sas fiaras mandigadas!
88 E pro ammentu ‘e sos malefadados
una losa, s’incras, ‘e fraigare
pensesin sos d’Atreu tott’umpare
própriu inue aian dissipados
sos eroes insoro. ‘E culunnados
l’inghiriesin e turres, ch’ispantare
devian cantos, pro glòria e affettu,
aeren visitadu cussu trettu!
242

Su duellu tra Èttore e Aiace Telamone
89 Unu sulcu, depustis, pro difesa
b’iscavesin ancora tott’in tundu
largu ses passos e battor profundu.
Monumentu ‘e miràbile bellesa
chi paris non s’agattat in su mundu
e chi finas s’imbìdia ch’at atzesa
de Posidone, deus eterrenu,
s’est chi nêsit a Zeus cun belenu:
90 –Frade istimadu, olìmpicu Mere,
a parte ‘e giosso mira e pustis nara
de sa Terra cal’ómine in dovere
s’at a intender prus d’altzare cara
a nois prega-prega, s’est ch’insara
una losa, e chena mancu crêre
de nos dever innante pretziare,
s’an chérfidu sos Gregos fraigare!
91 Bette de monumentu chi s’an fattu!
Como est seguru chi sa fama insoro
in tottue at a fagher bon’imbattu!
Gai ‘e su muru (pro custu m’accoro!)
s’isméntigan ch’a Tròia pr’apparatu
apo postu cun Febo. Oh, crebacoro!–
«O Mere de sas undas, it’as nâdu?
–Zeus li nêsit che maravizadu–
92 L’aeret fattu cussu pensamentu
un’àter’Immortale –naro deo–!
De suddu manc’appenas mi nde lêo!
E ses timende chi finas s’ammentu
diat poder su gregu monumentu
de ‘ois cantzellare? Ma non crêo
chi non resessas tue a impidire
chi lis pottat sa proa resessire!
243

Festas
e minettas
divinas
Càntigu VII
93 Ma, si t’appenat, inte’ su consizu
chi ti dao che frade a coro in manu:
appenas da’ su logu troianu
tuccadu si ch’est s’ùltimu navizu
de re Agamennòne, in contivizu
apas d’abbolottare s’oceànu
finas chi s’unda, da’ làccana ‘essida,
cuss’òpera non apat destruida»
94 Si nd’allegresit meda Posidone.
Su sole intantu fit ruende in mare
e sos Gregos cumpridu ‘e fraigare
aian cuss’ispantu a perfessione.
Própriu in s’ora agabbende a isgarrigare
fit Euneu 19 , su fizu ‘e Giasone 20 ,
da’ sa nave su ‘inu chi ‘attidu
aiat da-e Lemno 21 saboridu.
95 Deghe cossos de su mezus ch’aiat
a sos fizos d’Atreu los donesit;
s’àteru, invece, a chie nde cheriat
a boghes che mercante lu ‘endesit.
E-i sa zente bi lu comparesit
déndeli in giambu su chi possediat:
peddes, fiados, brunzu e fintzamente
bonos isciaos pro cussu nepente.
96 A totta notte istesin festende
che s’esseran in paghe sos Acheos
e galu a s’àter’ala rebottende
s’intendesin sos fieros Dardaneos!
Ma Zeus mannu, minettende anneos,
intender a lampizos e tronende
si fattesit da’ cantos, iscabados,
si fini de s’Olimpu ismentigados!
244

Su duellu tra Èttore e Aiace Telamone
97 Ma tzócchidos e bértigas de fogu
lis torresin repente limba e tinu
si ch’imbolesin per terra su ‘inu
incherados, cun su coro in affogu,
e, lassada onzi festa e disaogu,
ojos altzesin a Zeus divinu
pedìndeli ‘e los cherrer perdonare.
Pustis tucchesin tottu a si corcare.
245

NOTAS DE SU CÀNTIGU SÉTTIMU
Càntigu VII
1 ambos frades [...]: Èttore e Paris. (Cfr. sas ùltimas ottavas de su
Càntigu VI)
2 Menesteu [...]: Fizu de Aritò o Aritoe. In su Càntigu IV - Ottava
n. 51- amos incontradu un’àteru Menesteu, ma non si trattat de sa
matessi persone. Cuddu fit su fizu de Peteu e ghiesit s’esércitu
d’Atene a Tròia.
3 Febo [...]: Àteru nòmene de su deus Apollo.
4 Danaos [...]: Àteru nòmene de sos cumbattentes gregos in sa
gherra de Tròia.
5 Dardaneos [...]: O Dardanos. Àteru nòmene de sos Troianos, de
s’erèntzia de Dàrdanu, fizu de Giove e de Elettra.
6 Ellesponto [...]: Sos “Dardanelli” de oe.
7 Peleu [...]: Su babbu de Achille e maridu de sa dea Teti.
8 Atena [...]: Àteru nòmene de Minerva, pretziada in Atene.
9 Euritalione [...]: Nd’amos già faeddadu in su Càntigu IV - Ottava
n. 49 - (Cfr. cun sa nota n. 17 de su matessi Càntigu).
10 Licurgo [...]: Prìntzipe de s’Arcàdia, su ch’at mortu a Aritò. Non
si trattat de sa matessi persone chi amos bidu in s’ottava n.25 de su
Càntigu VI^.
11 Aritò [...]: O Aritoo. Prìntzipe de sa Beòtzia. Fit forsis su babbu
de cuddu Menesteu, mortu da-e Paris. (Cfr. cun sa 2 a ottava de custu
Càntigu)
12 Evemonide [...]: Eurìpilo, fizu de Evèmone, prìntzipe de sos
Tessaleos.
13 Sa busca de s’onore [...]: Unu signale particulare, forsis una taulitta
o una pedrischéddula.
14 Salamina [...]: Ìsula accurtz’a s’Àttica, pàtria de Aiace
Telamone.
15 Ila [...]: Tzittade de sa Beòtzia, accurtzu a su lagu de Copàide.
16 Tichìu [...]: Su valente artesanu chi at contzadu s’iscudu poderosu
de Aiace Telamone.
17 s’est ch’amos traittu su giuramentu [...]: Cfr. cun sas ottavas n.
54-66 de su ‘e tres Càntigos.
18 non mi chenso [...]: Istat pro “non mi chènscio”, ossiat “non mi
lamento”.
19 Euneu [...]: Fizu de Giasone de Issìpile, prìntzipe de Lemno.
246

Su duellu tra Èttore e Aiace Telamone
20 Giasone [...]: Fizu de Esone, re de Iolco, fit su cumandante de
s’ispidissione de sos Argonàutas (= marineris de sa nave Argo), sos
chi tucchesin a sa Cólchide pro si furare su “vello d’oro”, ossiat una
pedde lanuda de másciu.
21 Lemno [...]: Isula vulcànica de s’Egeu, situada accurtzu a sas
costas de sa Tròade. Sos abitantes suos si naraian Sìntzios o Sintos
(in italianu: Sinzi o Sinti)
247

ILIADE
CÀNTIGU OTTAVU
SA BATTÀGLIA ACCURTZU A SAS NAVES
Èttore a s’attaccu

Càntigu VIII
SUMMÀRIU
Zeus proibit a sos Deos
de leare parte a sa gherra Ottavas 1-7
Zeus tuccat a su monte ‘e s’Ida 8-10
Sa battàglia noa 11-15
Nèstore benit salvadu da-e Diomede 16-21
Diomede e Nèstore contr’a Èttore 22-25
Su lampu de Zeus 26-30
Èttore a s’attaccu 31-39
Giunone e Nettunu 40-42
Oras graes 43-48
Sa rivíntzita de sos Acheos 49-51
Sas impresas de Téucro 52-60
Téucro benit feridu 61-68
Minerva e Giunone meledan
de comente aggiuare a sos Acheos 69-76
S’ira de Zeus 77-79
S’imbasciada de Iris 80-82
Giunone e Minerva 83-85
Zeus recuit da-e s’Ida 86-87
Zeus e Giunone 88-94
Èttore inzerrat a sos Troianos 95-111
250

Sa battàglia accurtzu a sas naves
1 Isparghinde in tottue ‘e su manzanu
fit sos primos lugores s’Aurora
cun sa mirada sua ‘e tanfaranu
e cun boghes detzisas, própriu in s’ora,
a sos Deos fit Zeus soberanu
nêndelis in s’olìmpica dimora:
–O Eterrenos, orijas parade
a su chi naro e lu rispettade!
2 Chi niune, ne deus e ne dea,
s’attrivat a falare a Ilione,
chi non s’ammìsciet cherzo in sa pelea
ne pro Priàmu e ne pr’Agamennòne!
Pro chi s’avveret su ch’apo in bidea 1
leze est pro tottu sa detzisione!
Si su contràriu calcunu fatterat,
coltz’a isse appenas bi proerat!
3 Ue su Tàrtaru est pius bujosu,
pius frittu, cun sas giannas de ferru,
galu prus sutta ‘e su matessi inferru 2
che l’ispéntumo cuss’ingolumosu
cun custas manos mias e s’inserru
d’inie dêt connoscher orrorosu!
Arriscàdela, adducas, tanta proa
si bramades abitu in domo noa!
4 Proadebe-i cun una cadena
a porfia tirende tott’umpare
si bos resessit de lu trasinare
a Zeus da’ s’Olimpu sol’appena!
S’invece a mie de bos settesciare
m’ ‘enzerat sa zibbiga, mala pena
connòschere diazis e affogu,
ca su Mere so deo ‘e custu logu!–
251
Zeus proibit
a sos Deos de
leare parte a
sa gherra

Zeus tuccat
a su monte
‘e s’Ida
Càntigu VIII
5 Si cagliesit Zeus; ma s’isfida
nemos a li regòglier s’attrivesit,
si oji-bàsciu onzunu si nd’istesit
siccu e cagliadu, a mente atturdida,
finas a cando Atena bratzinîda:
–O Babbu nostru mannu, –li naresit
cun gràscia e cun malìscias simuladas–
chertare contr’a tie est in debadas!
6 Che a Zeus niune est sàbiu e forte!
Perdònanos però si ti naramos
ch’in pistighinzu semus pro sa sorte
de sos Danaos e chi dubitamos
finas ch’iscàmpiet calcunu a sa morte!
A su cumandu tou non mancamos,
ma, pro ch’issos non morzan tott’umpare,
calchi cunsizu làssalunos dare!–
7 E Cronide cun ojos de ternura:
–Fiza ‘e su coro, Tritonea cara,
non mi lees a limba, e s’insara
prelletta apo mustradu rude e dura
iscas chi pro a tie, o prella rara,
dia sa morte ‘oltare in bona ura!
S’as cunsizos de dare falabe-i,
ma s’órdine rispetta chi bos dei!–
8 Sos caddos curridores nênde gai
giunghesit a su carru Zeus santu
(animales chi bidu non s’at mai
cun pês de brunzu e, àter’ispantu,
cun sas giuas de oro e che simmai
velotzes e seguros, cun su mantu
che sole lutzighente a mesudie,
ojos de fogu, sas coas che nie!).
252

Sa battàglia accurtzu a sas naves
9 E cando s’Eterrenu ‘e lis toccare
cun su fuette pensesit s’ischina,
tra chelu e terra, lèbios che frina,
si pesesin sos caddos a bolare
finas a lomper de s’Ida divina
in chima a su Gargáru 3 , ue s’altare
bi fit a isse e tottu cunsacradu,
semper da-e s’intzensu profumadu!
10 Falesit da’ su carru e, chen’ ‘istentu,
poi d’aer sos caddos distaccados
e de néula ispissa inghiriados,
a si che sêre tucchesit cuntentu
in una rocca manna, sos soldados
pr’osservare ‘e su gregu accampamentu
e cuddos d’Ilione, a mente fritta,
innante ‘e comintzare sa vinditta.
11 De ismurzare fin lênde a cumprire
gregos e dardaneos própriu in s’ora
e-i sas armaduras de si ‘estire
ambos pensende a sa gherra ancora.
Da-e sas gennas d’Ilione a fora
intantu comintzesin a nd’ ‘essire
sos de Priàmu gherreris famados
un’a costazu a s’àteru attrumados.
12 Da’ s’àter’ala, in unu lutzigore
de brùnzeos arminzos, aunidos,
galu avantzesin cuddos atzuridos
de re Agamennòne. Unu rumore
s’intendiat tottue ‘e passos, gridos,
che minettas de tronu atterradore;
e nues, che pantàsimas biancas,
faschesin de piuer cussas tancas!
253
Sa battàglia
noa

Nèstore benit
salvadu da-e
Diomede
Càntigu VIII
13 E cando a cara a cara s’agattesin
unu cun s’àteru, a si bisestrare
cun ùrulos de pighe comintzesin
e-i su samben, che unda de mare,
cùrrere sutt’a pês si lu ‘idesin
da’ ambas partes misciéndesi appare,
tra solovru de fritzas e ispadas,
concas mutzas, pettorras fragassadas!
14 A ora ‘e mesudie, send’atzesu
in su chelu su sole che tittone,
lêsit s’Eternu sa detzisione
de ponner in sos piattos de su pesu
sa sorte de sos d’Argo e d’Ilione
e, in manos tenìndelu suspesu,
de ‘ider si pendiat pro s’Atreu
o a s’ala ‘e Priàmu dardaneu.
15 E appenas notesit su piattu
de sos Gregos falàreche pesosu,
tronesit da-e s’Ida suddisfattu
e una ‘értiga ‘e fogu orrorosu
cun fortza lis bettesit fattu-fattu!
Mùcculu, atturdidu, timizosu
restesit donz’Acheu, abbauccadu,
in s’ ‘ider da’ s’Olimpu settesciadu!
16 Fuesin tando che caddos muscados,
cun sas ancas però a tremuleu...
e si tucchesin galu prim’Atreu,
ambos duos Aiaces, fentomados
pro s’arte d’Ares, e Idomeneu
e cantos res b’aiat e soldados!
Insegus solu Nèstore restesit,
ca Paris unu caddu li ‘occhesit!
254

Sa battàglia accurtzu a sas naves
17 Ligadu a sa costana s’animale
fit de su carru, cando una saetta
in s’istella ‘e sa fronte eretta-eretta
che li cravesit Paris geniale!
Lestru Nestòrre cun unu pugnale
sa fune chi prendiat cuss’acchetta
tentesit de segare, ca frimmada
si li fit sa parìglia e suberiada!
18 Ma sos fiados pérdidu b’aiat
su Mere ‘e Pilo paris cun sa vida,
si de Tideu sa frua atzurida
chi fit beninde non s’abbizaiat
Èttore in s’ora, che fera abbramida,
da’ parte ‘e segus e non giamaiat,
bidìndelu passare innant’a isse,
a ùrulos e tzinnos a Ulisse:
19 –O fizu de Laerte, ello fuinde
che chervu inneuddadu ‘e meressire
crês tue fama eterna? Ses faddinde!
Mira chi non ti devas penentire
a balanzu ‘e chie t’est persighinde!
Arréati e m’aggiua, ca ‘occhire
cheret a Gereneu Ettòrre forte!
Cun megus nde lu ‘àrdia da’ sa morte!–
20 Nemmancu l’intendesit s’Odisseu
pro neghe soletantu ‘e su chimentu
e finas a sas naves de s’Acheu
derettu si tucchesit che a bentu!
A s’ala ‘e su Nelide chen’ ‘istentu
tando cun atza furriesit Tideu
pro nde lu liberare, a lantza in manu,
primma chi bi lomperat su troianu!
255

Diomede
e Nèstore
contr’a
Èttore
Càntigu VIII
21 E b’arrivesit primu... e a Nestòre:
–O Gereneu, –nêsit– mezus fue,
prîte s’ancora ti bistentas cue
non t’ ‘àrdiat sa vida su valore!
Cunsidèra chi sèneghe ses tue
e giovaneddos cussos in buddore?
Si bramas biu de restare ancora
piga a su carru meu lestru in s’ora!
22 Móveti... move e cussu filu lea!
Sàltia, coitta, ca t’as a abbizare
cantu sos caddos chi lêsi a Enea 4
(e chi fini de Troe) iscurrizare
ischin issos in mesu a sa pelea!
Piga... e sas brìglias pensa ‘e guvernare
gai a Ettòrre bider li faghimos
si meda o pagu in gherra est chi ‘alimos!–
23 Ponzesit mente Nèstore canidu
e a susu impressadu che brinchesit,
ma innanti s’ingàrrigu lassesit
chi l’aeren difesu e costoidu
carru e caddos a Stènelo attrividu
e a Eurimedonte. Pustis lêsit
sas brìglias, decomente cunsizadu,
furriende a s’ala d’Èttore famadu.
24 Benìndelis incontra fit in s’ora
su d’Ilione, che un’ira ‘e deu!
Si nd’abbizesit su fizu ‘e Tideu
e lu lassesit avantzare ancora;
pustis sa lantza sua atterradora
l’imbolesit detzisu. A Enopeu 5 ,
chi sos caddos d’Ettòrre fit ghiende,
però zembresit s’arminzu ‘olende!
256

Sa battàglia accurtzu a sas naves
25 L’intresit in pettorra che puntzone
su malu traste e, ojimbidradu,
ruesit da’ su carru, isalenadu,
lassende in su piuer d’Ilione
de meressire fama s’illusione.
Si nd’attristesit Èttore sobradu,
ma sas brìglias, chena bistentare,
nêsit a s’Ifitide 6 ‘e guvernare!
26 E s’allumesit che paza in su fogu
galu una ‘olta s’orrorosa gherra,
isterrijados lassende per terra
mortos e ferizados in affogu!
Cun unu lampu de sùlfaru grogu
Zeus, bidinde in s’afferra-afferra
sos de Prìamu tando in mal’affannu,
de nd’agabbare pensesit su dannu.
27 In pês bi la fattesit rodulare
a Diomede sa ‘értiga ardente,
ammonesténdelu ‘e s’ammasettare
a sa ‘oza ‘e su Mere onnipotente!
Gai s’ ‘idesit Nèstore repente
alluinados sos caddos corcare
e, cumprendinde ‘e Zeus sa minetta,
a Tidide urulesit a s’appretta:
28 –O valorosu, sos caddos nde pesa
e da’ inoghe prestu ti l’avvia!
Non t’abbizas chi postu at simpatia
oe a Ettòrre s’olìmpica Altesa?
A ponner contr’a Isse marrania
est peccadu e, in prus, vana pretesa,
ca niune podère at che a Zeus,
mortale siat isse o siat deus!–
257
Su lampu
de Zeus

Èttore
a s’attaccu
Càntigu VIII
29 E Tideu torréndeli faeddu:
–Emmo ch’est gai, o betzu virtudosu!
Finas lu ‘idet unu pitzinneddu
e deo so de Zeus rispettosu!
Ma su chi mi ‘errinat su cherveddu
est ch’unu die Ettòrre, che barrosu,
non nerzat a sos suos chi fuidu
est Diomede appenas l’at bidu!–
30 «Oddeu, oddeu! –li nêsit s’amigu
sas laras iscanzende rie-rie–
Duncas fuinde an bidu unu die
a Diomede innante a s’inimigu!
Ne Gregos, ne Troianos, crê’ a mie,
s’allega si ch’imbùscian, mancu azigu!
Ne sas chentu muzeres l’an a crêre
chi siccas as lassadu, chena mere!»
31 Nêsit; e sos fiados Gereneu
furriesit a s’insegus che a bentu
chen’isettare s’accussentimentu
de sa nóbile frua de Tideu.
Fritzas e lantzas tando a iscarmentu
contr’a issos Ettòrre Priameu
e sos gherreris suos ch’imbolésini
e ‘nimigos e caddos bi ‘occhésini.
32 Pustis contr’a Tidide abboghinende
nêsit superbu Èttore atzuridu:
–O Diomede, e prîte ses fuende
che lèppere da’ canes persighidu?
Si sempre sos Danaos t’an, bustende,
cun tatzas e piattos favoridu
ca fis in gherra omìne de valore,
da’ oe non dês aer cuss’onore!
258

Sa battàglia accurtzu a sas naves
33 E faghen bene... emmo... nd’an rejone,
ca ses che piseddina... una puppia!
E decomente l’alzas su garrone
appenas ch’ ‘ides custa lantza mia!
Non nde l’ ‘óltulas tue a Ilione,
ne sas féminas nostras, ‘berumia,
a sas naves ti gighes cautivas!
A bider cussa die non b’arrivas!–
34 In s’intender s’affeu ‘e Priamide,
pro tres bias li ‘enzesit sa gana
de si ‘oltare a s’ala troiana
pro l’ammustrare chi d’atza Tidide
pius d’isse nd’aiat! Ma Cronide
da-e sas chimas de s’Ida lontana,
sempre prontu, tronesit a minetta,
fatténdeli cumprender sa prenetta.
35 Èttore intantu sempre prus detzisu:
–O Lìcios 7 , o Dardanos, m’iscultade!
Su ch’amos carignadu dulche ‘isu
de dies chen’accamu, ‘e libertade,
aja’ ch’est avreschende! Valutade
su chi Zeus nos mandat bonu avvisu
tronende chena nues in s’aera,
mentre a sos d’Argo faghet a bisera!
36 De ‘ittòria est cussu unu signale!
Adducas l’ammustrade in s’abbolottu
sa gràscia ‘e meressire ‘e s’Immortale!
Tottu los masellade... tottu... tottu!
Cun sa cuadrìglia mia geniale
deo a sas naes che lompo de bottu
e bi che las allumo cantas sunu,
pro chi d’Acheos non nd’iscàmpiet unu!–
259

Giunone
e Nettunu
Càntigu VIII
37 Posc’a sos caddos: –O mùrtinu Etone 8 ,
Xantu baju, Podargu pê’-albinu,
o Lampu isteddadu a lepperinu,
sa chi bos pedo suddisfassione
bos prego accansàdemi a puntinu,
pro ‘more de sa fiza d’Etiòne 9 ,
d’Andròmaca reina, s’est abberu
chi bos tenet in mannu cunsideru!
38 Su pensamentu sou, notte e die,
est s’abba pro a bois, sa proenda,
a tales chi sa nóbile sienda
prima servit sos caddos che a mie!
Pro s’iscudu ‘e Nelide a coghe e frie
gitto su coro, e si tanta prenda
a bi nde la pijare resessera
est che toccare sa luna in s’aera!
39 De oro est s’arminzu, tott’intreu,
traste raru, massitzu, fattu a manu
da’ calchi valentissimu artesanu!
Sa coratza, depustis, a Tideu
dia cherrer leare: d’unu deu
òpera est cussa d’arte, de Vulcanu!
Adducas bazi...’olade, caddos mios,
e chi de Gregos non nde resten bios!–
40 Intendinde Giunone cussu ‘antu
s’istripitzesit da-e su disdignu
s’Olimpu trinnighende tottucantu
e nêsit: –O Nettunu, no est dignu
negare aggiudu a chie cun impignu
e cun fide onoradu ti at tantu
in sa ‘idda d’Elice e in sa d’Ega 10 ,
si ti los lassas mazare che tega!
260

Sa battàglia accurtzu a sas naves
41 Los aggiua a sos d’Argo, o Posidone;
sa vittòria chi méritan lis dae,
ca braman in s’Olimpu pr’Ilione
sos pius chi connoscat sorte grae!
Non lu timas a Zeus! Sa rejone
cheret chi lêt su Mere... curre... bae!
Si pustis s’anniccherat, pe’ pro Issu!
Imperistantu... chie at bissu at bissu!–
42 E airadu Nettunu in risposta:
–Tue lu faghe su ch’as cunsizadu,
limba attrivida, giaghi ses disposta
a bider su Tronante 11 umiliadu!
Deo non ti l’atzetto sa proposta,
ne m’as a bider contr’a Isse ‘oltadu
ne a sa sola, ne cun tottu ‘ois,
ca est prus forte ‘e tottucantos nois!–
43 In s’ora ch’in s’Olimpu arrejonende
si nd’istain sas deas cun sos deos,
fintz’a sas naes los fit appretende
Priamide a un’ira a sos Acheos
(a Marte in assimizu cumbattende!)
paris cun sos cumpagnos dardaneos.
E fin approbe a lis ponner fogu,
cando falesit Era a cussu logu.
44 Chena si fagher bider, ne notare,
da’ prim’Atride che desit a bolu,
nêndeli da-e palas d’aunzare
res e gherreris d’Argo, si consolu
aèrene bramadu ‘e si salvare!
Tucchesit pustis. E, in oriolu,
fattu ch’ ‘essesit da-e sa pelea
Agamennòne, a s’inzerru ‘e sa Dea!
261
Oras graes

Càntigu VIII
45 Cun sa mantella de pùrpura in manu
in sa nave d’Ulisse si frimmesit
(chi collocada in su puntu medianu
fit de su portu) e abboghinesit:
–O Danaos, s’ereu prus metzanu
sezis de custa terra! Ue che desit
sa promissa ch’in Lemno, che barrosos,
m’azis fattu de esser valorosos?
46 Unu de nois bastat –m’azis nâdu–
pro nde derruer chentu d’Ilione!
Como invece un’insoro campione
mantenet un’esércitu accamadu!
Da-e su ‘inu ch’aizis tragadu
su cherveddu fit a isvarione!
O Zeus santu, canta tribulia!
Ma cust’ ‘uccone non m’isettaia!
47 Ohi tragu, ite tzantara, ahi dannos!
Re non b’at disdicciadu che a mie!
A narrer chi coladu non ch’at die
chi no apemos cun onores mannos
pensadu, o Eterrenu, própriu a Tie!
S’atza nos torra de sos mezus annos
pro chi nd’ ‘essemos da-e custa lua
pro bonu d’Argo, cun sa gràscia tua!–
48 E Zeus, cumprendinde su lamentu,
s’ispera l’accansesit noittola:
un’àbbile da’ chelu ‘ola-‘ola
nde falesit prus fùrria de su ‘entu,
cun su bìttulu de una crabola
istrintu in francas, e, in su momentu,
rùere lu lassesit in s’altare
a Isse dedicadu, a cara a mare!
262

Sa battàglia accurtzu a sas naves
49 Bidìndesi sos Gregos pretziados
da’ su Mere ‘e s’Olimpu soberanu
cun atza noa contr’a su dardanu
cumpattos si ‘oltesin, ostinados!
Innant’a cantos fin res e soldados
tucchesit Diomede a lantza in manu,
da-e subra su carru che leone
detzisu a bisestrare a Ilione!
50 A ruer istasidu primm’istesit
unu tzertu Agelao Framonide 12 ,
soldadu chi teniat paga fide
in sas fortzas ch’aiat, si fuesit
appenas a innante a su Tidide,
chi lestru una saetta li felchesit
in palas ruinosa chen’isgarru,
mortu ‘ettendendelu da’ su carru!
51 Fattu-fattu a su nóbile Tideu
intresin a chertare Agamennòne,
su re d’Isparta cun Idomeneu
e s’iscuderi ‘e custu, Merione;
s’eroe ‘e Salamina, Oileu,
Eurìpilo, fizu d’Evemone,
e, su ‘e noe, Téucro giovànu,
cun s’arcu ben’istrintu in una manu.
52 Assegus de s’iscudu portentosu
de Telamone custu s’istaiat,
che cuadu, e, cando s’acceraiat,
fit pr’imbolare su traste orrorosu;
e appenas per terra, lamentosu,
s’ilìacu inimigu miraiat,
che piseddu chi curret da’ sa mama,
galu ‘e si ch’affianzare aiat brama!
263
Sa rivìntzita
de sos Acheos
Sas impresas
de Téucro

Càntigu VIII
53 E cantos a s’eternu iscurigore
de s’Avernu Teùcro saettante
nd’imbiesit d’eroes a primore?
Orsìlocu ruesit a innante,
pustis Ormenu, Ofèleste e Detòre,
Licofonte, a deus simizante,
Cromìu 13 , Melanippu, Amopaone,
unu subra de s’àteru a muntone!
54 Bidinde prim’Atreu s’iscarmentu
chi fit faghinde su gióvanu eroe,
si l’accurtziesit nêndeli cuntentu:
–Rebuddu ‘e Telamone, sa ‘e oe
est impresa chi restat pro ammentu!
Sighi, e chi ti fattat bonu proe!
Faddidu s’est in nudda babbu tou
si allevadu t’at che fizu sou!
55 Cando in domo sua t’at retzidu
fis una criadura, mi l’ammento,
che unu puzoneddu chena nidu!
Oe as alas, e mi nde cuntento,
francas e biccu d’astore atzuridu!
Cun tegus a costazu ‘eo mi sento
chentu malas peleas d’affrontare,
seguru de las poder superare!
56 E si mi cuntzederan s’Asulina
e Zeus babbu, decomente penso,
a Tròia de reduer a chijina,
non solu a paràulas t’intzenso,
ma cun trìbide rara ti cumpenso
d’oro massitzu o con una femìna
o, si preferis, cun caddos e carru.
Ma sighi a nde frangher, chen’isgarru!–
264

Sa battàglia accurtzu a sas naves
57 E Téucro in risposta: –Ello comente,
s’est chi m’ ‘ides cun coro cumbattende
galu m’intzitas a esser valente?
Chi mi retire forsis ses timende?
Non bi dudes, o Re, minimamente!
Bidu nd’apo otto ‘e ‘nimigos ruende
cun otto fritzas chi ch’apo imboladu!
Ma cuddu cane 14 non m’est capitadu!–
58 Nênde gai, attesu sebestesit
s’eroe chi bramait de ‘occhire!
Lêsit sa mìria e, tzertu ‘e non faddire,
coittende una fritza l’imbolesit!
Mue-mue da’ s’arcu che tucchesit
su traste ‘e brunzu finas a colpire
in mes’a sa pettorra a Gorgitone 15 ,
fizu burdu ‘e su Mere d’Ilione!
59 Decomente in un’ortu solianu
su pesu de su semen, ingranidu
da-e sos tebiores de su ‘eranu,
su cambu ‘e su papàile froridu
mujat finas a terra pianu-pianu
e lu franghet lasséndelu istasidu,
gai dende a sa vida sos adios
ruesit Gorgitone chena brios!
60 Téucro tando, chene perder ora,
un’àter’una contr’a cuddu forte
nd’imbolesit de fritza atterradora,
ma chena meressire mezus sorte,
ca l’isviesit Febo a parte ‘e fora
a Èttore vitténdeli sa morte,
bocchind’a Archetolemu 16 a postu sou
chi li teniat su carru in custou!
265

Téucro
benit feridu
Càntigu VIII
61 A sa rutta ‘e su ‘e duos cumpanzos
su coro che simmai in bulione
s’intendesit sa ghia d’Ilione,
che s’aeret retzidu cussos banzos
isse e tottu! De dare a Cebrione 17 ,
frade de una gamba, sos affianzos
pensesit tando ‘e sos fiados suos,
meledende vinditta a sos concluos!
62 Da-e su carru pustis saltiesit
e a s’ala de Téucro dannarzu
che leone famidu furriesit,
abboghinende tales che canarzu!
Leadu, a s’accurtziada, unu marrarzu
contra a bi l’imbolare coittesit,
che un’espe bramende ‘e l’ischitzare
e sos dannos patidos de pattare.
63 In su nérviu de s’arcu collocadu
intantu aiat cuddu fritza noa
e già l’aiat a pettu istiradu
chirchende, a sa ‘e trese, mezus proa!
Ma finas cussa restesit in coa,
s’est chi tra coddu e tuju l’est faladu
prima su crastu, che un’ira mala,
fragasséndeli s’ossu de sa pala!
64 Che ruesit su gregu e da-e manu
li fuésini arcu e fritza umpare,
un’ùrulu ‘ettende disumanu
innante dismajadu ‘e che falare!
E l’aiat Ettòrre troianu
cue in s’ora cumpridu a settesciare
si ‘ardiadu da-e tantu affannu
non l’aeret su frade, Aiace mannu!
266

Sa battàglia accurtzu a sas naves
65 Lu covacchesit lestru cun s’iscudu,
posc’a duos cumpagnos de valore,
Mecisteu d’Echìu e Alastore 18 ,
una manu pedesit de aggiudu
pro nde leare su frade minore
da-e sas iras d’Èttore fortzudu.
A palas cuddos si lu garrighesin
e a logu seguru lu giuttesin.
66 Zeus tando da’ sa chima de s’Ida
desit a sos de Troe alentu nou,
in su fogu ‘e sa gherra, a bìbbiu sou,
sicca ‘ettendebe-i calchi sida!
E-i cuddos, faghinde bonu prou,
ch’an sa fiara ‘e sa morte allughida,
sos Gregos custringhende ‘alu una ia
persegus a torrare in tribulia!
67 Innant’a tottu, abbistu e attrividu,
s’eroe si b’ ‘idiat d’Ilione
che cane ‘onu ‘e catza, ch’atzuridu,
mentres persighit porcrabu o leone
sa còscia mossighendeli abbramidu
e baulende che tentassione,
suspettosu l’accostat in sa fua,
a boltas fùrriet cuddu a s’ala sua!
68 E cantos a insegus restaian
fin che fozas d’atunzu in cancalleu
grogas subra sos rattos... e ruian
sutt’a sos colpos de su dardaneu
sos pius subr’a pare o a boleu
che ànimas in pena si fuian,
che cando aeren bidu sa Gorgone
in sa cara ‘e s’ilìacu campione!
267

Minerva
e Giunone
meledan
de comente
aggiuare sos
Acheos
Càntigu VIII
69 Reduidos si fini, a coro mortu,
in sas naves pro s’ùltima difesa
già sos Danaos, pedinde cunfortu
(ùnica ispera!) a sa divina Altesa,
cando a Minerva, de disdignu atzesa,
nêsit Giunone: –Duncas custu tortu
devimos baliare, o Tritonea,
pro sa de Zeus pérfida trobea?
70 Si sighit gai, Èttore assassinu
unu ch’est unu non nde lassat biu
e che l’aundat s’infernale riu 19
cumprinde de sos d’Argo su destinu!–
E Atena in risposta chen’isviu:
–Asi sos brios li pottan in sinu
cun una fritza sos Gregos tudare
innanti s’Acheronte d’unfiare!
71 Ma babbu meu, bombitende fele,
sempre mi la contràriat s’idea
ch’ap’ ‘eo ‘e nde muttire sa pelea,
ca est faltzu cun megus e crudele!
Isbrijidu che l’at Limba ‘e mele 20 ,
in custu superende dogni dea,
cun carignos e risos, malaitta,
pedinde pro su fizu sa vinditta!
72 Sa ‘olta non s’ammentat però Zeu
ch’a salvare a Eràcle 21 m’at mandadu,
cando, pro sas mattanas d’Euristeu 22 ,
a si furare a Cérberu 23 faladu
fit finas a s’Erébu 24 e chi restadu
bi fit cue, si cun s’aggiudu meu
non l’aère da’ s’istramposu giassu
de su Stige 25 ‘ogadu a passu-passu!
268

Sa battàglia accurtzu a sas naves
73 Lassa chi torret a mi carignare
pedinde piagheres, cara tosta,
chi bi la dao deo sa risposta!
Bae chi non mi lasso prus trampare!
Inte’ como si t’andat sa proposta:
sos fortes caddos tuos d’attaccare
pensa tue a su carru e coittende,
ca tuccamos a Tròia che bolende!
74 Su tempus dami solu ‘e mi ‘estire
de s’armadura mia lutzighente.
So segura chi non b’at cumbattente
chi, addaghi nos bidet arrivire,
sigat che prima a ferrer o bocchire!
Nemmancu Ettòrre, pro cantu valente,
la faghet s’attrivida, crê’ a mie,
ca cussu fogu si l’ ‘oltat in nie!–
75 Nêsit Minerva; e s’accussentimentu
sa fiza ‘e Crono li desit in s’ora,
tucchéndesi a giungher chen’ ‘istentu
sa parìglia ch’aiat boladora,
mentr’Atena in s’olìmpica dimora
ruer lassesit subra su pamentu
sa mantella 26 de seda chi sestada
s’aiat issa e tottu e recramada!
76 Una tùniga ‘e pannu si ‘estesit,
pustis sas armas de su Soberanu
e, che a porfia, cun sa lantza in manu,
subr’a su carru ‘e Giuno che pighesit.
Lestra cudda sos caddos apprettesit
ghièndelos a s’ala ‘e su dardanu:
s’abberzesin, bidìndelas bolare,
sas giannas de s’Olimpu ambas umpare!
269

S’ira de Zeus
S’imbasciada
de Iris
Càntigu VIII
77 Ma non fuesit sa parìglia insoro
a sa mirada ‘e Zeus eterrenu,
si a Iris giamesit, alas d’oro,
a sa chima de s’Ida e cun belenu:
–Bae, –li nêsit– curre, e pone frenu
a cussas deas chena prus decoro,
divina imbasciadora! Si b’and’ ‘eo
a paràulas solu non m’arreo!
78 Mezus chi non mi ‘enzan a innante,
ne chi tenten peruna marrania,
si proare non cheren a s’istante
it’est chi ‘alet sa saetta mia!
Sos caddos lis reduit su Tronante
e su carru a chijina, abberumia,
e su corpus lis fatto a semos mannos
ch’a lis cunzare non bastan degh’annos!
79 Cumprèndere lu dêt Minerva Atena
chi su mere so deo, bi lu nara,
ca pius crebu fiza mia e pena
m’est dende, própriu issa, s’Ojigiara,
si sempre mi contràriat che anzena!
A bider s’àtera urpilosa in cara,
che pìbera de siccu a limba fora,
o Iris, so avvesu e da-e ora!–
80 Nêsit Zeus; e Iris, pês de ‘entu,
da-e s’Ida tucchesit impressada,
appresenténdesi in unu momentu
a sa gianna ‘e s’Olimpu isbambarriada.
Frimmesit sa parìglia in movimentu,
nênde a sas deas cun boghe allertada:
–Sezis currinde a ue? A Ilione?
Ruer lassade sa tentassione!
270

Sa battàglia accurtzu a sas naves
81 Su ch’as Zeus detzisu rispettade,
si no bos costat dolos e affannos!
Si contr’a Isse sestades ingannos,
caddos e carru chena piedade
bos boltulat e brujat, ammentade!
e de piaes chi mancu in degh’annos
resessin a cunzare e cun rejone
bos martùriat –nâchi– sa persone!
82 Adducas bi pensade! A sa pelea
de bi falare lassade ambas duas!
Massim’a tottu tue, o Tritonea,
in sìmiles errores non bi ruas!
De Giunone sa pérfida idea
Zeus connoschet e sas trassas suas,
ma si la faghes tue s’acconcada,
fiza non ses, ma cane isbirgonzada!–
83 Cumpridu ‘e riferire s’avvertèntzia,
velotze decomente fit bennìda,
lassesit Iris s’alta residèntzia
e Giunone, timinde: –O dechida,
–nêsit a sa cumpagna– s’attrivida
est manna custa ‘olta e sa potèntzia
de su Mere ‘e su lampu e de su tronu
diamos isfidare abberu in donu!
84 Si bi pensamos bene, in cuntierra
in s’Olimpu sovente nos nd’istamos
pro unu o pro s’àteru ‘e sa Terra,
ca cherrer favorire los diamos!
E prîte pustis? Ajo’ chi furriamos!
Si la detzidat Zeus cussa gherra...
Tra gregu e troianu siat Issu
a seberare binchidore e bissu!–
271
Giunone
e Minerva

Zeus recuit
da-e s’Ida
Zeus
e Giunone
Càntigu VIII
85 Nênde gai, a s’insegus furriesin
sas deas atzuridas ambas pare
e-i sas Oras a lis distaccare
su carru lumenosu coittesin
e a un’ala a bi lis collocare.
A sas iscuderias che giuttesin
pustis sos caddos, bellos che sienda,
poníndelis bundante sa proenda.
86 Era tando e Minerva oji-asulina
a intr’ ‘e domo tucchesin a sêre
cun sa mùida in coro ‘e sa ‘errina!
Appoi d’un’iscutta acco’ su Mere
torrare a domo da’ s’Ida divina:
sa parìglia, in lu ‘ider, cun piaghere
l’isgiunghesit Posidone in presse,
costoìndeli caddos e calesse.
87 A su palattu de oro e de brunzu
lestru ch’intresit su Re de sos Rese
e s’Olimpu, che fozas in s’atunzu,
li trinnighesit tottu sutt’a pêse!
Bidindebe-i a Minerva a murrunzu
e a Giunone, chi che una rese 27
lu miraiat che a narrer cosa,
cun boghe lis muttesit imperiosa:
88 –Ello comente, o Atena, o Giunone,
a conca a pare, che mutzighiladas,
bos nde restades in unu chizone?
A cant’isco ‘eo, meda fadigadas
non bos sezis gherrende in Ilione!
Sas ancas bos si sunu marmuradas
forsis d’incantu cando sa trobea
Iris at postu a sa mala idea?
272

Sa battàglia accurtzu a sas naves
89 Mezus gai però, si no connottu
aizis su sabore ‘e sa saetta,
ca in s’Olimpu, cónchina o deretta,
sa leze mia est leze pro a tottu!
D’ischeddànscia bos servat cust’atzottu!–
Nêsit Zeus; e cagliada e chieta
si nd’istesit Minerva, ojos de chelu,
cun su coro aundadu de rezelu!
90 Ma Era, non baliéndeli s’affeu,
cun sa ‘ucca isciumosa de ‘elenu,
l’abboghinesit lestra: –O Eterrenu,
su pôre tou, da-e dea o deu,
inoghe riconnottu est in pienu!
Solu ch’in suddu semos pro s’Acheu,
ca, si sigherat Èttore in su dannu,
chie si nd’ ‘àrdiat da-e tant’affannu?
91 A su cumandu tou non mancamos,
ca ses tue su Mere, su prus forte,
ne pretendimos giambàrelis sorte,
ca su chi as detzisu rispettamos!
Pro chi calcunu s’iscàmpiet sa morte
solu de nos permitter dimandamos
calchi cunsizu de lis poder dare!
In tottu non nos deves contrariare!–
92 E Cronide in risposta attattu-attattu:
–Ti piagat o no, cras a manzanu
a Zeus as a bider soberanu
sos Gregos bisestrende suddisfattu!
S’ira non mutto a Èttore troianu
finas a cando Achille, pro su fattu
chi s’amigu at a perder prus fidadu 28 ,
non torrat pro lu ‘ider vindicadu!
273

Èttore
inzerrat a sos
Troianos
Càntigu VIII
93 Sa sentèntzia est custa! Ne timinde
s’atza tua so deo, o Giunone,
mancari t’ ‘ida che tentassione
fintzamente a su Tàrtaru currinde
(ue Crono e Giapeto 29 sun vivinde
chena su gosu de Iperione 30 )
aggiudu dimandende contr’a mie,
ca peus cane non b’at de a tie!–
94 Si cagliesit Era bratzinîda
in sa cara e in s’ànima allizada.
E intantu sa chiza indeorada
ch’aiat su Sole in mare remunida
e sa Notte avantzesit, disizada
da-e sos d’Argo e nudda aggradessida
da’ sos de Troe, devinde muttire
sas armas in su mezus persighire!
95 In s’ora Ettòrre de los reunire
pensesit in un’íscia 31 sos soldados,
(ue de mortos per terra furriados
non bi nd’aiat) pro los avvertire
decomente a sos Gregos impidire
sa fua o chi s’esseran animados
approfetténdesi ‘e s’iscurigore
cun trassas o impresas de valore.
96 E cando los bidesit tott’umpare
a isse accolondrados, isettende
ch’aeret comintzadu a faeddare,
(sa lantza sua ‘e brunzu, lutzighende,
pariat sole ispijéndesi in mare!)
lis naresit detzisu abboghinende:
–O amigos, eroes d’Ilione,
m’iscultade e cun manna attentzione!
274

Sa battàglia accurtzu a sas naves
97 Deo de los destruer pensaia
primm’ ‘e calare sole a sos Acheos
e puru ‘e recuire a domo mia
pro mi pasare da-e sos peleos!
Ma tzessada non nd’est sa marrania!
Pr’istanotte, o gherreris dardaneos,
cheret chi a sa lerta nos nd’istemos,
a boltas in inghènias non ruemos!
98 Galu pensare devimos nottesta
calchi sustu ‘e nos fagher de reposu,
pro chi prus friscu cras e valorosu
siat donzunu cumprinde sa festa!
Su chelu est chena nues, lumenosu,
ma sa ‘iddia s’annuntziat molesta.
Adducas truncos meda reunide
e fogarones mannos atzendide.
99 A duas cosas nos servit su fogu:
prima de tottu pro nos iscaldire,
pustis ancora pro nos ilgiarire
sas naes de sos Gregos e su logu,
pro ch’a s’accua cuddos de partire
non penseran, ischéndesi in affogu!
Non crêo chi senténdesi osservados
tenten sa fua, mancari apprettados!
100 Si d’arriscare pustis tant’impresa
l’anderat a s’Atreu... fattat puru!
Nois in dannu, a colpu seguru,
l’ ‘oltamos da’ inoghe sa pretesa,
ca tottacanta dêt cussa malesa
su destinu connoscher pius duru!
Como però sos caddos liberade
e in sa tanca, iscappos, los lassade.
275

Càntigu VIII
101 Da-e ‘idda depustis nde ‘attide
pane friscu, ‘inu ‘onu e fiados rassos
e-i sos bandidores avvertide
chi ‘etten custu bandu, a mannos passos,
in sas carrelas, in tottu sos giassos:
–Su chi cumandat Èttore intendide,
o betzos pilicanos, o muzeres,
chi de gherras no azis sos doveres!
102 Bisonzu b’at nottesta chi siedas
abbistos che simmai in Ilione
e chi da-e sas turres vigiledas
pro chi anzena non b’intret persone!
Atzesas collocàdebi sas tedas
in sas terratzas, in donzi balcone!
Finas a s’impuddile resistide!
S’órdine rispettade, apedas fide!–
103 Adducas bazi... bazi e bi lis nâde!
Sos áteros chi pensen a sa chena.
Deo a Zeus, a Minerva Atena
e a donzi divina Majestade
sa gráscia pedo in umilidade
de nos nde liberare da’ sa pena
chi sas Fúrias 32 felosas nd’an carradu
como noe annos, che lampu faladu!
104 Custa est sa ‘olta ‘ona, mi lu sento!
Su sónniu ‘e tantas nottes si m’avverat!
Manzanu, appenas Eos si nd’accerat,
galu ‘e nos reunire bos ammento
inoghe tott’umpare e, si b’aperat
cumandos de bos dare, los presento.
Ma d’una cosa so seguru ebbia:
ch’in coro b’amos tottu una gania!
276

Sa battàglia accurtzu a sas naves
105 Mi capiterat su fizu ‘e Tideu
pro primu a innante cras manzanu!
Mortu diazis bider cuss’Acheu
pro ‘more de sa lantza ch’apo in manu;
asi potterat custu corpus meu
gióvanu durare, forte e sanu,
tales che oe pro chentu e prus annos!
Bazi... ca cras est die ‘e gosos mannos!–
106 Nêsit Ettòrre; e cuddos tott’umpare
sas manos giuilende li tzocchesin;
posc’a isgiungher sos caddos pensesin
e in sas tancas a los iscappare.
A Ilione àteros tucchesin
su tantu pro sa chena a nde carrare;
àteros, decomente cumandadu,
de fagher linna lêsin coidadu.
107 Addaghi ammanizesin dogni cosa
sos Deos pretziesin primm’ ‘e tottu,
pedìndelis cun boghe isperasciosa
de nde lis agabbare s’abbolottu.
O Tròia, cale sorte ruinosa
ti fit s’Olimpu invece e cal’atzottu
tessinde própriu in s’ora chi crêias
de nde muttire gherra e tribulias!
108 Ca fin sos Eterrenos contr’a tie,
o re Priàmu... e tue non l’ischias!
Gai su fogu ‘e sas pregadorias
frittu fit pro a Issos che su nie!
Ne su valore chi, die cun die,
in gherra, o Ilione, mustraias
fit bastante a giambàreti sa sorte
de connoscher distrussione e morte!
277

Càntigu VIII
109 Intantu, a mizas, a destra e a manca,
fogos mannos s’ ‘idian e sa zente
inghiriada e per totta sa tanca
a s’anda e torra, própriu de comente
s’ ‘idet a boltas sa Luna bianca,
in notte chena ‘entu, lutzighente,
de sa Terra ilgiarire dogni zona
cun milli isteddos postos a corona.
110 E sas chimas cuss’ìnnidu lugore
imprateare ‘e sos montes lontanos,
baddes, campedas, rios andantanos,
bestìndelos de màgicu ajubore,
a tales chi s’ispera a su pastore
brotat in coro de dulches beranos
mirende sa majia ‘e tant’incantu
cun ojos de ternura e de ispantu!
111 Degai cun s’ispera intr’ ‘e su coro
d’ ‘ider in bonu sa gherra cumprida
e isettende chi Eos bessida
galu nd’esserat cun su carru ‘e oro,
si nd’istaiat cun su cabu insoro
sa zenia de Dàrdanu atzurida
a cara a fogu e a sa lerta ‘izende
cun sos caddos affacca pasculende.
278

NOTAS DE SU CÀNTIGU OTTAVU
Sa battàglia accurtzu a sas naves
1 su ch’apo in bidea [...]: Zeus pensat de vindicare s’offesa chi
Achille at retzidu da-e Agamènnone e de accansare sa gràscia chi l’at
pedidu Teti.
2 pius sutta ‘e su matessi inferru [...]: Pro Omero su Tàrtaru est sa
presone de sos Titanos e s’agattat situadu pius a sutta de su matessi
inferru, est a narrer de s’Ade.
3 Gàrgaru [...]: Est sa chima pius alta de su monte ‘e s’Ida, da’ ue si
resessit a bídere totta sa Tròade.
4 sos caddos chi lêsi a Enea [...]: Cfr. cun s’ottava n. 56 de su ‘e
Chimbe Càntigos.
5 Enopeu [...]: O Eniopeu. Iscuderi de Ettore, fizu de Tebeu, mortu
da-e Diomede.
6 Ifitide [...]: Fizu de Ifito. Si trattat de Archetolemu, segundu iscuderi
de Èttore, mortu da-e Téucro.
7 Lìcios [...]: Abitantes de sa Lìcia; printzipales alleados de sos
Troianos.
8 Etone, Xantu, Podargu, Lampu [...]: Etone (=mùrtinu), Xantu
(=baju), Podargu (=pê-albinu) e Lampu (=risplendente) fin sos
battor maravizosos caddos de Èttore.
9 Etìone [...]: Re de Tebe Ipoplàcia; fit su babbu de Andròmaca, sa
muzere de Èttore.
10 Elice, Ega [...]: Tzittades de s’Acàia, ue su deus Nettunu fit meda
veneradu.
11 Tronante [...]: Appellativu de Zeus, mere soberanu de su tronu
e de su lampu.
12 Agelao Framonide [...]: Agelao, fizu de Fràmone; soldadu de
Tròia mortu da-e Diomede.
13 Cromíu [...]: Soldadu troianu mortu da-e Téucro. Non si trattat
de Crómiu (o Cromiu), fizu de Prìamu, mortu da-e Diomede (Cfr.
s’ottava n. 28 de su ‘e Chimbe Càntigos).
14 cuddu cane [...]: Èttore.
15 Gorgitone [...]: Fizu burdu de Prìamu, mortu da-e Téucro. Sa
mama si naraiat Castianira.
16 Archetolemu [...]: Cfr. cun sa nota n. 6 de custu Càntigu.
17 Cebrione [...]: Fizu burdu de Prìamu, iscuderi de Èttore, mortu
da-e Pàtroclo.
279

Càntigu VIII
18 Mecisteu d’Echiu [...] Alàstore [...]: Mecisteu, fizu d’Echiu, soldadu
gregu mortu da-e Polidamante. Alàstore, prìntzipe de Pilo,
amigu de Nèstore. Su matessi nòmene teniat galu unu gherreri de
sa Lìcia mortu da-e Ulisse. (Cfr. s’ottava n. 116 de su ‘e Chimbe
Càntigos)
19 s’infernale riu [...]: S’Acheronte, chi litteralmente cheret nárrere
“riu de sos affannos”.
20 Limba ‘e mele [...]: Teti (o Tétide), sa mama de Achille.
21 Eracle [...]: Nòmene gregu de Èrcole, fizu de Giove e de
Alacmena, s’eroe pius forte e tzelebradu de s’antighidade.
22 Euristeu [...]: Re de Tirinto e de Micene. Istesit isse a impònnere
a Èrcole sas dóighi “fadigas” mentovadas.
23 Cérberu [...]: Cane cun tres concas, postu a custódiu de sas giannas
de s’Ade.
24 Érebu [...]: Su situ pius tuvuccu de s’Inferru, ue istaiat su deus
Ade (o Plutone).
25 Stige [...]: Riu de s’Inferru. Cheret narrer “riu orrorosu”.
26 sa mantella [...]: Cfr. cun sas ottavas nn. 124-126 de su ‘e
Chimbe Càntigos.
27 rese [...]: Unu de sos tantos lùmenes sardos de su matzone
(mariane, grodde, lodde, zoseppe, ‘ulpe...).
28 s’amigu prus fidadu [...]: Pàtroclo, fizu de Menétziu, su re de sa
Lócride.
29 Crono [...] Giapeto [...]: Giapeto fit unu de sos Titanos, chi séndesi
‘oltadu contr’a su pôre de Zeus, istesit ispentumadu in su
Tàrtaru, ue vivet umpare a su babbu Crono.
30 Iperione [...]: Appellativu de su deus Sole. Iperione, in limba
grega antiga, cheret narrer “chi si movet in altu”.
31 in un’ìscia [...]: De su Scamandru, riu chi attraessat su paris
mannu postu a pês de Tròia.
32 Fúrias [...]: O Erinnes. Deas infernales chi persighìana chie s’esserat
manciadu de delittos contr’a sos parentes. Fini tres: Aletto,
Tisífone e Megera. Pro pilos gighian serpentes.
280

ILIADE
CÀNTIGU NONU
S’IMBASCIADA DE SOS ACHEOS
In sa tenda de Achille

Càntigu IX
SUMMÀRIU
Su turmentu de Agamènnone Ottavas 1-5
S’atzottu de Diomede 6-9
Sos cunsizos de Nèstore 10-20
Sas propostas de Agamènnone 21-30
S’imbasciada 31-34
In sa tenda de Achille 35-43
Su discursu de Ulisse 44-60
Su dennegu de Achille 61-81
Su discursu de Fenice 82-100
Sa paristòria de Meleagru 101-116
“Betzittu meu...” 117-119
Su discursu de Aiace Telamone 120-123
“Adducas bazi...” 124-127
Sa relata de sos imbasciadores 128-131
S’intzitu de Diomede 132-136
282

S’imbasciada de sos Acheos
1 In s’ora chi bramende su lugore
fin d’Eos sos valentes Dardaneos,
a s’àter’ala, in duda e in peleos,
timinde sorte mala e disonore
mudos si n’istaian sos Acheos,
ca sua Fua 1 tremenda e su Terrore 2
lis aian in ojos bentulada
sa carena ‘e sa Morte isossigada!
2 Che cando subra a su piscosu mare
Zeffiru e Borea tirriende
che benturzos si ‘ettan ambos pare
pìghidas caddarigas suppesende
e in s’ispiàggia àligas lassende
ammuntonadas a si pudrigare,
a tales cun su coro a trimizone
fin sos gherreris de Agamennòne.
3 Cumprendinde s’Atride su turmentu
de sos cumpanzos suos, s’iscunfortu,
mancari affannadu, a coro mortu,
a res e a soldados chen’ ‘istentu
cumandesit chi tottu a parlamentu
reunidos s’esseran in su portu.
E cando tott’umpare los bidesit
che mai suspirende lis naresit:
4 –Amigos d’Argo, prìntzipes, soldados,
tzegu m’at fattu s’eterrena Ghia...
tzegu pàbaru, e galu anneulados
sos cherveddos m’at Isse... emmo, sa ’ia
chi mi promittesit chi ‘oltulados
a re Priàmu sos muros l’aia!
A pensare chi finas cunfirmadu
cun sa conca mi l’at Zeus sobradu!
283
Su
turmentu de
Agamènnone

S’atzottu
de Diomede
Càntigu IX
5 Como a domo, invece, ingloriosu,
appoi de noe annos de suffrire,
mi custringhet in presse a recuire
cun d’unu gàrrigu ‘e luttos pesosu!
Approntàmunos duncas a partire
giaghi negadu nos l’ana su gosu
de lomper cussa ‘idda a conchistare!
Ne podimos cun Zeus perriccare!–
6 Tristos, in su l’intender, atturdidos
restesin tottu che pisches in lua,
e sicomente a sa proposta sua
niune ‘e sos Acheos atzuridos
torraiat risposta: –A custa fua
deo m’opponzo! –li nêsit a gridos
che tronu ‘e gherra su fizu ‘e Tideu–
Chena su mortu non cantes su teu!
7 Non ti la lês, o Re, s’in cara a tottu
che mettanza t’abburro cuss’idea!
Tue ch’issara fattu m’as s’atzottu
d’esser vigliaccu in mesu a sa pelea,
como, e ca timinde ses che frea,
“fue –mi naras– da–e s’abbolottu!”
Zeus t’at dadu, est beru, sa corona,
non pro la gigher dignidade ‘ona!
8 Adducas miseràbiles los crêse
sos chi fattu t’an postu fintz’a inoghe?
Ma tue, tue ebbia est su chi sese
in buluzu ‘e partire, a frie e coghe!
Ladina como intenda custa ‘oghe:
s’as presse in Micene ‘e ponner pêse,
bae, s’as de tuccare... curre... fue...
millas sas naves tuas prontas cue!
284

S’imbasciada de sos Acheos
9 Manc’unu nde dês aer custa ’ia
a favore ‘e Danaos... gai crêo!,
ca s’impresa (‘e lu narrer non m’arreo!)
merìtat d’esser gitta a finitia!
E si parteran... beh, che resto deo
a pê’ frimmu in Tròia, in cumpagnia
de Stènelo e de sos cumpagnos mios,
a gherrare finas chi semus bios!–
10 Animadu donzunu e suddisfattu
sas manos li tzocchesit cun calore
sa die sonniende ‘e su riscattu!
Si nde pesesit tando re Nestòre
in su dare cunsizos sempr’isattu
e nêsit: –O Tidide, su valore
ch’as in gherra e in paghe dimustradu
nemos t’at mai minispressiadu!
11 Tue l’ischis ch’in mannu cunsideru
ses tentu da-e res e da’ soldados.
Su ch’as nâdu a s’Atride, custu est beru,
da’ coro t’est brotadu; e puru dados
sos cunsizos no as appropriados!
Permitti a mie d’èssere sintzeru
finas a fundu, ca so canu ‘e chizu
e ca mi dias poder esser fizu!
12 Su pensamentu meu Agamennòne
crêami non l’at mai ispuccicchidu,
antzis in bona cunsiderassione
sempre l’at tentu e l’est aggradessidu.
Una cosa bos naro e cun rejone:
chie ‘e gherras tziviles est sididu
sa pàtria e-i sas lezes non rispettat,
ne affettu ‘e famìlia che l’apprettat!
285
Sos cunsizos
de Nèstore

Càntigu IX
13 Como però pensamos a comente
sa notte chena dannu ‘e che passare:
sos custòdios –naro– ‘e collocare
peri tottu su campu e prontamente
(e s’est giòvana est mezus cussa zente),
pustis sa chena ‘e nos contivizare.
Tue però dispone, o prim’Atreu,
ca ses tue su re, no Gereneu!
14 Sos Res, invece, e sos prus Antzianos
intr’ ‘e sa tenda tua los cumbida
giaghi, gràscias a Zeus, l’as frunida
de provvistas e binos tracianos 3 !
Dimàndalis cunsizos e cunfida,
coment’est mezus, ch’a sos Troianos,
ch’a fogu atzesu s’istan minettosos,
rispondemos manzanu ‘ittoriosos!–
15 Manc’aiat s’arréjonu agabbadu
chi sette valorosos chen’ ‘istentu
pro ch’esserat su logu vigiladu,
d’attruppare si lêsin pensamentu
sos battagliones, donzunu ‘e chentu
atzuridos giòvanos formadu!
Primu istesit su fizu, Trasimede 4 ,
depustis Ascalafu e Licomede.
16 Cun Deipíro 4 , Ialmenu, Afareu
galu si presentesit Merione,
detzisos pro sa notte a Ilione
trassosu a impidire calchi anneu.
Chenesit pustis pagu donz’acheu
e in sa tenda sua Agamennòne
sos cabos reunesit tott’umpare
mesa ricca faghìndebi approntare.
286

S’imbasciada de sos Acheos
17 Addaghi manighesin, su Nelide
si nde pesesit rissu e nêsit gai:
–Re de sos Res, o gloriosu Atride,
a tie ch’as su coro in arguai
pro s’ora grae, e puru che simmai
in su riscattu nostru prenu ‘e fide,
su chi pensas dimando ‘e relatare
e posc’a nois puru d’iscultare.
18 E s’a calcunu detterat su coro
su cunsizu pro s’ora prus addattu
de l’atzettare bonignu t’imploro
pro chi nd’ ‘essemos da’ su disaccattu!
Su chi pens’ ‘eo chi dêt esser fattu
pro primu ‘e t’ilgiarire mi nd’onoro,
ca parrer est su meu tzertamente
ch’inoghe tue e tottu azis in mente!
19 Sa die chi cun atza e fieresa,
mancari chena mal’intentzione,
leadu l’as sa déchida bellesa
de Briseu a Pelide Mirmidone,
de non li fagher una tale offesa
ti lu nêi, o divinu Agamennòne.
Ma oramai fit su fogu atzesu
e su cunsizu mancu l’as intesu!
20 Cussa est sa cajone, cussa ebbia,
de sos dannos chi nos sun capitende
e como, in sa puntìglia, favorende
l’est finas Zeus mannu a dispettia!
Cale sorte nos est ammanizende?
Ealla, intantu, sa proposta mia:
cun prètzios e regalos ch’asseliemos
s’ira d’Achille cheret chi tentemos!–
287

Sas
propostas de
Agamènnone
Càntigu IX
21 E in risposta su mere ‘e Micene:
–Própriu gai! Cuss’est sa veridade
e a mi l’ammentare as fattu ‘ene!
Intzegadu m’at chena piedade
su pôre ‘e sa reale majestade!
Cheret chi bos l’ammitta e mi nd’appene!
Balet Pelide milli e un’eroe,
ma deo mi nd’abbizo solu oe!
22 E Zeus, chi l’at caru che a fizu,
su piattu mi torrat puntuale!
Sa neghe l’apo deo ‘e tantu male,
mia est culpa de su marturizu!
Giustu, o Gereneu, est su cunsizu
e ti l’atzetto. Asi coriale
siat Achille cun megus e bonu
addaghi li dimando su perdonu.
23 Si l’est su pensu meu aggradessidu
como intendide cantu ‘e bonu coro
li dao pro su tortu ch’at patidu:
sette trìbides de raru decoro
chi ancora su fogu no an bidu,
vinti concheddos cuppudos e d’oro
deghe talentos 5 e doighi ancora
caddos bellos, de ratza curridora.
24 Caddos chi bastan issos a sa sola
a ch’irricchire sos meres padronos,
chi lis balanzan sos pannos prus bonos
ca currin che saetta bola-’ola!
Sette giòvanas de sàffica iscola,
chi tenen intr’ ‘e domo milli donos,
galu l’aggiungo: feminas chi lêmis
su die chi a Lesbo 6 conchistemis.
288

S’imbasciada de sos Acheos
25 Puru li torro s’isclava adorada,
su lizu pius déchidu ‘e Briseu,
prontu a li giurare in cara a Zeu
chi non bi l’apo mai tzirigada.
Àteru li promittit prim’Atreu:
si de lomper a bider irroccada
a Tròia nos cuntzedit s’Eterrenu
cun su fortzeri si ch’andat pienu!
26 D’oro e de brunzu nde li dao cantu
bi nd’istat in sa nave; ‘e troianas
sas vinti cautivas prus galanas,
a séberu, ermosas a ispantu!
E si nos accanserat Zeus santu
sa gràscia, decomente amos in ganas,
a domo ‘ittoriosos de torrare,
una fiza li dao a cojuare!
27 S’intrerat su Pelide in domo mia
cant’a Oreste 7 , su fizu minore,
diat retzire affettos e amore!
De féminas de rara galania
tres nde tenzo e tottu de valore:
sa pius manna est Ifigenia,
Laódice m’est nàschida segunda,
s’ùltima Crisotema pili-brunda.
28 Una chi penset a si nde leare,
sa ch’aggradessit, e ch’istet seguru
chi bona doda s’at a gigher puru,
de si nde poder in tottue ‘antare!
E, pro chi pottat sa fama restare
de custa paghe in tempus benturu,
sette tzittades li aggiungo ancora
cun zente onesta e trabagliadora.
289

S’imbasciada
Càntigu IX
29 A Cardamile 8 li dao, a Fere,
a Ire, a Enope, a Epea
e cun sa de Pedasu sa d’Antea.
Biddas accurtz’a mare, ue su Mere
prètzian tottu che unu dovere
cun regalias, de bona idea,
ca b’at fruttales, binzas e laores
tales chi campan tottu che segnores!
30 Cust’est sa ricumpensa ‘e prim’Atreu,
bastat chi che a prima torret issu!
Tottu li dao su ch’apo promissu,
olvidamos però su mal’affeu!
Ma si cherferat su fizu ‘e Peleu
galu in s’ódiu istaresinde fissu,
penset ch’est unu Re chi bi l’est nênde,
finas d’annos prus mannu, che preghende!–
31 Li rispondesit Nelide cuntentu:
–Menguantes non sunu sos valores
ch’as numeradu innant’a sos Mazores
pro chi torret Achille ‘e bon’intentu!
Duncas, o Re, fintz’a s’accampamentu
lestru li manda sos imbasciadores;
sos lùmenes, si cheres, los fatt’ ‘eo
e chi refudet calcunu non crêo.
32 Fenice 9 ch’andet, su prus antzianu
e mastru ‘e domo de su Mirmidone,
e siat cabu ‘e sa delegassione;
cun isse Aiace subrumanu
e su d’Ìtaca mezus campione.
Nois in s’ora a Zeus soberanu,
samunadas sas manos, tott’umpare
lu supplicamos de nos aggiuare.–
290

S’imbasciada de sos Acheos
33 Nêsit Nestòrre; e-i sos Majorales
sos déghiles cunsizos l’atzettesin.
Lestros tando in cadinos e conzales
s’abba sos servidores lis carresin,
gai sas manos tottu s’innettiesin
pr’onorare sos Deos immortales.
E, pienadas sas coppas de ‘inu,
a Zeus s’invochésini divinu.
34 Da-e sa tenda tucchesin a fora
tando sos d’Argo prìntzipes e rese
e Gereneu, fattu a cuddos trese,
calchi avvertèntzia lis desit ancora,
a s’Itacesu ojittende in s’ora
che a li narrer: –Muitzu già sese!
Ma como ite meledas, Odisseu,
pro chi torret Achille cun s’Atreu?–
35 Ispiàggia-ispiàggia caminende
partesin pustis tottos tres umpare,
pensamentosos, su deus preghende
chi sas undas guvernat de su mare
pro poder, decomente fin bramende,
s’ira mala ‘e Pelide appasigare.
Pustis pag’ora da’ su Mirmidone
aja’ a Fenice, Ulisse e Telamone.
36 Cun Pàtroclo, s’amigu prus fidadu,
chi l’iscultait cun ojos d’incantu,
agattesin s’Eroe, ausentadu
foras da-e sa tenda, chi su cantu
cun sa citera, armoniosa tantu,
s’accumpagnait; pignu chi leadu
a Etìone aiat cando intrea
sa ‘idda derruesit de Tebea.
291
In sa tenda de
Achille

Càntigu IX
37 Sas impresas cantende fit de gherras
d’antigòrios eroes e in cara
che sole li lughiat sa fiara
de chentu chertos, milli cuntierras,
conchistende tzittades, logos, terras,
meressende in tottue fama giara!
Sende in tantu fervore cantend’isse
si presentesit tott’in una Ulisse.
38 Maravizadu, si pesesit reu
(galu Pàtroclo si nd’adderettesit)
e, muttida sa cetra, s’abbizesit
chi a sa sola non fit Odisseu.
Lis tocchesit sas manos, pustis nêsit:
–Saludu a bois, chi su coro meu
amigos cunsiderat prus de tottu,
mancari l’ape sempre in abbolottu!–
39 A intro de sa tenda chen’imbaru
che los mintesit, faghìndelos sêre,
galu aggiunghende: –Assiat piaghere!
Su sensu ‘e s’imbisita non m’est giaru,
ma m’est cunfortu in su dispiaghere!
Tue bi pensa, o Pàtroclo caru,
sa mezus carraffina a nde ‘ogare
e tatzas mannas pro los cumbidare!–
40 Forte e aromata una mistura
lis porresit su gióvanu in pag’ora,
mentres Achille ‘e nde ‘ogare a fora
una perra d’anzone apesit cura
da’ una càscia e, in prus ancora,
cantos de craba ‘e giusta appetzadura
e de porcu e luego ‘e cumandare
su fogu a Automedonte 10 ‘e b’approntare.
292

S’imbasciada de sos Acheos
41 Sa chimuza e sas pedras de carvone
luego nde carresit s’iscuderi;
che ‘oghesit a foras su brajeri
e b’atzendesit unu fogarone.
Sa petta intantu in unu tazeri
l’approntesit cundida Mirmidone
e sa cadrija manna e calch’ispidu
pro ch’aeret prus lestru provvididu.
42 Non bistentesit sa braja a falare
e-i su coghineri a cantu a cantu
sa petta in sa cadrija a b’assentare,
betténdebi su sale e, donzi tantu,
lêndesi pensamentu ‘e la girare.
Sa mesa intro sa tenda Achille intantu
aiat cun Patròclo ammanizadu
pro chi nudda lis esseret mancadu.
43 Gai appenas sa petta a lis servire
lêsit cuddu a tazeris, manu-manu
ch’in su fogu cumpriat d’arrustire,
a Zeus cunsizesit soberanu
Pàtroclo innante ‘e cherrer preferire.
Lestru Fenice, su prus antzianu,
una costèglia in sa braja ‘ia
ch’ ‘ettesit pr’onorare s’alta Ghia.
44 Pustis brujada, cun bon’appititu
a s’arrustu s’ ‘oltesin saboridu
cun binu accumpagnéndelu licchittu.
E cando Ulisse, appoi cumpridu,
a Telamone faghinde s’ojittu
versus Fenice ‘idesit conchi-nîdu
che a li narrer d’ ‘enner a concluos,
nêsit detzisu primma d’ambos duos:
293
Su discursu
de Ulisse

Càntigu IX
45 –De chenas e de ‘ustos, o Pelide,
occasiones, a esser sintzeru,
non nde màncana da-e prim’Atride.
Ma teninde su coro in disisperu,
a moristuda ‘idendesi sa fide
de nd’ ‘essire ‘inchidores, crês abberu
chi pottat unu gosare ‘e sas festas?
Oras sun custas pro Argo molestas!
46 Si non torras che prima, o valorosu,
cun nois a cumbatter a fiancu
(acco’ chi ti lu nâmos giaru e francu!)
da-e s’ira d’Ettòrre furiosu
unu non si nde ‘àrdiat nemmancu!
A fogu atzesu s’istat, minettosu,
isettende ‘e su die s’avreschida
s’òpera sua pro ‘ider cumprida!
47 E li resessit, crê’, s’intentzione
giaghi finas l’est Zeus aggiuende
e isse, a destra e a manca che leone,
nos est a chentinàrias bisestrende!
Sas naves, tottu a unu fogarone,
manzanu ‘e nos brujare est meledende
e cantos semos Danaos in mare,
poi mortos, che alga ‘e nos bettare!
48 Timinde semos tottu, inte’ a mie,
chi siat custa s’orrorosa sorte
chi nos toccat a sa fatta ‘e su die!
Nos nde ‘àrdia, adducas, da’ sa morte
o pius nudda nd’importat a tie?
Torra da-e sos d’Argo, Achille forte,
torra s’as de torrare in su momentu,
ca fatale est donz’àteru bistentu!
294

S’imbasciada de sos Acheos
49 Ti dias in debadas penentire
si s’avvererat custu suddu meu!
Mancu cherfende, tando, favorire
lu dias poder s’esércitu acheu!
Su chi ti nêsit t’ammenta Peleu
primma pro Tròia de ti dispidire:
–Bae, fizu, a sa gherra d’Ilione
e chi t’affianzen Atena e Giunone!
50 Sias, gherrende in cuss’anzenu logu,
ómine innanti e pustis eroe!
Addaghi podes tùdalu su fogu,
sas brigas lassa e pro su bonu proe
de sa Pàtria cumbatti!– De s’attrogu
olvidados però e non da’ oe
paret chi ti los apas sos cunsizos
s’est chi nos lassas in chentu fastizos.
51 S’ira ficchida in coro che la ‘oga
e da’ sos tuos coitta a torrare,
si no manzanu a cùccuru a pare
nos as a bider a s’attoga-attoga
istrangugliados tott’a una soga!
Inte’ como comente cumpensare
pro su dannu ch’at fattu prim’Atride
ti diat cherrer, nóbile Pelide!
52 De s’affeu, nos crêa, penentidu
si nd’est Agamennòne e da-e coro
e ti dat isse pro su ch’as patidu
trìbides sette de raru decoro
chi ancora su fogu non an bidu,
vinti concheddos cuppudos e d’oro
deghe talentos e doighi ancora
caddos bellos, de ratza curridora.
295

Càntigu IX
53 Caddos chi bastan issos a sa sola
a che los irricchire sos padronos,
chi sos pannos si gighen pius bonos
ca che saettas currin bola-‘ola!
Sette giòvanas de sàffica iscola
chi tenen intr’ ‘e domo milli donos
finas t’aggiunghet: féminas ch’umpare
lêzis a Lesbo in nde l’irroccare!
54 Puru ti torrat s’isclava adorada,
su lizu pius déchidu ‘e Briseu,
prontu a ti giurare innant’a Zeu
chi non ti l’at nemmancu tzirigada.
Àteru ancora ti dat prim’Atreu:
si de ‘ìdere a Tròia conchistada
nos accanserat su Mere eterrenu
cun su fortzeri ti ch’andas pienu!
55 D’oro e de brunzu nde dês aer cantu
bi nd’istat in sa nave; ‘e troianas
vinti a su nessi, sas pius galanas,
a séberu, ermosas a ispantu!
E si nos cuntzederat Zeus santu
sa gràscia, decomente amos in ganas,
a domo ‘ittoriosos de torrare,
una fiza ti dat a cojuare!
56 S’intras in domo de sa grega ghia
dias retzire affettos e amore
cant’a Oreste, su fizu minore!
De féminas de rara galania
tres nd’at isse e tottu de valore:
sa pius manna est Ifigenia,
Laódice l’est nàschida segunda,
s’ùltima est Crisotema pili-brunda.
296

S’imbasciada de sos Acheos
57 Sa ch’aggradessis nâchi a ti leare,
bastat chi siat, e ch’istes seguru
chi bona doda t’at a dare puru
de ti nde poder in tottue ‘antare!
E, pro chi pottat sa fama restare
de custa paghe in tempus benturu,
sette tzittades t’aggiunghet ancora
cun zente onesta e trabagliadora.
58 A Cardamile ti dat e a Fere,
a Ire, a Enope, a Epea
e cun sa de Pedasu sa d’Antea.
Biddas accurtz’a mare, ue su Mere
prètzian tottu che unu dovere
cun regalias, de bona idea,
ca b’an fruttales, binzas e laores
tales chi campan tottu che segnores!
59 Cust’est sa ricumpensa ‘e prim’Atride!
Como detzidi si su ch’at promissu
atzettare li dês, forte Pelide,
o s’ódiu mantenner sempre fissu!
Siat comente, pro Zeus Cronide,
detzidi non pensende solu a issu!
Pro a nois non nd’as d’affriscione?
Sa tumba nostra est duncas Ilione?
60 Torra a fiancu nostru, nos aggiua,
accamados non nos lasses manzanu,
c’as a esser che deus soberanu
sempr’onoradu da’ sa zente tua!
Ma torra! E a Ettòrre troianu,
chi si ‘antat chi da-e s’atza sua
niune ‘e nois podet prus fuire,
beni tantu presumu a li muttire!–
297

Su dennegu
de Achille
Càntigu IX
61 E Achille in risposta chen’imbaru:
–Fizu ‘e Laerte abbistu e cor’amprosu,
su pensamentu meu francu e giaru
narrer ti cherzo, pro chi lamentosu
calch’àteru non bida amigu caru
che a tie a s’inghìria, lereddosu!
Che-i sa morte abburro sa zente
chi nât su chi non pensat veramente!
62 Da’ sa ch’apo leadu detzisione,
bae, non movo, mancu si ‘enzerat
a pês mios pianghende Agamennòne,
ne s’àteru danau m’invocherat!
Prîte devo torrare a Ilione,
s’isse a tottu che pare cunsiderat,
chie cumbattit cun atza e valore
e chie est vile in gherra o traittore?
63 In cale cunsideru che l’at tentu,
ite ‘e pius l’at dadu o reconnottu
a chie, che a mie, onzi momentu
s’est che leone ‘ettadu in s’abbolottu,
sempre ponìndesi a innante a tottu,
faghinde ‘e sos ‘nimigos iscarmentu?
Ite non apo fattu e peleadu
pro bos difender s’onore manciadu!
64 Cantas dies passadas mattanende
e cantas oras de sa notte ischídu 11 ,
chena pasu e che puzone ‘olende
chi pro sos fizigheddos a su nidu
bermes e iscagliola istat carrende
e isse invece si nd’istat famidu!
E prîte poi? Prîte? E pro a chie?
Sa paga ‘e su dannarzu at dadu a mie!
298

S’imbasciada de sos Acheos
65 Pro sa glòria sua nd’ ‘oltulesi
dóighi ‘e ‘iddas accurtz’a su mare
e posca àteras ùndighi nde lêsi
affacc’a Tròia! E a bi las dare
paris cun sos tresoros m’apprettesi
e cun sos cautivos tott’umpare!
E isse ‘en’accuccadu intr’ ‘e sa tenda
pienzende fortzeris! Oh, sienda!
66 Cussa sì fit cuccagna...isbarradu!
E si calchi cumpensu nos daiat
non fit da-e costazos chi l’ ‘essiat
già bi l’aimis nois procuradu!
A mie pustis su pannu at leadu
su pius caru, malaittu siat,
che arrogante e non cun sa rejone,
ca de niune at isse affriscione!
67 Bois mi nâde prîte in terr’anzena
da’ tempus peleamos e morimos!
Pro su ch’at fattu Paris a Elèna
semus dados a Tròia e cumbattimos
baliende ‘e sa gherra donzi pena!
Ma cussu ‘alet pro issos! O crêimos
chi pottan aer d’àteras persones
paris rispettu tales ingurdones?
68 Donzunu amat sa sua, est deasie,
siat teracca o siat reina!
Isse l’ischiat chi cussa femìna
fit sa prenda ‘e su coro pro a mie!
Como pro s’ ‘ardiare in sa ruina
a inoghe mandadu nd’at a tie
cun Telamone e cun su mastru meu,
ca postu l’at Ettòrre in mal’anneu!
299

Càntigu IX
69 Nâchi nd’aiat d’eroes e mannos 12
disizosos in tottu ‘e lu servire!
Penset cun issos a si l’isdighire,
a si los sulenare sos affannos!
E tue, chi ses mastru de ingannos,
li dias poder calchi trassa ‘ordire!
Fatt’azis una cora e manna puru
non sendeb’ ‘eo e finas unu muru!
70 Abberru est però de pagu impizu
a cantu paret pro su Dardaneu!
Séndebi, invece, su fizu ‘e Peleu
bazi ch’Ettòrre non altzait chizu!
Solu una ‘olta a mi dare fastizu
fintz’a su fau falesit de Zeu,
fora tucchende de sa gianna ‘e Scea,
proéndesi a sustenner sa pelea!
71 E l’ischit Zeus da’ sa lantza mia
comente iscampiesit su troianu!
Como però su sónniu ch’est lontanu
de torrare cun isse in marrania!
Antzis bos naro chi cras a manzanu
rendo onore a s’Olimpu e a Fitia
cun sos cumpagnos penso ‘e recuire
e sas ricchesas ch’apo ‘e mi godire!
72 Medas Peleu mi nd’at costoidas
e oro, prata e brunzu in cantidade
mi gitt’ ‘eo e isclavas dechidas!
Bois manzanu bos nde sintzerade
si sun custas paràulas fingidas
o s’invece no est sa veridade!
Cun unu dolu mi che parto ebbia:
su de non aer sa fémina mia!
300

S’imbasciada de sos Acheos
73 Custas cosas li nâde a prim’Atride
in cara a tottu, pro ch’iscat sa zente
chi offesu m’at isse decomente
a Menelau offesu l’at Parìde!
Chie est mettanzu ‘e coro e prepotente
rispettu non merìtat e ne fide!
Nudda e niune mi dêt isvoltare!
Ch’andet inoramala s’at d’andare!
74 Bi lu nâde ch’in tottu m’at delusu
e ch’in debadas de m’ ‘ider isperat
galu cun isse, appoi ‘e tant’abusu!
Si puru de siddados nd’aggiungherat
a deghe o vinti ‘oltas de piusu,
si su ch’at e possedit mi porrerat
e sos benes de Tebe e d’Orcumenu 13 ,
da’ coro non mi nd’ ‘ogat su ‘elenu!
75 Si cantos b’ada raneddos de rena
in sas marinas de su mundu intreu
in oro los potterat prim’Atreu
boltare e daremilos, sa piena
non l’appàsigat de su coro meu!
E s’aerat donosa che Atena
una fiza e che Venus ermosa
leare non la dio pro isposa!
76 Penset un’àteru a si nde chircare
de ‘énneru, e chi siat bonu mere,
ch’iscat prus de a isse guvernare!
Si Zeus cori-mannu su piaghere
m’accansat a Fitia de torrare,
istet tranchillu chi una muzere
mi dat Peleu onesta e dechida
chi mi siat cumpanza pro sa vida!
301

Càntigu IX
77 Su chi como bram’ ‘eo est cust’ebbia:
d’istareminde in domo appasigadu
goséndemi cun sa pobidda mia
sos tresoros chi m’apo procuradu!
Sas ricchesas de Tròia, s’oraria
ch’in s’altare de Pito 14 ammuntonadu
pro Febo soberanu b’at sa zente
non pagan custa vida, tzertamente!
78 Furare podet s’ómine gherrende
masones mannos, giuos, caddos meda,
oro e prata, brunzu, abóliu, seda,
ma s’ànima cand’est isalenende
ne cun sa lantza la frimmat chertende,
ne s’aperat a lùscias sa moneda!
Comune a donz’ómine est sa sorte
sa vida de connoscher e sa morte!
79 E Teti pês de prata, chi m’est mama,
seberare m’at nâdu chi pott’ ‘eo
in duas uras: s’in Tròia m’arreo
gióvanu morzo, ma meresso fama
e glòria eternas; ma si leo
sa detzisione, e cust’est sa brama,
de recuire a domo, chen’affannu
campo cuntentu fintz’a betzu mannu!
80 Galu ‘ois a domo recuide
ca su ‘isu de tantos est chimera!
De conchistare a Tròia cal’ispera
bos restat s’aggiuende l’est Cronide?
Leàdebos sas naves e partide...
e cantu prestu, primma ch’a bisera
bos las fattat Ettòrre troianu
a s’altzada ‘e su sole cras manzanu!–
302

S’imbasciada de sos Acheos
81 Custu li nâde a sa zente achea,
pro ch’assumancus si pottat salvare!
Frimmu in s’ódiu resto e in s’ ‘idea
a Fitia detzisu ‘e che torrare
e mai s’ ‘idan prus gherra e pelea!
S’istet Fenice inoghe a reposare,
gai cun megus, s’at boza ‘e partire,
podet manzanu a domo recuire.
82 Nêsit Pelide; e che pische in lua
restesit donz’acheu imbasciadore,
atturdidu, delusu, chena pôre,
tantu fit giara sa risposta e crua!
Tando Fenice, pensende a sa fua
de sos Gregos e a su disonore
poi ‘e noe annos de gherra e affogu,
li rispondesit lagrimende fogu:
83 –Fizu ‘e su coro, cuss’ira funesta
duncas t’at postu contr’a Agamennòne
a tales cun su coro in bulione
chi t’at leadu artùrios e testa!
Sorte, sa nostra, sa pius molesta!
E tue, si ti nêra ch’intentzione
ap’ ‘eo cun sos Gregos de restare,
mi dias finas solu abbandonare!
84 A nàrrere ch’a Tròia m’at Peleu
da-e Fitia cun tegus mandadu
ca, sende giovaneddu, impreparadu
fis pro sustenner símile impeleu!
E deo, che s’esseras fizu meu,
t’apo a die e a notte ammaestradu
in s’arte de sa gherra e in comente
ischire faeddare in cara a zente!
303
Su discursu
de Fenice

Càntigu IX
85 No! Non ch’abbarro inoghe, caru fizu,
mancu si da-e palas sa ‘etzesa
mi che ‘ogherat sa divina Altesa
e mi torrerat gióvanu de chizu,
che cando da-e s’Ellade in lestresa
fuinde da’ s’ingiustu marturizu
de babbu meu, Amìntore Ormenide 15 ,
a domo tua so dadu, o Pelide!
86 D’una fémina ‘e rara galania
cottu 16 si che fit babbu, ohi comente,
tales de si lassare a mama mia
chi l’amait invece ardentemente.
Ite l’ ‘enzesit a-i custa in mente
non baliende sa traittoria?
Mi giamesit e, chena s’ ‘irgonzare,
cun s’àmiga mi nêsit de trassare!
87 Lu fattei. Ma babbu ‘e sa faina
non bistentesit meda a s’abbizare
e, offesu, a sas Fùrias d’invocare
pedìndelis pro me custa ruina:
cun muzere o cun àtera femína
fizos a lughe non devia ‘ogare!
L’iscultesin Persèfone e Plutone 17
e mi la desin sa punissione!
88 Su d’appuntare in domo da’ sa die
fit comente a mi prender a cadena;
frittos sos ojos de babbu che nie,
finas sa cara ‘e mama fit anzena!
Pro nde segare in curtzu tanta pena
cosa prus sàbia parzesit a mie
de chircare aterue sa fortuna,
simmaimmai nd’esisteret una!
304

S’imbasciada de sos Acheos
89 Pro noe dies, addaghi an cumpresu
parentes e amigos chi pensende
fia a fuire, in bidda festende
cun càntigos e ballos m’an trattesu,
anzones e porcheddos arrustende
a die e notte cun su fogu atzesu
e chena mai mi lassare solu
pro m’impidire de leare ‘olu!
90 Approfettende però de s’iscuru
a sa ‘e deghe mi che l’avviei.
Da’ sa ventana che ladru ch’ ‘essei
e, de sa corte brincadu su muru,
solu peri su mundu m’agattei!
Cant’est penosu su caminu e duru
de chie no at domo o l’at perdìda
e che ramengu andat in sa vida!
91 Die e notte girei chen’ischire
ue m’arrere; ma, pro sorte mia,
addaghi dei in sa ‘idda ‘e Fitia
Peleu mi at cherfidu retzire
cun s’amore, s’affettu e s’allegria
de unu babbu, chi s’ ‘idet naschíre
unu fizu addaghi est incanende
e che li fit s’ispera barighende!
92 A pius de s’affettu e de s’amore
riccu m’at fattu e de sa tzittade
de sos Dolopes 18 chérfidu segnore!
Tue calch’annu aias d’edade,
o Achille, e-i sa felitzidade
fis de Peleu, s’ispantu mazore!
De t’istruire su prétziu retzei
e Zeus l’ischit si l’aggradessei!
305

Càntigu IX
93 Subr’a custos benujos cantas bias
t’apo a su duru-duru ingiogatzadu!
E cantas in su latte minutzadu
t’apo su pane e chentu liccantzias!
Isganadittu fis e appentadu
pro mandigare sempre ti cherias!
Già mi nd’as imbruttadu de ‘entones
e orinadu bottes e caltzones!
94 Mattanas non fin cussas, ne impizos,
ca t’allevei che s’esseras meu,
addaghi m’at unu destinu reu
pro sa vida brivadu d’aer fizos!
Como, o divinu fruttu de Peleu,
da-e su coro sos malos disizos
ch’at de ti vindicare che los boga
e s’ódiu in su perdonu che l’attoga!
95 Finas sos de s’Olimpu soberanu
ch’an ondra prus de nois e potèntzia
si l’assèlian s’ódiu disumanu,
ca no est debilesa sa clemèntzia,
ne su de porrer che frade sa manu
a chie t’at usadu prepotèntzia!
Chie at faddidu, invece, prestu o tardu
grunat sa fronte a terra che guvardu!
96 E s’invocat, a coro isbambarriadu,
a sas Pregadorias 19 succuttende,
a ficcas e irroccos abburrende
s’ora chi che l’at Ate 20 istraviadu!
E las intzensat, las istat preghende,
las festat cun s’arrustu profumadu
e cun su ‘inu chi b’at pius bonu
pedinde de s’offesu su perdonu!
306

S’imbasciada de sos Acheos
97 E cando Cuddas cun sa bon’imbàscia
da-e s’offesu che tuccan pressosas
e de torrare in paghe, carignosas,
cun s’inimigu li pedin sa gràscia,
coltz’a chie lis deret puntigliosas
rispostas! Da-e Ate sa disgràscia
dian pedire e da’ Zeus tronante
pius felosa pro cuss’arrogante!
98 Oe a pês tuos eallas bennìdas
pro ‘more nostru e de prim’Atride!
Sa missione insoro no impidas
e las onora cun rispettu e fide,
asi paghe e sulenu su Cronide
diat a tie e sas penas patidas
in gosu ti las boltet e in glòria
pro chi restet eterna sa memòria!
99 Torra cun nois, torra, o Mirmidone!
Nâdu non ti l’aia, ne pedidu
si deo e tottu non m’essera abbidu
chi si leat sa neghe Agamennòne
e decomente si nd’est penentidu!
Isse merìtu e suddisfassione
ti dat innante, e mi paret giustu!
Ma tue non refudes tottu custu!
100 Promissos ti nd’at medas de valores:
pignos bellos, tzittades, prata e oro,
cautivas e caddos curridores
cun sa chi bramas fémina ‘e su coro
e sa fiza, ch’est prus d’unu tresoro!
Finas mandadu pro imbasciadores
t’at sos amigos prus caros chi tenes,
e tue ancora s’ódiu li mantenes?!
307

Sa paristòria
de Meleagru
Càntigu IX
101 Non lês, t’imploro, cuss’arrogantzia!
Torra che prima a meressire glòria
e cun s’Atride in bon’armonia.
Como contare bos cherzo s’istòria,
ch’assimizat a custa marrania,
sutzessa in Calidone 21 in s’antigòria,
addaghi sos d’Eneu 22 difendende
da’ sos Curetes 23 si la fin gherrende.
102 Capitesit sa ‘olta chi Eneu,
pro isméntigu forsi o mala gana,
mentr’onorende fit s’Olimpu intreu
pedinde aggiudu pro cussa mattana,
non pretziesit pro nudda a Diana.
S’offesa de su prìntzipe etoleu
non baliesit, no, sa beneitta
e luego sestesit sa vinditta!
103 Unu porcrabu ispropositadu
cun sas sannas biancas li mandesit
chi laores e binzas l’ ‘oltulesit
cun tìrria forrojende onzi cunzadu,
finas chi Meleagru 24 , arrennegadu,
sos mezus catziadores seberesit
de sos giassos d’affacca a Calidone
e lu ‘occhesin s’atzudu sirvone.
104 Non cuntenta ‘e su dannu, contr’a pare
la ponzesit Diana cussa zente
faghinde nàschere a donzunu in mente
sa bramosia de si che leare
sa conca ‘e su fiadu; e sicomente
pensesit Meleagru ‘e l’assignare
ad Atalanta 25 , sa prima a lu ferrer,
in gherra s’agattesin, chena cherrer!
308

S’imbasciada de sos Acheos
105 Mancari de pius in s’abbolottu
esseran sos Curetes cumbattende,
finas a cando restesit gherrende
Meleagru atzuridu, b’an connottu
sos pius sorte mala; e finas tottu,
da-e su fele ch’aiat pensende
a sos parentes chi si fin girados,
los aiat, crêide, massacrados!
106 Ma cando l’at Altea 26 malaittu
ca l’aiat sos frades mortu in gherra,
contr’a sa mama ‘e fele biaittu,
si ritiresit da’ sa cuntierra!
(Ma sa conca cal’ómine ‘e sa terra
non perdet abbizendesi traittu?)
Da-e sa die gosu e piaghere
solu agattesit tra domo e muzere.
107 Cleopatra 27 fit custa nomenada,
est fit fiza ‘e Marpessa s’Evenina 28 ,
sa ch’amesit Apollo che divina
chena s’ ‘ider sa ‘oza ricambiada,
ca de s’eroe si fit sa femìna
prus forte de su mundu innamorada,
de Ide 29 , fruttu raru ‘e Posidone,
che niune atzuridu in paragone.
108 E, infattis, timinde chi leare
bi la cherferat Febo a malagana,
cun su carru ‘e su babbu a sa galana
pensesit Ide de si che furare.
Ma lu sighesit Cuddu e pro mattana
tentesit isse de si la portare!
A su Mere de s’arcu chen’isettu
s’arcu puntesit tand’Ide in apprettu!
309

Càntigu IX
109 Ma Zeus, in los bider, dimandesit
chi aeret Marpessa, ojos d’incantu,
seberadu issa ebbia; e cudda, in prantu,
s’amore sou primu preferesit.
Su disizu ‘e su coro l’accansesit
tando su Mere de s’Olimpu santu
e a la render, mancari in suffratta,
s’assuggettesit finas Arcu ‘e Prata!
110 (Torrende a Cleopatra, chi bos nêra
est giustu chi la solian nomare
“Alcione” 30 babbu e mama, pr’ammentare
sas penas de Marpessa presonera,
addaghi lamentosa, a sa manera
de cuss’ae, sighiat a giamare
da-e sa tzella ‘e su Saettadore
a Ide sou, a tùncidos d’amore!)
111 Cun sa pobidda adducas reposende
Meleagru intr’ ‘e domo s’istaiat,
s’ódiu pro sa mama mantenzende
pro sa matenna ch’ ‘ettadu l’aiat!
Capitesit degai chi, manchende
a Calidone su chi susteniat
de sa gherra su pesu pius mannu,
s’agattesit luego in mal’affannu.
112 Sos preìderos tando e sos Antzianos
l’imbiesin de pôre e majestade
pro lu cumbincher cun cunsizos sanos
a torrare a difender sa tzittade.
Finas li nêsin cuddos pilicanos
unu cunzadu ‘e rara calidade
pro ricumpensa de si seberare,
in pianu, ‘e chimbanta somas pare!
310

S’imbasciada de sos Acheos
113 Sa gianna li tzocchesin galu Eneu,
sa mama penentida cun affettu,
su frade e sos amigos tott’arreu
chena lomper a fruttos de profettu!
S’istaresinde in domo in dulch’impreu
cun sa muzere o reposende in lettu
fit pro a isse, e bi lis nêsit giaru,
su gosu pius mannu, su prus caru!
114 Ma cando ‘idesit sos de Pleurone 31
approbe a li derruer cun su fogu
sa turre pius alta ‘e Calidone
e sa pobidda nàrrerli in affogu
de s’olvidare de s’istranguglione
e de nd’ ‘ardiare s’etoleu logu,
s’ódiu chi fit crobende pius agru
si l’ ‘oltesit in mele a Meleagru.
115 S’ ‘estesit s’armadura e a gherrare
tucchesit pro sa pàtria torra ‘e nou
eternu meressende su mentou,
ca resessesit a la liberare
e chena cherrer, pro s’aggiudu sou,
su cunzadu chi li cherian dare!
Tue sos donos atzetta, o Peleu,
e su penentimentu ‘e prim’Atreu!
116 Cun nois beni... torra chen’imbaru,
prima ancora chi Èttore atzuridu
nos apat vida e naves destruidu!
Da-e sa zente tua, o fizu caru,
as a esser che Zeus riveridu
e-i su lumen tou mannu e giaru
at a restare iscrittu in s’istòria
de cantu durat mundu a bantu e glòria!–
311

“Betzittu
meu...”
Su discursu
de Aiace
Telamone
Càntigu IX
117 Li rispondesit Achille a primore:
–Betzittu meu, Fenice istimadu,
galu tue ‘e reale sambenadu,
bisonzu non nd’ap’ ‘eo ‘e cuss’onore!
Istendeminde inoghe asseliadu
o aterue, s’eternu Segnore
giustìscia m’at a render peristantu
e fagher crescher in prétziu e in bantu!
118 Como una cosa ti naro e ladina:
pius non mi mattanes coro e mente
cun lereddas e contos de femìna,
a s’Atride pensende solamente!
A mie dês amare, decomente
t’am’ ‘eo e ti prefero! In sa ‘errina
degher ti diat prus, a parrer meu,
chi ti colloches a s’ala ‘e Peleu!
119 Si cun megus de vìvere in Fitia
onoradu che re bramas ancora,
lassa a issos s’ingàrrigu de s’ora
de relatare sa risposta mia.
A s’accherada cras de s’Aurora
umpare detzidimos cale via
de pius nos cumbenit de sighire:
si de frimmare ancora o de partire!–
120 Si cagliesit Pelide; e s’ojittu
a Pàtroclo fattesit chen’isettu,
che a li narrer prestu a su ‘etzittu
de l’approntare modditzosu lettu.
Tand’Aiace, peséndesi ‘erettu,
naresit cun disdignu: –O beneittu
fizu ‘e Laerte, Ulisse divinu,
ponìmunos, ch’est mezus, in caminu!
312

S’imbasciada de sos Acheos
121 Chi amos fattu su ‘iazu in debadas
cheret chi relatemos a s’Atride
e a cantos crêìana cun fide
chi cun s’imbàscia nostra asseliadas
l’essèrana sas tìrrias a Pelide!
Ma de sas vidas nostras disdicciadas,
de a nois chi l’aimis che frade,
manc’aizu nd’at custu ‘e piedade!
122 A esser gai crudele e redortu
unu marrarzu dês aer pro coro!
E b’at chie, mancari l’apan mortu
fizu o frade, atzettat prata e oro
pro ricumpensa e pignos de decoro
e in su perdonare at accunortu!
Ma tue frimmu s’ódiu mantenes
e ne iscujas atzettas, ne benes!
123 Nâchi est d’una femìna sa cajone,
d’una ebbia, mancari ermosa!
Ma si ti nde dat sette Agamennòne
una pius de s’àtera donosa
cal’iscuja ti restat meledosa
pro non t’asseliare, o Mirmidone?
Ne rispettu as prus de sos cumpanzos
si tottu los aggualas che mettanzos!–
124 «O forte Aiace, zenia divina,
–li rispondesit Achille seguru–
si intostadu si m’est che codina
su coro e su faeddu est gai duru,
no est ebbia pro una femìna!
Cuss’ascamile trattadu m’at puru
in cara a tottu che cane petzente
cun atza e cun limbazos de serpente!
313
“Adducas
bazi...”

Sa relata de sos
imbasciadores
Càntigu IX
125 Adducas bazi... bazi e bi lu nâde
chi da-e me amparos no isperet,
ca su Pelide prus bramat e cheret
viver in paghe e in tranchillidade.
E si, depustis, su presumu aeret
Ettòrre ‘e m’attaccare, ammentade
c’a lu domare già bast’ ‘eo ebbia!
Ma non crêo chi ‘ettet marrania!»
126 Nênde gai, sos càlighes ancora
pienzesit, faghìndelos buffare
e cuddos, pustis de lu saludare,
si dispidesin chena perder ora.
Pàtroclo intantu a una servidora
su lettu cumandesit d’approntare
pro su ‘etzittu cun peddes contzadas
de lanudas ‘arveghes e fressadas.
127 Delusu e istraccu si corchesit
tando Fenice, e sa matessi idea
apesit Mirmidone, chi si lêsit
pro cumpagnia a Diomedea 32 ,
fiza ‘e Forbante, déchida che dea.
Pàtroclo invece a lettu si portesit
a Ifi 33 ermosa, donu ‘e su Peleu,
a sa derrutta ‘e Sciro d’Enieu 33 .
128 A passos mannos intantu fin dados
da’ sos gregos Ulisse e Telamone
e da-e tottu luego apprettados
a relatare sa detzisione.
Nêsit tando a Ulisse Agamennòne,
poi d’aer sos àteros cagliados:
–Nâmi, fizu ‘e Laerte: asseliadu
s’est Pê’-velotze o restat airadu?–
314

S’imbasciada de sos Acheos
129 «O prìntzipe d’eroes, forte Atride,
–li rispondesit s’Itacu in lestresa–
e bois tottu, Acheos, m’intendide:
s’ira felosa che a prima atzesa
intr’ ‘e su coro mantenet Pelide!
Ne pro l’appasigare cudd’offesa
nos sun bastados sos valores mannos
chi l’as promissu o sos ch’amos affannos!
130 Nâchi a sa sola comente nd’ ‘essire
dês tue meledare da’ s’affogu!
Isse manzanu a su pàtriu logu
at già detzisu de si che partire
e sos benes chi b’at de si godire
finas a betzu in paghe e disaogu!
E giagh’est Zeus cun Tròia alleadu
de tuccare ‘alu nois nos at nâdu!
131 Sa relata est custa ‘e s’imbasciada!
Própriu gai, o Re, o grega zente,
e da-e Telamone cor’ardente
galu bos podet esser cunfirmada!
Fenice, infinis, at liberamente
s’idea ‘e su Mirmìdone atzettada
cun isse pro sa vida ‘e si nd’istare,
poi d’aer tentadu ‘e l’isvoltare!»
132 Nêsit Ulisse; e cantos l’an intesu
esseran rese, prìntzipes, soldados
restesin chen’alenu, abbauccados,
in s’ischire a Pelide ancora offesu.
Ma Diomede, de disdignu atzesu,
boghiesit cun tonos resinnados:
–Mai l’aeres fatta, Agamennòne,
s’acconcada ‘e pretziare a Mirmidone!
315
S’intzitu
de Diomede

Càntigu IX
133 Si forte fit a primu e presumidu,
irrispettosu ‘e prìntzipes e rese,
como chi lintu che l’amos sos pêse
galu ‘e pius si ch’est insupervidu!
Su chi cheret chi fettat s’atzuridu!
Pro manzanu però cheret chi lêse
su determinu giustu, pro ch’umpare
pottemos s’ora grae superare!
134 Faghimos goi, si sezis cunsentes:
chenamos como, posc’a reposare
a bolta-‘olta naro de tuccare,
ca non b’at cosa ch’a sos cumbattentes
pius servit e atza solet dare!
E cand’Eos sos ojos lutzighentes
torrat a nos mustrare cras manzanu,
prontos siemos cun s’arminzu in manu!
135 A innante a sas naves nos paramos
che muraglione ‘e ferru adamantinu!
Chi nos ghies, o Re, ti domandamos
tue in persone in tantu pidinu!
Su sàmbene chi currat a trainu
e nois cantu ‘alimos e contamos
t’amos a cunfirmare e prus ancora
a sa d’Ettòrre ratza traittora!–
136 Si cagliesit su fizu ‘e Tideu
e s’arréjonu sou resinnadu
istesit da-e tottu pretziadu
e prus ancora da-e prim’Atreu.
A si corcare, appoi chenadu,
lassados sos custòdios, donz’acheu
tucchesit tando e sulenu e gosu
agattesit donzunu in su reposu.
316

NOTAS DE SU CÀNTIGU NONU
S’imbasciada de sos Acheos
1 Fua [...]: Fit sa personificassione de s’apprettu e de sa timòria chi
cumbinchen s’ómine a fuire addaenanti a sos perìgulos.
2 Terrore [...]: Fit sa personificassione de s’affogu ‘addinosu chi
attogat s’ómine in gherra addaghi s’ ‘idet pérdidu. Lu crêian fizu de
su deus Ares (o Marte).
3 binos tracianos [...]: Binos bonos meda, produidos in sa Tràcia,
regione posta a nord de su Mare Egeu, chi ch’arriviat finas a su
Danùbiu e a su Mare Nieddu.
4 Trasimede, Ascàlafu, Licomede, Deìpiro, Ialmenu, Afareu, Merione
[...]: Valorosos soldados gregos. Trasimede fit unu de sos sette fizos
màscios de Nèstore, re de Pilo; Ascàlafu e Ialmenu fin frades e fizos
de Astìoche e de Marte, ambos duos res de Orcumenu in Beòtzia;
Licomede, fizu de Creonte; Deìpiro, gherreri tracianu, mortu da-e
Elenu; Afareu, fizu de Calètore mortu da-e Enea; Merione, s’iscuderi
de Idomeneu.
5 talentos [...]: Monedas de oro de su pesu de vinti grammos donzuna,
de valore impretzisadu.
6 Lesbo [...]: Cun tale nòmene si solet indicare s’ìsula de Lesbo e sa
capitale sua (oe Mitilene o Metellino).
7 Oreste, Ifigènia, Laódice, Crisòtema [...].: Fizos de Agamènnone e
de Clitennestra. Oreste fit s’ùnicu fizu màsciu, su chi vindichesit sa
morte de su babbu, pugnaladu a traighimentu a sa recuida da-e
Tròia, da-e Egistu, s’amigu de sa mama.
8 Cardamile, Fere, Ire, Enope, Epea, Pédasu, Antea [...]: Tzittades
gregas in podere de Agamènnone. Cardamile, Fere, Ire e Antea fin in
Messènia; Enope e Epea in Lacònia, Pédasu in su Peloponnesu.
9 Fenice [...]: Fizu de Amìntore Ormenide, betzu e sapiente mastru
de Achille.
10 Automedonte [...]: Fizu de Diorete; cumpanzu e iscuderi de Achille.
11 ischìdu [...]: Ischidadu.
12 Nâchi nd’aias d’eroes e mannos [...]: Cunfronta su Càntigu I,
ottavas nn. 34-35.
13 Orcumenu [...]: Tzittade de sa Beòtzia, fentomada in tottue pro
sas ricchesas mannas chi teniat.
14 Pito [...]: Antigu nòmene de Delfi, tzittade de sa Fócide, famosa
pro su témpiu de su deus Apollo (o Febo).
317

Càntigu IX
15 Amìntore Ormenide [...]: Amìntore, fizu de Ormenu, babbu de
Fenice, su ‘etzu mastru ‘e vida de Achille.
16 cottu [...]: Innamoradu meda, finas a perder sa conca.
17 Persèfone [...]: Fiza de Giove e de Cèrere. Muzere de su deus
Plutone (o Ade) e segnora de sas Umbras de sos Mortos.
18 Dolopes [...]: Pópulu de sa Ftiótide, su regnu de Peleu e de Achille.
19 Pregadorias [...]: Fizas de Giove e sorres de Ate, sa dea de sa discòrdia
e de su male.
20 Ate [...]: Fiza de Giove. Fit sa personificassione de sa fortza de
su male.
21 Calidone [...]: Tzittade de s’Etòlia.
22 Eneu [...]: Re de Calidone e de sos Etoleos. Fit su babbu deTideu
e de Meleagru e su maridu de Altea.
23 Curetes [...]: Sos primos abitadores de s’Etòlia, regione chi aiat
pro capitale sa tzittade de Pleurone (o Pleuro).
24 Meleagru [...]: Fizu d’Eneu e de Altea, prìntzipe de Calidone e
valorosu gherreri. Fit cojuadu cun Cleopatra.
25 Atalanta [...]: Gherrera de Calidone ch’apesit in prémiu da-e
Meleagru sa conca de unu sirvone ispropositadu, chi issa e tottu aiat
ferizadu pro prima, e ch’istesit cajone de sa gherra inter sos Etoleos
e sos Curetes.
26 Altea [...]: Mama de Meleagru e de Tideu, muzere d’Eneu, re de
Calidone.
27 Cleopatra [...]: Fiza de Marpessa Evenina e de Ide. Muzere de
Meleagru. Fit puru giamada “Alcione”, pro ammentu ‘e sos tristos
pibios d’amore de sa mama, innamorada de su forte Ide, addaghi
Febo la teniat presonera, séndesi galu su deus innamoradu de issa.
28 Marpessa s’Evenina [...]: Fiza de Evenu, isposa de Ide e mama de
Cleopatra, sa muzere de Meleagru.
29 Ide [...]: Ómine fortzudu e valorosu, maridu de Marpessa
Evenina, babbu de Cleopatra, sa muzere de Meleagru.
30 Alcione [...]: Àteru nòmene de Cleopatra, sa muzere de
Meleagru.
31 Pleurone [...]: O Pleuro.Tzittade de s’Etòlia, pàtria de sos Curetes.
32 Diomedea [...]: Fiza de Forbante de Lesbo, isclava de Achille.
33 Ifi [...]: Isclava de Pàtroclo. L’apesit in regalu da-e Achille sa die
chi conchistesin s’ìsula de Schiro, posta a nord-est de s’Eubea, cumbattende
contr’a tales Enieu, non mezus connottu.
318

ILIADE
CÀNTIGU DÉCIMU
DIOMEDE E ULISSE ISPLORADORES
Sos caddos de Reso

Càntigu X
SUMMÀRIU
Sos Atrides non lean sonnu Ottavas 1-12
Agamènnone tuccat da-e Nèstore 13-25
Diomede si nd’ischidat 26-30
Da-e sos custòdios 31-32
Sos cabos si reùnini 33-36
S’offerta de Diomede 37-42
Diomede e Ulisse isploradores 43-50
Dolone, ispia troiana 51-57
Diomede e Ulisse a sa lerta 58-64
Dolone benit leadu 65-67
Sas informasciones de Dolone 68-77
Sa morte de Dolone 78-81
In su campu tracianu 82-86
Sos caddos de Reso 87-94
Sa recuida de sos Eroes 95-103
320

Diomede e Ulisse isploradores
1 A fiancu a sas naves reposende
fin sos gherreris d’Argo in ausentu,
ma chena pasu in su lettu ‘oltulende
s’istaiat s’Atride in pensamentu:
de patire a puddiles fit timende
de sos cumpanzos gregos s’iscarmentu
e de cantos a Tròia fin bennídos
pro li difender s’onore, atzuridos!
2 E l’andaiat su coro a toccheddu
che tronu tirriende atterradore
de ràndine e de nie carradore,
d’istròscias cun su chelu ‘e tintieddu!
Approbe a li tzoccare su cherveddu
fit pustis su malésigu rumore
chi sos d’Ettòrre a s’introna-introna
faghian, che festende, canta e sona!
3 Su lugore ‘e sos chentu fogarones
che lu giughiat pustis a pensare
a infernales pìghidas ‘ijones,
a mostres chi nd’ ‘essian da-e mare
cun sas dentes che-i sos ispidones!
Tando sa ‘oza de si nd’istratzare
sos pilos da-e conca li ‘eniat,
ne médiu ‘e los bardiare agattaiat.
4 Si nd’istrampesit gai da-e lettu
e d’andare prus sàbiu valutesit
a pedire cunsizos de profettu
da’ su mere de Pilo. Si ‘estesit
sa tùniga, sas bottes, si ‘ettesit
unu corzu ‘e leone cun apprettu
subra sas palas e a lantza in manu
da’ s’amigu tucchesit prus antzianu.
321
Sos Atrides
non lean
sonnu

Càntigu X
5 Chena pasu, in sa matessi ‘errina,
be-i fit galu Menelau frade.
Timinde de sos Gregos sa ruina,
prus ancora ‘e s’umana piedade
de chie a li difender sa femìna
fit lómpidu a s’ilìaca tzittade,
sa neghe li brujait in su coro
de impignare su destinu insoro.
6 Non resessinde gal’isse a drommire
si nde pesesit, s’ ‘ettesit in palas
una pedde ‘e leopardu e a ch’ ‘essire
istesit lestru, che cando sas alas
aeret gittu in pês o persighire
s’esseret bidu da’ avrinas malas.
Da’ prim’Atride tucchesit currende
e l’agattesit chi che fit bessende!
7 Li nêsit tando: –O frade, ello comente
in pês ses a cust’ora e ben’armadu?
Ite ses meledende? Forsi in mente
de ch’imbiare as calchi soldadu
da’ Èttore, pro ch’ ‘enzat iscobiadu
su ch’est ordivinzende cussa zente?
Su pensu no est malu; ma s’impresa
est pro eroes de rara mannesa!
8 E torréndeli muttu prim’Atreu:
–O Menelau, de bonos cunsizos
bisonzu nd’amos tottu arreu-arreu
e grae est s’ora, ràida ‘e fastizos!
A s’ala avversa bónignu ch’at Zeu
da’ oras medas boltadu sos chizos
e chi siat comente so narende
lu proat su ch’est Èttore fattende.
322

Diomede e Ulisse isploradores
9 Bidu no apo e ne intesu mai
chi apat un’eroe, su prus mannu,
fattu in una die tantu dannu,
tantos gherreris postu in arguai!
E chie su cannau de s’affannu
istrintu a tuju nos at che simmai
nemmancu est fizu 1 d’unu deu o dea!
Ma già nos l’at sestada sa trobea!
10 Bae tue però da’ Telamone
e da’ Idomeneu, frade caru,
e mi los giama. Deo s’intentzione
a Nèstore rifero e giaru-giaru
li pedo de cumbincher chen’imbaru
a Trasimede e a Merione
pro chi l’arrischen issos cuss’impresa;
issos ch’an de sas naves sa difesa.–
11 Ma Menelau: –Nara prima a mie
si devo lestru persegus torrare
o abbarrare cun issos inie.–
«Mezus –li rispondesit– a restare,
a lomper bi pens’ ‘eo da’ a tie.
E, si abbojas zente, a l’animare
pensa cun cara ‘ona e cunfidèntzia
dali e manna, ‘anténdelis s’erèntzia!
12 Non neghes su saludu, onora a tottu,
superbu non ti mustres cun niunu,
ca pro nd’ ‘essire da’ tant’abbolottu
nos abbisonzat s’aggiudu ‘e donzunu.
Adducas bae... curre! Custas sunu
(e tue che a mie nd’as s’annotu)
sas pesudas cadenas chi trazare
devet chie est giamadu a guvernare!»
323

Agamènnone
tuccat da-e
Nèstore
Càntigu X
13 Tucchesit s’Ispartanu e, chen’isettu,
gal’Atride a sa tenda ‘e re Nestòre.
Corcadu l’agattesit in su lettu
cun sas armas a fiancu de valore:
s’elmu coudu ‘e raru lutzigore,
sas lantzas, sa coratza e, derettu,
arrumbadu a sa càscia, maestosu,
s’iscudu istoriadu e valorosu!
14 A su suguzu ‘e s’upa appresentada
abboghinesit Pilo che timende:
–E tue chie ses ch’istas girende
peri su campu a ora feriada?
Calchi acchetta t’an forsi furada
o amigu o parente ses chirchende?
T’at gittu cal’affogu a domo anzena?
Faedda e no avantzes manc’appena!–
15 E su re de sos res: –Bonu Nelide,
de sos Gregos onore e bantu mannu,
adducas non connosches a s’Atride,
su re malassortadu, ch’in affannu
campat e si mattanat, ca Cronide
(e no est, a lu narrer, da’ un’annu!)
abbilandradu che unu ‘itellu
lu tenet, prontu a gigher a masellu!
16 S’ando e torro in pidinu a cust’ora
e ca non ruet sonnu in ojos mios
e ca timende ‘e non nd’ ‘essire ‘ios
so deo a s’accherada ‘e s’Aurora.
Da-e sa càscia a toccos, a pibios,
paret su coro mi nde brinchet fora
e-i sos melmos, a su pensamentu,
mi trémulan che canna in die d’ ‘entu!
324

Diomede e Ulisse isploradores
17 E sicomente in sa matessi lua
che a mie ‘alu tue t’arrempellas,
lassa su lettu, o Nèstore, e m’aggiua
a controllare de sas sentinellas
su trabàgliu, pro ch’Èttore a s’accua
a lughe ‘e fogarones o d’istellas
non tentet istanotte calch’impresa
e nos agattet chena una difesa!–
18 E Gereneu: –O gloriosu Mere,
accomi in pê! Però chi Zeus santu
l’accanset donzi gana a piaghere
non crêo a su ‘e Tròia mezus bantu!
Antzis presumo ch’oras de piantu
at a connoscher, cando a su dovere
at a torrare Achille Mirmidone,
ca torrat prima o poi a Ilione!
19 Chi mi ‘esta aisetta, o prim’Atreu,
un’iscutta ebbia e ambos pare
tuccamos su custou a controllare.
A Tidide, a Megete 2 , a Odisseu
diamos poder finas ischidare,
a Telamone e a Idomeneu.
Ma custos duos che sun troppu attesu
pro chi b’and’ ‘eo, nos siat intesu!
20 A frade tou, ma non ti nd’offendas,
de li fagher però apo un’atzottu,
ca si nde leat pagas de fatzendas
mentres tue ses sempre che furriottu
a s’anda e torra! Isse primm’ ‘e tottu
currer aiat dévidu a sas tendas
de sos cumpanzos pedinde cunsizos!
Ma su sonnu li pesat subra chizos!–
325

Càntigu X
21 «No est comente pensas custa ia!
–li nêsit chen’imbaru Agamennòne–
Si t’apo àteras boltas cun rejone
pedidu ‘e l’ispronare, ca l’ ‘idia
isganidu gherrende in su muntone,
lómpidu est oe a sa tenda mia
s’Atride primm’ ‘e s’ora a mi chircare
non podinde in su lettu reposare.
22 E deo, pro chi l’iscas, l’imbiesi
a nd’ischidare sos ch’as fentomadu
e s’avvertèntzia in pius li desi
chi s’esseret cun issos imbaradu.
Càbula, adducas, e cun coidadu!»
E Nèstore: –Perdona su chi nêsi!
Niune ‘e nois a segund’Atreu
podet fagher manzanu calch’affeu!–
23 Nênde gai, sa tùniga s’ ‘estesit,
sos caltzares de pedde, su manteddu
forradu ‘e lana bécchina, nieddu,
d’una lantza de brunzu si frunesit
e cun su coro isse puru a toccheddu
infattu a su re sou s’avviesit.
A sa tenda a innante che tucchesin
de Ulisse e luego b’arrivesin.
24 Bettesin boghe, e da-e intro cuddu
lis nêsit, connoschèndelos, detzisu:
–Avantzade! E prîte cust’avvisu
mi lu ‘attides a oras de puddu?
Cal’est chi bos mattanat malu suddu?–
E Nèstore: –Su dulche caru ‘isu
chi amos pro noe annos carignadu
forsi, o Ulisse, si ch’est barigadu!
326

Diomede e Ulisse isploradores
25 Ti nde pesa, c’amos intentzione
galu una ‘olta de nos reunire
pr’ ‘ider si prus cumbenit a fuire
o a s’ira ‘e risponder d’Ilione!–
Non bistentesit Ulisse a s’ ‘estire
e cun Nelide e cun Agamennòne
a s’avviare, istringhende s’iscudu,
a nd’ischidare a Diomede atzudu.
26 A foras de sa tenda isterrijadu
l’agattesin s’eroe geniale
subr’unu corzu de ‘oe arestadu
cun una manta posta a cabidale,
da’ sos cumpagnos ben’inghiriadu.
Tott’in tundu, felchidas a puntale
a terra, be-i fin sas lantzas mannas
chi bantzigait su ‘entu che cannas.
27 Si l’accurtziesit Nèstore a s’istante,
l’ispuntzonesit cun su pê appenas,
e l’abbeffesit nêndeli: –Zigante,
sighi a drommire chi ti che serenas!
Mancu sa ciarra festosa e bundante
intendes d’Ilione! E non t’appenas
in s’ischire a Ettòrre resolutu
manzanu de nos ponner in corruttu!–
28 Che àscia ‘e raju si pesesit reu
da-e su corcadorzu su Tidide
nênde ispantadu: –Tremendu, o Nelide,
ses tue de abberu! A calch’acheu
prus gióvanu ‘e a tie, a parrer meu,
cumandare aiat dévidu s’Atride
de nd’ischidare a prìntzipes e rese!
Ma tue non t’istraccas, ne t’arres(e)!–
327
Diomede si
nd’ischidat

Da-e sos
custòdios
Càntigu X
29 E sa de Pilo nóbile fortesa:
–Fizos nde tenzo e ubbidientes
e galu amigos chi mi sun cunsentes
in cale siat disizu o pretesa.
Prus mi pesat però de sa ‘etzesa
sa sorte de sos gregos cumbattentes,
ca in s’atta currinde in cancalleu
d’una resorza semus, o Tideu!
30 A s’arborinu che tentassione
ti l’isetta a s’Eroe troianu!
E nois, prima ch’avrescat manzanu,
devimos esser in posissione!
Ma bae e nd’ischida a Telamone
e a Megete, giaghi ses giovànu!–
Si ‘estesit Tidide, che tucchesit
e cun ambos eroes nde torresit.
31 Da-e sos custòdios, apprettados,
andesin pustis pro los controllare
e b’agattesin cabos e soldados
a s’anda e torra isperiende umpare,
che canes chi dên s’ ‘ama vigilare
in notte fusca e s’istan allertados,
ca in donzi ischimuzu, onzi chizone,
lis paret d’ ‘ider s’umbra ‘e su leone!
32 Lis nêsit tando Nèstore cuntentu:
–Finas a ponner grina, caros fizos,
gai sighide a oju lìmpiu, attentu,
ne bos falet su sonnu subra chizos,
pro ch’Èttore nottesta a giompimentu
non tentet marranias e disizos
chi crobat da’ noe annos de conclùere!
In ingannias non podimos rúere!–
328

Diomede e Ulisse isploradores
33 Nênde gai, tucchesit su ‘etzittu
e fattu sou sos àteros puru.
Su fossu iscumpassesin, ch’a su muru
aian iscavadu a contrappittu
e chi render deviat prus seguru
pro naves e gherreris cussu situ,
e de si reunire in unu trettu
si lêsin pensamentu cun apprettu.
34 In un’arzola ‘e si sêre, abbandada,
detzidesin sos d’Argo chen’ ‘istentu,
attesu da’ s’orrìbile iscarmentu
de tanta zente morta, bisestrada,
tèttera e biaitta, abbandonada
chena brujare e chen’interramentu!
E Gereneu: –M’iscultade, o frades,
pro s’ora grae it’est chi cunsizades?
35 Su chi pens’ ‘eo a bos riferire
comintzo intantu; bois detzidide!
Un’eroe ispero d’atza e fide
l’amos in Argo, dispostu a ch’ ‘essire
a s’ala ‘e sos Troianos, pro ischire
innant’ ‘e s’ora contras a s’Atride
ite sun sos de Prìamu ordinzende
pro s’avreschida chi est arborende!
36 Fama eterna si diat balanzare
chie s’impresa ‘atterat a concluos
e sa reconnoschèntzia meritare
de res, soldados e cumpanzos suos!
Cun un’ ‘arveghe lu dêt pretziare
donzunu ‘e nois pro cussos attuos,
niedda chi siat e cun su fiadu
e posc’a donzi festa cumbidadu!–
329
Sos cabos
si reùnini

S’offerta
de Diomede
Càntigu X
37 Si cagliesin tottu in su l’intender,
foras de sa pianta de Tideu
chi li nêsit detzisu: –O Gereneu,
accomi prontu! Pro bi los cumprender
però sos pianos a su dardaneu
e mezus resessire, ‘e ti pretender
dia aer una cosa, una ebbia:
chi mi fattat calcunu cumpagnia!
38 Su d’aer a costazu in un’impresa
tant’attrivida un’amigu fidadu
pius atza ti dat e seguresa,
ca t’intendes comente affianzadu.
Un’est pro s’àteru isprone e difesa,
donz’arriscu ‘enit mezus calculadu.
Sende solu, mancari valorosu,
restat s’ómine sempre dubbidosu!–
39 Nêsit Tidide; e, peséndesi ‘erettu,
si dichiaresit prontu Telamone
e fattu-fattu Ulisse, Merione,
Menelau, Oileu e, cun apprettu,
de Nèstore su gióvanu leone,
Trasimede, oji-lìmpiu e cori-nettu!
In s’ ‘ider in sos Gregos tanta fide
rispondesit gosende prim’Atride:
40 –O de Tideu nóbile rebuddu,
caru a su coro, d’aer s’affianzu
in cuss’arriscu no istes in suddu!
Ti lu sèbera tue su cumpanzu,
su ch’aggradessis! Siat custu o cuddu
pagu importat, ca non bi b’at mettanzu!
A s’erèntzia non mires, ne a gradu;
ma sias, seberende, ‘en’assortadu!–
330

Diomede e Ulisse isploradores
41 Agabbesit de narrer; ma timende
fit chi leadu s’esserat su frade.
E lestru Diomede rispondende:
–Addaghi ap’ ‘eo tale facultade,
cherz’a Ulisse. Lu so seberende
ca est caru a Minerva, l’ammentade!
e ca porrinde cunsizos est tale
chi ómine non b’at prus geniale!–
42 E Odisseu: –Làssalos sos bantos,
forte Tidide, ca nos connoschimos
assumancus tra nois tottucantos!
Mezus cosa est invece si partimos,
ca, si nos bistentamos, los bidimos
chena lomper a nudda sos ispantos
d’Eos dechida in chelu apparessire,
giagh’est sa notte approbe a finire!–
43 Fattesin gai. Ma primm’ ‘e tuccare,
sende chena sas armas, a Tideu
un’iscudu porresit Nestoreu,
s’ispada a duas attas e umpare
un’elmu bàsciu ch’in limbazu acheu
“cataitìge” 3 lu solen giamare,
fattu de corzu ‘e trau, ‘ene contzadu,
chena pendulitzones, ne forradu.
44 Merione de Creta a s’Itacesu
unu turcassu invece cunsignesit,
un’arcu e un’ispada; in prus li desit
un’elmu ‘e pedde, ch’aiat in mesu
un’afforru ‘e ‘ambaghe, bene presu
cun cordiolas, e ch’ornadu istesit
a parte ‘e fora cun càndidas dentes
de porcrabos da’ manos sapientes!
331
Diomede
e Ulisse
isploradores

Càntigu X
45 (A sa frua d’Ormenu, Amintore, 4
l’aiat Autólicu 5 furadu
in Eleona 6 cuss’elmu ‘e valore
e a Anfidamante 7 regaladu
sende a Scàndia 8 , pro unu favore
chi b’aiat retzidu. Infinis dadu
a Molo 9 istesit, babbu ‘e Merione,
e gittu da’ su fizu a Ilione.)
46 A s’ala ‘e sos Troianos chen’ ‘istentu
s’incaminesin pustis e Atena,
pro lis crescher s’ardore in donzi ‘ena,
da-e destra una menga 10 in su momentu
lis mandesit, che mùida de ‘entu,
ch’ambos duos bidesin sol’appena
passàrelis innanti ticchirriende.
Nêsit tando Odisseu che preghende:
47 –O lizu ‘e su Cronide, ojiasulina,
fittiana bonigna amparadora,
subra nostru mantene sa divina
dulche tua mirada galu in s’ora!
De recuire a custa marina
gàrrigos accànsanos, Segnora,
de glòria e cun sas novas chi bramamos!
Ghìanos tue! In tegus cunfidamos!–
48 E fattu sou su fizu ‘e Tideu:
–Isculta puru a mie, o Tritonea,
e m’aggiua, che cando in Cadmea 11
dadu as su favore a babbu meu.
A ponner paghes l’aiat s’Acheu
a sa ‘idda imbiadu de Tebea.
E cando, recuinde, l’an tentadu
contr’a chimbanta l’as tue aggiuadu!
332

Diomede e Ulisse isploradores
49 Tottu los settesciesit sos marranos,
foras Meone, prîte unu signale
retzidu aiat da’ calchi Immortale!
Com’a su fizu, contr’a sos Troianos,
dali, o Reina, fortza parinale
e ti promitto chi cun custas manos
t’apo una tràila a sacrificare
corri-dorada e chena domare!–
50 Las iscultesit sas invocasciones
da-e s’Olimpu s’ojigiara Atena
e Ulisse e Tidide a s’ala anzena
si ch’avviesin che duos leones
in cussa notte longa, appena-appena
ilgiarida da’ sos fogarones,
tra mortos (ohi cantos!) bisestrados,
sàmbene pistu, arminzos furriados!
51 Èttore puru in s’ora reunidos
sos prìntzipes aiat dardaneos
e-i sos cumandantes atzuridos
e lis fit nênde: –Da-e sos Acheos
chie ‘e ‘ois, cumpagnos attrividos,
est dispostu pro bonos ingranzeos
a ch’ ‘essire nottesta che matzone
pro connoscher s’insoro intentzione?
52 Allertados accurtz’a sos navizos
si nd’istan issos pro los costoire?
O meledende sun forsi ‘e fuire
bidìndesi sa morte subra chizos?
M’intendide! A chie contivizos
si leat custas dudas d’ilgiarire
su mezus carru li dao a primore
de sos Gregos cun caddos de valore!–
333
Dolone,
ispia troiana

Càntigu X
53 Non ruesit niune in tentassione,
troppu grae s’arriscu reputende!
Ma be-i fit tra issos, iscultende,
un’ómine ch’aiat a muntone
oro e brunzu, a nòmene Dolone 12 ,
feu de cara ma bonu currende,
d’Eumede su fizu, e màsciu solu,
de chimbe sorres s’ùnicu consolu.
54 Si tucchesit innante e: –Priamide,
–nêsit– b’and’ ‘eo, si restas cuntentu,
a iscobiare it’est pensende Atride!
Tue cunfirma cun su giuramentu
chi su carru mi das de su Pelide
e-i sos caddos de raru talentu
si sas novas ti nd’ ‘atto e s’amos sorte
a sos Danaos de dare sa morte!
55 Forte est s’ànimu meu e disizosu
sa gherra d’agabbare cras manzanu
e de ‘ider s’esércitu troianu
de s’inimigu sou ‘ittoriosu.
Fintz’a sa nave ‘e lomper meledosu
d’Agamènnone ispero e su pianu,
ca dên esser incue, ‘e resessire
a li cumprender pro lu riferire!–
56 Manc’aiat cumpridu ‘e faeddare
chi nêsit su Troianu cumandante
altu s’iscettru pensende d’altzare:
–Mere ‘e s’Olimpu, o Zeus tronante,
in cara a tie accomi a cunfirmare
ch’a niune su carru saettante
ap’a dare e sos caddos de Pelide
si no a isse! Ti lu giuro, in fide!–
334

Diomede e Ulisse isploradores
57 In debadas giuresit, ca s’iscuru
connòschere deviat oras malas.
Ma bastesit; si ch’ ‘essesit seguru
che cando aeret in sos pês sas alas
cun s’arcu in manu, un’elmu ‘e tanaemuru
e una pedde ‘e lupu subra palas!
Ne in mente l’ ‘enzesit in caminu
su chi li fit sestende su destinu!
58 S’ischimuzu ‘e sos passos intendesit
infattis Odisseu e, pispisende:
–Arre’, o Diomede, –li naresit–
ca calicunu dêt esser benzende!
Che a nois Ettòrre la pensesit!
Bidimos s’est ispia ch’est tucchende
ispèria-ispèria finas a su portu
o s’est zente ispozende calchi mortu.
59 No avantzes, ch’est mezus, e ti cua!
Colare addaenanti lu lassamos,
degai ischimos s’intentzione sua
e, pustis, da-e palas lu leamos.
Si tenterat invece cun sa fua
sa vida ‘e s’ ‘ardiare, l’apprettamos
a s’ala de sas naves a fuire
e isse e tottu a si che trobeire!–
60 Nêsit Ulisse; e da-e s’ ‘utturinu
ambos si ch’appartesin chen’isettu
che terpes istrisciende in su terrinu
de mortos covaccadu in dogni trettu.
Accollu pustis pagu su mischinu
passàrelis accurtzu cun apprettu
chena pensare a malu e resinnadu
su pannu a s’ ‘alanzare disizadu.
335
Diomede
e Ulisse a sa
lerta

Càntigu X
61 Che lu lassesin passare a innante
su trettu chi resessin duos mulos
(chi arende ‘alen prus de duos bulos)
d’ ‘arvattu a laurare, da’ s’istante
chi pàrtini cun fortza e bon’andante
fintz’a s’arrer a bémidas e sulos;
pustis detzisos li ponzesin fattu
de comente a sos sórighes un’ ‘attu!
62 Intendéndesi a palas s’istripittu,
de si frimmare pensesit Dolone,
crêìndelos cumpanzos a s’appittu
mandados da’ Ettòrre d’Ilione
pro riferire calch’istrussione!
Ma si l’est lestru su sàmbene frittu 13
addaghi, in sa giaria de sa luna,
bidesit sos ‘nimigos tott’in una!
63 Che fritza da-e s’arcu, assaltinadu,
ch’istuppesit innante in oriolu
e cuddos fattu sou, che a bolu,
a canes simizantes ch’an pesadu
a su fiaga-fiaga unu crabolu
o unu lèppere e in su cunzadu
a brincos lu persighin, abbaggiende,
de li felchire dentes disizende!
64 Ma cando fit approbe a ch’arrivire
fue-fue Dolone a sa marina,
pius vigore Minerva divina
desit a su Tidide in su currire,
timinde ch’in pettorra o in s’ischina
calch’acheu li potterat felchire
primm’ ‘e a isse unu traste mortale
e de sa proa ‘antàresi geniale!
336

Diomede e Ulisse isploradores
65 Gai, appenas a palas, li naresit:
–Mezus ti frimma, si no s’istrampada
faghes cue de s’ùltima accabbada!–
E, sicomente cuddu prosighesit,
s’aina sua ‘e ferru l’imbolesit
detzisu ma cun mèria calculada:
sa pala l’isfrijesit sa saetta
in su terrinu felchéndesi ‘eretta!
66 Si frimmesit Dolone cue affacca
carincheradu, a unu murrunzu,
tales che foza tremende in s’atunzu,
tzocca-tzocca sas dentes che matracca!
Lu tenzesin; e cun boghe fiacca:
–Non mi ‘occhedas! Cun oro e cun brunzu
–lis nêsit lestru– bos potto pagare,
bastat sa vida de mi nd’ ‘ardiare!
67 Si mi lassades biu e presoneri
ischerat babbu chi so de s’Acheu,
giuro chi bos pienat su fortzeri!–
E in risposta luego Odisseu:
–Non penses a sa morte, o dardaneu,
ma coràggiu ti faghe e volenteri
a sas preguntas mias torra ‘oghe.
Nâmi: ite faghes a cust’ora inoghe?
68 Ses a sa sola o tenes cumpagnia?
Ispozare cherias calchi mortu
o t’at mandadu finas a su portu
Ettòrre troianu che ispia?–
E Dolone cun boghe d’iscunfortu,
benuji-modde: –Pro digràscia mia
su sinnu m’at su fizu de Priàmu
leadu insara e postu malu camu!
337
Dolone
benit leadu
Sas informasciones
de
Dolone

Càntigu X
69 Sos caddos bellos, su carru ‘e valore
de Achille at promissu de mi dare,
si, profettende de s’iscurigore,
essera resessidu a ch’arrivare
fintz’a sas naves, pro li relatare
si bos las costoides a primore
o s’invece, domados, meledende
non sezis de fuire che bolende!–
70 E su mere itacesu rie-rie:
–S’oju non t’at faddidu, foramale!
Sos caddos ch’at promissu ‘e dare a tie
non los domat però manu mortale,
ma solu Achille, chi d’un’Immortale,
si non l’ischis, est fizu! Ilgiari a mie
galu un’àtera cosa e chena trampu:
in cale puntu Ettòrre est de su campu?
71 Ue tenen sas armas remunidas?
Sos caddos ue sunu? Ue allogados
si sun sos cabos? Ue sos soldados?
Sas sentinellas cantas sunu ischìdas 14 ?
Cales sos pianos programmados
e sas inghènias, si nd’at cuddu ‘ordidas,
a sa ‘ittòria pro lomper manzanu?–
E torréndeli muttu su troianu:
72 –Ladina t’ap’a narrer donzi cosa!
S’istat Ettòrre cun sos Antzianos
attesu da’ sa ciarra, ue sa losa
b’est de Ilo 15 . Sos gherreris dardanos
biza-‘iza sun tottu, non lontanos
da-e sos fogos, a caldafriosa
pro sa de crasa detzisiva impresa
nottesta assegurende sa difesa!
338

Diomede e Ulisse isploradores
73 Sos alleados insoro drommende
sun tottu invece in logu seguru,
a s’impignu ‘e puddiles issos puru
a coro alluttu che tantos pensende.–
E s’ìtacu trasseri, interrumpende
su presoneri: –Accurtz’a su muru
sun forsi reposende? O aterue?
Si sun cun sos Troianos nâmi tue!–
74 «Galu cussu bos cherzo relatare!
–nêsit Dolone– Cários 16 e Peones,
Lelegeos, Pelàsgios, Caucones
s’isten dromminde in s’oru de su mare.
A s’ala ‘e Timbra 17 invece, sos Meones 18
cun Frìgios, Lìcios e Mìsios umpare.
Ello prîte bramades de l’ischire?
A inie pensades d’arrivire?
75 S’est deosie, dare unu cunsizu
bos cherzo pretziosu in su momentu:
leade a manu manca, e in su fizu
de re Eione, Reso 19 a nomen tentu,
chi tenet sos de Tràcia in contivizu,
ch’azis a lòmpere. S’accampamentu
tenen sos Tracianos abbandadu
e Reso da’ pag’ora est arrivadu.
76 Sos caddos suos raros apo ‘idu:
curren che bentu, biancos che nie!
E-i su carru, de oro frunidu
e de prata, est s’ispantu de chie
lu mirat! Chi che nd’apat deasie
in su mundu non crêo! Fit bestidu
Reso ‘e sas armas suas lutzighentes,
armas ch’an solu sos Onnipotentes!
339

Sa morte
de Dolone
Càntigu X
77 Galu fin cussas de prata e de oro,
ispantu ‘e sos ispantos, mi crêide!
Como a sas naves bostras bos imploro
cautivu in cadenas mi gighide
e pustis a sa proa mi ponide,
a bider si traittu custu coro
bos at e custa limba in sa relata
o si no est donzi risposta isatta!–
78 Lu miresit Tidide a oju-tortu
e li nêsit: –Da-e sas manos mias
in debadas isperas accunortu,
mancari istadu francu e giaru sias!
Prîte s’inoghe non ti lasso mortu
e biu ti mandera, tue dias
contr’a sos d’Argo, pro ti vindicare,
trassas noas e dannos ordinzare.–
79 Nênde gai, s’ispada isbainesit
e mentre cuddu s’arva, supplichende,
li fit imbenujadu carignende,
cun unu colpu fùrriu li mutzesit
sa conca da’ su tuju! Rodulesit
per terra sa cabitta, faeddende
ancora, ojimbidrada, in su piùere
s’ùltimu alenu finas a conclùere.
80 Nde li ‘oghesin s’elmu ‘e tanaemuru,
li lêsin s’arcu, sa lantza, s’ispada,
sa pedde ‘e lupu e cun tonu seguru
nêsit Ulisse: –O Minerva sobrada,
a tie est custa vida cunsacrada
e custos trastes! Aggiùanos puru
a sas tendas de Reso a ch’arrivire
e su ch’amos in brama de cumprire!–
340

Diomede e Ulisse isploradores
81 Pustis sos pignos de su poverittu
appicchesit s’eroe geniale
a sa chima de unu tamarittu,
ponindebe-i accurtzu unu signale
de cannas e de rattos, chi su situ,
s’esserat calchi cosa andada male
o a s’ora de dever recuire,
a lis mustrare deviat servire.
82 A s’ala ‘e sos Tracianos s’avviesin
tando Ulisse e Tidide resinnados
(sos mortos fin tottue ispramminados!)
e, cando pustis pagu b’arrivesin,
chi fin dromminde istraccos s’abbizesin
cun sos caddos affacca sos soldados.
Sas armas fin per terra ammuntonadas
in tres fileras, chene covaccadas.
83 In mesu a sos cumpagnos s’istaiat
Reso dromminde e-i sos caddos raros,
anchilongos, cun sos bentinnos giaros,
ligados a su carru los teniat
accurtz’a isse e che fizolos caros,
si mai solos si los lassaiat!
Lu connoschesit s’ìtacu Odisseu
e nêsit ammustréndelu a Tideu:
84 –Su cabu ‘e sos Tracianos mira igue!
Mi’ sa parìglia ‘e rara galania!
Rejone abberu teniat s’ispia:
non sun caddos chi s’ ‘iden in tottue!
Bae, adducas... isprèndelos tue...
ammùstrami si nd’as de valentia!
Si preferis b’and’ ‘eo a los leare...
tue intantu comintza a bisestrare!
341
In su campu
tracianu

Sos caddos
de Reso
Càntigu X
85 Non li torresit boghe e s’avventesit
subr’a sos inimigos, che leone
chi si ‘ettat in mesu a su masone
famidu a brincos mannos, e nd’ ‘occhesit
dóighi ‘e cuddos a unu muntone!
Luego Atena li s’accostazesit
e da’ segus Ulisse a trazadura
sos mortos ch’abbandesit che a fura!
86 Non devian sos corpos impidire
sa fua ‘e sa parìglia ‘oladora,
poi cumpridu su bisestru, in s’ora
ch’aèrene detzisu ‘e recuire!
A Reso, infinis, pottesit bocchire
su de Tideu, reposende ancora,
mentres in sonnu si fit lamentende,
che si l’esserat sa Morte giamende!
87 Tand’Odisseu chena bistentare
sos caddos isfunesit tracianos
galu ordinzende de che los truvare,
a colpos subr’ischina cun sas manos,
da’ su bisestru aizu lontanos!
Cun unu frùsciu pustis d’avvisare
pensesit a Tidide, pr’avvertire
chi lómpida fit s’ora de partire!
88 Ma fit s’amigu in s’ora meledende
de nd’arriscare un’àtera d’impresa:
de si furare sas armas pensende
fit o su carru de rara bellesa
e de comente fagher istudiende:
pius li cumbeniat in lestresa
su carru ‘e nde tirare da’ s’iscala
o a si giugher sas armas a pala?
342

Diomede e Ulisse isploradores
89 O pensu pius sàbiu e de profettu
fit su de nde ‘occhire àteros medas?
Ma mustréndesi Atena in cussu trettu:
–Bazi –li nêsit– e non bistentedas!
A boltas própriu ‘ois non siedas
custrintos a fuire cun apprettu
si detziderat calchi Soberanu
de nd’ischidare a Èttore troianu!–
90 Connoschende ‘e sa dea amparadora
sa ‘oghe santa, lassesit Tideu
donzi meledu e, chena perder ora,
da’ s’amigu tucchesit a boleu!
Sos caddos tando cun s’arcu Odisseu
subra palas colpesit lestru ancora
e a s’ala ‘e sas naves, annijende,
tucchesit sa parìglia che bolende!
91 Ma Febo, arcu de prata, ‘e sa faina,
chi ordinzadu in s’inimigu fronte
aiat contr’a Ilion s’Asulina,
s’abbizesit e, lassadu su monte
de s’eterna lugura, a Ippocoonte 20
nd’ischidesit, tocchéndeli s’ischina.
Su fradile de Reso disdicciadu
fit custu e cumandante rispettadu.
92 Da-e s’istoja si nd’adderettesit
che si l’aeren puntu su tracianu,
un’ùrulu ‘ettende disumanu
appena ‘e su bisestru s’abbizesit
e su nomen de Reso abboghinesit
che baddinosu invochéndelu invanu!
Si nd’ischidesin tottu a coro in bula
siccos restende, che puntos a sula!
343

Sa recuida
de sos Eroes
Càntigu X
93 Pustis, leados da-e tant’orrore,
sa notte assulchésini de gridos,
pranghende a Reso, a sos malancinidos
cumpagnos e sos caddos de valore!
Tidide intantu e s’ìtacu segnore
da-e Dolone che fin arrividos,
ca gigher si devian a su portu
sas armas e sos pignos de su mortu.
94 Da-e su caddu a si nde brincare
fattesit primu Diomede atzudu
e da’ su tamarittu a nd’ispiccare
cantu b’aiat cun bratzu fortzudu.
Desit tottu a Ulisse e a torrare
coittesit subr’a su dossu nudu
de s’acchetta, fuéndesi che lampu
cun su cumpanzu a su danau campu.
95 S’istróttidu ‘e sos caddos Gereneu
da-e tesu intendesit avantzende
e cun suddu e ispera: –O Prim’Atreu,
–nêsit– cumpanzos, zente est accudende!
Chi sian issos, Tidide... Odisseu?
Ma podet esser mi sia faddende!
Zeus babbu, o Minerva sorre e mama,
chi siat de comente amos in brama!
96 E s’esseran invece, ohi destinu,
sos ‘nimigos mortales d’Ilione,
chi faghinde a manera ‘e su matzone
nos assàltian primm’ ‘e s’arborinu?
E s’est, pro lis risponder a puntinu,
cale leamos –nâde– detzisione?–
Non pottesit s’arréjonu cumprire
ch’ ‘idesit sos cumpagnos arrivire.
344

Diomede e Ulisse isploradores
97 Sas manos lis tzocchesin sos Acheos
boghinende da’ sa cuntentesa
los inghiriesin cun lestresa
pedinde novas de sos Dardaneos.
E su mere de Pilo: –Frades meos,
a bonu l’azis gitta cuss’impresa?
Gai nos paret, s’est chi recuidos
sezis a caddu e a pê ‘essidos!
98 Nâmi, Odisseu, nâmi: sos fiados
ambos duos d’ ‘entinnu lutzighente
a chie azis leadu? E comente?
A sos de Troe los azis furados?
O forsi est Zeus chi bos los at dados?
O Atena –nar’ ‘eo– onnipotente
ch’in tottue bos sighit che a fizos
e bos amparat da-e sos fastizos?–
99 E Ulisse: –O Nèstore Nelide,
glòria ‘e sos Gregos, sabiesa e bantu,
fintzas acchettas de prus mannu ispantu
nos diat poder dare su Cronide
o calchi deus de s’Olimpu santu,
ca già lu poden! Mortu l’at Tidide
su mere ‘e custos invece pag’ora,
mentres s’iscuru fit dromminde ancora!
100 Dados semus a su tracianu campu,
inue, in prus de cuddu disdicciadu,
chi si narait Reso, bisestradu
galu dóighi nd’at che unu lampu
Diomede atzuridu! E ne iscampu
at àpidu un’ispia ch’imbiadu
Èttore aiat a sa parte achea,
s’est chi sa conca b’at lassadu intrea!–
345

Càntigu X
101 Nêsit; e sa parìglia coittende
a sa tenda ‘e s’amigu che truvesit
(e sos Acheos fattu giuilende!).
A sa mandigadorza la lighesit
cun sos àteros caddos, chi tattende
si fin de dulch’avena! Che tucchesit
posc’a sa nave sua cun Tidide
pr’onorare sa fiza ‘e su Cronide.
102 In sa puppa sas armas de Dolone
collochesin innante; poi in mare
suore e piuer de s’innettiare
pensesin da-e totta sa persone.
S’ispozésini, lêsin su sabone
e si ch’ ‘ettesin ambos duos pare,
gosende ‘e s’abba frisca ‘e s’arborinu
e d’una fitta ‘e luna a su declinu!
103 In una baltza, appena samunados,
de abba dulche e netta si ch’ ‘ettesin,
chi be-i fit affacca, e si nd’ ‘oghesin
su sale de sas undas. Asciuttados
pustis e untos e bene frigados
cun s’ozu ermanu, si ‘estesin
e de Minerva, a càlighe in manu,
su nomen pretziesin soberanu.
346

NOTAS DE SU CÀNTIGU DÉCIMU
Diomede e Ulisse isploradores
1 nemmancu est fizu [...]: Èttore non fit infattis de erèntzia divina,
che-i sos Atrides, ma fizu de Príamu e de Écuba.
2 Megete [...]: Fizu de Fileu e cumandante de sos Epeos.
3 cataitìge [...]: Sa paràula, briva de etimologia, paret chi cherfat
nárrere “elmu bàsciu”.
4 Amíntore [...]: Fizu de Ormenu, babbu de Fenice.
5 Autólicu [...]: Fizu de Ermea e donnumannu de Ulisse. Fit unu
de sos ladros pius fentomados de s’antigòria grega.
6 Eleona [...]: Tzittade de sa Beòtzia.
7 Anfidamante [...]: Est nòmene mentovadu inoghe ebbia.
8 Scàndia [...]: Portu de s’ìsula de Citera (=Cérigo).
9 Molo [...]: Su babbu de Merione; fit de Creta.
10 menga [...]: Sa paràula est campidanesa; in logudoresu si narat
“perdezoronadas” e, in italianu, “airone”.
11 che cando in Cadmea [...]: S’impresa de Tideu, babbu de
Diomede, l’ amos contada in su Càntigu IV -Ottavas 57-61.
12 Dolone. ..: Fizu de Eumede e ispia troiana, morta da-e Diomede.
13 frittu [...]: Isfrittadu
14 ischìdas [...]: Ischidadas.
15 Ilo [...]: Fizu de Troe (o Troo), babbu de Laomedonte. Fundesit
a Ilione (o Tròia).
16 Càrios, Peones, Lelegeos, Pelàsgios, Caucones [...]: Populassiones
e esércitos alleados de sos troianos.
17 Timbra [...]: Tzittade collocada accurtzu a su riu Tìmbriu, a
nord de Tròia.
18 Meones, Frìgios, Lìcios, Mìsios. ..: Àteros alleados de sos
Troianos.
19 Reso [...]: Fizu de Eione, re de sa Trácia. Lu ‘occhesit Diomede,
sende drommidu. Segundu una paristòria antiga, da-e sos maravizosos
caddos suos dipendiat sa sorte de Ilione: si aeren sos fiados
pasculadu in su paris de Tròia o buffadu s’abba de su riu Xantu (o
Scamandru), sa ‘idda non fit mai rutta in manos inimigas.
20 Ippocoonte [...]: Prìntzipe de sos Tracianos e valorosu fradile de
Reso.
347

ILIADE
CÀNTIGU UNDIGHÉSIMU
SAS IMPRESAS DE AGAMÈNNONE
Diomede feridu dae Paris

Càntigu XI
SUMMÀRIU
S’ùrulu de su Chertu Ottavas 1-4
S’armadura de Agamènnone 5-10
S’attaccu 11-17
Sas impresas de Agamènnone 18-34
Zeus ispronat a Èttore 35-40
Àteras impresas de Agamènnone 41-46
Agamènnone feridu da-e Coone 47-53
Sas impresas de Èttore 54-58
Ulisse e Diomede a s’attaccu 59-69
Diomede feridu da-e Paris 70-76
Ulisse inghiriadu 77-80
Ulisse e Socu 81-87
Menelau e Telamone aggiùana a Ulisse 88-95
Paris ferit a Macaone 96-98
Àteras valentias de Èttore 99-103
Telamone si retirat 104-108
Paris ferit a Eurìpilo 109-112
Pàtroclo e Achille 113-116
In sa tenda de Nèstore 117-122
Pàtroclo e Nèstore 123-128
Su contadu de Nèstore 129-151
Sa proposta de Nèstore 152-154
Pàtroclo e Euripìlo 155-163
350

Sas impresas de Agamènnone
1 Appenas da’ su lettu de Titone
si nde pesesit Eos immortale
de lughe indeorende ogni chizone,
Zeus d’andare a su Chertu 1 ferale
cumandesit da’ re Agamennòne
in manos istringhende unu signale 2 .
Tucchesit cuddu e a s’accampamentu
desit d’Atride in unu momentu.
2 Pro un’iscutta ebbia isperiende
bola-’ola a rodeu si nd’istesit,
su situ prus addattu seberende
pro si calare. Infinis detzidesit
pro sa nave d’Ulisse, valutende
chi fit in mesu a tottas. Bi falesit
chen’imbaru perunu e che un’upa
si collochesit inter prua e puppa.
3 Un’ùrulu depustis tirriosu
a chentu tronos bettesit che pare
ch’in donzi pettus sa ‘oza ‘e gherrare
fattesit crescher che bonignu gosu,
paris cun su disizu de torrare
a domo cantu prestu ‘ittoriosu.
E atzudos a tales s’intendian
chi ne gherra e ne morte prus timian!
4 Da’ un’ala a s’àtera ‘e su portu
rodulesit su gridu disumanu:
da-e sa nave ‘e su re ispartanu
a sa d’Achille, chi pro cuddu tortu
da’ s’abbolottu s’istait lontanu.
Cun s’ispera de nd’aer accunortu,
de leare sas armas prim’Atreu
abboghinesit tando a donz’Acheu.
351
S’ùrulu
de su Chertu

Càntigu XI
5 Pustis in bisos de mezus destinos
s’armadura s’ ‘estesit portentosa,
totta de brunzu e giaos attarzinos,
cun sa coratza fine e valorosa
chi li desit su re de sos Ciprinos3 S’armadura
de Agamènnone
in s’ischire de sa gherra felosa
chi fit ammanizende in terra anzena
s’onore pro difèndere d’Elèna.
6 Cinira 3 cussu pignu de valore
in signale mandadu bi l’aiat
de amigàntzia, rispettu e onore:
deghe istrìscias d’ismaltu possediat,
dóighi d’oro ‘e raru lutzigore,
vinti d’istagnu, e galu giughiat
tres dragos biaittos disignados
che-i s’arcu de s’Iris collocados!
7 In pês sos burtzighinos si ponzesit
ben’istrintos cun tìbbias de prata
e-i s’ispada tagliente e cumpatta
cun doas d’oro lestru s’appicchesit
a su fiancu, de punta e de atta
detzisu a l’impittare. Pustis lêsit
s’iscudu a deghe listas costruidu,
de brunzu, che simmai si nd’at bidu.
8 Vinti puntzones d’istagnu in fatzada
teniat puru e tottu in simmetria
e un’àteru, a punta che ispada,
d’ismaltu biaittu in mesania.
Sa Gorgone in su mesu, ojos d’arpia,
si b’ ‘idiat felosa pinturada
cun sa Fua 4 a fiancu e s’Assucconu 4
chi la timian che lampu cun tronu.
352

Sas impresas de Agamènnone
9 Unu dragu a tres concas, a manera
chi ‘essian da’ su matessi tuju,
biaittu che chelu e oji-ruju,
s’ ‘idiat posca in una bandulera
de prata, in colore de sa chera,
chi li falait finas a benuju.
Òpera, finas cussa, da’ sas manos
bessida de valentes artesanos!
10 Pustis s’Atride in conca si ponzesit
s’elmu coudu de pilu caddinu
cun battor puntzones, che ispidinu
donzunu a punta; in ùltimu lêsit
duas lantzas de brunzu adamantinu
e a s’ala inimiga s’avviesit.
Si nd’allegresin Minerva e Giunone
cun tronos onorende a Agamennòne.
11 A s’iscuderi donzi cabu acheu
su carru nêsit tando d’approntare
a làccana a su fossu, pro ch’umpare
pottèrana contr’a su dardaneu
velotzes e cumpattos avantzare.
Fattesin gai; e da’ s’Olimpu Zeu
buttìos de lentore insambenados
fattesit ruer subr’a sos soldados!
12 Cun s’atzuridu insoro cumandante
s’istaian in s’ora sos Troianos,
issos puru cun sas armas in manos
e cun Enea, cun Polidamante 5
e cun sos Antenórides giovànos:
Agènore, Polibo e Acamante 6 .
De si ‘ettare isettende fin tottu
che leones in mesu a s’abbolottu.
353
S’attaccu

Càntigu XI
13 Èttore intantu a sos d’Ilione,
da-e un’ala a s’àtera currinde
a boghes e a tzinnos e fuinde
che a s’istella ‘e Sìrio in paragone,
sos cunsizos deghiles fit porrinde
pro su chertu de s’ora e-i s’isprone
cravéndelis in coro de s’onore,
che Ares fieru, ojos de mortore!
14 Che cando in una tanca ‘e zente ricca
s’ ‘iden sos messadores avantzare
sa falche rodiende che a repicca,
e, suerados, prendere e lassare
a mannujos s’ispiga brunda e sicca
a sos chi che los deven assedare,
a tales sos d’Atride Agamennòne
s’accurtziaian a sos d’Ilione.
15 E cando a cara a pare s’agattesin
che lupos de montagna tottucantos
chena duda peruna s’avventesin
cun paris atza, generende ispantos
de valentia! E gherresin, gherresin...
e su Chertu, benale de piantos,
godiat in los bider, su dannarzu,
ruer mortos che ràndine in frearzu!
16 A sa sola fit dadu a sa mattana,
giagh’aian sos Deos tottu in s’ora
preferidu a sa gherra disumana
sa paghe de s’olìmpica dimora.
Ambas laras degai a gana a gana
si linghiat su Malu a limba a fora,
ca su mere fit isse de sa morte...
e curriat su sàmbene, ahi sorte!
354

Sas impresas de Agamènnone
17 Ne dolu pro sos mortos e ne pena
proesit Zeus, sétzidu in disparte,
si los miresit cun ojada anzena!
Cantos ruesin... onorende s’arte
malaitta e felosa ‘e deus Marte
finas a s’ora chi pensat sa chena
su linnajolu de s’ammanizare,
istraccu àrvures mannas de nd’ ‘ettare!
18 Prim’istesit però su dardaneu
a patire ‘e sos Gregos su valore
pro méritu e pro ‘antu ‘e prim’Atreu
de tottu sos esércitos segnore.
Che un’ira innanti a Bienore 7
isterrijesit, posca a Oileu 8
chi da’ su carru si nde fit brincadu
bidinde su cumpagnu settesciadu.
19 Avantzende fit cuddu a lantza in punzu
cando, abbizendesinde, Agamennòne
l’avviesit sa sua e s’elmu ‘e brunzu
li trapassesit cun pretzisione.
Non li ‘essesit mancu unu murrunzu
ruinde a su gherreri d’Ilione,
ca su traste, cravadu in su cherveddu,
lu brivesit de s’ùltimu faeddu.
20 Sas armas nde lis lêsit impressadu
e mirende a innante, chen’ ‘istentu,
contr’a sos fizos che lupu inzerradu
s’ ‘oltesit de Priàmu in su momentu.
Unu fit burdu, Iso 9 lumenadu,
s’àteru Antifo 9 ‘e bonu naschimentu,
sos ch’in s’Ida annos prima fin bistados
da’ s’eroe ‘e Fitia catturados.
355
Sas
impresas de
Agamènnone

Càntigu XI
21 Los liberesit sa ‘olta Pelide,
unu bonu riscattu pretendende.
Como fit Iso a s’ala ‘e prim’Atride
a un’ ‘oleu su carru ghiende
cun su frade a costazu e cunfidende
in sas gràscias de Ares e Cronide!
Ma pro chie est naschìdu in mala luna
est chimera isperare in sa fortuna!
22 A s’accurtziada, infattis, in sa titta
si ch’agattesit Iso che isticcu
sa lantza ‘e Miceneu malaitta
rea felchida e-i su coro siccu!
Ne pottesit lograre ‘e sa vinditta
Antifo, s’est ch’Atreu tant’afficcu
colpéndelu a tutturros li muttesit
cun s’ispada e a terra nde l’ ‘ettesit!
23 E cando, lêndendelis s’armadura,
los miresit in cara Agamennòne,
s’ammentesit chi bidos in s’altura
los aiat de s’Ida e affriscione
finas proesit pro sa disaura
d’ambos sos giovaneddos d’Ilione.
Ma in gherra a esser corimodde
est che braja in fraile chena fodde!
24 Che cando una crabola ‘idet intrare
su leone in sa tana e sos fiados
chi si fit allevende divorare
e restat cun sos ojos allampiados
chena los poder pro nudda aggiuare
e fuit posca a làntzios apprettados,
gai in s’ora niune ‘e sos Troianos
bardiare nde pottesit sos giovànos.
356

Sas impresas de Agamènnone
25 Antzis, timinde ‘e non b’aer iscampu
mancu pro issos, lêsin a fuire
a s’insegus sos prus pro lu vittire,
che su tronu a s’appretta fatt’a lampu!
Chirchende fin in s’ora in cussu giampu
Ippòloco e Pisandru 10 ‘e costoire
su carru insoro, ca suberiados
sos caddos si lis fin e impinnados.
26 D’Antìmacu fin fizos Dardanide 11 ,
su chi sempre contràriu fit bessidu
a s’idea ‘e torrare a su maridu
Elèna ojos d’ammaju, ca Parìde
l’ aiat cun regalos preferidu.
Lis notesit s’affannu prim’Atride
e a s’ala furriesit che leone
d’ambos frades cun cara ‘e tentassione!
27 Bidindesilu innante sos giovànos
li nêsin supplichéndelu in apprettu:
–Non nos boccas, o Re, ch’a prenas manos
ingranzeos as aer de profettu,
bastat sos fizos chi li torres sanos,
da-e Antìmacu babbu! In difettu
no est isse de oro, brunzu e ferru,
ca, crêanos, già nd’at in bon’inserru!–
28 E detzisu in risposta prim’Atreu:
–Duncas sezis d’Antìmacu sos fizos!
De chie de ‘occhire a frade meu
a sos Dardanos daiat cunsizos
cand’ ‘enzesit umpare a Odisseu 12
pro vittire ‘e sa gherra sos fastizos!
Su male ch’invochesit pro a nois
aja’ chi como lu pagades bois!–
357

Càntigu XI
29 Nênde gai, sa lantza ch’imbolesit
contr’a Pisandru e su malassortadu
cun s’arminzu in pettora istrombuladu
nd’est da’ su carru. Depustis s’ ‘oltesit
a Ippoloco e nde li mutzesit
su tuju cun s’ispada e mutiladu
l’at galu d’ambos bratzos fatt’a pare
faghìndelu che bòccia rodulare!
30 Los lassesit per terra e, ira mala,
si ‘ettesit in mesu a s’abbolottu
cun sos Gregos chi l’ ‘enian a pala
sempre atzuridos, detzisos a tottu!
Currian sos Dardanos a fiottu
tra ùrulos e piuer a donz’ala...
e donz’intantu, a giàmidos de jana,
sa Morte s’intendiat risulana!
31 Che cando in unu buscu ‘essit su fogu
e pigan fintz’a chelu sas vampadas
da’ su ‘entu a favore alimentadas
e àrvures e majas de su logu
ruen alluttas che ismutzurradas,
tales de sos Troianos in affogu
sas cabittas s’ ‘idian rue-rue
e bóidos sos carros fue-fue!
32 Iscarmentu su die! Ohi dannu!
Solu unturzos e canes fin gosende
a limba infusta, che assaborende
buccones liccos meda, dolumannu!
(Èttore ebbia non bi fit fuende,
ca l’aorresit Zeus tant’affannu
istorréndelu a logu prus seguru
pro chi non bi resteret isse puru!)
358

Sas impresas de Agamènnone
33 Tales fit s’atza ‘e sos d’Argo, s’apprettu,
tales s’ira dannarza ‘e prim’Atride
chi che muscados in su paris nettu
fuian sos d’Ettòrre Priamide
mortos lassendebe-i in dogni trettu!
A sa losa de Ilo Dardanide
lompesin fintza e a su crabufigu
sutt’a sos muros d’Ilione, antigu!
34 Coltz’a chie a insegus restaiat...
ca da’ su carru re Agamennòne
unu ch’est unu non si nde faddiat!
E, currinde, ‘errinosu che leone
chi persighit sas tràilas pariat
ijantinadas, fuinde a muntone,
chi non s’arrêt e finas ch’in costazu
dentes at postu a s’ùltima ‘e su tazu!
35 Ma cando sos de Prìamu troianu
sa sorte insoro crêian cumprida,
tucchesit Zeus a sa chima ‘e s’Ida
cun s’orrorosa ‘értiga in sa manu
e, cunvocada a Iride dechida,
cust’avvisu li desit soberanu:
–Bae, –li nêsit– Iris pês de ‘entu,
pressosa da’ Ettòrre in su momentu!
36 Chi si nd’istet cunsìzali a un’ala,
sos d’Ilione ispronende ebbia,
fintzas chi d’Argo sa suprema ghia
bidet gherrende che un’ira mala.
Ch’intret invece in sa mortale gala
appenas cuddu da’ sa marrania
si retirat cun su bratzu feridu,
e chi si mustret che sempre atzuridu!–
359
Zeus
ispronat
a Èttore

Càntigu XI
37 Nêsit Cronide; e a li ponner mente
luego Iris donosa coittesit.
A Tròia da-e s’Ida che falesit
velotze che su lampu e prontamente
da-e su fizu ‘e Prìamu valente,
chi fit subra su carru, che tucchesit.
Si li ponzesit sa dea a costazu
e li naresit cun dulche limbazu:
38 –S’avvertèntzia isculta, Èttore mannu,
chi mi cumandat Zeus de ti dare:
si non cheres patire peus dannu
contr’a s’Atride non penses d’andare!
Sighi a sos tuos a los animare
e, daghi l’as a bider in affannu
cun su bratzu lantadu, in su muntone
ti lampa e los bisestra che leone!–
39 Isvanessida pustis in s’aera
s’est che néula a sole Pês de ‘entu
e da’ su carru Ettòrre in pensamentu
che brinchesit in mesu a s’ischiera,
lestru currinde e faghinde in manera
ch’in donzunu crescherat s’ardimentu
in su l’ ‘ider presente a lantza in manu
galu a fiancu ‘e s’esércitu troianu.
40 S’atzendesit degai e prus felosa
sa cuntierra pr’ ‘enner a concluos,
ma s’atza e su valore d’ambos duos
solu attattesin sa Morte orrorosa!
O Musa ‘e Logudoro gloriosa,
si non mi negas sos favores tuos,
cantare dia cherrer deo ancora
cantos s’Atride nd’ ‘occhesit in s’ora!
360

Sas impresas de Agamènnone
41 Su primu chi l’andesit a innante
su forte fizu istesit d’Antenore
tracianu, giamadu Ifidamante 13 ,
da-e Cisseu 14 allevadu a primore,
babbu ‘e sa mama, sa prella brillante
de Teano. In s’edade mazore
una fiza su nonnu in cojuàscia
l’aiat pustis dadu ‘e rara gràscia.
42 Ma de su coju non si fit gosadu,
ca, pro culpa ‘e sa gherra, a su dovere
cun dóighi navios fit tuccadu,
lassende intro ‘e domo sa muzere
in suddu e lagrimosa, chena mere.
In su portu de Pèrcote ancoradu
sas naves suas aiat, tucchende
a pê’ finas a Tròia ‘isa-‘isende!
43 Bidéndelu arrivire Agamennòne
sa lantza, appen’a tiru, l’imbolesit
faddinde custa ‘olta in pretzisione!
In sa chintorza ‘e prata li felchesit
in risposta s’eroe d’Ilione
sa sua invece e bi l’abbattighesit
cun canta fortza in corpus possediat,
addaghi trapassada non l’ aiat!
44 Ma s’arminzu (cando si narat sorte!)
si li trunchesit che prumu a s’apprettu,
ne pottesit contr’a Micene forte
che matzucca impittare e cun profettu
un’ ‘e sos duos cantos, ca sa morte
cun unu colpu d’ispada perfettu
primma Atride li desit, ira mala,
felchendebila inter tuju e pala!
361
Àteras impresas
de
Agamènnone

Agamènnone
feridu da-e
Coone
Càntigu XI
45 Ruesit su mischinu in su pianu
che foza groga in tempus d’atunzu
(isse chi fit ancora in su ‘eranu
de sa vida!), che in bisu su punzu
versus s’isposa allonghende invanu
drommendesiche in unu sonnu ‘e brunzu!
Cantu pagu si l’aiat godida
cun issa Ifidamante custa vida!
46 Chentu noeddos e mizas ancora
de crabas e d’ ‘arveghes de valore
l’ aiat dadu a Cisseu in s’ora
de coglire su déchidu fiore!
Ma subra nostru s’upa tentadora
non b’est forsi ‘e sa Morte in disamore?
Chentu s’ómine ‘e contos si nde faghet:
issa cuntzedit su chi li piaghet!
47 Li lêsit prim’Atride s’armamentu,
posca tucchesit detzisu a innante.
Ma l’ ‘idesit Coone 15 s’iscarmentu,
su frade mannu de Ifidamante,
e, chirchende vinditta, chen’ ‘istentu
sa lantza l’imbolesit saettante,
colpéndelu, passéndeli ‘e fiancu,
sutta su cùidu ‘e su bratzu mancu!
48 Un’attittia ‘e frittu s’intendesit
currer su Re in totta sa persone,
ma da’ su chertu non si retiresit;
antzis, a traste in punzu, Agamennòne,
in s’ ‘ider chi chirchende fit Coone
de si gigher su frade, si ‘oltesit
che lampu contr’a isse e inganidu
de li torrare su piattu retzidu.
362

Sas impresas de Agamènnone
49 E sicomente Coone, impressadu,
non valutesit s’opportunidade
de si tenner, trazendesi su frade,
cun s’iscudu su corpus covaccadu,
s’arminzu de sa grega majestade
si ch’agattesit in lumbos cravadu!
Subra su frade ruesit s’iscuru
mortu, a ojos foras, isse puru!
50 E no ancora de samben attattu
li mutzesit sa conca a su Dardanu,
frundendechela cun su pê’ lontanu
e godinde ‘e s’impresa suddisfattu!
Degai a s’Ade in unu manzanu
sos fizos s’avviesin fattu-fattu
d’Antènore, ambos duos de valore,
galu ‘e sa vida in su mezus fiore!
51 Finas a cando su bratzu feridu
non li desit mattanas dolorosas
sighesit Agamènnone atzuridu
impresas a bi fagher ispantosas!
Però cando sas dólimas penosas
l’ana s’atza e sos brios istasidu,
‘ettesit boghe a s’iscuderi sou
e a su carru pighesit de nou.
52 Ma naresit innanti a sos Acheos:
–Bois, cumpanzos, detzisos sighide
a tenner sos ‘nimigos dardaneos
da’ sas naves attesu! Apedas fide,
giagh’ancora in favore amos sos Deos!
E si negadu a mie at Cronide
d’assaborare intrea sa vittòria
bois la meresside tanta glòria!–
363

Sas impresas
de Èttore
Càntigu XI
53 Pustis de s’avvertèntzia, che bolende,
a s’ala de su portu s’avviesin
sos caddos bellos, altu suppesende
su piùere, e lestros b’arrivesin
in bucca e in pettorra isciumende.
In su lu ‘ider tucchende, restesin
cuntentos sos Troianos e, detzisu,
desit a tottu Ettòrre cust’avvisu:
54 –O Lìcios, o Dardanos, zente mia,
pius de sempre cheret chi mustredas
s’antiga e mai morta valentia
pro chi glòria e mentovu meressedas!
Retirada s’est sa potente ghia
de sos Danaos! Adducas siedas
como contr’a sos d’Argo isfidiados,
ca de los bider bramo isperdisciados!–
55 In su l’intender, sa brama e s’ardore
lis aundesit su coro e cun atza
contr’a sos Gregos sa dardana ratza
tirriosa s’avventesit a primore;
e decomente sos canes in catza
apprettat s’abbramidu catziadore
addaghi nd’an pesadu unu porcrabu,
a tales cun sos d’Ìlion su cabu!
56 Che cando un’improvvisu bulione
trabùliat s’istérrida ‘e su mare
altas sas undas faghinde pesare,
gai s’eroe mannu d’Ilione
intrende, che in s’ ‘ama unu leone,
fattesit a sos d’Argo ispramminare!
Ma cales fin sos d’Argo ch’a innante
cancheresit s’atzudu cumandante?
364

Sas impresas de Agamènnone
57 Ad Aseu 16 e a Oro disdicciados
bocchesit in comintzu Èttore forte,
pustis Opite e Dòlope isconcados
ruesin connoschinde mala morte,
e ne diversa istesit sa sorte
de sos ch’innante li sun capitados:
d’Esìnniu, –est a narrer– d’Ipponou,
d’Oféltiu, d’Agelau e d’Attonou 16 !
58 E non tzessesit cue s’abbaunzu
de samben e piuer fattu a ludu,
si paritzas ancora su fortzudu
nde mutzesit de concas, ch’a murrunzu
ruìana che fozas in s’atunzu!
E s’esércitu, a suore minudu,
s’ ‘idiat che sas nues bandiare
gittas da-e Zefìru e Noto umpare!
59 In affannu approbe a ch’arrivire
fin in s’ora a sas naves sos d’Atreu,
s’a Diomede s’ìtacu Odisseu
non narait chirchende ‘e l’atzurire:
–Duncas, o forte fizu de Tideu,
non podimos a Èttore impidire
chi nos che catzet finas a su portu!
Ahi sorte, si donz’afficcu est mortu!–
60 E Tidide in risposta cun fieresa:
–Deo non movo da’ inoghe, mai!
Ma de nd’ ‘essire da’ tant’arguai
non crêo, s’est chi s’olìmpica Altesa
contrària in tottu l’amos oramai!–
Nêsidi; e-i sa lantza cun lestresa
contr’a Timbreu 17 atzudu ch’imbolesit
e in sa titta bi che la cravesit!
365
Ulisse e
Diomede
a s’attaccu

Càntigu XI
61 A Molione 18 in s’ora, chi ghiende
fit su carru ‘e Timbreu disdicciadu,
settesciesit Ulisse, ijantinadu
in su lu ‘ider persegus fuende!
Los lassesin per terra iscalcanzende,
ne de los ispozare coidadu
si lêsin ambos duos cussa ia,
s’est chi bramain prus sa marrania!
62 Gai comente, cun sannas de fogu,
si ‘ettan murribàscios sos sirvones
contr’a trumas de canes, ch’in affogu
los an postos in pèlcias e majones,
e prus d’unu nd’isbentran a forrogu,
a tales ambos gregos campiones
cun s’atza de s’apprettu s’avventesin
contr’a cantos innante lis benzesin!
63 Gai ‘e sa vida seghesit su briu
a sos fizos de Mèrope Tidide,
Adrastu lumenados e Anfiu 19 .
A narrer, ch’invochéndesi a Cronide,
de si nd’istare in Pèrcote 20 a pibiu,
attesu da’ Ettòrre Priamide,
lis aiat su babbu dimandadu!
Ma contra chie podet a su Fadu?
64 A Ippòdamu 21 Ulisse fattu-fattu
e a Perocu 21 isterrijesit galu
e da’ sa chima ‘e s’Ida suddisfattu,
in s’ ‘ider patta su bisestru malu,
riesit Zeus mannu attattu-attattu!
Un’àter’unu a s’orrorosu iscialu
bi nd’aggiunghesit intantu Tidide,
a tales Agastrofe Peonide 22 .
366

Sas impresas de Agamènnone
65 Innanti a tottu cun s’ispada in manu
fit gherrende s’eroe dardaneu,
ne fuire pottesit da’ s’acheu,
giaghi s’ aiat lassados lontanu
caddos e carru, pro destinu reu!
Ma de s’orrore Ettòrre troianu
chi fin cuddos faghinde s’abbizesit
e gridende a s’incontra si lantziesit!
66 Cùrrere s’intendesit su suore,
bidìndelu avantzare che un’ira,
in sa persone Diomede e: –Mira,
–nêsit pressosu a s’ìtacu segnore–
lampos minettat Èttore a primore!
Frimma cue però, non ti retira,
ne palas li ‘olt’ ‘eo, gai ‘idimos
s’est ch’a sa tìrria sua resistimos!–
67 Sa lantza, nênde gai, l’imbolesit
cun cant’atza teniat arribbada,
ma non l’istesit sa brama accansada,
ca s’est beru ch’in s’elmu lu colpesit,
beru est puru ch’in duos la ‘idesit
s’aìna ‘e brunzu per terra segada!
Pignu cristadu fit cussu, a tres pizos,
ch’apesit da-e Febo in contivizos!
68 Ruesit su matessi, istontonadu,
ambos benujos ficchende per terra;
fuinde insegus, appena torradu,
pro non cumprire cue vida e gherra!
Ma cun úngias d’ ‘enturzu oji-acutadu
torresit Diomede in cuntierra,
abboghinende che tentassione:
–Adducas fuis, cane d’Ilione!
367

Diomede feridu
da-e Paris
Càntigu XI
69 A costazu passada t’est sa Morte,
ma Febo, chi t’at sempre in bona luna,
t’at bardiadu da’ sa mala sorte!
Fue... curre... ma còntala pro una!
Nâchi fis tue s’eroe prus forte!
Ma non ti fides galu ‘e sa fortuna,
ca si m’ ‘enis a tiru da-e nou
bae ch’agabbas su destinu tou!–
70 Poi ‘e s’isfogu, a su fizu ‘e Peone
che lêsit a un’oru a trazadura
pro l’ispozare ‘e sa bell’armadura.
Ma da’ sa losa d’Ilo d’Ilione
Paris dannarzu, che unu matzone
osservende lu fit a iscorradura,
a s’insegus isténdesi cuadu
d’una culunna, cun s’arcu puntadu!
71 Gai cando l’ ‘idesit chi gittende
si fit s’arcu e s’iscudu ‘e su mischinu,
sa fritza ch’istuppesit muidende
da’ s’arcu sou Pàride divinu,
cuntentu chi l’esserat su destinu
in s’ora ‘alu una ‘olta favorende!
In su cambutzu destru lu colpesit
e da-e parte in parte lu passesit!
72 Si nd’allegresit Paris de s’impresa
e da’ su cuadorzu ‘essende a fora:
–Tidide, –nêsit– pretzisa est ancora
sa mìria mia! Asi t’aere offesa
sa ‘entre o sa pettora e mortu in s’ora
esseres ruttu, giaghi sa malesa
peus ses tue pro sos d’Ilione,
chi ti timen che crabas su leone!
368

Sas impresas de Agamènnone
73 E Diomede chena si chinnire:
–Saettadore tue? Assiat barra!
Solu coros de féminas ferire
podes tue cun trassas e cun ciarra!
Proabe-i sa fortza a ti medire
cun megus cara a cara e sa cabarra
giuro chi ti ‘alanzas tott’intrea,
ca ti timo, pinnatzu, che sa frea!
74 De ‘antos non nde chirches, ne mentou,
ca, decomente ses inneuddadu,
iscas chi m’at su pische ispizoladu
de su cambutzu cuss’arminzu tou!
Diversamente so abituadu
cun s’inimigu deo a fagher prou:
addaghi che l’imbolo sa saetta
a ue ammìrio penetrat deretta!
75 E s’in tzelembros de bi la cravare
detzidera, in costazos o in matta,
a sa brama rispondet sempre isatta
e ruet cuddu, chena prus pesare,
che da-e s’àrvure una pira fatta!
Raffiéndesi sa cara, a conca a pare,
cantas viudas in gherra apo ‘idu
a gridos attittende su maridu!–
76 Nêsit; e, incurante ‘e su dolore,
a s’ala ‘e s’inimigu si ‘oltesit!
Ma da-e manos s’ìtacu segnore
sa lantza atterradora nde li lêsit
e a sa bell’e mezus l’istanzesit
sa fùrria de su samben a primore.
E pro no aer dannu pius grave
che lu fattesit gigher a sa nave.
369

Ulisse
inghiriadu
Càntigu XI
77 Restesit solu degai Odisseu,
ca, timinde, a insegus fin torrados
sos cumandantes d’Argo e sos soldados
poi feridu su fizu ‘e Tideu!
Tand’isclamesit in penosu anneu:
–Ohi de me, chi tottu ispramminados
si mi sun sos cumpagnos in sa fua,
ne amparos prus tenzo in custa lua!
78 Ma prîte mi l’addólimo su coro?
O m’aggiuan a ite sos pibios?
Su nomen ch’apo e sa fama l’onoro
oe che sempre cun sos bratzos mios;
e fintzas chi mi rèstana sos brios
non crêo ‘e ruer in podere insoro!
E s’est destinu ‘e ruer propriu oe
mezus a morrer cun fama d’eroe!–
79 Mentr’isse e tottu si fit animende
una truma ‘e Dardanos l’inghiriesit!
Ma che sirvone Ulisse si ‘oltesit
chi canes e canarzos apprettende
sun in unu majone e, rodiende
s’ispada sua ‘e brunzu, nde ‘occhesit
pius d’unu ‘e gherreris d’Ilione,
a comintzare da’ tales Toone 23 .
80 Ficchesin pustis Ennomo valente 23 ,
Diópite lantadu in puntu dìligu,
Chersidamante feridu a s’imbìligu
cun sa punta ‘e s’ispada tagliente,
e mutza galu che pianta ‘e fìligu
sa cabitta de Càrope imprudente 23 ,
fizu d’Ippasu 24 , addaghi pro l’intrare
tentesit meledende ‘e s’abbasciare!
370

Sas impresas de Agamènnone
81 Tando su frade, Socu a nomen tentu 25 ,
si l’accurtziesit nênde minettosu:
–O d’ambos fizos faghes iscarmentu
oe d’Ippasu, o Ulisse famosu,
mai attattu ‘e gherras e trassosu,
o che lassas sa vida in su momentu!–
E che lampu, abboghinende ancora,
l’imbolesit sa lantza atterradora.
82 Su colpu li paresit Odisseu,
ma sa fùrria fit tale ‘e cuss’aìna
chi s’iscudu ‘e metallu intreu-intreu
li trapassesit che punta d’ ‘errina,
ponìndelu in pius in mal’anneu,
ca felchida in costazos si l’est fina,
e si sa vida non l’at istasidu
est ca Minerva bi l’at impididu!
83 In s’intender sa lantza penetrada
in sas carres, li nêsit s’Itacesu
cun s’ódiu in ojos che fiara atzesu:
–Tue e tottu sa sorte t’as sestada,
fizu d’Ippasu! Su fiancu offesu
già mi l’asa, est beru, ma leada
non m’as sa fortza e ne s’abilidade
fatt’a Carope ‘e t’imbiare a s’Ade!–
84 Sas palas li ‘oltesit a s’appretta
s’eroe giovaneddu e in sa fua
alas chirchesit pro sa vida sua!
Ma fit bolu de morte, si ‘eretta
in s’ischina Ulisse ‘e mala lua
li cravesit d’attarzu una saetta:
ruesit su dardanu iscalcanzende
sa punta da-e pettus ammustrende!
371
Ulisse e Socu

Menelau
e Telamone
aggiùana
a Ulisse
Càntigu XI
85 Li nêsit tando Ulisse suddisfattu:
–Ello comente, o Socu presumidu,
su traste ‘ola-‘olende no as bidu
e ruttu ses che unu cacu fattu?
Déghile no as aer apparattu,
ne de sa mama chi t’at partoridu
su teu o da-e babbu sepoltura,
ca ti dao a sos canes in pastura!
86 Cun prantos e onores, si morzera,
dian invece a mie pretziare
sos divinos Acheos tott’umpare!
Ma bae como, tucca a sa niera
de s’Ade iscurigosu a passizare!–
Nênde gai, fattesit a manera
de si nd’ ‘ogare cun pagu attamazu
s’arminzu chi teniat in costazu.
87 Istringhesit sas dentes, l’appunzesit,
pustis d’iscattu a istratzadura
da’ su fiancu si nde la tiresit.
E su samben, bessinde a brotadura,
currer peri su corpus si l’ ‘idesit
e tinta a ruju finas s’armadura!
Su coro s’intendesit che truppiadu,
ma non ruesit isse dismajadu.
88 S’abbizesin però sos d’Ilione
de sa mattana sua e de s’affannu
e cun tìrria, avantzende in unione,
galu tentesin de li fagher dannu.
Pro tres bias e cun isfortzu mannu,
torrende insegus s’ìtacu leone,
a Menelau abboghinesit forte
pedinde aggiudu che in puntu ‘e morte!
372

Sas impresas de Agamènnone
89 L’intendesit s’Atride e chen’imbaru
nêsit a Telamone in oriolu:
–O zenia divina, frade caru,
da’ Ulisse tuccamos che a bolu,
giaghi s’ùrulu sou giaru-giaru
ap’intesu, che cando esserat solu
cuntrastende contr’a sos de Priàmu
e li sian sestende malu camu!
90 Tuccamube-i duncas coittende,
ca no est cosa ‘e nudda pro s’Acheu
sa pèrdua, a bi pensare, ‘e s’Odisseu!–
Nêsit; e ambos pare che bolende
furriesin a s’ala ue in peleu
fit su fizu ‘e Laerte e cumbattende
che fera lu ‘idesin apprettada
chi sos canes si catzat affannada!
91 Decomente in su monte a iscorracciadas
da-e sas jenas su chervu feridu
si difendet e cuddas inghiriadas
l’istan finas a l’ ‘ider istasidu,
ma fuin pustis pagu, ijantinadas,
ca lis est su leone apparessidu
chi nde lis leat su mossu seguru,
gai ‘idende ad Aiace cuddos puru!
92 L’accostazesit tando Telamone,
ojos d’arpia, cun s’iscudu in manu
altu cantu fit alta sa persone,
e non frimmesit gherreri dardanu
cue affacca, che cando sa Gorgone
aeren issos bidu, e a lontanu
si fuesin a trumas che bolende,
che crabolos su chertu abbandonende!
373

Paris ferit
a Macaone
Càntigu XI
93 Nd’approfettesit Menelau in s’ora
e lênde a unu bratzu a s’Itacesu
da’ s’abbolottu che l’ ‘oghesit fora.
Aiace intantu, che vulcanu atzesu,
s’ispada rodiende atterradora,
cue lassesit mortalmente offesu
su giovaneddu burdu e disdicciadu
de re Priàmu, Dóriclo nomadu 26 .
94 Posc’a Pandòco 27 trunchesit su briu,
a Lisandru, a Pìrasu e a Pilarte 27 ,
impetuosu sighinde che Marte
o che trainu unfiadu in riu
da-e su nie soltu de s’istiu,
ch’in tottue passende faghet arte
cun fùrria trisinèndeche a su mare
àrvures, mattas, ludu ammìsciu a pare!
95 E ruian sos caddos, sos soldados
pro manos de s’eroe ‘e Salamina!
Ne bardiare da’ tanta ruina
los podiat Ettòrre, chi lassados
los aiat pro àtera faina:
a sos ‘nimigos suos odiados
fit isse assaltiende in una tanca
posta de su Scamandru a manu manca.
96 Ma contr’a Macaone in cuss’istante
una fritza a tres puntas ch’imbolesit
d’Elèna bella su trassosu amante
e in sa pala destra lu colpesit.
A ùrulos per terra che falesit
sa frua d’Esculàpiu dolorante
e, abbizendesinde, Idomeneu
abboghinesit lestru a Gereneu:
374

Sas impresas de Agamènnone
97 –O glòria ‘e sos Acheos, re Nestòre,
piga subr’a su carru e sa nae
che porta a Macaone. Curre... bae!
Méigu est custu de raru valore
e dannu est pro a nois pius grae
perder chie resessit a primore
da-e corpus, siat fritza o saetta,
a nos nd’ ‘ogare cun arte perfetta!–
98 Nêsit; e su ‘etzittu in su momentu
nde regogliesit s’eroe isporadu
e, poi ‘e l’aer bene collocadu
subra su carru, chen’àter’ ‘istentu,
a su portu tucchesit impressadu.
Cebrione 28 intantu ‘e s’iscarmentu
chi fit faghinde Aiace s’abbizesit
e sende cun Ettòrre li naresit:
99 –Fizu ‘e Priàmu, contr’a sos Acheos
bene semus gherrende, cust’est beru,
e ponìndelos finas in peleos!
Si m’atzettas però su cunsideru,
che semos troppu in fundu e deo seru
apo leadu ch’a sos dardaneos
chi sun prus a innanti cumbattende
nos los est Aiace bisestrende!
100 Da-e s’iscudu, crê’, l’apo connottu,
ca tales mannu non bi nd’at che pare!
A ue pius fùrriu est s’abbolottu
dia narrer ch’est mezus a tuccare
pro poder sos cumpanzos sulenare
prima ch’a unu a unu tzedan tottu!
Dami s’órdine, pro chi los apprette
sos caddos tzoccheddende su fuette!–
375
Àteras
valentias
de Èttore

Telamone
si retirat
Càntigu XI
101 Chinniesit sa conca su campione
e lestru a sa parìglia, isfuettende,
sas brìglias apprettesit Cebrione.
Che tucchesit su carru che bolende
a s’ala ue fit débile Ilione,
cun sas rodas de ferru cattighende
cantos fini per terra isterrijados,
mortos esseran o solu lantados!
102 A s’apprettu, su sàmbene ch’ ‘essiat
che da-e un’isciette a brotadura
e rodas e costanas de rujura
che simmai orrorosa li tinghiat!
Che lupu intantu Ettòrre, ojos de fura,
mentr’a su giassu si ch’accurtziaiat
sa mezus meledende fit manera
de fagher sos ‘nimigos a bisera!
103 In mesu a s’abbolottu detzidesit
desi ‘ettare, appenas arrividu,
e, che sempre de sàmbene lambridu,
maicantos acheos settesciesit!
Bidendesilu a fiancu s’animesit
donzi dardanu... ma de s’atzuridu
eroe ‘e Salamina ‘alu una ‘ia
vittesit isse ispada e marrania!
104 Ma fit Cronide a cherrer impidire
chi s’agatteran ambos contr’a pare,
s’est ch’in Aiace, pro che l’istorrare,
s’idea mala fattesit tuddire
de poder cue sa vida agabbare!
Gai a s’insegus lêsit a currire
cun s’iscudu paradu Telamone
chen’ischire isse e tottu sa cajone!
376

Sas impresas de Agamènnone
105 Ma non fit cosa déghile sa fua
pro tant’eroe, mancari apprettadu
da’ sa de Zeus pidinosa lua!
E che leone tando, chi catzadu
da-e cuile, mancari tentadu,
galu perriccat in s’idea sua
e fuit torra a s’assàltinu nou,
tales cuddu a innanti e insegus sou!
106 S’abbizesin de sas indetzisiones
sos d’Ettòrre però e contr’a issu
s’ ‘oltesin paris che tentassiones
finas seguros de lu ‘ider bissu!
Afficos vanos, si restesit fissu
che àinu ch’a fuste sos garzones
chircan da’ su laore ‘e che catzare
e chi non movet fintz’a s’attattare!
107 A donzi rodiada de s’ispada
medas infattis ruian per terra,
chie cun sa persone iscarmentada
e chie cun sa conca perra-perra!
Ne una lantza, una, in tanta gherra,
de cantas l’an cun atza isfidiada
sos de Troe imboladu, l’isfrijesit,
si las vittesit tottas o paresit!
108 Intantu, in su l’ ‘ider in arrancu,
Eurìpilo, fizu d’Evemone,
timinde pro sa vida ‘e Telamone,
de l’andare pensesit a fiancu.
A tales de Faùsia Apisaone 29
a s’intrada fattesit benner mancu,
cravéndeli in su fìdigu un’aìna
chi sa punta mustresit da’ s’ischina!
377

Paris ferit
a Eurìpilo
Càntigu XI
109 Cherféndelu ispozare ‘e s’armamentu
s’accurtziesit tando a su dardanu;
ma, tenta-tenta, cun s’arcu in manu,
lu notesit Parìde in su momentu
e su chi fit bramende pensamentu
cun una fritza li fattesit vanu!
In sa nàdiga destra lu colpesit
e in duos s’arminzu si fattesit!
110 Abboghinesit su danau e forte
in su s’intender s’anca marmurada,
ma, persegus torrende a s’impressada,
iscampiesit da’ segura morte.
E nêsit, sempre in suddu pro sa sorte
de su cumpanzu: –Umpare un’avantzada,
o amigos, faghide e coittende,
ca sas fortzas d’Aiace sun manchende!
111 Galu non lu lassedas a su solu,
ca pro canta nde mustret valentia,
bardiàresi non podet custa ia!–
Cun determinu cuddos noittolu
s’attruppésini tando e a porfia,
che si nd’aeren unu d’oriolu,
avantzesin contr’a sos d’Ilione
da’ palas de s’insoro campione.
112 Bidèndelos s’eroe ‘e Salamina
cuntentu in mes’a issos si misciesit
e, torradu alenu, si ‘ettesit
atzuridu che sempre in sa ‘errina.
Degai ‘alu una ‘olta s’atzendesit
in Ilione sa gherra assassina;
e ruiat sa zente ammuntonada
che su ràndine in die ‘e temporada!
378

Sas impresas de Agamènnone
113 In s’ora da’ sa puppa isperiende
fit d’una nave su fizu ‘e Peleu
s’abbolottu tra gregu e dardaneu,
cando a s’ala ‘e su portu che bolende
currer bidesit su carru ‘e Neleu,
ch’a Macaone che fit trasportende,
poi chi Paris l’ aiat felchidu
una fritza in sa pala e istasidu.
114 Giamesit tando a Pàtroclo in apprettu
e cuddu, ch’in sa tenda fit corcadu,
in l’intender furriesit da-e lettu
da-e s’amigu currende impressadu.
«E ite b’at?» –li nêsit chen’isettu
pensende a calchi raju capitadu–
No ischiat, mischinu, chi sa sorte
própriu a isse sestende fit sa morte!
115 Li rispondesit Achille: –Acco’ s’ora,
o fizu de Menétziu 30 caru e bonu,
de ‘ider a sos d’Argo, a ojos fora,
imbenujados pedinde perdonu!
S’ora est grae, che lampu cun tronu,
ne chi agguanten crêo àter’ancora
a su d’Ettòrre lùghidu valore!
Ma bae como da-e re Nestòre.
116 Recuinde a su portu l’apo ‘idu
cun su carru a boleu su ‘etzittu,
forsis cun Macaone, chi feridu
dên aer sos Troianos in cunflittu.
Ma podet esser mi sia faddidu,
ca su fizu d’Asclépiu beneittu
passadu addaenante m’est che ae!
Pregunta s’est propr’isse. Tucca... bae!–
379
Pàtroclo
e Achille

In sa tenda de
Nèstore
Càntigu XI
117 Non tunciesit s’amigu ‘e bona fide
e lestru s’avviesit da’ Nestòre
pro isolver sa duda ‘e su Pelide.
Sos caddos da’ su carru de valore
distacchende in su mentre a su Nelide
fit Eurimedonte 31 e su suore,
cun una frina ch’ ‘eniat da’ mare,
fit cumprinde su re de s’asciuttare.
118 A sa tenda, ue innante aiat missu
a Macaone, depustis ch’intresit,
tucchende a si che sêre affacc’a issu.
Una mistura intantu ammanizesit
Ecamede 32 , s’isclava chi li desit
su Pê-velotze, addaghi aian bissu
de Tènedo sa zente e sa tzittade,
fiza d’Arsino 32 ‘e rara bonidade.
119 Una saffatta ‘e brunzu sa donosa
pensesit in sa mesa ‘e collocare
e da’ unu cascione ‘e nde ‘ogare
orzu, mele e chibudda ispiritosa,
ben’ischinde chi mezus non b’at cosa
chi sa gana nde ‘attit de buffare.
Pustis sa coppa lêsit de Nelide,
pignu ispantosu e giaru che s’Irìde!
120 D’oro massitzu fit e trapuntada
cun giaos de brillantes, chi lughian
che isteddos in notte serenada;
in pius battor asas si b’ ‘idian
cun una còppia donzuna dorada
de columbas, ch’a intro mujaian
su biccu delicadu tott’umpare,
tales che cando lompen a buffare.
380

Sas impresas de Agamènnone
121 Lestra s’antzilla su ‘inu pramnesu 33
bi ‘ettesit in bona cantidade
(ruju ‘e colore che tittone atzesu,
aspru e forte, ‘e rara calidade!),
pustis de craba ch’ ‘ettesit in mesu
casu rattadu e cun abilidade
fiore de farina a pispiadura,
infinis morighende sa mistura.
122 Bi lis servesit posca, e sos gherreris
su sidis s’istudesin calurosu
ch’in bula s’intendian turmentosu
ambos duos che fogu in sos brajeris!
Arrejonesin pustis volenteris
s’abbolottu olvidéndesi orrorosu
pro un’iscutta ebbia, che pensende
ch’esseran cun amigos istranzende.
123 Lis seghesit infattis su recreu
su fizu de Menéziu geniale
accheréndesi in s’ora a su portale
de sa tenda ‘e Nestòrre Gereneu.
Unu saludu innanti coriale
li porresit su re e pustis reu
non lu lassesit su gióvanu eroe,
ma li desit banchittu e corzu ‘e ‘oe.
124 Ma refudendebilu cun rispettu
li nêsit cuddu: –O sapiente mere,
tempus non mi nd’avantzat pro mi sêre!
Chie m’at imbiadu a custu trettu
d’una risposta s’istat in isettu
e su de bi la gigher m’est dovere.
Connoscher cheret chie est su feridu,
ma chi est Macaone apo già ‘idu!
381
Pàtroclo
e Nèstore

Càntigu XI
125 Lassa adducas in presse chi recue
e su chi bramat de li relatare.
Tremendu est Achille, e l’ischis tue,
siat isse in pretender che in dare.
Cherrer non dia chi s’altzet che nue
istraccu troppu a longu d’imbarare
o chi m’inculpet de calchi faina
da-e cando est cun tottu ‘e mala ‘errina!–
126 E, acutu, Nelide: –Ello comente
si leat suddu Achille ‘e sos cumpanzos
e non s’istat invece indifferente
giaghi nos negat sos bonos affianzos?
Luttos che-i sos d’oe e malos banzos
mai patidu nd’at sa grega zente!
E no ischit Pelide chi feridos
sos eroes nos an prus atzuridos!
127 A Diomede in s’anca una saetta
e una a Euripìlo a marchingannu
felchidu lis at Paris in s’appretta
e Coone a s’Atride pius mannu
una lantza in su bratzu ‘eretta-‘eretta;
àpidu at Odisseu àteru dannu
da-e Socu e, infinis, Macaone
in palas una fritza d’Ilione!
128 Ma si nos lassat Pelide in affogu
est ca in coro at àteru pidinu!
Forsi isettende est ch’Èttore assassinu
nos ch’ ‘ettat tottu in mare e ponzat fogu
a sos navios nostros! Ohi, tinu!
Ma prîte, pro majia o disaogu,
sos brios non mi torrat d’una ia
de s’Olimpu eterrenu s’alta Ghia?
382

Sas impresas de Agamènnone
129 M’ ‘idera bajaneddu sol’aizu
che cando a sos d’Elea 34 nde lis lêi
de ‘oes una mandra e lis bocchei
a Itimone 35 , d’Iperocu fizu!
Pro repicca sa fura lis fattei,
c’a sos Epeos su tristu disizu
fit bénnidu a innanti ‘e nos leare
battor caddos cun carru tott’umpare.
130 (Aùgia 36 , chi fit re de cussa zente,
aiat –mi nd’ammento– organizadu
una cursa de carros e mandadu
un’iscuderi b’aimis valente
pro s’ ‘alanzare su pannu assignadu.
E lu ‘inchesit; ma su prepotente
nos nde mandesit solu s’iscuderi,
chena caddos, ne carru e ne fortzeri!)
131 In prus, mortu Itimone, a sos d’Elea
tràilas rassas furei e noeddos,
crabas de monte, ‘arveghes, anzoneddos,
porcos e sues de onzi tenea
e chimbanta ebbas cun sos puddedreddos!
Posc’a de notte a sa ‘idda mea
che truvemis sos fiados, ispantende
cantos in Pilo nos fin isettende!
132 E s’ispantesit finas babbu meu
de tant’impresa e meda prus ancora
de su gióvanu fizu! A s’aurora,
sos bandidores mandesit Neleu
a cunvocare a cantos in peleu
aiat postu s’atza atterradora
tempus prima de Èrcole famadu,
cando nos assaltiesit airadu!
383
Su contadu
de Nèstore

Càntigu XI
133 (Che un’ira s’Eroe si giresit
contr’a nois sa ‘olta e a cajone
chi babbu su disizu li neghesit
de li purificare sa persone.
A Ifito 37 , ma si nde penentesit,
aiat mortu chena una rejone:
fizu fit d’Euritu e in cunsideru
fit tentu in domo che frade sintzeru!
134 A su dennegu, lêndelu pr’offesa,
a Pilo settesciesit cussa die!
E cantos nde ‘occhesit... oh, tristesa!
Ne contr’a isse s’agattait chie
potterat ordinzare una difesa!
Undighi frades m’at mortu! E s’a mie
no est toccada sa matessi sorte
est ca non m’agattesit cuddu forte!)
135 Adducas, decomente fimis nênde,
sos chi ponzesit Èrcole in affannu
reunesit Nestòrre, dividende
in giustas partes su masone mannu
ch’a sos Epeos lêmis bardanende.
E pro su chi patesit malu dannu
una chedda ‘e noeddos e d’anzones
tentu s’at isse, de bonos runzones!
136 Poi ‘e s’Olimpu sos supremos deos
onoremis festende tott’umpare
pro sos retzidos bonos ingranzeos.
Però a sas tres dies avantzare
bidemis contra nostru sos Epeos
ben’armados, in tìrria ‘e vindicare
sos ch’aian patidu istrangugliones!
E cun issos bi fin sos Moliones 38 !
384

Sas impresas de Agamènnone
137 A sa ‘idda de Trio 39 si ‘oltesin,
in unu pérgamu altu collocada,
cun s’Alfeu 40 a pês, e l’inghiriesin
bramende de la ‘ider conchistada!
Ma chena la difender no istesin
in s’ora sos de Pilo e sa biada
Minerva Atena finas atza noa
nos desit pro la ‘ìnchere sa proa!
138 M’ammento chi Nelide non cheriat
chi a sa gherra bi essera andadu
ca, sende troppu gióvanu, timiat
chi non b’aère sa vida lassadu!
Finas cuadu sos caddos m’ aiat!
Siat comente, a pê’ bi so tuccadu
e cun s’amparu ‘e sa dea amorosu
finas mustradu mi so valorosu!
139 In Arene 41 sa notte la passemis
peri sas ìscias de su Minieu 42 ;
a s’arborinu de s’incras partemis
lompende a sole mortu u’est s’Alfeu.
Cue ‘e s’Olimpu s’immortale Zeu
cun Nettunu e Minerva pretziemis
e sa divinidade ‘e cussu riu
cun tràilas e traos chen’isviu.
140 Poi chenadu, nos corchemis tottu
e a s’accheru ‘e su sole noellu
acco’ chi comintzesit su duellu
e sos mortos a ruer a fiottu!
Deo pro primu in cuss’abbolottu
su ‘énneru d’Aùgia forte e bellu,
Mùlio 43 a nomen tentu, isterrijei
e sos caddos d’ispantu mi giuttei!
385

Càntigu XI
141 (A Agamede 44 da’ sos pilos d’oro,
chi fit d’Aùgia sa fiza mazore,
s’ aiat cussu giovanu ‘e valore
leada pro cumpanza de su coro.
Sònnios e suspiros sos insoro
lassados cue! Oh, gherra... it’orrore!)
In su piuer ruesit s’iscuru
a s’Ade avviendesi isse puru!
142 S’ispramminesin a destra e a manca,
leados da’ s’assustu, sos d’Elea,
a boghe-mue fuinde in pelea
che bitellos muscados in sa tanca!
E deo infattu, bisestra e isanca,
chena m’arrere, de una tenea!
Chimbanta carros paris nde lis lêi
e a sos ghiadores los bocchei!
143 Atza sa ch’in sas venas m’intendia!
Finas pensende de iscarmentare
fia a sos Moliones, berumia!
Ma los cherfesit Zeus bardiare
addaghi addaenanti los tenia:
cun una nue de mi los cuare
meledesit s’olìmpicu sovranu,
lassende a mie a manos in manu!
144 Cantos e cantos nd’ ‘occhemis su die!
Fintz’a sas roccas che los accorremis
de Bupràsiu 45 , sa ricca, e d’Olenìe 45 !
E armas, caddos, cantos nde lis lêmis!
Innos de glòria cantesin a mie
sos soldados, addaghi recuemis
pro cunsizu d’Atena a logu meu,
fieros tottu ‘e su fizu ‘e Neleu!
386

Sas impresas de Agamènnone
145 Deosi, o Patròclo, dês ischire
da-e sende giovànu s’est Nelide
cumportadu, mustrende briu e fide,
chen’iscuja peruna o si chinnire:
primu a tuccare, ultìmu a recuire!
Tales no est faghinde su Pelide,
s’est ch’arressu si nd’istat a un’ala
lassende a nois in tant’ura mala!
146 Unu coro però, mi pregunt’ ‘eo,
l’at finas isse, Achille Mirmidone!
E si Ettòrre in s’intentzione
de nos derruer resesserat, crêo
li restet su rimursu a istranguglione!
Tue ‘e Menétziu (e m’iscuja s’impreo
sas armas de s’affettu in su momemtu)
mai t’olvìdes de s’avvertimentu!
147 In cara a mie e a s’Odisseu
ite ti nêsit su fizu d’Attòre 46
cando, mandados da-e prim’Atreu
pro pedire affianzos de valore,
a Fitia ‘enzemis a primore?
Una còscia de ‘oe fit Peleu
pro Zeus arrustende, in apparattu,
de ‘inu pispisendelu aromatu.
148 Tue e Achille (paret chi bos bida!)
aisettende fizis in disparte
chi s’onoràntzia esserat cumprida
e a s’arrustu de leare parte.
Sa mente ‘ostra de tzertu ficchida
in sas fainas non che fit de Marte!
Própriu in s’ora bos tzocchemis sa gianna
e accuglièntzia non fattezis manna!
387

Sa proposta
de Nèstore
Càntigu XI
149 Manighemis, festende tott’umpare.
E cando, infinis, su prîte bos nêmis
de s’imbisita nostra e bos pedemis
contr’a Tròia ‘e nos cherrer aggiuare,
Peleu e Menétziu a orija a pare
nos rispondesin e nos allegremis!
S’esércitu fit prontu –m’ana nâu–
s’offesa a vindicare ‘e Menelau!
150 D’esser Peleu nêsit a su fizu
pius de tottu in gherra valorosu
e a tie Menétziu giudisciosu,
si ti l’ammentas, desit su cunsizu
d’esser sì cumbattende virtudosu,
ma puru ‘e ti leare contivizu
de s’amigu ch’aias pius caru,
in donz’allega faeddende giaru!
151 «Cun Achille bi podes tue solu,
ca t’at che frade prus mannu in istima!»
Gai ti nêsit; ma poi, ne prima
postu t’at cudda ‘oghe in oriolu!
Como s’affogu l’as bidu e su dolu
de sos cumpanzos d’Argo! Tando in rima
bi la canta e cunvintu a Pê-velotze,
pro chi s’addulcat su coro ferotze!
152 S’esserat pustis chi Achille mannu
penserat de vittire sa minetta
chi Zeus li fattesit d’aer dannu
o Teti pês d’ispuma in cust’appretta,
sias tue, o Patròclo, da’ s’affannu
a nos nde sulenare! Isetta-isetta
non bistes galu tue e a s’istante
sos soldados li pedi a s’arrogante!
388

Sas impresas de Agamènnone
153 Si s’esércitu nd’ ‘attis mirmidone
bae chi tzessat tanta disaura!
Fàgheti dare finas s’armadura
che sole lutzighente in paragone,
pro ch’in su t’ ‘ider tremet Ilione
crêìndela d’Achille sa figura!
Che abba a chie ‘e sidis est morzende
nos abbisonzat su chi so pedende!
154 Sa manera est custa, custa ebbia,
pro chi torren alenu sos soldados
ch’ ‘ides a moristuda, isperasciados!
S’intrades bois como in marrania,
friscos comente sezis e pasados,
giambat sa sorte in bonu, abberumia!
Cun Achille bi podes tue solu!
Adducas bae... e torra, che a bolu!–
155 A su cramu ‘e Nestòrre Gereneu,
tales che bentu Pàtroclo ch’ ‘essesit.
Ma, in caminu, addaghi arrivesit
a sa nave d’Ulisse (ue s’Acheu
si reuniat e s’altare ‘e Zeu
be-i fit mannu), su fizu abbojesit
d’Evèmone 47 andende isanca-isanca
cun una fritza piantada in s’anca.
156 Che unda li curriat de trainu
a su danau in fronte su suore
e su samben a fùrriu su terrinu
de ruju fit tinghende! Su dolore
chi lu fit mattanende e su brujore
in ojos los gighiat su mischinu!
Si frimmesit su gióvanu ‘e Fitia 48
nêndeli tristu che in agonia:
389
Pàtroclo e
Eurìpilo

Càntigu XI
157 –Oh, sorte isfidiada e malaitta
sa ch’at Zeus pro Argo ordivinzadu!
Sa sentèntzia adducas fit iscritta...
de cuntzèdere a Teti decretadu
aiat da-e ora sa vinditta!
Sas carres bostras mossu prelibadu
devian esser de canes lambridos!
Oh, frades, frades... sos malaccudidos!
158 Nâmi tue, o frade in sos peleos,
nâmi, Euripìlo: a su Dardanu,
sighinde gai su Fadu metzanu,
cantu pensas ch’agguanten sos Acheos?
O crês forsi ‘e sos ùltimos anneos
chi siat su sarragu disumanu?–
E, torréndeli muttu, su feridu,
ojimbidradu e coro ismartidu:
159 –Frua ‘e Menétziu, Pàtroclo divinu,
lómpida est s’ora pro Argo mortale!
Prus non crêo ch’a Èttore assassinu
cotta pottemos ponner parinale!
Eroe non b’at nostru geniale
chi no apan lantadu, ohi destinu!
Como però, si podes, cust’aìna
mi nde ‘oga, ca punghet che berrina!
160 Chirca sa còscia de mi samunare
cun s’abba tèbia innanti e, chen’ ‘istentu,
sa fritza ‘e brunzu de mi nd’istratzare;
subra bi friga pustis calch’unghentu
chi mi pottat su sámbene istanzare
e finas alleviare su turmentu.
Fagher l’as aer bidu, penso deo,
calchi ‘olta a Pelide! Gai crêo!
390

Sas impresas de Agamènnone
161 Imparada cuss’arte de seguru
la dêt aer Achille da’ Chirone.
Ne curare mi podet Macaone,
fizu d’Asclépiu e méigu isse puru,
ca l’an colpadu a fritza e-i s’iscuru
isettat galu sa meigascione!
Ne Podalíriu 49 , su frade, aggiuare
lu podet, ca restadu est a gherrare!–
162 E Pàtroclo in risposta: –Lestru e giaru
tant’orrore a Pelide li rifero
e finas su chi giustu cunsidero
chi fattat pro a bois chen’imbaru,
mancari ‘e lu cumbincher no ispero!
Cun su traste in sa carre, frade caru,
non ti lasso però addolimadu,
gai ti mustro su ch’apo imparadu!–
163 A intro de sa tenda che l’intresit
in s’ora a su cumpanzu e cun apprettu,
poi ‘e l’aer istérridu in su lettu,
intebiesit s’abba, lu frobbesit
e s’arminzu cun arte nde l’ ‘oghesit.
S’erva léndine 50 , infinis, in su trettu
l’abbattighesit de s’anca lantada,
frighéndeli in pius una pumada.
391

Càntigu XI
NOTAS DE SU CÀNTIGU UNDIGHÉSIMU
1 Chertu [...]: Una de sas tantas personificassiones de s’Abbolottu,
de sa perricca tra persones.
2 unu signale [...]: Omero non nos pretzisat su chi giughiat in
manos su Chertu.
3 Ciprinos [...] Cinira [...]: Cinira, re de Cipro e de sos Ciprinos, fit
satzerdote de Afrodite a Pafo e caru meda a su deus de s’arcu, Apollo.
4 Fua [...] Assucconu [...]: Personificassiones de s’apprettu e de sa
timòria chi ispinghen sos ómines a fuire.
5 Polidamante [...]: Fizu de Pantoe e de Fróntide; indovinu e valorosu
eroe troianu, meda istimadu da-e Èttore.
6 Agènore, Polibo, Acamante [...]: Tres de sos tantos fizos de
Antènore, príntzipe troianu e frade de Prìamu. De Agènore nd’amos
già faeddadu in su Càntigu IV, Ottava n. 89; Acamante no est invece
sa matessi persone chi amos bidu in su Càntigu V, Ottava n. 81.
7 Biènore [...]: Soldadu troianu, mortu da-e Agamènnone e non
mentovadu in aterue.
8 Oileu [...]: Soldadu troianu, mortu da-e Agamènnone; de non
cunfúndere cun Oileu, re de sa Lócride, babbu de Aiace.
9 Iso [...]Antifo [...]: Fizos de Prìamu: burdu su primu, lezíttimu
s’àteru. Ambos paris mortos da-e Agamènnone.
10 Ippòloco, Pisandru [...]:Fizos de Antìmacu; eroes troianos mortos
da-e Agamènnone e non prima mentovados.
11 Antìmacu Dardanide [...]: Majorale troianu, fizu (?) de
Dàrdanu, e babbu de Ippòloco, Pisandru e Ippómacu.
12 Cand’ ‘enzesit umpare a Odisseu [...]: Cunfronta cun su Càntigu
III - Ottavas nn. 46-53.
13 Ifidamante [...]: Àteru fizu de Antènore, mortu da-e
Agamènnone e non mentovadu in aterue.
14 Cisseu [...]: Prìntzipe tracianu, babbu de sa déchida Teano, sa
muzere de Antènore.
15 Coone [...]: Su fizu pius mannu de Antènore, mortu da-e
Agamènnone umpare a su frade Ifidamante.
16 Aseu, Oro, Opite, Dòlope, Esìnniu, Ipponou, Oféltiu, Agelau,
Attonou [...]: Gherreris gregos non mezus connottos e mortos tottu
in una ‘olta da-e Èttore.
17 Timbreu [...]: Cumbattente troianu mortu da-e Diomede.
392

Sas impresas de Agamènnone
18 Molione [...]: S’iscuderi chi ghiait su carru de Timbreu, mortu
da-e Ulisse.
19 Adrastu, Anfíu [...]: Fizos valorosos de Mèrope, re e indovinu de
Pèrcote, mortos da-e Diomede.
20 Pèrcote[...]: Tzittade de sa Tròade.
21 Ippódamu, Perocu [...]: Soldados troianos mortos da-e Ulisse e
non mentovados in aterue.
22 Agastròfe Peonide [...]: Agàstrofe, fizu de Peone; soldadu troianu
mortu da-e Diomede.
23 Toone, Ennomo, Diópite, Chersidamante, Càrope [...]: Gherreris
troianos mortos da-e Ulisse. Toone si narait puru unu troianu
mortu da-e Diomede (Càntigu V - Ottava n. 27).
24 Ippasu [...]: Babbu de Socu e de Càrope, mortos ambos duos
da-e Ulisse.
25 Socu [...]: Gherreri troianu, fizu d’Ippasu e frade de Càrope,
mortu da-e Ulisse.
26 Dóriclo [...]: Fizu burdu de Prìamu, mortu da-e Aiace
Telamone.
27 Pàndoco, Lisandru, Pirasu, Pilarte [...]: Gherreris troianos mortos
da-e Aiace Telamone e non mentovados in aterue.
28 Cebrione [...]: Iscuderi e frade a una camba de Èttore. L’amos
nomenadu in su Càntigu VIII - Ottava n. 61.
29 Faùsia Apisaone [...]: Apisaone, fizu de Faùsia, soldadu troianu
mortu da-e Eurìpilo.
30 Menétziu [...]: Fizu de Attore e babbu de Pátroclo. Fit de
Opunte, in sa Lócride.
31 Eurimedonte [...]: Servidore de Nèstore, re de Pilo. Un’iscuderi
de Agamènnone aiat su matessi nòmene.
32 Ecàmede [...] Arsino [...]: Ecàmede fit fiza de Arsino, prìntzipe
de Tènedo. Fatta isclava da-e Achille, istesit pustis regalada a
Nèstore.
33 ’inu pramnesu [...]:Pramno o Pramne, accurtzu a Smirne, in
Àsia Minore, fit una ‘idda famosa in tottue pro sos binos fortes e
aromatos chi produiat.
34 Elea [...]: Si trattat de s’Élide settentrionale, una regione de su
Peloponnesu. Sos abitantes suos fin giamados Epeos.
35 Itimone [...]: S’ischit solu chi fit fizu de tales Iperocu e chi est
bistadu mortu da-e Nèstore giovaneddu.
393

Càntigu XI
36 Aùgia [...]: Re de sos Epeos, fentomadu pro sas ricchesas de
bestiàmene russu e minudu chi possediat. Una de sas fadigas de
Èrcole est bistada própriu sa de dever pulire sas istallas suas in una
die ebbia.
37 Ifito [...]: Fizu de Euritu. Èrcole, poi ‘e l’aer mortu, tucchesit,
penentidu, da-e Neleu pedìndeli de lu cherrer purificare; ma sicomente
cuddu li refudesit sa pretesa, si ‘oltesit contr’a Pilo faghindebe-i
bisestru mannu e bocchéndeli ùndighi de sos dóighi fizos
màscios! Nèstore ebbia iscampiesit a sa morte.
38 Moliones [...]: Euritu e Citeato, fizos putativos de Actoro (o
Attore) e de Molione.
39 Trio [...]:Tzittade situada in s’ala settentrionale de su regnu de
Nèstore, a làccana cun s’Élide.
40 Alfeu [...]: Su riu pius mannu de s’Élide e de tottu su
Peloponnesu.
41 Arene [...]:Tzittade de s’Élide guvernada da-e Nèstore, re de Pilo.
42 Minieu [...]: Riu de s’Élide, giamadu pustis Anigru.
43 Mùlio [...]: Bénneru de Aùgia, mortu da-e Nèstore in sa gherra
tra sos de Pilo e sos Epeos.
44 Agamede [...]: Fiza d’Aùgia, re epeu, cojuada cun Mùlio.
45 Bupràsiu [...] Oleníe [...]: Bupràsiu fit una ‘idda de s’Élide, fentomada
pro sas ricchesas; sas roccas de Oleníe fin a làccana cun
s’Acàia.
46 su fizu d’Attore [...]: Menétziu, su babbu de Pàtroclo.
47 su fizu d’Evemone [...]: Eurìpilo.
48 su giovanu ‘e Fitia [...]: Pàtroclo, in veridade, fit de Opunte, in
sa Lócride, tales che-i su babbu; pro s’amigàntzia ‘e frade chi aiat
però cun Achille, chi fit de Fitia, nois l’amos a giamare ancora cun
tale appellativu.
49 Podalìriu [...]: Fizu de Esculàpiu e frade de Macaone. Gherreri
e méigu valorosu isse puru.
50 S’erva léndine [...]: O erva de lendine. Si trattat de un’erva chi,
collocada subr’a sas feridas, resessit a istanzare su sámbene. In italianu
est giamada “stagnasangue”.
394

ILIADE
CÀNTIGU DOIGHÉSIMU
SA BATTÀGLIA
ACCURTZ’A SU MURU DE SOS ACHEOS
Su signale de Zeus

Càntigu XII
SUMMÀRIU
Su muru de sos Acheos Ottavas 1-5
Battàglias mannas 6-10
Su cunsizu de Polidamante 11-14
Sas chimbe ischieras troianas 15-20
Asìu Irtacide 21-22
Sos duos Lapìtes 23-33
Su signale de Zeus 34-36
S’interpretassione de Polidamante 37-40
Sa risposta de Èttore 41-45
Sos Aiaces a s’attaccu 46-49
S’atzuridu Sarpèdone 50-56
Menesteu giamat a Telamone 57-63
S’aggiudu de Telamone 64-67
Sarpèdone assáltiat su muru 68-73
Sa resistèntzia de sos Acheos 74-77
Èttore nd’iscáncarat sa gianna 78-84
396

Sa battàglia accurtz’a su muru de sos Acheos
1 Mentr’a Euripìlo ‘e meigare
in sa tenda fit Pàtroclo cumprinde,
Danaos e Dardanos fin poninde
canta fortza podian in gherrare,
da’ una parte a s’àtera currinde
pro poder s’inimigu degumare
sutt’a su muraglione ‘en’affortidu
chi s’aian sos d’Argo costruidu.
2 Altu fit cuss’abberru, resistente
e, pro cantu fit longu, inghiriadu
da’unu sulcu largu intuvuladu.
Ma, no aende a Zeus dignamente
peséndelu sos d’Argo pretziadu,
fit detzisu chi reu eternamente
ficchidu non resterat, a memòria
de su gregu valore e de sa glòria!
3 E gai fintz’a cando non tzedesit
sa ‘idda de Priàmu valorosa
e frimmu in s’ira sua ‘errinosa
su tremendu Pelide si nd’istesit,
a chentu e prus atzuppos resistesit
che rocca sa muràglia maestosa.
Ma contr’Atena e contr’a Posidone
nudda pottesit, derrutta Ilione!
4 Sos otto rios infattis de s’Ida
ch’istraviesin da’ su lettu a foras
sos deos e sas abbas trazadoras
in un’ùnica unda inzigantida
reunesit Apollo in pagas oras.
Posc’a Cronide Minerva ‘elenida
chi esserat pióppidu pedesit
e su babbu sa gana l’accansesit.
397
Su muru de
sos Acheos

Battàglias
mannas
Càntigu XII
5 E cando s’unfiesit sa currente
de s’Etàporo, ‘e s’Ésepu, ‘e su Resu,
de su Grànicu, Ródiu e Simoente,
de su Scamandru e de su Caresu 1
pro noe dies, tottu a unu pesu,
bi la ‘oltesin contra, fintzamente
su bastione a bider boltuladu,
a mare trisinadu e saccarradu!
6 E pro chi netta che prima sa rena
resterat de sa foghe, in s’oceànu
ch’affunghesit Nettunu soberanu
sas frascas chi nd’aiat sa piena
cue carradu, a triuttu in manu.
Cun Febo pustis e Minerva Atena
sos rios che torresit a sos bados
cun s’abba insoro, torra asseliados.
7 Finas custu in sos giassos dardaneos
a ischeddàntzia sutzeder deviat
de cuddos chi s’olvídan de sos Deos!
Sutt’a su muru intantu si moriat:
e fit Zeus chi contr’a sos Acheos
sa vinditta promissa bramaiat
d’ ‘attire a cumprimentu, giuilende
de ‘ider sos Dardanos avantzende!
8 Gai approbe fin sos d’Agamennòne
fintz’a perder s’ispera in tanta lua,
s’est chi prus d’unu s’ ‘oltesit in fua
pro vittire a Ettòrre d’Ilione,
chi, che porcrabu feridu o leone,
cantos daian própriu a s’ala sua
che canarzos in chirca ‘e l’inghiriare
los soliat cun fele isterrijare!
398

Sa battàglia accurtz’a su muru de sos Acheos
9 E non cuntentu ‘e semenare morte
da’ una a s’àter’ala abboghinende
a sos cumpanzos s’istaiat nênde
su sulcu ‘e che brincare Èttore forte,
pro nd’agabbare ‘e su tottu sa sorte
de sos Atrides! Però, annijende,
primm’a issu su caddu s’impinnait
daghi a lu saltiare si proait!
10 Ca non fit un’appentu cuss’impresa,
s’est chi su fossu, a prus de profundu,
istérridu fit finas in larghesa
e coratzadu ‘e palos tott’in tundu,
peri sos fiancos e galu in su fundu
che istillos puntudos pro difesa!
E che ambidda felchida in s’ispidu
bi fit restadu s’aeret faddidu!
11 A pedes solamente (e menguante
mancu fit cussa proa!) ‘e superare
podian cuss’istràmpidu tentare.
Penséndebi, nêsit Polidamante
tucchende da’ Ettòrre: – O cumandante,
agabba sos soldados d’ispronare,
prîte s’in tant’arriscu sighin gai
perden sa vida e non lu giampan mai!
12 Pro cantu longa si leen sa fua
non poden mai lomper a cudd’ala!
E si fatteran puru a moda tua,
t’abbiza ch’a su muru, sorte mala,
si dian attappare postu a pala!
Si ruen cue, posca, àter’antua
dian patire da-e sos palones
felchidos reos che sos ischidones!
399
Su cunsizu de
Polidamante

Sas chimbe
ischieras
troianas
Càntigu XII
13 Adducas, frade caru, inte’ a mie,
ca b’at una manera, una ebbia!
E si, comente paret, s’alta Ghia
detzisu at de muttire intr’ ‘e su die
custa longa orrorosa marrania,
de fagher ti cunsizo deosie:
in s’oru de su fossu, ‘en’ affilados,
pone caddos e carros assentados.
14 Cantos semus sos àteros dardanos
a pê’ l’attraessamos cussu ‘adu,
unu a costazu a s’àteru affianzadu
cun s’iscudu a difesa, a lantza in manos!
Tando sa soga de s’ùltimu Fadu
podimos narrer chi sos Troianos
l’an, cun s’aggiudu de deas e deos,
pro sempre istrinta in tuju a sos Acheos!
15 Nêsit su fizu ‘e Panto e de Frontide,
chi fit a prus d’eroe un’indovinu,
e l’atzettesit Èttore divinu
su parrer de amigu ‘e bona fide.
Depustis, cunfidende in su Cronide
e galu in su dardanu determinu,
falesit da’ su carru a un’ ‘oleu
lassende a s’iscuderi donz’impreu.
16 In su lu ‘ider cabos e soldados
s’arriscosa mattana nd’agabbesin
e, che a isse, carros e fiados
de su colottu a làccana affilesin.
Isettende cumandos s’attruppesin
posca a innanti sou, che ‘prettados;
e-i cuddu fattesit in maneras
de los divider in chimb’ischieras.
400

Sa battàglia accurtz’a su muru de sos Acheos
17 Sa prima la ghiesit isse e tottu
cun sos mezus gherreris d’Ilione
e cun Polidamante e Cebrione,
chi pr’esser s’iscuderi fit connottu
d’Èttore mannu in donz’abbolottu,
ma chi, sende atzuridu campione,
cherfesit a costazu su troianu
lassende carru e caddos a fulanu.
18 A Paris sa segunda istesit dada
cun Alcatoe 2 e s’atzudu Agenore;
sa ‘e tres a Elenu cunsignada
cun Deìfobo 3 , frade gherradore,
e cun Asiu 3 , ch’a Tròia portada
una parìglia de raru valore
da-e sa ‘idda d’Arisba s’ aiat,
accurtz’a su Sellente 4 , u’istaiat.
19 A Enea cherfesit cumandante
in sa ‘e battor e pro cumpagnia
d’Antènore li desit sa nadia:
sos fortes Archelócu e Acamante 5 ,
ambos duos istruidos bastante
in s’arte ‘e s’attarzina marrania.
Sa de sos alleados d’Ilione
l’assignesit invece a Sarpedone.
20 E su cabu ‘e sos Lìcios pro s’impresa
a Glàuco si lêsit dardaneu
e-i su caru a Marte Asteropeu 6 ,
sos mezus ch’in attaccu e in difesa
si fin mustrados in donzi peleu.
A iscudu paradu, cun lestresa
s’avviesin, infinis, tott’umpare
sas de Troe ischieras fianc’a pare!
401

Asìu Irtacide
Sos duos
Lapites
Càntigu XII
21 Ma de Polidamante non pretziesit
su bonu pensu Asìu Irtacide,
si, ‘prettados sos caddos, si tucchesit
a un’ ‘oleu contr’a sos d’Atride.
Ma gàrrigu de glòria su Cronide
ch’esseret recuidu non cherfesit
ne tando e ne in àteru peleu,
s’est chi l’ ‘occhesit posca Idomeneu 7 !
22 Da’ s’ala manca ‘e los assaltiare
valutesit d’Arisba su campione,
ca própriu igue solian lassare,
abberta a boe, sos d’Agamennòne
una gianna, pro cantos retirare
da-e s’appretta de su bulione
si devian, send’istados feridos
o in s’intender de brios cansidos.
23 Cun sos cumpagnos, chi l’andesin fattu
currinde e boghiende a lantza in manu,
fortzesit cussu giampu su giovànu!
Duos Lapites 8 chi non fit isattu
chircare cue fama a su barattu
li mustresin luego e sónniu vanu
su de che lòmpere a sas naves puru
vittende s’imponèntzia de su muru!
24 Unu fit Polipete 9 , chi naschìdu
fit da-e Piritoe ‘e Tessalea,
s’àteru invece su fizu atzuridu
de Corono, Leonte de nomea 10 :
ambos umpare nd’aian battidu
baranta naves a cussa pelea
da-e su logu insoro, cun soldados
pro esser valorosos fentomados.
402

Sa battàglia accurtz’a su muru de sos Acheos
25 In cussu giassu, pro parare fronte
a chie si ch’esseret accurtziadu,
s’istaian Polìpete e Leonte,
ambos a terra cun su pê’ prantadu,
che suerzos in punta a unu monte
chi non timen su ‘entu arvuriadu,
ne abba o nie o àteras fainas,
ca los rezen fungudas raighinas!
26 E cando contr’a issos a muntone
si ‘ettesin cun Asiu dardanu
Adamante, Iàmenu e Toone
umpare cun Oreste ed Enomanu 11 ,
cantu ‘alian a s’iscudu in manu
reos parados contr’a Ilione
ambos duos Lapites s’abbizesin,
si che montes ficchidos non movesin!
27 Che sirvones ch’intenden su ciarrare
de canes e canarzos arrivende
e chi da-e sas pèlcias che bolende
nd’istuppan conchibàscios fatt’a pare,
sas tuppas cun sas sannas boltulende
faghinde buscu e monte rintronare,
tales sos trastes de cuddos fortzudos
rimbombaian subra a sos iscudos!
28 Bidinde a sos Lapites in peleu,
da’ subra sa muràglia in su momentu
marrarzos saettesin chen’ ‘istentu
contr’a s’atzudu coddu dardaneu
sos d’Atride, e che ràndine cun bentu
chi nd’istenagat tottu cantu arreu
addaghi ruet subr’a su laore,
pedras e ferros faghian rumore!
403

Càntigu XII
29 Nêsit tando anniccadu s’Irtacide,
s’anca colpéndesi: –Oh, chi non crêia
chi finas tue, o Zeus Cronide,
esseras imbusteri! In s’alta Ghia
e in su bratzu nostru aimis fide,
ne mancu appenas pensare podia
custos duos inoghe d’agattare
che berrisones a costazu a pare.
30 Ma tìrria non tenen ch’impidire
nos pottat de conclúere s’impresa!
Che-i s’espe terranza ‘e nos ferire
sun chirchende o abes in difesa
de su bugnu insoro! Ohi, pretesa!
Fastizosos sun solu; ma fuire
non poden a sa morte, s’a difender
sighin sa gianna! O bincher o render!–
31 Nêsit Asiu; ma diversamente
detzidesit s’olìmpicu Segnore,
ca su ‘antu cheriat e s’onore
dare ‘e s’impresa a Èttore valente!
Sa fiara ‘e sa gherra prus ardente
s’allumesit intantu e a primore
peri tottu su muru e fintz’ in suddu
fini sos Deos pro custu o pro cuddu!
32 Ma comente bos potto –mi narade–
puntu pro puntu su chi capitesit
sighire a contare? Perdonade,
unu deus non so, ne mi la desit
s’Olimpu santu tanta podestade!
Polìpete a innanti comintzesit
in su cherveddu a che li felchire
a Dámasu 12 una lantza e a l’ ‘occhire!
404

Sa battàglia accurtz’a su muru de sos Acheos
33 Pustis sos brios lêsit a Pilone
e a Ormenu 12 , ambos fatt’a pare;
e Leonte, a Marte in paragone,
pottesit a Ippómacu colpare
e, cun s’ispada, a Oreste domare,
a Iàmenu, Antìfate e Menone 13
lassèndelos in s’oru ‘e cussu passu
isterrijados a unu cummassu!
34 Non tattos de los aer settesciados,
galu a los ispozare s’attrivesin
e sos pignos de sos mal’assortados
assegus de sa ‘enna ammuntonesin.
In s’ora sos d’Ettòrre comintzesin
su fossu a traessare accostazados,
ma paris da’ s’Olimpu s’Immortale
lis mandesit ladinu unu signale.
35 Da-e s’ala manca apparessida
un’àbbile lis est alta ‘olende,
ch’istrinta in ancarones, fruschinende,
a su nidu una terpe, che lambrida,
ruja e manna si che fit portende.
E s’abbizesin galu chi ferida
istesit s’ingurdona bardanera
da’ cudda difendéndesi in s’aera.
36 A sa ficchida ‘e sas dentes, sa fura
ruer lassesit per terra cuss’ae
e a ticchìrrios ch’ ‘olesit addae
fortza imprimende a sas alas che tura!
Crêìndela avvertèntzia ‘e malaura
e timinde ‘e patire dannu grae,
si frimmesin sos d’Èttore a s’istante
chena coràggiu ‘e si tuccare innante!
405
Su signale
de Zeus

S’interpretassione
de
Polidamante
Càntigu XII
37 A su fizu de Prìamu divinu
nêsit tando, che subr’a sas ispinas,
Polidamante, chi cussas fainas
ischiat legger che un’indovinu:
–O valorosu, signale ‘e ruinas
est su de Zeus nostru! E si ladinu
che sempre ti faeddo e ti cunsizo
est ca de Tròia su bene disizo!
38 E s’ancora una ‘olta a faeddare
m’attrivo innant’ ‘e chie at pius gradu,
non ti deves pro nudda inchietare
e ne cunsideràremi isfacciadu!
Lassamos cust’impresa d’agabbare,
ca oras tristas ordinzat su Fadu
si sighimos in tanta marrania!
Giara est s’avvertèntzia ‘e s’alta Ghia!
39 Chena motivu sa Divinidade
nos l’at adducas s’ábbile mandada
e da-e parte manca? Faeddade!
Emmo chi a sa terpe suppesada
l’at in s’aera; però –bi pensade–
non si nd’est cun sa cria allibiada!
E finas a ticchìrrios ch’est bessida
s’ave a biccu bóidu e ferida!
40 Su própriu nos sutzedit de seguru
s’a giampare su ‘adu perriccamos!
E si puru cun tìrria nd’ ‘oltulamos
pedra cun pedra nois cussu muru,
soldados medas, tzertu, bi lassamos
mortos per terra e prìntzipes puru!
Unu bonu indovinu diat narrer
cosas, crêide, ‘e su matessi parrer!–
406

Sa battàglia accurtz’a su muru de sos Acheos
41 Li rispondesit Èttore detzisu
cun oju appompiéndelu incrispidu:
–Polidamante, non m’est cust’avvisu
decomente crês tue aggradessidu!
E, si lereddas cunvintu, est pretzisu
chi ses de conca in tottu isvanessidu,
ca m’ ‘enit da-e Zeus su cunsizu
d’apprettare a sos d’Argo gai a sizu!
42 Adducas, s’est a ponner mente a tie,
devo in coa lassàremi a Cronide
solu ca tue legges e as fide
in sas aes ch’a mizas notte e die
bolan in chelu! Ma intenda a mie:
mezus pensu est si contr’a s’Atride
sa pàtria difendimos e s’onore
oe che sempre cun paris ardore!
43 Ma tue de bi perder ses timende
sa vida –o no est gai?– in s’abbolottu!
Acco’ prîte in s’àbbile as connottu
no isco ite e como meledende
ses de cumbincher a mie e a tottu!
Ma s’unu ebbia nd’ ‘idera fuende
pro culpa tua o fueras tue,
marranu si non bos settèscio incue!–
44 Appustis de s’atzottu si lampesit
Èttore addaenanti, ojos d’arpia,
ne a s’incheremire s’attrivesit
unu dardanu da’ sa marrania.
E da-e palas s’olìmpica Ghia,
che a los animare, lis mandesit
de ‘entu un’improvvisu trimizone
chi suppesesit piuer a muntone!
407
Sa risposta de
Èttore

Sos Aiaces
a s’attaccu
Càntigu XII
45 Lêsin tando su muru a nd’ ‘oltulare,
chie cun levas de ferru o puntzones
e chie a manu, chirchende cuzones
o pertusos da’ ue comintzare,
chie pensende invece sos palones
chi bi fin a puntellu ‘e nd’istratzare.
E parian frommijas in s’arzola
sos de Priàmu a su pija e cola!
46 Cun paris atza però gherraian
e cun paris valore sos Acheos
e da’ sas turres los bersagliaian
cun pedras e arminzos, ch’in anneos,
a donzi ‘olta chi s’accurtziaian,
ponian sos ‘nimigos dardaneos!
E sos duos Aiaces bi fin puru
a s’anda e torra subra cussu muru!
47 A boghes ambos pare che zigantes
a custu o a cuddu ponian s’apprettu
e si nd’ ‘idian calcunu in difettu
cun brios cherta-cherta menguantes
l’aunzaian nênde: –Chi l’agguantes
sa latranga abbisonzat! In su lettu
s’istat mezus; ma, crê’, chi s’Aurora
non bidet chie drommit in cust’ora!
48 S’ora est grae... l’ ‘idides, perdeu!
De fagher non nde mancat... bos movide!
Nemos chi torret persegus... sighide
che sempre a li mustrare a Dardaneu
su coro adamantinu de s’Acheu!
E, si nos cuntzederat su Cronide
da’ sutt’a inoghe de los istorrare,
che los devimos in Tròia inserrare!
408

Sa battàglia accurtz’a su muru de sos Acheos
49 In los intender cun prus determinu
lêsin tando sos Gregos a chertare,
s’est chi s’ ‘idian sos crastos froccare
che nie in s’ijerru de continu,
cando ‘e sos montes solet covaccare
de pianos e baddes su terrinu
e galu de su mare giambat chiza
mancari chena cudda maraviza!
50 E non nd’aian de su bastione
sos de Troe sa gianna iscancaradu,
si contra ‘e lis mandare a Sarpedone
no aeret Cronide meledadu;
fizu chi da’ s’amore li fit nâdu
de Laodamia 14 , e, che leone
chi a sos bulos si ‘oltat famidu,
forte, corriattu e atzuridu!
51 Lêsit s’iscudu infattis su dardanu
trabagliadu a martzeddu, mannu e tundu,
trapuntadu in s’orizu tottu a manu
cun corrias e filos d’oro brundu,
chi l’ aiat, che cosa rara in mundu,
cun medas corzos fattu un’artesanu
e, duas lantzas istrintas de ferru,
contra s’ ‘oltesit a-i cuss’abberru!
52 Che leone ‘e montagna, ch’est deunu
da’ dies meda e chi, postu in apprettu
da-e su famen, a su campus nettu
si tuccat chena tímere a niunu,
pastore o catziadore o cantos sunu,
e a cuile furriat derettu
a bincher o a perder resinnadu,
a tales Sarpedone a bratzu armadu!
409
S’atzuridu
Sarpèdone

Càntigu XII
53 Sas cristas de su muru nd’imbolesit
innanti, che s’esserat unu giogu,
cun una daga, istinchiddende fogu.
Pustis fieru a Glàuco s’ ‘oltesit
e: –Frade caru, –detzisu li nêsit–
nâmi proite in su pàtriu logu
semos in banca pro primos servidos
e che sos Soberanos preferidos?
54 E proite a làccana ‘e su Xantu
b’amos laores, binzas, ortalìscia
cantos niunu nd’at e ch’a deìscia
nos dan ricchesas e fruttos d’ispantu?
S’esser primos in paghe e in delìscia
nos obblìgat però ateretantu
a l’èssere in s’ora ‘e s’abbolottu
pro ch’in Lìcia ‘e nois nerzan tottu:
55 –Res menguantes non sun de abberu,
che cantos pensan solu a s’oraria
o che’ sos canes a sa ‘entre ebbia,
sos ch’ana de sa Lìcia s’altu imperu!
Custos sì chi merìtan cunsideru!
Sempre a innante in donzi marrania
non nde timen perìgulos, ne morte,
difendìndenos da’ s’avversa sorte!–
56 Si podiamis, o Glàuco, ischire
chi, si nos nd’ ‘ardiamos da sa morte
in custa gherra, diamis vittire
sa ‘etzesa e tènnere sa sorte
de biver pro s’eternu, ‘e ti pedire
mi dia astenner de gherrare, o forte!
Ma sa Morte est inoghe! Adduca andamos:
o damos glòria o nos la meritamos!–
410

Sa battàglia accurtz’a su muru de sos Acheos
57 Non li torresit muttu a Sarpedone
su gióvanu cumpanzu dardaneu,
ma cun sos Lìcios a su muru acheu
si che tucchesit cun detzisione.
Un’attittia ‘e frittu in sa persone
cùrrere s’intendesit Menesteu
in su los bider avantzende umpare
che cabaddada ruinosa ‘e mare!
58 Che cando aeret bidu un’upa mala
s’ ‘oltesit tando pro chircare aggiudu
che baddinosu a una e a s’àter’ala!
Pagu distante a Téucro fortzudu
sebestesit e prus addae, a pala,
ambos duos Aiaces cun s’iscudu.
Abboghinesit a manos in barra,
ma su chimentu fit mannu e sa ciarra!
59 Nêsit tando a Toote 15 chen’imbaru:
–Mi giama a sos Aiaces... curre... fue...
mira a cudd’ala: a che los bides cue?
E a Téucro puru, frade caru!
Ch’amos bisonzu, e sùbitu, d’amparu
giaru e detzisu lis dês narrer tue,
ca de Lìcia sos mezus campiones
contr’a nois avantzan che leones!
60 E s’ambos non potteran, ca patende
sun galu a s’ala insoro mala lua,
chi assumancus ch’accudat currende
de Telamone sa distinta frua
e Téucro cun s’arcu, che bolende!
Bae, Toote... curre a totta fua!–
Che tucchesit su gregu e pustis pagu
nêsit a sos Aiaces cun sarragu:
411
Menesteu giamat
a
Telamone

S’aggiudu
de Telamone
Càntigu XII
61 –Prìntzipes valorosos, accudide!
Glàuco e Sarpedone malos dannos
nos sun ammanizende, e su Petide 16 ,
pro vittire ‘e sos Lìcios sos affannos,
aggiudu bos dimandat! M’intendide:
cun s’iscudu paradu, a passos mannos,
avantzende sun cuddos fianc’a pare
e approbe s’istròscia a s’isvarriare!
62 Chi siat cussa zente ‘e mala ‘errina
l’ischimos tottu... ratza gherradora!
E manna est de abberu sa ruina
chi capitare nos podet in s’ora!
Ma si bisonzu ch’aeret ancora
inoghe ‘e calicunu, t’incamina
tue assunessi, o forte Telamone,
cun frade tou, Téucro campione!–
63 Nêsit Toote, e s’accunsentimentu
lestru li desit su zigante acheu,
chi, ‘oltendesi a s’ala ‘e Oileu:
–Aiace, –abboghinesit chen’ ‘istentu–
sighi tue contr’a su dardaneu
cun Licomede su cumbattimentu.
Appena a su Petide ap’aggiuadu
de torrare mi leo coidadu!–
64 Tucchesit posca, e fattu li ponzesin
Téucro frade e tales Pandione 17 .
E cando a cara a cara s’agattesin
pustis pagu cun sos de Sarpedone,
chi una turre de su bastione
cherian conchistare, si ‘ettesin
che feras contr’a cuddos, apprettadas
da’ canes chi las an inghiriadas!
412

Sa battàglia accurtz’a su muru de sos Acheos
65 A Epicleu 18 notesit innante
s’eroe ‘e Salamina, chi pighende
fit che battu in su muru e profettende
d’esser da-e sos àteros distante,
e, regoltu unu crastu caminende,
chi pro l’altzare sa fortza bastante
non fit de duos giòvanos de briu,
bi l’imbolesit contra chen’isviu!
66 In conca li falesit su marrarzu
e, che colpu ‘e matzucca, li cattesit
elmu e cherveddos e bi los cravesit
tales che tzou a intr’ ‘e s’isgarzu!
A conca a giosso su bette dannarzu
che palumbaru in mare che l’ ‘ettesit
pustis da-e su muru e, annuzada,
s’ànima a s’Ade lestra s’est tuccada!
67 In su mentre a Glàuco famadu
Téucro ferizesit attrividu
in unu cùidu e, assucconadu
da-e s’intender su bratzu istasidu,
si retiresit cuddu oji-atturdidu!
E pro chi nemos s’esserat bantadu
de l’aer fattu dannu, saltiesit
a terra da’ su muru e s’abbandesit!
68 In bider Sarpedone su cumpanzu
retiràresi lestru da’ s’impresa,
si nd’annicchesit; ma, cun fieresa,
mancari li mancherat tant’affianzu,
desit ad Almaone 19 malu ‘anzu
felchìndeli sa lantza a giusta altesa
in sa pettorra che un’istoccada,
lêndesindela posca a s’impressada!
413
Sarpèdone
assáltiat
su muru

Càntigu XII
69 A ojos fora ruesit s’iscuru
cun s’ùltimu faeddu subra laras,
sos sònnios lassende ‘e dies giaras
cun un’iscalcanzada in cussu muru
e arroghidas che sonu ‘e tamburu,
lampizende in su piuer che fiaras,
rintronesin sas armas de s’acheu
lastimosu canténdeli unu teu!
70 Sighinde, pustis, a unu pilastru
in bidea de nde lu ‘oltulare,
cun ambas manos s’attacchesit pare
Sarpèdone, cun tìrria d’abbilastru
chi non cheret sa pìbera lassare!
E nde l’ ‘ettesit, faghinde disastru,
e abberzende un’àidu in su muru
pro sos de Troe e largu finas puru!
71 Timinde in s’ora Aiace peus sorte
innant’a cussa trappa si prantesit,
e Téucro una fritza ch’imbolesit
contr’a su lìciu eroe pius forte.
Zeus però su colpu l’isviesit,
bardiende su fizu da’ sa morte
e ghiende s’aìna a s’attappare
a sa coratza chena la passare!
72 Cun sa punta ‘e sa lantza Telamone
colpesit tando su massitzu iscudu
de s’inimigu e da-e su bastione
chi aiat derruttu, chen’impudu
torresit a insegus Sarpedone.
Ma fit solu pro narrer prus atzudu
a sos gherreris suos: –Abbarrade,
o Lìcios, tottu inoghe e m’iscultade!
414

Sa battàglia accurtz’a su muru de sos Acheos
73 Si cherimos tuccare a s’àter’ala
e s’atza ‘e cussos duos attrividos
finas muttire e-i sa tìrria mala,
de bos nd’istare cunsizo aunidos
gherrende fattu meu da-e pala!
Bider bos cherzo pius accanidos
però in s’ora de àteras bias
pro nd’agabbare tantas marranias!–
74 S’animesin sos lìcios gherradores
e a su Re insoro s’affianzesin.
Ma sos Danaos cun paris ardores
donzi colpu inimigu cuntrastesin,
tales chi, sende patta sos valores,
de unu passu ebbia non movesin
sos chertadores da-e sa muràglia
pro cantu s’impigneran in battàglia!
75 Che cando sos massajos cuntrastende
s’ ‘iden a s’anda e torra, a canna in manu,
sa làccana ‘e sas tancas misurende
chena ‘enner a bonu, paris vanu
fit su gherrare tra gregu e dardanu
cue da’ oras medas! E, bolende,
fritzas e lantzas s’ ‘idian tottue,
zente morta o ferida a pesa e rue!
76 E colaiat pistu o ruju-‘iu
su samben in su muru, che lentore
a manzanile in tempus d’istiu,
che in dies d’ijerru s’umidore!
Nemos però nd’ ‘essiat binchidore,
ne lu cheriat tantu disaffiu
Zeus muttire! E gai una ebbia
fit sa mere: sa Morte, ojos d’arpia!
415
Sa resistèntzia
de sos Acheos

Èttore nd’iscàncarat
sa
gianna
Càntigu XII
77 Comente in su piattu ‘e s’istadera
a manuzadas ch’assentat sa lana
s’onesta trabagliante filonzana
e sos pesos in s’àteru, a manera
chi patten ambos duos in s’aera
e sa zorrada 20 buscat fittiana,
tales in dare e retzire pattende
fin Gregos e Dardanos porfiende!
78 A Èttore però cherfesit Zeus
s’onore pustis pagu riservare
de fagher su piattu bandiare
a s’ala sua, si, che unu deus
bellu in s’imponèntzia, a faeddare
s’apprettesit degai: –A male e peus
los devimos, o frades, reduire
cussos canes fintz’a los destruire!
79 Prima su muru cheret chi nd’ ‘ettemus
cumpattos avantzende e accuccados
sutt’a s’iscudu, pustis ch’imbolemus
contr’a sas naves trastes allumados!
Duncas detzisos che mai siemus!–
Nêsit; e cuddos pius animados
contr’a s’abberru ‘e re Agamennòne
si ‘oltesin che canes a sirvone!
80 Unu marrarzu tando regogliesit
da-e terra s’ilìaca fortesa,
mannu e puntudu, e lu rodiesit
che bòccia de istratzu in lebiesa
da’ una manu a s’àtera! (Li desit
pro tanta proa s’olìmpica Altesa
però sos brios, ca non fin bastados
de possa duos ómines dodados!)
416

Sa battàglia accurtz’a su muru de sos Acheos
81 Tales comente rezet su pastore
chena fadiga in unu bratzu ebbia
su corzu d’unu beccu, gai Ettòre
suppesait su crastu, in marrania
de l’attappare cun fortza a primore
a sa gianna ‘e su muru in mesania,
ch’a parte ‘e intro, a prus de s’inserru,
fit listonada cun palos de ferru!
82 Ch’andesit sutta s’eroe dardanu
e, ficchidos per terra sos garrones,
unfiados che fodde sos pumones,
su crastu ch’imbolesit da-e manu.
Tzedesin a su colpu sos griffones
e, che cando Cronide soberanu
l’aeret cun su lampu isfuettada,
s’iscancaresit sa gianna, isasciada!
83 Che pighesit a chelu su piuer
e, che notte chi falat de repente,
avantzesit Ettòrre cor’ardente
a passos mannos, detzisu a concluer
in s’ora sa partida e a derruer
sas naves cantas fin, tendas e zente!
E su fogu ch’allugher bi cheriat
in ojos, altu e fruscu, li s’ ‘idiat!
84 S’ ‘oltesit a sos suos e infattu
lis nêsit de l’andare istende unidos
e chi donzunu s’esseret attattu
de samben inimigu! Che lambridos
s’ ‘ettesin tando cuddos atzuridos
contr’a sos d’Argo, ch’a su disaccattu
pius non resistende, a coro mortu
si fuesin a s’ala de su portu!
417

Càntigu XII
NOTAS DE SU CÀNTIGU DOIGHÉSIMU
1 Etàporo, Resu, Ródiu, Simoente, Scamandru, Caresu, Ésepu,
Grànicu [...]: Rios chi naschen tottu da-e su monte de s’Ida: sos primos
ses sunu in sa Tròade, sos àteros duos in sa Mìsia.
2 Alcatòe [...]: Gherreri troianu, fizu de Esiete, maridu de
Ippodàmia, sa fiza d’Anchise. Istesit mortu da-e Idomeneu.
3 Deìfobo [...] Asíì [...]: Deífobo fit fizu de Prìamu. Asìu, fizu de
Irtacu, fit de sa ‘idda de Arisba; valorosu gherreri troianu mortu dae
Idomeneu, fizu de Deucalione.
4 Sellente [...]: Trainu de sa Tròade chi si ‘ettat in su riu Ródiu,
accurtzu a sa ‘idda de Arisba.
5 Archelócu [...] Acamante [...]: Fizos de Antènore. Archélocu morzesit
pro manos de Telamone; Acamante pro manos de Merione.
6 Asteropeu [...]: Cumandante de sos gherreris de sa Lìcia.
7 s’est chi l’ ‘occhesit posca Idomeneu [...]: Omero nos antìtzipat gai
su chi amos a contare in su Càntigu XIII.
8 Lápites [...]: Pópulu de sa Tessàglia (o Tessalea).
9 Polìpete [...]: Fizu de Piritoe (o Piritò) e de Ippodàmia. Valorosu
cumandante tessaleu.
10 Leonte [...]: Fizu de Corono, prìntzipe de Girgitone, in sa
Tessalea. Valorosu cumandante gregu.
11 Adamante [...]: Fizu d’Asìu ‘e Dimante, troianu mortu da-e
Merione. Iámenu, Oreste [...]: Gherreris troianos mortos da-e
Leonte. Toone [...]: Soldadu troianu mortu da’ Antìlocu. Enomanu
[...]: Soldadu troianu mortu da-e Idomeneu.
12 Dàmasu, Pilone, Ormenu [...]: Troianos mortos da-e Polìpete.
13 Ippómacu, Antífate, Menone [...]: Soldados troianos mortos dae
Leonte.
14 Laodàmia [...]: Fiza de Bellerofonte. Mama de Sarpèdone, chi
apesit da-e Giove.
15 Toote [...]: Soldadu gregu, iscuderi de Menesteu.
16 Petide [...]: Menesteu, fizu de Peteu.
17 Pandione[...]: Soldadu gregu, cumpanzu de Téucro.
18 Epicleu [...]: Cumpanzu de Sarpèdone, mortu da-e Aiace Telamone.
19 Almaone [...]: Soldadu gregu, fizu de Tèstore, mortu da-e
Sarpèdone.
20 zorrada[...]: Zoronada.
418

ILIADE
CÀNTIGU TREIGHÉSIMU
BATTÀGLIA MANNA IN SU PORTU
Battàglia manna in su portu

Càntigu XIII
SUMMÀRIU
S’aggiudu de Posidone Ottavas 1-13
Sa frenesia de sos Aiaces 14-16
Posidone ánimat a sos d’Argo 17-27
Merione e Deìfobo 28-29
Imbrìu e Anfìmacu 30-35
Posidone ispronat a Idomeneu 36-40
Idomeneu e Merione 41-52
Sos Troianos a s’attaccu 53-58
Sas impresas de Idomeneu 59-77
Chertos pro su corpus de Alcàtoe 78-88
Sa morte de Ascàlafu 89-92
Bisestros orrorosos 93-100
Menelau ferit a Élenu 101-104
Menelau ‘occhit a Pisandru 105-111
Sa morte de Arpalione 112-115
Sa morte de Euchènore 116-118
Èttore a s’attaccu 119-122
Sos duos Aiaces 123-125
Polidamante tuccat da-e Èttore 126-133
Èttore e Paris 134-140
Sa briga de Telamone cun Èttore 141-148
420

Battàglia manna in su portu
1 Pustis de ch’aer Zeus sos Dardanos
fintz’a sas naves acheas ghiadu
cun Ettòrre a innanti bratz’armadu,
sos ojos suos mannos soberanos
ch’ ‘oltesit aterue, consoladu
de ‘ider cun su camu e malesanos
in su portu a sos d’Argo, difendende
vida e benes che chie est attoghende.
2 Gai, cunvintu chi perunu deu
s’esseret attrividu a si misciare
in sas fainas de cuss’impeleu,
sos terriminzos lêsit a mirare
de Mìsios e Tracianos 1 cun recreu:
gherradores sos primos chena pare,
agasones sos àteros d’ispantu
d’ebbas e caddos chi fin un’incantu!
3 A sos Abìos 2 galu sa mirada
furriesit bonigna e dulche ancora,
sa zente pius giusta e accabada
de cantos an in mundu sa dimora
pro aer sa violèntzia rinnegada
in nomen de sa paghe amparadora.
Sos Ippomolgos 2 infinis miresit
e mulghende sas ebbas los bidesit.
4 Da’ sa chima prus alta Posidone
fit de Samo buscosa isperiende
però de Zeus cada intentzione
a fele in bucca e finas meledende
de comente contr’a sos d’Ilione
aggiuare a sos d’Argo e coittende,
giagh’in ódiu tremendu los teniat
paris cantu a sos Gregos preferiat!
421
S’aggiudu
de Posidone

Càntigu XIII
5 Gai appenas Nettunu onnipotente
s’abbizesit ch’ ‘oltada in aterue
su frade mannu teniat sa mente,
a Ege 3 furriesit da-e cue
chena duda peruna, cor’ardente:
sas chimas s’intendesin mue-mue
tremàresi de montes e forestas
a su passazu, che bentu ‘e tempestas!
6 A su ‘e battor passos ch’arrivesit
a Ege s’Immortale, ue b’ aiat
sa règgia, sutta mare, chi lughiat
d’oro e de prata. Duos caddos lêsit
cun sas giuas doradas, los lighesit
a su carru chi prontu bi teniat,
si ‘estesit e, a fuette in manu,
nde torresit a subra ‘e s’oceànu.
7 A pizu d’abba sos caddos divinos
tucchesin che bolende e-i su mare
s’abberzesit bidìndelos passare
che a lis fagher ùmiles inchinos
e, brinca-brinca, sos mostros marinos
cun sos pisches nd’ ‘essesin fatt’a pare
a fagher festa a su deus insoro
bellu e alteru in s’armadura d’oro!
8 In una grutta ‘e sas costas egeas
tra Imbro e Tenedo 4 , própriu a cara
a ue atzesa s’ilìaca fiara
si fit serente a sas naves acheas,
cussa parìglia che mintesit rara
s’Eterrenu, e, leadas sas trobeas
(chi fin d’oro!), sas ancas lis prendesit
e s’ambròsia proenda lis ponzesit.
422

Battàglia manna in su portu
9 Da-e chie cheriat preferire
lestru tucchesit pustis Posidone
(che fogu ‘essidu o malu bulione
fin in s’ora tentende ‘e la cumprire
sos d’Èttore s’impresa!) e, sa persone
leada de Calcante, d’atzurire
a sos Aiaces pensesit detzisu
déndelis cara a cara cust’avvisu:
10 –Acco’ s’ora, o Aiaces, da’ sa lua
de nde ‘ogare a sos de prim’Atride!
Si che pìbera ‘e siccu mal’antua
bos est dende dardanu Priamide
e, che babbu, in s’intentzione sua
finas affianzende l’est Cronide,
s’atza ch’azis in coro lis mustrade,
su resinnu e sa rara abilidade!
11 Calchi deus –nar’ ‘eo– a nois puru
sos brios at a dare e sos cunfortos
pro non ficchire inoghe tottu mortos,
pro che los istorrare da’ su muru!
Siat comente, ‘e custu so seguru:
chie est malu in sa vida e faghet tortos
sa paga dêt retzire tardu o prestu
de s’operare sou disonestu!
12 Non timedas adducas sorte mala!
In sa Giustìscia crêide eterrena,
ca tzessat prima o poi tanta pena
e sa sorte si ‘oltat a cust’ala!–
Nênde gai lis tocchesit sa pala
cun s’iscettru Nettunu appena-appena
creschìndelis a ambos duos pare
sas fortzas e sa gana de gherrare.
423

Sa frenesia de
sos Aiaces
Càntigu XIII
13 Decomente si partit un’astore,
intendéndesi bóidu s’isgarzu,
da-e sas chimas de unu roccarzu
e persighit un’ae prus minore
fintz’a li minter su biccu dannarzu
in tuju o in fiancos a primore,
a tales si tucchesit Posidone
da’ ojos d’Oileu e Telamone.
14 Restesin chen’alenu ambos Acheos;
ma nêsit Oileu chi connottu
aiat s’Immortale: –A s’abbolottu
da-e s’Olimpu nos giaman sos Deos,
o Telamone! Gasi esseran tottu
che Nettunu contr’a sos Dardaneos!
Como l’ischimos chi non fit Calcante
su d’insara, mancari simizante!
15 In pettorra sa mùida creschende
m’est de sa gherra che unda ‘e trainu
e sutt’a pês mi brujat su terrinu,
sas manos las intendo che fremende!–
E s’àteru, che caddu apparinende:
–Emmo ch’est gai! E finas deo in sinu
a fiamaridas mi sento, Oileu;
bratzos e ancas che a modu meu!
16 E che giau ficchidu in carre ‘ia
m’est mattanende un’áter’oriolu:
inoghe, in cara a tottu, cherrer dia
a Ettore affrontare solu-solu!–
E mentr’issos cun paris frenesia
pro sa gherra felosa fin a bolu,
a sos àteros Gregos fit s’isprone
felchinde ‘e sa perricca Posidone!
424

Battàglia manna in su portu
17 E bisonzu nd’aìana (e comente!)
de s’intender in coro frua noa,
s’est chi sa tìrria ‘e chentu e una proa
da-e ora onzi gregu cumbattente
s’ aiat olvidada e posta in coa!
A sos giòvanos d’Argo mascamente
s’ ‘oltesit tando su deus Nettunu
lumenèndelos tottu a unu a unu:
18 –O Téucro valente, ti nd’impuda
d’esser che bajanedda inneuddadu!
O Peneleu 5 ... o Léitu... a sa muda
cumprire adducas lassades su Fadu?
O Antìlocu, mastru insuperadu
de chentu chertos, gai a moristuda
l’atzettas sa vittòria d’Ilione?
O Toante... o Dipiro... o Merione!
19 It’ ‘irgonza sa ‘ostra! E cant’est dura
sa sorte chi bos trìsinat a s’Ade!
S’atza est custa de sa zoventura?
Non siat mai! Mezus m’iscultade!
Bois s’esémpiu innanti lu dade
cun fide noa e tanta malaura
prestu che la catzade da ‘inoghe
cumpattos cuntrastende a una ‘oghe!
20 Una ‘ijone mi paret su fattu
chi finas a sas naves arrividos
sian sos de Priàmu e ch’atturdidos
nos nd’istemos che sórighes cun battu!
Cantas bias s’acheu s’est attattu
de su sàmbene ‘e custos istasidos!
Che crabolas si fin sempre mustrados
cun nois sos ilìacos soldados!
425
Posidone ánimat
a sos d’Argo

Càntigu XIII
21 Oe però che àbbiles si ‘ettan
finas fora ‘e sa ‘idda d’Ilione
e cuntrastende cun detzisione
nos accorran inoghe e nos minettan
de morte mala! S’est chi nos apprettan
est ca ischin c’a re Agamennòne
sun medas sos chi l’an in malu trattu
pro comente agit e pro su ch’at fattu.
22 Ma si l’at isse sa neghe, isse solu,
(cant’Achille nos mancat già l’ ‘idides!)
sa mezus cosa de fagher crêides
siat forsi d’aggiungher dannu a dolu?
O giòvanos valentes, s’oriolu
un’àteru dêt esser, si cherides
mustrare a isse e a su mundu intreu
cal’est sa fortza morale ‘e s’Acheu!
23 A bois toccat a li preservare
a Argo nostra su lùghidu onore!
Bois chi sezis su mezus fiore
li devides sa fama mezorare
che sempre porfiende cun valore!
Bazi ch’Ettòrre no at a passare!
Bettada nos nde l’at sa gianna a terra,
ma non penset in mezus Tronu ‘e gherra 6 !–
24 Nêsit su deus ch’inghìriat su mundu;
e, animados, cuddos a cuss’arte
si disponzesin luego: una parte
a Aiace Oileu tott’in tundu,
s’àtera a Telamone, aizu in fundu,
a difesa ‘e sas naves. Finas Marte
o Minerva si che fin mattanados
si contra, a narrer, si lis fin boltados!
426

Battàglia manna in su portu
25 Unu a costazu a s’àteru attrumados
avantzesin degai sos giovànos,
cun sos iscudos a pare arrumbados,
elmu cun elmu, cun s’ispada in manos.
Ma non si nd’assustesin sos Troianos
in su los bider de nou animados,
si cun Ettòrre mannu innant’a tottu
si ‘ettesin in mesu a s’abbolottu.
26 Che cando da’ sa chima ‘e sa montagna
unu marrarzu a roduladura
nde franat fintzamente a sa basciura,
ca l’at s’unda ‘e su riu da’ s’intragna
isboidada, e padente e campagna
nde trìnnigan che lampu a faladura,
ma s’arrêt pustis chena prus tenea,
gai Ettòrre contr’a truppa achea!
27 A s’insegus torresit Priameu
tando cun pagos brincos e: –Sighide!
–nêsit a sos cumpagnos– S’azis fide,
agguantare non podet s’Atreu!
Tzeder dên tottu a su brunzu meu,
ca mandadu a inoghe m’at Cronide,
su deus prus de tottu poderosu,
mere ‘e su tronu, ‘e Giunone isposu!–
28 Debadas cussa ‘oghe non bettesit,
s’est chi su fizu ‘e su re d’Ilione,
Deìfobo nomadu, si tucchesit
innant’a tottu che tentassione
a iscudu paradu. Ma l’ ‘idesit
de Molo su rebuddu, Merione,
e sa lantza chi teniat in manu
cun atza l’imbolesit da’ lontanu.
427
Merione
e Deìfobo

Imbrìu
e Anfìmacu
Càntigu XIII
29 Contr’a s’iscudu ‘e s’eroe dardanu,
chi fit de corzu ‘e trau, tundu e mannu,
s’arminzu si franghesit e su dannu
chi bramaiat Argo istesit vanu.
A su naviu tando cun affannu
s’avviesit su gregu pianu-pianu,
disgustadu pro sa faddida proa,
pro si frunire de un’arma noa!
30 Téucro in s’ora a su frua ‘e Mentore,
tales Imbrìu 7 , bénneru istimadu
de Priàmu (ca si fit cojuadu
cun una fiza burda ‘e su Segnore,
Medesicasta 8 , addaghi arrivadu
fit da’ Pedeu 7 ,) sa lantza a primore
cun cant’ aiat fortza l’imbolesit
e sutt’a su tutturru lu colpesit!
31 Che falesit s’iscuru ispasimende,
che frassu ismutzurradu in sa foresta,
e sas armas in s’ora prus funesta
su teu l’intonesin rimbombende!
Si l’avventesit cun su coro in festa
tando su gregu, galu disizende
de l’ispozare ‘e su riccu armamentu.
Ma l’ ‘idesit Ettòrre in su momentu.
32 Sa lantza longa, ‘e brunzu lutzighente,
l’avviesit seguru ‘e lu colpire,
ma s’abbasciesit cuddu prontamente
in s’intentu faghìndelu faddire
e cunsenténdeli invece ‘e ferire
a su Citeatide 9 mortalmente,
Anfìmacu 9 , chi mentre avantzaiat
cussa saetta non s’isettaiat!
428

Battàglia manna in su portu
33 Tentesit tand’Ettòrre ‘e li leare
s’elmu a su disdicciadu cun lestresa;
ma bi fit cue Aiace e da’ s’impresa
chirchesit cun sa lantza ‘e l’istorrare.
A s’iscudu s’arminzu, chena offesa,
però si l’attappesit. ‘E lassare
detzidesit pro cussu su Troianu
a sos Acheos su mortu giovànu.
34 Gai a Citeu 9 da’ su d’Ilione
Menesteu nde lêsin e Stichìu 10 ,
ambos duos d’Atene; e Telamone
e Oileu in àndia chen’isviu
su corpus si portesin de Imbrìu,
de comente una craba in paragone
duos leones si gighen, furada
a sos canes, cun bucca insangrentada!
35 Non cuntentu Oileu de sa fura,
posc’a Imbrìu sa conca mutzesit
e cun boghes de beffe la frundesit
contr’a Ettòrre. A roduladura
a pês de su Dardanu (ohi, tristura!)
brutta ‘e piuer cudda si frimmesit
e s’Eroe, pensende a su connadu,
su coro s’intendesit marmuradu!
36 Pro sa de su nebode 11 dura morte
invece in iras s’altzesit su Mere
chi tenet de sas undas su podere
e, minettende a Tròia malasorte,
tucchesit da’ sos Gregos, in piaghere
galu ‘e los animare e pius forte
in coro de lis crescher ódiu e atza
contr’a sa de Priàmu forte ratza!
429
Posidone
ispronat
a Idomeneu

Càntigu XIII
37 A s’atzuridu eroe Idomeneu
agattesit innante Posidone,
ch’a meigare unu cumpanzu acheu
fit gittende, e, leada sa persone
de Toante, su fizu d’Andremone,
cumandante ‘e s’esércitu etoleu,
in Calidone e Pléuro 12 onoradu,
li nêsit de comente arrennegadu:
38 –Segnore ‘e sos Cretesos, olvidadas
bos las azis adducas de abberu
sas minettas de fogu chi giuradas
azis in s’ora de su disisperu?–
E in risposta cuddu: –Crê’ chi seru
non leo est su chi naras! Acutadas
che-i s’ódiu sas armas las tenimos
e che sempre cun atza cumbattimos!
39 Forsis est Zeus, o forte Toante,
chi de nos bider bramat settesciados
e chena glòria, da’ Argo a distante!
Ma si, comente penso, resinnados
dias preferrer sos gregos soldados
galu ‘e piusu e donzi cumandante,
sighi a los animare a unu a unu
giagh’in cust’arte non pares deunu!–
40 E cun tìrria su deus: –Ch’in pastura
resten inoghe de canes lambridos
cuddos chi si mustreran istasidos!
Ma como t’arma pro ch’in conzuntura
a sos de Troe lupos belenidos
s’atza nostra mustremos! S’ora est dura!
Ma narat unu dìcciu chi s’unione
boltat finas su débile in leone!–
430

Battàglia manna in su portu
41 Nêsit Nettunu; e si che torresit
a s’abbolottu cun passu seguru
e a sa tenda Idomeneu puru
a s’armare detzisu s’avviesit.
Appenas arrividu, si ‘estesit
in presse s’armadura ‘e brunzu puru,
lêsit sas lantzas e ch’ ‘essesit fora
che sole lampizende a s’aurora.
42 Ma chirchende una lantza a s’impressada
acco’ a Merione a-i cuss’ala.
E su de Creta ‘idéndelu: –Ello a pala
sos pês t’as postu, o pranta istimada
de Molo? Cale nd’ ‘attis imbasciada?
O t’at lantadu calchi fritza mala?
A t’ ‘ider pares sanu! E tando dae...
faedda... ca m’isettan in cuddae!–
43 E Merione, benzende a concluos:
–Frade ‘e su coro, giómpidu a currire
una rejone b’ada: fatta in duos
si m’est sa lantza chirchende ‘e colpire
a Deìfobo atzudu! ‘E mi frunire
acco’ ti pedo de sos trastes tuos
s’est chi nde tenes calcunu arribbadu!–
E-i cuddu in risposta che toccadu:
44 –Vinti de lantzas nde tenzo assentadas
e no una ebbia, o Merione,
intr’ ‘e sa tenda; armas chi leadas
apo gherrende a sos d’Ilione!
E b’at elmos, iscudos e ispadas...
pro glòria mia e suddisfassione!
Intrabe-i... e siat custa o cuddu
ti lu sèbera e non mires a suddu!–
431
Idomeneu
e Merione

Càntigu XIII
45 «Galu deo in sa tenda, o re Cretesu,
–li nêsit cuddu appena risentidu–
de trofeos ‘nimigos so frunidu!
Ma ch’est sa nave mia troppu attesu,
pro cuss’est ch’a inoghe so ‘ennìdu!
Non b’at bolottu chi non ch’iste in mesu,
cun sos primos chertende in su bisonzu!
Tue a su nessi mi ses testimonzu!»
46 «Emmo ch’est gai! Ma non b’at motivu
–li rispondesit lestru Idomeneu–
chi ti ‘antes cun megus! E prîteu?
Chie at coro d’eroe est sempre attivu,
abbistu a donzi colpu, a curreu
da’ una a s’àter’ala! Chie est brivu
de meuddos, invece, a donz’attaccu
si tremet, s’abbauccat che su maccu!
47 E si li giambat sa cara de tinta
a cada passu, in donzi momentu,
chi paret chi sos canes l’apan linta!
L’andat su coro che foza cun bentu,
moddes sas ancas, ca sa morte pinta
tenet fissa che tzou in pensamentu!
E capìtat ch’a mòrrere sovente
toccat innante própriu a cussa zente!
48 Cust’allega però muttimundela,
ca su dovere nos giamat pressosu
e chie est de sa pàtria amantiosu
mai la lassat sola sa bandela!
A domo intra, bae, o valorosu,
lea una lantza e gighitichela!»
Nêsit; e Merione chen’ ‘istentu
intresit e si lêsit s’armamentu.
432

Battàglia manna in su portu
49 A sa ‘essida tucchesin umpare
a s’ala ‘e su bisestru cun ardore,
ambos in paragone a deus Are
addaghi cun su fizu, su Terrore,
da-e sa Tràcia falan pr’aggiuare
a bolta-’olta, e segundu s’umore,
a sos d’Efira o a sos Flegeos 13
da-e tempus tra issos in peleos!
50 «O re de Creta, –nêsit in lestresa
tando su fizu ‘e Molo– e da’ inue
cumbenit de l’intrare a sa malesa?
Derettos goi? O mezus, pensas tue,
da-e destra? O a manca? Sa difesa
prus débile mi paret própriu cue
de sos d’Atride. O mi so faddende?»
E in risposta s’àteru currende:
51 –Derettos no, ca Téucro gherrende
b’est cue che leone, arcu in sa manu,
e sos Aiaces. Èttore dardanu
innanti de las bìdere brujende
sas naves d’Argo e cuddos tzedende
valore dêt mustrare soberanu!
Zeus solu cun s’olìmpicu fogu
ponner los podet, cherfende, in attogu!
52 Ello degai tzedit Telamone
a chie si li parat a innante!
Mortale non nd’esistit de persone
chi li pottat resìstere costante!
Ruer non diat cussu cumandante
nemmancu contr’a Achille Mirmidone!
A s’ala manca adducas leamos:
o balanzamos glòria o bi lis damos!–
433

Sos Troianos
a s’attaccu
Càntigu XIII
53 Appenas sos de Troe da-e tesu
a Merione ‘idesin avantzare
che fogu ‘essidu cun su re cretesu,
s’aunesin innante a fiancu a pare,
pustis s’ ‘ettesin a sa mìscia in mesu
cun atza e determinu ‘e los frimmare.
E prus de prima ‘e sa gherra odiosa
sa fiara s’altzesit orrorosa!
54 Che cando a s’improvvisu muidende
si pesat in su siccu istadiale
a trabùlios su ‘entu ‘e maestrale,
a nues su piuer suppesende
in sas carrelas e imbianchende
muros e giannas che unu niale,
a tales tirriosa in un’iscutta
sa Morte s’accheresit, car’allutta!
55 E in tottue lantzas acutadas
s’ ‘idesin solu a su piga e fala
lampizende da’ una a s’àter’ala
che s’esseran de lampu isfuettadas!
Elmos per terra, coratzas, ispadas,
iscudos e pugnales! Sorte mala!
Unu coro d’attarzu ammoddigadu
si fit a tant’orrore isfidiadu!
56 Sestende un’ateruna triste lua
ambos fizos de Crono fin in s’ora,
meledende donzunu a moda sua
luttos pro Argo e pr’Ilione ancora.
Dare a s’achea ratza gherradora
cheriat Zeus sa promissa antua,
mentras Nettunu chirchende ‘e vittire
fit chi sa gherra potterat cumprire!
434

Battàglia manna in su portu
57 Ma fit Cronide e tottu in cancalleu
cherfende vindicare a Mirmidone
chena dàrela ‘ìnchida a Ilione!
Prus detzisu contr’a su Dardaneu
si mustrait invece Posidone,
s’est ch’ ‘idinde s’attogu de s’Atreu
de s’ ‘ettare, a s’accua de su frade,
pensesit isse in sa disamistade!
58 Gai in persone de custu o de cuddu
da’ una parte a s’àtera curriat
e in su coro a medas che in buddu
sa gana ‘e sa vittòria lis poniat.
E leadu isse puru da’ su suddu
finas calcunu nd’isterrijaiat!
E cantos Troianos e Acheos
ruesin in su giobu de sos Deos!
59 Che àscia ‘e raju contr’a sos de Troe
Idomeneu in s’ora si ‘ettesit,
mancari antzianeddu, a fagher proe
e a Otrioneu 14 iscatteddesit,
su chi da-e Cabeso 15 nde tucchesit
pro s’ ‘alanzare mentovu d’eroe
a difesa ‘e Priàmu, amigu sou,
appena ischidu de su chertu nou!
60 A Cassandra cheriat cojuare,
de Prìamu sa fiza prus dechìda:
bastat chi bi l’aeret promittida
fit seguru ‘e lis poder istorrare
sa minetta ‘e sos d’Argo belenida!
E, giaghi fattu ischire ‘e bi la dare
su Re l’ aiat, fit pro Ilione
cumbattende cun cuss’illusione!
435
Sas impresas
de Idomeneu

Càntigu XIII
61 Ma in sa ‘entre una lantza acuta
li piantesit su cretesu mere,
nêndeli appena in terra: –A limba asciutta
galu sos Gregos, si nd’as piaghere,
non ti che mandan a domo, si rutta
nos promittis (e già l’as su podere!)
de ‘idere sa ‘idda ‘e re Priàmu!
Si trattat solu ‘e cambiare cramu!
62 Si a Cassandra cuddu t’at promissu
(fémina bella, non b’at ite narrer!),
fintz’a inoghe, pro mezus cumparrer,
una ‘e sas fizas s’Atride, propr’issu,
ti nde ‘attit, bastat chi giambes parrer!
E giagh’in mente tenes tzou fissu,
beni a sas naves cun megus, ch’ ‘idimos
s’est chi su coju che lu concluimos!–
63 A unu pê lu lêsit nênde gai
e che lu trisinesit chen’isviu
foras da’ s’abbolottu. In s’ora Asìu,
pro su mortu cumpagnu in arguai,
sos caddos suos, detzisu che mai,
isfuettesit, tucchende cun briu
a s’ala ‘e su mortore re de Creta!
Ma s’abbizesit cuddu ‘e tant’appretta!
64 Cun su matessi arminzu ch’impittadu
aiat prima contr’a Otrioneu
su tuju a su fogosu disdicciadu
trapassesit pretzisu Idomeneu!
Che unu pinu o chercu ismutzurradu
o fustealvu pro navale impreu
ruesit da’ su carru a fàccia a terra
Asìu, concluende vida e gherra!
436

Battàglia manna in su portu
65 A s’istrampada, chi pariat tronu,
si suberiesin galu sos fiados
e fintz’a s’iscuderi marmurados
sos brios, s’est chi da-e s’assucconu
s’abbaucchesit che in attuntonu,
cun sos ojos che fogu allucorados!
E Antilócu che lampu in su mentre
sa lantza li cravesit in sa ‘entre!
66 Cun s’ùltimu sarragu arressu in bula
nd’istrombulesit finas isse a terra
e Nestoride a sa grega tula
sa parìglia che lêsit da’ s’afferra!
Da-e tantos bisestros puntu a sula,
cun una lantza tando in cuntierra
galu intresit Deìfobo ‘e Priàmu
in bisu a su ‘e Creta ‘e ponner camu!
67 Ma de s’aìna ‘e brunzu ‘oladora
Idomeneu lestru s’abbizesit
e, de fiancu paréndesi ancora,
s’iscudu a covaccura si ‘ettesit!
A subra ‘e s’affianzu li passesit,
ispizolendebilu a parte ‘e fora
che bentu sa saetta muidende
rea-rea sa cursa prosighende!
68 In matta a s’Ippaside Ipsenore 16
sa fua infinis cumpresit molesta,
fìdigu e parasamben a primore
faghìndeli a bisera! Tando in festa
Deìfobo urulesit: –Si funesta
sorte as connottu, Asìu, acco’ s’onore
chi ti rendet s’amigu, pro ch’a s’Ade
non tucches conchibàsciu in soledade!–
437

Càntigu XIII
69 In su l’intender sos d’Argo su ‘antu
si nd’attristesin, e dolu e appenu
proesit Antilócu pro s’ispantu
de s’inimigu! Remurzende ‘elenu,
de saccarrare pensesit intantu,
pro non che ruer in podere anzenu,
cun s’iscudu su corpus d’Ippaseu 16 ,
giamende a Alastore e a Mecisteu.
70 E-i cuddos, chi fin cue serente,
fintz’a sa nave, a palas, coittende
che lu portesin feridu (e comente!)
pius mortu che biu ispasimende!
Ma, galu no attattu, ammiriende
si nde fit su Cretesu cor’ardente
un’aterunu ‘e soldadu dardanu,
non med’attesu, cun su traste in manu.
71 Su fizu d’Esiete 17 valorosu,
Alcàtoe gherreri e bona ghia,
li capitesit a tiru. S’isposu
fit isse de s’ermosa Ippodamìa 18 ,
su lizu de Anchise 19 prus grasciosu,
nódida in sabiesa e galania,
de su babbu s’ispantu e de sa mama,
gitta in tottue e da-e tottu a fama!
72 Ch’imbolesit s’arminzu Idomeneu
detzisu che simmai a non faddire,
ne li pottesit su colpu vittire
in s’ora su campione dardaneu,
si che un’upa mala, reu-reu,
innante si l’ ‘idesit arrivire!
Solu in tempus fattesit su mischinu
a l’appunzare, cravéndesi in sinu!
438

Battàglia manna in su portu
73 Che culunna o àrvure zigante
ruesit Alcatoe chena vida
a palas a s’insegus e felchida
li restesit sa lantza, palpitante
a paris cun su coro pr’un’istante,
muttìndesi depustis istasida!
A pettora unfiada su Cretesu
tand’urulesit pro esser intesu:
74 –Bantadu, o Deìfobo, ti sese
d’aer dadu ad Asìu unu cumpanzu
pro su ‘iazu a s’Ade! E duncas crêse
chi siat pro a tie unu ‘alanzu
bocchìrende unu pro nde perder trese?
E s’est chi bramas de pattare ‘anzu,
tue a inoghe ti nd’accurtzia como
a bider si mi domas o ti domo!
75 Avantza, tucca, e gai l’ischis chie
sa ‘idda est flagellende d’Ilione
a Prìamu accamende e puru a tie!
Ma t’avverto ch’est Deucalione 20 ,
fizu de Minos 21 , su ch’at dadu a mie
vida, brios e coro de leone!
E Minos, in tottue fentomadu,
istesit da-e Zeus generadu!–
76 Restesit dubidosu in su l’intender
Deìfobo troianu cuss’affrontu,
no ischinde si fit mezus su contu
manu-manu ‘e pattare o si pretender
s’aggiudu ‘e calicunu ch’a difender
s’onore a Ìlion si mustrerat prontu.
E, seberende sa segunda idea,
a chircare tucchesit a Enea.
439

Chertos pro
su corpus de
Alcàtoe
Càntigu XIII
77 In fundu a s’abbolottu l’agattesit
contr’a Priàmu ammutzighiladu,
(ca segundu sos méritos ondradu
non s’intendiat da-e custu!) e nêsit:
–O forte Enea, mortu su connadu,
chi da-e minoreddu t’allevesit,
t’at pag’ora de Creta su Segnore.
Cun megus bi lu vìndica s’onore.–
78 In s’ischire ‘e sa morte d’Alcatòe
che fritza intr’ ‘e coro pena e dolu
s’intendesit su troianu eroe
e contr’a s’inimigu che a bolu,
cun s’àteru a costazu, in oriolu
tucchesit pro bi fagher bonu proe.
Ma non si nd’assustesit su de Creta
bidendesilos lomper a s’appretta!
79 Frimmu restesit, chena si chinnire,
che sirvone in sa pèlcia addaghi intendet
appeddende sos canes arrivire
cun sos canarzos fattu e prus s’atzendet
de fogu in ojos e sas tuddas tendet
e-i sas sannas prontu a los retzire.
E pius cuddos si nd’accurtziaian
e pius sos buddores li creschian!
80 A Dipiro 22 , pro esser prus seguru,
però ‘ettesit boghe, a Merione,
a Ascàlafu, a Afareu e puru
a Antilócu, nênde: –Attentzione,
amigos mios d’Argo, pius duru
s’attaccu acco’ si faghet d’Ilione!
A Enea mirade, ira mala,
a passos mannos currinde a cust’ala!
440

Battàglia manna in su portu
81 Àbile est cussu in dare sa morte,
ne andat cumbattende a s’avventura
e in prus d’esser resolutu e forte
a s’ala sua b’at sa gioventura!
S’aère cuss’edade, a sa segura
affrontare lu dia, e-i sa Sorte,
issa ebbia, aiat decretadu
chie fit ruttu e chie onoradu!–
82 Nêsit Idomeneu; e chen’imbaru
pensesin sos cumpagnos tott’umpare
in su bisonzu de li dare amparu.
E cun su fizu d’Anchise avantzare
gai ‘idesin a Paris oji-giaru
e bellu in sa terra chena pare,
a Deìfobo, a su forte Agenore,
e chentu e prus gherreris de valore!
83 Si nd’allegresit Enea ‘e su fattu
d’aer a fiancu tantos campiones
e s’intendesit cori-suddisfattu
che su pastore, ch’ ‘idet sas anzones
fatt’a su beccu currer da’ s’ ‘arvattu,
inganidas de dulches sensasciones,
finas a sa funtana o a su riu
pro sulenu ‘e su sidis de s’istiu!
84 A s’inghìriu degai in un’iscutta
de su corpus d’Alcàtoe dardanu
galu una ‘olta cun sa ghigna allutta
su Chertu si mustresit soberanu
e che lambrida e che simmai acuta
sa Morte iscarenada a falche in manu!
Intantu a su mortore ‘e su connadu
si puntesit Enea oji-acutadu!
441

Càntigu XIII
85 E appenas a tiru li ‘enzesit,
che leone feridu abboghinende,
sa lantza sua manna l’imbolesit.
Ma cuddu, a sa lerta isperiende,
bidìndela arrivire s’abbasciesit
e in terra su traste trinnighende
si che cravesit, cumprinde su ‘olu,
chena lomper a fruttos de consolu.
86 A Enomau tando una de brunzu
nde l’avviesit s’eroe cretesu
de lantza pro risposta e a murrunzu
ruesit su ‘e Troe a morte offesu
cun su ferru felchidu própriu in mesu
a sa ‘entre e faghinde un’abbaunzu
de samben e piuer, cara a chelu,
primm’ ‘e partìresi a s’eternu gelu!
87 Si l’accurtziesit posca Idomeneu
e da’ su corpus a istratzadura
s’arminzu nde li lêsit che a fura.
Ma non tentesit de su dardaneu
de si che gigher sa bell’armadura,
ca sende da-e ora in cuss’impreu,
e non prus giovaneddu, s’intendiat
sas ancas moddes e sueraiat!
88 Gai pensesit de si retirare;
ma non cherfende dimandare aggiudu
(ca su coro che sempre fit atzudu!)
detzidesit de sighire a gherrare
impittende s’ispada e-i s’iscudu
e, passu-passu, insegus de torrare
fintz’a ch’ ‘essire da’ s’affannu duru
pro si pasare in logu seguru.
442

Battàglia manna in su portu
89 Li leggesit però s’intentzione
Deìfobo troianu in su momentu
e-i sa lantza sua chen’ ‘istentu
l’imbolesit, faddinde in pretzisione!
Ad Ascàlafu, gregu campione,
d’Ares rebuddu, fùrria che bentu,
colpesit cudda invece in una pala
faghìndeli connoscher morte mala!
90 (Non s’abbizesit Marte de sa sorte
chi de su fizu l’ aiat brivadu,
ca subr’a una nue ausentadu
che fit su deus de s’urùlu forte 23 ,
da-e Zeus custrintu e osservadu
a si ch’istare in s’olìmpica Corte,
pro chi ne isse e ne perunu deu
faladu esserat a cuss’impeleu!)
91 Gai in tundu a su mortu s’atzendesit
felosa sa perricca, ‘alu una ia:
de si che gigher innanti tentesit
s’elmu ‘e brunzu Deìfobo, a porfia
gherrende contr’a tottu, e si lu lêsit!
Ma lestru Merione che arpia
cun unu colpu ‘e lantza a su dardanu
bi nde lu cancaresit da-e manu!
92 Che un’unturzu pustis da’ sa pala
de Ascalàfu s’aìna felchida
nd’istratzesit Molide 24 e a un’ala
si retiresit, appena cumprida
sa faina, pensende a sorte mala!
E Polite 25 , timinde pro sa vida
de Deìfobo frade, chen’isettu
che l’istorresit da-e cussu trettu.
443
Sa morte
de Ascàlafu

Bisestros
orrorosos
Càntigu XIII
93 Altu finas a chelu su rumore
s’intendiat tottue ‘e sa pelea,
cand’in sa ‘ula ad Afareu Enea
una lantza, velotze che astore,
che li cravesit. Chena prus tenea
su fizu disdicciadu ‘e Caletore
isfattu a conca a terra che ruesit
e a s’Ade a murrunzos s’avviesit.
94 Pustis pagu a Toone, chi currende
fit a palas boltadas, un’aìna
l’imbolesit Antìlocu, colpende
a morte s’inimigu a mes’ischina.
Lestru sa de Nestòrre raighina
si li ‘ettesit susu, disizende,
a prus de sa vittòria, ambas pare
armadura e arminzu ‘e li leare.
95 Arrischesit però in cuss’impresa,
ca pro bi l’impidire sos d’Ilione
lu saettesin cun detzisione
da’ destra e da-e manca, e, si offesa
niune l’at in s’ora sa persone,
est ca de su nebode 26 sa difesa
nde lêsit Posidone ‘alu una ia
in tant’abbettiosa marrania!
96 Subr’a s’iscudu ‘e cuddu tundu e mannu
gai lantzas e fritzas s’attappesin,
ne a lu trapassare resessesin
e ne a lomper a li fagher dannu,
ca sas pius in duos si franghesin!
In meledu ‘e lu ponner in affannu
si l’accurtziesit tando a passu priu
Adamante, su fizu de Asìu.
444

Battàglia manna in su portu
97 Cun canta fortza teniat in sinu
sa lantza li cravesit in s’iscudu,
de che lomper seguru a s’assassinu
de Toone! Ma contu ‘e pagu giudu
s’ aiat fattu su dardanu atzudu,
ca su Mere ‘e su mare oju-asulinu
bi la lassesit che trae brujada
in s’amparu felchida e immesada!
98 Si retiresit tando s’attrividu
timinde ‘e bi lassare pulpa e ossu;
ma Merione, chi l’ aiat bidu,
li saltiesit che porcrabu addossu
e d’una lantza, acuta che ispidu,
connoscher li fattesit malu mossu:
in su logu l’intresit pius dìligu
appenas pius sutta de s’imbìligu!
99 Cun ambas duas manos, bandiende
da’ una a s’àter’ala, a ojos fora,
appunzesit s’aìna atterradora
s’Asìade gherreri, refudende
(ma in debadas) de ch’ ‘essire in s’ora
fintz’a s‘Ade, che boe fruschinende
a s’apprettu de cuddos chi portare
che lu cheren ligadu a masellare!
100 In su mentre chi rendende s’alenu
fit Adamante, Dipiro colpadu
istesit in concales da’ Elénu
cun s’ispada traciana e roduladu
attesu che l’est s’elmu, fragassadu,
de tzelembros e sàmbene pienu!
E fatt’a s’elmu gal’isvanessida
che istinchidda si che l’est sa vida!
445

Menelau
ferit a Élenu
Càntigu XIII
101 In s’ ‘ider a Dipiro mortu in terra,
contr’a Elénu cun sa lantza in manu
s’ ‘oltesit Menelau, tronu ‘e gherra;
e, mentres una fritza su troianu
in s’arcu fit poninde chittulanu,
su traste sou, che fogosa atterra,
prus lestru s’Ispartanu l’imbolesit
e própriu a mesu pettus lu colpesit.
102 Ma da-e sa coratza ‘ola-‘ola
che rimbaltzesit frusciende s’aìna,
gai comente su ‘entu in s’arzola
faghet brincare subra sa codina
(che marróccula ‘ettada a cordigliola!)
sa fae nasiniedda e arridina
o su ‘asulutundu tzoccheddende
addaghi su massaju est paliende.
103 Cun un’àteru traste ‘e lu ‘occhire
tentesit tando su segund’Atreu
e custa ‘olta su colpu vittire
non pottesit s’eroe dardaneu:
in sa manu l’intresit reu-reu
felchindebila in s’arcu! A fuire
lêsit tando, gitténdesi arcu e lua,
Elénu ispasimende a s’ala sua!
104 Ma lu notesit su forte Agenore
fuende cari-grogu pro su ‘anzu
e, poi arressu, che unu duttore,
nd’istratzesit sa lantza a su cumpanzu,
faschéndeli sa manu cun amore
e sa lana intritzada pro istanzu
ponìndeli ‘e sa frunda ‘e s’iscuderi,
chi bi la desit lestru e volenteri.
446

Battàglia manna in su portu
105 Pustis Pisandru 27 , o Menelau forte,
t’ ‘enzesit a innante resinnadu
chen’ischire in su mentre cale sorte
li fit sestende in Ìlion su Fadu!
A narrer chi at finas giuiladu,
seguru de ti dare mala morte,
cando su primu colpu t’as faddidu
e sa lantza in s’iscudu t’at felchidu!
106 Crêiat de lu poder trapassare
s’amparu tou ‘e brunzu poderosu
che chera modde e de t’isterrijare!
Ma torresit in sensos, dubidosu
de poder tanta glòria meritare,
addaghi cun s’ispada tirriosu
a s’ala sua currinde a boleu
t’ ‘idesit su gherreri dardaneu.
107 D’una ‘istrale tando si frunesit
cun sa màniga lija de ozastru
e de ti l’attappare meledesit
contr’a s’elmu, cun tìrria d’abbilastru!
Ma fit de brunzu custu e non tzedesit!
Diversu invece istesit su disastru
chi li fattesti tue cun s’ispada
si l’as sa conca in duos isperrada!
108 Sutta su nare l’intresit cuss’atta
e paris cun sos ossos fragassados
da-e sas cheas ambos duos patta
nde li sunu sos ojos saltiados
tzegos ficchende in terra, impiuerados!
Che ruesit s’iscuru e tue in matta
su pê abbattighéndeli cun atza
li nêsti, lêndeli armas e coratza:
447
Menelau
‘occhit a
Pisandru

Sa morte
de Arpalione
Càntigu XIII
109 –O canes troianos allimidos,
ratza dannarza, vile e traittora,
s’ispera adducas tenides ancora
de nos bider de brios istasidos
e sos navios nostros inchesidos?
Profanada mi l’azis sa dimora
a Elèna gittèndebos e, peus,
su santu cherrer traighende ‘e Zeus!
110 Mancari ‘uddente de su deus Marte
sa fiara bos brujet in su coro,
su pannu non merìtat de cuss’arte
s’agire ‘ostru chena prus decoro!
Fizu de Cronos, ch’a dogn’ora onoro,
nâmi: ello comente a cudda parte
de sa Giustìscia faghes verdadera
pèndere e da-e ora s’istadera?
111 Ca ses tue, o Tronante, tue ebbia
chi s’afficcu lis das de sa vittòria...
gai si ‘ettan in bisos de glòria
cun atza e fide a ponner marrania!
A sos mortales, est cosa notòria,
praghet sa fama de sa valentia
e, non segundu, su bonu passare!
Ma custos campan solu pro gherrare!–
112 Nênde gai, sas armas de su mortu
desit a sos cumpanzos e, che bentu,
frimma sa mente in su patidu tortu,
torresit tra sos primos cun s’intentu
de s’ ‘alanzare ancora un’accunortu!
Ma l’ ‘idesit su fizu in su momentu
de su re Pilemene, Arpalione 28 ,
bénnidu cun su babbu a Ilione.
448

Battàglia manna in su portu
113 Sa lantza ‘e brunzu longa e acutada
l’imbolesit che lupu abboghinende,
ma in s’iscudu ‘e s’Atride cravada
frimmesit sa saetta, bantzighende!
Timinde a s’Ade ‘e fagher sa tuccada
in mesu a sos cumpanzos che bolende
pensesit de torrare su dardanu.
Ma sa Morte fit cue a falche in manu!
114 Cun una fritza infattis Merione
pagare li fattesit sa repicca
de cherrer tant’onore in Ilione!
Da’ sa nàdiga destra a sa buscica
lu trapassesit e, che tilingione,
restesit cuddu cun sa frua sicca
isterrijadu in sa terra luzana
catzende samben che una funtana!
115 L’inghiriesin tando in dolu mannu
sos fortes Paflagones 29 tott’umpare,
lestros pensende, mancari in affannu,
subr’unu carru ‘e che lu garrigare.
Cun Pilemene, pranghende su dannu,
pustis a Tròia de che lu portare
detzidesin su corpus de su mortu
pro retzire ‘e su teu s’accunortu.
116 Galu Paris galanu ira e dolore
proesit pro sa sorte ‘e su cumpanzu
ammenténdesi ‘e cando, sende istranzu
in Paflagònia 29 , cun sintzeru amore
fit bistadu retzidu. Malu ‘anzu
a su fruttu ‘e Polido 30 , Euchenòre 31 ,
desit tando a repicca, una saetta
cravéndeli in s’orija ‘eretta-‘eretta!
449
Sa morte de
Euchènore

Èttore
a s’attaccu
Càntigu XIII
117 A s’Ade iscurigosu su mischinu
si ch’avviesit, decomente ischiat,
ca su babbu, chi fit un’indovinu,
sende in Corintu nâdu bi l’aiat
chi tale sorte li reservaiat
si fit tuccadu a Ìlion su destinu!
S’invece intro ‘e domo fit restadu
fit mortu da’ su male consumadu!
118 Gai isse e tottu cun ànimu forte
a Tròia detzidesit de partire
(ùltima libertade in tanta sorte!)
cherfende a sos turmentos preferire
d’Ares dannarzu s’orrorosa morte!
Pare-pare intantu a si ‘occhire
sos d’Argo fin sighende e d’Ilione
su tristu alimentende fogarone.
119 In cuss’ora Ettòrre, caru a Zeu,
chen’ischire ‘e su dannu chi patende
fin sos suos da’ s’inimigu acheu
in s’ala manca (e ne chi favorende
fit a sos d’Argo s’eterrenu deu
de sas undas marinas), porfiende
si nd’istaiat contr’a su danau
in sos navios de Protesilau 32 .
120 Sende cue prus bàscia sa muràglia
(a tales ch’in s’ispiàggia sos navios
s’ ‘idian puntellados), cun prus brios
la sustenian tottu sa battàglia:
da’ una parte Ettòrre ‘e bon’iscàglia
cun medas Troianos; sos Fitios 33
da-e s’àtera, Iónicos, Epeos,
Beotes e Locresos Tessaleos!
450

Battàglia manna in su portu
121 De Atene sa ratza ‘e mezus fide
be-i fit in cuss’oru reunida
cun Menesteu, Stìchiu, Bia, Fida 34 ,
cun sos tres cabos epeos d’Elìde
Dràciu, Anfione e Megete Filide,
e Medonte in pius, frua atzurida
de Oileu, ch’ aiat sa ghia
cun Podarce de cuddos de Fitia.
122 (Fit Medonte d’Oileu Locresu
su fizu burdu, chi ch’abitaiat
in sa ‘idda ‘e Filace; e si attesu
da’ sa domo ‘e su babbu ch’istaiat,
est ca mortu a sa ‘ìdriga l’ aiat
unu ‘e sos frades, send’istadu offesu!
Eriopide 35 fit custa nomada
e si l’ aiat a morte leada!)
123 Intantu, saettende a Ilione
si nd’istaian a costazu a pare
Aiace Oileu e Telamone
sighinde a passu-passu a avantzare
a conca bàscia chena si frimmare,
gai comente, arende in paragone,
duos boes ispanos a puntìglia
luttiende suore in sa repìglia!
124 Deghe assunessi o bìndighi ‘e soldados
chi li rezian s’imponente iscudu
nd’aiat Telamone inghiriados,
prontos tottu una manu de aggiudu
a li dare, si l’esseren mancados
pro s’isforzu sos brios a s’atzudu!
A tales cuss’amparu fit pesante
chi non fit d’unu sa fortza bastante!
451
Sos duos
Aiaces

Polidamante
tuccat da-e
Èttore
Càntigu XIII
125 Sos d’Oileu Locresos valentes
da-e palas invece gherraian,
ca de iscudos non nd’impittaian,
ne elmos e ne lantzas lutzighentes,
giagh’in sos chertos pius preferian
sas frundas corriattas e potentes
de lana ‘erveghina fatta a tritzas
o cun s’arcu imbolare malas fritzas!
126 Tanta fit s’atza, tale sa ‘errina
in cussu giassu ‘e sos fortes Acheos
chi no ischian prus sos Dardaneos
de comente impidire sa ruina!
E fin fuidos da-e sa marina
finas a Tròia pistos, a curreos,
si non esserat da’ Ettòrre andadu
Polidamante e l’aeret nâdu:
127 –Como d’àtere, o Èttore istimadu,
cheret ch’intendas parrer e cunsizos,
ca s’est beru chi s’Olimpu t’at dadu
de sas armas sos mezus contivizos,
non pro cussu dês crêre ch’iscultadu
in oras de letìscias o fastizos
sempre dêt esser su chi naras tue,
che s’esseras su mezus finas cue!
128 B’est chie da-e Zeus at retzidu
de sa gherra s’istintu e su talentu,
chie ‘e sa dansa donzi movimentu
connoschet bene, chie est frunidu
de ‘oghe bella e chie cun su didu
t’abbauccat sonende un’istrumentu!
Àteros dan cunsizos chena pare
a bonu ‘e cantos ischin iscultare.
452

Battàglia manna in su portu
129 S’est gai ti pretendo, o valorosu,
orija ‘e mi parare pr’un’iscutta:
sa corona ‘e sa gherra s’est allutta
in tottue oramai e dubidosu
so de sa sorte ‘e Troe! Cue sutta,
appoi ch’in su muru portentosu
s’an abbertu sos nostros unu ‘adu,
paret chi contra si ‘oltet su Fadu!
130 In s’orgógliu puntos sos d’Atreu
che sirvones feridos sun gherrende
e sos nostros, oh sorte, sun tzedende
e fintzas fuit calcunu a boleu!
Su dannu d’eris paret chi brujende
siat che fogu in donzi coro acheu
e chi torret Achille Mirmidone
finas timo, atzuridu che leone!
131 Lassa, o Ettòrre, duncas s’abbolottu
unu momentu ebbia e, si bi crêse,
giama a inoghe prìntzipes e rese
pro intender su parrer da-e tottu;
gai pustis, appenas l’as connottu,
sa detzisione pius giusta lêse:
nos cumbenit, decomente podimos,
de prus a los ‘prettare o recuimos?–
132 Nêsit Polidamante; e su faeddu
valutesit Ettòrre giustu e bonu,
s’abboghinesit rispondende a tonu:
–Tue abbarra inoghe un’aizeddu,
chi mi fatt’ ‘eo unu girigheddu,
pustis torro che fatt’a lampu tronu!
Si nd’ ‘ideras de cabos los trattene
e-i s’allega lis ilgiari ‘ene!–
453

Èttore e Paris
Càntigu XIII
133 Tucchesit, nênde gai, che a bolu,
terrìbile in su brunzu, cor’ardente,
e che montagna niada imponente
in mesu a sos Troianos solu-solu,
cun sa ch’ aiat boghe in s’arghentolu
sos suos cunvochende prontamente.
E impressados cantos l’intendesin
a su trettu indicadu recuesin.
134 Non bidinde a Deìfobo, sighesit
Tronu ‘e gherra tando prus innante,
galu in chirca d’Elénu, d’Adamante
e d’Asìu Artacide; sebestesit
invece a Paris, su déchidu amante
d’Elèna cara ‘e sole, e li naresit
cun unu risu in laras, ma pressosu,
de sa sorte ‘e sos d’Ilion timizosu:
135 –O Paris bellu e tristu che niunu,
de féminas galanu tilibriu,
nâmi: u’est Deìfobo? Ue sunu
Elénu frade, Adamante, Asìu?
E Otrioneu? Non si nd’ ‘idet unu!
Chie est mortu mi nara e chie est biu.
Ohi sorte! Pro Tròia disdicciada
adducas s’ùltim’ora est arrivada!–
136 E Paris, ch’ispronende fit sos suos,
cun moderu in risposta e dignidade:
–Ello prîte sos impropèrios tuos
galu una ‘olta sunu, o caru frade,
ràntzigos che su fele? In veridade,
e accomi luego a sos concluos,
non sempre apo brilladu in su dovere,
ma finas como non mi cheres crêre!
454

Battàglia manna in su portu
137 Da’ cando sos ‘nimigos accamados
semus teninde accurtzu a su portu,
in prima fila remédiu e cunfortu
so chirchende a sos dannos cajonados.
De sos eroes chi m’as fentomados
prus d’unu sos Danaos nos nd’an mortu!
Solu Elénu e Deìfobo, feridos,
pro si curare si che sun bessidos!
138 Ma si giompende ‘e Tròia a finitia
est su destinu, decomente as nâdu,
tue a s’attaccu, o Èttore, nos ghia
c’at a restare iscrittu e mentovadu
custu die in s’Istòria, a lughe ‘ia!
Frade tou no est inneuddadu
e cantu podet un’èssere umanu
l’as a bider faghinde a coro in manu!–
139 S’asseliesit Ettòrre in l’intender
e su nomen tucchesin d’Ilione
unu a costazu a s’àteru a difender.
E lis ponzesin fattu Cebrione,
Polidamante, sempre malu a render,
Mori e Ascàniu 36 , fizos d’Ippotione 37 ,
chi pro dare su giambu a sos soldados
fin da’ s’Ascània 38 su die arrivados.
140 E Falce 39 s’aunesit e Orteu,
Palmi e Polifete in su momentu;
gai avantzesin contr’a sos d’Atreu
tales ch’in mare una móvida d’ ‘entu
chi sas undas suppesat tott’arreu
biancas d’ispuma, mentras su chimentu
s’intendet de su tronu a curre-mue
chi paret chi nd’isàsciet donzi nue!
455

Sa briga de
Telamone cun
Èttore
Càntigu XIII
141 E pariat Ettòrre gloriosu
innant’a tottu Ares soberanu
cun s’elmu istrintu in conca lumenosu
e cun s’iscudu ‘e brunzu, tundu, in manu,
ispissu ‘e corzos ‘ulos e pesosu!
A sos d’Argo cheriat su troianu
cun s’imponèntzia sua assucconare
pro mezus che los poder degumare!
142 Ma non fit zente fàtzile a s’annuzu
sa ch’innanti gighiat o crabolos
ch’in sos padentes timen s’ischimuzu!
«O magnìficu Ettòrre, s’oriolos
as tue de nos ponner in buluzu,
beni a ti los leare sos consolos!
–avantzende li nêsit Telamone
a passos mannos che unu leone–
143 Sas naves ch’as in buddu ‘e nos derruer
millas cue in su portu! Ma s’impresa
non crêo sias prontu a la concluer!
Ratza est sa nostra a gherras avvesa
ch’ischit it’est s’attaccu e sa difesa!
Deo ti naro, invece, ch’at a ruer
d’Ìlio sa ‘idda poderosa innante,
si nos nd’ ‘ogat su camu su Tronante!
144 Antzis t’annùntzio chi a sos concluos
sa vida tua finas est lompende!
E già mi paret de t’ ‘ider preghende
a Zeus mannu e a sos Deos suos
pro chi lis ponzan a sos caddos tuos
alas d’astore, addaghi fuende
t’as a bider cun s’inimigu a pala
marranende ‘e ti dare morte mala!»
456

Battàglia manna in su portu
145 Nêsit; e, alta, Zeus immortale
da-e destra un’àbbile imbiesit,
ch’a ticchìrrios su chelu attraessesit,
de detzisiones annùntziu fatale!
Crêìndelu ‘e vittòria unu signale
cuntentu donz’Acheu nde restesit.
Ettòrre invece, non lêndesi suddu,
che tronu abboghinesit contr’a cuddu:
146 –Aiace barrosu, assiat bisu
su ch’in sos ojos ti ch’as imprimidu!
Sònnia, sònnia, o trau presumidu!
Chi bos si ‘oltat in prantu su risu
ladinu est che sole cuss’avvisu,
asi m’aeret Era partoridu
da’ sa de Zeus olìmpica ‘ena
o m’onoreran che Febo o Atena!
147 E finas tue, s’aeres s’azardu
contr’a Ettòrre ‘e ponner marrania,
dias retzire da’ sa lantza mia
su chi merìtas déghile riguardu!
Tand’accurtzu a sas naves, berumia,
sas pulpas tuas, sos ossos, su lardu
aes e canes t’an a ischirriolare
tra issos a porfia a murru a pare!–
148 Nêsit; e a innante s’atzuridu
cun sos cumpanzos tucchesit umpare,
altu ‘ettende un’orrorosu gridu
chi fattesit sa terra trinnigare!
E galu sos d’Atreu, a pê ficchidu,
lêsini, aisettende, a boghiare.
E su fragassu a s’eterrenu situ
lompesit de Cronide beneittu!
457

Càntigu XIII
NOTAS DE SU CÀNTIGU TREIGHÉSIMU
1 Mìsios [...] Tracianos [...]: Sos Mìsios fin zente traciana chi si fit
trasferida in una regione de s’Asia Minore; sos Tracianos ladinos
istaian in sa Tràcia, regione chi in cuddos tempos s’isparghiat da-e
su Mare Egeu finas a su Danùbiu e a su Mare Nieddu.
2 Abìos [...] Ippomolgos [...]: Populassiones fantàstigas de sa Scìzia,
regione de s’Àsia centrale. Abìos cheret nárrere “chena violèntzia”;
Ippomolgos invece “mulghidores de ebbas”.
3 Ege [...]: Medas fin sas biddas cun tale nòmene (in s’Acàcia, in
s’Eubea, in Cilìcia, in Macedònia). A cale ‘idda siat tuccadu Nettunu
Omero non nos lu faghet cumprèndere.
4 Imbro [...] Tènedo [...]: Isuleddas de s’Egeu, de fronte a sa Tròade.
5 Peneleu [...]: Fit cun Léitu unu de sos cumandantes de sos esércitos
de sos Beotes, zente accudida a Tròia da-e sa Beòtzia, regione
de sa Grècia centrale.
6 Tronu’e Gherra [...]: Appellativu de Èttore; ma non de isse ebbia.
Su veru Tronu ‘e Gherra fit Ares o Marte, deus de sa gherra.
7 Imbriu [...] Pedeu [...]: Fizu de Mèntore, Imbriu cojuesit a
Medesicasta, fiza burda de su re Prìamu. Istesit mortu da-e Téucro.
Fit de sa ‘idda de Pedeu, tzittade fentomada inoghe ebbia e non
mezus pretzisada.
8 Medesicasta [...]: Muzere de Imbriu e fiza burda de re Prìamu.
9 Citeatide, Anfímacu, Citeu [...]: Anfímacu fit fizu de Citeato (o
Cteato), cumandante de sos Epeos. Pro Citeato, chi fit unu de sos
duos Moliones, s’abbàidet sa nota n. 38 de su Càntigu XI. Citeatide
o Citeu cheret narrer “fizu de Citeato o Cteato”.
10 Stichìu [...]: Cumandante ateniesu sutt’a Menesteu, mortu da-e
Èttore.
11 de su nebode [...]: De Anfìmacu.
12 Calidone [...] Pléuro [...]: Biddas de s’Etòlia. Pléuro fit galu giamada
Pleurone.
13 Sos d’Efira [...] Flegeos [...]: Efireos (o Efiros) e Flegeos fin pópulos
de sa Tessàglia (o Tessalea).
14 Otrioneu [...]: Gherreri troianu, mentovadu inoghe ebbia,
mortu da-e Idomeneu. Beniat da-e Cabeso.
15 Cabeso [...]: Tzittade non mezus pretzisada forsis de sa Tròade o
de s’Asia Minore.
458

Battàglia manna in su portu
16 Ippaside Ipsenore [...] Ippaseu: Gherreri gregu, fizu d’Ippasu,
mortu da-e Deìfobo. Custu Ippasu no est sa matessi persone de sa
nota n. 24 de su Càntigu XI.
17 Esiete [...]: Babbu de Alcàtoe. Pro Alcàtoe s’abbàidet sa nota n.
2 de su Càntigu XII.
18 Ippodamìa [...]: Fiza de Anchise, sorre de Enea. Fit sa muzere de
Alcàtoe.
19 Anchise [...]: Prìntzipe troianu, fizu de Capi e babbu de Enea e
de Ippodàmia.
20 Deucalione [...]: Fizu de Minos e babbu de Idomeneu.
21 Minos [...]: O Minosse. Segundu Omero fit fizu de Zeus e de
Europa; babbu de Deucalione e de Arianna.
22 Dipiro [...]: O Deìpiro. S’abbàidet sa nota n. 4 de su ‘e noe
Càntigos.
23 su deus de s’urùlu forte [...]: Appellativu de Marte o Ares, su
deus de sa gherra.
24 Molide [...]: Merione, fizu de Molo.
25 Polite [...]: Fizu de Prìamu e de Écuba, famosu pro sa valentia in
sas garas de cursa.
26 nebode [...]: Su donnumannu de Antìlocu, ossiat su babbu de su
re Nèstore, fit Neleu, fizu de Posidone (o Nettunu).
27 Pisandru [...]: Gherreri troianu non mentovadu in aterue e de
non cunfùndere cun su fizu de Antìmacu (nota n. 10 de su Càntigu
XI).
28 Arpalione [...]: Gherreri troianu, fizu de Pilemene, su re de sa
Paflagònia. Lu ‘occhesit Merione.
29 Paflagones [...]Paflagònia [...]: Sa Paflagònia fit una regione de
s’Àsia Minore; sos Paflagones sos abitantes suos.
30 Polido [...]: Profeta e prìntzipe corìntziu, babbu de Euchènore.
31 Euchènore [...]: Fizu de Polido, mortu da-e Paris.
32 Protesilau [...]: Fizu de Ifìciu e de Astìoche, cumandante, umpare
a su frade Podarce, de sos esércitos tessaleos. Maridu de
Laodàmia. Istesit su primu gregu a ruer mortu in sa gherra de Tròia.
Èttore, infattis, li lêsit sa vida appenas toccada sa costa troiana.
33 Fitìos, Iónicos, Epeos, Beotes, Locresos Tessaleos [...]: Sos Fitìos
(de non cunfunder cun sas populassiones de sa Fitia de Achille) fin
forsis Tessaleos, giaghi los cumandaiat Podarce. Sos Iónicos fin
d’Atene, sos Epeos de s’Elíde settentrionale; sos Beotes de sa Beòtzia;
459

Càntigu XIII
sos Locresos Tessaleos de sa Tesságlia, regione non lontana da-e sas
Termópiles.
34 Bia, Fida, Dráciu, Anfione, Medonte [...]: Bia est forsi sa fromma
accurtziada de Biante; Fida fit unu de sos cumandantes de sos
Iónicos (o de sos Beotes?); Dràciu e Anfione duos cumandantes
Epeos; Medonte, fizu de Oileu e frade de Aiace, su ch’at a morrer
pro manos de Enea. Pro sos àteros lùmenes s’abbáidet su
DITZIONÁRIU OMÉRICU.
35 Eriopide [...]: Muzere de Oileu, non mentovada in aterue.
36 Mori [...] Ascániu [...]: Fizos de Ippotione, de sa Frìgia.
37 Ippotione [...]:Babbu de Mori e de Ascániu, cumandante de sa
Frígia, mortu da-e Merione.
38 Ascánia [...]: Bidda e regione de sa Frìgia, in s’Asia Minore.
39 Falce, Orteu, Palmi, Polifete [...]: Gherreris troianos. Falce at a
morrer pro manos de Antílocu. De sos áteros non nd’amos a intender
pius faeddu.
460

ILIADE
CÀNTIGU BATTORDIGHÉSIMU
S’AMOROSU ‘ORDINZU
S’amorosu ‘ordinzu

Càntigu XIV
SUMMÀRIU
Nèstore torrat a su campu Ottavas 1-12
Sa proposta de Agamènnone 13-15
S’atzottu de Ulisse 16-20
Su cunsizu de Diomede 21-25
S’ùrulu de Posidone 26-29
Era s’abbellittat 30-35
Era trampat a Venus 36-43
Era e-i su Sonnu 44-55
S’amorosu ‘ordinzu 56-65
Su sonnu de Zeus 66-68
Posidone falat da-e sos Acheos 69-82
Sa riscossa de sos Acheos 83-90
Peneleu ‘occhit a Ilioneu 91-94
Sa ritirada troiana 95-97
462

S’amorosu ‘ordinzu
1 Buffende intr’ ‘e sa tenda fit Nestòre
cando ‘e sos d’Argo e de sos d’Ilione
su gridu s’intendesit de terrore.
Nêsit tando a s’amigu Macaone:
–Fizu d’Asclépiu, a chie su favore
pensas tue ch’in tantu bulione
oe riservet bonigna sa sorte?
Inte’ s’ùrulu, inte’... e cant’est forte!
2 O Zeus, nos ampara e nos sustene!
Tue però, buffende assussegadu,
galu un’iscutta inoghe ti trattene,
fintz’a cando Ecamede innettiadu
cun s’abba tèbia non t’at bene-‘ene
su corpus da’ su samben azeppadu!
Deo a sa vedetta so tucchende
pr’ ‘ider it’est chi nos est capitende!–
3 De Trasimede su broccheri ‘e brunzu
lêsit tando da’ terra Gereneu
(de su sou faghinde bon’impreu
nde fit su fizu) e a lantza in punzu
da’ sa tenda ch’ ‘essesit a boleu.
Si l’allizesit che foza in s’atunzu
però sa cara e-i su coro isfattu
in s’ ‘ider da’ s’altura s’abbasattu.
4 Oh, dolore! It’ ‘irgonza! Che simmai
fin sos cumpagnos suos accamados,
medas in fua, tottu in arguai,
fertos da’ s’inimigu, abbanghelados,
fintz’a s’oru ‘e sas naves apprettados!
E su muru per terra, ohi, ahi!
Su coro s’intendesit a toccheddos
e che brinchendendeli sos cherveddos!
463
Nèstore
torrat a su
campu

Càntigu XIV
5 Ite deviat fagher e podiat?
Abbalaviadu restesit, dudosu:
de torrare a su chertu cumbeniat
o da’ s’Atride a ch’essire pressosu?
E sicomente non si detzidiat,
fit che sutt’a su chelu minettosu
sas undas de su mare bantzighende
su ‘entu ‘e sa tempesta aisettende!
6 De leare ‘e s’Atreu su caminu
infinis pius giustu valutesit.
E addaghi in sa nave l’agattesit
feridu, cun Tidide e su divinu
fizu ‘e Laerte, e s’abbizesit
chi fertos fin pur’issos: –Oh, destinu,
–abboghinesit tristu a ojos fora–
acco’ lómpida d’Argo s’ùltim’ora!–
7 (Fin sas naves acheas allogadas
peri totta s’ispiàggia a fianc’a pare,
da-e sa punta ‘e Sigeu 1 affiladas
fintz’a sa de Reteu 1 a prua a mare;
sas ch’a Tròia fin primas arrivadas
las aian devìdas collocare
pius a intro invece e unu muru
b’aian fattu a palas pro seguru.)
8 In s’ ‘ider a Nelide cue innante
s’assustesin sos cabos ferizados
(ch’andende toppi-toppi abbacchiddados
si fin cun una lantza) e in s’istante,
ischinde pius solos sos soldados
e chena s’antzianu cumandante,
si miresin in cara che a chie
sa morte at abbojadu beffa e rie!
464

S’amorosu ‘ordinzu
9 Li nêsit tando in suddu Agamennòne:
–Gereneu istimadu, d’Argo intrea
glòria màssima e bantu, una rejone
dês aer si lassadu as sa pelea!
Nova ‘ona nos nd’ ‘attis? O est fea!
Paret da-e sa chiza ch’Ilione
nos siat cun Ettòrre ojos d’arpia
che simmai apprettende in sa porfia!
10 Alluttos nos los ana sos navios?
In cale trettu –mi nara– ‘e su portu?
Airados cun megus, pro su tortu
fattu a Pelide, sos gherreris mios
m’ódian tottu e si m’ ‘ideran mortu
non dian fagher de làgrimas rios!
Boza pius non tenen de gherrare
s’a domo braman solu de torrare!–
11 E su de Pilo in risposta: –O Atride,
su chi timias ajallu avveradu,
ne diat poder su ch’est capitadu
iscontzare, cherfende, su Cronide!
Sa muràglia ch’aimis fraigadu
a difesa ‘e su portu, m’intendide,
boltulada nde l’ana sos Dardanos
e da’ sas naves non sun prus lontanos!
12 Si sighin gai che lupos famidos
a nos felchire dentes fintz’a sero,
chi nos las brujen tottas cunsidero
cosa pius che tzerta e ch’istasidos
amos a ruer nois! Si cumpridos
però s’Olimpu, decomente ispero,
non at a cherrer sos destinos nostros,
lestros mi nâde sos pianos bostros!–
465

Sa proposta de
Agamènnone
S’atzottu
de Ulisse
Càntigu XIV
13 «S’est chi ‘ettadu nos nd’ana su muru
–li nêsit Miceneu in pensamentu–
e si sa cora non bastesit puru
a frenare s’ilìacu ardimentu,
ladinu est pro a mie chi cuntentu
est chi morzemus Zeus cori-duru
attesu da’ sa pàtria, ingloriosos!
Oh, cantu sun sos Deos dispettosos!
14 Nos fit amigu s’Olimpu una ‘ia...
como invece a Priàmu at postu amore,
si messat isse fruttos de valore,
deo in sarragu cun sa zente mia!
Gai a prus de su tortu traittore
de Paris troianu, oh iscuria,
galu tzeder devimos onra e vida
a chie custa trassa l’at bordida!
15 A l’ischides però ite faghimos?
A una a una sas naves in mare
tenìndelas a largu che mintimos;
e, s’a de notte, pro si reposare
tzesseran cuddos de nos apprettare,
nd’approfettamos e nos che partimos!
Mezus sa fua ch’a ficchire mortu
cun sos àteros paris in su portu!»
16 Lu miresit Ulisse oji-incrispidu
e cun boghe li nêsit de disdignu:
–Cale malu faeddu t’est fuidu,
o Atride, da’ ‘ucca! Cust’impignu
nos ses narende ‘e lassare incumpridu?
E de tuccare a s’accua? Ma dignu
ses tue ‘e cumandare solu a chie
gighet coro ‘e crabolu 2 che a tie!
466

S’amorosu ‘ordinzu
17 A nois Zeus da’ sa gioventura
a sa ‘etzesa, e finas a sa morte,
cumandadu at in bona o mala sorte
de la sustenner cust’impresa dura!
A tales tenes tue coro forte
si a de notte che a furadura
da-e Tròia partire ti che cheres
olvidende ‘e su pôre sos doveres?!
18 Mezus ti càglia! Ca si ti l’intendet
calicunu ‘e sos Gregos su cunsizu
galu ‘e pius s’attristat e s’offendet!
Chie de tanta zente at contivizu
e de sos rese d’esser re pretendet
mustrare dêt prudèntzia e manc’aizu,
comente bramas tue, dêt pensare
fuende onore e vida ‘e s’ ‘ardiare!
19 Contràriu so deo a cuss’idea,
finas ca timo chi, si detzideras
de fagher su ch’as nâdu e nde ‘ogheras
pro tal’impreu da-e sa pelea
calchi soldadu, cun pius tenea
nos diat fagher Èttore a biseras
e-i sos d’Argo, pensende a sa fua,
dian gherrare onzunu a moda sua!–
20 E conchi-bàsciu su Re in risposta:
–Che istillu, o Ulisse, cuss’atzottu
mi mattanat su coro e prus de tottu
c’as créttidu chi fatta a bell’apposta
l’ap’ ‘eo pro fuire sa proposta
e non cun su cherveddu in abbolottu!
Tue o àtere, s’est chi nde tenides,
proite mezus parrer non porrides?–
467

Su cunsizu
de Diomede
Càntigu XIV
21 «Deo unu parrer lu dia avantzare
–li rispondesit luego Tidide–
s’est ch’a niune ‘e ‘ois, o Atride,
dat impizu ch’a dever faeddare
su prus gióvanu siat! M’intendide,
giagh’ ‘eo puru mi potto ‘antare
d’una nóbile ispiga d’esser ranu:
de Tideu, mortu in logu tebanu!
22 Bisaju meu, a lumen Porteu 3 ,
de Pléuro fit re e de Calidone,
su ch’apesit in generassione
ad Agrìu, a Melante e a Euneu 3 ,
chi de sos frades fit su campione!
Da-e custu est nàschidu Tideu,
chi, pr’aer mortu in pàtria unu fulanu,
custrintu istesit a biver lontanu!
23 In Argo vida noa si fattesit
comente aiat Zeus decretadu
e s’est a tales bene cumportadu
ch’una fiza d’Adastro 4 cojuesit,
su mere ‘e cussa ‘idda pretziadu!
Domo frunida e possessos apesit,
tancas e bamas, ca, narat sa zente,
fit cun sa lantza su pius valente.
24 Ma ‘ois cust’allega, b’at de crêre,
la connoschides cantu e prus de a mie;
adducas m’iscultade pro piaghere:
feridos semus, est beru, ma chie
animare los podet a dovere
prus de a nois, e própriu in su die
ch’est pius grae sa difficultade,
a sos Danaos nostros? Mi lu nâde!
468

S’amorosu ‘ordinzu
25 Torramos, dunca, in mes’a sos soldados
e, sena b’arriscare àteru dannu,
nessi a intzitos un’aggiudu mannu
lis damos, pro chi pottan animados
cust’ora superare ‘e mal’affannu!
A cantos pustis che disisperados
si nd’istan a s’insegus los brigamos
e a tuccare a innanti los fortzamos!»
26 In ojos sos tres res s’abbaidesin
comente a narrer ch’aiat rejone
e chena tunciare s’avviesin
cun a innante Atride Agamennòne.
E a bi l’atzettare non faddesin
s’idea a Diomede. Posidone,
infattis, da’ s’Olimpu isperiende,
in los bider falesit che bolende.
27 Si lis pontzesit a fiancu e, leada
sa fromma d’un’eroe pilicanu:
–Atride, –nêsit lêndeli sa manu–
si nde dêt aer fattu un’attattada
oe Pelide, ‘e conca malesanu,
sa zente tua ‘idinde bisestrada!
Ma ch’andet, s’at d’andare, in oramala,
già non durat s’affogu sempr’a un’ala!
28 Calicunu in s’Olimpu b’at a èssere
deus o dea ch’a tie est pensende
e ch’a Zeus s’ordinzu ch’est trassende
trama cun trama che l’at a istèssere!
Su chi bramat Priàmu ‘e li resèssere
est bisu vanu! Antzis chi fuende
los as a bider da-e s’abbolottu
baddinosos annùntzio a tie e a tottu!–
469
S’ùrulu
de Posidone

Era
s’abbellittat
Càntigu XIV
29 Nésidi; e, tucchéndesi a innante,
un’ùrulu ‘ettesit orrorosu
su Mere de sas undas poderosu,
a su de noe o deghe simizante
mizas d’eroes, addaghi abbettiosu
diventat su gherrare e issurdante!
S’animesin sos d’Argo in su l’intèndere
e lêsin cun prus atza a si difèndere!
30 Era intantu, sa reina ‘e sos Deos
chi sa trona in s’Olimpu tenet d’oro,
in s’ ‘ider a su frade ànima e coro
dàresi in tottu a s’ala e sos Acheos,
si nd’allegresit. S’intentzione insoro
non fit faddida cun tales impreos!
E finas Giove, in s’Ida, maestosu
li parzesit in s’ora prus odiosu!
31 Pustis cherfende Giunone dechida
a sos Danaos pur’issa aggiuare,
a decomente fagher s’attrivida
lêsit chena bistentu a meledare.
Valutesit infinis de ch’andare
imbellettada e profumada a s’Ida,
sa ‘oza a Zeus pro ponner in pettu
de si ch’intrare cun issa in su lettu!
32 A s’istàntzia sua s’avviesit
tando detzisa s’olìmpica Altesa
e, appena arrivada, si frisciesit.
(Avviju de miràbile bellesa
fit su sou e bi l’ammanizesit
Vulcanu a ispantia, a seguresa
ponìndebi unu frìsciu in su portale
ch’abberiat sol’issa e s’Immortale!).
470

S’amorosu ‘ordinzu
33 Cun s’ambròsia su corpus delicadu
si frobbesit innante e un’unghentu
cun un’essèntzia de raru portentu
a tales si frighesit profumadu
chi da’ s’Olimpu, gittu da’ su ‘entu,
nd’est fintz’a Terra su nuscu faladu!
Cun s’ispiglione sa dea galana
si pettenesit posca a gana a gana!
34 Sos pilos che a sole lutzighentes
galu s’inaneddesit Era bella,
e, bogados de rasu una mantella
e un’ ‘estire ‘e seda risplendentes,
da’ sas manos tessìdos sapientes
de Minerva, cun chentu e una prella
e cun tìbbias de oro ingalanidos,
s’addronnesit cun cussos pignos nîdos.
35 Una fasca cun franzas de luguras
a sos fiancos pustis s’istringhesit
e duas loriccinas s’appicchesit
cun tres prellas donzuna, chi maduras
fin che a tempus giómpidu sas muras!
Unu ‘elu, infinis, si ‘ettesit
de tullu in conca e-i sos pês divinos
si frunesit de lùghidos bottinos!
36 E, bramende a Venus d’agattare,
ch’ ‘essesit da’ sa càmmara de lettu,
c’aiat cosa de li dimandare
pro ch’esserat s’ordinzu prus perfettu!
Cun sas deas fit cudda e, a unu trettu
poi ‘e l’aer giamada: –‘E m’accansare
una gràscia ti pedo, o fiza cara,
–li nêsit–. O mi faghes mala cara?
471
Era trampat a
Venus

Càntigu XIV
37 Si ti faeddo goi, est ca in budda
isco chi m’as da’ cando a sos Acheos
difendo da’ sos fortes Dardaneos,
caros invece a tie! E una nudda
bastat solu a divìdere sos Deos!–
«Si lu potto, –li rispondesit cudda–
de t’accansare pro cussu sa gana
non m’impidit su coro, o Soberana!»
38 E torréndeli muttu sa Trassera:
–Sa chi possedis tue, tue ebbia,
m’impresta, o Venus, suave majia:
cudd’arte –so narende– verdadera
chi su coro cun géniu e galania
accisat chi non b’at mezus manera!
Su chi bramo est de fagher torrare
a Teti e a Oceánu 5 a fiancu a pare!
39 Che una mama m’at Teti allevada
e che babbu Oceànu da’ minore,
est a narrer da’ cando cunsignada
m’at Rea 6 a issos cun ténneru amore,
ca l’aiat s’olìmpicu Segnore
impresonadu a s’iscunfidada
a Cronos, su maridu, pr’esser Zeu
mere ‘e s’Olimpu e de su mundu intreu!
40 Vivinde che fulanos sos Biados
sun a puntìglia onzunu a contu sou,
ne sa ‘errina ‘e s’amorosu tzou
lis at pius sos coros carignados!
Si resessera, cun s’aggiudu tou,
como a los bider in bonu torrados,
o dulche Venus, crê’ chi pro a mie
avrèschere non podet mezus die!–
472

S’amorosu ‘ordinzu
41 E Venus in risposta, cara ‘e rosa:
–Negare non lu potto su piaghere
a chie in sa sea lumenosa
corcat umpare cun s’eternu Mere!–
Nênde gai, sa fasca portentosa,
chi de s’ammaju tenet su podere,
da-e sos fiancos in lestresa
si nd’ ‘oghesit sa déchida Bellesa.
42 Pustis, porrendebila: –O Giunone,
acco’ su pignu chi pedis divinu!
Lu lea, bae, istringhitilu in sinu,
chi sa chi bramas suddisfassione
lòmpere as a bìdere a puntinu!–
Si nd’allegresit Era e, che matzone
ch’ ‘idet sa trassa ‘eninde a concluos,
sos ojos lampizesit mannos suos!
43 Infinis, decomente cunsizadu,
in costazos sa fasca si chinghesit
e, mentres Afrodite in coidadu
a s’istàntzia sua s’avviesit,
cun unu brincu Era si tucchesit
a bàsciu da’ s’Olimpu immaculadu,
s’Emàzia 7 che bentu attraessende,
sa Tràcia e sa Pièria, alta ‘olende!
44 Lómpida a Monte Santu 8 a s’abbasciare
pensesit sa pobidda ‘e su Tronante
a pizu d’abba e gai ‘e che ‘olare
finas a Lemno, s’ìsula ‘e Toante 9 .
A su Sonnu cheriat faeddare,
frade ‘e sa Morte, ca fit importante
s’aggiudu ‘e custu pro s’intentu sou
cantu sa fasca ‘e Venus a cumprou.
473
Era e-i su
Sonnu

Càntigu XIV
45 L’agattesit inie e, chen’ ‘istentu,
li naresit leéndeli sa manu:
–Amigu Sonnu, Mere soberanu
de ómines e Deos, su cuntentu
chi ti pedo m’accansa chittulanu,
chi t’ap’a ringrassiare ogni momentu!
Che lu drommi a Zeus cando in s’Ida
bides ch’est dende a mie coro e vida!
46 D’oro massitzu una cadrea bella
ti dao de Vulcanu beneittu
e, pro sos pês, in prus unu banchittu
galu d’oro, lughente che istella:
òberas raras, de divinu impittu,
chi ‘essin solu da’ su Mongibella!
Adducas m’accuntenta, o geniosu!–
E su Sonnu in risposta suspettosu:
47 –Fiza de Cronos, Era soberana,
a cale siat àteru eterrenu
accomi prontu in ojos selenu
a li falare! Però cussa gana
timo mi costet noella mattana!
Finas a Oceànu, e chen’appenu,
si mi lu pedis so prontu a ch’isterrer,
ma provocare a Zeus non dia cherrer!
48 Crês forsis chi mi l’apa ismentigada
sa chi mi desit dura lescione
sa ‘olta chi Eràcle ‘oltulada
nd’at sa muràglia manna d’Ilione
pro l’aer, a s’ ‘ardiada d’Esione,
Laomedonte sa paga negada?
E tue istragos l’ordinzesti in mare
cherféndelu ‘e su tottu iseniare!
474

S’amorosu ‘ordinzu
49 Galu sa ‘olta, ammenta, m’as pedidu
a chie t’affianzas in su lettu
de che drommire e deo accussentidu
ap’a s’ordinzu sen’unu suspettu!
Gai sos bentos contr’a s’atzuridu
fizu d’Alacmena in malu apprettu
ponzesti tirriosa e isviadu
che l’as finas a Coo 10 e mattanadu!
50 A s’ischidada, connottu s’ingannu,
in iras su Cronide si pesesit:
peri tottu s’Olimpu mi chirchesit
detzisu in fundu a s’oceànu mannu
de mi ch’inciavonare! Mi salvesit
sa Notte, e non tue, da’ su dannu,
ca timet Zeus de la contrariare!
E cheres chi lu torre a molestare?!–
51 E s’ermosa oji-manna: –Assiat suddu!
Adducas sos Troianos pro a tie
a Zeus l’interessan cant’a cuddu
chi l’est fizu? Non timas deasie!
Bae seguru e accuntenta a mie...
e deo sa femìna ch’as in buddu
a isposa ti dao: a Pasitea 11 ,
de sa Carìtes 11 delisciosa dea!–
52 Li rispondesit su Sonnu in buddore:
–Subr’a su Stige mi lu dês giurare
cun una manu tocchende su Mare
e sa Terra cun s’àtera a primore
chi, si che drommo a Zeus, m’as a dare
su chi disizo ìnnidu fiore!
Testimonzos nos sian soberanos
da’ su Tàrtaru 12 Crono e sos Titanos!–
475

S’amorosu
‘ordinzu
Càntigu XIV
53 Nêsit; e Giunone bratzinîda
giuresit, invochende chen’imbaru
a testimonzos sos de su Tartàru.
Cun su Sonnu a costazu sa dechida
si che tucchesit tando a su Gargàru,
sa chima pius alta chi b’at s’Ida,
segura ‘e b’agattare su maridu
in calchi punta o giassu ficchidu.
54 A Imbro e a Lemno si lassesin
altos bolende a palas, covaccados
da’ una nue manna, e si calesin
pro seguresa, appenas arrivados,
in sos montes de Lecto 13 . Meledesin
de si divider pustis sos Biados,
pro lis pòdere mezus resessire
s’inghènia e a niune insuspettire.
55 Gai sa fromma su Sonnu immortale
d’unu puzone lêsit melodiosu,
chi lumenat “cimindi” 14 ogni mortale
e “calcide” 14 ogni deus gloriosu.
Pro isettare d’Era su signale
a s’Ida si ch’ ‘olesit su Trassosu
e in sos rattos fruscos si cuesit
d’un’àrvure zigante e isettesit.
56 Cun pê’ lezeri Era su caminu
si fattesit invece finz’a ue
fit de s’Olimpu su Mere divinu.
L’ ‘idesit Zeus e a boghe-mue:
–E cal’est –li naresit– su pidinu
ch’a inoghe ti nd’ ‘attit? Ello tue
de caddos non nde tenes pro pigare
a su Gargàru chena t’istraccare?–
476

S’amorosu ‘ordinzu
57 E sa muzere chena si traigher:
–Unu pidinu l’apo, o Soberanu,
e ti lu naro: a Teti e a Oceànu
unu bonu faeddu cherzo gigher
pro chi torret che prima fittianu
su prenetttu ‘e s’amore a lis suigher
pettus e mente e lis crescat s’apprettu
de s’aunire ancora in dulche affettu!
58 Tue già l’ischis chi m’an sos Biados
in domo insoro che fiza allevada
e, addaghi bi penso, che allizada
m’intendo in los bider abbandados!
S’a pê fintz’a inoghe so pigada
est ca iscappos los apo lassados
sos caddos pasturende a pês de s’Ida
erva ‘irde bundante e lentorida.
59 Acco’, adducas, prîte a t’agattare
so lómpida, o grasciosu: non cheria
a s’intragna ‘e s’océanu falare
chena ti narrer s’intentzione mia,
primmu ca m’est dovere ‘e t’informare
e pustis prîte non mi la sentia
de t’ ‘ider chizi-bàsciu o inchietu,
e cun rejone, si manco ‘e rispettu!–
60 E de sas nues s’arremiarzadore
cun ojos de disizu: –O geniosa,
su ch’as in coro ti faghet onore.
Primm’ ‘e tuccare però ti reposa
accurtzu meu, ‘e s’Ida lumenosa
subr’a-i custas ervas in fiore!
Ti nd’accùrtzia... non t’istes renta-renta...
dami sa manu... beni... m’accuntenta!
477

Càntigu XIV
61 A fiamaridas m’intendo... e pighende
che unda ‘e riu s’amorosa idea!
Mai pro una fémina, una dea,
che como mi so ‘idu ispasimende!
Non m’allumesit gai Issionea 15 ,
mama bella ‘e Pirito, e ne buddende
a tales fia cando a Perseu
m’at generadu su lizu Acrise 16 !
62 Ne d’Agenòre su déchidu ispantu 17
m’at che a tie, o Era, dilliriadu
déndemi a Minos e a Radamantu 18 !
Alacmena e Sèmele 19 accisadu,
ermosuras tebanas, non m’an tantu,
mama sa prima d’Èracle famadu,
de Diónisu Baccu sa segunda;
ne Latona e ne Cèrere sa brunda 20 !–
63 «Faccimannu! –li nêsit sa muzere–
Inoghe, in chima a s’Ida su cuntentu
ti dia dever dunca, a puppa a bentu,
deo catzare! Mudu, pro piaghere!
Non si nd’impudat s’olìmpicu Mere,
si l’ ‘iderat in s’amorosu appentu
furriadu per terra calchi Deu?
Deo bi tenzo a su pudore meu!
64 Ma, si comente as nâdu, t’est s’apprettu
lênde artùrios e conca, o Soberanu,
recuimos, ch’est mezus, chen’isettu
a s’istàntzia segreta chi Vulcanu
fattu nos at cun miràbile manu!
Incue mi possedi. In cussu lettu
faghe de me su ch’as in brama ‘e fàghere
chi t’apo in donzi gana a cumpiàghere!»
478

S’amorosu ‘ordinzu
65 E Zeus, sempre inchesu ‘e passione:
–Si puru est giustu su chi pensas tue,
non timas su matessi, o Giunone,
ca che la fasco a s’Ida in una nue
chi ne da’ affacca e ne da’ aterue
bider nos poden! Mancu Iperione,
pro cantu nd’apat de lugore in s’oju,
in cussu ‘elu bi faghet forroju!–
66 Nêsit Cronide; e ambos duos pare,
leados da’ s’incantu, s’aunesin
in un’abbratzu ‘e gosu. E a lis dare
culvenu modditzosu nde brotesin
ervas e flores, mentre a los fascare
nues allentoridas si pesesin.
E finas s’Ida, che ammajarzada,
s’intragna s’intendesit cumpidada!
67 Pustis cando, agabbados sos disizos,
in bratzos d’Era a Zeus Tronante
si li calaginésini sos chizos,
da-e Nettunu su Sonnu a s’istante
falesit resolutu, in contivizos
s’imbàscia de li gigher importante
chi l’aiat Giunone cumandadu.
E li naresit, appena agattadu:
68 –O Posidone, acco’ su momentu
d’aggiuare che mai a sos d’Atride
e sa vittòria ch’isettan cun fide
finas de lis portare a cumprimentu!
Assoloddadu s’est Zeus Cronide!
Era mi mandat... bae chen’ ‘istentu!–
Nêndeli gai, lu lassesit solu,
e recuesit a s’Olimpu a bolu.
479
Su sonnu
de Zeus

Posidone falat
da-e sos
Acheos
Càntigu XIV
69 E su Mere ‘e s’istérrida marina,
pressosu, in l’intender, che tucchesit
in mesu a sos Acheos e lis nêsit
che tronu abboghinende: –Ohi, ruina!
A su ch’Ettòrre ‘e fagher meledesit
duncas masedos mujamos s’ischina
cunvintos chi a Tròia sa vittòria
tocchet in sorte, sa fama e sa glòria!
70 Cantu nos mancas, o Pelide, cantu!
E finas si nde ‘antat s’atzuridu
fizu ‘e Priàmu! Ma pius de tantu,
si tenimos s’esércitu aunidu,
non bistamos cun su coro frittidu
pro Achille a làstima e rimpiantu!
A nois toccat a nos l’isdighire...
e bi podimos galu resessire!
71 Cheret però chi mente mi ponzedas
e chi sos elmos ch’azis, sos iscudos
e sos arminzos bos los cambiedas
cun àteros prus mannos e pesudos 21
e chi peri su campu los chirchedas.
Si pustis, fattu meu, che atzudos
a fiancu a pare cumbattides
sa sorte ‘oltare in bonu la ‘idides!–
72 Nêsit Nettunu; e cuddos, animados,
sos trastes coittende si buschesin
e sos d’innanti si los giambiesin
cun sos ch’a palas si fin accoados!
Luego prim’Atride a sos soldados
e Ulisse e Tidide si ‘oltesin,
nênde a custu e a cuddu d’aer fide
in sa giustìscia de Zeus Cronide!
480

S’amorosu ‘ordinzu
73 Su cumandu Nettunu soberanu
lêsit degai de sa grega armada
ponìndesi a innante cun s’ispada
che lampu illuinante istrinta in manu.
In su mentre, a s’àtera leada,
fit sos gherreris Èttore troianu
isse puru attruppende pro tentare
s’attaccu detzisivu accurtz’a mare.
74 E cando s’attappesin pare-pare
a tales fintz’a chelu che pighesit
su fragassu ‘e sos trastes, chi su mare
da-e perisse si ch’abbolottesit,
prus de cando lu solet tempestare
sa tìrria de Borea, si che desit
fintz’a sas tendas gregas, affiladas
a palas de sas naves arenadas.
75 E urulesit Ares assassinu
che simmai gosende ‘e s’arrebentu,
sònnios alimentende in dogni sinu
de meressire glòria in su momentu,
paris a fogu ‘essidu, chi su ‘entu
che a porfia arrimat de continu,
e ch’in pèlcias e buscos e laores
lassat, passende, rughes de dolores!
76 Pro primu istesit Èttore atzuridu
a ch’imbolare contr’a Telamone,
bidendesilu innanti a pê’ ficchidu,
sa lantza sua cun atza ‘e leone.
S’attappesit s’arminzu a su cordone
de ferru, chi teniat aunidu
s’iscudu a sas asas de s’ispada,
attesu rimbaltzèndeche ispuntada!
481

Càntigu XIV
77 Si nd’attristesit meda su ‘e Troe
e impressadu desit a calcanzos
torrendesiche in mesu a sos cumpanzos
finas timinde ‘e s’àteru su proe!
Tentesit tando cun diversos banzos
de Salamina su potente eroe
sos brios d’istasire a su dannarzu
regogliende da’ terra unu marrarzu!
78 Da’ una manu a s’àtera ‘ola-‘ola
si lu passesit, faghìndelu andare
che marrócula ‘ettada a cordiola...
pustis pensesit de bi l’avviare.
E cuddu, chi ‘oltadu cola-cola
si fit intantu, su crastu arrivare
s’ ‘idesit in pettora che su lampu
chen’aer tempus de chircare iscampu!
79 Che falesit per terra reu-reu
cun sa néula in ojos, de comente
unu chercu in mesu a su padente
isasciadu da’ su lampu ‘e Zeu!
S’ispada nde perdesit atta-ardente
e, ruinde, restesit Dardaneu
saccarradu, pro bonasorte sua,
da-e s’iscudu in mesu a tanta lua!
80 Si l’avventesin, in lu ‘ider ruttu,
tando sos d’Argo cun pius tenea,
saettas imbolende a cor’alluttu
pro si che lu leare a s’ala achea!
Ma Sarpèdone, Glàuco ed Enea
Polidamante e Agenòre acutu
cun àteros valentes los bidesin
e a s’eroe insoro s’inghiriesin!
482

S’amorosu ‘ordinzu
81 Gai mentre unos tantos valorosos
de s’apprettu sustenian su pesu,
a bratzos che lu lêsin da-e mesu
a Ettòrre atèros coidadosos,
in su carru corchéndelu, pressosos,
chi s’iscuderi teniat mantesu
prontu pro su bisonzu in coa a tottu
e che l’ ‘oghesin da-e s’abbolottu.
82 A s’ala d’Ilione furriesit
sa parìglia ‘e Troe che bolende
e, lómpidu a su Xantu, si frimmesit.
Cue s’amigu, pro l’ ‘ider torrende
galu in brios, sa cara l’infundesit
cun s’abba frisca; e cuddu, attuende,
sos ojos abberzesit sol’appena
drommindesiche pustis sempr’in pena!
83 Foras Ettòrre, cun prus tìrria e briu
s’ ‘oltesin sos ‘nimigos a s’isfida!
E Oileu pro primmu ‘e sa vida
sicchesit filu e bena a Satnìu 22 ,
una lantza lasséndeli felchida
rea in sa ‘entre! D’Enopo 22 su chiu
e d’una Ninfa fit cussu valente,
chérfidu in s’oru ‘e su Satnioente 23 !
84 Bidìndelu per terra chena frua,
tentesit su cumpanzu ‘e vindicare
Polidamante atzudu. A s’ala sua
Protènore 24 deviat capitare
in su mentre: un’arminzu ‘e mala lua
in palas li cravesit e tuccare
che lu fattesit pro s’eternidade
paris cun Satnìu ‘erettu a s’Ade!
483
Sa riscossa de
sos Acheos

Càntigu XIV
85 Abboghinesit tando suddisfattu
s’eroe ‘e Tròia: –Duncas da-e manu
bessida non che l’est sa lantza invanu
a su fizu ‘e Pantoe 25 ... e su piattu
acco’ paris torradu e chittulanu!
Che un’ ‘acchiddu, giaghi t’apo isfattu
ambos benujos, sa lantza, o Danau,
l’impitta andende a su rennu ‘e s’astrau!–
86 Che pìbera chi pistu l’an sa coa
s’altzesin a su ‘antu sos d’Atride,
màssimu a tottu su Telamonide
ch’aiat bidu s’inimiga proa
e istasida sa vittima noa
ruìndeli a costazos! A Pantide 25
tando sa lantza sua ch’imbolesit,
ma, ‘olténdesi, cuddu la vittesit!
87 Ad Archélocu, gióvanu ‘e valore,
però su traste franghesit s’alenu
(ca sa vida cheriat s’Eterrenu
cue leare a su d’Antenòre!):
tra tuju e conca l’intresit a pienu
a s’àter’ala ‘essèndeche a primore,
a tales chi per terra ch’est falada
prima d’issu sa conca ismutzurrada!
88 Tand’urulesit a s’attatta-attatta
a s’inimigu sou Telamone:
–Nâmi, o Polidamante, si cuss’atta
pender ancora a s’ala d’Ilione
faghet su piattu o s’est nessi patta
in s’istadera ‘e oe! Campione
fit su ch’est ruttu cant’a Protenòre,
de s’erèntzia o no de Antenòre?!–
484

S’amorosu ‘ordinzu
89 Tocchesit custa ‘olta a baliare
a sos d’Ettòrre sa beffe e su ‘antu!
Ma ‘idinde Acamante peristantu
chi Prómacu beota 26 ‘e trisinare
su frade fit tentende a cantu a cantu 27
a s’ala sua, de lu saettare
pensesit pro vinditta chen’ ‘istentu
pro li truncare sa vida e s’intentu.
90 Ruesit cuddu, e isse a coro alluttu:
–O Danaos, viles saettadores,
galu calcunu ‘e ois a s’acutu
ferru dardanu tzedit sos ardores!
A Prómacu mirade chen’umores,
pustis mi nâde si l’apo su luttu
vindicadu ‘e su frade chen’isviu,
asi unu gregu non che restet biu!–
91 Tremendu fit s’affeu e che saetta
si l’intendesit in coro s’Acheu!
Tando a dentes istrintas Peneleu,
bramende ‘e li muttire sa prelletta,
sa lantza ch’imbolesit a s’appretta
contr’a Acamante. A Ilioneu 28 ,
chi non s’isettaiat cuss’abboju,
però che la cravesit in un’oju!
92 Da’ sa chea, che binu da’ s’ijette,
attesu che ‘olesit sa puppia
e, sighinde, s’arminzu che a porfia
li trapassesit sa conca in un’ette!
Fizu solu fit isse, ‘e sa zenia
de Forbante 28 su riccu, su ch’Ermète
in cunsideru aiat prus de tottu
de sos de re Priàmu in s’abbolottu.
485
Peneleu
‘occhit a
Ilioneu

Sa ritirada
troiana
Càntigu XIV
93 Appenas ruttu, si l’accurtziesit
e sa conca da’ tuju cun s’ispada
cun unu colpu ebbia li mutzesit!
La regogliesit pustis e, altzada
che sisia tenìndela, urulesit:
–A sa mama, o Troianos, s’imbasciada
portade e a su babbu d’Ilioneu
néndelis: –Bos l’at mortu Peneleu!–
94 S’annùntziu lis porride de dolore
pro ch’issos puru, che-i sa muzere
de Prómacu, fizu d’Alegenòre 29 ,
attittare lu pottan a dovere!
Nois l’amos a fagher, b’at de crêre,
poi muttida a Tròia cun onore!–
Nêsit; e ledros-ledros s’intendesin
coro e benujos cantos l’iscultesin!
95 O Musas gloriosas, chie est bistadu
de sos gregos su mezus campione
da’ cando che un’ira Posidone
s’ ‘oltesit contr’a Ìlion affeladu!
A Irtìu 30 ‘occhesit Telamone
prima de tottu, segnore onoradu
de sos Mìsios; e Antilócu infattu
a Mérmeru e a Falce 31 a disbarattu!
96 Ippotione e Mori settesciados
da’ Merione ruesin ancora
e Perifete e Pròtone 32 isasciados
da’ s’ispada ‘e Teùcro atterradora.
Iperenòre 32 a minuzos fora
galu sos sònnios de glòria bramados
lassesit e pro manu ‘e Menelau
cun unu traste in sa ‘entre cravau!
486

S’amorosu ‘ordinzu
97 Ma chie nde ‘occhesit prus de tottu
istesit d’Oileu sa zenia,
ca niune, currende, in s’abbolottu
teniat che a isse valentia!
Cantos sa die sa morte an connottu!
E gai ‘e samben un’àtera ‘ia
si ch’aundesit s’ilìaca terra!
Oh iscabada, malaitta gherra!
487

Càntigu XIV
NOTAS DE SU CÀNTIGU BATTORDIGHÉSIMU
1 Sigeu [...]Reteu [...]: Sos duos promontòrios de su golfu troianu,
ue fin allogadas sas naves acheas.
2 coro ‘e crabolu [...]: Su crabolu, pro sos antigos, non fit solu s’indicascione
de sa debilesa, ma galu sa de sa vilesa.
3 Porteu [...]: Prìntzipe de Pleurone (o Pléuro) e de Calidone,
babbu de Agrìu, de Melante e de Euneu. Bisaju de Diomede.
4 Adrasto [...]: Re de Argo, tzittade de s’Argólide.
5 Teti [...] Oceànu [...]:Teti fit sa muzere de Océanu. De non cunfùndere
cun Tétide (o Teti), fiza de su deus marinu Nereu e mama
de Achille. Océanu fit su riu ch’inghiriaiat sa Terra e-i sos mares;
babbu antigóriu de tottu sos Deos.
6 Rea [...]: Muzere de Cronos.
7 Emàzia, Tràcia, Pièria [...]: Emàzia fit s’antigu nòmene de sa
Macedònia e galu d’una parte de custa; sa Tràcia una regione a nord
de su Mare Egeu; sa Pièria una regione de sa Tessàglia (o Tessalea).
8 Monte Santu [...]: O Monte Ato, sa punta de su promontóriu de
Acte, in sa penìsula de sa Calcìdia.
9 Toante [...]: Fizu de Baccu e de Arianna, re de Lemno, bisaju de
Euneu.
10 Coo [...]: Ìsula posta a s’intrada de su golfu Caràmicu, inter
Cnidu e Alicarnassu.
11 Pasitea [...] Càrites [...]: Sas Càrites fin fizas de Zeus e de
Eurínome; antzillas de Venus e deas de sa bellesa grasciosa. Pasitea
fit una de issas.
12 Tàrtaru [...]: Sa presone de sos Titanos, posta in s’intragna pius
tuvucca de s’Ade.
13 Lecto [...]: Montes (o promontóriu) de sa Tròade.
14 cimindi [...] calcide [...]: Nòmenes tzertamente fantàstigos. Siat
comente, de cale ae si trattet non si resessit a l’ischire.
15 Issionea [...]: O Dia, muzere de Issione e mama de Piritoe.
16 lizu Acriseu [...]: Danae, fiza de Acrìsiu. Zeus s’aunesit a issa bolténdesi
in proja d’oro.
17 d’Agenòre su déchidu ispantu [...]: Europa, fiza de Agènore fenìciu,
furada da-e Zeus boltadu in trau.
18 Radamantu [...]: Fizu de Giove e de Europa, frade de Minosse
(o Minos). Fit su re de s’Elisu.
488

S’amorosu ‘ordinzu
19 Alacmena, Sèmele [...]: Alacmena (o Alcmena) fit sa mama de
Ércole (o Éracle); Sèmele fit sa mama de Baccu Diónisu, su deus de
sa ‘ide.
20 Cèrere [...]: O Dèmetra. Fiza de Cronos e de Rea, fit sa dea
amparadora de sos laores. Fit rappresentada cun una falche in manu
e cun sa conca coronada de ispigas.
21 pesudos [...]: Massitzos, resistentes.
22 Satnìu [...] Enopo [...]: Gherreri troianu, fizu d’Enopo e de una
Ninfa non mezus pretzisada. Morzesit pro manos de Aiace de Oileu.
23 cherfidu in s’oru ‘e su Satnioente [...]: Cuntzepidu in un’ìscia de
su Satnioente, riu de sa Tròade.
24 Protènore [...]: Fizu de Areilocu, cumandante de sos Beotes.
25 fizu ‘e Pantoe [...] Pantide [...]: Polidamante, fizu de Panto(e). Su
babbu fit unu majorale troianu.
26 Prómacu beota [...]: Gherreri de sa Beòtzia non mentovadu in
aterue, mortu da-e Acamante. Fit fizu de Alegènore.
27 a cantu a cantu [...]: A trettu a trettu.
28 Ilioneu [...] Forbante [...]: Gherreri troianu, fizu de Forbante su
riccu, mortu da-e Peneleu. Sunu mentovados inoghe ebbia.
29 Alegenòre [...]: Alegènore fit su babbu de Prómacu beota.
30 Irtìu [...]: Unu de sos cumandantes de sa Mìsia, fizu de Girtiu.
Lu ‘occhesit Aiace Telamone.
31 Mérmeru, Falce [...]: Gherreris troianos, mortos da-e Antìlocu e
non pius mentovados.
32 Perifete, Pròtone, Iperenore [...]: Gherreris troianos non mezus
connottos, mortos, sos primos duos, da-e Téucro e, su ‘e tres, da-e
Menelau.
489

ILIADE
CÀNTIGU BINDIGHÉSIMU
SA DISFATTA DE SOS ACHEOS
Sa disfatta de sos Acheos

Càntigu XV
SUMMÀRIU
S’ischidada de Zeus Ottavas 1-9
Sos fados benturos 10-14
Giunone recuit a s’Olimpu 15-21
S’ira de Ares 22-27
Iris e Febo tuccan da-e Zeus 28-30
Iris falat da-e Posidone 31-39
Zeus mandat a Febo da-e Èttore 40-49
Sa riscossa de Èttore 50-55
Sa ritirada de sos Acheos 56-69
Sa pregadoria de Nèstore 70-74
Pàtroclo recuit da-e Achille 75-77
Abbolottu mannu sutt’a sas naves 78-86
S’arcu de Téucro 87-92
Intzitos e bisestros 93-107
Sa difesa de sas naves 108-130
Èttore assáltiat sa nave de Protesilau 131-139
492

Sa disfatta de sos Acheos
1 A pala-‘olta 1 intantu che fin dados
sos de Priàmu sutt’a Ilione,
mortos medas lassende isterrijados
in podere de sos d’Agamennòne.
In sos buscos de s’Ida ammajarzados
Zeus in s’ora, a costazu a Giunone,
sos ojos mannos suos abberzesit
e, caschende, sos ossos s’istiresit.
2 Ma restesit a bucca isbambarriada
in s’ ‘ider sutt’a isse su bisestru
chi fin faghinde ‘e sa troiana armada
sos d’Argo e Posidone bratzi-lestru,
reberde custa ‘olta a s’ammaestru 2
de si nd’istare a banda in s’atzuffada!
E finas a Ettòrre dismajadu
notesit, da’ sos suos inghiriadu.
3 S’iscuru! Li ‘essiat da-e ‘ucca
su samben a bultzellos ruju-‘iu,
ca non fit da-e bratzu chena briu
chi li fit rutta in palas sa matzucca!
S’intendesit s’intragna ijucca-ijucca
Zeus mirende a Era e, chen’isviu,
li nêsit oji-tortu: –Espe terranza,
acco’ sestada un’àtera maganza!
4 Mai la tzessas de mi provocare,
ne de ponner a Èttore su camu,
mancu chi t’apan sos de re Priàmu
sos ojos intzegados ambos pare!
Ma tue e tottu t’as bettadu s’amu
e s’ingannia mi deves pagare!
Solu detzider devo sa lescione
si dare prima a tie o a Posidone!
493
S’ischidada
de Zeus

Càntigu XV
5 A ti l’ammentas cando, in pês trattesa
da-e duas incùdines, pianghende
da’ una nue manna pendulende
ti lassei a sa sola e bene presa?
Sos Deos t’intendesin urulende,
ma niunu nde lêsit sa pretesa,
ca da’ s’Olimpu ‘ettadu nde l’aia
su ch’attrividu s’esserat ebbia!
6 De l’isviare a Èracle sa gana
ti ‘enzesit sa ‘olta, cara ‘e fogu,
finas a Coo, pro ch’àtera mattana
l’aeren dadu sos de cussu logu!
A Borea giamesti e in affogu
postu che l’as su fizu ‘e sa galana
Alacmena, sas undas pisulende
daghi da’ Ìlion l’ ‘idesti partende 3 .
7 Ma da-e Coo a Argo, ‘e caddos terra,
mancari a crebu tou, chena dannu
su babbu lu ghiesit, Zeus mannu,
ne tue b’attrivesti cuntierra!
No ischeddas però, ses che s’atterra!
E como fintz’a lettu cun s’ingannu
mi che portas, o sue, trasulera!
Ma ti domo... l’agatto sa manera!–
8 E s’Ojimanna in risposta astuddida:
–L’iscat sa Terra, o Mere soberanu,
su Chelu e de s’Avernu s’oceànu,
sa conca tua l’iscat riverida,
su lettu nostru (e non mi ‘iuro invanu),
s’est Posidone cun atza ‘elenida
a Tròia bisestrende a marrania
pro bìbbiu sou o pro trassa mia!
494

Sa disfatta de sos Acheos
9 Contràriu, e non da’ oe, est frade tou
a re Priàmu e, chena ti timire,
dat a sos d’Argo su favore sou!
E s’est torradu a los favorire
penso siat ca fin a malu prou!
M’inculpas d’ite? Finas ammunire
lu dia cherrer deo a cussu deus
de non bi puntigliare contr’a Zeus!–
10 Si nd’allegresit s’olìmpicu Mere
de sa risposta e nêsit rie-rie:
–O soberana, ojos de chelu, ‘asie
d’amore e de accordu (e t’est dovere!)
ti dês sempre mustrare cun a mie!
A mala ‘oza tando o cun piaghere
bae chi che masedu a su giuale
che lu mujat su tuju s’Immortale!
11 Si faeddadu mi as verdadera,
tucca a sa lestra a s’olìmpicu situ
e los cumanda de custa manera
a Iris e a Febo beneittu:
chi falet da’ Nettunu Pê-lezera
a li narrer chi lasset su cunflittu;
ch’andet invece su Saettadore
a torrare a Ettòrre su vigore!
12 Chi finas a sas naves de Pelide
che los accorret disizo Ilione
cun determinu nou a sos d’Atride!
Cherzo ch’ ‘idinde sa distrussione
intret in gherra pro s’affriscione
Pàtroclo... e chi lu ‘occat Priamide
appoi chi su gióvanu de glòria
s’est cobertu a mentovu pro s’istòria!
495
Sos fados
benturos

Giunone
recuit a
s’Olimpu
Càntigu XV
13 E cherzo chi, canténdeli su teu,
de sa vinditta s’intendat sa brama
in coro Achille, ardente che fiama,
e chi, torradu in mesu a sos d’Atreu,
atterret a Ettòrre dardaneu!
Chi ruat pustis, ma cun bona fama,
sa ‘idda de Priàmu in manu anzena,
segundu sos cunsizos de Atena 4 .
14 Como l’ischis cal’est s’ùltimu Fadu!
Ma chi nemos de ‘ois, deu o dea,
s’attrivat a intrare in sa pelea!
S’affeu bramo d’ ‘ider vindicadu
fatt’a Pelide da’ sa Ghia achea
prim’ancora però, giaghi giuradu
l’apo a Teti, addaghi sa dechída
sa gràscia, imbenujada, m’at pedida!–
15 Nêsit Zeus; ed Era suddisfatta
a su monte ch’ ‘olesit chen’ ‘istentu
de sa giaria, che su pensamentu
cant’a narrer velotze paris patta!
Cue sos deos in divertimentu
buffende in coppas de oro e de prata
b’agattesit Giunone, a una mesa
inghiriados tottu in cuntentesa.
16 In su la ‘ider si pesesin reos
porrìndeli una coppa sos Divinos
chie a risittos e chie a inchinos.
Ma ne a deas Giuno e ne a deos
pretziesit in s’ora, ca pidinos
in conca aiat d’àteros impreos!
Solu da-e Temi 5 , cara ‘e rosa,
lêsit sa tatza. E cudda a sa diosa:
496

Sa disfatta de sos Acheos
17 –Ue che fis mi nara, o Soberana.
In cara ti si legget s’assucconu!
Ello brigada su Mere ‘e su tronu
t’at ancora ponìndeti in mattana?–
E sa Reina rispondende a tonu:
–Fiza de Gea e d’Uranu 6 galana,
cantu siat cun megus tirriosu
Zeus già l’ischis e irrispettosu!
18 Ma tue sighi, sighi a los attender
finas a cando an boza ‘e divertire!
Comente pensat posca ‘e trobeire
Zeus su Fadu azis a intender
de s’ilìacu chertu! Riferire
bos lu dev’ ‘eo... e l’at a cumprender
finas chie gallizat prus de tottu 7
bramende àtera sorte in s’abbolottu!–
19 Nêsit Era oji-giara e si setzesit,
sas laras iscanzende accalaizu
chena mustrare presse o mover chizu,
lassende in duda a chie l’intendesit.
Pustis, che cando li deret fastizu
sa festa insoro, lis abboghinesit:
–Loccos chi semos! Ello b’at de crêre
de poder cuntrastare a Zeus mere!
20 Diamos cherrer ch’esserat ‘asie,
de resessire a l’imboligare!
Però de ‘ois naràdemi chie
l’as póttidu a porfia superare?
Faghet nos lassat, emmo, notte e die...
ma si bi proat a lu contrariare
calicunu in su chi cheret Issu
a bider si lu ‘inchet o nd’est bissu!
497

S’ira de Ares
Càntigu XV
21 Isse est su Mere! Isse su prus forte...
nois devimos baliare ebbia;
ne balet a tentare marrania
si no nos ch’ ‘ettat da-e custa Corte!
Leade como s’orrorosa sorte
ch’in Tròia est toccada a sa zenia
de Ares nostru, a Ascaláfu mannu,
e mi nâde s’est giustu tantu dannu!–
22 Restesit marmuradu deus Marte!
Si mazesit sas còscias e pianghende
nêsit: –O Deos, no! Deo in disparte
non mi nd’isto! Su chi so intendende
merítat chi bi fale a fagher arte!
Mancari l’isca chi so arrischende
chi cun su lampu mi settèsciet Zeu,
troppu lu sento, ca fit fizu meu!–
23 A s’Assucconu e a su Terrore
tando ‘e li giungher nêsit chen’ ‘istentu
sos caddos suos lèbios che bentu,
mentres isse s’armait a primore!
Ma, timinde ‘e s’olìmpicu Segnore
s’ira dannarza, Atena in su momentu
l’andesit a costazu, nde li lêsit
elmu, lantza e iscudu e l’avvertesit:
24 –O cherveddi-tzoccadu, frimma incue!
Perder ti cheres? O forsi pretendes
de ‘oltulare a Zeus própriu tue?
Sas orijas las as, ma non intendes!
Nâdu nos l’at Giuno e non t’arrendes?!
Su dolore e-i s’ódiu t’an che nue
sos ojos saccarradu e su giudìsciu!
Gai pones s’Olimpu in pergiudìsciu!
498

Sa disfatta de sos Acheos
25 Non crês chi si t’ ‘iderat Zeus santu
a pius de ti poder saettare,
lassadu s’abbolottu, diat pigare
a custu Monte e fintz’a tottucantu,
coment’est suspettosu, mattanare?
Mannu est su dolore e su piantu
tristu e sintzeru, o frade, e los cumprendo!
Ma ch’arrejones puru ti pretendo!
26 E cantos non nd’at mortu ‘e campiones
paris fortes o pius de fizu tou?
E cantos nd’at a morrer puru a nou
gittos che da-e malos buliones!
Tzedit donzunu a su Destinu sou,
ne balen contr’a Issu rebelliones!–
Si cagliesit Minerva e a si sêre
tucchesit de sa gherra s’altu Mere!
27 A Iris e a Febo tando a fora
giamesit, faghìndelis s’ojittu,
Giuno e lis nêsit: –Zeus beneittu
chi tucchedas cumandat própriu in s’ora
e chen’imbaru a su gargàreu situ!
Bazi e ponide mente!– A sa dimora
ch’intresit pustis Era bratzinîda
e sos Deos, a bolu, a s’ala ‘e s’Ida!
28 Subr’una chima, addaghi b’arrivesin,
da’ nues maestosas coronada
de su Gàrgaru ‘enosu l’agattesin
a manu in barra sa Ghia sobrada,
che s’isetterat zente, e si mustresin.
Sa cara si l’est che allughinzada
da-e sa cuntentesa a su Tronante
ambos bidendesilos a innante.
499
Iris e Febo
tuccan da-e
Zeus

Iris falat da-e
Posidone
Càntigu XV
29 E suddisfattu, pensende a comente
a su cumandu l’aiat Giunone
in tottu e in pag’ora postu mente,
nêsit a Iris: –Fala a Ilione,
o Pê-lezera, e dali a Posidone
pretzisu cust’avvisu: chi repente
lu lasset s’abbolottu e a torrare
coittet a s’Olimpu o a su mare!
30 Ma si Nettunu non s’assuggetterat
a sos cumandos mios volenteri,
e a los cuntrastare s’attriverat,
mezus chi non lu fattat li referi!
Ca si, comente nât, si cunsiderat
cant’e a mie potente gherreri,
chi s’est faddinde su frade mazore
luego li dimustrat a primore!–
31 Mancu aiat cumpridu su Tronante
de li porrer s’allega, chi sa Dea
a sa ‘idda ch’ ‘essesit dardanea
a bolu fùrriu, in tottu simizante
a su ‘entu astraosu de Borea,
fizu de s’Etra 8 , addaghi abbundante
da-e s’aera nd’ ‘ettat che a porfia
su ràndine maduru che laddia!
32 E li naresit, appena agattadu,
ponìndesi a costazu Iris donosa:
–O Mere mannu de s’unda ispumosa,
frade tou a inoghe m’at mandadu,
Zeus Cronide, e m’at cumandadu
cust’imbasciada ‘e ti porrer pressosa:
da’ s’abbolottu nâchi a ti nd’ ‘essire
e a sa sea tua a recuire!
500

Sa disfatta de sos Acheos
33 Si no aggradesseras s’avvertèntzia
e tenteras d’intrare in marrania,
mezus ti nd’ista in bona ausèntzia;
ca s’est beru chi crês de valentia
de nd’aer cantu a s’eterrena Ghia,
nâchi ti mustrat isse chi potèntzia
ne tue e ne niune nd’at che Zeus!–
E, airadu, in risposta su deus:
34 –Prepotèntzia est sa sua bella e bona!
Emmo ch’est forte... e chie bi lu negat?
Ma est própriu su pôre ‘e cussa trona
chi a boltas lu tzoccat e l’intzegat!
Tando l’ammento (e gai s’assussegat)
chi tres fizos a sa potèntzia Crona
Rea li desit cun paris amore:
Zeus, Nettunu e Ade su minore.
35 In tres partes l’at Cronos soberanu
partida s’eredàntzia e dada a sorte:
deo su regnu apesi ‘e s’Oceànu
e Ade su guvernu de sa Morte,
Terra isse, Chelu e s’olìmpica Corte!
Ma chie siat prus forte o metzanu
cumproadu non l’amos, si l’ammentet!
E tando intr’ ‘e su sou s’ausentet!
36 Chi cumandet a Era e a sos fizos
(ca già est manna intantu s’erèscia)
addaghi sunu cussos sos disizos!
A mie non mi seghet sa pascièscia!
E coment’eo non li do fastizos
non mi nde diat, ne mi pedat chèscia!
E de cant’isse tenet in appittu
non mi nde faghet ne caldu ne frittu!–
501

Zeus mandat
a Febo da-e
Èttore
Càntigu XV
37 E Iris in risposta Pês de ‘entu:
–Pilibiaittu Mere de su mare,
adducas de abberu ses cuntentu
chi a Zeus li deva relatare
su chi m’as nâdu? A contrariare
betzos e mannos su risentimentu
de sas Erinnes 9 felosas s’offendet!
E chie at cabu custu lu cumprendet!–
38 «O Iris limba ‘e mele, faeddadu
–rispondesit Nettunu– at cun sabiesa,
a tales chi m’intendo sulenadu
da’ sa de Zeus felosa pretesa,
chi, ti repito, sonat che offesa
a chie est che a isse ‘e sambenadu!
Che a tie prudente e de valore
diat dever esser donz’imbasciadore!
39 Nâli chi mi retiro... ma ischire
dêt su Tronante sa minetta mia!
Si penserat de non la destruire
a Ìlion bentosa, a dispettia
aginde contr’a cuddos chi punire
cheren de Paris sa traittoria
(e in s’Olimpu semos sos piusu),
ch’ ‘essimos a sa mala pro s’abusu!»
40 Nênde gai, da’ mesu a sa pelea
si che tucchesit Posidone a fora
e lestru in s’oceànica dimora
si retiresit. E galu sa dea
a sa chima torresit gargarea
a porrer sa risposta alleviadora.
E, in l’intender sa relata, Zeus
nêsit a su de s’arcu fizu e deus:
502

Sa disfatta de sos Acheos
41 –Postu mente m’at duncas Posidone!
E bene at fattu, si no s’abbolottu
chi nd’aia pesadu, e cun rejone,
deos e deas de s’Olimpu, tottu,
e sos de s’Ade l’aizis connottu!
Dadu l’aia tale lescione
chi pius mai si fit attrividu
de mi contrariare s’atzuridu!
42 Como bae però, o Saettante,
e, cun s’égida in manu infioccada,
sos d’Argo terrorìzami a s’istante!
Faghe pustis ancora una tuccada
a u’est su troianu cumandante
e s’atza manna ch’at sempre mustrada
in chentu e prus peleas bi la torra,
pro ch’a sos suos lis sonet sa corra!
43 Chi che los catzen finas a su portu
galu una ‘olta cherzo a sos Danaos
e chi prus d’unu bi nde lassen mortu
a pal’insegus fuinde, accamaos!
Gai est bellu e pattadu cuddu tortu 10 !
Decomente los bider cumpensaos
pensamos posca a sos de prim’Atreu.
Ma bae como, bae, fizu meu!–
44 Che ‘olesit de s’arcu su Segnore
a Ìlion da-e s’Ida saettende
che in s’aera s’abbramidu astore
addaghi est a calch’ae persighende.
Sétzidu l’agattesit a Ettòre
per terra, a manu in conca, osservende
che s’esseran fulanos sos cumpanzos,
galu attambainadu da’ sos banzos!
503

Càntigu XV
45 Curtzu però non s’intendiat prusu
s’alenu che a prima e in s’ischina
cúrrerli su suore sutta e susu
che buttios ‘elados de rosina!
Si l’accurtziesit Febo e che delusu:
–O Èttore, –li nêsit– raighina
no est sa tua inneuddada e mala!
It’as, s’est chi ti nd’istas a un’ala?–
46 E s’eroe torréndeli faeddu
cun unu filigheddu ‘e oghe appena:
–E cale deus ses? Si a toccheddu
gitto ancora sa conca e so in pena,
est ca m’at Aiace su cherveddu
cun unu crastu tzoccadu e sa vena
sicca approbe ‘e sa vida! M’at salvadu
s’elmu meu de brunzu ‘ene forradu!
47 A narrer ch’assumancu pro un’iscutta
mi che so ‘idu passizende in s’Ade
e própriu mentres chena piedade
accorrende a sas naves sutta-sutta
la fimis cussa ratza e derrutta
approbe a l’ ‘ider pro s’eternidade!–
E Febo: –Ti consola, o Dardaneu,
ca bon’affianzu t’at mandadu Zeu!
48 S’ispada mia d’oro acco’ inoghe,
sa d’Apollo so nênde, fittiana
a costazu ‘e sa ‘idda troiana
e non da’ oe! Como ‘etta ‘oghe
a sos gherreris e a sa mattana
los intzita, pro ch’a su frie e coghe
donzunu d’issos s’intendat, che mai
detzisu a nde cumprire s’arguai.
504

Sa disfatta de sos Acheos
49 A innante b’and’ ‘eo e a sos d’Atreu
los buluzo a un’ira e ponzo in fua!
Pesa però, ch’est passada sa lua!
Ajo’, move... benide fattu meu!–
Nêsit su deus; e su dardaneu
intr’ ‘e sas venas sa pérdida frua
si l’intendesit a fùrriu torrare
che caddarida in tempestosu mare!
50 Che cando da’ s’istalla u’est serradu
poi d’aer segadu su presorzu
foras ch’istuppat su caddu, ne s’orzu
pius li bastat chi l’aian dadu,
e curret d’abbas lìmpias in bisorzu
e da’ lìeros padros attiradu,
a bàttiles s’isciuma ispramminende,
a tales fatt’a Febo Ettòre ‘olende!
51 In su lu ‘ider galu a s’ala insoro
s’animesin ancora sos d’Ilione,
paris cantu s’intendesin su coro
puntu a istillu sos d’Agamennòne,
màssimu a tottu ca in bisos d’oro
fin sos pius, pensende a Telamone
e a comente l’aiat colpadu
cun unu crastu a conca e settesciadu!
52 Gai che cando canes e canarzos,
mentres approbe a una craba ‘e monte
o a unu chervu cun corros in fronte,
ch’iscàmpiu andat chirchende in sos ruarzos,
sun a li minter dentes e attarzos
e tott’in una s’agattan de fronte
unu leone mannu e fuin tottu,
gai sos d’Argo, a Èttore connottu!
505
Sa riscossa
de Èttore

Sa ritirada de
sos Acheos
Càntigu XV
53 Tand’ ‘e s’Etòlia Andrèmone Toante 11 ,
gherreri che a pagos valorosu
cantu in su faeddare giudisciosu,
nêsit a tottu: –Oh, sorte menguante!
Mortu lu crêiamis pagu innante
d’Ilione s’eroe prus famosu
e como millu torra a crista altzada,
terrìbile che sempre a manu armada!
54 Adducas giagaradu fintz’a s’Ade
non che l’at Aiace a su Dardanu!
Bardiadu l’at calchi Soberanu
o Zeus própriu! Acco’ sa veridade!
Eallu ‘enzende che lupu montanu
a s’ala nostra, chena piedade
detzisu ‘alu una ‘olta a nos felchire
dentes in s’arguene e a nos bocchire!
55 Ma si penseran sos ch’in Argo an bantu
d’esser sos pius fortes de ficchire
inoghe accurtzu meu, resessire
diamos, penso deo, peristantu
su chi bramat in coro ‘e l’impidire!
A sas naves sos àteros intantu
lòmpere dian dever in lestresa
pro b’approntare s’ùltima difesa!–
56 A su cumbidu prontos l’inghiriesin
Merione, Aiace, Idomeneu,
Téucro e Megete, a su deu
simizante ‘e sa gherra, e isettesin
a pê’ frimmu a Ettòrre Priameu.
E, cumprendinde, a bolu si tucchesin
a su portu sos àteros soldados
ponìndesi a corona, bratzarmados!
506

Sa disfatta de sos Acheos
57 Acco’ cumpattos intantu avantzare
sos Dardanos fatt’a su Priamide
pretzédidos da’ Febo cun s’egìde 12 ,
chi cun arte fattesit chena pare
in Mongibella Vulcanu a Cronide.
Los cheriat cun cussa ijantinare
su deus a sos d’Argo, a pesa e rue
fuinde pro los bider in tottue!
58 Gai ‘enzesin a pare, abboghinende,
de sàmbene e de glòria in bramosia,
e finas a su chelu ‘alu una ia
cun una nue ‘e piùere pighende
s’upa s’ ‘idesit de sa disania!
E sas fritzas, sas lantzas che chirchende
s’inimigu parian a sa sola
da’ un’a s’ater’ala bola-‘ola!
59 Finas a cando s’égida eterrena
non nde ‘oghesit Febo onnipotente
agguantesit Argo, e dignamente,
s’apprettu ‘e sos de Troe. Ma appena
bi lis mustresit, biancos de carena,
fuesin sos Acheos, decomente
a s’inghelada s’ispramminat s’ ‘ama
duas feras bidinde, ojos che frama!
60 Che-i s’espe istrobbada in s’ ‘ana sua
s’ ‘ettesin tando contr’a su Danau
sos de Priàmu: Èttore sa frua
lêsit a Stìchiu innanti, che giau
felchìndeli una lantza ‘e mal’antua
da-e pala a pettorra; Arcesilau
ruesit posca, amigu ‘e Menesteu,
galu pro manos de su Dardaneu!
507

Càntigu XV
61 A Medonte e a Iasu 13 settesciesit
fattu-fattu Enea in conzuntura,
ispozèndelos puru ‘e s’armadura.
Da’ Oileu su primu naschesit
foras de sa Locríde fattu a fura
e, sicomente unu frade ‘occhesit
d’Eriopide 14 , sa ‘ìdriga sua,
in Fìlace 15 viviat a s’accua.
62 Da-e Sfelo Bucólide 16 naschìdu
fit Iasu invece, bonu cumandante
de su d’Atene esércitu atzuridu.
Posca pr’ onore de Polidamante
ruesit Mecisteu e, istasidu,
Echìu 17 da-e Pólite a s’istante.
Lêsit sa vida Agènore a Cloneu 18
e a Deiocu 19 Paris priameu.
63 Fuinde a pal’insegus, che fin dados
sos Danaos intantu a sa muràglia,
ùltim’amparu ‘e sas naves, ‘prettados
da’ sos de Troe astores de iscàglia,
chi, a tales fin seguros e leados
de nd’agabbare in tottu sa battàglia,
ch’a ispozare mortos e feridos
s’ ‘istentaian finas divertidos!
64 Cun cant’aiat briu in s’arghentolu
abboghinesit tand’Ettòrre: –O frades,
lassade ‘e còglier pannos s’oriolu!
Lênde sas naves sas abilidades
mi mustrade, ch’est prus mannu consolu
su ch’a Tròia e a bois procurades!
Adducas, fortza paris! Acco’ s’ora
sa zente istranza ‘e che catzare a fora!
508

Sa disfatta de sos Acheos
65 Ch’avantzemos cumpattos bos pretendo
gridende iscaratzados: –Libertade!–
Ma si nde ‘ido calcunu o intendo
dudosu o a murrunzos, lestru a s’Ade
giuro ch’in cara a tottu che lu rendo,
ne làgrimas at aer de piedade
da’ sos suos, ne fogu e sepoltura,
s’est chi lu lasso a canes in pastura!–
66 Nêsit; e urulende isfuettesit
sos caddos e sos coros Priameu;
pustis a lantza in resta si ‘ettesit
che leone famidu in su peleu!
E, fattu sou, s’esércitu intreu
che riu in piena si tucchesit
boghiende isse puru, a coro alluttu,
detzisu a còglier su bramadu fruttu!
67 Imperistantu Apollo, altu che monte,
sighinde innanti a tottu a avantzare,
valutesit, ponìndesi de fronte,
cun sos pês sa muràglia ‘e nde lampare
e cun sas pedras de b’apparinare
sa cora posta in tundu e unu ponte
longu e largu ‘e frommare, paris cantu
su trettu d’una lantza ‘ettada a bantu!
68 Decomente gioghende in sa marina
ammanizat casteddos cun sa rena
e turres sa biada piseddina
e, pustis pagu, cun cara serena
los càttigat e faghet a farina,
ca giambat giogu, a tales, appena
sos pês divinos Febo b’arrumbesit,
che asciutza su muru nde falesit!
509

Sa pregadoria
de Nèstore
Càntigu XV
69 Bidinde de su deus su portentu,
a una ‘oghe Ettòrre e sos soldados
ch’istuppésini cue, resinnados
sa gherra ‘e nd’agabbare in su momentu.
Ma cun paris valore e ardimentu
a s’àter’ala, mancari accamados,
resistesin sos d’Argo a pê ficchidu
a s’ira anzena e de Febo ‘elenidu!
70 E pius d’unu, in mesu a tant’orrore,
si nd’ ‘idiat da’ Zeus invochende
a manos giuntas amparu e amore.
Nêsit tando, sos ojos artziende
a s’olìmpicu Mere, re Nestòre:
–O babbu affriscionosu, si preghende
t’at mai in Argo calcunu onoradu
non lu lasses –t’imploro– ismentigadu!
71 Si còscias rassas d’ ‘ulos e d’ ‘arveghes
pro a tie ch’ ‘ettemis in su fogu
e tue in chelu isfuettende a grogu
giustìscia promittesti, chi l’intreghes
a nois sa vittòria e chi lis seghes
s’ardore chi nos ponet in affogu
ti pedo a sos de Troe ‘alu una ia
a coro in manu, o soberana Ghia!–
72 L’intendesit Cronide a Gereneu
e sa risposta li desit a tonu
in sa giaria ‘e su chelu unu tronu
faghinde rodulare a giru intreu.
Ma lu lêsin sos d’Ìlion su de Zeu
che pro a issos apprettosu ispronu
e cun ojos de sàmbene inganidos
a innanti sighésini accanidos!
510

Sa disfatta de sos Acheos
73 Decomente su fiancu d’una nae
supèrat in s’istérrida in tempesta
de su mare un’unda, alta che ae,
da’ sa ‘èttia susténnida molesta
d’unu ‘entu tirriosu, e dannu grae
li procùrada, a tales funesta
resultesit de Tròia s’avantzada
appenas sa muràglia superada!
74 E mentres sos d’Ettòrre gherraian
chie a pê’, chie a caddu o da’ su carru,
de lis ponner sos d’Argo calch’abbarru
da-e subr’a sas naves tentaian
cun fustes longos meda e los punghian
cun sa punta de brunzu, che in s’affarru
chie sa leppa si solet bogare
pro poder ferrer chena s’acchintare!
75 Finas a cando in s’oru ‘e sa muràglia
a sos cumpanzos Pàtroclo ‘idesit
sustenner paris patta sa battàglia,
a s’intra e bessi in sa tenda s’istesit
d’Euripìlo e lu meighesit,
ca feridu l’aiat un’iscàglia 20
de sa de Paris famada abbalestra
a subra ‘e su ‘enuju ‘e s’anca destra.
76 Ma cando s’abbizesit chi giampadu
ch’aian cora e muru sos Dardanos,
nêsit in suddu a s’amigu lantadu
colpéndesi sas còscias cun sas manos:
–Inoghe, frade caru, ausentadu
non potto prus trattènnere. Lontanos
non sun sos de Priàmu da’ su portu
e ghèrrana sos d’Argo a coro mortu!
511
Pàtroclo
recuit da-e
Achille

Abbolottu
mannu sutt’a
sas naves
Càntigu XV
77 Da’ s’iscuderi fàgheti assistire.
Da’ su cumpanzu ch’apo pius bonu
recuire dev’ ‘eo a li pedire
pro frades nostros aggiudu e perdonu!
E si cherferat su Mere ‘e su Tronu
bi dia poder finas resessire,
ca d’un’amigu su bonu faeddu
est che in notte fusca lughe ‘e isteddu!–
78 Su tempus de li porrer su saludu,
pustis tucchesit Pàtroclo che bentu!
A sa tìrria ‘e s’ilìacu attraghentu
resistinde cun ànimu fortzudu
fit Argo intantu, che simmai atzudu!
Gai, pro cant’impignu e ardimentu
ambas partes ponzeran in s’apprettu,
nemos nd’ ‘essiat da-e cussu trettu!
79 Fit a tales sa forza paris patta
chi che a lentza pariat signada
sa làccana ‘e sa gherra a filu d’atta;
própriu comente a lentza ‘enit marcada
pro la segare in manera isatta
da’ unu mastru ‘e àscia e impittada
una de linna maestosa trae
pro fagher sa carena d’una nae!
80 Tentesit tando Ettòrre ‘alu una ia
sa nae ‘e conchistare ‘e Telamone;
ma li neghesit, gherrende a porfia,
s’eroe ‘e Salamina s’intentzione,
finz’arrischende, cun atza ‘e leone,
de li dare mattana a dispettia!
In debadas però! A tales Zeu
cheriat s’abbolottu in cancalleu!
512

Sa disfatta de sos Acheos
81 A sa de Clìziu valorosa frua 21 ,
però trunchesit in s’ora s’umore
cun una lantza Aiace a moda sua:
de s’ ‘alanzare infattis fit s’unore,
tucchende a pala ‘e su fradile Ettòre
a teda allutta in manos, a s’accua
d’inchèndere ‘e su gregu su navizu
e meressire fama a ispantizu!
82 Ma fit prus manna d’isse cuss’impresa,
s’est chi s’iscuru a bucca isbambarriada
subra s’àccia ruesit galu atzesa
nênde adiu cun un’iscalcanzada
a sos sònnios de glòria! A cara inchesa
nêsit in l’ ‘ider tando sa sobrada
ghia dardana: –Sighide a gherrare,
o frades, chena bos disanimare!
83 A Caletòre 21 lestros che portade
pro chi non nos l’ispozen sos Acheos,
giagh’est mortu, cumpanzos dardaneos,
dies giaras bisende ‘e libertade!
A cussos canes non bi lu lassade!
Oe si cumprin sos destinos reos!–
Nênde gai, sa lantza ch’imbolesit
contr’a s’Aiace, ma si lu faddesit!
84 A Licofrone 22 trunchesit su briu
però su malu traste ‘ola-‘olende,
s’iscuderi d’Aiace, chi gherrende
fit cun atza in sa punta ‘e su naviu!
In s’orija l’intresit muidende
e per terra, mischinu, ancora ‘iu
nd’istrombulesit su fizu ‘e Mastòre
tucchéndesi a s’eternu iscurigore.
513

S’arcu de
Téucro
Càntigu XV
85 Da’ s’ìsula ‘e Citera 23 fit fuidu
a sa ‘idda d’Aiace Licofrone,
ca mortu aiat su malattrividu
un’inimigu sende in chistione.
Lu ‘idesit ruinde Telamone
e a su frade nêsit attristidu:
–Mira, o Téucro, mira cale sorte
toccada est mala a Mastoride forte!
86 Cun un’aina Ettòrre nos l’at mortu
su ch’aimis che frade intro ‘e domo!
Mìralu cue, istérridu in su portu...
e deo a su dannarzu non lu domo!
Tue cun s’arcu ti bi proa como,
abbissi ti l’ ‘alanzas s’accunortu!
O s’arminzu chi Febo ti at dadu
non l’impittas ca ti s’est taruladu?!–
87 A s’affeu ‘e su frade, una saetta
contr’a Ettòrre lestru ch’imbolesit;
ma fruschinende cudda ‘eretta-‘eretta
in su tuju de Clito 24 si felchesit,
chi de su cabu ghiende a s’appretta
fit su carru, e mortu nde l’ ‘ettesit!
Gióvanu fit s’eroe e de valore,
de s’ereu nobìle ‘e Pisenore 24 .
88 Si lampesit Panto’ Polidamante,
in s’ ‘ider ch’a su tzoccu ambos fiados
si fin a caddaridas suberiados,
a los rentenner prima e a distante
pro che los gigher posca asseliados.
Ad Astinòe 25 chi fit cue innante
los cunsignesit, fizu ‘e Protaone 25 ,
chi che los lêsit da’ su bulione.
514

Sa disfatta de sos Acheos
89 Un’ateruna fritza imperistantu
che ponzesit detzisu a non faddire
Téucro in s’arcu. E a l’istasire
fit resessidu, si Cronide santu
a s’istirada non l’aeret frantu
su nérviu a su danau! Permittire
non li podiat s’eterrena Altesa
s’onore ‘e si ‘antare ‘e tant’impresa!
90 Lerzu-lerzu ch’istuppesit s’arminzu
e s’arcu li ruesit da-e manu,
lasséndelu incantadu! In pistighinzu
nêsit tando a su frade: –Ohi, ch’est vanu
su peleare nostru! E già s’ordinzu
s’est avverende ‘e Zeus soberanu!
Si no est goi, e proite segadu
si m’est s’arcu addaghi fit puntadu?–
91 E Telamone: –Làssalos per terra
fritzas e arcu, o Téucro valente!
T’arma d’iscudu e lantza e-i sa gherra
sighi a costazu nostru dignamente!
E giaghi a Zeus fintza onnipotente
tenimos contra in custa cuntierra
ch’a Troe cheret dare sa vittòria,
meressìmunos nessi fama e glòria!–
92 A s’avvertèntzia, arrischesit solu
de nde regòglier s’arminzu divinu
tucchende aizu innanti e, che a bolu,
lêndesindelu da-e su terrinu.
Lu remunesit in unu chizolu
de sa tenda, s’armesit a puntinu,
posc’a fiancu torresit de su frade
bramende glòria pro s’eternidade.
515

Intzitos e
bisestros
Càntigu XV
93 Bidinde Ettòrre faddidas in s’ora
de Téucro sas fritzas fentomadas,
abboghinesit galu: –A fora, a fora
da-e sas terras nostras cunsacradas
che las catzade sas gregas armadas,
o frades d’Ìlion! Cun prus atza ancora
sighide a los bocchire fattu meu,
ca dadu a s’ala nostra si nd’est Zeu!
94 Sos trastes d’un’eroe at istasidu
che s’esseran de ludu o de chijina!
Siat pro cussu donzunu attrividu
in sa porfia che sempre a berrina!
E chie, in malu trattu o favoridu,
sa volontade ‘e sa Ghia divina
non riconnoschet? Isse est su padronu
de su male ‘e sa vida e de su ‘onu!
95 S’est destinu chi restet settesciadu
calicunu de nois, in difesa
cumbattende ‘e sa pàtria vilipesa,
samben no est debadas derramadu,
ma gloriosa e nobìle impresa
su de morrer ischinde ch’ ‘ardiadu
nd’amos sos fizos da-e sas cadenas,
pobidda e benes da’ francas anzenas!–
96 Ardente s’intendesit a s’intzitu
intr’ ‘e su coro onzunu che tittone
sa brama ‘e nde cumprire su bulione
e a foras da-e su patrìu situ
su Gregu ‘e che catzare malaittu!
Ma cun làttigu paris Telamone
a s’àter’ala fit nênde a sos suos:
–Acco’ lómpida s’ora ‘e sos concluos!
516

Sa disfatta de sos Acheos
97 O frades d’Argo, si nos las lassamos
brujare o conchistare custas naes,
alas non nde gighimos che sas aes
pro nos nde ‘ardiare! It’isettamos?
Connoschinde sas oras pius graes
semos da’ cand’inoghe peleamos
e finas l’ischit Éttore troianu
s’est ch’arrimat sos suos a marranu!
98 Mezus pàrrere non bos potto dare
che’ su ch’avantzet donzunu cunvintu
contr’a un’inimigu e a chintu a chintu
chirchet cun briu e coro ‘e lu domare!
Bincher o morrer, pro nde l’agabbare!–
Nêsit Aiace; e sos Gregos d’istintu
a innante tucchesin animados
e a gherrare a s’arma resinnados!
99 Comintzesit però Ettòrre forte
a ch’isterrer a Schédiu 26 , cumandante
de sos Focesos; e Laodamante 27
da’ Aiace a retzire paris sorte!
Pro manos posca de Polidamante
tocchesit galu a connoscher morte
a tales Oto, eroe Cilleneu 28 ,
amigu caru de Megete epeu.
100 In bider su cumpanzu chena frua,
contr’a Polidamante ch’imbolesit
sa longa e acutada lantza sua
lestru Megete, ma si lu faddesit!
A Crismo 29 invece, sighinde sa fua,
su traste a mesu pettus s’attappesit
e, appenas per terra, a s’accurtziare
coittesit su gregu e a l’ispozare!
517

Càntigu XV
101 Ma chirchesit s’impresa ‘e l’impidire
a lantza in resta su fizu de Lampu,
Dòlope atzudu, e de l’isvanessire
sos sònnios de glòria in cussu giampu!
Colpu raru tentesit, chen’iscampu...
si li deviat però infelchire
sa saetta in s’iscudu ‘e s’inimigu
chena lu trapassare manc’azigu!
102 (In Efira l’istesit regaladu
cuss’iscudu a su babbu de Megete,
Fileu 30 a nomen tentu, da’ Efete 31 ,
re de s’Elìde giustu e onoradu,
pro chi l’aeret in gherra impittadu
ca fit ispissu e mannu che bette!
Posca eredadu l’aiat su fizu,
gittu a Tròia e tentu in contivizu.)
103 Lu colpesit Megete cun s’ispada
subr’a s’elmu a Dolòpe troianu
e-i sos pubones a lontanu
ch’essesin mutzos a s’ispramminada!
Ma tentesit ancora un’avantzada
su chiu ‘e Lampu cun s’arminzu in manu:
non s’abbizesit però chi, currende,
li fit da’ segus Menelau ‘enzende!
104 E su gregu sa lantza a mesu pala
a tales li felchesit cun violèntzia
chi ch’ ‘essesit sa punta a s’àter’ala
seghéndeli sa frua ‘e s’esistèntzia!
Ruesit cuddu e che un’ira mala,
cun s’iscudu paradu pro prudèntzia,
ambos acheos galu ‘e l’ispozare
tentesin a Dolòpe a fiancu a pare.
518

Sa disfatta de sos Acheos
105 In su los bider sestende sa fura,
a sos parentes cun tìrria ‘e leone
abboghinesit lestru d’Ilione
però sa turre prus forte e segura.
A Melanippu 32 de Icetaone 32
giamesit pro primu. Aiat cura
custu in Percote ‘e mandras e laores
innante ‘e sos ilìacos buddores.
106 Sende fizu de frade e de valore,
tentu fit da’ Priàmu in cunsideru
che a pagos in Tròia e cun amore
bidu e trattadu su pius sintzeru.
A isse si ‘oltesit tando Ettòre
e l’arrimesit nênde: –De abberu
duncas, o Melanippu, los serramos
sos ojos e su tortu l’ ‘aliamos?
107 Su ch’aimis fradile pius caru
mìralu cue chena pius vida!
E cantos gherran cun atza accanida
pro l’ispozare ‘e s’armentàriu raru!
Accurtziàmunos mezus chen’imbaru
pro chi non siat sa beffe cumprida!
Manu-manu acco’ s’ora ‘e los leare
pro la perder sa pàtria o l’ ‘ardiare!–
108 Nêsit; e che leones ambos duos
si ‘ettesin in mesu a s’abbolottu.
Própriu in su mentre a sos soldados suos
fit nênde Telamone: –O frades, tottu
lu vittide ‘e sa crìtiga s’atzottu!
Chie timet o isettat aggiuos
est in gherra su primu a ruer mortu!
Nois bramamos diversu accunortu!–
519
Sa difesa
de sas naves

Càntigu XV
109 E sos de Salamina, in su l’intender,
cun s’iscudu paradu e bratz’armados
galu prus a innante, resinnados,
vida e naves tucchesin a difender.
Sighiat Zeus intantu a ch’atzender
su coro ‘e sos ilìacos soldados.
Abboghinesit tando a Antilócu
segund’Atride a bantu e irroccu:
110 –O Nestoride, nemos che a tie
est gióvanu e velotze ‘e sos Acheos
e resolutu in béllicos impreos!
Una lantza ch’imbola e deosie
bidimos lestru a s’Ade finas chie
tuccat de custos canes dardaneos!–
Nâdu e fattu; e sa nóbile saetta
ch’ ‘essesit piulende ‘eretta-‘eretta!
111 Sutta sa titta ‘e Melanippu forte,
d’Icetaone su mezus consolu,
si che cravesit, cumprinde su ‘olu,
s’ ‘oladore dannarzu e-i sa Morte,
faschéndelu in su pìghidu lentolu,
ruinde e tottu a s’infernale Corte
si lu portesit a risittu in laras,
da-e sas cheas catzende fiaras.
112 Tand’ ‘e sas bellas armas inganidu
si l’avventesit su fizu ‘e Nestòre,
decomente unu cane catziadore
unu crabolu assàltiat feridu
appenas da’ sa tana nd’est bessidu!
Ma lu ‘idesit su divinu Ettòre
e a s’abboju tucchesit currende,
su piattu ‘e li torrare disizende!
520

Sa disfatta de sos Acheos
113 A pê’ frimmu però non l’isettesit
custa ‘olta e che sempre su giovànu,
s’est ch’a si retirare coittesit
timinde s’imponèntzia ‘e su dardanu,
tales che fera chi fuit lontanu,
appoi chi su cane bi ‘occhesit
o su teraccu in cuile o pinnettu,
e d’esser persighidu at su suspettu!
114 Gai pottesit sos trastes dannarzos
de sos de Troe Antìlocu vittire,
chi sighian sos d’Argo a persighire
a fele in bucca che lupos pettarzos
e in su portu a los opprimire!
Bider cheriat Zeus sos attarzos
de su fizu ‘e Priàmu triunfende
e calchi nave ‘e s’Atride brujende.
115 Una a su nessi, pro chi suddisfatta
Tétide esserat e gai onorada
sa promissa ch’aiat Zeus fatta
in sa chima ‘e s’Olimpu! Bardiada
pustis l’aiat da-e sa disfatta
de sos Danaos sa gloriosa armada,
boghéndelis s’affannu de su camu
e a camucorru liende a Priàmu!
116 Fit pro cussu ch’a Èttore daiat
che a niune ardore e imponèntzia,
tales che fogu ‘essidu, e lu rendiat
a Marte simizante de presèntzia.
(Ch’approbe fit a render s’esistèntzia
s’eroe d’Ìlion Zeus già l’ischiat,
a s’ordinzu tzedinde ‘e Tritonea
e a s’ira ‘e Pelide in sa pelea!)
521

Càntigu XV
117 D’abberrer unu giampu fit pensende
Èttore in s’ora, cun s’aggiudu ‘e Zeu,
ue pius cumpattu ‘e prim’Atreu
fit s’esércitu. Che fogu lughende
si l’ ‘idian sos ojos e isciumende
sa ‘ucca! Ma, rispondinde, s’Acheu
paris patta mustrait determinu,
non rendinde unu prammu de terrinu!
118 Decomente a sa tìrria molesta
de sas undas, chi solen suppesare
e buluzare bentos de tempesta,
non tzedit un’iscógliu in mesu mare,
gai a sos d’Ìlion paraian testa
chena mover sos d’Argo a fiancu a pare!
E fintz’a chelu, che s’ispuma bianca,
ch’altzait su chimentu a destra e a manca!
119 Cun unu brincu tando a sos gherreris
si misciesit d’Argo Ettòre mannu
rodiende s’ispada e in affannu
ponìndelos, che a sos marineris
un’unda, ch’unfiada a volenteris
da’ sa fúrria ‘e sos bentos, malu dannu
lis faghet allaghéndelis sa nae,
in pergiudìsciu lassèndelos grae.
120 E che cando si ‘ettat su leone
subr’una mandra ‘e accas, in pastura
in bundansciosos padros de basciura,
tentada da-e gióvanu garzone,
e nd’assàltiat una ‘e su muntone
chi s’ispràmminat peri sa pianura,
a tales isbandesin sos d’Atreu
a s’attaccu ‘e s’eroe dardaneu!
522

Sa disfatta de sos Acheos
121 A Perifete 33 trunchesit su briu
tando ‘e Priàmu s’ispantosu fruttu,
mentras fuinde da’ su disaffiu
própriu a pêse s’iscuru li fit ruttu!
Gai su fizu de cuddu Coprìu 33 ,
connottu pro che l’aer sempre giuttu
d’Euristeu a Èrcole sas penas,
bóidu s’intendesit in sas venas!
122 Infattis Tronu ‘e gherra a li felchire
in pettus s’apprettesit un’aina
a tales fùrria ch’a nde li tuddire
non bistentesit sa punta assassina
ruja-‘enosa da’ s’ala ‘e s’ischina!
Ne li pottesin sa morte vittire
mancari affacca sos gregos cumpanzos
s’est chi fuesin in timòria ‘e ‘anzos!
123 Acco’ s’ùltimu abberru superadu,
de sos navios s’ùltima difesa!
E... sos Danaos, a coro isasciadu,
in attraghentu, pensende s’offesa
de comente parare ‘e s’airadu
nóbile Ettòrre cun calchi pretesa!
Daenanti a sas tendas s’aunesin
tando a costazu a pare e l’isettesin.
124 E Gereneu da’ sos pilos canos,
rocca ‘e sos d’Argo, nêsit, ammentende
a donzunu sos parentes lontanos,
da’ una parte a s’àtera currende:
–Mezus nostru non sunu sos Troianos!
Naro de no! Adducas cuntrastende
ómines siedas ch’an coràggiu e fide
e sa tzàntara anzena la timide!
523

Càntigu XV
125 A sos fizos lassados in isettu,
a sa pobidda, a sa domo pensade!
De los torrare a bider disizade,
galu ‘e lis dare e de retzire affettu!
O d’Argo eroes raros, tant’apprettu
pro sa pàtria e pro issos supportade!
Detzisiva est s’ora, lu ‘idimos!
Ma tzeder, bos ripito, non podimos!–
126 Gai su mere ‘e Pilo; e s’intendesit
donzunu in coro prus forte s’ardore
de resister a Ìlion cun onore.
Atena intantu che lis dissipesit
da’ ojos a sos Gregos cun amore
sa nue ‘e sa timòria e lis fattesit
bídere a Ettòrre e a sos Dardanos
non pius che gherreris subrumanos!
127 A Telamone atzudu e cori-mannu
non bastesit però de cuntrastare
s’inimigu a pê’ frimmu e a saltiare
lêsit da’ nave in nave chen’affannu,
abboghinende e faghinde dannu
cun unu fuste, ch’a lu misurare
fit vintibattor palmos de longària,
cun tzôs de ferru e doas pro russària!
128 Tales comente ghiende a porfia
una cuadrìglia, che puma lezeri
sàltiat unu bonu cavaglieri
da-e caddu a caddu a ispantia
e incantat cun rara maestria
cantos lu ‘iden, gai su gherreri
de Salamina, a brincos, atzuridu
a donzunu lassesit atturdidu.
524

Sa disfatta de sos Acheos
129 Ma non pensesit Èttore valente
sa ròdia de vittire ‘e cussa trae,
s’antzis cun atza subr’a una nae
saltiesit isse puru, decomente
assaltiat su nidu de un’ae
alisparta un’àbbile imponente
o sos sisinis tuji-longos nîdos,
gruas e cocas in ìscias, sididos!
130 Degai ‘alu una ‘olta tirriosu
a s’atzender torresit d’Ilione
s’insambentadu tristu fogarone.
E de abberu fit fattu ispantosu
s’ ‘ider cun cale e canta cunvintzione
gherraiat donzunu: isperasciosu
s’Acheu ‘e vindicare a Menelau
e Troe ‘e ch’istorrare a su Danau!
131 Porfiende fin duncas in su portu
da’ ambas partes cun fide e cun briu
cand’ ‘e Protesilau a su naviu
che desit de Priàmu su cunfortu!
Fit de Ificlo 34 lómpidu su chiu
pro primu a Tròia e pro primu mortu
(gai sa sorte aiat decretadu!)
da’ Ettòrre, appenas isbarcadu!
132 E mentras cuntrastende a manu a manu
cun lantzas e bistrales acutadas,
cun fritzas e istillos e ispadas
s’irrujait de samben su pianu,
abboghinesit s’eroe troianu
cun ambas duas francas attaccadas
a sa puppa ‘e sa nae tessalea:
–Sighide, o frades, de custa tenea!
525
Èttore
assàltiat
sa nae de
Protesilau

Càntigu XV
133 Su fogu... ajo’ su fogu mi nd’ ‘attide!
Su die cuntzedinde prus de tottu
nos est nódidu e bellu su Cronide,
faghìndenos concluer s’abbolottu
vittoriosos! Però mi porride
calchi teda... un’àccia! E chi connottu
restet pro sempre, iscrittu e mentovadu,
ch’amos gherrende sa pàtria onoradu!
134 S’est lómpida sa gherra a sos degh’annos
est prîte a frenu a intro ‘e sa tzittade
sa prudèntzia m’at ténnidu ‘e sos Mannos!
S’attaccu fit sa ‘iusta abilidade,
no sa difesa! Oh, santa libertade!
Ma si d’andare incontra a peus dannos
postu Zeus nos at tando in timòria,
como nos ghiat Isse a sa vittòria!–
135 A s’inzerru, galu ‘e pius creschesit
de sos Dardanos su fogosu apprettu
e a s’insegus fintza ‘e calchi trettu
pensende ‘e morrer Aiace torresit!
Da-e su ponte pustis chen’isettu,
fuliadu su fuste, che falesit
a s’isteva e da’ unu setzidorzu
sa lantza impittesit che puntorzu!
136 Chi s’esserat calcunu accurtziadu
a teda in manu cheriat vittire;
gai a sa lerta pro bi l’impidire
si nd’istesit a intro che cuadu,
prontu su traste sou a li felchire
a chie aeret s’attrivu tentadu!
E a cantos fin cue, abboghinende,
non tzessait de narrer che preghende:
526

Sa disfatta de sos Acheos
137 –O acheos eroes, iscuderis
de Marte gloriosu, oe che mai
pro chi nd’ ‘essemos da’ tant’arguai
d’esser mustrade valentes gherreris!
De render contos lómpida oramai
est s’ùltim’ora! E ne marineris
s’ ‘iden beninde a nos aggiuare
friscos de fortzas da-e s’ala ‘e mare!
138 Ispera vana est cussa! E si tzedimos
galu unu passu, sa comune losa
ajalla cue pronta: sa fungosa
istérrida ‘e su mare! Si cherimos
duncas torrare a domo e s’orrorosa
sorte fuire, sa tìrria devimos
parare ‘e Tròia! Da-e su valore
ch’amos dipenden sa vida e s’onore!–
139 Nêsit; e che istròscia tempestosa
lêsit sos d’Ilione a masellare:
tentesin dóighi ‘e s’accurtziare,
a bolta-‘olta cun boghe imperiosa
da’ Èttore mandados; ma lassare
in cussa posta s’ispera gloriosa
bi devian de sònnios proibidos,
a fianc’a pare ruende infelchidos!
527

Càntigu XV
NOTAS DE SU CÀNTIGU BINDIGHÉSIMU
1 A pala ‘olta [...]: Fuinde a palas boltadas a s’inimigu.
2 a s’ammaestru [...]: Zeus aiat proibidu a tottu sos Deos de leare
parte de calesisiat manera a sa gherra.
3 daghi da’ Ìlion l’ ‘idesti partende [...]: Cunfronta cun su Càntigu
XVI - ottavas 48-49.
4 segundu sos cunsizos de Atena [...]: Zeus si riferit a su famosu
caddu ‘e linna ch’at a servire a sos Gregos pro resessire a intrare in
sa ‘idda d’Ilione e a la destrùere. Custu fattu no est mentovadu in
s’Ilìade, ma in s’Odissea (Càntigu VIII - Ottavas 67-72).
5 Temi [...]: Fiza de Uranu e de Gea. Da’ Issa e da-e Giove naschesin
sas Oras e sas Parcas. Fit sa dea de s’órdine, de sa leze e de sa giustìscia.
6 Gea [...] Uranu [...]: Gea o Terra fit sa muzere de Uranu e sa
mama de Saturnu e de sos Zigantes. Uranu, maridu de Gea, fit su
babbu de Saturnu, de sos Zigantes e, peristantu, su donnumannu de
Giove, Nettunu, Plutone e de àteros maicantos deos e deas.
7 finas chie gallizat prus de tottu [...]: Est nâdu cun irónica suddisfassione
alludende a su deus Ares, pro sa mala notìscia chi est
approbe a li riferire (Cunfronta cun s’ottava n. 21 de custu matessi
Càntigu).
8 Etra [...]: Fit sa parte pius alta de su Chelu. Su ‘entu de Borea
‘eniat giamadu “fizu de s’Etra”, ca si crêiat chi falerat da-e sa parte
pius alta de su Chelu.
9 Erinnes [...]: O Fùrias, in latinu. Deas de s’inferru chi persighian
sos chi s’esseren manciados de delittos graes contr’a sos parentes.
Fini tres: Aletto, Tisìfone, Megera. Pro pilos gighian serpentes.
10 cuddu tortu [...]: Su tortu chi Agamènnone fattesit ad Achille.
11 AndrèmoneToante [...]: Toante, fizu d’Andrèmone, cumandante
de sos gherreris de s’Etòlia.
12 egìde [...]: O égida. Fit s’iscudu de Zeus, cun sa conca de sa
Gòrgone istoriada in su mesu. Chie l’aeret abbaidada beniat cambiadu
in pedra.
13 Iasu [...]: Unu de sos cumandantes de s’esércitu de Atene, fizu
de Sfelo, mortu da-e Enea.
14 Eriopide [...]: Muzere de Oileu, re de sa Lócride.
15 Fílace [...]: Tzittade de sa Tessàglia.
528

Sa disfatta de sos Acheos
16 Sfelo Bucólide [...]: Nóbile ateniesu, fizu de Bùcolo o Bucolione.
Fit su babbu de Iasu.
17 Echìu [...]: Soldadu gregu mortu da-e Polite.
18 Cloneu [...]: Fizu de Alèctore, cumandante de sos Beotes, mortu
da-e Agènore.
19 Deiocu [...]: Soldadu gregu, mortu da-e Paris, e non mentovadu
in aterue.
20 ca feridu l’aiat un’iscàglia [...]: Cunfronta su Càntigu XI^
21 de Clìziu valorosa frua [...]: Calètore, fizu de Clìziu, troianu
mortu da-e Aiace Telamone.
22 Licofrone [...]: Fizu de Màstore, mortu da-e Èttore. Fit s’iscuderi
de Aiace Telamone.
23 Citera [...]: Ìsula accurtzu a Creta, sacra a sa dea Afrodite.
24 Clito [...]Pisènore [...]: Fizu e babbu. Clito, amigu e iscuderi de
Polidamante, mortu da-e Téucro. Pisènore fit unu nóbile troianu.
25 Astìnoe [...] Protaone [...]: Astìnoe, gherreri troianu, fit fizu de
Protaone. Ne de isse e ne de su babbu ischimos nudda. Un’àteru
Astìnoe l’amos bidu in su Càntigu V^, mortu da-e Diomede.
26 Schédiu [...]: Fizu de Perimede, cumandante de sos Focesos,
mortu da-e Èttore.
27 Laodamante [...]: Gherreri troianu, mentovadu inoghe ebbia,
mortu da-e Aiace Telamone.
28 Oto, eroe Cilleneu [...]: Eroe epeu, de sa ‘idda de Cillene, in s’Élide,
mortu da-e Polidamante. Fit meda amigu de Megete, fizu de Fileu.
29 Crismo [...]: Soldadu troianu, mortu da-e Megete.
30 Fileu [...]: Babbu de Megete.
31 Efete [...]: Prìntzipe de sa ‘idda de Efira de s’Élide.
32 Melanippu [...] Icetaone [...]: Melanippu, gherreri troianu, fizu
de Icetaone, su cale fit frade de Prìamu. Morzesit pro manos de
Antìlocu.
33 Perifete [...] Coprìu [...]: Perifete, soldadu non mentovadu in aterue,
fit fizu de Cópriu. Lu ‘occhesit Èttore. Cópriu, fizu de Pèlope,
sende fuidu a Micene da-e s’Élide, pro b’aer mortu a Ifito istesit perdonadu
da-e su re Euristeu, chi si lu lêsit comente imbasciadore. Fit
Cópriu chi annuntziaiat a Èrcole sas fadigas chi l’imponiat Euristeu.
34 Ificlo [...]: Fizu de Fílacu e babbu de Podarce e de Protesilau.
529

ILIADE
CÀNTIGU SEIGHÉSIMU
VALENTIAS E MORTE DE PÀTROCLO
S’invocascione de Pàtroclo

Càntigu XVI
SUMMÀRIU
S’invocascione de Pàtroclo Ottavas 1-9
S’accunsentimentu de Achille 10-19
Sa nae inchesa de Protesilau 20-25
Pàtroclo s’armat 26-29
Achille arrimat sos Mirmìdones 30-42
Sa pregadoria de Achille 43-49
Sos Mirmìdones in gherra 50-53
Su primu colpu de Pàtroclo 54-57
Sos Acheos a s’attaccu 58-68
Sa fua de sos Troianos 69-78
Sarpèdone e Pàtroclo 79-81
Su dolu de Zeus 82-87
Duellu e morte de Sarpèdone 88-95
Glàuco sanadu da-e Febo 96-102
Battàglias pro su corpus de Sarpèdone 103-113
Enea e Merione 114-121
Àteras valentias de Pàtroclo 122-127
Pàtroclo iscatzadu da-e Febo 128-133
Sa riscossa de Èttore 134-136
Pàtroclo ‘occhit a Cebrione 137-146
Pàtroclo disarmadu da-e Febo 147-150
Sa morte de Pàtroclo 151-165
532

Valentias e morte de Pàtroclo
1 Mentres gherrende Ettòrre e Telamone
fin pro sa nae cun paris ardore
de Protesilau, e sos d’Ilione
da-e ora e sos d’Argo cun valore
sa vida difendinde e-i s’onore,
a sa tenda d’Achille Mirmidone
desit Pàtroclo atzudu a un’ ‘oleu
che simmai cun su coro in anneu.
2 Che-i s’abba chi brotat da’ sa ‘ena,
isténdesi cagliadu, ‘ettaiat
làgrimas caldas e si li leggiat
su dolu ‘errinosu in sa carena!
Cherfende Achille cumprender sa pena
chi a tales suffrire lu faghiat
li nêsit piedosu: –Assiat prantu!
Ello e comente ti mattanas tantu?
3 Cale disgràscia dês annuntziare?
Arre’, o frade, sa rima e faedda.
Non ti cumportes che criaduredda
chi cheret in cuedda a la leare
e ch’a sa mama tirat sa ‘unnedda
tirriende fintz’a l’accuntentare!
Menétziu t’est mortu? Est deosie?
O ischis chi Peleu est mortu a mie?
4 Imbasciadas nemos da’ Fitia
nos nd’at carradu de tale tenea!
O sun novas ch’an dadu a tie ebbia?
O ses pranghinde c’a sa zente achea,
pro sa de prim’Atreu arrogantzìa,
bidu as in su portu a falche intrea
da’ Ìlion messada? Mi lu nara,
lughe ‘e su coro, miréndemi in cara!–
533
S’invocascione
de Pàtroclo

Càntigu XVI
5 E Pàtroclo a succuttos: –O divinu
fizu ‘e Peleu, che niune forte,
non t’indignes cun megus! In pidinu
so pro sa trista e lastimosa sorte
ch’est tocchende a sos d’Argo. De sa morte
s’upa lambrida che bentu chervinu
cantos a s’Ade che nd’at già trazados!
E cantos sun per terra ferizados!
6 Lantadu est Diomede s’atzuridu,
feridos prim’Atride, s’Odisseu,
Euripìlo, eroe tessaleu,
e àteros ancora! It’apo ‘idu!
Meighende los sunu... ma cumpridu
ch’est oramai su destinu, oddeu!
E tue... tue ancora t’arresettas
in s’ódiu felosu e non t’inchietas?!
7 Mai tremenda mi pottat un’ira
che sa tua leare coro e mente!
Pensa a sa pàtria, o frade! Mira
a s’onore de sa grega zente
e sa tìrria crudele nde retira!
Ma tue fizu non ses tzertamente
de Teti e de Peleu, ma ‘essidu
da’ s’intragna ‘e su mare inferotzidu!
8 Si brameras invece de vittire
calch’ura mala chi t’at cunfidadu
Teti pro ‘more ‘e Zeus, de ch’ ‘essire
nessi a mie permitti in coidadu
cun s’esércitu tou pr’impidire,
si tempus b’at ancora, chi su Fadu
lompat s’ordinzu sou a cumprimentu
contr’a sos d’Argo, ma chena bistentu!
534

Valentias e morte de Pàtroclo
9 De m’imprestare s’armadura tua
finas ti pedo pro sos Soberanos,
pro ch’ ‘idéndemi pensen sos Dardanos
ch’est torradu Pelide a s’ala sua
e sas armas lis ruan da-e manos
da-e s’assustu bolténdesi in fua!
D’Argo s’únicu afficu, crê’ a mie,
est custu... custu ebbia... est deosie!–
10 No ischiat Patròclo ch’invochende
da’ s’amigu prus bonu s’armadura,
da-e perisse si fit ordinzende
s’ùltima prus fatale disaura!
Ma li nêsit Achille suspirende
cun su coro unfiadu d’amargura:
–De me it’as pensadu, o frade caru?
Nudda chirco ‘e vittire, siat giaru!
11 De s’arcanu ‘e sa sorte sos cunfidos
non m’at Teti contadu, ne mandada
l’at mai Cronos cun calch’imbasciada!
Su chi m’at istraviadu sos sentidos
est sa d’Atride pérfida acconcada!
Troppu mi brujan sos malattrividos
modos suos in cherrer umiliare,
mancari re, a isse unu che pare!
12 Sa rosa pius déchida e gentile,
chi ‘alanzada in Lirnesso 1 m’aia,
leada mi nde l’at cuss’ascamile
che a cane d’isterzu a dispettia!
De nde poder muttire non crêia
sa mùtria chi m’at pintu che survìle
prim’ ‘e s’ora però! Siat comente
com’est abba colada... tzertamente!
535
S’accunsentimentu
de
Achille

Càntigu XVI
13 Faghe comente as nâdu, o generosu!
T’ ‘esti ‘e sas armas mias lutzighentes
e ghia contr’a Ìlion sos valentes
eroes Mirmidònes! Si tirriosu
non s’esserat mustradu e odiosu
cun megus prim’Atride, sos ardentes
brios d’Ettòrre bae ch’istudados
a oe de seguru fin bistados!
14 Cun affogu, invece, e in pagu trettu
gherrare dên sos nostros, mentre cuddos
a crista altzada ajallos che puddos
bisende dies de glòria e profettu!
A lis bogare su camu e sos suddos
duncas non b’est Tidide. E cun apprettu
mancu abbóghinat prus Agamennòne!
S’ùrulu ebbia s’altzat d’Ilione!
15 Ma bae como, curre, frade caru,
fàgheti onore mannu e da’ sas naes
cussas espes terranzas chen’imbaru
che lis istorra, primma chi prus graes
oras connoscan sos d’Argo e giaru
pighet su fogu che a bolu d’aes
finas a chelu, signale orrorosu
de morte e de Priàmu ‘ittoriosu!
16 Inte’ però custa pretesa mia
chi da-e coro mi brotat ladina:
pro chi m’onoret sa grega zenia
cantu e pius de prima e sa femìna
chi m’an leadu cari-purpurina
mi nd’ ‘attan a sa lestra e oraria
pro ricumpensa ‘e su patidu affeu,
sighi a puntinu su cunsizu meu.
536

Valentias e morte de Pàtroclo
17 Appenas da’ sas naes istorrados
ch’as sos de Troe, pensa a recuire
lestru a inoghe. E si favorire
t’at a cherrer Cronide e isbandados
d’Èttore as a bider sos soldados,
non ti ‘enzat sa gana ‘e meressire
àtera fama sighinde a gherrare,
ca ti si podet s’Olimpu ‘oltare!
18 Amigu lis est Febo saettante,
ti nd’ammenta! E lassa s’oriolu,
si t’ ‘enzerat, de cherrer a su solu
fintz’a Tròia arrivire triunfante,
giaghi dias a mie su consolu
leare ‘e tant’impresa e menguante
render sa glòria ch’a su numen meu
dêt donzi gregu e gal’ ‘e prus s’Atreu!
19 Duncas insegus coitta a torrare,
pustis alleviàdalis sa pena,
e lassa chi si ‘occan pare-pare!
Asi detzidan Zeus e Atena
e Apollo de los istrangugliare
tales che canes presos a cadena!
E a nois sa suddisfassione
tocchet de nd’irroccare a Ilione!–
20 Mentres fin gai Pàtroclo e Pelide
ordivinzende sa faina noa,
a tzeder Telamone fit a proa
a s’avversa gania ‘e su Cronide
e a s’atza de sos de Priamide!
Ma de su tottu non che fin in coa
sos brios suos, s’est chi resistiat
galu a sos colpos malos chi retziat!
537
Sa nae
inchesa de
Protesilau

Càntigu XVI
21 Cun s’elmu abbumbonadu fit s’atzudu
mancari istuntonadu agguantende
sa tìrria ‘e s’inimigu e cun s’iscudu
su traste ‘e custu e de cuddu parende,
bolténdesi a donz’ala e suerende
che simmai a trainu! Ma fortzudu
pro cantu esserat in dare e difèndere
fit calchi prammu comintzende a rèndere!
22 O Musas de s’Olimpu amparadoras,
de mi contare ajallu su momentu
decomente sas fiaras derruidoras
inchesu an su primu bastimentu
de sos d’Argo! Merìtu ‘e su talentu
d’Ettòrre tzertamente, ‘essidu a foras
a s’improvvisu da-e su muntone
cun ojos e cun atza de leone!
23 A cara a Telamone s’agattesit
cun unu brincu raru e cun s’ispada
sa lantza ‘e frassu manna li mutzesit
sutta sa punta ‘e brunzu lorigada!
In s’ ‘ider s’arma in duos truncada
a decomente su Gregu pensesit
fit Zeus favorende a Ettòre forte.
Ma s’iscartesit, vittinde sa morte!
24 In su naviu chena prus difesa
tand’ ‘e Protesilau sos Dardanos
lestros un’àccia ch’ ‘ettesin atzesa
irroccos urulende disumanos.
E sos lugores bidinde lontanos
su de Fitia de sa nae inchesa,
si mazesit sa còscia e a s’amigu
gridesit olvidende s’ódiu antigu:
538

Valentias e morte de Pàtroclo
25 –Pisti, su fogu... pisti! Oh, iscuria!
Bae e t’arma, o de caddos domadore
Pàtroclo caru... curre, ànima mia!
Coitta... e lis impidi a sos d’Ettòre
àteros dannos, giaghi in tribulia,
si lis resessit s’impresa a primore,
ponen finas a nois, già lu crêo!
Sos Mirmìdones, bae, t’appront’ ‘eo!–
26 Nêsit Pelide; e Pàtroclo cuntentu
a pês sos burtzighinos si prendesit
cun sas tìbbias de prata; si ‘estesit
sa coratza (ch’aiat pr’ornamentu
istoriados de su firmamentu
sole, luna e isteddos), si frunesit
de s’elmu a pubusones, de s’iscudu
e galu ‘e duas lantzas cori-atzudu!
27 De s’Eacide 2 sa lantza ispantosa
lassesit soletantu ‘e si portare,
ca non fit pro a isse a l’impittare
a tales cuss’aìna fit pesosa!
Da’ un’àrvure ‘e frassu maestosa,
ch’aiat fattu Chirone segare
in su Pelìu 3 apposta pro Peleu,
istesit fattu su traste ‘e s’Acheu!
28 A Automedonte chen’isviu
(chi poi de Achille li fit caru
pius de tottu) nêsit chen’imbaru
a Xantu de giungher e a Balìu 4
pês de ‘entu, caddos d’intinnu raru
nàschidos a Zefìru 5 da’ su chiu
de s’Arpia Podarge 6 , cando ‘essida
che fit fintz’a s’Océanu sidida.
539
Pàtroclo
s’armat

Achille
arrimat sos
Mirmìdones
Càntigu XVI
29 Coittesit s’amigu mirmidone
su carru a l’attaccare a sa parìglia
e finas lêsit sa precaussione
de li prender in coa cun sa brìglia
a Pédasu 7 (ateruna maravìglia
ch’aiat da’ sa ‘idda d’Etiòne
battidu Achille), a boltas –pensende–
l’esserat bisonzadu cuntrastende!
30 A sos gherreris suos atzuridos
abboghinesit cun coro unfiadu
tand’ ‘e s’armare Achille sobradu...
e cuddos s’aunesin tottu a gridos,
tales che lupos pettajos famidos
pustis ch’an unu chervu divoradu
e ch’a buffare murrinsambenados
a su trainu falan attrumados!
31 Si nd’allegresit su fizu ‘e Peleu
in los bider currinde a su cumbidu
bratzarmados, chena perunu anneu,
cuntentos che s’anderan a s’affidu!
Chimbanta ‘e naes nd’aiat battidu
Achille a s’abbolottu dardaneu
cun chimbanta gherreris in donzuna
resinnados a bona e a mala luna!
32 In chimb’iscuadras partidu l’aiat
s’esércitu, dende cumandu e pôre
a sos chimbe chi cunsideraiat
de prus abilidades e valore.
Ma fit sempr’isse su chi detzidiat
in bonu o malu, s’ùnicu segnore!
Gai desit sa prima a Menestìu 8
de Polidora fruttu e de Sperchìu!
540

Valentias e morte de Pàtroclo
33 Fit su babbu su deus d’unu riu
chi da-e Zeus apesit sa frua,
mentr’ ‘e Peleu fit sa mama sua
su pius ispantosu e dulche chiu.
Cuntzepidu l’aian a s’accua
e fizu fit pro cussu Menestìu
créttidu ‘e Boro 9 , ómine onoradu
chi fit cun Polidora cojuadu!
34 Da’ Ermes e da’ sa fiza ‘e Filante,
Polimela 10 ballarina galana,
fit nàschidu Eudoro 11 , cumandante
de sa segunda iscuadra. A sa ‘e Diana
festa de ballu sa déchida amante
notesit Ermes e tale sa gana
in pettus s’intendesit amorosa
ch’a lettu si portesit sa diosa.
35 Ma li lassesit fruttu su disizu!
E sicomente, appenas lierada
s’est cun s’aggiudu de sa fentomada
mastr’ ‘e partu Ilitìa 12 de su fizu,
cun Echecleu 13 si fit cojuada,
d’Eudoro si lêsit contivizu
su babbu d’issa, su ‘etzu Filante,
chi l’allevesit cun cura costante.
36 Pisandru Memalide 14 capitanu
fit de sa tertza, su prus valorosu
gherrende ‘e sos d’Achille a lantza in manu
foras Pàtroclo. A s’abilidadosu
cavaglieri Fenice pilicanu
dadu aiat sa cuarta e a s’ispantosu
Alcimedonte 15 , de Laerce 15 digna
zenia, ‘e sa ‘e chimbe sa cunsigna.
541

Càntigu XVI
37 E cando che a prima los bidesit
sos Mirmìdones suos, boghiende,
a isse inghiriados, che s’andende
esseran a sa festa, lis fattesit
cun sa manu unu tzinnu, signalende
de si cagliare. Pustis lis naresit
oji-alluttu, mirèndelos in cara,
cun boghe resoluta, forte e giara:
38 –O Mirmidònes, m’iscultade tottu!
Niune si dêt como ismentigare
sos irroccos chi soliat bettare
contr’a Priàmu, cando in abbolottu
m’intendia su coro e a pasare
bos custringhia! E ne s’atzottu
chi mi faghiaizis a donz’ora
e ch’in orijas mi frusciat ancora!
39 «Coro –mi naraizis– de codina,
fele dês aer suttu tzertamente
da-e sas tittas de Teti divina!
Sa de Fitia bellicosa zente
prîte la tenes in custa marina
a manos in giae? E si ardente
ti brujat gai e tottu cudd’offesa,
prîte non recuimos in lestresa?»
40 Cantas boltas, o frades, l’ammittide
mi l’azis dada in cara s’ira mia!
Como invece d’intrare in marrania
acco’ lómpida s’ora! Bos chittide
de su tempus passadu in angustia
duncas e a s’arressa! S’azis fide
che sempre in s’atza ‘ostra, a sos Dardanos
da’ sas naves catzàdelos lontanos!–
542

Valentias e morte de Pàtroclo
41 In su l’intender de prus s’animesin
sos balentes gherreris Mirmidones
e, giuilende pro sas detzisiones,
in chimbe iscuadras s’attruppesin
e daenanti si l’ischieresin
accostazados, che-i sos cantones
chi pesende su mastru unu palattu
assentat fiancu a pare in modu isattu!
42 Porresit su saludu e, a s’istante,
partesin cuddos bettende unu gridu
a su tronu de Zeus simizante,
mentr’Automedonte e s’atzuridu
fizu ‘e Menétziu, a passu sighidu,
luego si tucchesin a innante.
A sa tenda, pr’invocare a Cronide,
si ch’intresit invece su Pelide.
43 Su covaccu nd’altzesit d’una càscia
ch’in sa nae l’aiat collocada
cun tùnigas, mantellas e fressada
Pês de prata e, da’ sa parte bàscia,
una coppa nde lêsit arribbada
pro pedire a s’Olimpu calchi gràscia.
Cun su sùlfaru la purifichesit
e posca in s’abba lìmpia l’ijucchesit.
44 De si lâre pensesit a puntinu
sas manos e sa coppa ‘e pienare
cun su chi possediat mezus binu.
A su pàtiu ‘e sa tenda, ue s’altare
aiat fattu pro Zeus divinu,
ch’ ‘essesit pustis e a lu pregare
a cara a chelu comintzesit nênde,
mentres su deus lu fit osservende:
543
Sa pregadoria
de Achille

Càntigu XVI
45 –O Dodoneu 16 , pelàsgicu Mere,
che a sos Sèllios, ch’in onore a tie
drommin per terra e sentin su dovere
pê-iscultzos d’andare, inte’ a mie!
Gai comente cherfesti su die
a Tétide accansare su piaghere
a tales accamende a sos d’Atride,
como su fizu l’isculta, o Cronide!
46 S’inoghe mi nd’ist’ ‘eo e non bi ando
a lis alleviare su turmentu,
a sos Acheos acco’ chi lis mando
a Pàtroclo locresu! S’ardimentu
in coro ‘e l’affortire ti dimando:
dali brios bastantes e talentu,
si tenterat Ettòrre ‘e lu frimmare,
paris patta ‘e lu poder cuntrastare!
47 Gàrrigu ‘e glòria e chen’aer dannu,
appoi chi de Tròia sos soldados
ch’at isse da’ sas naves istorrados,
s’amigu mi nde manda, o Zeus mannu!
E sos gherreris mios fentomados
finas nde ‘àrdia da-e donz’affannu!
De comente ti prego a coro in manu
sa gràscia mi cuntzedi, o Soberanu!–
48 L’iscultesit s’olìmpicu Segnore
accanséndeli in parte su cunfortu:
li cuntzedesit infattis s’onore
a Troe ‘e che catzare da’ su portu,
ma pro manos d’Ettòrre, ahi dolore,
de ‘ider su cumpanzu ruer mortu!
Gai fit de sa gherra s’alta Ghia
battinde su filonzu a finitia!
544

Valentias e morte de Pàtroclo
49 Appoi ‘e s’accorada invocascione,
ondrende a s’Eterrenu, si buffesit
su ‘inu Pê-velotze e a su cascione,
recuidu a sa tenda, che torresit
sa coppa valorosa. Coittesit
a nd’ ‘essire però su Mirmidone
pro poder da-e tesu isperiare
de Gregos e Dardanos su gherrare.
50 A su portu intertantu ch’arrivesin
sos de Fitia cun passu seguru
e urulende e a irroccos puru,
contr’a Ìlion luego s’avventesin,
tales che-i sas espes ch’in su muru
da’ s’imprudente piseddina apesin
su bugnu ‘oltuladu e mue-mue
punghen su primu chi capìtat cue!
51 A sos gherreris nêsit tando a gridos
Pàtroclo cor’amprosu: –M’iscultade,
o frades mios, e bos ammentade
chi sos cumpanzos sezis preferidos
de Achille divinu! L’onorade
pius de sempre gherrende accanidos
duncas su nomen sou e pro ch’Atride
torret a render glòria a su Pelide.
52 A s’ammentu de su patidu affeu
e de su tragu de su cabu insoro,
cun prus fele s’ ‘ettesin e prus coro
in mesu a s’arrebentu dardaneu,
a ferru in manu e in bisos d’oro,
sos eroes fidados de Peleu!
E in tottue, ‘alu una ‘ia, forte
s’ùrulu s’isparghesit de sa Morte!
545
Sos
Mirmìdones
in gherra

Su primu
colpu de
Pàtroclo
Càntigu XVI
53 Ma cando s’abbizesin chi torradu
fit sa frua ‘e Menétziu a s’abbolottu,
fintz’a cherveddos, che raju faladu,
lis pighesit su samben a fiottu
a sos de re Priàmu! Si connottu
b’aian a Patròclo, appresentadu–
–si narain timinde sos d’Ilione–
primma o poi si fit su Mirmidone!
54 Non fit tzou ‘e nudda su prenettu
si maicantos, boltadas sas palas,
che si porteran in pedes sas alas
da-e su portu tucchesin derettu
a s’ala ‘e ‘idda cun fogosu apprettu
che persighidos da’ avrinas malas!
Si nd’allegresit Pàtroclo ‘e sa fua
e ch’imbolesit una lantza sua.
55 Inue pius frusca fit sa zente
(sa mìria fit cussa) che falesit
muidende s’aina lutzighente
e a s’ischina su cabu colpesit
de sos Peones, Pìreme 17 valente,
ch’a bucca abberta accurtzu che ruesit
a su navizu de Protesilau
cun su traste felchidu ‘e su danau!
56 S’ispramminesin che bama assustada
sos atzudos gherreris d’Amidone 18 ,
bidinde de s’esércitu peone
sa ghia pius manna isalenada.
Gai ch’ ‘enzerat sa nae brujada
vittesit su locresu campione,
faghinde da’ sos suos istudare
sas fiaras cun s’abba de su mare!
546

Valentias e morte de Pàtroclo
57 Che cando da’ sos montes s’Eterrenu
sas nues che dissipat minettosas
e torrat sa giaria ‘e su serenu
a rèndere sas chimas lumenosas,
sas baddes, sos pianos e sulenu
nd’at su coro de chie ruinosas
istròscias fit timinde, gai istesin
sos d’Argo ‘idinde a Pàtroclo e gosesin.
58 Ma non fit sa pelea ‘alu cumprida!
Mentr’infattis sos d’Ìlion torraian
a s’insegus, cun tìrria sighian
a gherrare e cun atza ‘elenida
e cantu fin valentes mustraian
fintz’in s’affannu ‘ardiende sa vida!
E s’agattesin acheu e dardanu
porfiende degai a manu a manu!
59 Arelicu 19 ruesit a innante
cun s’ossu de sa còscia fragassadu
da’ sa lantza ‘e Patròclo, mentr’ ‘oltadu
fit a s’ala de Tròia. E Toante 20
fattu sou in pettorra bisestradu
da’ su d’Isparta atzudu cumandante,
e da’ Megete Anficlu 21 d’Ilione
cun unu traste tra còscia e runzone.
60 Ad Atìnniu 22 , sighinde, ‘erettu a s’Ade
ch’imbiesit Antìlocu ‘e Nestòre
felchéndeli cun rara abilidade
in su fiancu una lantza a primore.
Ma lu ‘idesit Màride 23 , su frade,
e vindicadu l’aiat s’onore
si Trasimede prus lestru un’aina
cravadu non l’aeret in s’ischina!
547
Sos Acheos
a s’attaccu

Càntigu XVI
61 Gai a s’Erébu a costazu a pare,
mortos da-e sos frades nestoreos,
tucchesin sos ‘ermanos dardaneos,
caros a Sarpedòne, e chi ‘antare
finas podian nóbiles ereos:
d’Amisodaru 24 lìciu, ch’allevare
cherfesit sa Chimera ‘e malos chizos,
infattis ambos giòvanos fin fizos.
62 Sa gherra ‘e nd’agabbare e s’esistèntzia
depustis a Cleóbulu 25 tocchesit:
gherrende fit s’iscuru cun prudèntzia
e cun valore, però trambucchesit!
Oileu in pês si l’agattesit
ojisbambarriadu e cun violèntzia
s’ispada li cravesit in su tuju
chi s’intebiesit de sàmbene ruju!
63 Tand’avantzesin cun s’ispada in manu,
poi ‘e s’aer sas lantzas in debadas
contr’a pare un’a s’àteru imboladas,
Licone 26 e Peneleu. Su troianu
s’elmu a innante frunidu ‘e pubadas
colpesit de s’acheu, ma invanu,
giagh’in duos su traste si franghesit
e finas disarmadu lu lassesit!
64 Sutt’a tutturros che un’ira mala
li torresit su colpu Peneleu
mutzéndeli su tuju intreu-intreu,
chi li restesit pendulende a un’ala
da’ unu filu ‘e pedde de sa pala
mantesu soletantu in cancalleu!
Bisos e vida deviat conclùere
degai su dardanu in su piùere!
548

Valentias e morte de Pàtroclo
65 A sa frua d’Antènore, Acamante,
allizesit depustis Merione,
s’ischina fragasséndeli in s’istante
ch’a su carru aiat s’intentzione
de pigare. In bucca a Erimante 27
posca ‘e Creta su mezus campione
sa lantza sua longa che cravesit
e siccu a ojos foras lu lassesit!
66 Che l’ ‘olesin sas dentes fatt’a pare
e da’ sas cheas su sàmbene ‘iu
nde brotesit, da’ ula, da-e nare,
paris che da-e làccana unu riu
daghi sas abbas lu solen unfiare!
Mancu ‘ettesit, mischinu, unu pibiu
e in sos padros pìghidos de s’Ade
si ch’agattesit pro s’eternidade!
67 Gai comente sos lupos famidos
assàltian crabittos e anzones
de bamas costoidas da’ garzones
de malu contu e, che allimidos,
los divoran chen’esser impididos,
a tales sos valentes Mirmidones
e-i sos d’Argo, torrados in frua,
fin bisestrende sos de Troe in fua!
68 De settesciare a Èttore s’impresa
fit Telamone intantu meledende,
ma de Tròia sa prima fortilesa
assegus de s’iscudu cumbattende
si nd’istaiat, bene valutende
donz’arriscu in attaccu e in difesa.
Oramai però fit giaru a tottu
a cal’ala pendiat s’abbolottu!
549

Sa fua de sos
Troianos
Càntigu XVI
69 Che cando da-e s’olìmpica altura
mandat Zeus sas nues attrumadas
peri su chelu e arremiarzadas
avantzan cuddas pìghidas che tura
da-e sos buliones trobogliadas,
a tales, cun sa morte ojos de fura
pintada in cara, s’ ‘idian fuinde
sos d’Ìlion in su paris e ruinde!
70 E cantos... cantos caddos suberiados
carru e tottu in sa cora ch’istrampesin
funguda de sos d’Argo e non nd’ ‘essesin!
E, mortos, cantos giòvanos soldados
pro allìbiu ‘e sas aes bi restesin
che fozas subr’a pare ammuntonados!
Cantos ùrulos malos de dolore...
e piuer fintz’a chelu! Oh, it’orrore!
71 Inue pius fruscu fit s’apprettu,
ue tentait Tròia calch’abberru,
cue fit Pàtroclo, in su carru ‘erettu
ròdia e imbola sos trastes de ferru,
e sos colpos, che ràndine in s’ijerru,
lassaian s’istiga in cada trettu!
E a s’insegus Èttore valente
tucchesit custa ‘olta fintzamente!
72 In lu ‘ider fuinde, s’avventesit
contr’a s’eroe ‘e Troe a un’ ‘oleu
tando Patròclo, ghiende ‘e Peleu
sa parìglia ispantosa: saltiesit
a s’àter’ala de su muru acheu
cun unu brincu raru... ma vittesit
s’abboju Dardaneu su matessi
currinde a s’incheremu essi per essi!
550

Valentias e morte de Pàtroclo
73 E decomente Zeus in s’atunzu,
amargadu pro s’umana malìscia,
cun lampos e cun tronos a murrunzu
abbas fùrrias mandat a deìscia
chi sos rios che ‘ogan da-e s’ìscia
faghinde ‘e su terrinu un’abbaunzu
e s’intendet sa mùida in tottue,
a tales sos Troianos ciarra e fue!
74 Pro lis brivare ‘e lomper a s’intentu
intro ‘e ‘idda de si ch’inserrare,
pensesit tando ‘e los iscumpassare
Pàtroclo sos ‘nimigos chen’ ‘istentu.
Lu fattesit! E cuddos tott’umpare
a bia de sas naves cun chimentu
furriesin e cun pius affogu
che feras da-e littos postos fogu!
75 Ma incorrados tra riu 28 e muràglia
àteru e peus dannu sos de Troe
connòschere devian in battàglia
mascamente da’ su giovànu eroe!
Felchìndeli in pumones un’iscàglia
comintzesit cun Prono 29 a fagher proe,
mentres s’iscudu su malassortadu
pro si pasare aiat abbasciadu.
76 Posc’a su fizu d’Enope, Testòre 30 ,
chi sutt’a sas costanas de su carru
cun s’iscudu ‘ettadu pro ‘saccarru
s’istaiat cuadu, che astore
pettaju li felchesit a primore
in barras una lantza chen’isgarru,
addaghi che tostóine ‘e nd’ ‘ogare
fit tentende su tuju pr’isperiare!
551

Sarpèdone
e Pàtroclo
Càntigu XVI
77 Che camu presu in bucca li restesit
tra sas dentes s’aìna atterradora!
Da-e su cuadorzu nde l’ ‘oghesit
suppeséndelu in àndia lestru in s’ora
s’ispantu de Menétziu e che l’ ‘ettesit
da-e mesu a s’apprettu a parte ‘e fora,
che pische tentu a lentza da’ un’ ‘altura
e da-e mare ‘ogadu a rodiadura!
78 Cun unu crastu mannu fattu-fattu
s’elmu a Erilau 31 e sa cabitta
fragassesit e s’inimigu isfattu
a pês si li ficchesit a s’appitta
de si tuccare a sa néula fritta
de s’Ade iscurigosu. In disaccattu
ponzesit posca, che unda de riu,
a Erimante, Epalte, Piri, Echìu 32 !
79 Ruesin puru Anfóteru 33 e Ifeu,
Telepolemu, ‘e Damastòre fruttu,
Evippu e Polìmelu d’Argeu.
Tand’a sos Lìcios, bidinde derruttu
gai e tottu da’ s’atza de s’Acheu
s’esércitu insoro, a coro alluttu
che tronu abboghinesit Sarpedòne:
–Sorte sa ch’est tocchende a Ilione!
80 O Lìcios, Lìcios...bos nde ‘irgonzade!
Duncas fuides! A ojos non crêo!
Ahi cantu in bos bider mi nd’affeo!
Mezus ficchide e s’onore ‘ardiade
bostru e de s’ilìaca tzittade!
Como contr’a cuss’ira bi tucco ‘eo:
gai ischimos chie est s’eroe mannu
chi da’ ora nos ponet in affannu!–
552

Valentias e morte de Pàtroclo
81 Nêsit; e da’ su carru a lantza in manu
nde brinchesit su gióvanu atzuridu.
Ma l’ ‘idesit Patròclo da’ lontanu
e a s’abboju, de samben lambridu,
tucchesit resolutu oji-incrispidu!
E parian su gregu e su troianu
duos astores, currinde, a porfia
pro un’ae de gigher a sa cria!
82 Sebestèndelos dolu e affriscione
s’intendesit in coro Zeus mere,
s’est chi nêsit a sa sorre-muzere,
s’ojimanna e lùghida Giunone:
–Acco’ lómpida s’ora (o dispiaghere!)
chi rùere dêt mortu Sarpedòne
pro manos d’un’eroe disdicciadu,
gióvanu che a isse! Oh Fadu... Fadu!
83 Da-e mesu a sa mìscia tirriosa
crê’ chi sa ‘oza de nde lu leare
m’est berrinende e de che lu portare
a sa terra de Lìcia bundansciosa!
O faddit unu babbu a nd’ ‘ardiare
su fizu da’ sa morte? O diosa,
pórrimi tue in s’ora unu cunsizu,
ca peus non s’agattat marturizu!–
84 E in risposta Giuno bratzinîda:
–Cale mala idea istraviende
t’est sa mente, o Zeus? Est sa vida
un’istérrida d’alas... ne tentende
su ‘olu ‘e l’illongare a trampachida
sa sorte ‘e sos mortales ses vittende!
Su parrer chi ti dao est unu ebbia:
no istes cun su Fadu a marrania!
553
Su dolu
de Zeus

Duellu e
morte de
Sarpèdone
Càntigu XVI
85 Si ‘alanzeran in te sos disizos
a Sarpèdone como ‘e cumpiagher,
non podes posca negare ‘e lu fagher
a chie che a tie nd’at de fizos
in mesu a sos ilìacos fastizos!
Su chi ti naro non t’at a piagher,
ma s’esser tue babbu, o forte Zeus,
pius non balet d’un’àteru deus!
86 Làssala adducas cumprire sa sorte
e in coro t’astringhe sos dolores!
Cumanda posc’a su Sonnu e a sa Morte
in Lìcia ‘e che lu gigher, pro ch’onores
da-e sa zente sua apat su forte
dignos che a sos mezus gherradores
e pro losa unu bette ‘e monumentu
chi duret mizas d’annos pro ammentu!–
87 Mancari a malu coro l’atzettesit
sa trava de su Fadu Zeus santu
e buttios de sàmbene fattesit
ruer subra sa Terra che piantu.
Posc’a su fizu, cun ojos d’incantu,
pro un’ùltima ‘olta si ‘oltesit
e, che cando l’aeren settesciadu,
in s’Ida s’abbandesit amargadu!
88 A cara a cara lómpidos in s’ora
fin sos gherreris cun chiza ‘e minetta
e Pàtroclo pro primu una saetta
ch’imbolesit cun atza atterradora:
de Trasimele 34 in sa ‘entre, ‘eretta,
s’aina si cravesit boladora,
lassende in su piuer d’Ilione
s’iscuderi istasidu ‘e Sarpedòne.
554

Valentias e morte de Pàtroclo
89 Lestru su re ‘e sos Lìcios sa risposta
li torresit però che ira mala:
ma ch’essesit sa lantza a canacosta
faddinde su bersàgliu e in sa pala
destra, tra cùmmaru e s’ùltima costa,
felchéndesi ‘e Pedasu, ch’a un’ala
che falesit, faghinde suberiare
a Xantu e a Balìu ambos umpare.
90 Cun sas brìglias iscappas, cumarende,
isbandesin sos caddos de fiancu,
su acchettu affunadu trisinende
da-e s’oru destru a s’oru mancu.
Ma non lis desit su tempus nemmancu
Automedonte ‘e sighire currende,
ca de su pesu mortu cun s’ispada
seghesit sa corria a s’impressada.
91 Gai mentre a sa cursa, appasigada,
torresit sa parìglia ‘e Mirmidone,
sighesin cuddos sempre a s’affelada
sa marrania cun chiza ‘e leone:
una lantza su lìciu campione
cun cant’atza teniat arribbada
ch’imbolesit de nou a s’inimigu
faddindesilu ancora pr’un’azigu!
92 Che ùrulu de ‘entu tempestosu
subr’a sa pala manca reu-reu
s’arminzu li frusciesit tirriosu!
Àtera sorte su brunzu ‘e s’Acheu
invece apesit e àteru gosu
Pàtroclo in s’ora, s’a su dardaneu
tra coro e parasàmbene l’intresit
e sa frua ‘e sa vida l’istudesit!
555

Glàuco sanadu
da-e Febo
Càntigu XVI
93 Che chercu ‘e monte, fustealvu o pinu
da-e su linnajolu ismutzurradu
pro èssere in navizos impreadu
che ruesit Sarpèdone divinu,
mujèndesi, reberde a su destinu,
che trau maestosu assaltiadu
da-e trighe o leone e chi caltzettat
mentres in tuju sas dentes l’apprettat!
94 E, a manu parada, isalenende:
–Glàuco caru, tue los intzita
sos Lìcios mios como a sa vinditta!
E galu tue, o frade, chi gherrende
ses de sos mezus, sa lantza l’impitta
subra meu, su corpus difendende
de su parente e-i s’onore tou
pro chi mettanzu no apas mentou!–
95 Nêsit su fruttu de Laodamìa
e de Giove e in ojos li falesit
de sa morte orrorosa sa tittia!
Tando in matta su pê’ l’abbattighesit
s’Eroe lumenosu de Fitia
e sa lantza de brunzu nd’istratzesit
da-e su mortu, tirèndende intreu
su parasamben de su dardaneu!
96 Si nd’attristesit Glàuco in l’intender
de s’amigu s’ultìma invocascione
e prus ancora ‘idinde a Sarpedòne
a minuzos per terra! M’a difender,
pro cantu nd’intenderat d’affriscione,
su corpu in s’ora e a non bi lis render
comente podiat fagher, si lantadu
finas isse a sa manu fit bistadu?
556

Valentias e morte de Pàtroclo
97 Mantenzéndesi, infattis, su dardanu
si fit su bultzu destru, chi feridu
cun una fritza ‘ettada da’ lontanu
l’aiat prima Téucro atzuridu!
A Febo nêsit tando soberanu
cun fide manna e cun tonu affliggidu:
–O Arcu ‘e prata, inte’ de custu fizu
sa sùpplica e l’accansa su disizu!
98 Da’ ue t’agatteras tue in s’ora,
in sa Lìcia o in Tròia preferida,
cùnzami ‘e custa manu sa ferida
cun sa mirada tua amparadora!
Non si m’istanzat su samben ancora
e-i sa brama m’est gai impidida
su fizu ‘e vindicare ‘e su Tronante,
a Sarpèdone, lìciu cumandante!
99 Addaghi aggiuadu non l’at Zeus,
cuntzedi nessi a mie ‘e nd’ ‘ardiare
su corpus de s’amigu, o Mere deus,
da-e sas francas de chie ispozare
lu diat cherrer! Gai a male e peus
non mi lasses, ti prego! De torrare
a coro alluttu bramo a s’arguai
e d’ispronare sos Lìcios che mai!–
100 Li pretziesit Febo cun amore
s’invocassione ardente e accorada
e sa ferida fattesit cunzada
mutténdeli a s’istante su dolore.
Nde giuilesit cuddu ‘e su favore
e a sos Lìcios un’abboghinada
luego ‘ettesit pro los avvertire
in tundu a Sarpedòne ‘e s’aunire.
557

Battàglia pro
su corpus de
Sarpèdone
Càntigu XVI
101 A s’ala pustis de Polidamante
ch’ ‘essesit che a bolu e b’agattesit
su de Tròia supremu cumandante
cun Enea e Agènore e li nêsit:
–O Èttore, adducas importante
no est pro Ilion sa chi nos tocchesit
sorte mala gherrende pro a bois,
si suddu non tenides de a nois!
102 Ruttu est su re ‘e sa Lìcia cor’amprosu,
Sarpèdone su ‘iustu, e nos l’at mortu
Ares pro manos de su valorosu
fizu ‘e Menétziu! Ch’apat s’accunortu
de su piantu nostru affriscionosu
aggiuàdenos nessi, ca su tortu
fagher nos cheret cuddu ‘e l’ispozare
pro poder sos ch’at mortu vindicare!–
103 Lis falesit che raju sa notìscia,
ca pro a issos non fit Sarpedòne
sàbiu ebbia o mastru de giustìscia
o in gherra valente campione,
ma s’amigu prus mannu d’Ilione,
su re ch’aiat battidu a deìscia
da’ sa Lìcia sos mezus gherradores
pro difender de Tròia sos onores!
104 S’abbaidesin in cara e, derettos,
tucchesin cantos l’aian intesa
s’ùltima malaura e sa pretesa
a difender su corpus chen’isettos
de su mortu cumpanzu! Ma s’impresa
non fit tzou ‘e linna, s’in apprettos
fit Pàtroclo poninde própriu in s’ora
sa de Fitia erèntzia gherradora!
558

Valentias e morte de Pàtroclo
105 E puru ‘e sos Aiaces, chi gherrende
fin che sempre cun atza e balentia,
fit su gióvanu eroe dimandende
s’affianzu: –Curride a s’ala mia!
Sarpèdone divinu, lìcia ghia,
mortu est per terra! Ne pius brinchende
l’azis a bider primu in sa muràglia,
atzudu che leone o porcu ‘e iscàglia!
106 M’affianzade, pro chi resessire
potta a cust’ala de nde lu trazare
e galu ‘e s’armadura ‘e l’isfrunire
e pro vinditta de l’iscarenare!
A sos chi braman de nos l’impidire
(miràdelos beninde a fiottu umpare!)
su caminu mustràmulis de s’Ade
masellèndelos chena piedade!–
107 Nêsit; e Mirmidones e Acheos
a pare risinnados s’astringhesin
e cun bolottu mannu s’attappesin
a sos Lìcios e a sos Dardaneos.
E su chimentu, sos urùlos feos
inghìriu a Sarpedòne che pighesin
fintz’a Zeus, chi un’iscurigore
mandesit pro b’accrèschere s’orrore!
108 Su primu a ruer, mentres tentaiat
de si nd’istrijinare a Sarpedòne,
istesit Epigeu 35 mirmidone,
fizu de Agacleu 35 . Che teniat
custu in Budìu 36 s’abitassione
e sos parentes, ma mortu b’aiat
unu fradile e pro cussu, in affogu,
fit dadu a Fitia chirchende allogu!
559

Càntigu XVI
109 Pustis Peleu e Teti pês de prata
a tuccare l’aian cumbidadu
cun Achille a s’ilìaca suffratta.
E in Tròia cun s’elmu fragassadu
da’ unu crastu d’Èttore famadu
ruesit, cun sa conca a una catta!
In su lu ‘ider Pàtroclo per terra
su coro s’intendesit perra-perra!
110 Ma su matessi in mesu a sos duellos
si ‘ettesit, bisende áter’onore,
che subr’a unu ‘olu d’istrunellos
o de corrogas lambridu un’astore
o che leone a bamas de ‘itellos
chena timire canes o pastore!
E Stenelau 37 , d’Itemene frua,
iscontesit pro primu s’ira sua!
111 Regoltu da-e terra una marrarzu
bi l’iscudesit bettende unu gridu:
tra coddu e tuju su crastu dannarzu
li falesit lasséndelu istasidu,
catzende a fùrriu samben da’ s’isgarzu!
A s’insegus sos d’Èttore atzuridu
torresin tando d’unu trettu ebbia,
cantu una lantza imbolada a porfia!
112 Ma contr’a sos Danaos ch’imbolesit
mancari in fua Glàuco un’aina
e a su fizu ‘e Cálcone 38 franghesit,
tales Bàticlu 38 : che una ‘errina
in pettorra su traste che l’intresit
mentr’approbe a li giomper a s’ischina
fit de Fitia su forte gherreri,
connottu pr’aer riccu su fortzeri!
560

Valentias e morte de Pàtroclo
113 A palas a s’insegus chen’umores
che falesit s’eroe mirmidone
cun gosu mannu de sos d’Ilione
e dolu de sos d’Argo gherradores!
Ma los torresit patta sos valores
in su mentre matessi Merione
a Laógonu 39 ‘occhende dardaneu,
fizu d’Onètore e ministru ‘e Zeu.
114 Inter barra e orija acuta-acuta
si li cravesit s’arma muidende
e su malefadadu iscadriende
si che tucchesit a su Mundu ‘e Sutta!
Contr’a s’acheu tando, a cara allutta,
ch’imbolesit Enea frastimende
su traste sou ‘e brunzu. Ma l’ ‘idesit
Merione su colpu e lu vittesit!
115 In su terrinu, bastante lontanu,
si che morzesit sa fùrria felosa
de sa saetta ‘e s’eroe dardanu
paris cun sa ch’aiat tirriosa
gania ‘e samben d’Ares soberanu!
Tando li nêsit cun boghe affannosa
su d’Anchise e de Venus campione:
–Ballarinu ses bonu, o Merione!
116 Non aias però dansadu ancora
si de sa lantza mia (assiat sorte!)
non t’esseras abbistu atterradora!–
E su de Creta abboghinende forte:
–Duncas, Enea, crês tue sa morte
de poder a donzunu e a donz’ora
dare a bìbbiu tou? Ohi, ahi!
A su chi paret no est própriu gai!
561
Enea
e Merione

Càntigu XVI
117 De brios nd’as e d’atza, cust’est beru,
ma finas tue –crê’– dias ficchire
si resessera deo a ti colpire!
E ite nâs de custu cunsideru?–
Ma su fizu ‘e Menétziu a lu muttire
pensesit lestru, nêndeli sintzeru
e cun tonu detzisu: –Ello comente
aggradessit sa ciarra su valente?
118 Beffes e vitupèrios de ‘alanzos
in gherra, frade caru, non nde dana!
Pro resessire in su ch’amos in gana
cheret chi nde l’ ‘occhemos de cumpanzos
pius d’unu a Enea! Sa mattana
cun bratzos si supèrat non mettanzos!
Lassa sa ciarra a sas reuniones
e cun àrchidos gherra de leones!–
119 Nêsit; e a innante chen’ ‘istentu
si tucchesit s’Eroe de Fitia
e Merione, ‘isende valentia,
luego infattu l’andesit cuntentu.
Intantu ‘e s’orrorosa marrania,
tra ùrulos e piuer, su chimentu
rintronait d’iscudos e d’ispadas
in tottu sas ilìacas leadas.
120 E si leait peri sa campagna
su fiagu ‘e su samben agru e fruscu,
tales comente s’intendet su nuscu
de sa linna segada in sa montagna
da-e su linnajolu e da’ s’intragna
da’ una parte a s’àtera ‘e su buscu
curret su tzoccheddare ‘e sa ‘istrale
ch’allertat donzi tìmidu animale.
562

Valentias e morte de Pàtroclo
121 E chie prus podiat sebestare
de Sarpèdone mannu e disdicciadu
su corpus maestosu, saccarradu
comente fit de piúere? A gherrare
però sighesin cuddos contr’a pare
su matessi a s’in tundu a bratz’armadu
che muscas in s’istalla a sas cannadas
prenas de latte friscu inghiriadas!
122 Ne s’oju mannu sou ch’istorresit
da’ sa faina Giove onnipotente
e finas Isse dudosu restesit
in detzider s’Ettòrre cor’ardente
deviat cue ‘occhire su ‘alente
fizu ‘e Menétziu o aterue. Desit
a su segundu pensu prus valore
pro glòria ‘e su danau gherradore.
123 E pro ch’esserat su gióvanu acheu
lòmpidu sutt’a Tròia prim’ancora
e a s’abboju ‘e su destinu reu,
s’upa in coro ‘e sa Morte atterradora
a su de Troe bentulesit Zeu!
E, s’istadera ‘idinde cuddu in s’ora
pèndere ‘e s’Eterrenu a s’àter’ala,
fuesit chen’imbaru a bolta-pala!
124 E galu sos de Lìcia a malu coro
ch’ ‘essesin fattu sou da’ s’afferra,
chena nde poder leare da-e terra
su corpus de su mortu Re insoro!
Gai sas armas de raru decoro
li lêsit Pátroclo e da-e sa gherra,
ch’intantu si faghiat pius grae,
de che las gigher nêsit a sa nae.
563
Àteras
valentias de
Pàtroclo

Pàtroclo
iscatzadu
da-e Febo
Càntigu XVI
125 Tando a Febo ordinesit chen’imbaru
su de s’Olimpu tempestosu Mere:
–Fala da’ Sarpedòne, o fizu caru,
nde lu lea a sos d’Argo e pro piaghere
in su Scamandru l’innèttia a dovere
da-e su samben e s’unghentu raru
pustis li friga de sos Immortales
pro chi torren sos melmos naturales.
126 Béstilu galu de càndidu linu
e a sos fizos de s’iscurigosa
Notte lu dae, a sa Morte astraosa
e a su Sonnu, pro chi su divinu
fruttu meu che porten in sinu
a sa lìcia terra bundansciosa.
Cue losa e onores imponentes
chi li rèndana e frades e parentes.–
127 Gai Cronide; e Febo ‘ola-‘olende
a Ìlion ch’ ‘essesit da-e s’Ida
e da’ mes’a s’atzuffa, a s’arrivida,
su Re mortu nd’ ‘oghesit coittende.
Lu samunesit e s’ambròsia nîda
in corpus li frighesit, pustis dende
su cumandu a su Sonnu e a sa Morte
de che lu gigher a sa lìcia corte.
128 A Lìcios e Troianos peristantu
fit Pàtroclo sighinde a persighire
a lantza in resta e cun colpos d’ispantu
cantos pius podiat a nd’ ‘occhire!
Sorte sa sua crudele, ohi cantu,
s’in sa brama ch’aiat d’arrivire
a Tròia gloriosu fit cuada
sa ghigna de sa Morte isfidiada!
564

Valentias e morte de Pàtroclo
129 S’aeret postu mente a su Pelide
forsis vittidu s’aiat sa morte!
Ma chie, cale ‘e nois –m’intendide–
sas trobeas resessit de sa Sorte
a isprender, pro cantu abbistu o forte?
Gai istesit in pettus su Cronide
a li ponner a Pàtroclo s’ardore
chi perder lu deviat! Oh, dolore!
130 Ma nâmi a chie, o giovaneddu eroe,
mancari da’ sa Morte accostazadu,
a s’Ade innanti tou ch’as mandadu?
De Troianos nde ‘occhesti noe:
a Echéclu 40 , Adrestu, Autonoe,
a Périmu, ‘e Mega ‘izu istimadu,
a Melanippu, a Epìstore, a Mulìu,
a Pilarte, a Elàsu! Oh atza! Oh briu!
131 Finas a Tròia che fisti arrividu
e fit rutta de Prìamu e d’Ettòre
sa ‘idda in manos tuas, si impididu
non ti l’aeret su Saettadore
deus de s’arcu! Che un’atzuridu
pro tres bias tentesti e cun valore
sos muros d’Ilione ‘e nd’istrampare
e pro tres boltas Cuddu ‘e t’iscatzare!
132 Ma cando, a sa ‘e battor, prus atzudu
galu proesti ‘e lòmpere a s’intentu,
cun sas manos colpéndeti a s’iscudu
ti nêsit Febo minettosu: –Attentu!
Su bratzu a tales non tenes fortzudu
de nd’irroccare a Tròia che un’appentu!
Ne a Pelide, prus forte ‘e a tie,
s’impresa dêt resesser, crê’ a mie!–
565

Sa riscossa
de Èttore
Càntigu XVI
133 Tando a insegus da-e sa pelea
torresit su Mirmìdone valente
timinde, a perriccare in cuss’idea,
sa vinditta ‘e su deu fritz’ardente!
No ischiat intantu su potente
fizu ‘e Priàmu, ch’in sa gianna ‘e Scea
arressu aiat sa parìglia sua,
s’ite fagher, a tales fit in lua!
134 Ma si l’appresentesit a s’istante
Febo eterrenu in persone d’Asìu,
chi da-e parte ‘e mama li fit tiu
sende isse puru fizu de Dimante,
ch’istaiat in Frìgia, non distante
da’ sa currente de su Sangarìu 41 .
E li naresit cun boghe ‘e atzottu:
–Lassadu l’as, Ettòrre, s’abbolottu!
135 Deghile non mi paret pro a chie
est su cabu ‘e s’esércitu troianu!
Ahi, si forte torrera e giovànu
e sos brios aere che a tie!
Non fis andadu, no, meda lontanu,
ca t’aia ispelciadu, crê’ a mie!
Ma bae como e contr’a cuddu forte
sos caddos làntzia! E ch’apas bonasorte!–
136 Recuesit a mes’a su bulione
pustis su deus, a battariare
galu sos d’Argo, mentr’a Cebrione
sos caddos suos de l’isfuettare
nêsit Ettòrre cun detzisione.
E coittesit cuddu a li tzoccare
a sa parìglia in palas su fuette
e cussa a ch’istuppare che coette!
566

Valentias e morte de Pàtroclo
137 Reu che monte, avantzende, ‘e colpire
vittesit fintz’a sos ch’attuppaiat
Èttore in s’ora, ca unu nd’aiat
de prenettu, unu ebbia: d’arrivire
a Pàtroclo mortore e de l’ ‘occhire!
Ma in l’ ‘ider, mentras s’accurtziaiat,
a terra saltiesit su ‘e Fitia
da-e su carru, prontu a sa porfia!
138 Cun una lantza in sa manu manca,
una laddia in s’àtera appunzada,
chena si nde chinnire o mover anca
isettesit degai s’accurtziada
de sa turre dardana in mesu tanca!
E, appena a tiru, sa pedra attundada
l’imbolesit cun tìrria de leone,
faddìndelu e bocchinde a Cebrione!
139 Tanta fit sa violèntzia, ch’ambos duos
sos ojos da’ sas cheas nde perdesit
e da’ su carru, lompende a concluos,
tales che palumbaru nde falesit!
Tand’a su fizu burdu abboghinesit
de Príamu, beffende, e a sos suos:
–Lébiu est che crabolu su gherreri!
E lántzios sos chi faghet volenteri!
140 S’in unu mare mannu s’agatterat
de pisches bundansciosu e sa zibiga
de chèrrere piscare li ‘enzerat,
so seguru chi a su fala e piga
d’ostiones 42 , si cussos prefererat,
siat pro isse che pro zente amiga
medas nde diat bogare e pretziosos!
Atletas sos ch’at Troe valorosos!–
567
Pàtroclo
‘occhit a
Cebrione

Càntigu XVI
141 Narende gai, subr’a Cebrione
ti ‘ettesti, o Pàtroclo animosu,
oji-allurpidu, paris a leone
ch’assàltiat, de petta disizosu,
in su cuile o tazu o masone
e chi pro esser troppu coraggiosu
finit pro bi lassare fura e vida!
Gai fattesti tue, ànima nîda!
142 Da-e su carru, infattis, che a bolu
si nde brinchesit Èttore troianu
detzisu in terra a non lassare solu
su corpus de su frade a isse in manu!
Che astores degai chi a marranu
gherran tra issos pro unu crabolu
ch’isterrijadu an àpidu in su monte
s’agattésini cuddos fronte a fronte.
143 De si nde lu tirare a s’ala sua
tentesit tando, lêndelu a concales,
sa de Priàmu valorosa frua;
ma cun brios su Gregu parinales
astringhéndelu a sos istivales
l’impidesit da’ mesu a tanta lua
de si gigher su mortu! E su bulione
s’allumesit de prus pro Cebrione.
144 E decomente Eùro e Noto umpare
in mesu a duos montes tirriende
d’élighes e de frassos attappare
faghen naes e rattos, chi ‘entulende
s’intritzan inter issos pare-pare
trunchéndesi, isasciéndesi e lassende
de sa mattana s’istiga per terra,
a tales in cuss’ora fit sa gherra!
568

Valentias e morte de Pàtroclo
145 E marrarzos e trastes ispuntados
e iscudos s’ ‘idian in tottue
de piuer e samben saccarrados
e, in tundu a su mortu, in aterue,
Gregos e Troianos bisestrados
e àteros gherrende a pesa e rue!
E duresit sa ‘èttia ‘e tant’orrore
finas ch’in chelu restesit lugore!
146 Però, calende sole, cando fatta
d’isgiungher sos boes si fit s’ora,
a sa ratza ‘e sos d’Argo gherradora
de ponner resessesit in suffratta
galu una ‘olta a Troe e gai a fora
de si gigher da mes’a sa cumbatta
su corpu ‘e Cebrione e s’armadura
de li leare de rara fattura!
147 Gosende de s’impresa, si ‘ettesit
Pàtroclo pro tres bias a innante,
oji-atzesu, a Marte simizante,
e galu àteros noe nde ‘occhesit!
Ma cando, a sa ‘e battor, bi torresit
a Febo non bidesit saettante
benìndeli a s’incontra, imboligadu
cun una nue, cun passu apprettadu!
148 A palas che l’andesit s’Immortale
e cun sa pianta ‘e sa manu divina
cun fùrria lu colpesit a s’ischina!
Sa vista tott’in una, foramale,
si l’aumbresit e-i su fogale
sa de Menétziu forte raighina
s’intendesit in bula e s’abbaoga
falàreli da’ ucca attoga-attoga!
569
Pàtroclo
disarmadu
da-e Febo

Sa morte
de Pàtroclo
Càntigu XVI
149 Che li fuesit s’elmu che bolende
da-e sa conca, lompende a che ruer
a su samben in mesu, a su piuer,
tra tzócculos e rodas bocciulende!
Mai imbruttadu si fit prima, ornende
sa fronte ‘e su Pelide! Ma concluer
cheriat cue Zeus soberanu
sa vida de su nóbile giovànu!
150 Gai sa lantza in manos s’Acheu
frànghere s’intendesit maestosa,
umbrilonga, massitza, portentosa
e rùerli s’iscudu miceneu
cun sa corria ischirriolada, oddeu,
chi a sa pala mantesu che cosa
bi la teniat bene assegurada
e, infinis, sa lóriga immesada!
151 Cun su cherveddu restesit luadu
tando ‘e Fitia su lùghidu eroe,
cori-mortu, benuji-inneuddadu!
Própriu in su mentre su fizu ‘e Pantoe,
su valente Euforbo 43 , mentovadu
pro esser cun sa lantza ‘e sos de Troe
unu ‘e sos mezus, che un’ira mala
sa sua li cravesit in sa pala!
152 Mancari esserat bonu campione
(nâchi imparende s’arte de sa gherra
da-e su carru imbolados a terra
nd’aiat vinti eroes d’Ilione!)
non l’apesit in cussa cuntierra
s’atza però contr’a su Mirmidone
da-e s’ala de nanti ‘e si l’ ‘ettare
e miréndelu in cara ‘e l’affrontare!
570

Valentias e morte de Pàtroclo
153 Appoi, infattis, de l’aer felchidu
sa lantza ‘e frassu in mesu a s’ischina,
su traste in presse, timinde ruina,
nde l’istratzesit, e finas fuidu
si ch’est da-e sos suos, atturdidu
de l’esser resessida sa faina!
E galu tue, o Pàtroclo forte,
torresti insegus fuinde sa Morte!
154 Domadu da-e Febo soberanu
e da’ s’aina chena valentia
d’Euforbo, a s’ala de Fitia
abboghinesti custa ‘olta invanu!
Ca, in su t’ ‘ider, Èttore troianu
istesit lestru a ponner marrania
e sa lantza, cun cara suddisfatta,
a ti cravare berrinosa in matta!
155 E ruesti, o ànima gentile,
che nae da’ su lampu ismutzurrada
in ojos trattenzende sa mirada
de non giómpidos bisos d’ ‘eranile!
E sa de Troe turre fentomada,
che leone superbu ch’in s’ ‘attile
sas dentes at felchidu a su sirvone,
ti nêsit bárriu ‘e suddisfassione:
156 –De resessire, o Pàtroclo, crêias
duncas sa ‘idda nostra ‘e conchistare
e cautivas galu ‘e ti portare
sas féminas troianas! No ischias,
o gióvanu iscabadu, chi devias
prima o poi a Èttore abbojare?
E mira como, mira... l’as innante
su d’Ìlion prus forte cumandante!–
571

Càntigu XVI
157 Nênde gai, su pê’ l’abbattighesit
subra pettus e, sighinde a l’offender,
cun cant’aiat boghe l’inzulzesit:
–Lu podias, o Pàtroclo, cumprender
chi resinnadu fia a la difender
sa libertade mia! O ti mandesit
forsi su mere tou, chen’ischire
chi mortu inoghe devias ficchire?
158 Cale apesti, mi nara, bon’aggiudu
da’ s’amigu ‘e su coro prus fidadu?
«Bae e non torres –ti dêt aer nâdu–
chen’aer prima a Èttore fortzudu
su pettus maestosu trapassadu!»
E tue, o imprudente, che atzudu
partesti ‘isende glòria imperitura...
pro finire a benturzos in pastura!–
159 E tue, o cavaglieri generosu,
a moristuda li naresti: –Ettòre,
subra meu non sias ispantosu,
ca sa ‘ittòria ti l’at su Segnore
dada ‘e s’Olimpu cun su tirriosu
deus de s’arcu, su Saettadore!
Issos m’an sudronadu primm’ ‘e a tie,
iscuttu e disarmadu... est deosie!
160 D’Èttores vinti Pàtroclo ‘e Fitìa
nd’aiat settesciadu, si mi crêse!
Pagu ‘alet chi méritos ti lêse
ca m’at bissu innanti s’Alta Ghia!
E pustis Euforbo... su ‘e trese
duncas ses tue... assiat valentia!
Ma si dare ti potto unu cunfortu
iscas ch’as mortu un’ómine già mortu!
572

Valentias e morte de Pàtroclo
161 Como inte’ cust’avvisu, o Dardaneu,
e in mente che upa ti l’inserra:
a s’ ‘adde iscurigosa ‘e s’usciareu
finas ses tue da-e custa gherra
approbe a che tuccare e, per terra,
da-e sa lantza ‘e su fizu ‘e Peleu,
a t’ ‘ider che a mie isterrijadu!
Sa sentèntzia est custa de su Fadu!–
162 Nêsit su giovaneddu; e subra chizos
s’attittia ‘e sa morte li falesit
e pianghende a s’Ade s’avviesit
gitténdesi incumpridos sos disizos
de su ‘eranu sou! Ma, a lampizos
de fogu in ojos, lestru li torresit
sa risposta sa turre manna ‘e Troe
mancari esserat mortu cudd’eroe:
163 –Lassa sas profetzias! O sa morte
crês chi timat Ettòrre cor’ardente!
E si diversa esserat sa sorte
e de sa lantza mia lutzighente
su fizu ‘e Teti, Achille su forte,
che a tie sa fùrria potente
connoscherat invece? E chie ‘e Zeu
legger poder s’ordinzu bonu o reu?–
164 S’aina ‘e brunzu de nde l’istratzare
pensesit tando Ettòre d’Ilione,
pretténdeli in pettorra su garrone
e faghìndelu posca rodulare.
Contr’a Automedonte mirmidone,
s’iscuderi d’Achille, a si ‘oltare
fattu-fattu torresit, inganidu
galu a-i cuddu d’ ‘ider istasidu.
573

Càntigu XVI
165 Ma che fit su danau imperistantu
attesu da’ su logu ‘e s’iscarmentu
a coro mortu ‘essidu che bentu
subra su carru cun Balìu e Xantu,
caddos divinos, lèbios a ispantu,
chi apesit Peleu in su momentu
a Teti pêibianca ‘e si cojare
da’ s’eterrenu Mere de su mare.
574

Valentias e morte de Pàtroclo
NOTAS DE SU CÀNTIGU SEIGHÉSIMU
1 Lirnesso [...]: Tzittade de sa Mìsia, ue istaiat su re Minete, s’isposu
impromissu de Briséide.
2 Eacide [...]: De s’erèntzia de Éacu, su babbu de Peleu e, duncas,
donnumannu de Achille.
3 Pelìu [...]: Monte de sa Tessàglia.
4 Xantu, Balìu [...]: Caddos divinos, ispantosos, regalados a Peleu
da-e su deus Posidone sa die ‘e sas nuntas cun Teti.
5 Zefìru [...]: Bentu chi sulat da-e Occidente.
6 Arpìa Podarge [...]: Una de sas Arpias, deas de sas istròscias furiosas.
Fit sa mama de sos caddos Xantu e Balìu, chi apesit aunéndesi a
Zéfiru.
7 Pédasu [...]: Unu de sos caddos de Achille.
8 Menestìu [...]: Unu de sos chimbe cumandantes de sos Mirmìdones,
fizu de su deus d’unu riu, Sperchìu, e de Polidora, s’ispantosa fiza de
Peleu.
9 Boro [...]: Maridu de Polidora, fiza de Peleu.
10 Polimela [...]: Fiza de Filante e mama de Eudoro, unu de sos
chimbe cabos de sos Mirmìdones. Muzere de Echecleu, fit connotta
che ballarina bona e galana.
11 Eudoro [...]: Cumandante mirmìdone, fizu de su deus Ermes e
de Polimela.
12 Ilitìa [...]: Mastra ‘e partu chi aggiuesit a Polimela a s’illierare de
Eudoro.
13 Echecleu [...]: Maridu de Polimela.
14 Pisandru Memalide [...]: Fizu de Mémalu, unu de sos chimbe
cumandantes mirmídones.
15 Alcimedonte, Laerce [...]: Alcimedonte, fizu de Laerce, fit unu de
sos chimbe cabos mirmídones. Laerce fit unu prìntzipe de Fitia.
16 Dodoneu [...]: Appellativu de Zeus, onoradu in manera particulare
in sa ‘idda de Dodona, in s’Epiru.
17 Pìreme [...]: Valorosu cumandante de sos Peones de sa
Macedònia, mortu da-e Pàtroclo.
18 Amidone [...]: Localidade de sa Macedònia.
19 Arelicu [...]: Gherreri troianu, mortu dae Pàtroclo.
20 Toante [...]: Gherreri, non mentovadu in aterue, mortu da-e
Menelau.
575

Càntigu XVI
21 Anficlu [...]: Gherreri troianu, mortu da-e Megete.
22 Atìnniu [...]: Gherreri lìciu, mortu da-e Antìlocu. Fit fizu de
Amisodaru e frade de Màride.
23 Màride [...]: Gherreri lìciu, mortu da-e Trasimede. Fit fizu de
Amisodaru e frade de Atìnniu.
24 Amisodaru [...]: Babbu de sos gherreris lìcios Atìnniu e Màride.
Istesit allevadu da-e sa Chimera.
25 Cleóbulu [...]: Soldadu troianu, mortu da-e Aiace Oileu.
26 Licone[...]: Soldadu troianu, mortu da-e Peneleu.
27 Erimante [...]: Troianu mortu da-e Idomeneu, re de Creta.
28 riu [...]: Su Scamandru o Xantu.
29 Prono [...]: Gherreri troianu, mortu da-e Pàtroclo.
30 Testòre [...]: Fizu de Enope, troianu, mortu da-e Pàtroclo.
31 Erilau [...]: Gherreri troianu, mortu da-e Pàtroclo.
32 Erimante, Epalte, Piri, Echíu [...]: Soldados troianos e lìcios, non
mezus connottos, mortos tottu pro manos de Pàtroclo.
33 Anfóteru, Ifeu, Telepolemu ‘e Damastòre, Evippu, Polímelu de
Argeu [...]: Gherreris de Ilione o lìcios, mortos da-e Pàtroclo.
34 Trasimele [...]: Iscuderi de su re Sarpèdone, mortu da-e Pàtroclo.
35 Epigeu, Agacleu [...]: Epigeu, fizu de Agacleu, soldadu mirmìdone,
mortu da-e Èttore.
36 Budìu [...]: Tzittade de sa Fitiótide.
37 Stenelau [...]: Gherreri troianu, che tantos non mezus connottu,
fizu de Itèmene, mortu da-e Pàtroclo.
38 Càlcone, Bàticlu [...]: Bàticlu, fizu de Càlcone, fentomadu pro
esser riccu meda, gherreri gregu, mortu da-e Glàuco.
39 Laógonu [...]: Fizu de su ministru de Zeus Onètore, gherreri de
Ilione, mortu da-e Merione.
40 Echeclu, Adrestu, Autonoe, Périmu ‘e Mega, Melanippu, Epistòre,
Mulìu, Pilarte, Elàsu [...]: Gherreris troianos, mentovados inoghe
ebbia, ruttos pro manos de Pàtroclo.
41 Sangarìu [...]: Riu de sa Frìgia.
42 ostiones [...]: Da-e “ostioni”, paràula campidanesa (=ostriche).
Cunfronta V. Porru «Nou Ditzionàriu Universali».
43 Euforbo [...]: Fizu de Pantoe e de Fróntide, frade de Polidamante
e de Iperènore. Ferizesit a Pàtroclo e morzesit pro manos de
Menelau.
576

ILIADE
CÀNTIGU DEGHESSETTÉSIMU
SAS IMPRESAS DE MENELAO
Èttore si ‘estit sas armas de Pàtroclo

Càntigu XVII
SUMMÀRIU
Menealu ‘occhit a Euforbo Ottavas 1-11
Febo ànimat a Èttore 12-14
Sa retirada de Menelau 15-21
Èttore e Telamone 22-24
S’atzottu de Glàuco a Èttore 25-34
Èttore si ‘estit sas armas de Pàtroclo 35-39
Èttore aunzat a sos Troianos 40-45
S’intzitu de Menelau 46-48
Chertos mannos 49-52
Aiace ‘occhit a Ippotoe 53-59
Febo ànimat a Enea 60-66
A s’inghìriu ‘e su corpus de Pàtroclo 67-77
Su piantu de sos caddos de Achille 78-82
Bonas proas de Automedonte 83-87
Èttore tentat de si furare sos caddos d’Achille 88-100
Minerva aggiuat sos Acheos 101-106
Febo atzottat a Èttore 107-109
Sa ritirada de sos Acheos 110-118
Menelau chircat a Antìlocu 119-127
Menelau torrat da-e Telamone 128-132
Menelau e Merione si portan
su corpus de Pàtroclo 133-138
Sa resistèntzia de sos Aiaces e-i sa fua 139-141
578

Sas impresas de Menelao
1 Addaghi s’abbizesit Menelau,
caru a Marte, chi fit su Mirmidone
ruttu pro manos de su d’Ilione,
a lantza in resta, rusciende che trau,
si tucchesit accurtzu a su danau
e, miréndelu cun affriscione,
a s’inghìriu l’istesit in canarza
che a s’ ‘itellu un’ ‘acca primarza!
2 E cun s’iscudu mannu de difender
su corpus de s’amigu chircaiat
da’ sas francas ‘nimigas e a render
dura s’impresa a chie arriscaiat.
Ma Euforbo, ch’in coro gighiat
s’ispantu ‘e sa vittòria e ch’a pretender
crêiat giustu ‘e si che lu leare,
l’abboghinesit lênde a l’abbojare:
3 –Fizu d’Atreu, de Zeus nadia,
mezus torra persegus e a mie
lassa s’onore mannu in custa die
d’ispozare a Pàtroclo ‘e Fitia,
giaghi l’at frantu custa lantza mia 1
e non d’átere! Bae, pensa a tie,
si no sa dulche vida, ista seguru,
subra sou bi perdes tue puru!–
4 E cun disdignu s’ispartanu eroe
in su l’intender lestru: –Assiat ciarra,
per Zeus santu! A tales de barra
non nd’at unu leone! De Pantoe
sos rebuddos connosco e non da’ oe!
De cando frade tou isbarra-isbarra
contr’a mie avantzesit che sirvone
non t’ammentas tra sos d’Agamennòne?
579
Menelau
‘occhit a
Euforbo

Càntigu XVII
5 Limbudu che a tie, Iperenore
crêiat, sende gióvanu atzuridu,
chi bratzu esserat su meu istasidu
no che su sou de raru valore!
Si non mi faddo, non b’est recuidu
cun sos pês suos su die ‘inchidore
da’ sa pobidda allegru a si lograre
e ne da-e su babbu a si nde ‘antare!
6 Gai as a ruer tue, o iscabadu,
s’in sa perricca sigheras e tottu!
Ti nd’ista, o Euforbo, assussegadu...
fue, ch’est mezus da-e s’abbolottu,
ca de su raju unu cherveddicottu
finas s’abbizat addaghi est faladu!–
Nêsit s’Atride; e cuddu, resolutu,
cun fele in laras torréndeli muttu:
7 –Sa sorte ‘e frade meu malaitta
acco’ s’ora, Ispartanu, ‘e riscattare!
S’ùltimu ‘antu t’as chérfidu dare...
milla inoghe s’ispada ‘e sa vinditta!
S’isposa ch’as lassadu corifritta
cun Pantoe e Frontìde 2 an a gosare
bidinde a pês insoro, a ojos fora,
sa conca tua e sas armas ancora!
8 Ca, pro cantu diffìtzile s’impresa,
de lomper so seguru a sa vittòria!
Siat comente, como l’as intesa:
morzat unu e a s’àteru sa glòria!–
Nêsit; e da’ innanti a sa zentòria
sa lantza l’imbolesit cun lestresa;
ma s’ispuntesit su traste in s’iscudu
lassende a Euforbo siccu e mudu!
580

Sas impresas de Menelao
9 Si l’avventesit tando a ferru in manu,
pustis altzados sos ojos a Zeu,
abboghinende su fizu d’Atreu
su tuju trapassende a su giovànu
da’ parte in parte, mentres a boleu
persegus fit torrende su dardanu!
A bucca abberta ruesit, mischinu,
de samben irrujende su terrinu!
10 E si l’irrujesin fintzamente
sos pilos brundos, de prata aneddados
e d’oro, longos meda e delicados
che sos de sas Carìtes. E comente
isàsciat un’istròscia de repente
sos rattos, da’ sa tràmula imbiancados,
d’un’olia allevada cun amore
tales su Gregu a cuddu ‘alu in fiore!
11 L’ispozesit depustis coittende
detzisu a si che gigher s’armadura,
ne resistèntzia peruna a sa fura
da’ sos d’Ìlio agattesit, ca timende
lu fin, che sos pastores ch’assaltiende
s’ ‘iden su mezus boe in sa pastura
da’ unu leone e chi, impididos,
si nd’istan a distante, ‘ettende gridos.
12 Istesit però Febo a l’impidire
a Menelau s’ùltima gania,
in su corpus pensende ‘e si fingire
de Mente, de sos Cìcones 3 sa ghia,
e finas a Ettòrre ‘e ch’arrivire
pro li narrer: –O dàrdana zenia,
fatt’a-i cuddos caddos in debadas
currinde ti mattanas e t’infadas!
581
Febo ànimat
a Èttore

Sa retirada de
Menelau
Càntigu XVII
13 Chie los domat cussos animales?
Achille ebbia, fizu d’una dea;
niune àtere in terra ‘e sos mortales!
Non ti fisses adducas in s’idea
e coitta a torrare a sa pelea
si bramas de vittire àteros males!
Difendinde a Pàtroclo danau
mortu a Euforbo at Menelau!–
14 Nêsit; e recuesit che a bolu
in mes’a s’abbolottu Arcu ‘e Prata
e galu Ettòrre, mancari in suffratta,
non si lassesit bincher da’ su dolu
e che sempre ‘e sa pàtria in oriolu
furriesit a s’ala ‘e sa cumbatta,
un’ùrulu ‘ettende disumanu
che sa fiara potente ‘e Vulcanu!
15 In l’intender su gridu tirriosu
si preguntesit s’Atride: –Ohi sorte!
Si per terra, inoghe, ‘e cussu forte
lasso sas armas e su valorosu
fizu ‘e Menétziu (isse chi sa morte
pro me at affrontadu), timizosu
ap’a parrer e vile a donz’acheu
e no est tale su disizu meu!
16 Ma si puru a pe’ frimmu l’isettera
pro lu cherrer leare manu-manu,
manc’andat bene: infatt’a su dardanu
sun in medas currinde! Sa manera
cheret ch’agatte, e lestru, pro ch’ispera
mi restet de ‘ittòria! Non metzanu
est su pensu ‘e pedire calch’affianzu
chena s’impudu de parrer mettanzu!
582

Sas impresas de Menelao
17 Duncas si curro a dimandare aggiudu
pro un’iscutta tzedinde a Ettòre
de fagher crêo cosa ‘e mezus giudu,
giaghi Zeus l’est dende su favore!
E s’agattera a Telamone atzudu,
a isse ebbia, torrare a primore
dia a su chertu, chena timer morte
ne da’ Ìlion, ne da’ s’avversa sorte!
18 Ca m’est dovere nessi ‘e nde leare
su corpus de Patròclo disdicciadu,
pro lu render a chie l’at mandadu
pro lu piànghere e pro l’onorare!–
Mancu cumpridu de s’interrogare
aiat isse, chi assaltiadu
s’ ‘idesit da’ s’ilìacu campione
paris cun sos soldados d’Ilione.
19 Cun s’iscudu a covaccu, a s’ala sua
tucchesit tando Atride ‘ola-‘olende,
sas armas d’Euforbo abbandonende
e su corpus de Pàtroclo in sa lua,
a tales che leone, postu in fua
da’ canes e pastores, ch’inghiriende
lis fit in sa cussorza calchi fiadu
e benit giustu in tempus giagaradu!
20 Lómpidu posca a su bramadu amparu
de sos soldados d’Argo, isperiesit
peri su campu, a Telamone caru
chirchende oji-acutadu, e lu ‘idesit
in fundu a tottu s’affianzu raru,
in s’ala manca! Currinde che desit
da-e s’amigu e, appenas inie:
–Inte’, Aiace, –li nêsit– a mie!
583

Èttore
e Telamone
Càntigu XVII
21 Cheret chi da-e mesu a su bulione
ambos duos a Pàtroclo nde lêmos
e chi, mancari nudu, lu torremos
pro su teu a Pelide Mirmidone,
giaghi ispozadu Ettòrre d’Ilione
l’at de sas armas! Mezus chi tucchemos!–
Si nd’attristesit su zigante acheu
e infattu ponzesit a s’Atreu.
22 Èttore in s’ora cun s’ispada in manu,
poi ‘e l’aer leadu s’armadura,
sa conca fit chirchende a su giovànu
a nettu ‘e li mutzare e in pastura
de la dare a sos canes! Pensu vanu,
prîte s’iscudu de rara fattura
de Telamone innante s’agattesit
altu che turre e finas lu timesit!
23 A tales s’assustesit ch’impressadu
de sa perricca lassesit s’impignu
misciéndesi a sos suos e su pignu
pensende a si portare fentomadu
de sa vittòria ebbia, raru e dignu
sende d’Achille! A unu soldadu
lu porresit depustis cumandende
a Tròia de lu gigher caminende.
24 Cun s’iscudu intertantu poderosu
su corpus saccarresit Telamone
de sa frua ‘e Menétziu, affriscionosu
e resolutu, a unu leone
chi ‘oltat sa cabitta in paragone
contr’a sos catziadores minettosu
ch’in su buscu a passizu cun sos fizos
l’an abbojadu e ch’incrispat sos chizos!
584

Sas impresas de Menelao
25 In s’abbizare Glàuco atzuridu
chi si che fit in mesu Èttore mannu
a s’esércitu ‘e Troe incheremidu
timinde da’ Aiace beffe e dannu,
l’abboghinesit tristu e risentidu
che chie at connottu mal’ingannu
da’ s’amigu fidadu própriu in s’ora
de retzire una manu amparadora:
26 –Bellu già ses, o Èttore, ma forte
non che’ sa fama chi as in tottue,
s’est chi de perriccare cun sa sorte
finas vittis e t’istas fue-fue!
Cheret ch’a Tròia la difendas tue
da’ como innante. De nois sa morte
chie sentit pius de affrontare
s’est chena prétziu tantu peleare!
27 Si lassadu in podere 4 ‘e s’inimigu
as tue a Sarpedòne chi, a t’intender,
a pius de istranzu fit amigu,
decomente as a fagher a difender
unu de nois? Non servit a render
affianzos e vida, manc’azigu,
a chie at coro ‘e pedra e-i sa zente
trattat a cumbenièntzia solamente!
28 Forsi difesu non t’at sa tzittade
cun cant’aiat atza sende in vida!
E tue... e bois chena piedade
lassadu l’azis che cosa frundida
a cussos canes! A sa recuida,
si est custa sa paghe ‘e s’amistade
e de s’impignu nostru pro a bois,
est mezus chi pensemus tottu nois!
585
S’atzotu
de Glàuco a
Èttore

Càntigu XVII
29 Emmo ch’est goi... de sos cungregados
meda non bos leades pensamentu,
si no bos fizis cun prus ardimentu
subr’a su corpus de Pàtroclo ‘ettados
pro bi nde lis leare e cun s’intentu
d’ ‘enner pustis a pattos. Obbligados
fin tando istados sos d’Agamennòne
a nos dever torrare a Sarpedòne.
30 E nos l’aian su giambu pedidu,
ca si rispettan cussos pare-pare...
e nois gai póttidu onorare
aimis a Sarpédone atzuridu!
Ma pagu ‘alet a l’illoriare
si finas tue, o Èttore, vittidu
as s’impresa, timinde disaura,
poi ‘e l’aer leadu s’armadura!
31 E ses fuidu, cando addaenante
si t’est parada, atzuda che leone,
sa turre cor’amprosa ‘e Telamone!
L’attroga: l’as timidu su Zigante
e ses torradu che lampu a s’istante
in sinu a sos soldados d’Ilione!
S’agattat, duncas, calcunu prus forte
finas la timet Èttore sa morte!–
32 «O Glàuco, ch’esseras non crêia
–li rispondesit Èttore murrudu 5 –
tant’imprudente, ca d’ómine ‘e giudu
at fama sa de Lìcia mezus ghia!
E invece, a pius d’esser limbudu,
ses permalosu ‘e sa peus zenia!
Mi restat solu ‘e ti nde pibiare,
ca risposta non b’at de ti torrare!
586

Sas impresas de Menelao
33 In gherra a Telamone non tim’ ‘eo,
ne àteros zigantes manu-manu;
ne caminu diversu tento e leo
pro los vittire! Avvesa est sa manu
a chertos e porfias! Si m’arreo
est prîte a boltas pro dissignu arcanu
est de s’Olimpu s’alta Onnipotèntzia
ch’in coro ponet s’atza o sa prudèntzia.
34 Però muttimundela cust’allega...
ti nd’accùrzia, coitta a fiancu meu
e chi non fatto cosas a sa tzega
t’as a abbizare e si est Priameu
amigu ‘ostru o màndiga e nega!
Ajo’ duncas e gai a sos d’Atreu
da’ in tundu a Pàtroclo ‘idimos
s’a che los istorrare resessimos.»
35 A sos suos s’ ‘oltesit pustis, nênde
cun cant’aiat boghe in s’arghentolu:
–O Troianos, o Lìcios, gherrende
ómines siedas! D’isprone e consolu
s’onore antigu bos siat! Tucchende
so deo a mi ‘estire che a bolu
de sas armas d’Achille, chi leadu
apo a Pàtroclo appenas settesciadu!
36 A s’ala d’Ilione furriesit
tando Tronu de gherra, imbideadu
de sighire su ch’aiat mandadu
gherreri cun sas armas! Lu sighesit
e, poi ‘e s’esser in presse ispozadu,
s’armadura ispantosa si ‘estesit
ch’in eredu aiat da’ Peleu
retzidu Achille, opèra d’unu deu 6 !
587
Èttore si ‘estit
sas armas de
Pàtroclo

Èttore aunzat
a sos Troianos
Càntigu XVII
37 In su lu ‘ider su Mere ‘e su tronu
cun s’armadura ‘e Pelide divinu
nêsit movinde sa conca: –Mischinu,
t’apprettas, emmo, ma est tottu in donu!
Lompende a finitia est su destinu,
ne gai armadu as a esser bonu
sa malasorte tua a trobeire
e ne sa d’Ìlion a poder vittire!
38 Mortu e ispozadu su cumpanzu
l’as tue pius caru a su Pelide,
ma non nd’as aer, no, perunu ‘alanzu!
Pro un’ùltima ‘olta su Cronide
però ti cheret dare s’affianzu:
bae, Ettòrre, e bisestra a sos d’Atride;
ma da-e sa pobidda a ti gloriare
cun cussas armas no as a torrare!–
39 Movinde pustis a trinnigadura
ambos chizos de bascu, a sa persone
adattesit d’Ettòrre a perfessione
Zeus de Pê-velotze s’armadura,
ponìndeli, ardente a dismisura,
d’Ares intr’ ‘e sas venas sa passione!
Da’ sos suos tand’Èttore torresit
e per nomen giamèndelos naresit:
40 –O Glàuco, o Medonte, m’iscultade!
O Mestle 7 , ‘e sos Meones cumandante,
Astèrope, Tersìlocu, a s’istante
fattu meu ‘enide e ammentade
cantu pro sos de Troe est importante
s’aggiudu ‘ostru! Pro sa libertade
semus gherrende ‘e s’ilìaca zente,
ma finas pro sa ‘ostra, tzertamente!
588

Sas impresas de Menelao
41 O Forci, o Ippotoe, o Disenòre,
e tue Ennomo, e tue Cromìu,
cunvocados a custu disaffiu
pro nos difender sa vida e s’onore
bos amos e cumpensos de valore
bos damos cada die! Chen’isviu
infattu meu adducas benide
s’atza ‘ostra a mustrare e-i sa fide.
42 A chie pustis a nde trisinare
su corpus de Patròclo resesserat
a s’ala nostra e finas impiderat
a Telamone ancora d’avantzare,
a s’eroe chi tantu mi fatterat
sa meidade promitto de dare
de sos balanzos de custa ‘ittòria
pro ch’apat pannos paris meu e glòria!–
43 A s’intzitu, a pare chen’ ‘istentu
s’istringhésini cabos e soldados,
tucchende addaenante, resinnados
a battire s’impresa a cumprimentu.
No ischian, mischinos, ch’a s’intentu
non fin lómpidos e ch’isterrijados
medas nd’aiat su forte Danau,
chi nêsit in su mentre a Menelau:
44 –Mira, o Atride, divina nadia,
a Èttore avantzende, nue mala,
cun sos mezus gherreris a cust’ala!
Sa ‘e oe est metzana sa porfia,
prus pesudu su pesu subra pala!
E non naro pro Pàtroclo ‘e Fitia,
tant’est mortu, s’iscuru, e-i s’istragu
de nos nde lu leare contat pagu!
589

S’intzitu
de Menelau
Càntigu XVII
45 De non resesser in bonu a concluer
sa gherra, frade caru, so timende
e de m’ ‘ider sa vida isalenende
patta ‘ostru e cun isse in su piuer!
Siat comente, pro vittire ‘e ruer,
coitta e pedi aggiudu abboghinende!–
Degai Salamina; e s’Ispartanu
urulende a sos d’Argo a lantza in manu:
46 –Amigos gregos, res e cumandantes,
bois ch’azis s’onore de buffare
cun sos Atrides setzidos umpare
sos binos ch’a sos meres importantes
solet sa zente onz’annu regalare,
m’intendide: momentos menguantes
semos vivinde e de currire a inoghe
a cantos sezis pedo a una ‘oghe!
47 A s’inghìriu ‘e su mortu Mirmidone
che simmai sa gherra s’est atzesa
e non bastamos deo e Telamone
da’ mesu a nde l’ ‘ogare a sa malesa!
S’in pastura a sos canes d’Ilione
non cherides chi finat e s’offesa
pro cantu durat mundu ‘aliare
benide tottu a nos accostazare!–
48 In su l’intender Aiace Oileu
tucchesit che saetta a cussa parte
e pustis, che bolende, Idomeneu
e Merione, simizante a Marte,
e fattu insoro chentu e un’acheu
detzisos a che gigher a disparte
a Pàtroclo da’ s’oru ‘e s’abbolottu.
Ma non si poden mentovare tottu!
590

Sas impresas de Menelao
49 Degai a cara a cara s’agattesin
ambas partes un’àter’ ‘olta ancora
e pro ‘more de Zeus est ch’in s’ora
a sos de Troe sos Gregos tzedesin,
giaghi persegus prettados torresin
tales che cando da’ sa foghe a fora
sas undas d’unu riu ‘en’unfiadu
che càtzana su mare abbolottadu!
50 Ma d’unu trettu a sa dardana ghia
tzedesin sos ‘nimigos soletantu,
chena lis render pro cussu ‘e Fitia
su mortu giovaneddu, chi pertantu
galu per terra fit a marrania!
E pro crescher s’orrore Zeus santu
d’ispargher detzidesit in tottue
che trumentu de neula una nue!
51 Gai onorare cheriat Cronide
s’ispantu de Menétziu in modu dignu,
giagh’in vida in ódiu o in disdignu
mai l’apesit. Pro cussu sa fide
creschesit in pettorra a sos d’Atride
de meressire glòria in tant’impignu,
a tales chi, che canes pro un’ossu,
galu s’ ‘ettesin mancari in accossu!
52 Ma de lu tenner Zeus meledesit
su chertu áter’ancora in cancalleu,
faghinde crêre a gregu e a dardaneu,
a bolta-‘olta (e già si divertesit!)
a pês lompende de su mortu acheu,
de si lu poder gigher! Detzidesit
ch’esserat Aiace in finitia
a nd’agabbare in tottu sa porfia!
591
Chertos
mannos

Aiace ‘occhit a
Ippotoe
Càntigu XVII
53 Gai cando a cambutzos Ippotoe 8
fizu de Letu pelàsgiu, ligadu
aiat già su disdicciadu eroe
cun unu cannaittu e, impressadu,
tirende che lu fit a s’ala ‘e Troe,
da’ mesu a sos attarzos, airadu
che porcrabu feridu da’ pelcione,
nd’istuppesit derettu Telamone!
54 Cun sa punta ‘e sa lantza ‘e l’assestare
subra s’elmu de brunzu coittende
pensesit unu colpu, abboghinende
che pastore chi che cheret catzare
da-e cuile su grodde ‘ardanende!
Ficchesit s’attrividu e ispramminare
da’ sa conca e da’ s’elmu insambentados
s’ ‘idesin sos cherveddos fragassados!
55 Li ruesit da’ manu su cannau
e bratz’ispartu chena prus tenea
a pêse de su gióvanu danau
s’allorumesit, forsis cun s’idea
fissa a Làrisa 9 sua tessalea,
a sa mama, a su babbu chi lassau
aiat intr’ ‘e domo cun s’afficcu
de lu ‘ider torrende sanu e riccu!
56 Sa lantza sua longa Èttore mannu,
mirende d’Ippotoe su bisestru,
tand’imbolesit contr’Aiace lestru
in brama ‘e li torrare paris dannu.
Ma su traste vittesit e s’affannu
cuddu iscartende in su fiancu destru;
gai s’aina, sighinde in sa fua,
zembresit sa d’Ifito forte frua 10 !
592

Sas impresas de Menelao
57 L’intresit in pettorra sa saetta
a Schedìu 10 focesu e da’ sa pala
si l’acceresit tirriosa ‘eretta
sa puntatza cun ghigna ‘e morte mala!
S’attristesit Aiace e, a cuss’ala
bidinde currer a Forci 11 a s’appretta
pro si che trisinare a Ippotoe,
risposta li torresit da ‘eroe!
58 Cun potèntzia rara e mèria isatta
sa lantza sua ‘e brunzu l’imbolesit
e che lampu faladu intro ‘e matta
si l’agattesit Forci e che falesit
a palas a s’insegus: caltzettesit 12
appena-appena e cun sa frua isfatta
a s’Ade s’avviesit a s’istante
fatt’a Ippoto chi fit pagu innante!
59 Tando persegus torresin repente
sos gherreris famados d’Ilione
e su fizu ‘e Priàmu fintzamente!
Nde profettesin sos d’Agamennòne
e a s’ala insoro prontamente
che lêsin da-e mes’a su bulione
a Forci e a Ippotoe trisinende,
galu a los ispozare provvidende.
60 Ma non cuntentu Febo saettante
de su valore ‘e sos Danaos tottu,
a fiancu d’Enea in s’abbolottu
falesit simuladu in Perifante 13 ,
fizu d’Epitu, ómine connottu
pro esser sàbiu e fidele bastante,
servidore d’Anchise pilicanu,
e li naresit lêndelu pro manu:
593
Febo ànimat
a Enea

Càntigu XVII
61 –Tzertu, o Enea, poder non diazis
bardiàrebos sa vida si unu deus
bos l’impiderat, addaghi non nd’azis
che àteros de atza e, su ch’est peus,
s’amparos bos mancheran! Ma est Zeus
a s’ala ‘ostra (o non l’ischiazis?)
e bois a caghette bos nd’istades
e catzare che canes bos lassades!–
62 Nêsit; e da sa ‘oghe su troianu
a Febo connoschesit Arcu ‘e Fogu
e, bolténdesi a Èttore, in affogu
abboghinesit lestru: –O capitanu
de sos d’Ìlio, o esércitu dardanu,
m’iscultade! Da’ s’ilìacu logu
duncas catzare che inneuddados
nos lassamus! Ohi, malefadados!
63 Unu deus pag’ora cunfidadu
m’at chi Zeus, sa Mente soberana,
galu ‘e nos preferire tenet gana.
Cheret tando chi cun cor’animadu
torremus tott’umpare a sa mattana,
pro ch’a sas naves su corpus bramadu
non si porten de Pàtroclo ‘e Fitia
sos canes d’Argo chena marrania!–
64 Nênde gai, a innante chen’imbaru
si tucchesit Enea abboghinende,
pro primu a Leocrìtu 14 bisestrende,
su fizu d’Arisbante, amigu caru
de Licomede, ch’appenas ruende
lu ‘idesit, cun unu colpu raru
torresit paris dannu a Ilione,
bocchìndeli su forte Apisaone 15 .
594

Sas impresas de Menelao
65 Bénnidu a s’ilìacu impeleu
fit s’Ippaside 15 da’ sa ricca terra
de sa Peònia e sol’Asteropeu
fit de sa zente sua in cussa gherra
prus forte d’isse. Unu traste acheu
su fìdigu immesare perra-perra
li deviat però e-i sa brama
ismartìreli ‘e meressire fama!
66 A sa rutta tentesit su cumpanzu
Asteropeu puru ‘e vindicare,
chena resesser pro nudda a pattare
che Licomede pérdida e balanzu,
prît’in tundu a Patròclo, cun s’affianzu
de s’iscudu, aunidos a pare
si fin in s’ora sos gregos soldados
a si gigher su mortu resinnados.
67 Cun foga intantu Aiace urulaiat
chi non s’esserat niune attrividu
a tentare cun animu atzuridu
impresas a sa sola, ca podiat,
faghinde gai, lassare isfrunidu
su fiancu a s’inimigu. E los colpiat
a pê frimmu in su mentre a sos de Troe
de Salamina su gloriosu eroe.
68 De ruju coloradu su terrinu
imperistantu s’ ‘idiat tottue
e gregos e troianos de continu
rùere subr’a pare in una nue
orrorosa ‘e piùere! Oh, destinu
dannarzu! E-i sos ojos finas tue
t’accrisesti, o Sole soberanu,
pr’ondrare su mirmìdone giovánu!
595
A s’inghìriu ‘e
su corpus de
Pàtroclo

Càntigu XVII
69 Subr’a cantos invece s’istaian
da-e Pàtroclo attesu in marrania
(e fin medas), diversa sa giaria
fit de su sole, ne si pesaian
néulas piuerosas. S’intendian
sos brunzos tzocca-tzocca, sa tirrìa
de sos prus valorosos attacchende,
ohis e prantos d’ómines morzende!
70 Finas b’aiat chie de sa sorte
no ischiat de Pàtroclo valente:
Antìlocu fit unu, lantza ardente,
s’àteru Trasimede bellu e forte,
de Nestòrre ambos fizos sapiente.
Sa dansa che fin issos de sa morte
ballende, cara a Marte, a ferru in manu
da’ su cumpanzu bastante a lontanu.
71 Felosa fit invece e da-e ora
in tundu a s’iscuderi ‘e s’Eacide 16
tra sos de re Priàmu e sos d’Atride
sa ‘errina dannarza! E ne ancora
s’intendiat attattu su Cronide,
s’est chi s’upa ‘e sa mala Messadora
galu fit cue cun ojos lambridos
anda e torra tra mortos e feridos!
72 Gai fin tottu, cabos e soldados,
lênde e lassende su corpu ‘e s’Eroe,
de lòmpere in bidea a calchi proe,
prenos de samben, bruttos, suerados,
tales che contzadores attaccados
a rodeu a su corzu d’unu ‘oe
daghi l’istiran pro che l’isgrassare
primm’ ‘e l’isterrer pro l’assoliare.
596

Sas impresas de Menelao
73 E mentre in pagu trettu Zeus santu
los teniat gherrende e s’istadera
pèndere non faghiat prus de tantu
a un’ala o s’àtera, in manera
de bi crescher s’orrore e su piantu
(cuntentos Marte e Minerva gherrera
nde podian restare!), ‘e cussu forte
non connoschiat Pelide sa sorte.
74 Gai gherrende che lu pensaiat
sutt’a sa turre ‘e Scea cun valore
o recuinde, gàrrigu d’onore,
giagh’a Tròia arrivare non podiat
ne solu e ne cun isse! Connoschiat
infattis de s’olìmpicu Segnore
Achille sa sentèntzia, ca contada
bi l’aiat sa mama pê-arghentada.
75 Rutta fit de Priàmu sa tzittade,
ma prim’ancora su fizu ‘e Peleu
dévidu aiat ponner pês in s’Ade!
Custu l’ischiat, no su fadu reu
de s’amigu ‘e su coro, ca piedade
de l’iscobiare su meledu ‘e Zeu
nd’apesit Teti, pensende a s’affannu
de Pê-velotze a sa nova ‘e su dannu.
76 Duncas in tundu a su mortu ‘e Fitia
fin sos d’Argo gherrende e d’Ilione,
cand’una ‘oghe in su bulione
s’intendesit narende a marrania:
–Fortza, o Danaos, da-e mesu ‘ia
leamùndelu como a Mirmidone!
Sa terra nos che traghet tott’umpare
primm’ ‘e lu dever a Tròia lassare!–
597

Su piantu de
sos caddos de
Achille
Càntigu XVII
77 Ma cun paris a Ilion determinu
galu un’àtera ‘oghe: –Zente ‘e Troe,
nemos torret persegus! S’est destinu
chi ruemos inoghe in die d’oe,
chi nos ch’ingullat puru su terrinu!–
Gai subr’a su corpus de s’Eroe
ambas partes s’ ‘ettesin resinnadas,
tales che bugnu d’espes istrobbadas!
78 Foras de s’abbolottu che fin dados
sos caddos de Pelide peristantu
e de su dannu si fin abbizados
a Pàtroclo toccadu. E fit tantu
su dolu insoro e tristu, chi, pro cantu
cun su fuette ‘enzeran apprettados
e a boghes da’ su fizu ‘e Diore 17 ,
de currer non tenian prus ardore!
79 Tales che pedra ‘e tumba s’istaian
chena mover sos fiados soberanos,
galu ‘iuntos, e che a sos umanos
mannas da-e sos ojos lis ruian
sas làgrimas e caldas. Sos giovànos
malassortados fados pianghian
de su ‘e duos iscuderi insoro
e fit teu ch’ ‘eniat da-e coro!
80 In su la ‘ider sa Ghia sobrada
sa parìglia immortale succuttende
e cun sa ‘iua ‘e lotzu imbrossinada
(ca sende a murru a terra pianghende
isparta si lis fidi e liscigada
fintz’a pês sa collana), suspirende
si preguntesit: –Ello in arguai
bìdere bos devia! E prîte mai?
598

Sas impresas de Menelao
81 E proite bos demis a Peleu?
Pro dever forsi che-i sos mortales
sos istragos connoscher e sos males
de su vìvere insoro tristu e reu?
Oras sun custas, est beru, fadales;
ma ch’Ettòrre bos ghiet dardaneu
cun manu ispantada est piaghere
chi mai s’at a bider, b’at de crêre!
82 Già li bastat s’onore ‘e si ‘estire
de s’armadura d’Achille divina!
Como coro e benujos affortire
bos cherzo invece, pro ch’a sa marina
bos che portet s’atzuda raighina
de Diore, ca fintz’a ingrinire
de lis dare apo ancora intentzione
amparu e brios a sos d’Ilione.–
83 Nêsit Cronide; e Xantu e Balìu
gagliardu che prima s’agattesin
in coro e melmos s’immortale briu.
Cun una istripitzada s’innettiesin
su ludu da’ sa giua e chen’isviu,
annijende ambos paris, che torresin
in mesu a s’arrebentu troianu
cun Automedonte a brìglia in manu.
84 E pro cantu su coro marmuradu
aeret galu su fizu ‘e Diore
pro sa sorte de Pàtroclo istimadu,
cun sa parìglia rara, ‘isende unore,
s’ ‘ettesit a gherrare bratz’armadu,
che in mesu a sas cocas un’astore,
chena però resesser a nd’ ‘occhire
manc’unu d’inimigu o a nde ferire!
599
Bonas proas de
Automedonte

Èttore tentat
de si furare
sos caddos
de Achille
Càntigu XVII
85 Ne fruttos mannos podiat ottenner
si sas brìglias cun una de sas manos
de sa parìglia deviat mantenner
e cun s’àtera invece a sos troianos
chircare ‘e fagher dannu. ‘Idinde vanos
tantos colpos, pensesit de li ‘enner
tando lestru in aggiudu Alcimedonte,
nêndeli: –Inte’, bon’Automedonte!
86 A currer che mancante innant’a tottu
su tinu ti dêt aer, foramale,
leadu de seguru un’Immortale!
Biu non ch’ ‘essis da-e s’abbolottu
si perriccas degai! A su fedale
amigu tou pensa e ch’at connottu
sa morte da’ Ettòrre chi, allurpidu,
cun sas armas de cuddu est como ‘estidu!–
87 E in risposta s’iscuderi: –A chie
cheres chi giame– nara– a m’aggiuare?
Su Fadu mi at cherfidu brivare
de Pàtroclo, isse ebbia, in custa die!
Nàrrere dia cherrer própriu a tie
su fuette e sas brìglias de leare,
giaghi lu podes, o Alcimedonte,
pro ch’a sos d’Ìlio mezus los affronte!–
88 Manc’aiat s’arréjonu cumpridu
ch’a costazu s’amigu s’agattesit
subr’a su carru ‘erettu. Li rendesit
fuette e brìglias e, oji-abbramidu,
s’ispada a rodiare s’apprettesit.
Ma, da-e tesu isperiende, ‘idu
l’aiat Priameu, ch’a Enea
lestru avantzesit cust’àter’idea:
600

Sas impresas de Menelao
89 –Fizu d’Anchise, de Venus fiore,
mira ‘erettu, torrende a s’impeleu,
sos caddos ispantosos de Peleu!
Ma non mi paren manos de valore
sas chi los ghian, ne ch’apan s’ardore
su bratzu d’affrontare tou e meu!
Ite nde nâs de bi nde lis leare,
ambos tucchende a fiancu a pare?–
90 Chinniesit sa conca su cumpanzu
e li s’accostazesit, carignende
finas isse s’afficcu non mettanzu
de s’ ‘ider cun sos caddos recuende
de Peleu immortales! Ma pensende
a lis cuntzeder simile ‘alanzu
non fit Zeus, mirende cun s’iscudu
avantzende unu e s’àteru fortzudu!
91 E Cromìu tucchesit fatt’insoro
e Areto 18 de Prìamu s’ispantu,
cun s’ispera issos puru intro ‘e coro
de meressire in s’ora calchi ‘antu!
Ma sa frua ‘e Diore peristantu
de lis truncare cussos bisos d’oro,
cara a chelu, a Cronide dimandesit
posc’a sa ghia sua abboghinesit:
92 –Alcimedonte, mi los tene a pala
rusciende sos caddos accamados,
ca ‘eninde est Èttore a cust’ala
cun àteros a malu intentzionados!
Fintzamente a nos bider settesciados
non crêo chi s’arrêt cuss’ira mala
o finas chi per terra non che ruat
si nos iscultat Zeus e aggiuat!–
601

Càntigu XVII
93 Pustis bolténdesi a sa zente sua:
–Aiaces, o prìntzipes, curride;
e tue, Menelau, nos aggiua!
Sos mezus bi lassade ‘e sos d’Atride
difendinde su mortu in cussa lua,
però chi non ruemos impidide
nois e-i sos caddos de Peleu
in pôre ‘e sos d’Ettòrre dardaneu!
94 Miràdelu avantzende su dannarzu
inganidu de sàmbene e de fama
cun Enea e cun àteros! Sa brama
li pottat, Zeus cherfat, in s’isgarzu
arrêre fue-fue cust’attarzu!–
Nêsidi; e che cando sa fiama
in sas carres s’intenderat brujende
s’arminzu ch’imbolesit urulende.
95 A s’iscudu d’Areto tundu e mannu
sa fùrrida saetta s’attappesit
e da-e parte in parte lu passesit
poninde a su de Troe in mal’affannu,
s’est chi cravada si che l’agattesit
in sas intragnas cun mortale dannu,
pertunghéndeli sa chintorza lada
chi li teniat sa ‘entre fascada!
96 Unu brincu fattesit a innante
prim’ ‘e ficchire pro sempre istasidu,
tales che trau in fronte colpidu
da-e s’ ‘istrale, acuta e pesante,
de unu gióvanu ‘e brios frunidu!
L’ ‘idesit su dardanu cumandante
e, cun su fele in coro, a vindicare
frade e dolu avantzesit ambos pare.
602

Sas impresas de Menelao
97 Lêsit sa mìria e, tzertu ‘e non faddire,
s’aina l’imbolesit chen’ ‘istentu.
Ma su fizu ‘e Diore, sende attentu,
resessesit su traste a li vittire
chi finesit per terra a s’intzecchire
che foza trinnighende a frina d’ ‘entu!
Pro lu leare tando manu-manu
tucchesit a innante su dardanu.
98 Ma in su mentre acco’ a Telamone
pararesili innante, altu che monte,
cun su forte Oileu! Addaghi ‘e fronte
si los agattesit, sa chistione
nde muttesit però su d’Ilione
timinde dannu. Automedonte,
lestru che Ares, de nde profettare
valutesit invece e d’avantzare.
99 E sicomente s’aian, fuende,
cuddos per terra su mortu lassadu,
de bi lis ispozare coidadu
si lêsit chen’imbaru, finas nênde:
–Consólati, o coro, isterrijadu
unu ‘e sos fizos de Priàmu ‘idende!
Paris non fit a Pàtroclo ‘e Fitia,
ma mi nd’allegro de s’impresa mia!–
100 D’Areto –nênde gai– a che lampare
pensesit in su carru s’armadura,
e susu finas isse a che pigare
timinde da-e Troe disaura,
bruttu de samben e piuer, che pare
a leone chi tentu in sa pastura
at unu trau e si l’at divoradu
restende in runcu e pês imbultzinadu!
603

Minerva
aggiuat sos
Acheos
Càntigu XVII
101 A s’inghìriu ‘e s’Eroe de Fitia
felosa intantu Minerva gherrera
noella b’atzendesit marrania,
mandada da-e Zeus, a manera
de un’arcu ‘e sole 19 , ch’in s’aera
est signale de gherra o de traschia
e ch’attristat massajos e pastores,
bamas e pegus mannos e minores!
102 Gai in mesu, che nue lumenosa,
si tucchesit a sos d’Agamennòne
e, leada ‘e Fenice sa persone,
nêsit a Menelau imperiosa:
–Oh, ‘irgonza! D’Achille mirmidone
dêt su cumpanzu in pastura orrorosa
finire de sos canes dardaneos!
Agguanta... e intzita a sos Acheos!–
103 E torréndeli ‘oghe s’Ispartanu:
–Si nde mutterat Minerva un’iscutta
sas saettas, o babbu pilicanu,
chi fàlana che ràndine, prus sutta
dia tentare ‘e lómpere e sa rutta
frua ‘e Menétziu da-e su dardanu
chircare a s’ala nostra ‘e nde tirare!
Ma non la pensat Cronide che pare!
104 A Èttore, già l’ ‘ides, da-e ora
poninde est in sos bratzos s’Eterrenu
fortza e atza che mai atterradora!
Crê’, o Fenice, chi su coro est prenu
de dolu e bon’ispera, s’est ch’ancora
non ch’est s’Eroe in podere anzenu!–
Nêsit; e d’esser prima pretziada
si nd’allegresit Minerva sobrada.
604

Sas impresas de Menelao
105 E sicomente in coro li ponzesit
sa dea pr’ingranzeu de s’onore
e in benujos prus briu e ardore,
da’ su mortu cumpanzu che torresit
Menelau cun àrchidos d’astore
e, rodiende s’ispada, tentesit
de lòmpere s’impresa a finitia
che musca inghiriéndelu a labia!
106 Istesit Pode 20 , riccu e valorosu
fizu d’Etìone e in prus cumpanzu
caru a Ettòrre in oras de gosu,
a retzire pro primu malu ‘anzu:
mentr’a s’insegus torrait pressosu
trascurende ‘e s’iscudu s’affianzu
s’ispada s’agattesit infelchida
in costazos, lasséndebi sa vida!
107 Che truncu isasciadu da’ su lampu
che falesit per terra s’imprudente,
mentres s’Atreu da’ mesu campu,
léndelu a pês, tentesit prontamente
de si gigher a Pàtroclo valente
séndesi abbertu appenas unu giampu!
Ma simuladu in Fènope d’Abidu 21
nêsit Apollo a Èttore allestridu:
108 –O pianta de Prìamu nobìle,
e cale gregu da-e como innante
t’at a timire, si ti mustras vile
bidinde s’ispartanu cumandante
ch’est gherradore modestu bastante?
A prus de t’aer mortu su gentile
fizu d’Etìon, a trisinadura
finas si gighet a Patròclo a fura!–
605
Febo atzottat
a Èttore

Sa ritirada de
sos Acheos
Càntigu XVII
109 Si nd’attristesit Èttore ‘e s’atzottu
e, mancari cun s’ànima istasida
pro sa morte de Pode, a s’abbolottu
torresit resolutu. E cun s’egìda
Zeus su monte annuadu ‘e s’Ida
da’ chima a fundu trinnighesit tottu
cun bértigas de fogu e cun s’idea
sa zente ‘e favorire dardanea.
110 In lu cumprender sos d’Agamennòne
a s’insegus fuesin iscorados
che chervos daenanti a su leone!
Peneleu a passos apprettados
tucchesit primu e d’Alettrione
pustis Leìtu, ambos ferizados:
unu a su bratzu da’ Polidamante,
s’àteru da’ Ettòrre cumandante.
111 Ma sa vida arrischesit Dardaneu
currinde fatt’a Léitu feridu
pro manos de su forte Idomeneu:
sutt’a sa titta infattis s’atzuridu
re de Creta s’arminzu ‘elenidu
l’attappesit, ma s’est su traste acheu
frantu in duos, colpende su puntale
de sa coratza ‘e Troe, e mancu male!
112 Contr’a su gregu, ch’intantu pigadu
che fit subra su carru, ch’imbolesit
sa lantza sua longa arvuriadu
tando Tronu ‘e Gherra, ma faddesit
finas isse in s’intentu. Fulminadu
tales Ceranu 22 invece ruesit,
de Merione s’iscuderi atzudu,
ch’a su Re fit chirchende ‘e dare aggiudu!
606

Sas impresas de Menelao
113 Da’ sa ‘idda de Licto 23 fit Ceranu
recuidu a s’ilìaca tzittade,
addaghi, ‘idinde in difficultade
su Re cretesu, a brìglias in manu
sos caddos contr’a Èttore dardanu
illantziesit, cun s’abilidade
d’istrobbare sa mìria ‘e su ‘e Troe!
Ànima nîda de lùghidu eroe!
114 Inter barra e orija muidende
l’intresit che un’atta cuss’atterra,
catzéndeli sas dentes, perra-perra
faghìndeli sa limba! Isalenende
nd’istrombulesit da’ su carru a terra
che pira fatta, sas brìglias lassende
a Merione cun s’ùltimu sarragu,
ch’a su Re boghiesit pustis pagu:
115 –Sighi sos caddos a isfuettare
fintz’a sas naves, sighi, tant’est giaru
a chie bramat Zeus d’aggiuare!–
Nêsit; e su de Creta chen’imbaru,
a coro in bula, a s’ala de su mare
furriesit chirchende unu reparu!
E cumprendinde ‘e Cronos s’intentzione
finas si preguntesit Telamone:
116 –E chie adderettare nos la diat
sa sorte avversa, s’est tzertu oramai
ch’est Zeus chi nos dat tant’arguai?
Sos trastes nostros attesu ch’isviat,
e sos insoro non fàddini mai
bonu o mettanzu su bratzu chi siat!–
A Menelau ‘olténdesi poi:
–Cheret però chi non b’istemos goi!
607

Menelau chircat
ad
Antìlocu
Càntigu XVII
117 Siat comente, tentare devimos
de nos gigher su mortu de Fitia
e cun s’esémpiu, si bi resessimos,
de ispronare a mezus marrania
sos gherradores d’Argo! Galu ‘idimos
(inte’, Atride, s’intentzione mia)
chie e comente gigher s’imbasciada
dêt intantu a Pelide isfidiada!
118 Su fadu de s’amigu, so seguru,
non connoschet su fizu de Peleu!
Ma unu non nde sèbero d’acheu
pro s’ingàrrigu! Néula e iscuru
mi l’impìdini! O Zeus, Zeus meu,
sighi a esser, si cheres, coriduru,
ma fàghenos gherrare a cara a cara,
bincher o morrer in sa lughe giara!–
119 L’iscultesit s’olìmpicu Segnore
sa d’Aiace accorada invocascione
e sa néula cun s’iscurigore
dissipesit da’ subr’a Ilione.
Nêsit tando s’atzudu Telamone:
–O Menelau, a su fizu ‘e Nestòre,
a Antìlocu, mira ‘e sebestare,
s’est biu ancora, e de lu cumandare.
120 Ch’andet –li nara– a s’accampamentu
de Pê-velotze, imbasciadore ‘e morte,
pro chi connoscat chen’àter’ ‘istentu
sa ch’at retzidu da’ Èttore forte
s’amigu pius caru mala sorte!–
Chena torrare faeddu, che bentu,
s’avviesit in chirca ‘e su danau
in mesu a sos cumpanzos Menelau.
608

Sas impresas de Menelao
121 Che leone chi at a notte intrea
sa mandra in sa cussorza assaltiadu
e custrintu a lassare sa pelea
est barribóidu, a sole accheradu,
da’ canes e pastores giagaradu,
a tales da’ s’afferra dardanea
pro su corpus de Pàtroclo ‘e Fitia
trista ch’ ‘essesit s’ispartana ghia.
122 Ma, cun s’ ‘errina ‘e lomper a s’impresa,
nêsit, lênde a tuccare: –L’intendide
o Aiaces, sa ch’apo pretesa
e tue, o Merione. A sos d’Atride
de Pàtroclo ammentade sa fieresa,
su coro ‘onu, s’ardore, sa fide
finas a torrare ‘eo, pro ch’acutu
gherret donzunu pro s’amigu ruttu!–
123 Su passu allonghesit cun apprettu
pustis su Re, sos ojos regirende
a destra e a manca, a cada trettu,
che àbbile ‘e montagna isperiende
chi da-e sas alturas brinchittende
bidet su lèppere in su logu nettu
o sutt’a una matta oriji-altzadu
e nde piumbat cun biccu arrodadu!
124 Gai fis tue, Atride cor’amprosu,
de Nèstore chirchende su rebuddu,
mattanadu che mai da’ su suddu
a Pàtroclo de perder valorosu!
Lu sebesteis infinis: fit cuddu
sos de Pilo animende tirriosu
in s’ala manca ‘e s’esércitu acheu.
E li nêsti, tucchéndebi a boleu:
609

Menelau
torrat da-e
Telamone
Càntigu XVII
125 –O Antilócu, erèntzia divina,
novas tristas ti nd’ ‘atto! Capitare
non nos deviat sìmile ruina!
Zeus, lu ‘ides, a nos tribulare
sighit da’ ora e cun mala ‘errina
e como at Issu de nos orfanare
finas detzisu (assiat mala lua!)
de sa dulche ‘e Menétziu e forte frua!
126 Ohi dannu! Ohi tragu pro Peleu!
Bae da’ isse, curre, e-i s’imbàscia
li gighe pius trista, o Nestoreu!
Nâli puru chi, sende in sorte bàscia,
mancu podimos (àtera disgràscia!)
prus frimmare a Ettòrre dardaneu!
Sas armas l’at leadu e, non cuntentu,
cheret su corpus fattu a iscarmentu!–
127 Su coro s’intendesit marmuradu
in su l’intender su giovànu atzudu
s’est chi restesit siccu, ojimbidradu,
a manu in cara pianghende e mudu!
Solu appena però; ca, impressadu,
poi porridos sa lantza e s’iscudu
a Laodoco 24 , succuttende ancora,
da-e Pelide tucchesit in s’ora.
128 Ne s’idea t’ ‘enzesit de t’arrêre
cun sos de Pilo fintz’a recuire
s’imbasciadore, o ispartanu mere,
pro cumpensu de fortzas! De sighire
naresti a Trasimede su dovere,
posca accanta torresti a prosighire
a su mortu Mirmìdone sa gherra,
gridende in mesu de sa cuntierra:
610

Sas impresas de Menelao
129 –Tuccadu est Antilócu Nestoride
issarareddu a gigher s’imbasciada
de sa morte de Pàtroclo a Pelide!
Ma chi torret Achille a s’impressada
s’eroe a vindicare ‘e bona fide
pro cantu portet sa mente ‘oltulada
non crêo própriu, ca s’amigu ebbia
non l’at leadu sa dardana ghia!
130 Finas s’at gittu sa rar’armadura,
òpera de Vulcanu pretziosa,
e ch’una noa prima e ispantosa
crêo nd’isettet de paris fattura.
Cale siat de fagher mezus cosa
devimos nois como in conzuntura
detzider a sa lestra, pr’arrivare
su mortu a s’ala nostra ‘e che leare!–
131 «Emmo ch’est gai! –li nêsit su fizu
a boghe manna tando ‘e Telamone–
Leamos duncas custa detzisione:
cun s’iscudu paradu a sizu a sizu
fintz’a su mortu tue e Merione
tuccade e bos leade contivizu,
pensende a cussu ebbia, da-e mesu
de nde l’ ‘ogare trisinende o a pesu.
132 Lantzas e fritzas contr’a sos Dardanos
istèndebos a pala ch’imbolamos
nois 25 a fùrriu e los obbligamos
a si mantenner da’ cuddu lontanos!
Apedas sorte, bazi chi tentamos!»
Nâdu e fattu. E cun s’iscudu in manos
ambos duos tucchesin resinnados
a s’ala avversa, a pare accostazados.
611

Menelau e
Merione si
portan su
corpus
de Pàtroclo
Càntigu XVII
133 E a un’ira infattu saettende
ambos duos Aiaces avantzesin,
a torrare persegus custringhende
in s’ora a sos de Troe. S’accurtziesin
tand’Atride e Merione che bolende
a sa frua ‘e Menétziu e nde la lêsin
suppesèndela in àndia a s’ala insoro
godinde de s’impresa ambos in coro!
134 Altu e felosu in su mentre unu gridu
bettesin sos de Prìamu, airados
ischéndesi in su chertu superados!
Ma torresin cun ànimu ‘elenidu
galu a s’attaccu, che canes ‘prettados
ch’a su sirvone si ‘ettan feridu
a nuscu ‘e samben peri sos padentes
in bramosia ‘e li felchire dentes.
135 Ma decomente a bàulos timinde
e coibàscios, si si ‘oltat cuddu,
fùrrian pustis, a tales fuinde
s’ ‘idian sos Dardanos, da’ s’astuddu
leados che simmai e da’ su suddu
de Telamone s’imponèntzia ‘idinde
e sa de s’Oileu tìrria mala
addaghi s’accurtziain a cuss’ala!
136 Gai resesser, poi ‘e tantu proe,
lis deviat s’intentu a sos d’Atreu
de si portare su valente Eroe
pro ch’aeret onores, prantu e teu
massim’a tottu da’ su de Peleu
fizu ispantosu. Intantu sos de Troe,
mancari accamados, de torrare
non tzessain cun atza ‘e perriccare.
612

Sas impresas de Menelao
137 Che cando lompet, gittu da’ su ‘entu,
su fogu a intr’ ‘e ‘idda e sos palattos
s’ ‘iden brujende e da’ su fundamentu
rúere fatt’a pare che isfattos
e sa zentòria fuinde a imbattos
tra piantos e gridos de chimentu,
a tales orrorosu fit e tottu
in s’ora de sa gherra s’abbolottu!
138 A sas naves fin dados intertantu
cun su mortu a coddu sos soldados
de prim’Atride, cun ojos de prantu
lastimende s’amigu, e suerados
che tzertos mulos ch’ ‘ides donzi tantu
pighende a unu monte ‘en’ ‘arriados!
Non pro cussu cun atza e cun valore
nde muttesin s’isfida sos d’Ettòre!
139 Ma fit de sos Aiaces sa difesa
che-i s’abberru malu a superare
chi solen in su pianu fraigare
pro ch’in làccana sua ‘enzat mantesa
s’unda ‘e su riu e, gai trattesa,
non che pottat a mare trisinare
sos fadigados laores de chie
in campagna mattanat notte e die!
140 Non podian però tanta pelea
duos sustenner pro cant’atzuridos!
Gai cando sos d’Ìlion aunidos
ghiados da’ Ettòrre e da’ Enea
a s’attaccu torresin belenidos,
ambos duos a s’atza dardanea
tzedesin sos Aiaces e, timinde,
finas sos d’Argo s’ ‘idesin fuinde!
613
Sa resistèntzia
de sos Aiaces
e-i sa fua

Càntigu XVII
141 E fuesin a trumas, urulende
che si aeren bidu su Terrore,
a passos mannos, per terra lassende
finas sas armas chena prus onore,
gai comente cand’ ‘iden s’astore
minettosu in s’aera rodiende
d’istrunellos s’isparghet una nue
o de corroncas a su fue-fue!
614

Sas impresas de Menelao
NOTAS DE SU CÀNTIGU DEGHESSETTÉSIMU
1 custa lantza mia [...]: Cunfronta cun su Càntigu XVI, Ott. 151-
153.
2 Pantoe e Frontìde [...]: Babbu e mama de Iperènore, Polidamante
e Euforbo.
3 Cìcones [...]: Abitadores de Ismaro, in sa Tràcia, alleados de sos
Troianos.
4 Si lassadu in podere [...]: Glàuco no ischit chi Sarpèdone che fit
bistadu già portadu a logu sou da-e su Sonnu e da-e sa Morte pro
volontade ‘e Zeus.
5 murrudu [...]: Cun su murru, ammurradu (=col broncio).
6 opèra d’unu deu [...]: De Vulcanu, deus de su fogu e frailarzu
soberanu.
7 Mestle, Astèrope, Tersìlocu, Forci, Ippotoe, Disenòre, Emmomo,
Cromìu [...]: Mestle fit unu de sos cumandantes meones; Astèrope,
Disenòre e Cromìu fin cumandantes lìcios; Tersìlocu fit troianu e at
a morrer pro manos de Achille; Forci fit de sa Frìgia (cfr. sa nota
n.11); Ippotoe fit cabu pelàsgicu; Ennomo cumandaiat sos Mìsios.
8 Ippotoe [...]: O Ippoto. Fizu de Leto e cumandante pelàsgicu.
9 Làrisa [...]: O Làrissa. Tzittade de sa Tessàglia.
10 d’Ifito forte frua [...] Schedìu [...]: Schedìu, fizu de Ifito, cumandante
focesu, mortu da-e Èttore.
11 Forci [...]: Cumandante de sa Frìgia, fizu de Fenope, frade de
Xantu e Toone.
12 caltzettesit [...]: In bidda mia (Sennori) «fagher sos calzettos»
cheret nárrere “dare sas ùltimas iscalcanzadas prima de mòrrere”.
13 Perifante [...]: Fizu de Epitu, servidore de Anchise e bandidore
de Tròia.
14 Leocrìtu [...]: Fizu d’Arisbante, mortu da’ Enea.
15 Apisaone[...]s’Ippaside[...]: Apisaone, fizu d’Ippasu, troianu,
mortu da-e Diomede.
16 s’iscuderi ‘e s’Eacide [...]: Pàtroclo, iscuderi de Achille, chi fit su
nebode de Éacu, su babbu de Peleu.
17 su fizu ‘e Diore [...]: Automedonte, cumpanzu e iscuderi de
Achille e de Pàtroclo.
18 Areto [...]: Fizu, forsi burdu, de Prìamu, mortu da-e
Automedonte.
615

Càntigu XVII
19 arcu’e sole [...]: S’arcu ‘e sole (o de chelu o arcu paradu o Iris) fit
pro sos Gregos unu signale carradore de gherras o de istròscias
malas.
20 Pode [...]: Fizu de Etìone, amigu e connadu de Èttore, mortu dae
Menelau.
21 Fènope d’Abidu [...]: Babbu de Forci, Toone e Xantu e fizu de
Asìu. Fit de Abidu, tzittade de s’Ellesponto.
22 Ceranu [...]: Cumpagnu e iscuderi de Merione, mortu da-e
Èttore. Fit de Licto.
23 Licto [...]: Una de sas biddas pius antigas de s’ìsula de Creta.
24 Laodoco [...]: Gherreri gregu, cumpanzu de Antìlocu, forsis de
Pilo.
25 nois [...]: Ambos duos Aiaces.
616

ILIADE
CÀNTIGU DEGHEOTTÉSIMU
SAS ARMAS NOAS DE ACHILLE
Sas armas noas de Achille

Càntigu XVIII
SUMMÀRIU
Su dùbbiu de Achille Ottavas 1-4
Su dolu de s’Eroe 5-7
Teti e sas Neréides 8-13
Teti e Achille 14-27
Chertos noos pro su corpus de Pàtroclo 28-31
Iris imbasciadora 32-36
S’ùrulu de Achille 37-44
Èttore e Polidamante 45-55
Su piantu de Achille 56-65
Zeus ed Era 66-67
Teti e Vulcanu 68-89
S’iscudu de Achille 90-91
Su primu chircu 92-92
Su ‘e duos chircos 93-103
Su ‘e tres chircos 104-109
Su ‘e battor chircos 110-116
Su ‘e chimbe chircos e sas àteras armas 117-119
618

Sas armas noas de Achille
1 Mentras che fogu fit derruidore
galu allutta tra gregu e dardaneu
sa gherra abbettiosa, a un’ ‘oleu
ch’arrivesit Antìlocu ‘e Nestòre
cun s’imbàscia a su fizu de Peleu,
chi accurtzu a sas naves in buddore
pro calchi fadu malu si nd’istait
isperiende attesu e si narait:
2 –E proite fuinde sos d’Atride
sun da’ ora e che canes persighidos?
Ohi de me, chi dêt aer cumpridos
sos ‘ordinzos arcanos su Cronide!
Mi nêsit una ‘olta sa Tetide
chi su prus forte de sos atzuridos
cumpagnos mios fit ruttu pro manos,
send’ ‘eo ancora ‘iu, ‘e sos Troianos!
3 Cuss’est Pàtroclo... emmo... est deasie!
E sos bonos cunsizos bi los dei!
Poi istudadu su fogu –li nêi–
àteros pensos non benzan a tie!
Lestru recui... pensa puru a mie...
lassa a Èttore... e prîte lu mandei!–
S’abbizesit Antìlocu ‘e s’affannu
e li nêsit pranghende a dolumannu:
4 –O de Peleu valorosa frua,
trista a ti relatare un’imbasciada
accomi, mai esserat capitada:
sa dulche vida in s’orrorosa lua
perdidu at Pàtroclo! E finas furada
nde l’at Ettòrre s’armadura tua!
Tentende semos como ‘e lis leare
nessi su corpus, ma b’at de penare!–
619
Su dùbbiu
de Achille

Su dolu
de s’Eroe
Teti e sas
Neréides
Càntigu XVIII
5 Una nue ‘e trumentu li faschesit
coro e mente a intender sa ruina!
A ùrulos per terra si ch’ ‘ettesit
e, regoltu unu punzu de chijina,
subra sa conca si l’ispramminesit
sa cara alloroddende e sa divina
tùniga sua. Posc’a s’ ‘oltulare
comintzesit e a s’irtzuffittare!
6 A sas boghes, acco’ ch’ispasimadas
da-e sas tendas nd’ ‘essesin gridende
sas isclavas, ch’Achille conchistadas
s’aiat cun s’amigu cumbattende
peri su mundu intreu e, cumprendende
su dolu, istendesinde inghiriadas,
lêsin a si mazare e a s’intender
anchimoddes, su coro prontu a render!
7 Sas manos Antilócu imperistantu
in sas suas istrintas li teniat,
ca de si cherrer pùnghere timiat
cun s’istillu, a tales su piantu
fit a toroju... e lu cunfortaiat
sos pilos carignéndeli ogni tantu.
E l’intendesit Teti in su momentu
da’ s’intragna ‘e su mare su lamentu.
8 Sétzida in su fundale ‘e s’Oceànu
fit Teti pês d’ispuma, in cumpagnia
de su babbu, Nereu pilicanu.
Un’ùrulu ‘e dolore che a porfia
bettesit issa puru disumanu
e nd’accudesin Glàuce 1 e Talìa
e Cimòdoce, cun Spiso e Nisea,
Toa e Alìa, sorres de sa dea.
620

Sas armas noas de Achille
9 L’inghiriesin lestras... e Climene
galu ‘enzesit cun Crìtia e Mera,
Nemerte, Ianira, Dinamene,
Limnòria, Doto, Proto, Agave e Iera,
Anfitòe, Ferusa, Dexamene,
Attea, Cimòtoe e Melitera,
Callianira e Callianassa umpare
s’intragna buluzende de su mare.
10 Galatea, depustis, fentomada
s’appresentesit, Pànope, Dorìde
e Amàtia, sa pili-aneddada,
cun Anfìmone e cun Apiseìde
e sas àteras sorres de Tetìde
colpéndesi donzuna, assucconada,
sa divina pettora a coro alluttu.
Tando lis nêsit sa Dea a succuttu:
11 –O sorres, dulches fruas de Nereu,
d’una mama infelitze, ch’unu fizu
partoridu at forte che unu deu,
su lamentu iscultade accalaizu!
Che rebuddu allevadu apo su meu
finas a l’ ‘ider, creschinde a disizu,
che àrvure in su monte fattu mannu!
Ma fit debadas s’amorosu affannu!
12 A s’ilìaca gherra cussu forte
l’imbiei depustis a ispantu,
aggiudu pro sos d’Argo, onore e bantu!
Ma de lu ‘ider torrende, ahi sorte,
a domo de Peleu m’at sa Morte
negadu donz’afficu! E in piantu,
si non basterat, como ch’est sa vida
finas passende che niune attristida!
621

Teti e Achille
Càntigu XVIII
13 Ma finas chi mi restat su fiore
e de su sole lu lograt sa fiama
chi b’ande m’est dovere, ca so mama,
chi l’isculte e console in su dolore.
Un’est su pensu meu, una sa brama:
giagh’a Pelide non podet s’amore
giambàreli sos Fados manc’appena,
ch’a su nessi sa vida apat serena!–
14 Nêsit; e da’ su fizu chen’ ‘istentu
tucchesit cun sas sorres fatt’umpare.
S’abberzesin sas undas de su mare...
e a sas naves in unu momentu
arrivesin d’Achille, ch’in turmentu
sighiat su cumpanzu a lastimare.
In su lu ‘ider tristu e succuttende,
si l’abbratzesit prima, pustis nênde:
15 –Fizu ‘e su coro, prenda mia rara,
cal’est chi t’arrennegat pena noa?
Non mi la cues... no... faedda... nara!
Zeus lassada non si l’at in coa
sa chi li dimandemis dura proa
contr’a sos d’Argo e la ‘idemis giara!
Chene a tie, sos gregos soldados
fintz’a su portu ch’istesin catzados!–
16 E suspirende Achille: –Emmo ch’est gai!
Accansada nos l’at Zeus sa gràscia,
ma s’amigu prus caru, ahi disgràscia,
finas m’at mortu... a Pàtroclo... ohi, ahi!
Istasidu m’aeret in sa càscia
mezus su coro! A ite oramai
balet chi campe! Sa lughe ‘e sos ojos
si m’est fuida in cussos trobojos!
622

Sas armas noas de Achille
17 Sas armas l’at Ettòrre in prus leadu,
d’unu deus miràbile fattura,
ch’a Peleu at s’Olimpu regaladu
sa die, o mama, ch’a sa conzuntura
t’an cun isse fortzada 2 ! Oh, disaura!
S’aeret mezus babbu cojuadu
una mortale e tue in s’Oceànu
restada cun Nereu soberanu!
18 Ma fit detzisu: connoscher devias
sa pena manna ‘e perder unu fizu!
Ca t’at a morrer... e già sas pupias
t’ ‘ido umidadas e tristu su chizu!
Ne lughe ‘id’ ‘eo pro sas dies mias...
foras s’ardente ùnicu disizu
de poder su ‘e Troe isterrijare
e sa prenda ‘e Menétziu ‘e vindicare!–
19 E lagrimende Teti corifritta:
–Duncas, o coro, ch’est lompende s’ora
m’annùntzias de sos Fados malaitta!
Ne trattenner la potto deo ancora
s’est iscrittu, ch’appoi ‘e sa vinditta,
galu tue a sa pìghida dimora
tucches de s’Ade! E tue sa morte
bramas prus de a tie ‘e cuddu forte!–
20 «Gai siat! Si cumprat su destinu!
–Achille rispondesit suspirende–
Ca coro, o mama, no ap’ ‘eo in sinu
est chi Pàtroclo est ruttu, cumbattende
attesu da’ sa pàtria e invochende
su cumpanzu, cun Èttore assassinu!
E cantos mi nd’at mortu su Dardanu
send’ ‘eo inoghe, a manos in manu!
623

Càntigu XVIII
21 Chi ‘enzat sa de ‘ènnere sa Morte!
No, non la timo! Antzis la pretendo,
ca pesu vanu in sa terra m’intendo
mancari ‘e sos Acheos su prus forte!
Ma prîte, mi dimando e non cumprendo,
regnat s’Ira e-i s’Ódiu, malasorte,
in ómines e deos e su fele
dulch’est de sa vinditta che su mele?!
22 Ahi cantu tzoccadu coro e mente
m’at s’Atride Agamènnone su die!
Ma lassamos su fattu... est deasie...
ne balen prantos! Pensamos comente
a Èttore agattare cor’ardente!
S’ùnicu ‘addine est custu pro a mie!
Sa vida mi dêt render! Pustis Zeus
mi che lêt puru o calch’àteru deus!
23 Fuidu no est Èrcole a su Fadu
mancari forte e che niune caru
a Zeus soberanu! Eroe raru
fit isse, ma l’at Era settesciadu 3
su matessi! Duncas s’est decretadu
chi devo morrer, siat nessi giaru
pro mene custu die e in s’istòria
restet de sas impresas a memòria!
24 Sas féminas de Troe cherz’intender
pettorrimannas pranghende a succuttu
a pês mios, bestidas in corruttu!
E tando... solu tando an a cumprender
cantu mezus pro Ìlio a non m’offender 4
fit bistadu! Ma tue, a coro alluttu,
non tentes, mama, de mi l’impidire
ca tantu non bi dias resessire!»
624

Sas armas noas de Achille
25 E Pês de prata cun ténnaru affettu:
–S’idea non ti cherzo contrariare
e sun sos d’Argo in affannosu apprettu
tales che mai approbe a si falare!
Ma sas armas t’at chérfidu a dispettu
ch’aias raras Èttore leare
e gherrende est cun cuddas a ispantu!
Ma non crêo si logret de su ‘antu!
26 Un’àtera armadura paris bella
deo a su deus pedo soberanu
ch’at sos frailes in su Mongibella!
Tue s’ira trattene e cras manzanu
deo e tottu, o fizu, de Vulcanu
a inoghe, lughente che istella,
s’òpera noa ti nde ‘atto e rara!–
Nêsit posc’a sorres franca e giara:
27 –Da-e Nereu ‘arvicanu torrade,
sorres caras, e nàdeli ladina
sa de sa fiza lastimosa ‘errina!
Chi so tuccada galu li contade
a sa dimora ‘e s’Olimpu divina
cun s’ispera chi sa netzessidade
mi cumprendat Vulcanu e fizu meu
retzat arminzos noos da-e su deu!–
28 A s’Olimpu tucchesit impressada
pustis sa dea e a sos fundales
sas de Nereu fizas immortales.
Fintz’a sas naves intantu iscatzada
ch’aiat torra Èttore s’armada
achea, da’ sos lùghidos gambales,
e approbe sa beffe ‘e lis sestare
su mortu a s’ala sua ‘e si portare!
625
Chertos
noos pro su
corpus de
Pàtroclo

Iris
imbasciadora
Càntigu XVIII
29 A pês infattis de su mortu Eroe
pro tres bias su Dàrdanu lompesit
e: –Tirade, tirade!– abboghinesit
cun atza a donzi ‘olta a sos de Troe.
E si a nemos de bi fagher proe
s’intentu abbettiosu resessesit,
onra e bantu a sa tìrria e a s’onore
d’ambos duos Aiaces de valore!
30 Ma pro cantu Oileu e Telamone
brios mustreran e resinnu mannu,
sempre a s’inghìriu meledende affannu
s’istaiat sa turre d’Ilione,
tales comente abbarrat su leone,
da’ sos pastores non timinde dannu,
a bucca abberta accurtzu a su fiadu
ch’at mortu pasturende e isterrijadu!
31 E li fit resessidu a Tronu ‘e gherra
de si gigher su mortu de Fitia
primma o poi da’ mes’a sa cuntierra,
si, a s’accua ‘e s’eterrena Ghia,
non mandaiat Era, inzerra-inzerra,
sa d’Iris ispantosa galania
da’ su fizu ‘e Peleu lestra in s’ora
d’un’àteru pidinu imbasciadora.
32 Gai, ‘énnida a sas naves, li naresit
cun dulch’apprettu s’amorosa dea:
–Torra, o forte Pelide, a sa pelea
a difender s’amigu chi t’ ‘occhesit
Èttore mannu e finas t’ispozesit!
Felosa inter s’armada dardanea
e sos Danaos che simmai allutta
s’est pro su corpus sou una cumbutta!
626

Sas armas noas de Achille
33 Morin sos Gregos, ruen sos Troianos,
ma de Pàtroclo Ettòrre d’ammustrare
bramat sa conca mutza a sos Dardanos
felchida in punta ‘e lantza e de s’ ‘antare!
E prestu o tardu l’intrat in sas manos...
adducas bae... curre! Atzantarare
ti dian in tottue e cun rejone
s’attatterat sos canes d’Ilione!–
34 «Chie ti mandat mi nara, o donosa!»
–li preguntesit tando su Pelide–
E Pês de ‘entu: –De Zeus Cronide
imbasciadora mi mandat s’isposa,
ne b’at deos chi l’iscan custa cosa!–
E in risposta s’Eroe a Irìde:
–Siat puru; ma, nâ’ comente fatto
si in su mentre chen’armas m’agatto!
35 Furadas bi las ada su dannarzu
fizu ‘e Priàmu a Pàtroclo atzudu
e da-e su divinu frailarzu
tuccada est mama dimandende aggiudu!
Ne m’andat giustu d’àtere s’attarzu
foras d’Aiace s’ispantosu iscudu;
ma semenende morte a ferru in manu
ch’est Telamone contr’a su Dardanu!–
36 E s’Ojicolorida: –Sa faina
connoschimos, o fizu de Peleu,
e ch’est currida Tétide divina
a pedire armas noas da’ su deu!
Ma pro chi pottat s’esércitu acheu
nessi un’iscutta adderettare ischina,
cheret chi su matessi t’appresentes
pro chi timan sos d’Èttore valentes!–
627

S’ùrulu
de Achille
Càntigu XVIII
37 S’avviesit depustis sa dechida;
e Minerva, chi l’aiat intesa,
de armare a Pelide cun s’egìda
s’ingàrrigu si lêsit cun lestresa
e-i sa conca, de s’elmu isfrunida,
cun una nue ‘e rara lughentesa
de li fascare, pro chi s’imponèntzia
aeret d’un’olìmpica potèntzia!
38 Gai comente da’ una tzittade
d’un’ìsula lontana, assaltiada
da’ sos corsales, una cantidade
s’ ‘idet de fogos a s’interinada
pedinde aggiudu in sa difficultade
e nde restat s’aera illuminada,
a tales de s’eroe mirmidone
brillaiat in s’ora sa persone.
39 Imboligadu in sa lughente frama
tucchesit tando Achille a s’abbolottu;
ma sos cunsizos valutende e tottu
àpidos pagu innante da’ sa mama,
mancari ardente aeret sa brama
che leone ‘e s’ ‘ettare in su fiottu,
a distante, mustréndesi, abbarresit
da’ su chertu e che Ares urulesit!
40 Li rispondesit Minerva gherrera
finas Issa tirriosa abboghinende
e d’ambos duos s’ùrulu in s’aera
che tronu rodulesit cadreddende!
S’assustesin sos d’Ìlion connoschende
sa ‘oghe ‘e Pê-velotze e a manera
s’ispramminesin d’ ‘ama assaltiada
da-e s’astore peri sa leada!
628

Sas armas noas de Achille
41 In su lu ‘ider pustis che atzesu
de lughe soberana, a si fuire
pensesin solu e cantu prus attesu
lassende armas e brìglias, pro vittire
nessi sa morte! Ma dóighi in mesu
a cuss’affogu devian ficchire
gherreris d’Ilione, caltzigados
da’ s’apprettu a boinu ‘e sos soldados!
42 A Pàtroclo nde lêsin chena duda
gai sos d’Argo da’ su bulione
e, istérridu in d’un’istoja ‘e ‘uda,
si lu portesin che in pultescione,
chie a piantos e chie a sa muda
su mortu lastimende mirmidone.
Lu miresit Pelide e fatt’insoro
tucchesit marmuradu in mente e coro!
43 E che unda unfiada de trainu
làgrimas caldas tottue ‘ettaiat,
ca in culpa, ohi sorte, si crêiat
pro su pérfidu ‘e Pàtroclo destinu!
Era tando a su Sole, chi lughiat
altu ancora, imponzesit in su sinu
primm’ ‘e s’ora ‘e che ruer de su mare
pro chi potterat donzunu pasare.
44 Mancari a malagana, a ponner mente
coittesit sa làmpana ‘e sa Terra
a sa dea ojimanna onnipotente.
E gai, appenas muttida sa gherra,
si reunesit s’ilìaca zente
cun su coro che mai in cuntierra
pro s’accherada noa ‘e su Pelide
chena bandu o avvisu ‘e Priamide!
629

Èttore e
Polidamante
Càntigu XVIII
45 S’attrumesin a pare, istende reos,
cunsizos isettende sos de Troe.
E nêsit primu su fizu ‘e Pantoe,
Polidamante, de sos Dardaneos
ómine sábiu, cumpanzu ‘e s’eroe
prus forte d’Ilione: –Amigos meos,
s’ora est grae, terrìbile, l’ ‘idimos.
Valutàmula ‘ene e detzidimos!
46 Finas a cando da-e s’attamazu
si nd’istaiat Achille in disparte,
galu deo crêia in cuss’arte
de lassare a sos d’Argo malu sazu.
Ma est torrende! Contr’a cussu mazu,
segundu cuntrastende solu a Marte,
non b’at afficcu ‘e meressire glòria!
O pensades ancora a sa vittòria?
47 S’est goi mi lu nâde; ma non crêo!
Già mi paret de l’ ‘ider cras manzanu
tirriosu avantzende a lantza in manu
contr’ ‘e a nois! Su chi cunsiz’ ‘eo
est de lassare nottesta su pianu
e de torrare a bidda! E non m’affeo
ladina de la porrer sa pretesa,
ca prus bramo de Tròia sa salvesa!
48 Ma si parferat sa proposta mia
de pagu onore e de lu cuntrastare
si detziderat, bazi ch’a Fitia
b’at preju mannu abberu de pagare!
E cantos in pastura an a restare
a canes e benturzos, iscuria!
Medas l’an a vittire cussa lua,
finas penso, ma solu cun sa fua!
630

Sas armas noas de Achille
49 Recuimos adduca a Ilione
chena timer birgonza, e in piatta
reunìmunos tottu! E in suffratta
ch’ ‘enzat posc’a nos ponner Mirmidone!
Contr’a sos muros fattos a bastione
(acco’ prîte s’idea est giusta isatta!)
contra sas giannas attraitzelladas
s’attappat e mattanat in debadas!
50 Crêide, franchibóidu s’astore
a sas naves si ch’at a recuire
cun sa parìglia sua de valore
istraccamorta pro tantu currire
de piùere brutta e de suore!
Innante chi li pottat resessire
de ponner pês in bidda ‘ittoriosu
bustu siat a canes orrorosu!–
51 «Polidamante, –cun ira e disdignu
li torresit risposta Èttore mannu–
faeddadu as che mai in modu indignu
e chena tinu! Est Tròia in affannu
da-e noe annos e creschet su dannu
a donzi arbore nou! Ma s’impignu
chi nos cunsizas tue est de torrare
intr’ ‘e sos muros a nos inserrare!
52 Oh, iscabadu! De brunzu e de oro
nd’aimis, ti nd’ammenta, in cantidade
primm’ ‘e sa gherra e paghe e tresoro
nos gosaimis tottu in libertade!
Ma da-e cando sa disamistade
chérfidu at Zeus cun perfidu coro,
in Frìgia e in Meònia pro cust’arte
béndida l’amos sa mazore parte!
631

Su piantu
de Achille
Càntigu XVIII
53 E própriu cando paret chi Cronide
dare nos cherfat s’ùltima vittòria,
tue a s’isprone ‘e meressire glòria
preferis narrer: –Fuide a Pelide!–
No est gai chi lùghidu in s’istòria
restat su nomen nostru, o Pantoide!
Ne deo a lu permitter m’assuggetto,
ma inoghe a pê’ frimmu l’aisetto!
54 E bois l’isettade paris meu,
ca de sos Fados arcanu est s’ordinzu;
e chie at benes e in pistighinzu
campat pro issos, cun su dardaneu
si los difendat da-e s’isgraffinzu
ingurdone ‘e Pelide o de s’Atreu!
Chenade como e, vigilende a chida,
bos reposade finz’a s’avreschìda!
55 A s’impuddile cras, de brunzu armados,
prontos siemos a li dare prou
che fissu in mente nd’amos unu ‘e tzou:
a sos d’Argo ‘e los bider istorrados!
E si, resuscitadu, Achille ‘e nou
s’appresenterat, sos brios mancados
crêide non mi sunu e in cuss’arte
marrania li ‘etto, onore a Marte!»
56 Sas manos, iscabados, li tzocchesin
da-e Minerva ‘oltados in s’istante
e de torrare a Tròia refudesin
su parrer sàbiu de Polidamante!
A chenare degai s’approntesin...
A piangher intantu, non distante,
lêsin sos d’Argo a Pàtroclo a consolu,
cun affettu ‘e frade, prétziu e dolu.
632

Sas armas noas de Achille
57 E sa làstima sua Pê-velotze
comintzesit gridende a dispettia
contr’a s’ordinzu de su Fadu atrotze,
subr’a su mortu amigu de Fitia
sas manos mannas de lupu ferotze
isterrende cun tènnera angustia,
sas piaes carignéndeli in pettora
che a li narrer: –Torra, torra, torra!–
58 Che leone depustis ch’in sa tana
prus non agattat sos fizos minores
a sa torrada da’ una bardana
e in chirca ‘e sos viles catziadores 5
peri buscos e baddes in mattana
ch’ ‘essit felosu, tales sos umores
fin de Pelide, addaghi a succuttos
lêsit a narrer cun ojos alluttos:
59 –Vana fit, sorte mala, sa prommissa
chi a Menétziu in Opunte 6 fattei
su die chi su fizu nde li lêi!
Poi d’aer a Tròia suttammissa
gloriosu e riccu –li narei–
fit Pàtroclo torradu! S’iscummissa
d’aer pérdidu como mi nd’abbizo
e paris sou sa morte disizo!
60 E gai at a esser, frade ‘onu,
ca cundennados nos an ambos pare
cust’ilìaca terra a irrujare
su Fadu avversu e su Mere ‘e su tronu!
E m’est Peleu aisettende in donu,
ne pius mai m’at a consolare
Teti donosa, ca su ch’est iscrittu
mancu giambat chie est beneittu!
633

Càntigu XVIII
61 Giaghi segundu a s’ ‘adde ‘e s’usciareu
destinadu so deo a ti sighire,
sas onoràntzias cun s’ùltimu teu
non prima, o frade caru, as a retzire
chi sa conca d’Ettòrre priameu
e-i sas armas ti nde potta ‘attire!
E cun a tie in su fogu ‘e giovànos
dóighi nde sacrìfico dardanos!
62 Finas a tando inoghe in sas naves
as a restare, prantu notte e die
da’ sas femìnas cun ùrulos graes
chi ‘alanzadas m’apo cun a tie
in chertos mannos! Siat deosie!–
Nêsit; e-i su samben da’ sas piaes,
poi iscaldida s’abba, cumandesit
de li frobbire. Pustis s’abbandesit.
63 Una labia lestros pienzesin
tando sos Gregos e, fattu su fogu,
in sa trìbide che la collochesin:
in pag’ora da’ onzi parte e logu
sas fiaras s’isterzu imbolighesin
s’aera allughinzende ‘e ruju grogu.
E, pagu appoi, cun piedosa cura
lêsin a l’innettiare sa bruttura.
64 Sos pilos da’ su samben azeppadu
l’innettiesin prima a Mirmidone,
pustis sa cara e totta sa persone
mirendesilu cun oju umidadu,
agontzu istesit posca, untu e frigadu
cun un’unghentu ch’a perfessione
li cunzesit sos chi b’aiat dannos
ca fit bàlsamu ‘etzu de noe annos.
634

Sas armas noas de Achille
65 Da’ conca a pêse in unu lentolu
l’imbolighesin de càndidu linu
e subr’a unu tùmbaru, mischinu,
lu collochesin posca pro su dolu.
Infinis, urulende a disconsolu,
cun sas manos mazéndesi su sinu,
benzesin sas isclavas e su teu
comintzesin pro su gióvanu acheu.
66 A Era in s’Olimpu imperistantu
nêsit Zeus: –Galu un’àtera ia,
o Reina ojiamprosa, a finitia
su chi bramais at gittu intertantu!
Torradu a s’ilìaca porfia
de Teti e de Peleu acco’ su ‘antu!
Che cando los aeres partoridos
sos Gregos da-e te sun preferidos!–
67 E acuta in risposta sa muzere:
–It’as nâdu, o Zeus limb’ardente?
Adducas sos mortales a piaghere
poden tesser su ch’an in coro e mente
e deo, sa Reina prus potente,
sorre e isposa ‘e s’olìmpicu Mere,
giaghi abburro sa ratza troiana
non devia trassare a gana a gana?!–
68 Sende ambos deos punghe-punghe in s’ora
che a bèttia in s’Olimpu soberanu,
a sa de brunzu immortale dimora
desit Tetíde ‘e su deus Vulcanu,
domo brillante cant’a s’Aurora
dagh’ ‘essit rie-rie su manzanu.
Accurtzu a su fodde, affatzendadu,
che fit su deus toppu, sueradu.
635
Zeus ed Era
Teti
e Vulcanu

Càntigu XVIII
69 Vinti treppedis fit ammanizende
pro domo sua e de lis saldare
sas rodareddas d’oro fit cumprende
pro ch’a sa sola potteran andare
a su bisonzu, chena s’istrobbare
a los dever ispìnghere! Agabbende
fit pro s’appuntu cuss’àter’impreu
cando arrivesit s’isposa ‘e Peleu.
70 Càrite 7 , de Vulcanu dulch’isposa,
pro prima la ‘idesit arrivire:
l’andesit a s’incontra e, grasciosa,
li nêsit, in disizos de cumprire
e lêndela per manu: –O diosa,
benénnida! E cale a ti nd’ ‘attire
bentu amigu at pensadu? Mi lu nara,
giagh’a t’ ‘ider in domo est cosa rara!
71 Avantza, o Pês d’ispuma, e mi l’atzetta
su cumbidu chi porro a cara franca.–
Intresit Teti, e cudda, a s’appretta,
poi istérrida una tiaza bianca,
che la setzesit accurtz’a sa banca,
una cadrea déndeli perfetta
in donzi parte, lezera e cumpatta,
cun chentu frisos e doas de prata.
72 A su maridu posca abboghinesit
de Teti annuntziende s’imbisita
e cuddu, giuilende, rispondesit:
–De abberu sa dea beneitta
amos in domo, sa chi mi salvesit
da’ sa de Giuno trassa malaitta?!
Bocchire, coro ‘e cane, mi cheriat
ca fia toppu 8 e si nd’ ‘irgonzaiat!
636

Sas armas noas de Achille
73 Ma lêsit seru Teti ‘e sa faina
e cun Eurinome 9 da’ sa brama
mi nd’isfranchesin perversa de mama,
e pro noe annos cun cura divina
m’allevesin che fizu! E s’apo fama
de frailarzu d’arte adamantina
est ca in una grutta su martzeddu
ap’impittadu da-e minoreddu!
74 Cantas cannaccas fattei pro giogu
e tìbbias, oriccinas, bratzalettos,
die cun die sempre prus perfettos!
Ne ómines, ne deos cussu logu
an sebestadu, a tales segretos
fin sos custódios mios! Ma s’attrogu
tue m’as fattu ch’est Teti arrivida
e non b’at nova prus aggradessida!
75 Tue, o Carìte donosa, a retzire
pensa ‘e Peleu s’isposa dechida
e che simmai sa mesa frunida
l’appronta, cant’ist’ ‘eo a arrivire.–
Nênde gai, primm’ ‘e sa dispidida
da’ sos frailes, a si remunire
lêsit sos trastes in un’arca ‘e prata
lassende donzi cosa posta indatta.
76 Cun un’ispugna de s’innettiare
pustis sas manos pensesit pressosu,
sa cara cun su tuju e su pilosu
pettus. Infinis a si tramudare
coittesit e galu a si leare
unu ‘acchiddu ch’aiat nodosu,
giaghi bisonzu teniat d’arrumbos
sende toppu e dìligu de lumbos!
637

Càntigu XVIII
77 Ch’ ‘essesit posca, giuilende in coro,
toppi-toppi su deus soberanu
e (maraviza!) sas istàtuas d’oro,
che giovaneddas cun sentidu umanu,
tucchesin fattu sou, cun decoro
sos passos sustenzéndeli a Vulcanu!
Lómpidu da-e Teti, si setzesit
e, lêndela per manu, li naresit:
78 –O mama ‘ona, grasciosa e cara,
su coro si m’aundat d’allegria
in su t’ ‘idere, giaghi a domo mia
a benner tue est cosa abberu rara!
Su chi bramas, dechìda, mi lu nara,
ca, si potto, dovere e simpatia
mi nân de t’accansare ogni disizu
proite allevadu m’as che fizu!–
79 E Tétide in risposta suspirende:
–O Efesto amorosu e sapiente,
cale deus o dea onnipotente
penas che-i sas mias est passende?
Oh, disdicciada! Innante imponzende
mi so ‘ida, e deo solamente
tra sas deas marinas, a isposu
unu mortale, mancari donosu!
80 Como ‘e lu ‘ider che candela atzesa
fraza-fraza mi toccat, ohi sorte,
ne frimmare li potto sa ‘etzesa!
D’esser sa mama ‘e s’eroe prus forte
chérfidu at Zeus, ma cun sa pretesa
chi finas isse aeret sa morte
connottu, a pustis de l’aer creschìdu
che rebuddu de monte e affortidu!
638

Sas armas noas de Achille
81 In difesa ‘e sos d’Argo a Ilione
che l’imbiei mancari in anneu,
ben’ischinde ch’a domo de Peleu
non ap’aer sa suddisfassione
de lu ‘ider torrende a fizu meu!
Si non basterat, puru Agamennòne,
umiliende a isse, àteru e mannu
m’at procuradu pidinosu affannu!
82 S’isclava chi l’aian seberadu
res e cumpagnos pro su raru impignu
chi sempre in gherra aiat mustradu
e chi s’amore sou fit prus dignu
che cane allimidu l’at leadu!
E, s’airadu, cun fele e disdignu
da’ s’apprettu ‘e sas armas s’abbandesit
già est raju ch’Atride si cherfesit!
83 Cantas oras passadas in piantu
at Pelide in s’oru de su mare,
a Fitia pensende de torrare!
‘Essu malu sa gherra peristantu
lêsit pro Argo, s’est ch’a lu giamare
li mandesin sos Mannos, a ispantu
promitténdeli benes e onores,
perdonu dimandende ‘e sos errores!
84 Ma pro cumponner fit tardu oramai,
gai los dispidesit corifrittos!
Cando Ettòrre però in arguai
los ponzesit abberu, a sos impittos
crudeles de su chertu e malaittos
(mezus chi non l’aeret fattu mai!)
permittesit a Pàtroclo ‘e ch’ ‘essire,
ca non tzessait de bi lu pedire!
639

Càntigu XVIII
85 Cunsizos bonos li desit, soldados
e s’armadura ch’aiat divina.
E comente da’ s’ùltima ruina
nd’at s’amigu sos Gregos sulenados,
si da-e sende in su portu accamados
accurtz’a Scea ch’arrivesin fina
bittoriosos! Ma Febo mettanzu
li settesciesit cue su cumpanzu!
86 Tocchesit posca a Èttore sa glòria
d’ispozare a Pàtroclo atzuridu
chena perunu méritu ‘e vittòria!
De armas dignas degai isfrunidu
restadu est fizu meu e in timòria
so deo, giaghi meda l’at sentidu,
chi fattat cosas chena cunsideru
Achille pro s’amigu prus sintzeru!
87 Acco’ duncas proite so tuccada,
o frade, a domo tua. Un’armadura
pro Pelide ti pedo, isconsolada,
iscudu e trastes de paris fattura.
Ch’apat nessi, primm’ ‘e sa disaura
chi l’at su Fadu avversu decretada,
gai armadu sa suddisfassione
d’affrontare a Ettòrre d’Ilione!–
88 E in risposta su Mere ‘e su fogu:
–Emmo, o divina, emmo, m’est piaghere
nessi ‘e ti sulenare in tant’affogu;
asi pro fizu tou su podere
aère d’impidire ch’a su logu
tucchet de s’Ade! Armas a dovere
lestru li fatto, massitzas, perfettas
mentras inoghe e tottu m’aisettas!–
640

Sas armas noas de Achille
89 Nêsit Vulcanu, e derettu torresit
a su fraile ispantosu sou
e a sas foddes (fin vinti!) de nou
de sulare in sas brajas cumandesit.
In un’isterzu de attarzu, a prou
de fogu ‘iu, depustis ch’ ‘ettesit
panes de brunzu, d’istagnu, de prata
e finas d’oro, in cantidade isatta.
90 Subr’a unu tzippone ‘e collocare
s’incùdine prus manna e prus pesante
si desit coidadu e a s’istante
tenazas e martzeddu ‘e si leare.
Comintzesit degai a tribagliare
ammanizende s’iscudu a innante,
cun chimbe listras de brunzu pro pizos
chintas da-e tres lùghidos orizos.
91 A parte ‘e segus posca unu listellu
li saldesit de prata s’Immortale
addattu pro su bratzu in su duellu
e, cun manu de mastru geniale,
martzeddende, l’istoriesit tale
a pintore ch’impittat su pinzellu!
Chimbe chircos cuncéntricos sestesit
e da-e su de mesu comintzesit.
92 Cue sa Terra imprentesit Vulcanu,
su Sole mai istraccu e, a perfessione,
sa Luna piena, su mare Oceànu,
su Chelu illaccanadu e su budrone
de su zigante bèote Orione 10 ,
sas sette fizas d’Atlante Titanu 11 ,
sas Iades 12 , chi minettan rigore,
cun su Carru o Ùssula Mazore.
641
S’iscudu
de Achille
Su primu
chircu

Su ‘e duos
chircos.
Càntigu XVIII
93 Una tzittade in paghe e una in gherra
fattesit poi in s’àtera corona.
In sa prima, chen’umbra ‘e cuntierra,
s’istaiat sa zente canta e sona
a lughe ‘e tedas a s’introna-introna,
chie sétzidu in banca e chie in terra,
sos isposos festende noittolos
tra ballerinos in lèbios bolos.
94 Giannas tancadas non si nde ‘idian...
e in sos liminarzos ciacottende
cuntentas sas pobiddas s’istaian!
In una piatta affacca, cumponzende
una morte mala e invochende
unu giudìsciu, duos sustenian
unu ch’aiat su dannu onoradu,
chi non fit beru s’àteru affeladu!
95 E su pópulu finas fit a prettu
in su dare rejone a cuddu o custu,
su parrer imbarende pius giustu
de sos zuighes, da’ su sacru trettu
ue fin reunidos. In s’isettu
ciarraiat sa zente a grustu a grustu 13 ,
mentras chie deviat valutare
si cheriat in tottu sintzerare.
96 Sos bandidores a manera insoro
galu s’ ‘idian dende s’avvertèntzia
chi aeret donzunu cun decoro
e cun fide isettadu sa sentèntzia.
A su zuighe de pius sièntzia
duos talentos fin toccados d’oro
pro pannu de giustìscia e d’onestade
in s’iscoberrer faltzu e veridade!
642

Sas armas noas de Achille
97 Fit s’àtera tzittade inghiriada
da-e duos esércitos armados
chi tra issos, primm’ ‘e s’assaltiada,
fin detzidinde si che isfidiados
si devian cun pópulu e soldados
cumportare, appenas conchistada,
o si, pro si partire prus ricchesas,
devian limitare sas offesas!
98 Decomente resèssere a parare
de sos ‘nimigos su dannu mortale
fin chirchende invece ‘e meledare
sos d’intr’ ‘e ‘idda. Da-e su portale,
profettende ‘e sa dìsputa fatale,
detzidesin degai ‘e ch’istuppare
sos mezus gherradores a s’accua,
da’ palas pro lis dare mal’antua.
99 A difender sos muros sos Antzianos
lassesin solu, fizos e muzeres,
tucchende issos invece a sos doveres,
da’ sos deos ghiados soberanos
Atena e Ares, maestosos Meres,
cun sas armas terrìbiles in manos,
d’oro ‘estidos, altos imponentes
tra cantos si nd’ ‘idian cumbattentes!
100 Lómpidos a su riu, ue sas bamas
gighian a buffare, s’impelciesin
peri sas ìscias cun su coro in framas
pro no esser notados. Ch’imbiesin
posc’a innanti duos d’issos, in bramas
sende d’ischire (e non si faddesin!)
si b’aiat calcunu pasculende
o soldados de posta isperiende.
643

Su ‘e tres chircos
Càntigu XVIII
101 Própriu in s’ora, sonende sas truveddas,
acco’ duos pastores avantzende 14
chena suspettu ‘e male cun sas cheddas...
Che lampu ch’a de notte isfuettende
currit in mesu a sas nues nieddas
los lêsin da-e palas, attrumende
sa roba in unu’accorru chen’isviu,
e lassèndelos mortos in su riu!
102 A sa ciarra, sos ch’in discussiones
fin ancora, in s’ ‘ider inghiriados,
cun sos caddos s’ ‘oltesin, impressados,
a s’ala ue tenian sos masones.
E cue s’attappesin sos soldados
d’ambas partes, cun tìrria de leones,
pare-pare colpéndesi a deìscia
irrujende de sàmbene donz’ìscia.
103 Galu su Chertu Vulcanu in cuss’ala
bi martzeddesit poi e s’Abbolottu
e, allimida, in prus sa Morte mala
chi da’ mesu onz’intantu a su fiottu
si che trazait unu mortu a pala
o calcunu non mortu de su tottu!
Maraviza! It’òpera perfetta!
Pariat de la ‘ider cuss’appretta!
104 A làccana 15 (cal’àtera pensesit
cosa ispantosa!) una tanca ‘arvattada
cun terra rassa e ùmbile istoriesit
da’ s’aradu tres bias boltulada,
e sos lauradores bi fattesit
ch’a donzi anda e torra, a sa ’irada,
una tzucchitta s’altzain de ‘inu
primm’ ‘e sighire ancora in su caminu!
644

Sas armas noas de Achille
105 Oh, arcana majia! Fatt’insoro
su terriminzu s’ ‘idiat sulcadu,
nieddu, che fumende... ma fit d’oro!
A falche in punzu posca, in coidadu
de nde segare su trigu auppadu,
in una tanca ‘e reale decoro,
sos messadores cherfesit Vulcanu
galu imprentare a mannuju in manu.
106 E appenas per terra los ponian,
tres ómines, sighinde, a los ligare
cun funeddas o ‘iuncu pensaian
e a mannas de los ammuntonare
sos garzones infattu. In prus s’ ‘idian
teraccos e teraccas chi s’ ‘ustare
fin approntende a s’umbra d’un’ortiju
assende pane e appetzende un’iju!
107 Cun in manu s’iscettru, in ausentu,
mirende de sos suos sas fainas
s’istaiat su Re, cori-cuntentu!
Posc’una ‘inza ‘e bonas raighinas
e totta d’oro, sas manos divinas
de su deus fattesin chen’ ‘istentu,
d’ua niedda gàrriga a truones
mantesos da’ forchiddas e palones.
108 Arrumbos fin de prata e lutzigores
in tottue isparghian che fiaras.
De abbas galu biaittas-giaras
l’inghiriesit pro li dare umores,
e, cun s’istagnu de canos colores,
d’una cresura: si b’ ‘idian caras
cuntentas meda e zente suddisfatta
a s’anda e torra in s’ùnica piatta!
645

Su ‘e battor
chircos
Càntigu XVIII
109 Fin sas binnennajolas risulanas
su deus onorende de su ‘inu,
cun giòvanos e vìrzines galanas
a cesta in conca, e, cantende “Ahi, Linu!” 16
unu d’issos, non pensende a mattanas,
sonende sa citara istrinta a sinu,
cun àteros in tundu tzoccheddende
manos e pês, su cantu accumpagnende!
110 Una gama de ‘oes maestosos,
chi da-e sas istallas fin tucchende
mue-mue a sos giassos bundansciosos
d’ervas friscas, sighesit, martzeddende,
a b’imprimire su deus, passende
a su ‘e battor chircos. Umidosos
cannedos si b’ ‘idian pagu attesu
cun unu riu pàsidu in su mesu.
111 Battor nd’ ‘ighian boinarzos fattu
cun noe canes, d’oro che-i cuddos!
Cando acco’, a los ponner in suddos,
subr’a unu trau ‘ettàresi d’iscattu
duos leones de raru apparatu,
ch’a los bider ponian sos artuddos!
Corrighinesit su fiadu e forte
a iscalcanzos fuinde sa morte.
112 Ma sas dentes in fiancos e in bula
li mintesin mortales sos leones,
ne lis pottesin canes e persones
brivare ‘e s’attattare ‘e petta ‘ula!
L’isbentresin e, galu a mue e sula,
sos minuzos fumende e sos pumones
l’istratzesin, prenéndesi sa ‘udda,
murritintos, chena timire nudda!
646

Sas armas noas de Achille
113 Posc’unu pàsculu in un’ ‘adde amena
cun sas ‘arveghes nîdas in pastura
fattesit puru sa manu eterrena
e mandriles serrados a cresura,
istallas, domos in paghe selena
catzende fumu da’ sa cobertura!
E pariat chi s’esseret frimmadu
su tempus cue, che ammajarzadu!
114 Una dansa, a costazu, armoniosa
su deus toppu infinis aggiunghesit,
pretzisa a sa chi Dédalu 17 fattesit
a sa de Minos Arianna 18 ermosa
in sa ‘idda ‘e Cnosso 19 . Bi ponzesit
una truma de giòvanos festosa
e virzineddas cun passu galanu
ballende in tundu, istrintos per manu.
115 Fin sas piseddas de linu ‘estidas
biancu che nie, conchicoronadas,
e sos màscios cun tùnigas tessidas
cun filos untos d’ozu 20 , delicadas;
lis pendian in fiancos sas ispadas
de oro, in sas baìnas remunidas.
Unu in su mesu sonait s’aena,
duos a sàltios fin peri s’arena.
116 Cun pê seguru ballain, lezeri,
prim’a s’inghìriu (tales che sa mola
chi, sétzidu, vigiulat s’isterzeri
pr’ ‘ider si girat che sa furriola
a donzi ‘ettada ‘e manu) e, volenteri,
torrende pustis a su ‘ola-‘ola
in duas filas a si collocare
pro currer torra ‘e nou a s’attrumare!
647

Su ‘e chimbe
chircos e sas
àteras armas
Càntigu XVIII
117 Sa zente, ispassiada, a tzoccu ‘e manos
lis sighiat sa mùsica e sos passos
e nde fin prenos carrelas e giassos!
Sa fortza manna de sos Oceànos
in su ‘e chimbe, infinis, iscumpassos
imprentesin sos trastos soberanos
de su Mere ‘e su fogu, a cumpridura
s’iscudu ‘attende de rara fattura.
118 Sa coratza d’attarzu, ‘alu sighende,
l’approntesit massitza, lutzighente
che fogu fruscu o sole lampizende,
e, che medidu, s’elmu resistente,
cun unu indeoradu e imponente
pubusone in sa chima. E, agabbende
sa faina, cun s’istagnu ‘e puntare
pensesit unu e s’àteru caltzare.
119 A finis, affrisciados sos frailes,
torresit da-e Teti chen’ ‘istentu,
a pês ponìndeli, che mai cuntentu,
de su Pelide sas armas deghiles.
Los lêsit sa Donosa in su momentu
e, cun tonos a Efesto amabìles
ringratziadu, che ae ‘ardanera
furriesit da’ s’Olimpu Pê-lezera!
648

Sas armas noas de Achille
NOTAS DE SU CÀNTIGU DEGHEOTTÉSIMU
1 Glàuce [...] Talìa [...]: Ninfas marinas, sorres de Teti e fizas de
Nereu. Sas Neréides fin chimbanta.
2 t’an cun isse fortzada [...]: Teti diat aer cojuadu a Peleu mortale
custrinta da-e Era e da-e Zeus, non pro volontade sua.
3 ma l’at Era settesciadu [...]: In veridade Èrcole (o Èracle), segundu
una paristòria chi Omero nos riferit in sos poemas suos, diat aer
tentadu de si ‘occhire da-e perisse, appoi chi Deianira, sa pobidda,
cherféndesi assegurare s’amore sou, l’aiat mandadu una tùniga infusta
in unu lìchidu ch’issa crêiat amorosu e chi invece fit unu ‘elenu
mortale. Infattis Èrcole, appenas si ‘estesit cussu pignu, diventesit
furiosu e, arremiarzada linna meda, li ponzesit fogu e si ch’ ‘ettesit
in su mesu. In s’ora però una nue manna, inter lampos e tronos, lu
faschesit e che lu gittesit pro sempre a s’Olimpu, ue isposesit a Ebe,
dea de s’eterna gioventura. Giunone l’ at sempre contrariadu, sende
mortale, in dogni manera e momentu.
4 cantu mezus pro Ìlio a non m’offender [...]: Si trattat, infinis, de
bìndighi dies ebbia, ma pro s’eroe addolimadu paren mizas!
5 viles catziadores [...]:Viles ca ischian catziare chervos e àteros fiados
masedos, mancari arestes, chena nudda arriscare, e galu prîte sos
leoneddos chi s’aian gittu non fin a manera de si poder difender dae
perissos.
6 in Opunte [...]: Fit sa pàtria vera de Pàtroclo, sa ‘idda pius importante
de sos pópulos locresos.
7 Càrite [...]: Paret ch’inoghe si trattet de sa Gràscia e non de una
de sas tres deas connottas con tale nòmene (Eufrosine, Aglàia,Talìa).
In s’ODISSEA sa muzere de Vulcanu est Venus (Afrodite).
8 ca fia toppu [...]: Vulcanu nos faghet cumprender, faeddende gai,
una cosa noa e diversa da-e sa chi amos ischidu in su Primu Càntigu
(ottavas 105-109): diat esser nàschidu toppu e Giunone, birgonzéndesi
de àere unu fizu guastu, che lu diat aer imboladu da-e sa chima
‘e s’Olimpu.
9 Eurìnome [...]: Eurìnome fit una divinidade marina, fiza de
Océanu, sorre de Dóride, chi fit sa muzere de Nereu e mama de Teti.
10 Orione [...]: Zigante catziadore de sa Beòtzia, mortu da-e Diana
e, pustis, boltadu da-e Zeus in costellassione (budrone de isteddos).
11 sas sette fizas d’Atlante Titanu [...]: Sas sette fizas sunu sas
649

Càntigu XVIII
Plèiades (in sardu “su budrone”); Atlante, unu de sos Titanos, fit fizu
de Giapeto e de Climene; séndesi ‘oltadu contr’a su pôre ‘e Zeus,
istesit da-e custu settesciadu e cundennadu a rèzere a pala sas culunnas
chi sustenen sa bòveda de su Chelu.
12 Iades [...]: Istellas connottas pr’esser “carradoras d’abba”; a
s’accherada insoro comintzat, infattis, s’istajone ‘e sas abbas. Dian
aer allattadu a Zeus, chi las diat aer, pro custu, collocadas in mesu a
sas costellasiones de su chelu.
13 a grustu a grustu [...]: Boghe nugoresa. Unu grustu ‘e zente, a
narrer “unu coddu ‘e zente”.
14 acco’ duos pastores avantzende [...]: Si trattat de pastores de sos
inimigos, giaghi fit usàntzia ‘e si giugher, in gherra, cheddas de fiados
pro sos bisonzos de s’ite mandigare.
15 a làccana [...]: A làccana de su ‘e duos chircos, ossiat in su ‘e tres.
16 Ahi, Linu! [...]: Fit una cantone lamentosa, in ammentu de unu
giovaneddu disdicciadu, Linu, mortu, segundu una paristòria de su
tempus, da-e Apollo o, a nd’intender un’àtera, divoradu da-e sos
canes furiosos.
17 Dédalu [...]: Su ch’aiat costruidu su famosu labirintu de Cnosso
a Creta pro su re Minos, fizu de Zeus e de Europa.
18 Arianna [...]: Fiza de Minos (=Minosse), aggiuesit a Teseu in
s’impresa contr’a su Minotàuru, porréndeli su filu chi lu deviat
ghiare peri su labirintu de Cnosso.
19 Cnosso [...]:Tzittade de s’ìsula de Creta, famosa pro su labirintu
chi bi fattesit Dédalu.
20 cun filos untos d’ozu [...]: Prima de tèssere sas tùnigas sas féminas
de tando solian infùndere su filu de linu in s’ozu; custu serviat
pro dare a sos pignos unu lugore particulare, chi duraiat tempus
meda.
650

ILIADE
CÀNTIGU DEGHENNOÉSIMU
S’IRA ASSELIADA
Achille s’armat

Càntigu XIX
SUMMÀRIU
Teti torrat da-e Achille Ottavas 1-6
Sa diana de Achille 7-9
S’ira asseliada 10-21
Sa proposta de Odisseu 22-27
Sa risposta de Achille 28-30
Sa detzisione de Ulisse 31-42
Su piantu de Briséide 43-46
Su piantu de Achille 47-56
Achille s’armat 57-62
Achille e sos caddos suos 63-68
652

S’ira asseliada
1 Da’ sas intragnas bessinde marinas
fit Eos pizifrisca pr’ilgiarire
sa Terra cun miradas purpurinas,
cand’a sas naves d’Achille arrivire
acco’ a Teti, pro nde li ‘attire
sas de Vulcanu òperas divinas.
Pianghende a toroju l’agattesit
cun àteros ancora e li naresit:
2 –Fizu ‘e su coro, mancari accorados,
cheret chi nde muttedas su piantu
pro su mortu ‘e Menétziu mezus bantu,
giaghi leadu si che l’an sos Fados.
Sos arminzos ch’invece ammanizados
t’at Vulcanu accogli imperistantu:
niune –ti nd’ammenta– ‘e sos mortales
trastes at che-i custos parinales!–
3 Nênde gai, ‘e su deus soberanu
l’isterresit innante s’armadura
chi, tzirriende cun sarragu umanu,
ch’assustesit a cantos in tristura
fin cue cun su fizu, ‘e sa lugura
non resistende s’alluinu arcanu!
Ma, ‘idìndela, ‘e su patidu affeu
s’ammentesit Pelide ‘e Dardaneu!
4 Su fogu ‘e sa vinditta l’allumesit
galu ‘e pius sa cara e-i sa mente,
s’est ch’a la perissiare coittesit
giuilende de s’arte onnipotente,
boltèndela e mirèndela, oji-ardente,
bramosu ‘e l’impittare! E pustis nêsit:
–Duncas, o mama, accomi frunidu
de armas che simmai si nd’at bidu!
653
Teti torrat
da-e Achille

Sa diana
de Achille
Càntigu XIX
5 De s’arte sua su Mere ‘e su fogu
chérfidu m’at ancora pretziare
e deo ispero ‘e bi las onorare
da’ inoghe a pag’ora in cust’affogu.
Ma d’unu suddu lassa chi s’attrogu
galu ti fatta: su corpu ‘ermigare
dian poder, sutzende sas feridas
de Pàtroclo, sas muscas allimidas!–
6 E Pês de prata cun boghe ‘e cunfortu:
–Non timas, o fiore, àteru dannu.
Sas muscas che catz’ ‘eo da’ su mortu,
ne at a puder si finas un’annu
lu lasseras inoghe! Ma su tortu
tue olvìda ‘e s’Atride e s’ódiu mannu!
Faghe degoi: cunvòca sos tuos,
t’arma e bae, ch’est ora ‘e concluos!–
7 Nêsit; e de li crescher intr’ ‘e pettu
pensesit de sa gherra su disizu
e, lêndesi ‘e su mortu contivizu,
in nares li ‘ettesit chen’isettu
pagos lùttios de nèttare e un’aizu
d’ambròsia, pro chi resteret perfettu
su corpus de s’Eroe disdicciadu
finas a s’ora d’esser sepultadu.
8 Ispiàggia-ispiàggia caminende
tucchesit tando s’ispantu ‘e Peleu,
cun boghe poderosa cunvochende
sas armas de Fitia e sas d’Atreu.
In su l’intender, acco’, giuilende,
da’ sas naves ‘essìrende a boleu
custòdios, garzones, timoneris
e finas teracchia e coghineris!
654

S’ira asseliada
9 E nd’accudesin Ulisse e Tidide,
iscuderis de Marte, abbacchiddados,
toppi-toppi ambos duos ferizados,
e cabos... e gherreris... e s’Atride
in ùltimu, erèntzia ‘e su Cronide,
che simmai cun ojos ispantados,
finas isse lantadu da’ Coone,
sa frua d’Antenòre d’Ilione.
10 Pustis cando s’ ‘idesit inghiriadu
nêsit Pelide cun boghe segura:
–E cale pro a nois disaura,
o prim’Atride, ‘e su ch’est capitadu
b’aiat peus? Su Chertu affeladu
nos l’at su coro e pro s’ermosura
d’una giòvana! Ma prîte Diana
non mi l’at morta prima sa galana?!
11 Da’ Lirnesso torrende ‘ittoriosu
mi deviat brivare ‘e cuss’ispantu,
gai ‘e sa Morte s’ùrulu orrorosu
vittidu aian medas, ne piantu
aimis tantos frades! Ohi gosu
su d’Èttore troianu! E cale ‘antu!
De sa perricca nostra, so seguru,
s’an a ammentare in tempus benturu!
12 Siat comente, ne deo e ne tue
su ch’est sutzessu podimos giambare!
Si so torradu, cheret chi l’attue
in cara a tottu, est pro dissipare
sa ch’in coro tenia mala nue
e donz’offesa pro ismentigare!
Como l’ischides e custu est s’impignu:
tzessen pro sempre s’ódiu e su disdignu!
655
S’ira
asseliada

Càntigu XIX
13 Ma como, o Re, cumanda a sos Acheos
ch’a s’abbolottu torren, cantos sunu!
Fatt’insoro, chen’imbaru perunu,
galu deo contr’a sos Dardaneos
b’intro che prima! Emmo, pius d’unu
at a ficchire in cussos impeleos
cun sos benujos ledros che ‘iuncada
in s’affannu ‘e s’ultìma iscalcanzada!–
14 S’allegresin de sa detzisione
cantos bidos l’aian e cumpresu
e prus ancora re Agamennòne
si nêsit prontu e francu da’ su mesu:
–O frades, zente mia, pro ch’intesu
siat chie in cust’occasione
est faeddende o at de faeddare
sa prima allega est a si cagliare!
15 Mattana dat cust’arte fintz’a chie
isperièntzia tenet e prelletta;
si ciarra bi misciamos o maretta,
tand’adiosu! Nódida est sa die,
e ch’iscultedas su chi nât a mie
su coro ‘e narrer, chena prus s’appretta
de sa puntìglia, como bos pretendo
giagh’a Pelide rispetto e cumprendo!
16 Sa neghe m’azis dadu, cantas bias,
de sa perricca nostra, chen’ischire
chi Zeus, cun su Fadu e sas Arpias,
an sa faina chérfidu ‘ordire!
E ite fini e sun sas fortzas mias
contr’a s’insoro? O forsis impidire
podia a Ate pê-lezera e mala,
coment’at fattu, de trassare a pala?
656

S’ira asseliada
17 O crêides ch’in s’ ‘ider su Dardanu
insara bisestrèndenos felosu,
a s’ordinzu no apa ruinosu
pensadu d’Ate? Como, a coro in manu,
accomi inoghe, o fizu ‘irtudosu
e potente ‘e Peleu pilicanu:
de sa paghe ch’as chérfidu m’onoro
e de su ch’est sutzessu mi nd’accoro!
18 In s’intragna ‘e su mare che bettada
che siat donz’offesa e torret giara
tra nois che a prima sa mirada!
Intra a gherrare, atzenda sa fiara
de s’onore in sos d’Argo, cun sa rara
‘alentia chi sempre as ammustrada!
Su ch’Ulisse t’at nâdu a nomen meu
che frade ti lu porrit prim’Atreu!
19 E s’innanti ‘e t’ ‘ettare in cuss’istragu
bìdere sas ricchesas las cherferas
in manos tuas, trattene unu pagu
sa bramosia ch’as, chi ti sintzeras
de s’intentzione mia e t’appoderas
finas de chie t’at in dulche ammagu
postu su coro! Da’ sa nave, aise’,
donzi cosa ti nd’ ‘attin fintz’a pê’!–
20 «O gloriosu d’ómines segnore,
–rispondesit Pelide– e mi las dae,
giagh’est giustu e lu bramas a primore!
Antzis... a mezus oras in sa nae
las trattene. Pensamos a Ettòre
prim’invece, ca su momentu est grae!
Ne a bonu s’impresa la portamos
s’inoghe ciarra-ciarra nos nd’istamos!
657

Sa proposta
de Odisseu
Càntigu XIX
21 Sa lantza in manos mi brujat che mai
e àteru non bramo in vida mia
che’ su de m’agattare in s’arguai
cun sos de Troe e sa dardana ghia!
A sa vinditta ‘oltada oramai
ch’est sa mente! E bois a porfia
galu pensade de los bisestrare!»
Nêsit; ma s’Odisseu fattu a pare:
22 –Forte ses tue, Achille, e atzuridu
e de s’apprettu istimo sa rejone;
ma non podes pretender chi famidu
s’ ‘ettat s’Acheu contr’a Ilione!
S’atza non bastat in su bulione
(e longu paret custu e accanidu)
a sustenner su bratzu a totta die
s’est bóida sa ‘entre, crê’ a mie!
23 Su fàmine e su sidis, o divinu,
fintz’a su pius forte cumbattente
sos brios che l’istasin e sa mente!
Cun agguantu invece e determinu
in s’abbolottu intrat differente
chie est attattu e at bidu ‘inu.
Non li si mujan fàtzile sas ancas,
ne sas lantzas li ruen da-e francas!
24 Su tempus dalis nessi ‘e si leare
calchi cantu de petta e calchi tatza
finas de ‘inu russu ‘e si buffare
pro chi pottan, logrados, cun prus atza
a fiancu tou a s’impignu torrare
contr’a sa de Priàmu forte ratza!
Su ch’at prommissu intantu Agamennòne
chi ti nd’ ‘attat, narz’ ‘eo, o Mirmidone!
658

S’ira asseliada
25 In sa tenda, infinis, de s’Atride
pro festare su pattu d’amistade
mezus tue e su Re bos reunide.
O d’Argo soberana majestade,
pensa a su ch’est sutzessu cun Pelide
e cun giustìscia e prus umanidade
cun tottu ti comporta, s’as in brama
de meressire pôre, istima e fama!–
26 «O de Laerte fizu valorosu,
–li torresit faeddu prim’Atreu–
galu unu ‘olta d’esser virtudosu
as dadu proas e su coro meu,
chi no est faltzu, d’esser giudisciosu
mi nât de ti giurare innant’a Zeu.
Buddit Pelide, e nois cun isse,
ma finas giustu est su chi nât Ulisse!
27 Faghimos goi: de sos Panacheos 1
sèbera sos giovànos tue in persone
prus addattos e sos regalos meos
e sas féminas nd’ ‘atti a Mirmidone.
Taltibìu cun àteros acheos
chi pro Cronide e pro Iperione
nde truven unu ‘erre mannalittu
l’innèttien e l’appronten in s’appittu!»
28 E Pê-velotze: –O mere ‘e nois tottu,
de su pàrrere resto chi torredas
chen’àteru bistentu a s’abbolottu
e ch’onoràntzias e bustu lassedas
a istasero! Ch’in bucca pottedas,
poi ‘e s’affeu chi azis connottu,
mìntere calchi cosa non bi crêo,
ne a lu fagher bi resesso deo!
659
Sa risposta de
Achille

Sa detzisione
de Ulisse
Càntigu XIX
29 Su fele m’alimentat, cussu ebbia,
in oras che-i custa ‘e dolu mannu,
ne si m’asséliat, crêide, s’affannu
finas chi durat pro su mortu in bia
d’amigos e de féminas sa ria!
Sa vinditta a innante! Peus dannu
dên patire sos d’Èttore assassinu...
e currer dêt su sàmbene a trainu!
30 A piattu torradu, a serentina,
giustu invece mi paret ch’onoremos
d’Iperione sa frama divina
e a Cronide e chi nos approntemos
chena deghile! Manna est sa ‘errina,
e cheret prima chi nos attattemos
in diversa manera ojos e coro
ispramminende su samben insoro!–
31 Ma d’Ìtaca aggiunghesit su segnore,
s’apprettu de s’eroe cumprendende:
–Frade caru, s’est beru chi gherrende
prus de a mie dimustras valore
e de tottu, dês forsis, cunsizende,
tzeder sa pramma a chie est mazore
in annos de a tie. E s’isperièntzia
crê’ chi no est segunda a sa potèntzia!
32 S’isprammu de sa gherra e sa fadiga
coittan, própriu gai, a ch’istudare
in s’ómine sa tìrria e sa zibbiga
de chircare ‘e s’ ‘occhire pare-pare,
ca non bistentat unu a s’abbizare
ch’in cuss’arzola est paga s’ispiga
e meda su restùggiu ‘e sa messera,
a tales chi non giuat triulera!
660

S’ira asseliada
33 Mira cantos cumpanzos, cun su ferru
galu in manos istrintu, serenados
da’ s’ ‘iddia ‘e sa morte, chen’interru
b’at in tottue! E àteros soldados
an a ruer sighinde in cust’inferru!
Chi ‘enzan a su nessi sepultados
pensamos prima, ca nos est dovere
e c’a sos mortos faghet piaghere 2 !
34 Deo a sos donos penso ‘e s’amistade;
àteros su mannale chen’ ‘istentu
chi nde ‘attan pro sa divinidade.
Penset posca donzunu a s’alimentu,
chi si consolet e de bon’intentu
a sa gherra chi torret. Bazi, andade!
Coltz’a chie in sas naes s’aisettat
e sos cumandos mios non rispettat!–
35 Tucchesin sos pius; e contivizos
de ch’ ‘essire a sa tenda de s’Atride
si lêsit isse, ‘itténdesi sos fizos
de Nèstore, a Toante, a su Filide 3 ,
a Melanippu cun su Creontide 4 ,
a Merione ‘e Molo. E sos disizos
cherfende ‘e su Pelide accuntentare
coittesit gal’isse a seberare.
36 Sette treppiedis de rara fattura
da’ sas càscias innante nde ‘oghesit
e vinti infattu, d’àtera misura,
lebreris lutzighentes. Seberesit
sette isclavas donosas, si lêsit
sa de Briseu déchida ermosura,
dóighi caddos e, poi pesados,
deghe talentos d’oro non toccados!
661

Càntigu XIX
37 Cumprida sa faina, ‘e che torrare
pensesin da’ s’Atride chen’isviu,
in filérina, a bi los presentare.
Unu ‘erre in s’ispiàggia aiat biu
intertantu approntadu Taltibìu:
s’accurtziesit su Re pro li mutzare
sas tuddas da-e conca, a leppa in manu,
a s’Olimpu altzende ojos soberanu.
38 Cagliesit sa zente e nêsit gai
su mere de sos d’Argo: –O gloriosu
Babbu eterrenu, o Sole lumenosu,
o mama Terra, Erinnes, che simmai
pretzisas persighinde su trassosu
e-i su faularzu, s’apo mai
s’ispantu de Briseu tzirigadu
inoghe mi lassade settesciadu!
39 Gai comente bi l’apo leada
a Pelide la torro chena neu.
Siedas bois de s’ànimu meu
sos zuighes!– Detzisu, un’istoccada
desit posca a su ‘erre prim’Atreu,
isbentréndelu. Un’ismurrunzada
a su fiadu ‘essesit, un’appenas,
ficchende chena frua intr’ ‘e sas venas!
40 De che lu rodulare in su momentu
pensesit Taltibìu su mannale
finas a mare, a pisches alimentu,
ca fit leze chi mai unu mortale
aeret assazadu s’animale
sacrificadu pro su ‘iuramentu.
Nêsit tando Pelide: –O Zeus, Zeus,
non podias trassare ordinzu peus!
662

S’ira asseliada
41 Agamennòne una simìle offesa
mai m’aiat fattu a mente fritta,
ne in pettus tant’ira malaitta,
crêide, si mi fit che fogu atzesa
pro sa fémina mia! Sa vinditta
(emmo, est gai!) ‘e s’olìmpica Altesa
sun custos mortos! Ma como pensade
a mandigare e lestros nde torrade.–
42 A sas naves insoro s’avviesin
a su cumandu cabos e soldados
e de su chi b’aian s’attattesin.
A che gigher invece sos siddados
a sa de Pê-velotze coittesin
sos Mirmidones e, poi assentados,
e a sos caddos posta sa proenda,
sas féminas ch’intresin a sa tenda.
43 In s’ ‘ider, a s’intrada, chena vida
a Pàtroclo in su tùmbaru allogadu,
che s’aeret su coro istoccatzadu
urulesit Briséide dechida,
bella che Venus: –Che flore allizadu,
o prenda rara, cando so partida
non ti lassei, no! Ello comente
como t’inghìriat unu coddu ‘e zente?–
44 Lênde pustis su pettus e sa cara
a si mazare, pilisolta: –O frade,
o prìntzipe d’eroes, mi lu nara!
Un’upa ‘e morte e d’infelitzidade
da’ tempus mi persighit giara-giara!
De Minete 5 a innante sa tzittade 6
bidei inchesa, s’isposu imprommissu 5 ,
e cun tres frades mortu finas issu!
663
Su piantu
de Briséide

Su piantu
de Achille
Càntigu XIX
45 Cando a ùrulos malos m’intendesti
(ohi si mi l’ammento!): –Sias forte!
–che frade affriscionosu mi naresti–
No, non piangas, c’as aer in sorte
d’esser s’isposa –gai promittesti!–
d’Achille gloriosu! Ma sa Morte
negadu t’at su gosu ‘e cussa die,
ne penso lu cuntzedat prus a mie!–
46 Unu suspiru donzi dolidora
bettesit fattu sou e unu gridu,
lastimende su gióvanu atzuridu
e s’ura trista insoro prus ancora.
Chi assazadu aeret e bidu
calchi cosa tentende fin s’ora
a Pelide ‘e cumbincher sos Antzianos,
ma fin cumbidos e isprones vanos.
47 «No insistedas, –narait a tottu
a mesa ‘oghe– lassàdemi solu!
Grae est su dannu e mannu su dolu;
solu m’attattat como s’abbolottu!
Bazi ‘ois... e su giustu consolu
dade a su corpus, pr’esser in s’atzottu
detzisos che simmai a fiancu meu
pro s’onore ‘e sos d’Argo e de s’Atreu!»
48 Tucchesin cantos fin a mandigare,
foras ambos Atrides, Odisseu,
Fenice pilicanu, Idomeneu
e Nèstore, pensende ‘e l’alleviare
s’affannu nessi in parte. Ma ‘oltare
non podiat su fizu de Peleu
aterue sa mente, manc’azigu,
da’ sa cara de nie de s’amigu!
664

S’ira asseliada
49 Antzis, che si l’aeret a innante:
–O coro, –li muttiat– dulche prenda,
cantas bias e cantas in sa tenda
m’as sa mesa approntada e abbundante!
Àteros como, o sorte menguante,
si lean coidadu ‘e s’affatzenda!
Ma ne fàmine e sidis prus m’intendo
e solu samben... sàmbene pretendo!
50 Fritza paris dannarza, vida mia,
non mi podiat su Fadu ficchire!
Ne, crêami, ‘e pius dia sentire
sa morte ‘e babbu meu, ch’in Fitia
làgrimas bettat caldas d’angustia
in s’isettu de m’ ‘ider recuire,
o de Neottolemu 7 , dulche lizu,
s’est biu ancora in Sciro 8 , ùnicu fizu!
51 Deo solu crêia a ferru in manu
de dever morrer –fit custa s’ispera–
da’ Argo, mama ‘e caddos, a lontanu...
ma fit s’afficcu meu una chimera!
Tue devias fàghere a manera
sas naves da’ su logu troianu
de che torrare finas a Fitia
passende da-e Sciro, tue ebbia!
52 Fis tue, própriu tue, chi devias
a su fizu ammustrare ogni ricchesa,
sa domo manna e-i sas teracchias!
Giagh’est mortu Peleu o sa ‘etzesa
o isettu ‘e s’imbàscia 9 sas pupias
l’an a calaginare cun lestresa,
tue sa ghia, su frade mazore,
devias esser de cussu fiore!–
665

Càntigu XIX
53 Gai pranghiat Achille a succuttu;
e finas cuddos chi si fin trattesos
cun isse lagrimesin, limbipresos,
sos fizos ammentende a coro alluttu,
s’isposa e-i sa pàtria. Ma intesos
istesin da-e Zeus, ch’a su fruttu
nêsit sou ispantosu: –Duncas pena
prus non ti leas d’Achille, o Atena!
54 In sas naves lu mira de su portu
carenadas cun arte, pianghende
a Pàtroclo ‘e Menétziu a chizu mortu!
Falabe-i, o donosa, caminende
e cun s’ambròsia, giagh’est deunende,
e su nèttare pórtali cunfortu.
Non dia cherrer chi sidis e fàmine
sian su dannu sou, a su diàmine!–
55 Nêsit; e da’ s’Olimpu Tritonea 10
(ch’aiat sa matessi intentzione)
che astore ‘ola-‘ola a s’ala achea
tucchesit de su portu d’Ilione.
S’accurtziesit lestra a Mirmidone,
lu cunfortesit de cussa tenea
chena si li mustrare e, sempr’a bolu,
torresit a su monte ‘e su consolu.
56 Da’ sos navios bessinde s’ ‘idian
intantu sos gherreris ben’armados
cun lantzas e ispadas, impressados,
chi da-e Tronu ‘e gherra 11 recuian.
E sos elmos de brunzu lis lughian
che bàttiles de frocca chi, attrumados,
in un’oju de sole, che appentu,
peri s’aera si gighet su ‘entu.
666

S’ira asseliada
57 E giuilende pariat sa terra
de sas fiamaridas rujas-oro
e de s’apprettu ‘e sos passos insoro
che si esseran mùsica ‘e chiterra!
Oh, ammaju orrorosu de sa gherra!
Gai sas armas de raru decoro
lêsit a si ‘estire Pê-velotze
cun oju alluttu de lupu ferotze!
58 Sos burtzighinos cun tìbbias de prata
a sos pedes innanti si prendesit
e sa coratza lezera e cumpatta
a difesa ‘e su pettus; si ‘ettesit
subra palas s’ispada e s’aggiuesit
s’iscudu portentosu: paris patta,
in su lu mover, lughinzesit custu
a sa giaria ‘e sa luna ‘e s’austu!
59 Tales comente a chie est in affogu
in s’oceànu navighende in mesu,
lumenosu, in lu ‘ider da-e tesu,
apparessit e pàsidu su fogu
ch’in su cuile d’unu monte atzesu
s’an sos pastores, paris ruju-grogu
fit s’alluinu, e finas arcanu,
de su traste ispantosu de Vulcanu.
60 Lêsit s’elmu depustis maestosu,
coudu a filos d’oro, lutzighente
che isteddu, e in conca, pressosu,
si lu ponzesit. E pr’ ‘ider comente
l’istaian, si movesit repente
mujéndesi, inciunéndesi e cun gosu
notesit chi lezera s’armadura
fit che puma e in prus giusta a misura.
667
Achille
s’armat

Achille e sos
caddos suos
Càntigu XIX
61 De una lantza infinis Mirmidone
(chi teniat cun cura costoida)
si frunesit massitza, costruida
da’ unu frassu ch’aiat Chirone
dadu a Peleu. Perunu campione,
pro cantu atzudu e forte, s’attrivida
aiat fattu mai ‘e l’impittare
a tales fit pesosa e longa umpare!
62 A su carru sos caddos immortales
intertantu l’aian attaccados
Alcimo 12 e Automedonte, istrigliados,
a camu in bucca, cun sos pettorales
a sas lórigas bene assegurados
e sas brìglias tiradas parinales.
Posc’a susu, istringhende su fuette,
che pighesit su fizu ‘e Diorete 13 .
63 Cun unu brincu chen’àter’isviu
galu ch’altzesit su fizu ‘e Peleu,
bellu che Sole cand’est pius biu,
e cun boghe attarzina: –O Xantu meu,
–a sos fiados nêsit– o Balìu,
ispantos de Podarge, a un’ ‘oleu
da’ Èttore torrade, a fagher prou
si recuides chena ghia ‘e nou!
64 Bidimos s’in su piuer mi lassades
che Pàtroclo ‘e Fitia chena frua
o s’invece da’ mesu a cussa lua,
poi attattu de samben, non torrades
cun megus a inoghe e giuilades!–
Finas a terra mujesit sa ‘iua
Xantu in l’intender e a Mirmidone
rispondesit cun sa ‘oghe ‘e Giunone:
668

S’ira asseliada
65 –Pro una ‘olta ancora ‘e recuire,
o valorosu, disponet sa Sorte!
Ma s’ùltima at a esser, ca sa Morte
t’inghìriat oramai! A ti l’ ‘ordire
no est su currer nostru a pianu o forte,
ma Zeus cun su Fadu! E a t’ ‘occhire
s’amigu raru ch’aias che frade
galu est bistada sa divinidade!
Dare sa pramma a Èttore troianu
at chérfidu ‘e Latona Arcu ‘e prata,
ma est Issu, a lu narrer, ch’in suffratta
l’at postu pagu innante a su giovànu!
Tales tue as a ruer paris patta:
pro pôre primma d’unu soberanu
e d’un’ómine pustis 14 ! Ne a bolare
prus de Zefìru t’amos a salvare!–
67 Nêsit; e sas Erinnes su faeddu
de li muttire pensesin in bula.
Ma, si che puntu l’aeren a sula,
l’abboghinesit Achille: –Oh, appeddu
su tou, o Xantu! Assiat trasula!
Proite mi mattanas su cherveddu?
Non sun lereddas chi deghen a tie
sas chi m’as fattu! Ma inte’ a mie!
68 S’ordinzu de su Fadu m’est ladinu
e non da’ oe: attesu da’ Fitia,
da-e Peleu e da-e mama mia
chi morza at decretadu su Destinu!
Ch’ ‘enzat cuss’ora! Ma prima a porfia
currat samben in Tròia! E a trainu!–
Sas brìglias lis tiresit nênde gai,
a ùrulos tucchende a s’arguai!
669

Càntigu XIX
NOTAS DE SU CÀNTIGU DEGHENNOÉSIMU
1 Panacheos [...]: Àteru nòmene de sos Acheos.
2 a sos mortos faghet piaghere [...]: Infattis sos Mortos non podìana
intrare in s’Ade innanti de sa sepoltura.
3 Filide [...]: Megete, fizu de Fileu.
4 Creontide [...]: Licomede, fizu de Creonte.
5 Minete [...] s’isposu imprommissu [...]: Re de Lirnesso, maridu de
Briséide, mortu da-e Achille.
6 De Minete sa tzittade [...]: Lirnesso, tzittade de sa Mìsia.
7 Neottolemu [...]: O Pirru, fizu de Achille e de Deidamìa.
8 Sciro [...]: Ìsula posta a nord-est de s’Eubea.
9 isettu ‘e s’imbàscia [...]: Peleu ischiat da-e Teti, sa muzere, chi su
fizu non fit recuidu ‘iu da-e sa gherra de Tròia.
10 Tritonea [...]: Àteru nòmene de sa dea Minerva o Atena, derivadu
da-e su riu Tritone, a Issa cunsacradu.
11 Tronu ‘e gherra [...]: Appellativu de Marte, deus de sa gherra, chi
‘enit impittadu, in s’Ilìade, finamentas però pro eroes mannos
meda, cales Achille, Èttore, Aiace Telamone e àteros puru.
12 Alcimo [...]: O Alcimedonte, cumpanzu e iscuderi de Achille.
13 su fizu ‘e Diorete [...]: Automedonte, cumpanzu e iscuderi de
Achille, fizu de Diorete.
14 un’ómine pustis [...]: S’ómine chi at a bocchire a Achille at a
esser Paris (Pàride o Alessandru), ma su fattu no est contadu in
s’Ilìade.
670

ILIADE
CÀNTIGU VINTÉSIMU
SAS VALENTIAS DE ACHILLE
Sas valentias de Achille

Càntigu XX
SUMMÀRIU
Sos Deos a Cunsizu Ottavas 1- 6
Sos Deos in battàglia 7-12
Febo intzitat a Enea 13-19
Era e Posidone 20-27
Enea e Achille a cara a pare 28-30
S’atzottu de Achille 31-36
Sa risposta de Enea 37-38
Sa rébula troiana 39-47
Su duellu 48-52
Posidone bàrdiat a Enea 53-62
S’intzitu de Achille e de Èttore 63-66
Febo ch’istorrat a Èttore 67-76
Èttore affrontat a Pelide 77-83
Àteros bisestros de Achille 84-92
672

Sas valentias de Achille
1 O Achille divinu, gai ‘e nou
s’armesin in sas naves sos Acheos
animados currinde fattu tou...
e sos eroes galu dardaneos
a s’àter’ala! E a deas e deos
da-e Témide 1 in s’Olimpu sou
fattesit Zeus mannu cunvocare
c’aiat avvertèntzias de lis dare.
2 A su cumandu de su Soberanu
ch’ ‘essesit sa Donosa e in pag’ora
in s’eterrena lùghida dimora
acco’ sa Corte, foras Oceànu,
reunida intrea. Da’ lontanu
sos Rios nd’accudesin e ancora
sas Ninfas de sos buscos maestosos,
de sas funtanas e padros benosos.
3 De si che sêre, appenas arrividu,
in sas cadreas pensesit donzunu
ch’in sa lolla ‘e sa domo costruidu
Efèsto aiat. E nêsit Nettunu,
ch’in presse finas isse recuidu
fit da’ su regnu sou: –E cales sunu
sas cosas, Zeus, chi nos deves narrer?
O de sos Deos bramas calchi parrer?
4 Forsi a leare sa detzisione
a inoghe nos giamas tottucantos
pro sa gherra felosa d’Ilione?–
E Zeus, sétzidu in mesu a sos santos
meres de su mundu: –O Posidone,
própriu gai! Luttos e piantos
su die annùntziat nôs pro sos de Troe
e como b’intrat su Pelide eroe!
673
Sos Deos
a Cunsizu

Sos Deos
in battàglia
Càntigu XX
5 A comente s’agattat affeladu
pro sa pérdua ‘e Pàtroclo ‘e Fitia,
si a lu ‘ider prima bratz’armadu
fuian sos ‘nimigos che a porfia,
como finas sos muros, berumia,
reos non rezen appenas torradu!
Sa sorte l’est contrària, est deasie!
Ma b’at calcunu chi lu frimmet? Chie?
6 Si bos brivei innante ‘e bos misciare
in s’abbolottu pro motivos meos,
como bos naro: –O sorres, frades deos,
intradebe-i cantos sezis pare
pro chi non penden cussos impeleos
a una parte ebbia! A los mirare
deo inoghe mi nd’isto a gosu a gosu,
d’ ‘ider cantu sutzedit curiosu!–
7 Cagliesit Cronide onnipotente
e, giaghi nemos lu contrariesit,
si dispidesin tottu e s’apprettesit
a falare donzunu, cor’ardente,
a s’ilìacu chertu. E, sicomente
fin de parrer diversu, s’aunesit
donzi deu cun sa cungrega sua
pro mezus resessire in tanta lua!
8 Gai tucchesin da’ sos d’Argo in s’ora
Giuno e Atena, cun Poseidone,
mere mammu ‘e sas undas, e ancora
Ermes, sàbiu in cada chistione,
e Vulcanu, ‘e bon’atza gherradora
mancari anchimodde. A Ilione
desin invece Marte, Febo, Diana,
Xantu, Latona e Venus galana.
674

Sas valentias de Achille
9 Contr’a Troe in s’ora fin cun fide
lênde a tuccare sos gregos soldados,
cuntentos de s’ischire accostazados
in cuss’arte tremenda da’ Pelide.
A coro in bula, cherveddiluados,
sos d’Ettòrre invece Priamide
si nd’istaian frimmos, a innedda,
dudosos tottu e a tremularedda!
10 Cando però in mesu a su fiottu
galu b’intresin acutos sos Deos,
felosu abboghinesit s’Abbolottu
Danaos artuddende e Dardaneos!
E Minerva, currinde in mes’a tottu,
urulesit da’ s’ala ‘e sos Acheos
e Ares da-e s’àtera, che tronu,
da’ sa palinza ‘e su Callicolonu 2 .
11 Tronesit da’ s’Olimpu Zeus mannu
e Nettunu sa Terra isbattulesit
a tales chi de s’Ida trinnighesit
donzi monte, donz’ ‘adde e in affannu
finas sa rocca ‘e Tròia s’agattesit!
E Ade, suttaterra, d’aer dannu
si lamentesit in s’ora, crêttende
chi si l’esseret s’Inferru abberzende!
12 Gai contr’a Nettunu soberanu
si paresit Apollo saettante,
Marte contr’a Minerva oji-brillante,
contr’a Era Diana a arcu in manu;
Latona a Ermes s’ ‘idesit innante,
tucchesit Xantu a s’ala de Vulcanu.
E che fogu cando si b’ ‘ettat sida
s’allumesit s’ilìaca disfida!
675

Febo intzitat
a Enea
Càntigu XX
13 A Èttore intantu fit chirchende
de sebestare Pelide in s’apprettu
a coro unfiadu e cun ojos mirende
de astore a dresta, a manca, ‘erettu!
L’ ‘idesit Febo, e lestru a su trettu
tucchesit ue Enea fit gherrende
e, leadu su corpu ‘e Licaone 3
li nêsit simulende s’intentzione:
14 –O sàbiu cumandante, barra ebbia
adducas –penso deo– fit sa tua
cando contr’a s’Eroe de Fitia
chi fis prontu a li dare mal’antua
nos naraias! O forsi sa lua
de su ‘inu fit atza ‘e valentia
a ti minter in corpus e in laras?
Si no est gai e prîte t’aimbaras?–
15 E su d’Anchise rebuddu divinu:
–O frua de Priàmu, non m’impudo
de l’aer nâdu e finas refudo
ch’a mi dare coràggiu fit su ‘inu!
D’esser paris a isse non m’illudo!
Àteras boltas postos su destinu
nos at a cara a pare e resessidu
so sempre a li fuire 4 a s’atzuridu!
16 Cando nos assaltiesit cussu forte
in sos padros de s’Ida sos masones
e dannos in Lirnesso e distrussiones
fattesit e in Pedasu, sa morte
resessei a vittire! In sos garrones,
non lu nego, mi at pro bonasorte
Zeus postu lebiesa cudda ia,
ca non b’aiat mezus valentia!
676

Sas valentias de Achille
17 Non fit eroe ‘e poder cuntrastare
si, lùghida che sole ‘e mesudie,
Atena be-i fit a l’ispronare!
Troianos, Lelegeos 5 ... chie... chie
si li podiat innante parare?
Pro custu, o Licaone, crê’ a mie,
niune contr’a isse faghet tzacca,
ca tenet bon’arrumbu sempr’affacca!
18 Sas lantzas suas sun sempre perfettas,
non faddin mai, che si las ghierat
una manu divina... ohi, saettas!
Si s’Olimpu però nde li ‘ogherat
s’affianzu e sa sorte detziderat
de pattare ‘e sa gherra, ah, non crêttas
chi paris siat forte a ferru in punzu,
mancari nerzan chi siat de brunzu!–
19 E chena tzeder Apollo: –O Enea,
ello tue de Venus non ses fizu?
E dia narrer finas d’una dea
chi contat in s’olìmpicu Cunsizu
prus de sa sua! Intra in sa pelea,
l’affronta e non lu timas manc’aizu!
Sempr’a costazu de su fruttu insoro
istan sas mamas, t’ammenta, e cun coro!–
20 Nênde gai li desit fide noa,
s’est ch’a innante cun sa lantza in manu
tucchesit contr’a Achille su dardanu
resinnadu a tentare tanta proa!
Ma non passesit cussa trassa in coa
a s’oju de Giunone soberanu:
deas e deas lestros cunvochesit
Era de s’ala sua e lis naresit:
677
Era
e Posidone

Càntigu XX
21 –E comente podimos resessire,
o Atena, o Nettunu, mi narade
a Enea de poder impidire
d’affrontare a Pelide? Lu mirade
lùghidu ‘e brunzu, chena lu timire,
tucchende a lu chircare! Bi pensade!
Postu l’at Febo in coro bon’isprone,
ma non dêt lomper da’ su Mirmidone!
22 Cheret chi l’istorremos da’ s’impresa
catzendechelu insegus o falende
a fiancu ‘e su nostru cun lestresa,
pro chi s’abbizet Achille, gherrende,
chi sos Deos chi lu sun avversende
e chi lean de Tròia sa pretesa
ne pius fortes sunu de a nois,
ne prus detzisos! Ite nâdes bois?
23 Cun unu tzinnu o àteru a Peleu
li devimos s’affianzu cunfirmare
ca, contràriu bidéndesi unu deu,
si diat poder finas iscorare!
S’esser nois a bèttia procurare
non dêt dannu a isse in s’impeleu!
E gai siat, giaghi s’ùltim’ora
no est pro Pê-velotze ‘énnida ancora!–
24 E torréndeli ‘oghe Posidone:
–Gai lestra non t’altzes, o divina,
e ne t’ampruddes chen’una rejone!
Diversa diat esser sa ruina
si, puntos nois da-e sa ‘errina,
detzidemis d’intrare in su bulione!
Abbarràmunos mezus in disparte
e a issos lassàmula cuss’arte!
678

Sas valentias de Achille
25 A un’ala a sa lerta nos nd’istamos
cun un’oju paradu a s’ala amiga,
cun s’àteru a sos deos. Si notamos
chi a Febo o a Marte sa zibbiga
altzerat de b’intrare, lis mustramos
(ma solu tando) e chena fadiga
chi lis cumbenit a si retirare,
contr’a issos tucchende fianc’a pare!–
26 A si che sêre pustis impressadu,
cun sos suos infattu, coittesit
subr’a su muru su deus sobradu,
chi pro Èrcole Atena fraighesit
cun sos de Troe, cando, airadu,
isse e tottu unu mostre li mandesit
offesu ca su forte campione
aiat liberadu a Esione 6 .
27 Chintos da’ una nue soberana
s’istesin cue sos de parte achea
e galu sos de s’ala dardanea
de non crescher pensesin sa mattana
abbandéndesi da-e sa pelea.
A sa palinza, lestros, troiana
de su Callicolonu che ‘olesin
e deos e fainas cuntrollesin.
28 De ómines e caddos si fit prenu
su paris d’Ilione imperistantu
e sutt’a pedes che mortale cantu
rintronait sa terra! Su ‘elenu
ispartu da’ su Chertu fit intantu
su coro ‘e tottu poninde in appenu,
cand’a Pelide Enea dardanu
notesit avantzende a lantza in manu.
679
Enea e Achille
a cara a pare

S’atzottu
de Achille
Càntigu XX
29 Restesit frimmu in sa detzisione
de li poder muttire passu e atza
e ben’affianzadu in sa coratza
lêsit su filu de su Mirmidone,
ch’a s’incontra l’ ‘eniat che leone
seguru e imponente, ch’in sa catza
de canes non si curat, ne canarzos,
mancari armados d’acutos attarzos.
30 Chi solu cando s’intendet colpidu
sa conca coronada ‘oltat repente
a s’ala avversa, mustrende a sa zente
ch’in fiancos su traste l’at ficchidu
sas dentes mannas e, inferotzidu,
si ‘ettat tirriende prontamente
a bìnchere o a perder cussa proa
mazendesi sos lumbos cun sa coa!
31 A tales, cun su coro in abbolottu
pro sa morte ‘e s’amigu, s’intendiat
Achille, protzedende innant’a tottu.
E s’est abberu chi prus bramaiat
de dare a Priameu mal’atzottu,
in s’ ‘ider ch’a s’abboju tuccaiat
Enea chena duda e punz’armadu,
de li narrer si lêsit coidadu:
32 –Fizu d’Anchise, e proite a innante
tuccas solu a s’esércitu dardanu?
Forsi cun megus, gherrende a marranu,
de fagher prou pensas a s’istante?
O prommissu t’at Prìamu troianu
d’Ilione ‘e ti fagher cumandante?
E créttidu l’as tue, no est gai?
Pro cussu avantzas detzisu che mai!
680

Sas valentias de Achille
33 Si puru resesseras a m’ ‘occhire
non bi lompes derettu a cussa trona!
O lu crês iscasciadu a non porrire
a unu de sos fizos sa corona?
Cun calchi tanca manna o binza ‘ona
t’an nâdu forsi de ti preferire?
E tue, ingolumadu a tant’alliccu,
aja’ chi tentas, ma cun cale afficcu?
34 Duncas de cando in s’Ida t’assaltiei
e sas mandras chi bi fis pasculende
chena fadigas mannas ti nde lêi
non t’ammentas? Sa ‘olta, ijantinende
che si t’esseret –naro– persighende
sa Morte in persone, ti ‘idei
a Lirnesso fuinde a t’inserrare,
bramosu solamente ‘e ti salvare!
35 B’arrivesti, est beru, ma fuidu
ses pustis pagu finas da’ incue,
prus de a prima ancora a pesa e rue,
ca t’apo cussu situ destruidu,
da-e Zeus Cronide –pensas tue–
e da-e Tritonea favoridu!
E siat, ti nar’ ‘eo! Ma sa die
chi est –mi conta– ch’as salvadu a tie?
36 Canta zente ‘occhei, ti l’ammentas?
Cantas vìrzines de sa libertade
an perdidu sa lughe? E oe tentas
su chi non podes! Sa divinidade
galu cheres fortzare? O t’ausentas
in ragas tuas o a deus Ade
cheret chi t’accostazes custa ‘ia!
L’atzetta in tempus s’avvertèntzia mia!–
681

Sa risposta de
Enea
Sa rébula
troiana
Càntigu XX
37 «O Pelide, –torréndeli faeddu
li naresit Enea– e giamba tonu!
O crês chi treme da-e s’assucconu
che pitzinnu a báulu ‘e catteddu?
Aspru e pittigàntzulu so ‘onu
finas deo a ti fagher un’appeddu,
ma prus cunsizan istima e prudèntzia
nessi ‘e nos rispettare pro s’erèntzia!
38 Da-e sa ‘oghe ‘e famados cantores
de cales ses, ‘e cale so ereu
amos intesu: tue de Peleu
e de Teti divina as sos umores
pius dignos leados; babbu meu
est Anchise e de paris unores
puru mi ‘anto da-e parte ‘e mama,
ca so de Venus s’amorosa brama!
39 Sos tuos o sos mios dên su fruttu
oe piangher de s’amore insoro,
giaghi per terra, trapassadu in coro,
unu at a esser, primm’ ‘e sero, ruttu!
Si m’iscultas però ti fatto muttu
de sa rébula ‘e sa cale m’onoro:
notóriu est chi nàschidu est Dardanu
da’ sa potèntzia ‘e Zeus soberanu.
40 Sa’idda’e Dardanìa 7 fraighesit
cuss’antigu segnore accurtz’a s’Ida
(Tròia non fit ancora costruida)
e unu fizu ebbia generesit,
a Erittóniu re 8 . S’ómine istesit
prus riccu ‘e benes, cun domo frunida,
custu ‘e su tempus sou, s’est ch’aiat
ebbas chi mancu su númmaru ischiat!
682

Sas valentias de Achille
41 Tremizas nâchi fini, candeladas,
cun s’intinnu che sole lutzighente
e tottas in pius pudderigadas!
E paret chi Borea cor’ardente
finas nde l’apat dóighi imprinzadas,
che istallone mùrinu e potente
recuinde a sos padros de su logu
annija-annija cun ojos de fogu!
42 Sas dóighi puddedras (oh, ispantu!)
da-e appenas nàschidas currian
subra de sos laores lèbias tantu
chi sas ispigas non bantzigaian!
E galu a pizu d’abba bolaian
chen’incrispare su marinu mantu!
Da’ Erittóniu bessidu nd’est Troe
pro sighire s’erèntzia a bonu proe!
43 E da-e Troe nde brotesin trese
de nóbiles frueddas, o Peleu:
Ilo, su ch’at a Ìlion postu in pêse 9 ,
Assàracu 9 , bisaju-mannu meu,
e Ganimede 9 , ch’a s’Olimpu ‘e Zeu
pro chi serverat su Re de sos rese
che lêsin sos Biados immortales,
ca fit su pius bellu ‘e sos mortales!
44 Apesit Ilo in generassione
a Laodamante, e custu ancora
àteros chimbe: a Prìamu, a Titone 10
(chi cojuesit posc’a s’Aurora),
a Lampu, a Clìziu, a Icetaone,
paris a Marte in s’arte gherradora.
Da-e Assàracu est Capi 11 naschìdu
e da-e custu Anchise coro-nîdu!
683

Su duellu
Càntigu XX
45 Fizu d’Anchise infinis so deo
e fradile d’Ettòrre Priamide.
Cust’est s’ereu, o forte Pelide,
de su cale m’onoro. Pero crêo,
acco’ prîte non timo e non m’arreo,
ch’a dare siat sempre su Cronide
a unu o a s’àteru sa glòria
de meressire in gherra sa vittòria!
46 Muttimundelas como sas lereddas
ch’est ciarra pista, e de nos inzulzare
tra nois che piseddos pare-pare
o che sas brigajolas femineddas
addaghi lean a si rinfacciare
peccos veros e faltzos, sas munneddas
tiréndesi e sos tzuffos, affeladas,
in mesu a sa carrela accolondradas!
47 Che resorza est sa limba a duas attas
e cheret ch’istet s’ómine allertadu
in sa manuza, prima ch’isempiadu
s’agattet ambas manos paris pattas
da’ s’arma ch’isse e tottu at impittadu.
Cun sas beffes crês forsis chi mi fattas
lassare cust’impignu? No, sa lantza
cheret ch’imprees! Adducas avantza!»
48 Nêsidi; e cun canta aiat atza
s’aina sua ‘e brunzu l’imbolesit
ch’a s’iscudu frusciende s’attappesit
mannu ‘e Pelide che colpu de matza.
Timinde ‘e l’arrivire a sa coratza,
d’istintu da-e nante si ch’ ‘oghesit
tand’Achille s’amparu soberanu,
da’ su pettus tenìndelu a lontanu.
684

Sas valentias de Achille
49 Ohi suddu su sou! Ello comente
resesser podet s’ómine in s’impresa
de ‘incher s’arte de s’Onnipotente?
Gai de duos pizos sa difesa
passesit cussa lantza solamente,
in su ‘e trese restende trattesa
d’oro massitzu, chi s’Ancattoppadu 12
l’aiat in su mesu collocadu!
50 Sa lantza sua tando chen’ ‘istentu,
umbrilonga, de frassu, a marrania
l’avviesit s’eroe de Fitìa
cun s’afficcu de lomper a s’intentu
de li cagliare ‘oghe e valentia!
Ma, muidende, s’arminzu che bentu
finas isse in s’iscudu s’attappesit
de s’inimigu e bi lu trapassesit.
51 Si non restesit su dardanu offesu
est ca su traste ‘e su fizu Peleu
s’iscudu non zembresit in su mesu
ma in s’orizu ‘e fora! Reu-reu
bi lu passesit, tucchende a boleu
in terra a si felchire pagu attesu,
pustis de l’aer sa pala isfrijadu,
lasséndelu che mai abbereladu!
52 Nd’isbainesit delusu s’ispada
tand’Achille e un’ùrulu dannarzu
cun canta ‘oghe aiat in s’isgarzu
bettesit, avantzende a manu armada.
In su l’ ‘ider Enea, a s’impressada
s’aggiuesit da’ terra unu marrarzu
pesosu a tales ch’a lu suppesare
duos omínes non bastain pare.
685

Posidone
bàrdiat
a Enea
Càntigu XX
53 E si fin custa ‘olta isgrammentados
ambos duos eroes de seguru
(e sa frua de Venus fintzas puru
vida e onore b’aiat lassados!)
si a sos deos Nettunu biados
(a su destinu pensende benturu
de su d’Anchise nóbile rebuddu)
non li narait coittende in suddu:
54 –Dolu m’intendo in su coro e pibiu
pro su ch’est a Enea sutzedende!
Miràdelu... miràdelu avantzende
contr’a chie prus d’isse tenet briu!
Pro lomper a inue... a su riu
orrorosu de s’Ade? Cunfidende
in s’aggiudu est de Febo s’imprudente,
ca l’at illusu su deu e comente!
55 Oh, iscabadu! Chene una rejone
e sena tenner neghe dêt tuccare
duncas a s’Ade chie devossione
sempre at mustradu in nos onorare!
Chi lu ‘occat devimos evitare,
o deos de s’Olimpu, Mirmidone,
e pro chi Zeus pustis, in l’ischire,
non penset a sos d’Argo de punire!
56 Chi campet bramat Cronos su giovànu
de Anchise e de Venus forte fizu
pro chi sigat sa rébula ‘e Dardanu!
De s’Eterrenu est custu su disizu!
Da-e tempus a Prìamu troianu
at in disdignu e pôre e contivizu
cheret dare a Enea e a s’erèntzia
e foras d’Ìlion àtera potèntzia 13 !
686

Sas valentias de Achille
57 Li rispondesit Era: –O frade mannu,
ti cumporta comente mezus bramas
cun s’eroe dardanu in cuss’affannu,
tantu sa sorte ‘e Troe non l’istramas!
Fintz’a l’ ‘ider allutta da’ sas framas
de sos Acheos, in mortale dannu,
non tzessat s’ódiu meu e ne d’Atena
pro su ch’at fattu Paris a Elèna!
58 Chen’imbaru, poi ‘e l’aer intesa,
tucchesit Posidone da’ Enea
e, léndelu a ispintas, in lestresa
che l’istorresit da-e sa pelea,
a pustis d’aer sa potèntzia achea
cun una nue ‘e néula rappresa
faschéndeli sos ojos pro vittire
chi lu potterat ferrer o bocchire.
59 Addaghi in coa a tottu lu gittesit
attesu da’ arriscos Posidone,
lómpidu a ue fit su Caucone
armendesi a dovere, li naresit:
–E cale deus contr’a Mirmidone,
a fagher prou, o forte, t’arrimesit?
Contr’a Pelide non balen cunsizos,
assumancus in gherra, o contivizos!
60 Contr’a s’astore no attrives ala!
Mezus t’ista accuccadu e, si l’ ‘ideras
ròdia-ròdia a s’inghìriu, sun chimeras
sos bisos de li dare morte mala!
Ti nd’ammenta! Finas ch’a sas nieras
de s’Ade Fadu e Morte, ambos a pala,
non che l’an gittu, trattene s’ardore!
Depustis b’intra a meressire onore!–
687

S’intzitu de
Achille e de
Èttore
Càntigu XX
61 Posca de s’avvertèntzia a recuire
pensesit Posidone a s’ala sua
e da-e ojos s’impizosa lua
a Mirmidone de l’isvanessire.
E nêsit tando s’ispantosa frua
de Tétide, in s’ ‘ider ilgiarire
donzi cosa a innante: –Oh, majia!
D’esser benzende zurpu mi crêia!
62 Torrada m’est sa vista! Acco’ per terra
sa lantza ch’in debadas impittadu
apo contr’a Enea. Da’ s’afferra
si che dêt esser però retiradu,
s’est chi pius non l’ ‘ido, e consoladu
d’esser biu ancora! Ma sa gherra
sighimos... mai s’ ‘idat su dardanu,
pro chi mi nd’intret calch’àteru in manu!–
63 Posc’a sos suos cun boghe ‘e apprettu:
–Fattu meu, o Danaos, bos bettade
contr’a sos de Priàmu e chen’isettu
de los leare detzisos pensade
manu-manu a porfia! A bessu ‘erettu
deo lis intro, però m’affianzade
da’ dresta e da-e manca che a cotta
pro chi tzaccare in mesu mi che potta!
64 Fintz’a Marte o Atena soberanos
diat dare mattana custa proa!
Ma impittende cherveddos e manos,
e bois nudda lassèndeche in coa,
de ressessire in s’impresa noa
crêo, a dolumannu ‘e sos Troianos!
Chi giùilet non penso a ispantia
chie abbojerat a sa lantza mia!–
688

Sas valentias de Achille
65 In s’ora a sos gherreris dardaneos
abboghinesit a manos in barra
Èttore mannu: –O frades, cun sa ciarra
diat poder chertare cun sos deos
s’ómine, a narrer! Sa mala cabarra
no est gai ch’Achille e sos Acheos
nos an a poder dare, mi crêide!
Ne m’ispantan sos bantos de Pelide!
66 Forte est forte... ma finas isse, crêo,
che a tottu nde messat e nde lassat!
Siat comente, chi non si l’ispassat
contr’a Troe gherrende bos nar’ ‘eo,
ne che porcu ‘e lande si ch’ingrassat
ca de bi l’impidire non m’arreo!–
Nêsit; e a innante accostazados
tucchesin cuddos pius animados.
67 Mancu si fit però su fogu atzesu
chi Febo, pro Ettòrre in oriolu,
l’andesit a costazu a mesu ‘olu
néndeli da-e palas: –Tue in mesu
a sos tuos ti nd’ista e pensa solu
s’atza ‘e lis abbivare. Da-e tesu
si t’ ‘iderat Pelide, non dia cherrer
chi tentet mortalmente de ti ferrer!–
68 In s’intender, aéndelu connottu,
ladina d’Arcu ‘e Prata s’avvertèntzia,
si misciesit Ettòrre a su fiottu
chena duda peruna, cun prudèntzia
sighinde su dovere in s’abbolottu.
Cun diversa orrorosa violèntzia
Pelide invece in mesu a sos attarzos
si ch’ ‘ettesit cun ùrulos dannarzos!
689
Febo ch’istorrat
a Èttore

Càntigu XX
69 Istesit su meone Ifitione 14
pro primu a bi pèrdere sa vida,
in concale agatténdesi felchida
sa lantza tirriosa ‘e Mirmidone.
Fizu fit cussu bonu campione
ch’aiat dadu una ninfa dechida
a Otrinte 15 , de pópulos segnore,
in sos padros de Ide 16 cun amore.
70 Addaghi cun sa conca perra-perra
in unu poju ‘e sàmbene l’ ‘idesit:
–Otrintide 14 –a ispantu li naresit
Achille a risu in laras– da’ sa terra
de sa Gigea 17 a s’iliàca gherra
(sorte crudele sa chi ti tocchesit!)
lómpidu ses proite? Assussegadu
tra s’Ermo e s’Illo 18 t’esseres restadu!–
71 S’attittia ‘e sa morte che niera
li falesit in ojos de repente
e, ficchinde, su corpus fintzamente
li fattesin sas rodas a bisera
de su carru pesudu! Su valente
Demoleonte 19 de paris manera
ruesit posca, fizu d’Antenòre,
ch’a cuss’ala chirchende fit onore!
72 Inter s’orija e s’attile in s’istante
si ch’agattesit sa lantza cravada
de s’eroe ‘e Fitia; ne bastante
l’istesit s’elmu, a tales s’attappada
fit fùrria! Pustis a Ippodamante 20
cun su matessi traste un’istoccada
da-e palas porresit chen’isgarru,
mentres fuiat lassende su carru!
690

Sas valentias de Achille
73 Che cando pro a Zeus a s’altare
che trazan sos garzones unu trau
e leat cuddu a corrighinare
reberde a puntorzos e cannau,
a tales, puntu da-e su danau,
lêsit su troianu a murrunzare
chirchende, ma debadas, de vittire
pro sempre pês in s’Ade ‘e che ficchire!
74 A Polidoro 21 ‘occhesit fattu-fattu,
de Prìamu su frua prus minore,
ispantu de su babbu e curridore
de sos mezus pr’agguantu e pro iscattu.
Chi s’esseret restadu in su palattu
li narait s’ilìacu Segnore,
attesu da’ sa gherra, ma su fizu
li pretziesit nudda su cunsizu!
75 Fidéndesi ‘e sas ancas de crabolu
fit chérfidu intrare in sa ‘errina
e fit currinde, infattis, che a bolu,
cand’una lantza Achille a mes’ischina
li felchesit dannarza e sa divina
lughe ‘e sos ojos e-i s’oriolu
l’istudesit pro sempre de cuss’arte
diffìtzile e sagrada a deus Marte.
76 Nde l’ ‘essesit s’arminzu da’ s’imbìligu,
poi pertunta una chintorza lada
de oro, chi li teniat ligada
sa coratza, e che pianta ‘e fìligu
si mujesit, mischinu, a s’attappada
de s’aina in su puntu pius dìligu!
Un’ùrulu ‘ettesit, unu ebbia,
ambas cheas serrende a sa giaria!
691

Èttore
affrontat
a Pelide
Càntigu XX
77 In s’ ‘ider a su frade Ettòre mannu
per terra a bucca abberta, chena frua
e a minuzos foras, una lua
de fele li faschesit e d’affannu
ojos e coro! E tando a moda sua,
chena timer de poder aer dannu,
a lantza in resta tucchesit innante
contr’a su mirmidone cumandante.
78 Unu brincu Pelide ‘e cuntentesa
fattesit in lu ‘ider avantzende,
si nêsit che in bisu giuilende:
–Accollu, ajallu a chie s’offesa
fattu m’at pius manna! Millu ‘enzende!
Àtera in vida no apo pretesa!
Ea’ lómpida s’ora... e deo fia
cust’ora disizende, custa ebbia!–
79 Pustis abboghinende: –O Priameu,
móveti, avantza, curre pius forte
e gai prima l’abbojas sa morte
chi ti dêt dare custu bratzu meu!–
E torréndeli muttu Dardaneu:
–Chi siat cussa, o Pelide, sa sorte
tue non l’ischis! Ma càglia sa barra!
O crês chi m’assucconas cun sa ciarra?
80 Non b’at unu piseddu innant’a tie,
ne perdo tempus in faeddos vanos!
Emmo, de brios nd’as prus de a mie,
ma detzidan sos Deos soberanos
a chie favorire in custa die!
E, si mi pretzieran, gitto manos
fortes bastante pro ti che felchire
custa lantza in pettorra e a t’ ‘occhire!–
692

Sas valentias de Achille
81 Nênde gai, oji-alluttu, l’imbolesit
su traste sou Ettòrre poderosu,
ma su ‘olu Minerva tirriosu
a sulos, sende abbista, l’isviesit
e, poi ‘e l’aer unu giru amprosu
fattu fàghere, bi che lu torresit
a pedes chena frua e chen’onore!
Ammonestu tremendu pro Ettòre!
82 Cun un’urùlu de lupu famidu
si l’avventesit tando Mirmidone!
Ma non fit ora ‘e suddisfassione
mancu pro isse: aéndelu ‘idu,
che upa in una nue isvanessidu
che l’at Febo a s’eroe d’Ilione,
a tales chi Pelide pro tres bias
tentesit in debadas marranias.
83 A sa ‘e battor pustis, cumprendende
chi be-i fit sa manu ‘e s’Eterrenu:
–Cane, –li nêsit de fele pienu–
da-e sa morte t’est Febo ‘ardiende,
ca lu pregas tottora cumbattende!
Ma est s’ùltima ‘olta, s’est ch’anzenu
non so deo a s’Olimpu! Mira como
cantos cumpanzos ti bisestro e domo!–
84 A Driòpe 22 sa lantza in cuss’istante
felchesit in su tuju e su mischinu
si l’imbenujesit a innante
de sàmbene irrujende su terrinu!
Posc’a Demucu 23 Achille divinu
paris sorte sestesit menguante
colpéndelu a s’ ‘enuju cun s’astile
e cun s’ispada sutta su attile.
693
Àteros
bisestros
de Achille

Càntigu XX
85 A Laogónu e Dàrdanu 24 ambos pare
nd’ ‘ettesit fattu-fattu da’ su carru:
su primu cun sa lantza e, chen’isgarru,
s’àteru cun s’ispada. Ne salvare
cherfesit galu a Troe 25 : a lu pregare
cun boghe che s’aeret su cadarru
leadu aiat su malefadadu
esséndeli a costazu capitadu!
86 No ischiat però s’Alastoreu 25
chi s’ora non fit cussa prus addatta
pro peder gràscias ...e gai ‘e Peleu
s’arminzu s’agattesit intr’ ‘e matta
e su fìdigu in terra! Pustis s’atta
contr’a Mulìu 26 ‘oltesit a boleu:
in s’orija l’intresit, ira mala,
sa punta forrojende a s’àter’ala!
87 Cun sa conca in duos isperrada
ruesit galu Echeclu d’Agenòre 27 :
s’intebiesit s’attarzina ispada
coloréndesi ‘e purpurinu umore
e sos ojos sa Morte isfidiada
li faschesit d’eternu iscurigore!
In su cùidu a Deucalione 28
colpesit sighi-sighi Mirmidone.
88 Pende-pende su bratzu li restesit
e mentre, a ojos fora, su dardanu
si lu fit abbaidende, li sestesit
un’aterunu colpu, ch’a lontanu
sa cabitta cun s’elmu che l’ ‘oghesit
e su meuddu s’ ‘idesit fittianu
da’ sos ossos brotàrende ‘e su tuju
e-i su corpus tìnghersi de ruju!
694

Sas valentias de Achille
89 A Rigmu ‘e Pireu 29 , su ‘e noe,
ch’a Tròia da’ sa Tràcia fit bennìdu
cun s’ispera ‘e bi fagher bonu proe,
in sa ‘entre lassesit imprimidu
pustis s’attarzu! E galu istasidu
s’iscuderi ruesit Aritoe 30
mentres, boltadu su carru, ‘e fuire
fit chirchende e sa morte de vittire.
90 E fit che fogu s’eroe ‘e Fitia
bessidu in logu siccu e da’ su ‘entu
alimentadu, ch’in unu momentu
inghìriat buscu e monte ‘e lughe ‘ia
tzacchiddende, ne b’at impidimentu
chi li pottat muttire sa tirrìa!
A tales cantos si li paraian
innanti, a pês, isfattos, li ruian!
91 E decomente, girende che mola,
addagh’est tempus de triuladura,
nd’ ‘ogan sos boes a cattigadura
da’ s’ispiga sos ranos in s’arzola,
gai Xantu e Balìu, bola-‘ola
subra sos mortos, a ischitzadura
àteru samben faghian brotare,
meuddos e cherveddos tott’a pare!
92 Nde fin prenos s’iscala a parte ‘e sutta,
fusu e rodas e, a s’ala ‘e fora,
ambas costanas e, a taccas, brutta
sa matta de sos caddos fit ancora,
sos tzócculos! Degai, a cara allutta
e lambridu de glòria, fit in s’ora
sas manos imbrutténdesi Peleu
de piuer e samben dardaneu!
695

Càntigu XX
NOTAS DE SU CÀNTIGU VINTESIMU
1 Témide [...]: O Temi. S’abbàidet sa nota n. 5 de su ‘e bìndighi
Càntigos.
2 Callicolonu [...]: Palinza collocada inter sa ‘idda de Tròia e-i su
riu Simoente.
3 Licaone [...]: S’abbàidet sa nota n. 23 de su ‘e tres Càntigos.
4 resessidu so sempre a li fuire [...]: Pro sos gherreris gregos non fit
birgonza o vilesa su ‘e dever fuire cando fit giaru a tottu chi s’inimigu
fit pius forte.
5 Lelegeos [...]: Pópulu de s’Àsia Minore, alleadu de sos Troianos e
ghiadu da-e Enea.
6 Esione [...]: S’abbàiden sas ottavas 109/111 e-i sa nota n. 28 de su
‘e chimbe Càntigos.
7 Dardanìa [...]: Tzittade de s’Àsia Minore, posta a pês de su
monte ‘e s’Ida, fundada da-e Dàrdanu, fizu de Zeus e de Elettra,
primu re e fundadore de sa rébula troiana.
8 Erittóniu [...]: Fizu de Dàrdanu, re de sos Troianos, famosu e fentomadu
pro sas ricchesas mannas chi possediat.
9 Ilo, Assàracu, Ganimede [...]: Pro Ilo s’abbàidet sa nota n. 13 de
su Càntigu X; pro Ganimede sa nota n. 4 de su Càntigu V; Assàracu,
frade de Ilo e de Ganimede e fizu ‘e Troe, fit su bisaju-mannu (ossiat
babbu ‘e su donnumannu) de Enea.
10 Titone [...]: Fizu de Laomedonte e frade de Prìamu; si cojuesit
cun s’Aurora (o Eos).
11 Capi [...]: Fizu de Assàracu e babbu de Anchise.
12 s’Ancattoppadu [...]: Vulcanu, deus de su fogu, toppu a un’anca.
13 e foras d’Ìlion àtera potèntzia [...]: Omero non lu narat in manera
gai profética, limiténdesi a assegurare a Enea e a “sos fizos de sos
fizos” s’impériu subra su pópulu troianu.
14 Ifitione [...] Otrintide [...]: Gherreri de sa Meònia, fizu de
Otrinte, mortu da-e Achille.
15 Otrinte [...]: Babbu de Ifitione, chi apesit da-e una ninfa non
mezus pretzisada.
16 Ide [...]: Si trattat, forsis, de sa ‘idda de Sardi, in sa Lìdia.
17 Gigea [...]: Paule de sa Lìdia a pês de su monte ‘e Tmolo.
18 Ermo, Illo [...]: Rios de sa Lìdia; su segundu ch’ ‘ettat sas abbas
suas in su primu.
696

Sas valentias de Achille
19 Demoleonte [...]: Gherreri troianu, fizu d’Antènore, mortu da-e
Achille.
20 Ippodamante [...]: Gherreri troianu, mortu da-e Achille e non
mentovadu in aterue.
21 Polidoro [...]: Su fizu pius minore de su re troianu Prìamu,
mortu da-e Achille. Segundu un’àtera paristòria, regolta daeVirgìliu
in s’ENÉIDE, diat esser invece bistadu mortu da-e su re de
sa Tràcia, a ue su babbu l’aiat mandadu cun ricchesas mannas pro
nde l’iscampiare da-e sa gherra.
22 Driòpe [...]: Gherreri troianu, mortu da-e Achille.
23 Demucu [...]: Gherreri troianu, fizu de Filètore, mortu da-e
Achille.
24 Laogonu, Dàrdanu [...]: Frades gherreris de Tròia, fizos de
Biante, mortos ambos pare da-e Achille.
25 Troe [...] s’Alastoreu [...]: Troe (de non cunfùndere cun s’antigóriu
re de Tròia) fit su fizu de Alàstore troianu; lu ‘occhesit Achille.
26 Mulìu [...]: Gherreri troianu, mortu da-e Achille. Àteros soldados
aian su matessi nómene.
27 Echéclu d’Agenòre [...]: Gherreri troianu, fizu de Agènore,
mortu da-e Achille.
28 Deucalione [...]: Gherreri troianu mortu da-e Achille e non
mentovadu in aterue.
29 Rigmu ‘e Pireu [...]: Gherreri tracianu, fizu de Pireu, mortu dae
Achille.
30 Aritoe [...]: Iscuderi de Rigmu, tracianu, mortu da-e Achille.
697

ILIADE
CÀNTIGU VINTUNÉSIMU
BISESTRU MANNU IN SU SCAMANDRU
Bisestru mannu in su Scamandru

Càntigu XXI
SUMMÀRIU
S’irrujesin de samben dardaneu... Ottavas 1-7
Achille e Licaone 8-26
Achille e Asteropeu 27-39
Sa vinditta de su riu Xantu 40-70
Sos Deos in buluzu 71-92
Deos e Deas si retìrana da-e sos chertos 93-96
Prìamu cumandat de abbèrrere
sas giannas de Ilione 97-100
Agènore contr’a Pelide 101-109
Achille trampadu da-e Febo 110-113
700

Bisestru mannu in su Scamandru
1 A su Scamandru immortale arrividos
fin intantu, fuinde che muscados,
sos gherreris de Troe, persighidos
da’ s’eroe ‘e Fitia e bisestrados.
Lómpidos cue, in s’ ‘ider accorrados,
de lu ‘iampare sos prus attrividos
tentesin cussu ‘adu chen’isettu
bettendesiche a nadu cun apprettu.
2 Sos ch’invece timian peus dannos
a s’ala ‘e sas muràglias d’Ilione
sighésini sa fua a passos mannos
(sa die innanti a sos d’Agamennòne
in cussu trettu sìmiles affannos
aiat dadu Ettòrre!). Ma Giunone
pro lis frenare s’ardore in s’istante
los faschesit cun neula abbundante.
3 Ohi chimentu per terra e per riu
d’ómines e fiados! Oh, affogu!
Che cando, inghiriados da’ su fogu,
s’ ‘iden sos tilipisches in s’istiu
pesàresi a nues da’ su logu
de sa pastura e a unu tzirrìu
in s’abba ‘ettaresiche e morrer cue,
a tales sos Troianos fue-fue!
4 Sa lantza sua longa insambentada
lassesit tando su fizu ‘e Peleu
in unu tamarittu e, cun s’ispada
in manu, in su Xantu, frua ‘e Zeu 1 ,
ch’intresit che dimóniu a s’impressada.
S’irrujesin de samben dardaneu
sas undas pustis pagu e canta zente
e caddos si portesit sa currente!
701
S’irrujesin
de samben
dardaneu...

Achille
e Licaone
Càntigu XXI
5 Che pisches chi a palas avantzende
s’ ‘iden a bucca abberta su druffinu 2
e chi a totta fua iscoittende
chircan amparu in s’iscogliosu sinu
de s’oceànu, a tale, ijantinende,
a Pê-velotze ‘e vittire divinu
tentain nada e curre sos Dardanos,
ma fin pro sos pius afficcos vanos!
6 Pustis cando sas manos s’intendesit
de ‘occhire istraccas e lantare,
dóighi gherradores meledesit
giovaneddos ancora ‘e che leare
cun s’intentzione ‘e los sacrificare
pro s’amigu ch’Ettòrre li ‘occhesit.
Nâdu e fattu; e dóighi in pag’ora
de cautivos nd’ ‘oghesit a fora!
7 Cun sas chintorzas insoro ‘e los prèndere
a man’insegus pensesit e tottu
e lestru a sos cumpagnos de los rèndere
pro che los gigher da-e s’abbolottu.
Che crabolos, timinde, a unu fiottu
s’aunésini cuddos, de cumprèndere
chirchende ello priteu settesciados
non los aeren appoi leados!
8 In s’ora s’agattesit Mirmidone
a cara a cara cun unu gherreri
chi connoschiat bene: a Licaone,
fizu ‘e Priàmu, valente iscuderi.
Bardanende contr’a sos d’Ilione,
fattu l’aiat isse presoneri
mentre, una notte, d’unu crabufigu
fit seghende sos rattos s’inimigu.
702

Bisestru mannu in su Scamandru
9 In bidea costanas e iscala
fit isse de su carru ‘e si frunire!
Ma non tucchesit a festas de gala,
si li tocchesit, presu, ‘e ch’arrivire
a sa nave ‘e Pelide e a partire
pustis isciau a Lemno! S’ura mala
però, sa ‘olta, e su destinu reu
giambesin cue pro su dardaneu.
10 In Lemno, infattis, poi comporadu
da’ Euneu a preju de valore,
da’ Etione 3 istesit cun amore
da’ su padronu nou riscattadu
e a sa ‘idda d’Arisba 4 portadu
pro ch’isteret attesu da’ s’orrore
de sa de Tròia isfidiada lua.
Ma fuesit da’ cue a domo sua!
11 Da-e ùndighi dies fit ebbia
gosende appena de sa libertade
e como (oh, sorte!) una divinidade
a cara a pare ancora in marrania
lu fit poninde cun su de Fitia!
E già in coro s’imbujore ‘e s’Ade
s’intendiat che upa ‘errina-‘errina
e falados sos brios che chijina!
12 Chen’elmu, ne ispada e ne iscudu
e chena lantza si l’appresentesit,
anchimùcculu in prus e mesu nudu,
ca de ch’ ‘ettare sos trastos pensesit
fuinde Licaone. E-i s’atzudu
fizu ‘e Peleu, addaghi l’ ‘idesit:
–Mire’, –abboghinesit beffulanu–
meràculu est custu soberanu!
703

Càntigu XXI
13 Si da-e Lemno, inue ti ‘endemis,
lómpidu ‘iu ses tue a inoghe,
b’at de crêre chi cantos nd’imbiemis
Troianos a sa pìghida foghe
de s’Ade, paris tou e noghe-noghe,
recuan su matessi! Los bocchemis
adducas in debadas, no est gai?
E sigo a mi faddire... ohi, ahi!
14 Ma proamos ancora... pro ischire
si tenes che-i s’ ‘attu sette fiados
e si cun sos cumpagnos settesciados
ses bonu da’ s’Avernu a recuire!–
A ojos Licaone isbambarriados
in su l’intender, chirchende ‘e vittire
s’ùltimu fadu, a li s’imbenujiare
istesit lestru a pês pro lu pregare.
15 Ma lómpidu non fit su troianu
nemmancu a mover laras, si isviadu
non l’aeret in s’ora cun sa manu
sa lantza chi l’aiat imboladu
imperistantu Achille! Non lontanu
si felchesit s’arminzu! Ijantinadu
a sos benujos tando l’abbratzesit
e cun boghe ‘e pibiu li naresit:
16 –Sàlvami, frua ‘e Zeus, sias bonu
cun chie in domo tua, ti nd’ammenta,
at mandigadu ‘e s’anzenu padronu
su pane de Demètra 5 ! M’accuntenta,
m’accansa ‘alu una ‘olta su perdonu,
ca si m’agatto in custa trebenta
poi ‘e Lemno ancora innant’a tie
est ca chérfidu at Cronos deasie!
704

Bisestru mannu in su Scamandru
17 Chentu ‘oes ti desit Euneu
addaghi mi ‘endesti cautivu...
e da’ ùndighi dies, o Peleu,
da-e ùndighi ebbia, pius brivu
so de sa libertade, in logu meu!
E fintz’a mama su coro in abbivu
l’est torradu in m’ischire a fiancu sou
poi ‘e tantas peleas torra ‘e nou!
18 D’Alte 6 , ‘e sos Lelegeos mere mannu,
mama est fiza, Laote 7 nomada,
sa chi da-e Pedàsu 8 s’at portada
Prìamu isposa a Tròia. E in affannu
posta l’as tue insara, s’adorada
prenda de Polidoro (assiat dannu!)
bocchìndeli a marranu! E cheres como
de su tottu imboidàreli sa domo?
19 Àteros fizos non tenet, mischina,
e, si ‘occhis a mie, so seguru
chi su coro a issa franghes puru!
Adducas mi nde ‘àrdia, o divina
frua ‘e Tetìde! Emmo, e s’in ruina
postu ti at Ettòrre coriduru
brivéndeti ‘e Patròclo geniale,
iscas chi, no, non m’est frade carrale!–
20 «Ne cun prommissas e ne cun pibios
–Achille rispondesit ojitortu–
niunu da’ sos propositos mios
pius mi ‘ogat! Fintz’a cando mortu
su chi tenia prus caru cunfortu
non m’aizis, in àteros isvios
mi nd’istei abbandadu e volenteris
bendia sos dardanos presoneris!
705

Càntigu XXI
21 Tue l’ischis ch’est gai! Ma da’ oe
solu apo in buddu de bos settesciare
cantos sezis de sa zenia ‘e Troe!
Adducas mori! No, non fizis pare
tue e su de Menétziu forte eroe!
Mortu mi l’azis... ne deo torrare
pro cantu nde distrua in nomen sou
pius lu potto a vida da-e nou!
22 Mira pro s’ùltim’ ‘olta: bellu e forte
so deo puru, de nóbile ereu
e fizu d’una dea! Subra meu
paris però su fadu de sa Morte
tesset s’ordinzu sou! E-i sa sorte
ùltima mia calchi dardaneu
forsi m’est già sestende a ferru in manu,
no isco s’est a sero o a manzanu!»
23 Lassesit sos benujos Licaone
e a s’insegus cun cara incherada
che falesit, un’ùltima mirada
dende a s’isteddu de Iperione.
Tra tuju e pala sa lughente ispada,
a duas attas, tando Mirmidone
li felchesit e-i cuddu a sa vida
desit s’adiu cun un’ingrivida!
24 S’irrujesit de samben su terrinu
e, a s’attatta, cun ojos de fele
galu li nêsit Achille divinu
bettendechelu in s’abba, crudele:
–A brama ‘e pisches mannos sias mele
in su ‘e Xantu trobogliosu sinu
e si calch’ossu che lompet a mare
si lu pottan incue isbicculare.
706

Bisestru mannu in su Scamandru
25 Sa digna no as aer sepultura,
ne Laote, pranghinde a disconsolu,
t’at a poder cun làgrimas de dolu
frobbire sas feridas! Paris ura
asi tocchet a tottu e unu solu
non fuat a sa Morte! E si segura
fit d’Ìlion sa rocca fintz’a oe
chi tremen intro cue sos de Troe!
26 Da’ sas undas de prata aggiudu mannu
de su Scamandru non nd’aisettedas,
pro cantu ‘ios e tottu bi ‘ettedas
traos e caddos pius boltas s’annu
pro l’onorare! Chi mi lu paghedas
bramo como de Pàtroclo su dannu
cantos sezis troianos gherradores,
cun féminas e betzos e minores!–
27 S’inchizesit su riu in l’intender
de Pê-velotze su ‘antu imprudente
e pius istragosa de li render
pensesit sa ch’aiat brama ardente!
Lassadu a Licaone in sa currente,
a tal’Asteropeu fit d’offender
chirchende Achille intantu, ‘e sa zenia
de Pelegonu 9 e de sos Lìcios ghia!
28 (Fit Pelegonu fizu ‘e Peribea,
d’Acessamenu 10 lùghidu fiore,
fruttu ‘ogadu a mundu da’ s’amore
chi Assìu, riu ‘e Macedonea,
apesit pro a issa). Cun ardore
su gióvanu da’ s’ala dardanea
a innante però si li paresit
cun duas lantzas e l’aisettesit.
707
Achille
e Asteropeu

Càntigu XXI
29 A li dare tant’atza istesit Xantu,
contr’a su gregu ‘oltadu a disdignu.
Lu miresit Achille che a ispantu
e, resinnadu ‘idìndelu in s’impignu,
l’abboghinesit: –Si pensas a tantu
dês esser de abberu ómine dignu!
De cales ses mi nara. Su cherveddu
però ti s’est tzoccadu, o giovaneddu!–
30 «E prîte –Asteropeu li naresit–
de cales so mi pedis che beffende?
Da’ sa lontana Peònia brotesit
s’erèntzia mia, inue, abbivende
laores e fruttales, b’est currende
s’Assìu abbigiaru. E mi desit
Pelégonu sa vida, ìnnidu chiu
de Peribea e de cuddu riu!
31 Da-e ùndighi dies so ebbia
difendinde ‘e sos frades d’Ilione
sa libertade, o forte Mirmidone!
Ma cominzamos custa marrania,
cominzamos!» E cun atza ‘e leone
duas lantzas contr’a su de Fitia
ch’imbolesit su gióvanu atzuridu
paris bettende un’orrorosu gridu.
32 Una a s’iscudu, a mùilos che trau,
s’attappesit, lompende a si felchire
fintz’a su pizu ‘e s’oro; a lu ferire
in su cùidu destru a su danau
s’àtera invece, chena resessire
a su de s’Ade neulosu astrau
a che lu minter però, s’est ch’appena
l’ispizolesit una subraena 11 .
708

Bisestru mannu in su Scamandru
33 Nde brotesit su samben ruju-‘iu...
ma chena mancu li dare un’ojada
sa lantza sua ‘e frassu ismisurada
li torresit Pelide chen’isviu!
Ma lu faddesit... e cudda tzaccada
in su costazu ‘e rocca de su riu
si ch’est a tìrria fintz’a prus de mesu
istinchiddende che tittone atzesu!
34 S’ispada portentosa de Vulcanu
nd’isbainesit tando e a boleu
si l’avventesit, sende Asteropeu
da’ su roccarzu proende a marranu
de nd’istratzare s’arma de Peleu.
Pro tres bias tentesit su giovànu
chena poder resesser in s’impresa
d’aer un’àter’arma pro difesa.
35 A sa ‘e battor, mentres in suffratta
nessi de la truncare fit bramende,
su traste s’agattesit intro ‘e matta
felchidu ‘e s’inimigu e pende-pende
s’ ‘idesit fintzamente, isalenende,
sos minuzos s’iscuru! A s’attatta
e che a bantu, sena prus rispettu,
li nêsit tando Achille, a pê’ in pettu:
36 –Settesciadu t’ista! O non l’ischias
chi s’est Zeus su mere pius forte
de sas tzelestes soberanas ghias,
galu sos fizos de custas in sorte
tale pôre an in terra? Non podias
adducas mai dàremi sa morte!
De unu riu ses fizu, m’as nâdu!
Aja’ a tie in un’àteru allogadu!
709

Sa vinditta de
su riu Xantu
Càntigu XXI
37 E custu est mannu! Che bonu parente
pédili aggiudu cun s’ùltim’alenu!
Finas de s’Acheloe 12 sa currente,
iscas però, e s’Oceànu, prenu
da’ sas abbas de onzi continente,
de su Cronide timen eterrenu
sa ‘értiga de fogu poderosa
addaghi l’isfuettat tirriosa!–
38 Nênde gai, cun fortza a dismisura,
sa lantza sua prima nd’istratzesit
da’ sa rocca e, tucchéndesi, lassesit
su corpus a sos pisches in pastura!
E lestros custos, a bulluzadura,
(a bucca abberta Achille los bidesit)
l’inghiriesin, lênde, a mizas pare,
pulpas e ossos a l’isbicculare!
39 A sos cumpanzos posca ‘e su Peone
si ‘oltesit che lupu a persighire,
giaghi, mortu s’insoro campione,
ijantinados lêsin a fuire.
Gai in su Xantu devian ficchire,
unu fattu a s’àteru, Midone,
Ofeleste, Tersìlocu, Trasìu,
paris cun Mnesu, Astìpilu ed Enìu 13 .
40 E bisestrados tottu los aiat
cantos fin Pê-velotze a gana a gana
si, affeladu, lênde fromma umana,
su deus Xantu non si mustraiat
e minettosu l’abboghinaiat:
–In cuss’arte, ch’est sa pius metzana,
o Achille, niune ti supèrat,
ca s’Olimpu immortale ti poderat!
710

Bisestru mannu in su Scamandru
41 Ma si t’est cuntzedinde de Dardanu
de derruer sa ratza s’alta Ghia,
nessi attesu lu faghe, in su pianu,
ca poninde mi ses in tribulia!
prena de mortos sa currente mia,
brutta de samben, fintz’a s’oceànu
fadigat a che lomper da-e ora!
Adducas m’accuntenta, ‘éssiche fora!–
42 E de Teti s’ispantu: –E siat gai,
o Xantu soberanu, ‘e Zeus frua!
Già ch’ ‘esso, emmo, da-e s’abba tua,
appenas posta a Tròia in arguai!
S’ordinzu arcanu e longu ‘e custa lua
cheret chi l’isolvemos oramai!
A Ettòrre mi bastat d’abbojare
pro lu ‘occhire o pro mi settesciare!–
43 Nêsit; e che benturzu ojiabbramidu
contr’a cuddos s’ ‘ettesit a s’istante.
Tando a Febo, che chie est risentidu,
abboghinesit Xantu: –O saettante
deus de s’arcu, a tales zelante
a su de Zeus pretzisu cumbidu
de sustenner a Tròia obbedis tue?
No est galu su sole rue-rue 14 !–
44 A ùrulos, intantu, fit torradu
in mesu a su Scamandru Mirmidone.
Sas undas suas tando a trimizone
abbolottesit cuddu, arrennegadu,
unfiéndesi che si l’aeren dadu
chentu rios sas abbas a cumone,
sos mortos trobogliende tott’umpare
pensende a foras de si los catzare.
711

Càntigu XXI
45 E pustis pagu, infattis, borriende
che trau chi sebestat sa cumpagna,
nde los buttesit tottu da’ s’intragna
cun un’undada ebbia, semenende
d’eroes e fiados sa campagna!
E sos ch’in mesu be-i fin nadende
da’ ojos a Pelide nde los lêsit
e in su sinu si che los cuesit!
46 Detzisu, in finitia, a l’istorrare,
contr’a s’Eroe ch’ ‘oltesit repente
Xantu sas undas! De bi las frenare
tentesit cun s’iscudu su potente
fizu ‘e Peleu... ma fit sa currente
a tales poderosa chi torrare
lu fattesit persegus bàndia-bàndia
fintz’a lu suppesare che in àndia!
47 A un’ùlumu tando s’attacchesit
(chi fit cue serente) cun apprettu
sa frua ‘e Teti, ma che a dispettu
finas sa matta nd’irraighinesit
s’unda felosa e che la ‘oltulesit
cun fragassu tremendu intro su lettu.
Ma unu ponte, ruìndeche in mesu,
bi fattesit cuss’ùmulu trattesu.
48 In s’ ‘ìdere su ‘adu, a passos mannos,
lu giampesit brinchèndeche a fora,
tudende s’ira in un’ìscia in s’ora
in timòria ‘e patire àteros dannos!
Ma, tirriosu, e pro vittire affannos
a sos de Troe, s’unda atterradora
nde fattesit da’ làccanas bessire
Xantu, in perriccas de lu persighire!
712

Bisestru mannu in su Scamandru
49 Ma che ae de monte, cumprendende
de su riu sa mala arrealia,
de fuire pensesit che bolende
peri sas tancas s’eroe ‘e Fitia
sàltia e curre, ‘e rujadis... e a porfia
cuddu a infattu, ‘e l’ ‘ider trambucchende
in disizos de gosu a donzi passu,
che chie ‘e gràscias isettat s’accassu!
50 Tales comente bidet s’ortulanu
currer s’abba in su sulcu fue-fue,
poi avviada, e intráreche in tottue
appenas cun su tzappu o cun sa manu
l’at bogadu s’abberru, paris cue
s’unda manna ‘e su Xantu soberanu
s’ ‘idiat currer in mesu a sa tanca
lênde como a dresta e posc’a manca!
51 Felosa che simmai e resoluta
fit sa tìrria ‘e su riu, si Pelide,
timinde d’aer a una combutta
contra s’Olimpu, perdende sa fide,
in s’ ‘ider su terrinu da-e sutta
mancàreli in sa fua, a su Cronide
nêsit finas: –O mere babbu santu,
niune mi nde ‘àrdiat da-e Xantu?
52 Duncas sa sinza mia ingloriosa
fit sa ‘e morrer gai! Assiat Fadu!
Ahi cantu, o mama, m’as trampadu...
ahi comente! Sa morte orrorosa
da’ sas fritzas de Febo annuntziadu
m’at sempre sutt’a Tròia poderosa
e poi ‘e l’aer derrutta e inchesa 15 !
Cantos bisos faddidos... cal’offesa!
713

Càntigu XXI
53 Mezus m’aeret Ettore dannarzu
a cara a cara gherrende istasidu,
ca un’eroe de nóbile attarzu
nd’aiat tando un’àteru ‘occhidu!
Paris sorte invece m’an bordidu
d’un’imprudente miseru porcarzu
ch’in s’abba attogat de unu trainu
chirchende ‘e lu ‘iampare, che mischinu!–
54 Nêsit a fele in bucca e sempre in fua.
A s’iscramu, Atena e Posidone
coittesin luego a s’ala sua
e, leada ‘e mortales sa persone,
li muttesin: –Non timas, Mirmidone,
giómpida no est galu s’ora tua!
Zeus nos mandat a ti sulenare
e tue e tottu ti nd’as a abbizare!
55 A su chi nâmos como pone mente
ch’est boghe custa nostra verdadera:
non sesses de gherrare, antzi a manera
faghe chi si ch’inserret cussa zente
fuinde in Ilione, e-i s’ispera
ch’as de ‘occhire a Èttore valente
avréschida as a bider! Ma t’ammenta:
posca torra a sa nave e t’ausenta!–
56 Si tucchesin depustis ambos deos;
e torresit Pelide a sa cuntierra
accunortadu e cun diversos leos!
(A deghinas in s’allagada terra
si b’ ‘idian de s’orrorosa gherra
sos corpos de sos mortos dardaneos
e iscudos e lantzas e fiados
gallizende o de lotzu saccarrados!)
714

Bisestru mannu in su Scamandru
57 Cun s’abba a su ‘enuju si ‘oltesit
gai contr’a Xantu s’eroe ‘e Fitia,
ne frimmare su riu lu pottesit
ca alentu nou pro sa marrania
l’aiat dadu Atena. Non muttesit
s’ira però su deus, s’a porfia
s’unda unfiesit de pius ancora
nênde a su Simoente lestru in s’ora:
58 –Aunìmunos, frade, in cust’impresa,
ca, si non li basciamos crista e briu,
custu mancunu, crê’, nde lassat biu
de sos de re Priàmu! Cun lestresa
sas benas ùnfia tottas de su riu,
altas che monte sas undas suppesa,
mue che tronu e truncos, crastos, mattas
nde trìsina a inoghe e cantu agattas!
59 Coitta a m’aggiuare, ca s’atzudu
d’aggualare sos deos soberanos
oe s’at postu in bicca e chen’impudu!
Ma sun presumos mettanzos e vanos!
Rùere s’at a bìdere in su ludu
sos arminzos divinos da-e manos
e loroddados! Pretzisu sa vida
finas bi perdet in cust’attrivida!
60 A tales lu dev’ ‘eo saccarrare
d’abba e de rena a su fizu ‘e Peleu
chi nemmancu ossos prus an a agattare
d’isse sos Gregos! Ne at aer teu
da’ sos fedales, ne déghile altare,
a mentovu ‘e s’ilìacu impeleu!–
Nêsit; e unfiéndesi ‘e piusu
a cabaddadas si l’ ‘ettesit susu!
715

Càntigu XXI
61 E si l’aiat gittu a Mirmidone
cuss’unda alta che monte e trobojada
si a Vulcanu, cun cara assustada,
no eret nâdu in s’ora Giunone:
–Ti nde pesa, o Toppu, a s’impressada!
A Xantu in su paris d’Ilione
cheret ch’attones cun sas artes tuas
pro chi si nd’istat in làccanas suas!
62 Fiamas pesa fruscas, ruinosas,
chi li brujen sas àrvures in giru!
Deo a Noto pedo e a Zefìru
ch’in tottue las gittan tirriosas
pro chi dissipen, a ora ‘e retiru,
sos mortos, sos fiados, cantas cosas
at su riu cun fele ammuntonadu
daghi contr’a Pelide s’est boltadu!
63 A isse inghìria pustis a donz’ala,
ne tzedas a lusingas de su deu
e ne si ti mustrerat chiza mala!
Làssalu lìeru a s’órdine meu!
Adducas bae, o fizu... curre... fala!–
Nêsit Giunone; e-i cuddu a boleu
tucchesit resinnadu a sa mattana,
sas foddes unfiende a gana a gana.
64 A sa lómpida, lestru inghiriesit
de fiaras sa tanca dardanea
e sos carasos primma dissipesit,
fiados, trastes a una tenea.
E sa terra, a sa bura, s’asciuttesit
paris comente su ‘entu ‘e Borea
intostat e acchervat sos terrinos
appoi ‘e sos rigores atonzinos.
716

Bisestru mannu in su Scamandru
65 Contr’a su riu, sighinde, Vulcanu
s’ ‘oltesit, reduéndeli in chijina
sàlighes, tamarittos, elighina,
fustesalvos, ulùmos che a marranu,
giuncos, cannas, mattas ch’in su pianu
da’ s’umore ‘e sa currente divina
leain s’alimentu bundansciosu,
tales fit cussu fogu tirriosu!
66 E brinca-brinca s’ ‘idesin fuende
sos pisches galu e, a iscoittadas,
sas ambiddas da’ fundu che luadas
a pizu d’abba altzàrende attoghende.
Tando a Efesto in sas malas paradas
nêsit Xantu: –Niune marranende
podet mai cun tegus balanzare,
ne sighire cherz’ ‘eo a puntigliare!
67 Mutti s’ira, o Vulcanu, e chi recue
dami tempus a làccanas de riu...
e chi pustis, s’est su chi bramas tue,
non nde lasset Achille unu ‘iu
de Dardanos inoghe o in aterue!–
E mentras lu pregait a pibiu,
buddinde, apprettadas da’ sas fiaras,
già s’ ‘idiat sas abbas suas giaras!
68 Che a cando, solvende in sa labia
s’ozu d’unu mannale, a fogu sutta
s’ ‘iden sos bumbullones buddi e butta
da’ sas framas prettados che a porfia,
a tales fit pro cussa marrania
sa currente ‘e Scamandru che allutta,
in bulluzu sighidu e mattanada
da’ destra e da-e manca inghiriada!
717

Sos Deos
in buluzu
Càntigu XXI
69 Posc’a Era su deus in affogu
s’invochesit naréndeli: –O diosa,
assiat atza su Mere ‘e su fogu
ch’at oe contr’a mie tirriosa!
Nâli chi mi libèret da’ s’attogu...
bi lu cumanda... ma cuidadosa!
E de los amparare a sos Troe
pius mai promitto da-e oe!
70 Pius mai... si puru la ‘idera
inchesa sarraghende a Ilione
da’ sos Danaos de Agamennòne,
a Marte caros e a tie, o Era!–
Nêsit; e a urùlos Giunone:
–O corosu, a Xantu mi libèra
da’ su rógliu ‘e su fogu e coittende,
ca deus contr’a deus est gherrende!
71 Pro sos mortales a nos mattanare
non cumbenit, t’ammenta, prus de tantu!–
L’iscultesit Vulcanu e de su Xantu
pustis pagu s’ ‘idésini torrare
cristallinas sas undas a incantu
e, friscas che a prima, a s’ala ‘e mare
currer festosas! Ma non fit cumprida
sas perricca ‘e sos deos belenida!
72 Istesit Are in s’ora a lantza in manu
da-e Minerva a currer minettosu
e a li narrer: –A tales felosu
est s’ódiu tou contr’a su Dardanu
chi l’inimigas cun fagher tramposu
como fintzas a Xantu soberanu!
Ses che musca maghedda, est deosie,
punghe e sue a de notte e a de die!
718

Bisestru mannu in su Scamandru
73 O crêse chi mi l’apa ismentigadu
cando m’as a Diòmede atzuridu
cun àteras inghènias contra ‘oltadu?
E su fizu ‘e Tideu m’at feridu
sa ‘olta! Pro su male ch’as bordidu
ea’ chi su sensale est arrivadu!–
Sa lantza l’imbolesit, nênde gai,
chirchende sa vinditta che simmai!
74 Ma li paresit su colpu dannarzu
Ciprigna cun s’egìda, chi su tronu
e su lampu ‘e s’olìmpicu padronu
mancu poden domare e ne s’attarzu
de chentu e pius deos a consonu!
Da’ terra lêsit tando unu marrarzu
s’Ojuasulina, nieddu fumigadu,
da’ sos Mannos pro làccana assentadu.
75 Bi l’avviesit contra chen’isettu
e che raju in su tuju lu colpesit
isterrijendechelu ‘erettu-‘erettu
in sa campura ‘e Troe! S’imbruttesit
Ares sos pilos longos e tronesit
s’armadura a sa rutta pro s’apprettu!
L’abboghinesit tando risulana
sa reina ‘e sas gherras soberana:
76 –Tontu chi non ses àteru... maccone!
Mintirottu già ses, ma no ischias
de sas d’Atena lùghidas balias,
ne d’ite istridos est bona Giunone!
Dendetiche a s’ala d’Ilione
cun issa e tottu as postu marranias!–
E aterue, pustis, sa mirada
cuntenta che ‘oltesit sa biada!
719

Càntigu XXI
77 Nd’approfettesit Venere dechida
e, léndelu per manu, chen’ ‘istentu
si giuttesit a Marte, ‘alu in lamentu!
Ma, ‘idèndela, Era bratzinîda
abboghinesit: –Assiat appentu!
Mira, o Atena: che musca accudida
nd’est Venus a su pingu e a sa lestra!
E torrabei... bae... e la bisestra!–
78 Ch’ ‘essesit che astore Tritonea
addaghi addojat fera appettitosa
e, appenas accurtzu, tirriosa,
unu punzu addobbesit a sa dea
a mesu pettus! E Venus diosa
cun ambos duos ojos fora chea
si falesit che àppara per terra
a costazu a su deus de sa gherra!
79 «Asi istasidos ruan che a bois
–nêsit posca sa Dea suddisfatta–
cantos a re Priàmu ponen atta!
Da-e ora nd’aimis tantos ohis
muttidu tzertamente e galu nois
s’isténiu ‘e custa pérfida cumbatta!
Pro chie in sa perricca est berrinosu
aja’ però su pannu e-i su gosu!»
80 Recuesit appustis de s’atzottu
e giulesit Era ‘e sa lescione!
Nêsit invece in s’ora Posidone
a Febo fritzi-fruscu: –In s’abbolottu
prît’est chi no intramos d’Ilione
finas nois, comente faghen tottu!
S’a s’Olimpu torramos chena proe
nos an a narrer ite in die d’oe?
720

Bisestru mannu in su Scamandru
81 Tue comintza... bae... ses giovànu,
bramosu ‘e su chighìlliu ‘e cust’impreu!
Però cherveddu chi gighes metzanu!
Ello difender devias s’ereu
de re Laomedonte troianu!
Adducas olvidadu l’as s’affeu
chi nos fattesit su babbu ‘e Priàmu!
A tie non ti pittigat su camu!
82 Pro un’annu e pius l’amos servidu,
ca Zeus su cumandu nos lu desit,
e pro un’annu cuddu presumidu
che maniales malos nos trattesit!
A finitia, posca, nos neghesit
finas sa paga de su pattuidu!
Fadigas fini cuddas... e affannos
pro l’inghiriare a Tròia ‘e muros mannos!
83 Massitzos e ispissos los fattemis
altos a chinnir’oju, che bastione,
pro chi segura esserat Ilione
da’ anzenas ganias! Ma nd’apemis
cale préssiu o suddisfassione?
Emmo afficcos! Pro beffe nos bidemis,
appoi ‘e sas mattanas, minettados
e cun malas paràulas catzados!
84 Pedes e manos nâchi nos prendiat
Laomedonte, s’eremus appenas
tentadu marrania, e in cadenas
che isciaos dannarzos nos bendiat
a corsales de ìsulas anzenas!
Chi sas orijas nos nde mutzaiat
nos nêsit galu cun limbazu vile
che a porcos ulciados, s’ascamile!
721

Càntigu XXI
85 E tue, o Febo, s’ ‘uccone che tragas
gai in debadas, ne sentis offesas!
E leas –naro– finas sas pretesas
de cussa ratza mettanza che pagas!
Cabarras tortos, munzas e... t’ammagas!
Assiat seneviccu! Deo inchesas
d’Ìlion bramo de ‘ider sas chijinas,
mortos sos fizos, màscios e femínas!–
86 Ma su deus de s’arcu saettante:
–O Mere poderosu, chi su mundu
abbratzas cant’est mannu tott’in tundu,
si chertera cun tegus che mancante
mi dia cumportare! Ma su bundu,
gràscias a Zeus, mi rezet costante
s’est chi resseso a distingher galu
in cada atzola su ch’est bonu e malu!
87 Pro sos mortales, misera zenia,
débiles fozas ch’appoi brotadas
rùene a s’atunzu nesigadas,
devimos nois ponner marrania?
Chi ruan sas muràglias ‘oltuladas
o sigan reas a mustrare ‘alia,
Argo e Troe chi si las gioghen issos!
Nois inoghe abbarramos fissos!–
88 Nêsit; e, rispettosu de su tiu,
chietu si nd’istesit a un’ala.
Ma l’intendesit Diana e chen’isviu,
che si l’aeren pugnalada a pala,
a su frade s’ ‘oltesit chizimala,
incurcuddida che su tilibriu:
–O deus brambriocco, sa ‘ittòria
tzedis gai a Nettunu chena glòria!
722

Bisestru mannu in su Scamandru
89 Pro bellei cuss’arcu, própriu gai,
ti lu trazas infattu minettosu!
Ma ses chena meuddu... e chi prus mai
in s’Olimpu t’intenda che barrosu
contr’a Nettunu nàrrerti bramosu
d’intrare in marrania e in arguai
de lu ponner seguru! E bae... fue...
como l’ischimos cantu ‘ales tue!–
90 Non li torresit risposta su deu;
ma Era, biaitta in su l’intender,
l’abboghinesit luego: –A pretender
de cuntrastare su dissignu meu
no arrisches, dannarza! Dês cumprender
ch’a perriccare cun s’isposa ‘e Zeu
no est che a settesciare una mortale 16 ,
ca fortza non tenimos parinale!
91 Cun chervos e crabolas las impitta
mezus sas fritzas tuas soberanas!
E si t’ ‘enzeran invece sas ganas
de mi fagher pretzisa un’imbisita,
ti nd’accùrtzia, o cane malaitta,
chena ti perder in ciàcceras vanas!
Avantza, adducas... beni... e ti sintzera
si ses tue prus forte o si est Era!–
92 Cun sa manca, sighinde, l’istringhesit
ambos bultzos Giunone e su turcassu
da’ coddu cun sa dresta nde li lêsit,
colpèndela felosa a donzi passu
mentre ‘e fuire da-e cussu giassu
s’apprettait Diana. E li fuesit
che a s’unturzu una columba bianca
chi si ch’impèlciat in una calanca!
723

Deos e deas si
retìrana da-e
sos chertos
Càntigu XXI
93 In su mentre a Latona soberana
nêsit Ermes, divinu imbasciadore:
–Deo non b’intro, o Dea, in sa mattana
e mi retiro. Su tou est s’onore
de sa ‘ittòria e, si nd’aeres gana,
ti nde ‘anta. Non bastat su valore
de unu che a mie, mi dês crêre,
cun sas muzeres de s’eternu Mere!–
94 Tucchesit pustis; e tando Latona
sas fritzas de Diana ispramminadas
nde regogliesit e, che mama ‘ona,
da’ su piuer appena iscutzuladas,
a sas chimas torresit lumenadas
de su monte ‘e sos Deos. In sa trona
be-i fit Zeus e, a pês, sa fiza
treme-treme, ojinfusta, ‘e mala chiza!
95 A pettu ‘e si l’istringher cun lestresa
pensesit s’Eterrenu e rie-rie
de li narrer: –O prenda, nâmi chie
a tales cue giosso t’at offesa
che si cherferat de tanta malesa
sa neghe, foramale, dare a tie!–
E Diana: –Giunone m’at iscutta,
sa chi sa gherra at chérfidu e allutta!–
96 Lêsin gai a discuter pare-pare...
e da’ sos chertos própriu in su momentu
deos e deas a si retirare
chie a murrunzu e chie cuntentu
ma inganidos tottu ‘e si pasare.
S’avviesit invece in pensamentu
Febo a Tròia, timinde ch’irroccada
primm’ ‘e s’ora l’aeren e brujada!
724

Bisestru mannu in su Scamandru
97 Cun atza infattis caddos e soldados
Achille a bisestrare fit sighende
tristuras e ruinas arrimende,
tales che cando s’ ‘iden allummados
da’ chentu fogos fruscos e ruende
in una ‘idda che rattos brujados
sos palattos e currer per tottue
sa zente ijantinada a pesa e rue!
98 Da’ sa turre prus alta d’Ilione
s’abbizesit Priàmu de s’affannu
de s’esércitu sou e de su dannu
chi, che riu aundadu, Mirmidone
bi fit faghinde. Sa detzisione
d’abberrer tando su portale mannu
lêsit in presse, pro lis permittire,
fuinde, intro ‘e ‘idda ‘e recuire.
99 Tucchesit tando a giosso a un’ ‘oleu
nênde a sas guàrdias, appena arrividu:
–Sa gianna a sos cumpanzos in anneu
abberide, pro chi de s’atzuridu
fizu ‘e Peleu s’ódiu inferotzidu
pottan vittire! Afficcu a s’Acheu
galu ponide, pro ch’intro ‘e tzittade
non nd’intret finas isse! Coittade!–
100 Sos inserros de ferru nd’isfrisciesin
cuddos a su cumandu chen’isettu,
posca sos traitzellos nde ‘oghesin
e sos palones e in unu trettu
subr’a pare che los ammuntonesin.
L’isbambarriesin gai... e-i s’apprettu
de sos de Troe, ‘idèndela, in ispera
s’ ‘oltesit de salvesa verdadera!
725
Prìamu
cumandat de
abbèrrere sas
giannas de
Ilione

Agènore contr’a
Pelide
Càntigu XXI
101 Ma fit bistadu afficcu metzanu,
a tales fit s’eroe de Fitia
de glòria bramosu a lantza in manu,
si d’Antenòre sa forte zenia 17
non l’imbiait Febo soberanu
a ponner contr’a isse marrania.
Ca si non l’istorrait pr’un’iscutta
finas Tròia in su mentre nde fit rutta!
102 E-i cuddu tucchesit inganidu
contr’a Pelide a fagher proa manna
cun su deu a costazu, chena ‘idu,
pro l’istorrare nessi da’ sa gianna!
Tucchesit... ma chi non fit porcu ‘e sanna
s’abbizesit luego, si pentidu
nêsit cun boghe ‘e duda a isse e tottu
mirende s’inimigu in s’abbolottu:
103 –Ohi de me! Si tento de fuire
umpare cun sos àteros, seguru
est chi sa morte non potto vittire...
e morte, posca, ingloriosa puru!
E si proera invece a ch’ ‘essire
a s’àter’ala lênde muru-muru?
A su buscu de s’Ida, a parrer meu,
dia poder lomper currinde a boleu!
104 Cue frobbire piuer e suore
finas mi dia e galu reposare!
E si m’ ‘iderat cuddu e furriare
cherferat fattu meu che astore?
Nemos mi diat tando bardiare
da’ s’eternu de s’Ade iscurigore?
Emmo ch’est goi... brios parinales
niune nd’at infatti ‘e sos mortales!
726

Bisestru mannu in su Scamandru
105 E s’invece a pê’ frimmu l’isettera?
O no est isse ‘e carre che a mie
e mortale che tottu? Si a bisera
nos est faghinde, est ca in custa die
l’est Zeus aggiuende! E s’est deasie
onzi contu de s’ómine est chimera!
Sintzeràmunos, duncas, si est s’ora
lómpida de sa morte o no ancora!–
106 Nênde gai, chen’àtera chinnida,
a s’abboju tucchesit a s’istante
a iscudu paradu e simizante
a bette de pantera arrazulida
ch’in su padente s’agattat innante
su catziadore e chi, poi ferida,
su matessi avantzat tirriosa
de su samben de cuddu disizosa!
107 E appenas a tiru, ojiallummadu,
lênde sa mìria, abboghinesit fina:
–O Achille gloriosu e mentovadu,
de la derruer a Tròia divina
oe ti fis cunvintu e in chijina
de la reduer puru! Oh, iscabadu!
Pro lomper a s’intentu, dês ischire,
galu restan affannos de patire!
108 Resinnados a tottu e valorosos
semos medas in Tròia, a sos doveres
de fagher fronte ancora disizosos,
pro sa pàtria, sos fizos, sas muzeres!
E si lomperas puru a su chi cheres,
daghi dadu t’an brios poderosos,
iscas chi paris cun sa ‘idda mia
lompet sa sorte tua a finitia!–
727

Achille
trampadu
da-e Febo
Càntigu XXI
109 Sa lantza, fattu-fattu, l’imbolesit
urulende cun tìrria de leone.
E fit colpu tremendu, si zembresit
sa tìbbia d’istagnu ‘e su garrone
muidende felosa. Rimbaltzesit
però s’arminzu de su d’Ilione
agabbende su ‘olu in cussu trettu
chena lomper a fruttos de profettu!
110 A s’ala si ‘oltesit d’Agenòre,
a risu in laras, tando su Peleu...
e fit bistadu pro sa d’Antenòre
frua atzurida s’ùltimu impeleu
si, pius lestru d’isse, su Segnore
de s’arcu no aeret da’ s’acheu
ordiminzadu ‘e l’istorrare in s’ora
cun sa néula ispissa amparadora!
111 Pustis, però, cherféndelu tentare,
de Agènore lêsit isse tottu
sa persone e Pelide a che falare
non bistentesit: infatti, a s’annotu
noellu ‘e su dardanu, a che torrare
s’apprettesit s’eroe a s’abbolottu.
Ma, pro si fagher Febo persighire,
meledesit ancora de fuire.
112 Non s’abbizesit Achille ‘e s’ingannu
s’est chi, lassende onz’àtera faina,
l’andesit fattu in disizu mannu
de li cravare unu traste in s’ischina.
E Febo, divertidu, in sa ‘errina
lu tenzesit creschìndeli s’affannu
de lomper a s’intentu, illonghende
prima su passu e pustis miminende!
728

Bisestru mannu in su Scamandru
113 Degai, profettende ‘e s’occasione,
ch’intresin sos gherreris attrumados
da-e sa gianna abberta in Ilione,
a ojos non crêinde ch’ ‘ardiados
s’esseran da’ s’ispada ‘e Mirmidone!
Ne pro porrer aggiudu a sos lantados
unu ch’est unu s’abbarresit fora
a tales chena fide fin s’ora!
729

Càntigu XXI
NOTAS DE SU CÀNTIGU VINTUNÉSIMU
1 Xantu, frua ‘e Zeu [...]: Galu sos rios fini, in s’antighidade, deos
e fizos de deos. Su Scamandru, giamadu Xantu pro su colore grogu
de sas abbas suas, naschiat da-e su monte ‘e s’Ida e curriat in su paris
d’Ilione.
2 su druffinu [...]: Su druffinu fit su pische pius mannu e timidu
connottu da-e sos Gregos antigos.
3 Etione [...]: Fizu de Giasone; fit de Imbro, ìsula accurtzu a sas
costeras de sa Tròade.
4 Arisba [...]: Tzittade de sa Tròade.
5 su pane de Demètra [...]: Su pane chi si porrit a s’istranzu cun
bonu coro. Dèmetra (sa Cèrere de sos Latinos), fiza de Crono e de
Rea, sorre de Zeus, fit sa dea amporadora de sos laores.
6 Alte [...]: Re de sos Lelegeos, pópulu de s’Àsia Minore, babbu de
Laote.
7 Laote [...]: Una de sas muzeres de Prìamu. Fit fiza de Alte, re de
sos Lelegeos, e mama de Licaone.
8 Pedásu [...]: Tzittade de sa Mìsia.
9 Pelegonu [...]: Fizu de su riu Assìu e de Peribea; fit su babbu de
Asteropeu.
10 Acessamenu [...]: Re de sa Tràcia, babbu de Peribea.
11 subraena [...]: Bena de sàmbene a pizu ‘e pedde.
12 Acheloe [...]: Su riu pius mannu de sa Grècia.
13 Midone, Ofeleste, Tersìlocu, Trasìu, Mnesu, Astìpilu, Enìu [...]:
Gherreris troianos, non mezus connottos e ne mentovados in aterue,
mortos da-e Achille in su riu Xantu.
14 No est galu su sole rue-rue! [...]: No est galu iscurighende; su sole
non ch’est galu barighende.
15 e poi ‘e l’aer derrutta e inchesa! [...]: In veridade, mai Teti l ‘aiat
profetizadu chi fit resessidu a derrùere a Tròia, ma chi aiat mortu a
Èttore e chi, poi ‘e s’eroe troianu, fit lómpidu a finitia de sas dies suas
finas isse.
16 no est che a settesciare una mortale [...]: Diana fit sa dea chi daiat
sa morte a sas féminas cun sas fritzas suas soberanas; ma nudda
podiat contr’a deos e deas.
17 d’Antenòre sa forte zenia [...]: Agènore, prìntzipe troianu, fizu de
Antènore.
730

ILIADE
CÀNTIGU VINTUDUÉSIMU
SA MORTE DE ÈTTORE
Èttore e Achille a car’appare

Càntigu XXII
SUMMÀRIU
Sas beffes de Febo soberanu Ottavas 1-5
Sa sùpplica de Prìamu 6-16
Sa sùpplica de Écuba 17-19
Dudas e tzertesas 20-28
Sa fua de Èttore 29-35
S’appenu de Zeus 36-39
Sa fua chen’ispera 40-47
S’ingannu de Minerva 48-52
Èttore e Achille a cara a pare 53-56
Su duellu 57-67
Sa morte de Èttore 68-71
Sa gràscia negada 72-78
Sa vinditta de Achille 79-85
Su piantu de Écuba e de Prìamu 86-91
Su piantu de Andròmaca 92-106
732

Sa morte de Èttore
1 Frobbìndesi piùere e suore
e su sidis catzéndesi a consolu
fit in s’ora s’esércitu d’Ettòre
intr’ ‘e ‘idda, fuidu che crabolu
a bàulos de cane da’ s’ardore
d’Achille, profettende ‘e s’oriolu
ch’aiat Febo trasseri a Pelide
post’in coro contr’a s’Antenoride 1 .
2 Gai in su paris mannu d’Ilione
abbarresin: sos d’Argo, avantzende
a iscudu paradu, Mirmidone
infattu a s’inimigu abboghinende,
e pro s’ùltimu ordinzu chi sestende
fit su Fadu, s’ilìacu campione
in s’antarile ‘e Scea, che trattesu
da’ una fortza arcana cue in mesu!
3 Nêsit tando su Mere ‘e sas saettas
che beffende a s’ispantu de Peleu:
–O mìseru mortale, fattu meu
a passos mannos e prîte t’apprettas?
Adducas non distinghis unu deu
da’ unu che a tie? S’arresettas
finas ti pasas... sos de Troe intantu
intr’ ‘e ‘idda sun dados tottucantu!–
4 E cun fele s’eroe de Fitía:
–O Arcu ‘e Prata, deus puntigliosu
e che niune in s’Olimpu trassosu,
fatta mi l’as... e de sa fortza mia
finas ti beffas! Emmo, ca nd’aia
àteros medas settesciadu a gosu
de sa ratza ch’amparas malaitta...
ma contr’a tie non giuat vinditta!–
733
Sas beffes
de Febo
soberanu

Sa sùpplica
de Prìamu
Càntigu XXII
5 Nêsit; e prus de prima arrazulidu
a s’insegus furriesit che su lampu,
tales che caddu, de carru frunidu,
chi postu a currer in mes’a su campu
primu ch’istuppat a ue su giampu
ana de sa ‘ittòria istabilidu.
Gai sutt’a s’ilìacu bastione
torresit pustis pagu Mirmidone.
6 E re Priàmu in lu sebestare
peri su paris, bellu in s’armadura
e che s’isteddu ‘e Sìrio 2 brillare
in notte iscurigosa pro lugura
(su chi solet s’istiu annuntziare
de males carradore e de calura),
a boghes contr’a Èttore, assustadu,
s’ ‘oltesit cun su coro arrennegadu.
7 E cun cantos su Re teniat brios
de si ch’intrare a logu seguru
che tottu sos cumpagnos isse puru
l’urulesit... ma lestru, chen’isvios!
Surdu però a gridos e pibios
s’istesit Èttore a palas a muru
che leone isettende a pê’ ficchidu
pro ‘incher o pro ruer istasidu!
8 Ma su babbu, a ijàntinu, prus forte:
–Turre de Troe, Èttore istimadu,
lassa cuss’acconcada, ca su Fadu,
mi nât su coro, est ordinzende morte!
Ah, s’a Pelide l’aeret, pro sorte,
cant’e a mie s’Olimpu odiadu!
Connottu aiat tando disaura
e de canes bistadu fit pastura!
734

Sa morte de Èttore
9 Cantos fizos m’at mortu o presoneris
béndidu cuss’ ‘enturzu chena coro!
Pro duos d’issos como m’addoloro,
ca currinde a s’amparu volenteris
bidos issara umpare a sos gherreris
non bi los apo: unu est Polidoro,
s’àteru Licaone, chi m’at dadu
Laote, lizu d’Alte immaculadu.
10 Ma s’esseran, pro sorte, galu ‘ios
e cautivos sos d’Agamennòne
los tenzeran, da’ sos siddados mios
deo a lis dare suddisfassione
so prontu pro su bene d’Ilione
gittendechelis fintz’a sos navios
su chi mi pretenderan preju mannu!
Bastat chi mi los torren chena dannu!
11 Ma s’a sos padros ch’esseran de s’Ade
pro disgràscia ambos duos arrividos,
ahi dolu de chie parturidos
los at in bisos de felitzidade
e de su babbu cinu! Ma cumpridos
non sunu ancora de custa tzittade
sos ùltimos destinos, s’est chi tue
non ti resinnas a frimmare cue!
12 Recui a intr’ ‘e ‘idda, afficcu raru,
torra a costazu de su dardaneu
e de s’eroe mannu de Peleu
su lùmene non fattas pius giaru
lasséndeli sa vida! O fizu meu,
lughe ‘e sos ojos nostros e amparu,
sas muzeres t’invocan d’Ilione,
fizos e betzos mannos... cun rejone.
735

Càntigu XXII
13 Pro babbu tou torra pilicanu...
finas ch’est biu nessi l’affianza
giagh’a betzàia Zeus soberanu
l’at cundennadu a sorte mettanza:
mortos sos fizos, sas fizas in manu
e-i sas nuras a padrona istranza,
sas nettas e nebodes istellados,
derruttos sos palattos e brujados!
14 Unu riu de sàmbene e de fogu
m’allàmpinat sos ojos... disdicciadu!
E già per terra m’ ‘ido settesciadu
da’ calch’Acheu, in s’ùltim’attogu,
e da’ sos canes finas divoradu
ch’allevei ‘eo e tottu in custu logu...
canes ch’a una truma a sos palattos
torran a si corcare poi attattos!
15 Malaura sa nostra... ahi destinu!
Finas bellu est su gióvanu ch’est ruttu
cun s’arma ancora in punzu, a coro alluttu
sos suos difendinde e su terrinu
sacru ‘e sa pàtria! Cant’est miserinu
e triste invece s’ischire chi giuttu
ti ch’at sa morte che cane remissu,
betzu e da-e su Fadu suttammissu!
16 E si retzidu as pustis in sorte
de una ‘idda su fadu e sa ghia
cale dolu, in s’ora de sa morte,
in l’ ‘ider paris tou in agonia!
Pro chi non siat goi, ànima mia,
a sa lestra recui e, bratzi-forte,
danos che sempre ispera e atza noa
galu de superare custa proa!–
736

Sa morte de Èttore
17 Nêsit Priàmu; e-i sos pilos canos
lêsit pranghende a si nd’istratzare
chena però resesser a toccare
su coro de s’eroe ‘e sos Troianos!
Sighesit tando Ecúba a l’invocare
mustréndeli sas tittas cun sas manos
ambas boghendendelas da’ s’imbustu
urulende issa puru cun assustu:
18 –Carre ‘e sa carre mia, Èttore mannu,
pro su latte chi suttu as da’ inoghe
de mamma tua isculta sa ‘oghe
e sola non la lasses in affannu!
S’est babbu tou a su frie e coghe
in su t’ ‘ider incue e timet dannu
pro a tie e pro tottu in Ilione
est ca s’arriscu est foras de rejone!
19 Torra, sienda nostra, a custu pettu!
Vìttila cussa fera tirriosa!
Si ti ‘occherat, oh sorte orrorosa,
non ti dia piangher in su lettu
ue a mundu ti ‘oghei e ne s’isposa
cun lastimosas làgrimas d’affettu
ti diat poder su corpus frobbire
giaghi sos canes t’an a iscarrire!–
20 Reu che chercu chi non timet bentu,
non mujesit Ettòrre, ojos de frama,
a sas pregadorias de sa mama,
ne s’addulchesit su coro a s’ammentu
d’Andròmaca istimada! Una sa brama
fit sa ch’aiat e, frimmu in s’intentu,
ebbia a Pê-velotze miraiat
ch’a passos mannos si nd’accurtziaiat!
737
Sa sùpplica
de Écuba
Dudas
e tzertesas

Càntigu XXII
21 Gai che terpe chi d’ervas tuscosas
s’est attatta e, accordigliolada,
in sa tana si nd’istat allertada
e detzisa cun dentes belenosas
a vittire de ‘enner caltzigada,
a tales foras de sas maestosas
muràglias d’Ilione fit Ettòre
prontu a difender sa vida e s’onore!
22 E in s’isettu ‘e s’attrividu abboju
cun coro tristu si naresit puru:
–Si mi retiro, sorte!, so seguru
ch’innanti si mi parat a mal’oju
Polidamante e, cun limbazu duru,
de chèrrere vittire su troboju
mi dat in cara, giagh’a sa torrada 3 ,
deo a foras sa zente apo mandada!
23 De nos nd’istare isse mi naresit
intro de ‘idda mezus inserrados
addaghi, appoi ‘e tantu, si mustresit
Achille a lantza in manu! Refudados
l’ap’ ‘eo sos cunsizos chi mi desit
e cun disdignu! ‘E tantos settesciados
gai so deo s’ùnica cajone
e sas crìticas timo d’Ilione.
24 No, non cherzo chi nerzan sas femìnas
corruttadas a friscu: –Cunfidende
già fimis in Ettòrre, ma ruinas
nd’amos àpidu ebbia perricchende
contr’a Pelide!– Pro cussas berrinas
mezus sa morte, inoghe, cumbattende...
o pro nd’ ‘essire mezus binchidore
s’est chi m’assistit Zeus a primore!
738

Sa morte de Èttore
25 E s’invece, remunida s’ispada,
bogadu s’elmu, lassadu s’iscudu
e a su muru sa lantza arrumbada,
tucchera a l’abbojare a cuss’atzudu
promittende a Elèna liberada
e ricumpensa manna pro s’impudu
de Paris frade meu? Paghe e oro
attattan e sulenan mente e coro!
26 Li dia poder fagher promittire
da-e sos majorales d’Ilione,
tistimonzu s’Olimpu, ‘e nos partire
paris patta cun sos d’Agamennone,
e pro cumpensu ‘e su longu patire,
sos tresoros chi a unu muntone
intr’ ‘e ‘idda tenimos in custou!
Ma ite so pensende! Assiat tzou!
27 Oh disonore... e beffe... e si Peleu,
appoi ‘e sos pibios, detziderat
su traste sou in pettus reu-reu
de mi felchire e finas m’aunzerat
che feminedda! No est cuss’acheu
eroe chi sas ciarras cunsiderat,
ne coriténnaru in tantu troboju
che amorados a su primu abboju!
28 Linna non mi nde carro, ne chimuza
s’isetto da’ Pelide bonu trattu,
ca non bi lassat per terra unu rattu
cussu ispughende, sida o farfaruza!
Ma no est tempus chircuza-chircuza
pius d’istare o de concluer battu!
Siat s’ispada a faeddare ebbia
e Zeus a detzider sa porfia!–
739

Sa fua de
Èttore
Càntigu XXII
29 Mancu aiat s’arréjonu cumpridu
chi, bellu che Enìalu 4 a innante
l’est s’eroe ‘e Fitia apparessidu
in una lughe ‘e brunzu alluinante,
alta teninde sa longa e pesante
lantza de frassu, cun s’oju ficchidu
a s’ala sua, chena mover chizu,
de ‘ittòria e de samben in disizu.
30 In lu ‘ider a tales imponente
su coro s’intendesit isalciadu
tott’in una Ettòrre e, ijantinadu,
da-e sa gianna ‘e Scea immantinente
boltende palas furriesit, rasente
sos muros de s’isprone, impressadu
che s’aeret in cara su Troianu
sa Morte ojadu cun sa falche in manu!
31 Ma decomente cun alas seguras
subr’a una columba timizosa
s’ ‘ettat s’astore da-e sas alturas,
ne podet cudda, pro cantu pressosa
siat sa fua sua, a sas cresuras
lomper a s’impelciare, ca tirriosa
de s’ae intendet sa presèntzia a palas,
gai Achille cun Troe in iras malas.
32 E fit tales s’apprettu chi che desin
in pag’ora unu e s’àteru inimigu
a su giassu ‘e su ‘etzu crabufigu
mujadu da’ su ‘entu. Pustis lêsin
s’istradone ‘e sos carros e lompesin
fintz’a sas benas de su Xantu antigu.
Fin duas: una fritta jerru e istiu,
s’àtera ‘uddente che su fogu ‘iu!
740

Sa morte de Èttore
33 Cue in tempos de paghe a samunare
tuccaian sas féminas troianas
e pojos, baltzas e petzas mirare
si podian inghìriu a sas funtanas.
Boghes però festosas e galanas
non s’intendian oe tinniare,
ma de duos eroes fentomados
su rentronu ‘e sos passos apprettados!
34 E fit cursa s’insoro pro sa vida
non pro si ‘alanzare calchi pannu
che in garas de festa! Ca si mannu
fit s’eroe ‘e Fitia in cuss’isfida,
galu forte e de tèmpera atzurida
fit su ‘e Tròia, mancari in affannu!
Gai in tundu a sos muros d’Ilione
curresin s’àrdia Ettòrre e Mirmidone!
35 Caddos parian issos curridores
usos a bincher in cursas de tzou,
ch’a porfia rendende sos onores
pro glòria fin in s’ora e pro mentou
a un’eroe mortu, a fagher prou
impittende ‘e sas ancas sos ardores
in s’ùltimu palone, cun s’afficcu
de si leare su pannu prus riccu.
36 Da-e s’Olimpu sos Deos intantu
mirende si los fin a mes’alenu
e, séidu tra issos, Zeus santu
finas narzesit cun cara d’appenu:
–Ràntziga, o Eterrenos, che belenu
est sa die de oe! It’ispantu
d’eroe ‘ido currinde a totta fua
própriu a s’intundu de sa ‘idda sua!
741
S’appenu
de Zeus

Sa fua
chen’ispera
Càntigu XXII
37 Cantos fiados m’at Ettòre forte
in s’Ida ispojoladu, in Ilione,
semper cun coro francu e devossione!
E-i como insoghende l’est sa Morte!
Ite nâdes: de li giambare sorte
prus nos deghet a cussu campione
o lassàrelu in manos de Peleu
pro nde muttire su longu impeleu?–
38 «O babbu soberanu, ‘e lampu e tronu
Segnore onnipotente, it’est ch’as nâdu?
–li rispondesit cun tonu airadu
Minerva Atena– Adducas in donu
amos finas a oe aisettadu?
Faghe a bìbbiu tou! Su padronu
ses tue inoghe. ‘Ardiandelu puru,
ma s’Olimpu as contra, ista seguru!»
39 E Zeus rie-rie: –Non t’inchietes,
fiza mia istimada Tritonea,
ne allega contrària t’aisettes
chi fatta pr’illongare sa pelea.
Sa ch’as intesa fit solu un’idea...
una gana... ma cheret chi t’apprettes
si bramas, poi ruttu tant’eroe,
de concluer sa gherra a bonu proe!–
40 In su l’intender, cun brama d’astore,
da’ sas chimas olímpicas furriesit
Minerva oji-asulina e che lompesit
che lampu da’ Achille e da Ettòre
giuilende che mai e s’abbandesit.
Che cane imperistantu catziadore
ch’apprettat da-e palas su crabolu
fit fattu a s’inimigu Achille a bolu!
742

Sa morte de Èttore
41 E cantas bias su dardanu eroe
addaenanti a Scea passaiat
e sutt’a sos bastiones, s’ ‘oltaiat
pr’ ‘ider si saettadu sos de Troe
l’aeren a Pelide! Ma fit proe
chi dare pius nemos li podiat,
s’est ch’in sa làntia de sa vida sua
b’aiat ozu pro s’ùltima fua!
42 Tales che cando, in sonnu, persighire
t’ ‘ides da’ unu pérfidu assassinu
ch’in palas una leppa ‘e ti felchire
bramat a bratzu altzadu e a boinu
fuis pro cantu innanti b’at terrinu
e cuddu infattu, chena resessire
unu o s’àteru a lòmpere a s’intentu,
paris cuddos currinde in su momentu!
43 Ma comente podiat Priamide
a sas Parcas fuire àter’ancora
si non l’aeret Febo dadu in s’ora
pro un’ùltima ‘olta briu e fide?
Timinde calchi lantza atterradora,
a sos Gregos intantu fit Pelide
abboghinende ‘e non lu saettare,
ca manu-manu lu cheriat leare!
44 Isse ebbia de li frangher su coro
bramaiat s’onore e-i su ‘antu,
pro Pàtroclo a innanti, pilos d’oro,
pustis pro Argo. In s’istadera intantu
d’ambos eroes de raru decoro
sos Fados detzidesit Zeus santu
de ponner de sa vida e de sa morte
pr’ischire d’unu e s’àteru sa sorte.
743

S’ingannia
de Minerva
Càntigu XXII
45 A punta in susu, a sa suppesada,
d’Achille si ch’altzesit su piattu,
mentres a s’Ade, che pedra imbolada
in su mare, su d’Èttore d’iscattu
che falesit pesudu paris fattu!
Bidinde sa sentèntzia decretada
finas Apollo lu lassesit solu
mancari cun su coro in disconsolu.
46 Atena invece, prus de prima acuta,
da’ s’eroe tucchesit de Fitia
pro li narrer: –O lumenosa ghia
de sos gregos destinos, oe rutta
as a bider sa lùghida zenia
de re Priàmu e, pustis, derrutta
sa ‘idda d’Ilione! Non b’at chie
prus lu pottat vittire, crê’ a mie!
47 Mancu si pianghinde a pês de Zeu
s’imbenujerat Febo, arcu de prata,
isprèndere de s’ùltima suffratta
diat poder sa soga a dardaneu...
ne àtere ‘e s’Olimpu, dea o deu!
Ma pro ch’a cara a pare ti nde l’ ‘atta
lassa a mie s’ingàrrigu pienu...
tue però t’arrea e torra alenu!
48 Ponzesit mente Achille e, giuilende,
poi frimmu a sa lantza s’arrumbesit
longa, de frassu. Da’ Ettòrre desit
lestra invece Minerva e, leende
su corpus de Deìfobo, li nêsit:
–Aja’ chi Pê-velotze t’est sighende!
Frimmàmunos, o frade, e a Fitia
sa ch’amos li mustramos balentia!–
744

Sa morte de Èttore
49 E s’ilìacu eroe chen’imbaru:
–Tue ‘e sos frades ch’Écuba m’at dadu
e Prìamu da’ primma su prus caru
mi fis, o Deifòbo! E si leadu
t’as suddu de a mie e refudadu
non m’as che-i sos àteros s’amparu
in s’ora ‘e su bisonzu, chi l’onore
cheret s’aggiudu tou e cun valore!–
50 «O Èttore istimadu, –s’Ojigiara
li rispondesit sighinde in s’ingannu–
ahi s’ischias cantu m’an insara
pro non bessire, cun boghes d’affannu,
babbu e mama pregadu a manu in cara...
e sos amigos! –Mi ch’est troppu mannu
contr’a Pelide s’arriscu... trattene...
–mi naraian– pensabe-i ‘ene!–
51 Ma própriu ca fit mannu su bisonzu
istareminde in Tròia non podia!
Ma muttìmunde donz’illerionzu...
e ponimos afficcu a sa porfia!
Bidimos s’est destinu ch’a Fitia
ambos tzedemos o si, testimonzu
su mundu, at a ruer Mirmidone
domadu da’ sas lantzas d’Ilione!»
52 Nênde gai, tucchesit sa Trassera
a s’abboju ‘e su fizu de Peleu
a passos longos, faghinde in manera
chi l’anderat infattu Priameu!
E cando a cara cun s’Acheu
s’agattésini, cun boghe fiera,
nêsit pro primu Ettòrre, in s’ausentu
frimmu che chercu chi non timet bentu:
745

Èttore e
Achille
a cara a pare
Càntigu XXII
53 –Accomi prontu, o Pelide, a s’isfida!
S’insara so fuidu e pro tres bias
inghìria-inghìria a sas muràglias mias,
est ca s’atza, in su t’ ‘ider, istasida
si mi fit totta paris e muttida!
Como torradas de sas balentias
mi sun sas fruas! Bidimos pertantu
chie si portat oe vida e bantu!
54 Leàmunos su tempus ambos duos
a Zeus Crono ‘e pretziare ebbia
e de giurare chi, a sos concluos,
chie l’ ‘incherat custa marrania
de s’inimigu torret a sos suos
su corpus, finas nudu, pro sa ria
de sa pàtria e pro s’ùltimu onore!
Lu ‘iuro, si nd’essera ‘inchidore!–
55 «D’accordos non faeddes, malaittu!
–li nêsit ojitortu Mirmidone–
Paghe non b’at tra ómine e leone
ne bi nde podet aer; ne appittu
istan a battos su lupu e s’anzone!
Sa natura los ponet in cunflittu
e mortalmente! A tales contr’appare
semos nois, ne balet a ciarrare!
56 Unu sa vida dêt rèndere a Marte...
ne discursos b’at primma d’amistade!
Adducas ti prepara pro cust’arte
e s’atza ch’as e-i s’abilidade
las mustra, ca bi nd’at netzessidade!
Ma ses già mortu! Dada a custa parte
si nd’est Atena e che cane dannarzu
como ti domat cun s’anzenu attarzu!»
746

Sa morte de Èttore
57 Nênde gai, urulende a boghe piena,
sa lantza longa ‘e frassu l’imbolesit...
in debadas però, ca la vittesit
abbasciéndesi Ettòrre giustu appena!
In terra trinnighende si puntesit
s’arminzu soberanu, ma Atena
istesit lestra a bi nde l’isfelchire
e a s’eroe sou a lu porrire.
58 De s’ordinzu non s’abbizesit nou
s’ilìacu campione ‘e s’Asulina,
s’est chi nêsit innante ‘e fagher prou:
–O Achille, ‘e sos deos raighina,
faddidu m’as! E su presumu tou
de m’annuntziare s’ùltima ruina
fit solu ciarra! ‘E su destinu meu
nudda t’at nâdu Atena e nudda Zeu!
59 De m’ ‘ider fis bramende che crabolu
fue-fue a nuscu ‘e mala fera
e gai da-e palas, oh consolu,
truncàremi sos brios! Cuss’ispera
ch’est barigada! In àtera manera
cheret chi ti lu catzes s’oriolu!
S’est chi t’aggiuat Minerva divina
felchimila in pettorra cuss’aina!
60 A custa lantza mia intantu attue!
Ah, si cravada ti l’ ‘idera intrea
intr’ ‘e corpus! Pius paga pelea
Argo nos diat dare, mortu tue!–
Bi l’imbolesit posca e mue-mue
a s’iscudu ispantosu frusca e rea
s’ispera d’Ilione s’attappesit,
ma che contr’a sa rocca rimbaltzesit.
747
Su duellu

Càntigu XXII
61 In s’ ‘ider s’inimigu galu ‘erettu
restesit chen’alenu su Dardanu
e cun su coro che mai in apprettu
àtera lantza no apende in manu!
A Deìfobo tando chen’isettu
la dimandesit... ma che fit lontanu
su frade chi crêiat a fiancu!
Gai, abbizendesinde, nêsit francu:
62 –S’ùltim’ora acco’ lómpida ‘e su Fadu!
De àere a costazu a frade meu
illusu m’at Atena e m’at trampadu!
E si, comente paret, Febo e Zeu
galu m’an issos puru abbandonadu
s’ ‘adde m’isettat trista ‘e s’usciareu!
Sa sentèntzia est custa, custa ebbia...
ma che vile non morzo, pàtria mia!
63 Fogu an a catzare pro a tie
de fizu tou sos bratzos, su coro!
Su morrer non mi pesat, mi nd’onoro!
Antzis ti naro: da-e custa die
lumenosa at a esser prus de s’oro
sa fama nostra e non b’at aer chie
in su nos numenare, da’ s’ispantu
in ojos non s’intendat su piantu!–
64 Da’ sa bàina s’ispada d’attarzu
nd’ ‘oghesit, nênde gai, de repente
massitza, ‘en’acutada, lutzighente
e decomente da’ unu roccarzu
peri sas nues cun biccu dannarzu
un’astore si ‘ettat imponente
subr’a unu columba o un’anzone,
tales Ettòrre a s’ala ‘e Mirmidone.
748

Sa morte de Èttore
65 E galu Achille cun àbrina brama
si l’avventesit cun s’iscudu innante
de dedàlea fattura, illuinante
cun s’elmu a battor puntas che fiama!
De filos d’oro parian sa trama
sos pilos brundos; rajos de diamante
sos pubusones pende-pende, ‘e chentu
e prus colores, déghile ornamentu!
66 Che a de notte d’Ésperu s’istella 5 ,
sa prima a oju umanu a si mustrare
e de tottas sa prus lùghida e bella,
in sa destra si l’ ‘idiat brillare
sa lantza poderosa chena pare,
ispantu de su mastru ‘e Mongibella!
E da-e conca a pês lu miraiat
mentr’a s’altzalifala la teniat.
67 Ue s’arminzu li poder felchire
fit a s’ispèria-ispèria meledende
detzisu custa ‘olta a non faddire!
Sas armas suas pustis connoschende,
sas ch’a Pàtroclo appoi ‘e lu ‘occhire
leadu Ettòrre aiat, che buddende
su samben s’intendesit prus ancora
e de l’ ‘ider sa ‘oza a limba a fora!
68 Tra tuju e coddu infinis sebestesit
de sa coratza un’ispallattada
chi lassait sa ‘ula iscovaccada...
puntu mortale! Si l’ammiriesit
e, teninde sa lantza ‘en’appunzada,
cun cant’aiat fortza l’imbolesit
accumpagnende sa ròdia ‘e sa pala
cun un’ùrulu ‘e lupu in notte mala!
749
Sa morte
de Èttore

Sa gràscia
negada
Càntigu XXII
69 Che lampu addaghi falat fatt’a tronu
l’intresit in su tuju sa saetta
bessìndeche a tirrìa ‘eretta-‘eretta
da’ s’àter’ala cun mortale sonu!
Degai in su piuer a s’appretta
si ch’agattesit s’Eroe prus bonu
de Ìlion e prus mannu, imbenujadu
fissende a Pê-velotze, ojimbidradu!
70 E benìndeli accurtzu Mirmidone
li nêsit tando cun boghe d’ispantu:
–Su ch’a Pàtroclo as dadu mal’ ‘uccone
e tragu mannu a mie acco’ piantu!
Oh iscabadu! Cando in su muntone
non m’ ‘idias gherrende, ti fit bantu
su fagher proe contr’a sos d’Atreu!
Su própriu non as fattu cun Peleu!
71 Sas carres ti dên como ischirriolare
a s’allimida canes e astores...
Pàtroclo invece piantos e unores
at aer prima de lu sepultare!–
E reduende Priameu a pare
sos chi restain ùltimos ardores
li rispondesit, giagh’a s’attappada
non si li fit sa ‘ula fragassada:
72 –A canes non mi lasses in pastura!
Pro sa vida ti prego, pro sos brios
ch’in sos benujos tenes galu ‘ios,
pro babbu e mama tua! Sepultura
lasse ch’apa da’ sos parentes mios,
attìttidos e fogu! A dismisura
Écuba e Priàmu brunzu e oro
t’an a dare. Atzèttalos, t’imploro!
750

Sa morte de Èttore
73 «Non m’implores, o cane! –ojincrispidu
l’abboghinesit Pelide– Finire
dês comente merìtas, ne pedire
mi dês gràscias, a tales inganidu
finas deo m’intendo ‘e ti felchire
sas dentes in sas carres! Recuidu
so a sa gherra –l’iscas– pro a tie,
pro m’avrescher in ojos custa die!
74 E cheres chi mi brive ‘e su consolu
de t’ ‘ider sa persone isossigada,
si fit cussa sa brama, cussa solu?!
Ne bastat s’oraria ch’arribbada
an babbu tou ed Écuba invocada
a m’isvoltare! Lastimosu dolu
no as àere, ne dissipu ‘e fogu,
ne lagrimadu interru in cada logu!»
75 E, morzende, sa turre priamea:
–De resessire, emmo, non crêia
a ti toccare coro, ca l’ischia
chi l’as de ferru! Chi sa sorte mea
non ti reservet s’eterrena Ghia
time però, addaghi in sa ‘e Scea
Febo immortale e Paris frade meu 6
t’an a catzare a s’ ‘adde ‘e s’usciareu!–
76 Isalenesit cun s’ùltimu muttu,
ojos a Tròia, Ettòrre gloriosu
e a s’Ade tucchesit lastimosu
de su fiore ‘e sos annos derruttu!
Ma Pê-velotze che a prima acutu:
–Mori –li nêsit– mori... e pressosu
tue bi cola intantu! ‘Eo sa sorte
bona o mala l’isetto a coro forte!–
751

Sa vinditta de
Achille
Càntigu XXII
77 Sa lantza ‘ittoriosa a istratzadura
depustis da’ su tuju nde li lêsit
ponìndela a un’ala e s’armadura
brutta e insambentada si nd’ ‘oghesit.
Una truma ‘e Danaos inghiriesit
tand’a Ettòrre e chie a ruspiadura
e chie cun sa lantza a l’isfregiare
fattesit prou e a lu frastimare!
78 Como non fit pius s’Èttore atzudu
de milli chertos, tronu d’Ilione,
si finas sos crabolos chen’impudu
si paraian contr’a su leone
a barra posta! E calchi limbudu
nàrrerli s’intendesit: –Oh, ‘ijone!
Addaghi contr’a nois t’ ‘oltaias,
a tales tuvonattu non parias!–
79 Che catziadore chi lassat sa fera
nusca-nusca a sos canes pr’un’iscutta
e godit in su ‘ìdere sa mutta
murru e dentes felchìreli, a manera
ch’intendat de cuss’arte prus acuta
sa bramosia, cun cara fiera
a tales Pê-velotze los lassesit
a s’inghìriu sos Gregos. Pustis nêsit:
80 –Eroe mios, prìntzipes e meres,
Zeus cuntzessu cun sos Deos tottu
m’an oe ‘e lomper in cust’abbolottu
a su prus mannu de sos piagheres!
Alabansados sian! Si connottu
amos però cust’ora, ‘e sos doveres
chi nos restan ancora d’agabbare
niune ‘e nois si dêt olvidare.
752

Sa morte de Èttore
81 Lestros! Sutt’a sos muros coittamos
galu una ‘olta a ponner marrania,
e gai ‘e cussa pérfida zenia
sas ch’an intentziones cumproamos,
poi orfanada ‘e sa suprema ghia!
Sighin a perriccare... e perriccamos;
detzidin de s’arrender... de fuire...
avantzamos e l’amos a ischire!–
82 Pustis che chie at olvidadu cosa:
–E prîte tant’apprettu? A frade meu
ch’est chena sepultura dignitosa
pensamos prima! Unores e teu
ch’apat Pàtroclo. O umbra dolorosa,
mancu in s’iscurigore ‘e s’usciareu
che bàrigat su sole, crê’ a mie,
de s’affettu chi tenzo pro a tie!
83 Adducas, fizos d’Argo, m’iscultade:
a mezus ora lassamos s’impignu
de concluer sa gherra in modu dignu.
Recuide a sas naves e pesade
a cuncordu una ‘oghe ‘e piedade
pro su fizu ‘e Menétziu e unu carignu
–s’ùltimu– li porride a chizu infustu!
Ca mortu est pro a nois cuddu ‘iustu!–
84 De s’inimigu tra anca e garrone
nênde gai sos nèrvios pertunghesit
e cun corrias de ‘ulu lighesit
ambos pês a s’ilìacu campione.
A su carru depustis lu prendesit
conca e palas lassende a pendulone,
ca fit peri su campu meledende
che pannu ‘e si lu gigher trisinende.
753

Su piantu
de Écuba
e de Prìamu
Càntigu XXII
85 A su carru, cun su fuette in manu,
infattis che pighesit chen’isettu
e, bettende un’urùlu disumanu,
sa parìglia ponzesit in apprettu!
E tue, o Zeus mannu, ‘e su Dardanu
ancora t’olvidesti, ca rispettu
podias minter nessi in Pê-velotze
s’ùltima pro vittire beffe atrotze!
86 In su pàtriu logu, ue adoradu
fit che deus Ettòrre e ue ruttu
fit gherrende che sempre a cor’alluttu,
ello a tales offesu e umiliadu
deviat Troe, insambentadu e bruttu,
bider s’eroe sou trisinadu!
E da’ sa rocca d’Ìlion tant’orrore
finas sa mama ‘idesit, oh dolore!
87 Su ‘elu che furriesit de reina
e sos pilos ch’in conca aiat canos
s’istratzesit cun ambas duas manos
a ticchìrrios de morte, sa mischina!
E pranghesit su babbu sa ruina
galu isse urulende... e sos Dardanos
a una ‘oghe! E finas Tròia, isfatta,
pariat pronta a ruer paris patta!
88 E a cantos chirchende d’impidire
fin a Priàmu d’abberrer in s’ora
sas giannas dardaneas (ca ‘essire
che cheriat su ‘etzu lestru a fora),
che boltadu ‘e cherveddu, ‘e los muttire
tentesit isse invochende ancora
su nòmene d’Ettòrre gloriosu,
iscudéndesi a terra tirriosu:
754

Sa morte de Èttore
89 –Lassàdemi tuccare da ‘s’eroe
tristu ‘e Fitia... già bi ando solu!
Su suddu bos cumprendo, ma chi proe
m’est dovere! S’edade e-i su dolu
d’unu babbu li dian poder oe
su coro ammoddigare. Su consolu
li pedo ‘e mi torrare a fizu meu.
Forsis betzu no est finas Peleu?
90 Cantos fizos m’at mortu... ohi cantos...
giòvanos tottu e fortes, ite prendas!
Ma fit Ettòrre de tantas siendas
sa pius rara, ispantu ‘e sos ispantos!
Si sun custos sos ùltimos piantos
pranghe, o coro, ne prima t’arrendas
d’aer pedidu gràscia e affriscione
pro s’isteddu prus giaru d’Ilione!–
91 «E prîte –mi dimando– ‘alu so ‘ia
s’est ch’in domo non prango a fizu meu?
–urulesit sa mama che in teu–
Tue sa glòria nostra, s’allegria...
tue s’ispera ‘e donzi dardaneu!
Pretziadu che s’olìmpica Ghia
fis da’ sa zente tua, Èttore mannu!
E como, o Zeus... como? Assiat dannu!»
92 Intantu, chen’ischire ‘e su maridu,
si nd’istait Andròmaca tessende
in sas istàntzias suas, isettende
chi nd’esseret a domo recuidu.
Ch’aeren sas antzillas iscaldidu
una labia d’abba lis fit dende
in s’ora su cumandu... ma su Fadu
bi l’aiat pro sempre già furadu!
755
Su piantu de
Andròmaca

Càntigu XXII
93 Che bentu, in su mentre, tirriosu
da’ sa turre a orijas l’arrivesit
un’ùrulu cumpattu e, lastimosu,
unu piantu longu. Li ruesit
da-e manos sa rucca e affannosu,
siddéndesi, su coro s’intendesit
e mùcculas sas ancas! In arguai
abboghinesit tando: –Non siat mai!
94 Duas de ‘ois, antzillas, tuccade
fattu meu... ajozi... c’apo intesu
sa ‘oghe ‘e sogra mia, chi rappresu
m’at su sàmbene in càscia... coittade!
Raju mannu a s’ilìaca tzittade
devet esser faladu! Ìstache attesu,
mal’annùntziu, da’ sas orijas mias!
Si m’allizan però già sas pupias!
95 Èttore... vida mia... ’essidu a fora
primu che sempre ses da’ Ilione?
Emmo ch’est gai! Tue ‘e Mirmidone
non la times sa lantza atterradora!
E forsis... forsis...– E currinde in s’ora
cun su coro che mai a trimizone
ch’ ‘essesit da-e domo rea-rea
e sas isclavas fattu... fintz’a Scea!
96 A sa lómpida, lestra a s’accerare
istesit da’ sa turre dardanea
e paris lestra in tottu a s’abbizare
de sa sorte d’Ettòrre! A s’ala achea
l’ ‘idesit da’ sos caddos trisinare
de Pê-velotze e, chena prus tenea
intendéndesi in coro, che falesit
longa per terra e si dismajesit!
756

Sa morte de Èttore
97 Sa corona perdesit maestosa
da-e conca, sa benda immaculada
chi bi la manteniat affianzada,
su ‘elu ‘e seda chi Venus diosa
l’aiat dadu sa die ch’isposa
si che l’aiat Èttore portada
da-e Tebe Ipoplàcia a Ilione
cun gosu e bantu de sos d’Etione.
98 Sas connadas luego l’inghiriesin,
parentes e amigas a chimentu,
ca morta s’iscuredda la crêttesin
a tales fit rendída in su momentu
e bianca che chera! Chen’ ‘istentu
tando s’abba in sa cara li ‘ettesin,
sulèndela in pius, sempr’a pibios,
pr’ ‘ider si li torràini sos brios!
99 E cando, pustis pagu, in sensos suos
torresit sa reina: –Èttore meu,
–urulesit pianghinde– nos at Zeu
bogadu a mundu paris ambos duos
cun su matessi Fadu tristu e reu!
Acco’ lómpidu in custos giassos tuos
s’ùltimu mal’ordinzu a finitia!
Ahi chi mai... mai lu crêia!
100 Prîte in Placo 7 buscosa partorida
m’at mama? Prît’Etìone allevadu?
M’aeren mezus negada sa vida!
Ahi corruttu ch’in domo est faladu!
Viuda deo... su fizu orfanadu...
gai piticu... o prenda isvanessida!
Ghia non l’as a esser, ne difesa;
ne isse amparu a tie in sa ‘etzesa!
757

Càntigu XXII
101 Ca si puru fuerat a sa morte
in custa gherra lagrimosa e dura,
b’at aer chie cun trassa o cun fura
menguante l’at a rèndere sa sorte!
Addaghi restat una criadura
chen’affianzos, o Ettòrre forte,
finas lu lassan solu e in s’affogu
sos ch’aiat cumpagnos in su giogu!
102 Cun su piantu in ojos fittianu,
a su giannile s’at a presentare
de custu o cuddu che pedulianu
su chìrriu de sa ‘este a li tirare!
E si calcunu a li ponner in manu
calchi cantu ‘e cosa at a pensare,
mossu est ch’attattat un’iscutta ebbia,
no chi torrat in coro s’allegria!
103 Àtere, forsis, cun ghigna de cane,
foras catzendechelu da-e domo,
l’at a narrer, neghéndeli su pane:
–Inoramala bae, non ch’est como
cun nois babbu tou!– E s’assomo
custu suddu a su dannu, iguddane
mezus mi che disizo, umpare a chie
fit lughe pro su fizu e pro a mie!
104 Anzoneddu ‘e mama... Astianatte!
“segnore –ti nomain– de sa ‘idda” 8
da-e sende attaccadu a sa mamidda!
Già t’amos allevadu a mele e latte!
Ma da-e fogu mortu un’istinchidda
coment’est chi si pesat? Chi l’agatte
cheret adducas unu lumen nou,
pobiddu meu ‘onu, a fizu tou!
758

Sa morte de Èttore
105 O babbu disdicciadu, in oriolu
prus non recuis como a l’imbuccare
meuddu e primulatte o a consolu
in sos benujos a l’ingiogatzare!
In sas naves acheas, ite dolu,
sas carres nudas t’an a divorare
prima sos canes e sos bermes poi
de cantu ti bi lassan... ahi, ohi!
106 Nudu!... che cando in domo, ànima mia,
non nd’aeres de pignos arribbados
dignos de unu Re e recramados
da-e manos de rara valentia!
Ma già ch’in Tròia no as aer ria,
pro t’onorare chi ‘enzan brujados
apo a cumandare... própriu gai!–
E tottu a una ‘oghe: –Ohi, ahi!–
759

Càntigu XXII
NOTAS DE SU CÀNTIGU VINTIDUÉSIMU
1 s’Antenoride [...] : Agènore, fizu de Antènore troianu.
2 s’isteddu ‘e Sìrio [...]: S’isteddu pius lughente de sa costellassione
de su Cane Mazore, giamadu puru “Su cane de Orione”, catziadore
famosu ‘oltadu in isteddu paris cun su cane sou. S’accherada sua
annùntziat s’istiu, carradore de caldu e de maladias.
3 a sa torrada [...] : A sa torrada in gherra de Achille, pustis de sa
morte de Pàtroclo.
4 Enìalu [...]: Istivinzu de su deus Marte o Ares, mere soberanu de
sa gherra.
5 d’Ésperu s’istella [...]: Sa prima e pius lùghida istella chi s’accherat
in chelu poi iscurigadu.
6 e Paris frade meu [...]: Segundu sos antigos, s’ómine, in puntu ‘e
morte, aiat su podere de sa profetzia. Èttore, morzende, annùntziat
a s’inimigu sa morte sua pro manos de su frade, Paris, tales che vinditta
de ómines e deos. Galu in su Càntigu XIX^ Xantu aiat profetizadu
sa morte a Pelide, ma non in manera gai pretzisa.
7 Placo [...]: Montagna buscosa de sa Mìsia, ue regnaiat Etìone, su
babbu de Andròmaca.
8 “segnore -ti nomain- de sa ‘idda” [...]: Astianatte, infattis, in limbazu
gregu, cheret nàrrere “segnore de sa ‘idda”.
760

ILIADE
CÀNTIGU VINTITREÉSIMU
SAS ONORÁNTZIAS PRO PÀTROCLO
Chertende a punzos

Càntigu XXIII
SUMMÀRIU
Su teu de Achille Ottavas 1-6
S’ùltimu accunortu 7-11
Sa dulche visione 12-21
Sa léttiga ‘e su dissipu 22-28
Achille si nde segat sos pilos 29-38
S’ùltimu fogarone 39-46
Sas relìchias de Pàtroclo 47-50
Sas garas in onore de Pàtroclo 51-58
Sos cunsizos de Nèstore ad Antìlocu 59-68
Sa partèntzia de sos carros 69-71
Eumelu e Diomede 72-76
Antìlocu e Menelau 77-83
Idomeneu e Oileu si brìgana 84-91
Diomede ‘inchidore e... sos àteros 92-98
Sa protesta de Antìlocu 99-103
Sa chènscia de Menelau 104-106
Antìlocu pedit perdonu a Menelau 107-112
Achille prètziat a Nèstore 113-120
Chertende a punzos: Epeu e Eurìalu 121-130
S’acchintada: Telamone e Odisseu 131-138
Sa cursa a pê’ 139-143
Ulisse ‘inchidore 144-148
Sa gara de s’ispada 149-154
S’imbolu de s’aiscu 155-159
Sa proa de s’arcu 160-166
S’imbolu de sa lantza 167-169
762

Sas onorántzias pro Pàtroclo
1 Sende in Tròia sa sorte ‘e Priameu
cuddos 1 pianghinde che disisperados,
a sas naves insoro fin torrados
sos gherradores d’Argo a un’ ‘oleu.
Ma non cherfende su fizu ‘e Peleu
chi s’esseren sos suos abbandados:
–Mirmìdones, –lis nêsit– m’intendide
e una ‘olta ancora m’obbedide!
2 Sos caddos attaccados los lassade
galu a sos carros, non los isseddedas,
e prontos a li rèndere siedas
a Pàtroclo onzi onore e dignidade!
Pro tres bias ch’in tundu li giredas
cumandan affriscione e piedade.
Fattu meu tuccade... e pustis solu
los isprendide e dàdebos consolu!–
3 Cun un’ùrulu longu tott’umpare
lestros li desin s’accussentimentu
e, ponìndeli fattu, in su momentu
in tundu comintzesin a girare
a su mortu cumpanzu e a pesare
altu finas a chelu su lamentu!
E lis creschesit Teti a tottucantu
in su mentre sa ‘oza ‘e su piantu.
4 S’àrdia pro tres boltas a puntinu
li curresin, su nomen invochende
a dogni furriada e aundende
de làgrimas de dolu su terrinu.
Sas manos, pustis, Achille divinu
ancora insambenadas isterrende
subr’a s’amigu, abboghinesit: –Frade,
gosa ‘e cust’ora, si b’at gosu in s’Ade!
763
Su teu
de Achille

S’ùltimu
accunortu
Càntigu XXIII
5 Accomi prontu a ti render s’onore
chi ti promittei, ànima pura!
Mortu a inoghe ti nd’ ‘atto a Ettòre
pro lu dare a sos canes in pastura!
Dóighi dardaneos de valore,
in su fiore de sa gioventura,
galu che ‘occo pro glòria e mentou
e los brujo in su fogu a fiancu tou!–
6 Nênde gai, su corpus martoriadu
de s’ilìacu eroe nde trazesit
a su tùmbaru accurtzu e lu ponzesit
a cara a terra, che imbenujadu
innanti a s’amigu! Cumandesit
infinis, suddisfattu, ch’approntadu
b’aeren bustu mannu, pr’accunortu
de cantos pianghinde fin su mortu.
7 De sas armas de brunzu s’ispozesin
sos Mirmidones tando e a isgiungher
da’ sos carros sos caddos coittesin
e a los iscappare. Posc’a pungher 2
barveghes rassas e crabas pensesin,
porcos e anzones e a b’aggiungher
linna russa a su fogu, ‘en’appetzada,
pro chi esseret sa braja falada.
8 E, felchida sa petta in sos ispidos,
l’arrustesin... leende a mandigare
prus pro cumprire che pro s’attattare
a tales si sentian affliggidos.
Gai appena agabbadu de ‘ustare,
pensende ‘e l’alleviare sos sentidos,
a sa tenda sos d’Argo ‘e prim’Atreu
ch’accumpagnesin su fizu ‘e Peleu.
764

Sas onorántzias pro Pàtroclo
9 Lómpidos cue, d’abba unu lebreri
luego li fattesin iscaldire,
crêinde chi sas manos volenteri
disizerat s’Eroe ‘e si frobbire.
Ma, refudendebilis, su gherreri
finas giuresit: –Mi pottat colpire
cun sa ‘értiga sua Zeus Mere
si toccher’abba 3 prima ‘e su dovere!
10 Innanti b’est s’obblìgu pro sos bios,
e pro a mie prus de tottu ancora,
d’arremiarzare linna meda in s’ora
pro li render sos ùltimos adios
cun su fogu. Galu sos pilos mios
che devo in sa fiara destruidora
paris cun tottu s’àteru ‘ettare
e cun su corpus sou dissipare!
11 Tue intantu, o Atride Agamennòne,
chi ‘ènzana sos truncos approntados
e sas sidas cumanda e assentados
pro su bisonzu a unu muntone.
Pustis ch’apat Patròclo ‘e sos soldados
su piantu de s’ùltim’affriscione
fintz’a benner chijina e una losa,
a nomen d’Argo, paris dignitosa.–
12 Nêsit; e cant’aiat in prenettu
lêsin a l’approntare sos d’Atreu.
Tand’a s’ispiàggia su fizu ‘e Peleu
ch’ ‘essesit a sa sola e, in s’isettu,
de si ch’abbandare in unu trettu
pensesit, ue fit su mare arreu
abbolottadu e-i s’introna e tzocca
fittianu ‘e sas undas contr’a rocca.
765
Sa dulche
visione

Càntigu XXIII
13 S’isterrijesit... galu lagrimende,
chen’asséliu perunu a sa ‘errina,
finas a cando, che suave frina,
non l’abbratzesit su Sonnu, allizende
in isse donzi briu e in sa marina
lasséndelu drommidu! Pessighende
infattis sutt’a Tròia a Priamide
med’istraccadu si che fit Pelide!
14 Acco’ luego ch’in sonnu l’ ‘enzesit
s’umbra ‘e s’amigu sou disdicciadu,
oji-lìmpiu che prima, ‘en’agontzadu
in melmos e bestires. S’assentesit
accurtz’a isse, e cun boghe li nêsit
dulche e detzisa.–O Achille istimadu,
duncas drommis! E non pensas a mie?
Send’ ‘eo ‘iu non fis deasie!
15 M’olvìdas mortu invece! Ahi tristura!
Non mi neghes ancora ‘e sa piedade
sa gràscia estrema! Dami sepultura,
pro chi, ‘iampadu s’Acheronte, a s’Ade
potta lomper luego. E dami, o frade,
sa manu tua, ùltima dulcura,
pro chi l’istringa. Appoi ‘e s’interru
nemos bessit pius da’cuss’inserru!
16 Oh, chi prus mai deo e tue, solos,
nos los amos a poder cunfidare
segretos e suspiros pare-pare!
Nos at su Fadu de tales consolos
e pro sempre brivadu... e noittolos
dannos est ordinzende: ‘e ti leare
da-e ojos sa lughe at decretadu
sutt’a Tròia superba, o disdicciadu!
766

Sas onorántzias pro Pàtroclo
17 M’isculta tando e, si lu bramas, faghe
ch’a mìsciu appare in sa matessi losa
che relìchia reposen amorosa
sos ossos tuos e mios, in paghe!
Nos at a parrer mancu dolorosa
tando s’astrura ‘e s’orrorosu umbraghe
e pius pagu crudele sa sorte
s’aunidos restamos in sa morte!
18 Gai comente in s’affettu ‘e Peleu
creschemis, unu a s’àteru cunfortu,
(da’ cando da’ Opunte babbu meu
mi nde ‘attesit, ca b’aia mortu
gioghende a dados e pr’isbàgliu reu
d’Anfidamante s’ùnicu accunortu!)
a tales fintz’in s’ùltimu reposu
s’istare umpare nos siat de gosu!
19 In sa d’oro massitzu tecla rara
ch’unu die ti desit Teti santa
duncas dispone, o divina pianta,
chi sas chijinas nostras, sorte giara!
resten e pro s’eternu accanta-accanta!–
E Pê’-velotze, fisséndelu in cara:
–E prîte, ànima mia, ses torradu
e mi faeddas cun tonu accoradu?
20 Emmo, non dudes pro cussu disizu...
su chi bramas bram’ ‘eo... ma intantu
a mie ti nd’accùrtzia... ‘alu un’aizu
istringhìmunos forte e de piantu
si tatten ambos coros, chizu a chizu!–
Nêsit; e versus s’amorosu incantu
tremuleos sos bratzos allonghesit...
ma s’Umbra che fumatza li fuesit!
767

Sa léttiga ‘e su
dissipu
Càntigu XXIII
21 Si nd’ischidesit a su disingannu
cun sa mente luada e, suspirende,
nêsit s’Eroe de Fitia mannu:
–Sas Ànimas de s’Ade, so ‘idende,
bias paren a nois (oh, ingannu!)
ma sun upas ebbia! Faeddende
cun Pàtroclo già fia pag’insara
che in persone... ma fit s’Umbra cara!–
22 E li brotesit che abba da’ ‘ena
galu su prantu, fùrridu, bundante,
chena sulenu perunu a sa pena!
E tales Eos, sa chizi-brillante,
l’agattesit istérridu in sa rena
a s’ ‘essida in su carru triunfante!
A s’arborinu intantu a Merione
aiat cunvocadu Agamennòne.
23 Su cumandu li desit de tuccare
cun maicantos mulos e soldados
a sos buscos d’affacca a bi segare
linna bundante. E-i cuddu, iscultados
sos disizos, a sos órdines dados
ponzesit mente chena bistentare.
Gai in medas cun funes e bistrales
ch’ ‘essesin lestros cun sos animales.
24 Lêsin un’utturinu e, a s’altza e fala
peri iscameddos, istrampos, mattedos,
unu assegus de s’àteru, a una pala
desin de s’Ida ricca d’arvuredos.
Cue suerzos, élighes, chessedos
nd’ismutzurresin, che postos a gala,
los appetzesin a cantos che pare
galu pensende de los affunare.
768

Sas onorántzias pro Pàtroclo
25 Affasciesin sas sidas a puntinu,
barriesin sos mulos e in s’ora
recuesin pressosos, su caminu
istragosu d’innante lênde ancora!
In s’ispiàggia, appenas pagu fora
da’ ue s’unda abbojat su terrinu,
sa linna, a s’arrivida, isgarrighesin
e remiarzu mannu b’approntesin!
26 S’armadura de brunzu Mirmidone
nêsit tando a sos suos de s’ ‘estire,
che a festa sos caddos de frunire
e de tuccare che in pultescione
cun su mortu a s’ultìmu fogarone.
Fattesin gai... e acco’ partire
a innanti sos carros, affilados,
e fattu-fattu, a mizas, sos soldados.
27 E, gittu a palas da’ sos de Fitia,
Pàtroclo in mes’a issos, covaccadu
da’ sos pilos chi s’aian segadu
sos amigos prus caros, che a porfia,
pro làstima e onore; e in angustia,
tenìndeli sa conca, ojimbidradu
s’Eroe ‘e sos eroes, cun sa morte
pintada in cara e d’isse pius forte!
28 Posca, addaghi lompesin a su logu
de su dissipu e de si ch’assentare
a corona agabbesin tott’umpare,
subr’a sa chea pro s’ùltimu allogu
collochesin su mortu. E fit su fogu
de chentu tedas prontu a l’allumare
su remiarzu cun piedosu affettu,
cand’apesit Pelide àteru apprettu!
769

Achille si
nde segat
sos pilos
Càntigu XXIII
29 Sos tzuffos suos brundos che-i s’oro,
chi cunsacradu aiat Peleu
a su riu ‘e Fitia 4 cun decoro,
si mutzesit, narende: –Babbu meu
indebadas, o Spérchiu 4 , a man’in coro,
si recuidu da’ cust’impeleu
biu nd’essera, t’aiat promintu 4
sos pilos mios longos fin’a chintu!
30 Galu chimbanta màscios ti deviat
rassos sacrificare in su ‘enale
u’est su templu tou, o Immortale!
Gai nessi su ‘etzu isperaiat...
ma non l’adempis tue! E tando siat
s’ùltimu donu a chie coriale
apesi che niune e caru in vida,
giaghi negada m’est sa recuida!–
31 Nêsit; e in sa manu de su mortu
su màttulu ‘e sos pilos collochesit,
mentres d’affriscione e d’iscunfortu
un’àter’unda in chizos s’intendesit
de piantu onzi gregu e succuttesit.
E fit ruttu su sole e in su portu
chen’inchesu fit Pàtroclo restadu
si própriu Achille no aeret nâdu:
32 –Chi recuan cumanda, Agamennòne,
sos gherreris acheos a bustare,
giagh’an prantu bastante in l’onorare.
A s’esércitu toccat Mirmidone
de l’inchender s’ultìmu fogarone
e sas chijinas de ponner a pare!
Sos cumandantes chi resten ebbia
d’Argo cun nois fintz’a finitia.–
770

Sas onorántzias pro Pàtroclo
33 In l’intèndere su Re de sos Rese
dispidesit luego s’attrumada,
mentr’in tundu a sa chea arremiarzada,
longa e larga a narrer chentu pêse,
lêsin sos de Fitia, a ses a sese,
una chedda d’ ‘arveghes seberada
a b’iscannare e, corrilunados,
a ispojolare maicantos fiados.
34 S’ozu de sos trippales nde leaiat
da’ onzi ‘èstia Pelide pressosu
e subr’a su cumpanzu, coidadosu,
da’ conca a pêse che l’assentaiat 5
e broccas galu bi collocaiat
mes’ingrusciadas d’unghentu olorosu
e de mele pienas, pro su mortu
e pro sos Deos déghile accunortu.
35 Battor caddos, depustis, volenteris
cun s’ ‘entinnu che sole lutzighente
ch’ispinghesit in mesu de repente,
onore pro su Mere ‘e sos gherreris 6 .
De sos canes ch’aiat isterzeris
(noe in tottu), duos prontamente
nd’isbulesit cun sa leppa d’attarzu
ponindechelos in su remiarzu.
36 Sos dóighi gagliardos giovaneddos
cun ira mala, infinis, settesciesit
passéndelis s’ispada in anguleddos
e, leada una teda, che l’ ‘ettesit
in sa léttiga manna. Abboghinesit
tand’a su mortu, che fora ‘e cherveddos:
–Bene t’agattes in su regnu ‘e s’Ade,
Pàtroclo meu, pro s’eternidade!
771

S’ùltimu
fogarone
Càntigu XXIII
37 Acco’ mantesas sas promintas mias:
dóighi dardaneos de valore,
che a tie ‘e sa vida in su fiore,
as a costazu in sas fiaras bias!
Ne at aer Ettòrre tant’onore,
mortore tou, cuntentu nde sias,
ca lu dao a sos canes in pastura!–
Nêsit; e s’abbandesit in tristura.
38 Ma non fin cue sos canes ancora
aisettende a li felchire dentes,
ca Venus e Apollo onnipotentes
bizende fin su corpus a dogn’ora,
frighéndeli sa prima amparadora
unghentos d’ozu ‘e rosa lutzighentes,
cun una nue s’àteru impidende
a su sole ‘e l’ ‘attire che pudende.
39 Su fogu imperistantu a grea a grea
fit teninde, fumende de continu
chena catzare fiaras. A Borea,
altzende a chelu una coppa de ‘inu,
tand’invochesit Achille divinu
e a Zefìru, promittende intrea
una chedda de lis sacrificare,
si b’aeren suladu ambos umpare.
40 In su l’intender, Iris pê-lezera
a su logu pensesit de sos Bentos
de ch’ ‘essire, ‘olende a mes’aera.
Da-e Zefìru in dulches ausentos
los agattesit tottu e a manera
chi l’eren bida fattesit. Cuntentos,
a s’annotu, ch’esseret avantzada
li nêsin che a gala a sa Biada.
772

Sas onorántzias pro Pàtroclo
41 «Trattenner non mi potto, perdonade!
–lis rispondesit pressosa– Tuccare
da’ s’Etìope devo e presentziare
a sacrifìtzios mannos. M’iscultade,
o Borea e Zefìru: in unidade
bos invocat Achille, pr’abbivare
in sa léttiga ‘e Pàtroclo sas fiaras
e onoràntzias bos promittit raras!»
42 Si dispidesit chen’àter’isettu
s’Imbasciadora ‘e sa Corte divina
e, paris lestros, a una ‘errina,
ambos bentos ch’ ‘essesin in apprettu,
bulluzende s’istérrida marina.
Lómpidos pustis a su cadalettu
fumante d’Ilione s’unfiésini
e altas sas fiaras si pesésini!
43 A totta notte sighesin su fogu
a b’abbivare a prenos pumones,
mentres sa ghia de sos Mirmidones
a pês de Pàtroclo e peri su logu
coppas de ‘inu de dulches budrones
isparghesit continu, in affogu
s’Umbra ‘e s’amigu tottora invochende,
como a pibios e posca urulende.
44 Tales comente pranghet de su fizu,
noellu isposu, unu babbu sa morte
e malaighet s’infelitze sorte
in l’ ‘ider brujende e marturizu
proat crudele, gai, paris forte,
fit d’Achille su dolu in assimizu,
s’est ch’a terra a succuttos s’iscudiat
e trijinone in tundu furriaiat!
773

Sas relìchias
de Pàtroclo
Càntigu XXIII
45 Ma cando imbasciadora ‘e lughe noa
s’istella ‘e Lutziferru 7 si tudesit
ed Eos bella, ‘enìndeli a coa,
su mundu ‘alu una ‘olta indeoresit,
acco’ ch’a finis sa fiara ‘enzesit
dissipadora e, poi ‘e tanta proa,
recuesin sos Bentos ambos pare
undas pesende in su tràciu mare.
46 Tucchesit tando in brama de reposu
attesu da’ sa léttiga Peleu
e, in l’ ‘ider, su Sonnu affriscionosu
sos chizos li faschesit a recreu.
Ma d’unu sustu ebbia apesit gosu,
giagh’in si reunire da’ s’Atreu
sa ciarra ‘e sos soldados li seghesit
cuvios e sulenu e l’ischidesit.
47 Frighéndesi sos ojos nêsit tando:
–O re Atride, o Panacheos 8 frades,
cun su ‘inu nieddu raccumando
d’istudare su fogu e, si parades
a su chi pedo orijas, solu cando
prus non si pesat fumu, nde pijades
sas relìchias de s’amigu inchesu.
Duda non b’at: sun sas chi sun in mesu!
48 In una giorra de las remunire
pustis naro de oro, imboligadas
cun s’ozu ‘e duos fiados 9 , sizilladas,
finas a cando s’an a reunire
a sas chijinas mias! In debadas
diazis una losa costruire
com’imponente. Duncas m’intendide:
déghile, mortu deo, la faghide!–
774

Sas onorántzias pro Pàtroclo
49 Nêsit Pelide; e cuddos cun su ‘inu
sas ùltimas fiaras istudesin
e sos ossos biancos nd’accogliesin,
pianghende, de Pàtroclo mischinu.
Cun s’ozu ‘e sos trippales los faschesin,
pustis cun bendas de càndidu linu,
de los serrare déndesi penseri
in unu d’oro appositu fortzeri.
50 In s’isettu ‘e li dare sepultura,
a sa tenda ‘e s’amigu chen’imbaru
su relichiàriu che portesin caru,
mentr’àteros, sestada sa mesura
de sa losa, si lésini pressura,
tott’in tundu a sa léttiga e cun raru
amorosu impignu, ‘e comintzare
sos fundamentos a b’ammanizare.
51 Su trettu, intantu, aiat seberadu
pro sas garas Pelide de onore
e da’ sa nave nd’aiat carradu
trìbides, broccas, brunzos de valore
pro pannu a dogn’atleta ‘inchidore
e caddos e laghinza e madrigadu,
mulos, bijos e isclavas ancora
bellas che a puddiles s’aurora!
52 A innante sos prèmios detzidesit
pro sa cursa ‘e sos carros: d’assignare
a su primu una fémina pensesit
bona padrona ‘e domo e de li dare
cun asas unu trìbide; cherfesit
un’ebba a su segundu regalare
cun unu mulu in titta, d’annos sese,
e, ìnnida, una brocca a su ‘e trese.
775
Sas garas
in onore de
Pàtroclo

Càntigu XXIII
53 A chie cuartu s’esseret distintu
duos talentos daiat pro pannu
e unu labiolu pro su cuintu
mai trattadu, ‘e ramu, tundu e mannu.
E nêsit, pustis, non pius astrintu
in bula che a prima da’ s’affannu:
–O Atrides, o Gregos, m’iscultade
e a Pàtroclo ancora l’onorade!
54 Acco’ sos prèmios chi s’ ‘alanzat chie
si la senterat d’intrare in su chertu.
Pro un’àter’eroe fintz’a mie
s’isfida fit piàghida e, tzertu,
nemos innanti meu che fit fertu,
ca sos caddos chi tenzo, est deosie,
e ch’apesit Peleu da’ Nettunu
sun fiados chi non binchet niunu!
55 Duncas arressa sa parìglia mia
mi toccat de mantenner a un’ala,
ca pius s’iscuderi, sorte mala,
non tenet gloriosu d’una ia,
isse ch’a donzi occasione ‘e gala
cun abba e ozu che istella ‘ia
lùghere lis faghiat corpu e giua,
ca bi teniat che a cosa sua!
56 E issos, che persones, tant’affettu
li cumprendian... emmo... própriu gai!
Miràdelos cuddane in arguai
pranghinde murribàscios a profettu
s’amigu chi non dên bider prus mai!
Bois como leàdebos s’apprettu
de currer pro a isse e a porfia,
cuddos ch’an in cust’arte balentia!–
776

Sas onorántzias pro Pàtroclo
57 Nêsit; e si fattesin a innante
su de Fere Eumelu curridore,
fizu d’Admetu, e mastr’intendidore
de caddos che a pagos; su brillante
Tidide, cun sa parìglia ‘e valore
ch’a Enea furesit, in s’istante
chi de sa vida fit pro lu brivare
si non pensait Febo a l’ ‘ardiare 10 .
58 E galu Menelau l’atzettesit
su cumbidu ‘e s’eroe Mirmidone
e cun Eta e Podargu 11 si mustresit:
puddedra –cudda– chi Agamennòne
da-e tales Echépolu 12 retzesit,
ómine riccu meda ‘e Sicione 13 ,
pro chi da-e su chertu troianu
l’aeret isfrancadu su sovranu.
59 Antìlocu, depustis, Nestoreu
avantzesit, sos caddos trattenzende
giuilongos, chi appeittighende
catzain fogu da’ sos pês arreu.
In su lu ‘ìdere, a unu ‘oleu,
si l’accurtziesit su babbu narende:
–Sol’appena m’isculta, o forte fizu,
si mai bisonzeras de cunsizu!
60 Zeus e Posidone ammaestradu
t’an in cust’arte cun raros talentos
gióvanu ancora, o tue fortunadu!
Inte’ però sos ch’apo pensamentos:
beru est chi lestru in su puntu signadu
ses tue a furriare, ma sun lentos
sos caddos tuos poi in s’istirada
e chi ti colen cue est s’arriscada!
777
Sos cunsizos
de Nèstore
ad Antìlocu

Càntigu XXIII
61 Cheret adducas chi nd’ ‘oghes a fora
sas chi connosches astrùssias e trassas,
si no su primu prémiu bi lis lassas!
Prus de sa fortza, su mestieri in s’ora
su segalinna impittat e ancora
su piscadore, addaghi barca e nassas
tzoccan sas undas e sos bentos rudes!
Tue su própriu faghe e ne t’impudes!
62 Chie ‘e sos caddos ch’at e de su carru
troppu si fidat e si crêt seguru
girat a largu sovente e s’abbarru 14
finit chi perdet de sas brìglias puru;
pius abbistu, invece, in cuss’isgarru
de non rùere chircat chie, a misturu
poninde abilidade e isperièntzia,
at de sos fiados suos connoschèntzia.
63 A sa làccana ‘e sutta si mantenet
custu serente e, cun s’oju ficchidu
in sos àteros carros, dat sighidu
a su momentu giustu o los trattenet
déndelis brìglia o a camu sizidu!
Pro chi sa cursa posca non ti frenet
o ti siat d’impìdu a sa ‘ittòria,
inte’ custu e ténalu a memòria:
64 Postu ‘e sa furriada at Mirmidone
in fundu su signale, própriu inue
de chercu o d’àteru unu mutzigone
b’at non fràtzigu ancora (forsis cue
in s’antigòria ‘e calchi campione
bi fit sa tumba o su puntu fit ue
caddos e carros devian ghindare,
tales ch’a bois como in su chertare!).
778

Sas onorántzias pro Pàtroclo
65 A destra de su tzippu dês notare
duas pedras, comente a s’ala manca,
chi paren tintas cun carchina bianca:
sa pista est larga cue. In l’affrontare
meleda cun sa roda ‘e ratzigare
sas manchinas e, bilanciende s’anca
a dovere e su corpus, dali brìglia
e boghe imperiosa a sa parìglia.
66 Si da’ sa curva nd’ ‘essis a innante,
nemos leare ti podet su pannu,
ca los obblìgas a giru prus mannu,
ne balen caddos bonos a s’istante!
Chi non t’atzuppes, mira, est importante
a cussos crastos mannos, si no dannu
podes patire e grae in cussu trettu
chin gosu ‘e sos rivales e profettu.
67 Duncas impitta cherveddu e prudèntzia
e solu arrisca in su momentu giustu;
si pones mente e resessis in custu
nemmancu d’Arione 15 sa potèntzia
(caddu d’Adrasto 16 de divin’essèntzia)
ti at a poder dare calchi assustu,
ne sos fiados de Laomedonte 17 ,
sos mezus de sa terra, tenner fronte!–
68 Appoi ‘e s’avvertèntzia, imbiadu
ch’at su fizu a s’abboju Gereneu.
Intantu su ‘e chimbe appresentadu
si fit già: Merione. E Peleu
intr’ ‘e un’elmu ch’aiat bettadu
sas sortes. Las boghesit: Nestoreu
bessesit primu, posc’Admetide,
Menelau, Merione e su Tidide.
779

Sa partèntzia
de sos carros
Eumelu e
Diomede
Càntigu XXIII
69 Si pontzesin in fila, aisettende
de sa partèntzia infinis su signale.
Prima però, tra issos avantzende,
sa furriada Achille puntuale
lis pretzisesit, s’ingàrrigu dende,
pro chi tottu esserat parinale,
a su ‘etzu Fenice, ch’osservare
deviat sa currella e relatare.
70 A s’abbasciada ‘e sa manu, tzocchesin
tott’umpare che tronu sos fuettes
e da’ sa posta a bolu ch’istuppesin
a s’intzitu sos caddos che coettes,
a giua a bentu! Nues si pesesin
de piùere altas e, che bettes
de antigòrios zigantes gherreris,
reos s’ ‘idian sos chimbe gherreris.
71 Bramosos de ‘ittòria, a guvernare
pensaian sos carros a puntinu,
massim’a tottu ue su terrinu
a iscameddos fit e boltulare
lis si podiat, pro su saltiare
de sas rodas. E gai de continu,
a segunda ‘e su logu, lis daian
brìglia isolta o bi lis tiraian.
72 Su fatt’istat chi, primu, a sa ‘oltada
s’appresentesit Eumelu in s’ora,
fùrriu che bentu in die ‘e temporada,
cun sa parìglia ‘e Troe ‘oladora
a costazos però appitzigada,
chi ghiende cun manu ‘alidora
fit su fizu ‘e Tideu, in isettu
de lu colare in su paris nettu.
780

Sas onorántzias pro Pàtroclo
73 E coladu l’aiat, b’at de crêre,
si ruer su fuette da-e manos
non li faghiat de s’arcu su Mere!
Ùrulos d’ira tando subrumanos
bettesit isse da’ su dispiaghere
bidinde d’Eumelu prus lontanos
da-e sos suos, non prus apprettados,
a donzi passu sos fogosos fiados!
74 Ma non fuesit su divinu ingannu
a s’oji-lìmpia Minerva gherrera:
che bentu a s’eroe sou mannu
torresit su fuette e violera
sestesit noa e de peus dannu
pro Eumelu, s’est chi a bisera
sos presorzos li fattesit in s’ora
e sas tiras de pedde posc’ancora!
75 S’isgiunghesin sos caddos, bandiende,
e sulcu mannu per terra lassesit
sa punta ‘e sa timona istrisciende!
Su carru fattu-fattu s’ ‘oltulesit
e accurtzu Eumelu s’agattesit
a una roda, pistu e sambenende
da-e cùidos, fronte, bucca e nare,
lagrimende e cun boza ‘e frastimare!
76 S’illarghesit d’istintu su Tidide
in s’ ‘ider su solovru e de vittire
li deviat s’amigu resessire
e, gràscias a sa fiza ‘e su Cronide,
fintz’a innanti a tottu ‘e prosighire!
A palas como be-i fit s’Atride,
sos caddos apprettende cun ardore,
e, fattu sou, Antìlocu ‘e Nestòre.
781

Antìlocu
e Menelau
Càntigu XXIII
77 «Bazi che bentu, bazi, caddos mios!
–sa frua nêsit tando ‘e Gereneu–
Non bos pretendo ‘e sighire a Tideu,
giagh’Atena l’at créschidu sos brios
a sa parìglia sua, ma prus prios
de a bois sos de segund’Atreu
sun de seguru e ne si dêt beffare
Eta de ‘ois e de me umpare!
78 Adducas los sighide, o pius mai
da-e babbu isettàdebos carignu,
ch’antzis bos bocchit... emmo, própriu gai,
si pannu l’ ‘alanzades nudda dignu!
Bolade... bazi... ‘olade che simmai...
de lu colare mi leo s’impignu
deo in s’istrintorzu ‘e sa furriada,
dagh’intrat cue a brìglia tirada!»
79 Su passu illonghesin ambos pare
sos caddos, cumprendinde sos faeddos,
finas a lomper, a coro a toccheddos,
a sos de Menelau a s’accostare.
Deviat cue Antìlocu notare
chi fit s’andera totta a iscameddos,
da’ sos rigores d’ijerru assulcada
e de pischinas galu lazinada.
80 Che l’apprettesit detzisu a cuss’ala,
mujéndesi ‘e fiancu, s’atzuridu
eroe ‘e Pilo e-i cuddu, allertidu,
in s’ ‘ider accorradu: –Inoramala!
Mantènelos sos caddos galu a pala,
giagh’istrintu est su passu, o attrividu!
Poi mi colas... posca... inte’ a mie:
nos boltulamos si ghias gasie!–
782

Sas onorántzias pro Pàtroclo
81 Nêsit d’Isparta su Mere in affannu;
ma, che simmai l’aeret intesu,
sighesit cuddu chena timer dannu!
Gai appenas sos suos at rantesu
prudente Menelau, a fùrriu mannu
lu colesit Antìlocu e attesu
si lu lassesit de cantu a lontanu
ch’imbolat un’aiscu unu giovànu!
82 L’abboghinesit cun tonu affeladu
tando s’Atride: –Bae, conca ‘e lua,
e bógati su coddu a moda tua!
Faddìndenos ti nêmis accabadu...
ma dês gigher lozana, e finas crua,
pro cherveddos! Oh, mundu ‘oltuladu!
Siat comente, non tzìrigas pannu
si non giuras ch’est bissu sen’ingannu!–
83 Posc’a sos caddos suos pro affeu:
–In sa perricca sighide, ‘olade!
In coa mi lassades tando, oddeu?
Sas ancas da-e terra suppesade
chi mùcculas non sunu! E ammentade
chi sos fiados de su Nestoreu
si dên primm’ ‘e a bois istraccare,
ca gióvanos non sezis cant’a pare!–
84 Nênde gai, lis desit totta brìglia
e, che si punta l’aeret s’atzottu,
cun pius briu sighesit su trottu
sa de s’Atride lùghida parìglia,
a non tzeder detzisa in sa puntìglia!
Inghiriados intantu fin tottu
a sa pista, res d’Argo e gherradores,
abboghinende pro sos curridores!
783
Idomeneu
e Oileu
si brìgana

Càntigu XXIII
85 E su de Creta mere fentomadu,
ch’isperiende fit da’ un’altura,
in s’abbizare chi fit giambiadu,
a sa ‘essida da’ sa furriadura,
su carru chi fit primu (sa frigura
de su mùrtinu, in fronte istelladu,
connottu aiat de s’eroe sou!),
nêsit a sos Danaos che a comprou:
86 –Los sebestades sos caddos furriende,
amigos d’Argo, o los bido sol’ ‘eo?
Sos ch’issara sa cursa fin ghiende,
pro cantu s’oju imbatto e impreo,
galu innanti non sunu! So pensende
ch’apan patidu dannu, gai crêo,
in su paris, fortzende sos fiados!
Chi pare-pare si sian toccados?
87 O sas brìglias fuidas da-e manos
pro sa foga lis sunu e boltulados
sos carros foravia e isfasciados?
S’oju acutade e, pro cantu lontanos,
de chie sun mi nâde sos fiados!
Sos puddedros –nar’ ‘eo– sun galanos
de s’etólicu fizu de Tideu
sos chi sun avantzende a unu ‘oleu!–
88 «Lassa sa ciarra e t’ista muttidu!
–li rispondesit cun fele e fastizu
tand’Oileu– A chie b’as bidu?
Ma ses pàbaru, inte’, e non aizu!
Àteros cue, cun s’oju ficchidu,
e prus lìmpiu ‘e su tou, non su fizu
sebestan de Tideu, ma de chie 18
fit primu e primu restat, crê’ a mie!»
784

Sas onorántzias pro Pàtroclo
89 E torréndeli muttu Idomeneu:
–Chi ses limba de terpe già l’ischimos,
ruzu e brigajolu, o Oileu!
Ma, si nde ses cumbintu, iscummittimos!
Una trìbide manna a la ponimos
e galu unu lebreri? Primm’Atreu
siat bonu zuighe e gai imparas,
paghende, a t’atzertare ‘e su chi naras!–
90 Che porcrabu feridu, ojiaumbradu,
si l’accurtziesit Aiace d’iscattu,
de li render bramosu paris piattu
e non solu a faeddos! Capitadu
fit finas calchi dannu, s’ammisciadu
non s’esserat Achille e-i su fattu
non nd’aeret truncadu abboghinende:
–A mi nde la sessades coittende?
91 Su de bos inzulzare in cara a tottu
(e prîte poi?) non bos est detzente!
E finas bois, si àtera zente
fatterat simizante un’abbolottu,
cagliare la diazis... tzertamente!
In su chi crêt donzunu o at connottu
duncas si nd’istet un’iscutta ebbia,
ca lompende est sa cursa a finitia!–
92 Manc’aiat cumpridu ‘e los muttire
chi acco’ a Tidide, isfuettende
sos caddos chena pasu, apparessire
innant’a tottu, alta suppesende
una nue ‘e piùere e lassende
de sas rodas per terra in su currire
un’arrolla signada appenas solu
a tales fit lezeri cussu ‘olu!
785
Diomede
‘inchidore e...
sos àteros

Càntigu XXIII
93 E addaghi sas brìglias lis tiresit
a cussos lampos su dignu ‘inchidore
(a rios li falait su suore
a sa parìglia!), persegus furriesit
su carru sou de raru valore
e da’ sos cabos d’Argo che tucchesit
pro bi retzire làudes e pannu
s’eroe ‘e Salamina pius mannu!
94 Ma già s’aiat Stènelo fidadu
cun sos amigos a gridos e bantos
sa fémina e sa trìbide leadu
e mustrèndelas fin a tottucantos,
abboghinende ‘e s’eroe famadu
su nomen gloriosu! ‘E sos ispantos
si nd’allegresit Diomede e tottu
giuilesin cun isse ‘e s’abbolottu.
95 Antìlocu de Pilo a unu ‘oleu
lómpidu fit pur’isse peristantu,
distantziende a segund’Atreu
cun s’astrùssia ebbia e soletantu
de una giua, ca si prus de tantu
aeren illongadu su curreu
coladu che l’aiat de seguru
e in coa lassadu ‘e meda puru!
96 Ca si restada fit assegus Eta
pro su de Nestoride mal’arriscu
cant’attesu che frundin un’aiscu,
beru est chi posca, a sa noella appretta,
appitzigada si li fit che biscu
a palas d’Agamènnone s’acchetta!
E si non lu colesit torra ‘e nou
est ca ghiesit cuddu a bìbbiu sou!
786

Sas onorántzias pro Pàtroclo
97 Lompesit, su ‘e battor, Merione,
cant’una lantza ch’imbolan distante,
ca parìglia teniat menguante
e ca de cursas non fit campione.
Ùltimu, cun su carru a trijinone,
s’iscuderi chi prima fit innante:
d’Admetu su fizu, Eumelu forte,
chi meressidu aiat mezus sorte!
98 E, infattis, bidìndeli sos dannos,
nêsit affriscionosu su Pelide:
–Acco’ in coa a tottu a s’Admetide,
su mezus, su prus mannu de sos mannos!
Chi l’ ‘enzat dadu su ‘e duos pannos
nessi proponzo, su primmu a Tidide!–
Luego, a una ‘oghe, a sa proposta
cunsentes li torresin sa risposta.
99 E fit approbe a li cunsignare
s’ebba ‘e ses annos ch’aiat promissu,
cand’Antilócu, che pìbera rissu,
l’abboghinesit: –Non mi dês brivare,
o forte, de su pannu ch’apo ‘issu,
solu pensende a nde pibiare
a s’eroe ch’istimas pius mannu
pro su chi at patidu grae dannu!
100 A s’Olimpu, si puru non l’at fattu,
s’esserat invocadu onnipotente
e lómpidu fit primu su ‘alente!
Ma, s’est chi bramas gai, prus isattu
paret a mie chi pignu detzente
o fintzas de prus deghile apparattu
li dias tue, giaghi de siddados,
gràscias a Zeus, nd’as contivizados!
787
Sa protesta
de Antìlocu

Sa chènscia
de Menelau
Càntigu XXIII
101 Ma s’ebba non la tzedo manc’azigu!
Dare innante mi dêt suddisfassione
chie aeret diversa intentzione!–
Si nd’allegresit, ca li fit amigu,
in l’intender s’eroe Mirmidone
e li nêsit: –Antìlocu, s’abbigu
chi as de custu prémiu ti cumprendo
e prus chi lu remintas non pretendo.
102 De sas ch’apo mi nâs, o Nestoreu,
déghile de li pòrrere un’istrina...
e gai siat! Sa d’Asteropeu 19
lùghida e rara coratza attarzina,
chi li lêsi ponìndelu in ruina,
est pr’Eumelu su regalu meu!
E tue, Automedonte, da’ sa tenda
battimindela, pro chi bi la renda!–
103 Tucchesit cuddu; e, pustis pag’ora,
cun su pignu torresit pretziosu
e Tronu ‘e gherra, banténdelu ancora,
a Eumelu lu desit pressosu
chi l’atzettesit umìle e cun gosu.
Ma cun disdignu, pro sa trampadora
cursa de Antilócu, s’Ispartanu
abboghinesit cun s’iscettru in manu:
104 –Una chènscia, o amigos, m’intendide,
dimandare dev’ ‘eo a chie crêia
gióvanu ‘e cabu e de valentia!
A tie so narende, o Nestoride,
a tie chi, ghiende in mala fide
e a sa macconatza, in tribulia
postu as a mie lênde a furriare,
non podìndemi posca prus colare!
788

Sas onorántzias pro Pàtroclo
105 Tue l’ischias chi superiore
fit sa parìglia mia... e fattu as prou!
Bois siedas zuighes d’onore,
dende a donzunu su merìtu sou!
Custu pretendo e solu a cumprou
chi si li leo s’ebba de valore
no est ca chie est re o cumandante
su puntinu che ponet sempr’innante!
106 Antzis, o frades, faghimos gasie
ch’ilgiarimos s’arcanu ‘e su chimentu:
lassade valutare solu a mie!
T’accùrtzia, o Antilócu, unu momentu
a sos caddos, los tocca e giuramentu
faghe a Nettunu, ch’iscultat a tie,
chi chen’intentzione ma pr’isgarru
dannu as fattu a mie e a su carru!–
107 E su de Pilo torréndeli muttu:
–O Re, non t’inchietes prus de tantu!
Gióvanu so, fogosu, e, si ruttu
so in sìmil’errore, est soletantu
ca m’at sa bramosia ‘e calchi ‘antu
sa mente in s’ora e-i su coro alluttu!
Su pagu tinu m’at traittu ebbia,
ma mal’intentzione non nd’aia!
108 Non ti la lês, adducas, sias bonu,
ca su pannu ti dao chi pretendes
a coro in manu e chena chistionu
e àteru si cheres! Si t’offendes
e mi negheras saludu e perdonu,
tristu, o Re divinu, est chi mi rendes!
Bisonzu non b’at prus de mi giurare,
ne resesso su faltzu a declarare!–
789
Antìlocu
pedit
perdonu a
Menelau

Càntigu XXIII
109 Nênde gai, s’acchetta li porresit
sa frua sapiente ‘e re Nestòre
e sos tuddos s’Atride s’intendesit
e in sas benas friscu unu dulcore
chi coro e ira che l’ammoddighesit,
decomente in s’istiu a su laore
su serenu ‘e sa notte dat friscura.
E li nêsit cun boghe de ternura:
110 –O Antìlocu, como ilgiaridu
as a mie e a tottu chi giovànu
ses tue de valore e conchisanu!
A tales prus non sias attrividu,
si disdignas nomea de metzanu!
Gai a sa lestra non fit resessidu
a un’àteru, crê’, de mi colare!
Ma mezus cust’atzola a l’olvidare!
111 Tue inoghe e da-e medas annos
cun babbu tou e Trasimede frade
pro a mie ‘aliadu azis affannos,
fide ammustrende e rara abilidade.
S’ebba ti tene e sos àteros pannos
e sighimos che sempre in amistade.
Chie faeddat in cara e ladinu
agontzat donzi cosa e mustrat tinu!–
112 Nêsit s’Atride; e lestru a Noemone,
su cumpanzu d’Antìlocu fidadu,
s’ebba torresit chi l’aiat dadu,
finas mustrende suddisfassione.
Pr’isse lêsit sa brocca; e Merione,
chi a coa ‘e su re fit arrivadu,
d’oro duos talentos. Restaiat
su ‘e chimbe, ca mere no aiat 20 !
790

Sas onorántzias pro Pàtroclo
113 Tucchesit tando su fizu ‘e Peleu,
cun su pannu in sas manos, da-e chie
nîdos sos pilos gighiat che nie,
da-e su re de Pilo, Gereneu,
e dendebilu: –Finas pro a tie,
pro sos onores ch’a Patròclo meu
réndidu as che babbu affriscionosu,
ch’amos unu signale, o virtudosu!
114 Pro cudd’eroe caru mi l’atzetta,
ca non crêo lu cherfas balanzare
in sos àteros chertos, a s’appretta
manos e pedes cherinde impittare
a porfia contr’a chie at deretta
s’ischina e-i su bratzu forte umpare!
Ca pesat sa ‘etzesa, ohi comente,
finas pro chie at lìmpios coro e mente!–
115 Nênde gai, su pignu de valore
li porresit Achille e-i su mere
de Pilo, atzetténdeli s’onore:
–Fizu caru, –li nêsit– cun piaghere
retzo su pensu tou, ‘e cuddu flore
ch’est pro a nois ruttu in su dovere,
ammentende sa cara ‘e giovaneddu,
sa fide, s’atza rara, su cherveddu!
116 Cant’e a mie... emmo, sa ‘etzesa
ancas e bratzos m’at ammoddigados
a tales chi non tenzo prus pretesa
in giogos o in chertos signalados
de mi distingher. In tempos colados
crêa chi non fit gai! De s’impresa
lassa chi conte appenas, o Pelide
chi fattei in Bupràsiu 21 de s’Elide.
791
Achille
prètziat a
Nèstore

Càntigu XXIII
117 Mortu fit Amarincu 22 , re epeu,
e sos suos, pensende a l’onorare,
m’an chérfidu a sas galas cumbidare
ammanizadas appoi ‘e su teu!
B’andei, e de su fizu de Neleu
connottu an sa ‘olta in su chertare
abilidades, fortzas e ardores,
si mi gittei sos pannos mazores!
118 A Clitòmede Enópide 23 ‘inchei
a punzos porfiende e campione
contr’a tales Anceu ‘e Pleurone 24 ,
ch’isfidadu m’aiat, nde ‘essei;
currinde a Ificlo superei
e cun sa lantza desi lescione
a Polidoro e a Fileu 25 umpare,
chi fin mastros in s’arte ‘e l’imbolare!
119 In sa cursa ‘e sos carros superadu
da’ sos fizos d’Attoro 26 istei ebbia,
prîte, a combutta a pare, a dispettia,
de si mi ponner contra an meledadu,
imbidiosos forsi ‘e su ch’aia
finas a tando bissu e meritadu!
Ma tando... emmo, tando fit beranu,
oje amigu est s’ijerru pilicanu!
120 Àteros chertos de nóbile impignu
como appronta, o Pelide, pro a chie
fit che frade carrale pro a tie,
de rispettu e mentovu in tottu dignu!
E pro s’onore chi rendes a mie,
ti porrat Zeus mannu unu carignu
d’accunortu e d’ispera in su dolore
e su ch’in coro bramas a primore!–
792

Sas onorántzias pro Pàtroclo
121 Gai su mere ‘e Pilo, a coro abbertu.
Tando sos pannos Achille, pressosu,
nde fattesit battire pro su chertu
de sos punzos, su pius fadigosu
de sos giogos atléticos de tzertu!
Una mula a su pius valorosu
daiat de ses annos, non domada,
a su ‘e duos una coppa asada 27 .
122 Nêsit posca: –O Atrides, o soldados,
duos nde cumbidade ‘e campiones,
in s’arte ‘e Febo 28 sos prus fentomados
e fortes e, si nd’an intentziones,
chi fattan proe! Acco’ approntados
ambos prèmios: de ses istajones
una mula àbrina a su ‘inchidore,
a s’àteru una coppa de valore!–
123 Manc’aiat cumpridu ‘e faeddare,
ch’avantzesit de Pànope 29 su fizu,
Epeu 30 , mastr’ ‘e punzos chena pare,
maestosu che monte e, cun chizu
fieru e detzisu, lênde a s’accurtziare
a su fiadu: –A chie nd’at disizu
sa coppa bi la dao, cussa ebbia,
ma non sa mula, ca est già sa mia!
124 E chie mi lu podet impidire
de mi lu gigher infattis su pannu?
O crêt calcunu, ca valore mannu
non mustro in gherra, ‘e mi poder muttire?
Non podimos in tottu meressire
fama de mastros! Chi at aer dannu
annùntzio, e finas grae, a cuss’eroe:
pulpa e ossos li pisto in die d’oe!–
793
Chertende a
punzos: Epeu
e Eurìalu

Càntigu XXIII
125 A sas minettas, nemos s’attrivida
a filu ‘e li rispòndere fattesit;
e cagliesin tottu! Ma s’isfida
pustis pagu Eurìalu agogliesit,
déchida frua da’ s’erèntzia ‘essida
de Talàos 31 . Fit isse su ch’ ‘inchesit,
mortu Edipo, in sos chertos d’onore,
sos Cadmeos 32 de pius valore!
126 Accanta l’istaiat de Tideu
s’atzurida pianta, a su parente 33
nêndeli su de fagher e comente
contr’a sa turre manna ‘e Panopeu!
Ma non fit pro su fizu ‘e Mecisteu
impresa ‘e pagu impignu, tzertamente!
Una chintorza intantu li faschesit
in sos renules e bi l’istringhesit.
127 Galu sas manos cun corrias ladas
l’imbolighesit de ‘oe arestadu
e, poi ‘e l’aer sas palas tzoccadas,
a su trettu ch’aian seberadu
l’accumpagnesit. In s’ora, agabbadas
aiat finas Epeu famadu
sas fainas suas; gai sa gala
comintzesin cun atza e chiza mala!
128 Pagu appenas s’istesin brinchittende
unu a s’inghìriu ‘e s’àteru, in isettu
de si poder colpire, ca s’apprettu
de sa vittòria a tales muidende
s’intendian in coro, chi urulende
che canes si lompesin, cara e pettu
mazéndesi cun cant’aian brios
bettende de suore milli ‘uttìos!
794

Sas onorántzias pro Pàtroclo
129 Cun unu punzu a barra resessesit
infinis a Epeu ‘e che lampare
per terra su cumpanzu; ne restare,
pro sighire su chertu, in pês pottesit
Eurìalu in s’ora, si fattesit,
che pische chi nde sàltiat da-e mare
e lestru a s’unda torrat, sa pesada
pro ruer galu e fagher s’accabbada!
130 A nde l’adderettare istesit prontu
Panópeu in su mentre, affriscionosu
de sa sorte ‘e s’amigu coraggiosu,
e a sos suos, pro li dare contu,
lu cunsignesit. Pustis, coidadosu,
si che lêsit su pannu ‘e su cunfrontu;
e cuddos su cumpagnu da’ s’arena
ch’ ‘oghesin sambenende a bucca prena!
131 Tando ‘e Peleu sa frua sobrada
una trìbide manna, addatta a fogu,
cant’a dóighi ‘ulos istimada,
pro su ‘inchidore de su giogu
nde fattesit battire ‘e s’acchintada.
A su ‘e duos, raru disaogu,
prejada battor boes, pro istrina
daiat, mastra ‘e domo, una femìna!
132 E nêsit: –Galu duos a innante
de campiones como a fagher prou!–
De Telamone s’àrvure zigante
rispondesit a su cumbidu sou
e su d’Ìtaca abbistu cumandante.
S’ispozesin, e a su chertu nou
chen’isettu perunu si ‘oltesin
e cun manos fortzudas s’acchintesin.
795
S’acchintada:
Telamone
e Odisseu

Càntigu XXIII
133 Traes parian appare incrastadas
de una cobertura in paragone
chi ne bìrridu timen ne bulione!
Sas palas d’ambos duos sueradas,
subra pedde sas benas unfiadas,
sos marcos peri totta sa persone
rujos e biaittos fin signales
de maestria e d’atza parinales!
134 Gai istesin med’ora retzi e dae
cun bucciccones, trassas, anchittadas,
bóltula-‘óltula, a isbattuladas,
a colpi cue e proa incuddae!
E, sicomente niune sa ‘iae
agattaiat giusta e già pesadas
sas lamentas si fin de sos d’Atreu,
nêsit tando Aiace a s’Odisseu:
135 –O fizu de Laerte, a nd’agabbare
e comente faghimos cust’isfida?
Suppésami e proa a m’istrampare
o bi tent’ ‘eo; e Zeus finida
chi nde la fettat!– E de l’acchintare
proesit galu cun manu affortida,
ma lu colpesit, pius lestru d’isse,
a sutt’a su ‘enuju in s’ora Ulisse!
136 Per terra longu-longu che ruesit
s’eroe ‘e Salamina isterrijadu
e subra pettus cuddu li saltiesit
che a sirvone cane ammaestradu!
Ma da-e susu si che lu catzesit
istripitzéndesi Aiace affeladu,
gai brivende s’ìtacu matzone
d’esser, mancari a trassa, campione!
796

Sas onorántzias pro Pàtroclo
137 A su ródula-ródula, abbratzados
che-i s’edra a su truncu, in su piuer
si brossinesin tando e, ritzados
galu una ‘olta, torresin a ruer
fortes che a comintzu, ‘en’acchintados!
Ma cumprendinde Achille chi concluer
non si podiat cussa marrania,
nêsit: –Nde la muttide sa porfia!
138 Emmo, nde la sessade, eroes mios,
paris pannu bos méritat e dignu
pro s’atza, su valore e-i s’impignu
chi b’azis postu. Chi mustren sos brios
como àteros lassade e siat signu
a su mortu d’istima in sos adios!–
A su cumbidu lestros s’isgiunghesin
e, frobbidu su piuer, si ‘estesin.
139 Tando ‘e sa cursa a pê’ su de Fitia
mustresit sas istrinas a primore:
de ses misuras pro su ‘inchidore
una coppa ‘e rara galania,
de prata, a pintirinos, prella ‘ia
chi mastros de Sidone de valore
aian fattu e battidu per mare
a re Toante pro lu pretziare.
140 A Pàtroclo Euneu de Giasone 34
l’aiat pustis dada pro riscattu
de su fizu ‘e Priàmu, Licaone 35 .
A su segundu de bonu recattu
unu ‘oe daiat Mirmidone
e d’oro a su chi lómpidu fit fattu
mesu talentu. E nêsit: –Avantzade,
curridores, e bos los balanzade!–
797
Sa cursa
a pê’

Ulisse
‘inchidore
Càntigu XXIII
141 Si l’accurtziesit, bramende vittòria,
lestru Aiace, frua d’Oileu,
posca su mastru ‘e trassas Odisseu
e Antilócu, nestorea glòria.
A sa traessa ‘e linna ‘e su curreu 36 ,
chen’istare Pelide illòria-illòria,
los affilesit e pro sa partèntzia
lis desit d’esser prontos s’avvertèntzia.
142 A su signale, che lampu a innante
ch’istuppesit Aiace, distantziende
su d’Ìtaca divinu cumandante
sol’appenas però, ca respirende
si l’intendiat a palas, distante
cantu sa giovanedda ch’est tessende
in su telarzu s’ispola a lontanu
da-e su pettus mantenet galanu!
143 In su los bider gai appitzigados
s’infiamesin che simmai in s’ora
sos cumandantes d’Argo e sos soldados
e creschesit sa ciarra àter’ancora!
A s’ojigiara Atena amparadora
nêsit tando Odisseu: –Sos sobrados
favores tuos m’accansa, o Reina,
e sos pês m’allezériga che frina!–
144 L’iscultesit che sempre s’Asulina;
e sicomente approbe a nd’agabbare
fin sa cursa, tocchéndeli s’ischina,
lu fattesit sa dea illiscigare
a Oileu e finas istrampare
a cara a terra in mesu a sa lazina
e a sa bruttura ‘e sos fiados
ch’aian pagu innante ispojolados.
798

Sas onorántzias pro Pàtroclo
145 Gai sa coppa ‘e prata cun su ‘antu
s’ìtacu campione si che lêsit
e-i su ‘oe, chìbberu a ispantu,
s’Aiace, chi galu abboghinesit
ruspiende lotzu e merda: –Soletantu
sa disdìccia de ‘incher mi brivesit
oe sa cursa e sa divina brama
de chie affranzat a cuddu che mama!–
146 Riesin in lu ‘ider e intèndere
sos atzuridos d’Argo gherradores.
Nêsit tando su ‘e tres curridores,
Antìlocu, chen’àteru pretèndere,
iscanzende sas laras: –Sos unores
pensat tottora s’Olimpu de rèndere
a sos eroes prus mannos e deo
non pro cussu m’annuzo o mi la leo!
147 Pius gióvanu, infattis, de calch’annu
de s’Oilide so e galu ‘e prusu
est s’Odisseu de a mie mannu!
De los colare non mi fia illusu,
massim’a chie at bissu, ca su pannu
podet cuntèndere a cussu malfusu
de sos d’Argo inoghe Achille ebbia,
àter’eroe de rara zenia!–
148 Si l’allegresit s’allizadu coro
a su Pelide pro su cunsideru
e torréndeli ‘oghe: –Giaghi abberu
m’istimas e mi ‘antas, si t’onoro
déndeti intreu unu talentu d’oro
non ti dispiagat, o frade sintzeru!–
In manos, nênde gai, bi lu desit
e cuntentu Antilócu l’atzettesit.
799

Sa gara
‘e s’ispada
Càntigu XXIII
149 De sa ‘e chimbe garas Mirmidone
sos pannos ammustresit fattu-fattu:
sa lantza umbri-longa ‘e Sarpedone,
s’elmu e s’iscudu de bell’apparattu,
trastes ch’in su troianu disaccattu
leadu a s’ilìacu campione
Pàtroclo aiat in chertu mortale;
e nêsit pustis, sempre coriale:
150 –Duos de campiones nde cumbido
como a ispada in punzu a fagher prou!
A chie innante ‘e su cumpanzu sou
ispizolare appen’appenas bido
sa ‘entre o sa persone, che a cumprou,
cust’arminzu tracianu ‘eo l’affido,
cun sas asas de prata, ch’in peleu
lêsi a s’inimigu Asteropeu 19 .
151 De Sarpedone però s’armadura
a unu e a s’àteru imprommitto
e galu chi a sa tenda mi los gitto
a bustu e a chena in conzuntura.
A esser gagliardos bos intzito!–
Risposta li torresit sa figura
imponente d’Aiace Telamone
e su forte ‘e Tideu campione.
152 De sas armas luego si frunesin;
posca, da-e sos d’Argo inghiriados,
fieros ambos duos, resinnados,
acco’ ch’a cara a pare s’agattesin.
De si colpire tres bias tentesin,
ma in debadas, restende acchintados
a donzi ‘olta, ispada cun ispada,
bratzu contr’a bratzu, a sa prettada!
800

Sas onorántzias pro Pàtroclo
153 A sa ‘e battor, Aiace mannu
cun unu brincu a s’insegus, s’iscudu
colpesit tundu ‘e s’àteru fortzudu
finas cun tìrria, chena fagher dannu
a sas carres però ‘e cuddu atzudu,
chi de si gigher tentesit su pannu
su tuju ammiriende iscovaccadu
subra s’amparu ‘e s’eroe famadu.
154 E lantadu l’aiat custa ‘ia
si, timinde sos Gregos, de sessare
no imponian s’insana porfia
e ambos patta de los declarare!
Fattesin gai; ma su de Fitia
su matessi cherfesit assignare
a Diomede sa traciana ispada
cun sa bàina e cun sa chinga lada.
155 Tando un’aiscu massitzu nd’ ‘oghesit
pro sos d’Argo s’eroe Mirmidone,
traste chi fit s’appentu d’Etione 37
e chi Pelide e tottu si gittesit
addaghi vida e benes nde li lêsit.
Pustis a boghes cun suddisfassione:
–Chi si fattan innante pro s’imbolu
sos ch’an bratzu e fortzas a consolu!
156 Chie laores riccos possederat
foras de ‘idda e a si portare
s’aiscu a logu sou resesserat,
ferru diat aer chi bastare
li dêt chimb’annos pro s’ammanizare
trastes pro sos trabàglios, si cherferat!–
Nêsit; e Polipete ‘e Piritoe 38
tucchesit e Leonte 38 a fagher proe.
801
S’imbolu
‘e s’aiscu

Sa proa
de s’arcu
Càntigu XXIII
157 S’appresentesin galu ‘e Salamina
su Mere poderosu e Panopeu.
Comintzesin; e-i s’aiscu Epeu
lêsit pro primu: che una ‘errina
s’arrodiesit, mujende s’ischina,
pustis che l’imbolesit. Su ‘oleu
però non li ‘essesit paris dignu
de cantu postu b’aiat impignu!
158 Riesin tottu ‘e s’imbolu metzanu.
Tand’intresit Leonte a fagher prou
bratzipotente, ‘e Marte soberanu
frua atzurida, e de s’amigu sou
su trettu iscumpassesit. Prus lontanu
ch’imbattesit su ‘e tres làntzios nou,
su d’Aiace mannu; ma fit bantu
e bisu de pag’ora soletantu.
159 Ca daghi in gala intresit su fizu
de Piritoe e de Ippodamìa
lébiu ch’ ‘essesit s’aiscu a tirrìa
che s’esserat su fuste in assimizu
ch’imbolat su pastore, a boghe ‘ia,
cando d’ispargher s’ ‘ama at contivizu.
Sas manos li tzocchesin pro s’impresa
porrìndeli su pannu cun lestresa.
160 Pro sos saettadores tando a fora
deghe ‘istrales fattesit bogare
a duas attas e deghe ancora
a una ebbia. E, fatta collocare
a distántzia un’àrvure de mare 39
e prender susu a un’anca in s’ora
cun una funighedda una columba,
abboghinesit che bandu cun trumba:
802

Sas onorántzias pro Pàtroclo
161 –A chie resesserat a ferire
cun una fritza cuss’ae a primore
sos trastes dao de pius valore.
A su chi soletantu de colpire
su presorzu deverat resessire
sos deghe invece ‘e su segundu onore.–
Nêsit; e a s’intzitu ‘e Mirmidone
rispondesin Teùcro e Merione.
162 In un’elmu, sende duos ebbia,
ch’ ‘ettesini sas sortes e tocchesit
a Téucro d’abberrer sa porfia.
E, leada sa mìria, ch’imbolesit
cuddu sa fritza, ma si la faddesit...
e non ca fit iscassu ‘e valentia,
ma prîte ‘e Febo si fit olvidadu,
ne promissu l’aiat calchi fiadu!
163 A nde segare resessesit solu
sa fune chi prendiat su puzone,
chi si pesesit da-e su palone
versus su sole alispartu a bolu!
Giuilesin sos d’Argo; ma consolu
non li desit de vida Merione,
s’in s’arcu collochesit sa saetta
istiréndelu a pettus cun appretta.
164 Prim’a su Mere ‘e s’arcu soberanu
anzoneddos noales biancos nîdos
promittesit però a coro in manu,
si l’aeret sos bratzos affortidos
e acutadu s’oju. Prus lontanu
intantu che fit s’ae e già sos gridos
si fin pesende ‘e disisperu ‘e cantos
cherian bìdere àteros ispantos.
803

S’imbolu
de sa lantza
Càntigu XXIII
165 E los bidesin... si che ira mala
si fuesit s’arminzu muidende
a ue, a gosu a gosu rodiende,
fit sa columba: da-e sutta s’ala
si li cravesit dannarza, ‘essende,
a tales fit tirriosa, da’ sa pala,
pro si felchire posca, a sa falada,
a pês de chie l’aiat imbolada!
166 Paris fattu, pettorri-insambentada,
sa columba ruesit bianca nîda
própriu serente a ue, ali-prettada,
in bisos de giaria fit fuida;
desit cue s’ultìma istripitzada
e li fuesit da’ corpus sa vida.
S’abbaucchesin tottu; e Merione
si portesit su pannu ‘e campione.
167 Una lantza umbri-longa in finitia
e mai prim’impittadu unu lebreri,
pintirinadu a flores, volenteri
nd’ ‘oghesit tando s’eroe e Fitia.
S’appresentesin pro cussa porfia
s’Atride, re ‘e sos res, e s’iscuderi
d’Idomeneu, Merione mannu,
galu inganidu d’un’àteru pannu.
168 Ma, tucchéndesi in mesu, Mirmidone:
–Bene l’ischimos, –nêsit– o Atreu,
cantu in cust’arte dias lescione
sende prus forte ‘e su prus forte acheu!
Su lebreri t’assigno ‘e campione,
s’aggradessis su pensu de Peleu,
e-i sa lantza, invece, a s’eroe
chi bramat contr’a tie fagher proe!
804

Sas onorántzias pro Pàtroclo
169 Su prétziu l’atzettesit e s’onore
cun cara ‘ona, chen’aggiungher muttu,
Agamennòne de zentes segnore.
E Pelide, cun su coro in corruttu,
sas ùltimas istrinas de valore
cunsignesit, a glòria ‘e chie ruttu
fit pro Argo gherrende a coro in manu
in s’orrorosu chertu troianu.
805

Càntigu XXIII
NOTAS DE SU CÀNTIGU VINTITREÉSIMU
1 cuddos [...]: Sos Troianos, mascamente però Prìamu, Écuba e
Andròmaca.
2 a pungher [...]: A iscannare e a ispojolare sos fiados.
3 si toccher’abba [...]: Su de tènnere su corpus bruttu e chena cura
peruna fit signale de dolu grae e de corruttu.
4 riu de Fitìa [...] Spérchiu [...] promintu [...]: Riu de sa Ftiótide, sa
pàtria de Achille. Su de promìttere e d’offèrrere sos pilos de sos fizos
giòvanos a unu deus de s’Olimpu o a una divinidade de su logu
insoro fit un’usàntzia de sa Grècia antiga.
5 da’ conca a pêse che l’assentaiat [...]: Forsi pro chi su fogu s’esseret
mezus atzesu e sas fiaras pesadas pius fruscas e altas.
6 onore pro su Mere ‘e sos gherreris [...]: Si trattat de unu sacrifìtziu
de gherra e, peristantu, fit óbbligu doverosu su de pensare a
Marte (o Ares), deus soberanu de sa gherra.
7 s’istella ‘e Lutziferru [...]: Si trattat de s’isteddu ‘e Vènere (o
Venus), s’ùltima a isvanessire in su lugore de s’avréschida.
8 Panacheos [...]: Àteru nòmene de sos Acheos; antzis su sensu giustu
est própriu “tottu sos Acheos”.
9 imboligadas cun s’ozu ‘e duos fiados [...]: Pro si cunservare mezus
e pro impidire chi sos ossos s’esseren reduidos luego in chijina, giaghi
sos grassos non lassan passare s’ària.
10 si non pensait Febo a l’ ‘ardiare [...]: Cfr. cun su Càntigu V, a sas
ottavas nn. 76-79.
11 Eta e Podargu [...]: Puddedros curridores de Agamènnone. Tales
nòmenes tenian galu duos caddos d’Èttore (Cfr. s’ottava n. 37 e-i sa
nota n. 8 de su Càntigu VIII); Eta (o Eton, Etone) cheret narrer
“mùrtinu ardente” e Podargu “cun su pê’-albu”.
12 Echépolu [...]: Tirannu de Sicione, fizu ‘e tales Anchise (chi no
est però su babbu de Enea).
13 Sicione [...]: Tzittade de su Peloponnesu, posta sutta sa majestade
de Agamènnone.
14 s’abbarru [...]: Sa padronàscia de sas brìglias, su las poder guvernare
tenìndelas ben’abbarradas in punzos.
15 Arione [...]: Caddu divinu, fizu de Posidone e de una de sas
Erinnes; pro méritu sou Adrasto, re d’Argo, si pottesit salvare in sa
Gherra ‘e sos Sette a Tebe.
806

Sas onorántzias pro Pàtroclo
16 Adrasto [...]: Antigu re d’Argo, cumandante de sos Epìgones.
Iscampiesit a sa morte in sa Gherra ‘e sos Sette a Tebe pro ‘more ‘e
su caddu Arione. Fit su babbu de Egialea.
17 sos fiados de Laomedonte [...]: Si trattat de sos caddos chi Zeus
aiat regaladu a Troe (Cfr. su Càntigu V, a s’ottava n. 45) e chi custu
lassesit in eredu a Laomedonte.
18 ma de chie fit primu [...]: De Eumelu, fizu de Admeto e de
Alcesti.
19 Asteropeu [...]: Cumandante de sos Lìcios, mortu da-e Achille.
20 su ‘e chimbe, ca mere no aiat [...]: Giaghi Pelide aiat già dadu a
Eumelu unu prémiu diversu da-e su ch’aiat postu in gara.
21 Bupràsiu [...]: Tzittade e regione de s’Élide.
22 Amarincu [...]: Re de sos Epeos e babbu de Diore
23 Clitòmede Enópide [...]: Clitomède, fizu de Enope; ambos duos
non mezus connottos.
24 Anceu ‘e Pleurone [...]: Nóbile de Pleurone, bidda de s’Etòlia, connottu
ebbia pro aer gherradu a punzos contr’a Nèstore, in occasione
de sas onoràntzias pro sa morte de su re de sos Epeos, Amarincu.
25 Ificlo [...] Polidoro [...] Fileu [...]: Ificlo (o Ificle), fizu de Fìlacu,
babbu de Podarce e de Protesilau; Polidoro, atleta non mentovadu
in aterue e bissu da-e Nèstore a Buprásiu; Fileu, babbu de Megete,
su cumandante de sos Epeos.
26 Sos fizos d’Attoro [...]: Euritu e Cteato, galu giamados Moliones,
fizos putativos de Attoro (o Actoro) e de Molione.
27 coppa asada [...]: Coppa a duas asas o manèccias.
28 arte ‘e Febo [...]: Febo (o Apollo) fit galu cunsideradu s’amparadore
de sos chertadores a punzos.
29 Pànope [...]: Su babbu de su chertadore a punzos Epeu.
30 Epeu [...]: Chertadore a punzos gregu, fizu de Pànope. Su
matessi nòmene aiat s’eroe gregu chi costruesit su famosu caddu de
Tròia (Cfr. s’ODISSEA mia, Càntigu VIII -Ottava n. 69). Si si trattet
de sa matessi persone no est ladinu.
31 Talàos [...]: Antigu príntzipe d’Argo, babbu de Mecisteu e, pro
s’appuntu, donnumannu de Eurìalu.
32 Cadmeos [...]: Àteru lùmene de sos Tebanos, gai lumenados dae
Cadmo, su fundadore de Tebe in Beòtzia.
33 a su parente [...]: Diomede fit su ‘énneru de Adrasto, chi fit frade
de Mecisteu, su babbu de Eurìalu.
807

Càntigu XXIII
34 Euneu de Giasone [...]: Euneu, fizu de Giasone e de Issìpile, sa
fiza de Toante.
35 Licaone [...]: Fizu de Prìamu, mortu da-e Achille.
36 a sa traessa ‘e linna ‘e su curreu [...]: Traessa o palu de linna chi
signaiat su trettu isattu de sa partèntzia.
37 Etione [...]: Re de Tebe Ipoplàcia, babbu de Andròmaca, sa
muzere de Èttore.
38 Polipete ‘e Piritoe [...] Leonte [...]: Polipete, fizu de Piritoe e de
Ippodàmia. Umpare a Leonte, fizu de Corono, fit su cumandante de
sos Tessaleos in sa gherra d’Ilione.
39 àrvure de mare [...]: S’àrvure de una nave
808

ILIADE
CÀNTIGU VINTIBATTORÉSIMU
SU RISCATTU DE SU CORPUS DE ÈTTORE
Su riscattu de su corpus de Èttore

Càntigu XXIV
SUMMÀRIU
Su dolu furiosu de Pelide Ottavas 1-5
S’affriscione de sos Deos 6-18
Teti tuccat da-e Zeus 19-29
Iris falat da-e Prìamu 30-34
Prìamu e Écuba 35-42
Sos regalos de su riscattu 43-44
Affeos e approntos 45-51
S’invocascione a Zeus 52-57
Sa partèntzia 58-62
Ermes apparessit a Prìamu 63-82
In sa tenda de Achille 83-89
Sa sùpplica 90-93
S’affriscione de Achille 94-110
Sa paristoria de Niobe 111-115
Sa chena de s’accunortu 116-127
Ermes nd’ischidat a Prìamu 128-131
Sa recuida 132-138
Su piantu de Andròmaca 139-144
Su piantu de Écuba 145-147
Su piantu de Elèna 148-151
Sas onoràntzias 152-159
810

Su riscattu de su corpus de Èttore
1 Agabbados sos chertos gloriosos
pro su gióvanu eroe mirmidone,
a sos navios torresin pressosos
sos gherreris de re Agamennòne
de chena e de reposu disizosos.
Ma chen’alléviu, ardente che tittone,
galu in coro Pelide s’intendiat
che prima su corruttu e pianghiat.
2 Ne boza si sentiat d’assazare
cosa peruna, ne intro su lettu
sulenu a coro e corpus de chircare.
Gai da’ unu a s’àteru trettu
s’istait de sa tenda, cun affettu
a succuttos sighinde a invocare
de Pàtroclo su nòmene, ammentende
sos chentu, milli chertos e... pranghende!
3 Làgrimas siccas, succuttos pedrales,
a totta notte, ora pustis ora,
in s’istoja ‘oltuléndesi o a fora
tucchéndesi, a s’ispiàggia. E a chentales,
pagu innante ‘e s’ ‘essida ‘e s’Aurora,
a su carru sos raros animales
cun presse e finas gosu attaccaiat
e su corpus d’Ettòrre bi prendiat.
4 A ue fit de Pàtroclo sa losa
che lu trisinaiat che bolende
e pro tres bias cun fùrria fogosa
s’àrdia li faghiat, suppesende
su piuer fintz’a chelu, abboghinende
che una tentassione tirriosa.
Posc’a sa tenda recuiat tristu
foras lassende su mortu prus pistu!
811
Su dolu
furiosu de
Pelide

S’affriscione
‘e sos Deos
Càntigu XXIV
5 Ma piedosu Febo ‘e Priameu,
pro cantu affeladu a dismisura
lu bisestrerat su fizu ‘e Peleu,
cun s’égida de oro onzi bruttura
li teniat attesu e sa fregura
li manteniat frisca, chena neu,
faschéndelu, che s’esserat divinu,
in una lughe giara d’arborinu!
6 E galu ‘e tant’eroe affriscione
s’intendian in s’olìmpicu situ
sos Deos, s’est ch’a Ermes a intzitu
de bi nde lu leare a Mirmidone
l’ispronaian. Be-i fit Giunone
però frimma in s’ódiu malaittu
contr’a Priàmu e a sa zente sua
e Atena e Nettunu a coro in lua!
7 Culpa de Paris s’a las preferire
non pensesit addaghi a sa pinnetta
de s’Ida, ue fit pastore, a li pedire
tucchesin ambas deas a s’appretta
sa pramma ‘e sa prus bella 1 ! ‘E favorire,
pro sa d’Isparta ermosa prenetta 2 ,
a Venus detzidesit su giovànu
allummende su chertu troianu!
8 Dóighi dies coladas intantu
da-e sa morte fin de Tronu ‘e gherra,
cando in sa sea de s’Olimpu santu
nêsit Febo in disdignu: –De sa terra
cal’eroe ondradu bos at tantu,
deos crudeles, pro chi cust’atterra
mantenzedas felosa e disumana
contr’a sa mezus glòria troiana?!
812

Su riscattu de su corpus de Èttore
9 Duncas rispettu non meressit chie
sos altares cun bulos intzensadu
e cun crabas nos at die cun die,
ne balet piedade si at dadu
sa vida pro sa pàtria! Est deasie?
E finas li negades ch’onoradu
da-e sos d’Ìlio siat isse a mortu,
e a s’isposa s’ùltimu accunortu!
10 Bois s’ira dannarza preferides
de Pê-velotze, s’atza leonina
a s’umanu perdonu e non bidides
ch’a boltas sa perricca ‘e sa ‘errina
mancu dat gosu in s’anzena ruina!
Àteros b’at ch’an pérdidu, l’ischides,
frades carrales, fizos, ohi cantos,
e puru si ch’assèlian, poi prantos!
11 Ma non cuntentu cussu coro duru
de l’aer brivu de sa dulche vida,
a die e notte lu martùriat puru
che cane a fera cun atza abbramida!
Ne li cunzat pro custu sa ferida,
ne li faghet onore, istet seguru!
E miret ch’a offender unu mortu
est finas a s’Olimpu a fagher tortu!–
12 Ma Era bratzinîda: –O Arcu ‘e prata,
–cun cara ‘e fele li nêsit– est giustu
su chi sustenes, ma s’esseran patta
pr’onore de nadia cuddu e custu!
Ma fit mortale chie est in suffratta
e da-e sinu umanu at cun gustu
suttu su primmu latte ‘e s’esistèntzia,
Achille invece est de divina erèntzia!
813

Càntigu XXIV
13 Fizu est Achille ‘e Tétide immortale,
ch’allevei che fizu in domo mia,
e de Peleu, ómine mortale,
ma caru che niune a s’alta Ghia!
A sas nuntas insoro in allegria
b’andemis tottu e tue, coriale,
finas sonadu as sa citera d’oro!
Tue ch’amparas sos de malu coro!–
14 «Non t’inchietes, Era, cun sos Deos,
–li nêsit de s’Olimpu su Segnore–
ca no an aer su matessi onore!
Ma fit de sos eroes dardaneos
Ettòrre su prus caru e a primore
s’altare m’at cun bonos ingranzeos
sempre intzensadu, beru decomente
sempr’ondradu at s’Olimpu onnipotente.
15 Ma de bi lu leare non tentedas
su corpus a Pelide a manchingannu,
ca non cherzo ch’a Tétide infadedas
chi l’est accanta in su dolu mannu!
Mezus cosa invece est chi pensedas,
pro nd’agabbare làstima e affannu,
a inoghe a Pês d’ispuma ‘e mi giamare,
ca la dia a su bonu cunsizare!»
16 Nêsit Cronide; e Iris chen’ ‘istentu
da’ sa chima ‘e s’Olimpu si tucchesit,
lênde tra Samo e Imbro. S’incrispesit
sa leada ‘e su mare a cussu ‘entu
e in sas undas in unu momentu,
grae che prumu ‘e lentza, s’affunghesit
s’imbasciadora ‘e sa divina sea
própriu accurtzu a sa grutta de sa dea!
814

Su riscattu de su corpus de Èttore
17 Cun sas Nàiades a li fagher corte
séida l’agattesit 3 , pianghende
sa de su fizu isfidiada sorte
ch’a finis oramai fit lompende
appoi ‘e sa d’Ettòrre trista morte!
Si l’accurtziesit Iris e, che lênde
parte a su dolu, li nêsit: –Donosa,
ti cheret chie ordinzat dogni cosa!–
18 E Pês de prata, torréndeli muttu:
–E it’at de mi narrer Zeus santu?
S’istare in mesu a Deos in piantu,
che su de mi mustrare a coro alluttu,
troppu mi pesat! E già b’est su tantu
ischinde ch’est approbe su corruttu!
Ma bi ando; ne at a esser vana
sa paràula sua soberana!–
19 Nênde gai, su ‘elu pius nieddu
si cuguddesit Teti dolorosa
e fattu a Iris, che coa d’isteddu,
ponzesit chena galu aggiungher cosa.
S’isbambarriesit s’unda iscurigosa
a su passazu e, pustis pagareddu,
innante s’agattesin a Cronide
e a sos Deos Iris e Tetìde.
20 Accanta a su Tronante sa cadrea
lestra li desit s’oji-lìmpia Atena
e una coppa ‘e nèttare a sa dea
Era in manos ponzesit prus serena.
Buffesit Pês d’ispuma appena-appena,
pustis Zeus: –A s’olìmpica sea
lómpida su matessi ses, Reina,
mancari apas in coro mal’ispina!
815
Teti tuccat
da-e Zeus

Càntigu XXIV
21 Su dolu ti cumprendo, caru fiore!
Ma cheret chi t’ilgiare sa cajone
de prîte ti giamei: in bulione
est s’Olimpu pro su corpus d’Ettòre,
chi da-e noe dies 4 Mirmidone
bisestrat e mattanat a primore.
E b’at chie a bi nde lu leare
a Ermes est tentende d’apprettare.
22 Àteru da-e me at aer bantu 5
tales chi nde profettes galu tue.
Ma da-e fizu tou peristantu
bae, o Donosa, e sa felosa nue
da’ coro l’ispallatta. Zeus santu
–nâli– e sos Deos sunu a mue-mue
pro su chi ses faghinde trist’affeu
a su mezus eroe dardaneu!
23 Chi rispettet de Zeus su disizu
e ch’a Ettòrre isprendat piedosu.
De falare apat Iris contivizu
da-e su mere ‘e Tròia dolorosu
a li narrer chi pedat coidadosu
su riscattu a Pelide de su fizu.
E chi l’offerzat brunzu, prata e oro
pro chi li siat sulenu a su coro!–
24 Nêsit; e Pês de prata a ponner mente
chena torrare ‘oghe coittesit:
cun unu brincu da-e sa lughente
chima ‘e s’Olimpu a sa tenda desit
de su fizu istimadu e l’agattesit
galu pranghinde a Pàtroclo valente,
mentre, foras, sos suos iscorzende
fin una craba lanuda e ciarrende.
816

Su riscattu de su corpus de Èttore
25 Si li setzesit a fiancu e: –Oddeu,
–li nêsit carignéndeli sa cara–
finas a cando su coro, mi nara,
t’as a marturizare, o fizu meu?
Non màndigas, ne chircas prus recreu
in s’affettu d’una femìna cara!
E su sole ‘e sa vida a finitia
lompende est pro a tie, ànima mia!
26 Como intende de Zeus s’imbasciada:
sos deos tenes contra soberanos
pro sos chi ses faghinde disumanos
bisestros a Ettòrre e airada
est prus ancora sa Ghia sobrada!
Odiu e fele mùttinde metzanos,
ca su ch’as mortu fit eroe mannu
e su riscattu atzetta pro su dannu!–
27 «E gai siat, s’est Zeus Tronante
chi lu cumandat! –cun tonu serenu
Achille rispondesit a s’istante–
Chi si lu gittat e apat sulenu
chie su preju nde ‘attit innante!»
E mentras chistionende ‘e cuss’appenu
fin fizu e mama, a Iris mandende
da-e Priàmu fit Cronide e nênde:
28 –Bae, o lizu caru, a Ilione
e nâli a re Priàmu isperasciadu
ch’offerzat su riscattu a Mirmidone,
ca l’at a esser su fizu torradu!
Ma ch’andet chena péruna persone,
foras d’un’iscuderi ‘etzu e fidadu
chi carru e mulas li ghiet in s’ora
e chi non timat dannu nâli ancora.
817

Iris falat
da-e Prìamu
Càntigu XXIV
29 Nois a Ermes de l’accostazare
amos detzisu finas a tenda
de sa de Teti valorosa prenda
pro chi nemos lu pottat infadare.
E chi Pelide, amméntali, o sienda,
addaghi an a benner cara a pare,
su dolu d’unu babbu at a cumprèndere
e su corpus chi bramat l’at a rèndere!–
30 A su cumandu ch’ ‘essesit a bolu
a sa règgia ‘e Priàmu Pês de ‘entu
e in sa lolla a unu lamentu
l’agattesit, pranghende a disconsolu,
cun sos fizos in tundu, tra chimentu
e ùrulos de làstima e de dolu!
Imboligadu in su manteddu e bruttu 6
s’istaiat su Re, cori-derruttu!
31 Da’ intro ‘e domo de fizas e nuras
sas boghes s’intendian de sa ria,
graes che sos ticchìrrios de s’istria
de dies carradora ‘e malas uras!
Si l’accurtziesit e, a pispisia
li nêsit Iris, da’ tantas tristuras
finas Issa toccada (mentre in suddu
si nde tremesit in la ‘ider cuddu):
32 –Faghe coro, o Prìamu ‘e Dardanu,
e non timas in s’ora àteru dannu:
a ti narrer mi mandat Zeus mannu
(chi de ti dare, mancari lontanu,
bramat sulenu e fortza in tant’affannu)
chi tucches da’ Pelide subrumanu
a li pedire cussa prenda ‘e oro
cun benes chi l’appàsighen su coro.
818

Su riscattu de su corpus de Èttore
33 Ma cheret chi bi andes solamente
cun s’antzianu iscuderi tou
ch’apat de carru e mulos su custou
e ne cun àtere, amigu o parente.
Pensu de morte non tenzas in mente,
ca a fiancu s’imbasciadore sou
t’at a ponner s’olìmpicu Segnore,
a Ermes, naro, d’Argo su mortore!
34 E addaghi, pedìndeli sa gràscia,
a sa tenda ‘e Pelide as a arrivire
non timas perun’àtera disgràscia,
giaghi non bramat isse d’impidire
sa volontade ‘e chie cust’imbàscia
t’at chérfidu mandare. Dês ischire
chi de su dolu tou e de s’edade
rispettu at a mustrare e piedade.–
35 Nêsit; e a s’olìmpicu palattu
recuesit s’ermosa imbasciadora.
E su re da’ sos fizos fattu-fattu
giungher su carru fattesit in s’ora
e una càscia collocare ancora,
pro bi ponner su preju ‘e su riscattu,
tra costana e costana, a dismisura
amprosa e de miràbile fattura.
36 A sas istàntzias suas ispantosas
che sole lutzighentes d’oro e prata
de sidros e de pignos chena patta
ch’intresit posca, sas prus pretziosas
ricchesas pro leare, e in suffratta
nêsit a sa muzere: –Inte’ sas cosas,
o mama dolorosa, chi Cronide
mandadu m’at a narrer da Irìde.
819
Prìamu e
Écuba

Càntigu XXIV
37 Chi riscatte su corpus de su fizu
tucchende da-e chie nos l’at mortu
pretzisu mi at dadu su cunsizu,
gitténdeli tresoros chi cunfortu
li dian a su coro! E su disizu
de ch’ ‘essire m’est créschidu a su portu
pro li pedire cussa gràscia rara!
Ma tue ite mi nâs, Ecúba cara?–
38 «Coltz’a mie! –urulesit sa muzere–
Su sinnu mannu ch’as sempre mustradu
in domo e foras, sinnu ‘e bonu mere,
a ue custa ‘olta ch’est tuccadu?
Da-e Pelide, degai m’as nâdu,
de andare ti sentis in dovere,
da-e chie, est a narrer, che leone
sas carres ischirriolat d’Ilione?!
39 E finas a sa sola! Coro ‘e attarzu!
Crês duncas chi s’affannu ti cumprendat
e ch’apat affriscione su dannarzu?
Ma no est gai! Unturzu ch’intendat
lamentos no est cussu, ne chi rendat
su mossu chi li currit in s’isgarzu!
Sos ossos tuos, o malancinidu,
finas s’at a pappare, che lambridu!
40 Da-e tesu cantàmuli su teu,
giaghi ordinzadu pro isse sa Sorte,
da-e sende ancora in corpus meu,
gai crudele at chérfidu sa morte!
Ah, si felchire a cussu cane acheu
in su fìdigu, pro chi m’accunorte,
custas dentes pottera a gosu a gosu!
Ca fit Ettòrre eroe valorosu!»
820

Su riscattu de su corpus de Èttore
41 «Non mi rentenzas, – li nêsit Priàmu–
ca persegus non torro peristantu,
ne mi muttas che ae ‘e malu cramu 7 .
Su coro non m’ammoddigat su prantu,
ne suddu ‘e morte m’istringhet su camu,
giagh’intesu e bidu ‘e Zeus santu
s’imbasciadora soberana ap’ ‘eo
e a su chi m’at nâdu obbedo e crêo.
42 E s’esserat comente naras tue
e mi lêret sa vida Mirmidone,
cun fizu meu, crê’, de morrer cue
prus non m’importat a unu muntone
poi ‘e m’esser, in s’ùltim’affriscione,
soltu in piantu che pìghida nue!»
E detzisu Priàmu che simmai
sas càscias isfrisciesit nênde gai.
43 Dóighi ‘estes de rara fattura
e doighi manteddos nde ‘oghesit,
dóighi mantas de una misura,
paris tùnigas e b’accumonesit
àteros pignos, tottu de fregura.
Deghe talentos, sighinde, pesesit
de oro, poi abbertos sos fortzeris,
duas trìbides e battor lebreris.
44 A una coppa pustis de valore,
manna e pesuda, ‘ettesit sas manos,
chi l’aìana dadu sos Tracianos
cando bi fit tuccadu imbasciadore
pedinde aggiudos pro sos Troianos.
Ne pro ammentu ‘e su retzidu onore
si la tenzesit, a tales bramosu
fit de ch’ ‘essire su ‘etzu e pressosu.
821
Sos regalos de
su riscattu

Affeos e
approntos
Càntigu XXIV
45 E ch’ ‘essesit Priàmu, abboghinende
a cantos s’istaian a pibios
in su corrale, finas frastimende:
–A foras da-e sos palattos mios,
a foras, miseràbiles! Pranghende
a su mundu non torrat de sos bios
sa chi Zeus leadu m’at sienda!
Tuccade... e chi prus mai bos intenda!
46 Subra ‘ostru su teu lu cantade,
ca s’upa bos inghìriat de sa Morte,
ne bos la catzat prus Ettòre forte...
própriu goi... emmo... bi pensade!
E ch’a sos padros che lompa de s’Ade
prima de ‘ider pro crudele sorte
cun custos ojos rutta a Ilione
e inchesa da’ sos d’Agamennòne!–
47 Tucchesit, nênde gai, su ‘e Troe
e cada amigu fattu, onzi parente,
e-i sos fizos, ch’in tottu fin noe 8 :
Pammone, Elénu, Paris, su ‘alente
Deìfobo, Agatone, Ippotoe,
Polite, Antìfone e Diu sapiente.
E finas a-i custos, furiosu,
urulesit su re che baddinosu:
48 –Coittade, o tristos, bos movide!
M’esserezis, e tottu, invece ‘e Ettòre,
mezus mortos gherrende! Ahi, dolore!
Fizos fortes m’at dadu su Cronide,
ma ‘ios prus non nd’apo: u’est Mestore 9 ?
Tróilu 9 a u’est dadu ‘e bona fide?
Ruttu est Ettòrre... mortu... o Zeus, Zeus...
a narrer chi pariat unu deus!
822

Su riscattu de su corpus de Èttore
49 Leados mi los at Ares crudele
sos chi tenia déghiles attarzos
e lassadu una truma ‘e faularzos
m’at Isse pro ‘irgonza e pius fele,
zente abbramida ‘e crabittos, de mele,
de ballos, cantos... finas feminarzos!
Ma calicunu, naro, a m’approntare
mulos e carru già l’ap’a agattare!–
50 Nêsit su re; e cuddos, timizosos
de s’ira de su babbu, nde ‘attesin
sa parìglia ‘e sos mulos poderosos,
chi una ‘olta sos Mìsios li desin,
già ‘iuntos a su carru e, pressosos,
in su cascione pustis assentesin
sos pignos raros ch’aiat Priàmu
detzisu de si gigher pro su cramu 10 .
51 A su calesse sos caddos d’ispantu,
ch’isse e tottu s’aiat allevadu,
de l’attaccare, infinis, coidadu
si lésini sos fizos tottucantu.
Carincherada Ecùba imperistantu,
cun unu càlighe in manu doradu,
prenu de ‘inu dulche, si mustresit
e, giamende a Priàmu, li naresit:
52 –Le’ custa coppa e pensa d’onorare,
o attrividu, a su Tronante Ideu 11
da’ sos Danaos innanti ‘e tuccare
e contra finas a su parrer meu!
S’àbbile da-e destra nâli a Zeu
pro signale de ‘onu ‘e t’imbiare;
s’ae chi, pro sa fortza e s’imponèntzia,
preferit Isse in dare un’avvertèntzia.
823
S’invocascione
a Zeus

Càntigu XXIV
53 Si t’accanserat su bonignu avvisu,
tue ‘essìreche dias pro s’impresa
da-e Pelide finas prus detzisu
e cun àtera deo seguresa
isettàreti inoghe! Si su ‘isu 12
ti negherat invece, sa pretesa
chi non b’andes ancora ti mantenzo,
antzis pius de prima la sustenzo!–
54 E d’Ilione su canidu mere:
–A su chi naras, fémina, accussento.
Su pretziare a Zeus m’est dovere
e umìle sa coppa li presento,
cun s’ispera chi nd’apat piaghere
e de m’accostazare in su chi sento!
Sas manos, primm’ancora de buffare,
cheret però chi pense ‘e samunare!–
55 Una brocca, in l’intender, nde ‘attesit
d’abba lìmpia un’isclava chen’ ‘istentu
e galu unu cadinu e s’innettiesit
ambas manos su re in su momentu.
Pustis frobbidas, dare si fattesit
da’ Écuba su càlighe e, cuntentu
d’altzare ojos a chelu, a s’Immortale
naresit, a sa rea, in su corrale:
56 –O Zeus babbu, mere mannu ‘e s’Ida,
asi comente cun fide t’onoro
tue a Pelide addùlchili su coro
pro chi resesser su chi bramo m’ ‘ida!
Da-e sa destra màndami, t’imploro,
s’imbasciadora tua preferida,
s’àbbile maestosa e verdadera,
signale ‘e cunsideru e bon’ispera!–
824

Su riscattu de su corpus de Èttore
57 Manc’aiat sa sùpplica agabbada
chi li mandesit Zeus soberanu
s’àbbile da-e destra a su Dardanu,
niedda che tura, ali-ismisurada,
reina de sas aes, lumenada
“Percnòn” 13 in sa limba ‘e su grecanu.
E cantos saettende la ‘idesin
tales che-i su re si nd’allegresin.
58 A su calesse tando su ‘etzittu
che pighesit detzisu, isfuettende
sos caddos suos raros e narende
cun su carru a Ideu beneittu
de si tuccare innanti. Appittu-appittu,
cant’istesin sa ‘idda attraessende,
sos suos li fattesin cumpagnia,
tristos che si anderan a sa ria!
59 Ma cando da-e su portale mannu
a su paris ch’ ‘essesin ambos pare
chi s’isterriat finas a su mare,
si ritiresit sa zente in affannu
timinde pr’Ilione àteru dannu.
Ma in los bider Cronide avantzare
solos per-i sas tancas, in appenu,
nêsit a Ermes, piedosu e serenu:
60 –Fizu ‘e su coro, chi a sos mortales
t’aunis che amigu e bona ghia,
siat nuntziende gosos siat males,
mira giosso a Priàmu in angustia
da’ s’eroe tucchende de Fitia.
Falabe-i e l’ampara; ma signales
non li dias de sa presèntzia tua,
sol’a ojos anzenos che lu cua!–
825
Sa partèntzia

Ermes
apparessit a
Prìamu
Càntigu XXIV
61 L’accuntentesit d’Argo su mortore,
e, poi ‘e s’àere a pedes ligados
sos soberanos caltzares dorados,
chi cun sos bentos chertan a primore,
lêsit sa ‘értiga ‘e pôres sobrados 14
ch’impittat su divinu imbasciadore
pro ischidare o drommire sa zente,
e a Tròia ch’ ‘olesit de repente.
62 Lómpidu a cussos giassos, sa fregura
lêsit de unu prìntzipe galanu
chi sa prim’ ‘arva in cara cun sa manu
s’allijat, cand’est bella gioventura,
e a pê’ si tucchesit pianu-pianu,
che chie est in isettu ‘e conzuntura,
per-i sas ìscias de su Xantu, ischinde
ch’a cue peristantu fit beninde.
63 E pustis pagu, infattis, arrivire
eallos ambos duos chen’isviu
pro poder a sos fiados permittire
de si lograre ‘e s’abba de su riu,
mentres approb’a si che dispidire
fit da-e chelu s’astru pius biu!
In s’ora Ideu notesit s’istranzu
e nêsit, che timende, a su cumpanzu:
64 –Frua ‘e Dardanu, mira... mira cue!
Sebestados nos ana, sorte mala,
e un’ómine ‘eninde est a cust’ala
cun chiza resoluta! Mezus fue...
fuimos cun sos caddos deo e tue!
O sos benujos naras che a gala
de l’istringher, pedinde piedade
e rispettu a su nessi pro s’edade?–
826

Su riscattu de su corpus de Èttore
65 Si nde siddesit Prìamu in l’intèndere,
e, che colpadu a fuste, coro e mente
si l’allizesin paris de repente,
ne pottesit sa limba manc’isprèndere!
Ma su Bonignu, andéndeli serente,
s’attogu istesit lestru a li cumprèndere,
e, léndeli sa manu, cari-‘onu
li preguntesit cun déghile tonu:
66 –A ue, o babbu canu, ses ghiende
peri sa notte divina, pressosu,
caddos e mulos, cando su reposu
onzi mortale invece andat chirchende?
Tue ‘e sos d’Argo s’ódiu felosu
duncas non times? Ma s’andas girende
cun benes gai, a s’iscuru, e t’ ‘ideran,
it’est chi podes si l’assaltineran?
67 O crês d’ammanizare una difesa
cun s’amigu chi tenes a costazu?
Si nd’aizis de briu, bos l’at frazu
su tempus, che a tottu, in sa ‘etzesa!
Ma da-e me non timas attamazu,
c’antzis de ti difender sa pretesa
dia leare contr’a donzi reu,
ca t’assimizo in tottu a babbu meu!–
68 E torréndeli ‘oghe su Dardanu:
–De s’avvertèntzia ti dao rejone,
fizu istimadu. De tzertu sa manu
subra meu e subr’a Ilione
tenet bonignu calchi soberanu,
si mandadu a s’abboju una persone
m’at che a tie bona e giudisciosa,
bantu de ogni babbu, mama, isposa!–
827

Càntigu XXIV
69 «Forsi ‘e s’Olimpu tenes de abberu
–Ermes li nêsit– su favore santu!
Ma nâmi ancora e sias sintzeru:
a ue custos benes de ispantu
e pro cale timòria o cunsideru
for’ ‘e ‘idda che gighes peristantu!
Bardiare nde cheres nessi custos
o ses fuinde in àteros assustos?
70 Su t’aer mortu a cussa prenda ‘e fizu
s’ùltim’ispera bos ch’at barigadu!
Ca fit Ettòrre s’eroe sobradu,
sa turre chi non trinnigait chizu
contr’a chie l’aeret affrontadu!»
E Prìamu, a s’ammentu, in marturizu:
–E tue chie ses, de cal’ereu,
ch’invocas gai dulche a fizu meu?–
71 Li rispondesit su deus: –D’ischire
prîte bramas, o betzu, àteras cosas?
In sas oras de chertu prus felosas
l’apo connottu, sas chi meressire
faghen fama d’eroe! Tirriosas
fin che niune in ferrer e bocchire
sas manos suas, s’atza, sa passione
e l’ischin bene sos d’Agamennòne!
72 Cantas bias l’ ‘idemis cuss’astore
cand’a s’arressa, offesu cun s’Atreu,
nos teniat su fizu de Peleu!
De l’esser s’iscuderi apo s’onore
e cumpanzu de nae e Polittore 15 )
pro chi l’iscas, si narat babbu meu.
Riccu meda est isse e che a tie
sos pilos giughet càndidos che nie.
828

Su riscattu de su corpus de Èttore
73 Ses fizos tenet galu intro ‘e domo;
su ‘e sette so deo, recuidu
a Ilione, ca m’at favoridu
sa busca de sa sorte! Narrer como
ti cherzo ancora (e crê’ chi non t’inzomo)
prîte fintz’a inoghe so ‘ennìdu:
sos d’Argo eroes mannos cras manzanu
contr’a sa ‘idda s’ ‘oltan de Dardanu!–
74 «Si ses tue d’Achille Mirmidone
cumpanzu e iscuderi –chen’imbaru
li rispondesit su re d’Ilione–
nâmi un’áter’allega, e sias giaru:
chie m’at mortu a Ettòrre caru
at apidu ‘e su corpu affriscione
o a tales fit s’ódiu a dismisura
chi l’at dadu a sos canes in pastura?»
75 Ed Ermes: –No! Accurtzu a sa nae,
fora ‘e sa tenda, est Ettòrre tou,
ne l’at ischirrioladu cane o ae!
Dóighi dies da’ s’ùltimu prou
coladas che sun già e dannu grae
patidu, crê’, no at su corpus sou,
s’est ch’a puder non pudet manc’appena,
ne puntu l’an sos bermes sa carena!
76 E mancari a s’intundu de sa losa
lu trisinet de Pàtroclo onzi die
a s’accherada de Eos donosa,
pro glòria ‘e cuddu e vituperiu ‘e chie
bi l’at mortu, cosa est ispantosa,
ch’abbauccare diat fintz’a tie,
s’ ‘ider comente restat bellu e nîdu
poi ‘e s’affeu, che allentoridu!
829

Càntigu XXIV
77 Finas sas piaes si li sun cunzadas
e, crê’, chi non fin pagas, ca iscuttu
nde l’an sos d’Argo de istoccatzadas
addaghi ‘idu l’an per terra ruttu!
As a cumprender, o betzu, ch’est fruttu
tottu custu de sas gràscias sobradas
de sos ch’an in s’Olimpu sa dimora
e decomente lu pensen ancora!–
78 Si nd’allegresit Prìamu in l’intender
e, torréndeli muttu: –Cosa ‘ona
est duncas sos unores a lis render
a sos deos de s’olìmpica trona!
E fizu meu (o Zeus, mi perdona,
ma s’est mai campadu a lu cumprender
galu non bi resesso!)...fizu meu
ondradu sempre at a s’Olimpu intreu!
79 Accò prîte sos meres soberanos
s’ammentan d’isse in su fadu ‘e sa morte!
Ma como atzetta, o fizu, e nd’apas sorte,
custa coppa da’ sas amigas manos
de su babbu ‘e s’eroe ‘e sos Dardanos
e finas a sa tenda ‘e cuddu forte,
cun s’aggiudu ‘e sos deos, mi che ghia
e m’ampara, pro bona sorte mia!–
80 «Galu mi tentas, –li nêsit su deu–
ma in fallu, mancari giovaneddu,
bae chi non bi ruo! Oddeu, oddeu!
Pérdidu dia aer su cherveddu
s’atzettera a s’accua de Peleu
su chi mi porris cun dulche faeddu
déghile pignu! De bi lu furare
mi diat parrer a ti lu leare!
830

Su riscattu de su corpus de Èttore
81 Ca l’istimo a Pelide che a niunu;
ne dia cherrer, própriu ca l’onoro,
da’ s’ira sua infadu perunu!
Pro su chi pedis abbertu est su coro
e ghia ‘e t’esser e bàrdia m’apporo
fintz’a sa tenda sua e si calcunu
tenterat contr’a tie calch’offesa
no as aer de vile una difesa!»
82 Subr’a su carru ‘e Prìamu saltiesit,
nênde gai, Bonignu 16 e, leados
fuette e brìglias, sos caddos prettesit
poi ‘e lis aer, che a sos fiados
de Ideu, sos brios sulenados.
Gai in pag’ora a su muru arrivesit
ch’a difesa ‘e sas naes fraigadu
Argo aiat cun turres e fossadu.
83 Pro fagher cue donzi cosa accua
sos custòdios drommesit, chi chenende
fin própriu in s’ora, cun s’ ‘értiga sua
soberana, su portale abberzende
fattu de truncos russos e, sighende,
a sa tenda ispantosa a totta fua
che gittesit de su fizu ‘e Peleu
a re Priàmu e a s’amigu Ideu.
84 (Sos Mirmidones medida e sestada
cun truncos de abete ‘ene pulidos
bi l’aian sa tenda e covaccada
de cannas cun pubusones tuddidos.
Cun palos altos per terra felchidos
l’aian galu sa corte abberrada,
ponìndeli una giaga ch’isse ebbia
podiat mòvere o tres de Fitia.)
831
In sa tenda
de Achille

Càntigu XXIV
85 Nêsit tando a su mere troianu,
brinchende da’ su carru s’Eterrenu:
–Iscas, o betzu, ch’Ermes soberanu
est chie t’at ghiadu a logu anzenu
e pro cumandu ‘e Zeus, chi sulenu
ti cheret dare cun amprosa manu!
Chi b’intre deo puru da’ Pelide
non m’est déghile, crê’... ma tene fide!
86 Deo duncas recuo... faghe tue
su chi dês fagher chena perder ora,
ne b’at bisonzu ch’àteru t’attue:
ambos benujos l’istringhe e l’implora,
pro chi ch’istorret s’odiosa nue
chi coro e mente li luat ancora,
su nòmene ammenténdeli ‘e Peleu
e de sa dulche fiza de Nereu!–
87 E, sen’aggiungher àteru, a su monte
si che ‘olesit de sa biadia;
e re Priàmu, chinnida sa fronte
pr’ondrare a Ermes, da’ su de Fitia
ch’intresit, chen’Ideu a cumpagnia!
E l’ ‘idesit; cun Automedonte
e cun Alcimo 17 solu fit restadu
sétzidu in banca, appoi chenadu.
88 Abbandadu calch’àteru cumpanzu,
mudu che cussa notte chena luna,
s’istaiat in bisos de fortuna
poi ‘e degh’annos de fadu mettanzu.
Niune s’abbizesit de s’istranzu
ch’a Pelide istringhesit tott’in una
sos benujos, baséndeli sas manos
chi tantos fizos l’ ‘occhesin dardanos!
832

Su riscattu de su corpus de Èttore
89 Gai comente cun oju ispantadu
miran in logu anzenu unu mortore
chi amparu, fuinde, at dimandadu
a unu riccu e potente segnore,
a tales Pê-velotze abbauccadu
e sos cumpanzos restesin, d’Ettòre
in s’ ‘ider a su babbu addaenante
a unu deus betzu simizante.
90 «A babbu tou, o Pelide divinu,
–nêsit tando Priàmu a coro in manu–
pensa galu un’iscuta: pilicanu
est che a mie, a finis de caminu,
e forsis paris tristu e disumanu
ambos semos vivinde unu destinu
sena chi nemos pottat, dolumannu,
vittire nessi a isse tantu dannu!
91 Antzis no... chi s’ispera at isse ancora
de t’ ‘ider, sende ‘iu, recuende
a donzi accherada ‘e s’Aurora!
Coltz’a mie, invece, chi ruende
in custa lua arruinadora
sos mezus fizos bidei chertende!
E fin chimbanta cando in Ilione
ficchesin pedes sos d’Agamennòne!
92 Deghennoe da’ Écuba reina
mi nde naschesin e de bon’intentu,
sos àteros da’ feminas chi tentu
ap’in domo. Ma d’Ares sa ‘errina
gittu s’at sos pius che malu ‘entu
e sa ch’aimis turre adamantina
derrutta nos l’as tue, ‘e sos de Troe
sos fados difendinde che eroe!
833
Sa sùpplica

S’affriscione
de Achille
Càntigu XXIV
93 Pro su corpus d’Ettòre coro meu
a pês tuos accomi, o gloriosu,
cun su riscattu mannu e valorosu.
Como detzidi, rispettende a Zeu
e valutende chi prus de Peleu
merìtat cunsideru affriscionosu
chie sa manu a laras s’at portadu
chi l’at de tantos fizos orfanadu!»
94 Si cagliesit su ‘etzu; e su prantu,
a s’ammentu ‘e su babbu, s’intendesit
currer in ojos Achille, ch’intantu,
leendelu per manu, nde pesesit
dulchemente a Priàmu. S’aundesit
gai ‘e succuttos sa tenda pertantu:
de sos d’Ìlion pr’Ettòrre, e pro Peleu
e pro Pàtroclo de sos de s’Acheu!
95 Pustis, tudada ‘e làgrimas sa gana,
li rispondesit lestru Mirmidone,
sos pilos carignende e s’ ‘arva cana
a s’infelitze babbu d’Ilione:
–Coltzu e cinu, assiat mattana
sa vida tua! Ma coro ‘e leone
dês gigher pro tuccare da-e chie
solu dannos e morte at dadu a tie!
96 Como sêi però, betzu attrividu,
accurtz’a mie e su dolu lassamos
mancari siat su coro affliggidu,
giagh’a piangher nudda balanzamos!
Custa est sa sorte, si be-i pensamos,
chi pro a nois s’Olimpu at bordidu:
prantu est sa vida nostra e tribulia,
cantu sa de sos Deos biadia!
834

Su riscattu de su corpus de Èttore
97 Duas giorras at Zeus parinales,
un’a destra, un’a manca de sa trona;
da-e una dat Isse s’ura ‘ona,
da-e s’àtera invece isparghet males.
Si da-e ambas retzin sos mortales
sos fados de s’isposu de Latona 18 ,
parte ‘e sa vida la passan gosende,
parte in tragos, appenu e peleende.
98 Però cando sas manos su Tronante
in su trógliu malignu imberghet solu,
coltz’a chie toccherat, ca su dolu
die cun die s’agattat costante,
e currit per tottue che mancante
e che cane famidu, in oriolu
de un’ora d’asséliu e d’accunortu,
chena bi lomper mai, fintz’a mortu!
99 Tocchesit a Peleu in zoventura
onzi gràscia de benes e de pôre,
sende ‘e sos Mirmidones su segnore
e leende una dea in conzuntura
mancari aeret mortale natura!
Ma, pro giogu ‘e sa sorte, cuss’amore
eredes pro su rennu non l’at dadu,
send’ ‘eo a morrer prima destinadu!
100 Ne su gosu ‘e l’attender a betzesa
s’Olimpu cor’ingratu at dadu a mie,
s’in Ìlion mi nd’isto, a cara atzesa,
a bois cuntristende notte e die!
E galu ischimos, o betzu, ch’a tie
desin sos Fados fizos e ricchesa
addaghi da’ sa Lesbo ‘e Macareu 19
fis mere, fintz’a Ponto 20 e a Frigeu 21 .
835

Càntigu XXIV
101 Ma sicomente t’at como sa sorte
boltadu palas, sas isfidiadas
peleas bàlia e cun coro forte,
c’a piangher intantu est in debadas,
ne a Èttore ischidas da’ sa morte!
Àteras proas, antzis, ordinzadas
crêo t’apan sos Deos e metzanas
a tie e a sas zentes troianas!–
102 E Prìamu in risposta: –O affortizu
de sos Danaos e de Zeus frua,
a sêre non m’apprettes, ca su fizu
ischinde accurtz’a custa tenda tua
chen’interradu, forte est su disizu
de lu ‘ìdere e-i sa cara sua
de mi ‘asare cun paternu affettu
galu una ‘olta ben’istrintu a pettu!
103 Adducas m’accuntenta e su riscattu
chi cun coro ti dao mi l’atzetta
e ti lu gosa cun sa sorte ‘eretta,
appoi chi sas frinas de s’imbattu 22
t’an gittu da’ Peleu e suddisfattu
sa ch’azis unu ‘e s’àteru prenetta.
Custa est s’ura mia, giagh’ancora
de ‘ìdere m’accansas s’Aurora!–
104 E miréndelu Achille a oju-tortu:
–O betzu, non provòches faeddende,
ca si ti torro a chie ses bramende
est pro more de Zeus! Poi mortu,
a Teti m’imbiesit, cumandende
de non ti lu negare s’accunortu.
O crês chi abbizadu non mi sia
ch’unu deus t’at gittu a domo mia?
836

Su riscattu de su corpus de Èttore
105 Niune aiat póttidu tentare
cun s’ispera ‘e resesser cust’impresa,
vittinde ‘e sos custòdios sa difesa,
d’abberrer su portale e de passare!
Adducas dia narrer de cagliare,
a boltas non pensera sa pretesa
de ti negare e galu ‘e fagher peus
própr’in sa tenda mia e contr’a Zeus!–
106 Si cagliesit timinde Ilione;
e a foras Pelide chen’ ‘istentu
che tucchesit cun passu de leone.
Non però a sa sola: in su momentu
sos iscuderis de su Mirmidone
ch’ ‘essesin fattu, sos ch’in accussentu 23 ,
poi ‘e sa morte ‘e Pàtroclo, a primore
teniat isse pro fide e valore.
107 E custos, a sa chìnnida ‘e su mere,
sos mulos e sos caddos distacchesin
e, bidinde a Ideu, lu fattesin
intrare a sa tenda e pustis sêre.
Infinis, pro cumprire su dovere,
sos pignos valorosos nde falesin
da-e su carru, foras duas mantas
e, bianca, una tùniga ‘e sas tantas.
108 A re Priàmu devian servire
pr’imboligare su corpu ‘e su fizu.
Si lêsit tando Achille contivizu
da’ sas antzillas de fagher frobbire
e ùnghere a Ettòrre, accalaizu
distantes da’ su babbu, pro vittire
chi si potterat su ‘etzu arvuriare
in lu ‘ider, fintz’a lu provocare!
837

Sa paristòria
de Niobe
Càntigu XXIV
109 Fattesin gai; e cando untu e lâdu
istesit da-e cuddas Dardaneu,
cun sa tùniga ‘estidu chena neu
e in sas mantas galu imboligadu,
de l’agontzare si lêsit Peleu
in s’iscala ‘e su carru coidadu.
E, cumprida onzi cosa, abboghinende
nêsit pustis, a Pàtroclo invochende:
110 –O fizu de Menétziu, frade caru,
non t’inchietes s’ischeras in s’Ade
chi torrende a Priàmu pro piedade
li so su fizu! Unu riscattu raru
m’at dadu sa troiana majestade
e parte as aer tue in su tumbàru 24 ,
coment’est giustu ch’apas, dulche prenda!–
E che torresit detzisu a sa tenda!
111 Si che setzesit a su postu sou,
a cara a s’infelitze pilicanu,
e li nêsit: –O re, a fizu tou
acco’ prontu in su carru. Cras manzanu,
prim’ancora chi ‘essat sole nou,
l’as a poder a Èttore troianu
bìdere e gigher, decomente bramas.
Chena como, accurtz’a sas fiamas!–
112 Sêiti in banca, sêi: a manigare
no est birgonza, ma gana obbligada;
ne lu vittesit s’allorighittada
Niobe Tantalea 25 , addaghi umpare
Arcu de Prata e Fritzi-sobrada 26
dóighi fizos a li settesciare
meledesin cun tìrrias divinas
e ses fin màscios e ses sas femìnas!
838

Su riscattu de su corpus de Èttore
113 De si paragonare s’attrivida
aiat fattu Niobe a Latona
e finas nêsit d’esser prus dechìda
sende a bogare fizos pius bona:
dóighi issa nd’aiat, presumida,
solu duos s’olìmpica Matrona!
Gai sos duos, posta marrania,
su nidu li lassesin chena cria!
114 Pro noe dies per terra furriados
nâchi istesin in su samben insoro,
ca lis aiat cherveddos e coro
a sos de Tebe Zeus impedrados!
A sa ‘e deghe ‘enzesin interrados
da’ sos ch’in chelu an sa sea d’oro.
Ma, piantos sos fizos a berrina,
deuna non restesit sa reina!
115 Inter sos iscameddos forsis oe
de su Sìpilu 27 ch’istat sa Tebana,
ue su lettu onzi Ninfa galana
tenet de oro, accurtzu a s’Acheloe 28
pesende dansas. Cue sa mattana
sighit Niobe de su malu proe
galu a suffrire, mancari ‘oltada
l’apat s’Olimpu in pedra sagomada 29 .
116 Duncas sa chena m’atzetta, o betzittu,
e lassa a cras manzanu su piantu,
chi longu at a esser, ohi cantu,
pro fizu tou in su troianu situ!
Nêsit Pelide; e a sa corte intantu
a isprender da’ unu tamarittu
un’ ‘arveghe bianca che tucchesit
e pressosu isse e tottu l’iscannesit.
839
Sa chena ‘e
s’accunortu

Càntigu XXIV
117 Luego sos cumpagnos Mirmidones
li ‘oghesin su corzu, l’appetzesin
e, a cantos felchida in ischidones,
a sas brajas cun cura l’accostesin.
Addaghi cotta, bi lis presentesin
in concheddos d’ortiju e in ajones
subr’a sa mesa, ch’aiat frunidu
àtere 30 ‘e pane e binu saboridu.
118 A s’arrustu piedosu ‘e s’accunortu
gai illonghesin in s’ora sas manos
sos inimigos gregos e dardanos
che si mai s’aeren fattu tortu!
E a Priàmu unu ‘e sos soberanos
finas parzesit s’eroe chi mortu
l’aiat su fizu, miréndelu in cara,
pro sa bellesa e s’imponèntzia rara!
119 E cun ojos d’ammiru non tzessesit
galu Pelide su notte ‘e fissare
sa cara dignitosa e fiera umpare
de su babbu ‘e s’eroe chi ‘occhesit!
Pustis, cumpridu appenas de chenare,
intendéndesi réndidu, li nêsit
su re dardanu, peséndesi reu:
–Permitti chi faedde, erèntzia ‘e Zeu!
120 Da-e su die chi ruttu est su fizu
pro manos tuas, non m’est resessidu
pius de tancar’oju, ne disizu
mancu d’assazar’abba ap’avvertidu.
Da’ tando m’est su prantu marturizu
e in su lotzu ‘e sa lolla frundidu
finas a oe mi nde so istadu,
ca si mi ch’est su sole barigadu!
840

Su riscattu de su corpus de Èttore
121 Gràscias a tie inoghe, o divinu,
torradu so a sêre a una mesa
e s’asciuttore ‘e sa ‘ula rappresa
finas alleviadu m’at su ‘inu!
Como unu lettu ti pedo e difesa
siat su sonnu ‘e su cansidu sinu!–
Gai su ‘etzu; e Pelide a sos suos
de nde lis approntare nêsit duos.
122 In sa lolla de los fagher drommire
lis cumandesit e cuddos, pressosos,
mantas e cocces a nde lis battire
istesin lestros e corzos lanosos
e, poi agontzos, che coidadosos,
a teda in manu de lis ilgiarire
fintz’a sos corcadorzos su caminu.
M’a s’iscuja aggiunghesit su Divinu:
123 –Cheret chi su reposu inoghe fora
chirches nottesta, o betzu sapiente,
giaghi zente ch’accudit a donz’ora
a custa tenda mia e prudente,
pro su chi bramas tue a cor’ardente,
no est chi t’ ‘idan àteros ancora!
Si li conteran su fattu a s’Atreu
dias aer istrobbu, a parrer meu!
124 Ma nâmi como e cun pretzisione:
pro cantas dies pensas d’onorare
a fizu tou mannu in Ilione?
Faedda, pro chi potta rispettare
sas giustas alabàntzias e frenare
finas a tando s’ira mirmidone!–
E su mere in risposta ‘e sos de Troe:
–Pensu est su tou dignu d’un’eroe!
841

Ermes
nd’ischidat
a Prìamu
Càntigu XXIV
125 Sende, decomente ischis, inserrados
intro ‘e ‘idda, cheret chi chirchemos
in sos buscos d’affacca e nde carremos
pro su dissipu sos truncos segados.
Giustu mi paret chi lu pianghemos
noe dies parentes e soldados
e chi a sa ‘e deghe sas fiaras
d’issu nos lassen sas relìchias caras!
126 Sa die appoi permìttinos, forte,
paris digna ‘e pesàreli una losa
e chi si torret, addaghi sa sorte
cheret gai, a sa gherra orrorosa,
a s’assurdu triunfu de sa Morte,
cando s’accherat galu Eos donosa!–
E Pê-velotze: –Su ch’as dimandadu
as aer puru, o betzu disdicciadu!–
127 Nênde gai, sa destra li porresit
che a lu sintzerare in su prenettu
e da’ s’istranzu si che dispidesit.
Pensende a milli cosas, in su lettu
tando Priàmu si ch’isterrijesit
e, fattu sou, Ideu chen’ ‘isettu.
E cun sa frua, in sa tenda, Peleu
si che corchesit déchida ‘e Briseu.
128 Como drommian in chelu sos Deos
e sos gherreris in terra, gosende
de sa pàsida notte e sonniende
avréschidas de paghe e de recreos.
Sol’Ermes fit ischìdu 31 , meledende
de vittire in s’ora ‘e sos Acheos
sos custòdios, pro chi recuidu
Prìamu esserat, decomente ‘ennìdu.
842

Su riscattu de su corpus de Èttore
129 In cabitana ‘e si l’appresentare
valutesit degai s’Eterrenu
e de li narrer: –Betzu, in logu anzenu
duncas trattenes chena valutare
su ch’ancora ti podet capitare,
si l’ischeran sos d’Argo chi sulenu
ses lómpidu a pedire da’ Pelide!
Ello non lu connosches a s’Atride?
130 Beru chi as retzidu bonu trattu
da-e Achille; beru chi torradu
su corpus t’at d’Ettòrre disdicciadu,
ma t’ammenta chi àteru riscattu
dian poder pretender pro su fattu
d’aer in manu a tie! Coidadu
duncas ti lea de ti nde pesare
e a Ideu galu ‘e nd’ischidare.–
131 Timinde re Priàmu àter’antua
fattesit gai e Mercùriu santu
sos caddos e sos mulos pro sa fua
de lis giungher pensesit peristantu.
E si tucchesin pustis a s’accua
ambos Dardanos, cun ojos d’ispantu
su campu attraessende ‘e s’inimigu
chena los bider nemos, manc’azigu!
132 Ma cando a sa bùlia currente
desin de su Scamandru sos betzittos,
si dispidesit Erme onnipotente
a sos divinos recuende abìtos.
E fit su chelu cun dulches risittos
Eos indeorende lutzighente
addaghi cun su mortu campione
lompesin cuddos sutt’a Ilione.
843
Sa recuida

Càntigu XXIV
133 Niune, ‘e cantos fin isperiende
a cor’alluttu da’ sa turre ‘e Scea,
s’abbizesit però chi fin torrende!
Cassandra ebbia, déchida che dea,
da’ sa chima ‘e sa rocca pergamea
a sos betzos bidesit avantzende
e in s’iscala ‘e su carru d’Ideu
su corpus de su frade dardaneu.
134 A man’in pilos urulesit tando:
–Millu a Ettòrre, accollu, curride,
o téucros gherreris! Accudide
bois puru, o femìnas, che a cando
curriazis a l’ ‘ider da’ s’Atride
torrende ‘ittoriosu! Raccumando
che frade ‘e lu piànghere, che fizu,
già fit su ‘antu ‘e tottu, s’affortizu!–
135 Nêsit Cassandra; e una persone
non restesit in bidda, una ebbia,
s’est, ch’abbertas sas giannas, a porfia
a s’abboju ‘e su mortu campione
ch’ ‘essesin tott’umpare, a una ria!
Ma istesit subr’a su d’Ilione
prim’Andròmaca cara a si ‘ettare
cun Écuba a ticchìrrios fatt’a pare.
136 Sos pilos, in lu ‘ider cari-frittu,
ambas a punzos prenos s’istratzesin
e carignendesilu che pupittu
de chentu, milli ‘asos lu faschesin.
E, tott’in tundu, soltos in s’attittu,
dardanos e dardanas lu pranghesin
cor’isasciados, foras de sa gianna.
Cando nêsit Priàmu a boghe manna:
844

Su riscattu de su corpus de Èttore
137 –Dade passu a sos mulos, furriade...
e a cando l’ap’aer agontzadu
in domo mia su prantu arribbade!
Su sole, ajozi, si ch’est già pigadu!–
A sa ‘oghe ‘e su Mere, abbandadu
s’est donzunu e a intro sa tzittade
s’avviésini tottu in pultescione
fatt’a su mortu eroe d’Ilione.
138 Lómpidos a sa règgia ‘e Dardaneu,
in unu lettu de rara fattura
l’agontzesin cun manos de ternura,
ponìndeli a corona pro su teu
attittadores de valente impreu.
Unu cuncordu degai ‘e tristura
fintz’a chelu pighesit lastimosu
cun su prantu ‘e sas féminas tirriosu.
139 Tucchesit tando Andròmaca a si sêre
in cabitana e, a boghe ‘ia,
lênde in manos sa conca de su mere,
succuttende a l’isterrer custa ria:
–Pobiddu de su coro, ànima mia,
acco’ chi l’as cumpridu su dovere!
Cantu gióvanu sola m’as lassadu
e orfanu su fizu! Cale fadu!
140 Ne de sa gioventura at a gosare
su fruttu de s’amore nostru caru,
giaghi prima nde l’an a irroccare
a Ìlion bentosa, o lizu raru!
Própriu goi, emmo! Ca s’amparu
fis tue ‘e nois tottu chena pare,
tue de sas femìnas sa difesa,
de sas tènneras fruas fortilesa!
845
Su piantu de
Andròmaca

Càntigu XXIV
141 Gai a sas naves luego inimigas
nos an a gigher, presas a cadenas,
pro tattare ‘e fulanu sas zibbigas
o pro servire padronas anzenas!
E tue... tue de pius m’appenas,
criaduredda mia, ‘e sas fadigas
e de su tragu ‘e su destinu reu
ch’ordinzadu nos at s’Olimpu intreu!
142 Cun mama tua su segnore nou
t’at a lassare fintz’a benner mannu,
che cautivu teraccu a ispannu
obblighéndeti a su cumandu sou?
O pensende calcunu a babbu tou,
pro l’aer mortu in s’iliàcu affannu
frade, fizu o babbu, ‘e t’attappare
felosu a su muru at a pensare?
143 Ahi morte crudele e orrorosa!
Ca non fit cori-modde Tronu ‘e gherra...
e medas nd’at cun manu poderosa
de Danaos lassadu a bucca a terra!
E s’ ‘ettamos che bena bundansciosa
làgrimas de margura e perra-perra
nos intendimos su coro, o fiore,
est ca fis ómine ‘e giudu e valore!
144 Ma prus a mie lassas affliggida,
sole ‘e sos ojos mios, prella rara,
ca istrintu in s’ora ‘e sa dispidida
non m’as sa manu e, miréndemi in cara,
un’ùltima peràula porrida
chi mi resterat, che relìchia cara,
in coro pro ammentu ‘e tant’omìne
in custu prangher meu chena fine!–
846

Su riscattu de su corpus de Èttore
145 Gai sa Dolorosa; e a su teu
li torraian, pranghende a succuttu,
sas dolidoras lastimosu muttu.
Tand’Écuba a urùlos: –Fizu meu,
s’isteddu pius lùghidu ‘e s’ereu,
su pius istimadu, ite corruttu
sa morte tua! Ite dolu ‘e nie!
S’eroe mannu nos lu torrat chie?
146 Caru fis a sos Deos sende ‘iu
e galu in sa morte t’an pensadu,
ca sos fizos ch’Achille m’at furadu
in annos d’arrebentu e disaffiu
isciaos los bendesit a Imbrìu,
a Samo, a Lemno. A tie leadu,
est beru, t’at sa vida Mirmidone,
ma ses cun mama tua in Ilione!
147 E pro cantu a s’in tundu de sa losa
t’apat Pelide de Patròclo sou
trisinadu cun atza tirriosa,
ca mortu bi l’as tue (alenu nou
però non li torresit a cumprou!),
accoti inoghe, e friscu che rosa,
sienda ‘e mama tua chena patta,
che si t’aeret mortu Arcu ‘e Prata!–
148 Nêsit; e, fattu sou, sos lamentos
a chelu che pighesin de sa zente.
Pustis Elèna cun boghe dolente:
–Ettore mannu, ite bonos ammentos
chi mi lassas in coro! Si valente
fis tue che niune, ‘e sentimentos
sanos e giustos mastru ses bistadu
pro nois tottu! Su mezus connadu!
847
Su piantu
de Écuba
Su piantu
de Elèna

Sas
onoràntzias
Càntigu XXIV
149 Emmo, su pius caru, su prus bonu
de cantos m’an in Tròia che muzere
de Paris atzettada (Zeus mere
m’aeret cun su lampu e cun su tronu
mezus morta sa die chi padronu
giambei, e sun vint’annos 32 , cosa ‘e crêre!).
E puru da-e ‘ucca mai ‘essidu
l’est tùnciu de cundenna o belenidu!
150 Antzis, si contra a boltas mi ‘essiat
in domo una connada, unu connadu
o mama tua o chiesisiat
(Prìamu no, chi sempre m’at trattadu
che babbu ‘onu) chie si poniat
fis tue ebbia, o frade disdicciadu,
a rentenner sas iras pro su mesu
cun fagher dulche, sàbiu, sempr’intesu!
151 E si trista t’offero custa ria
e che tottu ti prango in Ilione
a cor’alluttu, un’àtera rejone
mi coberit sos ojos de ‘iddia:
mortu tue, e chie affriscione,
addaghi pro sa mala neghe mia
m’odian tottu, at aer de a mie
si prus non tenzo amigos? Chie? Chie?–
152 Si cagliesit Elèna galana
e, altos, sos urùlos de su dolu
si pesesin in sa ‘idda dardana.
A sos ómines tando, in disconsolu,
nêsit su Re da-e sa conca cana:
–Tuccade a su padente e s’oriolu
bos leade sa linna ‘e nde segare
pro su dissipu e de nde la carrare.
848

Su riscattu de su corpus de Èttore
153 Offesas non timedas da’ s’Atride,
ca promissu, prim’ ‘e mi dispidire,
m’at chi rentesu si nde fit Pelide
da’ onzi chertu, finas a bessire
doighi ‘oltas Eos, pro cumprire
teos e sepultura a Priamide.
Adducas bazi, chena timorìa,
ca de peráula est su de Fitia!–
154 A su cumandu, in medas pro s’impreu
sos mulos e sos boes attacchesin
e, leados sos trastes, s’avviesin
a sos buscos d’accurtzu a un’ ‘oleu.
Pro noe dies sos carros arreu
truncos, chimuza e sidas nde ‘attesin
cumprinde a serentina solamente
su remiarzu pr’Èttore valente!
155 A s’accherada ‘e s’àter’Aurora
su corpus de su mortu in pultescione
nd’accumpanzesin, pranghéndelu ancora;
e, poi agontzu in chima a su muntone,
a coro in bula, sa dissipadora
teda ch’ ‘ettesin de su fogarone,
chi, fruscu, istesit pagu a si pesare
e a Tronu de gherra a lu fascare.
156 Duresin die e notte sas fiaras
e d’Ilione su dolu ‘errinosu.
Pustis cando cun sas pupias giaras
Eos torresit, cun binu olorosu
nde ‘occhesin su fogu e sas caras
relìchias cun oju affriscionosu
da’ mesu a sa chijina nde chirriesin
e in un’oru las ammuntonesin.
849

Càntigu XXIV
157 Fascadas posca in velos de purpùra
in una càscia de las assentare
pensesin d’oro e de che l’interrare
in unu fossu sestadu a misura
tra làstimas e prantu. Galu cura
cun pedras ladas de lu saccarrare
si lêsin issos, pro su monumentu
ponìndelas d’Ettòrre a fundamentu.
158 Sa losa tando nde pesesin rea
digna ‘e s’eroe ‘e Troe pius mannu,
mentras, isperiende a s’ala achea,
timinde primm’ ‘e s’ora calchi dannu,
s’istaiat s’iscolca dardanea.
Pustis cumprida, pensende a s’affannu
de s’incras cun sos d’Argo, a domo sua
recuesit Priàmu, ‘e Zeus frua.
159 E in Tròia a s’ ‘ustu ‘e s’accunortu
su Re los cumbidesit sos Dardanos.
E a sa mesa illonghesin sas manos...
ma fit ebbia pr’ondrare su mortu,
giagh’in coro e in ojos fittianos
pintos gighian dolu e discunfortu.
Gai pr’Ettòrre, ‘e caddos agasone,
cumpresit sos unores Ilione.
850

Su riscattu de su corpus de Èttore
NOTAS DE SU CÀNTIGU VINTIBATTORÉSIMU
1 sa pramma ‘e sa prus bella [...]: Si riferit a su famosu giudìsciu de
Paris, cun su cale su gióvanu prìntzipe troianu preferesit a Venus.
2 pro sa d’Isparta ermosa prenetta [...]: Pro Elèna, muzere de
Menelau, re d’Isparta.
3 séida l’agattesit [...]: Pagu primma (s’abbaidet s’ottava n. 15)
Omero aiat nâdu chi Tétide s’istaiat die e notte accant’a su fizu.
4 da-e noe dies [...]: Èttore est mortu da-e dóighi dies; noe sun sas
dies già coladas da-e su dissipu de Pàtroclo.
5 àteru da-e me at aer bantu [...]: Zeus pensat a cando Achille at a
render a Prìamu su corpus d’Ettòrre cun fagher piedosu e umanu.
6 bruttu [...]: Su de non s’innettiare sa persone pro dies e dies fit
signale de affriscione e d’affettu pro su mortu.
7 de malu cramu [...]: De mal’augùriu. Su ticchìrriu de s’istria, pro
narrer, nâchi est signale de malaura.
8 in tottu fin noe [...]: Noe nde li fin restados, giaghi nd’amos bidu
àteros ruende in s’ilìacu chertu.
9 Mestore [...] Tróilu [...]: Fizos valorosos de Príamu, chi su Re
mentovat inoghe ebbia.
10 pro su cramu [...]: Pro s’invocascione a Pelide.
11 Tronante Ideu [...]: Giove, abitadore de s’Ida e mere soberanu de
su tronu.
12 su ‘isu [...]: Sa ‘ijone de su signale aisettadu da-e Giove.
13 Percnòn [...]: In gregu cheret narrer “Sa niedda”.
14 sa ‘értiga ‘e pôres sobrados [...]: Su “caduceo”, su fuste ammajadore
de su deus Mercùriu (o Ermes).
15 Polittore [...]: Lùmene appizadu da-e su deus Mercúriu (o
Ermes), imbasciadore divinu. Nâchi fit su babbu.
16 Bonignu [...]: Appellativu de su deus Ermes.
17 Alcimo [...]: O Alcimedonte, unu de sos chimbe cumandantes
Mirmidones sutt’Achille.
18 s’isposu de Latona [...]: Zeus, pro prima muzere, apesit a Latona;
pustis si cojuesit cun Giunone (o Era), chi li fit galu sorre.
19 Macareu [...]: Fizu de su deus Eolo, fundadore e re de Lesbo.
20 Ponto [...]: O Ellesponto; est a narrer, sos “Dardanelli” de oe.
21 Frigeu [...]: O Frìgia, regione de s’Àsia Minore, a oriente
deTròia.
851

Càntigu XXIV
22 s’imbattu [...]: Bentu de mare.
23 sos ch’in accussentu [...]: Sos chi preferiat pius de sos àteros; si
trattat de Automedonte e Alcimedonte (o Alcimo).
24 in su tumbàru [...]: In su tùmbaru; est a narrer, in sa losa.
25 Niobe Tantalea [...]: Fiza de Tàntalu e muzere de Anfione, re de
Tebe.Teniat dóighi fizos, ses màscios e ses féminas, bellos che sole.
Pro s’esser bantada d’esser mezus de sa dea Latona, chi nd’aiat duos
ebbia, Apollo e Diana, s’ ‘idesit settesciados in una die sola tottu sos
fizos. Su maridu da’ su disisperu si ‘occhesit e issa da-e su dolore si
mudesit in pedra cun fromma umana.
26 Arcu de Prata [...] Fritzi-sobrada [...]: Febo (o Apollo), deus de
s’arcu, e Diana (o Afrodite), dea de sa catza.
27 Sìpilu [...]: Muntagnas, malas a traessare, de su Tmolo, in sa
Lìdia.
28 Acheloe [...]: Riareddu chi falat da-e sas montagnas de su Sìpilu
a s’ala ‘e Smirne; de non cunfúndere cun s’àteru Acheloe, su riu pius
mannu de sa Grècia, chi brotat da-e su Pindo e faghet de làccana
inter s’Eòlia e s’Acarnània
29 pedra sagomada [...]: Niobe, comente amos nâdu in sa nota n.
25, est bistada ‘oltada in pedra in fromma de persone umana e paret
de cumprèndere chi su dolu mannu sou sigat galu in cussu istadu.
30 àtere [...]: Automedonte.
31 ischìdu [...]: Ischidadu.
32 e sun vint’annos. [...]: Degh’annos bi fin chérfidos pro ammanizare
sa gherra deTròia e àteros deghe pro l’ ‘attire a cumprimentu.
852

DITZIONÀRIU OMÉRICU
Su caddu de Tròia

A
Abante (a) Gherreri troianu,
fizu de Euridamante, frade de
Polide, mortu da-e Diomede;
(b) babbu de Pretu.
Abantes Antigóriu pópulu de
s’Eubea, alleadu de sos Gregos,
cumandadu da-e Elefenore.
Abarbarea Ninfa Nàiade,
mama de Esepu e de Pédasu,
chi apesit da-e Bucolione.
Abidu Tzittade de s’Ellesponto.
Abios Populassiones fantàstigas
de sa Scìzia, regione de
s’Àsia Centrale. Su nòmene
cheret nàrrere “chena violèntzia”.
Ablero Gherreri troianu,
mortu da-e Antìlocu.
Acàia Sa Grècia ‘e tando.
Da-e tale nòmene derìvana
“Acheos, Acheas”, est a narrer
sos Gregos de sos tempos de
Omero.
Acamante (a) Cumandante
de sos Tracianos, fizu de Eussoro,
mortu da-e Aiace Telamone;
(b) fizu de Antènore
troianu, mortu da-e Merione.
Acessamenu Re de sa Tràcia,
babbu de Peribea.
Acheos Sos Gregos de sos
tempos de Omero.
Acheloe (a) Su riu pius
mannu de sa Grècia, chi brotat
da-e su Pindo e faghet de làc-
DITZIONÀRIU OMÉRICU
855
cana inter s’Eòlia e s’Acarnàia;
(b) riareddu chi falat da-e sas
montagnas de su Sìpilu a s’ala
de Smirne.
Acheronte Riu de s’Ade;
cheret nàrrere “riu de sos
affannos”.
Achille S’eroe printzipale de
s’Ilìade, fizu de Peleu e de
Tétide (o Teti), ninfa marina.
Acrìsiu Babbu de Danae.
Actoro O Attore (>).
Adamante Fizu de Asìu ‘e
Dimante, soldadu troianu
mortu da-e Merione.
Ade (a) Su rennu de sos
Mortos, giamadu puru Avernu,
Orcu, Érebu, Tàrtaru; (b)
Plutone, deus de s’Ade.
Admeto Re de sa Tessàglia,
isposu de Alcesti e babbu de
Eumelu.
Adrestu Gherreri troianu,
mortu da-e Pàtroclo.
Afareu Soldadu gregu, fizu
de Calètore, mortu da-e Enea.
Afrodite O Venus o Vènere.
Fiza de Giove e de Dione; dea
de s’amore e de sa bellesa.
Agacleu Babbu de Epigeu
mirmìdone.
Agamede Fiza de Aùgia, su
re de sos Epeos, cojuada cun
Mùlio.
Agamènnone Fizu de Atreu,
re de Micene, cumandante
soberanu de s’esércitu gregu.
Est galu giamadu “prim’Atride

o prim’Atreu”, pro lu distìnghere
da-e su frade pius minore
Menelau lumenadu “segundu
Atride o segundu Atreu”.
Agapènore Cumandante de
s’esércitu de s’Arcàdia sutt’a
Agamènnone; fizu de Anceu.
Agàstene Babbu de Polissenu,
epeu de s’Élide.
Agàstrofe Peonide Fizu de
Peone; gherreri troianu, mortu
da-e Diomede.
Agàtone Fizu de Prìamu.
Agave Una de sas Neréides.
Agelao Framonide Agelao,
fizu de Framone, soldadu
troianu, mortu da-e Diomede.
Agelau Soldadu gregu, mortu
da-e Èttore.
Agènore (a) Eroe troianu,
fizu de Antènore e de Teano,
babbu de Écheclu; (b) fenìciu,
babbu de Europa.
Aglàia Muzere de Càropo,
mama de Nireu, de Sime.
Agriu Fizu de Porteu e frade
de Melante e de Eneu.
Aiace Sos Aiaces fin duos:
Aiace Telamone (>) e Aiace
Oileu (>).
Alacmena O Alcmena.
Mama d’ Èrcole (o Èracle), chi
apesit da-e Giove. Fit cojuada
cun Anfitrione.
Alàstore (a) Cumandante
de s’esércitu de Pilo sutt’a
Nèstore; (b) soldadu de sa
Lìcia, mortu da-e Ulisse; (c)
ANTONINU RUBATTU
856
babbu de unu Troe troianu,
mortu da-e Achille.
Alcàtoe Fizu de Esiete e
maridu e Ippodàmia, sa fiza de
Anchise; lu ‘occhesit Diomede.
Alcesti Muzere de su re de sa
Tessàglia Admeto e mama de
Eumelu.
Alcimedonte O Alcimo.
Fizu de Laerce, unu de sos
chimbe cumandantes mirmìdones
sutt’a Achille.
Alcimo O Alcimedonte (>).
Alcione Appellativu de Cleopatra,
gai lumenada pro ammentu
de sos tristos pibios
d’amore de sa mama Marpessa
Evenina, innamorada de su
forte Ide, addaghi Febo la
teniat presonera, séndesi gal’isse
inganidu de sa giòvana.
Alcmena O Alacmena (>).
Alèctore Babbu de Cloneu
beota.
Alegènore Babbu de
Prómacu beota.
Alessandru Àteru nòmene
de Pàride (>) o Paris.
Aletto Una de sas tres Fùrias
o Erinnes (>).
Alettrione Babbu de Léito,
de sa Beòtzia.
Alfeu Su riu pius mannu de
su Peloponnesu e deus de cussas
abbas.
Alia Una de sas Neréides.
Alibe Tzittade de su Ponto,
pàtria de sos Alizones.

Alìsiu Palinza de s’Élide non
mezus pretzisada.
Alìu Gherreri lìciu, mortu
da-e Ulisse.
Alizones Pópulu ch’istaiat
accurtzu a su Ponto, alleadu
de sos Troianos, cumandadu
da-e Odìu e da-e Epìstrofu.
Almaone Fizu de Tèstore,
mortu da-e Sarpèdone.
Aloeu Maridu de Ifimedea,
babbu de sos Zigantes Oto e
Efialte. Pro segunda muzere
apesit a Eribea.
Alte Re de sos Lelegeos,
pópulu de s’Àsia Minore, e
babbu de Laote, una de sas
muzeres de Prìamu.
Altea Mama de Meleagru e
de Tideu, muzere de Euneu, re
de Calidone.
Amarincu Prìntzipe de sos
Epeos, babbu de Diore.
Amasonas Féminas gherreras
de s’Amatzònia, mutiladas
de una titta pro poder mezus
impittare s’arcu.
Amàtia Una de sas Neréides.
Amatzònia Regione nordorientale
de s’Àsia Minore.
Ambròsia S’alimentu de sos
deos soberanos.
Amìdone Localidade de sa
Macedònia.
Amìntore Fizu de Ormenu,
babbu de Fenice.
Amisodaru Babbu de sos
gherreris lìcios Atìnniu e
DITZIONÀRIU OMÉRICU
857
Màride, allevadu da-e sa
Chimera.
Amopaone Fizu de Polièmone,
gherreri troianu, mortu
da-e Téucro.
Anceu (a) Valente gherradore
a punzos de Pleurone, in
s’Etòlia; (b) babbu de Agapènore,
de s’Arcàdia.
Anchìalu Soldadu gregu,
mortu da-e Èttore.
Anchise Prìntzipe troianu,
fizu de Capi, babbu de Enea e
de Ippodàmia.
Andrèmone Maridu de Gorge,
babbu de Toante d’Etòlia.
Andròmaca Fiza de Etìone,
muzere de Èttore troianu e
mama de Astianatte.
Anficlu Gherreri troianu,
mortu da-e Megete.
Anfidamante Fit de
Scàndia, portu de s’ìsula de
Citera. Regalesit un’elmu de
valore a Molo, su babbu de
Merione (Càntigu X- Ott. 45).
Anfìmacu (a) Fizu de Citeato,
unu de sos battor cabos de
sos Epeos de s’Élide; (b) fizu
de Nomione, frade de Naste,
cumandante de sos Càrios,
mortu da-e Achille.
Anfìnome Una de sas
Neréides.
Anfione (a) Cumandante de
sos Epeos; (b) Re de Tebe e
maridu de Nìobe, fiza de
Tàntalu.

Anfìtoe Una de sas Neréides.
Anfitrione Re de sos Tebanos,
maridu de Alacmena (o
Alcmena), sa mama de Èrcole
(o Èracle).
Anfiu (a) Fizu de Mèrope,
frade de Adrastu, mortu da-e
Diomede; (b) fizu de Sélagu,
cumandante troianu, mortu
da-e Aiace Telamone.
Anfóteru Gherreri troianu,
mortu da-e Pàtroclo.
Anigru Àteru nòmene de su
riu Minieu, in s’Élide.
Antea (a) Tzittade de sa
Messènia, in podere de Agamènnone;
(b) Fiza de Giòbate,
re de sa Lìcia, isposa de
Pretu.
Antemione Babbu de
Simoésiu, troianu.
Antènore Prìntzipe troianu,
maridu de Teano, connadu de
Prìamu. Babbu de Acamante,
Agènore, Archélocu, Coone,
Demoleonte, Elicaone, Ifidamante,
Laodamante, Laodoco,
Pedeu, Polibo.
Anticlea Muzere de Laerte,
re d’Ìtaca, e mama de Ulisse.
Antìfate Soldadu troianu,
mortu da-e Leonte.
Antifo (a) Fizu de Prìamu,
mortu da-e Agamènnone; (b)
Cumandante, cun Fidippu e
Eurìpilo, de s’esércitu lómpidu
a Tròia da-e Caso, Cos,
ANTONINU RUBATTU
858
Nìsiro e Calino in aggiudu a
sos Gregos.
Antìfone Fizu de Prìamu.
Antifu Fizu de Talemene,
cumandante de sos Meones
umpare a su frade Mestle.
Antìlocu Fizu de su re de
Pilo Nèstore. Unu de sos giòvanos
eroes pius bellos e valorosos
accudidos a Troia. Morzesit
gherrende contr’a Memnone,
pro difender su babbu.
Sos restos suos mortales ‘istesin
collocados in su matessi
sepulcru de Achille. Su fattu
no est contadu in s’Ilìade.
Antìmacu Majorale troianu,
babbu de Ippòloco, Pisandru e
Ippómacu.
Apisaone (a) Fizu de Faùsia,
soldadu troianu, mortu da-e
Eurìpilu; (b) fizu de Ippasu,
troianu mortu da-e Licomede.
Apiséide Una de sas Neréides.
Apollo O Febo. Fizu de
Giove e de Latona, frade de
Diana. Deus de sa mùsica, de sa
poesia, de sas artes majarzas.
Saettadore soberanu, est galu
lumenadu “Arcu ‘e Prata”.
Arcàdia Regione centrale de
su Peloponnesu.
Arcesilau Cumandante de
sos Beotes, mortu da-e Èttore.
Archélocu Fizu de Antènore
troianu, mortu da-e Aiace
Telamone.

Archetolemu Fizu de Ifito,
segundu iscuderi de Èttore,
mortu da-e Téucro.
Areilocu Babbu de Protènore
beota.
Arelicu Gherreri troianu,
mortu da-e Pàtroclo.
Arene Bidda de s’Élide
guvernada da-e Nèstore.
Are(s) O Marte. Fizu de
Giove e de Era, deus de sa
gherra. Galu lumenadu “Tronu
‘e Gherra”.
Aretaone Gherreri troianu,
mortu da-e Téucro.
Areto Fizu, forsi burdu, de
Prìamu, mortu da-e Automedonte.
Argeu Babbu de Polimelu,
lìciu.
Argo (a) Sa ‘idda printzipale
de s’Argólide e, in sensu
pius largu, finas tottu su Peloponnesu
o sa Grècia’e tando;
“sos d’Argo” sun sos Gregos o
Acheos o Danaos de sa gherra
‘e Tròia; (b) mostre orrorosu
cun chent’ojos, mortu da-e
Mercùriu (o Ermes) pro liberare
a Io (o Ino).
Argólide Regione orientale
de su Peloponnesu.
Arianna Fiza de Minos (o
Minosse), re de Creta, mama
de Loante, re de Lemno, chi
apesit da-e Baccu.
Arione Caddu divinu, fizu
de Posidone e de una de sas
DITZIONÀRIU OMÉRICU
859
Erinnes, impittadu da-e Adrastu
in sa gherra contr’a Tebe.
Arisba, -e: Tzittade de sa
Tròade.
Arisbante Babbu de Leócritu,
gregu.
Arito’ O Aritoe. Prìntzipe de
sa Beòtzia, babbu de
Menesteu, s’eroe mortu da-e
Paris. Lu ‘occhesit Licurgo,
prìntzipe de s’Arcàdia.
Aritoe (a) Iscuderi de
Rigmu, tracianu, mortu da-e
Achille; (b) O Arito’ (>).
Armonide S’artesanu troianu
chi approntesit sas naves
cun sas cales Paris si furesit a
Elèna; babbu de Fèreclo.
Arne Tzittade de sa Beòtzia.
Arpalione Fizu de su re de
sa Paflagònia Pilemene, mortu
da-e Merione.
Arpias Deas de sas istròscias
furiosas. Podarge fit una de
issas.
Arsino Prìntzipe de Tènedo,
babbu de Ecàmede.
Artémide O Diana. Fiza de
Giove e de Latona, sorre de
Apollo; dea de sa catza.
Ascàlafu Fizu de Astìoche e
de Marte, frade de Ialmenu, re
de Orcumenu in Beòtzia,
mortu da-e Deìfobo.
Ascània Regione e bidda de
s’Àsia Minore.
Ascàniu Fizu de Ippotione,
frade de Mori, unu de sos

cumandantes de s’esércitu de
sa Frìgia.
Asclépiu O Esculàpiu. Deus
de sa meighina, fizu de Apollo
e de Corónide; istesit allevadu
da-e Chirone, da-e su cale
imparesit s’arte méiga.
Aseu Soldadu gregu, mortu
da-e Èttore.
Asiu (a) Padros attraessados
da-e su riu Caistru; (b)
fizu de Irtacu, de sa ‘idda de
Arisba, mortu da-e Idomeneu
cretesu; (c) fizu de Dimante,
frade de Écuba e babbu de
Adamante troianu; (d) Babbu
de Fenope.
Asopo Riu accurtzu a Tebe.
Assàracu Fizu de Troe, frade
de Ilo e de Ganimede; bisaju
mannu (babbu de su donnumannu)
de Enea.
Assìu Riu de sa Macedònia e
deus de cussas abbas; babbu
de Pelegonu, chi apesit da-e
Peribea.
Assucconu Personificassione
de sa timòria ‘addinosa ch’ispinghet
s’ómine a fuire addaenanti
a sos perìgulos.
Astèrope O Asteropeu (>).
Asteropeu O Astèrope, cumandante
de sos gherreris de
sa Lìcia, fizu de Pelegonu.
Astìalu Gherreri troianu,
mortu da-e Polìpete.
Astianatte O Scamàndriu.
Fizu minoreddu de Èttore e de
ANTONINU RUBATTU
860
Andròmaca. In limbazu gregu,
su nòmene cheret nàrrere
“segnore de sa ‘idda”.
Astìnoe (a) Cumandante
troianu, mortu da-e Diomede;
(b) Gherreri troianu, fizu de
Protaone.
Astìoche Muzere de Ificlo e
mama de Protesilau tessaleu.
Astiochea Mama de Telepolemu,
chi apesit da-e Èrcole.
Astìpilu Gherreri troianu,
mortu da-e Achille in su riu
Xantu.
Atalanta Gherrera de Calidone,
chi apesit in prémiu dae
Meleagru sa conca de unu
sirvone ispropositadu ch’issa
ferizesit pro prima e ch’istesit
cajone de sa gherra tra sos
Etoleos e sos Curetes (Càntigu
IX, Ott. nn. 101-104).
Ate Fiza de Giove e personificassione
de sas forzas de su
male.
Atena O Minerva o Pallade.
Fiza de Giove, dea de sa sabidoria
e de sa gherra. Amparadora
de sos Gregos e de Ulisse
in manera particulare. Fit
ondrada in tottue, ma prus de
tottu in Atene, da’ ue l’est derivadu
s’appellativu.
Atene Tzittade printzipale
de s’Àttica, fundada da-e
Eretteu.
Atimniu Babbu de Midone,
troianu.

Atìnniu Fizu de Amisodaru,
frade de Màride, gherreri lìciu,
mortu da-e Antìlocu ‘e Pilo.
Atlante Unu de sos Titanos,
fizu de Giapeto e de Climene.
Séndesi ‘oltadu contr’a Zeus
istesit settesciadu e cundennadu
a rèzere subra palas sas
culunnas chi sustenen sa
bòveda’e su Chelu. Teniat sette
fizas, sas Plèiades (in sardu “su
budrone”).
Ato O Monte Santu, in sa
punta de su promontóriu de
Acte, in sa penìsula de sa
Calcìdia.
Atreu Fizu de Pèlope e de
Ippodàmia, babbu de
Agamènnone e de Menelau.
Atrides Sos duos fizos de
Atreu: Agamènnone e Menelau.
Attea Una de sas Neréides.
Àttica Regione de sa Grècia,
cun Atene capitale.
Attonou Gherreri gregu,
mortu da-e Èttore.
Attore O Actoro. Babbu
putativu de sos Moliones
Euritu e Citeato (o Cteato).
Aùgia Re de sos Epeos, fentomadu
pro sas ricchesas de
bestiàmene russu e minudu
chi teniat. Una de sas fadigas
de Èrcole est bistada própriu
sa ‘e dèvere innettiare sas istallas
suas in unu die ebbia! Fit
su sogru de Mùlio.
DITZIONÀRIU OMÉRICU
861
Aulide Portu de sa Beòtzia,
da’ ue tucchesin tott’umpare
sas naves gregas pro sa gherra
de Tròia.
Aurora O Eos (>).
Autófonu Babbu de Polifonte,
tebanu.
Autólicu Fizu de Ermea e
donnumannu de Ulisse. Fit
unu de sos ladros pius famosos
de s’antigòria grega.
Automedonte Fizu de Diorete,
cumpanzu e iscuderi de
Achille.
Autonoe Gherreri troianu,
mortu da-e Pàtroclo.
Avernu O Ade (>).
Axilu Fizu de Teutranu,
prìntzipe de sa Tràcia, mortu
da-e Diomede.
B
Baccu O Diónisu.
Balìu Caddu divinu, ispantosu,
chi su deus Posidone
regalesit a Peleu, su babbu de
Achille, sa die ‘e sas nuntas cun
Teti (o Tétide).
Bàticlu Fizu de Càlcone,
ómine riccu meda; gherreri
gregu, mortu da-e Glàuco.
Batiea Palinza accurtzu a
Tròia, ue be-i fit sa losa de
Mirina.
Bèllero Ómine de Corinto,
mortu da-e Bellerofonte
(Càntigu VI, Ott. n. 31).

Bellerofonte Si narait Ipponoe
e apesit tale nómene
poi de aer mortu a Bèllero
corìntziu. Fizu de Glàuco (o,
segundu àteros, de unu deus)
e babbu de Isandru, Laodàmia
e Ippolocu.
Beotes Abitadores de sa
Beòtzia, alleados de sos
Gregos.
Beòtzia Regione de sa
Grècia centrale,a nord de s’Àttica,
finas a sas Termópiles.
Tebe fit sa ‘idda printzipale,
fundada da-e Cadmo.
Bia O Biante (>).
Biante O Bia. (a) Unu de sos
cumandantes de Pilo sutt’a
Nèstore; (b) troianu, babbu de
Laógonu e Dàrdanu.
Biènore Gherreri troianu,
mortu da-e Agamènnone.
Bòrea Bentu chi sulat da-e
Nord. Fit galu giamada “fiza
de s’Etra (>).
Boro (a) Babbu de Faistu,
troianu; (b) Maridu de Polidora,
sa fiza de Peleu, e babbu
de Boro (chi Polidora apesit
invece da-e su riu Spérchiu).
Briareu O Egeone.Unu de
sos tres Zigantes cun chimbanta
concas e chentu manos,
fizos de Uranu e de Gea.
Briséide Fiza de Briseu,
isclava preferida de Achille,
muzere de Minete, re de
Lirnesso.
ANTONINU RUBATTU
862
Briseu Re de Pédasu e de
Lirnesso, babbu de Briséide.
Bucolione (a) Fizu de su re
de Tròia Laomedonte; su nòmene
cheret nàrrere “pastore”.
Babbu de Pédasu, chi apesit
da’ sa ninfa Abarbarea; (b)
nóbile ateniesu, babbu de Sfelo;
fit galu giamadu “Bùcolo”.
Bùcolo O Bucolione (b)
(>).
Bùdiu Tzittade de sa
Fitiótide.
Bupràsiu Regione e bidda
de s’Élide.
Burtzighinados Cun sos
“burtzighinos”, est a narrer
cun una ispèssia de gambales
altos finas a benuju, de corzu,
chi sos Gregos de tando solian
giugher in gherra, simizantes a
sos burtzighinos sardos.
C
Cabeso Tzittade non mezus
pretzisada, forsis de sa Tròade
o de s’Àsia Minore.
Cadmeos Àteru nòmene de
sos Tebanos, gai lumenados
da-e Cadmo, su fundadore de
Tebe, in Beòtzia.
Cadmo Su fundadore de
Tebe in Beòtzia.
Caistru Riu chi brotat da-e
su monte Timolo, in sa Lìdia, e
chi attraessat sos padros de
Asiu.

Calcante Fizu de Tèstore
(b), indovinu gregu.
Calcodonte Babbu de
Elefenore Abante, de s’Eubea.
Calcone Babbu de Bàticlu,
gregu.
Calésiu Iscuderi de Axilu,
troianu.
Calètore (a) Babbu de
Afareu, gregu; (b) fizu de
Clìziu, troianu mortu da-e
Aiace Telamone.
Calidone Tzittade de s’Eòlia.
Callianassa Una de sas
Neréides.
Callianira Una de sas Neréides.
Callicolonu Palinza situada
tra sa ‘idda de Tròia e su riu
Simoente.
Callìope Musa de sa Poesia,
sempre invocada da-e sos poetas
a su comintzu de un’òpera
noa.
Camiro Bidda de s’ìsula de
Rodi.
Cane O Cane d’Orione o
Istella de Sìrio (>).
Capaneu Prìntzipe d’Argo,
babbu de Stènelo.
Capi Fizu de Assàracu e
babbu de Anchise; donnumannu
de Enea.
Cardamile Tzittade de sa
Messènia, in podere de Agamènnone.
Caresu Riu de sa Tròade chi
naschet da-e su monte ‘e s’Ida.
DITZIONÀRIU OMÉRICU
863
Cària Regione de s’Asia.
Càrios Pópulu de sa Cària,
alleadu de sos Troianos, ghiadu
da-e Naste e da-e Anfìmacu,
fizos de Nomione.
Càrite Muzere de Vulcanu
(o Efesto). In s’ODISSEA sa
muzere de Vulcanu fit Venus
(o Afrodite).
Càrites Fizas de Giove e de
Eurìnome, antzillas de Venus e
deas de sa bellesa grasciosa.
Pasitea fit una de issas.
Càrope Fizu de Ippasu (a),
frade de Socu, gherreri troianu
mortu da-e Ulisse.
Càropo Maridu de Aglàia,
babbu de Nireu de Sime.
Carru Appellativu de s’Ùssula
Mazore.
Cassandra Fiza de Prìamu,
dodada de poderes proféticos.
Castianira Fiza de unu
prìntzipe de sa Tràcia, mama
de Gorgitone, chi apesit da-e
re Prìamu.
Càstore Fizu de Giove e de
Leda, frade de Elèna; cun su
frade Polluce fin giamados
“Dióscuros” (>).
Càucones Populassione de
sa Bitìnia, alleados de sos
Troianos.
Cebrione Fizu burdu de
Prìamu, iscuderi de Èttore,
mortu da-e Pàtroclo.
Cefìsiu O Copóide (>).
Celadonte Riu de s’Élide.

Ceneu Prìntzipe cumandante
de sos Làpites, antigóriu
pópulu de sa Tessàglia.
Centàuros Mostros da-e sa
fromma umana da-e su pettus
in subra e de caddu pro sa
restante parte; istaian in sa
Tessàglia. Èrcole los settesciesit
tottu. Su pius famosu fit
Chirone.
Ceranu Cumpagnu e iscuderi
de Merione, mortu da-e
Èttore. Fit de Licto.
Cérberu Cane cun tres concas,
postu a custódiu de sas
giannas de s’Ade.
Cèrere O Dèmetra. Fiza de
Cronos e de Rea, dea ‘ardiadora
de sos laores. Fit rappresentada
cun una falche in manu e
cun sa conca coronada de ispigas.
Mama de Pro-sérpina (o
Persèfone).
Ceto Muzere de Forco,
mama de sa Medusa (o Gòrgone).
Chersidamante Fizu de
Prìamu, mortu da-e Ulisse.
Chertu Una de sas personificassiones
de s’Abbolottu, de
sa dìsputa tra persones.
Chimera Mostre fantasiosu
chi buttaiat fogu. Aiat sa conca
de leone, su corpus de craba e-i
sa coa de dragu.
Chirone Unu de sos
Centàuros, fizu de Crono e de
Filira, méigu famosu.
ANTONINU RUBATTU
864
Cicones Pópulu de sa Tràcia,
alleadu de sos Troianos, cumandadu
da-e Eufemu.
Cilìcia Regione nord-orientale
de s’Àsia Minore.
Cilla Tzittade de sa Tròade,
sacra a su deus Apollo, posta a
pês de s’Ida.
Cillene Tzittade e monte de
s’Élide, sacra a Ermes (Mercùriu).
Cilleneu De Cillene. Unu de
sos appellativos de Ermes
(Mercùriu), nàschidu in su
monte ‘e Cillene.
Cimòdoce Una de sas Neréides.
Cimòtoe Una de sas Neréides.
Cinira Re de Cipro, satzerdote
de Afrodite (o Diana) a
Pafo e caru a su deus de s’arcu
Apollo.
Ciprigna Appellativu de sa
dea Vènere (o Venus o Afrodite),
derivadu da-e Cipro,
ìsula ue sa dea fit pretziada in
manera particulare.
Cipro Ìsula de su Mare
Mediterràneu orientale.
Ciranu Gherreri lìciu, mortu
da-e Ulisse.
Cisseu Prìntzipe tracianu,
babbu de Teanu, sa muzere de
Antènore troianu.
Citeato O Cteato. Fizu putativu
de Attore (o Actoro) e
de Molione, frade de Euritu,

connottos -ambosduos- cun
s’istivinzu de “Moliones”.
Citera Ìsula accurtz’a Creta
e capitale de sa matessi; sa
“Cérigo” de oe. Fit sacra a sa
dea Afrodite (o Vènere), nâda
pro custu motivu “Citerea”.
Cleóbulu Soldadu troianu,
mortu da-e Aiace Oileu.
Cleopatra Fiza de Marpessa
e de Ide, muzere de Meleagru,
giamada galu “Alcione” (>).
Climene (a) Antzilla de
Elèna; (b) una de sas Neréides;
(c) mama de Atlante titanu,
chi apesit da-e Giapeto.
Clitennestra Muzere infidele
de Agamènnone, re de
Micene.
Clito (a) Fizu de Pisènore,
amigu e iscuderi de Polidamante,
mortu da-e Téucro;
(b) babbu de Dòlope, gregu.
Clitomede Fizu de Enope,
gregu valente in s’arte de giogare
a punzos.
Clìziu Majorale de Tròia,
frade de Prìamu.
Cloneu O Clóniu. Fizu de
Alèctore, cumandante de sos
Beotes, mortu da-e Agènore.
Clóniu O Cloneu (>).
Cnosso Tzittade de s’ìsula
de Creta, famosa pro su
Labirintu fraigadu da-e Dédalu
pro contu de su re Minosse.
Coo Ìsula in su golfu Ceràmicu,
tra Cnidu e Alicarnassu.
DITZIONÀRIU OMÉRICU
865
Coone Su fizu pius mannu
de Antènore troianu, mortu
da-e Agamènnone umpare a
su frade Ifidamante.
Copàide O Cefìsiu. Lagu de
sa Beòtzia.
Cópriu Fizu de Pèlope e
babbu de Perifete (b). Sende
fuidu da-e s’Élide, pro b’aer
mortu a Ifito, istesit perdonadu
da-e Euristeu, re de Micene,
e nomenadu imbasciadore
sou. Fit Cópriu chi annuntziaiat
a Èrcole sas fadigas chi
l’imponiat Euristeu.
Corono Babbu de Leonte
tessaleu.
Crànae Ìsula non mezus
pretzisada a ue approdesin
Pàride e Elèna fuinde da’
Isparta.
Creonte Babbu de Licomede,
gregu.
Creta Sa pius manna de sas
ìsulas gregas, a sud de sas
Cìclades.
Cretone Fizu de Dìocle ‘e
Fere, mortu da-e Enea.
Crisa Tzittade de sa Tròade,
sacra a su deus Apollo, posta a
pês de s’Ida.
Crise Re de Crisa, in sa
Tròade, satzerdote de su deus
Apollo e babbu de Criséide.
Criséide Fiza de Crise e
isclava de Agamènnone.
Crismo Soldadu troianu,
mortu da-e Megete.

Crisòtema Fiza de Agamènnone
e de Clitennestra.
Crìtia Una de sas Neréides.
Cromi Cumandante de sos
Mìsios umpare a Ennomo.
Crómiu O Cromìu. Cumandante
de s’esércitu de Pilo
sutt’a Nèstore e, forsis, fizu
sou.
Cromìu (a) Fizu de Prìamu,
mortu da-e Diomede; (b) soldadu
troianu, mortu da-e
Téucro.
Cronide Fizu de Crono (o
Cronos), ossiat Zeus (o
Giove).
Crono, -os O Saturnu. Fizu
de Uranu e de Gea, maridu de
Rea e babbu de maicantos
deos e deas. Zeus fit unu de
sos fizos.
Cteato O Citeato (>).
Curetes Sos primos abitadores
de s’Etòlia, chi aiat pro capitale
sa tzittade de Pleurone.
D
Damàstore Babbu de Telepolemu
(b), lìciu.
Dàmasu Gherreri troianu,
mortu da-e Polìpete.
Danae Fiza de Acrìsiu. Zeus
s’aunesit a issa bolténdesi in
proja d’oro.
Danaos Àteru nomene de
sos cumbattentes gregos in sa
gherra de Tròia.
ANTONINU RUBATTU
866
Dardaneos O Dàrdanos.
Àteru nòmene de sos Troianos,
de sa rébula ‘e Dàrdanu,
primu re de Tròia.
Dardània Tzittade de s’Àsia
Minore, posta a pês de s’Ida,
fundada da-e Dàrdanu.
Dàrdanos O Dardaneos (>).
Dàrdanu (a) Fizu de Zeus e
de Elettra, primu re e fundadore
de s’ereu troianu; (b) fizu
de Biante, troianu, mortu da-e
Achille. Frade de Laógonu.
Darete Riccu troianu, satzerdote
de Vulcanu (o Efesto),
babbu de Ideu e de Fegeu.
Dédalu Su geniale costruttore
de su famosu Labirintu
de Cnosso.
Deicoonte Fizu de Pérgasu,
cumpagnu de Enea, mortu dae
Agamènnone.
Deidamìa Mama de Neottólemu
(o Pirru), ch’apesit da’
Achille.
Deìfobo Fizu de Prìamu,
valorosu gherreri troianu.
Deiocu Soldadu gregu,
mortu da-e Paris.
Deìpilo Amigu de Stènelo,
gregu.
Deìpiro O Dipiro. Gherreri
de sa Tràcia, mortu da-e
Élenu.
Delfi Tzittade de sa Fócide,
giamada innanti Pito (>),
famosa pro su témpiu de
Apollo.

Delo Sa pius minore de sas
ìsulas Cìclades, famosa pro bi
esser nàschidos Apollo e
Diana.
Dèmetra O Cèrere (>).
Democoonte Fizu burdu de
re Prìamu, mortu da-e Ulisse.
Demoleonte: Soldadu troianu,
fizu d’Antènore, mortu
da-e Achille.
Demucu Soldadu troianu,
fizu de Filètore, mortu da-e
Achille.
Dètore Soldadu troianu,
mortu da-e Téucro.
Deucalione (a) Fizu de Minosse
e babbu d’Idomeneu; (b)
troianu mortu da-e Achille.
Dexamene Una de sas Neréides.
Déxiu Babbu de Ifìnoe,
gregu.
Dia O Issionea. Muzere de
Issione e mama de Piritoe.
Diana O Artémide (>).
Dimante Prìntzipe de sa
Frìgia, babbu de Écuba.
Dinamene Una de sas
Neréides.
Dìocle Re de Fere, babbu de
Cretone e de Orsìlocu.
Diomede Fizu de Tideu, re
d’Argo, valorosu gherreri
gregu.
Diomedea Fiza de Forbante
de Lesbo, isclava de Achille.
Dione Fiza de Océanu e de
Tétide o, segundu àteros, de
DITZIONÀRIU OMÉRICU
867
Uranu e de Gea. Fit sa mama
de Vènere, ch’apesit da-e
Giove.
Diónisu O Baccu. Fizu de
Giove e de Semele, deus de sa
‘ide e de su ‘inu. Si cojuesit
cun Arianna, sa fiza de Minosse,
cando Teseu l’abbandonesit
in s’ìsula de Nesso. Babbu
de Toante, re de Lemno.
Diopite Gherreri troianu,
mortu da-e Ulisse.
Diore Unu de sos battor
cabos de sos Epeos de s’Élide,
fizu de Amarincu, mortu da-e
Pìroe.
Diorete Babbu de Automedonte.
Dióscuros Càstore e Polluce,
fizos de Giove e de Leda,
frades de Elèna. Su nòmene
derivat da-e “Diós” = Giove e
“kuroi” = rampollo.
Dipiro O Deìpiro (>).
Discòrdia O Eris. Fiza de sa
Notte. Una de sas tantas personificassiones
de sas passiones
e de sos sentimentos de
sos ómines in gherra. In occasione
de sas nuntas de Tétide
(o Teti) cun Peleu, pro si vindicare
pro no esser bistada
cumbidada a su coju, ch’imbolesit
in mes’a sa zente in
festa una mela d’oro, cun s’iscritta
“A sa pius bella”. Nde
naschesit una disputa tra deas
cun cumplicassiones chi cajo-

nesin, appoi ‘e su giudìsciu ‘e
Paris, sa gherra de Tròia.
Disènore Cumandante de sa
Lìcia.
Diu Fizu de Prìamu.
Dodona Localidade de
s’Epiru, famosa pro su “chercu”
cunsagradu a Zeus.
Dodoneu Appellativu de
Zeus, onoradu in manera particulare
in sa ‘idda de Dodona,
in s’Epiru, ue be-i fit su famosu
“chercu de Dodona”.
Dòlope (a) Gherreri gregu,
fizu de Clito, mortu da-e Èttore;
(b) fizu de Lampu, troianu,
mortu da-e Menelau.
Dolopes Pópulu de sa
Fitiótide, su rennu de Peleu e
de Achille.
Dolopione Troianu, babbu
de Ipsènore (b)
Dóriclu: Fizu burdu de
Prìamu, mortu da-e Aiace
Telamone.
Dóride Una de sas Neréides.
Segundu àteros, fit sa muzere
de Nereu e mama de sas chimbanta
Neréides.
Doto Una de sas Neréides.
Dràciu Cumandante de sos
Epeos.
Dreso Gherreri troianu,
mortu da-e Eurìalu.
Driante (a) Antigóriu prìntzipe
e cumandante de su
pópulu de sos Làpites, sos chi
si distinghesin in sa gherra
ANTONINU RUBATTU
868
contr’a sos Centàuros; (b)
prìntzipe de sa Tràcia, babbu
de Licurgo.
Drìope Gherreri troianu,
mortu da-e Achille.
Dulìchiu Isuledda accurtzu
a Ìtaca.
Eacide Achille, gai lumenadu
da-e Éacu, babbu de Peleu.
Éacu Fizu de Giove e de
Egina, babbu de Peleu e, pertantu,
donnumannu de
Achille, cabu de sa rébula de
sos Eàcides.
Ebe Fiza de Giove e de
Giunone (o Era), dea de s’eterna
gioventude. Serviat su “nèttare”
a sos deos de s’Olimpu. Si
cojuesit cun Èrcole.
Ecàmede Fiza de Arsino,
prìntzipe de Tènedo; fatta
isclava da-e Achille, istesit dae
custu regalada a Nèstore.
Echecleu Maridu de Polimela.
Écheclu (a) Soldadu troianu,
mortu da-e Pàtroclo; (b) fizu
de Agènore, gherreri troianu,
mortu da-e Achille.
Echemmone Fizu de Prìamu,
mortu da-e Diomede.
Echèpolo Taliseu: Eroe
troianu, fizu de Talìsiu, mortu
da-e Antìlocu.
Echépolu Tirannu de Sicio-
E

ne, fizu de un’Anchise non
mezus pretzisadu.
Echìnades Ìsulas de fronte a
s’Élide.
Échiu (a) Soldadu gregu,
mortu da-e Polite; (b) soldadu
troianu, mortu da-e Pàtroclo;
(c) Babbu de Mecisteu, gregu.
Écuba Fiza de Dimante frìgiu,
muzere de Prìamu, re de
Tròia.
Edipo Re de Tebe, babbu de
Etèocle e de Polinice.
Efesto O Vulcanu. Fizu de
Giove e de Giunone, deus de
su fogu; teniat sos frailes suos
sutt’a su vulcanu Mongibella
(Etna). Fit toppu e maridu de
sa dea Càrite. In s’ODISSEA sa
muzere fit invece Vènere.
Efete Prìntzipe de Efira.
Efialte Zigante, fizu de Ifimedea
e de Aloeu, frade de
Oto.
Efira Segundu sos antigos
istudiosos de s’Ilìade, diat
dever esser sa tzittade de Corinto.
Efireos o Efiros Populassiones
de sa Tessàglia.
Ega Tzittade de s’Acàia,
cunsacrada a su deus Posidone.
Ege Nòmene de diversas
tzittades gregas, tottu collocadas
accurtzu a su mare.
Egeone O Briareu. Unu de
sos tres Zigantes cun chim-
DITZIONÀRIU OMÉRICU
869
banta concas e chentu manos,
fizos de Uranu e de Gea.
Egeu Antigu re d’Atene,
babbu de Teseu (b).
Egialea Fiza de Adrasto,
antigu re d’Argo, e mama de
Diomede.
Égida S’iscudu de Giove, chi
aiat in su mesu istoriada sa
conca de sa terrìbile Gòrgone
(o Medusa), chi ‘oltaiat in
pedra chie l’aeret mirada.
Egina Mama de Éacu, chi
apesit da-e Giove.
Egistu Fizu de Tieste, amante
de Clitennestra e mortore
de Agamènnone. Lu ‘occhesit
Oreste.
Eione Re de sa Tràcia, babbu
de Reso.
Eioneu Gherreri gregu,
mortu da-e Èttore.
Élasu Gherreri troianu,
mortu da-e Pàtroclo.
Élato -u Gherreri troianu,
mortu da-e Agamènnone.
Elea S’Élide settentrionale,
regione de su Peloponnesu.
Sos abitantes suos fin giamados
Epeos.
Elefenore Fizu de
Calcodonte, cumandante de
sos Abantes de s’Eubea, mortu
da-e Agènore.
Elèna Fiza de Giove e de
Leda o, segundu àteros, de
Tìndaru e de Leda, muzere de
Menelau, re d’Isparta. Pàride

troianu la furesit a su maridu,
cajonende degai sa gherra de
Tròia.
Élenu (a) Unu de sos tantos
fizos de Prìamu; fit un’indovinu;
(b) Fizu de Enopo, gregu,
mortu da-e Èttore.
Eleona Tzittade de sa
Beòtzia.
Elettra Mama de Iride, chi
apesit da-e Taumante.
Elicaone Fizu de Antènore e
bénneru de Prìamu, séndesi
cojuadu cun sa fiza Laodice.
Elice Tzittade de s’Acàia, ue
fit meda onoradu su deus
Posidone (o Nettunu).
Élide Regione in sa costa
occidentale de su Peloponnesu.
Elisu Logu de ogni delìscia,
in s’estremu occidente, abitadu
da’ ómines chi, pro ‘more ‘e
s’Olimpu, vittian sa morte
pr’èssere destinados a mezus
vida. Radamantu fit su re de
tale logu.
Ellade Totta sa Grècia ‘e
tando.
Ellesponto: O Ponto. Sos
“Dardanelli” de oe.
Emàzia Antigu nòmene de
sa Macedònia e galu de una
parte de custa.
Emone (a) Babbu de Meone,
tebanu; (b) unu de sos cumandantes
de s’esércitu de
Pilo sutt’a Nèstore.
ANTONINU RUBATTU
870
Enea Fizu d’Anchise e de sa
dea Vènere, prìntzipe dardanu.
Eneu (a) Re de Calidone e
de sos Etoleos; (b) babbu de
Tideu e de Meleagru, maridu
de Altea. Fit fizu de Porteu e
frade de Agrìu e de Melante.
Enìalu Appellativu de su
deus Marte (o Ares), mere
soberanu de sa gherra, derivadu
da-e Eniò, dea de sa gherra
orrorosa.
Eniò Dea de sa gherra felosa
e orrorosa.
Eniopeu O Enopeu (>).
Éniu Gherreri troianu, mortu
da-e Achille in su riu Xantu.
Ennomo (a) Cumandante
de sos Mìsios, alleados de sos
Troianos, indovinu, mortu dae
Achille; (b) troianu mortu
da-e Ulisse.
Enomanu Gherreri troianu
mortu da-e Idomeneu.
Enomau Gherreri gregu
mortu da-e Èttore.
Enope (a) Gregu, babbu de
Clitomede; (b) tzittade de sa
Lacònia a làccana cun sa Messènia,
in podere de Agamènnone;
c) troianu, babbu de
Tèstore.
Enopeu O Eniopeu. Fizu de
Tebeu, iscuderi de Èttore,
mortu da-e Diomede.
Enopo (a) Babbu de Satnìu,
troianu; (b) babbu de Élenu,
gregu, mortu da-e Èttore.

Enos Tzittade de sa Tràcia,
alleada de sos Troianos.
Eòlia Fit sa regione de su
deus de sos bentos Éolu.
Éolu (a) Fizu de Ippota e
deus soberanu de sos bentos;
(b) babbu de Macareu.
Eos O Aurora. Fiza de Iperione
e de Eurifessa, isposa de
Titone.
Epalte Gherreri lìciu, mortu
da-e Pàtroclo.
Epea Tzittade de sa Lacònia,
in podere de Agamènnone.
Epeos Abitadores de s’Élide
settentrionale o Elea, alleados
de sos Gregos.
Epeu Chertadore a punzos
gregu, fizu de Pànope. Su matessi
nòmene aiat s’eroe gregu
chi costruesit su famosu “caddu
de Tròia” (s’abbaidet s’ottava
n. 69 de su Càntigu VIII
de s’ODISSEA mia). Non s’ischit
s’est sa matessi persone.
Epicleu Cumpanzu de
Sarpèdone, mortu da-e Aiace
Telamone.
Epigeu Fizu de Agacleu mirmìdone,
mortu da-e Èttore.
Epistore Gherreri troianu,
mortu da-e Pàtroclo.
Epìstrofu (a) Cumandante
focesu, fizu de Ifito e frade de
Schédiu (b); (b)-cumandante
de sos Alizones.
Epitu Babbu de Perifante,
troianu.
DITZIONÀRIU OMÉRICU
871
Era O Giunone. Sorre e muzere
de Zeus, reina de sos Deos.
Èracle O Èrcole (>).
Èrcole O Èracle. Fizu de Giove
e de Alacmena, s’eroe pius
forte e tzelebradu de s’antighidade.
In s’Olimpu si cojuesit
cun Ebe. Babbu de Telepolemu,
ch’apesit da-e Astìocle.
Erebu Su situ prus tuvucu
de s’Inferru, ue istaiat su deus
Ade (>).
Eretteu Su fundadore de
Atene.
Eribea Segunda muzere de
Aloeu e bìdriga de sos Zigantes
Oto e Efialte.
Erilau Gherreri troianu,
mortu da-e Pàtroclo.
Erimante (a) Gherreri
troianu, mortu da-e
Idomeneu; (b) gherreri troianu,
mortu da-e Pàtroclo.
Erinnes O Fùrias. Deas infernales
de sa vinditta e de sas
maleisciones, chi persighian
mascamente chie s’esserat
manciadu de delittos graes
contr’a sos parentes. Fini tres:
Aletto, Tisìfone, Megera. Pro
pilos gighian serpentes.
Eriopide Muzere de Oileu,
re de sa Lócride.
Eris O Discòrdia (>).
Erittóniu Fizu de Dàrdanu,
re de sos Troianos, mentovadu
pro sas ricchesas, babbu de
Troe (o Troo).

Ermes O Ermete o Mercùriu.
Fizu de Giove e de Màia,
imbasciadore de sos deos. Fit
puru giamadu Cilleneu, sende
nàschidu in su monte ‘e Cillene.
Aiat galu s’ingàrrigu de
accumpanzare sas ànimas de
sos Mortos a s’Ade.
Ermete O Ermes (>) o Mercùriu.
Ermione (a) Fiza de Menelau
e de Elèna; (b) tzittade sutt’a
sa podestade de Diomede ‘e
Tideu.
Ermo Riu de sa Lìdia.
Esculàpiu O Asclépiu (>).
Esepu (a) Riu de sa Mìsia,
chi brotat da-e s’Ida e attraessat
sa Lìdia; (b) fizu de Bucolione
e de sa ninfa Abarbarea,
frade de Pédasu, mortu da-e
Eurìalu.
Esiete Babbu de Alcàtoe,
troianu.
Esima Tzittade de sa Tràcia.
Esìnniu Gherreri gregu,
mortu da-e Èttore.
Esione Fiza de Laomedonte
chi Èrcole liberesit da’ unu
mostre marinu.
Esone Babbu de Giasone.
Ésperu Sa prima e pius
lùghida istella chi s’accherat in
chelu poi iscurigadu.
Essadeu Prìntzipe e cumandante
de sos Làpites, antigóriu
pópulu de sa Tessàglia.
Eta Puddedra curridora de
ANTONINU RUBATTU
872
Agamènnone. Su nòmene,
tales comente Etone (unu de
sos caddos d’Èttore), cheret
nàrrere “mùrtinu ardente”.
Etàporo Riu de sa Tròade,
chi brotat da-e s’Ida.
Etèocle Fizu de su re de Tebe
Edipo, frade de Polinice.
Etìone (a) O Ezione. Re de
Tebe Ipoplàcia, babbu de Andròmaca,
sa muzere de Èttore;
(b) fizu de Giasone; fit de Imbro,
ìsula accurtzu a sas costeras
de sa Tròade; riscattesit dae
Euneu a Licaone, fizu de
Prìamu; (c) babbu de Pode,
troianu.
Etìopes Populu antigóriu,
chi istaiat in terras medas attesu,
in sas costeras de s’Océanu.
Etiòpia Regione de s’Àfrica.
Etoleos Sos Eleos chi su re
Étolu giuttesit in s’Etòlia;
alleados de sos Gregos.
Etòlia Regione occidentale
de sa Grècia.
Etone Unu de sos battor
caddos ispantosos de Èttore;
su nòmene cheret nàrrere
“mùrtinu ardente”.
Etra Sa parte pius alta de su
Chelu. Su ‘entu ‘e Borea beniat
giamadu “fizu de s’Etra”, ca si
crêiat chi falerat da-e sa parte
alta de su Chelu.
Etra Pittiea Fiza de Pitteu e
antzilla de Elèna in Tròia.
Èttore Fizu de Prìamu e de

Écuba, isposu de Andròmaca.
S’eroe pius valorosu de s’esércitu
troianu, mortu da-e
Achille.
Eubea Ìsula accurtzu a sa
costa orientale de sa Grècia.
Euchènore Fizu de s’indovinu
corìntziu Polido, mortu
da-e Paris.
Eudoro Cumandante mirmìdone,
fizu de Ermes e de
Polimela.
Eufemu Fizu de Trezenu,
cabu de sos Cìcones, alleados
de sos troianos.
Euforbo Fizu de Pantoe e de
Fróntide, frade de Polidamante
e de Iperènore; ferizesit
a Pàtroclo, prima de ruer
mortu pro manos de Menelau.
Eufrósine Una de sas Neréides.
Eumede Imbasciadore
troianu, babbu de Dolone.
Eumelu Fizu de Admeto e
de Alcesti, cumandante tessaleu.
Euneu Fizu de Giasone e de
Issìpile, prìntzipe de Lemno.
Eurìalu Fizu de Mecisteu,
cumandante gregu sutt’a Diomede.
Eurìbate (a) Imbasciadore
de Agamènnone; (b) itacesu,
cumpanzu de Ulisse.
Euridamante Prìntzipe
troianu, babbu de Abante e de
Polide.
DITZIONÀRIU OMÉRICU
873
Eurifessa Mama de Eos (o
Aurora), chi apesit da-e Iperione.
Eurimedonte (a) Fizu de
Tolemeu, iscuderi de Agamènnone;
(b) servidore de su
re de Pilo Nèstore.
Eurìnome Fiza de Océanu,
divinidade marina.
Eurìpilo Fizu de Evèmone,
prìntzipe cumandante de sos
Tessaleos.
Euristeu Re de Tirinto e de
Micene; istesit isse a impònnere
a Èrcole sas dóighi “fadigas”
mentovadas.
Euritalione Campione de
sos Arcades, mortu da-e
Nèstore in sa gherra contr’a
sos de Pilo.
Euritu (a) Unu de sos duos
Moliones, fizu de Attore (o
Actoro) e frade de Citeato (o
Cteato); (b) O Eurito. Babbu
de Ifito.
Éuro Bentu chi sulat da-e
sud-est.
Europa Fiza de Agènore
fenìciu, furada da-e Zeus ‘oltadu
in trau. Mama de
Radamantu e de Minosse.
Eussoro Babbu de Acamante
tracianu.
Evèmone Babbu de Eurìpilo
tessaleu.
Evenina Fiza de Eveno:
Marpessa (>).
Eveno Babbu de Marpessa.

Evippu Gherreri troianu,
mortu da-e Pàtroclo.
Ezione O Etìone (>).
Faistu Fizu de Boro, troianu
mortu da-e Idomeneu.
Falce Gherreri troianu,
mortu da-e Antìlocu.
Fama Non fit própriu una
divinidade, ma sa personificassione
litterale de sas boghiadas,
bonas e malas, chi si
‘ògana in sa terra.
Fau de Zeus Pianta maestosa,
situada in s’altura de Scea,
cunsacrada a Zeus soberanu.
Faùsia Babbu de Apisaone,
troianu.
Febo O Apollo (>).
Fegeu Fizu de Darete, troianu,
frade de Ideu, mortu da-e
Diomede.
Fèia Tzittade de s’Élide.
Fenice Fizu de Amìntore
Ormenide, mastru de Achille.
Fenìcia Regione in sas costeras
de su Mare Mediterràneu,
posta tra sa Sìria e-i sa Palestina.
Fenope Fizu de Asìu, babbu
de Xantu (c), de Toone e de
Forci. Fit de Abidu.
Fera, -e Tzittade de sa
Messènia, in su Peloponnesu,
accurtzu a su riu Nedone, in
podere de Agamènnone.
F
ANTONINU RUBATTU
874
Fèreclo Fizu de Armonide,
troianu mortu da-e Merione.
Ferusa Una de sas Neréides.
Fida Cumandante de sos
Atenieses Iónicos.
Fidippu Cun Antifu ed Eurìpilo
cumandaiat s’esércitu
lómpidu a Tròia da-e Scàrpanto,
Caso, Coo, Nisiro e Calinopro
aggiuare a sos d’Argo.
Fìlace O Filàcia. Tzittade de
sa Tessàglia.
Filàcia O Fìlace (>).
Fìlacu Babbu de Ificlo o Ificle,
tessaleu; mortu da-e Léito.
Filante Babbu de Polimela.
Filètore Babbu de Demucu,
troianu.
Fileu Babbu de Megete (o
Mege).
Filòttete Cumandante tessaleu,
alleadu de sos Gregos.
Fitia O Ftìa. Capitale de sa
Fitiótide, in Tessàglia.
Fitios Pópulu forsis de sa
Tessalea, alledau de sos Gregos.
Los cumandaiat Podarce.
Fitiótide O Ftiótide. Regione
de sa Tessàglia meridionale,
su rennu de Peleu e de Achille.
Flegeos Pópulu de sa Tessàglia,
alleadu de sos Gregos.
Focesos Pópulu de sa Grècia.
Forbante (a) Troianu riccu
meda, babbu de Ilioneu; (b)
babbu de Diomedea de Lesbo,
una de sas isclavas de Achille.
Forci Fizu de Fenope,

cumandante de s’esércitu frìgiu,
alleadu de sos Troianos,
frade de Toone e de Xantu (c).
Forco Babbu de sa Gòrgone
(o Medusa), maridu de Ceto.
Fràmone Babbu de Agelao
troianu.
Frìgia Regione de s’Àsia
Minore, a oriente de Tròia.
Frìgios Abitantes de sa Frìgia,
alleados de sos Troianos.
Fróntide Muzere de Panto(e)
troianu, mama de Polidamante,
de Iperènore e de
Euforbo.
Ftìa O Fitia (>).
Ftiótide O Fitiótide (>).
Fua Personificassione de
s’apprettu e de sa timória ch’ispinghen
s’ómine a fuire.
Fùrias O Erinnes (>).
G
Galatea Una de sas Neréides.
Ganimede Fizu meda bellu
de su re Troe, frade de Ilo e de
Assàracu; Zeus lu furesit a su
babbu pro servire bustu e
chena a sos Deos soberanos de
s’Olimpu.
Gàrgaru Sa chima pius alta
de su Monte ‘e s’Ida.
Gea O Terra. Muzere de
Uranu, mama de Saturnu e de
sos Zigantes.
Gereneu Appellativu de
Nèstore, re de Pilo, derivadu
DITZIONÀRIU OMÉRICU
875
da-e su fattu d’esser bistadu
allevadu a Gerenìa.
Gerenia Tzittade de sa
Messènia.
Giapeto Unu de sos Titanos,
babbu de Atlante.
Giàrdanu Riu de su Peloponnesu.
Giasone Prìntzipe de sa Tessàglia,
fizu de Esone, maridu
de Issìpile e babbu de Euneu.
Gigea Paule de sa Lìdia a pês
de su monte Timolo (o
Tmolo).
Giòbate Re de sa Lìcia, babbu
de Antea e sogru de Pretu.
Giove O Zeus. Fizu de
Crono(s) e de Rea, isposu
prima de Latona e poi de Era
(o Giunone); su deus soberanu
de s’Olimpu gregu e segnore
de su lampu e de su tronu,
babbu e maicantos deos e
deas.
Girgitone Tzittade de sa
Tessàglia (o Tessalea).
Girtiu Babbu de Irtiu, de sa
Mìsia.
Giunone O Era (>).
Glàuce Una de sas Neréides.
Glàuco (a) Fizu de Ippólocu,
prìntzipe de sos Lìcios;
(b) fizu de Sìsifu e babbu de
Bellerofonte.
Gorge Muzere de Andrèmone,
mama de Toante etoleu.
Gorgitone Fizu burdu de

Prìamu e de Castianira, mortu
da-e Téucro.
Gòrgone O Medusa. Una de
sas fizas de Forco e de Ceto.
Mostre orrorosu chi aiat su
podere de giambare in pedra
chie l’aeret mirada in cara. Pro
pilos gighiat pìberas bias.
Granicu Riu de sa Tròade,
chi brotat da-e s’Ida.
Guneu Cumandante gregu,
de Cifo.
Iades Istellas giamadas “carradoras
d’abba”, prîte, a s’accherada,
cominzat s’istajone
de sas abbas. Dian aer allattadu
a Zeus, chi, reconnoschente,
las diat aer collocadas in
mesu a sas àteras costellassiones
de su Chelu.
Ialisu Bidda de s’ìsula de
Rodi.
Ialmenu Fizu de Astìoche e
de Marte, frade de Ascàlafu, re
de Orcumenu, in sa Beòtzia.
Iàmenu Gherreri troianu,
mortu da-e Leonte.
Ianira Una de sas Neréides.
Iaolco Tzittade de sa Tessàglia.
Iasu Unu de sos cumandantes
de s’esércitu de Atene, fizu
de Sfelo, mortu da-e Enea.
Icareu Parte de su Mare
I
ANTONINU RUBATTU
876
Egeu accurtzu a sas costas de
s’Àsia Minore. Su nòmene
derivat da-e s’ìsula Icària (sa
Nicària de oe).
Icetaone Majorale troianu,
frade de Prìamu, babbu de
Melanippu.
Ida Cadena de montagnas
de sa Tròade, cunsacradas a
Giove.
Ide (a) Ómine forte meda,
fizu de Posidone, maridu de
Marpessa Evenina e babbu de
Cleopatra; (b) si trattat forsis
de sa tzittade de Sardi, in sa
Lìdia.
Ideu (a) Imbasciadore de su
re Prìamu; (b) fizu de Darete
troianu e frade de Fegeu.
Ideu Tronante Appellativu
de Giove, abitadore de s’Ida e
mere soberanu de su tronu.
Idomeneu Re de sos Cretesos,
fizu de Deucalione e
nebode de Minosse.
Iera Una de sas Neréides.
Ifeu Gherreri troianu, mortu
da-e Pàtroclo.
Ifi Isclava chi Pàtroclo apesit
in regalu da-e Achille, su
die chi conchistesin sa tzittade
de Schiro cumbattende contr’a
Enieu.
Ifianassa O Ifigènia (>).
Ificlo,-e Fizu de Fìlacu, maridu
de Astìoche, babbu de
Podarce e de Protesilau tessaleos;
fit famosu in sa cursa a pe’.

Ifidamante Fizu de Antènore
troianu, mortu da-e
Agamènnone, umpare a su
frade pius mannu Coone.
Ifigènia O Ifianassa. Fiza de
Agamènnone e de Clitennestra.
Ifimedea Isposa de Aloeu e
mama de sos Zigantes Oto e
Efialte.
Ifìnoe Fizu de Déxiu, gregu,
mortu da-e Glàuco.
Ifitide Archetolemo, fizu de
Ifito.
Ifitione Gherreri de sa
Meònia, fizu de Otrinte,
mortu da-e Achille.
Ifito (a) Babbu de Schédiu
(b) e de Epìstrofu, focesu; (b)
babbu de Archetolemo, troianu;
(c) fizu de Eurito, mortu
dae Èrcole (Càntigu XI, nota
n. 37).
Ila Tzittade de sa Beòtzia,
accurtzu a su lagu Copàide.
Ìlio, Ìlion, Ilione O Tròia.
Tzittade de sa Tròade a pês de
su monte’e s’Ida, posta in
mesu a sos rios Scamandru e
Simoente. Su nòmene de Tròia
li derivat da’ unu de sos res
suos antigòrios, Troe; su de
Ìlio, Ìlion, Ilione, invece, da-e
su re Ilo, fizu de Troe. Sas
muràglias suas istesin fraigadas
da-e sos deos Apollo e
Nettunu, sende re Laomedonte.
Sos Gregos de re Agamènnone
la derruesin poi ‘e
DITZIONÀRIU OMÉRICU
877
degh’annos de gherra, cun
s’ingannu de su famosu “caddu”,
in s’annu 1184 innante ‘e
Cristos.
Ilioneu Fizu de Forbante,
troianu, mortu da-e Peneleu.
Ilitia Mastra ‘e partu chi
aggiuesit a Polimela a s’illierare
de Eudoro.
Illo Riu de sa Lìdia.
Ilo Fizu de Troe, frade de
Assàracu e Ganimede, babbu
de Laomedonte. Fundesit a Ilio.
Imbrasu Babbu de Piroo,
tracianu.
Imbriu Fizu de Mèntore,
bénnaru de Prìamu, pro aer
cojuadu a Medesicasta, mortu
da-e Téucro. Fit de Pedeu, in
sa Tròade.
Imbro Isuledda de su Mare
Egeu de fronte a sa Tròade.
Iónicos Pópulu de s’Àttica
ateniese.
Ipeirone Gherreri troianu,
mortu da-e Diomede.
Iperea Sa funtana de Iperea
fit in sa Tessàglia, regione settentrionale
de sa Grècia.
Iperènore Fizu de Pantoe e
de Fróntide, frade de Euforbo
e de Polidamante, soldadu
troianu mortu da-e Menelau.
Iperione Appellativu de su
deus Sole, babbu de Eos (o
Aurora), chi apesit da-e
Eurifessa. Su nòmene cheret
nàrrere “chi movet in altu”.

Iperocu (a) Gherreri troianu,
mortu da-e Ulisse; (b)
babbu de Itimone, de Elea.
Ipoplàcia O Tebe Ipoplàcia,
in sa Mìsia. Su nòmene li derivat
da-e esser collocada in sos
fiancos de su monte Placo.
Ippasu (a) Babbu de Socu e
de Càrope, mortos da-e Ulisse;
(b) babbu de Ipsènore.
Ippocoonte Prìntzipe tracianu,
fradile de Reso.
Ippodamante Gherreri
troianu, mortu da-e Achille.
Ippodàmia (a) Fiza de
Anchise, sorre de Enea, muzere
de Alcàtoe, mama de Polìpete
tessaleu; (b) muzere de Pèlope,
mama de Atreu e de Tieste; (c)
muzere de Piritoe, prìntzipe de
sos Làpites, mama de Polìpete.
Ippódamu Gherreri troianu,
mortu da-e Ulisse.
Ippòloco Fizu de Antìmacu,
frade de Pisandru, eroe troianu,
mortu da-e Agamènnone.
Ippolocu Fizu de Bellerofonte,
babbu de Glàuco. Fit
frade de Isandru e de Laodàmia.
Ippómacu Gherreri troianu,
mortu da-e Leonte.
Ippomolgos Antigóriu pópulu
de sa Scìzia; su nòmene
cheret nàrrere “mulghidores
de ebbas”.
Ipponou Gherreri gregu,
mortu da-e Èttore.
ANTONINU RUBATTU
878
Ippotione Babbu de Ascàniu
e de Mori; cumandante
frìgiu, mortu da-e Merione
cretesu.
Ippoto O Ippotoe (a) (>).
Ippotoe (a) O Ippoto. Fizu
de Leto Teutamideu, frade de
Pileu, cumandante de sos
Pelàsgios; (b) unu de sos tantos
fizos de Prìamu.
Ipsènore (a) Fizu de Ippasu
(b), gregu mortu da-e Deìfobo;
(b) fizu de Dolopione,
troianu mortu da-e Eurìpilo.
Ire Tzittade de sa Messènia
in podere de Agamènnone.
Iri O Iris o Ìride (>).
Ìride O Iri o Iris. Fiza de
Taumante e de Elettra, dea de
s’arcu ‘e sole, imbasciadora de
sos deos de s’Olimpu.
Iris O Iri o Ìride (>).
Irtacide Fizu de Irtacu: Asìu
(b).
Irtacu Babbu de Asìu (b); fit
de Arisba, in sa Tròade.
Irtiu Unu de sos cumandantes
de sa Mìsia, fizu de
Girtiu, mortu da-e Aiace
Telamone.
Isandru Fizu de Bellerofonte,
mortu da-e Marte in sa
gherra contr’a sos Solimeos.
Fit frade d’Ippolocu e de Laodàmia.
Iso Fizu burdu de re Prìamu,
mortu da-e Agamènnone.
Isparta Capitale de sa Lacò-

nia, regione sud orientale de
su Peloponnesu, rennu de
Menelau.
Issione Maridu de Dia (o
Issionea) e babbu de Piritoe.
Issionea O Dia (>).
Issìpile Fiza de Toante, reina
de Lemno, muzere de Giasone
e mama de Euneu.
Ìtaca Ìsula de su Mare
Ióniu, rennu de Ulisse.
Itèmene Troianu, babbu de
Stenelau.
Itimone Fizu de Iperocu
(b), mortu da-e Nèstore. Fit
de s’Élide.
Lacònia Regione de su
Peloponnesu. Sa capitale fit
Isparta.
Laerce Prìntzipe mirmìdone,
babbu de Alcimedonte.
Laerte Babbu de Ulisse e
maridu de Anticlea, re de Ìtaca.
Lampu (a) Majorale troianu,
frade de Prìamu e babbu
de Dòlope; (b) caddu ispantosu
de Èttore.
Laodamante Fizu de
Antènore troianu, mortu da-e
Aiace Telamone.
Laodàmia Fiza de Bellerofonte
e mama de Sarpèdone,
chi apesit da-e Giove. Sorre de
Isandru e de Ippolocu.
L
DITZIONÀRIU OMÉRICU
879
Laódice Fiza de Agamènnone
e de Clitennestra.
Laodice Una de sas fizas de
re Prìamu, cojuada cun
Elicaone, su fizu de Antènore.
Laodoco (a) Fizu de Antènore,
gherreri troianu; (b)
gherreri gregu, cumpanzu de
Antìlocu, forsis de Pilo.
Laógonu (a) Fizu de Biante
troianu e frade de Dàrdanu,
mortu da-e Achille; (b) fizu de
Onètore, gherreri troianu,
mortu da-e Merione.
Laomedonte Fizu de Ilo e
babbu de Prìamu e de Titone,
re de Tròia.
Laote Una de sas muzeres
de Prìamu, re de Tròia; fiza de
su re de sos Lelegeos Alte e
mama de Licaone.
Làpites Pópulu de sa Tessàglia
(o Tessalea).
Làris(s)a Tzittade de sa
Tessàglia.
Latona Fiza de Ceo e de
Febe, isposa de Giove prima
de Era (o Giunone), mama de
Apollo e de Diana.
Lecto Montagnas de sa
Tròade.
Leda Mama de sos Dióscuros
Càstore e Polluce, chi apesit
da-e Giove, de Clitennestra
e de Elèna, sa muzere de
Menelau. Muzere de Tìndaru
ispartanu.
Léitu Fizu de Alettrione,

cumandante de s’esércitu de
sa Beòtzia.
Lelegeos Pópulu de s’Àsia
Minore, alleadu de sos
Troianos.
Lemno Ìsula vulcànica de su
Mare Egeu, situada accurtz’a
sas costas de sa Tròade. Sos
abitantes suos si naraian
Sìntzios o Sintos.
Leócritu Soldadu gregu,
fizu de Arisbante, mortu da’
Enea.
Leonte, -eu Fizu de Corono,
prìntzipe de Girgitone, cumandante
de s’esércitu tessaleu
umpare a Polìpete.
Lesbo Ìsula de su Mare Egeu,
pustis giamada Mitilene o
Metellino, e capitale de s’ìsula.
Lestrìgones Pópulu fantasiosu,
ferotze, cumandadu dae
Lamo. Ulisse contr’a issos,
recuende da-e Tròia, bi perdesit
ùndighi de sas dóighi naves
chi aiat (Càntigu X, ott. n. 17
de s’ODISSEA mia).
Leto Teutamideu Babbu de
Ippotoe (a) e de Pileu pelàsgios.
Léuco Cumpanzu de Ulisse,
mortu da-e Antifo.
Licaone (a) Fizu de Prìamu
e de Laote, mortu da-e Achille;
(b) re de sa Lìcia, babbu de
Pàndaru.
Lìcia Regione in sas costas
meridionales de s’Àsia Minore.
Lìcios Abitantes de sa Lìcia e
ANTONINU RUBATTU
880
printzipales alleados de sos
Troianos.
Licofonte Gherreri troianu,
mortu da-e Téucro.
Licofrone Fizu de Màstore,
iscuderi de Aiace Telamone,
mortu da-e Èttore.
Licomede Fizu de Creonte,
gregu.
Licone Gherreri troianu,
mortu da-e Peneleu.
Licto Una de sas tzittades
pius antigas de s’ìsula de Creta.
Licurgo (a) Fizu de su prìntzipe
de sa Tràcia Driante; (b)
prìntzipe de s’Arcàdia, chi ‘occhesit
a Arito’ (o Aritoe) beota.
Limnòria Una de sas Neréides.
Lindo(s) Bidda de s’ìsula de
Rodi. In sa ‘idda de Lindos,
pro chie non l’ischeret, so
nàschidu deo, in su 1938.
Linu Nòmene de unu cantu
lamentosu, in ammentu de
unu giovaneddu disdicciadu,
Linu, mortu, segundu una
paristòria de su tempus, da-e
Apollo o, segundu un’àtera,
divoradu da-e sos canes (Càntigu
XVIII - Ott. n. 109).
Lirnesso Tzittade de sa
Mìsia, pàtria de su re Minete,
maridu de Briséide.
Lisandru Gherreri troianu,
mortu da-e Aiace Telamone.
Locresos Populassiones gregas
de sa parte meridionale de

sa Tessàglia, non lontanas da-e
sas Termópiles, alleadas de
Agamènnone, cumandadas
da-e Aiace Oileu. Àteros
populos de sa Grècia tenian su
matessi nòmene.
Lutziferru Si trattat de s’isteddu
de Vènere (o Venus),
s’ùltima a isvanessire in su
lugore de s’avréschida.
M
Macaone Fizu de Esculàpiu
(o Asclépiu), méigu de s’esércitu
gregu, frade de Podalìriu.
Fit de Tricca, in sa Tessàglia.
Macareu Fizu de su re Eolo,
fundadore e re de Lesbo.
Màride Fizu de Amisodaru,
frade de Atìnniu, gherreri lìciu,
mortu da-e Trasimede ‘e Pilo.
Marpessa Fiza de Eveno,
mama de Cleopatra.
Marte O Ares (>).
Màstore Babbu de Licofrone,
gregu.
Mecisteu (a) Soldadu gregu,
fizu de Echiu, mortu da-e
Polidamante; (b) fizu de Tàlaos,
prìntzipe de sos d’Argo,
babbu de Eurìalu.
Medesicasta Fiza burda de
re Prìamu, muzere de Imbriu.
Medonte (a) Fizu burdu de
Rena e d’Oileu e frade de Aiace,
mortu da-e Enea; (b) unu
cumandante troianu.
DITZIONÀRIU OMÉRICU
881
Medusa O Gòrgone (>).
Mega Babbu de Périmu.
Mege O Megete. Fizu de Fileu,
cumandante de s’esércitu
de Dulìchiu e de sas Echìnades,
alleadu de re Agamènnone.
Megera Una de sas tres
Erinnes o Fùrias (>).
Megete O Mege (>).
Melanippu (a) Fizu de
Icetaone, de Percote, gherreri
troianu, mortu da-e Antìlocu;
(b) gherreri troianu, mortu
da-e Pàtroclo; (c) gherreri
troianu, mortu da-e Téucro;
(d) cumandante gregu.
Melante Fizu de Porteu,
frade de Agriu e de Euneu.
Melàntziu Gherreri troianu,
mortu da-e Eurìpilo.
Meleagru Fizu de Eneu e de
Altea, maridu de Cleopatra,
prìntzipe de Calidone.
Melite(ra) Una de sas
Neréides.
Mémalu Babbu de Pisandru
mirmìdone.
Menelau Fizu de Atreu e
frade de Agamènnone, maridu
de Elèna, re de Isparta. Est
galu giamadu “segund’Atreu o
segundu Atride”.
Menesteu (a) Fizu de Peteu,
prìntzipe e cumandante de sos
Atenieses; (b) fizu de Arito’ (o
Aritoe), mortu da-e Paris.
Menestiu Fizu de su riu
Spérchiu e de Polidora, s’i-

spantosa fiza de Peleu. Fit però
créttidu fizu de Boro. Fit unu
de sos chimbe cumandantes
de sos Mirmìdones.
Menétziu Fizu de Attore (o
Actoro) e babbu de Pàtroclo.
Fit de Opunte, in sa Lócride.
Mènone Gherreri troianu,
mortu da-e Leonte.
Mente Cumandante de sos
Cìcones.
Mèntore Troianu, babbu de
Imbriu.
Mèone Fizu de Emone,
tebanu; istesit mandadu da-e
Etèocle a bocchire a Tideu.
Meones Sos abitantes de sa
Meònia, alleados de sos Troianos,
cumandados da-e Mestle
e Antifu, fizos de Talemene.
Meònia Regione de s’Àsia
Minore, giamada pustis Lìdia.
Mera Una de sas Neréides.
Merione Fizu de Molo, de
Creta, valorosu iscuderi de
Idomeneu.
Mérmeru Gherreri troianu,
mortu da-e Antìlocu.
Mèrope Indovinu e re de
Percote, babbu de Adrastu e de
Anfìu (a).
Messènia Regione a sudovest
de su Peloponnesu.
Mestle Fizu de Talemene,
cun Anfiu cumandaiat sos
Peones.
Mèstore Valorosu fizu de
Prìamu, mortu da-e Èttore.
ANTONINU RUBATTU
882
Micene Sa tzittade pius
importante de su Peloponnesu,
capitale de su rennu de
Agamènnone.
Midone (a) Fizu de Atimniu,
iscuderi de Pilemene, mortu
da-e Antìlocu; (b) gherreri
troianu, mortu da-e Achille in
su riu Xantu.
Mìgdone Re de sa Frìgia,
aggiuadu da-e Prìamu in sa
gherra contr’a sas Amasonas.
Minerva O Atena (>).
Minete Re de Lirnesso,
maridu de Briséide, s’isclava
preferida da-e Achille.
Minieu Riu de s’Élide, giamadu
pustis Anigru.
Minos O Minosse (>).
Minosse O Minos. Fizu de
Giove e de Europa, re de
Creta, babbu de Deucalione e
de Arianna.
Mirina Fémina, forsis un’eroina,
chi sos Deos sepultesin
in sa palinza de Batiea.
Mirmìdones Pópulu de sa
Fitiótide, in Tessàglia, originàriu
de s’ìsula de Egina, rennu
de Achille. Sa paràula cheret
nàrrere “frommigas mannas”,
da-e “myrmex”, frommiga.
Mìsia Regione de s’Àsia
Minore.
Mìsios Pópulu tracianu, chi
si fit trasferidu in sa Mìsia, alleadu
de sos Troianos, cumandados
da-e Ennomo e Cromi.

Mnesu Gherreri troianu,
mortu da-e Achille in su riu
Xantu.
Molione (a) Iscuderi de
Timbreu troianu, mortu da-e
Ulisse; (b) mama de Euritu e
Citeato, da’ issa giamados “sos
duos Moliones”.
Moliones Fin duos, fizos de
Actoro (o Attore) e de Molione:
Euritu e Citeato (o Cteato).
Molo Babbu de Merione,
cretesu.
Mongibella Si trattat de su
vulcanu ‘e s’Etna, ue si crêiat
chi Vulcanu (o Efesto) aeret
sos frailes suos soberanos.
Monte Santu O Ato (>).
Mori Fizu de Ippotione,
frade de Ascàniu, de sa Frìgia,
mortu da-e Merione cretesu.
Morte Fiza de sa Notte e de
su Sonnu. Fit rappresentada
cun sa cara iscarenada e a falche
in manu.
Mùlio, -ìu (a) Bénneru de
Aùgia, mortu da-e Nèstore, in
sa gherra tra sos de Pilo e sos
Epeos; (b) gherreri troianu,
mortu da-e Pàtroclo; (c) gherreri
troianu, mortu da-e
Achille.
Musa Su d’invocare sa Musa
de sa poesia, Callìope, prim’ e
comintzare un’òpera poética,
fit in s’antighidade un’usàntzia
doverosa pro donzi poeta.
Sas Musas, fizas de Giove e de
DITZIONÀRIU OMÉRICU
883
Mnemósine, fini noe: Callìope
(poesia épica), Clio (istòria),
Euterpe (mùsica), Polìnnia
(innos), Talia (cummèdia),
Melpòmene (tragèdia), Erato
(lìrica amorosa), Tersìcore
(ballu e cantu), Urània (astronomia).
Omero faeddat d’una
Musa ebbia, mai ‘e noe.
N
Nàiades Ninfas (>) de sas
abbas de sa Terra.
Naste Fizu de Nomione;
cun su frade Anfìmacu fit su
cumandante de sos Càrios.
Neleu Fizu de Nettunu e de
Tiro, babbu de Nèstore e re de
Pilo.
Nelide Fizu de Neleu:
Nèstore, re de Pilo.
Nemerte Una de sas
Neréides.
Neottólemu O Pirru. Fizu
de Achille e de Deidamia.
Neréides Ninfas marinas,
fizas de su deus marinu Nereu.
Fini chimbanta; Tétide (o
Teti), sa mama de Achille, fit
una de issas.
Nereu Deus marinu, babbu
de sas Neréides.
Nèstore O Gereneu o Nelide.
Re de Pilo. Su pius betzu e
sapiente de sos eroes gregos.
Teniat sette fizos màscios, ma
in s’Ilìade si nde mentovan

duos ebbia: Antìlocu e Trasimede.
Nèttare S’ite ‘iere de sos
Deos soberanos.
Nettunu O Poseidone o
Posidone (>).
Ninfas Divinidades minores,
benéficas. Fizas de Giove, aian
lùmenes diversos: Nàiades,
ninfas de sas abbas e de sa
terra; Drìades, de sos buscos e
de sos mattedos; Orèades, de
sos montes; Anadrìades, de sas
àrvures; e àteras ancora. In
gregu sa paràula “nymphe”,
cheret nàrrere “giòvana galana
in edade de poder suddisfàghere
un’ómine”.
Nìobe Fiza de Tàntalu e muzere
de su re de Tebe Anfione.
Nireu Cumandante de s’esércitu
de Sime, alleadu de sos
Gregos. Su gherreri pius galanu
recuidu a Tròia, foras de
Achille; fizu de Aglàia e de
Càropo.
Nisa Localidade non mezus
connotta de sa Tràcia.
Nìsea Una de sas Neréides.
Noèmone (a) Gherreri de sa
Lìcia, mortu da-e Ulisse; (b)
gherreri de sos de Pilo sutt’a
Nèstore.
Nomione Babbu de Neste e
de Anfìmacu (b), cumandante
de s’esércitu de sa Cària.
Noto Bentu chi sulat da-e
Sud.
ANTONINU RUBATTU
884
O
Océanu Maridu de Teti (b).
Riu chena làccanas ch’inghiriaiat
sa Terra e-i sos mares;
babbu antigòriu de tottu sos
deos.
Ochésiu Babbu de Perifante,
de s’Etòlia.
Odisseu Nòmene gregu de
Ulisse (>), re d’Ìtaca. Su nòmene
cheret nàrrere “odiadu”.
Omero cumponzesit un’àteru
immortale Poema, s’ODIS-
SEA, ue nos contat sa recuida
avventurosa de Odisseu a Ìtaca
da-e sa gherra de Tròia, ‘iazu
duradu degh’annos.
Odiu (a) Cumandante de sos
Alizones, mortu da-e Agamènnone;
(b) bandidore gregu.
Ofeleste (a) Gherreri de sa
Peònia, mortu da-e Achille in
su riu Xantu; (b) gherreri
troianu, mortu da-e Téucro.
Oféltiu (a) Gherreri gregu,
mortu da-e Èttore; (b) gherreri
troianu, mortu da-e Eurìalu.
Oileu (a) Re de sa Lócride,
babbu de Aiace, maridu de
Eriopide; (b) gherreri troianu,
mortu da-e Agamènnone.
Olènie Roccas de s’Élide settentrionale,
a làccana ‘e s’Acàia.
Olimpu Monte de sa Tessàglia
(o Tessalea), cunsideradu
sa dimora de Zeus e de sos
Deos soberanos.

Omero S’immortale poeta
gregu, autore de s’ILÌADE e de
s’ODISSEA.
Onètore Satzerdote de Zeus
Ideu, babbu de Laógonu troianu.
Opite Soldadu gregu, mortu
da-e Èttore.
Opunte Tzittade de sa
Lócride, pàtria de Pàtroclo.
Oras Deas de s’órdine, de sa
natura e de sas istajones.
Segundu Omero fin antzillas
de Zeus, sas chi abberian e tancaian
sas giannas de su Chelu.
Orcu O Ade (>).
Orcumenu Tzittade de sa
Beòtzia, famosa pro sas ricchesas
suas.
Orésbiu Soldadu gregu,
mortu da-e Èttore.
Oreste (a) S’ùnicu fizu
màsciu de Agamènnone e de
Clitennestra, frade de Ifigènia,
Laódice e Crisòtema. Vindichesit
sa morte de su babbu,
bocchinde chena piedade siat
sa mama che s’amante sou
Egistu; (b) gherreri troianu,
mortu da-e Leonte; (c) gherreri
gregu, mortu da-e Èttore.
Orione Zigante catziadore
de sa Beòtzia, mortu da-e
Diana e, pustis, boltadu in
costellassione da-e Zeus.
Orìtia Una de sas Neréides.
Ormenide Amìntore (>),
fizu de Ormenu.
DITZIONÀRIU OMÉRICU
885
Ormenu (a) Babbu de
Amìntore; (b) soldadu troianu,
mortu da-e Polìpete; (c) soldadu
troianu, mortu da-e Téucro.
Oro Soldadu gregu, mortu
da-e Èttore.
Orsìlocu (a) Fizu de Dìocle
‘e Fere, frade de Cretone, gregu
mortu da-e Enea; (b) gherreri
troianu, mortu da-e Téucro.
Orteu Gherreri troianu.
Oto (a) Zigante, fizu de
Ifimedea e de Aloeu, frade de
Efialte; (b) eroe epeu, de sa
‘idda de Cillene, mortu da-e
Polidamante. Fit meda amigu
de Megete.
Otreu Re de sa Frìgia, aggiuadu
da-e Prìamu in sa
gherra contr’a sas Amasonas.
Otrinte Babbu de Ifitione.
Otrioneu Gherreri troianu,
mortu da-e Idomeneu. Fit de
Cabeso.
P
Paflagones Pópulu de s’Àsia
Minore, alleadu de sos
Troianos, cumandadu da-e
Pilemene.
Paflagònia Regione de s’Àsia
Minore.
Pàllade Appellativu de
Atena (>).
Palmi Gherreri troianu.
Pammone Fizu de Prìamu.
Panacheos Àteru nòmene

de sos Acheos (>); su lumen,
antzis, cheret própriu nàrrere
“tottu sos Acheos”.
Pàndaru Fizu de Licaone, re
de sa Lìcia, saettadore valente,
mortu da-e Diomede.
Pandione Soldadu gregu,
cumpanzu de Téucro.
Pàndoco Gherreri troianu,
mortu da-e Aiace Telamone.
Panope (a) Babbu de su
chertadore a punzos gregu
Epeu; (b) una de sas Neréides;
(c) tzittade de sa Fócide, a làccana
cun sa Beòtzia.
Pantide Fizu de Pantoe:
Polidamante o Iperènore o
Euforbo.
Panto(e) Majorale troianu,
maridu de Fróntide, babbu de
Polidamante, de Iperènore e
de Euforbo.
Parca(s) Personificassione
de su destinu de sa morte. Fini
tres: Cloto, Lachesi e Atropo.
Pàride O Paris o Alessandru.
Fizu de Prìamu e de
Écuba, valente saettadore.
Furéndesi a Elèna, muzere de
Menelau, re d’Isparta, provochesit
sa gherra de Tròia. Cun
s’aggiudu de su deus Apollo
‘occhesit a Achille (su fattu
no est però contadu in
s’Ilìade).
Paris O Pàride (>) o Alessandru.
Pasitea Una de sas Càrites.
ANTONINU RUBATTU
886
Era la promittesit in isposa a
su Sonnu.
Pàtroclo Fizu de su re de sa
Lócride, Menétziu; s’amigu
pius caru de Achille, mortu
da-e Èttore.
Pê-velotze Appellativu de
Achille, velotze in gherra che
niune.
Pédasu (a) Bidda de su
Peloponnesu, in podere de
Agamènnone; (b) tzittade de
sa Mìsia; (c) fizu de Bucolione
e de sa ninfa Abarbarea, frade
de Esepu, mortu da-e Eurìalu;
(d) caddu mortale de Achille.
Pedeu Fizu de Antènore,
troianu, mortu da-e Megete.
Pêibianca Appellativu de sa
dea marina Tétide (o Teti), sa
mama de Achille e isposa de
Peleu, derivadu da-e sa biancura
de sas undas ispumosas
de su mare.
Pelagone Gherreri lìciu,
cumpanzu de Sarpèdone.
Pelagonte Cumandante de
s’esércitu ‘e Pilo, sutt’a
Nèstore.
Pelàsgios Antigóriu pópulu
de s’Àsia Minore e de sa
Grècia, alleados de sos
Troianos, cumandadu da-e
Ippotoe e Pileu, fizos de Leto
Teutamideu.
Pelegonu Fizu de su riu
Assiu e de Peribea; babbu
d’Asteropeu.

Peleu Fizu de Éacu, re de sos
Mirmìdones, maridu de
Tétide (o Teti) e babbu de
Achille.
Pelide Fizu de Peleu: Achille
(>).
Peliu Monte de sa Tessàglia
(o Tessalea).
Pèlope (a) Fizu de Tàntalu e
maridu de Ippodàmia; babbu
de Atreu e de Tieste; donnumannu
de sos Atrides, Agamènnone
e Menelau. Da’ isse
lêsit nòmene su Peloponnesu;
(b) babbu de Cópriu.
Peneleu Cumandante, umpare
a Léito, de s’esércitu de
sos Beotes.
Peone Su méigu de sos deos
soberanos.
Peones Pópulu de sa
Macedònia, alleadu de sos
Troianos, cumandadu da-e
Pìreme.
Peònia Regione de sa Macedònia
settentrionale.
Percote Tzittade de sa
Tròade.
Pérgamu, -o Sa rocca de
Tròia.
Pérgasu Babbu de Deicoonte,
troianu.
Peribea Fiza de Acessamenu,
re de sa Tràcia, e mama
de Pelegonu, chi apesit da-e su
deus de su riu Assiu.
Perifante (a) Fizu de
Ochésiu, etoleu, mortu da-e
DITZIONÀRIU OMÉRICU
887
Marte; (b) bandidore troianu,
fizu de Epitu e servidore de
Anchise.
Perifete (a) Gherreri troianu,
mortu da-e Téucro; (b)
fizu de Cópriu, de Micene,
mortu da-e Èttore.
Perimede Babbu de Schédiu
(a), focesu.
Périmu Fizu de Mega, gherreri
troianu, mortu da-e
Pàtroclo.
Perocu Soldadu troianu,
mortu da-e Ulisse.
Persèfone O Prosérpina (>).
Pês de ‘entu Appellativu de
Ìride (o Iris o Iri), imbasciadora
de sos deos soberanos.
Peso Tzittade de sa Mìsia, in
sa Propóntide.
Peteu Prìntzipe de Atene,
babbu de Menesteu.
Pidite Gherreri troianu, de
Percote, mortu da-e Ulisse.
Pièria Regione de sa
Tessàglia, a nord de s’Olimpu.
Pigmeos Segundu sas paristòrias,
fin ómines bàscios
meda (35 centìmetros ebbia!)
chi istaian in una terra
impretzisada inter s’Àfrica e
s’Àsia occidentale.
Pilarte (a) Gherreri troianu,
mortu da-e Aiace Telamone;
(b) gherreri troianu, mortu
da-e Pàtroclo.
Pilemene Cumandante de
s’esércitu de sa Paflagònia.

Pileu Fizu de Leto Teutamideu,
frade de Ippotoe, cumandante
de sos Pelàsgios.
Pilo Tzittade in sas costeras
occidentales de su Peloponnesu,
rennu de Nèstore.
Pilone Gherreri troianu,
mortu da-e Polìpete.
Pindo Montagnas de sa
Grècia centru-occidentale.
Pìrasu (a) Localidade, non
mezus connotta, da’ ue partesin
naves e gherreris pro
aggiuare a sos d’Argo in sa
gherra de Tròia; (b) gherreri
troianu, mortu da-e Aiace
Telamone.
Pìreme Cumandante de sos
Peones de sa Macedònia,
mortu da-e Pàtroclo.
Pireu Babbu de Rigmu tracianu,
mortu da-e Achille.
Piri Soldadu troianu (o
lìciu), mortu da-e Pàtroclo.
Pirito’ Cumandante de sos
Làpites in sa gherra contr’a sos
Centàuros.
Piritoe Fizu de Issione e de
Dia, prìntzipe de sos Làpites,
isposu de Ippodàmia, babbu
de Polìpete. Non diat dever
èssere sa matessi persone de
Pirito’, pro cantu de sa zente ‘e
sos Làpites.
Piroo Fizu de Imbrasu,
cumandante de sos Tracianos,
mortu da-e Toante etoleu.
Pirru O Neottólemu (>).
ANTONINU RUBATTU
888
Pisandru (a) Fizu de Antìmacu,
troianu, frade de Ippòloco,
mortu da-e Agamènnone;
(b) gherreri troianu,
mortu da-e Menelau; (c) fizu
de Mémalu, unu de sos chimbe
cumandantes mirmìdones,
tertzu pro dignidade pustis de
Achille e de Pàtroclo.
Pisènore Babbu de Clito,
troianu.
Pito Antigóriu nòmene de
Delfi, in sa Fócide, famosa pro
su témpiu de Apollo (o Febo).
Pitteu Re de Trezene, in
s’Argólide, babbu de Etra, una
de sas antzillas de Elèna.
Placo Montagna buscosa de
sa Mìsia.
Plèiades Sos sette isteddos
de sa costellassione de su Trau
In sardu “su budrone”. Fin
fizas de Atlante, unu de sos
Titanos.
Pléuro O Pleurone (>).
Pleurone O Pléuro. Bidda
de s’Etòlia, pàtria de sos
Curetes.
Plutone O Ade (>).
Podalìriu Fizu de Esculàpiu,
frade de Macaone, gherreri
gregu e méigu finas isse.
Podarce Fizu de Ificlo e frade
de Protesilau, gregu tessaleu,
cumandante de su Fitios.
Podarge (a) Una de sas
Arpias, mama de sos caddos
de Achille, Xantu e Baliu, chi

apesit aunéndesi a Zéfiru; (b)
caddu de Menelau.
Podargu (a) caddu ispantosu
de Èttore; su nòmene cheret
narrer “pe’-albinu”; (b)
puddedru curridore de Agamènnone.
Pode Fizu de Etìone, amigu
e connadu de Èttore, mortu
da-e Menelau.
Polibo Fizu de Antènore,
troianu.
Polidamante Fizu de Pantoe
e de Fróntide, frade de Iperènore
e de Euforbo, cumandante
troianu e indovinu.
Polide Troianu, fizu de
Euridamante e frade de
Abante, mortu da-e Diomede.
Polido Indovinu corìntziu,
babbu de Euchènore gregu.
Polidora Fiza de Peleu,
mama de Menestiu, chi apesit
da-e su deus de su riu Spérchiu.
Polidoro (a) Su fizu pius gióvanu
de su re troianu Prìamu,
mortu da-e Achille; (b) nòmene
de un’atleta bissu da-e
Nèstore ‘e Pilo a Bupràsiu.
Polièmone Babbu de Amopaone,
troianu.
Polifemo Prìntzipe de sos
Làpites, chi si distinghesit in sa
gherra contr’a sos Centàuros.
Su Ciclope de s’Odissea cun
tale nòmene non benit mai
mentovadu in s’Ilìade.
Polifete Gherreri troianu.
DITZIONÀRIU OMÉRICU
889
Polifonte Fizu de Autófonu,
tebanu imbiadu da-e Etèocle a
bocchire a Tideu.
Polimela Fiza de Filante e
mama de Eudoro, unu de sos
chimbe cabos mirmìdones;
muzere de Echecleu, galana e
valente ballerina.
Polimelu Gherreri lìciu, fizu
de Argeu, mortu da-e Pàtroclo.
Polinice Fizu de su re de
Tebe Edipo, frade de Etèocle.
Polìpete Fizu de Piritoe e de
Ippodàmia, valorosu cumandante
tessaleu.
Polissenu Unu de sos battor
cabos de sos Epeos de s’Élide,
fizu de Agàstene.
Polite Fizu de Prìamu e de
Écuba, famosu pro sa valentia
in sas garas de cursa.
Polìttore Nòmene appizadu
da-e Ermes in cara a Prìamu,
sende su re de Tròia tucchende
da-e Achille pro riscattare su
corpus de Èttore; de Polìttore
si nesit fizu su deus.
Polluce Fizu de Zeus e de
Leda, frade de Càstore e de
Elèna; isse e Càstore fin giamados
“Dióscuros” (>).
Ponto O Ellesponto (>).
Porteu Prìntzipe de Pleurone
e de Calidone, babbu de
Agriu, de Eneu e de Melante.
Bisaju de Diomede.
Poseidone O Posidone (>) o
Nettunu.

Posidone Fizu de Crono(s)
e de Rea, frade de Giove e de
Plutone; segnore e padronu de
su mare, ‘eniat rappresentadu
cun unu triuttu in manu cun
su cale pisulaiat terra e mare.
Pramno Localidade accurtzu
a Smirne, in Àsia Minore.
Pregadorìas Fizas de Giove
e sorres de Ate.
Pretu Fizu de Abante e re de
Argo, maridu de Antea.
Priamide Fizu de Prìamu:
Èttore o Paris o calch’àteru fizu.
Prìamu Fizu de Laomedonte
e ùltimu re de Tròia;
maridu de Écuba, babbu de
Èttore, Paris, Deìfobo, Cassandra
e de maicantos àteros
eroes troianos.
Prim’Atreu, prim’Atride
Appellativu de Agamènnone,
primu fizu de Atreu.
Prìtanu Gherreri lìciu, mortu
da-e Ulisse.
Prómacu Fizu de Alegènore;
gherreri de sa Beòtzia, mortu
da-e Acamante.
Prono Gherreri troianu,
mortu da-e Pàtroclo.
Prosérpina O Persèfone.
Fiza de Giove e de Dèmetra (o
Cèrere), muzere de su deus
Ade e segnora de sas Umbras
de sos mortos.
Protaone Babbu de Astìnoe,
troianu.
Protènore Fizu de Areilocu,
ANTONINU RUBATTU
890
cumandante de sos Beotes.
Protesilau Fizu de Ificlo e de
Astìoche, cumandante de sos
Tessaleos; frade de Podarce.
Maridu de Laodàmia. Istesit su
primu gregu a ruer mortu in
sa gherra de Tròia; Èttore
infattis, li lêsit sa vida pustis
pagu de aer postu pes in Tròia.
Proto (a) Fizu de Tentredone,
cumandante gregu; (b)
una de sas Neréides.
Protone Gherreri troianu,
mortu da-e Téucro.
R
Radamantu Fizu de Giove e
de Europa, frade de Minosse.
Fit su re de s’Elisu.
Rea Muzere de Crono(s).
Reso Fizu de Eione, re de sa
Tràcia, mortu in sonnu da-e
Diomede.
Resu Riu de sa Tròade, chi
naschet da-e s’Ida.
Reteu Unu de sos duos promontòrios
de su golfu troianu,
ue fin allogadas sas naves
acheas.
Rigmu Gherreri tracianu,
fizu de Pireu, mortu da-e
Achille.
Ródiu Riu de sa Tròade, chi
naschet da-e s’Ida.

Salamina Ìsula accurtzu a
s’Àttica, pàtria de Aiace
Telamone.
Samo Ìsula de s’Egeu de
fronte a sa Lìdia.
Sangàriu Riu de sa Frìgia.
Sarpèdone Fizu de Giove e
de Laodàmia, prìntzipe de sos
Lìcios.
Satnioente Riu de sa Tròade.
Sàtniu Gherreri troianu,
fizu de Enopo e de una Ninfa
non mezus pretzisada, mortu
da-e Aiace Oileu.
Saturnu O Crono o Cronos
(>).
Scamàndriu (a) Fizu de
Strófiu, gherreri troianu mortu
da-e Menelau; (b) àteru nòmene
de Astianatte (>), su fizu de
Èttore e de Andròmaca, derivadu
da-e su riu Scamandru.
Scamandru O Xantu (>).
Riu chi naschet da-e su monte
‘e s’Ida, attraessat su paris sutt’a
Tròia e s’aunit a su Simoente.
Scàndia Portu de s’ìsula de
Citera (oe Cérigo).
Scea Una de sas giannas de
Tròia. Fit posta a manu manca
de chie abbaidaiat a Tròia,
ossiat a occidente, versus su
paris ue si gherraiat.
Schédiu (a) Fizu de Perimede
focesu, mortu da-e Èttore;
(b) fizu de Ifito, frade de
S
DITZIONÀRIU OMÉRICU
891
Epìstrofu, cumandante focesu
mortu da-e Èttore.
Sciro Isula posta a nord-est
de s’Eubea.
Sélagu Babbu de Anfiu (b),
troianu.
Sellente (a) Trainu de sa
Tròade, chi si ‘ettat in su riu
Ródiu, affacca a sa ‘idda de
Arisba; (b) riu de s’Élide, chi
passat accurtz’a Efira.
Sèllios Satzerdotes de Giove
chi resessian a connòschere sa
volontade de su deus da-e sa
movitia de sos rattos e de sas
fozas de su chercu de Dodona.
Semele Mama de Diónisu
(o Baccu), su deus de sa ‘ide,
chi apesit da-e Giove.
Sfelo Bucolide: Nóbile ateniesu,
fizu de Bucolione (o
Bùcolo), babbu de Iasu.
Sicione Tzittade de su
Peloponnesu in podere de
Agamènnone.
Sidone Tzittade de sa
Fenìcia.
Sidoneos Abitantes de
Sidone, in Fenìcia.
Sigeu Unu de sos duos promontòrios
troianos, sutt’a ue
fin allogadas sas naves acheas.
Simoente, -u Riu de sa
Tròade, chi brotat da-e su
monte ‘e s’Ida e chi, accurtz’a
Tròia, s’aunit a s’àteru riu de
sa ‘idda dardana, su Scamandru
(o Xantu).

Simoésiu Fizu de Antemione,
gherreri troianu, mortu
da-e Aiace Telamone.
Sìntzios Antigòrios abitantes
de s’ìsula de Lemno.
Sìpilu Monte de sa cadena
de su Timolo, in sa Lìdia.
Sìrio S’isteddu pius lumenosu
de sa costellassione de su Cane
Mazore, giamadu puru “Su
cane de Orione”, catziadore
famosu ‘oltadu in istella paris
cun su cane sou. S’accherada ‘e
Sìrio annuntziat s’istiu, carradore
de caldu e de maladias.
Sìsifo, -u Fizu de Eolo,
prìntzipe de sos Corìntzios.
Sminteu Appellativu de su
deus Apollo. Su lumene cheret
nàrrere “destruidore de sórighes
de campagna”.
Smirne Tzittade de s’Àsia
Minore e portu de su Mare
Egeu.
Socu Fizu de Ippasu (a),
frade de Càrope, gherreri
troianu mortu da-e Ulisse.
Sole O Iperione (>).
Solimeos Antigòrios abitantes
de sa Lìcia.
Sonnu Fizu de sa Notte e
frade de sa Morte. Segundu
sos antigos, sos sonnos fin de
duas calidades: verdaderos e
tramposos.
Spérchiu Riu de sa Fitiótide.
Spi(s)o Una de sas Neréides.
Stenelau Soldadu troianu,
ANTONINU RUBATTU
892
fizu d’Itèmene, mortu da-e
Pàtroclo.
Stènelo Prìntzipe d’Argo,
fizu de Capaneu, cumpagnu
fidele de Diomede.
Stèntore Bandidore gregu.
Stìchiu Cumandante de sos
Ateniesos sutt’a Menesteu,
mortu da-e Èttore.
Stige Riu de s’Ade. Su lùmene
cheret narrer “riu orrorosu”.
Strófiu Troianu, babbu de
Scamàndriu (a).
T
Tàlaos Antigu prìntzipe
d’Argo, babbu de Mecisteu (b)
e donnumannu de Eurìalu
gregu.
Talemene Babbu de Mestle e
Antifu, de sa Meònia.
Talentos Monedas de oro
de su pesu de vinti grammos
donzuna, de valore impretzisadu.
Talia (a) Una de sas Neréides;
(b) una de sas noe Musas,
amparadora de sa cummèdia.
Talìsiu Babbu de Echèpolo,
troianu.
Talpiu Unu de sos battor
cumandantes de sos Epeos de
s’Élide e fizu de Euritu.
Taltìbiu O Taltibiu. Imbasciadore
de Agamènnone e
unu de sos capitanos de s’esércitu
gregu.

Tarne Tzittade de sa Meònia.
Tàrtaru Sa presone de sos
Titanos, collocada in s’intragna
pius tuvucca de s’Ade.
Taumante Babbu de Iride,
chi apesit da-e Elettra.
Teanu Satzerdotessa de sa
dea Atena (o Minerva), fiza de
Cisseu e muzere de Antènore
troianu.
Tebe (a) Tzittade de sa Mìsia,
galu lumenada Tebe Ipoplàcia
(>), rennu de Etìone, su babbu
de Andròmaca; (b) tzittade de
sa Beòtzia, ue regnesit Edipo;
(c) o Tebea (>).
Tebea O Tebe (c), tzittade de
s’Egittu.
Tebeu Babbu de Enopeu (o
Eniopeu), troianu.
Telamone Babbu de Aiace
de Salamina e de Téucro.
Telémacu Su gióvanu fizu de
Ulisse e de Penèlope, de Ìtaca.
Telepolemu (a) Fizu de
Èrcole e de Astiochea, mortu
da-e Sarpèdone; (b) fizu de
Damàstore, lìciu, mortu da-e
Pàtroclo.
Temi O Témide. Fiza de
Uranu e de Gea; da’ issa e da-e
Giove naschésini sas Oras e sas
Parcas; fit sa dea de s’órdine,
de sa leze e de sa giustìscia.
Témide O Temi (>).
Tènedo Isuledda de su Mare
Egeu, posta de fronte a sa
Tròade.
DITZIONÀRIU OMÉRICU
893
Tentredone Babbu de Proto,
gregu.
Terra O Gea (>).
Terrore Personificassione de
s’affogu ‘addinosu chi an sos
ómines in gherra, addaghi s’
‘iden pérdidos; fit créttidu fizu
de Ares, su deus de sa gherra.
Tersìlocu Gherreri troianu,
mortu da-e Achille in su riu
Xantu.
Tersite Su pius ascamile, feu
e aunzadore de sos gherreris
gregos recuidos a Troia.
Teseu (a) Antigóriu prìntzipe
e cumandante de su pópulu
de sos Làpites, sos chi si
distinghesin in sa gherra contr’a
sos Centàuros; (b) fizu de
s’antigu re de Atene Egeu.
Bocchesit su Mino-tàuru.
Tespròtzia Regione de
s’Epiru.
Tessàglia O Tessalea. Regione
de sa Grècia orientale,
accherada a su Mare Egeu,
dominada da-e sas montagnas
de s’Olimpu a nord e de su
Pindo a ovest.
Tessalea O Tessàglia (>).
Tessaleos Pópulu de sa
Tessàglia, alleados de sos
Gregos.
Tèstore (a) Fizu de Enope,
troianu; (b) babbu de s’indovinu
Calcante.
Teti (a) O Tétide (>); b)muzere
de Océanu.

Tétide O Teti. Fiza de su
deus marinu Nereu, muzere
de Peleu, mama de Achille.
Galu issa dea marina.
Téucro Fizu de Telamone e
frade de Aiace.
Téucros Àteru nòmene de
sos Troianos.
Teutrante Gherreri gregu,
mortu da-e Èttore.
Teutranu Babbu de Axilu,
nàschidu in Arisba.
Tìchiu S’artesanu chi contzesit
s’ispantosu iscudu de
Aiace Telamone.
Tideu Fizu de Eneu, re de
Argo, babbu de Diomede.
Tidide Fizu de Tideu:
Diomede.
Tieste Fizu de Pèlope e de
Ippodàmia, frade de Atreu,
babbu de Egistu, su miseràbile
mortore de re Agamèn-none.
Timbra Tzittade de sa Tròade,
a nord de Tròia, accurtz’a
su riu Tìmbriu.
Timbreu Gherreri troianu,
mortu da-e Diomede.
Tìmbriu Riu de sa Tròade.
Timete Majorale de Tròia,
amigu de Prìamu.
Timolo O Tmolo. Montagnas
de sa Lìdia a sud de Sardi.
Tisìfone Una de sas tres
Erinnes o Fùrias (>).
Titanos Fizos zigantes de
Uranu e de Gea. Séndesi ‘oltados
contr’a sos Deos pro con-
ANTONINU RUBATTU
894
chistare s’Olimpu, istesin domados
da-e su lampu de Giove
e impresonados in su Tàrtaru.
Titanu Monte de sa Tessàglia.
Titone Fizu de Laomedonte,
frade de Prìamu, maridu de
Eos (o Aurora).
Tmolo O Timolo (>).
Toa Una de sas Neréides.
Toante (a) Fizu de Andrèmone
e de Gorge, re e cumandante
de sos Etólicos; (b) re de
Lemno, fizu de Baccu e de
Arianna, babbu de Issìpile, sa
mama de Euneu; (c) gherreri
troianu, mortu da-e Menelau.
Tolemeu Babbu de Eurimedonte,
s’iscuderi de Agamènnone.
Toone (a) Troianu, fizu de
Fenope, mortu da-e Diomede,
frade de Xantu e de Forci; (b)
gherreri troianu, mortu da-e
Ulisse; (c) gherreri troianu,
mortu da-e Antìlocu.
Toote Soldadu gregu, iscuderi
e bandidore de Menesteu.
Tràcia Regione situada a
nord de su Mare Egeu, finas a
su Danùbiu e a su Mare
Nieddu.
Tracianos Abitantes de sa
Tràcia, alleados de sos
Troianos.
Trasimede Unu de sos sette
fizos màscios de su re de Pilo
Nèstore.

Trasimele Iscuderi de
Sarpèdone, lìciu, mortu da-e
Pàtroclo.
Tàsiu Gherreri troianu,
mortu da-e Achille in su riu
Xantu.
Trecu Gherreri de s’Etòlia,
mortu da-e Èttore.
Trezenu Babbu de Eufemu,
de sos Cìcones.
Tricca Tzittade de sa
Tessàglia, pàtria de Macaone.
Trio Tzittade situada in s’ala
settentrionale de su rennu de
Nèstore, a làccana cun s’Élide.
Tritone Riu de s’Àttica chi si
‘ettat in su lagu Copàide.
Tritonea Appellativu de
Minerva (o Atena), derivadu
da-e su riu Tritone, a Issa cunsacradu.
Tròade Sa regione de Tròia.
Troe O Troo. Fizu de
Erittóniu, nebode de
Dàrdanu, babbu de Ilo, de
Assàracu e de Ganimede; fundadore
de Tròia.
Tròia O Ìlio, Ìlion, Ilione
(>).
Troianos Sos abitantes de
Tròia e galu cantos cumbattesin
pro la difèndere.
Tróilu Valorosu fizu de
Prìamu, mortu prima de Èttore.
Tronante Appellativu de
Giove, mere soberanu de su
lampu e de su tronu.
DITZIONÀRIU OMÉRICU
895
Tronu ‘e gherra: Appellativu
de Marte, deus de sa gherra,
e galu de eroes lumenosos
comente Achille, Èttore e àteros.
Troo O Troe (>).
U
Ucalegonte Majorale troianu,
amigu de Prìamu.
Ulisse Fizu de Laerte e de
Anticlea, maridu de Penèlope
e babbu de Telémacu, re de
Ìtaca, eroe gregu abbistu e
valorosu che pagos. Omero
cumponzesit un’àteru immortale
poema dedicadu a Ulisse,
s’ODISSEA.
Uranu Maridu de Gea,
babbu de Saturnu, de sos
Zigantes e donnumannu de
Giove, Nettunu, Plutone, de
Temi e de àteros deos.
V
Vènere O Venus o Afrodite
(>).
Venus O Vènere o Afrodite
(>).
Vulcanu O Efesto (>).
X
Xantu (a) O Scamandru
(>); su nòmene cheret nàrrere
“da-e sas abbas grogas”; (b)

iu de s’Àsia Minore, chi
naschet da-e su Tàuro, a làccana
cun sa Lìcia; (c) fizu de
Fenope, frade de Toone e de
Forci, troianu, mortu da-e
Diomede; (d) caddu de Èttore;
su nòmene cheret narrer
“baju”; (e) caddu de Achille.
Z
Zéfiru Bentu chi sulat da-e
occidente, carradore ‘e tempus
bonu.
Zelea o Zèlia Tzittade de sa
Tròade, posta a pês de su
monte ‘e s’Ida.
Zeu, Zeus O Giove (>).
ANTONINU RUBATTU
896

INDICU
A mama . . . . . . . . . . . . . . . . . . . . . . . . . . . . . . . . . . . p. 3
Sa chistione omérica . . . . . . . . . . . . . . . . . . . . . . . . . . . . 5
CÀNTIGU PRIMU
Sa briga de Achille cun Agamènnone . . . . . . . . . . . . . . 9
CÀNTIGU SEGUNDU
Su sonnu de Agamènnone e sos Catàlogos . . . . . . . . . . . 43
CÀNTIGU TERTZU
Su duellu tra Pàride e Menelau . . . . . . . . . . . . . . . . . . . 87
CÀNTIGU CUARTU
Su traighimentu de sos Troianos . . . . . . . . . . . . . . . . . 115
CÀNTIGU CUINTU
Sas impresas de Diomede . . . . . . . . . . . . . . . . . . . . . . . 145
CÀNTIGU SESTU
Diomede e Glàuco - Èttore e Andròmaca . . . . . . . . . . 189
CÀNTIGU SÉTTIMU
Su duellu tra Èttore e Aiace Telamone . . . . . . . . . . . . . 219
CÀNTIGU OTTAVU
Sa battàglia accurtzu a sas naves . . . . . . . . . . . . . . . . . 249
CÀNTIGU NONU
S’imbasciada de sos Acheos . . . . . . . . . . . . . . . . . . . . . 281
CÀNTIGU DÉCIMU
Diomede e Ulisse isploradores . . . . . . . . . . . . . . . . . . . 319
CÀNTIGU UNDIGHÉSIMU
Sas impresas de Agamènnone . . . . . . . . . . . . . . . . . . . 349
CÀNTIGU DOIGHÉSIMU
Sa battàglia accurtz’a su muru de sos Acheos . . . . . . . 395

ANTONINU RUBATTU
CÀNTIGU TREIGHÉSIMU
Battàglia manna in su portu . . . . . . . . . . . . . . . . . . . . 419
CÀNTIGU BATTORDIGHÉSIMU
S’amorosu ‘ordinzu . . . . . . . . . . . . . . . . . . . . . . . . . . . . 461
CÀNTIGU BINDIGHÉSIMU
Sa disfatta de sos Acheos . . . . . . . . . . . . . . . . . . . . . . . 491
CÀNTIGU SEIGHÉSIMU
Valentias e morte de Pàtroclo . . . . . . . . . . . . . . . . . . . . 531
CÀNTIGU DEGHESSETTÉSIMU
Sas impresas de Menelao . . . . . . . . . . . . . . . . . . . . . . . 577
CÀNTIGU DEGHEOTTÉSIMU
Sas armas noas de Achille . . . . . . . . . . . . . . . . . . . . . . 617
CÀNTIGU DEGHENNOÉSIMU
S’ira asseliada . . . . . . . . . . . . . . . . . . . . . . . . . . . . . . . . 651
CÀNTIGU VINTÉSIMU
Sas valentias de Achille . . . . . . . . . . . . . . . . . . . . . . . . . 671
CÀNTIGU VINTUNÉSIMU
Bisestru mannu in su Scamandru . . . . . . . . . . . . . . . . 699
CÀNTIGU VINTIDUÉSIMU
Sa morte de Èttore . . . . . . . . . . . . . . . . . . . . . . . . . . . . 731
CÀNTIGU VINTITREÉSIMU
Sas onorántzias pro Pàtroclo . . . . . . . . . . . . . . . . . . . . 761
CÀNTIGU VINTIBATTORÉSIMU
Su riscattu de su corpus de Èttore . . . . . . . . . . . . . . . . 809
Ditzionàriu oméricu . . . . . . . . . . . . . . . . . . . . . . . . . . . 853

Finito di stampare nel mese di novembre 2005
GRAFICHE GHIANI Srl
S.S. 131 km 17,450 - Z.I. Monastir (Cagliari)