Download PDF - The National Assembly of Seychelles
Download PDF - The National Assembly of Seychelles
Download PDF - The National Assembly of Seychelles
Create successful ePaper yourself
Turn your PDF publications into a flip-book with our unique Google optimized e-Paper software.
(Interruption)<br />
HON DE COMMARMOND<br />
Be ou a koze epi Onorab<br />
Derjacques. Ou osi ou form<br />
parti sa bann……<br />
MR DEPUTY SPEAKER<br />
Proceed….<br />
HON DE COMMARMOND<br />
Mr Deputy Speaker ou vwar dan<br />
sa Lasanble nou’n vin plizyer fwa<br />
koze lo dir ki drwa imen, mon<br />
rode si sa bann dimoun ki tonm<br />
dan sa kategori ki Onorab<br />
Georges pe dir ki mosyon i<br />
esplike, si vreman zot in dir ki<br />
zot anvi antre dan en<br />
lenstitisyon. Si letan ou met zot,<br />
ou bezwen fors zot antre dan en<br />
lenstitisyon si ou pa pe vyol zot<br />
drwa imen. Sa osi i en issue.<br />
Mwan ankor ennfwa mon a<br />
kalifye ki mon pe dir.<br />
Cascade parey tou lezot<br />
distrik nou vwar nou fas a bann<br />
dimoun ki Onorab Georges in koz<br />
lo la. Nou pa pe dir ki i pa<br />
egziste sa bann dimoun nou. I<br />
kler, nou tou, nou popilasyon an<br />
antye i vwar sa bann keksoz ki<br />
egziste, sa bann dimoun i egziste.<br />
Me Cascade paregzanp mon<br />
annan en zenn fiy, son papa i dir<br />
li, i dir mon piti arete sa kalite<br />
lavi, vini asize la dan mon<br />
laboutik, zis asize, ou pa oule<br />
travay, ou pa oule isi, ou pa oule<br />
laba, ou annan 2 zanfan pou<br />
sonnyen, napa papa whatever.<br />
Napa problenm. Mwan ou papa<br />
mon’n debrouye asize la dan<br />
laboutik mon a pey ou - ou a<br />
okip ou zanfan. Ditou i pa oule,<br />
ditou i pa oule. Ou anmar li ou<br />
fer li asize la, i ava pourswiv ou,<br />
kont drwa imen.<br />
Mr Deputy Speaker nou<br />
gouvernman in kree en kantite<br />
lenstitisyon ki kapab deal avek<br />
sa bann kalite dimoun, bann<br />
problenm ki nou sosyete i pas<br />
ladan gras a osi devlopman.<br />
Napa en pei dan lemonn ki napa<br />
sa bann zafer la ki nou pe koze.<br />
Mon wonder ki kantite ki annan<br />
sa bann lenstitisyon ki Onorab<br />
Georges pe koze ki gouvernman<br />
ki pran tou sa. Me nou nou<br />
annan en kantite lenstitisyon,<br />
mon bann koleg avan in<br />
mansyonnen Mont Royal, Vilaz<br />
Prezidan, Fwaye de Nazareth, Ste<br />
Elizabeth, North East Point,<br />
Fiennes, you name it, en ta – si<br />
alor nou pran sa bann dimoun,<br />
nou kategoriz zot, nou pou vwar<br />
paregzanp ki plizyer i pou ale dan<br />
serten sa bann lenstitisyon. Me<br />
selman i annan lezot keksoz ki<br />
mon krwar nou pa pe regarde.<br />
Taler Onorab Lider<br />
Lopozisyon in mansyonn dan<br />
legliz. Wi, parfwa nou annan sa<br />
bann dimoun ki mon pa konnen<br />
kimanyer nou pou apel zot<br />
ennler. Per pe prese e lanmenm<br />
la i antre li e i vin koze, i vini i<br />
koze avek Per – konmsi parfwa i<br />
kapab fer ou vin emosyonnel<br />
ouswa whatever.<br />
Me selman nou poz nou<br />
lekor en kestyon osi, nou kree en<br />
lenstitisyon parey, gouvernman i<br />
a fer ankor enn apard sa ta ki<br />
nou annan, i al kree en<br />
lenstitisyon parey ankor nou pou<br />
met ladan en fou, en demi fou, en<br />
trwakar fou, enn ki prostitiye, en<br />
lot ki kas loto parey ou pe dir,<br />
27