Download PDF - The National Assembly of Seychelles
Download PDF - The National Assembly of Seychelles
Download PDF - The National Assembly of Seychelles
Create successful ePaper yourself
Turn your PDF publications into a flip-book with our unique Google optimized e-Paper software.
sa problenm e trouv en solisyon<br />
permanan. Parey bokou sosyete<br />
dan lemonn Sesel in rod fason<br />
pou ki dimoun rezete i ganny<br />
okipe. Depi lontan nou dimoun<br />
in adopte en sistenm foster care<br />
pou zanfan e bokou zanfan in<br />
grandi dan bann fwaye ere e stab<br />
avek sa ki nou apel en manman<br />
sonnyen. Koman noter, mon<br />
souvann fwa ganny demande par<br />
en madan pou fer en testaman e<br />
les en keksoz – en bout later<br />
paregzanp pou son piti sonnyen.<br />
Parfwa si en dimoun ki vin fer en<br />
lavant later e donn lazouisans<br />
son manman sonnyen. Sa bann<br />
keksoz set en temwayaz a sikse<br />
en sistenm ki’n ganny met an<br />
plas par nou sosyete pou rezourd<br />
nou problenm. En home grown<br />
solution parey nou kapab dir. E<br />
sa se meyer solisyon posib dan<br />
en pei. Se pou sa rezon ki okenn<br />
progranm sosyal ki vize ver<br />
proteksyon ouswa amelyorasyon<br />
lavi en dimoun i merit otan ki<br />
posib ganny fer par fanmiy<br />
limenm.<br />
Rol gouvernman se pou<br />
met striktir an plas me les<br />
lafanmiy okip zot prop dimoun.<br />
Lafanmiy i pli devoue e dimoun i<br />
pli alez dan en lanvironnman ki<br />
zot abitye avek. Nou’n ganny en<br />
legzanp sa fenomenn, pa tro<br />
lontan pase ler sistenm home<br />
carers ti ganny reformen e kot<br />
gouvernman in bezwen retourn lo<br />
son desizyon pou pa pey en<br />
manm lafanmiy pou okip en lot<br />
manm menm fanmiy koman<br />
home carer.<br />
Mon’n fer sa parantez Mr<br />
Deputy Speaker pou eksplike ki<br />
malgre ki nou ti ava kapab<br />
anvizaz en solisyon kot en manm<br />
fanmiy, enn sa bann dimoun ki<br />
sa mosyon pe koz lo la i ava<br />
ganny lasistans gouvernman pou<br />
pran swen avek zot dimoun<br />
ouswa kot en foster parent,<br />
oubyen en home carer i ava<br />
ganny peye pou fer li, sa pa pou<br />
marse dan tou ka. Si sa bann<br />
dimoun in ariv dan sitiasyon kot<br />
zot ladan, se presizeman akoz<br />
manm zot fanimy pa oule ouswa<br />
pa kapab deal avek zot ouswa zot<br />
napa en manm lafanmiy. Pou<br />
trouv en solisyon nou bezwen<br />
alor regard an deor lafanmiy.<br />
Mon mosyon i koz lo en<br />
lenstitisyon. Permet mwan pou<br />
dir o komansman ki mwan mon<br />
pa en gran gran fan lenstitisyon.<br />
Otan ki posib mon krwar dan en<br />
solisyon kot lafanmiy i annan<br />
premye devwar pou okip son<br />
dimoun. Me ler napa lot solisyon<br />
gouvernman i bezwen step in e<br />
pran son responsabilite. Mon’n<br />
reflesir bokou lo bann lezot<br />
solisyon posib, paregzanp en<br />
NGO ouswa en legliz ti ava kapab<br />
etablir en landrwa kot bann ki<br />
napa manze ti ava kapab vin<br />
pran en repa, en soup kitchen<br />
parey nou vwar dan diferan pei.<br />
Me mon pa krwar ki sa i en<br />
solisyon.<br />
Premyermman i ti pou ed<br />
sa detrwa dimoun ki viv dan<br />
zanmerant lavil me parey mon’n<br />
dir sa bann kalite dimoun ki<br />
bezwen latansyon i eparpiye dan<br />
tou nou bann distrik e i napa<br />
bokou zot. Alor en landrwa<br />
santral pa pou ed tou sa ki<br />
bezwen e enn dan sak distrik pa<br />
5
Change language