Premio Biennale di Poesia in Lingua Sarda “A pes de ... - Luigi Ladu

28
- Sezione A -
3° Premio
Disterrados
di Salvatore Murgia – Macomer
MOTIVAZIONE (di Paolo Pillonca)
In s’istrofe pius sarda de totucantas,
s’undighina, su poeta dat importu de vida e
alenu de poesia a una piae noa subra sas
carenas nostras: su disterru fortzadu de
pitzinnos de su tertzu mundu chi dae s’Africa
chircan in Europa trabagliu e paghe. Custos 44 versos cumproan, torra,
sa dignidade de sa poesia in sa denùntzia de una sotziedade malàida e de
unu mundu galu in chirca de libertade e de justìssia. Sa limba curret che
abba de trainu.
Da ue sempre in gherra
sun in su terzu mundu
a mizas fuen in chirca 'e fortuna.
Sos ch'arrivan a terra
e non ruen in fundu
de mare, agattan gherra un'ater'una.
Nemos lis dat amparu,
tenen solu riparu
suta s'ala 'e su sole e de sa luna.
Viven cun fele in coro
peus de cando fun in logu insoro.