Premio Biennale di Poesia in Lingua Sarda “A pes de ... - Luigi Ladu

Ma si 'ies solu infermidades
e ti rallegras de sos altrui malannos
attiras a tie calamidades
e vives peleande milli dannos.
Unu sorrisu non fettas mai mancare
a sos chi attoppas e a donzi criatura,
t'at a prenare su coro da iscoppiare
de làgrimas t'at a infunder sa figura.
Ma non ti 'enzada de giudicare
ne personas ne fattos ne cosas,
osserva su mundu e làssalu andare
po non regoller ispinas dae rosas.
Azzua su bisonzosu cun piaghere
senza ricumpensa aspettare
e una die as a prenare su carniere
a deghe 'oltas su ch'as lassadu andare.
Ma si lassas bìncher sa bramosia
de tottu su chi 'ies accuccurrare
una ebbia at a essere sa ia
in sa cosa, solu e meschinu, soffocare!
Ti lasso como amigu dilettu
tènelu in vista e no a sa cua
ca tottu cussu chi innoghe as lettu
pènsalu sempre cun sa conca tua.
77