Premio Biennale di Poesia in Lingua Sarda “A pes de ... - Luigi Ladu

po saludu intonan unu cantu.
Ammentande: "Non abbiate paura".
Sezione C Altre opere presentate
76
Pensare est creare
di Marcello Salaris – Bortigali
Ammenta tue caru lettore
chi sese solamente un'isprigu,
si mandas pensieros de amore
regolles abbundanzia de oro e trigu.
Ma a s'imbesse funzionada s'isprigu
e si de àstiu as prenu su core,
torrat insegus ne oro ne trigu
ma mancanzias e donzi dolore.
Si gentilesa mandas cun su core
s'universu ti dat sa ricumpensa;
che calamida attiras amore,
de gioias ti prenas sa dispensa.
Ma si s'òdiu lassas fermentare
e de issu ti prenas sa mente,
sa vida tottu s'at a boluzare
e as a fagher sa vida 'e pezzente.
Augura sempre salude infinida
a tottus sos amigos e ignotos,
sa tua incunza at' esser longa vida
rispettadu e amadu fra sos dottos.