…d'ora in poi tutti ti chiameranno BEATA - Suore di Carità dell ...

Kwa hakika moyo umesheheni shukrani. Tarehe 2 Oktoba, 2011
kule Ivrea, tulikuwepo hata sisi kuimba utenzi wa Bikira Maria,
wakati kitambaa cheupe kilichokuwa kimening’inizwa mbele ya
Altare kufunika Picha ya Mwenyeheri Mama Antonia Maria Verna,
kilipokuwa kinafunuliwa taratibu; lakini sisi tulikuwa kama
wawakilishi wa ule umati ulivo sehemu mbali mbali za dunia au
mbinguni ambao walifaidi ile zawadi kubwa ambayo Mwenyezi
Mungu ametukirimia hapa duniani.
Kwa hakika hapo tarehe 2 Oktoba, 2011, kulikuwa na “bahari ya
watu”. Umati huu ulimezwa na ule uzuri wa utakatifu wa maisha;
unyenyekevu unaookoa, uzuri unaobubujika kutoka kwa Kristo
Msulubiwa unaoenea kwa kila kiumbe kinachokubali mabadiliko
ya upendo wa Kristo Msulubiwa na hivyo, kuwa ni kielelezo cha
mwanga angavu wa kuwa mwema na mwenye furaha kwa ajili ya
Mwenyezi Mungu na kwa kuwa Mtakatifu.
Mama Antonia Maria Verna amepata wapi nguvu hii? Katika
maisha ya sala, sadaka na ushuhuda wa maisha. Dunia ina kiu ya
watakatifu, ya watu ambao wanang’ara kwa uwepo wa Mungu katika
maisha yao; ili kuzima kiu ya mwanadamu wa leo anayemtafuta
Mungu, uzuri wa maisha, ukweli na upendo mkamilifu.
Wito wetu kama wote waliochaguliwa katika Yeye ni huu “kuwa
watakatifu, watu wasiokuwa na hatia mbele zake katika pendo”²
Mama Antonia anatusaidia kwa sababu anafahamu njia za utakatifu,
maisha na uzuri.
1 Lk. 1:48
2 Ef. 1:4
SCIC
Gioia e festosi
saluti alla
fine della
celebrazione.
7