50 onns UMS

ils 14 da zercladur sepresenta l’uniun da musica ina ulteriura gada al radio
rumantsch.
La fiasta d’instrumentaziun nova dall’Uniun da musica sagogn ha liug ils 16 e
17 da zercladur.
duront la stad separticipeschan entgins musicants giuvens al camp jamnil da
musica per giuvenils dil cantun grischun.
duront la radunonza generala dils 20 d’october vegn Christa soliva eligida
sco emprema dunna en suprastonza. L’incarica da cassiera ademplescha ella
cun fetg bien maun duront biars onns.
1991
ils 19 d’october organisescha l’Uniun da musica sagogn l’emprema «Concurrenza
cantunala per solists e quartets d’instruments da stuors» (BsQW) a
sagogn. il musicant da sagogn remo Caminada separticipescha alla concurrenza
e daventa – cul meglier resultat dil di – campiun grischun ella categoria
dils solists juniors. La Brass Band eglisau embellescha quella concurrenza cun
in excellent concert da gala.
1992
ils 22 da mars organisescha l’Ums la radunonza dils delegai dall’Uniun cantunala
da musica dil grischun.
ils 21 da zercladur separticipescha l’Uniun da musica sagogn per l’emprema
gada ad ina fiasta da musica cantunala che ha liug quei onn a Favugn.
ils 24 d’october organisescha l’uniun la secunda «Concurrenza cantunala per
solists e quartets d’instruments da stuors» a sagogn. remo Caminada defenda
siu tetel da campiun grischun.
el decuors digl onn 1992 abdichescha Christian Caminada sco president
dall’uniun, quei suenter otg onns da fetg grond engaschi, entusiassem e fritgeivla
lavur en favur dall’uniun.
1993
remo Caminada e mathias Cavelti vegnan pri si sco emprems musicants
dalla Uniun da musica sagogn ella musica militara.
1994
duront igl «artg musical – sagogn suna e conta» dils 28 da matg suna l’Ums
al radio rumantsch.
a caschun dalla 40avla Fiasta sursilvana da cant a sagogn ils 29 da matg marscha
l’uniun cun pelerina ed accumpogna ils hosps d’honur al plaz da fiasta.
da miezdi vegn dau avon in grond pievel da fiasta in concert en tenda.
13