50 onns UMS

28
uniformaziuns, bandiera e bandierettas
damai che la cumpra d’instruments spossava bravamein la cassa dall’uniun ils
emprems onns da si’existenza, sto ella secuntentar ditg cun pliras uniformas
veglias da societads da musica dalla Bassa. Tenor il protocol dils 3 da mars
1962 ein las empremas 34 uniformas – cun tschiep e capiala, denton senza
caultscha – vegnidas schenghegiadas all’Ums dalla societad da musica schongau/LU.
ils 16 d’october 1965 vegn concludiu da cumprar ina bandiera e d’organisar
ina fiasta la primavera 1966 cun envidar entginas musicas vischinontas. il fatg
che neginas dallas musicas vischinontas dattan risposta a quell’invitaziun ei
strusch da capir. Persuenter coopereschan las societads da musica da Trin,
Lumbrein e sumvitg, ils tamburs da Laax, il Chor viril sagogn sco era l’Uniun
da gimnastica da sagogn.
La bandiera dall’Ums cun s. Columban sin in funs dorau cuosta rodund
2450.– CHF. ella vegn creada dalla fatschenta Heimgartner da Will/ sg tenor
ina skizza da Toni nigg ch’ei professer da dessegn alla scola cantunala a
Cuera. madretscha e padrin dalla bandiera daventan maria Catrina Cavelty-
Bacchini e scolast Paul Tschuor che vegnan pri si ell’uniun sco commembers
d’honur a caschun dalla radunonza generala dils 15 da november 1966.
igl onn da musica 1969/70 cumpra l’uniun in’uniforma veglia si da vilters. Las
32 uniformas cun tschiep, caultscha e capiala cuostan 600.– CHF. Per cumpletar
quella «nova» uniforma vegni cumprau cravattas cotschnas dil globus a
Cuera. La fiasta d’uniformaziun ha liug ils 15 e 16 d’uost 1970 a Fanaus sut
tschiel aviert. duront che la musica da vilters eri en acziun sin tribuna, seigien
ils musicants da sagogn serendi bein dabot ella cascharia veglia per sescumiar
e presentar silsuenter lur uniforma nova al pievel da fiasta.
igl onn 1974 regala la societad da musica meilen sia vegli’uniforma blaua
all’Ums. Cunquei che las caultschas ein onz largias, emposta l’uniun igl onn
sissu caultschas novas tier la Fabrica da ponn a Trun.
Pér igl onn 1981 cumpra l’Ums in’atgna uniforma dalla Fabrica da ponn Trun
e paga per quella rodund 25 000.– CHF. igl ei in’uniforma grischa che semantegn
bein duront bunamein 20 onns.
duront la radunonza generala dils 30 d’october 1992 communichescha il
president ch’in sponsur anonim paghi ina part dallas bandierettas da teila pils
portanotas da concert. il musicant sep vincenz sedeclara spontanamein
promts da surprender il rest da quei quen. otg onns pli tard paga el era ina
nova tschenta per purtar la bandiera dall’uniun.
igl onn 1999 sedecida l’Ums per in’uniforma nova. Quella gada eisi in’uniforma
nera che secumpona da caultscha e tschiep, camisch’alva e tschitta gaglia. giu-