50 onns UMS

evisTa 50 onns UniUn da mUsiCa sagogn 1961–2011
da silvio lechmann
Cuorta prefaziun
La fiasta da giubileum «50 onns Uniun da musica sagogn» ei raschun avunda
da schar repassar il vargau ed el medem mument caschun d’engraziar a tut
tgi che ha gidau e tgirau en ina moda u l’autra quella petga culturala da sagogn.
ei descha d’engraziar cunzun a tut tgi che ha susteniu l’uniun moralmein
e finanzialmein sco era teniu la dira en grevs temps.
La giubilara cun sias musicantas e ses musicants activs e passivs mereta pilver
ina cordiala gratulaziun. dapi in miez tschentaner s’occupescha l’uniun cun
bia slontsch ed idealissem per la tgira dalla cultura da musica instrumentala.
Che l’uniun ei stada activa documenteschan diversas fontaunas, oravontut ils
numerus protocols dall’uniun. sper in’entira retscha da concerts ha la musica
da sagogn embelliu biaras fiastas ed occurrenzas da tempra profana e sacrala
en e meinsvart era ord vischnaunca, cunzun els vitgs vischinonts senz’atgna
societad da musica.
igl ei secapescha buca pusseivel da menziunar en ina cuorta revista tut ils
eveniments dall’Uniun da musica sagogn dils davos 50 onns. ina elecziun ei
stada indispensabla. sapientivamein ein ils muments da legria stai el center
dalla revista – beinsavend ch’ei ha era dau da tschels.
fundaziun dalla societad da musica Valendau-sagogn (1958)
sin iniziativa da dr. martin Bundi ha ina gruppa da ver 10 giuvens da sagogn
entschiet a sunar igl onn 1958. era dalla partida fuva da quei temps circa in
tozzel musicants da valendau. Quels da valendau havevan dapi plirs onns
buca sunau pli. Lur instruments eran denton avon maun e biebein la mesadad
da lur musicants saveva aunc sunar. sulettamein quella circumstanza ha lubiu
da dar in’entschatta e d’instruir ils musicants novs da sagogn. Las emprovas
havevan liug ina gada per jamna – alternont a valendau ed a sagogn.
sut la direcziun da dr. martin Bundi sepresenta la societad da musica
valendau-sagogn ils 14 da matg 1961 alla 8avla Fiasta da musica sursilvana
a Trin cul marsch «im engadin» dil cumponist a. Bucher e cul toc da concurrenza
«antigone – ouverture» da J. van gohr.
malgrad tut entusiassem davart ils musicants ein ils emprems treis onns difficils.
encunter la fin digl onn 1961 decidan ils musicants da sagogn da cunti-
7