50 onns UMS

36
pusseivel cun atgnas musicantas ed agens musicants, mo mintgaton selubescha
ella da vegnir sustenida da conmusicants d’autras musicas.
normalmein vesan las suprastonzas ed – en special – ils dirigents las schanzas
che la participaziun a fiastas e concurrenzas da musica offereschan. in dirigent
ch’ei fiug e flomma e che capescha d’entusiasmar sias musicantas e ses musicants
sa svegliar tier quels la veglia per in engaschi supplementar ed il plascher
da sepreparar intensivamein sur pli liung temps sil di da fiasta. ina tala preparaziun
porta pil pli buca mo fretgs musicals. duront quei process intensiv
sedatti savens la caschun da passentar dapli uras da cumpignia e da sviluppar
e tgirar aunc meglier in bien spért da cuminonza. Quei ei stau d’observar pli
ch’ina gada tier l’Uniun da musica sagogn. ils numerus success musicals allas
diversas fiastas da musica ein denton cunzun era d’attribuir a biars commembers
e biaras commembras che han susteniu e promoviu l’uniun e ses ideals
constantamein sur biars onns. igl ei incontestabel che las musicantas ed ils
musicants dall’Uniun da musica sagogn ein premurai, disciplinai, talentai e fetg
loials enviers lur musica dil vitg. Quei vala era per tals che sunan – ni han
sunau – en formaziuns regiunalas, cantunalas ni en autras societads da musica.
28-6-1997: Fiasta da musica cantunala a Tavau
ir sin fiasta ei era impurtont per musicantas e musicants giuvens. L’emprema
fiasta da musica en cumbinaziun cun in bien resultat effectuescha savens
in’euforia che sa motivar da luvrar vinavon seriusamein.
grazi’allas circumstanzas suranumnadas eisi stau pusseivel all’Ums da separticipar
a tuttas fiastas da musica sursilvanas /districtualas, cantunalas ed a
duas fiastas federalas dils davos dus decennis e da guder ils divers beinvegnis
nunemblideivels a sagogn suenter quellas fiastas. en quei liug in grond engraziament
alla populaziun dil vitg da sagogn. mintga plaid da beinvegni fa bein
– en muments da gronds e da pigns success musicals.