50 onns UMS

32
suenter quella fiasta plein success musical retuorna l’uniun la dumengia sera
a sagogn e vegn beneventada dallas uniuns dil vitg. ei suonda ina nunemblideivla
fiasta tochen la damaun marvegl. nuotatonmeins hai num suenter
cuort ruaus per dirigent e scolast silvio da serender en stanza da scola, quei
malgrad l’offerta beinmanegiada da ses scolars la sera avon: «Nus dalla 5. e 6.
classa gratulein, damaun haveis Vus liber!»
ils 24 d’uost 1996 fa l’uniun in’excursiun historica naven dil vitg giu spalius, ella
val mulin tochen alla ruina schiedberg. Leu vegn festivau entochen viaden ella
notg. entgins musicants ed entginas musicantas dorman en tenda silla rui na e
laian gustar in bien solver l’autra damaun.
ils 30 d’uost 1997 meina in’excursiun l’Ums danovamein ora silla ruina schiedberg.
ll motto secloma: «avon 1000 onns».
30-8-1997: L’Uniun da musica Sagogn avon canzlia communala
ils 12 entochen ils 14 da zercladur 1998 serenda l’uniun ella regiun da delémont.
Cun carr e cavagl va ei sur pastiras ed atras uauls.
ils 3 da settember 2002 passenta l’uniun in di hilaric silla ruina schiedberg.
ils 21 e 22 da zercladur 2003 meina in viadi da dus dis alla cascada dil rein. ils
commembers e las commembras dall’uniun van cun barca dil rein giuadora,
grilleschan sin in bein puril a rüdlingen ed exequeschan leu differents sports
da sittar. ei vegn durmiu e tschenau el Hotel rheinfall. Tscheina, dormitori
ed il «Buurezmorge» sil bein puril a Trasadingen vegn strusch enzatgi ad
emblidar aschi spert.
ils 3 da settember 2005 ha l’excursiun «Wilder Westen» liug a Planezzas sut.