IPI (68) - Esperantic Studies Foundation

8 Diversaĵoj
8.1. Du ekspozicioj pri komunikado en Berlino
Dum la lastaj du jaroj en Berlino okazis du interesaj ekspozicioj, dediĉitaj al lingva komunikado.
La unua troviĝis sur la motorŝipo “Scienco”, kiu albordiĝis de 5-a de junio ĝis 7-a de
oktobro 2007 ĉe Schiffbauer Damm, ĉe la rivero Spree, meze en Berlino. La moderna ekspozicio
pri la temo “Lingvo estas pli ol vorto” prezentis i.a. la temojn komunikado, lingvoj de la mondo,
lingvoŝanĝo, sekretaj lingvoj ktp. Eĉ la klingonan oni menciis, sed nenio troviĝis pri la problemo
de internacia komunikado kaj pri universalaj lingvoj.
La dua okazis de 23-a de aprilo ĝis 5-a de oktobro 2008 en la Muzeo pri Komunikado kaj
prezentis riĉan materialon pri la temo “Miskomprenoj, falŝtonoj de komunikado”. Kvankam
ankaŭ tie oni ne traktis planlingvojn, tamen en la eksterordinare riĉe ilustrita kaj interesa katalogo
troveblis bona ĉapitro de la direktoro de la Esperanto-Muzeo Vieno, Herbert Mayer, kun la temo
“Esperanto – ĉu oni entute povas paroli ĝin?” (p. 94-95).
Jen la katalogo:
Missverständnisse. Stolpersteine der Kommunikation. Heidelberg: Edition Braus, 192 S. (reich
illustriert), ISBN 978-3-89904-311-2.
8.2 Aŭskulti Occidentalo- Interlingue-n?
Se iu volas aŭdi Occidental-Interlingue el la buŝo de angle parolanto, jen specimeno:
http://video.google.com/videoplay?docid=7224079108197545268&hl=en
8.3 Kiu tradukis la dokumenton? Redakta informo
En numero 64-a de IpI ni publikigis la ampleksan rezolucion de Unuiĝintaj Nacioj pri Plurlingvis
mo (p. 20-24). Al mi ne estis klare kiu tradukis la dokumenton. Intertemp mi eksciis, ke la
dokumenton tradukis Daniela Tagliafico, ĝin reviziis Renato Corsetti.- Red.
8.4 Publicaĵoj de Andreas Künzli
1 Aktuala listo de publicaĵoj de la konata svisa interlingvisto, Andreas Künzli, troviĝas jene:
http://www.planlingvoj.ch/files/BIBLIOGRAFIO_KUENZLI_ARTIKOLOJ-2007.pdf
2 Sub www.plansprachen.ch ankaŭ troviĝas la konsiderinda eĥo, kiun trovis la verkego de
Künzli pri la universalaj lingvoj en Svisio.
______________________________________________________________________________
Eldonas: Centro de Esploro kaj Dokumentado pri Mondaj Lingvaj Problemoj (CED) ĉe Universala
Esperanto-Asocio (UEA), Nieuwe Binnenweg 176, NL-3015 BJ Rotterdam, Nederlando.
www.esperantic.org . ISSN 1385-2191. Redaktas: Detlev Blanke, Otto-Nagel-Str. 110, DE-12683
Berlin, tel.:+ 49-30-54 12 6 33, fakso:+ 49-30-54 98 16 38, detlev@blanke-info.de. Mendu nur ĉe
UEA. Kontribuojn sendu nur al la redaktoro, per retpoŝto aŭ sur diskedo/KD. Artikoloj sen indiko
pri aŭtoreco estas de la redaktoro. Represo kun fontindiko permesata. Bv. sendi pruv-ekzempleron.
Estas bibliografiataj ĉefe viditaj materialoj. Bv. sendi ilin al la redaktoro. Kunlaborantoj el ĉiuj
regionoj de la mondo bonvenas. Por fakuloj IpI estas senpage ricevebla ĉe C.O. de UEA.
40