IPI (68) - Esperantic Studies Foundation

13. Esperanto kiel arta esprimilo (aparte: lingvo de literaturo)
14. La lingvo-komunumo de Esperanto I: Historio (inkl. persekutoj, laborista movado k.s)
15. La lingvo-komunumo de Esperanto II: Aktualaj strukturo kaj evoluproblemoj
16. Teoriaj kaj sciencorganizaj problemoj: Pri Esperantologio.
La unuaj du prelegoj montriĝis aparte gravaj. Ili informis la studentojn pri la celo kaj enhavo de
la tuta kurso. Laŭ tio la aŭskultintoj povis elekti, ĉu la temaro entute interesas ilin aŭ ĉu ili
eventuale miskomprenis la temon ktp. Do, iuj ne revenis, aliaj aldoniĝis.
Ĉiukaze ankaŭ tiuj, kiuj ne revenis pro manko de intereso aŭ aliaj kialoj (teknikaj, ĉar koliziis
kun aliaj prelegoj k.s.) jam vole nevole estis ricevintaj enkondukon en la temaron.
5 Instru-subtenaj materialoj
En la germana lingvo ekzistas sufiĉe da sciencaj publicaĵoj pri interlingvistiko (vidu aldonaĵon I).
Do la studentoj havis relative facilan eblon pluenprofundiĝi en la temojn.
Ĉiuj studentoj ricevis diversajn, aparte preparitajn materialojn, depende de la unuopaj prelegoj.
Al tio apartenas baza bibliografio, diversaj skizoj, specimenoj de planlingvoj k.a. Mi kutime
prelegas libere, do nur laŭ notoj kaj sen preparita teksto, prezentante multajn foliojn per tagluma
projekciilo (retroprojekciilo, “overhead” ). Por kutima kurso (16 semajnaj prelegoj po 90minutaj)
mi aplikis 500 – 800 foliojn. Mi fojfoje ankaŭ uzis vidbendojn kaj sonbendojn (vidu sub
4, prelego 6.).
6 Konklude
Ja gravas enkonduki interlingvistikajn temojn kaj Esperanto-kursojn en la mediojn de
universitatoj kaj altlernejoj. La prelegantoj aŭ kursestroj prefere estu agnoskataj sciencistoj aŭ
esperanto-parolantoj kun certa akademia kleriĝo.
Depende de la universitataj cirkonstantoj, de la “lobiuloj” ene kaj ekstere de la universitatoj kaj
depende de la disponeblaj fakuloj, la ŝancoj enkonduki la fakojn estas malsamaj. Kadre de
interlingvistikaj kursoj sendube Esperanto havos la merititan lokon, almenaŭ kiel lingvistika
fenomeno. Tamen, ĉe Esperanto-kursoj ne ĉiam estas klare, kiom da sciencaj informoj donas la
kursestro. Verŝajne necesus helpi la kursestrojn, konsideri tiun demandon. En la superrigardo de
Germain Pirlot pri Eo en universitatoj por 2008 ĉe entute 68 kursoj nur en 15 kazoj menciitas
interlingvistiko, planlingvoj, lingvo-politiko ks.
(vidu:http://uea.org/agadoj/instruado/universitatoj.html >).
2.2 Nova jardeko de Interlingvistikaj Studoj en UAM
La nuna septembra sesio (2008) de la Interlingvistikaj Studoj (en la Universitato Adam
Mickiewicz, Poznano) estis escepta, ja kompletiĝis la unuaj 10 jaroj. La evento estis festata per
internacia simpozio pri la Lingvistikaj kaj kulturaj aspektoj de interlingvistiko (18-19.09), kiun
partoprenis 85 homoj el 22 landoj (programo kaj raporto: http://www.staff.amu.edu.pl/~interl/) 5 .
Ĉeestis ankaŭ la gvidantoj de la universitato kaj esprimis sian kontenton.
Parto de la tria grupo plenumis sian finan ekzamenon post 3-jara studado prezentante sian
diplomlaboraĵon. Gratulojn al Marc Bavant (La viva genro preter akordo. Interagoj de semantiko
kun sintaksa rolmarkado, Francio); Kirilo Brosch (Vortfarado el la vidpunktoj de la
5 Vidu la raporton en IpI 67 (4/08), p.28-29.
8