Plata de chemun 5/2011 - Pentagon

More documents

Recommendations

Info

Cunsëi de chemun Monte Pana à śën n masterplan Ai 14 de nuvëmber 2011 se à l cunsëi de chemun de S. Crestina ancuntà per si penultima senteda de chemun de chëst’ann. L cunsëi de chemun ova n iëde da se dé jun cun trëi dumandes dla Lista zivica che ova da nfé cun la GherdëinaLat, cun l lift de Pana y cun l quorum pra l referendum. Daldò jevela de dé pro doi variazions de bilanz y deplu mudazions al plann urbanistich chemunel. Do se avëi dat ju cun l regulamënt di marcei y l regulamënt dla tofles sun streda à l cunsëi mo dat pro l masterplan per Monte Pana. Tlo dessot pudëis liejer la dezijions de majera mpurtanza: GherdëinaLat La Lista zivica se à damandà coche la ie jita a finé cun la GherdëinaLat, tant che l chemun de S. Crestina à spendù ite tla GherdëinaLat y sce n rata de giapé mo de reviërs velch de chisc scioldi. L Chemun de S. Crestina ova na partezipazion tla GherdëinaLat de 46 cuotes da 3.000,00 Euro l’una (de ndut ova l chemun metù ite 138.000 Euro). De fauré 2011 à la GherdëinaLat dat pro à n concordat preventif, scunjaran nscila de messëi jì n concurs. I avëies dla GherdëinaLat ne à nia bastà per paië ju duc i debic che la GherdëinaLat ova de vieres dla firmes che à fat su l fabricat, di dependënc y di paures che à menà l lat. Davia che l ne ie degun avanz de scioldi ne giaperà nce l chemun de S. Crestina – unfat sciche i autri chemuns de Gherdëina - nët nia per si partezipazions tla GherdëinaLat. Per cie che à da nfé cun la destinazion urbanistica dl fabricat ie unì dit che chësta resta chëla de raion produtif, unfat sciche dant. Lift sun Pana Te na segonda nterogazion se damanda la Lista zivica tan inant che ie l proiet de spusté l lift de Pana. L ambolt à respendù che la cunzescion dl lift da sën jissa mo inant per 13 ani. Coche n sa à l patron dl lift damandà de pudëi spusté la trassa dl lift plu inite, a na moda che l piëssa via ta Ruacia y ruvëssa su dlongia l Hotel Cendevaves. Danter la jonta de chemun y l patron dl lift ie stat ntan chësc ultimo ann ngrum de ancuntedes y n ie tl lëur de stlarì i ponc per abiné n consens sun duta la tematighes che à da nfé cun l spustamënt dl lift. Per cie che à da nfé cun la trassa dl lift ie l cunsëi de mascima a una che la stazion a val vënie spusteda ite nchin ta Ruacia. Tl l medemo mumënt ie da pensé a n miëur cunliamënt danter Ruacia y l zënter Iman, ulache l ie sun mëisa la idea de realisé al’autëza dl zënter Iman n puent sëura l ruf de Ncisles y dlà (ti prei da Ruacia) n lift dai schi. D’instà dëssa passé da iló ite n troi che pò unì adurvà da duc. Per cie che à da nfé cun i posã da lascé i auti ie unida ora la minonga che l fossa drët realisé na garage adateda ai bujëns danter la stazion a val dl lift che ruva sun Sochers y l lift nuef de Pana. Oradechël à l chemun nteres che l vënie fat n purtoi dai schi da Pana ju. Sibe pra l lift che nce pra l purtoi iel da cialé che i vënie realisei tenian cont dl ambient y dl cialé ora dla cuntreda. N discussion ie mo la regualmentazion dl trafich sun Pana y la dumanda sce realisé n raion turistich (hotel) pra la stazion a mont. N spera de pudëi stlarì proscimamënter i ponc daviërc y de ruvé a una cun l patron. D’instà ova pona nce la sozietà Saslong S.p.A. prejentà na pruposta per spusté l lift de Pana. Chësta proposta udova dant che l lift piëssa via ti prei dl “Schneider”. L chemun de S. Crestina à nvià nce chësta sozietà a lauré ora miec si proiet (purtan ite la trassa per l purtoi, i posã da lascé i auti, n plan de finanziamënt), ma la Saslong S.p.A. à respendù de ne ulëi nia lauré inant sun n proiet che ne unissa dadedò povester nianca azetà da pert dl chemun. Mozion n cont ala reduzion dl quorum dla partezipazion al referendum a livel chemunel L art. 40 dl statut chemunel regulamentea l referendum populèr a livel chemunel. N referendum populèr vën a se l dé te nosc PLATA DE CHEMUN 1 2 3 4 5 6 7 8 9 10 11 12 13 14 15 16
luech sce l ie almanco l 10% di zitadins (che à l dërt de lité) che se l damanda. L resultat dl referendum nstëss vel bën mé sce almanco l 50% di zitadins fej pea. La Lista zivica à damandà de mudé ju l statut chemunel y de arbassé l quorum dal 50% al 25%. Aldò de chësta proposta valëssa l resultat dl referendum bele sce almanco n chert di zitadins respuend ala dumanda dl referendum. Te Südtirol a feter 40 chemuns udù dant n quorum sot a 50%. Urtijëi, per ejëmpl, ne vëija dant degun quorum, iló vel l referendum, unfat tanc che à fat pea. Ntan la discuscion ie danter l auter unì dit che a S. Crestina ie bele l quorum per se damandé n referendum (l 10% de chëi che à l dërt de lité) plutosc bas. Nscila à l cunsëi de chemun fat ora de lascé l quorum sciche l fova nchinamò dijan de no ala mozion dla Lista zivica. Terza y cuarta mudazion al bilanz L cunsëi de chemun à dat pro a doi mudazions al bilanz. Tla doi tabeles tlo daujin ie da udëi coche unirà adurvei y scioldi. Mudazions al PUC Terza mudazion al bilanz De majera ntredes Chëuta per adurvé grunt publich (Tosap) 5.500,00 € De majera spëises Spëises per prozesc dan suneria 5.000,00 € Cuntribut al Sci Club Gherdëina per cumpré n minibus 500,00 € Per l mplant nuef da sciaudamënt per la cësa dal sport, 140.000,00 € la scola y la vedla scola mesana Per cumpré chips da mëter sun i chibli dal refudam 40.000,00 € Spëises per mudé ju l Plann urbanistich (Rodaval, str. Cisles) 7.300,00 € Spëises sëurapro per mudé ju l plann dl cumerz (Studio Giovanelli) 330,00 € De mëndra spëises Per la streda Bënunì che cunlieia l rondel cun l zënter Iman 187.630,00 € CUARTA mudazion al bilanz De majera ntredes Tres la chëuta ICI 12.697,00 € De majera spëises Per puzené i ufizies de chemun (aumënt dl’IVA) 50,00 € Spëises per mandé via y scudì la straufonghes 1.300,00 € Per puzené la scolina (tres l aumënt dl’IVA) 34,00 € Cuntribut straordinèr ala scola Mesana S. Crestina - Sëlva 810,00 € per l viac di sculeies al Haus des Wassers Cuntribut al chemun de Urtijëi per l servij de mensa per i sculeies 3.500,00 € Per puzené la bibliotech (tres l aumënt dl’IVA) 3,00 € Per la manutenzion ordinera dla palestra 2.000,00 € Per la manutenzion dl Unimog 2.000,00 € Cuntribut straordinèr ala Caritas de S. Crestina 3.000,00 € Per baraté ora la tofles sun la stredes y per la 50.000,00 € manutenzion straordinèra de stredes Per cumpré na ponta electrisc 1.200,00 € Per seguré l rone tl raion Palua do che ie unì ju sasc 20.000,00 € De mëndra spëises Per la streda Bënunì che cunlieia l rondel cun l zënter Iman 96.200,00 € a) Cësa Cunstantin Bele te si ultima senteda ova l cunsëi de chemun dat n bënsté positif per spusté la cubatura dla cësa Cunstantin (“Villa Vittoria”). Tla senteda da sën à l cunsëi de chemun fat ora definitivamënter de tò ora la cësa “Villa Vittoria” dal raion dal fabriché y de destiné l grunt iló sciche vërt agricul. L patron dl grunt, la sozietà Rabensteiner Bau, à ntenzion de zaré ju la vedla cësa y de spusté la cubatura ora Coi, ulache la sozietà à bele n tòch de grunt. Per senté ite miec la cubatura se damanda la Rabensteiner Bau de cumpré ju dal Chemun mo n tòch de grunt chemunel. De ndut se à la firma Rabensteiner damandà feter 600 m² de grunt. L cunsëi de chemun à dat n bënsté de mascima per vënder ala Rabensteiner Bau nchin a 600 m² de grunt. L ti ie unì metù dant che duta la cubatura de 850 m³ muessa unì cunvenzioneda al 100% y realiseda mé te un n fabricat. b) Streda Cisles Dl 2012 ulëssa l chemun de S. Crestina jì inant cun i lëures per l tretuar tla streda Cisles. L proiet vëisc dant che l tretuar vën slungià su nchin sa puent da Cinions (Bucinea). Per pudëi scumencé cun i lëures vala de purté ite la streda Cisles tl plann urbanistich chemunel sciche streda chemunela tip B cun na larghëza nchin a 5 m y n tretuar nchin a 1,5 m lerch. L tòch de grunt sot ala hitia de lën sarà da moinla nia plu purtà ite sciche post publich da lascé i auti, ma sciche plaza privata da lascé i auti. Iló dessot resterà mpo mo trëi luejes publiches da lascé i auti. Oradechël à l cunsëi de chemun fat ora de mëter a post nce la streda che ruva via pra la cëses “Everest” y “Olympic” y de finé via nscila n stritoz dan suneria. c) Luech da Ciablon Per mantenì l luech de Ciablon ova l chemun stlut ju na cunvenzion urbanistiga cun i patrons. Aldò de chësta cunvenzion dëssa l luech resté coche l ie. La cubatura che ie iló dëssa unì spusteda iló dessëura danter la cësa “Melodie” y la cësa “L Ciabot”. Te chësc post à l cunsëi de chemun fat ora de purté ite tl plann urbanistich chemunel n raion residenziel C2. De ndut à chësc raion residenziel nuef na spersa de 538 m² y l sarà mesum realisé na cubatura de 700 m³ (convenzioneda al 100%). PLATA DE CHEMUN 1 2 3 4 5 6 7 8 9 10 11 12 13 14 15 16
Page 1: Plata de Chemun Plata de nfurmazion
Page 5 and 6: Assemblea dei cittadini 2011 Attivi
Page 7 and 8: Tourismusentwicklungskonzept 400 zu
Page 9 and 10: Jugend Jungbürgerfeier: Endlich vo
Page 11 and 12: Ulentariat culturel Uneranza per Em
Page 13 and 14: Cultura y Ert N monumënt de bront
Page 15 and 16: Concessioni edilizie rilasciate nel

Plata de chemun 5/2011 - Pentagon

Create successful ePaper yourself

Delete template?

Save as template?