Spassegio cultural tras vischnanca - Savognin

Nr. 3: Tga digls Netzers
Nr. 4: Igl mulegn vigl
Tga digls Netzers
Uriundamaintg consistiva igl bietg or d‘ena tor d‘abitar tgi è
neida angrondaneida adegna puspe. Aglmanc ena part dalla
tga era da lagn e pi tard ègl nia tratg se en meir, chegl tg’è
visibel ve d‘ena fanestra pitschna sen la fatscheda cunter igl
stradung ed er aint igl intern. La tga tgi vasagn oz datescha
digl 1643. Remarcabel è igl bietg scu tal, igl prezious isch-tga
baroc, las belas decoraziuns e l‘inscripziun tudestga:
«Der die Buchstaben mit lesen will,
so lese er bey ihm in aller still,
und thue auf die augen guet,
dan er ein narr verbleiben thuet»
Igl mulegn vigl
L‘ava digl ual Davos Flex fascheva eir la roda-mulegn, sarviva
a dus pastregls, matteva an funcziun igl martel grond d‘ena
fuschigna aint igl clavo digl hotel Piz Mitgel e las maschinas
dalla scrinareia Uffer alla veia Caross. Igl muliner, Mitgel
Netzer, ò mess an func ziun igl mulegn per la davosa geda igls
2 d’avregl 1991. Pi bod davigl anc dus ulteriours mulegns alla
riva dalla Gelgia.
Igls pastregls tgi èn nias duvros anfignen aint pigls onns
tschuncanta sarvivan per far glischiva e per far pang. Seis da
chels pastregls eran da cuminanza, numnadamaintg chels da
Sur Ual, Son Mitgel, Naloz, Sot Curt, Sur Curt e Sur Tocf. Siva
davigl anc singuls pastregls tgi appartignivan a privats.
Schi traversagn la Gelgia vasainsa da mang dretg digl punt la
lengia tgi magna igl latg dall‘alp Tarvisch an caschareia.
Suler
L‘inscripziun tudestga demossa tg’igl rumantsch niva sotvaleto
da lez taimp, principalmaintg tar gliout pi nobla. U ègl
forsa en‘ovra d‘en mester da glianga tudestga? Aint igl intern
cattainsa blers salvs cun bels arviouts, mobiglia custevla,
installaziuns e decoraziuns da diversas epocas. Igl 1977 è la
tga, tgi n‘era betg ple abitada, neida renovada ed adattada schi
gliunsch scu pussebel agls basigns d‘abitar dad ozande.
Mulegn, pastregl e scrinareia ca. 1900
– 8 – – 9 –