novembar 06-1 - La Patrie dal Friûl

16 | LA PATRIE DAL FRIÛL | NOVEMBAR 2006 |
[ TES SCUELIS DE PATRIE ]
Il mestri Giorgio
Pascoli cui fruts
di Feagne
furlan tal istitût comprensîf di Feagne:
TRA PLURILINGUISIM
“Une lenghe e vîf
se cun jê si fasin
robis bielis” (F. Fabbro, 2005).
Fâ insieme, par furlan, “robis bielis” cun grande sodisfazion.
Cheste e je stade la idee che e à sostignût lis
propuestis che tai agns a àn caraterizât i Progjets di
furlan dal Istitût Comprensîf di Feagne.
I insegnants a àn simpri vût iniment che i contignûts
che a vevin di passâ cu la lenghe (e che a son i elements
di fonde des abilitâts superiôrs), a vevin di jessi
significatîfs e rindi atuâl l’insegnament de lenghe furlane.
Su cheste fonde a àn rivât a insiorâle, a incressi il
so ricognossiment e a svilupâ lis competencis comunicativis
dai arlêfs (Orientaments pe aplicazion de Leç
482/99).
Si à di dî che intal POF (la “cjarte di identitât” de
Scuele), une part dai cetancj Progjets e ativitâts che a
vegnin proponûts ai fruts, a rivuardin il svilup e l’insiorament
des ativitâts linguistichis, sedi pal talian che
pes lenghis forestis (inglês, francês, todesc).
In cheste sfere a van metûts ancje i Progjets leâts ae
lenghe furlane, che a intindin rinfuarçâ la identitât
culturâl di cui che al è nassût achì, dâ cognossince
e facilitâ la integrazion a ducj chei altris, intune
logjiche di plurilinguisim e acetazion dal
difarent.
Tai agns i arlêfs a àn sperimentât che ancje cu la lenghe
furlane, come cun dutis chês altris lenghis, si pues
esprimi cualsisei contignût culturâl e dissiplinâr, e si
pues dâ une leture dal mont di vuê, tant che une des
tantis pussibilis.
Dentri dal Progjet di Istitût “Parlare, conoscere e
apprendere in friulano”, coordenât de mestre Ornella
Piccoli e sostignût cun convinzion e traspuart dal
Dirigjent scolastic dotôr Lieto Molinaro, si disvilupe la
progjetualitât des trê Scuelis de infanzie, des trê
Primariis e de Scuele secondarie di prin grât.
Ducj i Progjets a tratin tematichis che a rivuardin il
teritori sot l’aspiet gjeografic, storic e antropologjic.
Salde e je stade la colaborazion cu lis Aministrazions
Comunâls e lis Associazions culturâls, une vore ferbintis
sul teritori.
Intes Scuelis de Infanzie a son stadis metudis adun
esperiencis une vore significativis, che a riprendin
contignûts culturâi leâts aes storiis, aes tradizions, al
mût di vivi di îr e di vuê. Un grum preseade e je stade
la publicazion dal librut ”Impie la cjandele, scolte,
piture…fevele!” che e documente un Progjet (metût
adun cul jutori dal mestri Giorgio Pascoli) che al
intindeve svicinâ i fruts ae cognossince de lenghe furlane
midiant il lengaç dai colôrs. Un grum impuartantis
a son stadis ancje lis esperiencis des Scuelis
Primariis; in gracie dai
Progjets inmaneâts
des mestris, i fruts
a àn scuviert
tradizions e
fiestis di
altris