novembar 06-1 - La Patrie dal Friûl

8 | LA PATRIE DAL FRIÛL | NOVEMBAR 2006 |
FRIÛL
CÛR DE
EUROPE
La nestre Patrie crosere di
popui e minorancis, tantis di
lôr presintis sul teritori, e pues
jessi model par une Europe di
integrazion des identitâts.
La Europe daûr dai principis normatîf
in vore vuê e à di jessi unide
te diviersitât. Un struc une vore
significatîf di chest principi al è te
nestre regjon, li che si cjatin adun
intun unic teritori, unic câs intal
Vieri continent, lis trê culturis europeanis:
chê latine, chê gjermaniche,
chê slave. Si à di superâ chel concet
di unitât te omogjeneitât che al jere
e al è tipic di un ciert nazionalisim
dal secul passât che, par dîle come
Manzoni, al voleve viodi ancje la
Italie “una d’arme, di lingua, d’altare”,
une idee che no à reson di jessi
ni te nestre Europe plurilengâl ni
tal nestri stât talian ni soredut tal
nestri Friûl, di gnûf tal cûr de
Europe. La nestre tiere e à duncje
un valôr di plui, stant che o podìn
cence pôre dî che plui lenghis al
significhe plui Europe, cuintri chel
Cunvignis, concierts e
mostre dai materiâi
produsûts in marilenghe.
Chest an il program
des “Zornadis
europeanis des lenghis”
al è stât une vore siôr.
Achì in bande il poster
cul program de manifestazion
inmandeade de
Universitât dal Friûl
(Centri interdipardimentâl
di ricercje su la
culture e la lenghe dal
Friûl e Centri internazionâl
sul plurilinguisim),
Regjon Friûl
Vignesie Julie, Provincie
di Udin, Comun di
Udin.
procès di unificazion gjeopolitiche
dal Stât che al è lât adun cuntune
azion fuarte e sistematiche di
omogjenizazion culturâl e linguistiche
che e à fât cuintri e cirût di eliminâ
dutis lis diviersitâts.
Il plurilinguisim e la diviersitât linguistiche
tipics de nestre regjon a
son no dome un valôr, ma ancje un
dirit di tutelâ, di difindi in maniere
ative, ancje parcè che al è dimostrât
che intune realtât li che si fevelin
plui lenghis (ancje chês minorizadis,
come il furlan) al devente plui facil
che si disvilupin chei procès neurologjics
che a permetin ai fruts di
imparâ cun plui facilitât ancje chês
altris lenghis forestis. Duncje par
sierâ, si pues dîle come Marco
Stolfo che te suaze des celebrazions
de zornade europeane des lenghis
dai 26 ai 30 di setembar stâts, al à
declarât “No stin a vê pôre di jessi
citadins di cheste regjon che a
doprin un lenghe divierse dal talian:
sedi furlan o todesc o sloven, parcè
che cheste diviersitât nus jude a
jessi plui citadins europeans”.
La imagjin
uficiâl
de Zornade
europeane
des lenghis