versione pdf - Sardegna DigitalLibrary

De cussu male sa grande paura
De sa zente est’intrada in s’idioma
E no est beru ca su carcinoma
L’at lassadu in cunsigna sa natura
Ca in s’istudiu de s’umanu genoma
Non s’idet traccia ’e peruna mesura
E non s’agata mod’e lu frimmare
Ne meighina a lu poder curare.
Cando in mesu a sas cosas pulidas
Tra sas cales sa tua residenzia
A sos tuos duttores lis’affidas
De sa salude tua s’assistenzia
Possibile chi tando non la ’idas
Sa macula chi hasa in sa cussenzia?
Una cussenzia semenad’e rughes
Non s’idet ch’est isporca ma la giughes.
Pro salvare sas vidas in perigulu
Cale soluzione a pizzu ogas?
B’hada unu corrieri in d’ogn’ispigulu
Ch’in d’una nue ’e fumu ispacia drogas
Su segugiu, su braccu e su bigulu
E un’esercitu de fi amas grogas
A su bisonzu non serran sas tressas
Ma de sa cosa no tind’interessas.
72
d
d