FLIMKIEN - Ghajnsielem.com

mill-Maħżen
Storja ritratti
Reġgħet waslet festa oħra u din
is-sena niċċelebrawha b’mod aktar
speċjali peress li se taħbat fil-ġurnata
tal-festa liturġika ta’ Sant’Antnin,
nhar it-13 ta’ Ġunju, 2010. Għallmaħżen
ta’ l-armar, din is-sena ma
kienetx waħda faċli. Iltqajna ma
diversi sfidi iżda bl-għajnuna t’Alla,
u bil-koperazzjoni ta’ persuni li
għandhom għal qalbhom il-festa,
irnexxilna naslu fejn qegħdin illum.
Għal darba oħra, l-għaqda ħadet
sehem fil-proġett ta’ Bethlehem
f’Għajnsielem fejn bil-ħidma ta’ diversi persuni setgħu jinġabru fondi biex inkunu
nistgħu nlaħħqu ma’ l-ispejjeż li ġġib magħha l-festa, f’dak li għandu x’jaqsam
ma’ xogħol u armar. Grazzi lil dawk kollha li taw sehemhom u b’mod partikolari
nirringrazzjaw lil L&R Car Hire ta’ l-għajnuna siewja tagħhom. Kienet esperjenza
li, għalkemm iltqajna ma diversi ostakli, uriet biċ-ċar li meta naħdmu flimkien u bissehem
ta’ kulħadd jirnexxilna nkomplu għaddejjin biex nilħqu l-għan tagħna; dik li
Sant’Antnin jgħaddi minn toroq imżejna kif jixraq.
Riżultat tas-suċċess tal-ħidma tagħna f’Bethlehem f’Għajnsielem, se naraw
l-ewwel fażi mill-iskultura għall-pedistall ta’ Sant’Antnin, b’disinn tas-Sur James
Azzopardi, żewġ pedistalli ġodda li jintramaw ħdejn il-pedistall ta’ Sant’Antnin
b’gastri ġodda u ġilji restawrati, diversi liedna ġodda għal Triq Sant’Antnin u restawr
tas-sitt trofej ta’ Triq il-Ħamri. Grazzi kbira lis-Sur Vince Farrugia ta’ l-irħamar tattrofej
u ż-żewġ pedistalli ġodda, kif ukoll nirringrazzjaw lis-Sur Vince Caruana taddisinn
u dekorazzjoni ta’ l-armi tat-trofej.
Ma ninsewx ukoll lil dawk il-persuni li b’xi mod jew ieħor taw l-għajnuna
tagħhom fosthom f’xogħol ta’ ħjata, għajnuna fil-preparazzjonijiet kemm fil-knisja
kif ukoll barra, finanzjarjament, bit-talb u anke b’kelma ta’ kuraġġ. Nirringrazzjaw
ukoll lil Għaqda ta’ l-Armar t’Għajnsielem ta’ l-għajnuna li dejjem sibna minn
għandha.
Din is-sena sibna wkoll għajnuna mill-adoloxxenti li jiffrekwentaw iċ-Ċentru
tagħna li wrew interess fix-xogħol li jkun għaddej il-maħżen u taw is-sehem
tagħhom. Nittamaw li dan jawgura futur sabiħ għall-maħżen!
Ngħalqu billi nitolbu lil Alla permezz ta’ Sant’Antnin biex iżomm idejh fuqna u
jtina festa kif tixtieq qalbu.
Viva Sant’Antnin!
Għaqda ta’ l-Armar 13 ta’ Ġunju
Festa Sant’Antnin 2009:
Jum l-Abbatini u tfal
Festa Sant’Antnin 2009:
Jibda l-grupp ġdid tal-Kitarri
25 ta’ April 2010:
Tajna bidu għall-ewwel
quddiesa għaż-żgħażagħ
Festa Sant’Antnin 2009:
It-Triq armata
29 ta’ Ottubru 2009:
Il-Ministru Ġeneral ta’ l-Ordni
Franġiskan fostna
1 ta’ Mejju 2010:
Tberik tas-Salib il-Ġdid
għall-Knisja
Festa Sant’Antnin 2009:
Skeda Speċjali ta’ Radju
Lauretana għal-Festa
19 ta’ Diċembru 2009:
Fra. Stephen Magro
ordnat Djaknu
20 ta’ Mejju 2010:
Jitlesta x-xogħol ta’ restawr
fuq il-kwadru tal-Kunċizzjoni