Ente Vicentini nel Mondo

L’armaron
Vecio armaro
pien de scarpie
sbandonà nel canton del granaro.
Me ricorda el tempo passà
in alto tacà ghe ze el tabaro
el cotolon lungo de la nona.
Scarpe incolà co le pesse
un elmeto col buso in testa
bruto ricordo de guera.
El giradischi co la manovela
la monega par scaldare el leto
el fero da stiro
che funzionava co le bronze
na scatola de tabacco mentolato
par liberarse el naso.
Serto che vedare sta roba vecia
fa venere in mente
storia e vita de na volta.
El moeta
Un omo tuto intabarà.
in sela a na strana bicicleta
girava per le strade de contrà.
El sigava co na vosse forte:
"Mi so el moeta, giusto onbrei
e gusso forbese e cortei".
Mestiere sensa vergogna
el montava roverso in sela a la bicicleta;
inbolonà sul parafango
tegneva na rodea de piera
legà insieme a na cinghia.
Cossì pedalando girava la piera
e sto tipo de inpianto.
Per generassion intere
el ga sfilà lame de cortei.
Fantasia no mancava na
volta
sensa machine e corente
da gnente ze nati
i primi veri artigiani.
Usanse Venete
Na volta in Veneto come usansa
i dava dei soranomi co creansa.
Chi gaveva un mestiere o un difeto
ghe gera intonà un verso:
Dotore chi portava i ociaì
Professore queo che studiava
Contabile chi contava i schei
Gotiero queo che beveva i goti de
vin
Gorna chi beveva massa
Gainassa queo con la passion de
la cacia
Cavei
el barbiere
Pantegana la dona cativa
Zanzara quea schizinosa
Tachin chi vardava le tose
Moscon queo che ghe coreva drio
Ranabotolo la tosa bruta, picola
El sordo
queo furbo
El merlo
l' indormensà
Racoa chi ciacolava massa
El più belo de
la compagnia
el figo
Soranomi de na volta
gaveva na verità sconta.
Natalino Carlan
Via Btg. Framarin, 7
36100 VICENZA
Tel. 0444/545712
Cell. 347/2961534
numero 5.2013 | 21