You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
II CLASSIFICATA Daniela Gregorini<br />
Dal muntiròzz<br />
Adè sin machì, su l’alt, no’ dó,<br />
indulcìt’ da quell che vdén.<br />
Guarda ma sta terra<br />
ndó c’avén l’ ràich:<br />
è ‘l crìn ‘ndó sinn cresciùt.<br />
Guarda l’ pòrch ‘nti càmp<br />
domesticati dai contadìn,<br />
còm i capéi dla pupa<br />
che tu hai petnàt.<br />
Guarda i colór, giù giù fin da piéd<br />
‘ndó cmìnc’n l’ càs ricamàt<br />
su l’òréll del tappèt c’lèst, l’ mar,<br />
che tira ‘l ròccl<br />
ma cla strisciulìna d’ réna.<br />
Guarda ma ‘l maés, l’ vìgn,<br />
i ulìv, ‘l gràn ch’ verdéggia…<br />
anicò inscén par na cuperta<br />
ch’ t’ha fatt nònnta a scàcch,<br />
sa l’uncinét… e l’autostrada<br />
è na piega ‘ntél mèzz.<br />
Fermt. Fermt a sentì i passr ch’ cantn,<br />
l’ gagg’ ch’ sgàgg’n, ‘l tord ch’ zìrla<br />
o ‘l mèrl ch’schocc’la…<br />
fra càlc giorn arnirànn l’ róndn a stórm<br />
e arcminciarà la festa .<br />
Pù sènt ‘st’odór e tiénl da cónt :<br />
ancora è quèll intìc dla campagna,<br />
anca si i palazz ènn nùti su a ròta;<br />
è quell dl’burìn<br />
che s’arampica fin maquasù,
Change language