You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
III CLASSIFICATO Giuseppe Vultaggio<br />
Lupu di mari<br />
A Favignana 1 , ‘st jornu, c’è bunazza 2 ,<br />
lu mari pari ogghiu, ‘un si rimìna,<br />
lu suli nesci fora e si l’abbrazza…<br />
‘na varchicedda nesci di bulìna.<br />
‘Na riti, lentamenti, un vechhiu ‘ntrizza,<br />
chi d’’a so’ vita, fu cumpagna e vantu,<br />
nto mentri, l’aria, la risacca sbrizza,<br />
d’’i tonnaroti 3 già, si senti ‘u cantu.<br />
La menti scurri e si rivìri arzuni;<br />
li verri cu diu Giovi e cu Nettunu<br />
e poi, “lupu di mari”, a lu timùni,<br />
fu cumannanti e “patri” p’ognerunu.<br />
Ricorda quannu, un tempu, a lu scurari,<br />
‘na fimmina, a lu portu, l’aspittava,<br />
ricorda d’’i soi occhi lu brillari,<br />
d’’u so’ caluri…quannu l’abbrazzava.<br />
La persi un jornu e cu idda…la so’ vita,<br />
fu un jornu malirittu, malandrinu;<br />
abbrucia ancora forti dda ferita,<br />
fu mala sorti o forsi…fu destinu!<br />
Canciau lu ventu e ora…l’accarizza,<br />
calau lu suli supra la banchina,<br />
lu vecchiu lassa ‘n terra la so rizza…