Create successful ePaper yourself
Turn your PDF publications into a flip-book with our unique Google optimized e-Paper software.
<strong>Aeneis</strong>/Liber VII 141<br />
Albanae coluere sacrum, nunc maxima rerum<br />
Roma col<strong>it</strong>, cum prima mouent in proelia Martem,<br />
siue Getis inferre manu lacrimabile bellum<br />
Hyrcanisue Arabisue parant, seu tendere ad Indos 605<br />
Auroramque sequi Parthosque reposcere signa:<br />
sunt geminae Belli portae (sic nomine dicunt)<br />
religione sacrae et saeui formidine Martis;<br />
centum aerei claudunt uectes aeternaque ferri<br />
robora, nec custos absist<strong>it</strong> limine Ianus. 610<br />
has, ubi certa sedet patribus sententia pugnae,<br />
ipse Quirinali trabea cinctuque Gabino<br />
insignis reserat stridentia limina consul,<br />
ipse uocat pugnas; sequ<strong>it</strong>ur tum cetera pubes,<br />
aereaque adsensu conspirant cornua rauco. 615<br />
hoc et tum Aeneadis indicere bella Latinus<br />
more iubebatur tristisque recludere portas.<br />
abstinu<strong>it</strong> tactu pater auersusque refug<strong>it</strong><br />
foeda ministeria, et caecis se condid<strong>it</strong> umbris.<br />
tum regina deum caelo delapsa morantis 620<br />
impul<strong>it</strong> ipsa manu portas, et cardine uerso 621<br />
Belli ferratos rump<strong>it</strong> Saturnia postis. 622<br />
ardet inexc<strong>it</strong>a Ausonia atque immobilis ante; 623<br />
pars pedes ire parat campis, pars arduus altis 624<br />
puluerulentus equis fur<strong>it</strong>; omnes arma requirunt. 625<br />
pars leuis clipeos et spicula lucida tergent<br />
aruina pingui subiguntque in cote securis;<br />
signaque ferre iuuat son<strong>it</strong>usque audire tubarum.<br />
quinque adeo magnae pos<strong>it</strong>is incudibus urbes<br />
tela nouant, Atina potens Tiburque superbum, 630<br />
Ardea Crustumerique et turrigerae Antemnae.<br />
tegmina tuta cauant cap<strong>it</strong>um flectuntque salignas<br />
umbonum cratis; alii thoracas aenos<br />
aut leuis ocreas lento ducunt argento;<br />
uomeris huc et falcis honos, huc omnis aratri 635<br />
cess<strong>it</strong> amor; recoquunt patrios fornacibus ensis.<br />
classica iamque sonant, <strong>it</strong> bello tessera signum;<br />
hic galeam tectis trepidus rap<strong>it</strong>, ille trementis<br />
ad iuga cog<strong>it</strong> equos, clipeumque auroque trilicem<br />
loricam indu<strong>it</strong>ur fidoque accing<strong>it</strong>ur ense. 640
Change language