Create successful ePaper yourself
Turn your PDF publications into a flip-book with our unique Google optimized e-Paper software.
<strong>Aeneis</strong>/Liber IX 175<br />
pectore in aduerso totum cui comminus ensem<br />
condid<strong>it</strong> adsurgenti et multa morte recep<strong>it</strong>.<br />
purpuream uom<strong>it</strong> ille animam et cum sanguine mixta<br />
uina refert moriens, hic furto feruidus instat. 350<br />
iamque ad Messapi socios tendebat; ibi ignem<br />
deficere extremum et religatos r<strong>it</strong>e uidebat<br />
carpere gramen equos, breu<strong>it</strong>er cum talia Nisus<br />
(sens<strong>it</strong> enim nimia caede atque cupidine ferri)<br />
'absistamus' a<strong>it</strong>, 'nam lux inimica propinquat. 355<br />
poenarum exhaustum satis est, uia facta per hostis.'<br />
multa uirum solido argento perfecta relinquunt<br />
armaque craterasque simul pulchrosque tapetas.<br />
Euryalus phaleras Rhamnetis et aurea bullis<br />
cingula, Tiburti Remulo d<strong>it</strong>issimus olim 360<br />
quae m<strong>it</strong>t<strong>it</strong> dona, hosp<strong>it</strong>io cum iungeret absens,<br />
Caedicus; ille suo moriens dat habere nepoti;<br />
post mortem bello Rutuli pugnaque pot<strong>it</strong>i:<br />
haec rap<strong>it</strong> atque umeris nequiquam fortibus aptat.<br />
tum galeam Messapi habilem cristisque decoram 365<br />
indu<strong>it</strong>. excedunt castris et tuta capessunt.<br />
Interea praemissi equ<strong>it</strong>es ex urbe Latina,<br />
cetera dum legio campis instructa moratur,<br />
ibant et Turno regi responsa ferebant,<br />
ter centum, scutati omnes, Volcente magistro. 370<br />
iamque propinquabant castris murosque subibant<br />
cum procul hos laeuo flectentis lim<strong>it</strong>e cernunt,<br />
et galea Euryalum sublustri noctis in umbra<br />
prodid<strong>it</strong> immemorem radiisque aduersa refuls<strong>it</strong>.<br />
haud temere est uisum. conclamat ab agmine Volcens: 375<br />
'state, uiri. quae causa uiae? quiue estis in armis?<br />
quoue tenetis <strong>it</strong>er?' nihil illi tendere contra,<br />
sed celerare fugam in siluas et fidere nocti.<br />
obiciunt equ<strong>it</strong>es sese ad diuortia nota<br />
hinc atque hinc, omnemque ad<strong>it</strong>um custode coronant. 380<br />
silua fu<strong>it</strong> late dumis atque ilice nigra<br />
horrida, quam densi complerant undique sentes;<br />
rara per occultos lucebat sem<strong>it</strong>a callis.<br />
Euryalum tenebrae ramorum onerosaque praeda<br />
impediunt, fall<strong>it</strong>que timor regione uiarum. 385