Create successful ePaper yourself
Turn your PDF publications into a flip-book with our unique Google optimized e-Paper software.
<strong>Aeneis</strong>/Liber V 94<br />
progenies, auctura Italos; quem Thracius albis 565<br />
portat equus bicolor maculis, uestigia primi<br />
alba pedis frontemque ostentans arduus albam.<br />
alter Atys, genus unde Atii duxere Latini,<br />
paruus Atys pueroque puer dilectus Iulo.<br />
extremus formaque ante omnis pulcher Iulus 570<br />
Sidonio est inuectus equo, quem candida Dido<br />
esse sui dederat monimentum et pignus amoris.<br />
cetera Trinacriis pubes senioris Acestae<br />
fertur equis.<br />
excipiunt plausu pauidos gaudentque tuentes 575<br />
Dardanidae, ueterumque agnoscunt ora parentum.<br />
postquam omnem laeti consessum oculosque suorum<br />
lustrauere in equis, signum clamore paratis<br />
Epytides longe ded<strong>it</strong> insonu<strong>it</strong>que flagello.<br />
olli discurrere pares atque agmina terni 580<br />
diductis soluere choris, rursusque uocati<br />
conuertere uias infestaque tela tulere.<br />
inde alios ineunt cursus aliosque recursus<br />
aduersi spatiis, alternosque orbibus orbis<br />
impediunt pugnaeque cient simulacra sub armis; 585<br />
et nunc terga fuga nudant, nunc spicula uertunt<br />
infensi, facta par<strong>it</strong>er nunc pace feruntur.<br />
ut quondam Creta fertur Labyrinthus in alta<br />
parietibus textum caecis <strong>it</strong>er ancip<strong>it</strong>emque<br />
mille uiis habuisse dolum, qua signa sequendi 590<br />
frangeret indeprensus et inremeabilis error;<br />
haud alio Teucrum nati uestigia cursu<br />
impediunt texuntque fugas et proelia ludo,<br />
delphinum similes qui per maria umida nando<br />
Carpathium Libycumque secant. 595<br />
hunc morem cursus atque haec certamina primus<br />
Ascanius, Longam muris cum cingeret Albam,<br />
rettul<strong>it</strong> et priscos docu<strong>it</strong> celebrare Latinos,<br />
quo puer ipse modo, secum quo Troia pubes;<br />
Albani docuere suos; hinc maxima porro 600<br />
accep<strong>it</strong> Roma et patrium seruau<strong>it</strong> honorem;<br />
Troiaque nunc pueri, Troianum dic<strong>it</strong>ur agmen.<br />
hac celebrata tenus sancto certamina patri.
Change language