You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>Aeneis</strong>/Liber XII 243<br />
ense sequens nudo superimminet; ille securi<br />
aduersi frontem mediam mentumque reducta<br />
dissic<strong>it</strong> et sparso late rigat arma cruore.<br />
olli dura quies oculos et ferreus urget<br />
somnus, in aeternam conduntur lumina noctem. 310<br />
At pius Aeneas dextram tendebat inermem<br />
nudato cap<strong>it</strong>e atque suos clamore uocabat:<br />
'quo ru<strong>it</strong>is? quaeue ista repens discordia surg<strong>it</strong>?<br />
o cohibete iras! ictum iam foedus et omnes<br />
compos<strong>it</strong>ae leges. mihi ius concurrere soli; 315<br />
me sin<strong>it</strong>e atque auferte metus. ego foedera faxo<br />
firma manu; Turnum debent haec iam mihi sacra.'<br />
has inter uoces, media inter talia uerba<br />
ecce uiro stridens alis adlapsa sag<strong>it</strong>ta est,<br />
incertum qua pulsa manu, quo turbine adacta, 320<br />
quis tantam Rutulis laudem, casusne deusne,<br />
attuler<strong>it</strong>; pressa est insignis gloria facti,<br />
nec sese Aeneae iactau<strong>it</strong> uulnere quisquam.<br />
Turnus ut Aenean cedentem ex agmine uid<strong>it</strong><br />
turbatosque duces, sub<strong>it</strong>a spe feruidus ardet; 325<br />
posc<strong>it</strong> equos atque arma simul, saltuque superbus<br />
emicat in currum et manibus mol<strong>it</strong>ur habenas.<br />
multa uirum uol<strong>it</strong>ans dat fortia corpora leto.<br />
seminecis uolu<strong>it</strong> multos: aut agmina curru<br />
proter<strong>it</strong> aut raptas fugientibus inger<strong>it</strong> hastas. 330<br />
qualis apud gelidi cum flumina conc<strong>it</strong>us Hebri<br />
sanguineus Mauors clipeo increpat atque furentis<br />
bella mouens imm<strong>it</strong>t<strong>it</strong> equos, illi aequore aperto<br />
ante Notos Zephyrumque uolant, gem<strong>it</strong> ultima pulsu<br />
Thraca pedum circumque atrae Formidinis ora 335<br />
Iraeque Insidiaeque, dei com<strong>it</strong>atus, aguntur:<br />
talis equos alacer media inter proelia Turnus<br />
fumantis sudore quat<strong>it</strong>, miserabile caesis<br />
hostibus insultans; sparg<strong>it</strong> rapida ungula rores<br />
sanguineos mixtaque cruor calcatur harena. 340<br />
iamque neci Sthenelumque ded<strong>it</strong> Thamyrumque Pholumque,<br />
hunc congressus et hunc, illum eminus; eminus ambo<br />
Imbrasidas, Glaucum atque Laden, quos Imbrasus ipse<br />
nutrierat Lycia paribusque ornauerat armis