Create successful ePaper yourself
Turn your PDF publications into a flip-book with our unique Google optimized e-Paper software.
<strong>Aeneis</strong>/Liber I 19<br />
inrigat, et fotum gremio dea toll<strong>it</strong> in altos<br />
Idaliae lucos, ubi mollis amaracus illum<br />
floribus et dulci adspirans complect<strong>it</strong>ur umbra.<br />
Iamque ibat dicto parens et dona Cupido 695<br />
regia portabat Tyriis, duce laetus Achate.<br />
Cum ven<strong>it</strong>, aulaeis iam se regina superbis<br />
aurea composu<strong>it</strong> sponda mediamque locav<strong>it</strong>.<br />
Iam pater Aeneas et iam Troiana iuventus<br />
conveniunt, stratoque super discumb<strong>it</strong>ur ostro. 700<br />
Dant famuli manibus lymphas, Cereremque canistris<br />
expediunt, tonsisque ferunt mantelia villis.<br />
Quinquaginta intus famulae, quibus ordine longam<br />
cura penum struere, et flammis adolere Penatis;<br />
centum aliae totidemque pares aetate ministri, 705<br />
qui dapibus mensas onerent et pocula ponant.<br />
Nec non et Tyrii per limina laeta frequentes<br />
convenere, toris iussi discumbere pictis.<br />
Mirantur dona Aeneae, mirantur Iulum<br />
flagrantisque dei voltus simulataque verba, 710<br />
[pallamque et pictum croceo velamen acantho.]<br />
Praecipue infelix, pesti devota futurae,<br />
expleri mentem nequ<strong>it</strong> ardesc<strong>it</strong>que tuendo<br />
Phoenissa, et par<strong>it</strong>er puero donisque movetur.<br />
Ille ubi complexu Aeneae colloque pepend<strong>it</strong> 715<br />
et magnum falsi implev<strong>it</strong> gen<strong>it</strong>oris amorem,<br />
reginam pet<strong>it</strong> haec oculis, haec pectore toto<br />
haeret et interdum gremio fovet, inscia Dido,<br />
insidat quantus miserae deus; at memor ille<br />
matris Acidaliae paulatim abolere Sychaeum 720<br />
incip<strong>it</strong>, et vivo temptat praevertere amore<br />
iam pridem resides animos desuetaque corda.<br />
Postquam prima quies epulis, mensaeque remotae,<br />
crateras magnos statuunt et vina coronant.<br />
F<strong>it</strong> strep<strong>it</strong>us tectis, vocemque per ampla volutant 725<br />
atria; dependent lychni laquearibus aureis<br />
incensi, et noctem flammis funalia vincunt.<br />
Hic regina gravem gemmis auroque poposc<strong>it</strong><br />
implev<strong>it</strong>que mero pateram, quam Belus et omnes<br />
a Belo sol<strong>it</strong>i; tum facta silentia tectis: 730
Change language