LUB NEEJ YAV PEMSUAB - Champions Of Education

Niamtxiv-Xibfwb
Qhiantawv
Muaj Kev Sibraug Zoo
Continued from pg. 18
tau ntawv hauv tsev qhiantawv los yog tej ntawv nqa los ua tom tsev. Yog koj pom tias koj
tus menyuam muaj teeb meem dabtsi yuav tsum teem caij mus tham nrog koj tus menyuam
tus xibfwb sai li sai tau. Li no koj thiaj muaj sijhawm los pab koj tus menyuam kho tej yam
teebmeem uas yuav tshwm sim.
KEV PABCUAM # 5
NUG XAWJ MAWM
Kev nug xawj mawm sibtham nrog tus xibfwb qhiantawv txog koj tus menyuam txojkev
kawm yuav paub koj tus menyuam raws qhov uas nws tsis paub thiab yuav ua tsis tau. Peb
yam uas yuav tsum nco ntsoov txog kev sib cev lus nrog koj tus menyuam muaj xws li hauv
qab no:
1. Yuav sib tham licas: Nws muaj ntau txojkev yuav sib cev lus mus los nrog koj tus menyuam
tus xibfwb qhiantawv, tus sibtham hauv tsev kawm, hauv xovtooj, sau ntawv rau nqa tuaj los
yog siv e-mail sau tuaj rau tus xibfwb qhia txog qhov koj tus menyuam tsis paub. Nug tus
xibfwb seb qhov twg yog qhov zoo tshaj rau koj nrog nws sib cev lus mus los
2. Yuav tham txog dabtsi. Nws yog ib qhov tseemceeb heev uas tus xibfwb thiab niamtxiv
pom zoo tibyam los yog ceevfaj txog qhov teeb meem los yog yam yuav tau pab ntxiv rau
tus menyuam. Nws yog ib qhov yuav tsum paub tseeb. Piv txwv li: Yav ntaubntawv nqa ua
tom tsev, hnub xeem, kev mob siab kawm hauv chav qhiantawv, puas mloog xibfwb hais, los
yog kawmntawv tau zoo licas hauv hoob.
3. Yuav nug los yog sib tham hov ntau. Qhov yuav muab lub sijhawm mus tham nrog tus
xibfwb npaum licas yog los ntawm qhov koj tus menyuam kawm ntawv paub los tsis tau
ntaubntawv los seb puas muab teebmeem kawmntawv. Yog hais tias koj tus menyuam kawm
tsis tau ntawv li siab xav yuav ntshe yuav sib cev lus mus los txhua hnub nrog tus xibfwb.
Yog tsis muaj teebmeem dabtsi hais txog kev kawm rau koj tus menyuam, nrog tus xibfwb
qhiantawv teem kom muaj caij tus nrog nws sablaj los yog sibtham raws lub sijhawm pom
zoo. Qhov tseemceeb yog yuav tsum nug txog koj tus menyuam xawj mawm!
KEV PABCUAM #6
UA KOM TAU RAWS QHOV
KOJ LEES TIAS KOJ YUAV UA
Ua kom tau raws qhov koj hais tias koj yuav ua. Piv txwv li, yog koj hais tias koj yuav saib
koj tus menyuam cov ntawv nqa los ua tom tsev yuav tsum saib los yog kuaj tej ntawv txhua
hmo li koj hais tiag, tsis pub ncua. Yog hais tias koj ua tsis tau li tau hais qhia rau koj tus
menyuam tus xibfwb qhiantawv paub.
Yog hais tias koj nrog koj tus menyuam tus xibfwb qhiantawv sibtham tsis tau koj yuav tsum
qhia rau nws yog vim licas. Yog hais tias sib cev lus mus los li no tsis paub koj thiab koj tus
menyuam yuav tsum nrog koj tus menyuam tus thawj tswj cov xibfwb sib tham kom nws pab.
Kom koj tus poj los yog txiv nrog lawv thiab los yog nrog lwm tus xibfwb qhiantawv tham
kom lawm ho pab, tsis li qhia rau tus pab tswvyim hauv tsev qhiantawv (counselor) seb nws
pab puas tau. Tseem licas los yuav tsum cev lus mus los nrhiav kev pab rau koj tus menyuam.
Koj tus menyuam yog ib tug neeg tseemceeb heev.
19
Leejtwg Muaj Sijhawm Tuaj Pab
Hauv Tsev Qhiantawv?
KOJ MUAJ!
Uas yog xeev North Carolina muab rau koj
Sawvdaws tsis khoom kiag li, tabsis xeev North
Carolina tso cai rau SAWVDAWS los koom tau nrog
cov menyuam txojkev kawm.
Nws yog ib txojkev ntseeg muaj raws cov lis dejnum
rau hauv tsoomfwv NC General Assembly uas yuav
tsum tso cai rau niamtxiv tuaj koom nrog lawv tej
menyuam txojkev kawm hauv tsev qhiantawv thiab
yuav muaj kev vam meej thiab kawm tau zoo. Yog
li lub chaw haujlwm twg uas muaj cov niamtxiv los
yog tus saibxyuas menyuam ua haujlwm nrog yuav
tsum pub lawv tawm los koom lawv tej menyuam kev
ntawv li ntawm 4 teev ib lub xyoo.
Tso cai mus saib menyuam kawmntawv muaj raws li
ntawm no:
• Yuav tsum qhia rau chaw haujlwm paub lub
sijhawm twg yuav mus thiab ob tog pom zoo.
• Tej lub chaw ua haujlwm yuav kom koj sau ntawv
qhia lawv paub ua ntej li ntawm 48 teev thiaj tso
cai mus koom nrog menyuam tau.
• Muaj feem lub chaw ua haujlwm yuav kom koj
nqa ib daim ntawv qhia tias yog mus koom hauv
lub tsev qhiantawv nrog menyuam lawm.