Implementering van nuwe rekenaarstelsel skop af - KLK Landbou ...

Landbou Landbou Beperk Beperk •• Mei Maart 2009
KLK KLK 2008
van van
Amptelike Amptelike nuusblad nuusblad
1/2008 2/2009 •• Vol Vol
Implementering van nuwe
rekenaarstelsel skop af
KLK het onlangs begin beplan om ‘n nuwe rekenaarstelsel by Hoofkantoor sowel as by die 23 handelstakke in die Noord-Kaap te implementeer.
Deur dié projek strewe KLK daarna om doeltreffendheid te maksimaliseer.
“Die behoefte om die volle voordeel van ‘n moderne besigheid -
stelsel en tegnologie in te span om KLK strategies te ondersteun
en te help ontwikkel en groei, het KLK genoop om tegnologies
aan te pas,” het Juan van der Merwe (Bestuurder: IT) gesê.
KLK maak tans gebruik van verouderde en inhuis ontwikkelde
stelsels wat nie meer in die groeiende behoeftes van KLK kan
voorsien nie. Daarom het KLK vir ATS Mirlem, ‘n besigheid vennoot
van Softline Accpac, gekontrakteer om hierdie stelsels te
vervang met ‘n stelsel wat KLK ‘n mededingende voordeel sal
bied deur operasionele effektiwiteit te verhoog om mettertyd
kostes te bespaar.
Juan verduidelik dat die produktiwiteit binne KLK sal verhoog,
omdat data geïntegreer sal word en die tyd wat verlore gegaan
het om data te versamel, nou aangewend sal word om data te
analiseer.
Kliënte sal die nuwe stelsel eerstehands by KLK se punt van
verkope kan ervaar. “Alhoewel handelsvoorraad die duurste bate
van KLK is, bly die grootste uitdaging om uitstaande kliëntediens
te lewer, waarvan die belangrikste is om die regte produk, op
die regte tyd, teen die regte prys aan die kliënt te lewer,” het
Juan gesê.
Hy sê verder dat inligtingstegnologie in die verlede as ‘n luukse
beskou is, terwyl dit vandag die sleutel tot ‘n suksesvolle
besigheidsmodel vorm. “KLK wil nie net weet wat die totale
verkope is nie, maar ons wil ook weet watter produkte verkoop is,
waar en wanneer dit verkoop is.”
Om verdere kliënteverhoudings en kommunikasie te verbeter sal
kliënte eersdaags per pos versoek word om hul persoonlike/
besigheidsbesonderhede aan KLK te bevestig. Dit is noodsaaklik
dat die huidige inligting gekontroleer word en dat die regte inligting
oorgedra word na die nuwe stelsel. KLK doen daarom ‘n
beroep op kliënte om die vorm so gou as moontlik te voltooi en
by enige KLK bedryfspunt in te handig, of stuur dit per e-pos na
admin@klk.co.za.
• Lees meer in die volgende KLK Gesprek uitgawes oor die
vordering van dié projek.
Bakgat, Koos!
Koos Becker van Arimagham Trust (links) is as die
wenner van die enkellam en groeplam aan die haak
by die karkaskompetisie op Upington in April aan -
gewys. Hy is ook as die wenner van enkellam en
groeplam op die hoef aangewys. By hom is Jan van
Wyk, van Virbac, wat die kompetisie geborg het.
Om die uitslae en nog foto’s van dié kompetisie te
sien, blaai na bladsy drie.

Aan die woord
STEPHEN VAN HUYSSTEEN
– BESTURENDE DIREKTEUR VAN KLK
Nuwe tegnologie is
noodsaaklik
Die veranderde en kompeterende landbouomgewing
en behoeftes binne landboubesighede
het oor die afgelope dekade nuwe
uitdagings aan landbouers en landboumaat -
skappye gestel. Die uitdaging om aan te pas
en relevant te wees is ook op KLK van
toepassing.
KLK het geografies uitgebrei, maar ook in
industrieë investeer, waar gevorderde inligtingstegnologie
noodsaaklik is.
Gedurende die afgelope twee dekades is die
rekenaarstelsels van KLK intern ontwikkel en
aangepas om aan die behoeftes te voldoen.
KLK se IT-afdeling het dit moontlik gemaak
om oor ‘n lang periode die nodige stelsels te
ontwikkel en ondersteuning te verskaf.
Die veranderde besigheidsbehoeftes binne
KLK, die groot hoeveelheid handstelsels en
intervensies wat tans plaasvind en die verskillende
rekenaarstelsels wat tans bedryf word,
bemoeilik die integrasie van bestuur- en
bedryfsinligting.
KLK het gevolglik besluit om te belê in ‘n
rekenaarstelsel wat die besigheidsprosesse
beter integreer, die spoed van verslagdoening
versnel en bestuurinligting kan verskaf
wat die operasionele behoeftes en strategiese
doelwitte beter sal ondersteun.
Die implementering van ‘n nuwe stelsel is ‘n
wesenlike belegging en daarom is die dienste
van ‘n onafhanklike konsultant, die ouditeure
van PriceWaterhouseCoopers, gebruik in die
seleksie van ‘n geskikte rekenaarstelsel.
Die doel met die nuwe rekenaarstelsel is op
die volgende fokusareas en voordele gerig:
• Kernbesighede van KLK;
• Debiteurebestuur en kommunikasie;
• Voorraad- en aankopebestuur vir handel;
• Verbeterde dienslewering;
• Beter marges; en
• Kliënte verhoudingsinligting.
U kan aflei dat die voordele en fokusareas
hierbo, vir u as kliënt, produsent en aandeelhouer
tot voordeel gaan wees. Vir KLK as
besigheid is hierdie ‘n groot sprong! Die projek
en implementering word oor ‘n twaalf
maande periode beplan. KLK sien uit na die
voordele wat hierdie belegging in inligtings -
tegnologie gaan oplewer.
2 – Mei 2009
MAATSKAPPYNUUS/AKTUEEL
Meer om van te kies
KLK Versekering het ‘n samewerkingsooreenkoms met Absa gesluit, wat beteken dat aandeelhouers
en kliënte nou ‘n keuse het van ‘n groter verskeidenheid produkte.
Die ooreenkoms behels dat jy steeds deur ‘n adviseur van KLK gediens word, maar
dat die produkte en dienste wat Absa se Versekering- en Finansiële adviseurs jou
bied, waarde vir jou kan toevoeg deur dit wat jou portefeulje die beste pas, aan jou
beskikbaar te stel. “KLK sien hierdie alliansie as ‘n wen-wen strategie vir alle partye,
aangesien dit ook groei en uitbreiding van ons bestaande kliënte/ledetal insluit en
gevolglik lei tot ‘n groter en meer mededingende besigheid,” het Stephen van
Huyssteen (Besturende Direkteur: KLK) gesê.
KLK Versekering brei ook uit deur addisionele fasiliteite en mannekrag in die Calvinia,
Kuruman en Postmasburg omgewing beskikbaar te stel, asook deur ‘n addisionele
adviseur op Upington te vestig. Indien jou portefeulje nog nie hersien is nie, sal jy binnekort
gekontak word. Om meer oor die nuwe produkte uit te vind, skakel gerus vir
Hannes Botha of Marlene van Zyl van Upington by (054) 337-6277.
Van Ooskus na Weskus
met een tenk brandstof
Suid-Afrika se mees ekonomiese voertuig is
hier – die nuwe Nissan X-Trail 2.0 dCi! Die
motor is getoetsbestuur van Alex anderbaai tot
by Richardsbaai (die langste Oos- tot Weslyn)
teen ‘n gemiddelde spoed van 90 km/u. Dit is
die enigste 4x2 Diesel in sy klas, wat ‘n brandstofverbruik
van minder as 4,8 liter/100 km
het. Dit word verkoop met ‘n standaard diensplan
van 3 jaar/90 000 km en ‘n fabriekswaarborg
van 3 jaar/100 000 km.
Om die nuwe Nissan X-Trail te toetsbestuur of vir meer inligting skakel Anina van Zyl
(Verkoopsbestuurder: Oranje Nissan) of Melanie Swiegers (Verkoopskonsultant:
Oranje Nissan) by (054) 338-8000.
Die hoeksteen van KLK
Dié Menslike Hulpbronne span by KLK maak seker dat die 720 permanente personeel
binne die maatskappy gelukkig is, wat verseker dat die personeel weer op hul
beurt vir jou as KLK kliënt en/of aandeelhouer die beste diens gee.
Hulle verantwoordelikhede sluit in:
• Die betaling van salarisse;
• Om alle personeelbeleide te evalueer, verander en in stand te hou;
• Die samestelling, implementering en uitvoering van strategieë; en
• Arbeidsverhoudinge.
Van links is: Sarie Geldenhuys, Estelle Lou rens,
Cobus Booysen en Zuzel Jonck.
“Ons afdeling se doelwit is om binne
die volgende drie jaar ‘n professionele
departement, wat voldoen aan die
beste praktyke binne die personeel
bestuurspektrum, te vestig,” het
Cobus Booysen (Bestuurder: Menslike
Hulpbronne) gesê. Die afdeling is tans
besig met ‘n prestasiemetingproses.
“Deel van die groter strategie is om
prestasiegedrewenheid en eienaar -
skap by personeel te vestig,” het
Cobus gesê.

MAATSKAPPYNUUS/AKTUEEL
Produsente blink uit by
karkaskompetisie
Die eerste KLK karkaskompetisie vir 2009 is op 1 April by die Voerkrale op
Upington gehou. Die aan die haak beoordeling het op 3 April by die abattoir
op Upington plaasgevind.
Die deelnemers het weer vanjaar die beste van hul kudde uitgehaal en
met ‘n handvol pryse huis toe gestap. Die wenners van dié kompetisie
dring deur na die nasionale karkaskompetisie later vanjaar, waar hulle
teen van die topprodusente in die land meeding.
Uitslae
Slaglam
Enkellam op die hoef
Groep op die hoef
1. Koos Becker 1. Arimigham Trust
2. Arimigham Trust 2. Abrie Maritz
3. Gideon Hoon 3. Koos Becker
Enkellam aan die haak Groep aan die haak
1. Arimagham Trust 99,78% 1. Arimagham Trust 96,37%
2. Arimagham Trust 99,52% 2. Koos Becker 95,60%
3. Abrie Maritz 98,70% 3. Arimagham Trust 95,07%
Slagbok
Enkellam op die hoef
Groep op die hoef
1. Dawid Kriel 1. Henning Koortzen
2. Dawid Kriel 2. Sarie Koortzen
3. S Koekemoer 3. Gideon Hoon
Enkellam aan die haak Groep aan die haak
1. Sarie Koortzen 99,87% 1. Sarie Koortzen 96,50%
2. Dawid Kriel 98,71% 2. Dawid Kriel 94,30%
3. Gideon Hoon 98,51% 3. Henning Koortzen 94,04%
Dié motortjie laat waai
Die Chevrolet Spark, ‘n ge -
wilde gunsteling vanaf sy be -
kendstelling in 1998, is in 70
lande beskikbaar. Die Spark
is ‘n praktiese, maklik-om-tebestuur
voertuig met ‘n aan -
treklike prysetiket.
Die Spark is beskikbaar in
drie modelle – die 0,8-liter L,
1,0-liter LS en 1,0-liter LT. Die Spark is ‘n ideale stadsmotortjie
wat die hoë brandstofpryse met sy suinige
gebruik hokslaan. Die Spark is nie net rats nie, maar pas
ook feitlik in enige parkeerspasie.
Alle Spark-modelle het ‘n fabriekswaarborg van drie jaar
of 100 000 km as standaard. Indien jy sou belangstel om
‘n Spark te toetsbestuur of enige navrae het, skakel
gerus die vriendelike verkoopsspan by Gordonia Motors
by (054) 337-6239/55.
Mei 2009 – 3
1: Salmon Becker (Upington).
2: Pieter Smith en Roelie Cloete, albei produsente van Mier.
3: Henning Koortzen (Askham) en Freddie Stolper (Voorsitter:
Gordonia Boerbokklub).
4: Gideon Hoon (Williston).
5: Dawid Kriel (Upington).
6: Een van die skape word geweeg en ‘n nommer opgespuit voordat
dit op die hoef beoordeel word.
Geur vleis volgens jou smaak
Die jagseisoen is hier en dit beteken dis weer tyd dat jou vrieskas en
jou maag met biltong gevul word. Maar wat is biltong of droëwors
sonder lekker speserye?
Besoek jou naaste KLK handelstak en kry ‘n wye verskeidenheid speserye
– van Russian, Plaaswors prima, Winchester tot Cheese Griller
– om jou biltong en droëwors ‘n heerlike smakie te gee. Jy kan ook ‘n
verskeidenheid dikte derms, biltongkerwers, worsstoppers, malers en
vleissae hier koop.
1 2
3 4
5
En moenie vergeet van die
belangrikste toerusting vir jou
jagnaweek nie – ammunisie en
jagtoebehore sal jy ook hier kan
kry. Skakel André Esterhuizen
(Verkope klerk: KLK Handel,
Uping ton) by (054) 337-6258 vir
meer inligting of besoek jou
naaste KLK handelstak.
André Esterhuizen sal jou
raad kan gee vir as dit by
jagtyd kom.
6

TEGNIES
Die gifhalsband.
Die proses
Ongediertes het die vermoë om ge -
dragspatrone aan te leer deur omgewingsgebeure.
As ‘n jakkals ingeroep
word tydens nagjag, word daar met ‘n
skerp lig na hom geskyn en geskiet (of
op ‘n ander dier naby aan hom). Hy sal
nie weer ingeroep word (sou hy dit oorleef)
as hy dieselfde roepgeluide en
gepaardgaande soeklig in die veld sou
teëkom nie.
Statistiek dui op geen afname van die
totale bevolking van jakkalse en rooikatte
nie, maar wel ‘n dramatiese toename
in die getal vee wat gevang word. ‘n
Oplossing is dus nog nie gevind vir die
probleem oor die langtermyn nie.
Die gevolg van PAL-klokkies
Klokkies moet aan alle potensiële prooi
aangebring word. Die klokkie kan drie
moontlike effekte op ongediertes hê wat
in die omgewing aktief is.
Dit mag geen effek op die roofdier hê nie
Dit gebeur gewoonlik met individuele
roofdiere wat territoriaal is en uitsluitlik
jag maak op natuurlike prooi. Hierdie
diere hou ander potensiële ongediertes
uit sy loopgebied, oorleef en maak sy
nageslag groot op natuurlike prooi, sonder
dat veeverliese gely word.
Die klokkie wat om die dier se nek aangebring word.
Die stryd teen
ongediertes
– gebruik die Protect-A-Lamb (PAL) klokkies
PAL-klokkies word deur baie produsente suksesvol gebruik om verliese deur roofdiere te
beperk asook om ongediertes te identifiseer.
Dit mag die ongediertes afskrik
Waar ‘n ongedierte reeds besig is om
lammers te vang, wek die vreemde klank
soveel agterdog, dat hy nie verder vang
nie. Die ondier moet binne die eerste
paar dae nadat die klokkies aangebring
is doodgemaak word, omdat die roofdier
beter reageer op aasreuk en roepgeluide
as hy honger is.
As die ongedierte nie sy vrees oorkom
om die lammers met die klokkies te vang
nie, sal dit later die gebied verlaat om
prooi op ‘n ander plek te soek. Hou net
aan om die klokkies aan te bring op alle
diere wat potensiële prooi kan wees.
Dit mag ongediertes aantrek
Klokkies wat deurlopend op al die lammers
aangebring word, terwyl roofdiere
nie gedood word nie, bied individuele
roof diere die geleentheid om tot territoriale
diere te ontwikkel.
Sou hierdie territoriale roofdier deurlopend
aan die geluid blootgestel wees
en hy om die een of ander rede gedwing
word om lammers met ‘n klokkie aan te
vang, sal die geluid die ongedierte in die
toekoms aantrek omdat hy dit met prooi
(sonder enige onaangename ervaring)
assosieer.
Dié aangeleerde gedragspatroon (om
lammers met klokkies aan te vang) is
baie handig in die gebruik van gifhalsbande
(ook vervaardig deur PAL). In
hierdie situasie is die dier gewoonlik
reeds territoriaal en gewoond om in ‘n
sekere kamp te jag. Daar kan dus ‘n tei -
kengroep van lammers, elk met ‘n klokkie
én gifhalsband, teen ongeveer 1 per
25 ha in die kamp teruggeplaas word en
die diere van die kudde kan na ‘n aangrensende
kamp verskuif word.
Die ongedierte het nou geleer om lammers
met klokkies te vang en daarom
kan hy die teikengroep maklik opspoor.
Hy is oortuig dat dit prooi is wanneer hy
die geluid hoor, maar is nie bewus van
die gifhalsbande nie.
Omdat dit dieselfde prooi is waaraan hy
gewoond is, in dieselfde kamp met dieselfde
klank, veroorsaak dit dat hy maklik
weer so ‘n lam vang. As hy die lam
vang en die gifhalsband stukkend byt,
vrek die ongedierte en kan die gifhalsbande
verwyder word en weer met die
klokkies op lammers voortgegaan word.
Hoe om klokkies aan te wend
Die band van die klokkie is ‘n sirkel. Om
koste te bespaar is daar nie ‘n gespe
waarmee dit korter of langer gestel kan
word nie. Die klokkie moet so vroeg as
moontlik aangebring word (selfs dag -
oud). Dit het geen effek op die ooi/lamverhouding
nie.
Die band moet so gestel word dat ‘n
speling van vier vingers tussen die lam
se nek en die band gelos word vir groei.
Dit word gedoen deur ‘n gedeelte van die
band dubbel op mekaar te vou en drie
krammetjies met ‘n swaardienskrammasjien
(wat ook deur PAL of KLK ver -
koop word) op elk van die twee voue aan
te bring. Verwyder die klokkies as die
lammers groot genoeg is om nie meer
deur roofdiere gevang te word nie.
Kontak Eddie Steenkamp (Bestuurder:
Protect-A-Lamb) by (022) 723-1842 of
stuur ‘n e-pos na www.protect-a-lamb.
com of skakel jou naaste KLK handelstak.
ARTIKEL GESKRYF DEUR EDDIE STEENKAMP.

TEGNIES
Diatome vir beter
dieregesondheid
Diatoms Organiese Dieregesondheid (DOD) is ‘n unieke onderneming wat daarin kon
slaag om diatome (‘n mikroskopiese klein skelet) te ontwikkel sodat dit in dierevoer of
lek ingemeng kan word.
Dit beteken dat die boer sy dosering
heeltemal kan uitskakel of drasties kan
verminder, die dier beter laat groei en
ook beter lampersentasies tot gevolg
het. Hierdie produk van DOD word dus
outomaties deur die dier, deur die lek of
voer ingeneem en staan bekend as
Diatoms Konsentraat. Hoë kwaliteit
diatome, wat plaaslik ontwikkel is om
algemene dieregesondheid te verbeter,
kom slegs in die Noord-Kaap voor.
Oor tyd het ‘n geweldige weerstand
begin opbou teen die effektiewe
behandeling van parasiete ten opsigte
van chemiese middels. Dit word deur ‘n
verslag bevestig wat deur plaaslike
wetenskaplikes opgestel is en op aanvraag
beskikbaar is.
Teen hierdie agtergrond, ook met die
klem op meer natuurlike dieregesondheid,
wat weer lei tot hoër produksie -
vlakke en hoër gehalte diereproduksie,
het DOD toegetree om die leemte te vul
wat in die mark bestaan om aan produsente
‘n keuse te bied tussen ‘n
organiese of chemiese roete.
Uitgebreide proewe deur Amerikaanse
en Britse universiteite asook plaaslike
abattoirs en boere bevestig die werking
van dié konsentraat, deur dit in lek of
voer in te meng. Dit is ook interessant
dat tot 52% van alle Amerikaanse diatoomproduksie
na veevoermaatskappye
gaan vir inmenging in lekke en
voere.
Die voordele met die inmeng van
Diatoms Konsentraat in lek of voer is
die volgende:
• Swaarder lam (800 g tot 4 kg/lam
lewen de massa);
• Hoër vrugbaarheidsvlakke, vanweë
twaalf spoorelemente, dus meer lammers/100
ooie;
• Die uitskakel of drastiese vermindering
van dosering, wat weer minder
hantering van die dier tot gevolg het,
want diatome word in die lek of voer
ingemeng en só vanself deur die dier
ingeneem;
• Dit tree op as ‘n katalis om fosfaat
beter vas te lê in die beenstruktuur,
wat beteken dat minder fosfaat aan -
gekoop kan word;
• ‘n Onafhanklike abattoirtoets in Kuru -
man het getoon dat tot soveel as
80% lewers goedgekeur word, met
die gebruik van Diatoms Konsen -
traat; en
• Hoër gehalte natuurliker vleis, wat lei
tot `n premie op die prys.
Uitgebreide proewe word veral plaaslik
gedoen. ‘n Goeie voorbeeld is Jan
Celliers en sy seun Jannie, wat baie
groot sukses behaal het op die plase
Uithoek en Arbeid Adel. Hulle het baie
kostes aan dosering en arbeid bespaar.
Die Diatome-reeks is nou uitgebrei tot
vyf produkte:
• Diatoms Konsentraat (reg V20435).
Die registrasie is spesifiek vir interne
gesondheid;
• Diatoms Rolmateriaal vir eksterne
gebruik;
• Diatoms Silika Wildsblok;
• Fostec P6 wat met diatome verryk
is; en
• TLC hondekos wat tans die enigste
hondekos is wat diatome bevat.
Diatoms Konsentraat is reeds by alle
KLK handelstakke beskikbaar. Vir meer
inligting stuur ‘n e-pos aan Izak Maritz
(Bestuurder: Navorsing en ontwikke -
ling, DOD) by isakmaritz@gmail.com.
ARTIKEL GESKRYF DEUR IZAK MARITZ.
Mei 2009 – 5
Marksake
DEON HEYNS
– BESTUURDER: MEATTRUST
Rooivleispryse
effe duurder
as verwag
Dit bly maar moeilik om die kristalbal van
pryse en marktendense te lees. Die verwag -
ting was ‘n nou pryskanaal van Januarie tot
Junie en toe is daar ‘n gemiddelde styging
van 10% op skaapvleis en 8,25% op bees
tussen die nuwejaar en Paasnaweek.
Week 15 van verlede jaar se prys vir A2 lam
was R28,30 teenoor vanjaar se R31,50 – ’n
styging van 11,3%. B2 bees se prys was
R17,50 teenoor vanjaar se R18,70 – ‘n styging
van 6,9%. Uiteraard is dit wonderlike nuus.
Die feit dat die KLK gebied relatief goeie toestande
beleef, tesame met goeie lammer -
oeste, beteken dat die Noord-Kaap en
Namibië vol op diere beskikbaar het vir Maart
tot Mei en selfs dalk nog vir Junie ook. Dit
beteken dat die grootste lamvleis produ -
serende gebiede in die land in topproduksie
is. Dit beteken nog steeds pryse is in ‘n nou
kanaal tot einde Junie en ‘n mens hoop van
harte dat die huidige vlakke van pryse
gehandhaaf sal kan word.
Produsente bly op ‘n risiko vir ‘n daling om -
dat die ekonomie vir die verbruiker van die
produk nog nie eintlik verander het nie. Die
pryse van vervangende produkte, soos hoender
en vis, is egter ook nie goedkoop nie en
help dit baie om die pryse te stut. Beesvleis
se vooruitsig is redelik dieselfde. Daar is ’n
stadig dalende tendens in die beesmark met
‘n daling van ongeveer 5% sedert die hoog -
tepunt in begin Januarie. Die verwagting is
die prys op die huidige vlakke en effe laer tot
min of meer laat Julie met ‘n matige styging
daarna.
Produsente moet ook weet dat hulle aan internasionale
handel blootgestel is. Dit be teken
dat die handel in Suid-Afrika altyd die som sal
maak om te sien of dit nie goedkoper sal
wees om ‘n deel van sy rooivleisdeurset met
ingevoerde alternatiewe te vervang nie. Dit is
daarom vir die plaaslike bedryf belangrik dat
daar konstante beskikbaarheid van die produk
moet wees, met ‘n so na as moontlik stabiele
prys en kwaliteit.
Dit is baie moeilik om dit met skaapvleis in
Suid-Afrika reg te kry, omdat produsente so
ekstensief boer en die klimaatsomstandig -
hede so wyd varieer. Bees, vark en hoender
het dit al grotendeels reggekry, omdat alles
in daardie bedrywe intensief afgerond word.
Dit het tyd geword dat produsente koppe
bymekaar moet sit om dieselfde ook in die
skaapvleisbedryf reg te kry. Dit is dalk iets
om oor na te dink…

Pitkos vir die siel
WIEHAHN MARITZ
Maak hoop en
geloof deel van
jou leefwyse
“Toe daar geen hoop meer was nie, het
Abraham nog gehoop en geglo, en so die
vader van baie nasies geword volgens die
belofte: ‘So sal jou nageslag wees’. Hy was
ook ten volle daarvan oortuig dat God mag
het om te doen wat Hy beloof het.” Rom
4:18; 21
Toe daar geen hoop meer was nie, het
Abraham nog steeds gehoop en ge glo...
(vers 18). Wat lê agter ons hoop én geloof?
In kort – om vir God op Sy woord te vat.
Twee dinge waaraan ons as ge lowiges aangaande
God herinner word, is eerstens: ‘n
belofte wat God maak, hou Hy! Jy kry twee
Griekse woorde wat vir “belofte” gebruik
kan word: Huposchesis – dit is ’n belofte
met voorwaardes. Ek belowe om dit te
doen as jy belowe om dat te doen.
Epaggelia – ’n be lofte wat uit die goedheid
van iemand anders se hart onvoorwaardelik
gemaak word. Dit is hierdie laasgenoemde
woord wat Paulus hier as belofte
gebruik. God sal sy belofte hou, maak nie
saak wat gebeur nie.
Tweedens – alles is genade! As jy dit snap,
word hoop én geloof deel van jou leefwyse
(vers 17)! Donald McCullough skryf: “Ge -
nade beteken dat in die middel van ons
stryd en gesukkel, die skeidsregter die
eindfluitjie blaas. Ons word as wenners ver -
klaar en storte toe gestuur.” Genade bete -
ken dat God aan ons kant is. Ons is dus
wenners deur Jesus se opoffering, ongeag
hoe goed ons die spel gespeel het.
Dit is hoe God wil hê ek en jy moet hoop.
Dit is daarom tragies om hoop in God se
beloftes te verloor, want buiten dít is daar
geen ander hoop nie. Hoop is egter om van
die oortuiging te bly dat God die mag het
om te doen wat hy beloof het (vers 21).
Ek het gelees van ’n filosoof wat eenkeer
oor hoop gesê het: “Dit is om seker te wees
dat daar ’n oseaan is, omdat ek ’n spruitjie
gesien het.” Jesus het self by geleentheid
gesê: “Gelukkig is die wat nie gesien het
nie en tog glo” (Johannes 20:29). Mag God
jou en my hierin genadig wees.
6 – Mei 2009
LEWENDEHAWE
Boerbokram opgeveil
vir R50 000
KLK Landbou Bpk het op 18 Maart ’n veiling gehou met die boerbokstoet van Hannes de Witt
asook die Dahenca 5 dorpers en witdorpers van Hannes en Dawid Kriel.
Die hoogste prys vir ’n boerbokram was R50 000, wat betaal is deur Piet Karstens van
Upington. Piet het ook die hoogste prys van R20 000 vir ’n boerbokooi betaal.
Die hoogste prys van R30 000 is betaal vir ‘n dorperram. Die hoogste prys van
R16 000 is betaal vir ’n witdorperram deur Bertus van Niekerk van Kenhardt, terwyl
R4 200 betaal is vir ’n witdorperooi deur Lukas Burger van Griekwastad.
Die duurste boerbokram, Terri. Van links: Roelof
Slabbert (kleinseun van koper), Chris Hendriks
(afslaer van KLK), wat Oupa speel, Rudi Slabbert
(skoonseun van koper), Willem Steenkamp
(Karstens Boerdery), Riekie de Witt (verkoper van
Upington) en Hannes de Witt (verkoper van
Upington).
Produsente bie hoog vir dorpers
KLK Landbou Bpk het die 33ste Elite Dorperveiling op 25 Februarie op Upington
gehou. Die hoogste prys vir ’n dorperram, R22 000, is deur Gert Kotze van Upington
betaal vir ’n ram van Chris Fourie van Prieska.
Die tweede hoogste prys, R17 500, is betaal vir ’n dorperram van Rooidam
Dorperstoet van Sarel Strauss deur Ampie Vlok van Van Rooysvlei Boerdery. PJ du
Plessis van Upington het die hoogste prys, R6 000, vir ’n witdorperram van Toni Cahi
van Prieska betaal. R4 500 is betaal vir ’n dorperooi van Rooidam Dorperstoet deur
oom Izak Steyn van Upington.
Die omset op die veiling was R541 600. Chris Hendriks van KLK Landbou Bpk was die
afslaer.
Chris Hendriks (afslaer van KLK), Chris Fourie
(verkoper van Prieska) en Gert Kotze (koper van
Upington).
Die duurste dorperram. Van links: Willem
Steenkamp (hanteerder van KLK) en Hannes Kriel
(verkoper).
Sarel Strauss (verkoper), Ampie Vlok (koper) en
Niekie Cilliers (verkoper).

LEWENDEHAWE/AKTUEEL
Is die reën nou verby?
Na ’n seisoen waar goeie reën eers in Februarie voorgekom het en veeboere ’n lang trek
vanaf die winter gehad het sonder reën, lyk weidingstoestande oor die algemeen tans
redelik tot baie goed met die uitsondering van enkele kolle wat min reën gekry het.
Die gebrek aan opvolgreën voor die winter het egter veroorsaak dat die kwaliteit van
weiding nie baie goed is nie en dit is veral in kolle waar min reën die laaste paar
maande voorgekom het, waar probleme ondervind kan word met weiding in die
komende maande.
Die afgelope seisoen is gekenmerk deur ’n swak La Niña-verskynsel (koeler as normale
see-oppervlaktemperature in die Stille Oseaan) wat geheers het. Dit was egter
heelwat swakker ontwikkel as die La Niña-verskynsel van die 2007/2008-seisoen en
minder reën het ook voorgekom as die vorige seisoen.
Die draaipunt of koelste punt is alreeds in Februarie vanjaar bereik en dit lyk asof seetemperature
in die Stille Oseaan vir die res van die winter naby aan normaal behoort
te wees. Aanduidings is egter dat dit effens warmer as normaal kan word vanaf die
lente (Augustus/September 2009) met ’n moontlikheid van ’n swak El Niño (warmer as
normale see-temperature) in die somer van 2009/2010.
Wat kan die implikasies op reënval wees vir die volgende tyd?
Tradisioneel is die wintermaande baie droog en dit lyk asof vanjaar ook nie ’n uitsondering
gaan wees nie. Min of geen reën word verwag vir die winter, alhoewel die
ontwikkeling van ’n El Niño-verskynsel teen die lente dalk die kanse vir lentereëns kan
verhoog. Die verwagte neutrale tot effens warmer as normale see-temperature in die
sentrale Stille Oseaan vanaf midwinter kan veroorsaak
dat reën redelik skraps kan wees in die volgende
somerseisoen (2009/2010).
Die teenwoordigheid van ’n La Niña-verskynsel
voorspel gewoonlik goeie reënval oor die westelike
gedeeltes van die land, wat ’n groot gedeelte van
die Noord-Kaap insluit (soos die afgelope twee
seisoene). Ongelukkig het die El Niño ’n redelike
negatiewe effek op veral die midsomer-reënval en
ook in die Maart/April-periode wat ’n belangrike
periode is wat winterweiding, maar ook die volgende
lente en eerste deel van die somer, se
weiveldproduksie lewer.
Met die verwagte El Niño-ontwikkeling in die komende somerseisoen kan dit nogal
ernstige probleme skep en min reën tot gevolg hê in die kritiese somermaande. Dit is
veral gebiede waar daar die afgelope paar maande nie veel reën voorgekom het nie,
wat baie kwesbaar kan wees in die komende seisoen.
ARTIKEL GESKRYF DEUR JOHAN VAN DEN BERG (BESTUURDER: PRODUKONTWIKKELING, SANTAM
LANDBOU).
2 Upington
4 Kuruman
9 Upington
Veilingdatums vir Junie
Griekwastad
10 Winton
11 J Bouwer Karakoel
Upington
12 Postmasburg
16 Upington
Olifantshoek
17 Rooiwal Slagos Hoef
Askham Bokveiling
18 Kuruman
19 Rooiwal Slagos
Haak Upington
23 Upington
24 Caledonia
26 Postmasburg
30 Upington
VanZylsrus
Mei 2009 – 7
Prentjiemooi!
Goudgeel Askham! Na goeie reën in Februarie
in die Askham omgewing, het die veld sy asemrowende
kleure gewys.
Namibiër koop
karakoelram
KLK Landbou Bpk het op 25 Maart die Kara koel -
produk sie veiling van Johan Möller van Post mas -
burg gehou. Die hoogste prys vir ’n karakoelram
was R10 500, wat betaal is deur Jan Blaauw van
Keetmanshoop in Namibië. Van links: Johan
Möller (verkoper van Postmas burg), Chris
Hendriks (afslaer van KLK), Jan Blaauw (koper
van Namibië) en Willem Steenkamp (hanteer der
van KLK).
Kry verkoper se
besonderhede
híér
Besoek KLK se webtuiste om te sien wie jy in
jou omgewing kan kontak as jy diere van die
produsent self wil koop. Jy sal die verkoper
se besonderhede op die webtuiste kry –
kliek op die skakel Lewendehawe en dan op
Uit die hand verkope. Vir verdere navrae oor
die web skakel vir Wilna Esterhuizen (Dataadministrateur:
IT) of Adrie Biggs (Admini -
strasie-klerk: IT) by (054) 337-6296.

KLK Gesprek is 'n nuusblad wat vier keer per jaar
deur Infoworks saamgestel en uitgegee word.
NAMENS KLK LANDBOU BPK
Ilse van Zyl * (054) 337-6202 • ilse@klk.co.za
8 – Mei 2009
In gesprek met... Henk van Wyk
“Sweat it out”
Henk van Wyk (Vise-president: Agri Noord-Kaap) is die eerste seun van ‘n oud-voorsitter van die
Calvinia Landbou-unie (CLU). Henk is in 2002 ook tot voorsitter van die CLU verkies en in
Augustus 2006 is hy as die vise-president van Agri Noord-Kaap aangewys.
Calvinia al lank in sy bloed
Henk van Wyk is op 8 Januarie 1958 op
Calvinia gebore. “My eerste jare van groot -
word was op die plaas Vondelings fontein,
die familieplaas wat al ongeveer 250 jaar
in die Van Wyk’s se besit is, geleë in die
Roggeveld-streek naby Calvinia,” sê Henk.
Na skool het hy sy diensplig by die Suid-
Afrikaanse
Polisie (SAP) begin. In 1980 verlaat hy die
SAP en begin as ‘n veebemarker by
Vleissentraal te werk. “In hierdie tydperk
het ek verskeie kort kursusse in vee-, wolen
finansiële bestuur gedoen, wat my in
my latere boerderyloopbaan uitstekend
toegerus het.”
Vondelingsfontein was opgedeel in drie
stukke grond. Gedurende die 1990’s koop
hy twee stukke grond aan en begin ook
die ander stuk grond by sy pa te huur.
Op 22 Junie 1991 tree hy in die huwelik
met Ronell. Uit hul huwelik is drie dogters
gebore – Sandra (16), Jana (12) en
Hanke (5).
Met sy besige skedule, het hy maar min
tyd vir asemskep. “Op ‘n plaas met
gemengde boerdery, bestaan daar nie
so iets soos ledigheid nie. Daar is altyd
werk wat gedoen moet word of
gedoen kan word. Indien ek wel ‘n
ruskansie kry, lees ek graag oor
landbouverwante aangeleenthede
en geniet die natuurskoon en klowe
op my plaas.”
Meer oor Vondelingsfontein
Vandag boer Henk nog op die familie -
plaas, Vondelingsfontein. Dié plaas is
geleë in die winterreënvalstreek,
waar die gemiddelde
reënval, gemeet
sedert 1937, 420 mm
per jaar is.
REDAKSIE
Ruth Davies (018) 468-2716 • 083 583 5243 • ruth@infoworks.biz
Johan Smit (018) 468-2716 • 082 553 7806 • johan@infoworks.biz
BLADUITLEG EN DRUK
Infoworks (018) 468-2716 • www.infoworks.biz
* Vir navrae oor die verspreiding van KLK Gesprek,
kontak vir Ilse van Zyl.
Die Van Wyk gesin. Jana, Ronell, Hanke,
Henk en Sandra.
Henk boer tans met 1 500 dorperstoetooie
asook beeste en varke. Sedert 1981 is hy
geregistreer by die dorperstoettelerge -
nootskap en hy is ook ‘n bekende teler
van dorperramme. Die ander vertakking
van sy boerdery is 1 100 ha droëland
saaiery, waarop hoofsaaklik voergewasse
soos hawer, gars en lupiene verbou word.
Op sy plaas is ook 57 ha lusern wat deur
middel van vloedbesproeiing uit sy eie
opgaardamme besproei word.
“Boerdery is my lewe – veral die teling en
seleksie van stoetdiere is geweldig interessant.
My hoofdoelwit is om ‘n beter en
goed aangepaste dier op die veld groot te
maak en te bemark.”
Die beste besluit wat hy gedurende sy
boerderyloopbaan geneem het, was die
dag in 1990 toe hy sy merino’s verkoop
het en dit met dorpers vervang het,
hoewel hy op daardie stadium reeds
vir sewe jaar besig was om stoetdorpers
te teël.
Oor die toekoms van landbou, sê Henk,
sal daar ‘n tydelike finansiële insinking
wees. Sy raad aan produsente is ‘n
Engelse spreekwoord wat lui: “Sweat it
out”. “Met ander woorde wees geduldig,
konserwatief en beheer jou uitgawes en
kostes. Trek die gordel stywer en oor ‘n
jaar of twee sal ons almal sterker ander -
kant uitkom.”
Sy boodskap aan produsente in die
Noord-Kaap is: “Tree pro-aktief op, leef
jou Christelike waardes en opvoeding uit
en boer in oorleg met die natuurlike hulpbronne.
Onthou, landbou laat jou nie hoër
vlieg as wat jou vlerke lank is nie!”
“Om produsente op hulle grond winsgewend te laat boer, het jy sterk georganiseerde landbou met ‘n goed toegeruste, bereidwillige leierskorps nodig om vir die
produsent se voortbestaan te onderhandel en te baklei. Om werklik sinvol te onderhandel, is dit nodig dat elke produsent in die Noord-Kaap, deur sy grondvlak
boerevereniging aan Agri Noord-Kaap geaffilieer sal wees.”