VOEDINGSGEDRAG VAN KAMEELPERDE ( Giraffa camelopardalis ...

Alhoewel sommige Acacia-plantsoorte, veral soetdoringbome, in meer as een
bioom voorkom, kom dit in hoë konsentrasies in die savanne/bosveldbioom
voor (Low & Rebelo, 1996).
Die savannebioom is die grootste bioom in Suid-Afrika en behalwe die Limpopo
Provinsie, strek dit vanaf die hoë reënvaldele van die Noord-Kaap en Noordwes
tot by die laerliggende dele van die noordwestelike Vrystaat, dele van KwaZulu-
Natal asook die Oos-Kaap (Low & Rebelo,1996). Die verspreiding van
kameelperde in die Vrystaat word in Figuur 5 voorgestel. Die grootste
konsentrasie kameelperde kom in die Boshof-distrik in die Wes-Vrystaat voor.
Volgens Terblanche (1991) word die plantegroeistreke van die westelike
Vrystaat (< 1 300 m.b.s.) in soetgrasveld, karoo- en kalahari-doringveld
ingedeel. Die gemiddelde reënval vir dié betrokke streek varieer tussen 400 en
600 mm per jaar. Die groter konsentrasie van kameelperde in die Wes-
Vrystaat kan aan die hand van die plantegroei en die ooreenstemming met die
savannebioom, naamlik die voorkoms van Acacia-bome, toegeskryf word.
- 11 -