VOEDINGSGEDRAG VAN KAMEELPERDE ( Giraffa camelopardalis ...

4.1. VELDWERK
4. MATERIAAL EN METODES
Voldag veldopnames is op ’n maandelikse basis oor ’n tydperk van 12 maande
(Maart 2003 - Februarie 2004) in die onderskeie studiegebiede uitgevoer.
Direkte waarnemings van die kameelperde is met behulp van ʼn 16 x 50 verkyker
vanuit ’n voertuig gedoen, gewoonlik op ’n volgafstand van minder as 50 m.
Afhangend van die seisoen kon sodanige opnames vir ’n aaneenlopende tydperk
van 10-12 uur duur. Nagwaarnemings gedurende volmaanperiodes is slegs op
’n seisoenale basis met behulp van ’n 10 000 soeklig op afstande van sowat 20
m onderneem.
4.1.1. VOEDINGSGEDRAG
Kameelperde (twee tot ses afhangende van die betrokke studiegebied) is by elke
geleentheid vir aaneenlopende periodes van etlike ure in die veld gevolg.
Wanneer ’n kameelperd ’n spesifieke plant bewei, is dit as ’n voedingsrekord vir
die betrokke plantsoort noteer. Wanneer meer as een individu gelyktydig
dieselfde plant bewei, het die inskrywing met die aantal kameelperde
teenwoordig ooreengestem. 'n Benuttingsfrekwensie vir die onderskeie
plantsoorte is bereken as die totale aantal voedingsrekords per plant, uitgedruk
as ’n persentasie van alle waarnemings. Die totale benuttingsduurte van
afsonderlike ‘byte’, volgens Sauer, Theron & Skinner (1977) gedefinieer as die
tyd deur ’n kameelperd benodig om ’n bekvol plantmateriaal te versamel, is
gebruik ter bepaling van die werklike weiduurte per plant. Alle tydsbepalings is
met behulp van ’n stophorlosie uitgevoer. Vir elke plantsoort is die afsonderlike
benuttingsduurtes gekombineer en uitgedruk as ’n persentasie van alle
tydsbepalings.
Die relatiewe belangrikheid (RB) van benutte plantsoorte is volgens die metode
- 23 -