Slaankrag in Lofprysing - Stanger Christian Centre

1
Geloof in die Woord
Geloof In Die Woord
Posbus 112,
STANGER 4450
(032) 551 1836 / 551 2419
ISBN 0 947033 24 6
Boek No. 24
Hersien Maart 2005
1
Slaankrag in Lofprysing
Dr Jacobus Johannes van Zyl is op 24 Desember 1929 op Tarkastad gebore. Hy het op
Cradock skoolgegaan en in 1958 aan die Universiteit van Pretoria gekwalifiseer as
mediese dokter. Hy trou in 1959 met Meg Goslett, ‘n gekwalifiseerde apteker en
lidmaat van die Presbiteriaanse Kerk. Hulle het vier kinders, en dr James soos hy alom
bekend is, stel baie belang in sport. Vanaf 1949 tot 1954 was hy die Suid-Afrikaanse
Universiteit se ligswaargewig boks kampioen, hengel graag in die diep see en lê hom ook
toe op die kweek van anthiriums en orgideë. Vir 20 jaar praktiseer hy op Stanger in
Natal as mediese dokter waartydens hy ook die poste van Distriksgeneesheer, mediese
Gesondheids Beampte en Spoorweg Mediese Beampte beklee het. In Desember 1980
verkoop hy sy praktyk om voltyds sy aandag te bestee aan sy genesings bediening vanuit
Stanger, maar mense eer en sosiale status het vir hom en sy gesin kleurloos geword in
die Lig van God se Genade toe hulle Jesus Christus aangeneem het as hulle Verlosser en
Heer.
Dr. James was lidmaat van die NG Kerk, maar het in 1981 bedank, aangesien die
bediening vanuit die Christelike Sentrum, wat ook landwye literatuur verspreiding
insluit, plaasvind op ‘n interkerklike grondslag want dr. James besef dat die gawes van
God se Heilige Gees aan die mens toevertrou word om die hele Liggaam van Christus
hier op aarde te bedien, volgens Mark 16:15 tot 18.
HOOFSTUK EEN
Lofprysing bring vryheid
Ek onthou baie goed, met groot vreugde, `n Christelike byeenkoms, wat ek en my
vrou Meg in 1979 bygewoon het. `n Groep Geesvervulde gelowiges het saamgekom om
die Here te verheerlik deur lofprysing en Sy Naam, te verhoog. Die prediking van die
Woord was kragtig woord gebaseer en beginselvas, terwyl die gawes van die Heilige
Gees in werking was, soos profesie, tale en uitleg, `n woord van kennis en die gawe van
genesings, net soos dit behoort te wees wanneer die Liggaam van Christus, in die Naam
van die Here Jesus, byeenkom. Ons lees in 1 Kor. 14: 26: Hoe staan die saak dan,
broeders? Wanneer julle saamkom, dan het elkeen van julle `n psalm of

lering of `n taal of `n openbaring of `n uitlegging.
Wat ons daardie aand die meeste beïndruk het, was die manier waarop die hele
groep die Here bedien het deur lof­ en aanbiddingsliedere. Dit was `n tyd van werklike
verheerliking en ons het aan die einde van die byeenkoms, teensinnig gegaan. Ons het
oppad huis toe saamgestem, dat dit wonderlik sal wees as al God se kinders, ons
Hemelse Vader op so `n intieme manier aanbid en prys!
God bevestig dat Hy ons liefhet en dat Hy wil hê dat ons, ons liefde aan Hom moet
betoon deur Hom vrylik te aanbid en te prys. Om die waarheid te sê, is dit Sy begeerte
dat alle mense en nasies Hom moet bedien volgens die voorbeeld, wat in Sy Woord (die
Bybel) uiteengesit word, want dan sal hulle Hom in gees en waarheid aanbid. In Joh.
4:23­24 staan: Maar daar kom `n uur, wanneer die ware aanbidders die Vader
in gees en waarheid sal aanbid; want die Vader soek ook mense wat Hom so
aanbid. God is Gees; en die wat Hom aanbid, moet in gees en waarheid
aanbid.
Die Here het ons hier by die Stanger Christelike Sentrum in so `n bevoorregte posisie
geplaas, sodat dit vir ons moontlik is om deur die nuusbriewe, boeke en kasette, die
waarheid, volgens God se Woord, soos die Heilige Gees ons lei, aan baie mense regoor
die lengte en breedte van ons land te bring! Hiervoor gee ons aan God al die eer en lof!
Jesus het Self in Joh. 8:31­32 gesê: “As julle in my woord bly, is julle waarlik my
dissipels. En julle sal die waarheid ken, en die waarheid sal julle vrymaak.”
Die Here het dit kragtig op my hart gelê om hierdie boek, hoe om God in gees en in
waarheid te verheerlik, te prys en te aanbid saam te stel, sodat almal bevry kan word
van die formele, beperkende menslike tradisionele manier waarop Hy aanbid word. Die
Woord van God leer ons in Ef. 5:27 dat Jesus binnekort gaan kom om Sy Bruid te kom
haal. Christus se bruid is die kerk, Sy liggaam op aarde, wat bestaan uit alle bloed
gewaste, verloste kinders van God, wat gretig op Sy koms wag. Ef. 5:23: Want die
man is hoof van die vrou, soos Christus ook Hoof is van die gemeente; en Hy
is die Verlosser van die liggaam. Vs. 27: sodat Hy die gemeente voor Hom kan
stel, verheerlik, sonder vlek of rimpel of iets dergeliks; maar dat dit heilig en
sonder gebrek sou wees.
Dit is ons keuse, as deel van die bruid van Christus, om ons voor te berei vir Sy
wederkoms. In Openb.19:7 sê die Woord dat die bruid haarself gereed gemaak het vir
die bruilof. Wanneer `n bruid uitsien na haar huwelik met die een wie sy liefhet, is
blydskap en lofprysing altyd deel van haar voorbereiding, dus, soos die wegraping nader
kom, behoort die opgewondenheid van die naderende koms van Jesus vir Sy bruid, te
veroorsaak dat ons Hom sal prys en aanbid soos nog nooit tevore nie. Dit is veral
belangrik in hierdie laaste dae waarin ons leef.
My innige gebed is dat teen die tyd dat jy hierdie boek gelees het, jy God in gees en
waarheid sal prys en aanbid! Die vervulling met die Heilige Gees maak dit vir ons
moontlik om die Here uit ons diepste wese te prys en te aanbid.
Paulus sê in Ef. 5:18 en 19: Moenie dronk word van wyn nie – daarin is
losbandigheid; maar word met die Gees vervul. Spreek onder mekaar met
psalms en lofsange en geestelike liedere; en sing en psalmsing in julle harte
tot eer van die Here.
Hieruit kan dit veronderstel word dat die vervulling met die Heilige Gees, noodsaaklik
is om die Here te prys en om ons droefheid en wanhoop te verander na blydskap en
vreugde.
Ons lees in Joh. 7:37­39 dat Jesus voor Sy kruisiging verklaar het dat die Heilige

Gees nog nie gekom het nie, omdat Hy (Jesus) nog nie verheerlik was nie. Op
Pinksterdag (Hand. 2) is die beloofde uitstorting van die Heilige Gees vervul soos in Joel
2:28 geprofeteer is. Die gelowiges wat nog nie by magte was om God in gees en
waarheid te loof nie, het `n nuwe ontwaking in hul binneste ondervind. Daar was nou
`n nuwe vreugde en blydskap en hulle het lofprysinge tot die Here gesing. Hulle het
begin om in ander tale te spreek en die groot dade van God verklaar (Hand. 2:11). Ons
wat vandag leef en wedergebore kinders van God is, leef ook in die bedeling van die
Heilige Gees en behoort lofprysingsliedere voortdurend op ons lippe te hê, en die Here
te verheerlik soos in die vroeë kerk, na genesings en wonderwerke.
Ons lees in Jes. 43: 19 en 21: Kyk Ek gaan iets nuuts maak …. die volk wat
Ek vir My geformeer het, hulle sal my lof verkondig. Reeds van die begin af het
God altyd begeer om mense vir Homself te hê, mense wat Hom sal ken en aanbid, soos
Hy begeer om aanbid te word! Wedergebore, Gees vervulde gelowiges, wat Jesus
Verlosser en Here van hul lewens gemaak het en vervul is met die Heilige Gees, is God
se kinders wat Hom op hierdie manier kan aanbid.
Nie net regoor ons land nie, maar regoor die hele wêreld, ondervind mense hierdie
openbaring en vernuwing van lofprysing en aanbidding. Gesigte wat eers stroef en
ernstig was, wanneer hulle tot God gesing het, is besig om nou vreugdevol en
glimlaggend te word. Hande wat slap langs hul sye gehang het, of net `n gesangeboek
in hul hande gehou het, word in verering opgehef as `n teken van algehele oorgawe
aan God, wat alles vir hulle geword het! Dieselfde hande word vreugdevol geklap
wanneer God se mense Sy lof besing.
Dit is daarom gepas, dat ons, as Nuwe Testamentiese gelowiges, na die boek van die
Psalms sal gaan, sodat ons daaruit riglyne kan ontvang hoedat ons pragtige lofprysing
en aanbidding, uit ons tot die lof van God kan laat vloei!
Ek het op `n stadium baie vrae in my hart gehad aangaande hierdie manier van
lofprysing en aanbidding, en God in Sy genade, het my geleer op watter wyse Hy
verkies om geprys en aanbid te word. Een Saterdagaand was ek by `n byeenkoms
teenwoordig, waar ek gesien het hoedat wedergebore gelowiges, God met groot
vreugde en blydskap, geloof en aanbid het deur hul hande te klap en na die hemel op te
hef in `n houding van aanbidding. Ek het gevind dat ek hierdie soort van emosionele
demonstrasie van lof en aanbidding bevraagteken. Ek was baie skepties oor wat ek
gesien het. In die kerk waar ek aanbid het, het ek nog nooit so iets gesien nie en was
dit beskou as onstigtelik. In my kerk moes alles baie stil en konserwatief, sonder enige
sigbare emosie, gedoen word. Ek het na die Here uitgeroep en Hom gevra of daardie
soort aanbidding, wat ek daardie aand gesien het, van Hom af was of nie, want die
mense wat aan die diens deelgeneem het, het so gelukkig en vol vreugde gelyk. Net die
volgende aand, wat `n Sondag was, het ek na `n kerkdiens op televisie gekyk. Almal
was so ernstig. Daar was geen vreugde nie! Geen emosie nie! Dit was dood! Met
stroewe gesigte het hulle psalms en gesange gesing. Toe het die Here vir my gevra:” Is
hulle besig om My te loof of woon hulle `n begrafnis by?” Dit het presies gelyk asof
hulle by `n begrafnisdiens was!
Daarna het `n sportprogram gevolg, waar hulle gedeeltes van `n rugbywedstryd, wat
die vorige dag gespeel is, gewys het. Die wedstryd was tussen die Springbokke en
Franse. Toe die vyftienman, wat die groen en goud gedra het, op die veld gekom het,
het die pawiljoene van opgewondenheid en vreugde ontplof! Die mense het gejuig,
geskreeu, hande geklap, gewaai en hul geesdrif getoon! Weereens het die Here met my
gepraat. My onmiddellike reaksie was om te sê: “Maar Here, U kan nie `n klomp

ugbyondersteuners met `n gemeente in `n kerk vergelyk nie. Rugbytoeskouers tree
altyd so op!”
Die Here is geduldig en Hy het my meer gewys.
Die volgende program was `n simfoniekonsert in die Pretoria Skouburg. Die room
van die gemeenskap, waar dit intulektueles en kunstenaars betref, het vir die
geleentheid byeengekom. Die drag was formeel, duur aandrokke, pelse, swart dasse
ens. Daardie aand het die orkes buitengewoon goed gespeel en toe die finale gordyn
gesak het, het die mense begin handeklap en juig. Die gehoor, wat baie manne van
aansien ingesluit het, het soos een opgestaan en `n toegif versoek deur toejuiging, hul
voete te stamp, te fluit en `n langdurige toejuiging. Die gordyn is vyf keer opgetrek en
laat sak, maar die mense het steeds aangehou met hul toejuiging, applous en die stamp
van hul voete. Die gehoor het hul genot en waardering vir die uitvoering betoon.
Die stem van die Here, het weer `n keer na my gekom: “ Besef jy nou hoe leeg
lofprysing is wanneer daar geen emosie, uitdrukking of lewe uit die hart is nie? Vergelyk
die lofprysing wat mense aan hierdie musikante gee, teenoor die lof wat aan My geoffer
word. Weet jy hoe seer dit My hart maak om ontneem te word van die aanbidding wat
Ek waardig is?”
“ Ja Here.” Het ek geantwoord. My oë het oopgegaan en ek kon die verskil en die
tragedie van dit alles sien! Tragies omdat Hy God is! Koning van die Heelal! Koning
van die konings en Here van die here en Skepper van die hele skepping! Hy het Sy
enigste Seun, Jesus, gestuur om vir ons te sterf, sodat ons verlossing kan ontvang en
versoening met Hom! Hoeveel meer behoort Hy nie aanbid te word met betoning van
liefde, vreugde en dankbaarheid nie? Ek het daar en dan besluit om God se Woord te
bestudeer om uit te vind hoe Hy regtig wil hê dat ons Hom moet prys.
Dit is onmoontlik om sonder emosie te aanbid, omdat God ons emosies geskape het
en Hy het ons geskape om Hom te prys! Ons is almal bewus daarvan dat God liefde is
en liefde is `n emosie! Jesus het die bevel in Mat. 22:37­40 gegee: Jy moet die
Here jou God liefhê met jou hele hart en met jou hele siel en met jou hele
verstand. Dit is die eerste en groot gebod. En die tweede wat hiermee
gelykstaan: Jy moet jou naaste liefhê soos jouself. Aan hierdie twee gebooie
hang die hele wet en die profete.
Satan het probeer om ons te mislei deur aan ons te vertel dat ons nie emosioneel
moet word wanneer ons God prys nie, maar geliefde, om God te aanbid met jou hele
hart en siel en verstand, moet verseker jou emosies insluit! Moenie dat inhibisie of
verleentheid jou dwarsboom wanneer jy jou Hemelse Vader en die Here Jesus Christus
prys en aanbid nie.
Ons is geleer om God te vrees en eerbiedig te wees in die teenwoordigheid van die
Here, om egter Godvresend en eerbiedig te wees is `n gesindheid van die hart en
beteken nie noodwendig dat ons in die kerk moet fluister en stroef moet wees nie! Die
Here ken my hart en of ek Hom werklik eerbiedig of net kerk toe gaan om gesien te
word. Die Here is altyd by my – niks wat ek sê of doen is vir Hom verborge nie. Jou
eerbied vir Hom word in jou houding en handelinge ook buite die kerk geopenbaar – jou
houding teenoor jou man/vrou, hoe jy in jou werk optree, jou finansies behartig, in jou
gesprekke, jou reaksies en jou vermaak – God weet alles! Ek kan nie kerk toe gaan en
vir `n uur “ heilig” optree nie en dan vir die res van die week lewe asof God in die
kerkgebou agter gebly het! Ek is die tempel van God die Heilige Gees en Hy ken my
beter as wat ek myself ken! (1 Kor. 6:19).
In ons dienste by die Sentrum, bewys ons eerbied aan die Here, maar dit is ook `n

lewenswyse vir ons, omdat ons uiters bewus is van die feit dat die Heilige Gees van God
altyd by ons en in ons is. Ons kom met vrymoedigheid in die teenwoordigheid van die
Here, met vreugde en blydskap, maar ook met eerbied en met die vrees van die Here in
ons harte.
Wanneer ons vir `n diens bymekaar kom, kom ons vol verwagting, entoesiasme en
geesdrif, voorbereid om God met gees, siel en liggaam te prys en aanbid.
Jesus sê ons moet soos kindertjies word (Mat. 18:2 en 3) en onder hulle
kenmerkende eienskappe is dat kinders spontaan, vol blydskap en vol lewe is.
Baie mense het die verkeerde indruk van die vrees van die Here, selfs al is dit die
belangrikste vorm van respek. Hulle vereenselwig dit met angsvallige vrees en
ontsteltenis – maar dit is nie wat dit beteken nie! God sê in Mat. 6:9 dat ons Hom
“Hemelse Vader” moet noem, en `n normale verhouding tussen `n vader en `n kind is
intiem, vol vertroue, vol blydskap, vryheid en openhartigheid. Dit is nie te sê dat `n
kind onbeleefd teenoor sy vader mag wees nie, hy kan egter openhartig, eerlik en
spontaan wees. Dit is soos ons verhouding met ons Hemelse Vader moet wees.
Die Bybel leer ons wat dit beteken om die Here te vrees. Spr. 8:13: Die vrees van
die Here is om te haat wat sleg is. Die vrees van die Here is om dit wat sleg is te
verafsku! Ons hele lewe moet getuig van die vrees van die Here! Dat ons die Here
vrees! Ons moet dit wat verkeerd is haat! Ons moet dus besef dat om die Here te
vrees, niks te doen het met bang wees vir Hom nie, dit is ook nie `n vertoning van valse
vroomheid in Sy teenwoordigheid nie. Ons kan die vrees van die Here in ons harte hê
en steeds vreugdevolle lofprysing en aanbidding betree. Ware lofprysing is vreugdevol
en daar is dikwels luide sang, handeklap en selfs om voor die Here te dans. Ons sien dit
regdeur die Bybel en dit is die manier wat God ons beveel het, om Hom te prys. Ek stel
voor dat jy saam met hierdie boek, die laaste vyf hoofstukke van Psalms lees, sodat jy
God se bloudruk oor lofprysing en aanbidding kan sien. My gebed is dat hierdie studie
jou lewe so sal verander dat jy `n ware aanbidder sal word.
Miskien mag jy wonder waarom ons, as Nuwe Testamentiese gelowiges, terugkeer na
die Ou Testament vir bevele hoe ons God moet prys en aanbid. Die oorspronklike kerk in
die vroeë Nuwe Testamentiese tye was oorheersend Joods met `n paar gelowige
heidene. Die Hebreërs het geweet hoe om hul God te prys en te aanbid en hulle het dit
saam met hulle oorgedra na die Nuwe Testamentiese kerk. Dit was `n voldonge feit en
heel duidelik dat die God van Abraham, Isak en Jakop, die Vader van ons Here Jesus
Christus op dieselfde manier aanbid sal word, soos dit altyd was en nou, as dit moontlik
is, selfs meer!
Paulus sê byvoorbeeld aan die Nuwe Testamentiese Christene (wat ek en jy insluit) in
Ef. 5:18 – 19 dat hulle onder mekaar met psalms, lofsange en geestelike liedere moet
spreek – dus verwys hy hulle na die Psalms. Ons het dieselfde vryheid om ons Hemelse
Vader te aanbid en te prys, net soos die vroeë kerk gemaak het. Laat ons na sommige
Skrifte verwys en die Woord van God toelaat om met ons oor hierdie onderwerp te
spreek.
Dit is baie duidelik om te sien WIE die Here moet prys:
Alle mense (Ps. 145:21; 148:11 en 13; 150:6).
Alles wat asem het (Ps. 150:6).
Die regverdiges (Ps. 140:14).
Hulle wat die Here dien (Ps. 22:31).
Dienaars van die Here (Ps. 22:24).

Al die engele (Ps. 148:2)
Die ganse natuur (Ps 148:3­5).
Die Skrif is baie duidelik oor WANNEER die Here geprys moet word:
Van die oggend tot die aand (Ps 113:3).
Aanhoudend (Ps. 71:8).
So lank as jy leef (Ps. 146: 2).
In tye van bedruktheid (Ps. 42:12).
Altyd (Ps. 34:2).
Vir alles (Ef. 5:20).
Die Skrif is baie duidelik oor WAAR die Here geprys moet word:
In die vergadering (Ps. 22:23).
In die groot vergaderinge (Ps. 22:26).
Onder die volke (Ps. 57:10).
Gaan Sy poorte in met lof (Ps.100:4).
In die kring van die oudstes (Ps. 107:32).
Voor `n groot menigte (Ps. 150:1).
Gedurig (Heb. 13:15).
Die Skrif is baie duidelik WAAROM ons die Here moet prys:
Die Here is groot! Aan Hom kom al die eer, heerlikheid en lof toe. (Ps. 48:2).
God moet geloof word vir Wie Hy is. God is Almagtig. Prys die Here! (Ps.
149:1).
DIT IS `N BEVEL:
Ek wil die Here prys (Ps. 103:1).
Hulle moet dank betuig …. vir Sy grootheid (Ps.107:21).
Dit is goed om die Here te Loof (Ps. 92:2).
`n Loflied betaam die opregtes (Ps. 33:1).
Tog is U die Heilige wat woon onder die lofsange van Israel (Ps. 22:4).
God maak Sy woning waar Hy geloof word. As jy die teenwoordigheid van die Here
begeer, begin om Hom te loof!
Lofprysinge bring oorwinning! 2 Kron. 20:21: Loof die Here, want Sy
goedertierenheid is tot in ewigheid! Dit is hoe die sangers begin het om God te
prys, toe Hy `n verrassings aanval op die vyand van Sy volk geloods het. ( Hierdie hele
verhaal sal in `n latere hoofstuk van hierdie boek bespreek word). As ons die Woord
van God glo, sal ons reageer deur die Here te loof! Soos ons, ons geloof in God plaas
en elke dag nader aan ons Hemelse Vader beweeg, in gehoorsaamheid aan Sy Woord
wandel, ons gebede beantwoord sien en elke behoefte van ons vervul word, sal ons
natuurlike reaksie wees om die Here te loof! Hoe meer ons Hom loof, hoe meer
reageer Hy teenoor ons en ons geloof word al sterker! Kan jy sien hoe belangrik en
noodsaaklik dit vir `n Christen is om God te loof! As jy voortdurend `n houding van
lofprysing het, sal jou gesprekke nie maklik negatief of depressief wees nie!
Dit is uiters belangrik om versigtig te wees met dit wat jy toelaat om uit jou mond te
kom. Jesus sê in Mark. 11:22­23: “ Julle moet geloof in God hê. Want,

voorwaar Ek sê vir julle dat elkeen wat vir hierdie berg sê: Hef jou op en werp
jou in die see – en nie in sy hart twyfel nie, maar glo dat wat hy sê, sal gebeur
– hy sal verkry net wat hy sê.”
Soms is dit moeilik om geloof te hê en God te loof, as jy nie vol blydskap en liefde
voel nie, dit is egter belangrik om Hom altyd te loof, nie net wanneer dit goed gaan of
wanneer jou gebede beantwoord word nie. `n Kind van God wandel deur geloof en nie
deur aanskoue nie, geloof is om seker te wees van die dinge wat ons hoop en `n bewys
van die dinge wat ons nie sien nie! (Heb. 11:1) Geloof is om jou Hemelse Vader
volkome te vertrou, in Hom te rus en te glo dat jy reeds ontvang het wat jy in gebed
van Hom gevra het – kyk met oë van geloof vir die antwoord op jou gebed. Omdat dit
waar is en omdat die Woord van God so sê, het jy rede om die Here te dank en Hom te
loof, selfs voordat jy die antwoord op jou gebed sien. Mark. 11:24 sê: AS JULLE
IETS IN DIE GEBED VAN GOD VRA, glo dat julle dit al ontvang het en dit sal
vir julle gedoen word(Lewende Bybel). As jy glo dat jy REEDS ontvang het
(wanneer jy gebid het), het jy beslis rede om met vreugde vervul te wees en om die
Here te loof! Dit is die soort geloof wat God eer!
Laat ons na Ps. 33:1 kyk, waar daar staan: O regverdiges, jubel in die Here! `n
Loflied betaam die opregtes. As jy `n regverdige, wedergebore kind van God is,
Hom met jou hele hart dien en in gehoorsaamheid aan Sy Woord lewe, behoort
lofprysing en aanbidding deel van jou lewe te wees.
As jy Ps. 33 verder lees, sal jy vind dat dit wonderlike beloftes vir `n kind van God
bevat:
Kyk, die oog van die Here is op die wat Hom vrees. Op die wat op Sy
goedertierenheid wag; om hul siel te red van die dood en hulle in die lewe te hou in
hongersnood (Ps. 33:18 en 19).
`n Belangrike aspek om egter te onthou, is dat al die beloftes van God onderhewig is
aan ons gehoorsaamheid om die voorwaardes, wat daaraan gekoppel is, na te kom.
In Ps. 33:1– 3 word ons beveel om vyf dinge te doen:
Jubel in die Here! `n loflied betaam die opregtes. Psalm sing tot Sy eer!
Sing tot Sy eer! Speel goed met trompetgeklank.
Volgens Ps. 31:18 en 19 vind ons dat God ons oorvloedig seën, as ons aan Sy
voorwaardes voldoen. Dit is dus vanselfsprekend dat wanneer jy nie gewillig is om die
Here te loof nie, jy nie kan verwag dat Sy beloftes `n werklikheid in jou lewe sal word
nie.
HOOFSTUK TWEE
‘n Offer van Lof
Wanneer ons aan die voordele en seëninge van God dink, wat ons, as gevolg van ons
gehoorsaamheid aan Sy bevele in Sy Woord verkry, behoort ons dankbaarheid en liefde
ons te motiveer tot `n lewe van diens aan Hom. Wanneer ons van “bedien” praat, dink
ons gewoonlik dat dit beteken om iemand te bedien of hulle behulpsaam te wees, bv. `n
kelner wat `n mens in `n restaurant bedien. Wanneer ons sê, dat ons God “bedien”,
sluit dit ook in om na Sy “behoeftes” om te sien.
Ons word vermaan om mekaar te “bedien” in die liggaam van Christus – elkeen van
ons het `n bediening en as ons Hom vra, sal die Here aan elkeen van ons openbaar, wat
ons spesiale bediening is. Byvoorbeeld, een mens kan `n bediening van aansporing hê

– om ander aan te moedig en op te hef. `n Ander mag `n musiekbediening hê – om
ander te help om `n lewe vol lofprysing te leef. Nog een mag `n bediening hê wat
omsien na die behoeftes van kinders, ou mense, die armes, weeskinders, weduwees,
ens. Iemand wat `n berade is, het `n baie spesiale bediening – deur God se genade te
toon en hulself te gee aan diegene wat in moeilike omstandighede is en voel dat hulle
dit nie kan baasraak nie.
God het elkeen van Sy kinders toegerus om andere te dien, nie net die in die liggaam
van Christus nie, maar ook die hele mensdom. Dit is veral belangrik, omdat die
onbekeerde eerder na die Koninkryk getrek sal word, as hulle sien dat Christene doen
wat hulle sê!
God het ons geskape om Hom te bedien en ons doen dit deur Hom as ons Koning en
ons God te bedien, wat ons vir hierdie doel geskape het, en wat ons so lief het dat Hy
Sy Seun gestuur het om aan die kruis te sterf, sodat ons gered en genees kan word
(Joh. 3:16).
God het ons gemaak om konings en priesters vir Hom te wees. 1 Pet. 2:9: Maar
julle is `n uitverkore geslag, `n koninklike priesterdom, `n heilige volk, `n
volk as eiendom verkry, om te verkondig die deugde van Hom wat julle uit die
duisternis geroep het tot Sy wonderbare lig.
As “priesters” van God, bring ons nie meer aan Hom die offerande van diere soos in
die Ou Testament nie, maar nou bring ons `n geestelike offer. In Heb. 13:15 staan:
Laat ons dan gedurig deur Hom aan God `n lofoffer bring, dit is die vrug van
die lippe wat sy Naam bely.
In die Psalms word aan ons gesê dat lof die offer is wat ons aan God moet
bring.
Daar is `n verskil tussen lofprysing en aanbidding. Wanneer ek van aanbidding
praat, praat ek nie oor bid nie maar om God te aanbid vir Wie Hy is. .
LOFPRYSING is om God te dank, vir wat Hy vir ons doen en aanbidding is om Hom
te bedien vir Wie Hy is.
SEWE HEBREEUSE WOORDE VIR LOFPRYSING
HALLAL – Om die Here te prys deur verheerliking, dit is deur te dans, deur glans
voort te bring, deur verspot uitbundig op te tree. `n Baie rumoerige opheffende soort
van lofprysing.
Ps. 150 Hallal die Here, Hallal God in Sy heiligdom : Hallal Hom in Sy sterk
uitspansel.
SHABACH – Om die Here te prys met `n gejuig en `n harde stem.
Ps. 63:4 Want U goedertierenheid is beter as die lewe; my lippe moet U
Shabach.
YADAH – Om die Here met die hande en handbewegings te loof.
Ps. 138:2: Ek sal my neerbuig na U heilige paleis en u Naam Yadah.
TODAH – Die offers van lofprysing wat volgehoue sang versterk. Verwys ook na die
lofprysing aan die Here as `n prosessiekoor of optog.
Ps. 50:23: Die een wat Todah offer, eer My.
ZAMAR – Om die Here te loof deur die speel van `n instrument.
Ps. 108:1: My hart is gerus, o GOD! Ek wil sing en Zamar gee.
TEHILLAH – `n Lofprysing uit jou gees. Die oorblywende lied van die Here, uit die
hart van die gelowige. Ps. 22:4: Tog is U die Heilige wat woon onder die Tehillah van
Israel.

BARAK – Om die Here te loof deur te kniel of te buig.
Ps. 95:6: Kom, laat ons aanbid en neerbuk; laat ons Barak voor die Here
wat ons gemaak het.
Wanneer jy die Here loof, seën jy Hom en beveel jy Hom aan, praat jy goed van
Hom. Soms kan jy aan Hom danksegging bring of `n psalm om Sy grootheid te loof.
Die psalmdigter in Psalm 150:6 BEVEEL SELFS " laat alles wat asem het" die Here
loof!
As Sy kinders, het ons almal hierdie bediening, om Hom te loof en te aanbid. As ons
Hom op hierdie manier bedien sal ons ­ sy poorte in gaan met lof, sy voorhowe
met lofgesang; loof Hom, prys sy Naam. Want die Here is goed, sy
goedertierenheid is tot in ewigheid, en sy trou van geslag tot geslag. (Ps.
100:4 en 5).
Onthou, die basiese verskil tussen lofprysing en aanbidding is, dat lofprysing gaan
oor wat die Here vir jou gedoen het en aanbidding gaan oor Wie Hy is.
Om te prys is om goed van iemand te praat, om waardering teenoor iemand te toon,
om te komplimenteer, om iemand op te bou. Om te aanbid is om iemand hoog te ag;
om neer te buig voor die voorwerp van aanbidding. Aanbidding is die hoogste vorm
van lofprysing. DIt is `n gesindheid van die hart. Ons begin gewoonlik met lofprysing
aan die Here en beweeg dan in aanbidding in. Wanner ons na die handeling van
aanbidding kyk, kyk ons na drie aspekte.
Eerstens, aanbidding kom altyd uit die hart. Dit is die eerbiedige betrokkenheid van
die mens se hart met sy Skepper. Dit is meditasie en konsiderasie en om in ontsag voor
die heiligheid, grootheid en waardigheid van God te staan.
Tweedens, is aanbidding spontaan en opreg, en kom direk uit `n hart, wat van liefde
oorloop. Geen emosies word opgewek nie. Ons beker “ loop oor” met lofprysing, soos
Dawid in Ps. 23 sê.
Derdens, is aanbidding die uitstorting van diepgaande uitrukkings van respek,
verering, ontsag en liefde. Dit is moontlik om `n persoon lief te hê en te prys, maar ons
kannie `n persoon AANBID nie. Ons aanbidding is net vir die Here bedoel, wie ons
geskape het om Hom te aanbid en wie die enigste Een is wat waardig is vir ons
aanbidding!
U is waardig, o Here, om te ontvang die heerlikheid en die eer en die krag,
want U het alles geskape en deur U wil bestaan hulle en is hulle geskape
(Openb. 4:11).
Dit vertel ons dat God waardig is om roem, eer en lofprysing te ontvang, en beteken
dat dit vir ons moontlik is om Hom te bedien en te seën deur ons lofprysing en
aanbidding.
Daar is tye gedurende lofprysing en aanbidding dat ons mag voel om net op die Here
te wag, Sy teenwoordigheid te ervaar en bewus te word van Sy heerlikheid. Dit is
volkome Skriftelik en ons behoort dikwels op die Here te wag. In Jes. 40:31 staan:
Maar die wat op die Here wag,kry nuwe krag; hulle vaar op met vleuels soos
die arende; hulle hardloop en word nie moeg nie, hulle wandel en word nie
mat nie.
Dit is wanneer ons op die Here wag, dat ons swakheid vervang word met God se
krag. Ons ontvang Sy krag. Die psalmdigter het geweet van om “op die Here te wag”
en Ps.62:6 sê: Wees net maar stil tot God, my siel, want van Hom is my
verwagting.

Ps 130:5­6 sê: Ek wag op die Here; my siel wag, en ek hoop op sy woord.
My siel wag op die Here meer as wagters op die môre.
Dit mag snaaks en nuut vir sommige wees, as gevolg van `n gebrek aan kennis oor
hierdie onderwerp, maar ek wil jou verseker dat alles Skriftuurlik is. Ek glo dat meer
kinders van God, hierdie waarheid sal begin verstaan en ek loof Hom hieroor. Die
Woord vertel aan ons dat Jesus gaan kom om Sy bruid, die ware Kerk, te kom haal, wat
die ewigheid sal deurbring deur Hom en die Vader te loof en te aanbid. Dit sê ook vir
ons dat die lofprysing in die Hemel soos donderslae sal klink!
Alhoewel dit onmoontlik is om volmaak te wees, word ons aangesê om daarna te
strewe om “ sonder rimpel of vlek” te wees, wanneer Hy ons kom haal (Ef. 5:27). Dit
hang van ons af om op die Woord van God te reageer, wat ons beveel om Hom in Gees
en waarheid te aanbid en in Jesus se voetspore te volg, want Hy is die enigste
voorbeeld van volmaaktheid. Sy Heilige Gees wat in ons woon, sal ons lei en oortuig,
sodat ons die Vader gelukkig kan maak in alles wat ons doen en sê. Wanneer
dankbaarheid vir Sy genade en wat Hy vir ons gedoen het in ons opkom, en ons meer
tyd in gemeenskap met Hom deurbring, sal ons meer en meer leer hoe ons Hom kan
bedien en seën met ons dankbetoning in lofprysing en aanbidding! Dit is wanneer ons
Hom prys en dank vir Sy liefde, goedheid en genade, dat ons die deur oopmaak en
aanbidding betree. Wanner ons Hom aanbid vir wie Hy is, kom ons in die
teenwoordigheid van God – Sy ware troonkamer en het gemeenskap met Hom.
Die Vaderhart word dan geroer, en, soos ons op Hom wag, bedien Hy ons, seën ons
en openbaar Hy Homself, op `n magtige wyse, aan ons! Dit is baie eenvoudig, dit is
net soos `n kind tyd met sy liefdevolle vader deurbring, wat op sy beurt hierdie spesiale
tyd, met sy kind geniet en begeer om in sy behoeftes te voorsien.
Lofprysing, aanbidding en gemeenskap met God, alhoewel intiem en persoonlik, kan
ook plaasvind in gemeenskap met ander gelowiges. Gedurende so `n tyd ondervind ons
dikwels die werking van die Heilige Gees deur lede van die Liggaam, omdat ons gestig
word deur `n boodskap in tale, `n profesie, `n woord van kennis of `n woord van
wysheid.
Heb. 10:19 sê: Terwyl ons dan, broeders, vrymoedigheid het om in die
heiligdom in te gaan deur die bloed van Jesus op die nuwe en lewende weg.
Besef jy wat hierdie vers werklik sê? Ons kan die Allerheiligste binne gaan, in die
teenwoordigheid van God, omdat ons skoon gewas is deur die bloed van Jesus! Dit is
nie nou net die hoëpriester van die Ou Testament, wat eenkeer `n jaar die Allerheiligste
kon binne gaan nie! Jesus het `n weg vir my en jou gemaak om enige tyd die
troonkamer van God binne te gaan, so dikwels as wat ons begeer!
Daar is geen beter manier om in die teenwoordigheid van jou Hemelse Vader te kom
as deur lofprysing en aanbidding nie. Het jy geweet dat Neh. 8:11 vir ons sê dat “ die
blydskap in die Here, ons beskutting is”? Jesus wou gehad het dat Sy dissipels, Sy
blydskap moes ervaar , en ons, as Sy dissipels (gelowiges) vandag, is ingesluit. Sonder
die blydskap in die Here, word ons swak en kragtelose Christene, met geen oorwinning
in ons lewens. Hierdie blydskap word in ons opgewek deur lofprysing en aanbidding en
dit is nie afhanklik van ons omstandighede nie, want Jesus is die bron van ons
blydskap. Dit ontstaan deur ons geloof en vertroue in ons Hemelse Vader, by Wie niks
onmoontlik is nie (Luk. 1:37), wat so baie vir ons gedoen het en belowe het om ons
nooit te verlaat nie.
In Joh. 17:13, toe Jesus gebid het, het Hy gesê …… nou kom Ek na U toe; en Ek
spreek hierdie dinge in die wêreld, sodat hulle My blydskap volkome in hulle

kan hê.
Hierdie blydskap is ons erfenis, deur Jesus. Hierdie blydskap is nie afhanklik van ons
fisiese omstandighede nie, maar is afhanklik van Jesus Christus ons Here en Verlosser,
en Hy verander nooit.
Alles wat ons van die Here ontvang het, is deur ons geloof in Hom – ons verlossing,
bevryding van bindinge, genesing, doop in die Heilige Gees en elke ander seëning. In
die wêreld word aan ons gesê – “ om te sien is om te glo,” die Bybel sê egter – “glo eers
dan sal jy sien”! Ons glo, omdat die Woord van God dit sê en omdat ons Hemelse
Vader betroubaar is. Ons glo Sy beloftes, voordat hulle gebeur, want Hy kan nie lieg nie.
Dit is onmoontlik om Hom sonder geloof (vertroue) te behaag (Heb.11:6). In Heb.
10:23 lees ons: “ Laat ons die belydenis van die hoop onwankelbaar vashou,
want Hy wat dit beloof het, is GETROU.” Ons bely met ons monde wat ons in ons
harte glo (Rom. 10:10). Dit is belangrik om in ons hart te glo wat die Woord van God sê
en dit met ons mond te verklaar, spreek God se Woord met sekerheid. Daar is geen
beter manier om twyfel te oorwin, as om jou denke en hart met die Woord van God te
vul, want uit die oorvloed van die hart, spreek die mond. Dit is onmoontlik om een ding
te dink en `n ander te sê. As daar twyfel in jou hart en gedagtes is, sal dit
geopenbaar word deur die Woord wat jy spreek, begin dus om die Woord van God
hardop te bely. Geloof ontstaan deur die Woord van God te hoor en dit sal alle twyfel
vervang. Dit sal nie lank neem, voordat jou negatiewe gedagtes verander nie.
Blydskap werk op dieselfde manier. As jy depressief voel en `n laagtepunt bereik
het, begin om God hardop te prys en Sy lof te besing, dit is veral effektief om elke
swaarmoedige gees te verdryf, alle depressiewiteit en ook alle twyfel! Ons het vroeër
oor Ps. 33:1­ 3 gepraat: O regverdiges, jubel in die Here! `n Loflied betaam die
opregtes. Loof die Here met die siter; psalmsing tot sy eer met die
tiensnarige harp. Sing tot sy eer `n nuwe lied; speel goed met
trompetgelkank. Paulus en Silas het God geloof terwyl hulle in die tronk was, en die
Here het `n wonderlike wonderwork vir hulle gedoen. Hy het die tronkdeure oop
gemaak en `n weg gebaan waar daar skynbaar geen weg was nie. Jy alleen neem die
besluit, jy KIES om lofsange te sing – dit het niks met jou gevoelens of omstandighede
te doen nie! Onthou dat blydskap nie afhanklik is van jou omstandighede nie, maar dit
kom vanuit jou binneste, en is `n innerlike eienskap, `n vrug van die Heilige Gees (Gal.
5:22) en is die gevolg van Christus in jou, die Hoop van blydskap! Jy kan `n innerlike
sekerheid, vrede en blydskap hê, ongeag enige situasie. “Blydskap” verskil van “geluk.”
Geluk is afhanklik van vry te wees van angs, probleme, skadelike omstandighede en
onaangename mense en situasies. BLYDSKAP, aan die anderkant, is die wete dat “Hy
wat in my is, is groter as hy(die duiwel) wat in die wêreld is” (1 Joh. 4:4).
Blydskap kom deur ons Hemelse Vader te vertrou en Sy Woord te glo.
Blydskap kyk nie na die uiterlike probleme nie maar na God se oplossings.
Blydskap is egter afhanklik van ons gehoorsaamheid aan Bybelse beginsels, bv.
wanneer ons kies om God te loof, Hy gee aan ons Sy blydskap en vrede in ruil vir ons
verdriet en angs. Onthou ons lees in Ps. 33:1: `n Loflied betaam die opregtes –
Laat die blydskap van die Here ons deel word!
HOOFSTUK DRIE
Lofprysing ’n Geestelike Wapen
In 2 Kron. 20 lees ons die storie van Josafat, die koning van Juda. Ons kan

`n waardevolle les uit hierdie verhaal in die Bybel leer. Groot magte uit die Ooste was
besig om Jerusalem te nader en dit het voorgekom asof die Israeliete verslaan sou
word. Die vyand het reeds die grense van Jerusalem oorgesteek.
Koning Josafat het die volk byeen geroep en aan hulle gesê om teen die vyand te veg
en bygevoeg dat “ die stryd nie hulle saak is nie maar die saak van God.” Die volgende
oggend het al die mense by die vasgestelde plek bymekaar gekom, reg vir die geveg.
Koning Josafat het die Here se aangesig gesoek en aan die mense gesê dat God aan
hom sekere bevele gegee het. In gehoorsaamheid aan God se bevele het hy mense as
sangers aangestel, wat die leër in die geveg moes lei?! Dink net aan die reaksie, nadat
almal opgestel is en die koning die sangers op die voorpunt stel! Die soldate het seker
na mekaar gekyk en gedink: " Wat op aarde is met die koning verkeerd?" Koning
Josafat het toe aan hulle gesê: " Die Here het my beveel om die sangers in die voorste
linie te plaas." Die koning het toe aan die sangers gesê om voor die soldate te loop en
lofliedere tot die Here te sing! Hulle het gesing: Loof die Here, want Sy
goedertierenheid is tot in ewigheid! Loof die Here, want Hy is goed, want Sy
goedertierenheid is tot in ewigheid. Hy wat alleen groot wonders doen; Sy
goedertierenheid is tot in ewigheid. Wat die hemele gemaak het. Sy
goedertierenheid is tot in ewigheid. Wat die aarde op die waters uitgespan
het. Sy goedertierenheid is tot in ewigheid. Wat die groot ligte gemaak het.
Die son om te heers oor die dag. Die maan en die sterre om te heers oor die
nag. Want Sy goedertierenheid is tot in ewigheid!
Die mense het lofliedere tot hul Almagtige God gesing, omdat Sy goedertierenheid tot
in ewigheid is. Hulle het van hul God gepraat as die God bo alle gode – Hy wat die son
gemaak het, die aarde, die sterre en die maan. Hulle het voort gegaan om te vertel hoe
hulle uit Egipte bevry is.
Ps 136:10­16: Wat die Egiptenaars getref het in hulle eersgeborenes, want
Sy goedertierenheid is tot in ewigheid.
En Israel onder hulle uitgelei het, want Sy goedertierenheid is tot in
ewigheid. Met `n sterk hand en `n uitgestrekte arm, want Sy
goedertierenheid is tot in ewigheid. Wat die Skelfsee in stukke gesny het,
want Sy goedertierenheid is tot in ewigheid.
En Israel daar dwarsdeur laat gaan het, want Sy goedertierenheid is tot in
ewigheid.
En Farao saam met sy leër in die Skelfsee gestort het, want Sy
goedertierenheid is tot in ewigheid.
Wat Sy volk deur die woestyn gelei het, want Sy goedertierenheid is tot in
ewigheid.
Die sangers het uit hulle harte, lofliedere tot God gesing. Hulle moes baie naby aan
die kamp van die vyand gewees het. Terwyl hulle steeds God geprys het en feitlik by
die vyande se kamp was, het die leier gesing: Loof die Here wat groot konings
verslaan het! Die sangers het gejubel en dit opgevolg met: Sy goedertierenheid is
tot in ewigheid. Ps. 136:18­26: …. En geweldige konings gedood het, want
Sy goedertierenheid is tot in ewigheid. Sihon, die koning van die Amoriete,
want Sy goedertierenheid is tot in ewigheid. En Og, die koning van Basan,
want Sy goedertierenheid is tot in ewigheid. En hulle land as erfdeel gegee
het, want Sy goedertierenheid is tot in ewigheid. As erfdeel aan Israel, Sy
kneg, want Sy goedertierenheid is tot in ewigheid. Wat in ons vernedering
aan ons gedink het, want Sy goedertierenheid is tot in ewigheid. En ons van

ons teëstanders losgeruk het, want Sy goedertierenheid is tot in ewigheid.
Wat voedsel gee aan alle vlees, want Sy goedertierenheid is tot in ewigheid.
Loof die God van die hemel, want Sy goedertierenheid is tot in ewigheid.
Toe het `n verstommende ding plaasgevind!! Chaos en verwarring het in die vyande
se kamp ontstaan, wat veroorsaak het dat hulle onder mekaar geveg en geargumenteer
het. Die soldate het die vyandige kamp genader, steeds besig om lofliedere tot God te
sing! Hulle het al singende tot in die kamp gemarsjeer en God het dit soos `n groot
leërmag laat klink! Die vyande het teen mekaar gedraai en mekaar dood gemaak!
Toe die Israeliete in die kamp gekom het, het hulle eers gesien wat die Here gedoen
het. Nie een vyandige soldaat het oorleef nie! Hulle almal was dood! Dit was nie vir
hulle nodig om `n spies te gooi of `n pyl te skiet nie! Dit het die Israeliete drie dae
geneem om die buit bymekaar te maak. Wat het die oorwinning veroorsaak? Hul
geloof was stewig geanker in God en hulle het Hom met hul hele hart geloof!
Wanneer jy God te alle tye en onder alle omstandighede loof, bind jy Satan en sy
demone met kettings en boeie van yster. Ons lees in Ps. 149 verse 6 ­9:
Lofverheffinge van God is in hulle keel, en `n tweesnydende swaard in hulle
hand; om wraak te oefen onder die heidene, strafgerigte onder die volke; om
hulle konings met kettings te bind en hulle edeles met ysterboeie; om `n
vonnis wat opgeskrywe is, aan hulle te voltrek. `n Eer is dit vir al Sy
gunsgenote! (Lees ook Ps. 140: 5 – 8).
Wanneer jy koortjies hardop begin sing, sal jy ontdek hoe gou twyfel en depressie
verdwyn, want God sal jou lofprysing met Sy teenwoordigheid vereer.
Ek wil graag nog `n paar gedagtes met jou deel aangaande die storie van Koning
Josafat en sy weermag en hoe hulle die vyand oorwin het deur God te loof, want hierdie
verhaal leer ons baie dinge wat ons, in ons Christelike wandel behoort te weet. As `n
gelowige, wanneer ek `n moeilike situasie in die gesig staar en dit wil voorkom asof
alles verkeerd gaan, besef ek dat in `n geveg, die beste manier van verdediging is om
aan te val. Dit help glad nie om te verbrokkel of uitmekaar te val nie, maak nie saak
hoe haglik die omstandighede mag voorkom nie. God het geestelike wapens voorsien
waarmee geveg kan word, en Hy het Sy Woord en beloftes gegee waarop ons moet
staan. Hy het belowe om my, in die aangesig van my vyande, te verlos, as ek die keuse
maak om Hom te loof en te aanbid, met `n dankbare hart te midde van ontsteltenis.
Koning Josafat het geweet hoe om in die teenwoordigheid van God te kom deur
lofprysing en aanbidding. Hy was gehoorsaam en het presies gedoen wat die Here aan
Hom gesê het, selfs al het dit verspot gelyk om die sangers vooruit te stuur in die
geveg! Ons moet altyd onthou dat God in beheer van die situasie is, en dat die geveg
syne is indien ons gehoorsaam bly aan Sy bevele. Hy sê in Jes. 43: 19 en 21 dat: Hy
iets nuuts gaan maak. Die volk wat Ek vir My geformeer het, hulle sal my lof
verkondig.
Hy het aan ons gesê om Hom te alle tye te loof, of ons daarna voel of nie. Sy Seun,
Jesus, ons Here en Verlosser, het reeds die oorwinning oor die magte van die duisternis,
vir eens en vir altyd, aan die kruis behaal en ons moet dit met dankbare harte onthou.
Die vyand was paniekbevange toe hulle die mense, van die wonderlike dinge wat hulle
God vir hulle in die verlede gedoen het, hoor sing het (lees Deut. 2:19­25). Koning
Josafat se lofprysinge het veroorsaak dat die vyand se broeke gebewe het! God het aan
koning Josafat en die mense van Jerusalem gesê: Luister, almal wat uit Juda is en
inwoners van Jerusalem en u, koning Josafat! So sê die Here aan julle: Wees
nie bevrees of verskrik vanweë hierdie groot menigte nie, want die stryd is

nie julle saak nie, maar die saak van God.
Julle hoef daarby nie te veg nie; staan gereed, bly staan en aanskou die
redding van die Here by julle, Juda en Jerusalem! Vrees nie en wees nie
verskrik nie; trek môre teen hulle uit, en die Here sal met julle wees (2 Kron.
20:15 en 17).
Ons weet dat ons nie teen vlees en bloed veg nie, volgens Ef. 6 vers 12, maar teen
die owerhede en magte van die duisternis. Ons weet ook dat hierdie owerhede en
magte, se leier, Satan, verslaan is toe Jesus gekruisig is. Kol. 2:15: Nadat Hy die
owerhede en magte uitgeklee en hulle in die openbaar tentoongestel en
daardeur oor hulle getriomfeer het (die kruis). Daarom kan ons Hom vir ons
oorwinning loof, maak nie saak in watter geveg ons nou betrokke is nie. Die Here het
reeds die geveg vir jou gewen. Die vyand is verslaan en al wat jy moet doen, is om
sterk in die geloof te staan, God se Woord te glo en jy sal die Here se verlossing en
oorwinning sien plaasvind in jou lewe. Daar is geen plek vir twyfel, wanneer God aan
die werk is. As God vir jou is, wie kan teen jou wees? Dit is egter belangrik om te
besef, dat jy nie van die geveg af kan weg hardloop nie, probleme kan nie oorwin word
deur vir hulle weg te kruip of van hulle weg te hardloop nie. Jy kan die vyand reguit in
die oë kyk, omdat God met jou is. Glo dat Hy jou sal deurdra en handel daarvolgens!
LOFPRYSING IS GELOOF IN AKSIE.
Koning Josafat en sy soldate het hul geloof in aksie gebring, toe hulle begin het om
die Here te loof. Volgens die natuurlike, sou die soldate die weermag in die geveg gelei
het, maar hierdie was `n bonatuurlike geveg, gelei deur sangers wat God geloof het!
Hy het tot eer van die Here sangers opgestel wat, in heilige sieraad, moes
lofsing en by die uittrek op die voorpunt van die gewapendes gaan (2 Kron.
20:21).
Die woord wat in die Hebreeuse taal vir sangers gebruik word, beteken in werklikheid
om “ jou hand in mag op te hef.” Hulle het verseker hul hande in `n demonstrasie van
hul algehele afhanklikheid van die Here, opgehef. Dit was die manier hoe hulle die Here
in lofsange bedien het. Dit moes `n buitengewone gesig gewees het om te sien dat `n
weermag deur sangers gelei word, wat met opgehefte arms lof aan die Here bring!
Let op vers 22: En op die oomblik toe hulle die gejubel en die lofsang aanhef,
het die Here `n hinderlaag opgestel….. Jy sien, hierdie lofprysinge het gesê: “
Here ons kyk nie na die hopelose situasie waarin ons is nie, ons kyk nie na die vyand
nie, ons vertrou geheel en al op U.” Dit is geloof en soos ons alreeds gesê het –
Lofprysing is geloof in aksie..
In Kron. 20 vers 30 gaan dit verder en daar staan: Verder het die koninkryk
van Josafat gerus, en sy God het hom rondom rus verskaf. Die weermag van
Josafat was seëvierend! JY kan ook seëvierend wees! Ek het die verhaal van koning
Josafat in detail vertel sodat jy kan besef hoeveel krag daar in lofprysing is!
God het vroeg in my bediening, aan my `n voorbeeld van hierdie Bybelse beginsel
gegee. `n Jong onderwyseres het Stanger toe gekom en haar hart aan die Here Jesus
gegee, nadat Hy haar nek, wat ernstig in `n duik ongeluk beseer was, volkome genees
het. Sy was hoogs intellektueel, en was betrokke by die studie en `n volgeling van 19
verskillende godsdienste, asook `n praktiserende spiritualis in daardie tyd. Sy het vertel
hoedat sy as `n ongelowige, altyd gedink het dat Christene swak en pateties was. Dit
het egter alles verander, toe sy gered is. Baie gou het sy egter besef dat die duiwel, wat
voorheen haar bondgenoot was, nou haar verwoede vyand geword het. Hy was nie
gewillig om haar sonder `n geveg op te gee nie, want sy was een van sy kragtige

werktuie. Satan het dadelik sy aanval op haar geloods en sy het gevind dat sy met hom
en sy demoniese magte geworstel het, veral in die nag. Ons het haar deur `n proses
van bevryding geneem, waartydens sy van baie bose geeste van die vals godhede, wat
`n onafskeidbare deel van haar lewe was, verlos is. Haar “geestelike gids” en Egiptiese
“gode” was onder die sterkmanne wat haar gebind het en wat `n geveg opgesit het.
Ons het vir haar en saam met haar gevas en gebid en een vir een moes hierdie demone,
in die Naam van Jesus, gaan. Sy het ons vertel, dat gedurende tydperke, sy egter hul
bose teenwoordigheid rondom haar gevoel het, veral wanneer sy probeer het om te
slaap. Die Here het toe aan ons gewys dat ons `n kassetspeler met lofprysinge, gedurig
in haar kamer moes speel. Sy het ons vertel dat sy in volmaakte vrede kon slaap terwyl
die lofprysinge van God gespeel het, omdat die vyand gewyk het, maar net sodra die
bandjie klaar gespeel het, het sy hul poging om haar weer te nader aangevoel. Sy het
gevind dat die oplossing was om die lofprysingsmusiek aanhoudend te speel, terwyl sy
deur hierdie tyd van bevryding gegaan het. Ek is bly om jou te vertel dat sy nie net
volkome, van elke demoniese mag, wat sy haar lewe voor oopgemaak het, bevry is nie,
maar sy het voortgegaan om magtig deur die Here gebruik te word. Sy is veral deur
God gebruik om lering te gee oor die gevare van die okkult, en die strikke van die
vyand, maar sy verkondig ook die genade, liefde en vergifnis van ons Hemelse Vader,
omdat sy beide van hierdie waarhede in haar eie lewe ervaar het. Dit was verseker die
krag in die lofprysing van ons God, wat veroorsaak het dat sy oorwin het!
Hier volg nog `n goddelike voorbeeld van die krag van lofprysing, wat plaasgevind
het gedurende `n byeenkoms in Pretoria. Die byeenkoms het begin met die musikante
wat ons in `n wonderlike tyd van lofprysing en aanbidding ingelei het. Daarna het ek
die Woord gebring soos die Here dit op my hart gelê het, dit was oor verlossing en
genesing deur die versoening aan die kruis op Golgota. Jesus het die prys betaal sodat
ons verlossing en genesing kan ontvang. Hierdie boodskap is altyd kragtig, omdat dit
op Jesus en Sy offerdood fokus en dus geloof in die hoorders opbou. Toe ek seker was
dat die geloof van die mense opgebou is en dat hulle reg was om hul genesing uit God
se hand te ontvang, het ek `n paar siekes na die verhoog geroep, sodat ek vir hulle kon
bid. Deur dit te doen, sou die ander die wonderwerke sien en geloof verkry vir hul eie
genesing. Terwyl ek gebid het en God die wonderwerke, voor ons oë, laat plaasvind
het, het ek `n man opgemerk wat angstig probeer het om my aandag te trek. Ek het
opgekyk en `n beroering gesien. `n Ouerige man, wat in die derde ry, langs die paadjie
gesit het, het ineengestort en drie of vier mense het hom in die paadjie neergelê. Ek
het dadelik van die verhoog afgespring en na hom gehardloop. Toe ek hom daar sien
lê, het al my mediese kennis na vore gekom en ek het besef dat hy opgehou het om
asem te haal, as gevolg van `n hartaanval. Met my ondersoek het ek gevind dat daar
geen polsslag was nie, geen lewe en dit was toe dat die stryd met die engel van die
dood begin het. My vrou Meg, wat altyd saam met my op die verhoog gebid het (omdat
die Woord sê dat waar twee van ons op die aarde saamstem, dit in die hemel gedoen
sal word), het besef dat ons in `n werklike oorlogvoering betrokke was. Sonder
aarseling het sy die musikante gevra om oorlogvoering met hul instrumente te maak
deur lofprysinge te speel en te sing, sodat die Naam van ons God verhoog kon word.
Hulle het begin om `n baie stadige aanbiddingslied te speel, moontlik in eerbied vir die
somber situasie, maar Meg het onderskeiding gehad dat `n sterk gevegsaanval nodig
was, en sy het gevra dat hulle die koor “Daar is Krag, Krag, wonderbare Krag, in die
Kosbare Bloed van die Lam” moes speel. Gou het die hele gemeente saam gesing, en ek
het agtergekom dat die gees van die dood besig was om die oorlog te verloor! Terwyl

ek die gees van die dood bestraf het en die lewe beveel het om terug te kom in die
Naam bo alle name, die Naam van ons Here Jesus Christus en die lofprysing van God se
kinders voortgegaan het om die krag in die Bloed van die Kosbare Lam van God uit te
roep, het die man weer begin asemhaal en sy hart het weer begin klop. Na `n paar
minute waarin hy sy krag herwin het, het hy nadruklik beweer dat hy reg was, het hy
sonder hulp opgestaan en na sy sitplek terug gekeer. Die hele gemeente het hande
geklap en die Here geloof vir die verstommende wonderwerk, wat voor hulle oë
plaasgevind het. Toe ek die uitnodiging gemaak het, het baie mense gereageer deur
hul harte aan die Here te gee, en hierdie ouerige man was een van hulle. Toe ek na die
byeenkoms met sy opgewonde gesin gepraat het, het ek ontdek dat hy onbekeerd was
en dat sy gesin, wat omgegee het, desperaat was dat hy wedergebore moes word,
omdat hy `n geskiedenis van hartprobleme gehad het en hulle bekommerd was oor sy
ewigelewe. As gevolg hiervan het hulle hom na die byeenkoms gebring en die Here
vertrou vir sy bekering en genesing. God het hul gebede geëer en aan hulle die
begeertes van hul harte gegee. Wat `n wonderlike God dien ons nie, Hy het nie net sy
siel gered nie, maar ook lewe in hom geblaas.
Hierdie man is uit die dood opgewek deur Sy magtige Geestelike wapens, wat
beskikbaar is vir diegene wat glo, ook nie die minste was die krag in die Naam van Jesus
en die lofprysinge van Sy kinders! God woon onder die lofsange van Sy kinders (Ps.
22:4).
HOOFSTUK VIER
Lofprysing is geloof in Aksie
Wanneer jy God IN alles loof (nie VIR alles nie), ongeag van jou omstandighede,
verklaar jy in werklikheid jou geloof in Hom en jou geloof behaag God (Heb. 11:6).
`n Wonderlike Psalm om te sing of te bely, te midde van ontsteltenis is Ps.100: Juig
voor die Here, o ganse aarde! Dien die Here met blydskap; kom voor Sy
aangesig met gejubel. Erken dat die Here God is: Hy het ons gemaak, en ons
is Syne, sy volk en die skape van Sy weide. Gaan Sy poorte in met lof, Sy
voorhowe met lofgesang; loof Hom, prys sy Naam. Want die Here is goed; Sy
goedertierenheid is tot in ewigheid, en Sy trou van geslag tot geslag.
Dit is van die uiterste belang dat ons die vader­kind verhouding, in ons wandel met
die Here sal verstaan. JY is Sy geliefde kind en moet dit nooit vergeet nie! Dit is
belangrik dat jy Hom sal sien as JOU MEES LIEFDEVOLLE HEMELSE VADER. Onthou jy,
toe jy nog `n kind was, hoe jy jou pa volkome vertrou het? Alles kon verkeerd gegaan
het, maar jy het geweet dat die oomblik wanneer jou pa by die deur sou inkom, hy op
een of ander manier alles sou regmaak. Vir jou was hy groot en wonderlik en jy het
geglo dat jou pappie enigiets, wat verkeerd was, kon regmaak. In jou hart het jy geglo
dat daar niks was wat jou vader nie kon doen nie!
Koning Josafat en sy weermag het presies dieselfde houding teenoor hul Hemelse
Vader gehad. HY sou weet hoe om hul situasie te hanteer! Hy was groot en wonderlik
en sou reg oor die vyand loop! Hulle het Hom geloof en aanbid en die Here het hulle
nie teleurgestel nie. HY SAL JOU OOK NIE TELEURSTEL NIE!
Let egter op, ons loof die Here nie VIR alles nie, maar IN alle omstandighede! 1
Thess. 5 :16­18. Dit sal dwaas wees om die Here te loof en dank vir kanker, of `n
motorongeluk, want dit kom van die duiwel en nie van ons Hemelse Vader nie. Daar is
geen manier dat `n liefdevolle aardse vader sal veroorsaak, dat vreeslike dinge met sy

kosbare kind sal gebeur nie, hoeveel meer sal ons liefdevolle Hemelse Vader, nie vir ons
omgee nie? Die Bybel leer ons baie duidelik, dat dit die duiwel is wat dinge oor ons
bring om ons kwaad aan te doen – hy kom om dood te maak, te steel en te vernietig –
maar alle goeie en volmaakte gawes kom van die Here wat die Gewer van LEWE IN
OORVLOED IS. Dit word deur hierdie Skrifte bevestig: Joh. 10:10: Die dief ( die
duiwel) kom net om te steel, en te slag en te vernietig. Ek (Jesus) het gekom,
dat hulle lewe en oorvloed kan hê.
Jak. 1:17: Elke goeie gif en elke volmaakte gawe daal van bo af neer, van
die Vader van die ligte, by wie daar geen verandering of skaduwee van
omkering is nie. Siekte en vernietiging is beslis nie goeie gawes nie, en God is nie die
Skepper daarvan nie. In die verhaal van Job het Vader God Satan verbied om Job se
lewe te neem. Lees gerus ons boek Die Christen en Job.
Jy mag volkome oortuig wees in jou hart, dat dit Skriftuurlik is om die Here met jou
hele wese te loof, tog handel jy nie daarvolgens nie. Daar kan baie verskonings wees,
bv. Ek is te skaam, ek kan nie so emosioneel wees nie, ek is nie so `n soort mens nie,
ens. Ons mis so baie seëninge deur die Here nie aktief te loof nie en slegs geestelik met
hierdie waarheid saam te stem.
God weet wat tot ons voordeel is, en Hy spoor ons aan om vir ons eie onthalwe,
gehoorsaam te wees. Daar is baie dinge in die Bybel, wat Hy ons beveel ten spyte van
ons gevoelens en redenasies. Hy beveel ons om dit te doen, omdat Hy weet hoeveel
ons lewens geseën sal word as ons aan Hom gehoorsaam is. Neem bv. die waterdoop:
Mark. 16:16 lees: Hy wat glo en hom laat doop, sal gered word. Daar word niks
van ons gevoelens gesê nie, of die menings en redenasies van ons denominasies nie, dit
is `n bevel, en God verwag gehoorsaamheid. Hy weet dat as ons eers gedoop
is(NADAT ons Jesus as Here en Verlosser aangeneem het), wat ons dood, begrafnis en
opstandig met Jesus simboliseer, dit vir ons makliker sal wees om die vyand te oorwin.
Hierdie bevel is vir ons, as kinders van die Allerhoogste God, se voordeel!! Dit is in die
Bybel duidelik dat die mense eers in die Here Jesus geglo het en daarna is hulle gedoop.
In die Nuwe Testament was almal wat geglo het gedoop. Selfs Paulus, die grootste
godsdienstige fariseër, nadat hy Jesus op die pad na Damaskus ontmoet het, was
onmiddellik deur Ananias gedoop. Die gevolg was dat hy twee derdes van die Nuwe
Testament geskryf het, die Here het hom kragtig gebruik.
Dieselfde geld vir lofprysing en aanbidding. Die Bybel beveel in Ps.150:6: Laat alles
wat asem het, die Here loof! Jy het asem, daarom is hierdie bevel vir my en jou,
maak nie saak hoeveel verskonings jy het nie. Dit is daar tot ons voordeel.
Ons kan `n idee vorm van hoe belangrik lofprysing vir Jesus was as ons
Luk. 19:38 lees. Jesus het Jerusalem binne gery op `n donkie en die menigte
het Hom geloof met: Geseënd is die Koning wat kom in die Naam van die
Here, vrede in die hemel en heerlikheid in die hoogste hemele! Die Fariseërs
het uit die skare na Hom geroep en gevra dat Hy die dissipels moes bestraf
omdat hulle Hom geloof het, maar Jesus het hulle geantwoord en gesê: Ek sê
vir julle, as hulle swyg, sal die klippe uitroep (Luk. 19:40).
Laat ons oorweeg wat ons moontlik kan pla en verhinder om God te loof en te
aanbid, soos Hy van Sy kinders verwag om te doen.
1. SONDE EN OM NIE TE VERGEWE NIE: Sonde en veral om nie te vergewe nie
bind ons, veral wanneer ons in die teenwoordigheid van die Here kom. Ons voel
veroordeel en daarom ongemaklik, omdat ons weet dat God in ons harte kyk en alles

van ons weet en ook ons swakhede ken. Dawid, die man van wie God gesê het: “Dit is
`n man na My hart”, het dieselfde probleem gehad as wat ons almal het, nl. sonde in
ons lewe. Hy was egter `n ware aanbidder en het bekering verstaan en die Here se
vergifnis. Hy het altyd sy sondes teenoor die Here bely, wanneer hy daarvan bewus
geraak het en berou gehad en God se vergifnis ontvang. Hy het in Ps. 66:18 gesê: “
As ek ongeregtigheid bedoel het in my hart, sou die Here nie gehoor het nie.”
Hy het uitgeblink in lofprysing en aanbidding vir die Here en het baie van die Psalms
geskryf. Ons weet bv. hoedat hy voor die Verbondsark, toe dit terug gebring is na
Jerusalem, gejuig en gedans het uit vreugde en dankbaarheid.
In Jes. 59:2 lees ons : Maar julle ongeregtighede het `n skeidsmuur geword
tussen julle en julle God, en julle sondes het Sy aangesig vir julle verberg,
sodat Hy nie hoor nie. Daar is egter `n baie eenvoudige oplossing om ons verhouding
met Hom te herstel en om vry te voel om aan Hom lof en aanbidding te bring, omdat Hy
dit werd is. Die oplossing is belydenis en berou. As ons ons sondes bely, Hy is
getrou en regverdig om ons die sondes te vergewe en ons van alle
ongeregtigheid te reinig (1Joh.1:9).
Dawid sê letterlik, dat sondebelydenis die vreugde van die Here in `n mens se hart
bring! Verberg U aangesig vir my sondes en delg uit al my ongeregtighede.
Skep vir my `n rein hart, o God, en gee opnuut in die binneste van my `n
vaste gees (Ps. 51:11 en 12).
Dawid het geweet dat die oomblik wat sy sondes vergewe is, hy voor die Here kon
kom met lofprysing, aanbidding en blydskap, solank daar egter nog sonde in sy lewe
was, kon hy die Here nie loof nie. Adam en Eva het, voordat hulle gesondig het deur
van die verbode vrug te eet, met die Here gewandel en gemeenskap met Hom gehad in
die Tuin van Eden (Gen. hoofstuk 3). Nadat hulle gesondig het, het hulle vir die Here
weggekruip, want hul sonde het die verhouding, wat hulle met God gehad het
beïnvloed. Kry ons boek “Dir krag van Vergifnis”.
2. VEROORDELING: Die oomblik wanneer jy opreg berou het oor jou sondes, is dit
belangrik om te weet dat die Here jou vergewe het. Hy sê in Heb. 8:12 dat Hy ons
ongeregtighede sal vergeet. As jy dan weet dat die Here jou vergewe het, wie is jy om
hierdie sonde nog steeds teen jouself te hou? Moenie soos so baie Christene wees, wat
gebind bly deur die strik van die vyand nie. Die duiwel is die aanklaer van die broeders
en die vader van leuens, wie se doel dit is om die kinders van God skuldig en veroordeel
te laat voel, selfs na hul belydenis en hulle God se genadige vergifnis ontvang het. Hy
wil nie hê dat jy God se vergifnis, genade en liefde moet "voel" nie, hy wil eerder hê dat
jy onwaardig moet "voel." Onthou dat ons nie op gevoelens moet staat maak nie, maar
op die Woord van God, wat vir ewig gegrondves is. Met ander woorde, wanneer God vir
jou in 1 Joh.1:9 sê dat as jy jou sondes bely, Hy jou sal vergewe, is dit presies wat Hy
doen, en jy moet Sy Woord glo, eerder as om die leuens van die duiwel en jou
gevoelens te glo. Diegene wat meer van hulself bewus is, as om van God bewus te
wees, voel dikwels altyd skuldig! As jy `n buitengewone kritiese gees teenoor jouself
het en `n onegte gevoel van nederigheid het, word jy negatief en selfondersoekend,
waarmee God nie tevrede is nie. Met hierdie houding is jy geneig om die klem op
jouself te plaas, in plaas van om te fokus op die vergifnis wat deur Jesus op Golgota vir
ons gekoop is. Satan wil jou deur skuldgevoelens, gebonde hou, sodat jy nie vry voel
om die Here, soos dit hoort, te loof en te aanbid nie. Indien jy veroordeel en onwaardig
voel, erken waar hierdie "gevoelens" vandaan kom, en onthou dat Rom. 8:1 sê: “Daar

is dan nou geen veroordeling vir die wat in Christus Jesus is nie, vir die wat
nie na die vlees wandel nie, maar na die Gees.”
Die manier om sonder sonde en veroordeling te wandel, word in die volgende Skrifte
gevind. Onderwerp julle dan aan God: weerstaan die duiwel, en hy sal van
julle wegvlug. (Jak. 4:7), Die oog gevestig op Jesus, die Leidsman en
Voleinder van die geloof… (Heb. 12:2). Omdat ek juis hierop vertrou, dat Hy
wat `n goeie werk in julle begin het, dit sal voleindig tot op die dag van Jesus
Christus (Fil. 1:6).
3. TRADISIE: "So het julle dan die gebod van God kragteloos gemaak ter
wille van julle oorlewering" (Mat. 15:6). Diegene van julle wat ons nuusbrief
gereeld ontvang, weet hoe `n sterk standpunt ons inneem teen die tradisies van die
mens, omdat dit nie in lyn is met die Bybel nie. Tradisie is dikwels gebou op trots,
hardkoppigheid en intellektualisme. Trots is `n sonde! (Dit was as gevolg van trots dat
Satan uit die hemel gegooi is!)Tradisie sê: "My oupagrootjie het God op hierdie manier
aanbid, so ook my oupa en my vader, daarom is dit goed genoeg vir my." Enigeen wat
aan tradisie vasklou, ten spyte van die feit dat dit nie op die waarheid van die Bybel
gegrond is nie, is gewoonlik te trots om te erken dat hulle verkeerd kan wees of om
verandering te aanvaar.
Tradisie sê dat God in `n kerkgebou woon, waar ons Hom eenmaal of tweemaal `n
week, vir `n uur of meer ontmoet en dat ons deftige klere moet aantrek, moet fluister
en `n godsdienstige houding moet vertoon! Ons mag sekere mense bedrieg, maar God
weet hoe ons werklik is, Hy ken ons hart. Dit is dwaas om te dink dat ons die
teenwoordigheid van die Here in die kerkgebou agterlaat! Die Here woon nie in geboue
wat deur mensehande gemaak is nie – Hy woon binne­in die harte van hulle wat Jesus
Christus as Here en Verlosser ontvang het en is nou Sy kinders, en wat almal saam Sy
kerk is (Hand. 7:48). Moet nooit vergeet dat God alomteenwoordig is, en weet hoe
ongeskik jy teenoor jou man/vrou in die motor was, oppad na die kerk of hoe
ongeduldig jy met jou kinders en werknemers is. Hy weet ook van jou rugstekery en "
klein wit leuentjies." Die Psalmis sê: “ Waar sou ek heengaan van u Gees en
waarheen vlug van U aangesig? (Ps. 139:7). Tradisie het Christene geleer om stil,
styf en emosieloos in die teenwoordigheid van God te wees. Baie mense dink dat dit
Hom behaag as hulle `n somber en vroom houding in die kerk vertoon, hulle lyk meer
“heilig.” Jaar na jaar het Christene hierdie baie onbybelse, mensgemaakte tradisies
gevolg, selfs as die Woord van God die teenoorgestelde mag verkondig. Die laaste vyf
Psalms in die Bybel vertel ons presies hoe God wil hê, dat Hy geloof en aanbid moet
word.
Hierdie Psalms handel oor vreugdevolle sang, dans en vreugdevolle uitroepe, asook
die gebruik van verskillende musiekinstrumente.
Ek vertrou dat jy sal toelaat, dat die waarheid van die Woord jou vrymaak van
kerklike tradisies (Joh. 8:32).
4 WêRELDSGESINDHEID: Jesus het Sy dissipels verseker dat die “wêreld” Hom
gehaat het, en hulle sal daarom ook gehaat word (Joh. 15 vers 18). Die wêreldstelsel
met al sy vleeslikheid en wellus is gekant teen ware geestelikheid. Dit is onmoontlik om
die Here Jesus lief te hê en Hom in gees en waarheid te aanbid, wanneer daar nog aan
die wêreld vasgehou word en dit wat die wêreld verteenwoordig. In Openbaring staan
dat as ons lou is, God ons sal uitspoeg (Openb. 3:16). Wanneer ons nog met die dinge

van die wêreld speel en die wellus van die vlees, sal ons harte ons veroordeel, en sal
ons nie die volle vryheid hê om in lofprysing en aanbidding in te gaan, soos dit behoort
te wees nie.
Mense van die wêreld vind dit `n verleentheid om God te loof en te aanbid. Hulle
vind dit onwaardig om hul hande te klap, te dans of lofliedere tot Jesus te sing, wat die
Skepper en Verlosser van almal is! Hulle vergeet hul “waardigheid” by rugbywedstryde
of by vertonings, en kan hul emosies toon sonder enige inhibisies, maar hulle verkies
egter om nie te emosioneel te raak oor die Koning van die konings en die Here van die
here!
“ Wat sal die mense van my dink, as ek dit doen?” Is dikwels die gedagte, wat hulle
keer om die Here te eer en te aanbid, op die manier wat Hy verkies om aanbid te word.
`n Christen se motief moet altyd wees: “ Hoe kan ek die Here behaag?” As dit `n
prioriteit is, sal inhibisie en die vrees vir mense verdwyn.
“ Want hulle het die eer van die mense meer liefgehad as die eer van God “
(Joh. 12:43).
“ Die beginsel van die wysheid is die vrees van die HERE…” (Spr. 9:10).
Die nommer een prioriteit in jou lewe behoort te wees om jou Hemelse Vader te
behaag, en ons weet dat die beste manier om Hom te behaag is deur lofprysing en
aanbidding aan Hom. As mense dit nie kan doen nie, het hulle `n probleem. Onthou, jy
moet nooit toelaat dat die mening van ander mense jou keer, om jou wonderlike
Hemelse Vader te loof nie!
5. SATANIESE ONDERDRUKKING:
Satan was oorspronklik die aartsengel wat deur God geskape is om Hom
onophoudelik te loof en te aanbid. Hy was die “ gerub met uitgespreide vlerke wat
beskut” en sy hoofkwartier, Eden, was `n paradys (Esg. 28:1­19). Hy was aangestel
om melodie en musiek te maak en hy was pragtig. Toe het hy, deur trots en persoonlike
ambisie, tot `n geval gekom en God het hom uit die hemel verban, saam met een­derde
van die engele, wat saam met hom teen God in opstand gekom het. Dit is die rede
waarom Satan so `n intense haat het teenoor diegene wat die Here loof en aanbid. As
kinders van die Allerhoogste God, is dit vir ons moontlik om die binneste howe van God
binne te gaan om Hom te loof en te aanbid, wat Satan se oorspronklike posisie was en
waaruit hy verewig verban is. Dit is die rede waarom hy Christene so haat en waarom
hy sy uiterste bes doen om ons te ontmoedig om die Here te loof. Hy het in Luk. 4:5 –
7 vir Jesus gesê: As U my aanbid sal ek al die koninkryke van die wêreld aan U
gee. Ons weet natuurlik dat Jesus geweier het om dit te doen, maar dit wys net hoedat
Satan begeer om aanbid te word. Jy kan ook seker wees dat Satan sal probeer om jou
te versoek, maar herken die aanval en weerstaan hom met die Woord van God, net soos
Jesus gemaak het, toe Hy gesê het: Gaan weg agter My, Satan, want daar is
geskrywe: Die Here jou God moet jy aanbid en Hom alleen dien (Luk.4:8).
Wanneer hy dus met siekte, armoede, depressie, minderwaardigheids gevoelens,
vrees ens. kom, is die beste manier om die aanval af te weer, die Woord van God en
deur die Here te loof! Loof Hom vir al die seëninge waarmee Hy jou oorlaai. Loof Hom
hardop, hef jou hande op en dans voor die Here. Gee eer en lofprysinge aan die Koning
en Satan sal baie gou die aftog blaas! `n Baie effektiewe voorsorgmaatreël teen
depressie, vrees en ander aanvalle van die vyand, is om aanhoudend lofprysings musiek
en koortjies, in jou huis te speel of selfs wanneer jy in jou motor ry. Jy mag wonder
waarvoor jy Hom kan loof. Om te begin, kan jy Hom loof dat jy `n motor het, want baie

mense het dit nie. Jy kan Hom loof vir die krag en vermoë om te kan bestuur, vir jou
sig en die gebruik van jou bene en arms. Jy kan Hom loof vir die huis waarheen jy
oppad is en die gesin wat op jou wag. Loof Hom vir die dak oor jou kop en die ete op
jou tafel. Loof Hom vir die lug wat jy inasem en die skoonheid van Sy skepping rondom
jou. So kan ek net aangaan en aangaan. Satan deins gou terug waar God geloof en die
Naam van Jesus verhoog word!

HOOFSTUK VYF
Die Doel van Lofprysing
Waarom behoort ons die Here te Loof?
Ons loof Hom omdat Hy God is.
“Loof die Here, o my siel!” (Ps. 146:1).
Hy is die Hoogste Gesag. Hy is die Koning van konings en die Here van here. Hy is
Almagtig.
“Die Here is groot en baie lofwaardig (Ps. 48:2).
Ons moet Hom loof, omdat dit `n bevel van Hom aan ons is.
“Loof die Here” (Ps. 148:1). Dit is nie `n versoek nie of `n aanbeveling
nie, maar `n bevel!
Ons moet God loof omdat dit Hom vereer.
“ Die een wat dank offer, eer My.. “(Ps. 50:23).
Ons, Sy kinders, moet `n brandende begeerte in ons harte hê, OM Hom te loof. Ons
moet Hom loof omdat Hy ons lofprysinge waardig is.
“ Ek roep die Here aan wat lofwaardig is ….” (Ps. 18:4).
Ons moet die Here prys vir al Sy goedheid.
“ Loof die Here, o my siel, en vergeet geeneen van Sy weldade nie! Wat al
jou ongeregtigheid vergewe, wat al jou krankhede genees” (Ps. 103:2­3).
Ons moet die Here loof, want dit is betaamlik vir die regverdiges om dit te doen.
“ O regverdiges, jubel in die Here! `n Loflied betaam die opregtes” (Ps.
33:1).
Ons moet die Here loof omdat Hy onder die lofsange van Sy kinders woon.
“ Tog is U die Heilige wat woon onder die lofsange van Israel” (Ps. 22:4).
Deur God te loof word ons versterk. Dawid het gesê: “Welgeluksalig is hulle wat
woon in U huis; hulle prys U gedurig. Welgeluksalig is die man wie se sterkte
in U is…. Hulle gaan van krag tot krag….” (Ps. 84: 5, 6 en 8).
Die Here is die krag van die persoon wat Hom loof. Hy leer ook om in die blydskap
van die Here te wandel want die blydskap van die Here is sy krag (Neh. 8:11).
Die persoon wat die Here aanhoudend loof en aanbid, verlustig homself in die
Here, en Hy gee hom die begeertes van sy hart (Ps. 37:4) .
Mense sê soms: “ As die Here net vir my die begeertes van my wil gee, dan sal ek
Hom loof.” Dit werk egter nie so nie, die Bybel se beginsel is – EERS loof, DAN ontvang.
Geloof werk op dieselfde manier – EERS glo, DAN sien.
Die hart wat die Here loof en aanbid, sal begeertes in ooreenstemming met Sy wil hê,
en dan sal Hy daardie begeertes skenk. Ons lees in 1 Joh. 5:14­15: En dit is die
vrymoedigheid wat ons teenoor Hom het, dat Hy ons verhoor as ons iets vra
volgens Sy wil. En as ons weet dat Hy ons verhoor, dan weet ons dat, wat ons
ook al vra, ons die bedes verkry wat ons van Hom gevra het. Sy Woord is Sy

wil en Hy kan nie Sy Woord verbreek, deur enigiets te doen wat strydig daarmee is nie.
Hoe wil die Here hê dat ons Hom volgens die Skrif moet loof? Hou in gedagte dat
enige lofprysing en aanbidding geldig en aanvaarbaar vir God is, wanneer dit voortkom
uit `n hart wat oorloop van liefde en suiwer motiewe. Met ander woorde, om slegs die
bewegings te maak of om andere na te aap, is nie ware lofprysing en aanbidding nie.
Die allerbelangrikste feit is dus die stand van jou hart. As jy nie `n berouvolle hart van
dankbaarheid teenoor die Here het nie, is daar beslis `n probleem in jou lewe. Reken
daarmee af. Verneder jouself voor die Here, en vra Hom om jou verharde hart sag te
maak en om aan jou `n openbaring te gee, van wie Hy is. Jy het dalk nog nie Jesus
Christus as jou Here en Verlosser aangeneem nie. Ken jy God as Hemelse Vader? Is
Jesus jou Here? Miskien is jy iemand wat in `n tradisionele kerk groot geword het, waar
jy nie toegelaat is om meer te doen, as om net hard te sing nie, maar in die laaste paar
maande het lofprysinge aan die Koning van die konings in jou opgebou, totdat dit gevoel
het of jy wil bars. Loof die Here daarvoor! Ek stel voor dat jy `n studie maak van die
verskillende maniere om die Here te loof en om dit ten volle te aanvaar, sodoende druk
jy jou liefde en lof, erkentlikheid en dankbaarheid teenoor Hom uit! Probeer eers om
Hom in jou huis te loof, nie net in die privaatheid van die plek waar jy bid nie, maar ook
waar jy met jou daaglikse werk besig is. SING lofprysinge aan die Here, dans en spring
van vreugde voor Hom. As jy altyd in die stort sing, begin om lofprysinge aan Hom te
SING. As jy oop is vir die leiding van die Heilige Gees, sal Hy aan jou baie plekke en
geleenthede wys om Hom te loof en te aanbid. `n Wonderlike gevoel van vryheid sal in
jou opstoot, en die blydskap in die Here sal nuwe hoogtes bereik, dit is omdat jy
gehoorsaam is aan God se bevele! Hy was nog nooit beïndruk deur diegene wat slegs
Sy Woord hoor en passief bly nie, maar Sy behae is in diegene wat daarop reageer!
1. Loof God met jou stem:
My lippe sal jubel as ek PSALMSING tot U eer, en my siel, wat U verlos het.
Ook sal my tong U geregtigheid die hele dag prys (Ps. 71:23­24).
Ek het Hom aangeroep met my mond, en lofgesang was onder my tong (Ps.
66:17).
En omtrent middernag het Paulus en Silas gebid en lofliedere tot eer van
God gesing... (Hand. 16:25).
Daar bestaan geen Bybelse bewyse van enigeen wat God stil in sy hart geloof het nie.
Lofprysing is altyd hardop uitgespreek of gesing, dit kan nie in die gedagtes of meditasie
gedoen word nie. Ons tong en die woorde van ons mond, speel `n baie belangrike rol in
ons lewens (Mark. 11:23). Begin elke dag met lofprysinge aan die Here, ongeag van
hoe jy VOEL. Sing tot Sy eer: Laat jou lippe en jou stem, instrumente van lof en
aanbidding word. Lees ook Ps 28:7; 34:2; 40:17.
2. Juig tot God:
Alle volke, klap met die hande; juig tot eer van God met `n stem van
GEJUBEL (Ps 47:2).
…..laat in U juig die wat u Naam liefhet (Ps. 5:12). Kom, laat ons jubel tot
eer van die Here, laat ons JUIG ter ere van die rots van ons heil! (Ps. 95:1).
JUIG en JUBEL, o inwoners van Sion! Want die Heilige van Israel is groot in
julle midde (Jes. 12:6).
Daar is tye wanneer ons net tot die Here sing( soos ons in die vorige paragraaf
bespreek het), maar daar is ook tye wanneer ons, ons stemme verhef en UITROEP met

uitengewone oorvloedige vreugde! Ek het mense al hoor sê: “ Ek het nie nodig om vir
God te skree nie, Hy is nie doof nie.” Dit is die waarheid, maar Hy het ons geskape en
weet, dat wanneer ons werklik etosiasties, dankbaar en opgewonde oor iets is, ons dit
gewoonlik UITSKREEU! Onthou jy die voorbeeld wat ek vroeër in hierdie boek gegee
het – hoedat die Here my `n les geleer het aangaande lofprysing en aanbidding, deur
na die reaksies van mense teenoor hul sporthelde, te kyk? Wel, sporthelde is ook nie
doof nie! Ons argumente, redenasies en regverdiging, het geen plek in hierdie saak nie,
want die enigste ding wat tel, is Sy bevele, Sy Woord. Sy weë is hoër as ons weë en Sy
bevele is altyd tot ons voordeel.
JUIG voor die Here, o ganse aarde! (Ps. 100:1). Onthou jy hoedat die mure van
die groot stad Jerigo ingeval het, toe die Israeliete gehoorsaam was aan die Here se
bevele?
….op die sewende dag moet julle die stad sewe maal omtrek; en die
priesters moet op die horings blaas; …moet die hele volk `n groot
KRYGSGESKREEU aanhef; dan sal die stadsmuur op sy plek inval; en die volk
moet inklim, elkeen reg voor hom uit (Jos. 6:4­5).
Dit is presies wat Josua en sy manne gedoen het – hulle was gehoorsaam aan die
bevele wat God aan hulle gegee het en het GESKREEU! Die mure van Jerigo het geval
en die Israeliete kon die stad inneem! Dit bewys weereens dat daar in die Bybel `n plek
is vir die Gelowige om hardop uit te skreeu, tot die eer van God. Dit mag snaaks en
dwaas lyk, maat dit kom direk uit God se hart.
Die Bybel moedig die kinders van die Here aan om te SING, te SKREEU en om `n
vreugdevolle GERAAS tot Hom te maak en tog is dit hartseer om steeds kennisgewings,
naby kerke te vind met die woord “STILTE”, asof dit by `n begraafplaas is. Ons moet
ons stemme verhef en skreeu, om die hele wêreld te laat hoor, wat `n wonderlike God
ons dien en hoe magtig Sy werke is!
3. Sing tot God:
Gaan Sy poorte in met lof, Sy voorhowe met LOFGESANG (Ps. 100:4).
Want God is Koning van die hele aarde; PSALMSING met onderwysing (Ps.
47:8).
Ek wil die Here loof na Sy geregtigheid en die Naam van die Here, die
Allerhoogste, PSALMSING (Ps. 7:18).
Ek wil U loof onder die volke, o Here, PSALMSING tot U eer onder die
nasies (Ps. 57:10). Lees ook 2 Sam. 22:50; Ps. 9:12.
Daar is baie Skrifte wat ons beveel om tot die eer van God te SING, en ek glo dit
verskaf vreugde aan die hart van ons Hemelse Vader, wanneer Hy hoor dat Sy kinders
Sy lof besing.
`n Interessante aspek om tot die Here te sing, is dat God`n verskydenheid liedere
van ons verwag.
Spreek onder mekaar met psalms en lofsange en geestelike liedere; sing en
psalmsing in julle hart tot eer van die Here (Ef. 5:19).
Laat die woord van Christus ryklik in julle woon in alle wysheid. Leer en
vermaan mekaar met psalms en lofsange en geestelike liedere, en sing in
julle hart met dankbaarheid tot eer van die Here(kol. 3:16).
Ons vind dat die Psalms `n groot bron van inspirasie vir liedere en koortjies is. Laat
ons egter let op die geestelike liedere wat ons in die laaste vers genoem het. Hierdie is
liedere wat deur die Heilige Gees geïnspireer is, en wanneer die Geesvervulde gelowige

spontaan sing, voorsien die HEILIGE GEES die woorde en die wysie!
So `n geestelike lied kan in die gelowige, wat sing, se taal wees, en wat die Bybel in
hierdie geval, sing met die verstand noem (1 Kor. 14:15).
Ander kere kan daar in tale gesing word. Wanneer iemand in die Gees sing, is die
verstand nie betrokke nie – “die verstand (denke) is onvrugbaar” (1 Kor. 14:14). Die
verstand kan nie op `n natuurlike wyse, verstaan wat gesing word nie, maar weet net
dat dit die Heilige Gees is wat God deur die lied verheerlik. Die Bybel sê vir ons in
Rom. 8 vers 26: En net so kom ook die Gees ons swakhede te hulp, want ons
weet nie reg wat ons moet bid nie, maar die Gees self tree vir ons in met
onuitspreeklike sugtinge (ander tale).
Om op hierdie manier in die Gees te sing, is geheel en al spontaan en onvoorbereid.
Om in die Gees te sing, speel geloof `n belangrike rol. Die Geesvervulde gelowige sing
die wysie en woorde, wat die Here aan hom gee. Wanneer Geesvervulde gelowiges in
die Gees saamsing, is die harmonie verstommend.
Die duiwel haat en weerstaan enige gelowige wat in die Gees (in tale) spreek en sing,
want hy verstaan nie die hemelsetaal nie, en haat dit dat God in gees en waarheid
aanbid word. Die duiwel weet dat God diegene seën wat Hom deur sang aanbid.
Noudat ons die gebruik van die tong, stembande en lippe in lofprysing en aanbidding
tot die Here, ten volle bespreek het, laat ons nou na die verskillende MANIERE kyk
waardeur ons Hom kan loof en aanbid. Ons HELE LIGGAAM kan betrokke raak in ons
aanbidding.
1. Te staan:
Kom, loof die Here, o alle knegte van die Here wat snags in die huis van die
Here STAAN (Ps. 134:1).
Prys die Naam van die Here! Prys, o knegte van die Here, wat STAAN in die
huis van die Here, in die voorhowe van die huis van onse God! (Ps 135:1­2)
Om te staan is altyd `n manier om respek te betoon. Mense staan op wanneer `n
belangrike persoon `n vertrek binnekom, as `n teken van eerbied en respek. Die
Heilige Gees sal ons dikwels aanspoor om op te staan in die teenwoordigheid van ons
wonderlike Here as `n tipe van aanbidding, om Hom te vereer. Ons sal nooit daaraan
dink om te bly sit, wanneer ons nasionale volkslied gespeel word nie, maar ons staan
gewoonlik op aandag. Dikwels vereer ons hulle wat goed gepresteer en uitgeblink het,
deur hulle staande toe te juig. Hoeveel te meer behoort ons nie die Koning van die
konings en die Here van die here te respekteer nie?!
2. Ons hande ophef :
HEF JULLE HANDE OP na die heiligdom, en loof die Here! (Ps. 134:2).
EK BREI MY HANDE tot U uit; my siel dors na U soos `n uitgedorde land
(Ps. 143:6).
Regdeur die wêreld word die opheffing van hande beskou as `n teken van oorgawe –
dieselfde geld wanneer ons, ons hande, voor die Here ophef. Ons erken dat ons, ons
geheel en al aan Hom oorgee. In werklikheid sê ons dat ons onvoorwaardelik aan Hom
behoort.
Dit is baie maklik om jou hande op te hef, tog is dit verstommend hoe moeilik sekere
mense dit vind, veral wanneer hulle nie geheel en al aan die Here oorgegee is nie! Hulle

weerstaan dikwels hierdie vorm van aanbidding as gevolg van trots of verleentheid, en
tog, let net op wanneer `n koning of beroemde verby `n skare ry. Hulle waai met
uitgestrekte arms hul vlaggies as `n teken van hul respek en eer.
Dit voel snaaks om vir die eerste keer jou hande na die Here op te hef. Aan die begin
is jy seker dat almal na jou kyk, en jou hande en arms voel skielik baie swaar, wanneer
jy egter eenkeer jou hande na die Here in lofprysing en aanbidding opgehef het, sal jy
`n heerlike gevoel van vryheid en bevryding ervaar. Om die waarheid te sê, dit voel
later heel natuurlik om jou hande na die Here op te hef, wanneer jy Hom loof en aanbid!
Wanneer jy jou hande na Hom uitstrek, is dit ook simbolies van dors na God en
geestelike dinge (Ps. 143:6). Ons arms, wanneer ons hulle na die Here ophef, word
soos `n skoorsteen, om die seëninge van Hom te ontvang,
3. Hande klap
Alle volke KLAP MET DIE HANDE; juig tot eer van God met `n stem van
gejubel! O (Ps. 47:2).
Dit is dood natuurlik vir iemand om sy hande te klap wanneer hy bly en opgewonde
is, selfs klein kindertjies doen dit spontaan. Dit is beslis `n God geïnspireerde reaksie. As
ons, ons hande klap om ons blydskap te toon wanneer ons gelukkig is, waarom nie op
dieselfde manier reageer teenoor die Here nie? Hy het soveel vir ons gedoen en in elke
behoefte van ons voorsien. Hy het aan ons Sy Seun, Jesus gegee, sodat ons sondes
vergewe kon word, ons die ewige lewe kon verkry en met Hom versoen kon word.
Hierdie dinge alleen kan ons, ons hande met vreugde en dankbaarheid laat klap. Hy
begeer van ons hierdie vorm van lof en beveel ons dat ALLE VOLKE, MET DIE HANDE
KLAP (Ps. 47:2). Weereens, ons is bekend met die demonstrasie van waardering deur
hande te klap, vir sekulêre mense soos `n burgemeester, `n staatspresident, `n
verhoogspersoonlikheid, `n rugbyheld ens., waarom dan nie dieselfde applous en
toejuiging vir ons Lewende God nie, Wie selfs meer eer verdien.
4. Kniel
Kom, laat ons aanbid en neerbuk; laat ons KNIEL voor die Here wat ons
gemaak het (Ps. 95:6).
Om hierdie rede BUIG EK MY KNIEë voor die Vader van onse Here Jesus
Christus (Ef. 3:14).
Sodat in die Naam van Jesus SOU BUIG ELKE KNIE van die wat in die hemel
en die wat op die aarde en die wat onder die aarde is, en elke tong sou bely
dat Jesus Christus die Here is tot heerlikheid van God die Vader (Fil. 2:10­11).
Ons het waarskynlik nie `n probleem om te kniel wanneer ons alleen bid nie, maar
wanneer ons bymekaar kom as die Liggaam van Christus (kerk), is ons selfbewus en
skaam en te verleë om ons emosies te toon. Ons is nog steeds te bekommerd oor wat
die mense van ons sal dink, en dit veroorsaak dat ons SELFbewus en MENS bewus raak,
in plaas van om GODbewus te wees! Om te kniel en te buig is albei posisies van
nederigheid en dit was altyd vir die mens moeilik om homself te verneder in die
teenwoordigheid van andere en voor die aangesig van die Here. `n Nederige persoon
vind egter altyd guns voor die Here, en God belowe om die nederige te verhoog. Hy eer
ook die nederige en Sy Woord sê aan ons dat Hy die hoogmoedige verag (Jak. 4:10).

5. Om plat te lê
En Esra het die Here, die grote God, geloof, en die hele volk het
geantwoord: Amen, amen! Met opheffing van hulle hande; en hulle het hul
gebuig en die Here aanbid met die aangesig na die aarde toe (Neh. 8:7).
Om plat voor iemand te lê, met jou gesig teen die grond, is beslis `n teken van diepe
respek en nederigheid. Ongelukkig sien ons selde dat mense plat voor God gaan lê, in
`n posisie van oorgawe, maar hulle wat God se aangesig werklik soek in berou en nood,
sal sonder twyfel voor God gaan lê in hul studeerkamers.
6. Dans
Laat hulle sy Naam loof in `n KOORDANS… (Ps. 149:3).
Loof Hom met tamboeryn en KOORDANS…. (Ps. 150:4).
Miskien voel jy, dat jy kan saamgaan met alles wat jy sover gelees het oor lofprysing
en aanbidding, maar dans is net een te veel! Dans is om ons vreugde en blydskap in die
Here te toon, en alhoewel dit spontaan is, vloei dit voort uit `n keuse wat ons maak in
gehoorsaamheid aan God se Woord.
Laat ons hierdie vorm van aanbidding oordink. Die hele liggaam is betrokke by dans –
en dit is dus `n goeie manier om ons hele liggaam, as `n lewende offer, aan Hom te
bring. Dit is `n manier van lofprysing en om Hom met blydskap te dank. Die Hebreeuse
en Griekse woorde wat in die oorspronklike manuskripte van die Bybel gebruik is, is as
“dans” vertaal, maar het verskillende betekenisse, soos bv. opspring, om te huppel, om
die voete op te tel. Bybelse dans is dus `n spontane gehuppel en spring voor die Here
as gevolg van blydskap en vreugde en dankbaarheid!
Die kinders van Israel het geweet hoe om voor die Here te dans en dit was `n
integrale deel van hulle aanbidding.
Die Bybel gee vir ons `n paar voorbeelde hiervan:
HULLE HET GEDANS OM HUL VRYHEID EN VERLOSSING TE VIER.
En Mirjam, die profetes, die suster van Aaron, het `n tamboeryn in haar
hand geneem; en al die vroue het uitgegaan agter haar aan, met tamboeryne
en in koordanse (Ex. 15:20).
En toe Jefta in Mispa by sy huis kom, gaan sy dogter juis uit hom tegemoet
met tamboeryne en koordanse… (Rig. 11:34).
HULLE HET VAN VREUGDE GEDANS TOE DIE VERBONDSARK
TERUGGEBRING IS NA JERUSALEM NADAT DIT UITEINDELIK AAN HULLE
TERUG GEGEE IS.
Daarby het Dawid met alle mag gedans voor die aangesig van die Here; en
Dawid was omgord met `n linneskouerkleed (2 Sam. 6:14).
….. Migal, die dogter van Saul, het deur die venster gekyk en sien koning
Dawid huppel en dans voor die aangesig van die Here….. (2 Sam. 6:16).
TOE JEREMIA GEPROFETEER HET OOR DIE GLORIERYKE HERSTEL VAN SY
VOLK, HET HY GESê:

Dan sal die jonkvrou haar verheug in die koordans.. (Jer. 31:13).
IN KLAAGLIEDERE 5:15 BESKRYF JEREMIA DIE VERDRIET VAN SY VOLK
TOE HULLE IN BALLINGSKAP WAS:
Die vreugde van ons hart het opgehou, ons koordans het in treurigheid
verander.
Daar is diegene wat sê dat dit net in die Ou Testamentiese dae was, dat dans `n deel
van lofprysing gevorm het, maar dit is beslis ook in die Nuwe Testamentiese kerk
gesien.
Een van die Griekse woorde wat dikwels in die Nuwe Testament voorkom is “agalliao”
wat letterlik beteken: spring van vreugde. Dit is nie net `n diep, innerlike vreugde nie,
maar eerder `n uitbundige vreugde.
Jesus se eie woorde was: spring van vreugde!
Wees bly in daardie dag en spring op, want kyk, julle loon is groot in die
hemel, want hulle vaders het netso aan die profete gedoen (Luk. 6:23).
In daardie uur het Jesus Hom in die gees verheug (Agalliao) en gesê: Ek loof
U, Vader, Here van die hemel en die aarde.. (Luk. 10:21).
En Maria het gesê: My siel maak die Here groot, en my gees is verheug
(agalliao) in God, my Saligmaker (Luk. 1:46 en 47).
Toe bring hy (die tronkbewaarder) hulle in sy huis en sit hulle `n maaltyd
voor; en hy het hom verheug (agalliao),met sy hele huisgesin dat hy tot geloof
in God gekom het (Hand. 16:34).
Laat ons bly wees en ons verheug (agalliao), en aan Hom die heerlikheid
gee, want die bruilof van die Lam het gekom en sy vrou het haar gereed
gemaak (Openb. 19:7).
Dit is duidelik dat om voor die Here te dans, in die Nuwe Testamentiese tyd, `n
integrale deel van lofprysing gevorm het, alle besware om op hierdie manier jou
vreugde te betoon is ongegrond. Dit is egter van die uiterste belang, dat daar altyd `n
gevoel van verering moet wees, en dat die danse nie op `n wêreldse en vleeslike manier
uitgevoer moet word nie, want dit sal die vleeslike deel van die mens voed en daarom
vir die Here onaanvaarbaar wees. Hulle wat Hom aanbid, moet dit in gees en waarheid
doen, want enige vorm van vleeslikheid lei tot afvalligheid, wêreldsgesindheid,
sedeloosheid en afgodsdiens. Dit is nodig dat ons, te alle tye, ons harte moet beskerm
en ons motiewe moet ondersoek. Ons lees in Ex. 32:6 hoedat die kinders van Israel
rondom die goue kalf gedans het. Satan begeer om aanbid te word en sal die kinders
van God verwar deur die dinge van die Here, wanneer hy kan, te vervals. Moet nooit die
bedrog van die vyand onderskat nie! Wêreldse danse, soos wat in nagklubs en disko`s
voorkom, is deur die duiwel en sy musiek geïnspireer en lei dikwels tot versoekings en
wellus, verslawing en uiteindelik die ewige dood. Dit is `n verdraaiing van wat God vir
Sy mense bedoel het. Om voor Hom in lofprysing te dans bring vreugde in Sy hart.
Musiek, bestem om pragtig te wees, is deur God geskep vir Sy kinders om tot Sy
heerlikheid alleen gebruik te word, maar dit is ook iets wat Satan by magte is om te
bederf en te gebruik om die mense te korrup. Hoe bly sal Satan nie wees, as die
kinders van die lewende God, in sy strik val en sy korrupte weë volg nie, of so nie, glad
nie wil deelneem aan egte, Goddelike musiek van lofprysing en aanbidding in al sy

volheid nie, soos die Here dit vir ons, in sy Woord beskryf! Musiek is nog `n voorbeeld
van iets wat pragtig en heilig is, wat die duiwel verdraai het vir sy eie bose doeleindes
en ons moet van hierdie feit bewus wees.
Bybelse danse is spontaan, eenvoudig en ongesofistikeerd: huppel, spring en gejuig.
Dit kan begelei word met musiekinstrumente of deur sang. Dit is `n uitdrukking van
vreugde aan die Here.
Laat hulle sy Naam loof in koordans, Hom psalmsing met tamboeryn en
siter (Ps. 149:3).
En Mirjam, die profetes, die suster van Aaron, het `n tamboeryn in haar
hand geneem; en al die vroue het uitgegaan agter haar aan, met tamboeryne
en in koordanse (Ex. 15:20).
Bybelse danse kan alleen of in `n groep gedoen word.
Daarby het Dawid met alle mag gedans voor die aangesig van die Here; en
Dawid was omgord met `n linneskouerkleed (2 Sam. 6:14).
En Mirjam, die profetes, die suster van Aaron, het `n tamboeryn in haar
hand geneem; en al die vroue het uitgegaan agter haar aan… (Ex. 15:20).
Bybelse dans word nie in pare van die teenoorgestelde geslag gedoen nie en daar is
nie `n ouderdomsbeperking nie.
Ek verwys weereens na Mirjam en die Israelitiese vroue in Ex.15:20, lees ook oor die
jong – en ou manne in Jer. 31:13.
Dit is interessant om daarop te let, dat daar altyd op Joodse troues, feesviering in
dans is, Barmitzvahs, en op sekere tye gedurende die feeste van die Here, onthou altyd
dat ons Bybelse wortels Hebreeus is, en dat Jesus, die Seun van God, `n Jood is.
Bybelse dans is deur die Here self, eeue gelede, geprofiteer.
Jy sal jou weer versier met jou tamboeryne en uittrek in die koordans van
die spelers (Jer. 31:4).
7. Musiek Instrumente
Loof Hom met basuingeklank, loof Hom met harp en siter.
Loof Hom met tamboeryn en koordans, loof Hom met snarespel en fluit;
Loof Hom met helder simbale, loof Hom met klinkende simbale! (Ps.
150:3­5).
Daar is `n baie groter potensiaal vir musiek op die gebied van lofprysing en
aanbidding as wat ons besef. As ons kyk tot watter mate Satan musiek gebruik om die
mensdom te verslaaf, behoort ons nog meer vasberade te wees dat dit slegs vir die
oorspronklike doel gebruik word, want Hy het alles GOED gemaak! (Gen.1:31). Musiek is
bedoel om ons nader aan ons Hemelse Vader te trek, om ons `n groter insig van God se
karakter te gee, om ons vry te maak en te seën. Ons kan nie toelaat dat die duiwel ons
beroof van die voordele wat God vir ons bedoel het, deur middel van musiek nie! Dit is
ons plig en behoort ons grootste vreugde te wees, om die Vader te aanbid met sang en
dans.
Die studie van musiek in die Bybel is baie interessant. Ons weet dat God lank voordat
Hy die mens en hierdie aarde geskape het, Hy `n pragtige engel gaskape het, hom in

die derde hemel geplaas het en aan hom die vermoeë gegee het om pragtige musiek te
maak. Musiek instrumente is in sy liggaam gebou (Lees Esg. 28:13 in die “ King James”
vertaling van die Bybel). Hy was `n baie spesiale hemelse wese ­ `n aartsengel. Geen
ander engel of wese was toegelaat om nader aan die troon van God te kom, as hy nie.
Hierdie engel was Lucifer – en later, Satan. Hy het so trots geraak op sy skoonheid en
sy musiek, dat hy in opstand teen God gekom het. Sy begeerte was eintlik om verhoog
te word tot God se plek, en ons lees in Jes.14 vers 11: Jou trots is neergewerp in
die doderyk, die geruis van jou harpe. Nou kan jy verstaan waarom Satan
(Lucifer), selfs vandag nog, so `n meester van musiek is en waarom hy dit so effektief
kan toepas om die kroon van God se skepping­ die mens ­ te vernietig. Dit is alles deel
van sy voorgaande opstand teenoor God.
Dink net watter groot planne God, reg van die begin af, gehad het, vir musiek en hoe
Hy begeer dat dit gebruik en opgevoer word tot Sy eer alleen!
Ware lof en aanbidding met musiekinstrumente, moet uit die hart en siel van die
musikant kom, eerder as uit natuurlike talent of tegniese bekwaamheid – met ander
woorde die musikant moet deur die Heilige Gees gelei word.
Die Bybel voorsien weereens interessante Skrifte aangaande musiek wat in die Here
se diens gebruik word.
En die Levite….vierduisend lofsangers tot eer van die Here met
instrumente..om lof te sing (1 Kron. 23:3 en 5).
En ek het `n geluid uit die hemel gehoor soos die geluid van baie waters en
soos die geluid van `n harde donderslag, en ek het die geluid gehoor van
siterspelers wat speel op hulle siters.
En hulle het `n nuwe lied gesing voor die troon… (Openb. 14.2­3).
Die naam van die vierde seun van Jakob en Lea was Juda, wat “loof” beteken. As
ons Hos.10:11 lees, vind ons die volgende: Juda sal die ploeg trek.. Met ander
woorde: “Loof sal ploeg.” En dit is `n feit. Wanneer ons die Here loof, word ons harte
omgeploeg en voorberei, sodat wanneer die Woord van God, wat die onverganklike saad
is, gesaai is (Mark. 4) dit op vrugbare grond val. Lofprysing en aanbidding is dus BAIE
BELANGRIK EN ABSOLUUT NOODSAAKLIK in die lewe van `n kind van God.
Ek wil iets baie interessants met jou deel. Soos ek vantevore gemeld het, het
lofprysing en aanbidding natuurlik by die Israeliete voortgekom, en hulle het dit dikwels
beoefen, sonder inhibisie. Hulle het die Here op hierdie manier bedien en die mag en
seën verstaan wat kom wanneer die Here geloof word. Ons sien in die Ou Testament
dat die volk Israel, God in tempels aanbid het, wat met mensehande gemaak is (Hand.
7:48), bv. die tabernakel van Moses (Ex. 26 en 27). Hierdie tabernakel het uit DRIE
dele bestaan: die voorhof, die binnehof of Heilige, die Allerheiligste, waar die Ark van die
Verbond gehou is, en waar die Heilige Teenwoordigheid van God gemanifesteer het.
Ons, wat kinders van die Nuwe Testament is, van die nuwe en beter verbond, weet
dat ONS LIGGAME die tempels van God is. Weet julle nie dat julle `n temple van
God is en die Gees van God in julle woon nie? (1 Kor. 3:16) (Lees ook Heb. 9:
23­26).
Die mens bestaan ook uit DRIE dele: gees, siel en liggaam. Net soos God se
woonplek in die Ou Testament (die tabernakel) drie dele gehad het, net so het Sy
woonplek in die Nuwe Testament, bestaande uit Sy bloed gewaste kinders, uit drie dele
bestaan.
En mag Hy, die God van die vrede, julle volkome heilig maak, en mag julle
gees en siel en liggaam geheel en al onberispelik bewaar word by die

wederkoms van onse Here Jesus Christus (1Thes. 5:23).
Jou liggaam is jou vlees wat jy kan sien en voel. Jou siel is jou verstand(intellek), jou
wil en jou emosies. Jou gees is die deel van jou wat nuut(wedergebore) word, wanneer
jy Jesus Christus as jou Here en Verlosser ontvang.
Daar is `n wonderlike parallel tussen hierdie en lofprysing en aanbidding: Wanneer
ons begin om te loof deur sang, hande te klap en te dans, is dit ons liggame wat
betrokke is en ons betree die “voorhof” van die tabernakel. Wanneer ons voortgaan na
die eerste fase van aanbidding deur sang, handeophef en kniel, is ons siel betrokke.
Ons gedagte, wil en emosies is nou op Hom gefokus, die Glorieryke Een, daardeur gaan
ons nou die “heilige” binne. Wanneer ons aanbid deur in die Heilige Gees te bid, is ons
gees betrokke en ons gaan die “Allerheiligste” van die tabernakel binne, tot reg binne
die troonkamer van God!
Kan jy sien hoe pragtig die drie fases van lofprysing en aanbidding inmekaar vloei, en
dat alles omtrent ons en ons bediening aan die Here `n orde en plan het? God het die
moeite gedoen om aan ons `n plan van aanbidding, in die Ou Testament te gee, wat `n
patroon vir die nuwe was. Loof Hom daarvoor! Ons besef ook dat wanneer ons aan
Hom behoort, Sy bloudruk vir lofprysing en aanbidding, gevolg moet word.
Dit is belangrik om wanneer ons Jesus Christus as Here en Verlosser ontvang het, en
gedoop is deur onderdompeling, nadat ons geglo het, ons die inwoning van die Heilige
Gees met die nuwe gebedstaal ontvang, sodat ons God ten volle kan loof(Markus 16:15­
20). Onthou: "Waar die Gees van die Here is, daar is vryheid!" ( 2 Kor. 3:17).
HOOFSTUK SES
Aanbidding in Gees en in Waarheid
BEDIENING AAN DIE HERE
Ek het vantevore genoem dat elke wedergebore, Geesvervulde kind van God `n
bediening van diens het, sodat die Liggaam van Christus opgebou en gestig kan word,
soos die lede mekaar bedien. Dit is egter belangriker dat ons, ons Hemelse Vader moet
bedien, en `n belangrike manier hoe ons dit doen, is deur Hom te loof en te prys.
Ek wil graag `n paar gedagtes met jou deel oor hierdie onderwerp. Wanneer ons
aanbid, gee ons onsself volkome oor. Wanneer ons die Here aanbid, gee ons onsself oor
aan volkome verering. En Maria het `n pond egte, baie kosbare nardussalf
geneem en die voete van Jesus gesalf en sy voete afgedroog met haar hare.
En die huis is vervul met die reuk van die salf (Joh. 12:3).
Net soos Maria gedoen het, toe sy aan die voete van Jesus, ons Messias gekniel het
om Hom te loof en te aanbid, moet ons ook ons heel beste bring, ons waardevolste
besitting om aan Sy voete te lê – ons moet onsself bring. Wanneer ons dit doen,
ontmoet Hy ons en die parfuum van Sy Teenwoordigheid vul ons lewens.
In Joh. 4:7­24 is daar `n gedeelte in die Skrif, wat `n openbaring is van die manier

waarop God aanbid wil word. Ons kry Jesus, waar Hy die Samaritaanse vrou by die put
van Jakob ontmoet, en vir haar water vra om te drink. Sy antwoord Jesus deur te sê,
hoe dit dan is, dat Hy wat `n Jood is, vir haar `n Samaritaanse vrou, drinkwater vra.
Jesus antwoord dat as sy geweet het Wie vir haar drinkwater gevra het, sy vir Hom sou
gevra het en dat Hy aan haar lewende water sou gegee het, waarna sy nooit weer dors
sou word nie.
Sy antwoord in vers 15: Here, gee my daardie water, sodat ek nie dors kry en
hier hoef te kom skep nie.
Here, ek sien dat U `n profeet is. Ons vaders het op hierdie berg aanbid, en
julle sê dat die plek waar ons behoort te aanbid, in Jerusalem is.
Jesus sê vir haar: Vrou, glo My, daar kom `n uur wanneer julle nie op
hierdie berg en ook nie in Jerusalem die Vader sal aanbid nie.
Julle aanbid wat julle nie weet nie; ons aanbid wat ons weet, want die
saligheid is uit die Jode.
Maar daar kom `n uur, en dit is nou, wanneer die ware aanbidders die
Vader in gees en waarheid sal aanbid; want die Vader soek ook mense wat
Hom so aanbid.
God is Gees; en die wat Hom aanbid, moet in gees en waarheid aanbid.
Jesus beklemtoon dat ware aanbidding uit die hart kom, en het niks te doen met `n
geografiese plek of kerkgebou nie. Hy wys ook dat daar baie mense is, wat afgode en
beelde aanbid wat hulle gemaak het, en tog nie verstaan wat hulle aanbid nie. Jesus sê
dat die nuwe aanbidders anders sal wees. Hulle sal die ware God ken en Hom in gees en
waarheid aanbid. Onthou Jes. 43:19 en 21 sê: Kyk, Ek gaan iets nuuts maak; nou
sal dit uitspruit… die volk wat Ek vir My geformeer het, hulle sal My lof
verkondig. Toe Jesus op die aarde gewandel het, het Hy verklaar dat Hy God se wil in
aksie was deur te sê: Hy wat My gesien het, het die Vader gesien. (Joh. 14:9).
Uit Myself doen Ek niks nie; maar net wat My Vader My geleer het, dit spreek
Ek (Joh. 8:28).
Ons aanbid die Vader in gees, omdat die Heilige Gees aan ons gegee is (Hand. 2),
en omdat ons ons Hemelse Vader deur Jesus Sy Seun ken, kan ons God in waarheid
aanbid. Jesus het verklaar: Ek is die weg en die waarheid en die lewe (Joh.
14:6).
Ek het duidelik verklaar dat die Here aan ons die bloudruk van Sy Woord
gegee het, om ons in elke area van ons lewens te lei en dit sluit ook die
manier waarin Hy geloof en aanbid moet word in. Wanneer die Here ons
beveel om iets op `n sekere manier te doen, is dit omdat Hy vir ons omgee en
ons wil seën.
Laat ons kortliks na `n paar resultate kyk, van die lofprysings en
aanbiedings bediening. Daar is tye wanneer die natuurlike resultaat van
aanbidding `n openbaring is, maar dit is waarskynliker dat `n openbaring tot
aanbidding sal lei. God het Homself aan Moses in `n wolk geopenbaar, en toe
het Moses Hom aanbid.
En die Here het neergedaal in die wolk en daar by hom gestaan. En hy het die Naam
van die Here uitgeroep. Toe het Moses hom gou na die aarde toe gebuig en neergeval
(Ex. 34:5 en 8).
Jesus het die man wat blind gebore was genees, en nadat hy deur die Fariseërs

ondervra is en uit die sinagoge geban is, het Jesus hom gekry en aan hom gesê dat HY
die Seun van God is, en die man het daarop gereageer deur Hom te aanbid. Toe sê hy:
Ek glo, Here! En hy het Hom aanbid (Joh. 9:38). God het Homself deur die
genesing geopenbaar, en toe het die man Hom aanbid.
Wanneer ons God waarneem, of dit deur Sy Woord of deur die manifestering van Sy
mag is, is ons outomatiese reaksie om Hom te aanbid. Wanneer Hy Homself aan ons
openbaar, wat veroorsaak dat ons Hom aanbid, gee Hy dikwels, gelyktydig, aan ons `n
openbaring van Sy Waarheid.
As `n voorbeeld, gebruik ons die geval van Anna in Lukas hoofstuk 2. Terwyl Anna
God in die tempel aanbid het en op Hom gewag het, het Hy Sy geheime aan haar
geopenbaar. Hy het baie dinge oor Jesus aan haar geopenbaar, want toe sy die baba
Jesus, in die tempel, gesien het, het sy in dieselfde uur daar gekom en die Here
geprys en van Hom gespreek met almal in Jerusalem wat die verlossing
verwag het ( Luk. 2:38).
Ander persone wat soortgelyke ondervindings in die Bybel gehad het was Jeremia,
Moses en Job. Net soos hulle, het ons ook `n openbaring nodig van ons Lewende God.
Hierdie openbaring is egter altyd in lyn met die Skrif, want ons kan niks by die Woord
byvoeg nie, en ons kan ook niks daarvan wegneem nie. Dit is vir ons noodsaaklik om in
die wonder van Sy Persoon vasgevang te word, wanneer ons Hom aanbid. Dit is
noodsaaklik dat ons ontsag het vir Sy mag en `n visioen het van Sy Heiligheid en eer,
as ons deur Hom gebruik wil word. Die Bybel vertel ons dat die vrees van die Here
die beginsel van die wysheid is… (Ps. 111 vers 10). AANBIDDING is dikwels die
beginpunt.
Om God te aanbid, bring nie alleen `n openbaring van Hom, Sy Woord, Sy planne en
liefde vir ons nie, maar aanbidding bring `n samevoeging, `n eenheid in die Gees.
Wanneer ons loof en aanbid saam met ander gelowiges, word ons eenparig
saamgebind, en in plaas van dat ons kulturele verskille ons fokus is, kyk ons na Jesus en
word Hy die fokuspunt van ons GESAMENTLIKE aandag. Terwyl ons Jesus in eenheid
aanbid, kom ons nader aan Hom en aan mekaar. Tog net `n waarskuwings woord hier –
HIERDIE IS BESLIS NIE `N OPROEP TOT EENHEID IN DIE NAAM VAN EKUMENISME
NIE! Ons moet nooit kompromie aangaan met die Waarheid van God se Woord terwille
van eenheid nie. Daar is slegs een waarheid, en dit word in die Evangelie en die
leerstellings van Jesus Christus gevind soos dit in die Bybel verkondig word.
Wanneer ons God aanbid trek ons van Sy Lewe en Krag. Daar is krag in lofprysing en
aanbidding, wat die magte van die duisternis terug dryf, die kettings wat ons bind breek
en ons vry maak, sodat ons gedagtes deur Jesus Christus gevange geneem kan word.
Lees die hele. Ps. 149.
God bewoon die lofsange van Sy volk (Ps. 22:4), en terwyl ons Hom loof en
aanbid, word die krag van die Gees in ons wakker gemaak en die vyand moet vlug! Ons
lees in Jak.4:7: Onderwerp julle dan aan God; weerstaan die duiwel, en hy sal
van julle wegvlug.
Nadat ek myself aan God onderwerp het en geen plek aan die vyand gegee het nie,
begin ek om die Here te loof en te aanbid. Die vyand vlug as gevolg van lofprysing en
aanbidding. Die duiwel haat dit om te hoor hoedat `n kind van God die Here loof!
Onthou jy die manier waarop koning Josafat en die weermag van Israel, die vyande
genader het? Ek glo dat toe die volk teen die vyand opgetrek het, met hul gees opgehef
na God in lofprysing en aanbidding, hulle werklik in harmonie was, terwyl hulle lofliedere
in gees en in waarheid gesing het! Hulle het Hom aanbid en die Heilige Gees het `n

nuwe lied in hul binneste geskep. Soos hulle die Here bedien het deur Hom te loof vir
Sy grootheid, is die vyand verslaan!
Dink aan Paulus en Silas, toe hulle geslaan en in die tronk gegooi is, omdat hulle die
Evangelie verkondig het en `n demoon uit `n jong meisie, gedryf het. Hulle het
lofliedere tot God in die tronk gesing en Hy het die tronkdeure oop gemaak en hulle was
vry. En skielik kom daar `n groot aardbewing, sodat die fondamente van die
gevangenis geskud het. En onmiddellik het al die deure oopgegaan en die
boeie van almal het losgeraak (Hand. 16:26). Lofprysing en aanbidding open ons
gevangenisdeure deur die krag van God, en die kettings wat ons bind val af!
Ons is houers vir die lewe en krag van God, in hierdie donker wêreld waarin ons leef.
Jesus is die LEWE, en soos ons na Hom kom en drink, vloei Sy lewe in ons in. Soos ons
Hom loof en aanbid, gee Hy aan ons die krag om elke omstandigheid en moeilikheid wat
ons in die gesig staar, te oorwin. Wanneer ons aan Hom gehoorsaam is, vloei Sy lewe
deur ons en trek andere na Hom toe. Hy het ons Sy ambasadeurs, in hierdie bose
wêreld, gemaak en dit is `n groot verantwoordelikheid! Maar julle is `n uitverkore
geslag, `n koninklike priesterdom, `n heilige volk, `n volk as eiendom verkry,
om te verkondig die deugde van Hom wat julle uit die duisternis geroep het
tot sy wonderbare lig (1 Pet. 2:9). Wat `n uitdaging vir ons!
Ons is gekies om uit te ryk na `n verlore en lydende mensdom, met die boodskap
van hoop in die Evangelie, en dit is dat Jesus na die wêreld gekom het en gesterf het,
om aan ons die ewige lewe te gee en `n meer oorvloedige lewe. Dit hang van ons af
om die lewe van God, deur die Heilige Gees in ons, toe te laat om deur ons te vloei, om
die ongereddes te bereik.
As iemand dors het, laat hom na My toe kom en drink! Hy wat in My glo,
soos die Skrif sê: strome van lewende water sal uit sy binneste vloei.
En dit het Hy gesê van die Gees wat die sou ontvang wat in Hom glo (Joh.
7:37 tot 39).
Om God te aanbid hou ons geestelik gebalanseerd. Dit help ons, om ons lewens in
die regte perspektief te sien en om die regte stel waardes en prioriteite te hê.
Dit is egter belangrik, dat ons aandag meer gevestig word op die Persoon van God,
as op Sy seëninge.
Ons wys dikwels `n vinger na die Fariseërs, omdat hulle so onvervuld was in hul
godsdienstigheid Hulle het alles OOR God aanbid, in plaas van om HOM te aanbid! Toe
Jesus gekom het, het hulle verkies om vas te hou aan hulle tradisionele, rituele,
wettiese, godsdienstige reëls en het nie hul Messias herken nie. Laat ons nie aan
dieselfde ding skuldig wees nie!
Regdeur die geskiedenis sien ons dat God mense gebruik het as houers van Sy krag,
dit is dikwels egter so tragies dat hulle wat geroep is, verkies om aan hul afgode en
godsdienstige tradisies vas te klou, en so onderdruk hulle die Heilige Gees en maak die
krag van God kragteloos. Dikwels draai mense weg van die Ware Lewe, wat gevind
word in die eenvoud van die Evangelie, en wat aan ons gegee word deur die Heilige
Gees, na `n vorm van vroomheid en rituele wat kragteloos is. God se weë is heel anders
as die mens se weë. Die Woord vertel ons in Jes. 55 vers 9 dat God se weë hoër as die
mens se weë en gedagtes is en in 1 Kor. 3 vers 19 sê Paulus dat die wysheid van die
wêreld, dwaasheid by God is.
Toe die volk van Israel deur giftige slange gepik is, volgens Num. hoofstuk 21, het
God Moses beveel om `n koperslang te maak en dit op `n paal te plaas. Dan sal
elkeen wat gebyt is en daarna kyk, lewe (Num. 21:8). Op daardie tydstip het die

LEWE van God deur die beeld van die slang gevloei en wanneer die mense daarna gekyk
het, is hulle genees. Israel het egter van die LEWE vergeet en aangehou om na die
beeld te kyk, want ons lees in 2 Kon. 18:4 dat 900 jaar later, Israel steeds die beelde
van slange aanbid het en wierook vir hulle gebrand het, totdat Koning Hiskia hulle almal
afgekap het. So sien ons dat die volk Israel in die strik getrap het om die instrument wat
God gebruik het, te aanbid in plaas van om God Self te aanbid.
Ons vind dit selfs vandag nog. Ons moet daarteen waak om `n sekere bediening of
denominasie, waar jy miskien `n spesiale seën van die Here ontvang het, te aanbid –
onthou God is baie jaloers op die lofprysing van Sy kinders en geen mens of bediening
mag Sy eer kry nie!
Wanneer ookal ons openbarings, metodes, godsdienstige rituele of enigiets anders bo
die Here stel, is ons onwerklikheid besig om hierdie dinge te AANBID, en dit is
afgodsdiens! Ons raak doof vir die stem van die Heilige Gees, omdat ons aan lewelose
vorms van aanbidding vasklou en is dus sonder die ware LEWE van God in ons lewens.
Ek glo dit is waarom Jesus gesê het: So het julle dan die gebod van God
kragteloos gemaak ter wille van julle oorlewering (Mat.15:6). As ons Hom egter
eerste plaas en aanbid; en Hom bo enigiets anders dien, sal ons lewens aanhoudend
deur Hom verryk word, en sal ons houers wees, waardeur Hy baie ander kan seën.
Jy kan nooit die Here te veel liefhê nie! Jy kan nooit te veel tyd in Sy
Teenwoordigheid deurbring nie! Jy kan Hom nooit te veel loof en prys nie!
U IS WAARDIG, O HERE, OM TE ONTVANG DIE HEERLIKHEID EN DIE EER
EN DIE KRAG, WANT U HET ALLES GESKAPE EN DEUR U WIL BESTAAN HULLE
EN IS HULLE GESKAPE (Openb. 4:11).
HOOFSTUK SEWE
‘n Lofprysing viering—Die Loofhuttefees
God se feeste word breedvoerig in Lev. 23 beskryf en hulle is Pasgafees (Pesah),
Die Fees van Weke(Pinkster in Grieks, Shavuot in Hebreeus) en Die Loofhuttefees
(ook bekend as die fees van die oes ­ Lev. 23:10). Die loofhuttefees is die "Fees van
alle Feeste," dit duur sewe dae (en agt dae as die Insamelingsfees ingesluit word). Dit is
die laaste fees op God se kalender, en is ook `n groter viering, groter oorvloed, die
beste en meeste kos, musiek, kleur, gemeenskap, danse en lofprysing. Hierdie is `n
heerlike tyd. Dit is vervullend, gelukkig, met `n uitbundige gevoel van oorwinning. Hulle
wat die Loofhuttefees vier het `n eenheidsgevoel met die Here – deur hulle tenvolle en
geheel en al in Hom te verheug, deur tevredenheid in Sy teenwoordigheid en van volle
vertroue in Hom vir voorsiening. Kry ons boek "Feestye van die Here".
Jesus het die loofhuttefees gevier en ons lees in Johannes hoofstuk 7, dat Hy van die
mees grondige en verreikende stellings, van Sy hele aardse bediening gemaak het,
terwyl Hy die Fees in Jerusalem bygewoon het. Op die 7de dag van die Fees, toe die
water seremonie sy klimaks bereik het, het Jesus gestaan en uitgeroep: “ As iemand
dors het, laat hom na My toe kom en drink! Hy wat in My glo, soos die Skrif
sê: strome van lewende water sal uit sy binneste vloei” (Joh. 7:37­38).
Meeste Bybelse geleerdes stem saam dat Jesus gedurende die Loofhutte fees, gebore is.
Ons lees in Joh. 1 vers 14: En die Woord(Jesus) het vlees geword en het onder
ons gewoon(getabernakel) – en ons het Sy heerlikheid aanskou, `n heerlikheid
soos van die Eniggeborene wat van die Vader kom – vol van genade en

waarheid. Baie glo dat dit heel waarskynlik, gedurende die tyd van hierdie spesiale
fees van die Here is, dat Jesus sal terugkom! Hierdie twee gebeurtenisse alleen is
genoeg rede vir ons om te juig en fees te vier, maar boonop is dit `n BEVEL van God die
Vader dat ons, veral gedurende hierdie tyd, bly en verheug MOET wees! God weet dat
dit vir Sy kinders nodig is, om sekere tye, fees te vier en vreugdevol te wees, want dit is
ons krag. Daarom is daar net een tema en een tema alleen wat die hele Loofhuttefees,
gedurende die 7 dae van die fees, oorheers en daardie tema is LOFPRYSING! Lof aan
die Allerhoogste God vir wie Hy is – die ewige EK IS, Almagtige God van die Hemel en
die aarde! Lof vir Sy luisterryke dade om ons ontwil! Lof vir die beloftes wat Hy in ons
leeftyd sal vervul! Lof aan Jesus vir alles wat Hy in ons lewens is en alles wat Hy vir ons
aan die kruis gedoen het! Hoe kan ons verheug wees? Ons moet erken dat lofprysing
met die stem gedoen word. Dit is betekenisvol. Dit is geesdriftig. Dit is `n fisiese
manifestasie. Lofprysing is aanbidding met “ons hele wese.” Wanneer ons die Here loof,
probeer ons nie wys hoe godsdienstig of regverdig ons as Christene is nie, want die
fokus moet op Jesus wees, nie op ons self nie. Ons is ook nie bang dat ons, ons aansien
sal verloor nie. Lofprysing is om te besef dat ons alles aan die Here oorgegee het,
geheel en al tot Sy plesier. Lofprysing vereis totale persoonlike vryheid. Dit vereis dat
Jesus die middelpunt moet wees – met geen gedagte aan self, roem, voorspoed of die
toekoms nie. Liggaamstaal is die grondslag van dit wat ons spreek. Dit is die mees
basiese vorm van kommunikasie en God hou van ons fisiese uitdrukkings van aanbidding
tot Hom soos bv. die volgende:
Alle volke, klap met die hande … (Ps. 47:2); Juig tot eer van God….. (Ps.
47:2);
Kom, laat ons aanbid en neerbuk; laat ons kneel voor die Here….. (Ps.
95:6); Hef op julle hoofde, o poorte….. (Ps. 24:9); Laat hulle jubel op hul
beddens (Ps. 149:5).
Lofprysing is `n uitspraak. Dit word nooit in stilte gedoen nie. Jy kan stiltetye vir
meditasie hê. Jy kan in Sy teenwoordigheid in stilte, met ontsag, sit. Maar ware
lofprysing, is `n luide vreugdevolle viering. In werklikheid beteken die naam “Juda” –
waaruit die woord Jode kom – “lofprysing aan God, gevier” in die Hebreeuse taal. God
het van die begin af begeer dat die leiers van Sy uitverkose volk op die aarde, mense sal
wees wie se monde, tot oorlopens toe, gevul sal wees met lofprysing. Dit was die stam
van Juda, wat by die ingang van die Tabernakel van Moses, gekamp het. Dit was Juda,
wat in die geveg op die voorpunt was en met die sangers en dansers die weermag gelei
het. Lofprysing oorwin die vyand (Ps. 8:3). Lofprysing bereik jou siel. Lofprysing bevry
ons persoonlikhede en ons verhoudings met ander. Lofprysing is vir ELKEEN. Dit vereis
geen bekwaamheid om te sing of te bid nie. Dit is spontane, ongeoefende uitbarstings
van vreugde. Lofprysing word dikwels begelei deur musiek. Lees lofprysings aanbidding
gedurende die tyd van die Psalmis: luit, trompet, harp, tamboeryn, snaarinstrumente,
fluite, harde simbale, helderklinkende simbale.
Lofprysing is vir vandag. Lofprysing is vir jou! Omdat lofprysing uit en uit `n
persoonlike saak is, kan jy verseker wees, dat jy die Loofhuttefees in jou eie hart kan
hou, maak nie saak wat andere miskien om jou doen nie. Jou gesin kan die Fees hou,
selfs wanneer niemand in die woonbuurt dit verstaan nie. Jou gemeenskap of kerkgroep
kan die Fees hou, selfs wanneer dit `n onbekende aktiwiteit in die res van jou volk is.
Die Loofhuttefees, ook bekend as Sukkot, is `n baie groter viering as enige kerkgroep

of denominasie of nasionaliteit. Dit is `n feesviering wat nie geklassifiseer en op `n rak
geplaas kan word om aan `n sekere plek, denominasie of groep te behoort nie.
Dit is `n viering wat in die hart van enige gelowige kan heers, enige plek waar hulle
hul op die aarde, mag bevind gedurende die jare wat kom. Lofprysing kan nie ingeperk
word nie. Lofprysing kan uit enige houer kom, wat aan die Here oorgegee is. Jesus is
altyd die middelpunt van ons lofprysing (Openb. 5:12).
Lofprysing is `n gesindheid en `n handeling. Dit is ook `n atmosfeer, wat jy rondom
jou kan skep. Daardie persone wat persoonlik in `n “Sukkot van lofprysing” bly, sal
denke hê wat “op God gevestig” is en die belofte aan hulle is volmaakte vrede (Jes.
26:3).
Soos jy met jou daaglikse aktiwiteite besig is, laat lofprysingsmusiek jou gedagtes
vul. Luister daarna op die radio, cd`s of bande – in jou huis en motor. Sing saam!
Memoriseer die woorde en spreek hulle hardop uit asof vir die Here, terwyl jy met jou
daaglikse take aangaan. Skep `n “woonspasie” van lofprysing rondom jou!
Met `n gesindheid van lof, begin om jou eie liedere aan God, te maak. Dit kan
beteken dat jy `n maklike wysie by `n psalm voeg wat jy gememoriseer het. Dit kan ook
beteken dat jy `n uitdrukking van lof, soos “halleluja”, “hosanna” of “loof die Here” kan
neem en `n lyntjie met `n wysie daarby voeg. Dit is nie nodig om bekommerd te wees
om reëls op te maak wat rym nie. Moenie bekommerd wees oor musikale komposisie
nie. Enige wysie en woorde wat jy kies kan `n lofoffer aan die Here wees. Raak
gewoond daaraan om jou eie stem, verhef in lofprysing, te hoor. Selfs as hierdie
eenvoudige lofprysings eers vir jou nie “ reg klink” nie, hou aan met loof! Dit is altyd
aangenaam vir die Here. (En jy sal die hele ewigheid hê om te verbeter!)
Sing ook in jou persoonlike gebedstaal, wat die Heilige Gees aan jou gegee het.
Sing, vir `n rukkie in die Gees en sing dan weer vir `n rukkie in jou eie taal (1 Kor.
14:15).
Selfs wanneer jy nie voel om die Here te loof nie, lees en sing nogtans lofprysinge.
Hierdie is `n tyd van algehele gehoorsaamheid. Soos jy lees en sing, sal die gevoel van
liefde vir Jesus en Sy blydskap vir jou, oor jou kom en die angs en bekommernis wat jy
voel, weg was.
Ons loof die Here wanneer ons onthou wat Hy vir ons gedoen het. Ons loof Hom vir
ons beskerming, omdat ons God kan vertrou om ons natuurlik sowel as bonatuurlik te
beskerm. Ons het die Naam van Jesus om te gebruik, om ons vyand, Satan, te
weerstaan. Ons moet net Ps. 91 lees, sodat ons moed kan skep uit God se beloofde
beskerming.
Ons loof Hom vir Sy voorsiening. Hy het vir die kinders van Israel, kos, water, klere
en gesondheid in die wildernis voorsien. Hulle skoene het nie stukkend geraak nie, en
wat Hy vir hulle gedoen het, sal Hy vir ons, as Sy kinders ook doen. As gelowiges in die
Here vandag, kan ons God se belofte van voorsiening in ons lewens ken. Ons kan God
ook, in die komende jare, op die natuurlike vlak vertrou om die kos, water, klere,
vryheid van siekte en skuiling wat ons nodig het, te voorsien. Ons kan Hom vertrou om
maniere te voorsien om die plae en pestilensies, wat nou bestaan te ontvlug. Ons kan
Hom vertrou om veiligheid vir ons en ons families te voorsien.
Ons kan God ook vertrou om die geestelike voeding wat ons nodig het te voorsien –

om aan ons gemeenskap te gee, toegang tot Sy Woord en verfrissing in Sy Heilige Gees.
Ons kan Hom ook vertrou om aan ons die vrugte van Sy natuur te voorsien, wanneer
ons in Sy akkers werk en insamel. Ons kan, bo alles op die feit vertrou dat Jesus nie
verander nie…gister…vandag…tot in ewigheid! (Heb.13 vers 8).
Ons loof Hom vir Sy beloftes wat ja en amen is, want Sy Woord is vir ewig vasgestel
en Hy verseker ons dat Hy en Sy Woord een is. Jesus is die Lewende Woord, en omdat
Hy nooit verander nie, sal die Woord van God ook nie verander nie. Ons kan verseker
wees dat God nooit Sy Woord sal verbreek nie, en dit sal ook nooit leeg na Hom
terugkeer nie, maar sal doen waarvoor dit gestuur is (Jes. 55 vers 11). Jy kan, met
sekerheid en vertroue, op Sy onfeilbare beloftes vertrou. Natuurlik sal die finale
vervulling van Sy beloftes wees met die verskyning van Jesus, ons Messias, wat eerstens
vir Sy Bruid, met die wegraping, sal kom en dan met Sy Wederkoms in oorwinning, as
die Koning van die konings en die Here van die here.
Die Loofhuttefees spreek profeties van die wederkoms van Jesus, dus moet ons bly
wees en juig wanneer ons die Loofhuttefees elke jaar vier, laat ons `n kwaliteit besluit
neem om `n volk van lofprysing te word!
HOOFSTUK 8
Hoe om weergebore te word
1.ERKEN: Want almal het gesondig en dit ontbreek hulle aan die heerlikheid
van God (Rom 3:23) o God, wees my, sondaar, genadig! Lukas 18:13) In die lig
van God se Woord moet jy erken dat jy ‘n sondaar is.
2. BEKEER: Nee, sê Ek (Jesus) vir julle; maar as julle jul nie bekeer nie, sal julle
almal net so omkom. (Lukas 13:3) Kom dan tot inkeer en bekeer julle, sodat
julle sondes uitgewis kan … (Handelinge 3:19) Kom tot die besef hoe afskuwelik
sonde is en draai weg daarvan.
3. BELY: As ons ons sonde bely, Hy is getrou en regverdig om ons die sondes te
vergewe en ons van alle ongeregtigheid te reinig. (1 Johannes 1:9) Want met
die hart glo ons tot geregtigheid en met die mond bely ons tot redding. (Rom
10:10) Bely jou sondes voor God
4. VERLAAT: Laat die goddelose sy weg verlaat en die kwaaddoener sy
gedagtes, en laat hy hom tot die Here bekeer … want Hy vergeef
menigvuldiglik. (Jesaja 55:7) Net om jammer te wees oor jou sonde is nie genoeg
nie. Ons moet begeer om die vir ewig te verlaat.
5. GLO: Want so lief het God die wêreld gehad, dat Hy Sy eniggebore Seun
gegee het, sodat elkeen wat in Hom glo, nie verlore mag gaan nie, maar die
ewige lewe kan hê. (Johannes 3:16) As jy met jou mond die Here Jesus bely
en met jou hart glo dat God Hom uit die dode opgewek het, sal jy gered word;
(Rom 10:9) Glo dat Jesus Christus jou geheel en al verlos het by die Kruis.
6. ONTVANG: Hy het na sy eiendom gekom, en sy eie mense het Hom nie
aangeneem nie. Maar almal wat Hom aangeneem het, aan hulle het Hy mag

gegee om kinders van God te word, aan hulle wat in sy Naam glo; (Johannes
1:11 en 12) Jy moet glo, deur geloof, ontvang nou vir Jesus Christus in jou hart sodat
jy die ondervinding van die wedergeboorte van hê.
7.SKRYF NEER: Vandag se datum, op die binneblad van jou Bybel of lang `n Skrif
gedeelte of vers wat vir jou spesiale betekenis het. Laat dit altyd vir jou `n bevestiging
wees dat jy jou hart en lewe aan die Lewende God toegewy het, en dat Hy jou in Sy
Liefde ontvang het. Weerstaan satan deur aan hom hierdie spesifieke vers uit te wys
wanneer jy jou aanval met onsekerheid en verwardheid.
8. LEES: Die geloof is dus uit die gehoor, en die gehoor is deur die Woord van
God. (Romeine 10:17) Begin om elke dag `n hoofstuk uit die bybel te lees en pas
God se instruksies in jou daaglikse wandel met Hom toe.
9. BID: God is nou jou Hemelse Vader: praat elke dag met Hom. Bely jou sondes, loof
Hom en prys Hom omdat Hy jou vry gemaak het, vertel Hom van jou behoeftes, en
dank Hom dat Hy in al jou behoeftes voorsien: liggaamlik, finansieel en emosioneel (Fil
4:19) Hier volg `n gebed wat jy kan as `n riglyn kan gebruik om te bid. ”Hemelse
Vader, ek erken dat ek ‘n verlore sondaar is. Ek dank U dat Jesus vir my
sondes gesterf het. Ek vra U om my sondes te vergewe. Ek maak nou die
deur van my hart en lewe vir U oop. Kom asseblief binne en reinig my. Neem
die leisels van my lewe: Ek wil deur U Heilige Gees gelei word. Vader, ek
dank U dat Jesus Christus nou my Verlosser en Heer is en dat ek U kind is.
Amen.”
10. LAAT U DOOP: U is nou `n kind van God, `n gelowige in die Here Jesus Christus.
Die volgende stap is om gedoop te word (onderdompel). Mark 16:16 sê Jesus hy wat glo
en hom laat doop, sal gered word; maar hy wat nie glo nie, sal veroordeel word. Onthou
nou dat u `n kind van God is. U naam is in die boek van die Lam geskryf, omdat u
gehoorsaam was aan God se instruksies.
11. WEES GEVUL MET DIE HEILIGE GEES: Volgens God se beloftes in Hand 2:38 en 39.
Die gawes wat met die doop in die Heilige Gees gepaard gaan is noodsaaklik om
oorwinnaars in die Here te wees.
12. GEMEENSKAP: Kry `n groep Wedergebore, gelowige Christene en hou samesyn op
`n gereelde basis. Hou altyd die prentjie in gedagte van die kooltjie wat in die vuur is
aan gloei terwyl dit in kontak met die vuur is, maar wat koud en dood gaan as dit te
lank uit die vuur is.
13. SKRYF AAN ONS: Ons sal graag van hulp wil wees in jou geestelike groei en sal
enige vrae oor hierdie onderwerp beantwoord. Skryf net aan ons by Stanger Christelike
Sentrum, Posbus 112, Stanger, 4450.