Sanwild weer in hof - Letaba Herald

PAGE 28 LETABA HERALD - Friday 23 October 2009
DIE Noordchem Gholfdag het Vrydag baie goed afgeloop en vir hope
pret gesorg: Arne Verster, kaptein van die Harmonie-span (wenspan),
Johan Coetzee, verteenwoordiger van Noordchem, Sorina, die flooze
van 7de Laan wat die spelers vermaak het en Pieter Vermaak, kaptein
van die Letsitele-span.
Harmonie kraai koning
DIE Noordchem Gholfdag, ‘n jaarlikse
stryd tussen die boere van
Harmonie en Letsitele, het verlede
Vrydag te Orangedene afgespeel.
Dit is die derde jaar wat die
gholfdag aangebied word, en
Noordchem, organiseerder en
hoofborg, het gesorg vir ‘n
goed-georganiseerde dag, uitstekende
vermaak en ‘n heerlike
skaapbraai.
Die Harmonie-span het stof in
die Letsitele-span se oë geskop en
Arne Verster en Pokkels de Jager is
as algehele wenners aangewys.
Sorina, die flooze van 7de Laan,
het haar streke uitgehaal en die
manne goed besig gehou met haar
anderste-houding. Alhoewel haar
musiek meestal by die flooze se
gedrag pas, het Sorina se ware
talente as kunstenaar en sangeres
na vore gekom.
DIE Harmonie-span het die Noordchem Gholfdag te Orangedene oorheers.
Charl, Pierre deur na finaal
TWEE plaaslike gholfspelers is op pad na die
suidkus van KwaZulu-Natal om in die finaal
van die Sanlam Kanker-uitdaagreeks te gaan
speel.
Charl Swart (Tzaneen) en Pierre Joynt (Orangedene)
gaan die plaaslike gholfklubs in
Suid-Afrika se mees prestigeryke amateurtoernooi
verteenwoordig.
Bykans 35 575 amateurs van 440 gholfklubs
het vanjaar aan 801 klubtoernooie en 28
streekfinale deelgeneem. Slegs 85 spelers het
na ‘n proses van eliminasie na die finaal van
die nasionale toernooi deurgedring.
Dit maak die Sanlam Kanker-uitdaagreeks
selfs groter as die Comrades of die Argus-fiets
t o e r.
Die skilderagtige Sanlameer is vir die sestiende
agtereenvolgende jaar die gasheer.
Dié 18-putjie baan is geleë in ‘n strook
ongerepte natuur en bied ‘n skouspelagtige
uitsig op die Indiese Oseaan. Wilde diere
paradeer soos ongenooide toeskouers op die
putjies rond om die jaarlikse skouspel dop te
hou.
Met 14 van die 18 putjies wat deur water
omring word, is Sanlameer vir sommige besoekers
soos ‘n Everest om te klim.
Om sake boonop te vererger, hou die weer
altyd ‘n wilde troefkaart in die hand en kan
spelers tydig en ontydig reënbuie en strawwe
wind verwag. Veral die wind speel ‘n groot rol
en verseker dat die plaaslike Pro Shop se
balverkope stewig opskiet.
Maar die meeste spelers sal saamstem: Sanlameer
is ‘n groot uitdaging en sal enige speler
tot die uiterste beproef. Op ‘n goeie dag kan die
baan jou van plesier laat kraai. Op ‘n slegte dag
laat dit jou krokodiltrane stort.
Die wenners in die A-, B- en C-afdeling, vir
mans en vroue, word na twee rondes
aangewys. Die twee beste Stableford-tellings
sal die algehele wenner in die mans- en
vroue-afdelings bepaal. Dalk kom een uit
Tzaneen?
Vir die 85 amateurs wat in die finaal speel, is
daar heelwat eer op die spel. Maar wat
waarskynlik die swaarste weeg vir die meer as
35 000 spelers wat die uitdaagreeks vanjaar
ondersteun het, is hul beskeie bydrae in die
stryd teen kanker.
Die Sanlam Kanker-uitdaagreeks poog om
vanjaar sowat R2 miljoen vir die
Kankervereniging van SA in te samel.
Visvang kompetisie
DIE Tzaneen Rotariër Klub nooi alle vissermanne
in die omgewing na ‘n visvang kompetisie.
Dit sal op Saterdag 14 November by die
ZZ2dam gehou word.
Die fooi van R100
per stok is betaalbaar
en daar is geen
beperking op die aantal
stokke per persoon
wat ingeskryf word
nie. Die inkomste
gaan aan die SAVF.
Groot pryse is op
die spel. Skakel asseblief
Dolf Smith by
083 239 9549 of
(015) 307 2908 vir
meer besonderhede.