Sillabus - Aktepraktyk.co.za

nie maar wel ‘n gemiddeld van 40% tot 49% behaal, druip die eksamen maar kwalifiseer vir ‘n
mondelinge eksamen. ‘n Kandidaat wat minder as 40% gemiddeld behaal, druip en moet die
eksamen weer aflê.
Die tyd toegeken aan die eerste vraestel (08:30 - 12:45) is vier ure en aan die tweede
vraestel (14:00 - 16:15) twee ure. Kandidate sal in albei vraestelle 'n bykomende 15 minute
toegelaat word om die vraestel deur te lees alvorens hulle begin skryf, om kandidate wat nie
in hul eie taal skryf nie, tegemoet te kom.
3. VEREISTES
Vir hierdie eksamen word van kandidate vereis:
3.1 om ten volle op hoogte te wees met die Wette (en hulle regulasies) wat betrekking het op
grondregistrasie in 'n aktekantoor, naamlik die Registrasie van Aktes Wet 47 van 1937 en die
Wet op Deeltitels 95 van 1986 en die toepaslike goewerments-kennisgewings, omsendbriewe
uitgevaardig deur die hoofregistrateur en provinsiale registrateurs en resolusies aanvaar by
Registrateurskonferensies. Die kandidate sal by die eerste vraestel voorsien word met die
Registrasie van Aktes Wet 47 van 1937 en die Wet op Deeltitels 95 van 1986, regulasies
daarkragtens uitgevaardig en die voorgeskrewe vorms. Daar word dus NIE van kandidate
verwag om die voorgeskrewe vorms wat voorkom in die regulasies kragtens die Registrasie
van Aktes Wet en die Wet op Deeltitels te memoriseer nie. Die voormelde wette, regulasies
en vorms sal egter nie by die tweede vraestel beskikbaar gestel word aan die kandidate nie;
en
3.2 dat hulle ten volle bewus is van die verantwoordelikhede van transportbesorgers en van die
etiese gedrag wat van transportbesorgers verwag word;
3.3 om 'n nutskennis te hê van die besondere artikels van die wette en ordonnansies wat
betrekking het op transportbesorging (d w s benewens die vermeld in par 3.1) en die
verskillende uitsprake van die Hooggeregshof en die Appèlafdeling wat daarop betrekking het,
veral die volgende:
Boedelwet, 66 van 1965 artikels 1, 35(12), 37 - 42, 49, 80 - 81 en 94.
“Civil Union Act “ 17 van 2006 – die hele wet.
Grondwet van die Republiek van Suid-Afrika, 108 van 1996 - artikels 103 en 166.
Hooggeregshofreël no 63 - kandidate moet bewus wees van hierdie reël en ‘n begrip hê van
die reël maar dit word nie verwag dat hulle die reël uit hulle koppe ken nie.
Inkomstebelastingwet, 58 van 1962 Agtste Bylae (wat betrekking het op Belasting op
Kapitale Wins) Paragrawe 1, 44, 45, 46, 48 en 51; en Artikel 35A.
Insolvensiewet, 24 van 1936 artikels 2, 5, 17, 18, 35, 80bis, 86 - 88, 127A en 129.
Kinderwet 38 van 2005, artikels 17 tot en met 21.
Transportbesorgingeksamen Sillabus
Bladsy 2