Deel I- 2 Oordragprosedure - Aktepraktyk.co.za

Werkstukke vir Hoofstuk 2
Totale getal punte uit hierdie hoofstuk gevra
Sep 2009 - 6
Mei 2009 - 10
Sep 2008 - 10
Mei 2008 - 0
Sep 2007 - 0
Mei 2007 - 8
Sep 2006 - 15
Mei 2006 - 0
Sep 2005 - 3
Mei 2005 - 17
Sep 2004 - 3
Oordragprosedure
Sentrum vir Aktepraktyk
Jul 2004 - 0
Sep 2003 - 0
Mei 2003 - 0
Sep 2002 - 8
Mei 2002 - 16
Sep 2001 - 0
Mei 2001 - 0
Sep 2000 - 0
Mei 2000 - 15
Sep 1999 - 0
Mei 1999 - 0
‘n Gemiddeld van 5.05 punte uit 22 vraestelle
Belang van dié hoofstuk: 1,7% van die vraestel
Paragraaf 6.4 - Versoek waarborge
Vraag 6 (Deel 1) Mei 2009 [10]
U firma ontvang opdrag om die oordrag van erf 55
Middelburg te behartig namens die Verkoper, Piet Moya,
in terme van ‘n koopkontrak aangegaan met die Koper,
Margaret Tshabalala. Die volgende is die feite:
1.1 Die koopprys beloop R1 000 000,00 (een miljoen
rand);
1.2 Die eiendom is onderhewig aan ‘n verband
geregistreer ten gunste van Best Bank Bpk;
1.3 U het opdrag ontvang om die kansellasie van die
verband te hanteer en die bank het u in kennis
gestel dat die bedrag benodig ten einde die
verband te kanselleer beloop R500 000,00
(vyfhonderd duisend rand) plus rente teen 15%
per jaar bereken op die bedrag van R480 000,00
(vierhonderd-en-tagtig duisend rand) vanaf die
10de April 2009. Die bank verlang ‘n waarborg
in diese guns vir betaling van die vermelde
bedrag, plus rente, op datum van kansellasie
van die verband;
1.4 U oordragsfooie (nie uitgawes) is betaalbaar uit
die opbrengs van die verkoop, in terme van die
koopkontrak. Die oordragsfooie beloop R11
400,00 wat BTW insluit;
1.5 Die verkoper skuld Mc Carthy Bpk R20 000,00
(twintig duisend rand) vir die balans koopprys
van sy motor. Hy het u opdrag gegee om ‘n
waarborg uit te reik vir die vermelde bedrag ten
gunste van Mc Carthy Bpk betaalbaar uit die
opbrengs van die verkoop en by registrasie van
oordrag;
1.6 Die Koper het ‘n deposito van R100 000,00
(eenhonderd duisend rand) aan u firma betaal
welke bedrag u namens haar belê het;
1.7 Die koper het ‘n lening bekom van Quick Bank
Bpk vir die balans van die koopprys welke
bedrag betaalbaar is teen registrasie van ‘n
verband oor erf 55 Middelburg. Mandla Inc het
opdrag gekry om die verband te registreer
namens Quick Bank Bpk.
1.8 Mandla Inc het bevestig dat hulle geen
ondernemings aanvaar of uitreik nie en alle
aangeleenthede wat betrekking het op finansies
hanteer moet word deur middel van waarborge
wat uitgereik word deur Quick Bank Bpk.
Stel ‘n skriftelike versoek op aan Mandla Inc waarin u
die waarborge aanvra wat benodig word om die
oordrag van die eiendom te registreer. Die versoek
moet duidelik aandui wat die bedrag van die waarborg
is, die rente betaalbaar en die voorwaardes waaronder
dit betaalbaar is. Voorsien u eie feite, waar nodig,
sonder om af te wyk van die bogemelde feite.
Hoofstuk 2 - Oordragprosedure 1
Sentrum vir Aktepraktyk - 2013

Vraag 10 (Deel 2) Mei 2007 [8]
U het opdrag ontvang om toe te sien tot die registrasie
van twee opeenvolgende transporte van dieselfde
eiendom. Stel die waarborg op en die klousules wat in ‘n
waarborg opgeneem moet word wat verband hou met
die registrasies waarteen die waarborg betaalbaar sal
wees. Maak gebruik van u eie feite.
Vraag 3 (Deel 2) September 2004 [3]
U word opdrag gegee om toe te sien tot die registrasie
van twee opeenvolgende transporte van dieselfde
eiendom. Gebruik u eie feitestelling om die klousule wat
in die waarborg ten opsigte van die registrasie waarteen
die waarborg betaalbaar is, op te stel.
Vraag 2 (Deel 2) September 2002 [8]
Lys die noodsaaklike besonderhede wat vervat moet
word in ‘n waarborg ten gunste van ‘n verbandhouer
ten einde die verbandhouer in staat te stel om toe te
stem tot die kansellering van die verband.
Vraag 13 (Deel 1) Mei 2000 [15]
John Andrews verkoop Erf 500 Palala aan Stephan
Jackson vir R200 000,00 vir welke bedrag die koper ‘n
lening verkry van ABC Bank. Daar is vasgestel dat die
volgende bedrae nog verskuldig is ingevolge die
bestaande verbande wat oor die eiendom geregistreer is,
naamlik:
(i) R90 050,00 aan XYZ Bank Beperk tesame met
rente op R90 000,00 teen 19% per jaar vanaf 1
April 2000 tot datum van betaling.
(ii) R60 000,00 aan SPEED Bank tesame met rente
daarop teen 21% per jaar, kwartaalliks vooruit
bereken vanaf 1 Maart 2000 tot die laaste dag
van die maand, van die kwartaal waarin die
verband gekanselleer word.
(iii) R30 000,00 aan REX HARRISON.
Die balans van die lening moet aan u as transportbesorger
betaal word.
13.1 Meld slegs die volle besonderhede van die
bedrae van die waarborge wat ABC Bank
Beperk moet uitreik.
13.2 Meld die transaksies, teen registrasie waarvan,
die waarborge uitbetaal sal word.
ANTWOORD -
13.1
(a) Ten gunste van XZY Bank Beperk vir die bedrag
van R90,050.00 tesame met rente op
R90,000.00 teen 19% per jaar bereken vanaf 1
April 2000 tot datum van betaling, beide datums
ingesluit.
(b) Ten gunste van Speed Bank vir die bedrag van
R60,000.00 plus rente daarop teen 'n koers van
21% per jaar, kwartaalliks vooruit bereken vanaf
1 Maart 2000 tot op die laaste dag van die
maand van die kwartaal waarin die verband
gekanselleer word.
(c) Ten gunste van Rex Harrison in die bedrag van
R30,000.00.
(d) Ten gunste van Jones en Jones vir krediet vir
die rekening van John Andrews in die som van
R19,950.00 min rente soos in (a) hierbo
uiteengesit en min rente soos in (b) hierbo
uiteengesit.
13.2
(a) Registrasie van die oordrag van Erf 500 Palala
vanaf John Andrews aan Stephan Jackson.
(b) Kansellasie van alle bestaande verbande
geregistreer oor Erf 500 Palala.
(c) Registrasie van 'n eerste verband van
R200,000.00 oor Erf 500 Palala deur Stephan
Jackson ten gunste van ABC Bank Beperk.
Paragrawe 1 - 8.1 - Ontvangs van opdrag tot
indiening van dokumente
Vraag 14 (Deel 2) September 2008 [6]
Meld die stappe wat u sal neem van die oomblik wat die
verkoper u as transportbesorger opdrag gee om toe te
sien tot die oordrag van ‘n eiendom in die naam van die
koper tot op die stadium wat u gereed is om u
dokumente in te dien vir registrasie.
Die koopooreenkoms is deur ‘n agent opgestel en reeds
onderteken. Die koper het ‘n lening verkry vir ‘n bedrag
gelyk aan die koopprys.
Ook gevra in Vraag 9 (Deel 2) Mei 1998 vir 8 punte.
ANTWOORD -
Hoofstuk 2 - Oordragprosedure 2
Sentrum vir Aktepraktyk - 2013

1. Doen 'n akte soek, kontroleer die eiendoms- en
partybeskrywings, en kyk of daar enige verband
oor die eiendom geregistreer is.
2. Vra vir persoonlike dokumente van die koper en
verkoper.
3. Versoek die titelakte en waarborgvereistes
(kansellasiesyfers) van die bestaande
verbandhouer.
4. Berei al die oordragdokumente voor en versoek
beide die koper en verkoper om dit te teken. Kry
'n deposito vir al jou kostes van die
koper/verkoper.
5. Doen aansoek vir 'n klaringsertifikaat en kry die
hereregtekwitansie. Kry die klaringsertifikaat.
6. Versoek waarborge van die transportbesorger
wat registrasie van die nuwe verband hanteer.
7. Met ontvangs van die waarborge, lewer die
waarborge aan die transportbesorger wat die
kansellasie van die bestaande verband hanteer.
8. Reël vir gelyktydige indiening met die verband en
kansellasieprokureurs. Sodra hulle gereed is,
dien in.
Paragraaf 8.3 - Gevalle waar die titelakte nie
ingedien hoef te word nie
Die onderstaande vrae het op beide hierdie hoofstuk
en hoofstuk 14, “Verbande” betrekking. Weens die
gewildheid van dié vrae word dit hier en onder
paragraaf 7.1 in die werkstuk vir hoofstuk 14, wat
handel oor verbande, aangehaal.
Vraag 3 (Deel 2) September 2009 [6]
3.1 Meld drie gevalle waar die titelakte van ‘n
eiendom wat oorgedra word, nie ingedien hoef te
word nie. [3]
3.2 ‘n Eiendom wat onder verband verbind is, moet
oorgedra word. Meld drie gevalle waar die
verband nie ingedien hoef te word vir kansellasie
nie. [3]
(Hierdie vraag het op paragraaf 7.1, hoofstuk 14,
“Verbande”, betrekking.)
Vraag 1 (Deel 2) September 2008 [4]
Lys vier uitsonderingsgevalle waar dit nie nodig is om die
titelakte van ‘n eiendom wat oorgedra word in te dien nie.
Vraag 2 (Deel 2) September 2008 [4]
Lys vier uitsonderingsgevalle waar die eiendom wat
oorgedra word met ‘n verband beswaar is en dit nie
nodig is om die verbandakte in te dien nie.
(Hierdie vraag het op paragraaf 7.1, hoofstuk 14,
“Verbande”, betrekking.)
(Sien nog vrae hieroor onder paragraaf 7.1 in die
werkstuk vir hoofstuk 14 wat handel oor verbande.)
Min of meer dieselfde vraag is gevra in -
Vraag 4 (Deel 2) September 2005 vir 6 punte.
Vraag 8 (Deel 1) Mei 1999 vir 10 punte.
Vraag 13 (Deel 1) Mei 2005 [10]
Bespreek kortliks of dit nodig is om die transportakte
en/of verbandakte wat teen die eiendom geregistreer is
in te dien in die volgende gevalle:
13.1 Oordrag van ‘n eiendom wat in eksekusie
verkoop is deur die Balju. [2]
13.2 Oordrag van ‘n eiendom wat deur die trustee in
‘n insolvente boedel verkoop is. [2]
13.3 Oordrag van ‘n eiendom wat deur die
Likwidateur van ‘n maatskappy wat nie sy skulde
kan betaal nie, verkoop is. [2]
13.4 Oordrag van ‘n eiendom onteien deur die
plaaslike munisipaliteit. [2]
13.5 Oordrag van ‘n eiendom deur die eksekuteur in
‘n bestorwe boedel waar die verbandakte verlore
geraak het. [2]
ANTWOORD -
13.1 Nee, dit is nie nodig nie. Die balju moet skriftelik
verklaar dat hy nie in staat is om die titelbewys te
verkry nie. Die verbandakte hoef ook nie
ingedien te word nie - (regulasie 51(2)).
13.2 Nee - (regulasie 51(2)).
13.3 Nee - (regulasie 51(2)).
13.4 Nee, die titelakte en die verband hoef nie
ingedien te word nie. (Sien artikel 31(1) ten
opsigte van die verband en artikel 31(2)(b) ten
opsigte van die titelakte).
Hoofstuk 2 - Oordragprosedure 3
Sentrum vir Aktepraktyk - 2013

13.5 Ja, die titelakte moet ingedien word. Indien die
verband beskikbaar is, moet dit ook vir
kansellasie ingedien word. Indien dit nie
beskikbaar is nie, moet ‘n aansoek deur die
verbandhouer kragtens regulasie 68(11)
ingedien word. (Sien hoofstuk 12, “Verlore
Akte”.)
Hoofstuk 2 - Oordragprosedure 4
Sentrum vir Aktepraktyk - 2013