is daar krag in die doop in die heilige gees? - Stanger Christian Centre

IS DAAR KRAG IN DIE DOOP IN DIE HEILIGE GEES?
Nadat jy 'n Kind van God geword het, I daar baie wonderlike dinge wat jou erfenis is, wat jou toekom, maar wat jy
IN DIE GELOOF jou eie sal moet maak. Een van hierdie wonderlike dinge is die besondere gawe van die DOPING IN
DIE HEILIGE GEES. God belowe dit aan jou.
En jy het dit werklik nodig want daardeur word hou verhouding met God verdiep, jy ontvang krag om 'n
oorwinnende geestelike lewe te lei en sodoende 'n LEWENDE GETUIENIS VIR JESUS te wees, en God se Krag kan
ook deur jou vloei sodat tekens en wonders kan volg met die doel om Sy Liggaam op te bou en die ongelowiges tot
bekering te bring.
Die vervulling met of Doop in die Heilige Gees is 'n ondervinding wat losstaan van jou bekering – dis 'n tweede
ondervinding.
Hierdie ondervinding is nie 'n kerkleerstelling wat sommige kerke het en ander nie. HIERDIE ONDERVINDING IS
WAT GOD SE WOORD AAN SY KINDERS OORDRA (Luk 24: 49, Hand 1: 4 en 5) en GEEN WARE KIND VAN
GOD HET 'n KEUSE IN DIE SAAK NIE: Jy aanvaar of DIE HELE BYBEL of JY AANVAAR NIKS VAN DIE
BYBEL NIE.
Die profeet Joël (Joel 2: 23 – 32) het eerste hierdie belofte van God aan die mens bekende gemaak en toe het Jesus
dit bevestig in Joh 14: 16 – 18 toe Hy Sy dissipels 'n ander Trooster belowe het wanneer Hy sou weggaan.
Hierdie belofte het 'n heerlike werklikheid geword op Pinksterdag daar in die bo­vertrek toe 120 van Jesus se
volgelinge gedoop is met die Heilige Gees en hulle in ander tale, as 'n teken van hierdie doping, begin spreek het! Loof
die Here daarvoor!
Soos voorheen gesê is die doel van hierdie vervulling met die Heilige Gees om die Kind van God toe te rus met krag
(Hand 1: 4 – 8) sodat hy dieselfde werke kan doen as Sy Meester, Jesus (Joh 14: 12) Hierdeur word die gelowige ook 'n
doeltreffende getuie vir Hom (Hand 1: 8) Gaan, as 'n praktiese weerspieëling van hierdie doelstellings, Petrus se ewe na,
voor en nadat hy gevul was met die Heilige Gees. Voorwaar 'n hemelsbreë verskil!
Hierdie belofte kom AL GOD SE KINDERS TOE, afgesien van ouderdom of ras of denominasie (Hand 2: 37 – 39,
Hand 9: 31, Hand 8: 14 – 17, Hand 10: 45, Hand 19: 2 – 6, Hand 2: 4 en 17). Daarom is dit baie duidelik dat dit ook VIR
JOU toekom en dat God dit graag aan jou wil gee. Luk 11: 13: As julle dan…weet om goeie gawes aan julle kinders te
gee, hoe veel te meer sal die Hemelse Vader die Heilige Gees gee aan die wat Hom bid.
Die vervulling met die Heilige Gees is 'n gawe – 'n geskenk. Jy het dus nie nodig om lang ure daarvoor te soebat nie
maar JY MOET DIT NET IN DIE GELOOF jou eie maak. Jesus is die Doper en die Heilige Gees is reeds uitgestort
(Hand 2), Jesus wag nou net dat jy jou sal oorgee en Hy jou in die Heilige Gees kan doop. Die SPREEK IN ANDER
TALE is die uiterlike teken dat jy gedoop is in die Heilige Gees (Hand 2: 4) Lees ook Hand 10: 44 – 48 en Hand 19: 6 en
die wonderwerk is nie DAT JY PRAAT nie, maar WAT JY PRAAT – dit is bonatuurlik. Jy moet jou tong en jou stem
gebruik. Wanneer jy dus self of deur handoplegging deur 'n ander gelowige God gevra het vir Sy heerlike gawe, begin IN
DIE GELOOF te praat en die woorde sal kom. Soms net een of twee, maar hef jou hande op en hou aan met praat en daar
sal 'n verkwikkende stroom van Goddelike taal by jou mond begin uitvloei. Beoefen dit so dikwels moontlik en moenie
dat mense of satan vir jou verwar en sê dis jou verbeelding of emosies of die vlees nie. Luister veel eerder na wat God sê:
Dit is die vrymoedigheid wat ons teenoor Hom het, dat Hy ons verhoor as ons iets vra volgens Sy wil. En as ons
weet dat Hy ons verhoor, dan weet ons dat, wat ons ook al vra, ons die bedes verkry wat ons van Hom gevra het (1
Joh 5: 14 en 15).
Nou ontstaan die vraag of mens noodwendig in 'n ander taal moet spreek om die doop in die Heilige Gees te
ontvang. (Die duiwel waarsku ook maar altyd agteraf dat jy moet waak om nie 'n fanatikus te word oor hierdie dinge of te
emosioneel nie.) Die spreek in ander tale is n voorreg, n kosbare geskenk / gawe van God. Dit is n nuwe intieme wyse
van bid met direkte, bonatuurlike hulp. En die gawes van die Heilige Gees moet nie op neergesien of gekritiseer word
nie.
Weer eens die vraag: Kan jy met die Heilige Gees vervul wees sonder om in tale te spreek? Ek het gelees van die
bekende Godsman Derek Prince wat hierdie vraag antwoord met n teenvraag: Kan jy n olifant wees sonder n slurp? Die
antwoord is: Ja, maar n olifant sonder n slurp is maar a snaakse ding! Want die slurp is n baie belangrike orgaan vir die
olifant. Hy voed homself daarmee, hy bad homself daarmee – daarsonder is hy eintlik nie n normale, volkome olifant nie!
En dit geld vir die geesvervulde gelowige: sonder dat hy in tale spreek ontbreek daar nog iets.
HIERDIE TAAL IS DIE ERFENIS VAN ELKE GELOWIGE.
Ek wil graag aan jou 12 argumente noem wat die mens na aanleiding van kerklike en tradisionele leerstellings altyd
voorhou as hulle gekonfronteer word oor die spreek in ander tale, en dan wil ek net na elkeen vir jou wys wat die Bybel
Self daaroor sê.
Die mens: Ek belet julle om in ander tale te spreek.
Die Bybel: Moenie verhinder dat daar in tale gespreek word nie (1 Kor 14: 39)
Die mens: Spreek in tale is n teken van oordrewe emosionalisme.
Die Bybel: Dis n teken van die gelowige: En vir die wat geglo het, sal hierdie tekens volg… met nuwe tale sal hulle
spreek (Mark 16: 17)
Die mens: Om in ander tale te spreek is die vermoe om baie ander buitelandse tale aan te leer.
Die Bybel: Want hy wat in n taal spreek, spreek nie tot mense nie, maar tot God want niemand verstaan dit nie,

maar deur die Gees spreek hy verborgenhede (1 Kor 14: 2)
Die mens: Ek is te skaam en selfbewus om in ander tale te praat.
Die Bybel: Want elkeen wat hom skaam vir My woorde, vir hom sal die Seun van die mens Hom skaam wanneer
Hy kom in sy heerlikheid (Luk 9: 25)
Die mens: Om in ander tale te spreek is eintlik van die duiwel af.
Die Bybel: En hulle is almal vervul met die Heilige Gee en het begin spreek in ander tale, soos DIE GEES aan hulle
gegee het om uit te spreek. (Hand 2: 4)
Die mens: Spreek in ander tale is n soort van selfverheerliking.
Die Bybel: Want hulle het gehoor hoe hulle in tale spreek en God groot maak (Hand 10: 46)
Die mens: Ander tale was net vir Pinksterdag.
Die Bybel: Tien jaar later spreek hulle nog in ander tale volgens Hand 10: 46. Twintig jaar later spreek hulle
steeds in ander tale volgens Hand 19: 1 – 6.
Die mens: Die spreek in ander tale was net vir die apostels.
Die Bybel: Dit sal voortbestaan totdat die volmaakte (Jesus) gekom het volgens 1 Kor 13: 10.
Die mens: Ek kan nie sien dat die spreek in ander tale enige werklike waarde het nie.
Die Bybel: Want hy wat in 'n taal spreek stig (om op te bou) homself…verheerlik God…stig die ander gelowiges.
Dis 'n teken vir die ongelowiges (1 Kor 14)
Die mens: Dis seker maar nie vir ons kerk bedoel nie.
Die Bybel: Ek wens dat julle almal in tale spreek (1 Kor 14: 5)
Die mens: Hulle sal my uit die kerk uitgooi as ek in ander tale sou praat!
Die Bybel: Want hulle het die eer van die mense meer liefgehad ad sie eer van God (Joh 12: 43)
Die mens: Ons kerk se leerstellings is teen die spreek in ander tale.
Die Bybel: Maar tevergeefs vereer hulle My deur leringe te leer wat gebooie van mense is (Matt 15: 6)
Die spreek in ander tale kom in twee vorme voor. Eerstens is daar die hemelse taal wat jy ontvang wanneer Jesus
jou doop in Sy Heilige Gees (Rom 8: 26 en 27, Ef 6: 18, Judas 20) Hierdie taal gebruik jy om Hom mee te loof en mee
voorbidding te doen in jou binnekamer en daaglikse lewe. Tweedens is daar die gawe van tale wat God vryelik gee aan
wie Hy wil tydens die samekoms van die Liggaam van Christus met die doel om die gemeente op te bou. Hierdie gawe
gaan altyd saam met die gawe van die uitleg van tale en is deel van 'n boodskap of lofuiting direk deur die Heilige Gees.
Ander gawes van die Gees wat in 'n Geesvervulde Kind van God se lewe kan manifesteer is die gawe van: 'n Woord van
Wysheid 'n Woord van Kennis, Geloof, Genadegawes van Gesondmaking, werking van Kragte, Profesie en die
Onderskeiding van die Geeste. Al hierdie gawes vind plaas binne die Liggaam van Christus om dit op te bou en te stig (1
Kor 12, 13 en 14).
Kan ek maar net by sê dat hierdie gawes sekerlik nie eers 'n geleentheid gegun word om te manifesteer,
daar waar die diens 'n blote vasgestelde program is en die leier al die praat werk doen nie; of daar waar die doop
met die Heilige Gees en die lieflike spreek in ander tale as iets uitheems of selfs as uit die bose verkondig word nie.
(Nie dat God die Heilige Gees deur mense belet kan word nie, maar hierdie Lieflike Gees is 'n Ware Heer en sal
nooit Sy weg forseer nie)
Nou is my vraag aan jou, Geliefde: HOE GAAN DIT DAAR WAAR JY KERK TOE GAAN? WORD
GOD SE GEES IN SY VOLHEID DAAR VERKONDIG EN TOEGELAAT? INDIEN NIE, IS JY TEVREDE OM
STEEDS GEVOED TE WORD MET HALWE WAARHEDE? IS DIT NIE JUIS DIE REDE WAAROM JOU
GEESTELIKE LEWE SO KOUD EN VRUGTELOOS IS NIE?
Kyk wat sê die Here vir jou!
Joh 10: 10: Die DIEF (satan) kom net om te steel en te slag en te verwoes. Ek (Jesus) het gekom dat hulle lewe en
oorvloed kan hê. LAAT JY SATAN TOE OM JOU TE BEROOF EN TE VERNIETIG OP GEESTELIKE
GEBIED en ook op fisiese en finansiële gebied? Of neem JY JESUS EN SY VOLHEID AAN SODAT JY OP
ELKE GEBED IN OORVLOED KAN LEWE?
Joh 8: 32: En julle sal die waarheid ken, en die WAARHEID SAL JULLE VRYMAAK.
2 Kor 3: 17: …Waar die Gees van die Here is, DAAR IS VRYHEID.
Die Gawes van die Heilige Gees sal heeltemal ongebalanseerd wees sonder die Vrug van die Gees. Let daarop
dat 'n Godsman nie gevolg moet word bloot omdat daar sekere Heilige Gees – gawes in sy lewe in werking is nie, maar sy
hele bediening en privaat lewe moet getoets word aan die Vrug van die Gees in sy lewe. En as daar dan gevind word dat
albei hierdie fasette van God se Gees in sy lewe duidelik merkbaar is, kan sy leiding met vrymoedigheid gevolg word.
Maar onthou steeds: JESUS CHRISTUS IS DIE VOLMAAKTE LEIDSMAN en SY WOORD HET OOR ALLES DIE
FINALE Sê.
Die Heilige Gees laat ook Sy Vrug in die Geesvervulde Kind van God se lewe maar en meer na vore kom sodat jy
Jesus se Beeld kan weergee en sodoende Sy Naam verheerlik. Die vrug van die Gees is liefde, blydskap, vrede,
lankmoedigheid, vriendelikheid, goedheid, getrouheid, sagmoedigheid en selfbeheersing. (Gal 5: 22)
Die mens se gees is sy heel innerlike deel wat geskep was om gemeenskap met god te hê. Dit was dood in die
sonde totdat ons Christene geword het, toe het God daar kom woon. En daar vandaan vloei die Heilige Gees uit as jy met
Hom vervul word – daar word jou gees en God se Gees Een (Lees teksies soos Kol 2: 9 en 10, Joh 14: 23, Joh 14: 16 en 1
Kor 6: 17)
Die mens se siel bestaan uit sy intellek, wil en emosies. Die Christen se siel is 'n mengsel van goed en kwaad en

is besig om meer en meer na die goeie te ontwikkel, soos die gelowige meer en meer toegee aan God. Hier vind die stryd
plaas en hier moet veel opruimings werk gedoen word nadat 'n mens Christen geword het, want die ou dinge moet nou uit
die weg gemaak word.
Die liggaam is die gebied van die vryf sintuie: proe, voel, ruik, sien en hoor. Die liggaam is die tuiste van die siel en die
gees, daarom word die Christen se liggaam die Tempel van die Heilige Gees. (1 Kor 6: 19) Solank as ons liggame – wat
nog neig na sonde – NA ONS LEWE BEHEER NIE, MAAR WEL DIE Heilige Gees, sal die skoonheid en vreugde van
God weerspieël word. God het ook 'n plan met ons fisiese liggame en soos ons wandel onder leiding van die Heilige
Gees, sal ook ons liggaam in lyn kom met God se Woord. 3 Joh 2: Geliefde, ek wens dat dit met jou in alles goed mag
gaan, EN DAT JY GESOND IS, SOOS DIT MET JOU SIEL GOED GAAN.
Nou moet jy fyn oplet dat die Bybel nooit vir ons sê om in die siel te wandel of in die siel te lewe nie, maar dit sê,
oor en oor, WANDEL IN DIE GEES, LEWE IN DIE GEES, BID IN DIE GEES, selfs, SING IN DIE GEES! Juis omdat
die siel, soos ons gesê het, nog 'n mengsel is van goed en kwaad. Slegs as ons leer om te wandel in die gees, met ons gees
onderdanig aan die leiding van God se Gees, kan ons siele gereinig en herstel word en gebruik word tot Sy Eer.
(Luister gerus na ons bandjie. HOE KAN EK DIE STEM VAN GOD LEER KEN?)
As daar by jou 'n oortuiging en 'n verlange in jou siel is om ook hierdie wonderlike ondervinding van die doop in
die Heilige Gees deelagtig te word, gaan ons nou oor na die praktiese deel. Laat ek net kortliks jou weer herinner aan die
drie essensiële vereistes vir hierdie gratis seëning van God:
1)Jesus Christus moet die Verlosser en Here van jou lewe wees. 2) Jy moet alle sonde waarvan jy bewus was in jou lewe
mee gebreek het (let wel: veral op onvergewensgesindheid en deelname aan okkultiese praktyke: fortuinvertellery,
voorbodes, spiritisme, sterre ­ wiggelary, hipnose en ander Oosterse bedrywe soos joga en karate. 3) Jy moet werklik
dors hê, innig verlang na die ondervinding met God se Gees (Joh 7: 37 – 39 en Openb 21: 6).
Omdat Jesus Christus die Doper in die Heilige Gees (Luk 3: 16) is kan jy dit ontvang op enige plek en enige tyd.
Alhoewel die handoplegging deur 'n ander persoon heel Skriftuurlik is, is dit nie noodsaaklik vir die ontvangs van die
Heilige Gees nie. Ek het al verneem van mense wat in hulle bad hierdie ondervinding deelagtig geword het, of alleen
oppad in hulle motor terwyl hulle God prys, of maar net daar in jou binnekamer waar jy alleen is met Ged.
Jy kan op jou knieë bly of regop staan ontspan net en weet dat God jou liefhet en graag hierdie goeie gawe aan
jou wil gee. (Jak 1: 17) Jy gaan nou, deur dieselfde geloof waarmee jy Jesus Christus ontvang het as jou Verlosser, ook
die Heilige Gees ontvang (eintlik in 'n sin meer van Jesus ontvang – in 'n nuwe dimensie) ek ook God verheerlik in 'n
ander taal.
Dis belangrik om in gedagte te hou dat jy die Heilige Gees ontvang deur geloof en nie deur gevoel nie. Miskien
sal jy 'n diep emosionele gevoel kry, of miskien net 'n innige besef van God se teenwoordigheid en liefde, of miskien 'n
vreugdegevoel, of trane – wees bly hieroor, maar nie een is noodsaaklik nie! Die belangrikste saak is nie wat jy voel nie,
maar wat jy glo. Glo God se Gees gaan jou vul. Geloof is 'n saak van Nou: die teenwoordige tyd. Lees ook teksies soos
Jak 4: 2 Joh 16: 24 en Heb 11: 1
Bid nou hardop:
Dierbare Here Jesus, ek dank U vir die belofte van U Heilige Gees wat oor al die eeue en ook nog op hierdie
oomblik waar is. Baie dankie dat U, U Heilige Gees uitstort en die spreek in ander tale vir ons die teken daarvan is.
Here, doop my nou asb in U Heilige Gees en laat ek God loof in 'n ander taal wat nie beperk is deur my verstand nie.
Baie dankie Here – ek glo dat U besig is om dit nou te doen. Ek bid in die Naam van Jesus.
AMEN
Maak nou jou mond oop en bewys dat jy glo dat God jou gedoop het in Sy Gees deur te begin praat. (Hand 2: 4:
En hulle is almal vervul met die Heilige Gees en het BEGIN spreek in ander tale soos die Gees aan hulle gegee het
om uit te spreek) Toe jy Jesus aangeneem het as jou Verlosser en Here, het jy geglo met jou hart en bely met jou mond
(Rom 10: 10)
Nou moet jy weer bely dat God vir jou 'n ander taal gegee het, maar nie in Afrikaans of Engels nie, maar in die woorde
wat God nou in jou gees lê. God gaan nie jou stembande en tong vir jou beweeg nie, jy moet dit self doen, maar die
Heilige Gees gaan vir jou die woorde gee.
'n Pragtige illustrasie van 'n dergelike situasie vind ons in Matt 14 waar Petrus op die water stap na Jesus toe.
Hier was ook twee dele: Petrus se deel en God se deel, net soos by die spreek in ander tale. Petrus moes niks bo –
natuurliks nie, maar dit was Petrus se deel as dit kom by die spreek of bid in ander tale: ons moet niks bonatuurliks doen
nie, maar net ons longe, stembande en tong in werking stel soos enige tyd wanneer ons wil praat.
GOD SE DEEL IS DIE BONATUURLIKE! Net soos Hy Petrus op die water moes hou, moet Hy vir ons
Goddelike woorde gee. Die wonderwerk in Petrus se geval was nie dat hy geloop het nie, maar dat hy nie gesink het nie!
En so is die wonderwerk van spreek in ander tale nie dat jy spreek nie, maar wat jy spreek – daardie woorde en frases wat
God die Heilige Gees aan jou sal gee.
Petrus kon slegs vasstel dat hy op die water kan loop deur uit te tree en te loop: JY SAL SLEGS KAN VASSTEL
DAT JY IN ANDER TALE KAN PRAAT AS JY MET JOU TONG BEGIN WOORDE VORM. Die belangrikste is om
te onthou dat die Heilige Gees nie deur jou gaan praat nie, maar dat jy self gaan uitspreek die woorde wat Hy vir jou gee.
God spreek nie in ander tale nie, mense spreek in ander tale!
En nou dat hierdie heerlike woorde by jou mond uitkom het, hef jy jou hande op en loof God – nie in jou
moedertaal nie, maar in jou “nuwe” taal, jou “ander” taal. Miskien het daar net een of twee stammelende woorde by jou
mond uitkom – dis wonderlik! Hou daarmee aan: bring hulle as 'n “lofoffer” en vertel daarmee vir Jesus dat jy Hom

liefhet. En soos jy hiermee volhou, sal jou nuwe “woordeskat” toeneem. Partykeer neem dit weke of maande, maar weer
eens hang dit van jou af: gaan jy verder en meer uittree in die geloof? En al her jy nou net een woord geuiter, moenie nou
verder sê dat jy nog nie in 'n ander taal gespreek het nie, maar bely gelowig: “Ek het begin om 'n ander taal te spreek.”
Miskien het 'n heerlike string woorde by jou mond uitgeborrel en het jy gehuppel en gespring van pure vreugde –
loof die Here! Probeer om sommer oor te gaan in 'n loflied en sing tot eer van God. Hy sal jou ook die melodie gee!
Hoor wat sê God in Ps 81: 11:
Maak jou mond wyd oop, dat Ek dit kan vul. (Verse 2 en 3 van daardie psalm is vir my só vol opwinding oor God se
Goedheid. Die King James Engelse Bybel se in vers 1: Make a joyful noise unto the Lord.)
En nou Geliefde, het jy eintlik 'n hele nuwe dimensie betree: dis soos 'n soldaat wat nou ammunisie vir sy geweer
gekry het! Maar jy moet leer om vas te staan in hierdie nuwe gebied en ek wil jou 'n paar wenke gee.
Wanneer jy vir die volgende tien dae jou daaglikse binnekamer tyd hou met God, bestee presies soveel tyd
daaraan om in tale te bid as om in Afrikaans te bid. As jy gewoond is om twintig minute te bid, begin van more af om 10
minute in tale te bid. Dalk kan jy jou bidtyd verleng, wat eintlik die ideaal is. Paulus sê in 1 Kor 14: 15: Ek sal met die
gees bid, maar ek sal ook met die verstand bid…Om met die gees te bid is om in tale te bid, om met die verstand te bid
is om normaalweg te bid, in Afrikaans. Paulus beklemtoon dat ons albei maniere moet gebruik.
Om in tale te bid, kan nie die plek van jou gebede in Afrikaans inneem nie, maar dit het 'n baie belangrike
aandeel. Sodra jy daaraan gewoond is om in tale te bid is dit nie eers nodig om daarop te konsentreer nie, want jy kan
maar net begin en dit vloei – wanneer jy by jou lessenaar skryf, of jou motor bestuur, of inkopies doen, of selfs in
geselskap. Want nou bid jy nie meer hardop nie, maar in jou gees, saggies. En nou sal jy verstaan hoe Paulus se opdrag
in 1 Thes 5: 17 prakties uitvoerbaar is. Bid sonder ophou. Dis selfs moontlik om in jou slaap te bid op hierdie wyse
want jou gees slaap nie, en jou verstand is nie hierby betrokke nie.
As 'n mens besef hoe wonderlik God vir alles plek ingeruim het en hoe Sy Woord vir jou gevul het, wil jou hart
oorloop van dankbaarheid en lof. Want op hierdie wyse van bid in die gees of bid in tale, kan jy permanent met God in
aanraking wees en geen “omstandighede” behoort 'n krag – onderbreking te veroorsaak nie. Maak egter aan die begin 'n
definitiewe tyd om in tale te bid, en beoefen dit so dikwels as wat jy daaraan dink.
Bou jouself daarmee op!
Maar julle, geliefdes, moet julleself opbou in julle allerheiligste geloof en in die Heilige Gees bid…(Judas
20)
Die een persoon wat ontsettend gesteurd is deur hierdie nuwe ondervinding en verhouding in jou lewe, is jou
vyand, satan. Jy het nou toegelaat dat God se krag d.m.v. Sy Heilige Gees oorvloei uit jou gees in jou siel en liggaam in,
en ook in die wêreld in waarmee jy in kontak kom. Satan word nou eers werklik van jou bewus want nou eers is jy 'n
bedreiging vir sy koninkryk. En hy gaan sy volle aandag daaraan gee om jou so gou as moontlik af te sny en stil te maak!
Net soos hy pas na Pinkster probeer het om met die dissipels te maak, gaan hy met jou maak, eb hy gaan mense
gebruik om jou aan te val, partykeer jou eie gesin en geliefdes. Pinksterdag reeds was daar mense wat ongelowig en
spottenderwys van die dissipels gesê het: Hulle is vol soetwyn (Hand 2: 13)
As jy aan 'n tradisionele kerk behoort gaan jy dit ietwat moeilik vind om hierdie nuwe geestelike ondervinding te
verduidelik aan ou Christen vriende. Van jou beste vriende, en miskien familielede gaan net nie verstaan nie en sal jou
dalk vermy of verwerp. Selfs jou leraar mag of belangeloos voorkom (ook om jou te ontmoedig) of openlik aanvallend en
vyandig, as jy jou getuienis met hom deel.
Aanvaar maar net dat sommige mense net nie sal verstaan nie en my raad aan jou is: moenie jou getuienis soveel
verkondig deur woorde nie, maar wel deur jou lewe, jou dade en optrede. Hierdie raad moet jy toepas in jou kerk
verband, jou vriendekring, jou gesin en jou huwelik. Ek stem saam met die Amerikaanse prediker, Don Basham wat sê
dat wanneer daar probleme in 'n huwelik voorkom omdat die vrou nou vervul is met die Heilige Gees, en die ander een dit
bevraagteken en nie belangstel om te ondervind nie, lê die fout by die maat wat wel gevul is met die Heilige Gees.
Die doop in die Heilige Gees behoort vir jou meer soos Jesus te maak ten opsigte van ander se tekortkoming
m.a.w. liefde, lankmoedigheid, vriendelikheid behoort jou gesindheid teenoor andere te kenmerk (Gal 5: 22) Die
wonderlike ondervinding met God behoort van jou 'n beter man of vrou of moeder of vader te maak. Jy sal nooit jou man
of vrou nader aan Jesus bring of aan enige ander geestelike ondervinding deur aan hom / haar te torring nie! Jy is eerder
besig om hulle opstandig te maak en weg te dryf. Om supergeestelik te word sal ook net aftakel.
Satan gaan al hierdie situasies probeer skep of verskerp, maar jy het nou die Heilige Gees van God om jou ook
geestelik te verskerp, daarom moet jy waak en sorg dat jy met jou voete op die aarde bly en jou verpligtinge teenoor jou
gesin, jou kerk en jou werk nie net meer nougeset nakom nie, maar ook met meer liefde en lankmoedigheid. LEEF JOU
NEWE ONDERVINDING UIT en put krag daaruit om sonder ophou te bid in tale.
Satan sal ook natuurlik probeer om twyfel in jou gemoed te saal oor hierdie ondervinding met God. Hy wil ons
besteel, verwoes en vernietig (Joh 10: 10) en baie mense word geestelik gestrem en soms selfs vernietig deur hulle ore uit
te leen vir satan. (Rom 10: 17 sê vir ons dat geloof kom deur die Woord van God – bou jou geloof op deur die Woord elke
keer as daar effens twyfel kom en weerstaan satan (Jak 4: 7) Satan probeer ook soms op 'n subtiele wyse indrukke by 'n
geesvervulde kind van God lê – ons moet altyd die leiding van die Gees toets aan die Bybel nie, maar op hierdie wyse sal
ons nooit mislei word deur satan nie, want die Gees van God en die Woord van God stem altyd ooreen.
Enige indruk of leiding wat die Bybel weerspreek, hoe opwindend dit ookal mag klink, moet verwerp word. 1 Joh
4; 1: Geliefdes, glo nie elke gees nie, maar stel die geeste op die proef of hulle uit God is, want baie valse profete het
in die wêreld uitgegaan.

En dank saam met jou die Here vir die wyse waarop Hy ook vir JOU op die gebied van die spreek in tale
onderneem het.
Ten slotte wil ek net weer herhaal: BEOEFEN JOU GEBEDSTAAL DIKWELS: soveel as moontlik, ELKE
DAG.
Daar is vandag duisende gelowiges wat graag getuig dat hulle ook Pinkster is, maar die GROOT FAKTOR van
Pinkster, nl Die Heilige Gees, opereer glad nie in hulle lewens nie! Baie van hulle het vir die eerste en die laaste keer
hulle gebedstaal gebruik die dag toe hulle dit ontvang het!
Hierdie uiters effektiewe wapen wat God daar gestel het as deel van Sy wapenrusting vir die gelowige om mee te
oorwin, WORD NOOIT gebruik nie! Is dit 'n wonder dat satan hulle dan besteel en belieg? (Joh 10: 10)
Terloops, het JY en gebruik JY al SEWE dele van die wapenrusting van God soos opgeteken in Ef? Indien nie,
WAAROM nie? As God reken jy moet die VOLLE wapenrusting aantrek, waarom doen jy dit ten dele, of dalk glad
nie?! (Daar is ook nog verdere wapens wat die Here in Sy woord vir ons gee om die vyand mee te oorwin. Hulle word
breedvoerig bespreek in ons boekie VRY VAN VREES)
Let op dat om te bid in die Gees deel is van hierdie wapentuig: MAAK DIKWELS van hierdie wapen gebruik.
Trek die VOLLE wapenrusting van God aan, sodat julle staande kan bly teen die liste van die duiwel. (Let
wel, nie een van hierdie wapens is opsioneel nie! God beveel: TREK AAN! Want Hy weet dis tot jou voordeel).
Dan noem Hy die wapenrusting en vers 18 lui:
Terwyl julle met alle gebed en smeking by elke geleentheid BID IN DIE GEES.
Wanneer jy hierdie wapen gebruik, is satan magteloos, want jy bid eerstens in 'n taal wat hy nie verstaan nie.
Tweedens bid die Heilige Gees deur jou, en as Hy bid, word die perfekte gebed vir watter spesifieke omstandighede
ookal, gebid. Kan jy besef hoe NOODSAAKLIK die bid in tale is – geen wonder satan sal probeer om jou daarvan te
weerhou nie! En as jy dit het, MOET JY DIT DAAGLIKS BEOEFEN!
As jy dus nog nooit gevul is met die Heilige Gees met die manifestasie van tale nie, gaan nou voor die Here, en
vra Hom vir hierdie wonderlike ondervinding van krag!