Nagmaal en Genesing - Stanger Christian Centre

HOOFSTUK 1
Waar is die kerk se Krag?
Die Nagmaal en Genesing
Ons vind dat nagmaal bediening in vandag se denominasies, niks anders as `n
godsdienstige ritueel geword het nie. Dit is werklik tragies en is hoofsaaklik afkomstig
vanuit die Rooms Katolieke leerstelling. Die gebruik van ornamente, wierook en die
oordadige tooisels is alles afkomstig vanuit hierdie bron en het min of niks te doen met
die ware doel en skriftuurlike vorm en beskrywing van die Nagmaal, soos deur die Here
Jesus Self ingestel nie. Die ware Bybelse manier van deelname aan die Nagmaal was
bekend, en uitgevoer deur die Vroeë Kerk. Hierdie voltooide, dinamiese boodskap van
Jesus se dood aan die kruis was deur hulle oorgedra aan die hele skepping. Jesus se
liggaam aan die kruis, was onherkenbaar geskend deur wonde, en deur Sy wonde is
ons genees, en Sy kosbare Heilige Bloed is gestort, sodat ons met Vader God versoen
kon word. Die Vroeë Kerk was hiervan ten volle bewus en het daagliks hul
dankbaarheid teenoor God verklaar vir Sy glorieryke verlossingsplan en voorsiening.
Hierdie was `n dinamiese lewende kerk, en nie `n dooie organisasie of sosiale klub nie.
Hierdie kerk het God se mag geken.
Soos ek Handelinge bestudeer het, wat oor die Vroeë Kerk gehandel het, het dit
my getref dat gelowiges van daardie tyd, in `n baie groter mate as vandag se gelowiges
(dissipels), deur God gebruik is. God se krag het magtig in hul lewens gemanifisteer.
Ons lees dat selfs wanneer hul skaduwees op die siekes wat op die sypaadjies gelê het,
geval het, hul genees is. Ons weet dat hulle beslis gereageer het op, en gehoorsaam
was aan Jesus se bevele om " te gaan, die Evangelie te verkondig en siekes te
genees". Ons weet ook dat die Here saam met hulle gewerk het deur tekens en wonders
(Mark.16:20). Wat het sederdien gebeur? Ons weet baie goed dat tradisie, deur sy
mensgemaakte leerstellings, die werking van die Heilige Gees afgewater het. Ons weet
ook hoedat hierdie – sogenaamde "wysheid" van die mens, God se krag beperk het.
God sê in Sy Woord dat die mens se wysheid, dwaasheid by God is.
Dit was in 1979 dat ek baie bewus geraak het van die Krag van God en ek
wil die Here elke dag loof en dank dat Hy my gebruik om `n kanaal te wees vir Sy
Krag, Wanneer ek hande op siekes lê en vir hulle bid, genees en doen Hy die
wonderwerke.
Lank voordat die Here my begin gebruik het, het ek dikwels na video's van
die Godsman A A Allen gekyk. Hierdie man, wat nou by die Here is, het ongeveer
twintig jaar gelede, in Jesus se Naam siekes genees. Wanneer ek dan na daardie
video's gekyk het, het ek gesien hoedat mense uit rystoele en van draagbare af
opgestaan en begin loop het. Ek het gesien dat blindes kon sien en dowes kon
hoor onder sy bediening. My hart het oorgeloop van vreugde en my diepste
verlange was: "Here asseblief, gebruik my op net so `n kragtige wyse, sodat
siekes genesing van U kan ontvang.” Toe ek nog as mediese dokter gepraktiseer
het, was ek maar alte bewus van die mediese wetenskap se beperkinge. Ek was
bewus van die aantal siekes wat nie genees kon word nie, alhoewel alles medies
gesproke, vir hulle gedoen is. Op daardie staduim was ek nog onbewus van die
Woord wat gesê het: Begeer die beste gawes. ( 1 Kor. 12 : 31).
God het my deur Sy genade geseën met die Gawe van Genesing. Deur Sy
Heilige Gees, en my gehoorsaamheid aan Sy Woord, is duisende al genees,
waarvoor Hy al die eer en lof ontvang. Ek is bevoorreg om mediese kennis, as
algemene praktesyn, te hê omdat dit my veral bewus gemaak het van die

eperkinge van die mens en die mediese wetenskap.
.
Die innige gebed in my hart was altyd : Waar is die kerk se krag? Wat het
veroorsaak dat die groot kragtige Vroeë Kerk feitlik verdwyn het? Een ding is
seker, God het nie verander nie. Sy Woord sê dit baie duidelik aan ons: Want Ek,
die Here, het nie verander nie (Mal. 3 : 6). Jesus het nie verander nie: Jesus
Christus is gister en vandag dieselfde en tot in ewigheid. (Heb. 13:8).
Bygevoeg by hierdie twee Skrifte, lees ons in Joh.14:12, in Jesus se eie
woorde:" Hierdie werke sal JULLE doen en GROTER werke, omdat Ek na My Vader
gaan." As God nie verander het nie, het Jesus ook nie verander nie. Hy het ook
belowe dat ons, as Sy dissipels, met Sy werk sal voortgaan. Wat is die kerk se
probleem en waar is die kerk se krag dan?
Ons nuwe Sentrumgebou is op Saterdag die 14 de Julie 1984 ingewy – en wat `n
wonderlike dag was dit nie! Van dwarsoor die land het ons vriende gekom om dit
saam met ons te deel. Daardie dag was daar so ‘n verwagting in my hart, dat God
op ‘n bo­natuurlike en spesiale wyse met ons sou praat. My gees was ingestel
om Sy Stem te hoor, want die oprigting van die Sentrum en die hele verloop van
ons bediening dwarsoor die land, veral d.m.v. literatuur, is in 1979 op ‘n Goddelike
wyse oor ons geprofeteer deur Roger Teale. Alles wat hy geprofiteer het, het deur
God se Heilige Gees plaasgevind, presies soos die Here gesê het dat dit sou
wees! Die inwyding van die Sentrum op daardie mooi wintersdag in 1984 was
dus die volmaakte hoogtepunt en bevestiging van God se plan en doel. Ons kon
nie wag om te hoor watter opdragte die Here vir ons op daardie dag sou gee nie.
Pastoor Roberts het die boodskap by ons viering gebring. Hy het gesê dat
ons liggame die tempels van die Heilige Gees is en het ons daaraan herinner dat
God nie in mens gemaakte tempels woon nie, maar verkies het om in wedergebore
gelowiges te woon, deur Sy Heilige Gees. Die kerk behoort dus, as die liggaam
van gelowiges, bewus te wees van die krag wat uit haar behoort te vloei! Alreeds
het die Here hier met ons deur Sy Woord gespreek. Daar is ook `n profesie
gebring aangaande die nagmaals­elemente ­ die brood en die wyn. Die boodskap
was, dat die Here die tradisie gaan verbreek, wat Sy mense ontneem het om die
volheid te ontvang van dit wat deur die nagmaals elemente beskikbaar was.
Brood kon by ons huise gebreek word, want deur die wonde aan die Here Jesus
Christus se gebreekte Liggaam verkry ons genesing en daarom moet ons die
Here se Liggaam onderskei. Sy Bloed is gestort sodat ons met die Vader versoen
kon word en vir die vergifnis van ons sondes. Dit was die boodskap. Ons harte
het oorgeloop van blydskap!
Soos ek daar met toe oë gesit en bid het, het ek weereens die Here vir `n
antwoord gevra op die vraag in my hart: “HERE, WAAR IS DIE KRAG VAN DIE
KERK?” Ek het die antwoord baie duidelik in my innerlike gehoor : “ Ek het die
antwoord aan My kinders op `n silwer skinkbord gegee, maar hulle weet nie hoe
om dit te ontvang nie!” Toe ek my oë oopmaak, was die nagmaalstafel met die
silwer beker waarin die wyn was en die silwer bord met die brood voor my. Ek het
onmiddellik geweet dat die antwoord van my vraag in hierdie elemente was!! Ek
het geweet dat ek die antwoord van die Here gekry het, en al wat ek nou moes
doen , was om na Sy Woord te gaan vir verdere leiding van die Heilige Gees. Ek
het begin deur die Skrif te ondersoek om uit te vind wat God se Woord aangaande
die nagmaal openbaar. Die resultaat was werklik wonderlik toe God my oë geopen
het, en Sy waarheid aangaande die Here se Tafel aan my geopenbaar het.

Namate die Heilige Gees hierdie dinge aan my geopenbaar het, was ek
gehoorsaam aan Sy Woord. Ek het ontdek dat indien jy gehoorsaam is, wanneer
God jou die waarheid uit Sy Woord wys, sal Hy aan jou meer waarhede en
openbarings, volgens Sy Woord, toevertrou.
Ek glo dat hierdie belangrike openbaring deel is van God se plan om die
waarheid na Sy Kerk, Sy Liggaam, Sy Bruid terug te bring, wat Hy sonder vlek of
rimpel kom haal ( Ef.5). Dit is my begeerte om hierdie waarheid met jou in hierdie
boekie te deel, en ek glo dit gaan jou lewe verander as jy daarop gaan reageer.
Dit het myne beslis verander!
Op presies dieselfde tyd, toe die Here my vraag, gedurende die inwydingsdiens
beantwoord het, het Hy met Meg, wat langs my gesit het , gepraat ( ons is een in
die Gees en as man en vrou, is ons een vlees, volgens God se Woord). Hy het
gesê dat sy `n studie moes maak van die Onse Vader (Mat.6) en die Nagmaal (1
Kor.11), en hulle met mekaar moes vergelyk. Dit is wonderlik hoe volmaak hierdie
twee saamgaan, en te sien hoedat dit ook verband hou met die nagmaal. Sy het
gesê dat dit moeilik was om die vergelyking uit die kop te doen, maar dat daar `n
opgewondenheid in haar gees was toe sy daarmee begin het.
Kyk na die interessante ooreenkoms, soos ons deur hulle gaan.
Let op Mat. 6 : 13. Omdat ons ons sondes bely het en vergewe is deur die Bloed
van Jesus, laat Vader ons vry kom van die strikke, lokvalle en ongeluk van die
vyand – want die Koninkryk, Krag en Heerlikheid is ons s`n om ons te beskerm.
Ons is gereinig deur die Bloed, dus het die duiwel nou geen houvas op ons nie. (
Totdat ons weer sondig en weereens moet bely).
Toe ons dit wat die Here daardie dag, afsonderlik aan ons gegee het, bymekaar sit,
was ons baie opgewonde. Die woorde wat die Heilige Gees in Meg se gees
geplaas het, toe sy die ooreenkoms studie oordink het, was “daaglikse brood”.
Gee ons vandag ons daaglikse brood – die lewende brood, die lewe van Christus
daagliks. Wat `n bevestiging!
Deur daagliks deel te hê aan Sy gebroke liggaam – as lewegewende
BROOD, sal goddelike genesing daagliks aan ons gegee word (gees, siel en
liggaam), indien ons dit op `n waardige wyse neem en met geloof in JESUS DIE
GENESER. Ons daaglikse hemelse BROOD (simbolies van die liggaam van Jesus)
sal nuwe LEWE, GESONDHEID en GENESING dag na dag – elke dag bring!
Dit was wonderlik om na die inwydingsdiens alles saam te vat, en te ontdek
dat God se Heilige Gees aan ons vier aspekte van dieselfde tema gegee het: God
se mag met betrekking tot die Heilige Nagmaal. Ons was oorstelp van vreugde en
opgewondenheid, omdat God altyd Sy Woord deur twee of meer getuies bevestig
(Mat.18:6). ONS WAS BAIE SEKER DAT DIE HERE DAARDIE NAMIDDAG,
GEDURENDE DIE INWYDING VAN ONS SENTRUM GEBOU, MET ONS GESPREEK
HET EN ONS AANDAG GEVESTIG HET OP DIE HERE SE TAFEL.
Ek bid en glo, dat soos ek met jou gaan deel wat die Here tot ons harte gespreek
het, Hy ook met joune sal spreek, en dat jy ook aan Sy stem gehoorsaam sal wees.
Want ek het my voorgeneem om niks anders onder julle te weet nie as Jesus
Christus, en Hom as gekruisigde. 1 Kor. 2 : 2.

HOOFSTUK 2
Die Wonde van Jesus
Soos ons nou voortgaan om hierdie onderwerp te ondersoek, mag jy vind dat dit
nie ooreenstem met die teologie waarmee jy bekend is nie. Dit is dikwels baie
makliker om die Woord van God te bestudeer en daarvolgens te handel met
kinderlike geloof, indien jy nie `n teoloog is nie. Wanneer dit gaan oor `n gelowige
se verhouding met sy Hemelse Vader, is ek gekant teen die term "GODSDIENS."
"Godsdiens" neem baie vorms aan en sluit baie gode in, so het die Hindoes hul
godsdiens, die Moslems hulle s`n, die Boeddhiste hulle s`n ens. Kyk na die
Christendom en die manier waarop hulle in verskillende godsdienstige groepe
verdeel is, soos die Katolieke, Protestante en Pinkstergroepe, elkeen met sy eie
doktore en professore. Elkeen verskil ook baie t.o.v. hul leerstellings en
interpretasies van die Bybel. Prys die Here WARE Christenskap is nie `n
godsdiens nie, maar `n wonderlike voortgaande, persoonlike verhouding met `n
getroue en liefdevolle Hemelse Vader. Toe Jesus ons in Mat. 6 geleer het om te
bid, het Hy gesê: "Ons Vader". God sê, noem my Hemelse Vader! Hy is ons Vader
en ons is Sy kinders.
Ons hemelse Vader het nie bedoel dat ons Sy Woord ( die Bybel) moet verklaar
nie – menslike verklarings vorm die grondslag van teologie en dit word later
menslike tradisies en leerstellings. (Die Bybel woordeboek gee die betekenis van
teologie aan as die WETENSKAP van God). Ons dade vertoon ons
gehoorsaamheid aan God se Woord en dit is waarop Hy reageer. In Luk. 6 : 46 sê
Jesus:
"En wat noem julle My; Here, Here! En doen nie wat Ek sê nie?" God BEVEEL
sekere dinge in Sy Woord, en Hy verwag dat ons GEHOORSAAM daaraan moet
wees. Ons moet DADERS van die Woord wees; nie VERKLAARDERS nie! Dit
was die kern van al my boodskappe deur die jare. God gee aan ons beloftes in
Sy Woord, ons moet die voorwaardes nakom, dan sal ons redding, genesing,
vrede en voorspoed ontvang. Net soos wanneer gehoorsame kinders seën van
hulle ouers ontvang.
Die is só eenvoudig dat selfs ‘n klein kindjie of ‘n ongeletterde persoon, in die
volheid van sy Hemelse Vader se liefde, voorsiening en seëninge kan wandel.
“Godsdiens” en “teologie” het dit egter so ingewikkeld, en moeilik gemaak om te
verstaan. Dit is geen wonder dat die Woord van God sê dat die wysheid van
hierdie wêreld dwaasheid by God is nie (1 Kor. 3:19). Jy kan maar net om jou kyk
om te sien hoe waar dit is! Ek sien geloof eenvoudig as gehoorsaamheid aan God
se bevele en om terselfdertyd te glo dat God sal doen dit wat Hy beloof het.
DAAR IS TWEE NAGMAALS ELEMENTE
“Die beker van danksegging wat ons met danksegging seën, is dit nie die
gemeenskap met die bloed van Christus nie? Die brood wat ons breek, is dit nie
die gemeenskap met die liggaam van Christus nie?” 1 Kor. 10 : 16. Die Skrif
verbind dikwels sonde met siekte, soos ons uit die volgende Skrifte sien:
Jakobus, Jesus se broer skryf in Jak. 5:15: “En die gebed van die geloof sal die
kranke red, en die Here sal hom oprig. Selfs as hy sonde gedoen het, sal dit hom
vergewe word.”

Let op: (sonde en siekte) Joh.5:14: Daarna het Jesus hom in die tempel gekry en
vir hom gesê: "Kyk jy het gesond geword; MOENIE MEER SONDIG NIE, SODAT
DAAR NIE IETS ERGERS MET JOU GEBEUR NIE."
Mat.9:5­6: Want wat is makliker, om te sê: Die sondes is jou vergewe! Of om te sê:
Staan op en loop? Maar dat julle kan weet dat die Seun van die mens mag het om
op aarde sondes te vergewe – toe sê Hy vir die verlamde man: “Staan op, neem
jou bed op en gaan na jou huis toe.” Mark.2 vers 9; “ Wat is makliker, om vir die
verlamde te sê: Die sondes is jou vergewe! Of om te sê; Staan op neem jou bed op
en loop.”
Die twee elemente van die nagmaal bestaan uit die brood en die wyn. Die wyn,
simbool van die Bloed, het vir ons sondes betaal. Die Brood, simbool van Sy
liggaam, het vir ons siektes betaal. As daar geen onbelyde SONDE toegelaat is
om `n houvas in ons lewens te kry nie ( deurdat belydenis van alle sondes
daagliks gedoen word, voordat die NAGMAALS ELEMENTE gebruik word), sal
geen siekte `n houvas op ons kry nie. Waarom twee elemente en nie net een nie?
God het `n doel gehad waarom Hy aan ons twee elemente gegee het wanneer ons
Jesus se dood herdenk. Die Bloed het vir al ons geestelike behoeftes betaal, en
die Brood het vir ons fisiese behoeftes betaal. Daar was een offer maar twee
elemente.
Die soort brood en wyn wat gebruik word is nie so belangrik nie, want dit is
net simbole van die Here se Liggaam en Bloed. Ek glo dat hulle in die Ou en Nuwe
Testamente ongesuurde brood en nie­alkoholiese drank gebruik het, met die
Pasfees en Nagmaal. Moet egter nie toelaat dat hierdie klein puntjie jou daarvan
weerhou om die Here se seën te mis, met die gebruik van die nagmaal nie. Die
rede waarom nagmaal gebruik word, is om die offerdood van Jesus in herinnering
te roep, met harte vol dankbaarheid, lof en danksegging. Paulus verduidelik die
Nagmaal soos volg in 1Kor.11:23 – 34.
V23: Want ek het van die Here ontvang wat ek ook aan julle oorgelewer het, dat die
Here Jesus in die nag waarin Hy verraai is, brood geneem het;
v24: en nadat Hy gedank het, het Hy dit gebreek en gesê: Neem, eet; DIT IS MY
LIGGAAM WAT VIR JULLE GEBREEK WORD; doen dit tot my gedagtenis.
V25: Net so ook die beker na die ete, met die woorde: HIERDIE BEKER IS DIE
NUWE TESTAMENT IN MY BLOED; doen dit, so dikwels as julle daaruit drink, tot
My gedagtenis.
V26: Want so dikwels as julle hierdie brood eet en hierdie beker drink, verkondig
julle die dood van die Here totdat Hy kom.
V27: Wie dan op onwaardige wyse hierdie brood eet of die beker van die Here
drink, sal skuldig wees aan die Liggaam en Bloed van die Here.
V28: Maar die mens moet homself beproef en so van die brood eet en uit die
beker drink.
V29: Want wie op onwaardige wyse eet en drink, eet en drink ‘n oordeel oor
homself, terwyl hy die liggaam van die Here nie onderskei nie.
V30: Daarom is daar onder julle baie swakkes en sieklikes, en ‘n aantal het
ontslaap.
V31: Want as ons onsself beoordeel het, sou ons nie geoordeel word nie.
V32: Maar as ons geoordeel word, word ons deur die Here getugtig, sodat ons nie
saam met die wêreld veroordeel mag word nie.
V33: Daarom, my broeders, as julle saamkom om te eet, wag vir mekaar;

V34: en as iemand honger het, laat hom by die huis eet, sodat julle nie tot ‘n
oordeel saamkom nie. Die ander sake sal ek reël wanneer ek kom.
Jesus Christus het gesê dat die brood Sy Liggaam is en die beker Sy
Bloed bevat. Dit is natuurlik simbolies, want Hy was nog lewendig toe Hy dit gesê
het en die eerste nagmaal, die laaste Paasfeesmaal bedien het. Laat ons terug
gaan na die Ou Testament en vasstel waarom Jesus aan die kruis moes sterf.
God spreek deur Sy profeet Jesaja en deur in die toekoms na die kruis te kyk,
profeteer hy aangaande die Lydende Messias.
Jes.53:4­5: Nogtans het Hy ons krankhede op Hom geneem, en ons smarte – die
het Hy gedra; maar ons het Hom gehou vir een wat geplaag, deur God geslaan en
verdruk was. Maar Hy is terwille van ons oortredinge deurboor, ter wille van ons
ongeregtighede is Hy verbrysel; die staf wat vir ons die vrede aan bring, was op
Hom, en deur Sy wonde het daar vir ons genesing gekom. (Jes. 53:4 en 5)
Daar staan duidelik dat Hy vir ons smarte, ongeregtighede en krankhede
sou sterf en dat daar deur Sy Wonde vir ons genesing sou kom! (Jes. 53:4­5) Dit
is bykans 600 ­ 700 jaar voor die Kruisiging van Jesus Christus dat Jesaja dit deur
die insperasie van die Heilige Gees geprofiteer het. Gedurense daardie tyd was die
Romeise kruisiging – (mens wat aan `n kruis gespyker is om te sterf) – nog
onbekend in die Heilige Land.
Mat.8:16 – 17: En toe dit aand geword het, het hulle baie na Hom gebring, wat van
duiwels besete was; en Hy het die geeste met ‘n woord uitgedrywe; en almal wat
ongesteld was, het Hy gesond gemaak.
Sodat vervul sou word wat gespreek is deur Jesaja, die profeet, toe hy gesê het:
Hy het ons krankhede op Hom geneem en ons siektes gedra. In Mat.8:17 bevestig
Mattheus, Jes.53:4&5 waar hy van Jesus praat. Hy kyk na Jesus en sien dat Hy al
die siekes wat na Hom gekom het genees; hy besef toe dat dit die vervulling is van
Jesaja se profesie.
1 Pet. 2:24: wat self ons sondes in Sy Liggaam op die kruishout gedra het, sodat
ons die sondes kan afsterwe en vir die geregtigheid lewe: deur wie se wonde julle
genees is.
Hier kyk Petrus terug na die Kruis en dink aan Jesus se bediening op aarde en ook
hy bevestig en staaf weereens die redes en gevolge van Sy kruisdood. (Let op die
drie getuies in die Woord: Jes., Mat. en Pet. – die waarheid is bevestig).
Die onbetwisbare feit dat daar deur Jesus Christus se wonde vir ons, God se Kinders,
genesing verkry kon word, was die een ding wat die Here sonder twyfel aan my
bevestig en gewys het na my bekering. Tot op daardie stadium het ek na al die
verskillende menslike leerstellings aangaande genesing geluister, maar toe ek self die
Bybel begin lees, het my oë oopgegaan, en was die Woord baie duidelik. Dit het lewe
gegee! God spreek uitdruklik van genesing in Sy Woord en Hy bevestig dit deur Jesus
se offer aan die kruis.
Gedurende die laaste paar jaar het God geleidelik aan my meer en meer
geopenbaar aangaande die wonde van Jesus en wat daardie dag, aan die kruis gebeur
het: Die wonde wat genesing vir ons verkry het.
Wanneer ek hierdie openbaring met iemand deel, is ek altyd diep ontroerd, ek
voel dat menslike taal nie ten volle die intensiteit van Sy lyding kan beskryf nie. Ek word
altyd deur my emosies oorweldig as ek aan hierdie feite dink, veral omdat ek `n mediese
dokter is en vir vyf­en­twintig jaar Distriks Geneesheer was en al soveel pyn en lyding
gesien het. Miskien kan ek as dokter met groter begrip Sy kruisiging in verband bring

met Sy lyding en dit beter verstaan.
In die Tuin van Getsemanè, het Hy as `n mens geworstel, maar tog ook as die Seun van
God, met die kennis dat Hy en Hy alleen hierdie beker moes drink! Watter verskriklike
verstandelike wroeging en marteling moes Hy nie deurgaan nie, want Hy het geweet
watter prys Hy moes betaal , Hy het geweet wat vir Hom voorgelê het. Hy was ten volle
mens, tog ook ten volle God en net Hy kon die volle prys betaal. Hy het gesê dat
niemand Sy lewe neem nie, maar dat Hy dit self neerlê. Dit was Sy besluit om vir my en
jou te sterf, maar deur die besluit te neem het Hy bloed gesweet! Hierna is Hy gevange
geneem, (Luk.22:44).
Die Bybel vertel dat Hy regdeur die nag met stokke en riete geslaan is. Hy was
geblinddoek en bespot. Romeinse soldate het Hom met hul vuiste geslaan en
uitgedaag om te profeteer wie Hom geslaan het(Luk. 22:62).
Ek glo dat in hierdie proses Sy tande uitgeslaan is en Sy lippe geskeur is. Ek
glo dat Sy neus beskadig was van die houe en Sy oë toegeswel was van die slae en
kneusings, wat dit vir Hom moeilik gemaak het om te sien. Sy oordromme het gebars
van die houe teen die kante van Sy hoof want hulle het Hom met oop handpalms
geslaan.
Hy was gruwelik aangerand. Die Bybel sê dat Hy onherkenbaar was(Jes.
52:14). Die soldate en omstanders het Hom bespot en na Hom gespoeg. Hulle het Sy
baard uitgepluk (Jes. 50:6). Jy weet hoe seer dit is om net een wenkbrou­haartjie uit te
trek – en Jesus se baard is met growwe en wrede hande gegryp en uitgeruk.
Toe het hulle Hom gegesel! `n Uiters wrede straf waartydens baie gesterf het.
Sy hande is bokant Sy kop aan `n balk vasgemaak en `n groot, sterk Romeinse
soldaat het die kats geneem en die liggaam 39 houe toegedien. (Volgens Romeinse wet,
mag daar nie meer as 40 houe toegedien word nie, en om die verbreking van hierdie wet
te voorkom is dit, deur die Jode, op 39 vasgestel.).
Volgens die geskiedenis, het die kats wat gebruik is vir hierdie geseling, `n kort
hout handvatsel gehad waaraan nege leer stange was en elkeen het stukkies glas, been
en klip daarin gevleg gehad. Elke hou was dus inwerklikheid nege houe. Met elke hou
het die stukkies glas, been en klip deur die vlees tot op die been geklowe en stukkies
vleis uitgeruk. Die wet het bepaal dat twee­derdes van die houe op die agterkant van
die liggaam moes wees en een­derde op die voorkant. Sy liggaam het soos `n
geploegte land gelyk, soos deur die Psalmis geprofeteer is (Ps.129:3) omtrent `n
duisend jaar voor die kruisiging. Die kats het in pekelwater gelê, wat die geweldige pyn
met elke hou vererger het. en elke hou het gebrand soos `n kool vuur. `n
Soutoplossing brand soos vuur in `n oop wond.
`n Purper kleed is oor die rou, bloeiende wonde van Jesus gehang en later
weer, nadat die bloed gestol het, afgeruk en dit vererger.
`n Kroon van dorings is op Sy kop geplaas (Joh. 19:2 en 5). Ek het twee
dinge omtrent die doringkroon uitgevind. Eerstens was dit nie `n sirkel van dorings nie,
maar `n mus van dorings wat die hele kopvel bedek het. Tweedens was dit gemaak van
`n inheemse struik, met lang dorings soos vishoeke en was ongeveer 2,5 cm. lank. As
dit eers eenmaal ingesteek het, hak dit vas en kon dit nie maklik uitgetrek word nie. Sy
“kroon” moes op sigself ‘n geweldige straf gewees het!
Jesus moes Sy kruis teen `n steil heuwel na Golgota uitdra en dit nadat Hy die
hele nag mishandel is en baie bloed verloor het s.g.v. die geselwonde. Dit was `n swaar
kruis van plus minus 75 kg en Hy het onder hierdie geweldige gewig gestruikel, weens
swakheid. Met Sy struikeling het Hy waarskynlik geval. Sy knieë en elmboë was
stukkend van die val. Onthou dat Hy baie bloed verloor het en baie swak was.

Op hierdie punt wil ek van die Skrif afwyk en my eie indrukke, gebaseer op Bybelse feite
van Jesus, as `n man weergee. Hy word dikwels uitgebeeld as ‘n tingerige, skraal man,
sagmoedig en beskeie, geklee in `n lang kleed terwyl Hy ‘n lammetjie vashou. My
gevolgtrekking, wat meer logies is, is egter dat Jesus `n sterkgeboude man was met
geweldige charisma. Ek baseer hierdie afleiding op die feit dat Hy `n skrynwerker was
gedurende Sy tiener en vroeë volwasse lewe. Ons weet ook dat daar geen meganiese
gereedskap was om die swaar werk mee te doen nie. Wanneer Jesus `n plank in die
skrynwerkerswinkel nodig gehad het, was Hy verplig om `n boom af te kap en dit in
planke op te saag. Ons kan net na prente van houtkappers uit die verlede kyk om te
besef hoe gespierd Hy moes gewees het.
Nog `n punt wat ek wil oordra is dat `n mens nie net `n rowwe klomp
vissermanne sal nader en sê "volg my!" en dan verwag dat hulle, sonder enige
argumente, hul nette sal laat staan nie, tensy die EEN wat hierdie woorde spreek,
sigbare eienskappe van krag, manlikheid en gesag vertoon nie.
Laastens het Jesus, toe Hy in die Tempel gekom en gevind het dat Sy
Vader se huis in `n plek van rowers verander is, eiehandig sonder enige
teenkanting, die tafels omgekeer en die handelaars en hul besighede gesluit. Dit
is vir my `n bewys dat niemand kans gesien het om Hom fisies te probeer stuit het
nie. Ek glo dat dit nie net te wyte was aan Sy gesag nie, maar beslis ook aan Sy
fisiese krag.
Hierdie sterk Jesus was nie instaat om Sy kruis te dra nie. Simon van Cirene, wat
volgens oorlewering ‘n swart man was, is beveel om die kruis vir Jesus tot bo­op
die heuwel te dra, waar reeds twee ander kruise gestaan het ( Mat. 27 : 32).
Aan die een het `n moordenaar en aan die ander `n rower gehang. Jesus se
kruis sou tussen hierdie twee wees.
Luk. 23:33: En toe hulle op die plek kom wat Hoofskedel genoem word, het hulle
Hom daar gekruisig, en die kwaaddoeners, een aan die regter­ en een aan die
linkerkant.
Alhoewel Lukas die kruisiging slegs in `n paar woorde beskryf, was dit `n afgryslike
gebeurtenis wat elke keer plaasgevind het wanneer iemand gekruisig is!
Soos ek dit beskryf sal jy besef hoe dit die Vader moes folter om Sy kosbare,
sondelose, vlekkelose Seun tot die uiterste toe moes sien ly. Let op, soos ons
deur die doodstryd gaan, hoedat Jesus van die kroon van Sy hoof tot die sole van Sy
voete gewond en gekneus was – dit was om vir siektes en kwale van ELKE deel van
ons liggaam te betaal. Van die hoof tot die tone. Hy het dit alles op Homself
geneem! Van die doringkroon op Sy hoof tot die skerp spyker wat dwarsdeur Sy
voete geslaan is.
Romeinse soldate het Jesus op die kruis vasgehou met een arm op die dwarshout
uitgestrek. ‘n Vierkantige spyker (omtrent 15cm lank) met `n skerp punt is deur Sy
gewrig, wat deel van Sy hand is, gekap. Ek glo dat dit deur Sy gewrig was omdat daar
net sagte weefsels in die hand is wat maklik sou uitskeer sodra die liggaam se gewig
daaraan hang. In die gewrig is daar agt klein en twee lang bene, wat deur sterk
ligamente en senings aanmekaar gehou word. Hierdie bene is uitmekaar geskeur deur
die spyker en die pyn moes onbeskryflik gewees het. Ons weet hoe pynlik dit is om net
`n gewrig te verstuit. `n Dik senuwee, naamlik die mediaan senuwee wat in die middel
van die gewrig is voorsien beweging aan die duim en gevoel aan ‘n groot deel van die
hand. Hierdie senuwee is oor die skerp kant van die spyker gespan, soos ‘n kitaarsnaar
oor sy brug, en dit het geweldige krampe in die duim veroorsaak sodat die duimnael diep

in die handpalm gesny het.
Een van die pynlikste toestande is om `n senuwee te rek en dit is presies wat
hier gebeur het. Almal was al in `n tandartsstoel waar `n tand gestop is. Wanneer die
boor naby die tand se senuwee kom ( wat maar die dikte van `n haar is) is die pyn
geweldig. Kan jy jou voorstel hoe ontsettend dit moet wees as `n dik senuwee, die dikte
van `n breinaald, voortdurend in `n gestrekte posisie oor `n spyker is?
Hulle het Jesus se ander arm, sover moontlik na die teenoorgestelde rigting
gestrek. Die tweede spyker is deur Sy ander gewrig tot diep in die hout geslaan.
Sy twee voete is plat, die een op die ander, teen die kruis geplaas.
Dieselfde soort spyker, maar `n langer een is deur albei voete geslaan en dit het die
voetbeentjies uitmekaar geskeur. Dit is belangrik om te weet dat Sy knieë in ‘n
gebuigde posisie was. Daar was `n rede hiervoor, wat ons later sal bespreek. Die
kruishout is opgelig en die onderpunt is in die gat, wat gegrawe is, laat val. Op
daardie oomblik het die stryd tussen lewe en dood begin.
Toe die kruis onder in die gat vasslaan, het die liggaam nog deur die dryfkrag en
gewig aanhou beweeg. Dit het nie net verdere skeuring van die weefsels, vel en
senings ens. veroorsaak nie, maar die skouergewrigte is ook, deur die skielike ruk,
uit hul potjies geruk. Die Psalmis het reeds `n duisend jaar tevore vertel dat al die
beendere in Sy liggaam los sal raak. (Ps. 22:15). Dit het ook veroorsaak dat die
borsspiere opgetrek het en die longe in `n permanente posisie van inaseming was.
Dit is dieselfde as om `n hewige asma aanval te hê. Die longe is vol lug, maar Hy
kon dit nie uitblaas nie. Dit het `n tekort aan suurstof in die bloedstroom veroorsaak,
sodat Sy vel `n blou kleur gekry het en Sy oë uitgepeul en bloedbelope was.
Geweldige perspirasie, soos met versmoring vind plaas en hierdie sweet loop in die
rou wonde wat die pyn nog verder vererger. Hierdie toestand is medies bekend as
metaboliese asidose en kan vergelyk word met die krampe wat by `n onfikse atleet
voorkom gedurende oefening
Stel jou die vreeslike pyn voor wat hierdie krampe veroorsaak! Almal het al
een of ander tyd `n kramp in `n been gehad.
Al manier waarop die Gekruisigde `n bietjie suurstof kon kry was om Sy knieë
reguit te maak en die volle liggaamsgewig op die een spyker deur Sy voete te plaas.
Die spiere wat die bors optrek verslap dan en die bors beweeg af en maak uitaseming
moontlik. As gevolg van die geweldige pyn in die voete, moet Hy baie vinnig asemhaal,
alhoewel Hy dit bitter nodig het, en dan die knieë weer buig. Die liggaamsgewig hang
nou weer aan die ontwrigte skouers.
Hierdie proses hou vir ure aan terwyl swakheid toeneem. Uiteindelik was
Jesus te swak om Sy bene reguit te maak en sterf weens versmoring.
Gedurende die stryd ontwikkel akute hartversaking en water vorm om die hart
a.g.v swak bloedsomloop. In Jesus se geval het Sy lyding aan die kruis ses ure
geduur.
Jesus het nie een keer Sy mond oopgemaak om te kla, gedurende al hierdie fisiese
marteling en pyn nie. Die Bybel sê dat Hy soos `n lam was wat na die slagplek gelei is (
Jes.53:7). Toe Hy egter my en jou sondes op Homself geneem het, en Sy Vader Sy
gesig weggedraai het van Sy Seun, (want God kan nie sonde aanskou nie) het Jesus in
smart uitgeroep, “My God, my God, waarom het U My verlaat?” Mat.27:46. Jesus
was slegs vir `n oomblik deur God verlaat, maar hierdie smart was vir Hom erger as
enige fisiese lyding wat Hy deurgemaak het! Hierdie, behoort vir ons, as ons nie
wedergebore is nie, `n waardevolle les te wees, want ons kan vir ewig van God verlaat
wees. Jesus het altyd Sy Hemelse Vader as “Vader” aangespreek, maar met die

geleentheid, waar Hy van Sy Vader geskei was deur ons sondes, wat Hy op Hom
geneem het, het Hy Hom “God” genoem! Net hierna het Jesus uitgeroep: "Dit is
volbring" (Joh.19:30) en “Vader, in U hande gee Ek my gees oor!” (Luk.23:46).
Die verlossingswerk is voltooi en die volle prys is betaal. Hierna is Sy Liggaam
begrawe en op die derde dag het Hy uit die graf opgestaan. Onthou dat Jesus, voor Hy
gesterf het aan die misdadiger langs Hom gesê het: “Voorwaar Ek sê vir jou, vandag
sal jy saam met My in die Paradys wees." (Luk.23:43). Ek wil hier net noem dat
Jesus nie na Sy dood na die hel gegaan het nie! Daardie lering is `n leuen van die
duiwel; daarom het ons `n boek oor die onderwerp geskryf nl. "Jesus was nie in die hel
nie.", dit is verkrygbaar van Stanger Christen Sentrum.
Die algemene geloof van daardie tyd was dat die gekruisigde vervloek was, en dat
daardie vloek terug sou kom na die land as die liggaam nie voor sononder verwyder is
nie (Gal. 3:13). Gevolglik het die soldate gewoonlik net voor sononder, as die
gekruisigde nog nie gesterf het, ‘n yster paal geneem en die slagoffer se bene net onder
die knieë afgeslaan. Dit sou dan vir hulle onmoontlik wees om hul bene reguit te maak,
sodat hulle kon asem skep en sal dan versmoor.
Toe hulle egter by Jesus gekom het, was Hy reeds dood. Hiermee is die
profesie vervul waar staan dat nie `n been in Sy liggaam gebreek is nie (Joh.19:32­33).
‘n Romeinse soldaat het ‘n spies geneem en dit in Jesus se sy gesteek. Ek glo dit was
Sy regtersy, want sodoende het dit deur Sy ingewande, lewer, longe en tot in Sy hart
gegaan. Toe die spies Sy hartsak (pericardium) binnegedring het, het die water wat
rondom die hart versamel het, weens die akute hartversaking, uit die wond geloop. Die
oomblik toe die spies deur die hartwand gedring het, het bloed ook uit die wond geloop
(Joh.19:34).
As ons `n voorstelling van die onsettende lyding en verminking in ons gedagtes kan
maak, sal ons besef dat die liggaam van Jesus onherkenbaar geskend was. Hierdie
prent toon beslis geen ooreenkoms met dit waaraan ons gewoond is, wat deur tradisie
vir ons geskilder is van Jesus aan die kruis. `n Prent van Jesus met ‘n engelagtige
uitdrukking op sy gesig, hare netjies gekam met hier en daar ‘n spatseltjie bloed op Sy
gesig en liggaam en ‘n lendedoek om Sy heupe gedrapeer. Ek glo dat Hy daar naak
gehang het. Vir `n Jood was dit die grootste vernedering denkbaar – om nakend in die
openbaar te wees .
Jes.52:14: Soos baie hulle oor U verstom het – so misvormd was sy
voorkoms, geen mens meer nie, en sy gestalte was nie soos die van `n mensekind
nie.
Nog nooit was ‘n liggaam só vermink soos die van Jesus Christus die Seun van God wat
vir my en jou redding en genesing die prys betaal het.
Kan jy sien hoedat Sy liggaam gebreek was, van die kroon van Sy hoof, waar dorings Sy
kopvel binnegedring het, tot Sy voetsole waardeur `n spyker gekap is! Elke deel van Sy
liggaam was gebreek om vir die genesing van ons liggame te betaal. Sy hoof, oë, neus,
ore, tande, lippe, vel, longe, ingewande, lewer, hart en nog meer is gewond vir “elkeen”
wat glo en deur geloof, so `n wonderlike Verlosser en groot Offer ontvang!
Dit is van hierdie wonde wat Jesaja, Mattheus en Petrus gepraat het, en ook
Jesus, toe Hy die brood by die laaste Paasmaal gebreek het. Hierdie wonde kan deur
geen kerk, teologie of tradisie wegredeneer word nie en daarom is dit `n onomwonde feit
dat DIT GOD SE WIL IS OM TE GENEES. Waarom anders sou Hy toegelaat het dat
Sy Eniggebore Seun op so `n wyse vermink word? Jesus kon vir ons siektes betaal
omdat Hy geen siekte geken het nie. Hy kon vir ons sondes betaal omdat Hy sondeloos

was. Hoeveel van ons onderskei wat die Here se Liggaam vir ons aan die kruis gedoen
het?
1 Kor. 11:29­30: Want wie op onwaardige wyse eet en drink, eet en drink `n
oordeel oor homself, terwyl hy die liggaam van die Here nie onderskei nie.
Daarom is daar onder julle baie swakkes en sieklikes, en ‘n aantal het ontslaap.
Dit is waar dat daar vandag baie swakkes en sieklikes in die kerke is omdat die regte
lering ontbreek, en dus onkunde dat genesing moontlik is deur onderskeiding waarvoor
die Here se gebreekte liggaam betaal het.
Terloops, as jy miskien weer die Joodse ongesuurde brood matza in die hande kry,
bekyk dit goed van naby. Jy sal baie klein gaatjies daarin sien. Dit verteenwoordig die
steekplekke van die dorings in Jesus se kopvel, die spykermerke in Sy hande en voete
asook die spies steekwond in Sy sy. Jes.53:5 sê: Maar Hy is ter wille van ons
oortredinge DEURBOOR (Eng. But He was PIERDCED for our transgressions.).
Daar is diep vore oor die matzas. Dit verteenwoordig die diep wonde wat die kats
veroorsaak het toe Jesus gegesel is. ( ...en deur Sy WONDE het daar vir ons
genesing gekom Jes.53:5). Jy sal ook donkerder opgepofde areas op die matzas
vind. Dit verteenwoordig weer die kneuswonde aan die liggaam van Jesus. ( ter wille
van ons ongeregtighede is Hy verbrysel Jes.53:5. Eng. He was BRUISED for our
iniquities). Die matzas is ongesuurde brood en simboliseer die sondeloosheid van
Jesus, terwyl suurdeeg sonde verteenwoordig. Jesus is die VLEKLOSE Lam van God.
Die Jode gebruik hierdie ongesuurde brood elke jaar met hul Paasfees en dit het reeds
met hul vlug uit Egipte begin. Hulle gebruik van die matzas strek reeds oor dekades,
met al die ooreenkomste van Jesus se Gebreekte Liggaam, ( Neem, eet ; dit is my
liggaam wat vir julle gebreek word; doen dit tot my gedagtenis 1Kor.11:24) tog het
hulle nog nie besef dat Jesus Christus die sondelose Paas Lam, hulle Messias is nie.
God het egter in Sy Woord belowe dat Hy, net sodra die volle getal heidene in gekom
het ( Rom.11:25) hulle oë sal open en dat hulle na Hom wie hulle deurboor het sal kyk.
Hierdie hoogste offer is reeds 2000 jaar gelede vir JOU en MY gebring. As ons dit
aanneem kan ONS die ewige lewe en VOLKOME GENESING, Gees, Siel en Liggaam
ontvang.
In Num. 21:4­9 lees ons van die giftige slange wat God onder die volk van Israel in
gestuur het omdat hulle teen God en Moses gemurmureer het. Hulle het van die
slangbyt gesterf. God het toe aan Moses instruksies gegee om ‘n giftige slang van
koper te maak en dit op ‘n paal te sit en as iemand wat gebyt is daarna opkyk, sal hy
lewe! Dit is gedoen en ons lees in vers 9:
Toe het Moses ‘n koperslang gemaak en dit op ‘n paal gesit: en as ‘n slang iemand
gebyt het en hy kyk na die koperslang, het hy in die lewe gebly.
Joh. 3:14 sê: En soos Moses die slang in die woestyn verhoog het, so moet die
Seun van die mens verhoog word.
Waarom? Waarom moet Hy soos die slang in die woestyn, verhoog word?
Sodat wanneer enige iemand na Hom aan die Kruis kyk, daardie persoon sal lewe
en nie sterf nie!! Siekte sal van jou wyk as jy na Hom, wie se Liggaam vir jou
gebreek is " kyk", en jy sal van jou sonde gereinig word as jy na Hom " kyk" wie
sonde vir jou gemaak is . Oorvloedige lewe hier op aarde en die Ewige lewe hierna,
is vir diegene wat met geestelik geopende oë na Jesus aan die Kruis KYK ­ en die
voordele verstaan en ontvang waarvoor Hy tenvolle betaal het – Deur Sy gebreekte
Liggaam en gestorte Bloed!
Kyk DAAGLIKS na Hom EN LEWE!!

HOOFSTUK 3
Daagliks en op ‘n waardige wyse.
Dit is uit die Skrif duidelik aangaande die Nagmaal, dat Jesus ons beveel het om dit
dikwels en ter gedagtenis aan Hom te gebruik. Ons lees in 1Kor.11:24­25: En nadat
Hy gedank het, het Hy dit (die brood) gebreek en gesê: "Neem, eet, dit is my
Liggaam wat vir julle gebreek word; doen dit tot my gedagtenis." ( Onthou wat My
gebreekte Liggaam vir julle gedoen het).
Net so ook die beker na die ete, met die woorde:” Hierdie beker is die Nuwe
Testament in My Bloed; doen dit, so dikwels as julle daaruit drink, tot my
gedagtenis. (Onthou wat My Bloed vir julle gedoen het).
Sy Liggaam is deur wonde gebreek, Hy was onherkenbaar. Sy Bloed het vir
ons gevloei tot vergifnis van sonde en as versoening met die Vader. Die beker is die
nuwe verbond in Sy Bloed.
So DIKWELS as ons van die brood eet en uit die beker drink, verkondig ons Sy
dood totdat Hy weer kom. (1 kor. 11:26).
Let op die woord DIKWELS ­ nie selde of so af en toe nie! As jy Hand. 2:37 –
47 lees, sal jy baie interessante feite aangaande die vroeë kerk opmerk, en hoedat hulle
God se bevele aan hulle, toegepas het en ons, Sy Kerk, Sy liggaam van gelowiges,
moet vandag aandag hieraan gee. ( Mat.28:20).
Hand. 2:46: En dag vir dag (DAAGLIKS) het hulle eengragtig volhard in die
tempel en van huis tot huis brood gebreek en hulle voedsel met blydskap en
eenvoudigheid van hart geniet. Hierdie vroeë gelowiges was werklik dankbaar en vol
lof. Daar was eenvoud by die breek van die brood van huis tot huis.
Hierdie vers bevestig ook die gedagte van DIKWELS. Ek verstaan dit beteken dat
brood DAAGLIKS in ELKE huis gebreek is, dit is van huis tot huis of in elke huis.
Dit beklemtoon die feit dat brood by die huise gebreek is. Nagmaal of die breek
van die brood is in HUISE geneem en dit het DAAGLIKS plaas gevind.
Ons weet volgens 1Kor.11:22 dat Nagmaal uitgedeel is waar gelowiges
byeengekom het. Die Skrif waarsku ons ook om dit nie op `n onwaardige wyse te
gebruik nie.
1 Kor. 11:27: Wie dan op `n onwaardige wyse hierdie brood eet of die beker drink,
sal skuldig wees aan die Liggaam en Bloed van die Here.
Dit is duidelik dat ons die Nagmaal op ‘n WAARDIGE wyse moet neem! Beteken dit dat
ons dit slegs met ‘n langgesig, die beste silwer gerei, `n swart ouderlingspak en net in ‘n
kerkgebou moet neem? Nee, dit het niks met `n WAARDIGE MANIER in vers 27 te
doen nie. Wat inwerklikhied met die woorde “waardige manier” in hierdie konteks bedoel
word, is dat jou hart rein voor God moet wees met geen onvergifnis en geen onbelyde
sonde wat tussen jou en jou Hemelse Vader kan kom nie. Dit sal jou verhouding met jou
Vader bederwe, want jou Vader ken die HART VAN `N MENS (Luk. 16:15). God het
nog altyd belanggestel wat in die mens se binneste aangaan, want dit is wat besoedel
en nie ons uiterlike voorkoms en spoggerige rituele nie.(Mark.7:20). Ons kan God nie
beïndruk met pragtige klere, vroom uitdrukkings en `n volmaakte godsdienstige gedrag
nie – Hy word nie mislei nie! Hy verwag dat ons na Hom met oop, gebroke en
berouvolle harte moet kom, met alle nederigheid. Dat ons ons behoefte moet erken om
alle sonde en onvergifnis deur die Kosbare Bloed van Jesus te laat reinig, wanneer ons
bely en regmaak. DAAGLIKSE belydenis en bekering is noodsaaklik. (1Joh.1:9).
Let op die belangrikheid van die woord DAAGLIKS. As ons ons harte slegs eenkeer ‘n

week ondersoek, sal ons nooit al ons oortredinge kan onthou, om hulle teenoor ons
Vader te bely nie. Onbelyde sonde ontreinig `n hart en lewe en maak dit vir ons
onmoontlik om Nagmaal te gebruik. Stel jou `n huis voor wat slegs eenmaal `n week
skoongemaak word. Dit sal gou vuil word – en stel jou voor hoe vuil dit sal wees indien
dit slegs elke drie maande skoon gemaak word! As jy Jesus Christus as jou Here en
Verlosser aangeneem het, is jou liggaam die tempel (huis) van die Heilige Gees
(1Kor.3:16­17, 6 – 9; 2Kor.6:16) en hierdie tempel of huis wat God die Heilige Gees
huisves moet DIKWELS, verkieslik DAAGLIKS skoongemaak word. Hoe tuis sal die
Heilige Gees in `n huis voel, wat net eenmaal in drie maande skoongemaak word en vol
onvergifnis en sonde is? Hand.7:48 sê vir ons dat die Heilige Gees nie in mens
gemaakte tempels woon nie. Die kerkgebou is nie meer God se woonplek, soos dit in
die Ou Testament in die Allerheiligste deel van die tempel was nie. Sedert Jesus se
kruisiging en opstanding uit die dood, het Hy verkies om in die harte van gelowiges te
woon wat die kerk is – Sy Liggaam.
Daarom moet jy elke keer wat jy aan die nagmaal deelneem, seker maak dat
jou hart jou nie veroordeel nie. Jou saak moet reg wees met God en jou medemens,
anders sal jy op onwaardige wyse eet en drink, wat God se oordeel oor jouself sal bring.
Ek dink die kerk van Handelinge het besef dat om DAAGLIKS nagmaal te
gebruik, hulle hulself geestelik skoongemaak het en daarom het hulle soveel moed
gehad en sulke groot dade in die Naam van Jesus gedoen. Hulle was gereinigde
houers om deur die Meester gebruik te word en hulle harte het hulle ook nie veroordeel
nie, daarom was hulle onverskrokke – die duiwel kon niks teen hulle inbring nie! Hulle
kon duiwels uitdryf en die demone moes net eenvoudig gaan! Jy kan nie met sukses
duiwels uitdryf en siekes gesond maak as jou hart jou veroordeel en die duiwel jou van
onbelyde sonde kan beskuldig. Deurdat hul lewens skoon was kon hulle onverskrokke
wees.
Onvergifnis kon nie van hulle besit neem nie, en hul verhoudings was liefdevol. Hulle
kon vry van onbelyde sonde en onenigheid lewe. Soos hulle daagliks nagmaal gebruik
het, het hulle berouvol gedeel met alles waarmee gedeel moes word, wat die vorige
vier­en­twintig uur gebeur het.
Die feit dat dit vir Satan onmoontlik was om wettige reg in hul lewens te kry en
sodoene siektes en ander bindinge op hul te plaas is uiters belangrik, want dit kon hul
oneffektief gemaak het, wat `n belangrike saak is wanneer opgetree moet word in die
volheid van God se krag in die Naam van Jesus.
As daar nie aan sonde vasgehou word nie, maar onmiddellik en deeglik daarmee
gedeel word d.m.v. belydenis en berou, sal die duiwel geen vastrapplek hê nie. Elke
DAG het genoeg aan sy eie kwaad.. Deel dag vir dag daarmee. Jesus wat sondeloos
en vlekkeloos was, het gesê: “...Die owerste van hierdie wêreld kom en het aan My
niks nie.” (Joh.14:30).
Hulle het DAAGLIKS met afguns, hoogmoed, haat, wellus, woede, selfbejammering,
leuens, vrees, tweedrag, ongeduld, jaloesie, onvergifnis, weersin, rebellie, gierigheid,
ens. gedeel, wat hulle onwaardig kon maak om aan die nagmaal deel te neem.
Besef jy nou hoe tradisie ons beroof het van die wonderlike seëninge wat voortspruit uit
die DAAGLIKSE gebruik van die nagmaal?
Dit is interessant dat die Rooms­Katolieke kerk, wat deur die Donker Eeue kom en
omtrent `n duisend jaar bestaan nog aan die waarheid vashou deur daagliks nagmaal
(heilige mis) te bedien. Alhoewel hulle ritueel by nagmaal (mis) heeltemal verskil van die

oorspronklike Bybelse praktyk in die vroeë kerk, a.g.v. menslike leerstelling en
interpretasie van God se bevele, is die feit dat dit DAAGLIKS plaasvind baie
betekenisvol.
Jou eerste reaksie aangaande hierdie waarheid sal waarskynlik dieselfde wees as wat
myne was. Ek het ons Hemelse Vader gevra of die daaglikse gebruik van die Nagmaal
dit nie `n goedkoop, betenlose rituele gewoonte sal maak nie.
Ek het Sy stem duidelik in my innerlike hoor sê: "Maak jy gebed goedkoop
deur daagliks te bid, wanneer jy My troonkamer binnekom?” Beslis nie. “As jy My
Woord daagliks lees, maak jy dit goedkoop?” Beslis nie. “ As jy my daagliks deur `n
loflied loof, maak jy lof en aanbidding goedkoop?” Beslis nie. “ As jy daagliks onthou
watter prys Jesus op Golgota vir jou betaal het, maak jy Sy dood goedkoop?" Beslis
nie!" Ek het toe tot die besef gekom dat nie een van die bo­genoemde ooit `n
goedkoop ritueel sal word as jy die Here waarlik lief het nie. Daarom het ek tot die
slotsom gekom dat om Jesus daagliks in herinnering te bring, vir die Vader welbehaaglik
is. Ons onthou wat Hy vir ons aan die kruis gedoen het, Sy groot Offer, die prys wat Hy
vir ons elkeen individueel betaal het. Hy het gesê: "dit is volbring" en aan ons die Nuwe
Testament gegee, verseël deur Sy Bloed. Hy het ons met die Vader versoen. Ons
sondes is vergewe, deur Sy wonde is ons genees. Hy het die werke van die vyand
vernietig. Ek raak so opgewonde wanneer ek aan alles dink wat Hy vir my gedoen het –
dat ek begeer om DAAGLIKS nagmaal te gebruik en dit in herinnering te roep, totdat Hy
kom.
DAAGLIKSE GEBRUIKE VAN DIE VROEë KERK!
Daar was ook ander dinge, wat ek onder julle aandag wil bring wat die gelowiges in die
Vroeë Kerk DAAGLIKS gedoen het en wat tot hul geestelike voordeel, kennis en groei
bygedra het. ( Lees Hand.2:37­47).
Ons lees in Hand.2:46­47: En DAG VIR DAG het hulle eendragtig volhard in
die tempel en van huis tot huis brood gebreek (daagtliks) en hulle voedsel met
blydskap en eenvoudigheid van hart geniet, terwyl hulle God (daagliks) geprys het
en in guns was by die hele volk. En die Here het DAAGLIKS by die gemeente
gevoeg die wat gered is.
Ek glo dat as ons terug sou keer na die daaglikse gebruik van gebed, gesonde leer en
daaglikse gebruik van nagmaal sal die Here ook DAAGLIKS diegene wat gered moet
word by die gemeentes voeg. Laat ons na Hand. 17:11 kyk: ...hulle het die Woord
met alle welwillendheid ontvang en ELKE DAG die Skrifte ondersoek.
Heb. 3:13: Maar vermaan mekaar ELKE DAG.
Mat. 6:11: Gee ons vandag ons DAAGLIKSE brood.
Dit is ook interessant dat Jesus in Luk.9:23 gesê het: As iemand agter My aan wil
kom, moet hy homself verloën en sy kruis ELKE DAG opneem en My volg.
Die kruis het direkte verband met nagmaal en om aan self , die vlees, te sterf.
Dink terug hoedat God manna as kos vir die Istaeliete voorsien het, toe hulle in die
wildernis geswerf het. Dit was `n DAAGLIKSE gebeurtenis. God het beveel dat hulle
net genoeg manne vir `n DAG moes optel, anders sou dit vol wurms word. Hierdie was
hulle DAAGLIKSE brood uit die hemel. Dit was elke dag vars en het aan hulle, vir
daardie dag, lewe gegee. Jesus het Homself met hierdie manna vergelyk.

Daaglikse brood wat Sy vlees is, (deur Sy gebreekte liggaam is ons genees) sal
lewe bring net soos die MANNA DAAGLIKS gegee is.
Ek glo wanneer ons DAAGLIKS deel het aan die brood, dan het ons SIMBOLIES deel
aan die werklike LEWE van die Here Jesus self; die brood verteenwoordig Sy liggaam,
wat Lewe aan die Wêreld gee
Wanneer ek en Meg elke oggend om 7 uur bid vir die baie versoeke wat ons per
brief, telefoon en faks ontvang, gebruik ons nagmaal. Wanneer ek die brood breek, sê
ek: "Dankie Jesus vir U liggaam wat U vrywilliglik as `n lewende menslike offer gegee
het. U was onherkenbaar vermink deur wonde, sodat U die prys vir elke siekte en
kwaal kon betaal. Ek lê vanoggend elkeen aan U voete, en verklaar dat hulle deur
Jesus se wonde genees is." Wanneer ons die beker neem sê ek op dieselfde manier:
"Dankie Jesus vir U Bloed wat vrylik gevloei het en vir ons verlossing, bevryding en
versoening met Vader God betaal het. U het Satan oorwin en aan ons oorwinning
gegee oor die magte van die vyand en die ewige lewe vir ons verkry." Hierdie
geloofsdaad deur danksegging, is deur die baie getuienisse van genesing, bevryding en
oorwinning wat ons ontvang, bevestig. Dit alles demonstreer Vader God se Goddelike
ingryping. Hierdie getuienisse word in ons maandelikse nuusbrief gepubliseer en God
ontvang al die eer en lof.
HOOFSTUK 4
Die Pasga vervul in die Heilige nagmaal.
GESINS DEELNAME
Hoe het die vroeë Kerk nagmaal gebruik? Dit is uit die Skrif duidelik dat hulle dit
by hul byeenkomste of by hul huise gebruik het ­ maar dit was altyd tydens ‘n
maaltyd.
Jesus het die nagmaal ingestel toe Hy en Sy dissipels die pasga gehou het.
Luk.22:7: En die dag van die ongesuurde brode het gekom waarop die pasga
geslag moes word.
Wat is die pasga? Die Eerste Pasga het plaasgevind met die bevryding van God
se uitverkore volk, die Hebreërs uit Egipte en slawerny. Kom ons lees Ex.12:3.
Spreek tot die hele vergadering van Israel en sê: Op die tiende van hierdie maand
moet hulle elkeen ‘n lam neem volgens die families, ‘n lam vir ‘n huisgesin.
Hierdie lam is geslag, voorberei en geëet. Dit moes volmaak, sonder
enige gebrek, wees. In die Nuwe Testament het Jesus Christus, vlekkeloos en
sondeloos, die Paas Lam geword en ons eet nog steeds van Sy vlees (simbolies)
elke keer wanneer ons die nagmaal gebruik.
Ex.12:7: En hulle moet die bloed neem en dit stryk aan die twee deurposte, en aan die
bo­drumpel aan die huise waarin hulle dit eet.
Die Bloed van Jesus red ons van die Ewige Dood.
v.8: En hulle moet die vleis in dieselfde nag eet, oor die vuur gebraai;
saam met ongesuurde brode moet hulle dit met bitter kruie eet.
v.13: Maar die bloed sal vir julle ‘n teken wees aan die huise waarin julle is: as Ek
die bloed sien sal Ek by julle verbygaan. En daar sal geen verderflike plaag onder
julle wees wanneer Ek Egipteland tref nie.
v.14: En hierdie dag moet vir julle ‘n gedenkdag wees, en julle moet dit as ‘n fees
tot die eer van die Here vier. Julle moet dit in julle geslagte as ;n ewige insetting

vier.
Die pasga is deur God ingestel en Israel het dit vir die eerste keer, op die
vooraand van hul vertrek uit Egipte, die land van slawerny, gebruik. Hulle is beveel om
dit een maal `n jaar te vier en daarmee aan te hou, en dit is presies wat die ortodokse
Jode steeds doen. Hulle herdenk elke jaar die wonderlike verlossing wat God vir hulle
bewerk het. Hulle vier hul vryheid van dwangarbeid en gevangenisskap.
Alhoewel die ongeredde Jode slegs die Ou Testament erken, het die Here tog
vir hulle wonderlike beloftes van seëninge en voorspoed gegee. AS JULLE NA MY
WOORD LUISTER EN MY INSETTINGE HOU ..(Deut. 28:1­12). Hy sê vir ons
dieselfde!
Om Sy bevele te gehoorsaam; is om te doen wat Hy in Sy Woord beveel. Die
Israeliete het, wat God beveel het, nougeset uitgevoer en drie wonderlike dinge
het gebeur.
Eerstens: Die nag waarop hulle vir die eerste keer die pasga gebruik het, het nie een
Israeliet gesterf nie maar duisende eersgebore kinders van elke gesin in Egipteland het
gesterf (selfs Farao se troonopvolger). Die doodsengel het by die huise verbygegaan
waar die bloed van die lam aan die deurposte gesmeer was.
Tweedens: Toe die Israeliete getrek het was hulle nie arm slawe nie, maar eintlik
gegoede mense.
Ex.12:35 & 36: En die kinders van Israel het gehandel volgens die woord van
Moses: hulle het van die Egiptenaars silwergoed en goue goed en klere geëis;
En die Here het aan die volk guns verleen in die oë van die Egiptenaars, en die het
hulle versoek ingewillig. So het hulle dan die Egiptenaars berowe.
Derdens: Was daar nie een sieke onder hierdie bykans 3 miljoen Jode wat uit Egipte
getrek het nie! Die Skrif sê so:
Toe het Hy hulle laat uitgaan met silwer en goud, en onder sy stamme waas daar
niemand wat struikel nie (Psl. 105:37)
Engels: He brought them forth also with silver and gold: and there was not one
feeble person among their tribes.
Kan jy jou voorstel was sal gebeur as die bevolking van Suid Afrika kennis gegee
word om oor die Limpopo te trek? Sal daar genoeg rystoele, draagbare en ambulanse
wees om al die siekes en gebreklikes te vervoer? Ons sal busse en treine moet gebruik
om almal te vervoer!! Maar hier het 3 miljoen jubelende mense die pad gevat met
kamele, perde en donkies en DAAR WAS NIE EEN SIEKLIKE ONDER HULLE NIE!!
Waaraan kan ons hierdie merkwaardige toestand toeskryf? Onthou dat hulle die
vorige nag die paaslam geslag het en die hele gesin het daarvan geëet, soos God hulle
beveel het, en hulle het krag en gesondheid ontvang. Ons Paaslam ­ Jesus Christus is
ook doodgemaak en geoffer en as ons dit gereeld onthou en deel het aan Sy vlees (die
brood, simbolies), die Here se Liggaam op `n waardige wyse onderskei, sal genesing,
gesondheid en krag ook deel van ons erfenis wees.
As daar dan onder die Ou Verbond sulke wonderlike beloftes van volkome genesing en
gesondheid vir die volk van God was, hoeveel te meer behoort ons, onder die Nuwe
Bedeling, nie dieselfde voordele te geniet nie. God se Woord sê in Heb.8:6: Maar nou
het Hy ‘n voortrefliker bediening verkry vir sover Hy ook Middelaar is van ‘n beter
verbond wat op beter beloftes wettelik gegrond is. BAIE DANKIE JESUS!
Siekte was deel van die vloek van die wet in die Ou Testament, maar in die Nuwe
Verbond, het Jesus die vloek op Homself geneem (Gal.3:13). Jesus het aan ons `n

Nuwe Testament gegee, `n beter verbond, gebaseer op beter beloftes en Hy het dit met
Sy eie gestorte Bloed verseël. Nou kan ek en jy gesondheid, vrede, vergifnis en
verlossing verkry. Let weereens op Ex.12:3: Spreek tot die hele vergadering van
Israel en sê: Op die tiende van hierdie maand moet hulle elkeen ‘n lam neem
volgens die families, ‘n lam vir `n huisgesin.
Daardie nag toe die Paasfees ingestel is, het die vader van die huis vergunning gekry
om geestelike pligte te vervul wat gewoonlik slegs deur die priesters uitgevoer is. Die
vader het vir daardie geleentheid as die hoë priester van sy huis opgetree. Dit vind
jaarliks, ter gedatenis aan daardie eerste Paasfees, plaas. Elke jaar gedurende die
Pasga vertel die vader aan die kinders wat gebeur het toe hulle uit Egiptiese slawerny
bevry is en hoedat God wonderwerke gedoen het om dit moontlik te maak. Hulle vier
hierdie gebeurtenis een keer `n jaar en almal, die kinders ingesluit, neem as `n gesin
deel.
Die Pasga is bedoel om na die koms van die Here Jesus te wys, wat DIE Paaslam sou
wees, wat vir die sondes van die wêreld gedood sou word. Deur aan die Heilige
Nagmaal deel te neem, sien ons Jesus Christus as die vlekkelose Pasga Lam, wat eens
en vir altyd gedood is, om ons van Satan se slawerny en die ewige dood te bevry. Elke
dag is die dag van Verlossing, ons Pasga, elke dag is `n dag om hierdie groot
gebeurtenie te vier, die grootste gebeurtenis van alle tye! Die hoogtepunt van beide die
Ou en Nuwe Testamente!
Dit is aanvaarbaar, om aan te neem, dat die hele gesin (kinders ingeslote) een
keer `n dag met `n ete brood kon gebreek en die vrug van die wynstok kon gedrink het,
ter herinnering aan die voltooide werk aan die kruis.
Die man en vader behoort sy posisie as die geestelike hoof van die gesin te aanvaar.
Hierdie God gegewe gesag aan die man is God se versekering van geestelike
beskerming vir die gesin.
Ons word dikwels gevra of kinders mag deelneem aan die Heilige Nagmaal, en as hulle
mag, op watter ouderdom. Dit is `n interessante vraag en ek glo die antwoord lê by die
Pasga maal. Die Hebreërs is deur God beveel om `n lam vir `n huisgesin te neem. Die
hele huisgesin het deel gehad aan die paaslam – nie een gesinslid, wat kon eet, is
uitgesluit nie. Hulle het geweet waarom hulle dit geëet het; in gehoorsaamheid aan
God. Ons lees in Ex.12:14, 26 en 27 dat die Israeliete (Jode) beveel is om die Eerste
Paasfees, elke jaar as `n gedagtenis (in herinnering) te hou en dit as `n voorskrif deur
die geslagte heen, verewig na te kom.
Ex. 12: 14, 24, 26, 27: En hierdie dag moet vir julle `n gedenkdag wees, en
julle moet dit as `n fees tot eer van die Here vier. Julle moet dit in julle geslagte as
`n ewige insetting vier.
Onderhou dan hierdie saak as ‘n insetting vir jou en jou kinders tot in ewigheid.
En as julle kinders julle vra: Wat beteken die diens daar?
Dan moet julle sê: Dit is ‘n paasoffer aan die Here, wat by die huise van die
kinders van Israel in Egipte verbygegaan het, toe Hy die Egiptenaars getref maar
ons huise gered het. Toe het die volk in aanbidding neergebuig.
Wanneer ortodokse Jode vandag nog die pasga hou, doen hulle dit netso! Die
gesinslede sit almal om die tafel en die maal word volgens `n vaste orde bedien. Die
jongste kinders teenwoordig moet vrae vra wat betrekking het op die maaltyd en die
betekenis van elke bestanddeel wat bedien word. Die vader vertel dan die hele verhaal

van die uittog, en wat elke dis se betekenis is in die wonderlike gebeurtenis van
verlossing van hul onderdrukkers en uit slawerny. Let op dat hulle aan die maaltyd
geelneem “ter herinnering” aan hulle verlossing, hulle “roep dit hardop uit” en vier dit met
dankbare harte teenoor God, Wie dit moontlik gemaak het. Dit is presies wat Jesus in
1Kor.11:24­26 gesê het dat ons moet doen, wanneer ons aan Sy kruisdood, ons groot
verlossing uit die wêreld en die duiwel se slaweny dink. Met dankbaarheid, as `n
gedenkteken, ter herinnering en bekendmaking van Sy dood totdat Hy weer kom. Ek glo
dat die gesinne in die vroeë kerk die Heilige Nagmaal presies so gebruik het, want hulle
het volgens die bevele van die Here gehandel. Die gesin het om die tafel gesit en hulle
daaglikse maaltyd geniet, en die vader het die brood gebreek, gebid en God verheerlik
en dit met sy vrou en kinders gedeel. Die kinders was van jongs af betrokke deur vrae
te vra aangaande die breek van die brood uit dankbaarheid teenoor Vader God se liefde
deurdat Hy Jesus Christus Sy enigste Seun gestuur het om vir ons gekruisig te word.
Die volle betekenis en gevolgtrekkings is aan hulle verduidelik. Daarna is die beker,
nadat die vader gedank het vir die gestorte Bloed van ons Here Jesus, aangestuur.
Die kinders het van die verbond met Jesus Christus hul Verlosser geweet en
hulle het ook van die Beker – die Bloed van Jesus geweet, wat hierdie Nuwe Verbond
moontlik gemaak het. 1Kor.11:25: Net so ook die beker ná die ete, met die woorde:
Hierdie beker is die nuwe testament in My Bloed; doen dit, so dikwels as julle
daaruit drink, tot my gedagtenis.
Daar was geen verwarring omtrent die nagmaal nie, want op `n baie vroeë
ouderdom reeds , is hierdie Bybelse waarhede, volgens God se bevele, aan hulle vertel.
Hulle het geweet wat God se bevele was. Wanneer die kinders oud genoeg was om `n
persoonlike verbintenis met die Here Jesus te maak en gered is (Jesus Christus as
persoonlike Saligmaker te ontvang) die belangrikheid daarvan verstaan het, is hulle as
gelowiges gedoop.
Dit verskil grootliks met vandag se toestand. Baie kinders word Sondagskool toe
gestuur waar hulle die leerstellings van hul denominasies leer, terwyl baie van die ouers
nooit kerk toe gaan nie. Hulle het ook nie gehoor van die noodsaaklikhied om `n
persoonlike verhouding met Jesus Christus as Here te hê nie. Die ouers van die vroeë
kerk het `n lewende verhouding met hul Hemelse Vader gehad, en kennis van Jesus
Christus, waarop hulle in geloof gehandel het. Hulle het die bevele van Jesus in hulle
huise uitgevoer en was lewende voorbeelde van hul geloof in Hom.
Hulle was getrou aan die bevele, aangaande die nagmaal, wat die Here in Sy
Woord aan hulle gegee het. Daar was geen onbybelse, mens gemaakte rituele, soos
bv. die doop van babas en voorstelling van jong volwassenis nie. Beide van hierdie
"kerk" vereistes is onskriftuurlik. In die Bybel is babas ingeseën en volwassenis is
gedoop deur onderdompeling in water, wanneer hulle tot bekering gekom het en in die
Here Jesus Christus geglo het. In die denominasie waaraan ek behoort het, is ek
verkeerdelik geleer, dat as ek nie in daardie kerk "gedoop" en "voorgestel" is nie, ek nie
nagmaal kon gebruik nie. Dan kon ek ook nie daarin trou of daaruit begrawe word nie.
Al betekenis wat die nagmaal vir my gehad het was dat ek nou `n kerklidmaat was en `n
volwasse lid wat self kon besluit wanneer ek wou kerk toe gaan, en wanneer nie. Ek het
net gehoor van die straf wat oor my sou kom as ek nagmaal op `n onwaardige manier
sou gebruik; maar is nooit ingelig aangaande die voordele van die Heilige Nagmaal nie.
Ek glo dit is nog steeds vantoepassing op die meeste jong mense uit
tradisionele kerke waar aanneming nog geld. Ek het nooit van `n verhouding met Jesus
Christus as my persoonlike Verlosser, gehoor nie. Wanneer ek aan hierdie dinge terug
dink wil my hart breek, want dink net hoe hartseer dit my Hemelse Vader moes gemaak
het. Dit is `n jammerte, maar tog is daar vandag nog duisende, pragtige opregte mense

wat presies dieselfde pad loop as wat ek geloop het, maar prys die Here, daar is `n
oplossing. Laat ons na die Bybel teruggaan as ons enigste gesag, die geinspereerde
Woord van God en Bloudruk vir ons lewens. Laat ons volgens die bevele en gebooie
van Jesus handel.
HOOFSTUK 5
Lewende Brood
Die oomblik wanneer jy bewus word van die brood en wyn in die Skrif, sal jy baie
verse in die Bybel vind wat hierna verwys. Dit het met my gebeur en ek wil `n
paar met jou deel aangaande die brood, wat die simbool is van Jesus se Liggaam
wat vir ons aan die kruis gebreek is en aan ons genesing gee. Die Bloed van
Jesus wat gestort is, het vir ons sondes betaal, want volgens God se Woord kan
daar geen vergifnis van sonde wees as bloed nie gestort is nie. Dit is noodsaaklik
vir ons verlossing. Het julle egter gesien dat fisiese genesing, as deel van die
versoening, dikwels afgeskeep is met die Heilige Nagmaal. Sou die rede menslike
tradisie of onkunde wees, of miskien albei? Ek wil my verstout om te sê dat dit
albei is. Hoe kan ons vir genesing bid of glo as ons nie geleer is dat Jesus die
prys daarvoor op Golgota betaal het nie? Die geloof is dus uit die gehoor, en die
gehoor is deur die woord vanGod (Rom.10:17). Wanneer ons geloof opgebou is
deur die waarheid van God se Woord te hoor, is ons gereed om die genesing te
ontvang wat Hy begeer om aan ons te gee. Deur die wonde op Jesus se gebreekte
Liggaam, wat deur die brood voorgestel word, is ons genees (1Pet.2:24).
Jesus is die Lewende brood, en ons raak al meer hiervan bewus wanneer ons die
volgende vier verhale oor hierdie waarheid in God se Woord lees.
1. HULLE Oë IS GEOPEN
Die breek van die brood bring ons nader aan Jesus en open ons geestes oë.
Ons lees in Luk.24 van die twee vriende wat na Emmaus op pad was. Hulle het
geloop en praat van die dinge wat pas plaasgevind het aangaande Jesus en die
kruisiging.
V15: En terwyl hulle praat en mekaar ondervra, kom Jesus self nader en loop
met hulle saam.
V16: Maar hulle oë is weerhou, sodat hulle Hom nie kon herken nie.
Jesus het hulle uitgevra oor die onderwerp en hulle was verbaas omdat Hy nie van
die gebeure gehoor het nie. Met hulle vertelling aan Hom van die gebeure was dit
duidelik dat hulle baie teleurgesteld en verward was. Hy het toe met hulle oor die
profesieë in die Ou Testament, aangaande die Messias wat vervul moes word, gepraat.
Tog het hulle Hom steeds nie herken nie.
Luk.24:28­31: Daarop kom hulle naby die dorp waarheen hulle op reis was, en Hy
het gemaak of Hy verder wou gaan;
Maar hulle het by Hom aangedring en gesê: Bly by ons, want dit is amper aand en
die dag het gedaal; en Hy het ingegaan om by hulle te bly.
En toe Hy met hulle aan tafel was, neem Hy die brood en dank; en Hy breek dit en
gee dit aan hulle
Toe is hulle oë geopen en hulle het Hom herken, en Hy het uit hulle gesig
verdwyn.
Ek glo dat hulle geestelik beter kon onderskei nadat hulle die gebreekte brood geëet het.
Hulle geestes oë is geopen. Ek en Meg het dit verseker in ons lewens ondervind

deurdat ons daaglikse die nagmaal gebruik. Die Heilige Gees Gawe van onderskeiding
van geeste werk sterker as tevore omdat ons, deur elke dag die brood te breek, nader
aan Jesus beweeg.
2. DIE KANANESE VROU SE GELOOF.
`n Ander verhaal wat die brood insluit word in Mat.15:21­28 gevind, waar die
Kananese vrou na Jesus gekom en Hom gesmeek het om haar dogter te genees.
Mat.15:21­28: En Jesus het daarvandaan weggegaan en na die streke van
Tirus en Sidon vertrek
En `n Kananèse vrou het van daardie gebied gekom en na Hom geroep en
gesê: Wees my barmhartig, Here, Seun van Dawid! My dogter is erg van die
duiwel besete.
Maar Hy het haar nie `n woord geantwoord nie. Toe kom Sy dissipels
nader en vra Hom en sê: Stuur haar weg, want sy roep agter ons aan.
Maar Hy antwoord en sê: Ek is net gestuur na die verlore skape van die
huis van Israel.
Daarop kom sy en val voor Hom neer en sê: Here, help my!
Maar HY antwoord en sê: Dit is nie mooi om die brood van die kinders te
neem en dit vir die hondjies te gooi nie.
En sy sê: Ja, Here, maar die hondjies eet darem van die krummels wat van
die tafel van hulle base afval.
Toe antwoord Jesus en sê vir haar: o Vrou, groot is jou geloof, laat dit vir
jou wees soos jy wil hê. En haar dogter het gesond geword van daardie uur af.
Jesus het haar gewys dat die brood van genesing vir God se kinders is, maar
weens haar volharding om tog net van die krummels te kry, het Jesus in vers 28
opgemerk: o Vrou groot is jou geloof, laat dit vir jou wees soos jy wil hê. Hierdie
vrou sou tevrede gewees het met die krummels van die Lewende Brood wat die simbool
van Jesus Self is. Haar dogter was van daardie uur af gesond.
3. JESUS DIE TOONBROOD.
In die Ou Testament lees ons in Pls. 23:5: U berei die tafel voor my aangesig
teenoor my teëstanders. Die tafel [nagmaal] is vir ons voorberei en as ons dit gebruik
soos voorgeskryf, is dit ‘n magtige wapen teen die vyand. Die Wyn en die Brood op ‘n
waardige wyse geneem. Dit is verseker die tafel (nagmaal) wat vir ons voorberei is.
Ons lees In Ex. 25:30 dat God Israel die volgende opdrag gegee het: En op die tafel
moet jy ALTYDDEUR toonbrood voor my aangesig neersit. Hierdie brood was ‘n
voortdurende dankoffer aan God, (Doen dit dikwels ter gedagtenis aan My) en daarna
is verwys as die brood van "teenwoordigheid",wat God se teenwoordigheid in die
Allerheiligste aangedui het. Dit was simbolies van Christus Self ­ vir ewig lewend en
aan Wie ons daagliks deel kan hê. Die toonbrood moes altyd vars wees. Wyn en
wierook is saam met die brood geoffer. Die wyn simboliseer die Bloed van Christus, die
wierook; ons lofprysing, aanbidding en dankbaarheid
4. JESUS DIE LEWENDE BROOD..
God het manna aan die Israeliete in die woestyn voorsien, en ons weet ook dat
hulle dit elke dag moes optel. Dit was God se voorsiening aan hulle as brood uit die
hemel. Jesus het Homself met hierdie manna vergelyk. In Joh:6:28 het Jesus se
dissipels aan Hom gevra: Wat moet ons doen om die werke van God te volbring?

Dit is toevallig dieselfde vraag wat ek die Here gevra het. “ Waar is die krag van die
kerk?” (die werke van God)
Dit was hierdie vraag wat gelei het tot die openbaring aan my aangaande die Heilige
Nagmaal!
Toe aan Jesus in vers 28 gevra is hoe hulle die krag kon kry om die werke van God
te doen, het Hy dadelik gesê dat hulle eerstens in Hom moet glo, Jesus, (v29) die ware
brood uit die hemel, (v32) die Brood van God wat lewe gee (v34) wat altyd (elke dag) ,
hierdie lewe gewende brood gee. (v35) Ek is die brood van die lewe; wie na My toe
kom, sal nooit honger kry nie; en wie in My glo, sal nooit dors kry nie.
Joh.6:47­58: Voorwaar, voorwaar Ek sê vir julle, wie in My glo, het die ewige
lewe. Ek is die brood van die lewe.
Julle vaders het die manna in die woestyn geëeten en het gesterwe.
Dit is die brood wat uit die hemel neerdaal, sodat iemand daarvan kan eet en
nie sterwe nie.
Ek is die lewende brood wat uit die hemel neergedaal het. As iemand van
hierdie brood eet, sal hy lewe tot in ewigheid. En die brood wat Ek sal gee, is my
vlees wat Ek vir die lewe van die wêreld sal gee.
Die Jode het toe met mekaar gestry en gesê: Hoe kan Hy ons Sy vlees gee
om te eet?
En Jesus sê vir hulle: Voorwaar, voorwaar Ek sê vir julle, as julle nie die vlees
van die Seun van die mens eet en sy bloed drink nie, het julle geen lewe in
julleself nie.
Hy wat my vlees eet en my bloed drink, het die ewige lewe, en Ek sal hom
opwek in die laaste dag.
Want my vlees is waarlik spys, en my bloed is waarlik drank.
Wie my vlees eet en my bloed drink, bly in My en Ek in hom.
Soos die lewende Vader My gestuur het, en Ek deur die Vader lewe, so sal hy
wat My eet, ook deur My lewe.
Dit is die brood wat uit die hemel neergedaal het – nie soos julle vaders die
manna geëet en gesterwe het nie; wie hierdie brood eet, sal tot in ewigheid lewe!
Ek wil julle aandag op vers 51 vestig: Ek is die lewende brood wat uit die hemel
neergedaal het. As iemand van hierdie brood eet, sal hy lewe tot in ewigheid. EN
DIE BROOD WAT EK SAL GEE IS MY VLEES.... Sy vlees, ons daaglikse brood, wat
aan ons die lewe sal gee net soos die manna dit aan die Israeliete gegee het, elke dag
nuut.
Ek glo vas dat die Kerk herstel sal word tot dieselfde plek waar Jesus die sewentig
uitgestuur het (soos in Luk.10 beskryf) en soos hulle in pare uitgaan, sal hulle die
evangelie verkondig, duiwels uitdryf, melaatses reinig, dooies opwek en siekes genees
sodat mense in ons dorpe en stede sal besef dat die Koninkryk van God naby gekom
het. Hulle sal saam met gelowiges wat genesing en onderskraging nodig het, brood
breek in huise en hospitale en hulle wat begeer om Jesus Christus aan te neem, en die
Goeie Nuus van wat Hy vir hulle sondes en siektes gedoen het. Hulle sal onmiddellik
deel kan hê aan die brood en wyn, omdat hulle geglo het. Ek het al baie persone gesien
wat genees en bevry is van allerhande siektes, fisies en emosioneel, wanneer hulle op
`n waardige wyse en in geloof nagmaal gebruik het. Daar was geen hande op hulle
gelê nie. Dit is Jesus Christus wat die Geneesheer is.
Kan jy jou voorstel hoe `n gemeente sou wees waar elke gesin daagliks brood sou
breek, soos ek dit nou beskryf het? Eerstens glo ek dat siektes grootliks sou verminder.
In die tweede plek sou familietwis en verhoudings probleme tot die minimum beperk
wees, omdat families en getroude pare mekaar daagliks vergewe voordat hulle saam die

ood breek!
Die Herder (Pastoor) sal meer tyd hê om op die Here te wag en die Woord te
bestudeer, sodat hy die skape kan toerus om uit te gaan en siele vir Jesus te wen! Daar
sal nie tyd gemors word om wanverhoudings en probleme tussen gemeentelede uit te
sorteer nie, omdat daarmee by die huis gedeel is, voordat nagmaal gebruik is.
Elkeen van ons moet siele vir Jesus wen, dit is die gelowiges se werk om die oes in te
bring. Herders kry nie skape nie – skape kry skape. Die gemeente moet vir hierdie doel
toegerus word.
Hoe gouer ons opgebou en volwasse in Christus is en die bevele van Jesus
gehoorsaam, hoe gouer sal ons kan uitgaan en siele vir God se Koninkryk wen! Om
Jesus se kruisdood te onthou en die voordele daagliks te verkondig tot Hy weer kom,
hou ons oë op Hom en weg van andere se tekortkominge, asook ons eie kleinlike
griewe. Ons moet Jesus se dood verkondig in die Goeie Nuus boodskap aan `n verlore
wêreld.
Jesus se verminkte liggaam aan die kruis het vir al ons siektes, kwale, pyne en
gebreke betaal en Sy Bloed vir ons verlossing. Hy was en is steeds die versoening vir
ons sondes. Hy het aan ons mag gegee oor die magte van die duisternis en het die
ewige lewe vir ons moontlik gemaak. Dit is verseker die Goeie Nuus wat DAAGLIKS
aan die skepping verkondig moet word, totdat Hy weer kom. HY HET DIE VOLLE PRYS
BETAAL.
HOOFSTUK 6
Vir my, persoonlik
Die uniekheid van die Bybel bestaan daarin dat God Homself herhaaldelik deur Sy
Woord bewys as die enigste ware God. Hy doen dit op so `n manier dat `n kind dit kan
verstaan en in verband bring. By `n aantal geleenthede in die Bybel het God gesê: “Van
nou af sê Ek dit aan julle voordat dit gebeur, sodat wanneer dit gebeur, julle kan glo dat
Ek God is.” (Num.11:23; Jes.42:9; Joh.13:19; Joh.14:29 en Joh.16:4).
God het deur Sy verkose profete gespreek en Sy toekoms planne en doelstellings
voorspel en hulle beveel om Sy Woorde aan te teken. Ons noem dit profesieë. Daar is
tussen 5­6 duisend profesieë in die Bybel en plus­minus 95% daarvan, het tot in die
fynste besonderheid, soos God voorspel het, plaasgevind. Daar is `n vasgestelde
fisiese wet wat bekend is as die wet van veelvoudige moontlikhede. Die wet sê dat
indien jy voorspel dat iets sal gebeur, en jy gee besonderhede van die gebeurtenis, dat
met elke besonderheid wat jy gee, die kanse dat dit sal gebeur soos voorspel is, al
minder en minder word.
Die unieke kenmerk van die Bybel is die profesieë. In die Bybel is daar baie
profesieë oor baie verskillende dinge. Die belangrikste profesieë sentreer egter rondom
die persoon van die Here Jesus Christus. Daar is ongeveer 300 definieerbare profesieë
oor die koms van die Messias. Jesus het drie­en­dertig vervul die dag toe Hy gesterf
het.
God het reeds 3000 jaar gelede gesê dat daar `n Verlosser vir hierdie wêreld sal wees
(Jes.53:5), dat Hy die Seun van God genoem sou word (Ps.2:7), dat Hy deur `n vriend

verraai sou word (Ps.41:10), dat Hy vir dertig silwerstukke verkoop sou word (Sag.11:12)
en dat Hy sou sterf maar weer uit die dood sou opstaan (Ps.16:10; Ps.49:16). Hy het
gesê dat Sy Messias uit `n maagd gebore sou word(Jes.7:14). Dat Hy saam met
misdadigers gekruisig sou word(Jes.53:12)(Die Romeinse kruis het toe nog nie bestaan
nie). `n Duisend jaar voor die dood van hierdie Verlosser, het God in Ps.22:1, die
presiese woorde gesê, wat hierdie Verlosser aan die kruis sou uiter, “My God, My God,
waarom het U My verlaat?” (Mat.27:46). In dieselfde Psalm word die beserings wat
Sy dood sou veroorsaak, tot in die fynste besonderheid beskryf (verse 14­18). Hierdie is
alles geskiedkundige feite wat opgeteken is en nie ontken kan word nie. God het dit
dekades voor dit gebeur het aan Sy profete vertel. Dit bewys sonder enige twyfel dat Hy
is wat Hy sê Hy is.
Die waarskynlikheid dat enige persoon toevallig hierdie profesieë in die Bybel sou
kon vervul is feitlik onmoontlik. Die waarskynlikheid is een in tien tot die sewentiende
mag. Dit is `n een met sewentien nulle daarna. Dit is so `n groot getal dat dit bo ons
begrip is. Om die onwaarskynlikheid hiervan beter te verstaan, word die volgende
illustrasie gegee.
Veronderstel dat `n gebied so groot soos die Wes Kaap, bedek is met `n 0,6 m laag
twee Rand munte. Iewers tussen daardie munte, is een met `n rooi kolletjie. Jy
blinddoek `n persoon en stuur hom om die twee Rand met die rooi kolletjie te vind. Die
persoon kry net een kans. Die kans dat daardie persoon die muntstuk met die rooi
kolletjie sal vind is ondenkbaar, want die moontlikheid is hoogs onwaarskynlik. Netso
sou dit belaglik wees om te glo dat net hierdie profesieë aangaande Jesus deur
menslike wysheid gegee is en toevallig, deur een man vervul is. Daar is slegs een
aanvaarbare verduideliking. Die apostel Petrus gee aan ons die antwoord met hierdie
woorde: “Want geen profesie is ooit deur die wil van `n mens voortgebring nie,
maar, deur die Heilige Gees gedrywe, het die heilige mense van God
gespreek.”(2Pet.1:21).
Die profeet Jesaja het gesê: “Die gras verdor, die blom verwelk; maar die woord van
onse God hou stand in ewigheid.” ( Jes.40:8). Die waarskynlikheid dat 5000
profesieë vervul sal word is so groot dat daar nie genoeg druppels water in al die oseane
is om hierdie vergelyking te vervul nie. Nie `n enkele profesie word in die godsdienstige
boeke van Islam, Hindoeisme, Boedhisme of enige ander godsdiens gevind nie, wat
bewys dat almal deur mense geskryf is en nie deur God geïnspereer is nie. God het aan
die Jode en Christene die bewys gegee dat die Bybel alleen Sy Woord is, en dat Hy is
wat Hy sê dat Hy is. Sy Woord, dit is die Bybel, verander mense se lewens. God is `n
God wat lewens verander, daarom sal enige boek wat deur Hom geskryf word, gevul
wees met Sy lewe, geblaas in elkeen van die woorde. Wanneer mense begin soek om
God te leer ken, word die Woord van God lewend in hul harte. Soos God`s Woord dan
in hulle groei en skep, verander die Heilige Gees hulle deur hul gedagtes te vernuwe en
die begeertes van hul harte te verander.
Waarom het Vader God die dood en leiding van Sy Seun Jesus so presies beplan,
en soveel profesieë aangaande die Verlosser gegee wat op daardie dag vervul is? (
Meer as 30 profesieë is met die gekruisiging alleen vervul.). Ek glo dat die antwoord
baie duidelik is in Joh. 3:16: Want so lief het God die wêreld gehad, dat Hy Sy enige
gebore Seun gegee het, sodat elkeen wat in Hom glo, nie verlore mag gaan nie,
maar die ewige lewe kan hê.
Wanneer ons wedergebore word, is dit nodig om in ons hart te glo dat Jesus aan
die Kruis gesterf het vir ons sondes en dit te bely met ons mond. Daarna is ons
gedoop om ons geloof in Jesus te bevestig. (Markus 16:16) Wanneer ons daagliks
nagmaal neem bevestig ons ons daaglikse geloof in Jesus.

Die Heilige Gees het aan ons hierdie wonderlike openbaring oor die daaglikse
gebruik van die nagmaal gegee, want daarin lê die krag van die kerk. In Sy genade
het Hy dit ook aan ons bevestig deur twee getuies. Die eerste is bevestig toe ons,
kort nadat ons die openbaring ontvang het, die outobiografie van Smith
Wigglesworth gelees het. Hy was `n groot God`s man, wat daagliks met God se
krag bekend was, hy het God en Sy krag geken. Daar word vertel dat God hom
gebruik het om meer as twintig mense uit die dood op te wek! – hy het glo meer
as twintig mense wat dood was, weer lewendig gebid! Ons het uit hierdie boek
geleer dat Smith Wigglesworth daagliks nagmaal gebruik het. Wat `n wonderlike
bevestiging!
Hierna het ons ook na `n kaset van Derek Prince geluister, nog `n man wat, in ons
tyd, kragtig deur God gebruik word. Hy het hierdie woorde gesê: " Dit mag sommige van
julle verbaas, maar die Here het aan my en my vrou,Ruth, gewys om daagliks nagmaal
te gebruik." Hierdie tweede bevestiging was vir ons `n geweldige aanmoediging, want
ons kon sien hoedat die krag van God in hierdie twee manne se lewens en bedieninge
sigbaar was en dit was presies in ooreenstemming met die Woord wat God ons gegee
het.
Sedert die Here met my en Meg so duidelik in Julie 1984 gepraat het, gebruik ons
elke oggend om 7uur nagmaal en dit seën ons geweldig. Elke oggend staan ons voor
die Here en ondersoek onsself, en maak reg met ons Hemelse Vader. Die Woord van
God beveel dat ons twee in ooreenstemming moet wees wanneer ons bid, want God
kan nie ons gebede beantwoord as ons nie is nie. Ons kan dus nie bekostig om enige
griewe of slegte gevoelens teenoor mekaar te hê nie, of teenoor enigiemand anders nie.
Dit hou ons verhouding stewig en standvastig. Daar is ook `n groter seên op die
bediening, want die gawes opereer beter waar eenheid en liefde is en dit vloei deur na
ons familie. (1Kor.13).
Ons het ook gevind dat ons vermoë om geestelike dinge te onderskei, vermeerder
het. In hierdie laaste dae is die onderskeiding van geeste en die openbarings gawes
baie belangrik. Dit is nodig dat ons so " versigtig soos die slange en opreg soos die
duiwe" (Mat.10:16) moet wees, want ons weet dat die duiwel nou baie hard probeer om
misleiding en verwarring in die liggaam van Christus te bring. Hy weet dat sy tyd kort is!
Ons weet dat wat ons nou ondervind, te wyte is aan die feit dat ons
gehoorsaam was aan die openbaring van die breek van die brood, wat God aan
ons gegee het. Ons glo ook dat ons nog nie die hele openbaring het nie, maar
ons is gewillig om aan Hom gehoorsaam te wees soos Hy dit stap vir stap aan ons
openbaar, en ons weet dat Hy nog meer aan ons sal toon. Halleluja!
Ek kan nou sonder twyfel sê dat dit wat ek met julle gedeel het, nie `n teorie is nie,
maar `n waarheid wat ek in my eie lewe toegepas het en waarmee ek sal aanhou.
Ek wil jou aanmoedig om opreg te bid oor dit wat ek met jou gedeel het, omdat ek
en Meg so baie seëninge ondervind asgevolg daarvan. Ons weet ook van baie kosbare
broers en susters in Christus, regoor Suid Afrika en verder, wat saam met ons elke
oggend om 7 uur bid en die brood breek en hulle getuig ook van die Here se seëninge.
Ek glo met my hele hart dat indien hierdie openbaring deel word van gelowiges se
lewens, baie mense sal terugkeer na die Here en dat hulle Hom dan met totale oorgawe
sal dien.
Ek gaan nou beskryf hoe ek nagmaal gebruik en dit bedien. Eerstens vergewe ek
elkeen onvoorwaardelik, wat teen my gesondig of my seergemaak het en vra vergifnis
vir enige sonde waarvan die Heilige Gees my oortuig. Dan dank ek die Here vir die
elemente wat Hy aan ons gegee het, wat Sy Liggaam en Sy Bloed verteenwoordig, want
die nagmaal is die hoogste vorm van danksegging en lof wat `n mens teenoor Vader
God kan toon vir die groot gawe van Sy Seun, en Sy Seun se groot gawe van Sy Lewe.

Al ons geestelike en fisiese behoeftes, van die hede en die toekoms, is in hierdie twee
elemente voorsien. Ek begin deur te bid:”Here, ek neem hierdie brood ter herinnering
aan wat U persoonlik vir my, James van Zyl gedoen het op Golgota”, dit is `n baie
persoonlike saak tussen my en die Here. Jesus het my siektes, my swakhede, kwale en
pyn in Sy liggaam geneem en deur Sy wonde is ek genees. Vervolgens neem ek die
wyn en dank die Here dat Hy my sondes, oortredinge en ongeregtighede vergewe het. (
Ek bely elke sonde wanneer dit in my gedagte kom). Dan dank ek Hom vir verlossing en
die ewige lewe, wat Sy kosbare gestorte bloed vir my persoonlik moontlik gemaak het.
Ek dank Hom ook vir die mag, wat aan my as gelowige gegee is, oor die magte van die
duisternis. ( Hulle wat glo sal duiwels in My Naam uitdryf). Dan dank ek die Here vir die
onbetaalbare geskenk van Sy lewe wat Hy vir my gegee het. Ek vra Hom om al die
voordele van die Heilige Nagmaal `n werklikheid vir my te maak.
Jesus het gesê: “Hierdie beker is die nuwe testament in my bloed; doen dit, so
dikwels as julle daaruit drink, tot my gedagtenis.” (1 Kor.11:25). Ons lees in
Heb.9:12 & 28: “... nie met die bloed van bokke en kalwers nie, maar met Sy eie
bloed, een maal ingegaan in die heiligdom en `n ewige verlossing teweeggebring.
So is Christus een maal geoffer.. om die sondes van baie weg te neem.” En in
Heb.9:18 & 22:" Daarom is ook die eerste testament nie sonder bloed ingewy nie.
En byna alles word met bloed gereinig volgens die wet, en sonder bloedvergieting
vind daar geen vergifnis plaas nie." Die beker bevestig die Nuwe Testament wat
moontlik gemaak is deur die Bloed van Jesus. Hierdie Nuwe Verbond is verseël met Sy
Heilige Bloed. Die nuwe en beter Verbond met al sy wonderlike beloftes! (Heb.8:6). Die
finale en vervulde Pasga. Die Heilige Nagmaal is die hoogtepunt van die Ou en Nuwe
Testamente.
Ek eindig dan deur as volg te bid: “ Dankie Here, ek ontvang elke voordeel wat U vir
my gekoop het met U kosbare bloed wat op Golgota gestort is. Selfs al verstaan ek die
openbaring nie in sy volle omvang nie, dit wat ek egter weet, ontvang ek, en dit wat ek
nog nie weet nie, is ek oop voor om te ontvang. Ek wil elke voordeel hê wat U, Here met
so `n duur prys op Golgota vir my gekoop het. Ek dank U Here dat U James van Zyl se
sondes weggewas het en my met Almagtige God versoen het, sodat ek voor die
genadetroon kan staan asof ek nog nooit gesondig het nie. Dit is nie deur werke nie
Here, maar slegs deur U genade alleen en dit wat Jesus vir my aan die kruis verkry het.
Dankie Here Jesus dat ek deur die krag van die Bloed van die opgestane Lam, verlos
is uit die koninkryk van die duisternis na die Koninkryk van die Lig."
Ek het gemeld dat nagmaal deel is van die gesinsmaal, as jy egter nie `n familie of `n
huweliksmaat het nie of as niemand in jou familie gered is nie, gebruik dan nagmaal
alleen. Dit is eenvoudig, maar tog so kragtig en innig en sal jou lewe verryk.
Ons weet, toe Jesus vir Sy dissipels vertel het dat Hy die brood van die Lewe is in
Joh.6 verse 60 en 66 het daar gestaan: "En baie van Sy dissipels het gesê toe hulle
dit hoor: Hierdie woord is hard, wie kan daarna luister? Hieroor het baie van Sy
dissipels teruggegaan en nie meer saam met Hom gewandel nie.
Ons sien dat baie van Jesus se dissipels nie meer met Hom gewandel het nie, met
ander woorde hulle het weggegaan omdat Hy die volgende woorde gesê het:”
Voorwaar, voorwaar Ek sê vir julle, as julle nie die vlees van die Seun van die
mens eet en Sy Bloed drink nie, het julle geen lewe in julleself nie. Hy wat My
vlees eet en My Bloed drink, het die ewige lewe, en Ek sal hom opwek in die laaste
dae.” [Joh. 6:53­54]. Hierdie woorde moes hulle ontstel het, want Jode is pertinent
vertel om nie bloed te drink nie en ons lees in Hand. 15:20 dat heidense gelowiges
vermaan is om weg te bly van bloed. Dit was ‘n harde woord omdat hulle nie verstaan
het wat Hy bedoel het nie, en hulle het nog nie die openbaring daarvan gehad nie. Dit
was vir hulle ‘n dooie woord. Solank die inhoud van hierdie boek vir jou `n dooie letter

ly, sal jy waarskynlik ook sê: “Dit is `n harde woord.” Maar as die Heilige Gees dit vir
jou lewend maak, sal jy daarvolgens handel, en sal jy selfs `n inniger verhouding met
Jesus en jou Hemelse Vader hê as wat jy reeds het. Soos ek aan die begin gesê het,
MOET ASB. NIE DIE DAAGLIKSE GEBRUIK VAN DIE NAGMAAL AS `N FORMULE
OF RITUEEL GEBRUIKE NIE. In baie van die tradisionele kerke het dit `n ritueel
geword, maar dit is bedoel as `n tyd van danksegging en intieme gemeenskap met jou
Here en Verlosser. Moet dit nooit as vanselfsprekend aanvaar nie. Kom daagliks as `n
gehoorsame, liefdevolle kind na `n sorgsame, liefdevolle Vader en kom na aan Hom in
`n intieme verhouding deur die dood van Sy Seun en jou Verlosser te herdenk met
vreugde.
1 Kor. 11:26: Want so dikwels as julle hierdie brood eet en hierdie beker drink,
verkondig julle die dood van die Here totdat Hy kom. Hierdie feit is die fondament
van die Evangelie, die Blye Boodskap dat die volle prys betaal is! Jesus het aan die
kruis gesê: “Dit is volbring.”
Waarom was die vroeë Kerk so kragtig en suksesvol? Ek glo dit is omdat hulle na
die Blye Boodskap geluister het, gehoorsaam was aan die Here se bevele deur daarop
te reageer en hulle is gered en genees. Soos ek reeds in die eerste hoofstuk van
hierdie boek gevra het, het God nou verander? Nee, glad nie, Hy sê: “Want Ek, die
Here het nie verander nie.” (Mal.3:6). Het Jesus verander? Nee, glad nie, van Jesus
word in Heb.13:8 gesê: “Jesus Christus is gister en vandag dieselfde en tot in
ewigheid.” Die Woord staan vir ewig vas en Jesus het in Mat.28:19­20 gesê: "Gaan
dan heen, maak dissipels van al die nasies, en doop hulle in die Naam van die
Vader en die Seun en die Heilige Gees: LEER HULLE (die wat glo) OM ALLES TE
ONDERHOU WAT EK JULLE BEVEEL HET: en kyk, Ek is met julle al die dae tot
aan die voleinding van die wêreld. So het die vroeë Kerk Jesus se bevele uitgevoer,
en Jesus wat saam met hulle gewerk het, het die Woord bevestig deur tekens en
wonders (Mark.16:19­20). Die vroeë Kerk was `n dankbare en vreugdevolle Kerk en het
van huis tot huis nagmaal gebruik en so hul dankbaarheid betoon en Jesus geprys, vir
wat Hy vir hulle gedoen het. (Hand.2:46­47). Die Kerk het besef dat dankbaarheid en
lofprysing noodsaaklik was om in die teenwoordigheid van Vader God te kom
(Ps.100:4). God bewoon die lofsange van Sy mense, en tog sien ons dikwels dat
kerkmense God nader met beskudigings en klagtes teen Hom, terwyl nagmaal “selde”
gebruik word i.p.v. “dikwels,” soos God se Woord voorskryf. Die Kerk van Handelinge
het beter geweet!!
Ek sou graag wou sien dat hedendaagse dissipels van Jesus weer sou uitgaan om
siekes in hospitale en tuis te besoek, terwyl hulle die Goeie Nuus verkondig, van die
dood van Jesus in sy volle betekenis. Ek sou graag wou sien dat siekes Jesus as hul
Persoonlike Verlosser, en Here aanneem, asook nagmaal gebruik om Sy offerdood te
herdek. Ek glo dat baie op hierdie wyse genesing en vergifnis sal ontvang as dit op `n
"waardige wyse" gebruik word; soos reeds beskryf is.
Laat ons dus voortgaan en hierdie Goeie Nuus aan `n verlore wêreld verkondig.
Ontdek hoe die Krag van God jou lewe verander en deur jou begin vloei om Sy lewe oor
te dra op hulle rondom jou, sodat die Kerk van die Here Jesus Christus herstel word tot
sy vorige Krag en Heerlikheid.
1 Kor. 2;2: " Want ek het my voorgeneem om niks anders onder julle te weet
as Jesus Christus, en Hom as gekruisigde."

Boek no. 26
Hersien Junie 2003
Geloof In die Woord
PO Box 232,
Ballito 4420
(032) 551 1836 / 551 2419