Sif van alle soorte graan Veediefstal neem geweldig toe

BLADSY 4 HEILBRON HERALD, VRYDAG 19 APRIL 2013
Herald Fokus: Depressie
al meer mense ly aan depressie. die
Wêreldgesondheidsorganisasie raam dat dit teen 2020 die
belangrikste rede vir werkongeskiktheid en 'n gebrek aan
produktiwiteit sal wees.
Deur DIE HUISGENOOT-POLS SPAN
dit tas twee keer soveel vroue as mans aan, maar tref
geen onderskeid op grond van ras of ouderdom nie. dit tap
jou kragte, maar laat jou ook slapeloos rondrol. dit maak
jou desperaat vir hulp, maar vernietig juis daardie verhoudings
wat jy nodig het. dit kan trouens jou lewe verwoes.
depressie is nie net 'n kwaai aanval van die blues nie.
dis 'n algemene en diagnoseerbare mediese toestand en die
simptome is liggaamlik (waaronder seksuele probleme en
'n gebrek aan energie), verstandelik (waaronder besluiteloosheid
en aandaggebrek) en emosioneel (waaronder
diepe ellende of prikkelbaarheid).
sowat 6-10 persent van die wêreldbevolking beleef
gedurende enige gegewe jaar 'n depressiewe episode en dié
syfer styg steeds. Om die waarheid te sê, voorspel die
Wêreldgesond-heidsorganisasie dat depressie teen 2020
wêreldwyd een van die grootste oorsake van verlies aan
produktiwiteit sal wees omdat mense weens die toestand
nie werk toe sal kan gaan nie.
depressie moet egter nie verwar word met blote terneergedruktheid
of die treurproses wat op 'n ernstige verlies
volg nie.
"dis heeltemal normaal om soms ietwat neerslagtig te
voel,” sê Health24 se kuberkopdokter, prof. Michael
simpson. "Maar dit moenie so erg wees dat dit met jou
werk of jou persoonlike lewe inmeng nie en moet ook nie
vir lang tye voortduur nie."
rou kan beslis soos depressie lyk en voel, maar dit
begin gewoonlik ná sowat ses maande opklaar. Medikasie
help nie vir mense wat treur nie.
"Aan die ander kant kan langdurige fisieke simptome
soos slaapversteurings en eetlusveranderings op depressie
dui," verduidelik Michael.
Hoekom ek?
Wat presies depressie veroorsaak, is nie bekend nie.
Navorsers het egter 'n rits moontlike biologiese, fisieke,
sosiale en sielkundige faktore gevind wat die toestand kan
laat ontwikkel.
een biologiese faktor het te doen met breinoordragstowwe
– chemikalieë in die brein wat die oordrag van
boodskappe tussen senuselle beheer. as die werking van
dié chemikalieë versteur word – byvoorbeeld as gevolg van
sekere medisynes of dwelms soos ecstasy – kan depressie
posvat. gene speel ook 'n rol: as jy 'n nabye familielid met
die probleem het, loop jy 'n groter gevaar om dit self te
kry.
toestande soos beroerte, parkinson of Cushing se siekte
en skildklier-afwykings kan ook depressie veroorsaak of
dit vererger.
Op sosiale vlak kan spesifieke gesinsomstandighede en
-dinamika party mense se vatbaarheid verhoog. egskeiding
kan 'n mens byvoorbeeld spyt, berouvol en soos 'n mislukking
laat voel omdat jy dit nie kon regkry om die verhouding
te laat werk nie.
Nog 'n moontlike sondaar is 'n ongelukkige verhouding
wat bly voortsleep, sê Charl Hattingh, 'n kliniese sielkundige
van kaapstad. "en as daar 'n kombinasie van eksterne
faktore betrokke is, kan mense ook depressief raak."
'n Mens se eie persoonlikheid kan jou meer vatbaar vir
depressie maak, soos pessimism en 'n onvermoë om stres te
beheer.
Net so kan iets verskrikliks wat met jou gebeur het toe
jy jonger was jou in later jare meer kwesbaar vir depressie
maak.
Miskien is dít hoekom ’n mens nooit veilig is nie? tot
twee persent van 12-jariges en 8-14 persent van 15- tot
18-jariges ly aan depressie, sê dr. graham emslie van die
universiteit van texas in amerika. Jong lyers word egter
dikwels verkeerd gediagnoseer omdat hul depressie onverwagte
vorms aanneem.
kleintjies is miskien buitengewoon klouerig of traag om
skool toe te gaan. tieners kan swak vaar op skool, dwelms
gebruik, begin rondslaap of van die huis af wegloop.
Partykeer is daar 'n spesifieke sneller wat die depressie
veroorsaak, ander kere slaan dit sonder rede toe – gewoonlik
by iemand wat in die verlede al depressief was.
"die eerste aanval van depressie word algemeen deur 'n
stresvolle gebeurtenis uitgelok soos die dood van 'n
geliefde of 'n ernstige siekte," sê prof. piet Oosthuizen van
die universiteit van stellenbosch se departement psigiatrie.
"elke aanval van depressie verlaag egter die drumpel vir
die volgende aanval, wat beteken dat dit ál minder stres
verg om daaropvolgende aanvalle te veroorsaak. kortom,
depressive veroorsaak depressie."
Met die regte behandeling sal 80 persent van depressielyers
verbeter en 60 persent sal ten volle herstel. ideaal
gesproke is die behandeling 'n kombinasie van medikasie
en terapie, en in ernstige gevalle moet lyers in die hospitaal
behandel word.
daar's 'n verband tussen 'n tekort aan breinoordragstowwe
en depressie, en hiervoor kan antidepressante help.
dié middles sorg dat die beskikbare breinoordragstowwe
langer hou of doeltreffender werk.
Moderne antidepressante dek 'n wye veld en die meeste
het minder newe-effekte as die ouer weergawes. die algemeenste
newe-effekte is naarheid en hoofpyn in die eerste
week en seksuele newe-effekte soos vertraagde orgasme en
'n lae seksdrang.
gelukkig verbeter of verdwyn die meeste van hierdie
simptome mettertyd.
die baie algemene selektiewe serotonienheropnameinhibeerders
(ssHi's) soos prozac, Cipramil, Zoloft en hul
generiese weergawes werk op die oordragstof serotonien.
dié produkte het 'n goeie naam omdat hulle veiliger as
die ou antidepressante is wanneer 'n oordosis geneem
word.
party van hulle is ook baie goed vir die behandeling van
angstigheid, wat dikwels met depressie gepaardgaan.
Maar nuwe middels soos serotonien-en-noradrenalienheropname-inhibeerders
(sNHi’s) word ál gewilder. Hulle
het min of meer dieselfde newe-effekte as ssHi’s, maar is
beter wanneer depressiesimptome hoof- en spierpyn insluit.
sNHi's kan dalk ook verdere depressie-aanvalle beter help
voorkom.
die vraag is egter nie net watter medikasie jy moet
gebruik nie, maar ook vir hoe lank: as dit die eerste aanval
is en die antidepressant werk, moet jy dit 'n jaar lank neem,
sê piet. "vir 'n tweede aanval moet dit twee jaar lank
geneem word en ná 'n derde voorval vir die res van jou
lewe."
Mense maak dikwels die fout om behandeling te vroeg
of skielik te staak. toe die internasionaal bekende ssHikenner
dr. andré Joubert onlangs in suid-afrika was, het hy
gesê 'n mens kan die uitwerking van die middels ná omtrent
sewe dae begin voel, en dat dit ses tot twaalf weke duur
voor die beste resultate behaal word.
as jy die middels voor die voorgeskrewe tyd staak, is
daar 'n groter gevaar dat die depressie terugkeer en selfs
chronies raak.
dis ook belangrik om jou geleidelik van die middels te
speen. as jy te skielik ophou, kan jy onaangename simptome
soos angstigheid of duiseligheid kry.
vra jou dokter dus voor jy ophou en stel vas hoe om die
dosis geleidelik te verlaag.
daar word soms gesê dat antidepressante te maklik
voorgeskryf word, maar dis 'n wolhaarstorie, sê piet. “die
waarheid is dat medikasie nie gereeld genoeg voorgeskryf
word nie – navorsing toon minder as 50 persent van mense
met depressie word korrek gediagnoseer. en minder as die
helfte van hulle word doeltreffend behandel met psigoterapie,
medikasie of albei."
Michael stem saam, maar sê antidepressante is nie vir
alle pasiënte noodwendig die beste plan nie. Baie deskundiges
bevel dit nie voor die voet aan nie, veral nie uit die
staanspoor nie. daar is navorsing wat wys kognitiewe gedragsterapie
(waar 'n mens geleer word om jou gedrag doelbewus
te verander) kan net so goed werk soos antidepressante
en ook permanente voordele inhou.
Charl sê ook medikasie is dikwels niks meer as 'n
pleister nie, 'n tydelike bedecking vir 'n chronies besmette
wond.
"selfs al laat 'n antidepressant iemand beter voel, kan sy
emosionele problem terugkeer as sake soos 'n ongelukkige
verhouding nie aangespreek word nie," verduidelik hy.
"een van die moontlike nadele van medikasie is dat die
pasiënt sy probleme vermy."
daarenteen help terapie 'n mens om die waarheid in die
oë te kyk en die emosionele oorsake van jou depressie uit te
lig.
"Jy leer verstaan hoekom jy op slegte situasies reageer
deur depressief te word," sê Charl. "dan kan jy in 'n veilige
omgewing saam met die terapeut nuwe maniere leer om
trauma en verlies te hanteer."
Maar as depressie jou daaglikse funksionering aantas,
moet medikasie oorweeg word. die antidepressante help
jou dan om jou simptome te beheer terwyl terapie tot die
wortel van die kwaad deurdring.
skokterapie
as die depressie besonder hewig is, of as medikasie nie
wil help nie, oorweeg dokters soms skokterapie, oftewel
elektrokonvulsiewe terapie (ekt). dié behandeling stimuleer
die brein met kort, elektriese prikkels wat effense stuipe
veroorsaak en help om simptome te verlig. Met ekt
toon die brein dieselfde veranderings as ná die gebruik van
antidepressante, maar dit werk vinniger.
Moderne skokterapie is nie seer of gevaarlik nie, maar
party mense kry geheueverlies as die behandelings baie kort
op mekaar volg, of as die terapie aan albei kante van die
brein toegepas word.
die behandeling van depressie is beslis ingewikkeld en
wetenskaplikes moet nog baie vrae beantwoord. Maar
navorsing wys dat hoe langer jy wag om behandel te word,
hoe moeiliker word dit om jou depressie te behandel. Wat
ook al jou aksieplan, die sleutel tot sukses is dat jy so gou
moontlik hulp moet soek.
HIER KRY jY HULP
die suid-afrikaanse depressie-en-angssteurnisgroep se
opgeleide raadgewers staan elke dag van 08:00-20:00 reg
om te help. Jy kan die tolvrye hulplyn bel by 0800-567-567
of 'n sMs na 31393 stuur.
Pastoor Willie Botha tree DV Sondag
21 April 2013 om 10:00 op in die
AGS-gemeente Heilbron. Almal is baie
welkom, toegang gratis.
Lig op
ons pad
Matteus 7
1. Moenie oordeel
nie, sodat julle nie
geoordeel word nie.
2. Want met die
oordeel waarmee
julle oordeel, sal
julle geoordeel word;
en met die maat
waarmee julle meet,
sal weer vir julle
gemeet word.
3. En waarom sien jy
die splinter in die oog
van jou broeder, maar
die balk in jou eie oog
merk jy nie op nie?
4. Of hoe sal jy vir jou
broeder sê: Laat my
toe om die splinter uit
jou oog uit te haal, en
kyk, in jou eie oog is
die balk!
5. Geveinsde, haal
eers die balk uit jou
oog uit, en dan sal
jy goed sien om die
splinter uit die oog van
jou broeder uit te haal.
6 Moenie wat heilig
is, aan die honde
gee nie; en gooi julle
pêrels nie voor die
varke nie, sodat hulle
dit nie miskien met
hulle pote vertrap
en omdraai en julle
verskeur nie.
7. Bid, en vir julle sal
gegee word; soek, en
julle sal vind; klop, en
vir julle sal oopgemaak
word.
8. Want elkeen wat
bid, ontvang; en hy
wat soek, vind; en
vir hom wat klop, sal
oopgemaak word.
Biblioteek Tye
Heilbron Biblioteek is
vyf dae per week vir
die publiek oop en die
tye is as volg:
MAANDAE -
VRYDAE
Oop 09:00 - 16:30
BiBliOteek is
gesluit
Op saterdae.
Heilbron
Dienssentrum
Breëstraat 54 Heilbron
Tel: 058 853 0317
Bestuurder: R v Vuuren
Tel: 072 341 2730
MAANDELIKSE
PROGRAM
Maandag:
08:45 gimtrim
Dinsdag:
10:00 algemene byeenkoms
met interessante programaanbieding
Eerste Woendag:
08:30 Haarsalon
Tweede Woensdag:
10:00 pure bederf of
sommer net
Derde Woensdag:
08:30 voetsorg
Donderdag:
17:00 kooroefening
Op en Wakker
Dienssentrum
vir Bejaardes Reitz
Program vir week
Maandag
09:00 kooroefening
Dinsdag
09:00 Bloeddrukke
Woensdag
09:00 dorp toe
10:00 voetsorg
Donderdag
10:00 sosiale program
Vrydag
09:00 Bybelstudie
Kontakpersoon
Petro Pretorius
082 325 1322
HEILBRON KERKNUUS
NG MOEDER
SONDAG:
09:30 erediens (doop)
kleuterkerk
sin kol: andrew Murray gemeente
in Bloemfontein
kategese
gemeentetee Blok 1
NG SUID
SONDAG:
09:30 tienerdiens
sin kol: Bedieningsfonds vir
Middestadgemeentes
kategese
18:00 Meditatiewe Nagmaalsdiens
GEREFORMEERDE KERK
SONDAG:
1ste diens: 09:30 erediens
2de diens: 11:00 erediens
NEDERDUITSCH
HERVORMDE KERK
ds Herman gothan
058 852 1174 of 076 889 6680
SONDAG:
09:30 erediens
vierde sondag van die Opstanding
Biddag vir gesaaides
dankdag vir die oes
kategese les 9
teeskink Wyk vyandsvlei
voorleser: Ouderling snyman
AGS pleinstraat 72
sondag 10:00 erediens
sondagskool sondag 10:00
Biduur Woensdag 18:30
Kontakpersone: past CJ grobler
Tel: 058 853 1016 • Sel: 082 344 4638
CHRISTUS GEMEENTE
(H/v right- & gilbertstrate)
SONDAG: 09:30 erediens
Navrae: past Marius delport
sel: 076 500 9836 / faks: 058 853 0582
AP-KERK
tweedestraat, vegkop-uitbr.
SONDAG:
08:00 erediens (edenville)
10:00 erediens (Heilbron)
vBO les 10
Basaarlyste terug
va alg vergadering na diens
METHODIST CHURCH
SUNDAY: Worship service 09:30 each
sunday. almal welkom / all welcome.
Contact pastor Caryl loots
083 435 8889 or 058 853 0486.
EVANG. GEREF. KERK
FRANKFORT (Markstr. 20)
SONDAGOGGEND: 10:00 erediens
SONDAGAAND: 18:00 erediens
WOENSDAE: 18:00 Biduur
Navrae: ds Johann dörnbrack
tel: 083 275 6326 of 058 813 2424
LEWENDE WOORD GEMEENTE
(AGS) PETRUS STEYN
pastoor kobus davids tel: 058 871 4063
SONDAE: 09:30 erediens
17:00 Woordskool in somer
DINSDAE: 06:30 intersessie
WOENSDAE: 10:00 vrouebiduur
18:00 selgroep en biduur
PENTECOSTAL CENTRE
(assemblies of god, sandersville)
SONDAG: 10:00 Heiligmakingsdiens
17:00 evangeliediens
MAANDAG: 18:30 Jeug
DINSDAG: 18:00 gemeentebiduur
Matt 26:38, Jak 5:16, eff 6:18
WOENSDAG: Huissel
DONDERDAG: 18:00 sustersbidaand
VRYDAG: 18:00 Jeugaand
SATERDAG: 15:00 Worship team oefen.
Enige gebedsversoeke skakel:
(058) 852 2190
Navrae: pastoor B Bentosha
(058) 852 2190
A.G.S KERK SANDERSVILLE
SONDAG:
Oggenddiens 10:00
Maandag Huissel 06:00
Biduur Woensdag 06:00
kontak p. van staden
CANAAN APOSTOLIC FAITH MISSION
SANDERSVILLE
DINSDAE: 17:00 Jeugdienste & Oefeninge
WOENSDAE: 17:00 gemeentediens & Biduur
SONDAE: Heiligmaking om 10:30
vir meer inligting kontak pastoor Joey
pienaar 082 673 2321 of evangelis frans
lottering 078 402 2000.
ASSEMBLIES OF GOD WORSHIP
CENTRE SANDERSVILLE
TUESDAY: Prayer service 18:00
WEDNESDAY: Home service 18:00
THURSDAY: Bible Study 18:00
SATURDAY: A.OG 4G Practices 16:00
(Great Gifted Gospel Group)
SUNDAY: Home service 10:00
Sunday School 09:00
A.OG 4G Practices 16:00
PRAYER REqUEST:
Church Pastor Revell 078 425 2502
Pastor Edward 082 407 3106
Pastor Steven 083 943 4285
PINKSTER PROTESTANTE KERK
FRANKFORT
SONDAE: 08:45 sondagskool
10:00 erediens
18:00 evangelie diens
WOENSDAE: 10:00 sustersbiduur
18:30 gemeentebiduur
VRYDAE: 19:00 Jeugbyeenkoms
Navrae: pastoor sfp grobler
tel: 058 813 2036 sel: 071 123 1013
AFRIKAANSE BAPTISTE KERK
FRANKFORT
SONDAG: Oggenddiens 10:00
18:00 Bybelstudie
WOENSDAG: Biduur 18:00
Navrae: 082 324 4436
Christ the Rock
Koinonia Church
HEILBRON/PHIRITONA
ek is ’n evangelis met ’n passie om siele vir die Here te wen, in besonder die
persone wat nog nooit die evangelie van Jesus Christus gehoor het nie. ek
verkondig die reddende genade van die Here vir alle mense. ek wil baie graag
die geleentheid gegun word om die evangelie op die plase in die Heilbrondistrik
te verkondig. Boere is baie welkom om my te kontak in die verband.
PASTOOR AARON MOEPI
sel: 071 017 8024
epos: aaronmoepi@gmail.com