My Liggaam 2 - Piket-Bo-Berg Our

M Y L I G G A A M
Ek is ‘n seuntjie of ’n dogtertjie.
Ek is baie spesiaal, daar is niemand wat presies soos ek lyk
nie. Omdat ek baie spesiaal is moet ek mooi na myself kyk
My gesiggie lyk so
M y G e s i g g i e
O r e
Ek het 2 ore
My ore sit langs my kop.
Ek hoor met my ore.
Bly stil
Laat almal vir ‘n rukkie luister na die geluide om hulle.
Daar is hoё geluide , lae geluide, harde geluide, sagte
geluide.
Laat die kinders die verskillende geluide maak.
Daar is mense wat nie kan hoor nie, ons sê hulle is doof.
Ek moet mooi na my oortjies kyk.
Ek moet elke dag as ek bad my oortjies was.
In my oortjies is daar sulke geel goed. Ons noem dit was.
As hulle te dik in my ore raak kan ek nie mooi hoor nie,
daarom moet my oortjies skoon gehou word.
Ek moet nie goeters in my ore druk nie, bv. : sade, stokkies,
albasters, dit kan my oortjies baie seer maak, so seer dat ek
nooit weer kan hoor nie.
1

Groot lawaai kan ook my oortjies seer maak. Ons moet nie in
mekaar se ore skree nie.
As dit koud is buite moet ek my mussie opsit anders kan ek
ook siek raak en baie oor pyn hê.
Ons moet nie in die koue speel as ons oortjies seer is nie
Hoor wie al oor pyn gehad?
Ek het 2 oortjies gekry om mooi na mamma en juffrou te
luister.
Ek kan ook luister as iemand met my wil praat.
Wanneer iemand lelike goed sê, moet ek nie luister nie.
Onthou jou 2 oortjies is vir mooi luister.
S P E L E T J I E
Sê miaau elke keer as jy die woord kat hoor
Kat, kraai, hond, kat, water, bok, kat.
O ё
Ek het 2 ogies gekry om mee te sien.
Iemand wat nie kan sien nie is blind.
Party keer kan mense nie mooi sien nie, dan dra hulle brille.
Ons almal se oё kleur verskil.
Party mense se oё is wit en bruin of wit en groen of wit en
blou.
Party mense se oё is groot ander s’n klein skrefies.
Wys prent van oё wanneer
jy met hulle deur die verskillende dele gaan.
Ons het 2 ooglede waarmee ons ons oё oop of toe maak.
2

Aan die voorkant is ons oog wimpers. Dit is die haartjies
vooraan.
Die hare bokant die oog is die wenk broue.
Wanneer ons wakker is, is die ooglede oop en wanneer ons
slaap is ons ooglede toe.
Party keer wanneer ek geslaap het is daar sulke goedjies wat
amper soos sand korrelties voel aan my oё.
Ons noem dit slaap.
Elke oggend na ek opgestaan het moet ek my gesiggie mooi
afwas.
Ons moet nie met klippe gooi na iemand of met stokke speel
met mekaar nie.
Ons kan maklik iemand se ogie seer maak dan kan daardie
maatjie nie meer sien nie.
Ons moet nie na die son kyk nie, dit kan ons ogies baie seer
maak.
As ek nie mooi kan sien nie, dan neem mamma vir my na die
oogarts.
Dit is die dokter wat my oë toets om te sien of ek nie dalk ’n
bril nodig het om beter te kan sien nie.
Ons moet ook nie na lelike goed kyk met ons ogies nie.
Wat kan ek met my ogies doen?
Ek kan kyk
Ek kan loer
Ek kan knip oog
Ek kan lees
Ek kan hulle toe maak wanneer ek gaan slaap, of as ek bid
Wanneer mamma my hare was maak ek my oë toe sodat die
seep en water nie in hulle kom nie.
3

N e u s
Onder my ogies is
My neus met 2 neus gate.
Ja, ons almal se neuse verskil.
Party mense se neuse
is groot
ander is klein,
party is skerp,
ander rond,
ander s’n wip,
ander s’n is plat.
Kyk na mekaar se neuse, wat sien ons?
Dit is belangrik dat ons nie vir mekaar sal lag of spot as ’n
maatjie se neus snaak lyk nie, miskien baie groot.
Wat doen ek met my neus?
Ek ruik met my neus
Party goed ruik lekker, ander ruik sleg, party goed ruik skerp
en kan my neus baie seer maak, so seer dat ek kan ophou
ruik. Moenie aan skerp goed ruik nie.
Vra wat ruik vir hulle lekker?
Wat ruik sleg?
Hoe ruik ons later as ons nie elke dag bad of was nie.
Hoe ruik iemand se asem wat nie sy tande borsel nie.
Hoe ruik die toilet as ons hom nie trek nie.
4

Hoe ruik dit as mamma lekker kos maak. Laat hulle aan
speserye ruik bv. Kerrie, koffie, vars brood, ’n sny gemufte
brood.
As die kos nie meer lekker ruik nie kan dit vir my sê dat die
kos sleg is en my siek gaan maak.
Partykeer spoel mamma my klere met Sta Soft uit na sy dit
gewas het, dan ruik dit baie lekker, dit sê my klere is skoon.
Langs my neus is my wange.
Die harde bene wat jy daar voel is jou wang bene
Onder my neus is my mond.
My mond het 2 lippe en binne my mond is een tong en baie
tande.
Ek praat met my mond
Ek eet met my mond
In my mond is my tong.
Steek jou tong uit so ver jy kan.
Laat hulle in ’n spieel kyk na hulle tonge.
Jou tong het sulke knoppies, dit is die proe knoppies.
Hulle sê iets is soet, sout, bitter of suur.
Bring goedjies waaraan hulle kan proe.
Bv. Suiker, sout, asyn en dalk ietse bitter bv. Koffie
poeier.
Onthou dit is gevaarlik om sommer aan enige iets te proe, dit
kan dalk giftig wees.
5

Wa t k a n e k a l l e s m e t m y t o n g d o e n ?
Ek kan met my tong
Proe
Klanke vorm
Sluk
en ’n lekker roomys Lek.
Ek kou met my tande.
Ek kry eers my baba tande.
Hulle raak los, dan haal ons hulle uit of hulle val sommer
partykeer uit.
Dan noem ons dit: Ons wissel ons tande.
Wie al tande gewissel het?
was hulle mooi of vrot?
Waar die tande uit geval het, kom daar tande wat vir altyd
moet hou. Dit is ons permanente tande.
Ek moet mooi na hulle kyk anders raak hulle vrot dan moet
ek tandarts toe gaan en stopsels kry of ek moet hulle laat
uitrek.
Ek kan dan weer tande kry wat ek kan insit en uithaal.
Ons noem hulle vals tande.
Ek moet mooi na my tande kyk.
Suiker maak dat my tande vrot.
Ek moet elke dag my tande borsel
Ek moet ‘n nie klomp lekkers eet en koeldrank drink nie.
As ek klaar my tande geborsel het voor ek gaan slaap, moet
ek nie weer lekkers eet, koeldrank of drinkgoed met suiker
drink nie.
Onder my mond is my ken.
6

M y H a n d e
M y L i g g a a m
Ek het 2 hande.
’n Regter hand en ’n linker hand
Aan elke hand is 5 vingers.
Ons het altesaam 10 vingers.
Ons vingers het ook name :
Duim
Wysinger
Middelvinger
Ring vinger
Pinkie
Duimpie
Duimpie se maat
Langeraat
Vilaflooi en
Piepie in die kooi
Kom ons tel hulle.
Kom ons tel tot 10
Sê die Rympie op
Daar waar jou vinger kan buig noem ons dit die kneukels.
Elke vinger het ’n nael.
Ons naels groei daarom moet ons hulle gereeld knip en borsel
en skoon maak.
7

Wat doen ek alles met my hande?
Laat hulle eers se wat hulle alles doen met hulle hande
Wat kan ek alles met my hande doen?
Eet met hande
Teken met my hande
Verf met my hande
Hulle klap
Gooi die bal
Vang die bal
Waai met my hande
Help vir mamma met my hande
Wat mag ek nie met my hande doen nie?
Ander mense se goed vat nie
Mense seer maak nie
Jy mag net die opdrag uitvoer as oom Japie so sê.
Oom Japie sê:
Raak aan jou kop
Stap agter uit
Kniel op die vloer
Swaai jou arms
Skud jou hande
Speel speletjie
8

M y v o e t e
Ek het 2 voete.
Elke voet het 5 tone.
Alles wat ek met my voete kan doen
Stap
Hardloop
Skop
Huppel
Tone wikkel
Tel eers tot 5
Begin weer en tel tot 10
As dit warm is loop ons graag kaal voet, maar anders loop ons
met skoene.
Kyk na prentjies van verskillende skoene
Laat hulle sê waarvoor mens dit gebruik.
Ek moet mooi na my liggaam kyk.
Ek moet my liggaam elke dag was.
Waneer ek by die toilet was moet ek my hande was.
In die oggend wanneer ek opstaan moet ek my gesig was
en ek moet my tande borsel.
Ek moet ook my hare gereeld was en elke dag borsel.
9