N o v e m b e r 2 0 1 2 - Inspirasie

Uit die pen van die Redaktrise.
Hi daar al my sonskyn vriende en lesers,
Ag, ek vra vreeslik om verskoning omdat ons so laat is hierdie maand, maar soms hardloop die
drukkersduiwel sommerso ongenooid hier in, maar ek het hom darem einde laas die deur gewys
na ’n groot gesukkel.
Soms is ’n mens se lewe soos ’n donker tonnel en ja ek hou niks van die donker nie, Dit voel asof
duisende pare oë jou dophou. Tog moet ’n mens soms jou vrese in die oë kyk en dit kan ons net
doen deur die hulp van ons Heer. Hy is magtig en liefdevol. Daarom kan ons altyd op Hom reken
en sodoende word ons tonnels helder verlig en kan ons weer asemhaal en voortgaan.
Mensies terwyl ek so deur my skrywers se artikels gaan en regkry om geplaas te word lees ek my
twee jong tiener skrywers se artikels en my mond hang oop vir soveel insig en wysheid asook
bemoediging en geloof. Hierdie twee jongmense skryf so dat self ons as volwassenes by hulle kan
leer en ja hulle is ook beslis kinders van ons Heer. Baie dankie julle twee vir julle toewyding en
entoesiasme. Dankie, dat julle deel van ons span geword het.
Ons neem afskeid van ons kosman Michael omdat sy verpligtinge te veel geword het en hy nie vir
ons wil afskeep nie. As daar enigeen anders is wat in sy plek wil inskuif laat my gerus weet by
inspbriewebus@gmail.com Ons sê ook dankie aan hom vir sy heerlike resepte wat hy met ons
gedeel het. Ons gaan dit voorwaar mis.
Volgende maand se uitgawe gaan heelwat vroeër verskyn sodat die idees vroegtydig by die lesers
kan uitkom indien hulle van ons idees wil op die proef stel. Ek glo dit gaan propvol lekkerte wees,
Daarmee groet ek eers tot volgende maand.
Heerlike inspirasie groete
Elsabe