Laai Af - Gkkandelaar.co.za

IN DIE WANDELGANG
OGGENDDIENS (Dr Gerard Meijer)
Gereformeerde Kerk
Die Kandelaar
Sondag, 7 April 2013
Eredienste: 09:30 en 18:30
AANDDIENS (Dr Gerard Meijer)
Lees: Jes 42: 18 - 25; 49: 8 - 19 Lees: Joh 5: 24 - 29; 11: 1 - 27
Teks: Jes 49: 14, 15b, 16a Teks: Joh 11: 25 - 27
Sing: Ps 107: 1, 4, 9 Sing: Ps 18: 1, 2, 3
25: 2, 6 Geloofsbelydenis
22: 6, 7 Ps 139: 2, 6, 9
73: 11, 12 36: 3
43: 1, 2, 3, 4, 5 103: 8, 9, 10, 11
__________________________________________________________________________________
KOLLEKTES 7 APRIL 14 APRIL
1ste kollekte: Diakonie Diakonie
2de kollekte: Bybelverspreiding Sending
______________________________________________________________________________
LIEF EN LEED
Verjaarsdae (afgelope week)
Ma 01 Sophie Badenhorst, Yolanda Botha, Ina Drijfhout
Di 02 Marianne Wilcocks
Wo 03 Rien van der Meer
Do 04 Morné Bakker, Arno Hooghiemstra, David Wilcocks
Vr 05 Rochelle Bakker
Sa 06 Leendert van de Erve
So 07 Annelie van de Wetering, Leandri Wilcocks
Ma 08 Lisa Griffioen
Di 09 Petra van der Veen
Wo 10 Hetty van Straten
Do 11 Marinda Boersema

Meelewing
Ons wil net baie dankie sê vir die pastorie wat so pragtig lyk. Ons waardeer al die tyd,
harde werk en moeite wat daar ingesit word. Ons is bevoorreg om in so ‘n pragtige huis
te kom woon. Julle moeite gaan nie ongesiens verby nie , nogmaals dankie.
Ds Jacques en Ina Howell
Br Piet Salomons (broer van br Henk Salomons) en sy vrou, Jetty,was ‘n aantal jare
lidmate van ons gemeente. Br Piet het weer ‘n beroerte gehad, maar dit gaan alweer ‘n
bietjie beter met hom. Ook was hulle seun en kleinseun in ‘n ongeluk betrokke, maar die
Here het hul lewens gespaar. Ons vertrou hul aan die Here toe, wat die troos sal gee
soos Hy beloof het. Veral vir sr Jetty hoop en vertrou ons dat God wat sy hand oor haar
en haar familie hou, haar sal help om deur hierdie moeilike tyd sterk te kan bly en ons
bid dat die Here uitkoms sal gee.
Deur God se genade is sr Annemarie van de Wetering en haar dogter Tineke gespaar
gebly. Hulle het met hul motor bo-oor ‘n vlakvark gery; die remme het gefaal en hulle het
deur drade geploeg en eindelik tot stilstand gekom. Behalwe blou plekke en groot skrik
het hulle geen beserings opgedoen nie en daarvoor is ons die Here baie dankbaar.
Sr Clarinda van de Wetering en br Marnix Boersema het ook benoude oomblikke
beleef, toe ‘n bakkie deur ’n rooi lig gery en hul motor getref het. Die motor is afgeskryf
maar die Here het hulle wonderlik bewaar. Ons dank Hom daarvoor.
Br Klaas van de Wetering word DV 22 April aan sy prostaat geopereer. Mag die Here
die hande van die dokters lei sodat die operasie goed sal verloop. Ons wens hom en sr
Rietje baie sterkte toe. En ons wens br Klaas ‘n spoedige herstel toe.
Op Vrydag 29 Maart het ons die sterwe van Christus herdenk, en Sondag het ons met
blydskap in ons harte die Sy opstanding herdenk. Hy het ons sondes op Hom geneem
en in ons plek die toorn van God gedra. Laat ons dankbaar wees en met gelowige harte
met groot dankbaarheid ons blydskap bely.
1 Kor 15:55-57 – Dood, waar is jou angel? Doderyk, waar is jou oorwinning? Die angel
van die dood is die sonde, en die krag van die sonde is die wet. Maar God sy dank,
wat ons die oorwinning gee deur onse Here Jesus Christus.
BYBELSTUDIE
Mannevereniging ‘Calvyn’
Vergader DV weer op WOENSDAGAAND, 10 April 2013, om 19:30 in die biblioteek.
Die onderwerp is Génesis 50. Dit word ingelei deur br Rien van der Meer. Nuwe lede
hartlik welkom. Kontakpersoon br. Rien van der Meer. Tel. 012 332 1290

Bybelstudiegroep ‘In U Lig’
Vergader DV Wo, 10 April, om 19:30 by br Eduard en sr Sarina van Renssen; 2 Kon 7.
Bybelstudiegroep ‘Jona’
Vergader DV Wo, 10 April, by br Klaas en sr Rietjie van de Wetering; Ef 2: 11 – 22.
Bybelstudiegroep ‘Manna’
Vergader DV Wo, 10 April, by br Frank en sr Rina van der Kooy; Mal 2.
Bybelstudiegroep ‘Onésimus’
Vergader DV Wo, 10 April, by br Dave en sr Tiny Wilcocks; Rigt 14 en 15.
OPPASDIENS
7 APRIL 14 APRIL
Ma's: Cora le Roux Bob Niehof
Adri van de Wetering Tina Wibbelink
Dogters: Lize-Marie van de Wetering Marnette du Plessis
Anika van Renssen Melinda van de Erve
Alieske van ‘t Foort Chrisna-Marié van Lochem
VANAF DIE KERKRAAD
Weens die vier ampte van ouderlinge wat vakant is, het die kerkraad op sy vergadering
van 11 Maart 2013 die volgende broeders as dubbeltal gestel vir ouderlinge: Henk
Jonkers, Jaco Boersema, Rob van der Kooy, Chris van Renssen, Dries Yssel, Maurits
van de Wetering, Hillegert Wilcocks en Willem Pretorius.
Die verkiesing sal DV Sondag 21 April 2013 voor die oggend-erediens plaasvind.
SSK
Koffieskinkrooster: Sondag 7 April 2013
Sameroepster: Maritza Wilcocks (Wyk G)
Fransie Drijfhout, Alieske Drijfhout, Marié Hamelink, Marleen Heus, Cora le Roux, Elna
Momberg, Johanita Momberg, Ria Niehof, Marissa van de Wetering jnr, Sarina van
Renssen, Ada van Renssen, Carla van ‘t Foort, Lienkie Vermeulen.
Dié wyk sal ook op Sondag 14 April koffieskink.
Verwelkomingsfunksie van ds Howell en sy gesin – 13 April 2013
Die ete vir die funksie word aangebied in die vorm van ‘n vingerete. VANDAG, 7 April, is die
laaste dag om u naam op te skryf op die lys wat aangebring is op die kennisgewingbord.
Gemeentegeselligheid – Sondag 14 April 2013
Ons herinner u graag aan die gemeentegeselligheid vir ds Howell en sy gesin se
verwelkoming. Elke gesin/belydende suster word gevra om asseblief ‘n bordjie eetgoed
(dosyn vingerhappies) te bring. Plaas asseblief die bordjie voor die diens in die kombuis.

Wyk A, C, E, G, I – sout Wyk B, D, H, J – soet
Sustersoggend – Saterdag 20 April 2013
Ons vra dat indien u graag die sustersoggend wil bywoon om u naam op die lys op die
kennisgewingbord te skryf voor of op Sondag 14 April 2013. Hierdie jaar gaan ons groen en
maak ‘n mini-kruietuin. Voorbeelde hiervan is te sien in die binnehof. Ons gaan ook ‘n lekker
slaaisous maak.
VGK VROUESAAMTREK UITNODIGING
Die Vrouesaamtrekdagbestuur van die VGK gemeentes in Gauteng nooi alle susters
vriendelik uit na hul Vrouesaamtrekdag op DV Saterdag, 11 Mei 2013.
Plek: VGK Pretoria, 28ste laan 798, Rietfontein
Tyd: 09:00
Koste: R50 per person
Spreker: Marietjie Breytenbach
Kinderoppas vir 2 – 10 jariges beskikbaar teen R25 per kind (sluit eet-en drinkgoed in)
RSVP (vir self en kinders) voor 3 Mei 2013 by Harriët Hofsink: 012 332 1188/083 979 6822/
whof@telkomsa.net.
AU PAIR GESOEK
Ons benodig ‘n au pair vir ons drie kinders vanaf 19 April – 19 Augustus (naweke en
vakansies uitgesluit). Werksure is vanaf 7:00 vm tot 14:30nm. R150 per dag. Indien u
belangstel, kontak Wilma Drijfhout by 083 543 2195 of henk.drijfhout@absamail.co.za.
EEUFEESVIERING TE ZAMBIë
Dit is honderd jaar gelede dat die eerste Gereformeerde erediens in Zambië gehou is.
Die gemeentelede in Zambië, wat lidmate is van die Gereformeerde Kerk Thabazimbi, het
aangedui dat hulle die begeerte het om ‘n eeufeesviering te hou vir die 100-jarige bestaan
van die Gereformeerde Kerk in Zambië. Hierdie geleentheid sal plaasvind vanaf 5 tot 7 Julie
te Zambië. Indien daar enige lidmate van die Gereformeerde Kerke in Suid Afrika is wat
hierdie geleentheid wil bywoon word julle deur hierdie kennisgewing hartlik uitgenooi om die
geleentheid by te woon. Die komitee van Thabazimbi wat die aangeleentheid reël is Ds.
Neville Boy, oudle. Jan du Toit en Koos Venter. Indien daar enigiemand in die Kerkverband
is wat hierdie geleentheid wil bywoon kan julle net die kerkkantoor op Thabazimbi skakel
sodat ons die getalle kan bepaal. Daar is verblyf gereël teen koste. Elkeen sal sy eie
verblyfkoste moet betaal. Reisreëlings is ook elkeen se eie verantwoordelikheid. Indien u
wil vlieg kan daar reëlings getref word om u op Lusaka lughawe op te laai. Ons sal egter net
moet weet wie dit is wat kom en wanneer die vlug verwag word.
Enige navrae kan gedoen word by Ds. Neville Boy of enige een van die ander komiteelede
van Thabazimbi.