Preview - Laerskool Wierdapark

H/v Ruimteweg en Willem Bothastr.
Posbus 50990, WIERDAPARK, 0149.
Tel: (012) 654 3350 of 660 2528.
Faks: (012) 654 1140.
E-pos: info@wierdas.co.za
Webtuiste: www.wierdas.co.za
LAERSKOOL WIERDAPARK
Omsendbrief 3/2013 23 Januarie 2013
1. WIERIE
Goeiedag, maats!
Sjoe, die atletiek is opwindend. Ek het toe glad nie die span
gehaal met hoogspring nie, maar dit maak nie saak nie. Die
belangrikste is dat ek deelgeneem en dit geniet het. Geluk
aan al die Blesbokmaats – julle het skoonskip gemaak deur
die Geesbeker en die Sportbeker te wen!
Maats, hierdie week werk ons ekstra hard aan goeie
maniere. Ons moet ons maats en onderwysers respekteer
en ook nie rommel strooi nie. Ons is mos trots op ons skool
en wil die speelgrond silwerskoon hou.
Werk hard en spits jou ore in die klas.
Jul gemanierde maat
Wierie
Ek weet wat Ek vir julle beplan,
sê die Here: voorspoed en nie
teenspoed nie; Ek wil vir julle ‘n
toekoms gee, ‘n verwagting!
Jeremia 29:11
2. AANDAG OUERS
2.1 Gebedsgroepie : Alle ouers
Alle ouers word hartlik uitgenooi om deel te word van die skool se
gebedsgroepie. Daar word vir leerlinge, personeel, ouers en
skoolaktiwiteite gebid.
Dag: Maandae
Tyd: 07:45
Plek: Laerskool Wierdapark bemarkingskantoor
Navrae: annaline@wierdas.co.za of 012 654 3350
2.2 Uit die Naskoolkantoor
Wierdapark Naskool is op soek na ‘n lewenslustige dame wat lief is
vir kinders om ons leerders in die middae by te staan met hulle
huiswerk. Gee ‘n kort CV by die kantoor in. Merk dit vir Grené
Raath se aandag. Ons sal u kontak in verband met ‘n onderhoud.
Sluitingsdatum: Dinsdag, 29 Januarie 2013.
3. BELANGRIKE NUUS
3.1 Bemarking
Wil u graag u besigheid, produk of dienste in die skool se
advertensieblad (Die Wierie) adverteer? Die Wierie word weekliks
elektronies na meer as 2500 ouers gestuur. Alle advertensies (A6
en groter) verskyn ook vir ‘n week op die skool se webtuiste. U kan
ook spasie huur op die advertensieborde in Willem Bothalaan en
Ruimteweg. Verder is daar borgskapgeleenthede met spesiale
pakkette by die skool beskikbaar. Kontak gerus die skool se
bemarker by annaline@wierdas.co.za.
3.2 Laerskool Wierdapark gholfdag: Vrydag, 15 Maart 2013
U word hartlik uitgenooi om aan ons gholfdag deel te neem. Die
koste beloop R2000 vir ‘n 4-Bal (R500 per speler ). Die gholfdag
word by Zwartkop Gholf Estate gehou. Die koste sluit ‘n
verwelkomingspak en aandete in. Daar is ook uitmuntende
borggeleenthede. U ondersteuning word baie waardeer. Bespreek
by annaline@wierdas.co.za.

3.3 Rugby
‘n Rugbyinligtingsvergadering vind op Maandag, 28 Januarie
2013, om 18:30 in die skoolsaal plaas.
3.4 Atletiekbyeenkomste 2013
24 Januarie : Wierdapark, Orion, Rooihuiskraal,
Hennopspark en Constantiapark
13:00 – 18:30 by Hoӫrskool Eldoraigne
31 Januarie : By Hennopspark (nog geen inligting)
5 Februarie : By Midstream Primary (nog geen inligting)
8 Februarie : Cluster by Hoӫrskool Zwartkop – slegs die middag vir
sekere items
9 Februarie : Cluster by Laerskool Rooihuiskraal – die hele dag
16 en 17 Februarie : Distrikskampioenskap by Pilditch
1 en 2 Maart : Gauteng Kampioenskap – plek nog nie bekend
14-16 Maart : Suid-Afrikaanse Kampioenskap
3.5 Skaakafrigting 2013
Afrigtingsklasse by die skool begin op Maandag, 4 Februarie
2013.
‘n Dokument met die volledige inligting oor skaakafrigting by
die skool verskyn op die Communicator onder Bronne – Skaak.
U kan ook die dokument aanvra via epos
(ingrid@wierdas.co.za) of u kind kan ‘n hardekopie by Lab 1
kom haal.
3.6 Muurbal
Muurbal ontwikkel balans, koördinasie, uithouvermoë, krag en ratsheid.
Centurion Junior Squash ondersteun spelers vanaf 4 jaar tot graad 12.
Ons oefen by Uitsig muurbalbane en op Vrydae by Centurion
muurbalbane. Belangstellendes word genooi om te kom kyk wat ons doen
(geen verpligting). Ons doel is om van ons leerlinge aan die jaarlikse
skoleliga te laat deelneem en om 'n liefde vir die spel te kweek. Besoek
www.cjsquash.co.za vir meer inligting of skakel Maryna Fourie
by 0721309381 in verband met afrigtingstye en kostes.
3.7 Tennisuitslae: 21 Maart 2013
Seuns A Verloor vs Laerskool Elarduspark
Seuns B Verloor vs Laerskool Elarduspark
Seuns C Wen vs Laerskool Elarduspark
Dogters A Verloor vs Laerskool Menlopark
Dogters B Verloor vs Laerskool Elarduspark
Seuns O/11A Wen vs Laerskool Menlopark
Seuns O/11 B Wen vs Laerskool Hennopspark
Seuns O/11 C Wen vs Laerskool Elarduspark
4. VERSKYNSEL
Noordelike Yssee-klipringe
Die Noordelike Yssee in die verre noordelike poolstreek is ‘n diep
bevrore wêreld van sneeu en ys. Die ewige kringloop van vriesing
en ontvriesing veroorsaak klipringe. Met die uitsetting en inkrimping
van die rotsagtige grond word die rotse na die oppervlak gedwing,
waar dit dan in verskillende groottes skei. Die groter stukke word na
die buitekant gestoot en die kleiner stukke gaan lê in die middel. Dit
vorm klipringe wat kilometers vêr kan strek.
Hierdie verskynsel is só netjies dat dit mensgemaak lyk.
Charl Basson
Onderhoofseun
I. ESTERHUIZEN J.P.H. MAREE: HOOF