PUK-Bondsnuusbrief Page 1

Indien die grafika nie reg
vertoon nie, klik View > HTML.
Oud-Pukke
Bondsnuus
Mei 2006
PUK-Bondsnuusbrief
9 http://www.puk.ac.za/oud_pukke/enuusmei06.html
Adresverandering
Oud-Puk Gholfklub:
Beste Oud-Puk
Konvokasie van die NWU-Puk
Oud-Pukke is onlangs aangemoedig om as lede van die Noordwes-Universiteit se nuwe
konvokasierol te registreer en so betrokke te word by die raadsverkiesing wat teen
Augustus afgehandel moet wees. Die konvokasierol sluit binnekort vir die komende
verkiesing, maar oudstudente word aangemoedig om hul steeds te registreer op die
konvokasierol vir toekomstige verkiesings.
Die oud-Pukke word op die universiteitsraad verteenwoordig deur middel van die
Konvokasie en die oudstudente wat as lede aansluit, het die reg om kandidate te stel en
vir hulle te stem om op hierdie wyse inspraak te hê oor universiteits- en
kampusaangeleenthede. Oudstudente met grade of diplomas, asook huidige en
voormalige personeellede kan lid word. Aansluiting by die Konvokasie beloop ’n
eenmalige bedrag van R50 en met ontvangs van die geld en jou skriftelike aansoek, word
jy as Konvokasielid geregistreer . Vir navrae in die verband kontak gerus vir Vivian
Claassen by (018) 299 2768 of bkkvc@puk.ac.za. Aansoek en nominasie kan ook op die
webwerf by www.nwu.ac.za/konvokasie/2006_Konvokasieaansoekvorm_1.pdf en
http://www.nwu.ac.za/konvokasie/ gedoen word deur die relevante vorm volledig te
voltooi.
Anna Davel - SAMA Toekenning!
Die NWU-Puk is trots om aan te kondig dat een van sy
Page 1

Oud-Puk Gholfklub:
27 Mei
vs UPE en Natal
(Goldfields Wes)
2 September
vs Rhodes
(Goldfields Wes)
21 Oktober
vs Maties
(Goldfields Wes)
27 Oktober
Nasionale Davis Cup
4 November
vs Kovsies
(Goldfields Wes)
Oud-Puk-Wyngilde:
Wynproeë
14 Junie
Portproe
(Prof Gert van den Berg)
16 Augustus
KWV brandewyn- en wynproe
(Martin Snyman)
13 September
Bonnievale Blindeproe
(Sandra Roode)
11 Oktober
Bierproe
PUK-Bondsnuusbrief
Die NWU-Puk is trots om aan te kondig dat een van sy
oudstudente, Anna Davel, se 3de album, ‘Godinne op die
Grondpad’, sopas bekroon is met ‘n SAMA-toekenning as
2006 se Algehele Wenner in die kategorie: Beste Volwasse
kontemporêre album: Afrikaans.
Die nominasies is deur ’n onafhanklike komitee aangewys
uit die room van Afrikaanse musiek en buiten Davel is slegs
4 kunstenaars benoem:
Karen Zoid met haar langverwagte 3de album ‘Media’’
Lize Beekman met ‘Draadkar oor die see’ - haar 4de
nominasie’
Chris Cameleon met sy Ingrid Jonker toonsettings album
‘Ek herhaal jou’ ; en
Theuns Jordaan met sy reuse platinum trefferalbum
‘Seisoene’
Die 5 mededingers vir hierdie kategorie het Saterdag 6 Mei tydens die glansryke jaarlikse
SAMA-toekenningsfunksie by die Sun City Superbowl gewag om te hoor wie die wenners
sou wees. Kunstenaars wat opgetree het was Arno Carstens, Bongo Muffin, Ntando,
Judith Sephuma en Malaika. Die funksie word jaarliks deur SA se voorste musikante,
promotors, platemaatskappye en veterane bygewoon. Die diversiteit en sukses van die
Suid Afrikaanse musiek bedryf gevier word en erkenning word gegee aan kunstenaars
wat kwaliteit werk lewer, asook 2 kategorieë vir populariteit: Beste liedjie en mees
Populêre kunstenaar.
Na 12 jaar se harde werk en altesaam 2 SAMA- en 8 GMT nominasies, is hierdie
toekenning vir Davel ‘n groot eer en ‘n reuse verrassing. “Die feit dat ek hierdie en alle
vorige albums sonder enige hulp of finansiële ondersteuning van ‘n platemaatskappy of
agent/promotor vervaardig en bemark het, maak dit nog ‘n groter aanmoediging vir my
om voort te gaan. As ‘n individu moet mens net soveel harder werk om jou musiek by die
publiek en radiostasies uit te kry, en hierdie toekenning spoor my net verder aan.”
Godinne op die grondpad is suiwer Davel in murg en been, met witwarm, 100%
oorspronklike musiek. 13 liedjies geskryf deur Davel die afgelope 13 jaar.
Van Suid Afrika se beste musikante het saamgewerk tydens die opname van ‘Godinne’
o.a.Mauritz Lotz, Neill Etteridge, Brendan Ross, Fuzz, Vincent van Rooyen e.a. Musiek
Page 2

15 November
Wynproe
Reunies
10 Junie
SR – Reunie 1995 tot 1999
Kontak Vivian Claassen
Tel (018) 299-2768
Epos: bkkvc@puk.ac.za
8-9 Junie
Verpleegkunde 40 jarige
feesvieringe
Kontak
Mev Charmaine van der
Westhuizen
Tel (018) 299-1829
Epos:vpkcsvdw@puk.ac.za
21 & 22 Julie
Veritas
reunie
Kontak Leona Cain
Tel (018) 299-2764
Epos:bkklbc@puk.ac.za
22 Julie
Wapad vier hul 60ste
bestaansjaar
Kontak Vivian Claassen
Tel (018) 299-2768
Epos:bkkvc @puk.ac.za
20 Oktober
Eerstejaars van 1956 reunie
PUK-Bondsnuusbrief
regie is behartig deur die briljante Matthys Maree, ook verantwoordelik vir die musikale
produksie op Davel se eerste 2 albums ‘Te Diep’ en ‘Gypsy’, beide benoem vir SAMA’s
in 2001 en 2003. Haar 4de cd Linger word in Junie 2006 vrygestel, en is ‘n jazz
standard album met musiek van Nat King Cole, Frank Sinatra, Louis Armstrong en Dean
Martin.
Bekende Afrikaanse kunstenaars op "Ein Prosit"
Bekende kunstenaars soos onder meer Johannes Kerkorrel, Sally du Randt, Karin
Hougaard, Kobie van Rensburg, Anna Davel, Werner Nel, Rina Hugo, Pieter de Villiers,
Janita Claassen, die Alabama Studentegeselskap, Christa Steyn, Suzette Eloff, Danie
Niehaus, Johan van Rensburg en vele ander het saamgespan aan 'n CD-projek om geld
in te samel vir studielenings aan behoeftige oud-Pukke se kinders wat graag aan die
Potchefstroomkampus wil kom studeer. Hulle is almal deel van 'n groep van meer as
tagtig NWU-Pukkunstenaars aan wie erkenning gegee word op 'n stel van vier CD's
(genoem Ein Prosit) vir hul prestasies in die uitvoerende en skeppende kunste op
musiekgebied. [Lees meer]
Wynfees ware okkasie
Oud-Pukke en vriende van die PUK het onlangs saamgekuier by die 8ste Oud-Puk
Wynfees in Potchefstroom. Wynkelders en verteenwoordigers het ingesluit Distell, De
Wetshof Estate, Van Loveren Wyne, Wijnland Wyne, Klawer Wynkelder, Allesverloren en
Theuniskraal, Overhex Wynkelders, KWV en Bonnievale Wynkelders.
Professor ontvang gesogte toekenning
Page 3
_______________
Die Oud-Puk Wyngilde se
bestuur vir 2006 is van
links na regs: Gerrie
Benade, Johan Fourie,
Carina Coetzee, Gawie
Barnard, Alida Nienaber
(voorsitter). Afwesig:
Marthie Coetzee

28 Oktober
SR-reunie 2000 tot 2004
Saamtrekke
30 Mei
Lichtenburg
(by NWK)
Kontak Vivian Claassen by
Tel (018) 299-2768
Epos:bkkvc@puk.ac.za
2 Junie
Windhoek
(Arrebbusch Lodge)
Kontak Ds Callie Opperman
Tel 061 242004
Faks 061 231908
Sel 081 127 8238
Epos:
callie.opperman@iway.na
3 Junie
Swakopmund
(Swakopmund Primary
School)
Kontak Marie Booysen
Tel 064 405772 (h)
Tel 064 461071 (w)
PUK-Bondsnuusbrief
Prof. Gideon Greyvenstein van die fakulteit ingenieurswese aan
die Pukkampus van die Noordwes-Universiteit het ’n toekenning
as een van die land se voorste navorsers van die nasionale
wetenskap- en tegnologieforum (NSTF) ontvang. Greyvenstein is
in die kategorie vir individue as die beste navorser aangewys wat
die afgelope vyf jaar met sy navorsing en -uitsette ’n uitstaande
bydrae tot wetenskap, ingenieurswese en tegnologie in Suid-Afrika
gelewer het. Greyvenstein is tans die waarnemende direkteur van
die nagraadse skool vir kernwetenskap en ingenieurswese aan die
Pukkampus. Hy was verantwoordelik vir die netwerk
berekeningsvloeidinamika-kode bekend as Flownex, wat tot 'n
groot mate in die korrelbed modulêre reaktor (PBMR) as die
primêre termo-hidrouliese ontwerpkode gebruik word. [Lees meer]
Twee fokusareas van die NWU-Puk kry eenheidstatus
Die vreugdevure brand hoog in die fakulteit gesondheidswetenskappe nadat die
Noordwes-Universiteit pas twee fokusareas in die fakulteit tot eenheidstatus verhoog het.
Die fokusareas is geneesmiddelnavorsing- en ontwikkeling met prof. Jeanetta du Plessis
as direkteur en voorkomende en terapeutiese intervensies onder direkteurskap van prof.
Esté Vorster is pas oor die toekenning van hul nuwe status ingelig.
Die vereistes waaraan ‘n navorsingseenheid moet voldoen behels onder meer dat dit ‘n
goed gedefinieerde missie, baie duidelike en gevestigde navorsingsprogramme en
gevestigde lede moet hê. Ook moet noue samewerking en spanwerk tussen die
subprogramme bestaan. Hierdie vereistes word baie streng toegepas tydens die
keuringsproses. [Lees meer]
Hulle is selfs beter as die Springbokke!
Page 4

Tel 064 461071 (w)
Sel 081 261 9834
Epos: dimarimi@iway.na
24 Junie
Rustenburg
4 Augustus
Bloemfontein
16 Augustus
Ingenieurswese
(Johannesburg)
17 Augustus
George
6 Oktober
London
7 Oktober
Hombré
14 Oktober
Witrivier
Vir meer inligting oor
saamtrekke of reünies, kontak
gerus Vivian Claassen by
(018) 299-2768 of epos:
bkkvc@puk.ac.za
Gereelde PUKnuus?
besoek
www.puk.ac.za
PUK-Bondsnuusbrief
Die eer wat vier Pukke te beurt geval het, is
selfs beter as om vir ’n Springbokspan
gekies te word! Die vier studente, Jana du
Plooy, Ferdi Liebenberg, Mandie Schutte en
Tina Tshupane, wat almal musiek studeer,
is vier van slegs vyf sangers in Suid-Afrika
wat vir die wêreldjeugkoor gekies is.
________________
Van links is Ferdi Liebenberg, Jana du
Plooy, Mandie Schutte en Tina Tshupane.
Volgens Peet Ryke van die departement kultuur op die Puk-kampus, is dit ’n groot eer om
vir dié koor gekies te word. Oudisies van honderde kandidate word van oral in die wêreld
ontvang en word deur drie van die wêreld se beste koordirigente gekeur. Ryke sê die
standaard van Suid-Afrikaanse kore is van die beste in die wêreld. Ryke sê die Puk is
sedert 2005 die werwingsentrum vir die wêreldjeugkoor. Die universiteit is ook van vanjaar
die sentrum om lede vir ‘n wêreldjeugsimfonieorkes te werf. [Lees meer]
NWU eerste met 'n leerstoel in kerningenieurswese
Die Noordwes-Universiteit is die eerste universiteit in Suid-Afrika aan wie 'n leerstoel in
kerningenieurswese toegeken is. Die toekenning van R11 miljoen oor vyf jaar deur die
departement van wetenskap en tegnologie in samewerking met die PBMR-maatskappy sal
aangewend word vir 'n professoraat in kerningenieurswese en die hele infrastruktuur
rakende onderwys en navorsing.
Die universiteit is al geruime tyd op die voorpunt van navorsing en ontwikkeling van
simulasieprogrammatuur vir die ontwerp van Suid-Afrika se eerste korrelbedkernreaktor
(PBMR) kragstasie, s ê prof. Gideon Greyvenstein, programleier. Hierdie programmatuur
speel 'n sleutelrol in die ontwerp van die nuwe korrelbed modulêre reaktor (PBMR)
kernkragaanleg wat tans in Suid-Afrika ontwikkel word.
Vir nagraadse- en navorsingsnavrae kontak die Nagraadse Skool vir Kernwetenskap en
Ingenieurswese by (018) 299-4363. [Lees meer]
Maatskaplike werkers nou beter toegerus vir hof
Die geweldige toename in kindermolestering en -mishandelingsake in Suid-Afrika stel al
Page 5

PUK-Bondsnuusbrief
Die geweldige toename in kindermolestering en -mishandelingsake in Suid-Afrika stel al
hoër eise aan maatskaplike werkers om deskundige getuienis in howe te lewer. Die
Potchefstroomkampus van die Noordwes-Universiteit is die enigste universiteit in die land
wat van vanjaar ’n meestersgraad (maatskaplike werk) in forensiese praktyk aanbied. Die
graadkursus sal die leerder toerus om op ’n gevorderde vlak in die hof as deskundige op
te tree. Die programleier, dr. Cornelia Wessels, wat self al by etlike sake sulke getuienis
moes lewer, sê meer en meer maatskaplike werkers word as gevolg van hoë statutêre
ladings aan die eise van howe blootgestel. Die hoë eise het tot gevolg dat maatskaplike
werkers aan die hof moet bewys kan lewer dat hulle deskundiges is en oor die nodige
kennis, vaardighede en ervaring beskik.
As gevolg van die geweldige toename word daar ’n verdere verwagting deur die howe
geskep, naamlik dat maatskaplike werkers die howe van hulp sal wees in die assessering
van hierdie kinders en die skuldigbevinding van die molesteerder. Die behoefte na so ’n
kursus spruit nie net uit die praktyk nie, maar ook vanuit die Beroepsraad, SA Raad vir
Maatskaplike Diensberoepe. In Suid-Afrika bestaan daar tans nog geen nagraadse
kwalifikasie op ’n M-vlak in forensiese maatskaplike werk nie. Die opleiding van
maatskaplike werkers in dié spesialiteitsveld bied ook nuwe geleentheid vir navorsing.
Baie min navorsing is tot nog toe op die gebied binne die Suid-Afrikaanse konteks
gedoen. Die onderrig en opleiding behels teoretiese en praktiese werk, asook ’n
navorsingsprojek van beperkte omvang.
Vir meer inligting oor die meestersgraad skakel dr. Cornelia Wessels by (018) 299-1683 of
rig skriftelike navrae aan mwkccw@puk.ac.za [Lees meer]
NWU-Puk bied Afrikaans in België aan
“Dit is vir ons ’n oorwinning vir Afrikaans en sluit die venster vir Afrikaans na Europa
verder oop. Dit is beslis ’n veer in die hoed vir die Puk en vir Afrikaans.” Só sê prof.
Wannie Carstens, direkteur van die skool vir tale, n á ’n ooreenkoms onlangs met die
Universiteit van Antwerpen (UA) in België gesluit is om Afrikaans later vanjaar as
akademiese keusevak in die opleiding van taal- en letterkundestudente daar te begin
aanbied.
Ná jare se gesprekke en onderhandelinge het die planne vanjaar vrugte afgewerp.
Carstens sê die proses het reeds in 1994 begin en aanvanklik is ooreenkomste slegs vir
die uitruil van studente gesluit. Die kursus sal vir ’n proeftydperk van twee jaar aangebied
word en behels ’n kursus in letterkunde vir een semester en ’n tweede semester met
Page 6

PUK-Bondsnuusbrief
taalkunde. Die kursus sal dan vir lewensvatbaarheid en effektiwiteit evalueer word.
Hy sê dié stap bewys dat die NWU se Potchefstroomkampus inisiatiewe in belang van
Afrikaans neem. Dit is ook ’n voortsetting van die toewyding van dosente van Afrikaans
en Nederlands by hul vak en die uitbou daarvan. “Dit is vir ons belangrik dat Afrikaans in
sy moederland oorleef en ook daar verder uitgebou word.” [Lees meer]
Medewerkers: Karien Brits, Vivian Claassen en Lieze du Preez
Page 7