Die storie v.d. hoender arend

Die storie v.d. hoender arend
Die arend wat nie geweet het wie hy is nie

‘n Indiaan
het op ‘n
wandeling
deur die bos,
‘n arendeier
op die gras
onder ‘n
groot boom
gevind
Hy het
opgekyk en
besef die nes
was te hoog
vir hom om
die eier weer
terug te kon
sit

Daarop het hy die ardendeier
in ‘n hoendernes gaan sit

Dit was nie lank nie,
toe het die eier uitgebroei

Die jong arend het saam met die ander
hoenders grootgeword.
Wat die hoenders ookal gedoen het,
het die arend ook gedoen.

Alhoewel hy ‘n arend was,
het hy die mentaliteit van ‘n hoender gehad,
soos ‘n hoender gedink
en soos ‘n hoender opgetree.

Eendag het hy die geroep van ‘n
arend gehoor, toe ‘n volwasse arend
hoog bokant hom verbygevlieg.
Hy’t dadelik opgekyk,
aandagtig geluister en
gekyk totdat die arend
in die son verdwyn het.
Sy hart het vinnig
geklop en iets het in
hom wakker geword
van daardie dag af.

“Wie is dit?” het hy die hoenders
rondom hom gevra.
“Dis ‘n arend, die koning v.d.
voëls”, het hulle geantwoord.
“Maar hy hoort in die lug;
ons hoort op die grond – ons
is hoenders”

Maar hoe meer hy dag na dag
die arend daar hoog bo in die
lug dopgehou en oor en oor na
sy geroep geluister het ... hoe
meer het hy begin verstaan
wie hy eintlik is en dat hy nie
veronderstel is om in die stof
te skrop en by hoendergevegte
betrokke te wees nie,
maar dat hy daar bó saam met
die arende hoort!

Arend?
of
Hoender-arend?

Een v.d. mees misrabele
persone is die hoender-arend
Christen, wie in sy hart ‘n arend
is, maar vasgevang is tussen
die hoenders (die wêreld)
- terwyl hy dink, praat & leef
soos die wêreld en weinig van
Christus weerspieël.
Hy bereik nie sy potensiaal in
Christus nie.

Kyk weg van jouself
& die hoender-goed rondom jou!
FOKUS OP JESUS!
-Dis die enigste manier waarop jy sal word
wat God wil hê jy moet wees!

2Kor. 3:18 AOV
En terwyl ons almal met onbedekte gesig soos in
‘n spieël die heerlikheid van die Here aanskou,
word ons van gedaante verander na dieselfde
beeld, van heerlikheid tot heerlikheid, as deur
die Here wat die Gees is.

Hoe meer ek op Jesus fokus
en sy heerlikheid aanskou (in aanbidding)
& hoe meer ek sy stem hoor (sy woord lees)
... hoe meer sal ek weet wie ek is, en wat ek
gemaak is om te wees

Ten einde my lewensdoel en identiteit te
vind, moet ek op my Skepper fokus,
want ek is in sý beeld gemaak (Gen.1:26)

As jy jou oë van Jesus af neem, sal jy vergeet
wie jy in Hom is & sal die vyand vir jou leuens
begin vertel aangaande jouself, om jou
daarvan te weerhou om die mens te wees
wat God wil hê jy moet wees.

Slegs as God se woord prominent is in
jou denke, sal jou gedagtes vernuwe word
met die kennis van wie jy is in Christus

Die enigste plek waar ek ‘n akurate
beeld van my nuwe wedergebore
geesmens sal sien, is in die geestelike
spieël, die woord van God

Onthou wie jy is in Christus!

Ek is - vergewe en is gewas in die BLOED van
Jesus – Ef.1:7; Kol.1:14; Op.1:5b
Ek is - ‘n nuwe skepsel – 2Kor.5:17
Ek is - verlos uit die mag v.d. duisternis & oorgebring
in God se koninkryk – Kol.1:13
Ek is - losgekoop v.d. vloek v.d. wet – Gal.3:13
Ek is - geseënd – Gal.3:9
Ek is - die kop en nie die stert nie – Deut.28:13
Ek is - vrygemaak – Joh.8:31-32
Ek is - kragtig in die Here – Ef.6:10
Ek is - dood vir die sonde – 1Pet.2:24
Ek is - meer as ‘n oorwinnaar – Rom.8:37

Ek is - ‘n mede-erfgenaam van Christus – Rom.8:17
Ek is - begenadig en aanvaar in die Geliefde – Ef.1:6
Ek is - volkome in Christus – Kol.2:10
Ek is - lewendig gemaak in Christus – Ef.2:5
Ek is - vry van veroordeling – Rom.8:1
Ek is - uit God gebore en die duiwel het geen houvas
op my nie – 1Joh.5:18
Ek is - die sout v.d. aarde – Matth.5:13
Ek is - die lig v.d. wêreld – Matth.5:14
Ek is - die geregtigheid van God – 2Kor.5:21
Ek is - ‘n deelgenoot v.d. Goddelike natuur – 2Pet.1:4
Ek is - God se maaksel, geskape in Christus vir goeie
werke – Ef.2:10
Ek is - genees deur Christus se wonde – 1Pet.2:24

Glo dit!
Aanvaar dit!
Bely dit!

Daarom dan ...
Raak ontslae v.d. hoender-dinge
en rig jou gedagtes op Christus wie sy
heerlikheid met jou deel

Kol.3:1-10 AOV
(1) Aangesien julle saam met Christus uit die
dood opgewek is, moet julle strewe na die dinge
daarbo waar Christus is, waar Hy aan die
regterhand van God sit. (2) Rig julle gedagtes
op die dinge wat daarbo is, nie op die dinge wat
op die aarde is nie, (3) want julle het gesterwe,
en julle lewe is saam met Christus verborge in
God. (4) Wanneer Christus, wat julle lewe is,
by sy wederkoms verskyn, sal julle ook saam
met Hom verskyn en in sy heerlikheid deel.

(5) Daarom moet julle die aardse dinge
doodmaak wat nog deel van julle lewe is:
onsedelikheid, onreinheid, wellus, slegte
begeertes, en gierigheid, wat afgodery is (6)
Deur sulke dinge kom die straf van God oor die
mense wat aan Hom ongehoorsaam is. (7)
Vroeër het julle ook aan dié dinge meegedoen
toe julle nog daarin gelewe het. (8) Maar nou
moet julle al hierdie dinge laat staan: woede,
haat, nyd en gevloek. Vuil taal moet daar nie
uit julle mond kom nie, (9) en moenie vir
mekaar lieg nie. Julle het met die ou, sondige
mens en sy gewoontes gebreek (10) en leef
nou die lewe van die nuwe mens, wat al hoe
meer vernuwe word na die beeld van sy
Skepper en tot die volle kennis van God.

GEBED
dat jy mag toeneem in jou kennis
van wie Christus is
en van wie jy in Hom is

Ef.1:17-19 AOV
(17) dat die God van onse Here Jesus Christus, die Vader van
die heerlikheid, aan julle die Gees van wysheid en openbaring in
kennis van Hom mag gee, (18) verligte oë van julle verstand,
SODAT JULLE KAN WEET
a. wat die hoop van sy roeping
b. en wat die rykdom van die heerlikheid van sy erfdeel onder
die heiliges is;
c. (19) en wat die uitnemende grootheid van sy krag is vir ons
wat glo, na die werking van die krag van sy sterkte
(20) wat Hy gewerk het in Christus toe Hy Hom uit die dode
opgewek het en Hom laat sit het aan sy regterhand in die
hemele, (21) bo alle owerheid en mag en krag en
heerskappy en elke naam wat genoem word, nie alleen in
hierdie wêreld nie, maar ook in die toekomstige.