Junie 2013 - Murraysburg
Junie 2013 - Murraysburg
Junie 2013 - Murraysburg
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Annie Slabbert vier 95 jaar<br />
Dinsdag, 26 Maart, was ´n feesdag in <strong>Murraysburg</strong><br />
aangesien een van die dorp se oudste en mees<br />
geliefde inwoners, Annie Slabbert, of tant Annie<br />
soos sy algemeen bekend is, haar 95ste verjaarsdag<br />
in goeie gesondheid kon vier.<br />
Sy het sommer vroeg die oggend al die<br />
toegeneentheid van Huis Spitskop se personeel<br />
ervaar toe hulle haar meerstemmig toegesing het.<br />
Daarna was dit so tussen al die oproepe deur ´n<br />
geskarrel om die dame van die dag gereed te kry vir<br />
die teeparty, wat ter ere van haar deur Johanna van<br />
der Merwe, vroeër van Stellenboschvlei, aangebied<br />
is.<br />
Nie minder as 25 dames, van heel jonk tot self in die<br />
neëntig, het tant Annie, mooi versorg soos altyd,<br />
ingewag en amper met hulle goeie wense oorweldig.<br />
Dat Annie Slabbert by jonk en oud geliefd is,<br />
spreek boekdele vir haar warm persoonlikheid.<br />
Elkeen geniet dit om by haar te kuier omdat sy ten<br />
spyte van haar hoë ouderdom steeds vir ander<br />
omgee, op hoogte van die sake van die dag is en<br />
nooit oor die skete en kwale, wat ongenooid met die<br />
jare kom, kla of praat nie. Natuurlik help haar<br />
besondere humorsin haar om die minder aangename<br />
te hanteer. Sy is waarlik geseënd om verstandelik<br />
nog so wakker te wees!<br />
Daar is heerlik saamgekuier, stories uit die verre<br />
verlede opgediep en die keurige eetgoed saam met<br />
die tee geniet. Sommige dames ken tant Annie nog<br />
as Annie Henn, wat baie jare gelede met haar man<br />
na <strong>Murraysburg</strong> gekom het. Hy het ongelukkig op ´n<br />
-3-<br />
jong ouderdom siek geword en het tant Annie hom<br />
liefdevol versorg. Na sy oorlye het sy by die<br />
munisipaliteit gewerk en vertel vandag nog hoe dit<br />
hulle eer was om die gemeenskap flink te dien.<br />
Niemand het gekla indien die diens na ure gelewer<br />
moes word nie!<br />
Toe sy met Chris Slabbert van Voetpad getroud is,<br />
het sy die dorp vir die plaas verruil, maar ´n aktiewe<br />
rol in die gemeenskap gespeel.<br />
Al het sy nie eie kinders nie het sy in haar<br />
broerskind, Johanna van der Merwe, meer as ´n<br />
dogter gevind en het die twee ´n heel besondere<br />
verhouding. Dit is vir beide wonderlik dat Johanna<br />
nou skuins oor die straat van Huis Spitskop woon.<br />
Mariette Slabbert, skoondogter van haar tweede<br />
man, is ook soos ´n eie dogter. Sy het spesiaal van<br />
Graaff-Reinet gekom en nog ´n jarelange buurvrou<br />
en vriendin, Margaret Biggs, saamgebring.<br />
Daar is nie ´n beter rolmodel vir met grasie oud te<br />
word as Annie Slabbert nie! Alle <strong>Murraysburg</strong>ers<br />
wens hierdie baie spesiale dame ´n gesonde en<br />
geseënde nuwe lewensjaar toe en sy op haar beurt<br />
waardeer alle goeie wense opreg.<br />
Tuinbou op Spingfontein<br />
Die Aprilvergadering van die Tuinbouklub het by<br />
Maryna Wallis op Springfontein plaasgevind. Ter<br />
opening lees sy voor uit ´n gratis koerantjie, propvol<br />
tuinwenke en interessanthede. Dit is by CMW<br />
beskikbaar.<br />
Dr. Rachel Hobson, ´n bekende tuinboukundige<br />
woonagtig in Graaff-Reinet se distrik, vertel die lede<br />
meer van baardirisse. Heel gepas, omdat irisse in<br />
alle kleure voorkom, is die naam iris afkomstig van<br />
die Grieks vir godin van die reënboog.<br />
Indien hulle reeds die volgende somer moet blom, is<br />
Oktober en November ´n goeie planttyd, maar hulle<br />
kan ook van Maart tot Mei, wanneer die ergste<br />
somerhitte verby is, geplant word. Alhoewel hulle<br />
erge koue in die winter kan trotseer, benodig hulle<br />
vanaf die laat winter tot die lente minstens 6 ure se<br />
sonlig per dag.