Laai boek af : PDF - israelmusthear.co.za

Inleiding
Hierdie studie word nie gegee met die doel om sensasie te maak of om
nuuskierigheid te bevredig nie. Die Profetiese Woord is aan ons gegee om
ons te bemoedig en te waarsku:
En ons het die profetiese woord wat baie vas is waarop julle tog moet ag
gee soos op ‘n lamp wat in ‘n donker plek skyn, totdat die dag aanbreek en
die môrester opgaan in julle harte; - 2 Petrus 1:19).
Die geweldige vinnige groei van die Kommunisme kan miskien as die
grootste wonderwerk van ons moderne tyd beskou word. Die statistieke is
ontstellend en selfs skrikaanjaend. Hulle het in 1917 ‘n gevolg van 40,000
gehad; in 1962 is hulle in absolute beheer van oor die een biljoen mense.
Soos dr. Fred Schwarz dit stel in sy boek: “The Heart, Mind and Soul of
Communism” (Geskryf in 1956) “Hulle het diegene onder hulle beheer by
20,000 binne 40 jaar vermenigvuldig, dit is ‘n vermeerdering van
2miljoen%. Ten einde hulle droom van wêreldoorheersing te verwesenlik,
moet hulle net die huidige bevolking onder hulle beheer met drie
vermenigvuldig. Enigiemand wat nie deur hierdie gegewens ontsteld en
uiters verontrus raak nie, as skynbaar sonder enige sin van
verantwoordelikheid of enige vermoë om helder te dink, en is seker
heeltemal tevrede met ‘n gewone diere bestaan sonder enige gedagte aan
die dag van môre”.
Aan die hoof van hierdie Godlose en Antichris monster staan Rusland, die
magtigste nasie op aarde vandag. Die stelling dat, menslik gesproke, die
Wit Westerse Nasies of algehele verslawing of totale uitwissing in die gesig
staar is nie swartgalligheid nie, maar sober, naakte realisme.
Maar dank God, daar is ‘n weg van ontkoming. Die Bybel het Rusland en
baie van haar bondgenote alreeds 2550 jaar gelede op hulle naam
genoem. Dit is een van die merkwaardigste bewyse dat die Bybel waar is.
Ons sal nou hiervandaan aangaan om uit die profesieë van die Bybel vir u
te bewys hoedat God so lank gelede die toestande presies soos ons hulle
vandag ondervind, aan sy diensknegte geopenbaar het. Mag God skenk
dat dit vir u, liewe leser, terug na u Bybel sal stuur, en u sal lei tot ‘n
lewende geloof in Jesus Christus as u Saligmaker en Heer. Hy is die
enigste Een wat ons kan red: Dit sal Hy ook doen wanneer Hy kom om hier
op hierdie aarde as Koning van alle konings Heer van alle here te regeer.
Maar alleen diegene wat weergebore is sal burgers van daardie koninkryk
wees - (Joh. 3:3,5,7).
In die Boek van Eségiël gee hoofstukke 38 en 39 so ‘n akkurate
beskrywing van Rusland en haar bondgenote soos hulle vandag is dat
Bybel studente hulle die Russiese hoofstukke van Eségiël genoem het.
3