You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Op in stuit seagen wy ynienen yn‟e fierte in rôffûgel: in Mûzebiter (Buizerd)! Swarte krieën (Zwarte<br />
kraaien) fleagen om him hinne om him fuort te jeijen!<br />
Efkes letter seagen we noch in rôffûgel: de Brune Hoanskrobber (Bruine Kiekendief). Hy<br />
skommele moai oer‟t reidfjild, kin ynienen draaie en keare. Prachtich moai om te sjen! Us lêste<br />
rôffûgel dy‟t wy seagen wie in Reade wikel (Torenvalk), dy‟t sa moai stean<br />
kin te „bidden‟. Hy beweecht dan hiel hurd mei syn wjukken en hat de sturt<br />
breedút stean. Sa loert er in skofte nei syn proai en dûkt dan ynienen rjocht<br />
nei ûnderen om dy te gripen. Hy sjocht sa skerp dat er fan 100 meter ôf de<br />
mûskes al sjen kin. Sels de „pisspoaren‟ fan mûskes nimt er waar!<br />
By de Putten ûntduts Sieberen in „Heidehipper‟<br />
op in hikkepeal. Nee, net it Tykster<br />
doarpskrantsje! <strong>It</strong> is in fûgeltsje sa grut as in mosk. Hy is hjir fan maart<br />
oant oktober. Hy briedt yn stienheapen (ek bou-ôffal) en kninehoalen.<br />
Yn‟t Nederlânsk hjir er „Tapuit‟.<br />
In oar lyts fûgeltsje dat wy seagen wie in Putter. Hy siet moai boppe<br />
op in Tuorrebout (Lisdodde) oftewol „Bollepyst‟ (sa neamd op „e<br />
klaai..).<br />
Op‟e weromreis kamen in pear famkes yn‟e Brannettels<br />
telâne! Baukje behannele har mei de bledtsjes fan‟e<br />
Tongerblom (Hondsdraf). Hja wriuwde de bledtsjes<br />
foarsichtich op‟e seare plakken en it holp echt! In tip: it<br />
Tongerblomke groeit faak yn‟e buert fan Brannettels!<br />
Trouwens, der binne wylde planten dy‟t wy ite kinne. Mar<br />
dêr witte wy eins neat mear fan. Baukje liet de bern de<br />
Sûchnettel (Witte dovenetel) sjen. De bledtsjes fan dizze<br />
plant kinne iten wurde as spinaazje. En yn‟e wite<br />
blomkes sit sop dat smakket nei hunich. In pear bern ha<br />
it preaun en fûnen it lekker!<br />
Der wiene ek jonges dy‟t op‟e Soere surk (Veldzuring) kôgen. Ik ha it net besocht, mar it skynt wat<br />
rabarbereftich, soerich te priuwen. <strong>It</strong> moat ryk oan vitamine C wêze, eartiids waard it wol iten tsjin<br />
„skuorbûk‟ (scheurbuik). De plant kin brûkt wurde yn sla en om sop fan te meitsjen.<br />
Op‟t lêst bin wy noch efkes nei de fûgelkykhut oan´t begjin rûn. Dat wie de ein fan in skitterende<br />
ekskurzje!!<br />
De bern wiene hiel belutsen en ynteressearre. Mei it prachtige waar derby, koe it net moaier!<br />
43
Change language