BOSBOU - Department of Labour

1. 1. WAT IS DIE RISIKO’S VAN BOSBOUBEDRYWIGHEDE?
Bosarbeid word gekenmerk deur handwerksaamhede wat insluit die vel van bome, aftakking,
dwarshoutsaag en ontbasting. Meganiese werksaamhede omvat die meganiese vel van bome met
houtontginningsmasjiene, en die afvoer en verwydering van stamlengtes en saagblokke. Bosarbeiders
wat bome met kettingsae vel word waarskynlik aan die grootste risiko’s in die bedryf blootgestel.
Hoërisikowerksaamhede sluit in die vel van dooie bome of bome wat op ander leun, die hantering
van bome wat deur die wind omgeruk is en opruiming na bosbrande. Boomplanters wat swaar dra aan
saailinge en in ongemaklike posisies plant, loop ook risiko’s. Plaag- en swamdoders wat vir saailinge gebruik
word, hou ook ‘n gevaar in.
Die beroepsgesondheid- en veiligheidskwessies wat dikwels met bosboubedrywighede in verband
gebring word, sluit hoofsaaklik die volgende in:
••
Fisiese gevare
- Klimaat
- Motorhandarbeid
- Geraas
- Vibrasie
••
Chemiese gevare
••
Biologiese gevare
••
Masjienveiligheid.
1.1 FISIESE GEVARE
1.1.1 Klimaat
Om in die buitelug te werk, onderworpe aan klimaatsomstandighede, is vir bosarbeiders beide positief
en negatief. Vars lug en goeie weer is goed, maar ongunstige omstandighede kan probleme veroorsaak.
4 > Gesondheid en Veiligheid in Bosbou
••
Werk in ‘n warm klimaat plaas druk op die bosarbeider wat met swaar werk besig is. Onder meer
verhoog die hartspoed om die liggaamstemperatuur laag te hou. Sweet beteken ‘n verlies aan
liggaamsvloeistowwe.
Harde werk in hoë temperature beteken dat ‘n werker dalk 600 ml
water per uur moet drink om die liggaamsvloeistofbalans te behou