Create successful ePaper yourself
Turn your PDF publications into a flip-book with our unique Google optimized e-Paper software.
<strong>12</strong> Nuus <strong>Krit</strong> <strong>12</strong> <strong>April</strong> <strong>2017</strong><br />
OMGEWING: FEESGANGERS VERWELKOM DEUR ‘KLIPKOPPIE’<br />
‘Klippeprojek maak geen sin’<br />
Marchelle van Zyl<br />
Katot Meyer gee om oor wat<br />
rondom hom in die natuur gebeur,<br />
en hou nie van die KKNK se klippeprojek<br />
nie.<br />
moet op<br />
alles bespaar,<br />
‘‘Ons<br />
maar nie op<br />
ordentlikheid nie.<br />
— KATOT MEYER,<br />
OMGEWINGSAKTIVIS<br />
15 omgewingsvriendelike wenke<br />
Meyer en Snyman is dit eens dat feesgangers kan bydra tot ’n groener fees. Hier is 15 van hul nuttige wenke:<br />
Dis lekker om met vakansie<br />
te wees. Ons kamp.<br />
Braai. Kyk shows. Loop<br />
rond. Speel. Mors. Verbruik. En<br />
mors nog ’n bietjie. Dis mos<br />
maar wat mense doen wanneer<br />
hulle ontspan. Hulle vergeet van<br />
die mense en omgewing om hulle.<br />
Hoe vaar die feesgangers in<br />
Oudtshoorn?<br />
“Toe ek vanoggend by my<br />
deur uitstap, lê daar net sigaretstompies<br />
oral.” Katot Meyer is<br />
’n omgewingsaktivis. Hy is nie<br />
’n ou wat bome gaan drukkies<br />
gee nie – hy gee net om wat<br />
rondom hom gebeur en hoe ons<br />
as mense daarop reageer.<br />
“Ek en jy sit in ’n reservaat.<br />
Het jy dit geweet? Ons het ’n reservaat<br />
op ons voorstoep,” vertel<br />
Meyer.<br />
Die Gouritz Groepbiosfeerreservaat<br />
(GGBF) strek vanaf<br />
Stilbaai in die suide tot Prins<br />
Albert in die noorde, Montagu<br />
in die weste tot anderkant Uniondale<br />
in die ooste. Dis gróót.<br />
En Oudtshoorn is amper in die<br />
middel hiervan. Dis in 2015 deur<br />
Unesco as die sewende biosfeerreservaat<br />
in Suid-Afrika erken.<br />
Op ’n wêreldskaal is die Gouritz-biosfeer<br />
uniek en uitsonderlik<br />
omdat dit die enigste een is<br />
waar drie erkende biodiversiteitsbrandpunte<br />
by mekaar uitkom<br />
– die fynbos-, sukkulente<br />
Karoo- en subtropiese ruigtewoud-brandpunte,<br />
word in die<br />
inligtingstuk van die GGBF verduidelik.<br />
“En omdat ons in ’n reservaat<br />
sit, is ek besorg oor die klippeprojek.<br />
Wat is die doel hiervan?<br />
Die koppie self is al rééds ’n<br />
kunswerk. Wie gaan dit onderhou?<br />
Wat is die sin daarvan?”<br />
vra Meyer.<br />
“Dit sou vir my meer sin gemaak<br />
het om die klippe bruin te<br />
verf. Gaan gooi dit in die slote<br />
vir erosie, dán doen jy ten minste<br />
iets nuttigs,” stel Meyer<br />
voor. “Ons moet op alles bespaar,<br />
maar nie op ordentlikheid<br />
nie. Ons móét sê: ‘Yeah!<br />
Ons is in ’n reservaat’. Maar<br />
nou is ons soos ’n klomp skape.”<br />
Adam Brooke, Absa se borgskapbestuurder,<br />
verduidelik<br />
hoekom mense klippe verf by<br />
die fees: “Tydens vanjaar se<br />
KKNK skep Absa, wat die ondersteuning<br />
van die kunste<br />
vooropstel, ’n klip-installasie<br />
wat beide kunsvoorligters en<br />
feesgangers betrek. Feesgangers<br />
word met ’n tien voet hoë Absa<br />
‘Kuns Wen’-boodskap op ’n prominente<br />
koppie buite die dorp<br />
begroet.<br />
“Feesgangers kry kans om hul<br />
persoonlike kreatiewe stempel<br />
op die ‘dorp se nuwe gesig’ af te<br />
druk deur hul eie kunstige klippe<br />
by te dra om ‘Oudtshoorn’ op<br />
dieselfde koppie te help spel.<br />
“ ’n Omgewingsimpakstudie is<br />
voor die projek deur geakkrediteerde<br />
omgewingskenner Colin<br />
Wylie voltooi en hy hou deurlopend<br />
toesig tydens die uitvoering<br />
daarvan, om te verseker<br />
dat daar binne die riglyne – wat<br />
) Gooi jou rommel in die vullisblikke wat voorsien<br />
word.<br />
) Stap eerder as om elke keer te moet ry of bring ’n<br />
fiets saam.<br />
) Ondersteun stalletjies wat ekovriendelike verpakking<br />
aanbied.<br />
) Vat ’n drasak saam stalletjies toe en sê nee vir ’n<br />
plastieksak.<br />
) Drink water uit glasbottels in plaas van om plastiekbottels<br />
te koop.<br />
) Gebruik plastiekbottels meer as een keer.<br />
) Vra vir ‘n papiersakkie eerder as plastiek.<br />
) Rokers, gooi jul toppies weg! Of dra ’n klein botteltjie<br />
met water saam en gooi jou toppie daarin om later<br />
weg te gooi.<br />
) Dring aan op herwinningsdromme en sorteer gemors<br />
uit.<br />
) As jy op reis is en jy stop vir ’n heerlike piekniek,<br />
vat jou gemors saam met jou en herwin. Moet dit nie<br />
eers in die vuilgoedblikke langs die pad gooi nie.<br />
) Wat jy inbring, moet jy uitvat. Veral as jy in die veld<br />
kamp of langs die pad stop.<br />
) Wees bewus van jou waterverbruik. Stort korter.<br />
) Dring aan op minder plastiekverpakking waar jy by<br />
stalletjies of winkels koop.<br />
) Doen jou huiswerk voor jy op ‘n plek stop om iets<br />
te koop of by ’n plek oornag. Vind uit of vra wat hulle<br />
vir die omgewing doen. Vra die moeilike vrae: Herwin<br />
julle? Het julle ’n inheemse tuin? Hoe bespaar julle water?<br />
Sit druk op besighede om die proses aan te help.<br />
) Leef volhoubaar ter wille van die geslagte wat ná<br />
ons kom.<br />
deur die plaaslike owerhede<br />
goedgekeur is – gehou word.”<br />
Maar wat doen die KKNK om<br />
groener te wees?<br />
Rhodé Snyman, uitvoerende<br />
hoof van die KKNK, verduidelik<br />
dat alle stalletjiehouers en kontrakteurs<br />
wat by die KKNK betrokke<br />
is, aangemoedig word om<br />
alle inrigting van stalletjies, gebruiksgoedere<br />
en verpakkingsmateriaal<br />
so omgewingsvriendelik<br />
moontlik te hou.<br />
“Die KKNK, in samewerking<br />
met ’n plaaslike kontrakteur en<br />
die Oudtshoorn-munisipaliteit,<br />
sien toe dat herwinning van<br />
feesrommel by ’n tydelike stortingsterrein<br />
gedoen word.”<br />
Stap saam terug in Oudtshoorn se verlede<br />
Maryke Roberts<br />
As die geskiedenis van Oudtshoorn<br />
jou fassineer, is daar<br />
twee daaglikse toere wat jy kan<br />
meemaak om die dorp se vervloë<br />
dae aan jou bloot te lê. Die<br />
een is al verskeie jare ’n hoogtepunt<br />
op die feeskalender en<br />
word deur die Vriende van die<br />
CP Nel Museum aangebied.<br />
’n Nuwe toer vanjaar is die<br />
Velskoen Shuffle, aangebied<br />
deur Potskerf Inheemse Kennis<br />
en Erfenis Navorsingsentrum.<br />
Die toergids, Jeremy-Dao van<br />
Wyk, ontmoet stappers voor die<br />
toerismekantoor.<br />
Hy vertel die erfenisroete van<br />
sowat 2,8 km sluit agt erfenispersele<br />
in. “Let wel, dis die velskoen-shuffle,<br />
ons shuffle nie die<br />
kabinet hier nie,” lag hy.<br />
“Ons gee die geskiedenis ’n<br />
lekker inheemse inslag. Die toer<br />
fokus op die drie komponente<br />
wat die grootste rolspelers was<br />
in die Oudtshoorn soos ons dit<br />
vandag ken,” vertel hy. “Die<br />
drie komponente is die Jode,<br />
Afrikaners en mense van gemengde<br />
afkoms soos die Khoi,<br />
San en Hottentotte. Vandag het<br />
Die Velskoen Shuffle se toergids, JeremyDao van Wyk, verduidelik die staptog aan ’n paar feesgangers.<br />
Foto: CLIFFORD ROBERTS<br />
ons nie soos baie ander dorpe<br />
afguns en bakleiery tussen mense<br />
nie; ons dorp werk saam en<br />
ons vat hande.”<br />
Wat het jy nodig vir die stap?<br />
Goeie skoene, ’n hoed teen die<br />
son en ’n bottel water. Jeremy<br />
sê ook jy moet jou lagspiere en<br />
ingesteldheid reg hê, want jy<br />
gaan baie dinge leer wat jy nie<br />
geweet het nie.<br />
Waar begin dit?<br />
Voor die Oudsthoorn-toerismekantoor,<br />
agter die CP Nelmuseum.<br />
Hoe lank duur dit?<br />
60 minute.<br />
Wat gaan ek leer wat ek nie<br />
op die ander historiese toer<br />
gaan leer nie?<br />
“Jou kennis van die dorp<br />
gaan ’n behoorlike gatskop kry.<br />
Jy gaan dinge sien en hoor wat<br />
nog nooit tevore aan jou vertel<br />
is nie,” verseker Jeremy. Hy beskryf<br />
die toer as ’n totale rondskuif<br />
van die geskiedenis wat<br />
ons tot nou toe geken het.<br />
’n Paar interessante feite:<br />
) Daar is meer as 135 plekke<br />
om rotstekeninge rondom<br />
Oudtshoorn te vind.<br />
) Die dorp se leuse, “Till<br />
Death”, was aanvanklik die familiewapen<br />
van die Van Reedefamilie,<br />
maar het later die dorp<br />
se leuse ook geword.<br />
) Die eerste Skrikkeljaar-kriekettoernooi<br />
is in 1888 tussen ’n<br />
mans- en vrouespan gehou. Die<br />
wedstryd is beëindig toe ’n vrou<br />
bo-oor geboul het – soos ’n man<br />
– in plaas van onderdeur – soos<br />
rolbal – soos dit ’n vrou betaam.<br />
) Die dorpe se straatname het<br />
oor die jare verander soos die<br />
bewind in die Kaapkolonie tussen<br />
die Britte en die Hollanders<br />
hande verwissel het.<br />
) Een van die stopplekke op die<br />
toer is die pragtige volstruispaleis<br />
Montague House, wat eens<br />
skuilplek gehad het vir agt perde<br />
en twee koetse.<br />
) Erfeniswandeling. Daagliks om<br />
16:00 van die Oudtshoorntoerismekantoor.<br />
Geborg deur die ATKV